| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | | │ ᠵᠡᠭᠦᠳᠥᠨ ᠳᠤ ᠮᠢᠨᠢ ᠢᠷᠡᠭᠰᠡᠨ ᠪᠥᠭᠦᠶᠢᠯᠡ ᠭᠡᠥᠭᠡᠨᠴᠤᠤᠯ ᠳᠤ ᠵᠣᠷᠢᠭᠤᠯᠪᠠ | ᠭᠤᠳᠤᠮᠵᠢ ᠪᠠᠷ ᠵᠥᠷᠢᠭᠦ ᠳᠤ | ᠠᠩᠬᠠ ᠴᠢᠮᠠᠢᠢ ᠬᠠᠷᠠᠭᠰᠠᠨ ᠰᠢᠤ᠂ ᠰᠥᠨᠳᠡᠷᠮᠠ | ᠭᠤᠪᠠᠢ ᠴᠢᠷᠠᠢ ᠭᠤᠩᠬᠠᠭᠰᠠᠨ ᠪᠡᠶᠡ ᠴᠢᠨᠢ | ᠵᠢᠷᠥᠭᠡ ᠶᠢ ᠮᠢᠨᠢ ᠠᠪᠤᠭᠠᠳ ᠶᠠᠪᠤᠴᠢᠬᠠᠭᠰᠠᠨ ᠰᠢᠤ᠂ ᠰᠥᠨᠳᠡᠷᠮᠠ | ᠭᠤᠷᠪᠠᠨ ᠰᠠᠷᠠ ᠶᠢᠨ ᠴᠡᠴᠡᠭ ᠤᠨ ᠰᠠᠯᠭᠢ ᠶᠢ | ᠴᠢᠮᠠ ᠠᠴᠠ ᠯᠠ ᠮᠡᠳᠡᠷᠡᠭᠰᠡᠨ ᠳ᠋ᠠ᠂ ᠰᠥᠨᠳᠡᠷᠮᠠ | ᠭᠤᠯᠭᠢᠵᠤ ᠴᠠᠯᠭᠢᠭᠰᠠᠨ ᠬᠠᠶᠢᠷᠠ ᠮᠢᠨᠢ | ᠲᠡᠷᠡ ᠯᠠ ᠥᠶᠡ ᠠᠴᠠ ᠵᠢᠯᠤᠭᠤ ᠠᠯᠳᠠᠭᠰᠠᠨ ᠳ᠋ᠠ᠂ ᠰᠥᠨᠳᠡᠷᠮᠠ | ᠠᠭᠤᠯᠠ ᠶᠢᠨ ᠬᠤᠶᠠᠷ ᠤᠷᠭᠢᠯ ᠰᠢᠭ᠋ | ᠤᠴᠠᠷᠠᠵᠤ ᠴᠢᠳᠠᠬᠤ ᠥᠭᠡᠢ ᠤᠳᠠᠯᠠ᠂ ᠰᠥᠨᠳᠡᠷᠮᠠ | ᠤᠰᠤᠨ ᠤ ᠬᠤᠤᠰ ᠠᠩᠭᠢᠷ ᠰᠢᠭ᠋ | ᠢᠵᠢᠯᠢᠰᠢᠵᠤ ᠳᠠᠰᠤᠨᠠ ᠭᠡᠵᠥ ᠢᠳᠡᠭᠡᠯᠡ᠂ ᠰᠥᠨᠳᠡᠷᠮᠠ | ᠤᠬᠠᠭᠠᠨ ᠥᠭᠡᠢ ᠬᠠᠶᠢᠷᠠ ᠶᠢ ᠮᠢᠨᠢ ᠤᠶᠢᠯᠠᠭᠠᠬᠤ ᠥᠭᠡᠢ ᠶᠤᠮ ᠡ︕ ᠭᠡᠵᠥ | ᠭᠤᠮᠤᠳᠠᠵᠤ ᠶᠠᠪᠤᠯᠠ᠂ ᠰᠥᠨᠳᠡᠷᠮᠠ | ᠥᠢᠯᠡ ᠶᠢᠨ ᠥᠷᠡ ᠥᠭᠡᠢ ᠬᠠᠨᠢᠯᠠᠬᠤ ᠶᠢᠨ ᠵᠠᠶᠠᠭᠠ ᠪᠤᠢ ᠭᠡᠵᠥ | ᠪᠤᠷᠬᠠᠨ ᠳᠠᠭᠠᠨ ᠵᠠᠯᠪᠠᠷᠢᠵᠤ ᠲᠠᠶᠢᠪᠤᠰᠢᠷᠠᠯᠠ᠂ ᠰᠥᠨᠳᠡᠷᠮᠠ | ᠭᠥᠭᠡᠮᠳᠥᠭ ᠬᠠᠩᠭᠠᠢ ᠶᠢᠨ ᠢᠨᠵᠠᠭᠠ ᠰᠢᠭ᠋ | ᠤᠷᠤᠭᠠ ᠴᠤᠯᠭᠢᠨ ᠰᠥᠨᠳᠡᠷᠮᠠ | ᠭᠥᠯᠢᠶᠡᠭᠦ ᠳᠤᠳᠤᠮ ᠢᠶᠠᠨ ᠠᠯᠳᠠᠴᠢᠬᠠᠨᠠ ᠭᠡᠵᠥ | ᠥᠭᠦᠳᠡᠯᠡ ᠬᠠᠷᠠᠮᠨᠠᠮᠠᠷ ᠰᠥᠨᠳᠡᠷᠮᠠ | ᠤᠶᠠᠩᠭᠠ ᠶᠢᠨ ᠳᠠᠩᠰᠤᠭ ᠰᠢᠯᠥᠭ ᠤᠨ | ᠮᠥᠷ ᠪᠠᠳᠠᠭ ᠰᠢᠭ᠋ ᠰᠥᠨᠳᠡᠷᠮᠠ | ᠤᠳᠠᠬᠤ ᠳᠤᠳᠤᠮ ᠢᠶᠠᠨ ᠪᠡᠭᠳᠡᠷᠡᠳᠡᠯᠡ ᠰᠠᠨᠠᠵᠤ | ᠠᠰᠬᠠᠷᠠᠳᠠᠯᠠ ᠤᠭᠢᠯᠠᠮᠠᠷ ᠰᠥᠨᠳᠡᠷᠮᠠ | ᠤᠢ ᠶᠢᠨ ᠴᠤᠭᠤᠷᠬᠠᠢ ᠶᠢᠨ ᠨᠠᠷᠠᠨ | ᠰᠤᠯᠤᠩᠭᠠᠷᠠᠵᠤ ᠬᠠᠷᠠᠭᠳᠠᠳᠠᠭ ᠭᠡᠪᠡ ᠤᠤ︖ ᠰᠥᠨᠳᠡᠷᠮᠠ | ᠤᠷᠤᠶᠢᠳᠠᠭᠰᠠᠨ ᠬᠠᠶᠢᠷᠠ ᠶᠢᠨ ᠥᠯᠢᠭᠡᠷ | ᠬᠠᠨᠵᠠᠷᠠᠵᠤ ᠭᠠᠩᠰᠠᠷᠠᠳᠠᠭ ᠭᠡᠪᠡ ᠤᠤ︖ᠰᠥᠨᠳᠡᠷᠮᠠ | ᠤᠷᠤᠢ ᠨᠠᠮᠤᠷ ᠤᠨ ᠭᠢᠷᠠᠭᠤᠨ ᠳᠤ | ᠴᠡᠴᠡᠭ ᠤᠨ ᠮᠠᠨᠠᠨ ᠳᠠᠳᠠᠳᠠᠭ ᠭᠡᠪᠡ ᠤᠤ︖ ᠰᠥᠨᠳᠡᠷᠮᠠ | ᠤᠨᠤᠵᠤ ᠠᠯᠳᠠᠬᠤ ᠶᠢᠨ ᠬᠤᠷᠸᠠ ᠳᠤ | ᠰᠠᠶᠢᠬᠠᠨ ᠪᠥᠭᠦᠨ ᠭᠢᠰᠠᠭᠠᠨ ᠲᠠᠢ ᠭᠡᠪᠡ ᠤᠤ︖ᠰᠥᠨᠳᠡᠷᠮᠠ | ᠤᠷᠤᠭᠤᠯ ᠢ ᠴᠢᠨᠢ ᠠᠩᠬᠠ ᠥᠨᠥᠰᠭᠦ ᠳᠤ | ᠡᠭᠦᠯᠡ ᠵᠠᠶᠢᠮᠤᠷᠠᠳᠠᠯᠠ ᠢᠴᠢᠭᠰᠡᠨ ᠲᠡᠶᠢᠮᠤ ᠡ᠂ ᠰᠥᠨᠳᠡᠷᠮᠠ | ᠤᠰᠤᠨ ᠪᠤᠯᠤᠷ ᠨᠢᠳᠤ ᠪᠠᠨ ᠴᠢ ᠪᠥᠷ | ᠲᠠᠭ ᠠᠨᠢᠴᠢᠬᠠᠭᠰᠠᠨ ᠲᠡᠶᠢᠮᠤ ᠡ᠂ ᠰᠥᠨᠳᠡᠷᠮᠠ | ᠤᠯᠢᠶᠠᠰᠤ ᠰᠢᠭ᠋ ᠨᠢᠷᠤᠭᠤ ᠶᠢ ᠴᠢᠨᠢ ᠠᠶᠠᠷᠬᠠᠨ ᠲᠡᠪᠡᠷᠢᠭᠦ ᠳᠤ | ᠠᠩᠬᠠᠨ ᠤ ᠴᠠᠰᠤ ᠬᠠᠶᠠᠯᠠᠭᠰᠠᠨ ᠲᠡᠶᠢᠮᠤ ᠡ᠂ ᠰᠥᠨᠳᠡᠷᠮᠠ | ᠠᠭᠤᠰᠴᠣ ᠪᠡᠶᠡ ᠪᠡᠶᠡᠨ ᠳᠡᠭᠡᠨ ᠰᠢᠩᠭᠡᠭᠦ ᠳᠤ | ᠭᠤᠳᠤᠮᠵᠢ ᠶᠢᠨ ᠭᠡᠷᠡᠯ ᠤᠨᠳᠠᠷᠠᠴᠢᠬᠠᠭᠰᠠᠨ ᠲᠡᠶᠢᠮᠤ ᠡ᠂ ᠰᠥᠨᠳᠡᠷᠮᠠ | ᠨᠠᠮᠠᠢᠢ ᠢᠷᠡᠨᠡ ᠭᠡᠵᠥ ᠡᠭᠦᠳᠡ ᠪᠠᠨ ᠲᠥᠭᠵᠢᠭᠦ ᠥᠭᠡᠢ | ᠬᠤᠨᠤᠳᠠᠭ ᠭᠡᠰᠡᠨ ᠲᠡᠶᠢᠮᠤ ᠡ᠂ ᠰᠥᠨᠳᠡᠷᠮᠠ | ᠨᠠᠷᠠᠨ ᠤ ᠭᠡᠭᠡ ᠪᠠᠷ ᠵᠡᠭᠦᠳᠥᠨ ᠠᠴᠠ ᠪᠠᠨ ᠰᠡᠷᠢᠵᠥ ᠭᠠᠭᠴᠠᠭᠠᠷ ᠪᠠᠶᠢᠭᠠ ᠳᠠᠭᠠᠨ | ᠭᠤᠨᠢᠳᠠᠭ ᠭᠡᠰᠡᠨ ᠲᠡᠶᠢᠮᠤ ᠡ᠂ ᠰᠥᠨᠳᠡᠷᠮᠠ | ᠨᠠᠯᠠᠭᠠᠷ ᠭᠤᠪᠢ ᠶᠢᠨ ᠡᠵᠡᠭᠦᠢ ᠭᠡᠭᠡᠷᠡ ᠬᠤᠶᠠᠭᠤᠯᠠᠬᠠᠨ ᠢᠶᠠᠨ ᠪᠠᠶᠢᠭᠠᠰᠠᠢ ᠭᠡᠵᠥ | ᠭᠥᠰᠡᠳᠡᠭ ᠭᠡᠰᠡᠨ ᠲᠡᠶᠢᠮᠤ ᠡ᠂ ᠰᠥᠨᠳᠡᠷᠮᠠ | ︽ ᠨᠠᠢᠮᠠᠨ ᠰᠢᠷᠭᠠ︾ ᠲᠥᠷᠥᠭᠦᠯᠥᠭᠡᠳ ᠥᠭᠴᠢᠭᠡᠨᠡ ᠳ᠋ᠠ ᠴᠢᠮᠠᠳᠤ ᠭᠡᠵᠥ | ᠭᠥᠨᠵᠢᠯᠡ ᠪᠠᠨ ᠲᠡᠪᠡᠷᠢᠵᠥ ᠲᠤᠨᠢᠷᠬᠠᠳᠠᠭ ᠭᠡᠰᠡᠨ ᠲᠡᠶᠢᠮᠤ ᠡ᠂ ᠰᠥᠨᠳᠡᠷᠮᠠ | ᠠᠦ᠋ᠲ᠋ᠦ᠋ᠫᠤᠰ ᠤᠨ ᠵᠤᠭᠰᠤᠭᠠᠯ ᠲᠡᠭᠡᠷᠡ ᠴᠢᠮᠠᠢᠢ | ᠲᠡᠷᠭᠡ ᠭᠥᠯᠢᠶᠡᠵᠥ ᠵᠤᠭᠰᠤᠬᠤ ᠳᠤ ᠴᠢᠨᠢ | ᠠᠷᠭᠠ ᠠᠯᠳᠠᠭᠤᠯᠤᠭᠰᠠᠨ ᠥᠯᠥᠨ ᠨᠢᠳᠤ ᠨᠦᠭᠦᠳ | ᠮᠡᠩᠭᠡ ᠰᠢᠭ ᠨᠠᠭᠠᠯᠳᠤᠭᠰᠠᠨ ᠭᠡᠪᠡ ᠤᠤ︖ ᠰᠥᠨᠳᠡᠷᠮᠠ | ᠠᠮᠠᠷᠠᠬᠤ ᠶᠢᠨ ᠲᠤᠯᠤᠭᠠᠢ ᠲᠡᠭᠡᠷᠡ ᠭᠠᠷ ᠤᠳᠠᠰᠤ ᠴᠢᠨᠢ | ᠵᠤᠭᠰᠤᠭᠠ ᠵᠢᠯᠤᠭᠤ ᠥᠭᠡᠢ ᠱᠠᠷᠭᠢᠵᠤ | ᠠᠷᠪᠠᠨ ᠵᠥᠭ ᠤᠨ ᠪᠤᠯᠵᠤᠭᠠᠨ ᠳᠤ ᠱᠠᠯᠠᠭᠠᠳ | ᠶᠠᠳᠠᠷᠠᠭᠠ ᠲᠠᠢ ᠭᠡᠯᠡ ᠤᠤ︖ ᠰᠥᠨᠳᠡᠷᠮᠠ | ᠵᠥᠭ ᠥᠭᠡᠢ ᠬᠠᠷᠠᠴᠤᠤᠯ ᠵᠥᠭᠡᠷ ᠴᠢᠮᠠᠢᠢ | ᠰᠠᠭᠤᠯᠭᠠᠳᠠᠭ ᠥᠭᠡᠢ ᠪᠠᠶᠢᠬᠠ᠂ ᠰᠥᠨᠳᠡᠷᠮᠠ | ᠵᠢᠮᠢᠰᠥᠨ ᠤᠷᠤᠭᠤᠯ ᠢ ᠴᠢᠨᠢ ᠵᠡᠭᠦᠳᠥᠯᠡᠳᠡᠭ ᠡᠷᠡᠴᠥᠥᠯ | ᠤᠯᠠᠨ ᠪᠠᠶᠢᠳᠠᠭ ᠪᠠᠶᠢᠬᠠ᠂ ᠰᠥᠨᠳᠡᠷᠮᠠ | ᠵᠢᠷᠥᠭᠡ ᠪᠠᠨ ᠭᠢᠮᠳᠠᠬᠠᠨ ᠵᠠᠷᠤᠴᠢᠬᠠᠳᠠᠭ | ᠭᠤᠳᠤᠮᠵᠢ ᠵᠢᠨᠭᠤᠳᠤᠭᠠᠨᠠᠭᠤᠷ ᠴᠢ ᠪᠢᠰᠢ ᠡ᠂ ᠰᠥᠨᠳᠡᠷᠮᠠ | ᠵᠢᠰᠤᠨ ᠵᠥᠢᠯ ᠤᠨ ᠵᠢᠷᠥᠭᠡ ᠨᠦᠭᠦᠳ ᠵᠥᠩᠳᠡᠭᠡᠨ | ︽ᠥᠭᠦᠭᠡᠳ︾ ᠪᠤᠴᠠᠭᠰᠠᠨ ᠪᠠᠶᠢᠬᠠ᠂ ᠰᠥᠨᠳᠡᠷᠮᠠ | ᠠᠭᠤᠯᠠ ᠠᠭᠤᠯᠠ ᠶᠢᠨ ᠴᠢᠯᠠᠭᠤ ᠪᠥᠭᠦᠨ | ᠤᠨᠳᠤᠤ ᠪᠠᠶᠢᠳᠠᠭ᠂ ᠲᠡᠶᠢᠮᠤ ᠤᠤ︖ ᠰᠥᠨᠳᠡᠷᠮᠠ | ᠤᠰᠤ ᠤᠰᠤᠨ ᠤ ᠠᠮᠳᠠ ᠪᠥᠭᠦᠨ | ᠥᠮᠨᠥᠭᠡᠨ ᠪᠠᠶᠢᠳᠠᠭ᠂ ᠲᠡᠶᠢᠮᠥ ᠤᠤ︖ ᠰᠥᠨᠳᠡᠷᠮᠠ | ᠴᠡᠴᠡᠭ ᠪᠤᠯᠭᠠᠨ ᠨᠢᠳᠤ ᠬᠤᠵᠢᠷᠯᠠᠬᠤ ᠶᠢᠨ ᠲᠥᠯᠥᠭᠡ | ᠲᠡᠯᠭᠡᠷᠡᠳᠡᠭ ᠭᠡᠭᠦ ᠶᠢᠨ ᠠᠷᠭᠠ ᠥᠭᠡᠢ᠂ ᠰᠥᠨᠳᠡᠷᠮᠠ | ᠴᠡᠮᠴᠡᠭᠡᠷ ᠪᠤᠯᠭᠠᠨ ᠮᠥᠩᠭᠦᠨ ᠤ ᠬᠤᠷᠤᠬᠠᠢ ᠪᠠᠶᠢᠬᠤ ᠶᠢᠨ | ᠠᠯᠪᠠ ᠥᠭᠡᠢ᠂ ᠰᠥᠨᠳᠡᠷᠮᠠ | ᠮᠥᠩᠭᠦᠨ ᠳᠤ ᠲᠤᠷᠤᠭᠰᠠᠨ ᠠᠮᠢᠳᠤᠷᠠᠯ | ᠤᠳᠠᠰᠤᠨ ᠠᠮᠢ ᠲᠠᠢ ᠪᠢᠯᠡ᠂ ᠰᠥᠨᠳᠡᠷᠮᠠ | ᠥᠩᠭᠡᠨ ᠳᠤ ᠲᠡᠭᠡᠭᠯᠡᠭᠰᠡᠨ ᠵᠢᠷᠭᠠᠯ | ᠲᠤᠷᠭᠤᠨ ᠵᠠᠶᠠᠭᠠ ᠲᠠᠢ ᠪᠢᠯᠡ᠂ ᠰᠥᠨᠳᠡᠷᠮᠠ | ᠮᠥᠨᠳᠥᠷ ᠴᠠᠭᠠᠨ ᠰᠡᠳᠭᠢᠯ ᠯᠡ | ᠮᠥᠩᠭᠡ ᠶᠢᠨ ᠲᠠᠪᠢᠯᠠᠩ ᠲᠠᠢ ᠶᠢ ᠤᠬᠠᠭᠠᠷᠠᠯᠠ᠂ ᠰᠥᠨᠳᠡᠷᠮᠠ | ᠮᠥᠷᠥᠭᠡᠳᠥᠯ ᠤᠨ ᠴᠡᠩᠭᠡᠷ ᠠᠭᠠᠷ ᠲᠤ | ᠬᠤᠨ ᠰᠢᠭ᠋ ᠢᠵᠢᠯᠢᠳᠭᠦ ᠶᠢ ᠰᠠᠨᠠᠯᠠ᠂ ᠰᠥᠨᠳᠡᠷᠮᠠ | ᠤᠳᠤᠳ ᠤᠨ ᠭᠡᠭᠡ ᠶᠢ ᠰᠥᠯᠵᠢᠵᠤ | ᠴᠢᠮᠠᠳᠠᠭᠠᠨ ᠰᠢᠯᠥᠭ ᠪᠢᠴᠢᠭᠦ ᠰᠠᠨ᠂ ᠰᠥᠨᠳᠡᠷᠮᠠ | ᠤᠩᠭᠤᠨ ᠬᠠᠶᠢᠷᠠ ᠪᠠᠨ ᠨᠡᠶᠢᠳᠭᠡᠵᠥ | ᠴᠢᠮᠠᠳᠠᠭᠠᠨ ᠲᠠᠭᠤᠤ ᠵᠤᠭᠢᠶᠠᠬᠤ ᠰᠠᠨ᠂ ᠰᠥᠨᠳᠡᠷᠮᠠ | ᠤᠨᠤᠨ ᠮᠥᠷᠡᠨ ᠤ ᠲᠤᠯᠭᠢᠰ ᠲᠡᠭᠡᠷᠡ | ᠵᠢᠰᠥ ᠶᠢ ᠴᠢᠨᠢ ᠰᠡᠶᠢᠯᠵᠥ ᠥᠯᠡᠳᠡᠭᠡᠭᠦ ᠰᠠᠨ᠂ ᠰᠥᠨᠳᠡᠷᠮᠠ | ᠤᠷᠴᠢᠯᠠᠩ ᠤᠨ ᠴᠡᠴᠡᠭ ᠪᠤᠯᠭᠠᠨ ᠤ ᠰᠤᠨᠤᠰᠬᠤᠯᠠᠩ ᠳᠤ | ᠨᠡᠷᠡ ᠶᠢ ᠴᠢᠨᠢ ᠰᠢᠪᠡᠨᠡᠵᠥ ᠰᠢᠩᠭᠡᠭᠡᠭᠦ ᠰᠠᠨ᠂ ᠰᠥᠨᠳᠡᠷᠮᠠ | ᠰᠠᠷᠠᠨ ᠤ ᠲᠤᠶᠠᠭᠠ ᠮᠡᠯᠮᠡᠷᠡᠭᠦᠯᠥᠨ | ᠵᠡᠭᠦᠳᠥᠨ ᠵᠡᠭᠦᠳᠥᠨ ᠰᠥᠨᠳᠡᠷᠮᠠ | ᠰᠠᠭᠠᠳᠠᠨ ᠰᠠᠭᠠᠳᠠᠨ ᠭᠥᠯᠢᠶᠡᠭᠦ ᠳᠤ | ᠢᠷᠡᠨ ᠢᠷᠡᠨ ᠰᠥᠨᠳᠡᠷᠮᠠ | ᠰᠠᠨᠠᠭᠠᠨ ᠤ ᠠᠶᠠᠯᠭᠤ ᠡᠷᠭᠡᠯᠡᠭᠦᠯᠥᠨ | ᠢᠷᠡᠨ ᠢᠷᠡᠨ ᠰᠥᠨᠳᠡᠷᠮᠠ | ᠰᠠᠷᠠᠭᠠᠢ ᠤᠷᠤᠭᠤᠯ ᠢ ᠨᠢ ᠥᠨᠥᠰᠭᠦ ᠳᠤ | ᠬᠠᠶᠢᠯᠤᠨ ᠬᠠᠶᠢᠯᠤᠨ ᠰᠥᠨᠳᠡᠷᠮᠠ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |