| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | | ᠮᠠᠭᠤᠬᠠᠢ ᠡᠭᠡ ᠤᠷᠤᠨ ᠭᠡᠵᠤ ᠪᠠᠶᠢᠳᠠᠭ ᠥᠭᠡᠢ | ᠮᠠᠭᠤ ᠲᠥᠷᠥᠭᠦᠯᠳᠡᠭ ᠡᠭᠡ ᠤᠷᠤᠨ ᠭᠡᠵᠤ ᠪᠠᠶᠢᠳᠠᠭ ᠥᠭᠡᠢ | │ ᠳ᠋᠊᠂ ᠤᠷᠢᠶᠠᠩᠬᠠᠢ | ᠡᠭᠡᠰᠢᠭᠯᠡᠩ ᠤᠨ ᠮᠠᠩᠯᠠᠢ ᠳᠤ ᠡᠷᠭᠡᠯᠡᠭᠰᠡᠨ ᠡᠭᠡ ᠤᠷᠤᠨ ᠢᠶᠠᠨ ᠪᠢ | ᠢᠷᠡᠭᠡᠳᠤᠢ ᠶᠢᠨ ᠥᠷᠡ ᠠᠴᠢ ᠲᠠ ᠨᠠᠷ ᠲᠠᠭᠠᠨ ᠲᠤᠰᠢᠶᠠᠵᠤ ᠪᠠᠶᠢᠨᠠ | ᠡᠵᠢ ᠶᠢᠨ ᠨᠢᠯᠪᠤᠰᠤ ᠶᠢ ᠡᠭᠰᠢᠭᠡᠭᠰᠡᠨ | ᠢᠨᠠᠭ ᠤᠨ ᠭᠡ ᠲᠠᠢ ᠰᠠᠯᠭᠢ ᠪᠠᠨ | ᠡᠴᠢᠭᠡ ᠶᠢᠨ ᠭᠤᠨᠢᠭ ᠢ ᠤᠭᠢᠶᠠᠭᠰᠠᠨ | ᠢᠨᠵᠠᠭᠠᠨ ᠵᠥᠰᠡ ᠶᠢᠨ ᠪᠤᠷᠤᠭᠠᠨ ᠢᠶᠠᠨ | ᠡᠯᠪᠡᠭ ᠲᠡᠪᠡᠯ ᠤᠨ ᠡᠩᠭᠡᠷ ᠮᠢᠯᠢᠶᠠᠭᠰᠠᠨ | ᠤᠳᠤᠳ ᠤᠨ ᠭᠢᠯᠪᠠᠭᠠ ᠪᠠᠨ | ᠡᠭᠡᠳᠡᠩ ᠭᠤᠳᠤᠯ ᠤᠨ ᠵᠤᠯᠤᠭ ᠥᠨᠥᠰᠥᠭᠰᠡᠨ | ᠤᠩᠭᠤᠨ ᠰᠢᠷᠤᠢ ᠪᠠᠨ | ᠲᠤᠰᠢᠶᠠᠵᠤ ᠪᠠᠶᠢᠨᠠ ᠰᠢᠤ︕ ᠠᠯᠤᠰ ᠤᠨ ᠲᠠ ᠨᠠᠷ ᠲᠠᠭᠠᠨ | ᠲᠤᠭ ᠢᠶᠠᠨ ᠲᠤᠰᠬᠤ ᠳᠠᠭᠠᠨ ᠥᠨᠤᠰᠳᠡᠭ ᠴᠡᠷᠢᠭ ᠰᠢᠭ | ᠲᠤᠰᠤᠭᠠᠳ ᠠᠪᠤᠭᠠᠷᠠᠢ︕ | ᠡᠵᠡᠨ ᠴᠢᠩᠭᠢᠰ ᠡᠨᠡ ᠨᠤᠳᠤᠭ ᠤᠰᠤᠨ ᠢ | ᠢᠯᠳᠤ ᠪᠠᠷ ᠢᠶᠠᠨ ᠴᠠᠪᠴᠢᠨ ᠰᠥᠨᠡᠰᠥ ᠪᠠᠨ ᠶᠡᠭᠦᠯᠡᠵᠥ ᠪᠢᠳᠠᠨ ᠳᠤ ᠥᠯᠡᠳᠡᠭᠡᠭᠰᠡᠨ | ᠢᠨᠵᠠᠨᠨᠠᠰᠢ᠂ ᠠᠭᠸᠠᠩᠳᠠᠨᠳᠠᠷ᠂ ᠲᠠᠨᠽᠠᠨᠷᠠᠪᠵᠠᠢ ᠁ | ᠡᠨᠡ ᠭᠠᠵᠠᠷ ᠤᠨ ᠪᠤᠶᠠᠨ ᠲᠡᠭᠡᠷᠡ ᠭᠤᠯᠭᠢᠵᠤ ᠴᠠᠯᠭᠢᠵᠤ ᠥᠰᠥᠭᠰᠡᠨ | ᠭᠠᠯᠳᠠᠨ ᠪᠤᠱᠤᠭᠳᠤ᠂ ᠴᠢᠩᠭᠦᠨᠵᠡᠪ᠂ ᠭᠠᠳᠠ ᠮᠡᠶᠢᠷᠡᠨ ᠁ | ᠭᠠᠭᠴᠠᠬᠠᠨ ᠡᠨᠡ ᠯᠡ ᠨᠤᠳᠤᠭ ᠤᠨ ᠲᠥᠯᠥᠭᠡ ᠴᠢᠰᠤ ᠪᠠᠨ ᠠᠰᠬᠠᠵᠤ ᠶᠠᠪᠤᠭᠰᠠᠨ ᠶᠤᠮ | ᠭᠠᠷ ᠲᠠᠭᠠᠨ ᠬᠠᠳᠠᠭ ᠲᠠᠢ᠂ ᠰᠡᠳᠭᠢᠯ ᠳᠡᠭᠡᠨ ᠭᠠᠯ ᠲᠠᠢ ᠮᠠᠯᠴᠢᠨ ᠲᠡᠭᠡᠳᠥᠰ ᠮᠢᠨᠢ | ᠭᠠᠷᠤᠨ ᠤᠷᠤᠨ ᠡᠨᠡ ᠯᠡ ᠡᠭᠡ ᠤᠷᠤᠨ ᠢᠶᠠᠨ ᠮᠠᠨᠠᠭᠰᠠᠭᠠᠷ ᠪᠠᠶᠢᠭᠰᠠᠨ ᠶᠤᠮ | ᠴᠠᠭᠠᠨ ᠪᠤᠳᠤᠭᠤᠨ ᠤ ᠭᠥᠭᠡᠷᠤᠭᠦᠨ ᠬᠠᠷᠠ ᠨᠢᠳᠤ ᠰᠢᠭ ᠡᠭᠡ ᠤᠷᠤᠨ | ᠴᠠᠩᠭᠠᠵᠤ ᠥᠭᠦᠭᠦ ᠶᠢᠨ ᠲᠠᠪᠠᠭᠠᠨ ᠲᠡᠭᠡᠷᠡ ᠤᠯᠳᠠᠭᠰᠠᠨ ᠠᠶᠠᠭᠠ ᠤᠰᠤ ᠰᠢᠭ᠋ ᠡᠭᠡ ᠤᠷᠤᠨ | ᠴᠠᠯᠭᠢᠳᠠᠯᠠ ᠢᠨᠢᠶᠡᠭᠰᠡᠨ ᠭᠡᠥᠭᠡᠨ ᠠᠴᠠ ᠭᠢᠯᠠᠰᠭᠢᠳᠠᠯᠠ ᠬᠠᠷᠠᠭᠳᠠᠳᠠᠭ ᠡᠭᠡ ᠤᠷᠤᠨ | ᠴᠠᠰᠤᠨ ᠴᠡᠴᠡᠭ ᠤᠨ ᠰᠢᠷᠭᠡᠭ ᠢᠶᠠᠷ ᠲᠡᠭᠷᠢ ᠲᠠᠢ ᠪᠠᠨ ᠶᠠᠷᠢᠳᠠᠭ ᠡᠭᠡ ᠤᠷᠤᠨ᠃ | ᠨᠠᠷᠠ ᠲᠠᠭᠠᠵᠤ ᠭᠤᠷᠪᠠ ᠲᠤᠭᠤᠷᠢᠳᠠᠭ ᠤᠪᠤᠭᠠᠨ ᠳᠠᠭᠠᠨ ᠴᠢᠯᠠᠭᠤ ᠨᠡᠮᠡᠵᠤ | ᠨᠠᠭᠠᠳᠤᠮ ᠳᠤ ᠡᠮᠥᠰᠳᠡᠭ ᠴᠡᠩᠭᠡᠷ ᠲᠡᠷᠯᠢᠭ ᠤᠨ ᠰᠢᠳᠡᠭᠡᠰᠤ ᠠᠯᠳᠠᠷᠭᠠᠵᠤ | ᠨᠠᠶᠢᠷ ᠲᠤ ᠭᠡᠮᠨᠡᠳᠡᠭ ᠮᠥᠩᠭᠦᠨ ᠬᠤᠨᠳᠠᠭᠠᠨ ᠳᠠᠭᠠᠨ ᠰᠠᠷᠬᠤᠳ ᠲᠡᠭᠡᠵᠢᠯᠡᠵᠥ | ᠨᠠᠮᠢᠯᠵᠠᠭᠰᠠᠨ ᠴᠠᠭᠠᠨ ᠬᠠᠳᠠᠭ ᠲᠡᠭᠡᠷᠡ ᠪᠠᠨ ᠢᠷᠥᠭᠡᠯ ᠰᠥᠯᠵᠢᠵᠥ | ᠪᠤᠷᠬᠠᠨ ᠤ ᠢᠯᠡᠭᠡᠯᠳᠡ ᠪᠠᠷ ᠰᠠᠭᠠᠳᠠᠭᠰᠠᠨ ᠪᠤᠭᠤᠷᠤᠯ ᠤᠨ ᠰᠤᠷᠭᠠᠯ ᠲᠠᠢ ᠨᠢ | ᠪᠤᠷᠤᠭᠤ ᠭᠢᠰᠭᠢᠭᠦ ᠳᠤ ᠭᠤᠮᠤᠳᠠᠵᠤ ᠴᠠᠪᠠ ᠰᠠᠭᠤᠳᠠᠭ ᠴᠢᠯᠠᠭᠤᠳ ᠲᠠᠢ ᠨᠢ | ᠪᠤᠯᠭᠢᠵᠤ ᠬᠠᠶᠠᠯᠠ ᠴᠤ ᠲᠡᠯ ᠢᠶᠠᠨ ᠲᠡᠪᠢᠰᠳᠡᠭ ᠲᠠᠭᠠ ᠲᠠᠢ ᠨᠢ | ᠪᠠᠭᠤᠵᠤ ᠮᠤᠷᠳᠠᠬᠤ ᠳᠤ ᠰᠠᠴᠤᠯᠢ ᠪᠠᠨ ᠡᠷᠭᠦᠳᠡᠭ ᠰᠡᠳᠭᠢᠯ ᠲᠠᠢ ᠨᠢ | ᠠᠬᠠ ᠴᠢᠨᠢ ᠲᠠ ᠨᠠᠷ ᠲᠠᠭᠠᠨ ᠠᠮᠢᠨᠴᠢᠯᠠᠨ ᠲᠤᠰᠢᠶᠠᠵᠤ ᠪᠠᠶᠢᠨᠠ | ︽ᠠᠪᠤ ᠡ︕︾ ᠭᠡᠵᠥ ᠠᠩᠬᠠ ᠬᠠᠰᠭᠢᠷᠤᠭᠰᠠᠨ ᠮᠤᠩᠭᠤᠯ ᠭᠡᠯᠡ ᠪᠠᠨ | ᠠᠯᠳᠠᠨ ᠲᠡᠯᠡᠭᠡᠢ ᠳᠤ ᠭᠠᠭᠴᠠ ᠯᠠ ᠪᠠᠶᠢᠳᠠᠭ ᠪᠤᠰᠤᠭᠠ ᠥᠰᠥᠭ ᠢᠶᠠᠨ ᠠᠭᠠᠷ ᠴᠥᠮᠥᠯᠡᠨ ᠰᠢᠷᠥᠩᠬᠠᠶᠢᠯᠠᠭᠰᠠᠨ | ᠠᠷᠠᠳ ᠤᠨ ᠲᠠᠭᠤᠤ ᠪᠠᠨ ᠠᠵᠠ ᠶᠢᠨ ᠵᠠᠶᠠᠭᠠ ᠲᠡᠭᠰᠢᠯᠡᠭᠰᠡᠨ ᠪᠤᠷᠬᠠᠨ ᠤᠬᠠᠭᠠᠨ ᠢᠶᠠᠨ ᠤᠷᠴᠢᠯᠠᠩ ᠤᠨ ᠵᠠᠭᠪᠤᠷ | ᠪᠠᠭᠳᠠᠭᠠᠭᠰᠠᠨ ᠮᠤᠩᠭᠤᠯ ᠭᠡᠷ ᠢᠶᠠᠨ ᠤᠳᠤᠳ ᠠᠰᠬᠠᠳᠠᠯᠠ ᠤᠶᠠᠩᠭᠠᠷᠠᠭᠰᠠᠨ ᠮᠤᠷᠢᠨ ᠬᠤᠭᠤᠷ ᠢᠶᠠᠨ ᠡᠪᠥᠭᠡᠳ ᠤᠨ | ᠤᠬᠠᠭᠠᠨ ᠠᠴᠠ ᠢᠪᠢᠯᠥᠭᠰᠡᠨ ᠥᠯᠢᠭᠡᠷ ᠲᠤᠤᠯᠢ ᠪᠠᠨ ᠥᠭᠡᠯᠥᠨ ᠡᠭᠡ ᠶᠢᠨ ᠴᠠᠭᠢᠭᠰᠠᠨ ᠭᠥᠭᠡ ᠭᠠᠯ ᠢᠶᠠᠨ | ᠪᠥᠭᠦᠳᠡ ᠶᠢ ᠨᠢ ᠲᠠ ᠨᠠᠷ ᠲᠠᠭᠠᠨ ᠥᠭᠴᠤ ᠪᠠᠶᠢᠨᠠ᠃ ᠬᠠᠯᠭᠢᠭᠰᠠᠨ ᠭᠥᠭᠡ ᠲᠤᠭ ᠢᠶᠠᠨ ᠠᠶᠢᠷᠠᠭ ᠢᠶᠠᠷ ᠮᠢᠯᠢᠶᠠᠵᠤ | ᠬᠠᠷᠠ ᠴᠠᠭᠠᠨ ᠰᠥᠯᠳᠡ ᠪᠠᠨ ᠲᠤᠭᠰᠢᠳ ᠢᠶᠠᠷ ᠬᠤᠷᠤᠶᠢᠯᠠᠵᠤ ︽ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠢᠶᠠᠨ ᠲᠤᠷᠭᠠ ᠪᠠᠷ | ᠪᠠᠷᠢᠨᠳᠠᠭᠯᠠᠵᠤ ᠨᠡᠭᠦᠳᠡᠯ ᠲᠡᠥᠭᠡ ᠪᠠᠨ ᠰᠤᠪᠤᠳ ᠢᠶᠠᠷ ᠭᠡᠯᠭᠢᠵᠥ ᠬᠤᠯᠠ ᠶᠢᠨ ᠲᠠ ᠨᠠᠷ ᠲᠠᠭᠠᠨ ᠢᠯᠡᠭᠡᠵᠥ ᠪᠠᠶᠢᠨᠠ᠃ | ᠲᠠᠩᠨᠠᠢ ᠡᠷᠢᠶᠡ ᠲᠠᠢ ᠡᠯᠡᠰᠥᠨ ᠤ ᠰᠢᠷᠭᠡᠭ ᠢ ᠲᠤᠭᠠ ᠶᠤᠰᠤᠭᠠᠷ ᠨᠢ ᠲᠠᠯᠠ ᠶᠢᠨ ᠴᠡᠴᠡᠭᠡᠰ ᠤᠨ ᠲᠡᠯᠪᠡᠭᠡ ᠶᠢ | ᠤᠩᠭᠤᠨ ᠭᠡᠪ ᠢᠶᠠᠷ ᠨᠢ ᠲᠠᠩᠰᠤᠭ ᠤᠭᠳᠠᠷᠭᠤᠢ ᠶᠢᠨ ᠨᠠᠷᠠ ᠰᠠᠷᠠ ᠶᠢ ᠲᠡᠷᠭᠡᠯ ᠶᠠᠩᠵᠤ ᠪᠠᠷ ᠨᠢ ᠲᠠᠷᠭᠤᠨ ᠰᠠᠶᠢᠬᠠᠨ | ᠭᠥᠯᠥᠭ ᠢ ᠰᠤᠷ ᠪᠢᠳᠡᠭᠦᠤ ᠪᠠᠷ ᠨᠢ ᠡᠯᠥᠨᠴᠡ ᠪᠤᠭᠤᠷᠤᠯ ᠠᠴᠠ ᠪᠠᠨ ᠥᠪᠯᠡᠵᠥ ᠠᠪᠤᠭᠰᠠᠨ ᠶᠤᠮ ᠰᠢᠤ᠂ ᠡᠨᠡ ᠡᠭᠡ | ᠤᠷᠤᠨ ᠢ ᠢᠷᠡᠭᠡᠳᠤᠢ ᠶᠢᠨ ᠲᠠ ᠨᠠᠷ ᠠᠴᠠ ᠪᠠᠨ ᠪᠢᠳᠠ ᠵᠢᠭᠡᠯᠡᠵᠤ ᠠᠪᠤᠭᠰᠠᠨ ᠶᠤᠮ ᠰᠢᠤ᠂ ᠡᠨᠡ ᠡᠭᠡ ᠤᠷᠤᠨ ᠢ | ᠡᠳᠥᠭᠡ ᠲᠠ ᠨᠠᠷ ᠲᠠᠭᠠᠨ ᠲᠡᠷᠡ ᠯᠡ ᠭᠡᠪ ᠢᠶᠠᠷ ᠨᠢ ᠪᠤᠴᠠᠭᠠᠵᠤ ᠪᠠᠶᠢᠨᠠ᠃ ᠡᠨᠡ ᠯᠡ ᠶᠠᠩᠵᠤ ᠪᠠᠷ ᠲᠠᠨᠠᠷ ᠭᠠᠷ | ᠲᠠᠮᠵᠢᠭᠤᠯᠤᠭᠠᠳ ᠪᠠᠶᠢᠭᠠᠷᠠᠢ︕ ᠡᠵᠢ ᠡᠭᠡ ᠤᠷᠤᠨ ᠬᠤᠶᠠᠷ ᠭᠠᠭᠴᠠ ᠵᠠᠶᠠᠭᠠᠳᠠᠭ ᠶᠤᠮ ᠰᠢᠤ ᠡᠭᠡ ᠤᠷᠤᠨ ᠲᠠᠢ | ᠭᠥᠮᠥᠨ ᠠᠴᠠ ᠡᠷᠯᠢᠭ ᠭᠥᠷᠳᠡᠯᠡ ᠵᠢᠷᠥᠭᠡᠰᠢᠶᠡᠳᠡᠭ ᠶᠤᠮ ᠡᠷᠢᠶᠡᠨ ᠲᠣᠳᠤᠷ ᠲᠠᠢ ᠠᠮᠢᠳᠠᠰ ᠥᠩᠭᠡᠯᠵᠡᠭᠡᠳ ᠯᠡ | ᠪᠠᠶᠢᠬᠤ ᠪᠤᠢ ᠡᠴᠢᠭᠡ ᠶᠢᠨ ᠲᠠᠩᠭᠠᠷᠢᠭ ᠲᠠᠢ ᠤᠷᠤᠨ ᠢᠶᠠᠨ ᠠᠯᠳᠠᠵᠤ ᠯᠠ ᠪᠤᠯᠳᠠᠭ ᠥᠭᠡᠢ ᠶᠤᠮ ᠰᠢᠤ︕ ᠭᠤᠯᠢᠶᠠ | ᠲᠠᠢ ᠴᠤ ᠪᠤᠯᠤᠭ᠂ ᠢᠯᠠᠭᠠ ᠲᠠᠢ ᠴᠤ ᠪᠤᠯᠤᠭ ᠭᠤᠯᠤᠵᠤ ᠯᠠᠪᠤᠯᠬᠤ ᠥᠭᠡᠢ ᠰᠢᠤ︕ ᠡᠨᠡ ᠮᠠᠭᠤ ᠡᠭᠡ ᠤᠷᠤᠨ | ᠢᠶᠠᠨ ᠭᠤᠶᠤᠵᠤ ᠵᠠᠰᠠᠬᠤ ᠳᠠᠭᠠᠨ ᠡᠮᠥᠰᠳᠡᠭ ᠬᠤᠪᠴᠠᠰᠤ ᠪᠢᠰᠢ ᠰᠢᠤ ᠡᠨᠡ ᠡᠭᠡ ᠤᠷᠤᠨ ᠭᠤᠮᠤᠳᠠᠵᠤ ᠵᠤᠪᠠᠭ᠋ᠤ | ᠳᠠᠭᠠᠨ ᠨᠢᠭᠡ ᠡᠷᠭᠢᠳᠡᠭ ᠲᠠᠶᠢᠳᠬᠤᠷᠠᠯ ᠪᠢᠰᠢ ᠰᠢᠤ︕ ᠡᠨᠡ ᠡᠭᠡ ᠤᠷᠤᠨ ᠡᠭᠡ ᠤᠷᠤᠨ ᠢᠶᠠᠨ ᠬᠠᠶᠢᠷᠠᠯᠠᠬᠤ ᠶᠢᠨ | ᠲᠤᠭᠤᠷᠠ ᠶᠢ ᠢᠷᠡᠭᠡᠳᠤᠢ ᠶᠢᠨ ᠲᠠ ᠨᠠᠷ ᠲᠠᠭᠠᠨ ᠲᠤᠰᠢᠶᠠᠯᠠ᠃ ᠡᠯᠡᠷ ᠪᠠᠯᠠᠷ ᠬᠤᠵᠢᠮ ᠤᠨ ᠴᠠᠭ ᠲᠤ ᠡᠷᠳᠡᠨᠢ ᠰᠢᠭ | ᠢᠶᠠᠨ ᠲᠡᠭᠦᠨ ᠢ ᠵᠠᠭᠤᠨ ᠲᠠᠮᠵᠢᠭᠤᠯᠤᠨ ᠠᠪᠴᠤ ᠶᠠᠪᠤᠭᠠᠷᠠᠢ︕ ᠲᠠ ᠨᠠᠷ ᠮᠢᠨᠢ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |