| ᠬᠦᠭ ᠨᠢ ᠲᠠᠭᠠᠷᠠᠭᠰᠠᠨ ᠬᠤᠭᠤᠷ ᠮᠢᠨᠢ | ᠬᠦᠩᠭᠢᠨᠡᠭᠡᠳ ᠪᠠᠢᠬᠤ ᠨᠢ ᠶᠠᠭᠤ ᠪᠢᠯᠡ | ᠬᠦᠨᠳᠦᠳᠭᠡᠯ ᠪᠢᠰᠢᠷᠡᠯ ᠤᠨ ᠰᠡᠳᠭᠢᠯ ᠮᠢᠨᠢ | ᠬᠦᠪᠬᠢᠭᠡᠳ ᠪᠠᠢᠬᠤ ᠨᠢ ᠶᠠᠭᠤ ᠪᠢᠯᠡ | ᠤᠳᠠᠰᠤᠳᠤ ᠰᠠᠢᠬᠠᠨ ᠬᠤᠭᠤᠷ ᠮᠢᠨᠢ | ᠤᠶᠠᠩᠭᠠ ᠲᠠᠢ ᠪᠠᠢᠬᠤ ᠨᠢ ᠶᠠᠭᠤ ᠪᠢᠯᠡ | ᠤᠤᠬᠠᠢᠯᠠᠵᠤ ᠪᠠᠭ᠋ᠠᠷᠤᠭᠰᠠᠨ ᠰᠡᠳᠭᠢᠯ ᠮᠢᠨᠢ | ᠤᠶᠠᠷᠠᠵᠤ ᠲᠤᠭᠳᠤᠯᠬᠤ ᠨᠢ ᠶᠠᠭᠤ ᠪᠢᠯᠡ | ᠦᠬᠠᠨ ᠬᠤᠳᠠ ᠶᠢᠨ ᠬᠢᠵᠢᠭ | ᠦᠷᠪᠢᠰᠴᠤ ᠪᠠᠢᠬᠤ ᠶᠢᠨ ᠴᠠᠭ | ᠦᠢ ᠲᠦᠮᠡᠨ ᠢ ᠰᠦᠷᠳᠡᠭᠦᠯᠦᠭᠡᠳ | ᠦᠢᠮᠡᠵᠦ ᠪᠠᠢᠬᠤ ᠶᠢᠨ ᠦᠶᠠ | ᠬᠤᠪᠧᠢ ᠮᠤᠵᠢ ᠶᠢᠨ ᠬᠢᠵᠢᠭ | ᠲᠡᠯᠭᠡᠷᠡᠵᠤ ᠪᠠᠢᠬᠤ ᠶᠢᠨ ᠡᠷᠡᠨ | ᠬᠤᠳᠠᠯᠠ ᠤᠯᠠᠨ ᠢ ᠰᠤᠴᠢᠭᠠᠭᠠᠳ | ᠲᠦᠷᠭᠢᠵᠦ ᠪᠠᠢᠬᠤ ᠵᠠᠩᠭᠢᠯᠭᠠ ᠳᠤ | ᠠᠩᠭᠢᠯᠤᠮᠠ ᠲᠤᠶᠠᠭᠠ ᠬᠤᠶᠠᠷ ᠮᠢᠨᠢ | ᠠᠯᠤᠰ ᠢ ᠴᠢᠭᠯᠡᠭᠡᠳ ᠮᠤᠷᠳᠠᠯᠠ | ᠠᠮᠤᠭᠤᠯᠠᠩ ᠡᠩᠬᠡ ᠶᠢᠨ ᠲᠦᠯᠦᠭᠡ | ᠠᠶᠤᠯ ᠢ ᠰᠦᠷᠦᠭᠡᠳ ᠮᠤᠷᠳᠠᠯᠠ | ᠠᠷᠤ ᠭᠡᠷ ᠢᠶᠠᠨ ᠤᠷᠬᠢᠵᠤ | ᠠᠷᠠᠳ ᠤᠨ ᠲᠦᠯᠦᠭᠡ ᠲᠠᠪᠰᠢᠯᠠ | ᠠᠰ ᠤᠨ ᠪᠡᠶᠠ ᠪᠠᠨ ᠤᠮᠠᠷᠳᠠᠵᠤ | ᠠᠷᠳᠠᠭ ᠬᠢᠵᠢᠭ ᠲᠠᠢ ᠲᠡᠮᠡᠴᠡᠯᠠ | ᠡᠵᠢ ᠡᠵᠢ ᠶᠢᠨ ᠢᠶᠠᠨ ᠲᠡᠷᠭᠡᠳᠡ | ᠡᠷᠭᠡ ᠬᠤᠶᠠᠷ ᠭᠦᠩᠵᠦ ᠮᠢᠨᠢ | ᠡᠷᠡᠭᠦᠯ ᠡᠩᠬᠡ ᠶᠢ ᠬᠠᠮᠠᠭᠠᠯᠠᠭᠴᠢ | ᠡᠯᠴᠢᠨ ᠬᠤᠶᠠᠷ ᠲᠠᠭᠢᠨᠢ ᠮᠢᠨᠢ | ᠰᠠᠢᠬᠠᠨ ᠮᠤᠩᠭᠤᠯ ᠨᠤᠳᠤᠭ ᠤᠨ ᠢᠶᠠᠨ | ᠰᠤᠳᠤᠨ ᠬᠤᠶᠠᠷ ᠬᠡᠦᠬᠡᠨ ᠮᠢᠨᠢ | ᠰᠠᠶᠠ ᠲᠦᠮᠡᠨ ᠵᠠᠯᠠᠭᠤᠰ ᠤᠨ ᠢᠶᠠᠨ | ᠤᠳᠤᠨ ᠬᠤᠶᠠᠷ ᠵᠢᠱᠢᠶᠡᠴᠢ ᠮᠢᠨᠢ | ᠬᠦᠬᠡ ᠮᠤᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠤᠨ | ᠬᠦᠭᠡᠷᠦᠭᠦᠨ ᠬᠤᠤᠰ ᠠᠯᠳᠠᠩᠬᠸᠠ ᠮᠢᠨᠢ | ᠬᠦᠮᠦᠨ ᠠᠷᠠᠳ ᠤᠨ ᠰᠡᠳᠭᠢᠯ ᠤᠨ | ᠬᠦᠰᠡᠯ ᠤᠨ ᠬᠤᠶᠠᠷ ᠤᠳᠤᠨ ᠮᠢᠨᠢ | ᠨᠠᠩᠭᠢᠶᠠᠳ ᠤᠷᠤᠨ ᠤ ᠬᠢᠵᠢᠭ ᠢ ᠨᠢ | ᠨᠢᠷᠭᠡᠭᠡᠳ ᠦᠭᠭᠦᠭᠡᠷᠡᠢ ᠲᠠᠨᠠᠷ ᠮᠢᠨᠢ | ᠨᠡᠢᠳᠡ ᠤᠯᠠᠨ ᠤ ᠪᠠᠨ ᠬᠦᠰᠡᠯ ᠢ | ᠪᠡᠶᠡᠯᠡᠭᠦᠯᠦᠭᠡᠳ ᠢᠷᠡᠭᠡᠷᠡᠢ ᠲᠠᠨᠠᠷ ᠮᠢᠨᠢ | ᠡᠪᠡᠳᠴᠢᠨ ᠵᠤᠪᠠᠯᠠᠩ ᠲᠠᠢ ᠬᠦᠮᠦᠰ ᠢ ᠨᠢ | ᠡᠳᠡᠭᠡᠭᠡᠳ ᠢᠷᠡᠭᠡᠷᠡᠢ ᠲᠠᠨᠠᠷ ᠮᠢᠨᠢ | ᠡᠮᠴᠢ ᠰᠤᠪᠢᠯᠠᠭᠴᠢ ᠪᠦᠭᠦᠳᠡᠭᠡᠷ ᠢᠶᠠᠨ | ᠡᠩᠬᠡ ᠮᠡᠨᠳᠦᠬᠡᠨ ᠪᠤᠴᠠᠭᠠᠳ ᠢᠷᠡᠭᠡᠷᠡᠢ | ᠠᠶᠤᠯ ᠲᠠᠷᠢᠭᠰᠠᠨ ᠬᠢᠵᠢᠭ ᠢ | ᠠᠷᠢᠯᠭᠠᠭᠠᠳ ᠢᠷᠡᠭᠡᠷᠡᠢ ᠲᠠᠨᠠᠷ ᠮᠢᠨᠢ | ᠠᠷᠢᠭᠤᠨ ᠮᠤᠩᠭᠤᠯ ᠤᠷᠤᠨ ᠳᠠᠭᠠᠨ | ᠠᠮᠤᠷ ᠮᠡᠨᠳᠤᠭᠡᠨ ᠪᠤᠴᠠᠭᠠᠳ ᠢᠷᠡᠭᠡᠷᠡᠢ ᠲᠠᠨᠠᠷ ᠮᠢᠨᠢ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |