| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | ᠪᠥᠷᠳᠡ ᠴᠢᠨ᠋ᠸᠠ ᠭᠥᠢ ᠪᠠᠨ ᠴᠢᠯᠠᠭᠤᠨ ᠳᠤᠨᠢ ᠲᠠᠷᠤᠭᠰᠠᠨ | ᠪᠥᠭᠡ ᠵᠠᠶᠢᠷᠠᠩ ᠰᠢᠪᠰᠢᠯᠭᠡ ᠪᠠᠨ ᠤᠪᠤᠭᠠᠨ ᠳᠤᠨᠢ ᠵᠠᠩᠭᠢᠳᠤᠭᠰᠠᠨ | ᠪᠥᠭᠡᠭᠡᠨ ᠮᠤᠷᠢᠳ ᠤᠨ ᠥᠥᠷᠰᠡᠯ ᠪᠤᠯᠠᠭ ᠪᠤᠯᠵᠤ ᠴᠢᠳᠬᠤᠯᠠᠭᠰᠠᠨ | ᠪᠥᠭᠡᠮ ᠮᠤᠩᠭᠤᠯ ᠤᠨ ᠲᠠᠭᠠᠳᠬᠠᠯ ᠰᠢᠭᠤᠢ ᠪᠤᠯᠵᠤ ᠱᠤᠤᠭᠢᠭᠰᠠᠨ | ᠪᠤᠷᠬᠠᠨ ᠬᠠᠯᠳᠤᠨ ᠠᠭᠤᠯᠠ | ᠪᠤᠳᠠᠩ ᠰᠢᠪᠡᠭᠡᠯᠡᠭᠰᠡᠨ ᠬᠠᠶᠢᠷᠬᠠᠨ | ᠮᠡᠷᠭᠢᠳ ᠤᠨ ᠥᠰᠢᠯ ᠠᠴᠠ ᠲᠡᠮᠥᠵᠢᠨ ᠢᠶᠠᠨ | ᠤᠢ ᠪᠠᠨ ᠰᠢᠷᠢᠯᠳᠥᠭᠦᠯᠵᠥ ᠥᠮᠥᠭᠡᠷᠡᠭᠰᠡᠨ ᠶᠤᠮ | ᠮᠢᠩᠭᠠᠨ ᠤ ᠮᠠᠩᠯᠠᠢ ᠡᠵᠡᠨ ᠢᠶᠠᠨ | ᠡᠪᠤᠷ ᠢᠶᠠᠨ ᠥᠮᠥᠯᠵᠥ ᠨᠢᠭᠤᠴᠠᠯᠠᠭᠰᠠᠨ ᠶᠤᠮ | ᠪᠤᠷᠬᠠᠨ ᠪᠠᠭᠰᠢ ᠶᠢᠨ ᠠᠯᠳᠠᠨ ᠲᠠᠷᠨᠢ | ᠴᠡᠴᠡᠭ ᠨᠢ ᠪᠤᠯᠵᠥ ᠵᠤᠯᠠᠯᠠᠭᠰᠠᠨ ᠪᠠᠶᠢᠬᠤ ᠶᠤᠮ | ᠪᠤᠭᠳᠠ ᠴᠢᠩᠭᠡᠰ ᠤᠨ ᠭᠥᠯ ᠨᠢᠴᠥᠭᠦᠨ ᠮᠥᠷ | ᠴᠢᠯᠠᠭᠤ ᠨᠢ ᠪᠤᠯᠵᠥ ᠱᠠᠷᠭᠢᠭᠰᠠᠨ ᠪᠠᠶᠢᠬᠤ ᠶᠤᠮ | ᠡᠪᠡᠰᠤᠨ ᠳᠤ ᠠᠰᠬᠠᠷᠠᠭᠰᠠᠨ ᠭᠤᠷᠪᠠᠨ ᠮᠠᠷᠠᠯ ᠤᠨ ᠨᠢᠯᠪᠤᠰᠤ | ᠥᠳᠡᠭᠦᠰ ᠲᠡᠭᠡᠳᠥᠰ ᠤᠨ ᠮᠢᠨᠢ ᠪᠢᠳᠠᠨ ᠳᠤ ᠰᠥᠩᠨᠡᠭᠰᠡᠨ ᠵᠠᠭᠢᠶᠠᠰᠤ ᠪᠠᠶᠢᠪᠠ | ᠨᠠᠷᠠ ᠲᠡᠮᠲᠡᠷᠢᠵᠥ ᠵᠡᠭᠦᠷᠮᠡᠭᠯᠡᠭᠰᠡᠨ ᠪᠠᠯᠠᠷ ᠭᠥᠭᠡ ᠲᠠᠶᠢᠭᠠ | ᠨᠠᠷᠮᠠᠢ ᠮᠤᠩᠭᠤᠯ ᠬᠠᠭᠠᠳ ᠤᠨ ᠮᠢᠨᠢ ᠲᠡᠭᠷᠢ ᠳᠤ ᠲᠡᠮᠡᠤᠯᠡᠭᠰᠡᠨ ᠰᠥᠨᠡᠰᠥ ᠪᠠᠶᠢᠯᠠ | ᠴᠡᠭᠡᠨ ᠡᠭᠦᠯᠡ ᠮᠤᠳᠤ ᠲᠠᠢ ᠵᠢᠯᠭᠠᠨ ᠳᠤᠨᠢ | ᠴᠡᠴᠡᠭ ᠲᠡᠷᠡᠯᠡᠵᠥ ᠬᠤᠨᠤᠳᠠᠭ ᠪᠠᠶᠢᠨᠠ | ᠠᠯᠠᠭ ᠵᠤᠯᠠᠢ ᠪᠠᠨ ᠡᠭᠦᠯᠡᠨ ᠳᠤ ᠬᠠᠪᠢᠷᠴᠤ | ᠠᠶᠤᠩᠭᠠ ᠴᠠᠭᠢᠵᠤ ᠬᠤᠷᠠ ᠰᠠᠭᠠᠮᠰᠢᠳᠠᠭ ᠪᠠᠶᠢᠨᠠ | ᠪᠥᠷᠳᠡ ᠴᠢᠨ᠋ᠸᠠ ᠭᠤᠸᠠ ᠮᠠᠷᠠᠯ ᠬᠤᠶᠠᠷ ᠤᠨ ᠪᠥᠯᠢᠶᠠᠨ ᠰᠢᠪᠡᠨᠡᠭᠡ | ᠵᠢᠪᠠᠷ ᠤᠨ ᠥᠵᠥᠭᠦᠷ ᠲᠤ ᠬᠠᠩᠬᠤᠯᠠᠨᠠ | ᠪᠥᠷᠳᠡᠭᠡᠯᠵᠡᠨ ᠬᠠᠳᠤᠨ ᠡᠵᠡᠨ ᠴᠢᠩᠭᠢᠰ ᠬᠤᠶᠠᠷ ᠤᠨ ᠪᠥᠥᠪᠡᠢ ᠶᠢᠨ ᠡᠭᠡᠰᠢᠭᠯᠡᠩ | ᠵᠡᠭᠦᠳᠤᠨ ᠤ ᠰᠡᠵᠢᠭᠦᠷ ᠲᠤ ᠭᠤᠭᠴᠤᠭᠠᠷᠠᠨᠠ | ᠪᠤᠷᠬᠠᠨ ᠠᠭᠤᠯᠠ ᠠᠴᠠ ᠢᠪᠢᠯᠥᠭᠰᠡᠨ ᠭᠤᠷᠪᠠᠨ ᠭᠤᠤᠯ ᠤᠨ ᠲᠡᠭᠡᠵᠢ | ᠪᠤᠭᠤᠷᠤᠯ ᠮᠤᠩᠭᠤᠯ ᠤᠨ ᠰᠤᠳᠠᠰᠤᠨ ᠲᠤᠮᠳᠠᠭᠤᠷ ᠭᠠᠯᠭᠢᠨᠠ | ᠪᠤᠯᠢᠶᠠᠵᠤ ᠥᠯᠡᠳᠡᠭᠰᠡᠨ ᠴᠠᠭ ᠬᠤᠭᠤᠴᠠᠭᠠᠨ ᠤ ᠠᠭᠱᠠᠨ | ᠪᠤᠳᠠᠩ ᠮᠠᠨᠠᠨ ᠳᠤ ᠨᠠᠪᠴᠢ ᠮᠡᠳᠤ ᠭᠥᠪᠥᠨᠡ | ᠵᠡᠭᠦᠨ ᠵᠥᠭ ᠤᠨ ᠲᠥᠴᠢᠨ ᠲᠥᠷᠪᠡᠨ ᠬᠠᠷᠠ ᠲᠡᠭᠷᠢ | ᠪᠠᠷᠠᠭᠤᠨ ᠵᠥᠭ ᠤᠨ ᠲᠠᠪᠢᠨ ᠲᠠᠪᠤᠨ ᠴᠠᠭᠠᠨ ᠲᠡᠭᠷᠢ | ᠵᠥᠭ ᠪᠥᠷᠢ ᠠᠴᠠ ᠵᠢᠳᠭᠦᠵᠥ ᠤᠷᠭᠤᠭᠰᠠᠨ ᠵᠥᠩ ᠰᠢᠪᠰᠢᠯᠭᠡ | ᠪᠠᠳᠠᠷᠠᠩᠭᠤᠢ ᠮᠤᠩᠭᠤᠯ ᠤᠨ ᠬᠤᠶᠢᠮᠤᠷ ᠠᠭᠤᠯᠠ ᠪᠤᠯᠵᠤ ᠰᠥᠮᠪᠥᠷᠯᠡᠭᠰᠡᠨ ᠠᠪᠠᠢ | ᠪᠤᠷᠬᠠᠨ ᠬᠠᠯᠳᠤᠨ ᠠᠭᠤᠯᠠ ᠡᠶᠢᠮᠤ ᠪᠥᠯᠥᠭᠡ ᠁ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |