| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | ᠬᠤᠭᠤᠰᠤᠨ ᠶᠠᠳᠠᠭᠤ ᠠᠴᠠ ᠥᠭᠡᠷᠡ ᠶᠠᠭᠤᠮᠠ ᠥᠯᠡᠳᠡᠭᠡ ᠦᠭᠡᠢ ᠶᠤᠮ ᠭᠡᠵᠤ ᠭᠤᠯᠤᠭᠠ ᠦᠭᠡᠢ | ᠬᠤᠶᠠᠷ ᠭᠡᠥᠭᠡᠳ ᠲᠥᠷᠥᠭᠦᠯᠥᠭᠡ ᠦᠭᠡᠢ ᠴᠦ ᠬᠤᠶᠠᠷ ᠨᠤᠮ ᠲᠠᠢ ᠶᠤᠮ ᠭᠡᠵᠤ ᠨᠠᠮᠠᠢᠢ ᠲᠤᠭᠤᠭᠰᠠᠨ ᠳᠤ ᠴᠢᠨᠢ ᠪᠢ | ᠪᠠᠶᠠᠷᠯᠠᠳᠠᠭ ᠡ | ᠴᠠᠯᠢᠩ ᠨᠢ ᠲᠠᠭᠠᠷᠠᠤ ᠰᠢᠭ᠋᠂ ᠴᠢᠷᠠᠢ ᠨᠢ ᠪᠠᠷᠤᠭᠳᠠᠢ ᠰᠢᠭ᠋ ᠭᠡᠵᠤ ᠱᠤᠭᠤᠪᠳᠤᠷᠯᠠᠭᠠ ᠦᠭᠡᠢ | ᠴᠢᠨᠠᠷ ᠨᠢ ᠵᠥᠭᠡᠷ᠂ ᠴᠢᠳᠠᠪᠤᠷᠢ ᠨᠢ ᠭᠠᠶᠢᠭᠤᠢ ᠶᠤᠮ ᠭᠡᠵᠤ | ᠨᠠᠳᠠ ᠲᠠᠢ ᠠᠮᠢᠳᠤᠷᠠᠭᠰᠠᠨ ᠳᠤ ᠴᠢᠨᠢ ᠪᠢ ᠲᠠᠯᠠᠷᠬᠠᠳᠠᠭ ᠡ | ᠠᠵᠢᠯ ᠠᠴᠠ ᠪᠠᠨ ᠬᠠᠷᠢᠭᠠᠳ ᠢᠷᠡᠭᠦ ᠳᠤ ᠬᠠᠯᠠᠭᠤᠨ ᠴᠠᠢ ᠲᠠᠢ ᠪᠠᠰᠠ ᠥᠨᠥᠰᠥᠯᠳᠠ ᠲᠠᠢ | ᠠᠯᠤᠰ ᠤᠨ ᠭᠠᠵᠠᠷ ᠮᠤᠷᠳᠠᠬᠤ ᠳᠤ ᠨᠠᠨᠳᠢᠨ ᠵᠠᠭᠢᠶᠠ ᠲᠠᠢ ᠪᠠᠰᠠ ᠨᠢᠯᠪᠤᠰᠤ ᠲᠠᠢ᠃ | ᠠᠯᠵᠢᠶᠠᠷᠠᠯ ᠶᠠᠳᠠᠷᠠᠯ ᠤᠨ ᠠᠴᠢᠶᠠ ᠶᠢ ᠭᠡᠭᠡᠯᠢᠭ ᠥᠭᠡ ᠪᠠᠷ ᠮᠠᠷᠳᠠᠭᠤᠯᠵᠤ | ᠠᠭᠤᠷ ᠪᠤᠭᠢᠨᠢᠳᠤᠯ ᠤᠨ ᠮᠠᠨᠠᠨ ᠢ ᠴᠡᠴᠡᠭᠯᠢᠭᠢᠨᠢᠶᠡᠯ ᠢᠶᠠᠷ | ᠥᠷᠭᠦᠭᠡᠵᠥ ᠪᠠᠶᠢᠳᠠᠭ ᠲᠤ ᠴᠢᠨᠢ ᠪᠢ ᠲᠤᠭᠳᠤᠯᠳᠠᠭ ᠡ | ᠠᠮᠳᠠᠳᠠᠨ ᠪᠥᠭᠦᠨ ᠢ ᠢᠳᠡᠭᠦᠯᠵᠥ᠂ ᠥᠩᠭᠡᠳᠡᠨ ᠪᠥᠭᠦᠨ ᠢ ᠡᠮᠥᠰᠥᠭᠦᠯᠭᠦ ᠭᠡᠵᠤ ᠮᠡᠳᠭᠡᠭᠰᠡᠨ | ᠠᠯᠳᠠᠢ ᠶᠢᠨ ᠵᠡᠭᠦᠳᠥ ᠮᠡᠳᠤ ᠲᠡᠭᠷᠢᠯᠢᠭ ᠬᠠᠨᠢ ᠲᠠᠢ ᠳᠠᠭᠠᠨ ᠪᠢ ᠤᠯᠵᠠᠭᠤᠷᠬᠠᠳᠠᠭ ᠡ | ᠠᠳᠠᠭᠠᠷᠬᠠᠯ ᠤᠨ ᠰᠤᠮᠤᠨ ᠳᠤ ᠰᠢᠷᠬᠠᠳᠤᠵᠥ ᠭᠥᠢᠳᠡᠨ ᠥᠭᠡᠨ ᠳᠤ ᠴᠠᠷᠴᠠᠵᠥ | ᠬᠤᠯᠠ ᠶᠢᠨ ᠤᠳᠤᠳ ᠢ ᠲᠡᠪᠳᠥᠳᠡᠯᠡ ᠤᠭᠢᠯᠠᠳᠠᠭ ᠲᠤ ᠴᠢᠨᠢ ᠪᠢ ᠥᠷᠤᠪᠳᠥᠳᠡᠭ ᠡ᠃ | ᠰᠢᠨᠠᠯᠵᠤ ᠲᠤᠩᠰᠢᠵᠤ ᠲᠥᠷᠥᠭᠦᠯᠥᠭᠰᠡᠨ ᠭᠡᠳᠥᠨ ᠴᠤᠬᠤᠷ ᠰᠢᠯᠥᠭ ᠢ ᠮᠢᠨᠢ | ᠰᠡᠳᠭᠢᠯ ᠤᠨ ᠥᠨᠳᠦᠷᠯᠢᠭ ᠲᠡᠭᠡᠷᠡ ᠪᠠᠨ ᠲᠡᠭᠡᠵᠢᠯᠡᠵᠥ ᠨᠠᠳᠠᠳᠤ ᠤᠷᠮᠠ ᠬᠠᠶᠢᠷᠠᠯᠠᠳᠠᠭ ᠲᠤ ᠴᠢᠨᠢ ᠪᠢ ᠪᠠᠶᠠᠷᠯᠠᠳᠠᠭ | ᠡ | ᠰᠡᠪᠢᠯᠭᠡ ᠢᠯᠪᠢᠭᠦ ᠵᠤᠨ ᠤ ᠵᠢᠪᠠᠷ ᠮᠡᠳᠤ ᠭᠤᠮᠤᠳᠠᠯ ᠤᠨ ᠥᠭᠡ ᠬᠠᠶᠠ ᠰᠠᠴᠤᠵᠤ | ᠰᠡᠷᠢᠭᠦᠨ ᠬᠠᠩᠭᠠᠢ ᠶᠢᠨ ᠤᠨᠢᠶᠠᠷ ᠮᠡᠳᠤ ᠪᠥᠷᠥᠯᠵᠡᠵᠥ ᠲᠤᠨᠢᠷᠬᠠᠳᠠᠭ ᠢ ᠴᠢᠨᠢ ᠪᠢ ᠤᠶᠢᠯᠠᠭᠠᠳᠠᠭ ᠡ᠃ | ᠪᠤᠷᠬᠠᠨ ᠤ ᠢᠯᠡᠭᠡᠯᠳᠡ ᠪᠠᠷ ᠨᠠᠳᠠ ᠳᠤ ᠤᠯᠳᠠᠭᠰᠠᠨ ᠲᠠᠪᠢᠯᠠᠩᠳᠤ ᠰᠠᠶᠢᠬᠠᠨ ᠬᠠᠨᠢ ᠶᠢ ᠪᠠᠨ | ᠪᠤᠭᠤᠷᠤᠯ ᠤᠷᠴᠢᠯᠠᠩ ᠤᠨ ᠡᠷᠢᠶᠡᠨ ᠵᠢᠪᠡᠷ ᠲᠤ ᠵᠢᠩᠳᠡᠭᠡᠭᠦ ᠦᠭᠡᠢ ᠠᠪᠴᠤ ᠶᠠᠪᠤᠶᠠ | ᠠᠵᠠ ᠵᠢᠷᠭᠠᠯ ᠤᠨ ᠲᠡᠭᠡᠳᠥ ᠶᠢ ᠱᠠᠩᠨᠠᠭᠰᠠᠨ ᠮᠥᠩᠭᠡ ᠵᠤᠯᠠ ᠮᠡᠳᠤ ᠬᠠᠶᠢᠷᠠᠳᠤ ᠲᠠᠢ ᠪᠠᠨ | ᠠᠮᠢᠳᠥᠷᠠᠯ ᠠᠴᠠ ᠠᠪᠰᠠᠨ ᠳᠤ ᠤᠷᠤᠳᠠᠯᠠ ᠬᠠᠶᠢᠷᠠᠯᠠᠯᠴᠠᠵᠤ ᠲᠥᠰᠢᠯᠴᠡᠵᠥ ᠶᠠᠪᠤᠶᠠ︕ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |