| ᠵᠡᠭᠦᠨᠭᠠᠷ ᠪᠤᠶᠠᠨᠪᠠᠲᠤ | | | ᠭᠥᠰᠡᠷ ᠤᠨ ᠴᠢᠯᠠᠭᠤ ᠭᠡᠳᠡᠭ ᠴᠠᠷᠴᠠᠭᠰᠠᠨ ᠴᠡᠴᠡᠭ ᠶᠤᠮ | ᠭᠥᠯᠥᠭ ᠤᠨ ᠥᠥᠷᠰᠡᠯ ᠭᠡᠳᠡᠭ ᠴᠠᠩᠳᠤᠭᠰᠠᠨ ᠠᠶᠤᠩᠭᠠ ᠶᠤᠮ | ᠭᠥᠭᠡᠮᠡᠢ ᠶᠢᠨ ᠡᠭᠡᠰᠢᠭ ᠭᠡᠳᠡᠭ ᠴᠢᠯᠠᠭᠤᠵᠢᠭᠰᠠᠨ ᠠᠪᠢᠶᠠ ᠶᠤᠮ | ᠭᠥᠵᠢ ᠶᠢᠨ ᠭᠠᠯ ᠭᠡᠳᠡᠭ ᠠᠩᠭᠢᠯᠤᠭᠰᠠᠨ ᠰᠥᠵᠢᠭ ᠶᠤᠮ | ᠭᠥᠭᠦᠭᠡ ᠶᠢᠨ ᠲᠠᠭᠤᠨ ᠭᠡᠳᠡᠭ ᠥᠷᠭᠦᠭᠰᠡᠨ ᠠᠶᠠᠯᠭᠤ ᠶᠤᠮ | ᠭᠥᠪᠴᠢ ᠶᠢᠨ ᠰᠠᠯᠭᠢᠨ ᠭᠡᠳᠡᠭ ᠴᠢᠪᠴᠠᠷᠠᠭᠰᠠᠨ ᠲᠠᠷᠨᠢ ᠶᠤᠮ | ᠭᠥᠭᠡ ᠮᠤᠩᠭᠤᠯ ᠭᠡᠳᠡᠭ ᠲᠤᠨᠤᠷᠠᠭᠰᠠᠨ ᠪᠠᠶᠢᠭᠠᠯᠢ ᠶᠤᠮ᠃ | | ᠴᠠᠭᠠᠨ ᠴᠠᠰᠤ ᠬᠠᠶᠢᠯᠪᠠᠯ ᠬᠠᠷᠠ ᠤᠰᠤ ᠪᠤᠯᠳᠠᠭ | ᠴᠠᠶᠢᠯᠭᠠᠨ ᠰᠡᠳᠭᠢᠯ ᠭᠭᠢᠷᠳᠥᠪᠡᠯ ᠬᠠᠷᠠ ᠨᠢᠭᠦᠯ ᠪᠤᠯᠳᠠᠭ | ᠴᠠᠷᠴᠠ ᠶᠢᠨ ᠰᠥᠷᠥᠭ ᠬᠠᠷᠠᠩᠭᠤᠶᠢᠯᠠᠪᠠᠯ ᠲᠡᠭᠷᠢ ᠶᠢᠨ ᠵᠤᠳ ᠪᠤᠯᠳᠠᠭ | ᠴᠠᠮᠴᠠᠨ ᠤ ᠲᠤᠪᠴᠢ ᠮᠥᠯᠳᠥᠷᠡᠪᠡᠯ ᠵᠢᠪᠠᠷ ᠤᠨ ᠥᠵᠥᠭᠦᠷ ᠰᠢᠷᠭᠤᠳᠠᠭ | ᠴᠠᠭᠠᠴᠢ ᠶᠢᠨ ᠲᠤᠭᠠ ᠠᠷᠪᠢᠳᠪᠠᠯ ᠤᠤᠭᠠᠯ ᠨᠤᠳᠤᠭ ᠰᠡᠭᠯᠡᠷᠡᠳᠡᠭ | ᠴᠠᠭ ᠤᠨ ᠭᠥᠷᠳᠥ ᠬᠠᠭᠰᠠᠪᠠᠯ ᠴᠥᠪ ᠤᠨ ᠰᠡᠭᠦᠳᠡᠷ ᠲᠤᠰᠳᠠᠭ | ᠴᠠᠭᠠᠵᠠ ᠶᠢᠨ ᠬᠠᠳᠠᠭᠤ ᠭᠡᠳᠥᠷᠡᠪᠡᠯ ᠲᠥᠷᠥ ᠶᠢᠨ ᠰᠥᠨᠥᠯ ᠲᠥᠭᠦᠳᠡᠭ | ᠴᠢᠨᠠᠳᠤ ᠶᠢᠨ ᠶᠢᠷᠳᠢᠨᠴᠤ ᠬᠠᠵᠠᠶᠢᠪᠠᠯ ᠭᠥᠮᠥᠨ ᠤ ᠮᠥᠭᠦᠯ ᠢᠷᠡᠳᠡᠭ᠃ | | ᠨᠢᠭᠡᠨ ᠲᠡᠭᠷᠢ ᠠᠴᠠ ᠬᠤᠶᠠᠷ ᠶᠠᠩᠵᠤ ᠶᠢᠨ ᠪᠤᠷᠤᠭᠠᠨᠱᠠᠭᠢᠮᠤᠢ | ᠨᠢᠭᠡ ᠨᠢ ᠰᠡᠳᠭᠢᠯ ᠤᠨ᠂ ᠨᠥᠭᠦᠭᠡ ᠨᠢ ᠮᠥᠩᠭᠦᠨ ᠤ ᠪᠤᠷᠤᠭᠠᠨ ᠠᠵᠤᠭᠤ | ᠨᠢᠭᠡᠨ ᠴᠡᠴᠡᠭ ᠠᠴᠠ ᠬᠤᠶᠠᠷ ᠶᠠᠩᠵᠤ ᠶᠢᠨ ᠲᠡᠯᠪᠡᠭᠡ ᠤᠷᠭᠤᠮᠤᠢ | ᠨᠢᠭᠡ ᠨᠢ ᠶᠠᠭᠠᠨ᠂ ᠨᠥᠭᠦᠭᠡ ᠨᠢ ᠴᠠᠭᠠᠨ ᠥᠩᠭᠡ ᠶᠢᠨ ᠠᠵᠤᠭᠤ | ᠨᠢᠭᠡᠨ ᠭᠡᠭᠦᠨ ᠠᠴᠠ ᠬᠤᠶᠠᠷ ᠶᠠᠩᠵᠤ ᠶᠢᠨ ᠤᠨᠠᠭᠠ ᠭᠠᠷᠤᠮᠤᠢ | ᠨᠢᠭᠡ ᠨᠢ ᠬᠤᠷᠳᠤᠨ ᠤ ᠨᠥᠭᠦᠭᠡ ᠨᠢ ᠬᠤᠨᠢᠨ ᠤ ᠮᠤᠷᠢ ᠠᠵᠤᠭᠤ | ᠨᠢᠭᠡᠨ ᠶᠢᠷᠳᠢᠨᠴᠤ ᠠᠴᠠ ᠬᠤᠶᠠᠷ ᠶᠠᠩᠵᠤ ᠶᠢᠨ ᠭᠥᠮᠥᠨ ᠲᠥᠷᠥᠮᠥᠢ | ᠨᠢᠭᠡ ᠨᠢ ᠪᠤᠷᠬᠠᠨ ᠤ᠂ ᠨᠥᠭᠦᠭᠡ ᠨᠢ ᠪᠤᠭ ᠤᠨ ᠲᠥᠷᠥᠯᠭᠡ ᠠᠵᠤᠭᠤ᠃ | | ᠨᠠᠳᠠᠳᠤ ᠢᠯᠡᠭᠦᠳᠡᠭᠰᠡᠨ ᠶᠠᠭᠤᠮᠠ ᠴᠢᠮᠠᠳᠤ ᠲᠤᠳᠠᠵᠤ ᠪᠠᠶᠢᠳᠠᠭ | ᠴᠢᠮᠠᠳᠤ ᠲᠤᠳᠠᠭᠰᠠᠨ ᠶᠠᠭᠤᠮᠠ ᠨᠠᠳᠠᠳᠤ ᠢᠯᠡᠭᠦᠳᠡᠵᠥ ᠪᠠᠶᠢᠳᠠᠭ | ᠮᠢᠨᠤ ᠥᠵᠡᠨ ᠶᠠᠳᠠᠳᠠᠭ ᠶᠠᠭᠤᠮᠠ ᠶᠢ ᠴᠢ ᠰᠢᠳᠥᠵᠥ ᠪᠠᠶᠢᠳᠠᠭ | ᠴᠢᠨᠤ ᠰᠢᠳᠤᠨ ᠪᠢᠰᠢᠷᠡᠳᠡᠭ ᠶᠠᠭᠤᠮᠠ ᠶᠢ ᠪᠢ ᠰᠡᠵᠢᠭᠯᠡᠵᠥ ᠪᠠᠶᠢᠳᠠᠭ | ᠴᠠᠰᠤᠨ ᠳᠤ ᠴᠠᠷᠴᠠᠭᠰᠠᠨ ᠭᠥᠮᠥᠨ ᠵᠤᠨ ᠢ ᠵᠡᠭᠦᠳᠥᠯᠡᠵᠥ ᠪᠠᠶᠢᠳᠠᠭ | ᠨᠠᠷᠠᠨ ᠳᠤ ᠴᠤᠨᠤᠭᠰᠠᠨ ᠭᠥᠮᠥᠨ ᠡᠪᠤᠯ ᠢ ᠮᠥᠷᠥᠭᠡᠳᠴᠤ ᠪᠠᠶᠢᠳᠠᠭ | ᠡᠪᠡᠰᠤ ᠲᠠᠢ ᠭᠠᠵᠠᠷ ᠮᠠᠯ ᠲᠤᠭᠳᠠᠬᠤ ᠥᠭᠡᠢ ᠪᠠᠶᠢᠳᠠᠭ | ᠵᠢᠷᠭᠠᠯ ᠲᠠᠢ ᠭᠠᠵᠠᠷ ᠭᠥᠮᠥᠨ ᠰᠠᠭᠤᠷᠢᠰᠢᠬᠤ ᠥᠭᠡᠢ ᠪᠠᠶᠢᠳᠠᠭ | | ᠠᠪᠤ ᠡ︕ ᠡᠵᠢ ᠡ︕ ᠁ ᠭᠡᠪᠡᠴᠤ ᠭᠡᠥᠭᠡᠳ ᠢᠶᠠᠨ ᠢᠯᠡᠭᠦᠥ ᠳᠤ ᠪᠤᠳᠤᠨᠠ | ᠠᠷᠠᠳ ᠲᠥᠮᠡᠨ ᠮᠢᠨᠢ ᠁ ᠭᠡᠪᠡᠴᠤ ᠠᠮᠢ ᠪᠠᠨ ᠢᠯᠡᠭᠦᠥ ᠳᠤ ᠪᠤᠳᠤᠨᠠ | ᠠᠯᠤᠰ ᠢᠷᠡᠭᠡᠳᠤᠢ ᠁ ᠭᠡᠪᠡᠴᠤ ᠠᠬᠤᠢ ᠪᠠᠨ ᠢᠯᠡᠭᠦᠥ ᠳᠤ ᠪᠤᠳᠤᠨᠠ | ᠠᠵᠢᠯ ᠥᠢᠯᠡᠰ ᠁ ᠭᠡᠪᠡᠴᠤ ᠠᠮᠠᠷᠠᠬᠤ ᠪᠠᠨ ᠢᠯᠡᠭᠦᠥ ᠳᠤ ᠪᠤᠳᠤᠨᠠ | ᠤᠯᠤᠰ ᠥᠨᠳᠥᠰᠥᠳᠡᠨ ᠁ ᠭᠡᠪᠡᠴᠤ ᠨᠡᠷᠡ ᠪᠠᠨ ᠢᠯᠡᠭᠦᠥ ᠳᠤ ᠪᠤᠳᠤᠨᠠ | ᠤᠤᠭᠠᠯ ᠰᠤᠶᠤᠯ ᠁ ᠭᠡᠪᠡᠴᠤ ᠠᠰᠢᠭ ᠢᠶᠠᠨ ᠢᠯᠡᠭᠦᠥ ᠳᠤ ᠪᠤᠳᠤᠨᠠ | ᠪᠤᠷᠬᠠᠨ ᠪᠤᠷᠬᠠᠨ ᠁ ᠭᠡᠪᠡᠴᠤ ᠪᠤᠶᠠᠨ ᠢᠶᠠᠨ ᠢᠯᠡᠭᠦᠥ ᠳᠤ ᠪᠤᠳᠤᠨᠠ | ᠪᠤᠭᠤᠷᠤᠯ ᠪᠤᠭᠤᠷᠤᠯ ᠁ ᠭᠡᠪᠡᠴᠤ ᠵᠠᠯᠠᠭᠤᠰ ᠢᠶᠠᠨ ᠢᠯᠡᠭᠦᠥ ᠳᠤ ᠪᠤᠳᠤᠨᠠ᠃ | | ᠨᠠᠭᠤᠷ ᠪᠥᠷᠢᠳᠥ ᠨᠢ ᠪᠥᠳᠥᠨ ᠪᠤᠯ ᠰᠢᠪᠠᠭᠤᠳ ᠨᠢ ᠪᠥᠷᠢᠨ ᠪᠠᠶᠢᠬᠤ | ᠨᠤᠳᠤᠭ ᠨᠤᠭᠤ ᠨᠢ ᠠᠮᠤᠭᠤᠯᠠᠩ ᠪᠤᠯ ᠭᠥᠮᠥᠰ ᠨᠢ ᠲᠥᠪᠰᠢᠨ ᠪᠠᠶᠢᠬᠤ | ᠨᠤᠮᠤ ᠰᠤᠮᠤ ᠨᠢ ᠤᠮᠤᠭᠯᠠᠩ ᠪᠤᠯ ᠭᠥᠷᠥᠨ ᠨᠢ ᠲᠡᠭᠡᠷᠡᠩᠭᠦᠢ ᠪᠠᠶᠢᠬᠤ | ᠨᠢᠭᠤᠴᠠ ᠲᠠᠷᠨᠢ ᠨᠢ ᠲᠤᠭᠰᠢᠨ ᠪᠤᠯ ᠱᠠᠵᠢᠨ ᠨᠢ ᠲᠠᠭᠱᠠᠨ ᠪᠠᠶᠢᠬᠤ | ᠨᠠᠪᠳᠠᠭ ᠰᠠᠪᠳᠠᠭ ᠨᠢ ᠰᠡᠷᠭᠦᠯᠡᠩ ᠪᠤᠯ ᠭᠠᠵᠠᠷ ᠨᠢ ᠥᠩᠭᠡᠯᠢᠭ ᠪᠠᠶᠢᠬᠤ | ᠨᠠᠷᠠᠨ ᠰᠠᠷᠠᠨ ᠨᠢ ᠲᠤᠩᠭᠠᠯᠠᠭ ᠪᠤᠯ ᠤᠷᠴᠢᠯᠠᠩ ᠨᠢ ᠪᠠᠳᠠᠷᠠᠩᠭᠤᠢ ᠪᠠᠶᠢᠬᠤ | ᠨᠠᠶᠢᠷ ᠨᠠᠭᠠᠳᠤᠮ ᠨᠢ ᠰᠥᠷᠵᠢᠩ ᠪᠤᠯ ᠲᠡᠭᠷᠢ ᠨᠢ ᠲᠠᠩᠰᠤᠭ ᠪᠠᠶᠢᠬᠤ | ᠨᠠᠶᠢᠷᠠᠭ ᠰᠢᠯᠥᠭ ᠨᠢ ᠵᠢᠪᠬᠤᠯᠠᠩ ᠪᠤᠯ ᠤᠩᠰᠢᠭᠴᠢ ᠨᠢ ᠵᠢᠷᠭᠠᠯᠠᠩ ᠪᠠᠶᠢᠬᠤ | | ᠶᠠᠭᠤᠮᠠᠨ ᠲᠥᠷᠥᠭᠦᠨ ᠳᠤ ᠮᠡᠳᠡᠮᠡᠭᠡᠶᠢᠷᠡᠨ ᠠᠭᠠᠰᠢᠯᠠᠭᠴᠢ ᠲᠥᠷᠥᠭᠦᠯᠡᠵᠥ ᠲᠤᠤᠭᠠᠷᠤᠭᠰᠠᠨ ᠭᠥᠭᠦᠭᠡ ᠮᠡᠳᠤ | ᠶᠠᠭᠤᠮᠠᠨ ᠲᠥᠷᠥᠭᠦᠨ ᠳᠤ ᠭᠠᠪᠢᠶᠠᠷᠬᠠᠨ ᠰᠠᠭᠰᠠᠭᠤᠷᠠᠭᠴᠢ ᠥᠨᠳᠡᠭᠡ ᠲᠥᠷᠥᠭᠦᠯᠥᠭᠰᠡᠨ ᠲᠠᠭᠢᠶᠠ ᠮᠡᠳᠤ | ᠶᠠᠭᠤᠮᠠᠨ ᠲᠥᠷᠥᠭᠦᠨ ᠳᠤ ᠠᠰᠢᠭ ᠬᠠᠷᠠᠭᠴᠢ ᠴᠠᠳᠬᠤᠯᠠᠩ ᠭᠤᠪᠰᠢᠭᠰᠠᠨ ᠢᠰᠢᠭᠡ ᠮᠡᠳᠤ | ᠶᠠᠭᠤᠮᠠᠨ ᠲᠥᠷᠥᠭᠦᠨ ᠳᠤ ᠬᠠᠷᠠᠳᠠᠨ ᠰᠡᠵᠢᠭᠯᠡᠭᠴᠢ ᠬᠤᠳᠠ ᠮᠠᠨᠠᠭᠰᠠᠨ ᠨᠤᠬᠠᠢ ᠮᠡᠳᠤ | ᠶᠠᠭᠤᠮᠠᠨ ᠲᠥᠷᠥᠭᠦᠨ ᠳᠤ ᠵᠤᠷᠢᠭ ᠬᠤᠯᠴᠢᠢᠭᠴᠢ ᠡᠷᠴᠢ ᠨᠢ ᠬᠠᠷᠢᠭᠰᠠᠨ ᠲᠡᠭᠡᠰᠥ ᠮᠡᠳᠤ | ᠶᠠᠭᠤᠮᠠᠨ ᠲᠥᠷᠥᠭᠦᠨ ᠳᠤ ᠵᠠᠯᠢᠳᠠᠨ ᠮᠡᠭᠡᠯᠡᠭᠴᠢ ᠪᠠᠭ ᠵᠡᠭᠦᠭᠰᠡᠨ ᠬᠤᠳᠤᠭᠴᠢᠨ ᠮᠡᠳᠤ | ᠶᠠᠭᠤᠮᠠᠨ ᠲᠥᠷᠥᠭᠦᠨ ᠳᠤ ᠠᠳᠠᠭᠠ ᠴᠠᠭᠢᠭᠴᠢ ᠲᠤᠳᠤᠷ ᠠᠴᠠ ᠪᠠᠨ ᠳᠡᠰᠥᠷᠡᠭᠰᠡᠨ ᠲᠠᠷᠢ ᠮᠡᠳᠤ | ᠶᠠᠭᠤᠮᠠᠨ ᠲᠥᠷᠥᠭᠦᠨ ᠳᠤ ᠲᠠᠭᠠᠨ ᠰᠠᠪᠰᠠᠭᠴᠢ ᠭᠤᠳᠤᠮᠵᠢᠨ ᠳᠤ ᠭᠡᠶᠢᠰᠥᠭᠰᠡᠨ ᠴᠠᠭᠠᠰᠥ ᠮᠡᠳᠤ | | ᠡᠵᠢ ᠠᠪᠤ ᠬᠤᠶᠠᠷ ᠢᠶᠠᠨ ᠬᠠᠶᠢᠷᠠᠯᠠᠵᠤ ᠴᠢᠳᠠᠬᠤ ᠥᠭᠡᠢ ᠪᠠᠶᠢᠵᠤ | ᠡᠭᠡ ᠤᠷᠤᠨ ᠢᠶᠠᠨ ᠬᠠᠶᠢᠷᠠᠯᠠᠨᠠ ᠭᠡᠳᠡᠭ ᠶᠠᠭᠤ ᠯᠠ ᠶᠤᠮ ᠪᠤᠯ | ᠡᠨᠡᠷᠢᠯᠳᠤ ᠪᠠᠭᠰᠢ ᠨᠠᠷ ᠢᠶᠠᠨ ᠭᠥᠨᠳᠥᠯᠡᠵᠥ ᠴᠢᠳᠠᠬᠤ ᠥᠭᠡᠢ ᠪᠠᠶᠢᠵᠤ | ᠡᠷᠳᠡᠮ ᠤᠬᠠᠭᠠᠨ ᠢ ᠰᠤᠷᠤᠨᠠ ᠭᠡᠳᠡᠭ ᠶᠠᠭᠤ ᠯᠠ ᠶᠤᠮ ᠪᠤᠯ | ᠡᠷᠳᠡᠨᠢᠳᠤ ᠪᠤᠭᠤᠷᠤᠯ ᠤᠨ ᠢᠶᠠᠨ ᠶᠤᠰᠤ ᠶᠢ ᠲᠡᠭᠡᠳᠥᠯᠡᠭᠦ ᠰᠡᠳᠭᠢᠯ ᠥᠭᠡᠢ ᠪᠠᠶᠢᠵᠤ | ᠡᠷᠭᠢᠮ ᠮᠤᠩᠭᠤᠯ ᠰᠤᠶᠤᠯ ᠢᠶᠠᠨ ᠭᠥᠭᠵᠢᠭᠦᠯᠥᠨᠡ ᠭᠡᠳᠡᠭ ᠶᠠᠭᠤ ᠯᠠ ᠶᠤᠮ ᠪᠤᠯ | ᠡᠯᠢᠭᠡᠨ ᠰᠠᠳᠤᠨ ᠲᠠᠢ ᠪᠠᠨ ᠨᠠᠶᠢᠷᠰᠠᠬᠤ ᠰᠠᠨᠠᠭᠠ ᠥᠭᠡᠢ ᠪᠠᠶᠢᠵᠤ | ᠡᠩᠭᠡ ᠨᠠᠶᠢᠷᠠᠮᠳᠠᠯ ᠤᠨ ᠲᠥᠯᠥᠭᠡ ᠵᠢᠳᠭᠦᠨᠡ ᠭᠡᠳᠡᠭ ᠶᠠᠭᠤ ᠯᠠ ᠶᠤᠮ ᠪᠤᠯ | | ᠲᠡᠭᠡᠳᠥᠰ ᠤᠨ ᠢᠶᠠᠨ ᠪᠥᠳᠥᠷᠢᠭᠰᠡᠨ ᠴᠢᠯᠠᠭᠤᠨ ᠳᠤ ᠲᠠᠭᠢᠵᠤ ᠪᠥᠳᠥᠷᠢᠭᠰᠡᠨ ᠤ ᠭᠡᠷᠡᠭ ᠥᠭᠡᠢ | ᠲᠡᠪᠡᠯ ᠤᠨ ᠢᠶᠠᠨ ᠡᠩᠭᠡᠷ ᠢ ᠪᠤᠰᠤᠳ ᠤᠨ ᠨᠢᠯᠪᠤᠰᠤ ᠪᠠᠷ ᠲᠡᠪᠳᠥᠭᠡᠭᠰᠡᠨ ᠤ ᠭᠡᠷᠡᠭ ᠥᠭᠡᠢ | ᠲᠡᠷᠭᠡᠳᠡ ᠢᠯᠡ ᠪᠠᠶᠢᠭᠠ ᠶᠠᠭᠤᠮᠠ ᠶᠢ ᠲᠡᠷᠳᠡᠭᠡ ᠲᠠᠯᠳᠠ ᠠᠴᠠ ᠡᠷᠢᠭᠰᠡᠨ ᠤ ᠭᠡᠷᠡᠭ ᠥᠭᠡᠢ | ᠲᠡᠮᠡᠢ ᠪᠠᠯᠠᠢ ᠶᠠᠭᠤᠮᠠ ᠴᠢᠭᠢᠵᠥ ᠲᠠᠷᠢᠭᠢ ᠪᠠᠨ ᠭᠠᠰᠢᠯᠭᠠᠭᠰᠠᠨ ᠤ ᠭᠡᠷᠡᠭ ᠥᠭᠡᠢ | ᠳ᠋ᠧᠩ ᠤᠨ ᠡᠷᠪᠡᠭᠡᠢ ᠶᠢ ᠲᠠᠭᠠᠵᠤ ᠭᠠᠯ ᠳᠤ ᠰᠢᠳᠠᠵᠤ ᠥᠭᠦᠭᠰᠡᠨ ᠤ ᠭᠡᠷᠡᠭ ᠥᠭᠡᠢ | ᠲᠡᠮᠪᠡᠷᠢᠯ ᠵᠠᠶᠠᠭᠠ ᠪᠠᠨ ᠰᠥᠭᠦᠷᠡᠭᠦᠯᠵᠥ ᠬᠠᠷᠢ ᠶᠢᠨ ᠥᠯᠮᠡᠢ ᠶᠢ ᠲᠤᠯᠢᠶᠠᠭᠰᠠᠨ ᠤ ᠭᠡᠷᠡᠭ ᠥᠭᠡᠢ | ᠲᠡᠷᠭᠡᠵᠥ ᠬᠤᠶᠢᠯᠠᠷᠠᠭᠰᠠᠨ ᠠᠳᠤᠭᠤ ᠪᠠᠨ ᠲᠡᠭᠡᠷᠮᠡ ᠶᠢᠨ ᠡᠯᠵᠢᠭᠡ ᠪᠠᠷ ᠠᠷᠠᠯᠵᠢᠭᠰᠠᠨ ᠤ ᠭᠡᠷᠡᠭ ᠥᠭᠡᠢ᠃ | | ᠬᠠᠮᠤᠭ ᠤᠨ ᠴᠡᠪᠡᠷ ᠶᠠᠭᠤᠮᠠ ᠬᠠᠮᠤᠭ ᠲᠥᠷᠥᠭᠦᠨ ᠳᠤ ᠭᠭᠢᠷ ᠰᠠᠭᠤᠶᠤ | ᠬᠠᠮᠤᠭ ᠤᠨ ᠶᠡᠭᠡ ᠰᠡᠵᠢᠭ ᠬᠠᠮᠤᠭ ᠤᠨ ᠲᠥᠷᠥᠭᠦᠨ ᠳᠤ ᠡᠪᠡᠳᠴᠢᠨ ᠪᠤᠯᠤᠶᠤ | ᠬᠠᠮᠤᠭ ᠤᠨ ᠴᠢᠭᠢᠴᠢ ᠭᠥᠮᠥᠨ ᠬᠠᠮᠤᠭ ᠤᠨ ᠲᠥᠷᠥᠭᠦᠨ ᠳᠤ ᠰᠢᠷᠬᠠ ᠤᠯᠤᠶᠤ | ᠬᠠᠮᠤᠭ ᠤᠨ ᠰᠢᠯᠤᠭᠤᠨ ᠮᠤᠳᠤ ᠬᠠᠮᠤᠭ ᠤᠨ ᠲᠥᠷᠥᠭᠦᠨ ᠳᠤ ᠭᠥᠷᠥᠭᠡᠨ ᠳᠤ ᠥᠷᠳᠥᠶᠤ | ᠬᠠᠮᠤᠭ ᠤᠨ ᠰᠠᠶᠢᠨ ᠱᠠᠪᠢ ᠬᠠᠮᠤᠭ ᠤᠨ ᠲᠥᠷᠥᠭᠦᠨ ᠳᠤ ᠪᠠᠭᠰᠢ ᠪᠠᠨ ᠮᠠᠷᠳᠠᠶᠤ | ᠬᠠᠮᠤᠭ ᠤᠨ ᠵᠤᠵᠢᠭ ᠢᠮᠠᠭᠠ ᠬᠠᠮᠤᠭ ᠤᠨ ᠲᠥᠷᠥᠭᠦᠨ ᠳᠤ ᠴᠢᠨ᠋ᠸᠠ ᠳᠤ ᠪᠠᠷᠢᠭᠳᠠᠶᠤ | ᠬᠠᠮᠤᠭ ᠤᠨ ᠥᠩᠭᠡᠳᠥ ᠪᠥᠭᠦᠨ ᠬᠠᠮᠤᠭ ᠤᠨ ᠲᠥᠷᠥᠭᠦᠨ ᠳᠤ ᠬᠠᠷᠠᠭᠠᠨ ᠳᠤ ᠲᠤᠰᠤᠶᠤ | ᠬᠠᠮᠤᠭ ᠤᠨ ᠭᠥᠭᠡᠷᠥᠭᠦᠨ ᠴᠡᠴᠡᠭ ᠬᠠᠮᠤᠭ ᠤᠨ ᠲᠥᠷᠥᠭᠦᠨ ᠳᠤ ᠭᠠᠷ ᠲᠤ ᠲᠠᠰᠤᠷᠠᠶᠤ᠃ | | ᠡᠪᠡᠳᠴᠢᠨ ᠢ ᠪᠠᠭᠠ ᠳᠤ ᠨᠢ ᠡᠰᠡ ᠵᠠᠰᠠᠪᠠᠰᠤ ᠥᠭᠦᠯ ᠳᠤᠷ ᠲᠥᠷᠭᠡᠨ ᠭᠥᠷᠭᠦ | ᠠᠯᠳᠠᠭᠠ ᠶᠢ ᠪᠠᠭᠠ ᠳᠤ ᠨᠢ ᠡᠰᠡ ᠵᠠᠰᠠᠪᠠᠰᠤ ᠮᠥᠭᠦᠯ ᠳᠤᠷ ᠲᠥᠷᠭᠡᠨ ᠭᠥᠷᠭᠦ | ᠥᠷᠢ ᠶᠢ ᠪᠠᠭᠠ ᠳᠤ ᠨᠢ ᠡᠰᠡ ᠲᠥᠯᠥᠪᠡᠰᠥ ᠬᠤᠭᠤᠰᠤᠷᠤᠯ ᠳᠤᠷ ᠲᠥᠷᠭᠡᠨ ᠭᠥᠷᠭᠦ | ᠠᠳᠠ ᠶᠢ ᠪᠠᠭᠠ ᠳᠤ ᠨᠢ ᠡᠰᠡ ᠠᠷᠭᠠᠯᠠᠪᠠᠰᠤ ᠬᠤᠤᠷᠯᠠᠯ ᠳᠤᠷ ᠲᠥᠷᠭᠡᠨ ᠭᠥᠷᠭᠦ | ᠭᠡᠥᠭᠡᠳ ᠢ ᠪᠠᠭᠠ ᠳᠤ ᠨᠢ ᠡᠰᠡ ᠰᠤᠷᠭᠠᠪᠠᠰᠤ ᠲᠠᠩᠬᠠᠢ ᠳᠤᠷ ᠲᠥᠷᠭᠡᠨ ᠭᠥᠷᠭᠦ | ᠭᠥᠯᠥᠭ ᠢ ᠪᠠᠭᠠ ᠳᠤ ᠨᠢ ᠡᠰᠡ ᠲᠠᠰᠬᠠᠪᠠᠰᠤ ᠵᠡᠷᠯᠢᠭ ᠲᠤᠷ ᠲᠥᠷᠭᠡᠨ ᠭᠥᠷᠭᠦ | ᠭᠥᠢᠳᠡᠨᠢ ᠪᠠᠭᠠ ᠳᠤ ᠨᠢ ᠡᠰᠡ ᠬᠠᠭᠠᠪᠠᠰᠤ ᠤᠰᠤᠯ ᠳᠤᠷ ᠲᠥᠷᠭᠡᠨ ᠭᠥᠷᠭᠦ | ᠭᠥᠰᠡᠯ ᠢ ᠪᠠᠭᠠ ᠳᠤ ᠨᠢ ᠡᠰᠡᠲ᠋ᠡᠪᠴᠢᠪᠡᠰᠥ ᠰᠢᠨᠥᠯ ᠳᠤᠷ ᠲᠥᠷᠭᠡᠨ ᠭᠥᠷᠭᠦ | | ᠭᠠᠯ ᠢᠶᠠᠨ ᠥᠷᠳᠡᠭᠦ ᠥᠭᠡᠢ ᠲᠤᠭᠤᠭᠠ ᠪᠠᠨ ᠥᠩᠭᠡᠶᠢᠵᠥ ᠰᠠᠭᠤᠬᠤ ᠮᠡᠳᠤ ᠮᠠᠨ ᠳᠤᠷ ᠨᠢᠭᠡᠨ ᠮᠤᠩᠬᠠᠷᠠᠯ | ᠪᠤᠢ | ᠭᠠᠷ ᠢᠶᠠᠨ ᠵᠠᠭᠢᠷᠬᠤ ᠥᠭᠡᠢ ᠲᠤᠯᠤᠭᠠᠢ ᠪᠠᠨ ᠪᠠᠯᠪᠠᠵᠤ ᠰᠠᠭᠤᠬᠤ ᠮᠡᠳᠤ ᠮᠠᠨ ᠳᠤᠷ ᠨᠢᠭᠡᠨ ᠭᠤᠨᠢᠭᠯᠠᠯ ᠪᠤᠢ | ᠭᠠᠳᠠᠨᠠᠭᠢ ᠪᠠᠨ ᠲᠤᠳᠤᠮᠳᠠᠬᠤ ᠥᠭᠡᠢ ᠭᠡᠷ ᠲᠠᠬᠢ ᠪᠠᠨ ᠬᠠᠭᠤᠷᠠᠶᠢᠯᠠᠵᠤ ᠰᠠᠭᠤᠬᠤ ᠮᠡᠳᠤ ᠮᠠᠨ ᠳᠤᠷ | ᠨᠢᠭᠡᠨᠠᠳᠡᠭᠦᠷᠡᠯ ᠪᠤᠢ | ᠭᠠᠰᠠᠯᠤᠩᠭᠤᠢ ᠮᠤᠳᠤᠨ ᠤ ᠨᠠᠪᠴᠢᠰ ᠢᠶᠠᠷ ᠬᠤᠪᠴᠠᠰᠤ ᠤᠶᠤᠬᠤ ᠶᠢ ᠵᠡᠭᠦᠳᠥᠯᠡᠭᠦ ᠮᠡᠳᠤ ᠮᠠᠨᠳᠤᠷ ᠨᠢᠭᠡᠨ | ᠮᠥᠷᠥᠭᠡᠰᠥᠯ ᠪᠤᠢ | ᠥᠴᠥᠭᠡᠳᠥᠷ ᠤᠨ ᠰᠢᠭᠦᠳᠡᠷᠢ ᠪᠠᠷ ᠮᠠᠷᠭᠠᠰᠢ ᠶᠢᠨ ᠴᠠᠢ ᠶᠢ ᠪᠡᠯᠡᠳᠭᠦ ᠮᠡᠳᠤ ᠮᠠᠨ ᠳᠤᠷ ᠨᠢᠭᠡᠨ ᠲᠡᠮᠡᠶᠢᠷᠡᠯ ᠪᠤᠢ | ᠥᠷᠥᠭᠡᠯ ᠤᠨ ᠰᠡᠭᠦᠳᠡᠷ ᠢᠶᠠᠷ ᠥᠪᠡᠷ ᠤᠨ ᠭᠡᠷᠡᠯ ᠢ ᠪᠤᠯᠠᠬᠤ ᠮᠡᠳᠤ ᠮᠠᠨ ᠳᠤᠷ ᠨᠢᠭᠡᠨ ᠲᠤᠶᠢᠯᠰᠢᠷᠠᠯ ᠪᠤᠢ | ᠥᠷᠥᠰᠢᠶᠡᠯ ᠤᠨ ᠬᠤᠷᠠ ᠪᠠᠷ ᠪᠡᠷᠳᠡᠭᠴᠢᠨ ᠤ ᠪᠤᠷᠳᠠᠭ ᠢ ᠴᠠᠶᠢᠯᠭᠠᠬᠤ ᠮᠡᠳᠤ ᠮᠠᠨ ᠳᠤᠷ ᠨᠢᠭᠡᠨᠰᠤᠯᠤᠭᠠᠶᠢᠷᠠᠯ | ᠪᠤᠢ | ᠡᠷᠥᠭᠡᠨ ᠤ ᠤᠭᠤᠰᠤᠷ ᠢᠶᠠᠷ ᠥᠳᠡᠰᠢ ᠶᠢᠨ ᠰᠠᠷᠠᠶᠢ ᠤᠷᠭᠠᠯᠠᠬᠤ ᠮᠡᠳᠤ ᠮᠠᠨ ᠳᠤᠷ ᠨᠢᠭᠡᠨ ᠭᠠᠶᠢᠬᠠᠰᠢᠷᠠᠯ | ᠪᠤᠢ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | |