| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | ᠶᠢᠰᠤᠨ ᠲᠡᠭᠷᠢ ᠶᠢᠨ ᠲᠡᠷᠲᠡᠭᠡ ᠠᠴᠠ ᠲᠤᠮᠤᠭ ᠲᠤ ᠬᠤᠪᠢᠯᠵᠤ ᠶᠥᠷᠭᠡᠭᠦᠯᠵᠥ ᠢᠷᠡᠭᠰᠡᠨ | ᠶᠢᠷᠳᠢᠷᠴᠤ ᠶᠢᠨ ᠭᠥᠢ ᠮᠠᠨᠳᠠᠯ ᠳᠤ ᠨᠢᠭᠤᠴᠠ ᠪᠠᠨ ᠮᠠᠨᠠᠵᠤ ᠨᠡᠭᠦᠵᠥ ᠪᠠᠭᠤᠭᠰᠠᠨ | ᠶᠡᠭᠡᠮᠰᠥᠭ ᠲᠥᠩᠰᠥᠭᠡᠷ ᠠᠭᠤᠯᠠᠰ ᠤᠨ ᠲᠤᠭᠰᠢᠨ ᠰᠠᠪᠳᠠᠭ ᠰᠢᠭ᠋ ᠮᠤᠩᠭᠤᠯ ᠤᠨ ᠢᠶᠠᠨ | ᠢᠵᠠᠭᠤᠷ ᠭᠠᠷᠤᠯ ᠤᠨ ᠡᠷᠭᠢᠮᠰᠥᠭ ᠡᠷᠢᠯ ᠳᠤ ᠰᠢᠯᠥᠭ ᠢᠶᠠᠨ ᠭᠡᠷᠡᠯᠳᠥᠭᠦᠯᠵᠥ ᠮᠤᠷᠳᠠᠪᠠ᠂ ᠪᠢ | ※ ※ ※ | ᠮᠤᠩᠭᠤᠯ ᠭᠡᠳᠡᠭ ᠭᠥᠮᠥᠰ ᠬᠠᠮᠢᠭᠠ ᠠᠴᠠ ᠢᠷᠡᠭᠰᠡᠨ ᠶᠤᠮ ᠪᠤᠢ︖ | ᠥᠯᠡᠮᠵᠢ ᠶᠢᠨ ᠭᠥᠭᠡ ᠲᠡᠭᠷᠢ ᠠᠴᠠ ᠢᠩᠭᠢᠵᠥ ᠠᠰᠠᠭᠤᠪᠠ | ᠥᠯᠥ ᠮᠡᠳᠡᠭᠭᠡᠨ ᠢᠨᠢᠶᠡᠮᠰᠥᠭᠯᠡᠭᠦ ᠮᠡᠳᠥ ᠤᠳᠤᠳ ᠢᠶᠠᠨ ᠢᠨᠴᠢᠳᠣᠭᠡᠳ ᠴᠢᠮᠡᠭᠡ ᠥᠭᠡᠢ ᠪᠠᠶᠢᠨᠠ | ᠥᠯᠮᠡᠢ ᠪᠠᠳᠤ ᠤᠷᠤᠰᠢᠬᠤᠢ ᠭᠥᠮᠥᠨ ᠴᠢᠯᠠᠭᠤᠨ ᠠᠴᠠ ᠠᠰᠠᠭᠤᠪᠠ | ᠥᠮᠥᠯᠵᠡᠭᠰᠡᠨ ᠤᠷᠤᠭᠤᠯ ᠠᠴᠠ ᠨᠢ ᠭᠤᠨᠢᠭ ᠲᠠᠭᠠᠪᠤᠷᠢᠯᠠᠭᠠᠳ ᠬᠦᠢᠳᠡᠡ ᠮᠡᠯᠮᠡᠭᠡᠷ ᠪᠠᠶᠢᠨᠠ | ᠾᠦᠩᠨᠤ ᠶᠢᠨ ᠪᠥᠯᠢᠶᠠᠨ ᠪᠠᠭᠤᠴᠠᠨ ᠠᠴᠠ ᠬᠠᠳᠠᠷᠢᠭᠰᠠᠨ | ᠭᠥᠷᠡᠯ ᠴᠢᠨ᠋ᠸᠠ ᠠᠴᠠ ᠠᠰᠠᠭᠤᠪᠠ | ᠭᠥᠷᠡᠩ ᠲᠤᠯᠤᠭᠠᠳ ᠤᠨ ᠵᠡᠷᠭᠡᠯᠭᠡ ᠶᠢ ᠭᠡᠯᠡᠭᠡᠶᠢᠷᠡᠳᠡᠯᠡ ᠤᠯᠢᠭᠠᠳ ᠬᠠᠷᠢᠭᠤᠯᠳᠠ ᠥᠭᠭᠦ ᠥᠭᠡᠢ ᠪᠠᠶᠢᠨᠠ | ᠲᠤᠯᠭᠢᠰ ᠢᠶᠠᠨ ᠰᠢᠳᠡᠯᠡᠨ ᠠᠭᠠᠯᠢᠭᠦᠶᠢᠳᠡᠭᠦ ᠭᠡᠷᠤᠯᠤᠨ ᠮᠥᠷᠡᠨ ᠠᠴᠠ ᠠᠰᠠᠭᠤᠪᠠ | ᠥᠯᠢᠭᠡᠷ ᠤᠨ ᠴᠠᠭᠠᠨ ᠢᠩᠭᠡ ᠢᠪᠢᠯᠭᠦ ᠮᠡᠳᠥ ᠲᠤᠨᠤᠷᠠᠭᠠᠳ ᠶᠠᠭᠤ ᠴᠤ ᠭᠡᠯᠡᠭᠦ ᠥᠭᠡᠢ ᠪᠠᠶᠢᠨᠠ | ᠲᠤᠷᠤᠨᠠ ᠶᠢᠨ ᠰᠠᠯᠭᠢ ᠪᠠᠷ ᠭᠥᠭᠡᠮᠡᠶᠢᠯᠡᠭᠦ ᠭᠡᠨᠳᠡᠢ ᠶᠢᠨ ᠲᠠᠶᠢᠭᠠ ᠠᠴᠠ ᠠᠰᠠᠭᠤᠪᠠ | ᠥᠨᠥᠰᠭᠦᠯᠵᠢᠨ ᠭᠤᠸᠠ ᠥᠭᠢᠳ ᠨᠠᠮᠵᠤᠷᠳᠠᠬᠤ ᠮᠡᠳᠥ ᠶᠡᠭᠡᠮᠰᠥᠭᠯᠡᠭᠡᠳ ᠲᠤᠭᠤᠵᠤ ᠶᠠᠷᠢᠬᠤ ᠥᠭᠡᠢ ᠪᠠᠶᠢᠨᠠ | ᠮᠤᠩᠭᠤᠯ ᠮᠢᠨᠢ ᠴᠤᠬᠤᠮ ᠬᠠᠮᠢᠭᠠᠨ ᠠᠴᠠ ᠢᠷᠡᠭᠰᠡᠨ ᠶᠤᠮ ᠪᠤᠢ︖ | ᠭᠢᠯᠢ ᠶᠢᠨ ᠵᠠᠩᠵᠤᠨ ᠬᠠᠷᠠᠭᠤᠯ ᠮᠡᠳᠥ ᠮᠤᠨᠢ ᠠᠭᠤᠯᠠ ᠠᠴᠠ ᠪᠠᠨ ᠠᠰᠠᠭᠤᠯᠠ | ᠭᠡᠴᠡ ᠳᠤ ᠰᠢᠷᠢᠯᠳᠥᠭᠰᠡᠨ ᠮᠠᠨᠠᠨ ᠢ ᠰᠢᠭᠦᠳᠡᠷᠢ ᠡᠮᠭᠦᠭᠰᠡᠨ ᠴᠡᠴᠡᠭ ᠢᠶᠠᠷ ᠰᠠᠭᠠᠳᠠᠭᠤᠯᠤᠭᠠᠳᠠᠨᠢᠷ ᠭᠥᠮᠭᠡᠨ ᠪᠠᠶᠢᠨᠠ | ᠲᠡᠥᠭᠡ ᠶᠢᠨ ᠬᠠᠯᠠᠭᠤᠨ ᠰᠤᠷᠠᠭ ᠢ ᠲᠡᠷᠡ ᠴᠢᠭ ᠢᠶᠠᠷ ᠨᠢ ᠮᠠᠨᠠᠭᠰᠠᠨ | ᠲᠤᠯᠭᠠ ᠶᠢᠨ ᠭᠤᠷᠪᠠᠨ ᠴᠢᠯᠠᠭᠤᠨ ᠠᠴᠠ ᠠᠰᠠᠭᠤᠯᠠ | ᠲᠥᠢᠮᠡᠷ ᠤᠯᠠᠭᠠᠨ ᠨᠠᠷᠠᠨ ᠳᠤ ᠰᠤᠯᠤᠩᠭᠠ ᠪᠤᠯᠵᠤ ᠲᠣᠭᠯᠠᠭᠠᠳ ᠭᠡᠯᠡᠵᠥ ᠥᠭᠭᠦ ᠥᠭᠡᠢ ᠪᠠᠶᠢᠨᠠ | ᠲᠤᠮᠤᠭ ᠲᠤᠤᠯᠢ ᠶᠢᠨ ᠴᠠᠭᠠᠨ ᠡᠪᠥᠭᠡᠳ ᠮᠡᠳᠥ | ᠲᠡᠯᠡᠭᠡᠢ ᠬᠠᠪᠤᠵᠤ ᠲᠡᠪᠭᠡᠴᠡᠭᠰᠡᠨ ᠠᠯᠲᠠᠢ ᠬᠠᠶᠢᠷᠬᠠᠨ ᠠᠴᠠ ᠪᠠᠨ ᠠᠰᠠᠭᠤᠯᠠ | ᠲᠠᠭᠤᠤ ᠬᠤᠭᠤᠷ ᠤᠨ ᠰᠡᠭᠦᠯᠴᠢ ᠶᠢᠨ ᠰᠢᠷᠥᠩᠬᠠᠢ ᠮᠡᠳᠥ | ᠲᠡᠭᠡᠪᠥᠷ ᠨᠠᠯᠠᠵᠤ ᠵᠡᠭᠦᠷᠮᠡᠭᠯᠡᠭᠰᠡᠨ ᠲᠤᠯᠤᠭᠠᠨ ᠪᠤᠷᠬᠠᠨ ᠠᠴᠠ ᠠᠰᠠᠭᠤᠯᠠ | ᠤᠷᠤᠭ ᠲᠤᠯᠤᠭᠠᠳ ᠠᠴᠠ ᠤᠷᠴᠢᠯᠠᠩ ᠤᠨ ᠭᠢᠵᠠᠭᠠᠷ ᠭᠥᠷᠳᠡᠯᠡ ᠴᠤᠤᠷᠢᠶᠠᠯᠠᠭᠰᠠᠨ | ᠤᠩᠭᠤᠨ ᠲᠠᠯᠠ ᠪᠠᠨ ᠲᠥᠷᠰᠥᠯᠡᠭᠦ ᠮᠡᠳᠥ ᠤᠷᠳᠤ ᠶᠢᠨ ᠲᠠᠭᠤᠨ ᠠᠴᠠ ᠠᠰᠠᠭᠤᠯᠠ | ᠤᠪᠤᠭᠠᠨ ᠰᠢᠪᠰᠢᠯᠭᠡ ᠠᠴᠠ ᠤᠩᠭᠤᠳ ᠤᠨ ᠲᠠᠭᠤᠳᠠᠯᠭᠠ ᠭᠥᠷᠳᠡᠯᠡ ᠠᠰᠬᠠᠷᠠᠭᠰᠠᠨ | ᠤᠳᠤ ᠡᠷᠭᠡᠰ ᠢᠶᠠᠨ ᠲᠠᠭᠤᠷᠢᠶᠠᠬᠤ ᠮᠡᠳᠥ ᠲᠤᠯᠤᠭᠠᠨ ᠡᠭᠡᠰᠢᠭ ᠠᠴᠠ ᠪᠠᠨ ᠠᠰᠠᠭᠤᠯᠠ | ᠭᠠᠯ ᠤᠨ ᠪᠤᠷᠬᠠᠨ ᠲᠠᠢ ᠪᠠᠨ ︽ᠲᠤᠬᠤᠭᠤᠷᠠᠬᠠᠭᠠᠳ︾ ᠢᠨᠢᠶᠡᠵᠤ ᠲᠡᠷᠪᠡᠳᠡᠭ | ᠤᠶᠠᠭᠠ ᠲᠠᠢ ᠨᠢᠯᠬᠠᠰ ᠤᠨ ︽ᠭᠥᠭᠡ ᠲᠤᠯᠪᠤ︾ ᠠᠴᠠ ᠠᠰᠠᠭᠤᠯᠠ | ᠭᠠᠩ ᠲᠠᠢ ᠲᠡᠭᠷᠢ ᠶᠢᠨ ᠭᠠᠴᠢᠯᠠᠩ ᠢ ᠲᠡᠯ ᠢᠶᠠᠷ ᠢᠶᠠᠨ ᠥᠷᠭᠦᠭᠡᠳᠡᠭ | ᠤᠤᠭᠠᠯ ᠠᠳᠤᠭᠤᠨ ᠤ ᠪᠠᠨ ᠲᠠᠮᠠᠭᠠ ᠠᠴᠠ ᠠᠰᠠᠭᠤᠯᠠ | ᠭᠠᠶᠢᠬᠠᠮᠰᠢᠭᠳᠤ ᠲᠡᠭᠡᠳᠥᠰ ᠤᠨ ᠵᠠᠭᠢᠶᠠᠰᠤ ᠶᠢ ᠵᠢᠷᠥᠭᠡᠨ ᠳᠡᠭᠡᠨ ᠪᠠᠷᠢᠨᠳᠠᠭᠯᠠᠭᠰᠠᠨ ᠡᠪᠥᠭᠡᠳ ᠤᠨ | ᠴᠢᠳᠤᠷ ᠮᠤᠰᠭᠢᠭᠰᠠᠨ ᠭᠠᠷ ᠠᠴᠠ ᠠᠰᠠᠭᠤᠯᠠ | ᠭᠠᠯᠪᠠ ᠶᠢᠨ ᠴᠢᠨᠠᠳᠤ ᠠᠴᠠ ᠪᠤᠤᠭᠢᠶᠠᠯᠠᠭᠰᠠᠨ ᠭᠥᠨ ᠬᠠᠷᠠ ᠠᠶᠠᠯᠭᠤ | ᠴᠢᠯᠳᠡᠩ ᠭᠥᠭᠡ ᠬᠠᠳᠠᠨ ᠤ ᠰᠥᠭ ᠵᠢᠷᠤᠭ ᠠᠴᠠ ᠠᠰᠠᠭᠤᠯᠠ | ᠨᠢᠭᠤᠴᠠ ᠨᠢᠭᠤᠴᠠ ᠪᠠᠷ ᠢᠶᠠᠨ ᠥᠯᠡᠳᠡᠭ ᠭᠡᠭᠦ ᠰᠢᠭ | ᠨᠢᠯᠪᠤᠰᠤᠨ ᠲᠤᠰᠤᠯ ᠮᠡᠳᠤ ᠴᠢᠮᠡᠭᠡ ᠥᠭᠡᠢ ᠪᠠᠶᠢᠬᠤ ᠶᠤᠮ | ᠨᠢᠭᠤᠴᠠ ᠠᠴᠠ ᠭᠥᠴᠥᠲᠡᠢ ᠶᠠᠭᠤᠮᠠ ᠪᠠᠶᠢᠬᠤ ᠥᠭᠡᠢ ᠡ ᠭᠡᠭᠦ ᠰᠢᠭ | ᠨᠠᠭᠤᠷ ᠤᠨ ᠠᠮᠢᠰᠬᠤᠯ ᠮᠡᠳᠥ ᠠᠵᠢᠨ ᠲᠥᠵᠢᠨ ᠪᠠᠶᠢᠬᠤ ᠶᠤᠮ | ᠰᠠᠶᠢᠬᠠᠨ ᠤᠷᠤᠨ ᠢᠶᠠᠨ ᠲᠡᠪᠡᠷᠢᠭᠡᠳ ᠬᠠᠯᠢᠭᠰᠠᠨ ᠡᠷᠳᠡᠨ ᠤ ᠪᠠᠭᠠᠳᠤᠷ ᠤᠨ ᠪᠤᠯᠠᠰᠢ | ᠰᠠᠶᠠ ᠰᠠᠶᠠ ᠵᠢᠯ ᠢᠶᠠᠷ ᠢᠴᠡᠭᠡᠯᠡᠭᠰᠡᠨ ᠥᠯᠭᠡ ᠭᠥᠷᠪᠡᠯ ᠤᠨ ᠥᠨᠳᠡᠭᠡ | ᠰᠠᠶᠢᠨ ᠤ ᠢᠷᠤᠭᠡᠯ ᠳᠤ ᠮᠤᠩᠭᠤᠯ ᠢᠶᠠᠨ ᠴᠢᠭᠳᠠᠯᠠᠭᠰᠠᠨ ᠡᠷᠭᠢᠨᠠ ᠬᠤᠨ ᠤ ᠲᠠᠪᠢᠯᠠᠩ | ᠰᠠᠯᠭᠢ ᠵᠥᠪ ᠽᠠᠮᠪᠤᠯᠢᠩ ᠳᠤ ᠨᠢᠭᠤᠴᠠ ᠪᠠᠨ ᠡᠭᠰᠢᠭᠡᠭᠰᠡᠨ ᠪᠤᠭᠤᠨ ᠴᠢᠯᠠᠭᠤᠨ ᠤ ᠭᠥᠰᠢᠶᠡ ᠁ | ᠪᠥᠳᠡᠭᠢ ᠮᠤᠩᠭᠤᠯ ᠤᠨ ᠢᠶᠠᠨ ᠲᠤᠬᠠᠢ | ᠪᠥᠭᠡᠭᠡᠨ ᠤᠷᠴᠢᠯᠠᠩ ᠤᠨ ᠪᠥᠭᠦ ᠵᠥᠢᠯᠡᠰ ᠠᠴᠠ ᠠᠰᠠᠭᠤᠪᠠ ᠡ | ᠪᠥᠷᠭᠦᠳ ᠤᠨ ᠥᠨᠳᠡᠭᠡ ᠮᠡᠳᠥ | ᠲᠡᠭᠷᠢ ᠶᠢᠨ ᠲᠥᠯᠡᠢ ᠮᠡᠳᠥ ᠤᠭᠳᠤ ᠲᠤᠤᠭᠠᠷᠬᠤ ᠥᠭᠡᠢ ᠶᠤᠮ | ᠨᠡᠭᠦᠳᠡᠯ ᠤᠨ ᠭᠥᠴᠥᠳᠤ ᠤᠷᠤᠰᠬᠠᠯ ᠴᠢᠰᠤᠨ ᠲᠤᠮᠳᠠᠭᠤᠷ ᠴᠢᠳᠬᠤᠯᠠᠵᠤ ᠪᠠᠶᠢᠬᠤ ᠳᠤ | ︽ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠤ ᠪᠠᠭᠠᠳᠤᠷ ᠤᠳ ᠮᠥᠷᠥᠭᠡᠳᠥᠯ ᠲᠤᠮᠳᠠᠭᠤᠷ ᠤᠤᠬᠠᠶᠢᠯᠠᠵᠤ ᠪᠠᠶᠢᠬᠤ ᠳᠤ | ᠨᠠᠮᠢᠷᠠᠭᠠ ᠴᠡᠩᠭᠡᠷ ᠨᠤᠳᠤᠭ ᠨᠢᠳᠤ ᠲᠥᠭᠦᠷᠡᠩ ᠭᠠᠯᠭᠢᠵᠤ ᠪᠠᠶᠢᠬᠤ ᠳᠤ | ᠨᠠᠢᠮᠠᠨᠰᠢᠷᠭᠠ ᠶᠢᠨ ᠢᠨᠴᠠᠭᠠᠯ ᠲᠡᠯᠡᠭᠡᠢ ᠲᠥᠭᠦᠷᠡᠩ ᠱᠠᠭᠢᠵᠤ ᠪᠠᠶᠢᠬᠤ ᠳᠤ | ᠥᠵᠥᠭᠦᠷ ᠮᠡᠷᠭᠡᠨ ᠬᠠᠭᠠᠨ ᠨᠤᠭᠤᠳ ᠤᠨ ᠠᠯᠳᠠᠨ ᠱᠠᠷᠢᠯ ᠤᠯᠳᠠᠭᠠ ᠨᠢ ᠥᠭᠡᠢ ᠪᠠᠶᠢᠬᠤ ᠳᠤ | ᠡᠭᠦᠯᠡᠨ ᠭᠡ ᠲᠠᠢ ᠲᠡᠭᠷᠢ ᠶᠢᠨ ᠮᠥᠩᠭᠦᠨ ᠵᠠᠭᠠᠳᠠᠰᠤ ᠪᠢᠳᠡᠭᠦᠷᠡᠭᠡ ᠨᠢ ᠥᠭᠡᠢ ᠪᠠᠶᠢᠬᠤ ᠳᠤ | ᠥᠰᠦᠯᠢᠭ ᠴᠠᠭᠠᠨ ᠥᠨᠡᠭᠡ ᠥᠨᠡᠰᠥᠨ ᠲᠡᠭᠡᠷᠡ ᠢᠷᠡᠵᠤ ᠭᠥᠯᠪᠦᠷᠢᠭᠡ ᠨᠢ ᠥᠭᠡᠢ ᠪᠠᠶᠢᠬᠤ ᠳᠤ | ᠥᠶᠡᠷᠯᠡᠭᠦ ᠮᠥᠷᠡᠨ ᠤ ᠤᠰᠤ ᠡᠷᠭᠢᠵᠤ ᠤᠷᠤᠰᠬᠤ ᠪᠤᠯᠤᠭᠠ ᠨᠢ ᠥᠭᠡᠢ ᠪᠠᠶᠢᠬᠤ ᠳᠤ | ᠪᠥᠵᠥᠩ ᠰᠠᠷᠠᠨ ᠤ ᠭᠡᠷᠡᠯ ᠲᠡᠭᠡᠷᠡ ᠰᠠᠯᠭᠢᠨ ᠤ ᠥᠵᠥᠭᠦᠷ ᠢᠶᠠᠷ ᠪᠢᠴᠢᠭᠰᠡᠨ | ᠪᠢᠯᠢᠭᠦᠨ ᠰᠢᠷᠭᠠᠯ ᠴᠠᠳᠢᠭ ᠬᠠᠭᠤᠳᠠᠰᠤ ᠪᠠᠨ ᠲᠡᠯᠭᠡᠭᠦ ᠶᠠᠭᠠᠭᠢᠭᠠ ᠴᠤ ᠥᠭᠡᠢ ᠪᠠᠶᠢᠨᠠ | ᠪᠤᠮᠠᠨ ᠠᠳᠤᠭᠤᠨ ᠤ ᠲᠤᠭᠤᠰᠤᠨ ᠲᠡᠭᠡᠷᠡ ᠢᠯᠳᠤᠨ ᠤ ᠢᠷ ᠢᠶᠠᠷ ᠥᠯᠡᠳᠡᠭᠡᠭᠰᠡᠨ | ᠪᠤᠭᠤᠷᠤᠯ ᠤᠨᠢᠰᠤᠭᠠᠨ ᠤ ᠪᠢᠳᠡᠭᠦᠥ ᠵᠠᠩᠭᠢᠷᠠᠭᠠ ᠲᠠᠶᠢᠯᠤᠷᠠᠬᠤ ᠪᠤᠯᠤᠭᠠ ᠥᠭᠡᠢ ᠪᠠᠶᠢᠨᠠ | ᠲᠤᠤᠯᠢᠶᠠᠨᠳᠤ ᠮᠤᠩᠭᠤᠯ ᠤᠨ ᠪᠥᠭᠦ ᠶᠠᠭᠤᠮᠠ ᠤᠨᠢᠰᠤᠭᠠ ᠪᠠᠶᠢᠳᠠᠭ ᠶᠤᠮ ᠪᠢᠯᠡ | ᠲᠠᠭᠤᠳᠠᠬᠤ ᠨᠡᠷᠡ ᠠᠴᠠ ᠲᠠᠭᠤᠷᠢᠰᠬᠤ ᠠᠯᠳᠠᠷ ᠨᠢ ᠭᠥᠷᠳᠡᠯᠡ | ᠰᠠᠭᠤᠬᠤ ᠭᠡᠷ ᠠᠴᠠ ᠰᠤᠳᠤᠷ ᠪᠢᠴᠢᠭ ᠨᠢ ᠭᠥᠷᠳᠡᠯᠡ | ᠲᠡᠥᠭᠡ ᠶᠢᠨ ᠭᠠᠷᠪᠢᠯᠢ ᠠᠴᠠ ᠲᠥᠷᠥ ᠶᠢᠨ ᠲᠠᠮᠠᠭᠠ ᠨᠢ ᠭᠥᠷᠳᠡᠯᠡ | ᠲᠡᠮᠡᠭᠡ ᠮᠠᠯᠯᠠᠬᠤ ᠠᠴᠠ ᠲᠡᠭᠷᠢ ᠠᠷᠭᠠᠳᠠᠬᠤ ᠨᠢ ᠭᠥᠷᠳᠡᠯᠡ | ᠰᠢᠪᠰᠢᠭᠦ ᠲᠠᠷᠨᠢ ᠠᠴᠠ ᠰᠢᠨᠵᠢᠭᠦ ᠵᠢᠷᠣᠬᠠᠢ ᠨᠢ ᠭᠥᠷᠳᠡᠯᠡ | ᠪᠠᠭᠤᠳᠠᠯᠯᠠᠬᠤ ᠨᠤᠳᠤᠭ ᠠᠴᠠ ᠪᠤᠴᠠᠬᠤ ᠶᠢᠷᠳᠢᠨᠴᠣ ᠨᠢ ᠭᠥᠷᠳᠡᠯᠡ ᠁ | ᠪᠥᠭᠦ ᠶᠠᠭᠤᠮᠠ ᠨᠢ ᠤᠨᠢᠰᠤᠭᠠ ᠪᠠᠷ ︽ᠰᠢᠨᠠᠯᠭᠠᠵᠤ︾ ᠪᠠᠶᠢᠳᠠᠭ ᠰᠠᠨ | ᠠᠤᠭᠠ ᠪᠥᠭᠦᠨ ᠨᠢᠭᠤᠴᠠ ᠪᠠᠷ ᠲᠥᠭᠦᠷᠡᠩ ᠪᠠᠶᠢᠳᠠᠭ ᠶᠤᠮ | ᠠᠰᠠᠭᠤᠯᠳᠠ ᠲᠤᠳᠤᠷᠡ ᠪᠠᠨ ᠬᠠᠷᠢᠭᠤᠯᠳᠠ ᠨᠢ ᠶᠠᠪᠤᠵᠤ ᠪᠠᠶᠢᠳᠠᠭ ᠶᠤᠮ | ᠠᠭᠠᠭ ᠲᠠᠢ ᠠᠳᠠᠷᠠᠮᠠ ᠲᠠᠢ ᠡᠷᠢᠯ ᠠᠴᠠ ᠪᠠᠨ ᠪᠤᠴᠠᠵᠤ | ᠠᠳᠤᠭᠤ ᠲᠠᠢ ᠠᠶᠢᠷᠠᠭ ᠲᠠᠢ ᠠᠮᠢᠳᠤᠷᠠᠯ ᠳᠠᠭᠠᠨ ᠬᠠᠷᠢᠭᠳᠤᠨ︕ ᠭᠡᠮᠡᠨ | ᠬᠠᠨᠠ ᠶᠢᠨ ᠲᠤᠯᠤᠭᠠᠢ ᠳᠤ ᠪᠤᠶᠢᠯᠠᠭᠰᠠᠨ ᠬᠤᠭᠤᠷ ᠵᠢᠪᠠᠷ ᠡᠮᠭᠡᠷᠢᠳᠴᠤ ᠰᠤᠪᠢᠩ ᠲᠠᠳᠠᠭᠤᠯᠪᠠ | ᠬᠠᠩᠭᠠᠢ ᠶᠢᠨ ᠰᠢᠯᠢ ᠳᠤ ᠭᠥᠯᠯᠡᠭᠰᠡᠨ ᠤᠨᠠᠭᠠ ᠨᠠᠷᠠ ᠢᠮᠡᠷᠴᠤ ᠨᠠᠳᠠ ᠤᠷᠤᠭᠤ ᠢᠨᠴᠠᠭᠠᠪᠠ᠂ | ※ ※ ※ | ᠶᠢᠰᠤᠨ ᠲᠡᠭᠷᠢ ᠶᠢᠨ ᠲᠡᠷᠲᠡᠭᠡ ᠠᠴᠠ ᠲᠤᠮᠤᠭ ᠲᠤ ᠬᠤᠪᠢᠯᠵᠤ ᠶᠥᠷᠭᠡᠭᠦᠯᠵᠥ ᠢᠷᠡᠭᠰᠡᠨ | ᠶᠢᠷᠳᠢᠷᠴᠤ ᠶᠢᠨ ᠭᠥᠢ ᠮᠠᠨᠳᠠᠯ ᠳᠤ ᠨᠢᠭᠤᠴᠠ ᠪᠠᠨ ᠮᠠᠨᠠᠵᠤ ᠨᠡᠭᠦᠵᠥ ᠪᠠᠭᠤᠭᠰᠠᠨ | ᠶᠡᠭᠡᠮᠰᠥᠭ ᠲᠥᠩᠰᠥᠭᠡᠷ ᠠᠭᠤᠯᠠᠰ ᠤᠨ ᠲᠤᠭᠰᠢᠨ ᠰᠠᠪᠳᠠᠭ ᠰᠢᠭ᠋ ᠮᠤᠩᠭᠤᠯ ᠤᠨ ᠢᠶᠠᠨ | ᠢᠵᠠᠭᠤᠷ ᠭᠠᠷᠤᠯ ᠤᠨ ᠡᠷᠭᠢᠮᠰᠥᠭ ᠡᠷᠢᠯ ᠡᠴᠠᠰᠢᠯᠥᠭ ᠢᠶᠠᠨ ᠭᠡᠷᠡᠯᠳᠥᠭᠦᠯᠵᠥ ᠪᠤᠴᠠᠪᠠ ᠡ᠂ ᠪᠢ ᠁ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |