| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | | ᠰᠠᠶᠢᠬᠠᠠ ᠴᠠᠶᠢᠠ ᠤ ᠳᠡᠭᠡᠵᠢ | ᠲᠠᠩᠨᠠᠢ ᠳᠤ ᠳᠠᠩᠳᠠ ᠠᠮᠳᠠᠭᠳᠠᠬᠤ ᠰᠢᠭ᠋ | ᠰᠠᠨᠴᠢᠭ ᠪᠤᠭᠤᠷᠤᠯ ᠪᠤᠭᠤᠳᠤ ᠮᠢᠨᠢ | ᠮᠦᠷᠦᠭᠡᠳᠦᠯ ᠤᠨ ᠵᠡᠯᠡᠡ ᠳᠤ ᠳᠡᠪᠬᠡᠴᠡᠬᠦ ᠶᠤᠮ | ᠰᠠᠶᠢᠠ ᠬᠦᠮᠦᠨ ᠤ ᠠᠯᠳᠠᠷ | ᠠᠮᠢᠳᠣᠷᠠᠯ ᠳᠤ ᠳᠠᠩᠳᠠ ᠦᠬᠡᠶᠢᠯᠡᠭᠳᠡᠬᠦ ᠰᠢᠭ | ᠰᠠᠷᠠᠭᠤᠯ ᠲᠠᠯᠠ ᠶᠢᠨ ᠪᠤᠭᠤᠳᠤ ᠮᠢᠨᠢ | ᠲᠦᠷᠦ ᠶᠢᠨ ᠮᠠᠩᠨᠠᠢ ᠳᠤ ᠭᠡᠷᠡᠯᠳᠦᠬᠦ ᠶᠤᠮ | ᠰᠠᠶᠢᠨ ᠪᠠᠶᠢᠨᠠ ᠤᠤ︖ ᠪᠤᠭᠤᠳᠣ ᠮᠢᠨᠢ︕ | ᠤᠯᠠᠭᠠᠠ ᠬᠠᠳᠣᠨ ᠤ ᠬᠤᠷᠮᠤᠢ ᠳᠡᠭᠡᠷᠡ | ᠡᠳᠦᠷᠵᠢᠨ ᠲᠡᠮᠦᠷ ᠰᠡᠷᠵᠢᠮ ᠡᠷᠭᠦᠳᠡᠭ | ᠡᠷᠭᠢᠨᠠ ᠬᠤᠨ ᠤ ᠬᠦᠮᠦᠰ ※ | ᠠᠳᠡ ᠵᠤᠰᠠᠳᠠᠭ ᠶᠤᠮ ᠭᠡᠨᠡ ᠯᠠᠢ | ᠠᠭᠤᠯᠠ ᠶᠢᠨ ᠴᠢᠯᠠᠭᠤ ᠶᠢ ︽ᠪᠤᠴᠠᠯᠭᠠᠵᠦ︾ | ᠰᠥ ᠮᠡᠳᠣ ᠶᠡᠭᠦᠯᠡᠵᠦ᠂ ᠬᠤᠷᠤᠳ ᠮᠡᠳᠣ ᠵᠦᠰᠦᠳᠡᠭ | ᠦᠯᠢᠭᠡᠷ ᠳᠣᠮᠤᠭ ᠤᠨ ᠪᠠᠭᠠᠳᠣᠷ ᠤᠳ | ᠠᠳᠡ ᠪᠠᠶᠢᠳᠠᠭ ᠶᠤᠮ ᠭᠡᠨᠡ ᠯᠠᠢ | ᠰᠠᠶᠢᠨ ᠪᠠᠶᠢᠨᠠ ᠤᠤ︖ ᠪᠤᠭᠤᠳᠤ ᠮᠢᠨᠢ︕ | ᠮᠤᠨᠠ ᠬᠠᠶᠢᠷᠬᠠᠠ ᠤ ᠨᠦᠮᠦᠷᠢ ᠳᠤ | ᠮᠦᠩᠬᠡ ᠴᠠᠷᠴᠠᠭᠰᠠᠠ ᠭᠤᠸᠠ ᠮᠠᠷᠠᠯ | ᠮᠤᠯᠤᠷ ᠴᠡᠩᠬᠡᠷ ᠤᠷᠴᠢᠯᠠᠩ ᠤᠨ | ᠭᠠᠵᠠᠷ ᠲᠤ ᠮᠠᠷᠳᠠᠭᠰᠠᠠ ᠴᠠᠭᠠᠠ ᠠᠶᠠᠯᠭᠤ | ᠬᠤᠷᠢᠳᠤᠭᠠᠷ ᠵᠠᠭᠤᠨ ᠤ ᠮᠤᠳᠤᠨ ᠳᠤ | ᠡᠭᠦᠷ ᠢᠶᠠᠨ ᠵᠠᠰᠠᠭᠰᠠᠠ ᠮᠦᠩᠭᠦᠨ ᠲᠠᠭᠳᠠᠭᠠ | ᠬᠤᠷᠢᠨ ᠨᠢᠭᠡᠳᠦᠭᠡᠷ ᠵᠠᠭᠤᠨ ᠳᠤ | ᠵᠢᠭᠦᠷ ᠢᠶᠠᠨ ᠪᠢᠯᠡᠭᠦᠳᠡᠭᠰᠡᠡ ᠬᠠᠭᠠᠠ ᠪᠦᠷᠭᠦᠳ | ᠰᠠᠶᠢᠨ ᠪᠠᠶᠢᠨᠠ ᠤᠤ︖ ᠪᠤᠭᠤᠳᠤ ᠮᠢᠨᠢ︕ | ᠡᠭᠦᠯᠡᠡ ᠳᠤ ᠴᠤᠷᠤᠶᠢᠭᠰᠠᠠ ᠭᠡᠷᠡᠯᠳᠣ ᠠᠰᠠᠷ | ᠦᠢᠮᠡᠭᠡᠡ ᠳᠤ ᠪᠤᠯᠠᠭᠳᠠᠭᠰᠠᠠ ᠰᠠᠭᠠᠷᠠᠯ ᠭᠤᠳᠤᠮᠵᠢ | ᠦᠥᠷ ᠤᠨ ᠬᠠᠷᠠᠩᠭᠤᠢ ᠶᠢ ᠰᠡᠮᠡᠯᠡᠭᠰᠡᠡ ᠰᠤᠷᠭᠠᠭᠤᠯᠢ ᠶᠢᠨ ᠬᠡᠤᠬᠡᠳ ᠤᠳ | ᠤᠨᠳᠠᠵᠦ ᠮᠡᠳᠡᠳᠡᠭ ᠦᠭᠡᠢ ᠲᠠᠺᠰᠢ ᠡᠰᠡᠭᠦᠯᠡ ᠵᠡᠭᠡᠯᠢ ᠶᠢᠨ ᠳ᠋ᠧᠩ ᠤᠳ | ᠦᠳᠡᠰᠢ ᠶᠢᠨ ᠬᠦᠨ ᠳᠤ ᠬᠠᠮᠤᠭ ᠰᠡᠬᠦᠯ ᠳᠤ ᠠᠮᠠᠷᠠᠳᠠᠭ ᠦᠢᠯᠡᠴᠢᠯᠡᠭᠴᠢ ᠬᠡᠤᠬᠡᠡ ᠨᠦᠭᠦᠳ | ᠦᠶᠡ ᠦᠶᠡ ᠠᠨᠢᠷ ᠦᠷᠭᠦᠭᠡᠵᠦ ᠬᠠᠰᠭᠢᠷᠤᠭᠰᠠᠠ ᠶᠠᠪᠤᠭᠤᠯ ᠮᠠᠶᠢᠮᠠᠶᠢᠴᠢᠨ ᠨᠠᠷ᠂᠂᠂᠂ | ᠦᠶᠡᠷᠬᠡᠵᠦ ᠤᠳᠠᠭᠰᠠᠠ ᠳᠤᠳᠤᠨᠤ ᠨᠠᠶᠢᠵᠠ ᠰᠢᠭ᠋ ᠢᠶᠠᠨ | ᠪᠠᠶᠢᠨ ᠪᠠᠶᠢᠨ ᠲᠠᠨᠠᠷ ᠢᠶᠠᠨ ᠪᠦᠬᠦᠳᠡ ᠶᠢ ᠨᠢ ᠶᠡᠭᠡ ᠰᠠᠨᠠᠳᠠᠭ ᠰᠢᠦ | ᠰᠠᠶᠢᠨ ᠪᠠᠶᠢᠨᠠ ᠤᠤ︖ ᠪᠤᠭᠤᠳᠤ ᠮᠢᠨᠢ︕ | ᠭᠠᠯᠳᠣ ᠲᠡᠷᠭᠡᠡ ᠤ ᠭᠠᠩ ᠱᠤᠭᠤᠮ ᠲᠡᠭᠡᠭᠦᠷ | ᠪᠤᠭᠤᠳᠤ ᠲᠠᠪᠬᠢᠨᠠ᠂ ᠳᠡᠯᠡᠬᠡᠢ ᠶᠢᠨ ᠵᠠᠭᠠᠳᠤᠨᠠᠭᠠ ᠲᠠᠶᠢᠯᠤᠭᠳᠠᠨᠠ | ᠭᠠᠯ ᠲᠠᠷᠨᠢᠳᠣᠭᠰᠠᠠ ᠪᠤᠯᠤᠳ ᠤᠨ ᠴᠡᠴᠡᠭ ᠲᠤ | ᠪᠤᠭᠤᠳᠤ ᠢᠨᠢᠶᠡᠮᠰᠦᠭᠯᠡᠨᠡ᠂ ᠲᠡᠭᠷᠢ ᠳᠤ ᠪᠤᠭᠤ ᠢᠬᠡᠷᠡᠯᠡᠨᠡ | ᠭᠠᠩᠳᠠᠠ ᠪᠠᠭᠤᠷᠠᠰᠢ ᠦᠭᠡᠢ ᠴᠠᠭ ᠤᠨ ᠰᠠᠯᠬᠢᠨ ᠳᠤ | ᠪᠤᠭᠤᠳᠤ ᠭᠠᠩᠭᠠᠷᠠᠨᠠ᠂ ᠪᠤᠷᠬᠠᠠ ᠨᠢᠳᠣ ᠪᠠᠨ ᠠᠯᠳᠠᠨᠠ | ᠭᠠᠯᠭᠢᠵᠦ ᠴᠠᠯᠬᠢᠭᠰᠠᠠ ᠲᠠᠯᠠ ᠶᠢᠨ ᠠᠯᠭᠠᠠ ᠳᠡᠭᠡᠷᠡ | ᠪᠤᠭᠤᠳᠤ ᠪᠦᠵᠢᠭᠯᠡᠨᠡ᠂ ᠰᠠᠷᠠ ᠴᠡᠴᠡᠭ ᠲᠤ ᠰᠢᠩᠭᠡᠨᠡ | ᠰᠠᠶᠢᠨ ᠪᠠᠶᠢᠨᠠ ᠤᠤ︖ ᠪᠤᠭᠤᠳᠤ ᠮᠢᠨᠢ︕ | ᠨᠤᠤᠬᠠ ᠲᠠᠢ ᠨᠢᠳᠦ ᠪᠠᠷ ᠬᠠᠷᠠᠬᠤ ᠳᠤ ᠭᠭᠢᠷᠡᠳᠦᠵᠦ ᠮᠡᠳᠡᠬᠦ | ᠨᠠᠭᠤᠷ ᠮᠡᠳᠤ ᠲᠤᠩᠭᠠᠯᠠᠭ ᠪᠦᠰᠡᠭᠦᠶᠢᠴᠣᠣᠯ ᠳᠤ ᠨᠢ ᠲᠠᠭᠤᠤ ᠵᠤᠬᠢᠶᠠᠵᠦ ᠳᠠᠭᠤᠯᠠᠮᠠᠷ ᠪᠠᠶᠢᠨᠠ | ᠨᠢᠬᠦᠯ ᠲᠠᠢ ᠪᠤᠳᠤᠯ ᠢᠶᠠᠷ ᠰᠠᠨᠠᠬᠤ ᠳᠤ ᠨᠤᠷᠠᠵᠤ ᠮᠡᠳᠡᠬᠦ | ᠨᠤᠷᠮᠠ ᠮᠠᠳᠣ ᠬᠠᠯᠠᠭᠤᠨ ᠰᠡᠳᠬᠢᠯ ᠳᠤ ᠨᠢ ᠬᠠᠳᠠᠭ ᠲᠠᠳᠠᠵᠦ ᠪᠠᠶᠠᠷᠯᠠᠮᠠᠷ ᠪᠠᠶᠢᠨᠠ | ᠨᠡᠯᠮᠦᠭᠡᠷ ᠤᠷᠴᠢᠯᠠᠩ ᠤᠨ ᠬᠢᠵᠠᠭᠠᠷ ᠠᠴᠠ ᠴᠤ ᠰᠤᠨᠤᠰᠳᠠᠵᠦ ᠮᠡᠳᠡᠬᠦ | ᠨᠦᠷᠭᠢᠯᠡᠭᠰᠡᠡ ᠶᠡᠭᠡ ᠦᠢᠯᠡᠳᠪᠦᠷᠢ ᠲᠠᠢ ᠨᠢ ᠬᠦᠭ ᠨᠡᠶᠢᠯᠡᠬᠦᠯᠵᠦ ᠵᠢᠷᠭᠠᠮᠠᠷ ᠪᠠᠶᠢᠨᠠ | ᠨᠢᠰᠬᠦ ᠤᠩᠭᠤᠴᠠᠠ ᠤ ᠬᠤᠷᠳᠤ ᠠᠴᠠ ᠴᠦ ᠳᠠᠪᠠᠵᠦ ᠮᠡᠳᠡᠬᠦ | ᠨᠢᠵᠢᠭᠢᠨᠡᠭᠰᠡᠡ ᠰᠦᠷᠯᠢᠭ ᠬᠦᠭᠵᠢᠯ ᠲᠠᠢ ᠨᠢ ᠠᠮᠢᠰᠬᠤᠭᠠ ᠨᠡᠶᠢᠯᠡᠬᠦᠯᠵᠦ ᠠᠮᠢᠳᠤᠷᠠᠮᠠᠷ ᠪᠠᠶᠢᠨᠠ | ᠰᠠᠶᠢᠨ ᠪᠠᠶᠢᠨᠠ ᠤᠤ︖ ᠪᠤᠭᠤᠳᠤ ᠮᠢᠨᠢ︕ | ※ ᠡᠷᠭᠢᠨᠡ ︵ᠡᠷᠭᠦᠨᠡ︶ ᠬᠤᠨ — ᠡᠷᠳᠡ ᠤᠷᠢᠳᠦ ᠶᠢᠨ ᠴᠠᠭ ᠲᠤ ᠡᠷᠭᠢᠨᠡ ᠬᠤᠨ ᠤ ᠠᠭᠤᠯᠠᠠ ᠤ | ᠪᠠᠷᠳᠠᠭᠠᠳᠣ ᠬᠠᠪᠴᠢᠯ ᠳᠤ ᠨᠢᠭᠡ ᠶᠡᠭᠡ ᠲᠡᠮᠤᠷ ᠬᠠᠶᠢᠯᠤᠭᠤᠯᠵᠦ ᠠᠮᠢᠳᠤᠷᠠᠳᠠᠭ ᠬᠦᠮᠦᠰ ᠠᠮᠢᠳᠣᠷᠠᠵᠦ ᠪᠠᠶᠢᠵᠠᠢ᠃ | ᠬᠤᠵᠢᠮ ᠨᠢ ᠲᠡᠷᠡ ᠬᠦᠮᠦᠰ ᠠᠭᠤᠯᠠ ᠶᠢᠨ ᠢᠶᠠᠨ ᠴᠢᠯᠠᠭᠤ ᠶᠢ ᠬᠠᠶᠢᠯᠤᠭᠤᠯᠤᠭᠰᠠᠭᠠᠷ ᠪᠠᠶᠢᠭᠠᠳ ᠵᠠᠮ ᠭᠠᠷᠭᠠᠵᠦ | ᠭᠠᠷᠴᠤ ᠢᠷᠡᠭᠰᠡᠡ ᠭᠡᠬᠦ ᠮᠤᠩᠭᠤᠯ ᠲᠤᠮᠤᠭ ᠪᠤᠢ᠃ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |