| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | ᠭᠠᠵᠠᠷ ᠲᠡᠯᠡᠭᠡᠢ ᠰᠢᠷᠬᠠ ᠳᠠᠭᠠᠨ ᠡᠮᠵᠡᠭᠯᠡᠨ ᠶᠤᠤᠯᠠᠵᠤ ᠪᠤᠢ ᠶᠢ ᠪᠢ ᠤᠯᠵᠤ ᠰᠤᠨᠤᠰᠤᠯᠠ | ᠭᠠᠷᠠᠭ ᠡᠷᠭᠡᠰ ᠲᠡᠭᠦᠨ ᠳᠤ ᠨᠢ ᠰᠢᠨᠠᠯᠵᠤ ᠰᠤᠯᠢᠷ ᠢᠶᠠᠷ ᠤᠭᠢᠯᠠᠵᠤ ᠪᠤᠢ ᠶᠢ ᠪᠢ ᠤᠯᠵᠤ ᠬᠠᠷᠠᠯᠠ | ᠭᠠᠯ ᠲᠡᠮᠤᠷ ᠢᠶᠠᠷ ᠭᠥᠮᠥᠰ ᠲᠤᠭᠯᠠᠬᠤ ᠳᠤ ᠲᠡᠭᠷᠢ ᠶᠢᠨ ᠰᠤᠷᠮᠤᠤᠰᠤ ᠬᠤᠶᠢᠬᠠᠯᠠᠭᠳᠠᠬᠤ ᠪᠤᠢ ᠶᠢ ᠪᠢ ᠮᠡᠳᠡᠷᠡᠯᠡ | ᠭᠠᠷ ᠢᠶᠠᠨ ᠲᠠᠯᠠᠶᠢᠬᠤ ᠶᠢᠨ ᠠᠭᠱᠠᠨ ᠳᠤ ᠥᠯᠥ ᠥᠵᠡᠭᠳᠡᠭᠦ ᠠᠮᠢ ᠤᠳ ᠶᠡᠭᠦᠷᠡᠵᠤ ᠪᠤᠢ ᠶᠢ ᠪᠢ ᠤᠬᠠᠭᠠᠷᠠᠯᠠ | ᠭᠥᠯ ᠢᠶᠠᠨ ᠡᠷᠭᠦᠭᠦ ᠶᠢᠨ ᠴᠢᠯᠥᠭᠡᠨ ᠳᠤ ᠲᠡᠯᠡᠭᠡᠢ ᠠᠮᠤᠰᠭᠢᠵᠤ ᠴᠡᠴᠡᠭ ᠤᠷᠭᠤᠵᠤ ᠠᠮᠵᠢᠳᠠᠭ | ᠭᠥᠭᠡᠮᠡᠢ ᠢᠰᠭᠢᠷᠭᠦ ᠶᠢᠨ ᠬᠤᠭᠤᠷᠤᠨᠳᠤ ᠰᠠᠯᠭᠢ ᠲᠠᠶᠢᠳᠬᠤᠷᠠᠵᠤ ᠡᠭᠦᠯᠡᠰ ᠥᠨᠥᠰᠥᠯᠳᠤᠵᠥ ᠠᠭᠤᠵᠢᠷᠠᠳᠠᠭ | ᠨᠢᠳᠤ ᠪᠠᠨ ᠥᠭᠭᠦᠨ ᠠᠯᠳᠠᠭᠰᠠᠨ ᠭᠡᠥᠭᠡᠳ ᠢ ᠠᠮᠳᠠᠳᠤ ᠶᠠᠭᠤᠮᠠ ᠪᠠᠷ ᠬᠠᠭᠤᠷᠴᠤ ᠪᠠᠶᠢᠳᠠᠭ | ᠨᠤᠳᠤᠭ ᠤᠰᠤᠨ ᠤ ᠢᠶᠠᠨ ᠲᠤᠭᠰᠢᠨ ᠰᠠᠭᠢᠭᠤᠰᠤ ᠶᠢ ᠤᠪᠤᠭᠠᠨ ᠳᠠᠭᠠᠨ ᠴᠢᠯᠠᠭᠤ ᠨᠡᠮᠡᠵᠥ ᠠᠷᠭᠠᠳᠠᠳᠠᠭ | ᠬᠠᠪᠤᠷ ᠤᠨ ᠲᠥᠷᠥᠭᠦᠴᠢ ᠶᠢᠨ ᠰᠢᠪᠠᠭᠤᠨ ᠤ ᠲᠠᠭᠤ ᠤᠨᠠᠭᠰᠠᠨ ᠭᠠᠵᠠᠷ | ᠬᠠᠷᠠᠵᠠ ᠶᠢᠨ ᠤᠰᠤ ᠨᠢᠳᠤ ᠰᠢᠭ ᠲᠠᠯᠮᠢᠶᠠᠷᠠᠨ ᠤᠳᠤᠳ ᠢᠮᠴᠢᠳᠥᠨ ᠴᠠᠯᠭᠢᠳᠠᠭ | ᠰᠠᠶᠢᠬᠠᠨ ᠭᠡᠥᠭᠡᠨ ᠰᠠᠨᠠᠭᠠ ᠠᠯᠳᠠᠬᠤ ᠳᠤ ᠰᠠᠷᠠ ᠭᠭᠢᠷᠳᠥᠭᠦ ᠰᠢᠭ ᠰᠠᠨᠠᠭᠳᠠᠳᠠᠭ | ᠰᠠᠭᠠᠷᠠᠯ ᠥᠳᠡᠰᠢ ᠪᠠᠷ ᠤᠳᠤ ᠬᠠᠷᠪᠤᠬᠤ ᠳᠤ ᠥᠭᠦᠯ ᠢᠷᠡᠭᠦ ᠰᠢᠭ ᠪᠤᠯᠳᠠᠭ | ᠲᠡᠩᠳᠡᠭᠦᠥ ᠴᠢᠩᠭᠠ ᠢᠨᠢᠶᠡᠭᠦ ᠳᠤ ᠭᠤᠷᠤᠬᠠ ᠶᠢᠨ ᠤᠰᠤᠨ ᠳᠤ ᠪᠤᠷᠵᠠᠩ ᠲᠠᠳᠠᠨᠠ | ᠲᠡᠭᠡᠳᠥᠰ ᠤᠨ ᠢᠶᠠᠨ ᠨᠡᠷᠡ ᠶᠢ ᠭᠡᠯᠡᠭᠦ ᠳᠤ ᠲᠡᠷᠡ ᠶᠢᠨ ᠭᠢᠨᠢ ᠪᠥᠯᠢᠶᠡᠨ ᠴᠢᠯᠠᠭᠤ ᠴᠠᠪᠠ ᠰᠠᠭᠤᠨᠠ | ᠲᠡᠷᠭᠡᠳᠡᠭᠢ ᠬᠠᠨᠢ ᠳᠠᠭᠠᠨ ᠥᠭᠡᠨ ᠤ ᠰᠡᠭᠦᠳᠡᠷ ᠲᠤᠰᠬᠠᠪᠠᠯ ᠠᠮᠢᠳᠤᠷᠠᠯ ᠤᠨ ᠪᠠᠭᠠᠨᠠ ᠬᠠᠵᠠᠶᠢᠨᠠ | ᠲᠡᠯᠡᠭᠡᠢ ᠪᠠᠭᠳᠠᠬᠤ ᠥᠭᠡᠢ ᠲᠡᠮᠡᠶᠢᠷᠡᠭᠦ ᠳᠤ ᠲᠡᠪᠡᠯ ᠤᠨ ᠰᠢᠯᠪᠢ ᠲᠠᠰᠤ ᠥᠰᠥᠷᠥᠨᠡ | ᠪᠤᠳᠠᠨ ᠤ ᠮᠥᠴᠢᠷ ᠢ ᠪᠢᠳᠡᠭᠡᠢ ᠬᠤᠭᠤᠴᠢ ᠨᠠᠰᠤ ᠪᠤᠭᠤᠨᠢᠳᠠᠳᠠᠭ ᠭᠡᠨᠡᠮ | ᠪᠤᠯᠠᠭ ᠤᠨ ᠤᠰᠤᠨ ᠳᠤ ᠭᠠᠷ ᠢᠶᠠᠨ ᠪᠢᠳᠡᠭᠡᠢ ᠤᠭᠢᠶᠠ ᠭᠠᠵᠠᠷ ᠤᠨ ᠨᠢᠳᠤ ᠰᠤᠬᠤᠷᠳᠠᠭ ᠭᠡᠨᠡᠮ | ᠪᠥᠵᠥᠩ ᠤᠨ ᠬᠠᠮᠠᠷ ᠠᠴᠠ ᠴᠢᠰᠤ ᠪᠢᠳᠡᠭᠡᠢ ᠥᠵᠡ ᠨᠤᠳᠤᠭ ᠤᠨ ᠵᠠᠶᠠᠭᠠ ᠪᠡᠷᠳᠡᠳᠡᠭ ᠭᠡᠨᠡᠮ | ᠪᠤᠷᠬᠠᠨ ᠰᠠᠭᠢᠭᠤᠰᠤ ᠳᠠᠭᠠᠨ ᠠᠮᠠ ᠪᠢᠳᠡᠭᠡᠢ ᠮᠤᠷᠤᠢ ᠪᠤᠶᠠᠨ ᠤ ᠴᠥᠭᠦᠴᠡ ᠡᠮᠳᠡᠷᠡᠳᠡᠭ ᠭᠡᠨᠡᠮ | ᠴᠡᠴᠡᠭ ᠪᠢᠳᠠᠭᠡᠢ ᠲᠠᠰᠤᠳᠠᠮᠤ ᠲᠡᠷᠳᠡᠭᠡ ᠴᠠᠭ ᠲᠤ ᠭᠡᠥᠭᠡᠨ ᠤ ᠤᠷᠤᠭᠤᠯ ᠪᠠᠶᠢᠭᠰᠠᠨ ᠶᠤᠮ | ᠴᠢᠯᠠᠭᠤ ᠪᠢᠳᠠᠭᠡᠢ ᠬᠠᠪᠢᠷᠤᠮᠤ ᠲᠡᠭᠷᠢ ᠶᠢᠨ ᠲᠤᠮᠤᠭ ᠲᠤ ᠴᠢᠨ᠋ᠸᠠ ᠶᠢᠨ ᠰᠢᠳᠤ ᠪᠠᠶᠢᠭᠰᠠᠨ ᠶᠤᠮ | ᠴᠢᠳᠤᠷ ᠪᠢᠳᠡᠭᠡᠢ ᠬᠠᠶᠠᠮᠤ ᠨᠢᠭᠡᠨ ᠴᠠᠭ ᠲᠤ ᠠᠳᠣᠭᠤᠨ ᠤ ᠲᠠᠩᠭᠠᠷᠢᠭ ᠪᠠᠶᠢᠭᠰᠠᠨ ᠶᠤᠮ | ᠴᠢᠳᠭᠦᠷ ᠢ ᠪᠢᠳᠡᠭᠡᠢ ᠬᠠᠷᠢᠶᠠᠮᠤ ᠲᠡᠭᠡᠳᠤ ᠲᠥᠷᠥᠯ ᠳᠡᠭᠡᠨ ᠵᠤᠪᠠᠯᠠᠩᠳᠤ ᠭᠥᠮᠥᠨ ᠪᠠᠶᠢᠭᠰᠠᠨ ᠶᠤᠮ | ᠥᠷᠯᠥᠭᠡ ᠮᠡᠨᠳᠥᠯᠡᠭᠰᠡᠨ ᠨᠢᠯᠬᠠᠰ ᠤᠨ ᠠᠯᠠᠭ ᠮᠡᠯᠮᠡᠢ ᠰᠢᠭ ᠲᠡᠯᠡᠭᠡᠢ ᠪᠠᠨ | ᠥᠴᠢᠨᠡᠭᠡᠨ ᠵᠠᠭᠤᠨ ᠵᠢᠯ ᠢᠶᠠᠷ ᠪᠢᠳᠠ ᠲᠠᠯᠤ ᠶᠢᠨ ᠮᠢᠬᠠ ᠰᠢᠭ᠋ ᠬᠤᠪᠢᠶᠠᠵᠤ ᠮᠥᠯᠵᠢᠵᠤ ᠢᠷᠡᠭᠰᠡᠨ ᠶᠤᠮ | ᠥᠶᠡ ᠥᠶᠡ ᠶᠢᠨ ᠲᠠᠶᠢᠨ ᠢᠶᠠᠷ ᠭᠢᠯᠢᠩ ᠢᠶᠠᠨ ᠨᠤᠮᠤᠳᠬᠠᠬᠤ ᠭᠡᠰᠡᠨ ᠭᠥᠮᠥᠨ ᠲᠥᠷᠥᠯᠭᠢᠳᠡᠨ | ᠥᠯᠥᠭᠡᠢ ᠰᠢᠭ ᠽᠠᠮᠪᠤᠳᠢᠪ ᠢᠶᠠᠨ ᠠᠪᠰᠠ ᠰᠢᠭ᠋ ᠪᠤᠯᠭᠠᠵᠤ ᠯᠠ ᠶᠠᠪᠤᠨᠠ ᠳ᠋ᠠ | ᠡᠷᠡᠭᠡᠢ ᠶᠢᠨ ᠴᠢᠨᠡᠭᠡᠨ ᠴᠢᠯᠠᠭᠤ ᠪᠥᠭᠦᠨ ᠨᠢ ᠲᠤᠮᠤᠭ ᠰᠢᠪᠡᠨᠡᠵᠤ ᠥᠯᠮᠡᠢ ᠥᠨᠥᠰᠳᠡᠭ | ᠡᠯᠡᠰᠤᠨ ᠤ ᠡᠷᠢᠶᠠᠨ ᠰᠢᠷᠭᠡᠭ ᠪᠥᠷᠢ ᠨᠢ ᠬᠠᠶᠢᠷᠠ ᠰᠢᠭᠰᠢᠵᠥ ᠰᠠᠯᠭᠢᠨ ᠳᠤ ᠪᠤᠶᠢᠯᠠᠳᠠᠭ | ᠡᠷᠭᠢ ᠪᠠᠨ ᠲᠤᠯᠢᠶᠠᠭᠰᠠᠨ ᠨᠠᠭᠤᠷ ᠪᠥᠷᠢᠳᠤ ᠨᠢ ᠰᠢᠪᠠᠭᠤᠳ ᠢᠶᠠᠨ ᠬᠤᠮᠢᠵᠤ ᠲᠡᠭᠷᠢ ᠳᠤ ᠲᠠᠭᠤᠯᠠᠳᠠᠭ | ᠡᠵᠢ ᠶᠢᠨ ᠬᠠᠶᠢᠷᠠ ᠶᠢᠨ ᠲᠤᠯᠬᠤ ᠴᠡᠭ ᠲᠠᠢ ᠤᠷᠴᠢᠯᠠᠩ ᠢᠶᠠᠨ ᠨᠤᠷᠮᠠ ᠪᠤᠯᠭᠠᠬᠤ ᠡᠷᠭᠡ | ᠪᠢᠳᠠᠨ ᠳᠤ ᠪᠠᠶᠢᠬᠤ ᠥᠭᠡᠢ ᠰᠢᠤ | ᠭᠥᠮᠥᠰ ᠡ︕ | | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |