| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | ᠪᠤᠳᠤᠭᠤ ᠡᠭᠡ ᠶᠢ ᠪᠠᠨ ᠪᠤᠰᠤ ᠭᠤᠪᠢ ᠪᠠᠨ ᠭᠥᠭᠦᠵᠥ ᠪᠠᠶᠢᠨᠠ | ᠪᠤᠷᠳᠤᠭᠤ ᠲᠠᠢ ᠠᠶᠢᠷᠠᠭ ᠢᠶᠠᠨ ᠪᠤᠰᠤ ᠲᠡᠮᠡᠭᠡ ᠪᠠᠨ ᠤᠤᠭᠤᠵᠤ ᠪᠠᠶᠢᠨᠠ | ᠪᠤᠷᠭᠠᠰᠤᠨ ᠤ ᠨᠠᠮᠠᠭᠠ ᠪᠤᠰᠤ ᠪᠤᠭᠤᠷᠤᠯ ᠤᠨ ᠢᠶᠠᠨ ᠰᠠᠬᠠᠯ ᠢ ᠥᠭᠳᠡᠭᠡᠵᠥ ᠪᠠᠶᠢᠨᠠ | ᠪᠤᠳᠠᠩᠳᠤ ᠲᠡᠯᠡᠭᠡᠢ ᠶᠢ ᠪᠤᠰᠤ ᠪᠥᠭᠳᠥᠷ ᠡᠵᠢ ᠶᠢ ᠪᠠᠨ ᠭᠡᠮᠢᠯᠡᠵᠥ ᠪᠠᠶᠢᠨᠠ | ᠢᠷᠠᠭᠤ ᠨᠠᠶᠢᠷᠠᠭ ᠢ ᠪᠤᠰᠤ ᠵᠢᠷᠥᠭᠡᠨ ᠤ ᠴᠢᠰᠤ ᠠᠮᠳᠠᠯᠠᠵᠤ ᠪᠠᠶᠢᠨᠠ | ᠢᠮᠠᠭᠠ ᠲᠠᠢ ᠠᠶᠢᠯ ᠢ ᠪᠤᠰᠤ ᠶᠠᠳᠠᠭᠰᠠᠨ ᠲᠠᠪᠢᠯᠠᠩ ᠨᠡᠭᠦᠯᠭᠡᠵᠥ ᠪᠠᠶᠢᠨᠠ | ᠢᠯᠳᠤ ᠰᠡᠯᠡᠮᠡ ᠶᠢ ᠪᠤᠰᠤ ᠲᠡᠥᠭᠡ ᠶᠢᠨ ᠵᠢᠪᠠᠷ ᠲᠤᠯᠢᠶᠠᠵᠤ ᠪᠠᠶᠢᠨᠠ | ᠢᠯᠠᠭᠰᠠᠨ ᠨᠠᠮᠳᠠᠷ ᠢ ᠪᠤᠰᠤ ᠶᠠᠶᠢᠷᠠᠭᠰᠠᠨ ᠴᠠᠭᠠᠨ ᠶᠠᠰᠤ ᠤᠪᠤᠭᠠᠯᠠᠵᠤ ᠪᠠᠶᠢᠨᠠ | | | ᠬᠤᠨᠳᠠᠭᠠ ᠲᠠᠢ ᠰᠠᠷᠬᠤᠳ ᠪᠤᠰᠤ ᠨᠢᠯᠪᠤᠰᠤ ᠪᠠᠨ ᠵᠠᠯᠭᠢᠯᠠᠵᠤ ᠪᠠᠶᠢᠨᠠ | ᠬᠤᠶᠠᠷ ᠬᠠᠯᠳᠠᠷ ᠴᠠᠭᠠᠰᠤ ᠪᠤᠰᠤ ᠬᠤᠪᠢ ᠵᠠᠶᠠᠭᠠ ᠪᠠᠨ ᠵᠠᠷᠤᠵᠤ ᠪᠠᠶᠢᠨᠠ | ᠭᠡᠥᠭᠡᠳ ᠮᠠᠨᠴᠤᠢ ᠳᠤ ᠪᠤᠰᠤ ᠠᠪᠰᠠᠨ ᠳᠤ ᠤᠨᠳᠠᠵᠤ ᠪᠠᠶᠢᠨᠠ | ᠭᠥᠮᠥᠰ ᠵᠢᠷᠭᠠᠯᠠᠩ ᠳᠤ ᠪᠤᠰᠤ ᠵᠤᠪᠠᠯᠠᠩ ᠳᠤ ᠢᠨᠢᠶᠡᠵᠥ ᠪᠠᠶᠢᠨᠠ | | | ᠰᠠᠭᠢᠭᠤᠰᠤ ᠪᠤᠷᠬᠠᠨ ᠳᠠᠭᠠᠨ ᠪᠤᠰᠤ ᠴᠥᠭᠦᠷᠡᠭᠰᠡᠨ ᠰᠡᠳᠭᠢᠯ ᠳᠡᠭᠡᠨ ᠰᠥᠭᠦᠷᠡᠵᠥ ᠪᠠᠶᠢᠳᠠᠭ | ᠰᠠᠯᠠᠭᠠ ᠵᠠᠮ ᠳᠠᠭᠠᠨ ᠪᠤᠰᠤ ᠰᠠᠨᠠᠭᠰᠠᠨ ᠭᠥᠰᠡᠯ ᠠᠴᠠ ᠪᠠᠨ ᠲᠥᠭᠡᠷᠢᠵᠥ ᠪᠤᠳᠤᠯᠢᠳᠠᠭ | ᠰᠠᠭᠯᠠᠭᠠᠷ ᠮᠤᠳᠤᠨ ᠤ ᠨᠠᠪᠴᠢᠰ ᠤᠨᠠᠬᠤ ᠳᠤ ᠭᠥᠮᠥᠨ ᠤ ᠨᠠᠰᠤ ᠭᠡᠶᠢᠰᠴᠤ ᠤᠳᠳᠠᠭ | ᠰᠠᠶᠢᠬᠠᠨ ᠭᠡᠥᠭᠡᠨ ᠤ ᠨᠢᠯᠪᠤᠰᠤ ᠠᠰᠬᠠᠷᠠᠬᠤ ᠳᠤ ᠰᠠᠷᠠᠨ ᠤ ᠰᠡᠪᠭᠡ ᠵᠤᠵᠠᠭᠠᠷᠠᠵᠤ ᠬᠠᠷᠠᠭᠳᠠᠳᠠᠭ | | | ᠥᠨᠡᠨ ᠳᠡᠭᠡᠨ ᠪᠤᠰᠤᠳ ᠢ ᠪᠤᠰᠤ ᠥᠪᠡᠷ ᠢ ᠪᠠᠨ ᠮᠡᠭᠡᠯᠡᠭᠰᠡᠨ ᠪᠠᠶᠢᠳᠠᠭ | ᠥᠷᠥᠭᠡᠯ ᠤᠨ ᠭᠡᠪᠡᠯᠢ ᠳᠤ ᠭᠢᠳᠤᠭᠠ ᠲᠥᠷᠥᠭᠦ ᠳᠤ ᠥᠪᠡᠷ ᠢᠶᠠᠨ ᠭᠡᠳᠥᠶᠢᠨᠡᠢ ᠥᠭᠦᠴᠢᠭᠡᠭᠰᠡᠨ ᠪᠠᠶᠢᠳᠠᠭ | ᠥᠯᠢᠭᠡᠷ ᠤᠨ ᠲᠡᠭᠦᠰᠭᠡᠯ ᠪᠥᠭᠦᠨ ᠪᠥᠷ ᠡᠭᠢᠯᠡᠯ ᠪᠠᠶᠢᠳᠠᠭ | ᠥᠷᠯᠥᠭᠡ ᠪᠤᠯᠭᠠᠨ ᠤ ᠨᠠᠷᠠ ᠥᠴᠥᠭᠡᠳᠥᠷ ᠤᠨ ᠰᠢᠩᠭᠡᠭᠰᠡᠨ ᠨᠠᠷᠠ ᠪᠠᠶᠢᠳᠠᠭ ᠡ᠃ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |