| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | | ᠤᠮᠠᠷᠠ ᠶᠢᠨ ᠲᠤᠷᠳᠤᠩ ᠰᠠᠯᠭᠢ ᠪᠠᠷ ᠪᠢ | ᠥᠷᠯᠥᠭᠡ ᠪᠤᠯᠭᠠᠨ ᠥᠨᠥᠰᠥᠭᠦᠯᠭᠦ ᠲᠤᠷᠠᠲᠠᠢ | ᠤᠤᠯ ᠨᠢ ᠲᠡᠷᠡ ᠤᠯᠠᠯᠵᠢᠭᠠᠨᠠ ᠶᠢᠨ ᠵᠢᠮᠢᠰᠭᠢᠨᠠ ᠭᠥᠭᠦᠭᠰᠡᠨ | ᠥᠵᠡᠰᠭᠦᠯᠡᠩᠳᠥ ᠪᠥᠰᠡᠭᠦᠢ ᠶᠢᠨ ᠤᠯᠠᠭᠠᠨ ᠤᠷᠤᠭᠤᠯ ᠪᠠᠶᠢᠭᠰᠠᠨ ᠶᠤᠮ | ᠨᠠᠮᠤᠷ ᠤᠨ ᠪᠤᠷᠤᠭᠠᠨ ᠤ ᠲᠤᠰᠤᠯ ᠢᠶᠠᠷ ᠪᠢ | ᠨᠠᠷᠠᠳᠤ ᠶᠢᠨ ᠭᠤᠨᠢᠭ ᠢ ᠭᠡᠯᠭᠢᠵᠥ ᠬᠠᠷᠠᠬᠤ ᠲᠤᠷᠠᠲᠠᠢ | ᠤᠷᠢᠳᠤ ᠨᠢᠭᠡᠨ ᠴᠠᠭ ᠲᠤ ᠢᠰᠡᠭᠡᠢ ᠭᠥᠷᠥᠨ ᠤ ᠪᠠᠨ ᠲᠥᠯᠥᠭᠡ | ᠬᠠᠷᠢ ᠳᠤ ᠪᠤᠭᠳᠤᠯᠠᠠᠭᠰᠠᠨ ᠾᠦᠩᠨᠤ ᠬᠠᠳᠤᠨ ᠤ ᠨᠢᠯᠪᠤᠰᠤ ᠪᠠᠶᠢᠭᠰᠠᠨ ᠶᠤᠮ | ᠬᠠᠴᠠᠷ ᠤᠨ ᠭᠢᠨᠢ ᠬᠤᠨᠳᠠᠭᠠᠨ ᠳᠤ ᠰᠢᠷᠭᠡᠭᠰᠡᠨ ᠭᠡᠮᠡᠨ | ᠴᠠᠰᠤᠨ ᠤ ᠰᠢᠷᠭᠡᠭ ᠪᠤᠯᠭᠠᠨ ᠢ ᠵᠥᠢᠵᠥ ᠪᠢ ᠰᠢᠯᠥᠭ ᠪᠢᠴᠢᠯᠡ | ᠴᠠᠭᠠᠨ ᠽᠠᠨᠳᠠᠨ ᠳᠤ ᠰᠢᠷᠢᠯᠳᠥᠭᠰᠡᠨ ᠰᠥᠨᠡᠰᠥ ᠢ ᠨᠢ ᠵᠠᠭᠤᠵᠤ ᠢᠷᠡᠭᠰᠡᠨ ᠭᠡᠮᠡᠨ | ᠠᠯᠳᠠᠨ ᠬᠠᠷᠢᠶᠠᠴᠠᠢ ᠶᠢᠨ ᠡᠭᠦᠷ ᠢ ᠪᠢ ᠪᠤᠷᠬᠠᠨ ᠤ ᠪᠠᠨ ᠠᠨᠢᠰᠬᠠᠨ ᠳᠤ ᠵᠠᠰᠠᠯᠠ | ᠪᠥᠢᠳᠤᠭ ᠤᠨ ᠭᠢᠨᠢ ᠥᠯᠮᠡᠢ ᠶᠢ ᠥᠨᠥᠰᠴᠤ ᠴᠠᠷᠴᠠᠵᠤ ᠤᠨᠠᠭᠰᠠᠨ ᠵᠢᠪᠠᠷ ᠭᠡᠮᠡᠨ | ᠪᠤᠳᠠᠩᠳᠤ ᠬᠠᠩᠭᠠᠢ ᠶᠢᠨ ᠴᠡᠴᠡᠭ ᠪᠥᠭᠦᠨ ᠢ ᠰᠥᠯᠵᠢᠵᠥ | ᠪᠥᠥᠪᠡᠢ ᠠᠶᠠᠯᠤᠭᠰᠠᠨ ᠪᠥᠰᠡᠭᠦᠢ ᠪᠥᠭᠦᠨ ᠳᠤ ᠪᠠᠷᠢᠯᠠ | ᠪᠤᠯᠠᠭᠠᠨ ᠲᠡᠪᠡᠯ ᠤᠨ ᠭᠢᠨᠢ ᠡᠪᠥᠷ ᠠᠴᠠ ᠭᠡᠭᠡᠭᠳᠡᠵᠥ ᠥᠯᠡᠳᠡᠭᠰᠡᠨ ᠬᠤᠷᠤᠳ ᠭᠡᠮᠡᠨ | ᠪᠤᠭᠤᠷᠤᠯ ᠭᠤᠪᠢ ᠶᠢᠨ ᠴᠠᠭᠢᠭᠤᠷ ᠪᠤᠯᠭᠠᠨ ᠢ ᠴᠠᠭᠢᠵᠤ | ᠮᠢᠩᠭᠠ ᠮᠢᠩᠭᠠᠨ ᠵᠤᠯᠠ ᠠᠰᠠᠭᠠᠯᠠ | ᠠᠭᠤᠯᠠ ᠠᠭᠤᠯᠠ ᠶᠢᠨ ᠴᠠᠷᠠᠮ ᠳᠤ | ᠶᠠᠳᠤᠭᠠ ᠶᠢᠨ ᠴᠢᠪᠬᠠᠳᠠᠰᠤ ᠲᠤᠷᠭᠢᠬᠤ ᠮᠡᠳᠥ ᠤᠶᠠᠬᠠᠨ ᠭᠥᠭᠦᠭᠡ ᠲᠤᠩᠭᠤᠳᠬᠤ ᠨᠢ | ᠠᠯᠤᠰ ᠲᠤ ᠮᠤᠷᠳᠠᠭᠰᠠᠨ ᠠᠮᠠᠷᠠᠭ ᠢᠶᠠᠨ ᠰᠠᠨᠠᠵᠤ | ᠢᠨᠠᠭ ᠤᠨ ᠭᠡᠭᠡᠨᠴᠢᠷ ᠲᠠᠭᠢᠨᠢ ᠨᠤᠭᠤᠳ ᠲᠠᠭᠤᠯᠠᠨ ᠪᠠᠶᠢᠬᠤ ᠮᠡᠳᠥ | ᠤᠰᠤ ᠤᠰᠤᠨ ᠤ ᠠᠭᠤᠯᠵᠠᠷ ᠲᠡᠭᠡᠷᠡ | ᠡᠵᠢ ᠶᠢᠨ ᠬᠤᠶᠠᠷ ᠮᠥᠮᠥ ᠰᠢᠭ ᠢᠵᠢᠯᠢ ᠬᠤᠨ ᠥᠶᠡᠷᠭᠡᠭᠦ ᠨᠢ | ᠰᠢᠷᠥᠭᠦᠨ ᠲᠠᠶᠢᠨ ᠳᠤ ᠮᠤᠷᠳᠠᠬᠤ ᠨᠥᠭᠦᠷ ᠲᠠᠢ ᠪᠠᠨ | ᠰᠡᠭᠦᠩᠴᠢ ᠶᠢᠨ ᠤᠳᠠᠭᠠ ᠪᠥᠰᠡᠭᠦᠢ ᠨᠢ ᠡᠷᠭᠡᠯᠡᠨ ᠪᠠᠶᠢᠬᠤ ᠮᠡᠳᠥ | ᠠᠶᠤᠩᠭᠠ ᠲᠠᠰᠭᠢᠨ ᠭᠠᠳᠠᠰᠤᠯᠠᠨᠠ | ᠮᠢᠨᠳᠠᠰᠤᠨ ᠠᠷᠭᠠᠮᠵᠢᠶᠠ ᠪᠠᠷ ᠤᠷᠢᠶᠠᠯᠭᠠᠬᠤ ᠮᠡᠳᠥ | ᠠᠶᠤᠮᠰᠢᠭᠳᠤ ᠲᠤᠯᠤᠯᠳᠤᠭᠠᠨ ᠤ ᠥᠭᠡᠳᠡ ᠠᠴᠠ | ᠠᠷᠳᠠᠭ ᠾᠦᠩᠨᠤ ᠲᠡᠭᠡᠵᠥ ᠢᠯᠳᠥ ᠪᠠᠨ ᠰᠤᠭᠤᠯᠳᠠᠭ ᠪᠠᠶᠢᠭᠰᠠᠨ ᠶᠤᠮ ᠭᠡᠨᠡ ᠯᠠᠢ | ᠠᠳᠠᠭᠠ ᠲᠡᠭᠷᠢ ᠨᠥᠷᠭᠡᠯᠡᠨᠡ | ᠮᠢᠩᠭᠠᠨ ᠭᠠᠯᠪᠠ ᠶᠡᠭᠦᠷᠡᠭᠦ ᠮᠡᠳᠥ | ᠠᠷᠤ ᠭᠢᠵᠠᠭᠠᠷ ᠤᠨ ᠲᠡᠷᠲᠡᠭᠡ ᠠᠴᠠ | ᠾᠦᠩᠨᠤ ᠵᠢᠰᠤᠮ ᠤᠨ ᠠᠳᠤᠭᠤᠳ ᠲᠡᠭᠡᠵᠥ ᠥᠶᠡᠷᠯᠡᠳᠡᠭ ᠪᠠᠶᠢᠭᠰᠠᠨ ᠶᠤᠮ ᠭᠡᠨᠡ ᠯᠠᠢ | ᠰᠠᠷᠢᠭ ᠴᠠᠭᠠᠨ ᠢᠩᠭᠡ ᠢᠪᠢᠯᠥᠨᠡ | ᠬᠠᠳᠬᠤᠯᠳᠤᠬᠤ ᠭᠥᠥ ᠪᠠᠨ ᠵᠠᠯᠪᠢᠷᠠᠭᠰᠨ ᠡᠭᠡ ᠶᠢᠨ ᠰᠡᠳᠭᠢᠯ ᠪᠠᠶᠢᠯᠠ | ᠰᠠᠷᠠᠨ ᠤ ᠮᠥᠩᠭᠦᠨ ᠤᠨᠢᠶᠠᠷ ᠠᠰᠬᠠᠷᠠᠨᠠ | ᠴᠡᠷᠢᠭ ᠵᠢᠭᠰᠠᠭᠠᠯ ᠤᠨ ᠬᠤᠶᠢᠨᠠ ᠠᠴᠠ ᠡᠷᠭᠦᠭᠰᠡᠨ ᠰᠠᠴᠤᠯᠢ ᠶᠢᠨ ᠰᠥ ᠪᠠᠶᠢᠯᠠ | ᠲᠡᠭᠡᠷᠡᠩᠭᠦᠢ ᠭᠥᠭᠡ ᠴᠢᠨ᠋ᠸᠠ ᠲᠡᠯᠡᠭᠡᠢ ᠲᠠᠰᠤᠳᠠᠵᠤ ᠤᠯᠢᠨᠠ | ᠮᠤᠳᠤᠨ ᠴᠠᠨ ᠢᠤᠢ ᠶᠢᠨ ᠮᠤᠷᠢᠨ ᠲᠡᠭᠡᠷᠡ ᠢᠰᠭᠢᠷᠥᠭᠰᠡᠨ ᠭᠥᠭᠡᠮᠡᠢ ᠪᠠᠶᠢᠯᠠ | ᠭᠠᠯ ᠤᠯᠠᠭᠠᠨ ᠴᠡᠴᠡᠭ ᠤᠳ ᠲᠠᠩᠭᠠᠷᠢᠭ ᠤᠨ ᠠᠶᠠᠰ ᠢᠶᠠᠷ ᠪᠤᠶᠢᠯᠠᠨᠠ | ᠭᠠᠵᠠᠷ ᠨᠤᠳᠤᠭ ᠢᠶᠠᠨ ᠥᠮᠥᠭᠯᠡᠵᠥ ᠠᠰᠬᠠᠭᠰᠠᠨ ᠪᠠᠭᠠᠳᠤᠷ ᠤᠳ ᠤᠨ ᠮᠢᠨᠢ ᠴᠢᠰᠤ ᠪᠠᠶᠢᠯᠠ | ᠰᠠᠶᠠ ᠵᠢᠸᠠ ᠵᠢᠯ ᠤᠨ ᠥᠯᠢᠭᠡᠷ ᠤᠨ ᠪᠢᠳᠡᠭᠦᠥ ᠤᠨᠢᠰᠤᠭᠠ ᠮᠡᠳᠥ | ᠰᠠᠯᠭᠢᠨ ᠤ ᠨᠢᠭᠡᠨ ᠥᠵᠥᠭᠦᠷ ᠠᠴᠠ ᠡᠷᠳᠡᠨ ᠤ ᠨᠢᠯᠪᠤᠰᠤ ᠠᠮᠳᠠᠭᠳᠠᠨᠠ | ᠰᠠᠨᠰᠠᠷ ᠤᠨ ᠵᠠᠢ ᠨᠡᠪᠳᠡ ᠴᠤᠷᠭᠢᠭᠰᠠᠨ ᠲᠤᠸᠠ ᠰᠤᠬᠤᠷ ᠤᠨ ᠨᠢᠳᠤ ᠮᠡᠳᠥ | ᠰᠠᠭᠠᠷᠠᠯ ᠥᠳᠡᠰᠢ ᠶᠢᠨ ᠠᠨᠢᠷ ᠰᠥᠪᠡᠯᠡᠵᠥ ᠭᠥᠷᠡᠯ ᠰᠤᠮᠤ ᠢᠰᠭᠢᠷᠥᠨᠡ | ᠢᠰᠡᠭᠡᠢ ᠭᠡᠷ ᠤᠨ ᠬᠠᠶᠠᠭᠠᠨ ᠳᠤ ᠲᠤᠮᠤᠭ ᠤᠨ ᠮᠠᠷᠠᠯ ᠭᠥᠯ ᠢᠶᠠᠨ ᠰᠣᠶᠢᠵᠤ ᠡᠷᠭᠡᠯᠡᠨᠡᠮ | ᠶᠡᠭᠡ ᠨᠡᠭᠦᠳᠡᠯ ᠤᠨ ᠰᠡᠭᠦᠯᠴᠢ ᠶᠢᠨ ᠴᠢᠮᠡᠭᠡ ᠨᠠᠳᠠ ᠲᠤᠮᠳᠠᠭᠤᠷ ᠤᠷᠤᠰᠴᠤ ᠥᠩᠭᠡᠷᠡᠨᠡᠮ | ᠠᠲᠲ᠋ᠢᠯᠠ ᠶᠢᠨ ᠴᠠᠩᠭᠠᠭᠰᠠᠨ ᠰᠡᠯᠡᠮᠡ ᠤᠬᠠᠭᠠᠷᠠᠯ ᠤᠨ ᠬᠠᠷᠠᠩᠭᠤᠢ ᠶᠢ ᠴᠠᠪᠴᠢᠯᠠᠨᠠᠮ | ᠲᠥᠷᠢᠮᠡᠭᠡᠢ ᠪᠠᠷᠳᠠᠮ ᠾᠦᠩᠨᠤ ᠠᠶᠠᠯᠭᠤ | ᠲᠡᠭᠷᠢ ᠶᠢᠨ ᠴᠠᠭᠠᠨ ᠤᠨᠠᠭᠠᠨ ᠳᠤ ᠬᠤᠪᠢᠯᠤᠭᠠᠳ | ᠲᠥᠨᠡᠷ ᠬᠠᠷᠠᠩᠭᠤᠢ ᠶᠢ ᠲᠥᠢᠮᠡᠷ ᠮᠡᠳᠤ ᠭᠠᠯᠳᠠᠵᠤ | ᠲᠡᠥᠭᠡ ᠶᠢᠨ ᠨᠢᠭᠤᠴᠠ ᠤᠷᠤᠭᠤ ᠠᠭᠤᠰᠤᠨ ᠠᠭᠤᠰᠤᠨ ᠠᠯᠳᠠᠷᠠᠪᠠ ᠡ︕ | ᠾᠦᠩᠨᠤ ᠠᠶᠠᠯᠭᠤ | ᠬᠤᠪᠢᠯᠭᠠᠨ ᠠᠶᠠᠯᠭᠤ | ᠬᠤᠷᠮᠤᠰᠳᠠ ᠶᠢᠨ ᠠᠶᠠᠯᠭᠤ | ᠮᠤᠩᠭᠤᠯ ᠠᠶᠠᠯᠭᠤ | ᠮᠤᠯᠤᠷ ᠠᠶᠠᠯᠭᠤ | ᠮᠥᠩᠭᠡ ᠶᠢᠨ ᠠᠶᠠᠯᠭᠤ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |