| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | ᠬᠠᠭᠠᠨ ᠬᠤᠪᠢᠯᠠᠢ | ᠬᠠᠩᠭᠠᠢ ᠨᠤᠳᠤᠭ ᠠᠴᠠ ᠪᠠᠨ ᠠᠯᠳᠠᠭᠤᠷᠠᠬᠤ ᠮᠡᠳᠤ | ᠬᠠᠰᠢᠵᠤ ᠴᠢᠳᠠᠭᠠ ᠦᠭᠡᠢ ᠳᠡᠭᠡᠨ ᠭᠤᠮᠤᠳᠠᠬᠤ ᠮᠡᠳᠤ | ᠬᠠᠷᠠᠬᠤᠷᠢᠨ ᠤᠷᠪᠤᠩ ᠢᠶᠠᠷ ᠢᠶᠠᠨ ᠰᠢᠳᠠᠬᠤ ᠳᠤ | ᠬᠠᠳᠠ ᠲᠠᠢ ᠡᠷᠭᠢ ᠠᠴᠠ ᠪᠠᠨ ᠲᠠᠪᠠᠵᠤ | ᠤᠨᠳᠠᠷᠠᠭᠠᠵᠤ ᠴᠢᠳᠠᠭᠠ ᠦᠭᠡᠢ ᠳᠡᠭᠡᠨ ᠭᠠᠰᠢᠭᠤᠳᠠᠬᠤ ᠮᠡᠳᠤ | ᠤᠷᠬᠤᠨ ᠭᠤᠤᠯ ᠡᠷᠭᠢᠯᠭᠡᠭᠡᠨ ᠳᠡᠭᠡᠨ ᠵᠠᠩᠭᠢᠷᠠᠬᠤ ᠮᠡᠳᠤ | ᠤᠳᠤᠳ ᠤᠨ ᠭᠡᠭᠡ ᠭᠡᠪᠡᠯᠢ ᠳᠤ ᠨᠢ ᠵᠢᠩᠳᠡᠭᠦ ᠮᠡᠳᠤ | ᠥᠭᠡᠳᠠᠢ ᠬᠠᠭᠠᠨ ᠤ ᠪᠥᠳᠥᠷᠢᠵᠥ ᠭᠤᠶᠢᠪᠢᠵᠤ | ᠠᠯᠳᠠᠵᠤ ᠴᠠᠯᠭᠢᠭᠤᠯᠤᠭᠰᠠᠨ ᠬᠠᠳᠠᠭᠤ ᠲᠠᠷᠠᠰᠤ ᠠᠮᠳᠠᠭᠳᠠᠬᠤ ᠮᠡᠳᠤ | ᠥᠭᠡᠳᠡᠩ ᠬᠠᠳᠤᠳ ᠤᠨ ᠤᠷᠤᠭᠤᠯ ᠤᠨ ᠭᠡ | ᠨᠠᠷᠠ ᠢᠮᠢᠴᠢᠳᠥᠭᠰᠡᠨ ᠭᠤᠤᠯ ᠤᠨ ᠲᠤᠯᠭᠢᠰ ᠲᠡᠭᠡᠷᠡ ᠲᠤᠭᠯᠠᠬᠤ ᠮᠡᠳᠤ | ᠬᠠᠷᠠᠬᠤᠷᠢᠨ ᠤ ᠤᠨᠠᠭᠠᠨ ᠲᠥᠷᠭᠦ | ᠬᠠᠷᠭᠢᠯᠠᠬᠤ ᠴᠢᠯᠠᠭᠤᠳ ᠤᠨ ᠤᠨᠠᠭᠠᠨ ᠰᠢᠷᠭᠡᠭ ᠠᠴᠠ ᠨᠢ ᠤᠶᠢᠬᠤ ᠮᠡᠳᠤ | ᠭᠠᠯᠵᠠᠭᠤ ᠲᠠᠶᠢᠰᠤᠨ ᠲᠠᠢ ᠴᠠᠪᠴᠢᠯᠳᠤᠬᠤ | ᠭᠠᠩ ᠰᠡᠯᠡᠮᠡ ᠶᠢᠨ ᠢᠶᠠᠨ ᠢᠷ ᠢ | ᠭᠠᠯᠭᠢᠭᠰᠠᠨ ᠤᠰᠤᠨ ᠳᠤᠨᠢ ᠰᠢᠷᠢᠭᠡᠭᠦ ᠨᠢ ᠰᠣᠨᠤᠰᠳᠠᠬᠤ ᠮᠡᠳᠤ | ᠰᠢᠷᠥᠭᠦᠨ ᠲᠠᠶᠢᠨ ᠳᠤ ᠮᠤᠷᠳᠠᠬᠤ | ᠰᠢᠷᠢᠨ ᠬᠤᠶᠠᠭ ᠲᠠᠢ ᠪᠠᠭᠠᠳᠤᠷ ᠤᠳ | ᠰᠡᠭᠦᠯᠴᠢ ᠶᠢᠨ ᠤᠳᠠᠭᠠ ᠪᠢᠳᠡᠭᠦᠯᠡᠨ ᠠᠮᠰᠠᠬᠤ ᠨᠢ ᠥᠵᠡᠭᠳᠡᠭᠦ ᠮᠡᠳᠤ | ᠤᠷᠬᠤᠨ ᠭᠤᠤᠯ ᠲᠡᠥᠭᠡ ᠵᠢᠭᠤᠷᠠᠵᠤ ᠰᠠᠨᠠᠭᠠᠰᠢᠷᠠᠬᠤ ᠮᠡᠳᠤ | ᠤᠳᠤᠳ ᠤᠨ ᠰᠢᠪᠡᠨᠡᠭᠡ ᠤᠷᠤᠰᠬᠠᠯ ᠳᠤᠨᠢ ᠬᠤᠶᠢᠯᠠᠷᠠᠵᠤ ᠴᠠᠴᠠᠬᠤ ᠮᠡᠳᠤ | ᠬᠠᠭᠤᠷᠠᠢ ᠰᠢᠷᠠᠯᠵᠢ ᠮᠡᠳᠤ ᠠᠰᠠᠭᠰᠠᠨ ᠪᠢᠴᠢᠬᠠᠨ ᠥᠭᠢᠨ | ᠬᠠᠭᠤᠷᠮᠠᠴᠢ ᠴᠠᠪᠳᠡᠭ ᠤᠷᠴᠢᠯᠠᠩ ᠢ ᠲᠠᠰᠤᠳᠠᠬᠤ ᠮᠡᠳᠤ ᠤᠷᠢᠯᠠᠨ ᠭᠥᠶᠥᠵᠥ | ᠬᠤᠷᠵᠢᠭᠢᠨᠠᠨ ᠨᠤᠶᠢᠷᠰᠤᠬᠤ ᠮᠡᠳᠤ ᠭᠤᠤᠯ ᠤᠨ ᠡᠷᠭᠢ ᠠᠴᠠ | ᠬᠤᠷᠢᠬᠠᠨ ᠠᠯᠬᠤᠮ ᠤᠨ ᠵᠠᠶᠢᠳᠠᠢ ᠤᠨᠠᠨ ᠶᠡᠭᠦᠳᠭᠦ ᠨᠢ ᠬᠠᠷᠠᠭᠳᠠᠬᠤ ᠮᠡᠳᠤ | ᠠᠷᠢᠭᠪᠤᠬᠠ ᠶᠢᠨ ᠠᠰᠬᠠᠭᠰᠠᠨ ᠨᠢᠯᠪᠤᠰᠤ | ᠪᠤᠷᠤᠭᠠᠨ ᠪᠤᠯᠵᠤ ᠲᠤᠰᠤᠯᠠᠬᠤ ᠮᠡᠳᠤ | ᠠᠷᠤ ᠭᠢᠵᠠᠭᠠᠷ ᠤᠨ ᠮᠠᠷᠳᠠᠭᠳᠠᠭᠰᠠᠨ ᠥᠯᠢᠭᠡᠷ | ᠮᠠᠨᠠᠨ ᠪᠤᠯᠵᠤ ᠲᠤᠨᠤᠷᠠᠬᠤ ᠮᠡᠳᠤ | ᠲᠡᠷᠳᠡᠭᠡ ᠵᠠᠭᠤᠨ ᠢ ᠴᠢᠩᠨᠠᠬᠤ ᠮᠡᠳᠤ | ᠤᠷᠬᠤᠨ ᠭᠤᠤᠯ ᠰᠡᠮ ᠰᠡᠮᠭᠡᠨ ᠤᠷᠤᠰᠤᠨᠠ | ᠲᠡᠭᠷᠢ ᠪᠤᠷᠬᠠᠨ ᠳᠠᠭᠠᠨ ᠵᠠᠯᠪᠠᠷᠢᠬᠤ ᠮᠡᠳᠤ | ᠲᠥᠪᠰᠢᠨ ᠰᠢᠷᠡᠭᠡ ᠠᠭᠤᠯᠠ① ᠨᠥᠰᠡᠷ ᠲᠥᠩᠰᠥᠶᠢᠨᠡ | ᠲᠡᠥᠭᠡ | ᠠᠳᠡ ᠠᠴᠠ ᠮᠡᠨᠳᠥᠯᠡᠵᠥ ᠠᠳᠡ ᠵᠢᠷᠭᠠᠪᠠ | ᠲᠡᠥᠭᠡ ᠶᠢᠨ ᠰᠠᠷᠬᠤᠳ ᠢ | ᠠᠳᠡ ᠠᠴᠠ ᠠᠮᠰᠠᠵᠤ ᠲᠡᠷᠳᠡᠭᠡ ᠤᠬᠠᠭᠠᠷᠠᠪᠠ᠃ | ① ᠬᠠᠷᠠᠬᠤᠷᠢᠨ ᠤ ᠪᠠᠷᠠᠭᠤᠬᠠᠨ ᠲᠠᠯᠠ ᠳᠤ ᠪᠠᠶᠢᠭᠠ ᠠᠭᠤᠯᠠ᠃ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |