| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | ᠬᠠᠷᠠ ᠤᠰᠤᠨ ᠨᠢᠳᠤᠨ ᠳᠤ ᠴᠢᠨᠢ ᠴᠤᠯᠮᠤᠨ ᠤᠳᠤ ᠭᠡᠷᠡᠯᠳᠥᠵᠤ ᠪᠠᠶᠢᠭᠰᠠᠨ ᠢ | ᠬᠠᠰ ᠴᠠᠭᠠᠨ ᠰᠢᠳᠤᠨ ᠳᠤ ᠴᠢᠨᠢ ᠮᠡᠴᠢᠳ ᠤᠨ ᠭᠡᠭᠡ ᠪᠥᠳᠥᠷᠢᠵᠤ ᠪᠠᠶᠢᠭᠰᠠᠨ ᠢ | ᠬᠠᠪᠤᠷ ᠤᠨ ᠢᠷᠭᠤᠢ ᠰᠢᠭ᠋ ᠤᠷᠤᠭᠤᠯ ᠠᠴᠠ ᠴᠢᠨᠢ ᠵᠢᠷᠭᠠᠯ ᠤᠨ ᠠᠮᠳᠠ ᠠᠰᠬᠠᠷᠠᠵᠤ ᠪᠠᠶᠢᠭᠰᠠᠨ ᠢ | ᠬᠠᠷᠢᠶᠠᠴᠠᠢ ᠶᠢᠨ ᠵᠢᠭᠦᠷ ᠰᠢᠭ ᠰᠤᠷᠮᠤᠤᠰᠤ ᠠᠴᠠ ᠴᠢᠨᠢ ᠬᠠᠶᠢᠷᠠ ᠶᠢᠨ ᠨᠢᠯᠪᠤᠰᠤ ᠰᠢᠭᠦᠳᠡᠷᠢᠯᠡᠵᠥ ᠪᠠᠶᠢᠭᠰᠠᠨ ᠢ | ᠮᠠᠷᠳᠠᠭᠠ ᠥᠭᠡᠢ ᠪᠢᠵᠡ ᠳ᠋ᠡ᠂ ᠴᠢ ᠮᠢᠨᠢ | ᠰᠠᠨᠠᠵᠤ ᠯᠠ ᠶᠠᠪᠤᠨᠠ ᠰᠢᠤ᠂ ᠴᠢᠮᠠᠢᠢ ᠪᠠᠨ | ᠨᠠᠮᠤᠷ ᠤᠨ ᠰᠥᠨᠢ ᠶᠢᠨ ᠤᠳᠤᠳ ᠠᠯᠠᠭᠠᠨ ᠲᠡᠭᠡᠷᠡ ᠶᠤᠮ ᠰᠢᠭ ᠪᠠᠶᠢᠭᠰᠠᠨ | ᠨᠠᠪᠴᠢᠰ ᠤᠨ ᠵᠥᠭᠡᠯᠡᠨ ᠰᠡᠷᠴᠢᠭᠡᠨᠡᠭᠡ ᠵᠢᠷᠤᠭᠡᠨ ᠲᠡᠭᠡᠷᠡ ᠡᠭᠰᠢᠵᠤ ᠪᠠᠶᠢᠭᠰᠠᠨ | ᠤᠷᠤᠶᠢᠳᠠᠭᠰᠠᠨ ᠪᠤᠷᠤᠭᠠᠨ ᠤ ᠥᠨᠥᠷ ᠡᠩᠭᠡᠷ ᠨᠡᠪᠳᠡ ᠴᠢᠮᠴᠢᠭᠢᠨᠡᠵᠤ ᠪᠠᠶᠢᠭᠰᠠᠨ ᠤᠩᠭᠤᠨ ᠬᠤᠶᠠᠷ ᠰᠢᠪᠠᠭᠤ ᠰᠢᠭ᠋ | ᠬᠠᠨᠳᠤᠭᠰᠠᠨ ᠵᠥᠭ ᠲᠡᠭᠡᠨ ᠶᠠᠪᠤᠭᠠᠳ ᠥᠭᠭᠦᠮᠡᠷ ᠪᠠᠶᠢᠭᠰᠠᠨ | ᠲᠡᠷᠡ ᠥᠳᠡᠰᠢ ᠶᠢ ᠰᠠᠨᠠᠵᠤ ᠪᠠᠶᠢᠨᠠ ᠤᠤ︖ | ᠲᠡᠭᠷᠢ ᠶᠢᠨ ᠤᠳᠤᠳ ᠤᠶᠢᠷᠠᠬᠠᠨ ᠪᠠᠶᠢᠭᠰᠠᠨ ᠰᠢᠤ | ᠨᠢᠯᠬᠠᠷᠠᠵᠤ ᠡᠷᠭᠡᠯᠡᠭᠰᠡᠨ ᠲᠠᠭᠤ ᠴᠢᠨᠢ ᠴᠢᠭᠢᠨ ᠳᠤ ᠮᠢᠨᠢ ᠨᠠᠮᠢᠯᠵᠠᠨᠠ | ᠨᠢᠮᠭᠡᠨ ᠤᠷᠤᠭᠤᠯ ᠤᠨ ᠴᠢᠨᠢ ᠠᠮᠳᠠ ᠲᠠᠩᠨᠠᠢ ᠳᠤ ᠮᠢᠨᠢ ᠬᠤᠷᠭᠤᠨᠠ | ᠱᠠᠨᠵᠠ ᠶᠢᠨ ᠡᠭᠡᠰᠢᠭ ᠰᠢᠭ ᠥᠭᠡ ᠴᠢᠨᠢ ᠴᠡᠭᠡᠵᠢᠨ ᠳᠤ ᠮᠢᠨᠢ ᠴᠤᠤᠷᠢᠶᠠᠳᠤᠨᠠ | ᠱᠠᠩᠬᠤᠨ ᠤ ᠴᠢᠨᠢ ᠮᠢᠨᠳᠠᠰᠤᠨ ᠰᠡᠪᠢᠯᠭᠡ ᠲᠤᠷᠠᠰᠤᠯ ᠳᠤ ᠮᠢᠨᠢ ᠨᠠᠮᠢᠷᠠᠨᠠ | ᠬᠠᠶᠢᠷᠠ ᠶᠢᠨ ᠲᠡᠷᠡ ᠥᠳᠡᠰᠢ ᠪᠠᠨ ᠰᠠᠨᠠᠵᠤ ᠪᠠᠶᠢᠨᠠ ᠤᠤ︖ | ᠬᠠᠵᠠᠭᠠᠷ ᠲᠠᠢ ᠮᠤᠷᠢ ᠲᠡᠷᠡᠦᠬᠡᠡ ᠳᠤ ᠲᠤᠷᠭᠢᠵᠤ ᠪᠠᠶᠢᠭᠰᠠᠨ ᠰᠢᠤ | ᠤᠷᠤᠭᠤᠯ ᠤᠨ ᠴᠢᠨᠢ ᠭᠡ ᠶᠢ ᠤᠷᠤᠭᠤᠯ ᠳᠠᠭᠠᠨ ᠪᠢ ᠰᠢᠩᠭᠡᠭᠡᠭᠰᠡᠨ ᠶᠤᠮ | ᠬᠤᠷᠤᠭᠤᠨ ᠤ ᠴᠢᠨᠢ ᠤᠷᠤᠮ ᠢ ᠬᠤᠷᠮᠤᠰᠳᠠ ᠶᠢᠨ ᠰᠤᠪᠢᠩ ᠳᠤ ᠨᠡᠪᠴᠢᠭᠡᠭᠰᠡᠨ ᠶᠤᠮ | ᠵᠢᠷᠤᠭᠡᠨ ᠤ ᠴᠢᠨᠢ ᠴᠤᠭᠢᠯᠭᠠ ᠶᠢ ᠠᠯᠤᠰ ᠤᠨ ᠤᠳᠤᠨ ᠠᠴᠠ ᠮᠡᠳᠡᠷᠡᠭᠰᠡᠨ ᠶᠤᠮ | ᠵᠢᠰᠤᠨ ᠤ ᠴᠢᠨᠢ ᠲᠤᠩᠭᠠᠯᠠᠭ ᠢ ᠴᠡᠴᠡᠭ ᠤᠨ ᠲᠡᠯᠪᠡᠭᠡᠨ ᠠᠴᠠ ᠬᠠᠷᠠᠭᠰᠠᠨ ᠶᠤᠮ | ᠲᠡᠭᠷᠢᠯᠢᠭ ᠲᠡᠷᠡ ᠥᠳᠡᠰᠢ ᠶᠢ ᠰᠠᠨᠠᠵᠤ ᠪᠠᠶᠢᠨᠠ ᠤᠤ︖ | ᠲᠡᠷᠭᠡᠯ ᠲᠡᠯᠡᠭᠡᠢ ᠪᠥᠭᠦᠨ ᠢᠶᠠᠷ ᠢᠶᠠᠨ ᠪᠢᠳᠠᠨ ᠤ ᠬᠢ ᠪᠠᠶᠢᠭᠰᠠᠨ ᠶᠤᠮ ᠰᠢᠤ | ᠴᠢᠨᠤ ᠤᠷᠤᠭᠤᠯ ᠢᠶᠠᠷ ᠲᠠᠮᠵᠢᠨ ᠤᠷᠤᠰᠴᠤ ᠢᠷᠡᠭᠰᠡᠨ ᠪᠠᠶᠢᠬᠤ ᠪᠤᠢ ᠭᠡᠮᠡᠨ | ᠴᠡᠴᠡᠭ ᠤᠨ ᠭᠥᠭᠡᠮᠡᠢ ᠲᠠᠢ ᠰᠠᠯᠭᠢ ᠪᠠᠷ ᠥᠨᠥᠰᠥᠭᠦᠯᠵᠥ ᠠᠭᠤᠵᠢᠷᠠᠯᠠ᠂ ᠪᠢ | ᠴᠢᠨᠤ ᠢᠯᠡᠭᠡᠭᠰᠡᠨ ᠬᠠᠶᠢᠷᠠ ᠶᠢᠨ ᠵᠠᠭᠢᠶᠠ ᠪᠠᠶᠢᠬᠤ ᠪᠤᠢ ᠭᠡᠮᠡᠨ ᠴᠡᠭᠴᠡᠥᠭᠡᠢ ᠰᠢᠪᠠᠭᠤᠨ ᠤ ᠵᠢᠷᠭᠢᠭᠡ ᠶᠢ ᠰᠤᠨᠤᠰᠴᠤ | ᠲᠠᠶᠢᠳᠬᠤᠷᠠᠯᠠ᠂ ᠪᠢ | ᠪᠤᠭᠤᠨᠢᠬᠠᠨ ᠲᠡᠷᠡ ᠥᠳᠡᠰᠢ ᠶᠢ ᠰᠠᠨᠠᠵᠤ ᠪᠠᠶᠢᠨᠠ ᠤᠤ︖ | ᠪᠤᠳᠤᠭᠤᠨ ᠤ ᠨᠢᠳᠤ ᠰᠢᠭ ᠭᠥᠭᠡᠷᠥᠭᠦᠨ ᠪᠠᠶᠢᠭᠰᠠᠨ ᠰᠢᠤ | ᠤᠳᠠᠰᠤ ᠢᠷᠡᠭᠦ ᠪᠤᠯᠪᠠ ᠤᠤ︖ ᠭᠡᠵᠥ ᠬᠠᠷᠠᠯᠠ᠂ ᠴᠢᠮᠡᠭᠡ ᠢᠷᠡᠭᠰᠡᠨ ᠥᠭᠡᠢ | ᠠᠭᠤᠯᠵᠠᠬᠤ ᠪᠤᠯᠪᠠ ᠤᠤ︖ ᠭᠡᠵᠥ ᠮᠥᠷᠥᠭᠡᠳᠥᠯᠡ᠂ ᠪᠠᠷᠠ ᠨᠢ ᠬᠠᠷᠠᠭᠳᠠᠭᠰᠠᠨ ᠥᠭᠡᠢ | ᠤᠳᠠᠬᠤ ᠥᠭᠡᠢ ᠢᠷᠡᠨᠡ ᠳ᠋ᠠ︕ ᠭᠡᠵᠥ ᠥᠪᠡᠷ ᠢ ᠪᠠᠨ ᠬᠠᠭᠤᠷᠴᠤ ᠲᠠᠶᠢᠪᠤᠰᠢᠷᠠᠯᠠ | ᠤᠤᠯ ᠨᠢ ᠨᠠᠮᠠᠢᠢ ᠮᠠᠷᠳᠠᠭᠰᠠᠨ ᠶᠤᠮ ᠪᠠᠶᠢᠬ ᠡ ᠭᠡᠵᠥ᠂ ᠡᠭᠦᠯᠡ ᠡᠭᠡᠳᠡᠷᠡᠭᠦᠯᠵᠥ ᠭᠤᠮᠤᠳᠠᠯᠠ | ᠤᠶᠢᠯᠠᠭᠠᠵᠤ ᠪᠠᠶᠢᠨᠠ ᠤᠤ︖ᠨᠠᠮᠠᠢᠢ | ᠤᠶᠢᠳᠬᠠᠷ ᠤᠨ ᠮᠠᠨᠠᠨ ᠳᠤ ᠲᠥᠭᠡᠷᠢᠵᠥ ᠯᠡ ᠶᠠᠪᠤᠭᠠ ᠰᠢᠤ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠶᠢᠨ ᠭᠤᠨᠢᠭ ᠰᠢᠯᠥᠭ ᠪᠤᠯᠤᠨ | ᠤᠷᠤᠰᠳᠠᠭ ᠶᠤᠮ ᠰᠢᠤ | ᠡᠷᠠ ᠭᠥᠮᠥᠨ ᠤ ᠨᠢᠯᠪᠤᠰᠤ ᠴᠢᠯᠠᠭᠤ ᠴᠠᠪᠠᠯᠠᠨ ᠠᠰᠬᠠᠷᠠᠳᠠᠭ ᠶᠤᠮ | ᠢᠳᠡᠷᠡᠭᠡᠨ ᠨᠠᠰᠤᠨ ᠳᠤ ᠤᠴᠠᠷᠠᠭᠰᠠᠨ ᠬᠠᠶᠢᠷᠠ ᠶᠢᠨ ᠲᠠᠪᠢᠯᠠᠩ ᠴᠢᠳᠤᠷ ᠲᠠᠢ ᠶᠤᠮᠰᠢᠤ | ᠡᠨᠡᠭᠡᠨ ᠤᠯᠳᠠᠭᠰᠠᠨ ᠨᠠᠰᠤᠨ ᠳᠤ ᠲᠤᠷᠠᠯᠠᠯ ᠤᠨ ᠬᠤᠭᠤᠴᠠᠭᠠ ᠪᠠᠶᠢᠳᠠᠭ ᠥᠭᠡᠢ ᠶᠤᠮ ᠰᠢᠤ | ᠰᠢᠯᠥᠭᠴᠢ ᠭᠥᠮᠥᠨ ᠢ ᠤᠶᠢᠯᠠᠭᠠᠵᠤ ᠶᠠᠪᠤᠭᠠᠷᠠᠢ | ᠰᠢᠭᠢᠷ ᠢᠶᠠᠷ ᠴᠤ ᠭᠡᠰᠡᠨ ᠠᠷᠭᠠᠳᠠᠵᠤ ᠶᠠᠪᠤᠭᠠᠷᠠᠢ | ᠴᠠᠯᠢᠩ ᠮᠥᠩᠭᠦᠨ ᠠᠶᠠᠭᠠᠨ ᠠᠴᠠ ᠴᠠᠢ ᠤᠭᠤᠴᠢᠯᠠᠨ | ᠴᠠᠰ ᠴᠠᠰ ᠭᠥᠭᠦᠷᠡᠵᠥ ᠪᠠᠶᠢᠬᠤ ᠪᠠᠷ ᠵᠡᠭᠦᠳᠥᠯᠡᠯᠡ | ᠴᠠᠰᠤᠨ ᠲᠤᠮᠳᠠᠭᠤᠷ ᠴᠡᠩᠭᠡᠷ ᠠᠯᠴᠢᠭᠤᠷ ᠨᠠᠮᠢᠷᠠᠭᠤᠯᠤᠨ | ᠴᠠᠩᠭᠢᠨᠠᠳᠠᠯᠠ ᠲᠠᠭᠤᠯᠠᠭᠠᠳ ᠨᠠᠳᠠ ᠤᠷᠤᠭᠤ ᠭᠥᠶᠥᠵᠥ ᠪᠠᠶᠢᠬᠤ ᠪᠠᠷ ᠴᠢᠨᠢ ᠲᠥᠰᠥᠭᠡᠯᠡᠯᠡ | ᠭᠥᠮᠥᠨ ᠤ ᠬᠢ ᠶᠤᠮ ᠪᠤᠯᠬᠤᠷ ᠶᠠᠭᠠᠭᠢᠶᠠ ᠭᠡᠭᠦᠪ | ᠭᠥᠰᠡᠵᠥ ᠯᠡ ᠶᠠᠪᠤᠬᠤ ᠠᠴᠠ ᠴᠠᠭᠠᠰᠢ ᠪᠠᠨ ᠶᠠᠭᠠᠭᠢᠬᠤᠪ | ᠭᠥᠭᠡᠭᠡᠭᠡᠳ ᠭᠥᠭᠡᠭᠡᠭᠡᠳ ᠪᠠᠷᠢᠭᠳᠠᠳᠠᠭ ᠥᠭᠡᠢ ᠰᠤᠯᠤᠩᠭᠠ ᠪᠠᠶᠢᠭᠰᠠᠨ ᠶᠤᠮ ᠤᠤ | ᠭᠥᠯᠢᠶᠡᠭᠡᠳ ᠭᠥᠯᠢᠶᠡᠭᠡᠳ ᠢᠷᠡᠳᠡᠭ ᠥᠭᠡᠢ ᠲᠤᠮᠤᠭ ᠪᠠᠶᠢᠭᠰᠠᠨ ᠶᠤᠮ ᠤᠤ | ᠭᠡᠵᠢᠶᠠ ᠴᠤ ᠭᠡᠰᠡᠨ ᠴᠢᠮᠠᠢᠢ | ᠭᠢᠰᠠᠭᠠᠨ ᠲᠠᠢ ᠬᠤᠷᠸᠠ ᠳᠤ ᠭᠥᠰᠡᠵᠤ ᠯᠡ ᠶᠠᠪᠤᠨᠠ ᠰᠢᠤ | ᠴᠢᠮᠠ ᠲᠠᠢ ᠪᠠᠨ ᠪᠢ ᠭᠡᠵᠢᠶᠠᠳᠠ ᠬᠠᠮᠳᠤ ᠯᠠ ᠪᠠᠶᠢᠮᠠᠷ ᠪᠠᠶᠢᠨᠠ | ᠴᠢᠮᠠᠢᠢ ᠪᠠᠨ ᠪᠢ ᠲᠡᠪᠡᠷᠢᠵᠤ ᠥᠨᠥᠰᠥᠭᠡᠳ ᠯᠠ ᠪᠠᠶᠢᠮᠠᠷ ᠪᠠᠶᠢᠨᠠ | ᠴᠢᠷᠮᠠᠨ ᠨᠢᠴᠥᠭᠦᠯᠡᠭᠡᠳ ᠲᠠᠭᠠᠯᠠᠵᠤ ᠭᠡᠪᠳᠡᠭᠡᠳ ᠯᠠ ᠪᠠᠶᠢᠮᠠᠷ ᠪᠠᠶᠢᠨᠠ | ᠴᠢᠩ ᠵᠢᠷᠤᠭᠡᠨ ᠤ ᠥᠭᠡ ᠪᠠᠨ ᠰᠢᠪᠡᠨᠡᠭᠡᠳ ᠵᠢᠷᠭᠠᠭᠠᠳ ᠪᠠᠶᠢᠮᠠᠷ ᠪᠠᠶᠢᠨᠠ | ᠲᠡᠯᠡᠭᠡᠢ ᠶᠢᠨ ᠴᠠᠭᠠᠲᠠᠢ ᠪᠠᠶᠢᠯᠠ ᠴᠤ ᠲᠡᠷᠭᠡᠳᠡ ᠮᠢᠨᠢ ᠪᠠᠶᠢᠬᠤ ᠪᠠᠷ ᠰᠨᠠᠵᠤ ᠶᠠᠪᠤᠶᠠ | ᠲᠡᠮᠡᠢ ᠪᠠᠯᠠᠢ ᠭᠡᠢ ᠰᠠᠨᠠᠵᠤ ᠲᠡᠪᠡᠯ ᠳᠡᠭᠡᠨ ᠪᠠᠭᠳᠠᠬᠤ ᠥᠭᠡᠢ ᠭᠤᠨᠢᠵᠤ ᠶᠠᠪᠤᠶᠠ | ᠲᠡᠨᠵᠢ ᠭᠠᠵᠠᠷ ᠤᠨ ᠴᠡᠴᠡᠭ ᠰᠢᠭ ᠴᠡᠴᠡᠭᠯᠡᠵᠥ ᠨᠢᠭᠡ᠂ ᠵᠤᠯᠭᠠᠷᠠᠵᠤ ᠨᠢᠭᠡ ᠮᠥᠷᠥᠭᠡᠳᠥᠶᠡ | ᠳ᠋ᠧᠩ ᠤᠨ ᠴᠠᠭᠠᠨ ᠡᠷᠪᠡᠭᠡᠢ ᠰᠢᠭ ᠬᠠᠶᠢᠷᠠ ᠶᠢᠨ ᠭᠠᠯ ᠳᠤ ᠴᠢᠨᠢ ᠰᠢᠳᠠᠵᠤ ᠪᠠᠶᠢᠶᠠ | ᠰᠠᠨᠠᠵᠤ ᠯᠠ ᠶᠠᠪᠤᠨᠠ ᠰᠢᠤ᠂ ᠪᠢ ᠴᠢᠮᠠᠢᠢ ᠪᠠᠨ | ᠰᠠᠨᠠᠬᠤ ᠶᠢᠨ ᠲᠤᠭᠠᠯᠠᠨ ᠢᠶᠠᠷ ᠰᠡᠮᠡᠷᠡᠵᠥ ᠯᠠ ᠶᠠᠪᠤᠨᠠ ᠰᠢᠤ︕ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |