| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | | │ ᠱᠠᠪᠢ ᠨᠡᠷ ᠲᠠᠭᠠᠨ ᠵᠤᠷᠢᠭᠤᠯᠪᠠ | ᠲᠤᠷᠠ ᠪᠠᠷ ᠵᠠᠳᠠᠭᠠᠢ ᠠᠭᠯᠠᠭ ᠲᠠᠶᠢᠭᠠ ᠶᠢᠨ ᠰᠢᠪᠠᠭᠤᠬᠠᠢ ᠮᠡᠳᠤ ᠱᠤᠤᠭᠢᠯᠳᠤᠵᠤ | ᠲᠥᠷᠥᠭᠡ ᠠᠮᠠᠷᠠᠭᠠᠵᠤ ᠡᠷᠳᠡᠮ ᠤᠨ ᠵᠡᠯᠡᠨ ᠲᠡᠭᠡᠷᠡ ᠱᠠᠭᠢᠯᠳᠤᠭᠰᠠᠨ | ᠲᠤᠰᠤᠯ ᠲᠤᠰᠤᠯ ᠪᠤᠷᠤᠭᠠᠨ ᠤ ᠪᠥᠮᠪᠦᠯᠢᠭ ᠮᠡᠳᠤ ᠠᠪᠤ ᠶᠢᠨ ᠭᠡᠥᠭᠡᠳ ᠤᠳ | ᠲᠠᠭᠤᠤ ᠲᠠᠭᠤᠨ ᠤ ᠢᠭᠡᠷᠡ ᠪᠠᠳᠠᠭ ᠮᠡᠳᠤ ᠢᠵᠢᠯᠢᠳᠤᠨ ᠲᠠᠰᠤᠭᠰᠠᠨ | ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠤᠨ ᠰᠠᠷᠠ ᠤᠳ ᠭᠡᠳᠡᠭ | ᠲᠤᠮᠳᠠᠳᠤ ᠵᠠᠭᠤᠨ ᠤ ︽ᠰᠡᠷᠭᠦᠨ ᠮᠠᠨᠳᠤᠯᠳᠠ︾ ᠶᠢᠨ ᠥᠶᠡ ᠰᠢᠭ ᠰᠠᠶᠢᠬᠠᠨ | ᠠᠯᠳᠠᠨ ᠲᠤᠤᠵᠠ ᠰᠢᠭ᠋ ᠭᠥᠪᠥᠷᠢᠭᠦ ᠰᠤᠷᠭᠠᠭᠤᠯᠢ ᠶᠢᠨ ᠴᠡᠩᠭᠡᠷ ᠡᠳᠥᠷ ᠤᠳ ᠢ | ᠠᠮᠤᠷ ᠵᠢᠷᠭᠠᠯᠠᠩ ᠤᠨ ᠮᠥᠩᠭᠦᠨ ᠢᠨᠢᠶᠡᠳᠥ ᠪᠠᠷ ᠴᠠᠭᠢᠯᠳᠠᠭ ᠤᠨ ᠲᠤᠤᠬᠠᠢ ᠮᠡᠳᠤ ᠭᠡᠯᠭᠢᠵᠥ | ᠠᠵᠠ ᠭᠡᠶᠢᠮᠥᠷᠢ᠂ ᠠᠯᠳᠠᠭᠠ ᠤᠨᠤᠭᠠ ᠪᠠᠨ ᠨᠤᠮ ᠤᠨ ᠬᠠᠭᠤᠳᠠᠰᠤᠨᠠ ᠰᠢᠪᠰᠢᠵᠥ | ᠠᠶᠢᠯ ᠠᠶᠢᠯ ᠤᠨ ᠭᠡᠷᠡᠯᠳᠥ ᠢᠷᠡᠭᠡᠳᠥᠢ ᠨᠢᠭᠡᠨ ᠪᠠᠭᠤᠴᠠᠨ ᠲᠡᠭᠡᠷᠡ ᠴᠢᠭᠤᠯᠠᠭᠰᠠᠨ ᠪᠠᠶᠢᠨᠠᠮ᠃ | ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠤᠨ ᠰᠠᠷᠠ ᠤᠳ ᠭᠡᠳᠡᠭ | ᠲᠤᠷᠠᠰᠬᠠᠯ ᠤᠨ ᠲᠡᠪᠳᠡᠷ ᠲᠡᠭᠡᠷᠡ ᠥᠯᠡᠳᠡᠭᠡᠭᠰᠡᠨ ᠰᠡᠳᠭᠢᠯ ᠤᠨ ᠥᠭᠡ ᠪᠠᠶᠢᠳᠠᠭ | ᠲᠤᠨᠢᠶᠠᠷᠳᠤᠭᠰᠠᠨ ᠨᠠᠮᠤᠷ ᠤᠨ ᠨᠡᠭᠦᠳᠡᠯ ᠤᠨ ᠰᠢᠪᠠᠭᠤᠨ ᠤ ᠤᠰᠤᠨ ᠲᠡᠭᠡᠷᠡ ᠮᠠᠷᠳᠠᠭᠰᠠᠨ ᠵᠡᠭᠦᠳᠥ ᠪᠠᠶᠢᠳᠠᠭ | ᠲᠠᠭᠤᠤ ᠬᠤᠭᠤᠷ ᠤᠨ ᠠᠶᠠᠰ ᠤᠨ ᠠᠭᠤᠯᠠᠨ ᠳᠤ ᠴᠢᠪᠬᠠᠳᠠᠭᠰᠠᠠᠨ ᠤᠨᠢᠶᠠᠷ ᠪᠠᠶᠢᠳᠠᠭ ᠡ᠃ | ᠲᠠᠭᠤ ᠪᠠᠷ ᠨᠢ ᠪᠢᠰᠢ ᠭᠥᠯ ᠤᠨ ᠭᠢᠨᠢ ᠴᠢᠮᠡᠭᠡ ᠪᠠᠷ ᠨᠢᠭᠡ ᠨᠢᠭᠡ ᠪᠠᠨ ᠲᠠᠨᠢᠳᠠᠭ | ᠨᠢᠭᠤᠷ ᠢᠶᠠᠷ ᠨᠢ ᠪᠢᠰᠢ ᠨᠢᠳᠤᠨ ᠤ ᠭᠢᠨᠢ ᠬᠠᠷᠠᠴᠠ ᠪᠠᠷ ᠨᠢᠭᠡ ᠨᠢᠭᠡ ᠪᠠᠨ ᠤᠩᠰᠢᠳᠠᠭ | ᠥᠥᠷ ᠢᠶᠠᠷ ᠡᠪᠳᠡᠷᠡᠭᠡᠳ᠂ ᠥᠳᠡᠰᠢ ᠪᠠᠷ ᠡᠪᠯᠡᠷᠡᠵᠥ | ᠥᠯᠢᠭᠡᠷ ᠢᠶᠠᠷ ᠡᠭᠢᠯᠡᠭᠡᠳ᠂ ᠵᠢᠷᠭᠠᠯ ᠢᠶᠠᠷ ᠥᠨᠳᠥᠷᠯᠡᠵᠥ ᠪᠠᠶᠢᠳᠠᠭ᠃ | ︽ᠲᠡᠨᠡᠭ ᠴᠡᠴᠡᠨ ᠭᠡᠷᠡᠭ ᠢ ᠲᠡᠮᠡᠭᠡᠨ ᠪᠥᠭᠦ ᠰᠢᠭ ᠬᠤᠤᠰᠯᠠᠭᠤᠯᠵᠤ︾ | ᠲᠡᠭᠷᠢ ᠭᠠᠵᠠᠷ ᠬᠤᠶᠠᠷ ᠢ ᠡᠭᠡᠰᠢᠭ ᠭᠡᠶᠢᠭᠦᠯᠥᠭᠴᠢ ᠰᠢᠭ ᠨᠡᠶᠢᠯᠡᠭᠦᠯᠵᠥ ᠪᠠᠶᠢᠳᠠᠭ | ᠲᠠᠨᠠᠷ ᠪᠤᠯ ᠷᠤᠺ ᠫᠤᠫ᠂ ᠭᠢᠫ ᠬᠤᠫ᠂ ᠳ᠋ᠢᠰᠺᠦ ᠪᠥᠵᠢᠭ ᠤᠨ ᠬᠢ | ᠭᠠᠷ ᠤᠳᠠᠰᠤᠨ ᠤ ᠴᠠᠭᠢᠮ ᠵᠠᠭᠢᠶᠠ᠂ ᠲᠤᠤᠷ ᠰᠥᠯᠵᠢᠶᠡᠨ ᠤ ᠬᠢ | ᠭᠠᠯᠭᠢᠵᠤ ᠴᠠᠯᠭᠢᠭᠰᠠᠨ ᠤᠷᠤᠰᠬᠠᠯ ᠲᠠᠭᠤᠤ᠂ ᠰᠢᠨᠡ ᠵᠠᠭᠪᠤᠷ ᠤᠨ ᠮᠤᠤᠳ᠋ ᠵᠠᠰᠠᠯ ᠤᠨ ᠬᠢ | ᠭᠠᠩᠬᠤᠵᠤ ᠤᠷᠭᠤᠭᠰᠠᠨ ᠴᠠᠭᠠᠨ ᠤᠯᠢᠶᠠᠰᠤᠨ ᠤ ᠨᠠᠷᠠ ᠨᠥᠮᠥᠷᠢᠭᠰᠡᠨ ᠨᠠᠪᠴᠢᠨ ᠤ ᠬᠢ᠃ | ᠲᠠᠨᠠᠷ ᠪᠤᠯ ᠰᠤᠷᠤᠭᠴᠢ ᠶᠢᠨ ᠲᠥᠷᠢᠮᠳᠥ ᠬᠤᠪᠴᠠᠰᠤ᠂ ᠤᠶᠢᠷᠠ ᠬᠠᠷᠠᠭᠠ ᠲᠠᠢ ᠨᠢᠳᠤᠨ ᠰᠢᠯ | ᠲᠤᠳᠤᠭᠤᠷ ᠭᠠᠳᠠᠭᠤᠷ ᠪᠠᠶᠢᠷᠢ᠂ ᠭᠥᠯ ᠪᠥᠮᠪᠦᠭᠡ᠂ ᠬᠤᠭᠤᠯᠠᠨ ᠺᠡᠷᠲ | ᠬᠠᠷᠠ ᠰᠠᠮᠪᠠᠷᠠ ᠠᠴᠠ ᠠᠰᠬᠠᠷᠠᠭᠰᠠᠨ ᠴᠠᠭᠠᠨ ᠰᠥ | ᠨᠡᠷᠡ ᠪᠠᠨ ᠰᠡᠶᠢᠯᠥᠭᠰᠡᠨ ᠪᠢᠴᠢᠭ ᠤᠨ ᠰᠢᠷᠡᠭᠡ | ᠴᠠᠭᠠᠰᠤ ᠥᠷᠭᠦᠮᠡᠷ ᠨᠠᠮ ᠭᠥᠮ ᠲᠠᠪᠳᠠᠯᠭᠠ᠂ ᠥᠭᠡᠰ ᠤᠨ ᠠᠶᠢᠮᠠᠭ ᠡᠰᠡᠭᠦᠯᠡ ᠤᠯᠠᠨ ᠬᠠᠷᠢᠭᠤᠯᠳᠠᠳᠤ ᠰᠤᠩᠭᠤᠬᠤ | ᠰᠡᠳᠤᠪ | ᠴᠠᠭ ᠠᠴᠠ ᠪᠠᠨ ᠡᠷᠳᠡᠯᠡᠵᠥ ᠤᠯᠠᠶᠢᠬᠤ ᠭᠡᠵᠤ ᠵᠢᠳᠭᠦᠭᠰᠡᠨ ᠴᠢᠪᠠᠭᠠ ᠡᠰᠡᠭᠦᠯᠡ ᠰᠠᠷᠠᠨᠠ ᠶᠢᠨ ᠲᠡᠯᠪᠡᠭᠡ ᠪᠠᠶᠢᠯᠠ᠃ | ᠲᠤᠬᠤᠢ ᠳᠠᠭᠠᠨ ᠰᠠᠭᠠᠷᠢ ᠰᠠᠭᠤᠳᠠᠯᠠ ᠪᠠᠨ ᠰᠢᠷᠡᠭᠡ ᠡᠯᠢᠭᠡᠳᠡᠵᠥ | ᠲᠠᠷᠢᠭᠢᠨ ᠳᠠᠭᠠᠨ ᠲᠠᠭᠠᠷᠢ ᠰᠠᠭᠤᠳᠠᠯᠠ ᠪᠠᠨ ᠰᠤᠷᠭᠠᠯ ᠰᠤᠨᠤᠰᠴᠤ | ᠵᠢᠷᠥᠭᠡ ᠰᠡᠮᠡᠯᠡᠭᠰᠡᠨ ᠰᠢᠯᠭᠠᠯᠳᠠ ᠪᠠᠷ ︽ᠲᠠᠯᠭᠢᠳᠠᠭᠤᠯᠤᠭᠰᠠᠨ︾ ᠮᠡᠳᠡᠯᠭᠡ ᠶᠢᠨ ᠮᠠᠰᠢᠨ ᠨᠤᠭᠤᠳ ᠪᠠᠶᠢᠯᠠ᠃ | ᠶᠠᠭᠤᠮᠠ ᠪᠤᠯᠭᠠᠨ ᠤᠶᠢᠷᠠᠬᠠᠨ ᠮᠡᠳᠤ᠂ ᠶᠠᠭᠤᠮᠠ ᠪᠤᠯᠭᠠᠨ ᠬᠤᠯᠠ ᠮᠡᠳᠤ | ᠶᠠᠭᠤᠮᠠ ᠪᠤᠯᠭᠠᠨ ᠰᠢᠨᠡ ᠮᠡᠳᠤ᠂ ᠶᠠᠭᠤᠮᠠ ᠪᠤᠯᠭᠠᠨ ᠬᠠᠭᠤᠴᠢᠨ ᠮᠡᠳᠤ | ᠪᠥᠷᠭᠦᠭ ᠪᠠᠷᠠᠭᠠᠨ ᠲᠠᠸᠠ ᠭᠠᠷᠠᠭ ᠬᠤᠩᠬᠠ ᠶᠢᠨ ᠲᠠᠭᠤᠨ ᠢᠶᠠᠷ ᠡᠭᠢᠯᠡᠭᠦ ᠳᠤ | ᠪᠥᠯᠢᠶᠡᠨ ᠮᠥᠷᠥᠭᠡᠳᠥᠯ ᠤᠨ ᠨᠢᠮᠠ ᠭᠠᠷᠠᠭ ᠠᠩᠭᠠᠷᠢᠭ ᠤᠳᠤ ᠰᠢᠭ᠋ ᠠᠯᠤᠰ ᠰᠠᠨᠠᠭᠳᠠᠨᠠ᠃ | ᠮᠠᠵᠧᠯᠸᠠ᠂ ᠳ᠋᠊᠂ ᠭᠠᠮᠠ ᠲᠠᠢ ᠴᠤᠭ ᠲᠡᠯᠡᠭᠡᠢ ᠭᠡᠰᠥᠵᠥ᠂ | ᠭᠥᠢᠳᠡᠨ ᠬᠠᠯᠠᠭᠤᠨ ᠪᠥᠰᠡᠨ ᠳᠤ ᠲᠠᠭᠠᠷᠠᠵᠤ᠂ ᠴᠠᠩᠭᠠᠵᠤ | ᠺᠤᠯᠤᠮᠪᠤ ᠲᠠᠢ ᠴᠤᠭ ︽ᠰᠢᠨᠡ ᠡᠭᠡ ᠭᠠᠵᠠᠷ︾ ᠢ ᠨᠡᠭᠡᠭᠡᠵᠤ᠂ | ᠢᠨᠳᠢᠶᠡᠨ ᠭᠥᠮᠥᠨ ᠲᠠᠢ ᠲᠠᠨᠢᠯᠴᠠᠵᠤ᠂ ᠤᠭᠢᠯᠠᠯᠳᠤᠵᠤ | ᠨᠡᠫᠤᠯᠢᠶᠤᠨ ᠲᠠᠢ ᠴᠤᠭ ᠲᠠᠶᠢᠨ ᠤ ᠤᠳᠤᠭᠠᠨ ᠳᠤ ᠬᠠᠭ᠋ᠠᠵᠤ᠂ | ᠰᠠᠩᠲ ᠡᠾᠧᠯᠢᠨᠠ ᠳᠤ ᠴᠥᠯᠡᠭᠳᠡᠵᠥ᠂ ᠭᠠᠭᠴᠠᠭᠠᠷᠳᠠᠵᠤ | ᠮᠠᠷᠺᠰ ᠯᠧᠨᠢᠨ ᠤ ᠨᠢᠳᠤ ᠪᠠᠷ ᠶᠢᠷᠳᠢᠨᠴᠤ ᠶᠢ ᠬᠠᠷᠠᠵᠤ᠂ | ᠲᠠᠷᠤᠯᠠᠭᠳᠠᠭᠰᠠᠨ ᠠᠷᠠᠳ ᠲᠥᠮᠡᠨ ᠲᠠᠢ ᠴᠤᠭ ᠰᠢᠨᠠᠯᠵᠤ᠂ ᠭᠢᠯᠢᠩᠨᠡᠵᠥ | ᠨᠢᠶᠦ᠋ᠲ᠋ᠤᠨ ᠤ ᠭᠤᠷᠪᠠᠨ ᠬᠠᠤᠯᠢ ᠶᠢ ᠭᠤᠯᠢᠷ ᠮᠡᠳᠤ ᠨᠤᠬᠤᠵᠤ᠂ | ᠮᠧᠨ᠋ᠳᠧᠯᠢᠶᠧ ᠤᠨ ᠡᠯᠧᠮᠧᠨ᠋ᠲ ᠢᠶᠠᠷ ᠱᠠᠩᠳᠠᠭᠤᠷᠠᠵᠤ | ᠨᠢᠭᠤᠴᠠᠯᠢᠭ ᠡᠷᠳᠡᠮ ᠤᠨ ᠲᠡᠭᠡᠵᠢ ᠶᠢ ᠵᠡᠭᠦᠨ ᠪᠠᠷᠠᠭᠤᠨ ᠬᠠᠭᠠᠰ ᠪᠥᠮᠪᠥᠷᠴᠡᠭ ᠮᠡᠳᠤ | ᠲᠠᠷᠢᠭᠢᠨ ᠳᠠᠭᠠᠨ ᠵᠠᠯᠭᠢᠯᠠᠵᠤ | ᠰᠤᠷᠤᠭᠰᠠ ᠮᠠᠷᠳᠠᠭᠰᠠᠨ ᠮᠡᠳᠡᠯᠭᠡ ᠭᠢᠮᠢ ᠶᠢᠨ ᠤᠷᠪᠠᠯ ᠮᠡᠳᠤ ᠰᠤᠯᠤᠩᠭᠠᠷᠠᠨ ᠬᠤᠪᠢᠷᠠᠵᠤ | ᠰᠤᠷᠤᠯᠭᠠ ᠠᠮᠢᠳᠤᠷᠠᠯ ᠤᠨ ᠵᠠᠮ ᠢ ᠭᠤᠷᠪᠠᠯᠵᠢᠨ ᠤ ᠭᠸᠤᠮᠧᠲᠷᠢ ᠰᠢᠭ | ᠪᠠᠳᠤᠯᠠᠵᠤ ᠴᠢᠳᠠᠬᠤ ᠦᠭᠡᠢ ᠭᠠᠴᠢᠭᠳᠠᠭᠰᠠᠨ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠤᠨ ᠰᠠᠷᠠ ᠤᠳ ᠭᠡᠳᠡᠭ | ᠲᠤᠮᠳᠠᠭᠤᠷ ᠴᠤ ᠶᠤᠮ ᠰᠢᠭ᠋᠂ ᠲᠥᠭᠦᠷᠡᠩ ᠴᠦ ᠶᠤᠮ ᠰᠢᠭ ᠬᠤᠷᠸᠠ ᠪᠠᠶᠢᠳᠠᠭ ᠰᠠᠨ᠃ ᠪ᠊᠂ ᠷᠢᠨᠴᠢᠨ᠂ ᠢᠨᠵᠠᠨᠠᠰᠢ᠂ | ᠨᠠᠴᠤᠭᠳᠤᠷᠵᠢ᠂ ᠲᠡᠮᠳᠢᠨᠰᠦ᠋ᠷᠥᠩ ᠁ | ᠲᠠᠨᠠᠷ ᠤᠨ ᠲᠤᠮᠳᠠ ᠲᠤᠭᠯᠠᠵᠤ ᠶᠠᠪᠤᠨᠠᠮ | ᠪᠧᠲᠬᠤᠸᠧᠠ᠂ ᠹᠷᠤᠶᠢᠳ᠋᠂ ᠠᠶᠢᠨᠰᠲᠸᠠ᠂ ᠡᠸ᠋ᠳᠢᠰᠤᠨ ᠁ | ᠲᠠᠨᠠᠷ ᠤᠨ ᠲᠤᠮᠳᠠ ᠠᠴᠠ ᠤᠷᠭᠤᠵᠤ ᠪᠤᠰᠤᠨᠠᠮ | ᠪᠤᠭᠳᠠ ᠴᠢᠩᠭᠢᠰ᠂ ᠪᠧᠯ ᠭᠠᠶᠢᠼ᠂ ᠸᠠᠰᠢᠩᠲ᠋ᠤᠨ᠂ ᠭᠠᠭᠠᠷᠢᠨ ᠁ | ᠲᠠᠨᠠᠷ ᠤᠨ ᠲᠤᠮᠳᠠ ᠠᠴᠠ ᠴᠤᠬᠤᠯᠵᠠᠵᠤ ᠬᠠᠷᠠᠭᠳᠠᠨᠠᠮ | ᠪᠢᠰᠮᠠᠷᠺ᠂ ᠳ᠋᠊ ᠸᠢᠨᠴᠢ᠂ ᠡᠾᠧᠭᠧᠯ᠂ ᠠᠳᠠᠮ ᠰᠮᠢᠽ ᠁ | ᠲᠠᠨᠠᠷ ᠤᠨ ᠲᠤᠮᠳᠠ ᠠᠴᠠ ᠢᠨᠢᠶᠡᠮᠰᠥᠭᠯᠡᠵᠥ ᠥᠵᠡᠭᠳᠡᠨᠡᠮ᠃ | ᠬᠤᠷᠮᠤᠰᠳᠠ ᠪᠠᠷ ᠲᠥᠭᠦᠷᠡᠩ ᠵᠥᠩ ᠮᠥᠷᠥᠭᠡᠳᠥᠯ ᠤᠨ ᠰᠢᠪᠠᠭᠤ ᠨᠢᠰᠥᠯᠳᠥᠨᠡ | ᠬᠤᠷᠢᠨ ᠨᠢᠭᠡᠳᠥᠭᠡᠷ ᠵᠠᠭᠤᠨ ᠤ ᠮᠤᠩᠭᠤᠯ ᠤᠳᠤᠳ ᠭᠡᠷᠡᠯᠳᠥᠨᠡ᠃ | ᠢᠨᠢᠶᠡᠳᠥ ᠰᠠᠴᠤᠯᠠᠩᠬᠠᠨ ᠠᠭᠤᠯᠵᠠᠵᠤ ᠪᠠᠶᠢᠭᠰᠠᠨ ᠭᠡᠥᠭᠡᠳ ᠤᠳ ᠨᠢᠯᠪᠤᠰᠤ ᠠᠰᠬᠠᠷᠠᠭᠤᠯᠤᠩᠬᠠᠨ ᠰᠠᠯᠤᠯᠴᠠᠵᠤ | ᠪᠠᠶᠢᠳᠠᠭ | ᠡᠷᠭᠢᠵᠥ ᠭᠡᠵᠢᠶᠡ ᠴᠦ ᠢᠷᠡᠭᠦ ᠦᠭᠡᠢ ᠥᠶᠡᠷᠭᠡᠯ ᠤᠨ ᠪᠠᠳᠤ ᠲᠠᠩᠭᠠᠷᠢᠭ ᠭᠠᠩ ᠲᠡᠮᠥᠷ ᠮᠡᠳᠤ ᠭᠠᠩᠨᠠᠭᠳᠠᠵᠤ ᠪᠠᠶᠢᠳᠠᠭ | ᠢᠨᠠᠭ ᠤᠨ ᠶᠠᠭᠠᠨ ᠵᠢᠮᠢᠰ ᠢ ᠲᠥᠭᠦᠭᠡᠢ ᠱᠥᠭᠦᠷᠭᠡᠢ ᠪᠠᠷ ᠨᠢ ᠬᠤᠯᠠᠭᠠᠶᠢᠯᠠᠵᠤ ᠠᠮᠳᠠᠯᠠᠵᠤ ᠪᠠᠶᠢᠳᠠᠭ | ᠡᠷᠭᠡ ᠬᠤᠩᠭᠤᠷ ᠨᠠᠰᠤ ᠢᠮᠠᠭᠳᠠ ᠡᠶᠢᠮᠥ ᠯᠡ ᠪᠠᠶᠢᠬᠤ ᠶᠤᠮ ᠰᠢᠭ᠋ ᠲᠡᠷᠪᠡᠵᠥ ᠲᠡᠪᠵᠢᠶᠡᠷᠡᠵᠥ ᠶᠠᠪᠤᠳᠠᠭ | ᠲᠠᠶᠢᠯᠵᠤ ᠤᠩᠰᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠲᠠᠷᠨᠢ ᠶᠢᠨ ᠨᠢᠭᠤᠴᠠ ᠥᠰᠥᠭ ᠮᠡᠳᠤ | ᠲᠠᠨᠠᠷ ᠢ ᠲᠥᠷᠰᠥᠯᠡᠭᠦ ᠳᠤ ᠮᠤᠩᠭᠤᠯ ᠭᠡᠯᠡᠨ ᠤ ᠥᠭᠡᠰ ᠤᠨ ᠰᠠᠩ ᠮᠡᠭᠦᠰᠳᠡᠭᠦ ᠮᠡᠳᠤ ᠁ | ᠠᠶᠠ︕ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠤᠨ ᠰᠠᠷᠠ ᠤᠳ ᠭᠡᠳᠡᠭ ᠁ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |