| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | ᠬᠤᠷᠮᠤᠰᠳᠠ ᠲᠡᠭᠷᠢ ᠶᠢᠨ ᠬᠤᠤᠰ ᠥᠭᠡᠢ ᠭᠠᠶᠢᠬᠠᠮᠰᠢᠭᠳᠤ ᠪᠥᠳᠥᠭᠡᠯ ᠮᠤᠩᠭᠤᠯ ᠮᠤᠷᠢ ᠮᠠᠨᠢ ᠥᠥᠷ ᠰᠥᠨᠢ | ᠶᠢᠨ ᠤᠳᠤ ᠰᠢᠭ᠋ ᠵᠢᠯ ᠲᠤᠳᠤᠮ ᠴᠥᠭᠡᠷᠡᠭᠰᠡᠭᠡᠷ ᠪᠠᠶᠢᠨᠠ᠃ ᠡᠭᠦᠨ ᠳᠤ ᠮᠢᠨᠤ ᠨᠤᠳᠤᠭ ᠭᠡᠳᠥᠶᠢᠪᠡᠷ ᠡᠯᠡᠰᠥᠷᠭᠡᠭ | ᠴᠥᠯᠡᠷᠭᠡᠭ ᠭᠤᠪᠢ ᠭᠠᠵᠠᠷ ᠪᠤᠯᠪᠠᠴᠤ ᠴᠥᠭᠡᠨ ᠭᠡᠳᠥᠨ ᠠᠳᠤᠭᠤ ᠲᠠᠢ ᠪᠠᠶᠢᠭᠰᠠᠨ ᠪᠥᠯᠥᠭᠡ᠃ ᠨᠡᠯᠢᠶᠡᠳ ᠭᠳᠥᠨ | ᠵᠢᠯ ᠤᠨ ᠡᠮᠥᠨᠡ ᠵᠥᠢᠯ ᠵᠥᠢᠯ ᠤᠨ ᠰᠢᠯᠳᠠᠭᠠᠨ ᠠᠴᠠ ᠪᠤᠯᠵᠤ᠂ ᠤᠳᠤ ᠲᠠᠮᠠᠭᠠᠯᠠᠭᠰᠠᠨ ᠮᠥᠷ ᠬᠠᠳᠠᠭᠰᠠᠨ ᠬᠤᠮᠤᠯ | ᠨᠢ ᠴᠦ ᠤᠯᠳᠠᠬᠤᠶᠠ ᠪᠡᠷᠭᠡ ᠪᠤᠯᠵᠤᠬᠤᠢ᠃ ᠬᠠᠮᠤᠭ ᠰᠡᠭᠦᠯᠴᠢ ᠶᠢᠨ ᠨᠢᠭᠡ ᠭᠡᠭᠦᠨ ᠠᠴᠠ ᠴᠢᠨᠳᠠᠭᠠ ᠰᠢᠭ᠋ ᠴᠠᠭᠠᠨ | ᠤᠨᠠᠭᠠ ᠲᠥᠷᠥᠭᠰᠡᠨ ᠶᠤᠮ᠃ ᠲᠡᠷᠡ ᠤᠨᠠᠭᠠ ᠭᠡᠨᠡᠳᠳᠡ ᠯᠡ ᠭᠠᠵᠠᠷ ᠲᠤ ᠰᠢᠩᠭᠡᠵᠥ᠂ ᠲᠡᠭᠷᠢ ᠲᠤ ᠬᠠᠷᠪᠤᠭᠰᠠᠨ | ᠮᠡᠳᠤ ᠤᠷᠤ ᠰᠤᠷᠠᠭ ᠥᠭᠡᠢ ᠵᠢᠯᠢᠢᠵᠤ ᠤᠳᠤᠭᠰᠠᠨ ᠨᠢ ᠬᠠᠴᠢᠷᠬᠠᠯ ᠲᠠᠢ᠃ ᠲᠡᠷᠡ ᠤᠨᠠᠭᠠ ᠤᠳᠤ ᠮᠢᠨᠤ ᠵᠥᠩ | ᠰᠤᠪᠢᠩ ᠤᠨ ᠭᠡᠭᠡᠨ ᠤᠭᠳᠠᠷᠭᠤᠢ ᠳᠤ ᠤᠩᠭᠤᠳ ᠪᠢᠯᠢᠭ ᠪᠤᠯᠤᠨ ᠴᠠᠭᠢᠯᠵᠤ ᠴᠠᠮᠨᠠᠨ ᠪᠠᠭᠤᠵᠤ ᠢᠷᠡᠭᠰᠡᠨ ᠢ ᠤᠶᠤᠨ | ᠮᠡᠷᠭᠡᠨ ᠲᠠ ᠪᠥᠭᠦᠨ ᠮᠠᠨᠢ ᠲᠠᠭᠠᠯᠠᠨ ᠪᠤᠯᠭᠤᠭᠠᠮᠤ︕ | ᠠᠶᠤᠩᠭᠠ ᠲᠠᠰᠭᠢᠨ ᠭᠠᠳᠠᠰᠤᠯᠠᠵᠤ | ᠠᠳᠬᠠᠭ ᠰᠡᠳᠭᠢᠯ ᠮᠡᠳᠤ ᠪᠠᠷᠠᠭᠠᠨ ᠡᠭᠦᠯᠡ ᠬᠠᠭᠠ ᠲᠠᠳᠠᠨ ᠢᠷᠠᠭᠳᠠᠪᠠ | ᠠᠯᠳᠠᠢ ᠶᠢᠨ ᠴᠠᠭᠠᠨ ᠤᠨᠠᠭᠠ ᠲᠡᠷᠡ ᠲᠤᠮᠳᠠ ᠠᠴᠠ | ᠠᠷᠭᠠᠯ ᠤᠨ ᠭᠠᠯ ᠤᠨ ᠤᠴᠢ ᠮᠡᠳᠤ ᠴᠭᠢᠯᠤᠩᠬᠠᠨ ᠪᠠᠭᠤᠵᠤ ᠢᠷᠡᠪᠡ | ᠡᠵᠢ ᠶᠢ ᠪᠠᠨ ᠰᠠᠨᠠᠵᠤ ᠡᠯᠢᠭᠡ ᠪᠠᠨ ᠥᠮᠥᠷᠡᠳᠡᠯᠡ ᠥᠥᠷᠰᠡᠪᠡ | ᠢᠵᠢᠯᠢ ᠪᠠᠨ ᠬᠠᠶᠢᠵᠤ ᠴᠠᠭᠢᠭᠤᠷ ᠮᠠᠨᠠᠯᠵᠠᠭᠤᠯᠤᠨ ᠲᠠᠴᠢᠭᠢᠨᠠᠪᠠ ᠁ | ᠰᠠᠷᠠ ᠲᠠᠢ ᠬᠤᠪᠢᠶᠠᠯᠴᠠᠨ ᠵᠠᠯᠭᠢᠳᠠᠭ ᠪᠠᠶᠢᠭᠰᠠᠨ ᠨᠠᠭᠤᠷ ᠤᠨ ᠢᠶᠠᠨ ᠲᠡᠷᠭᠡᠳᠡ ᠤᠴᠢᠯᠠ | ᠰᠠᠮᠠᠭᠠᠨ ᠪᠤᠭᠤᠷᠤᠯ ᠡᠵᠢ ᠶᠢᠨ ᠰᠢᠷᠭᠢᠭᠰᠡᠨ ᠨᠢᠳᠤ ᠰᠢᠭ ᠬᠠᠳᠠᠭᠰᠠᠨ ᠪᠠᠶᠢᠨᠠ | ᠰᠠᠯᠭᠢᠨ ᠳᠤ ᠲᠡᠯ ᠢᠶᠠᠨ ᠠᠰᠠᠭᠠᠵᠤ ᠲᠡᠷᠭᠡᠳᠡᠭ ᠪᠤᠳᠠᠩᠳᠤ ᠬᠠᠩᠭᠠᠢ ᠲᠡᠭᠡᠷᠡ ᠪᠠᠨ ᠭᠥᠯᠪᠡᠷᠢᠯᠡ | ᠰᠠᠭᠠᠷᠠᠯ ᠪᠤᠳᠤᠯ ᠲᠠᠢ ᠭᠥᠮᠥᠨ ᠤ ᠲᠤᠳᠤᠷᠠ ᠰᠢᠭ᠋ ᠭᠥᠢᠳᠡᠨ ᠲᠠᠭᠠᠭᠠᠵᠤ ᠪᠠᠶᠢᠨᠠ | ᠴᠡᠯᠮᠡᠭᠦᠨ ᠲᠡᠭᠷᠢ ᠶᠢᠨ ᠨᠠᠷᠠᠨ ᠤ ᠭᠡᠭᠡ ᠵᠢᠭᠢᠵᠤ | ᠴᠡᠴᠡᠭᠳᠤ ᠡᠩᠭᠡᠷ ᠲᠡᠭᠡᠷᠡ ᠪᠠᠨ ᠪᠤᠰᠤᠭᠠ ᠲᠥᠷᠥᠭᠰᠡᠨ ᠨᠢ ᠰᠠᠨᠠᠭᠳᠠᠨᠠ | ᠴᠡᠮᠴᠡᠭᠡᠷ ᠭᠥᠭᠡ ᠵᠢᠪᠠᠷ ᠤᠷᠤᠭᠤᠯ ᠢ ᠨᠢ ᠲᠤᠯᠢᠶᠠᠵᠤ | ᠴᠡᠯ ᠵᠠᠯᠠᠭᠤ ᠡᠵᠢ ᠠᠴᠠ ᠨᠢ ᠰᠥ ᠠᠰᠬᠠᠷᠠᠭᠰᠠᠨ ᠨᠢ ᠪᠤᠳᠤᠭᠳᠠᠨᠠ | ᠮᠥᠨᠳᠤᠷ ᠴᠠᠭᠠᠨ ᠠᠯᠲᠠᠢ ᠠᠴᠠ ᠠᠳᠤᠭᠤ ᠢᠨᠴᠠᠭᠠᠬᠤ ᠳᠤ | ᠮᠥᠩᠭᠦᠨ ᠴᠥᠭᠦᠴᠡ ᠲᠠᠢ ᠠᠶᠢᠷᠠᠭ ᠴᠠᠯᠭᠢᠯᠠᠵᠤ ᠪᠠᠶᠢᠭᠰᠠᠨ ᠨᠢ ᠬᠠᠷᠠᠭᠳᠠᠨᠠ | ᠮᠤᠷᠢ ᠤᠷᠤᠯᠳᠤᠳᠠᠭ ᠱᠠᠭᠠᠢ ᠪᠠᠨ ᠠᠳᠬᠤᠵᠤ ᠤᠨᠳᠠᠭᠰᠠᠨ ᠠᠳᠤᠭᠤᠴᠢᠨ ᠠᠶᠢᠯ ᠤᠨ ᠭᠥᠥ | ᠮᠤᠩᠭᠤᠯ ᠭᠡᠷ ᠤᠨ ᠬᠤᠶᠢᠮᠤᠷ ᠠᠴᠠ ᠵᠡᠭᠦᠳᠥ ᠪᠠᠷ ᠢᠶᠠᠨ ᠢᠨᠢᠶᠡᠭᠰᠡᠨ ᠨᠢ ᠲᠥᠰᠥᠭᠡᠯᠡᠭᠳᠡᠨᠡ | ᠨᠢᠭᠤᠴᠠ ᠨᠢᠭᠤᠴᠠ ᠪᠠᠨ ᠲᠠᠶᠢᠯᠬᠤ ᠮᠡᠳᠤ ᠰᠥᠨᠢ ᠶᠢᠨ ᠤᠳᠤᠳ ᠵᠤᠤᠮᠠᠯᠵᠠᠵᠤ | ᠨᠢᠭᠤᠷ ᠨᠢᠭᠤᠷ ᠢᠶᠠᠨ ᠲᠠᠭᠠᠯᠠᠬᠤ ᠮᠡᠳᠤ ᠲᠠᠯᠠ ᠶᠢᠨ ᠴᠡᠴᠡᠭᠡᠰ ᠨᠠᠯᠠᠯᠳᠤᠵᠤ | ᠨᠥᠰᠡᠷ ᠪᠤᠳᠤᠯ ᠳᠤ ᠠᠪᠳᠠᠬᠤ ᠮᠡᠳᠤ ᠠᠭᠤᠯᠠ ᠶᠢᠨ ᠰᠢᠭᠤᠢ ᠵᠡᠭᠦᠷᠮᠡᠭᠯᠡᠵᠥ | ᠨᠢᠭᠦᠯ ᠪᠤᠶᠠᠨ ᠢ ᠴᠡᠩᠨᠡᠭᠦ ᠮᠡᠳᠤ ᠬᠤᠷᠸᠠ ᠪᠥᠭᠦᠨ ᠢᠶᠠᠷ ᠢᠶᠠᠨ ᠨᠠᠯᠠᠶᠢᠵᠤ ᠪᠠᠶᠢᠭᠰᠠᠨ ᠨᠢ ᠲᠤᠷᠠᠰᠤᠭᠳᠠᠨᠠ | ᠰᠡᠷᠭᠦᠯᠡᠩ ᠭᠡᠥᠭᠡᠳ ᠤᠳ ᠢᠨᠢᠶᠡᠯᠳᠥᠭᠦ ᠮᠡᠳᠤ ᠤᠷᠤᠰᠬᠤ ᠭᠤᠤᠯ ᠤᠨᠤᠰᠤ ᠤᠷᠤᠭᠤ | ᠰᠡᠭᠦᠳᠡᠷ ᠠᠴᠠ ᠪᠠᠨ ᠥᠷᠭᠦᠨ ᠪᠤᠯᠭᠢᠨ ᠢᠵᠢᠯᠢ ᠨᠢ ᠢᠷᠡᠭᠦ ᠮᠡᠳᠤ | ᠰᠤᠮᠤᠨ ᠬᠠᠷᠠ ᠠᠵᠢᠷᠭᠠ ᠡᠭᠦᠯᠡᠰ ᠵᠠᠳᠠᠯᠤᠨ ᠢᠨᠴᠠᠭᠠᠬᠤ ᠳᠤ | ᠰᠥᠮᠪᠥᠷ ᠠᠯᠲᠠᠢ ᠶᠢᠨ ᠴᠠᠰᠤ ᠲᠠᠭᠠᠨᠠ ᠶᠢᠨ ᠲᠤᠯᠤᠭᠠᠢ ᠳᠤ ᠬᠠᠨᠵᠠᠷᠠᠬᠤ ᠮᠡᠳᠤ | ᠡᠵᠢ ᠶᠢᠨ ᠢᠶᠠᠨ ᠬᠠᠵᠠᠭᠰᠠᠨ ᠡᠪᠡᠰᠤ᠂ ᠭᠢᠰᠭᠢᠭᠰᠡᠨ ᠮᠥᠷ ᠢ ᠡᠷᠢᠭᠡᠳ ᠡᠷᠢᠭᠡᠳ ᠤᠯᠤᠭᠰᠠᠨ ᠥᠭᠡᠢ | ᠢᠵᠢᠯᠢ ᠶᠢᠨ ᠢᠶᠠᠨ ᠭᠥᠷᠪᠡᠭᠰᠡᠨ ᠰᠢᠷᠤᠢ᠂ ᠭᠥᠯᠭᠦᠭᠰᠡᠨ ᠠᠭᠠᠷ ᠢ ᠥᠨᠥᠷᠯᠡᠭᠡᠳ ᠥᠨᠥᠷᠯᠡᠭᠡᠳ ᠲᠠᠨᠢᠭᠰᠠᠨ ᠥᠭᠡᠢ | ᠡᠵᠡᠨ ᠤ ᠪᠠᠨ ᠲᠠᠴᠢᠭᠢᠨᠠᠭᠰᠠᠨ ᠢᠨᠢᠶᠡᠳᠤ᠂ ᠢᠰᠭᠢᠷᠥᠭᠰᠡᠨ ᠠᠨᠢᠷ ᠢ ᠴᠢᠩᠨᠠᠭᠠᠳ ᠴᠢᠩᠨᠠᠭᠠᠳ ᠰᠤᠨᠤᠰᠤᠭᠰᠠᠨ ᠥᠭᠡᠢ | ᠡᠨᠡ ᠪᠥᠭᠦᠨ ᠵᠡᠭᠦᠳᠥᠨ ᠳᠤ ᠤᠴᠠᠷᠠᠭᠰᠠᠨ ᠵᠢᠷᠭᠠᠯ ᠮᠡᠳᠤ ᠠᠯᠠᠭᠠ ᠪᠤᠯᠤᠭᠰᠠᠨ ᠪᠠᠶᠢᠨᠠ ᠁ | ᠪᠡᠷᠳᠡᠭᠰᠡᠨ ᠴᠡᠴᠡᠭ ᠤᠨ ᠲᠡᠯᠪᠢ ᠶᠢ ᠡᠳᠡᠭᠡᠭᠡᠳᠡᠯᠡ ᠨᠢ ᠢᠨᠴᠠᠭᠠᠵᠤ ᠡᠵᠢ ᠶᠢ ᠪᠠᠨ ᠲᠠᠭᠤᠳᠠᠯᠠ | ᠪᠡᠷᠪᠡᠶᠢᠭᠰᠡᠨ ᠮᠠᠨᠤᠤᠬᠠᠢ ᠮᠡᠳᠤ ᠬᠠᠳᠠᠨ ᠠᠴᠠ ᠤᠭᠤᠯᠢ ᠬᠠᠰᠭᠢᠴᠢᠭᠠᠳ ᠴᠢᠮᠡᠭᠡ ᠠᠯᠠᠭᠠ | ᠪᠡᠳᠡᠭᠢᠷᠡᠭᠰᠡᠨ ᠴᠢᠯᠠᠭᠤᠳ ᠤᠨ ᠴᠠᠪᠠ ᠶᠢ ᠪᠥᠳᠥᠨ ᠪᠤᠯᠳᠠᠯᠠ ᠨᠢ ᠲᠠᠪᠭᠢᠵᠤ ᠢᠵᠢᠯᠢ ᠪᠠᠨ ᠡᠷᠢᠯᠡ | ᠪᠢᠳᠡᠭᠦᠥ ᠭᠤᠨᠢᠭ ᠮᠡᠳᠤ ᠲᠤᠤᠷᠯᠠᠭᠰᠠᠨ ᠭᠠᠵᠠᠷ ᠠᠴᠠ ᠴᠢᠰᠤ ᠬᠠᠩᠬᠤᠯᠤᠭᠠᠳ ᠮᠥᠷ ᠠᠯᠠᠭᠠ | ᠲᠤᠤᠯᠢ ᠶᠢᠨ ᠠᠶᠠᠰ ᠬᠠᠳᠠᠷᠢᠵᠤ ᠥᠯᠥ ᠭᠥᠷᠭᠦ ᠭᠡᠭᠡᠷᠡ ᠲᠠᠯᠠ ᠠᠴᠠ ᠡᠵᠡᠨ ᠢᠶᠠᠨ ᠰᠤᠷᠠᠭᠯᠠᠯᠠ | ᠲᠡᠤᠭᠡ ᠰᠤᠳᠤᠷ ᠤᠨ ᠬᠠᠭᠤᠳᠠᠰᠤᠨ ᠳᠤ ᠥᠯᠥ ᠪᠢᠴᠢᠭᠳᠡᠭᠰᠠᠨ ᠪᠠᠭᠠᠳᠤᠷ ᠮᠡᠳᠤ ᠪᠠᠷᠠ ᠠᠯᠠᠭᠠ | ᠲᠤᠵᠢ ᠳᠠᠭᠠᠨ ᠭᠠᠭᠴᠠᠭᠠᠷᠳᠠᠭᠰᠠ ᠠᠷᠤ ᠭᠢᠵᠠᠭᠠᠷ ᠤᠨ ᠭᠥᠮᠥᠨ ᠴᠢᠯᠠᠭᠤᠨ ᠠᠴᠠ ᠪᠡᠯᠴᠢᠭᠡᠷ ᠢᠶᠠᠨ ᠠᠰᠠᠭᠤᠯᠠ | ᠲᠤᠯᠭᠠᠨ ᠳᠠᠭᠠᠨ ᠰᠢᠷᠤᠢ ᠰᠠᠴᠤᠭᠤᠯᠵᠤ ᠲᠥᠩᠰᠥᠶᠢᠵᠥ ᠭᠤᠮᠤᠳᠠᠭᠰᠠᠨ ᠡᠪᠥᠭᠡᠨ ᠮᠡᠳᠤ ᠬᠠᠷᠢᠭᠤ ᠠᠯᠠᠭᠠ | ᠰᠥᠭ ᠰᠥᠨᠡᠰᠥᠨ ᠤ ᠲᠥᠭᠡᠷᠢᠭᠳᠡᠯ ᠮᠡᠳᠤ ᠭᠥᠮᠥᠨ ᠤ ᠤᠷᠴᠢᠯᠠᠩ ᠤᠨ ᠰᠡᠭᠦᠳᠡᠷ ᠲᠤ | ᠰᠥ ᠮᠡᠳᠤ ᠴᠠᠭᠠᠨ ᠤᠨᠠᠭᠠ ᠭᠥ᠋ ᠮᠡᠳᠤ ᠭᠭᠢᠷᠳᠥᠵᠥ ᠤᠷᠭᠢᠪᠠ | ᠠᠷᠳᠠᠭ ᠮᠠᠩᠭᠤᠰ ᠰᠢᠭ᠋ ᠰᠢᠭᠤᠷᠭᠠᠨ ᠳᠤ ᠡᠷᠭᠡ ᠬᠠᠷᠠ ᠨᠢᠳᠤ ᠨᠢ ᠡᠷᠢᠶᠡᠯᠵᠡᠪᠡ | ᠠᠵᠠ ᠮᠤᠬᠤᠷᠳᠠᠭᠰᠠᠨ ᠡᠷᠢᠯ ᠳᠤ ᠤᠨᠠᠭᠠᠨ ᠪᠡᠶᠡ ᠨᠢ ᠴᠤᠴᠠᠪᠠ᠂ | ᠠᠶᠤᠩᠭᠠ ᠲᠠᠰᠭᠢᠨ ᠭᠠᠳᠠᠰᠤᠯᠠᠵᠤ | ᠠᠵᠢᠷᠭᠠ ᠮᠡᠳᠤ ᠬᠠᠷᠠ ᠡᠭᠦᠯᠡ ᠬᠠᠭᠠ ᠲᠠᠳᠠᠨ ᠢᠷᠠᠭᠳᠠᠪᠠ | ᠠᠯᠳᠠᠢ ᠶᠢᠨ ᠴᠠᠭᠠᠨ ᠤᠨᠠᠭᠠ ᠲᠡᠷᠡ ᠲᠤᠮᠳᠠᠭᠤᠷ | ᠠᠯᠤᠰ ᠲᠡᠭᠷᠢ ᠶᠢᠨ ᠭᠥᠨ ᠤᠷᠤᠭᠤ ᠬᠠᠷᠪᠤᠭᠰᠠᠨ ᠤᠳᠤ ᠰᠢᠭ᠋ ᠴᠠᠭᠢᠯᠤᠨ ᠤᠳᠪᠠ ᠡ ᠁ | ᠠᠭᠠᠳᠠᠷ ᠪᠤᠷᠤᠭᠠᠨ ᠠᠰᠬᠠᠷᠠᠨ ᠴᠢᠳᠬᠤᠯᠠᠨ ᠱᠠᠭᠢᠵᠤ ᠡᠭᠢᠯᠡᠪᠡ | ᠠᠯᠲᠠᠢ ᠶᠢᠨ ᠴᠠᠭᠠᠨ ᠤᠨᠠᠭᠠᠨ ᠤ ᠨᠢᠯᠪᠤᠰᠤ ᠨᠢ ᠪᠠᠶᠢᠭᠰᠠᠨ ᠶᠤᠮ ᠪᠤᠯᠪᠠ ᠤᠤ ᠁ | ᠠᠯᠲᠠᠢ ᠴᠠᠭᠠᠨ ᠪᠤᠭᠳᠠ ᠭᠠᠭᠴᠠᠬᠠᠨ ᠰᠥᠨᠢ ᠪᠠᠷ ᠪᠤᠭᠤᠷᠤᠯᠳᠤᠪᠠ | ᠠᠯᠲᠠᠢ ᠵᠢᠩᠭᠠᠷ ᠤᠨ ᠮᠥᠷᠥᠭᠡᠳᠥᠯ ᠵᠢᠩᠳᠡᠭᠰᠡᠨ ᠶᠤᠮ ᠪᠤᠯᠪᠠ ᠤᠤ ᠁ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |