| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | | ᠨᠠᠮ ᠭᠥᠮ ᠮᠠᠨᠳᠤᠳᠤᠭᠠᠢ | ᠠᠶᠠ︕ | ᠨᠠᠮ ᠭᠥᠮ ᠪᠠᠶᠢᠭᠠᠴᠢ︕ ᠭᠥᠮᠥᠨ ᠲᠥᠷᠥᠯᠭᠢᠳᠡᠨ ᠮᠢᠨᠢ | ᠨᠠᠷᠠ ᠮᠥᠯᠭᠦᠭᠰᠡᠨ ᠭᠡᠷ ᠤᠨ ᠬᠤᠶᠢᠮᠤᠷ | ᠰᠥ ᠵᠡᠭᠦᠳᠥᠯᠡᠵᠥ ᠮᠠᠨᠴᠥᠢ ᠲᠠᠢ ᠭᠡᠥᠭᠡᠳ ᠤᠨᠳᠠᠵᠤ ᠪᠠᠶᠢᠨᠠ | ᠠᠵᠠ ᠰᠢᠪᠰᠢᠭᠰᠡᠨ ᠲᠡᠯᠡᠭᠡᠢ ᠪᠠᠨ ᠲᠡᠷᠡᠯᠡᠵᠥ | ᠠᠯᠣᠰ ᠤᠨ ᠠᠮᠤᠭᠤᠯᠠᠩ ᠠᠨᠢᠷᠯᠠᠨ | ᠢᠨᠵᠠᠭᠠ ᠵᠡᠭᠦᠷᠮᠡᠭᠯᠡᠵᠥ ᠪᠠᠶᠢᠨᠠ | ᠲᠡᠭᠷᠢ ᠶᠢᠨ ᠨᠢᠯᠪᠤᠰᠤ ᠡᠮᠭᠦᠵᠥ | ᠴᠡᠴᠡᠭᠡᠰ ᠴᠤᠮᠤᠷᠯᠢᠭ ᠢᠶᠠᠨ ᠵᠠᠳᠠᠯᠵᠤ ᠪᠠᠶᠢᠨᠠ | ᠲᠡᠷᠭᠡᠯ ᠰᠠᠷᠠᠨ ᠵᠤᠯᠠᠵᠤ | ᠮᠤᠳᠤᠳ ᠤᠨ ᠰᠠᠯᠠᠭᠠᠨ ᠲᠡᠭᠡᠷᠡ ᠰᠢᠪᠠᠭᠤᠳ ᠥᠨᠳᠡᠭᠡᠯᠡᠵᠥ ᠪᠠᠶᠢᠨᠠ | ᠨᠠᠮ ᠭᠥᠮ ᠪᠠᠶᠢᠭᠠᠴᠢ︕ | ᠨᠠᠰᠤ ᠬᠠᠯᠢᠭᠰᠠᠨ ᠭᠥᠮᠥᠨ ᠳ᠋ᠧᠪᠠᠵᠢᠨ ᠳᠤ ᠤᠴᠢᠬᠤ ᠮᠡᠳᠤ | ᠨᠠᠨᠳᠢᠨ ᠪᠥᠭᠦᠨ ᠢᠶᠠᠨ ᠨᠢᠭᠤᠵᠤ ᠠᠭᠤᠯᠠᠰ ᠲᠥᠩᠰᠥᠶᠢᠭᠦ ᠮᠡᠳᠥ | ᠨᠠᠪᠴᠢᠰ ᠬᠤᠭᠤᠷᠤᠨᠳᠤ ᠪᠠᠨ ᠥᠨᠥᠰᠥᠯᠳᠥᠨ ᠰᠢᠪᠡᠨᠡᠯᠳᠥᠭᠦ ᠮᠡᠳᠥ | ᠨᠠᠭᠠᠳᠤᠮ ᠤᠨ ᠮᠤᠷᠢᠨ ᠤ ᠭᠥᠯᠥᠰᠥ ᠭᠠᠵᠠᠷ ᠲᠤ ᠲᠣᠰᠤᠯᠠᠬᠤ ᠮᠡᠳᠥ | ᠨᠠᠮ ᠭᠥᠮ ᠮᠠᠨᠳᠤᠳᠤᠭᠠᠢ︕ | ᠡᠷᠢᠶᠡᠨ ᠰᠠᠭᠠᠷᠠᠯ ᠭᠢᠮᠡᠯ ᠱᠤᠤᠭᠢᠶᠠᠨ ᠳᠤ | ᠡᠷᠭᠡᠰ ᠭᠠᠷᠠᠭ ᠤᠨ ᠭᠡᠭᠡᠨ ᠰᠤᠨᠤᠰᠬᠤᠯᠠᠩ ᠲᠥᠵᠢᠷᠡᠵᠥ ᠭᠥᠢᠴᠡᠯᠡ | ᠡᠵᠢ ᠶᠢᠨ ᠮᠡᠯᠮᠡᠢ ᠠᠴᠠ ᠡᠭᠢᠯᠡᠵᠥ ᠤᠷᠤᠰᠤᠭᠰᠠᠨ | ᠡᠷᠭᠡ ᠬᠤᠩᠭᠤᠷ ᠵᠡᠷᠭᠡᠯᠭᠡᠨ ᠰᠡᠮᠡᠷᠡᠵᠥ ᠭᠥᠢᠴᠡᠯᠡ | ᠵᠠᠭ ᠤᠨ ᠮᠥᠴᠢᠷ ᠲᠡᠭᠡᠷᠡ ᠲᠣᠩᠭᠤᠷᠤᠭᠰᠠᠨ ᠤᠳᠤᠳ ᠤᠨ ᠠᠨᠢᠷ | ᠽᠠᠮᠪᠤᠯᠢᠩ ᠤᠨ ᠠᠯᠠᠭᠠᠨ ᠠᠴᠠ ᠲᠥᠷᠪᠡᠵᠥ ᠭᠥᠢᠴᠡᠯᠡ | ᠵᠠᠳᠠ ᠶᠢᠨ ᠴᠢᠯᠠᠭᠤᠨ ᠳᠤ ᠰᠢᠪᠡᠭᠡᠯᠡᠭᠰᠡᠨ ᠲᠡᠥᠭᠡ ᠶᠢᠨ ᠤᠴᠢᠭ | ᠵᠠᠶᠢᠮᠤᠷᠠᠭᠰᠠᠨ ᠭᠥᠯ ᠥᠢᠮᠡᠭᠡᠨ ᠳᠤ ᠲᠠᠰᠤᠷᠠᠵᠤ ᠭᠥᠢᠴᠡᠯᠡ | ᠭᠢᠮᠡᠯ ᠱᠤᠤᠭᠢᠶᠠᠨ ᠮᠢᠨᠢ | ᠭᠥᠮᠥᠨ ᠲᠥᠷᠥᠯᠭᠢᠳᠡᠨ ᠤ ᠲᠤᠮᠤ ᠠᠯᠳᠠᠭᠠ ᠮᠢᠨᠢ | ᠭᠥᠭᠵᠢᠯ ᠪᠠᠳᠠᠷᠠᠯ ᠮᠢᠨᠢ | ᠭᠥᠰᠡᠯ ᠲᠠᠴᠢᠶᠠᠯ ᠤᠨ ᠶᠡᠭᠡ ᠨᠢᠭᠦᠯ ᠮᠢᠨᠢ | ︽ᠠᠨᠢᠷ ᠥᠭᠡᠢ ᠬᠤᠳᠠ︾ ① ᠶᠢᠨ ᠨᠠᠮ ᠭᠥᠮ ᠰᠢᠭ | ᠠᠶᠤᠳᠠᠰᠤ ᠭᠥᠷᠭᠡᠮᠡ | ᠨᠠᠮ ᠭᠥᠮ ᠮᠠᠨᠳᠤᠳᠤᠭᠠᠢ︕ | ᠠᠶᠤᠩᠭᠠ ᠨᠢᠵᠢᠭᠢᠨᠡᠭᠡᠳ ᠥᠩᠭᠡᠷᠡᠭᠰᠡᠨ | ᠠᠭᠱᠠᠨ ᠬᠤᠷᠤᠮ ᠰᠢᠭ᠋ | ᠨᠠᠮ ᠭᠥᠮ ᠮᠠᠨᠳᠤᠳᠤᠭᠠᠢ︕ | ᠮᠠᠨᠢ ᠶᠢᠨ ᠥᠷᠡᠯ ᠮᠡᠳᠥ | ᠮᠠᠩᠬᠠᠨ ᠤ ᠨᠡᠭᠦᠳᠡᠯ ᠮᠡᠳᠥ | ᠬᠤᠯᠤᠭᠠᠨᠠ ᠵᠠᠯᠭᠢᠭᠰᠠᠨ ᠮᠤᠭᠠᠢ ᠮᠡᠳᠥ | ᠬᠤᠳᠳᠤᠭ ᠱᠠᠳᠤᠯᠠᠭᠰᠠᠨ ᠬᠤᠵᠤᠤᠯᠠ ᠮᠡᠳᠥ | ᠨᠠᠮ ᠭᠥᠮ ᠮᠠᠨᠳᠤᠳᠤᠭᠠᠢ︕ | ᠤᠷᠢᠶᠠ ᠯᠤᠽᠦ᠋ᠩ ᠥᠭᠡᠢ ᠴᠠᠭ ᠥᠶᠡ ᠮᠠᠨᠳᠤᠳᠤᠭᠠᠢ︕ | ᠠᠭᠤᠷ ᠤᠨ ᠱᠤᠤᠭᠢᠯ᠂ ᠮᠤᠲ᠋ᠤᠷ ᠤᠨ ᠢᠰᠭᠢᠷᠤᠯ ᠥᠯᠥ ᠰᠤᠨᠤᠰᠳᠠᠬᠤ ᠴᠠᠭ ᠥᠶᠡ ᠮᠠᠨᠳᠤᠳᠤᠭᠠᠢ︕ | ᠴᠢᠭᠢ ᠲᠡᠯᠡᠰᠥᠭᠰᠡᠨ ᠥᠢᠮᠡᠭᠡᠨ ᠱᠤᠤᠭᠢᠶᠠᠨ ᠠᠴᠠ | ᠴᠢᠨ᠋ᠸᠠ ᠰᠢᠭ᠋ ᠵᠢᠭᠤᠳᠠᠭᠠᠵᠤ ᠠᠮᠢᠳᠤᠷᠠᠬᠤ ᠰᠠᠨ | ᠵᠢᠷᠥᠭᠡ ᠵᠥᠰᠥᠨ ᠴᠢᠷᠠᠯᠠᠭᠰᠠᠨ ᠴᠠᠭᠢᠯᠭᠠᠨ ᠭᠢᠷᠥᠭᠡ | ᠠᠭᠠᠷ ᠴᠥᠮᠥᠯᠥᠨ ᠴᠢᠬᠠᠷᠠᠭᠰᠠᠨ ᠥᠢᠯᠡᠳᠪᠥᠷᠢ ᠪᠠᠷᠢᠯᠭᠠ | ᠡᠰᠲᠷᠡᠲ ᠭᠥᠭᠵᠢᠮ᠂ ᠷᠤᠺ ᠲᠠᠭᠤᠤ | ᠡᠨᠡ ᠲᠡᠷᠡᠨ ᠠᠴᠠ ᠬᠤᠯᠠᠬᠠᠨ ᠠᠮᠢᠳᠤᠷᠠᠬᠤ ᠰᠠᠨ | ᠭᠡᠷᠡᠭᠦᠯ ᠴᠤᠤᠭᠢᠶᠠᠨ᠂ ᠭᠡᠳᠡᠷ ᠶᠠᠷᠢᠶᠠ | ᠭᠡ ᠪᠠᠨ ᠪᠠᠷᠠᠭᠰᠠᠨ ᠴᠠᠯᠴᠢᠶᠠ ᠥᠭᠡᠢ | ᠭᠡᠷᠡᠮ ᠨᠡᠪᠳᠡᠯᠥᠨ ᠲᠤᠭᠤᠯᠳᠠᠬᠤ ᠭᠥᠯ ᠤᠨ ᠲᠤᠪᠰᠢᠯᠳᠠ ᠥᠭᠡᠢ | ᠭᠡᠷᠴᠢᠭᠦ᠂ ᠨᠥᠳᠥᠭᠦ᠂ ᠴᠠᠪᠴᠢᠬᠤ ᠶᠠᠮᠠᠷ ᠴᠦ ᠠᠪᠢᠶᠠ ᠥᠭᠡᠢ | ᠴᠠᠭᠢᠯᠭᠠᠨ ᠲᠤᠯᠭᠢᠶᠠ ᠰᠢᠷᠢᠯᠳᠥᠭᠦᠯᠥᠭᠰᠡᠨ ᠤᠳᠠᠰᠤᠨ ᠤ ᠬᠤᠩᠬᠠ | ᠷᠠᠳᠢᠤ᠋᠂ ᠲᠧᠯᠸᠢᠰ᠂ ᠴᠠᠭᠢᠮ ᠤᠶᠤᠨ② ᠤ ᠠᠯᠢ ᠨᠢ ᠴᠦ ᠥᠭᠡᠢ | ᠴᠠᠭ ᠤᠨ ᠵᠡᠭᠦᠥ ᠲᠠᠪᠭᠢᠯᠳᠤᠬᠤ ᠴᠢᠮᠡᠭᠡ ᠥᠭᠡᠢ | ᠢᠯᠥᠮ ᠵᠢᠯᠥᠮ | ᠡᠷᠭᠢᠮᠰᠥᠭ ᠠᠭᠠᠳ ᠶᠡᠭᠡᠮᠰᠥᠭ ᠨᠠᠮ ᠭᠥᠮ ᠮᠠᠨᠳᠤᠳᠤᠭᠠᠢ︕ | ᠰᠠᠯᠭᠢ ᠰᠢᠷᠭᠤᠴᠢᠬᠤ ᠵᠠᠢ ᠥᠭᠡᠢ | ᠪᠤᠷᠬᠠᠨ ᠬᠠᠯᠳᠤᠨ ᠤ ᠪᠠᠯᠠᠷ ᠲᠠᠶᠢᠭᠠ ᠳᠤ | ᠰᠠᠶ᠋ᠢᠬᠠᠨ ᠭᠥᠩᠭᠡᠵᠢᠭᠰᠡᠨ ᠡᠭᠡ ᠮᠡᠳᠥ | ᠡᠯᠥᠢ ᠬᠤᠯᠤᠢ ᠬᠤᠭᠤᠰᠤᠨ ᠶᠡᠭᠡ ᠭᠥᠨᠳᠡᠢ ᠳᠤ | ᠤᠨᠠᠭᠠ ᠭᠥᠷᠪᠡᠭᠦ ᠳᠤ ᠠᠭᠤᠯᠠ ᠶᠢᠨ ᠲᠤᠯᠤᠭᠠᠢ ᠳᠤ | ᠴᠠᠰᠤ ᠪᠤᠳᠠᠷᠠᠬᠤ ᠭᠥᠷᠡᠯ ᠵᠠᠭᠤᠨ ᠤ ᠲᠡᠷᠲᠡᠭᠡ ᠳᠤ | ᠤᠷᠳᠤ ᠶᠢᠨ ᠲᠠᠭᠤᠨ ᠤ ᠰᠢᠷᠤᠩᠬᠠᠢ | ᠬᠠᠷᠪᠤᠵᠤ ᠥᠯᠥ ᠭᠥᠷᠭᠦ ᠰᠠᠨᠰᠠᠷ ᠤᠨ ᠭᠢᠵᠠᠭᠠᠷ ᠲᠤ | ᠭᠠᠯ ᠤᠨ ᠪᠤᠷᠬᠠᠨ ᠮᠡᠳᠥ ᠠᠮᠢᠳᠤᠷᠠᠬᠤ ᠰᠠᠨ᠃ | ᠪᠥᠭᠦ ᠶᠠᠭᠤᠮᠠ ᠨᠠᠮ ᠭᠥᠮ ᠯᠡ ᠪᠠᠶᠢᠭᠠᠰᠠᠢ | ᠪᠥᠳᠥᠭᠡ ᠥᠭᠡᠢ ᠲᠤᠷᠠᠯᠠᠯ ᠤᠨ ᠬᠤᠶᠢᠨᠠ ᠠᠴᠠ ᠠᠰᠬᠠᠷᠠᠭᠰᠠᠨ | ᠪᠥᠯᠢᠶᠡᠨ ᠨᠢᠯᠪᠥᠰᠥ ᠮᠡᠳᠥ ᠨᠠᠮ ᠭᠥᠮ ᠪᠠᠶᠢᠭᠠᠰᠠᠢ | ᠪᠥᠵᠥᠩ ᠲᠡᠥᠯᠡᠢ ᠬᠠᠷᠠᠶᠢᠬᠤ ᠳᠤ | ᠲᠡᠭᠷᠢ ᠨᠥᠷᠭᠢᠯᠡᠭᠦ ᠮᠡᠳᠥ ᠰᠤᠨᠤᠰᠳᠠᠬᠤ | ᠪᠥᠭᠡᠮ ᠮᠠᠨᠠᠨ ᠭᠠᠵᠠᠷᠳᠠᠬᠤ ᠳᠤ | ᠠᠳᠤᠭᠤ ᠲᠤᠷᠭᠢᠯᠠᠬᠤ ᠮᠡᠳᠥ ᠰᠠᠨᠠᠭᠳᠠᠬᠤ | ᠲᠡᠶᠢᠮᠥ ᠯᠡ ᠨᠠᠮ ᠭᠥᠮ ᠪᠠᠶᠢᠭᠠᠰᠠᠢ | ᠲᠡᠭᠷᠢᠯᠢᠭ ᠨᠠᠮ ᠭᠥᠮ ᠮᠠᠨᠳᠤᠳᠤᠭᠠᠢ︕ | ᠮᠠᠨᠳᠤᠳᠤᠭᠠᠢ︕ | ① ︽ᠠᠨᠢᠷ ᠦᠭᠡᠢ ᠬᠤᠳᠠ︾│ ᠨᠡᠶᠢᠳᠡ ᠶᠢᠨ ᠤᠩᠭᠤᠨ ᠤ ᠭᠠᠵᠠᠷ᠃ | ② ᠴᠠᠭᠢᠮ ᠤᠶᠤᠨ│ ᠺᠤᠮᠫᠢᠤᠲ᠋ᠧᠷ᠃ | | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |