| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | ᠰᠡᠳᠭᠢᠯ ᠲᠤᠭᠳᠤᠯᠤᠯ ᠬᠤᠶᠠᠷ ᠢᠶᠠᠷ ᠢᠶᠠᠨ ᠬᠤᠭᠤᠯᠠ ᠭᠢᠭᠰᠡᠨ ᠭᠡᠳᠥᠨ ᠮᠠᠭᠤᠰᠠᠶᠢᠨ | ᠨᠤᠮ ᠤᠨ ᠴᠠᠭᠠᠨ 《 ᠰᠤᠯᠢᠶᠠᠳᠠᠨ 》 ᠢᠶᠠᠨ ᠥᠮᠥᠭᠯᠡᠵᠥ ᠪᠢᠴᠢᠭᠰᠡᠨ ᠰᠢᠯᠥᠭ ᠮᠢᠨᠤ | ᠤᠩᠭᠤᠳ ᠢᠰᠭᠢᠷᠭᠦ ᠶᠢᠨ ᠠᠭᠱᠠᠨ ᠳᠤ ᠲᠡᠭᠷᠢ ᠶᠢᠨ ᠬᠠᠷᠢᠶᠠᠳᠤ ᠮᠡᠳᠤ ᠤᠨ ᠴᠠᠭ ᠤᠨ ᠮᠠᠨᠠᠨ ᠳᠤ ᠨᠤᠶᠠᠨ ᠴᠠᠮᠬᠠᠭ | ᠮᠡᠳᠥ ᠤᠩᠭᠤᠨ ᠪᠠᠶᠢᠭᠠᠯᠢ ᠶᠢᠨ ᠥᠭᠭᠦᠭᠡᠵᠢ ᠳᠤ ᠪᠤᠷᠬᠠᠳ ᠤᠨ ᠰᠠᠨᠠᠭᠠ ᠮᠡᠳᠥ ᠤᠷᠴᠢᠯᠠᠩ ᠤᠨ ᠪᠤᠮᠠᠨ ᠠᠶᠠᠯᠭᠤ | ᠳᠤ ᠲᠠᠭᠤᠨ ᠤ ᠲᠥᠷᠢᠯᠭᠡ ᠮᠡᠳᠤ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠭᠡᠵᠥ | ᠡᠶᠢᠮᠥᠷᠭᠦᠥ ᠯᠡ ᠭᠥᠮᠥᠰ ᠪᠠᠶᠢᠳᠠᠭ ᠰᠠᠨ ᠭᠡᠷ ᠭᠡᠷᠭᠡᠢ ᠬᠤᠶᠠᠷ ᠲᠤ ᠤᠶᠠᠭᠳᠠᠬᠤ ᠨᠢ ᠪᠤᠤ ᠭᠡᠯᠡ ᠲᠥᠷᠥ ᠵᠠᠰᠠᠭ | ᠬᠤᠶᠠᠷ ᠲᠤ ᠴᠤ ᠲᠤᠭᠳᠠᠬᠤ ᠲᠤᠷᠠ ᠥᠭᠡᠢ ᠭᠥᠮᠥᠰ ᠲᠡᠪᠡᠯ ᠮᠠᠯᠠᠭᠠᠢ ᠬᠤᠶᠠᠷ ᠲᠠᠭᠠᠨ ᠪᠠᠭᠳᠠᠬᠤ ᠨᠢ ᠪᠢᠳᠡᠭᠡᠢ ᠭᠡᠯᠡ | ᠲᠡᠯᠡᠭᠡᠢ ᠰᠠᠷᠠᠨ ᠤ ᠬᠤᠭᠤᠷᠤᠨᠳᠤ ᠴᠤ ᠪᠠᠭᠳᠠᠬᠤ ᠲᠤᠷᠠ ᠥᠭᠡᠢ ᠭᠥᠮᠥᠰ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠭᠡᠵᠥ | ᠡᠶᠢᠮᠥᠷᠭᠦᠥ ᠯᠡ ᠭᠥᠮᠥᠰ ᠪᠠᠶᠢᠳᠠᠭ ᠰᠠᠨ ᠡᠷᠭᠡ ᠴᠢᠯᠥᠭᠡ ᠶᠢ ᠲᠡᠨᠵᠢ ᠶᠢᠨ ᠰᠠᠯᠭᠢᠨ ᠳᠤ ᠴᠤ ᠪᠢᠴᠢᠵᠤ ᠶᠠᠪᠤᠭᠰᠠᠨ | ᠡᠭᠡ ᠭᠡᠯᠡ ᠪᠠᠨ ᠲᠡᠯᠡᠭᠡᠢ ᠶᠢᠨ ᠰᠢᠪᠠᠭᠤᠨ ᠳᠤ ᠴᠤ ᠪᠠᠷᠳᠠᠵᠤ ᠶᠠᠪᠤᠭᠰᠠᠨ ᠡᠷᠳᠡᠨᠢᠳᠤ ᠨᠤᠳᠤᠭ ᠢᠶᠠᠨ ᠪᠤᠭᠳᠠ ᠶᠢᠨ | ᠮᠡᠯᠮᠡᠢ ᠰᠢᠭ ᠰᠠᠨᠠᠵᠤ ᠶᠠᠪᠤᠭᠰᠠᠨ ᠡᠵᠡᠨ ᠬᠠᠭᠠᠨ ᠢ ᠡᠷᠯᠢᠭ ᠤᠨ ᠪᠤᠱᠤᠭᠤ ᠰᠢᠭ᠋ ᠨᠤᠯᠮᠤᠵᠤ ᠶᠠᠪᠤᠭᠰᠠᠨ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠭᠡᠵᠥ | ᠡᠶᠢᠮᠥᠷᠭᠦᠥ ᠯᠡ ᠭᠥᠮᠥᠰ ᠪᠠᠶᠢᠳᠠᠭ ᠰᠠᠨ ᠠᠨᠢᠷᠬᠠᠨ ᠰᠠᠷᠠᠨ ᠤ ᠭᠡᠷᠡᠯ ᠠᠴᠠ ᠬᠤᠭᠤᠷ ᠢᠨᠴᠠᠭᠠᠳᠠᠬᠤ ᠳᠤ | ᠲᠠᠶᠢᠳᠬᠤᠷᠠᠭᠰᠠᠨ ᠠᠷᠠᠳ ᠤᠨ ᠲᠠᠭᠤᠨ ᠤ ᠰᠢᠷᠤᠩᠬᠠᠢ ᠠᠴᠠ ᠠᠳᠤᠭᠤ ᠬᠤᠶᠢᠯᠠᠷᠠᠬᠤ ᠳᠤ ᠵᠢᠷᠭᠠᠭᠰᠠᠨ ᠠᠨᠠᠷ | ᠤᠯᠠᠭᠠᠨ ᠤᠷᠤᠭᠤᠯ ᠲᠡᠭᠡᠷᠡ ᠠᠴᠠ ᠬᠤᠨ ᠲᠡᠪᠳᠡᠷᠢᠭᠦ ᠳᠤ ᠰᠢᠳᠠᠭᠰᠠᠨ ᠠᠯᠤᠰ ᠤᠨ ᠭᠥᠭᠡ ᠤᠨᠢᠶᠠᠷ ᠠᠴᠠ ᠴᠡᠴᠡᠭ | ᠲᠤᠰᠤᠯᠬᠤ ᠳᠤ ᠤᠭᠢᠯᠠᠭᠰᠠᠨ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠭᠡᠵᠥ | ᠡᠶᠢᠮᠥᠷᠭᠦᠥ ᠯᠡ ᠭᠥᠮᠥᠰ ᠪᠠᠶᠢᠳᠠᠭ ᠰᠠᠨ | ᠤᠨᠠᠭᠠᠨ ᠵᠢᠷᠤᠭᠡᠨ ᠤ ᠲᠠᠭᠤᠳᠠᠯᠭᠠ ᠪᠠᠷ ᠶᠢᠷᠳᠢᠨᠴᠤ ᠶᠢ ᠤᠬᠠᠭᠠᠷᠠᠬᠤ ᠭᠡᠵᠥ ᠤᠩᠭᠤᠳ ᠢᠶᠠᠨ ︽ᠮᠠᠨᠠᠳᠠᠭ︾ | ᠤᠩᠰᠢᠭᠴᠢᠳ ᠤᠨ ᠰᠡᠳᠭᠢᠯ ᠳᠤ ᠥᠥᠷ ᠴᠠᠶᠢᠯᠭᠠᠬᠤ ᠭᠡᠵᠥ ᠰᠢᠯᠥᠭ ᠢᠶᠠᠨ ᠲᠡᠷᠯᠡᠳᠡᠭ | ᠠᠭᠤᠯᠠ ᠶᠢᠨ ᠰᠤᠯᠤᠩᠭᠠ ᠪᠠᠷ ᠲᠠᠭᠤᠤ ᠵᠡᠭᠡᠭᠡᠯᠭᠦ ᠭᠡᠵᠥ ᠰᠢᠯᠥᠭ ᠢᠶᠠᠨ ᠤᠩᠰᠢᠳᠠᠠᠭ | ᠤᠶᠠᠩᠭᠠ ᠶᠢᠨ ᠲᠤᠰᠤᠯ ᠢᠶᠠᠷ ᠲᠡᠯᠡᠭᠡᠢ ᠠᠷᠢᠭᠤᠰᠬᠠᠬᠤ ᠭᠡᠵᠥ ᠰᠢᠯᠥᠭ ᠢᠶᠠᠨ ᠠᠷᠮᠠᠨᠢᠯᠠᠳᠠᠭ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠭᠡᠵᠥ | ᠡᠶᠢᠮᠥᠷᠭᠦᠥ ᠯᠡ ᠭᠥᠮᠥᠰ ᠪᠠᠶᠢᠳᠠᠭ ᠰᠠᠨ | ᠲᠠᠲᠠᠯᠠᠭᠰᠠᠨ ᠰᠢᠯᠥᠭ ᠠᠴᠠ ᠨᠢ ᠰᠢᠭᠢᠷ ᠴᠤ ᠠᠮᠳᠠᠯᠠᠭᠳᠠᠳᠠᠭ᠂ ᠬᠤᠵᠢᠷ ᠴᠤ ᠠᠮᠳᠠᠯᠠᠭᠳᠠᠳᠠᠭ | ᠲᠠᠲᠠᠭᠰᠠᠨ ᠲᠠᠮᠠᠭᠢ ᠤᠤᠭᠤᠭᠰᠠᠨ ᠠᠷᠢᠭᠢᠨ ᠠᠴᠠ ᠨᠢ ᠪᠠᠶᠠᠷ ᠴᠤ ᠭᠡᠷᠡᠯᠳᠥᠳᠡᠭ᠂ ᠭᠤᠨᠢᠭ ᠴᠤ ᠭᠡᠷᠡᠯᠳᠥᠳᠡᠭ | ᠭᠠᠭᠴᠠᠭᠠᠷᠳᠠᠭᠰᠠᠨ ᠤᠶᠢᠳᠬᠠᠷ᠂ ᠠᠰᠬᠠᠷᠠᠭᠰᠠᠨ ᠨᠢᠯᠪᠤᠰᠤᠨ ᠠᠴᠠ ᠨᠢ ᠲᠠᠷᠢ ᠴᠤ ᠬᠠᠩᠬᠤᠯᠳᠠᠭ᠂ ᠲᠠᠯᠠᠢ ᠴᠤ | ᠴᠠᠯᠭᠢᠳᠠᠭ | ᠭᠠᠯᠭᠢᠭᠰᠠᠨ ᠰᠡᠳᠭᠢᠯ᠂ ᠬᠠᠯᠭᠢᠭᠰᠠᠨ ᠢᠳᠡᠭᠡᠯ ᠠᠴᠠ ᠨᠢ ᠴᠥᠭᠦᠷᠡᠯ ᠴᠤ ᠬᠠᠷᠠᠭᠳᠠᠳᠠᠭ᠂ ᠭᠡᠭᠡᠷᠡᠯ ᠴᠤ ᠬᠠᠷᠠᠭᠳᠠᠳᠠᠭ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠭᠡᠵᠥ | ᠡᠶᠢᠮᠥᠷᠭᠦᠥ ᠯᠡ ᠭᠥᠮᠥᠰ ᠪᠠᠶᠢᠳᠠᠭ ᠰᠠᠨ | ᠥᠯᠡᠮᠵᠢ ᠶᠢᠨ ᠲᠠᠩᠰᠤᠭ ᠲᠠᠭᠤᠤ ᠰᠢᠯᠥᠭ ᠲᠤ ᠤᠶᠠᠷᠠᠴᠢᠬᠠᠭᠠᠳ ᠮᠥᠩᠭᠦ ᠰᠢᠭ ᠬᠠᠶᠢᠯᠤᠨ ᠤᠷᠤᠰᠳᠠᠭ | ᠥᠷᠡᠳᠥ ᠠᠮᠢᠳᠠᠨ ᠤ ᠥᠨᠥᠴᠢᠷᠡᠯ ᠬᠠᠭᠠᠴᠠᠯ ᠳᠤ ᠰᠢᠨᠠᠯᠤᠭᠠᠳ ᠡᠯᠡᠰᠤ ᠰᠢᠭ ᠡᠯᠢᠭᠡᠨ ᠠᠴᠠ ᠪᠠᠨ ᠨᠤᠷᠠᠳᠠᠭ | ᠥᠨᠥᠰᠭᠦᠯᠵᠢᠨ ᠭᠤᠸᠠ ᠪᠥᠰᠡᠭᠦᠢ ᠳᠤ ᠲᠤᠷᠠᠯᠠᠴᠢᠬᠠᠭᠠᠳ ᠱᠠᠳ ᠱᠠᠳ ᠰᠢᠯᠥᠭ ᠲᠠᠳᠠᠯᠠᠳᠠᠭ | ᠥᠭᠦᠯ ᠮᠡᠳᠥ ᠭᠥᠢᠳᠡᠨ ᠥᠭᠡᠨ ᠳᠤ ᠭᠤᠮᠤᠳᠠᠴᠢᠬᠠᠭᠠᠳ ᠰᠢᠭᠦᠳᠡᠷᠢ ᠰᠥᠭᠦᠷᠡᠭᠦᠯᠵᠥ ᠰᠡᠭᠦᠷᠡᠰᠥ ᠠᠯᠳᠠᠳᠠᠭ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠭᠡᠵᠥ | ᠡᠶᠢᠮᠥᠷᠭᠦᠥ ᠯᠡ ᠭᠥᠮᠥᠰ ᠪᠠᠶᠢᠳᠠᠭ ᠰᠠᠨ | ᠭᠡᠥᠭᠡᠳ ᠰᠢᠭ ᠴᠠᠶᠢᠯᠭᠠᠨ᠂ ᠭᠥᠯᠥᠭ ᠰᠢᠭ ᠠᠭᠰᠤᠮ᠂ ᠭᠥᠷᠭᠢᠷᠡ ᠰᠢᠭ ᠤᠮᠤᠭᠯᠠᠩ | ᠭᠥᠮᠥᠨ ᠭᠥᠮᠥᠨ ᠠᠴᠠ ᠭᠠᠵᠢᠭᠤᠳ ᠭᠥᠮᠥᠰ ᠢ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠭᠡᠳᠡᠭ ᠶᠤᠮ | ᠭᠥᠰᠡᠯ ᠰᠢᠭ ᠭᠡᠨᠡᠨ᠂ ᠭᠢᠰᠠᠯ ᠰᠢᠭ᠋ ᠭᠠᠵᠢᠭᠤ᠂ ᠭᠡᠳᠡᠭᠡᠨᠡ ᠰᠢᠭ ︽ᠲᠤᠭᠰᠢᠨ︾ | ᠭᠥᠮᠥᠨ ᠭᠥᠮᠥᠨ ᠠᠴᠠ ︽ᠡᠳᠡᠭᠡᠳ︾ ᠭᠥᠮᠥᠰ ᠢ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠭᠡᠳᠡᠭ ᠶᠤᠮ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠭᠡᠵᠥ | ᠡᠶᠢᠮᠥᠷᠭᠦᠥ ᠯᠡᠭᠥ᠋ᠮᠥᠰ ᠪᠠᠶᠢᠳᠠᠭ ᠰᠠᠨ | ᠵᠡᠯᠡᠯᠡᠭᠦ ᠤᠳᠤᠳ ᠤᠨ ᠵᠠᠢ ᠳᠤ ᠨᠡᠷᠡ ᠨᠢ ᠲᠤᠯᠠᠯᠵᠠᠵᠤ ᠪᠠᠶᠢᠳᠠᠭ | ᠵᠥᠭ ᠪᠥᠷᠢ ᠶᠢᠨ ᠰᠠᠯᠭᠢᠨ ᠳᠤ ᠮᠥᠷ ᠨᠢ ᠲᠤᠩᠭᠤᠴᠢᠵᠤ ᠥᠯᠡᠳᠡᠳᠡᠭ | ᠵᠥᠰᠡ ᠪᠤᠷᠤᠭᠠᠨ ᠤ ᠠᠰᠬᠠᠷᠠᠭᠠᠨ ᠳᠤ ᠪᠤᠳᠤᠯ ᠨᠢ ᠨᠠᠮᠢᠷᠠᠵᠤ ᠱᠠᠭᠢᠳᠠᠭ | ᠵᠥᠩ ᠠᠶᠠᠰ ᠤᠨ ᠤᠭᠳᠠᠷᠭᠤᠢ ᠳᠤ ᠵᠢᠷᠥᠭᠡ ᠨᠢ ᠭᠡᠷᠡᠯᠳᠥᠵᠥ ᠬᠠᠷᠠᠭᠳᠠᠳᠠᠭ ᠡ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠭᠡᠵᠥ | ᠡᠶᠢᠮᠥᠷᠭᠦᠥ ᠯᠡ ᠬᠦᠮᠦᠰ ᠪᠠᠶᠢᠳᠠᠭ ᠰᠠᠨ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠭᠡᠵᠥ | ᠲᠡᠶᠢᠮᠦᠷᠬᠦᠦ ᠯᠠ ᠭᠥᠮᠥᠰ ᠪᠠᠶᠢᠳᠠᠭ ᠰᠠᠨ ᠁ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |