| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | | | ᠭᠡᠷᠢᠶᠡ ᠬᠠᠭᠰᠢᠯᠳᠤᠵᠥ ︵ᠭᠤᠸᠠᠭᠯᠠᠵᠤ︶ ᠪᠠᠶᠢᠨᠠ | ᠭᠡᠷᠡᠭᠦᠯ ᠤᠨ ᠶᠠᠰᠤ ᠬᠠᠶᠠᠯᠴᠠᠨ ᠬᠠᠭᠰᠢᠯᠳᠤᠵᠤ ᠪᠠᠶᠢᠨᠠ | ᠭᠡᠳᠥᠭᠡᠨ ᠮᠠᠭᠤ ᠤᠯᠠᠢ ᠶᠢᠨ ᠲᠥᠯᠥᠭᠡ | ᠭᠡᠪᠡᠷᠳᠡᠭ ᠡᠰᠡᠪᠡᠯ ᠨᠤᠪᠰᠢ ᠶᠢᠨ ᠲᠥᠯᠥᠭᠡ | ᠭᠡᠷᠢᠶᠡ ᠭᠠᠯᠵᠠᠭᠤᠷᠠᠵᠤ ᠪᠠᠶᠢᠨᠠ | ᠭᠡᠮᠵᠢᠶᠡᠳᠡᠶᠢᠭᠡᠨ ᠪᠠᠶᠢᠭᠠᠷᠠᠢ︕ ᠭᠡᠷᠢᠶᠡ ᠭᠤᠸᠠᠢ | ᠭᠡᠴᠢᠨᠡᠭᠡᠨ ᠰᠠᠶᠢᠬᠠᠨ ᠲᠠᠭᠤᠯᠠᠵᠤ ᠪᠠᠶᠢᠯᠠ ᠴᠦ | ᠭᠡᠷᠴᠡᠭᠡᠢ ᠮᠠᠭᠤᠬᠠᠢ ᠤᠷᠢᠯᠠᠵᠤ ᠪᠠᠶᠢᠯᠠ ᠴᠦ | ᠭᠡᠭᠡᠮᠰᠥᠭ ᠭᠤᠶᠤᠬᠠᠨ ᠢᠨᠢᠶᠡᠵᠤ ᠪᠠᠶᠢᠯᠠ ᠴᠦ | ︽ᠭᠡᠯᠡ︾ ᠪᠠᠨ ᠵᠠᠰᠠᠵᠤ ᠤᠶᠠᠩᠭᠠᠯᠠᠵᠤ ᠪᠠᠶᠢᠯᠠ ᠴᠦ | ᠭᠡᠷᠢᠶᠡ ᠯᠡ ᠶᠤᠮ ᠰᠢᠤ︕ ᠴᠢ | ᠭᠡᠵᠢᠶᠡ ᠴᠦ ᠭᠡᠷᠢᠶᠡ ᠯᠡᠶᠤᠮ ᠰᠢᠤ︕ | ᠬᠠᠷᠠ ᠭᠡᠷᠢᠶᠡ ᠴᠢ ᠵᠠᠯᠢ ᠲᠠᠢ ᠪᠤᠯᠵᠠᠢ | ᠬᠠᠷᠠᠩᠭᠤᠢ ᠰᠥᠨᠢ ᠪᠠᠷ | ᠬᠤᠨ ᠰᠢᠪᠠᠭᠤ ᠰᠢᠭ᠋ ᠬᠠᠷᠠᠭᠳᠠᠬᠤ ᠪᠤᠯᠵᠠᠢ | ᠬᠠᠨ ᠭᠠᠷᠤᠳᠢ ᠰᠢᠭ᠋ ᠭᠠᠩᠭᠠᠯᠠᠬᠤ ᠪᠤᠯᠵᠠᠢ | ᠬᠠᠮᠢᠭᠠ ᠴᠦ ᠬᠤᠩᠰᠢᠶᠠᠷ ᠢᠶᠠᠨ ᠪᠢᠯᠡᠭᠦᠳᠡᠭᠦ ᠪᠤᠯᠵᠠᠢ | ᠬᠠ︕ ᠮᠥᠨ ᠴᠦ ᠵᠠᠯᠢ ᠶᠢᠨ ᠲᠤᠯᠤᠮ ᠰᠢᠤ︕ | ᠬᠠᠩᠭᠠᠢ ᠶᠢᠨ ᠠᠭᠤᠯᠠ ᠪᠠᠷ ᠲᠥᠰᠢᠭ ᠭᠢᠵᠥ | ᠬᠠᠳᠠ ᠠᠰᠬᠠ ᠪᠠᠷ ᠡᠷᠡᠮᠡ ᠠᠪᠴᠤ | ᠬᠠᠷᠠ ᠪᠠᠷᠠᠭᠠᠨ ᠥᠩᠭᠡ ᠪᠠᠷ ᠰᠥᠷᠵᠢᠩ ᠲᠠᠳᠠᠵᠤ | ᠬᠠᠶᠢᠯᠭᠠᠨ ᠮᠢᠨᠤ ᠵᠢᠷᠥᠭᠡ ᠶᠢ ᠰᠡᠭᠴᠢᠭᠦ ᠪᠠᠷ ᠲᠡᠮᠡᠶᠢᠷᠡᠵᠥ ᠪᠠᠶᠢᠨᠠ | ᠭᠡᠷᠢᠶᠡ ᠪᠤᠯ ᠭᠡᠷᠢᠶᠡ ᠯᠡ ᠶᠤᠮ | ᠭᠡᠵᠢᠶᠡ ᠬᠠᠮᠢᠭᠠ ᠴᠦ ᠭᠡᠷᠢᠶᠡ ᠯᠡ ᠶᠤᠮ | ᠠᠯᠳᠠᠨ ᠭᠤᠷᠭᠤᠤᠯᠳᠠᠢ ᠰᠢᠭ᠋ ᠲᠤᠩᠭᠤᠳᠴᠤ ᠨᠢᠭᠡ ᠥᠵᠡᠯᠡ ᠴᠦ | ᠠᠯᠪᠢᠨ ᠴᠢᠳᠭᠦᠷ ᠰᠢᠭ ᠠᠶᠤᠯᠭᠠᠵᠤ ᠨᠢᠭᠡ ᠥᠵᠡᠯᠡ ᠴᠦ | ᠷᠠᠰᠢᠶᠠᠨ ᠪᠤᠯᠠᠭ ᠢᠶᠠᠷ ᠠᠷᠢᠭᠤᠰᠬᠠᠵᠤ ᠨᠢᠭᠡ ᠥᠵᠡᠯᠡ ᠴᠦ | ᠠᠵᠠ ᠪᠠᠨ ᠰᠢᠪᠰᠢᠵᠤ ᠵᠥᠴᠥᠭᠡᠯᠡᠵᠥ ᠨᠢᠭᠡ ᠥᠵᠡᠯᠡ ᠴᠦ | ᠭᠡᠷᠢᠶᠡ ᠪᠤᠯ ᠭᠡᠷᠢᠶᠡ ᠯᠡ ᠶᠤᠮ | ᠭᠡᠵᠢᠶᠡ ᠬᠠᠮᠢᠭᠠ ᠴᠦ ᠭᠡᠷᠢᠶᠡ ᠯᠡ ᠶᠤᠮ | ᠪᠤᠯᠵᠤᠮᠤᠷ ᠤᠨ ᠭᠡᠪᠡᠯᠢ ᠳᠤ ᠪᠥᠷᠭᠦᠳ ᠵᠠᠶᠠᠭᠠᠬᠤ ᠥᠭᠡᠢ | ᠪᠤᠯᠤᠷ ᠠᠪᠰᠠᠨ ᠳᠤ ᠭᠤᠶᠢᠷᠠᠨᠴᠢ ᠭᠡᠪᠳᠡᠭᠦ ᠥᠭᠡᠢ | ᠪᠤᠳᠠᠭᠠᠨ ᠤ ᠮᠥᠭᠦᠯᠢᠭ ᠲᠤ ᠬᠤᠷᠸᠠ ᠪᠠᠭᠳᠠᠬᠤ ᠥᠭᠡᠢ | ᠪᠤᠷᠬᠠᠨ ᠤ ᠠᠯᠠᠭᠠᠨ ᠳᠤ ᠪᠤᠭ ᠲᠤᠭᠳᠠᠬᠤ ᠥᠭᠡᠢ ᠡ | ᠥᠭᠯᠢᠭᠡ ᠶᠢᠨ ᠰᠢᠪᠬᠠᠷᠤᠤ ᠲᠤᠯᠢᠶᠠᠭᠰᠠᠭᠠᠷ ᠪᠠᠶᠢᠭᠠᠳ | ᠡᠭᠦᠷ ᠲᠡᠭᠡᠨ ᠪᠠᠭᠳᠠᠬᠤ ᠥᠭᠡᠢ ᠪᠤᠯᠢᠵᠠᠢ | ᠴᠥᠪ ᠤᠨ ᠮᠠᠭᠤ ᠳᠤ ᠲᠤᠷᠠᠯᠠᠭᠰᠠᠭᠠᠷ ᠪᠠᠶᠢᠭᠠᠳ | ᠴᠢᠳᠭᠦᠷ ᠴᠦ ᠴᠢᠮᠠᠢᠢ ᠲᠤᠭᠤᠬᠤ ᠪᠠᠨ ᠪᠤᠯᠢᠵᠠᠢ | ᠭᠡᠷᠢᠶᠡ ᠪᠤᠯ ᠭᠡᠷᠢᠶᠡ ᠯᠡ ᠶᠤᠮ | ᠭᠡᠵᠢᠶᠡ᠂ ᠬᠠᠮᠢᠭᠠ ᠴᠦ ᠭᠡᠷᠢᠶᠡ ᠯᠡ ᠶᠤᠮ ᠁ | ᠭᠡᠩᠭᠦᠳᠡᠭ ᠢᠶᠠᠨ ᠪᠠᠯᠪᠠᠨ ᠥᠪᠡᠷ ᠢ ᠪᠠᠨ ᠭᠠᠶᠢᠬᠠᠭᠤᠯᠠᠭᠰᠠᠨ | ᠭᠡᠷᠢᠶᠡ ᠶᠢᠨ ᠥᠭᠡᠨ ᠳᠤ ᠢᠳᠡᠭᠡᠳᠡᠭ ᠰᠠᠨ ᠪᠤᠯ | ᠭᠥᠮᠥᠰᠭᠡ ᠠᠳᠤᠷᠢᠭᠰᠠᠨ ᠤᠷᠴᠢᠯᠠᠩ | ᠭᠥᠯ ᠠᠯᠳᠠᠨ ᠶᠡᠭᠦᠷᠡᠭᠦ ᠴᠠᠭ ᠢᠷᠡᠨᠡ ᠡ᠂ᠮᠠᠳᠠᠪᠠ ᠤᠤ︖ | | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |