| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | | | ᠠᠷᠪᠠᠨ ᠲᠠᠪᠤᠨ ᠤ ᠰᠠᠷᠠ ᠲᠡᠷᠭᠡᠯᠰᠢᠬᠦ ᠳᠤ | ᠠᠷᠢᠶᠠᠲᠠᠨ ᠠᠮᠢᠲᠠᠨ ᠤ ᠬᠢᠰᠠᠯ ᠢᠷᠠᠨᠠ | ᠭᠡᠷᠡᠯᠲᠦ ᠣᠷᠴᠢᠯᠠᠩ ᠳᠤ ᠲᠡᠳᠡ ᠳᠤᠷᠠ ᠦᠭᠡᠢ ᠶᠤᠮ | ᠭᠡᠭᠡ ᠲᠠᠲᠠᠭᠰᠠᠨ ᠠᠮᠢᠳᠤᠷᠠᠯ ᠲᠡᠳᠡᠨ ᠳᠤ ᠬᠡᠷᠡᠭ ᠦᠭᠡᠢ ᠶᠤᠮ | ᠠᠷᠪᠠᠨ ᠲᠠᠪᠤᠨ ᠤ ᠰᠠᠷᠠ ᠶᠢ | ᠠᠳᠤᠭᠤᠨ ᠤ ᠪᠠᠭᠠᠯᠵᠠᠭᠤᠷ ᠰᠢᠭ᠋ ᠬᠡᠮᠬᠡ ᠵᠠᠭᠤᠬᠤ ᠰᠠᠨ ᠭᠡᠵᠤ | ᠬᠦᠢᠲᠡᠨ ᠬᠥᠬᠡ ᠰᠦᠷ ᠢᠶᠠᠨ ᠠᠭᠤᠯᠠᠨ ᠳᠤ ᠰᠣᠶᠢᠵᠤ | ᠬᠦᠯᠢᠶᠡᠵᠦ ᠭᠤᠷᠠᠩᠬᠤᠯᠠᠬᠤ ᠥᠯᠥᠭᠴᠢᠨ ᠢᠶᠠᠨ ᠠᠭᠤᠢ ᠳᠤ ᠮᠠᠷᠲᠠᠵᠤ | ᠭᠠᠵᠠᠷ ᠤᠨ ᠥᠨᠳᠥᠷ ᠪᠠᠷᠢᠵᠤ | ᠭᠠᠷᠠᠬᠠᠨ ᠰᠠᠷᠠ ᠤᠷᠤᠭᠤ ᠬᠠᠷᠠᠶᠢᠨᠠ | ᠲᠠᠰᠤ ᠵᠠᠭᠤᠭᠰᠠᠨ ᠰᠣᠶᠣᠭᠠᠨ ᠳᠤ ᠨᠢ | ᠡᠪᠦᠯ ᠤᠨ ᠬᠦᠢᠲᠡᠨ ᠳᠠᠭᠵᠢᠵᠤ | ᠲᠠᠭ ᠴᠢᠮᠡᠭᠡ ᠦᠭᠡᠢ ᠬᠠᠲᠠᠷᠢᠶᠠᠨ ᠳᠤ ᠨᠢ | ᠵᠢᠪᠠᠷ ᠤᠨ ᠦᠵᠦᠭᠦᠷ ᠬᠡᠯᠡᠭᠡᠶᠢᠷᠡᠨᠡ | ᠣᠮᠤᠭ ᠰᠢᠭ᠋ ᠪᠣᠰᠤᠭᠠ ᠳᠡᠯ ᠳᠤ ᠨᠢ | ᠣᠷᠴᠢᠯᠠᠩ ᠤᠨ ᠭᠤᠨᠢᠭ ᠰᠢᠷᠢᠯᠳᠦᠵᠦ | ᠣᠴᠢ ᠰᠢᠭ᠋ ᠤᠯᠠᠭᠠᠨ ᠨᠢᠳᠦᠨ ᠳᠤ ᠨᠢ | ᠬᠦᠰᠡᠯ ᠤᠨ ᠨᠢᠭᠦᠯ ᠴᠠᠩᠲᠤᠨᠠ | ᠬᠠᠷᠭᠤᠭᠰᠠᠨ ᠪᠦᠬᠦᠨ ᠢ | ᠬᠠᠭᠵᠠ ᠲᠠᠲᠠᠬᠤ ᠳᠤ ᠪᠡᠯᠡᠬᠡᠨ ᠳᠠᠪᠬᠢᠨᠠ | ᠬᠠᠷᠠ ᠲᠡᠷᠢᠭᠦᠲᠡᠨ ᠢ | ᠲᠡᠷᠡ ᠶᠠᠰᠤᠨ ᠠᠴᠠ ᠪᠠᠨ ᠬᠤᠷᠣᠰᠤᠨᠠ | ᠬᠠᠷᠠᠩᠭᠤᠢ ᠨᠥᠮᠥᠷᠢᠭᠰᠡᠨ ᠰᠥᠨᠢ ᠯᠡ | ᠲᠡᠭᠦᠨ ᠳᠤ ᠭᠡᠷᠡᠯ ᠲᠠᠢ ᠬᠠᠷᠠᠭᠳᠠᠨᠠ | ᠬᠠᠲᠠᠭᠤ ᠬᠡᠷᠴᠡᠭᠡᠢ ᠠᠮᠢᠳᠤᠷᠠᠯ ᠯᠡ | ᠲᠡᠭᠦᠨ ᠳᠤ ᠵᠢᠷᠭᠠᠯ ᠲᠠᠢ ᠰᠠᠨᠠᠭᠳᠠᠨᠠ | ᠰᠠᠶᠢᠬᠠᠨ ᠪᠦᠬᠦᠨ ᠢ ᠨᠢ | ᠠᠮᠠᠨ ᠠᠴᠠ ᠨᠢ ᠪᠤᠯᠢᠶᠠᠭᠰᠠᠨ ᠽᠠᠮᠪᠤᠯᠢᠩ ᠳᠤ | ᠰᠠᠷᠠ ᠲᠡᠷᠭᠡᠯᠰᠢᠬᠦ ᠶᠢ ᠲᠡᠷᠡ | ᠦᠵᠡᠨ ᠶᠠᠳᠠᠨᠠ | ᠰᠠᠪᠠ ᠨᠢ ᠪᠢᠯᠬᠠᠷᠠᠭᠰᠠᠨ ᠨᠢᠭᠦᠯ ᠢᠶᠠᠨ | ᠨᠢᠭᠤᠵᠤ ᠮᠡᠳᠡᠳᠡᠭ ᠦᠭᠡᠢ ᠬᠥᠮᠥᠨ ᠰᠢᠭ | ᠰᠠᠷᠠ ᠨᠠᠷᠠᠨ ᠤ ᠭᠡᠭᠡᠨ ᠳᠤ ᠲᠡᠷᠡ | ᠴᠢᠰᠤ ᠪᠠᠷ ᠲᠣᠭᠯᠠᠬᠤ ᠶᠢ ᠵᠢᠭᠰᠢᠨᠡ | ᠠᠳᠠᠷᠭᠠᠨᠠ ᠥᠭᠰᠥᠭᠰᠡᠭᠡᠷ ᠨᠠᠭᠠᠰᠢᠯᠠᠬᠤ | ᠠᠷᠪᠠᠨ ᠲᠠᠪᠤᠨ ᠤ ᠰᠠᠷᠠ ᠵᠦᠭ | ᠠᠶᠤᠮᠰᠢᠭᠲᠤ ᠬᠠᠷᠠ ᠰᠤᠮᠤ ᠰᠢᠭ᠋ ᠴᠢᠨ᠋ᠸᠠ ᠴᠢᠪᠬᠠᠳᠠᠨᠠ | ᠠᠷᠤ ᠬᠢᠵᠠᠭᠠᠷ ᠤᠨ ᠳᠣᠪᠣᠴᠠᠭ ᠤᠳ ᠴᠢᠯᠠᠭᠤ ᠪᠠᠨ ᠢᠪᠡᠵᠦ ᠥᠨᠳᠡᠶᠢᠨᠡ | ᠰᠠᠭᠠᠷᠠᠯ ᠴᠢᠨ᠋ᠸᠠ ᠠᠴᠠ ᠲᠠᠯᠳᠢᠴᠢᠭᠰᠠᠠ ᠶᠤᠮ ᠰᠢᠭ᠋ | ᠰᠠᠷᠠᠨ ᠤ ᠭᠡᠷᠡᠯ ᠳᠤ ᠣᠳᠣᠳ ᠠᠭᠤᠰᠤᠨ ᠠᠯᠳᠠᠷᠠᠪᠠ᠂᠂᠂᠂ | ᠰᠠᠷᠠᠨ ᠳᠤ ᠬᠤᠷᠭᠤᠳᠠᠭᠰᠠᠨ ᠲᠠᠤᠯᠠᠢ ᠶᠢ ᠲᠠᠰᠤᠷ ᠲᠠᠲᠠᠬᠤ ᠬᠡᠮᠡᠨ | ᠰᠠᠨᠰᠠᠷ ᠤᠨ ᠨᠢᠭᠡᠨ ᠳᠣᠮᠤᠭ ᠭᠡᠷᠡᠯ ᠰᠡᠮᠡᠯᠡᠨ ᠣᠳᠪᠠ᠂᠂᠂᠂ | ᠬᠡᠶᠢᠮᠣᠷᠢ ᠶᠢᠨ ᠵᠦᠭ ᠠᠴᠠ ᠠᠰᠠᠭᠰᠠᠨ | ᠬᠥᠬᠡ ᠳᠥᠯᠥ ᠶᠤᠮ ᠰᠢᠤ︕ ᠲᠡᠷᠡ | ᠬᠦᠢᠲᠡᠨ ᠵᠦᠭ ᠠᠴᠠ ᠬᠠᠷᠪᠤᠭᠰᠠᠨ | ᠬᠠᠯᠠᠭᠤᠨ ᠵᠡᠪᠡ ᠶᠤᠮ ᠰᠢᠤ︕ ᠲᠡᠷᠡ | ᠥᠰᠢᠶᠡᠷᠬᠡᠵᠦ ᠠᠮᠢᠳᠤᠷᠠᠬᠤ ᠠᠴᠠ ᠥᠷᠥᠪᠳᠡᠬᠦᠯᠵᠤ ᠠᠮᠢᠳᠤᠷᠠᠳᠠᠭ ᠦᠭᠡᠢ | ᠰᠣᠷ ᠶᠤᠮ ᠰᠢᠤ︕ ᠲᠡᠷᠡ | ᠲᠡᠮᠡᠴᠡᠵᠦ ᠠᠮᠢᠳᠤᠷᠠᠬᠤ ᠠᠴᠠ ᠲᠡᠵᠢᠭᠡᠯᠭᠡᠵᠦ ᠠᠮᠢᠳᠤᠷᠠᠳᠠᠭ ᠦᠭᠡᠢ | ᠰᠦᠷ ᠶᠤᠮ ᠰᠢᠤ︕ ᠲᠡᠷᠡ | ᠴᠡᠴᠡᠭ ᠰᠢᠭ ᠮᠥᠷ ᠢᠶᠠᠨ | ᠲᠠᠯᠠ ᠶᠢᠨ ᠴᠠᠰᠤᠨ ᠳᠤ ᠲᠠᠮᠠᠭᠠᠯᠠᠵᠤ | ᠴᠡᠴᠡᠡ ᠵᠣᠷᠢᠭ ᠤᠨ ᠲᠠᠩᠭᠠᠷᠢᠭ ᠢᠶᠠᠨ | ᠲᠡᠭᠷᠢ ᠶᠢᠨ ᠣᠳᠣᠨ ᠳᠤ ᠪᠢᠯᠡᠭᠦᠳᠡᠬᠦ ᠭᠡᠵᠤ | ᠠᠷᠪᠠᠨ ᠲᠠᠪᠤᠨ ᠤ ᠰᠠᠷᠠᠨ ᠵᠦᠭ | ᠠᠵᠢᠷᠭᠠᠨ ᠴᠢᠨ᠋ᠸᠠ ᠬᠠᠷᠠᠶᠢᠬᠤ ᠨᠢ ᠥᠯᠵᠡᠶᠢᠲᠡᠢ᠂᠂᠂᠂᠂᠂ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | |