| ᠽᠠᠨᠳᠠᠨ ᠮᠤᠳᠤᠨ ᠬᠤᠭᠤᠷ ᠤᠨ ᠢᠶᠠᠨ | ᠰᠠᠢᠬᠠᠨ ᠡᠭᠡᠰᠢᠭ ᠢ ᠬᠦᠩᠬᠢᠨᠡᠭᠦᠯᠦᠶᠡ ᠳ᠋ᠠ | ᠰᠠᠬᠢᠭᠤᠯ ᠮᠠᠨᠠᠭᠠᠨ ᠤ ᠬᠦᠮᠦᠰ ᠤᠨ ᠢᠶᠠᠨ | ᠰᠠᠶᠢᠨ ᠤ ᠮᠠᠨᠳᠦᠴᠢᠯᠡᠯ ᠬᠦᠷᠭᠡᠶᠠ ᠳ᠋ᠠ | ᠠᠭᠠᠷᠤ ᠮᠤᠳᠤᠨ ᠬᠤᠭᠤᠷ ᠤᠨ ᠢᠶᠠᠨ | ᠠᠶᠠᠯᠭᠤ ᠶᠢ ᠨᠢ ᠲᠠᠭᠠᠷᠠᠭᠤᠯᠤᠭᠠᠳ ᠬᠠᠩᠬᠢᠨᠠᠭᠤᠯᠤᠶᠠ | ᠠᠮᠤᠭᠤᠯᠠᠩ ᠡᠩᠬᠡ ᠶᠢᠨ ᠬᠠᠷᠠᠭᠤᠯᠴᠢᠳ ᠤᠨ ᠢᠶᠠᠨ | ᠠᠮᠤᠷ ᠢ ᠠᠰᠠᠭᠤᠭᠠᠳ ᠵᠤᠯᠭᠠᠶᠠ ᠳ᠋ᠠ | ᠵᠠᠮ ᠵᠠᠮ ᠤᠨ ᠪᠠᠭᠤᠯᠵᠤᠷ ᠢ ᠨᠢ | ᠰᠠᠬᠢᠵᠤ ᠵᠤᠭᠰᠤᠭᠠ ᠬᠠᠷᠠᠭᠤᠯ ᠮᠢᠨᠢ | ᠵᠡᠷᠯᠢᠭ ᠲᠦᠷᠢᠮᠡᠬᠡᠢ ᠬᠢᠵᠢᠭ ᠢ ᠨᠢ | ᠬᠠᠰᠢᠵᠦ ᠵᠤᠭᠰᠤᠭᠠ ᠪᠠᠢᠯᠳᠤᠭᠴᠢᠳ ᠮᠢᠨᠢ | ᠬᠠᠬᠢᠷ ᠬᠦᠢᠳᠡᠨ ᠢ ᠬᠠᠢᠬᠤᠷᠠᠯ ᠦᠭᠡᠢ | ᠬᠠᠷᠠᠭᠤᠯ ᠢᠶᠠᠨ ᠬᠦᠢᠴᠡᠳᠭᠡᠭᠰᠡᠨ ᠨᠦᠬᠦᠳ ᠮᠢᠨᠢ | ᠬᠠᠯᠳᠠᠪᠤᠷᠢ ᠪᠦᠬᠦᠨ ᠤ ᠡᠬᠢ ᠶᠢ ᠨᠢ | ᠬᠤᠷᠢᠭᠯᠠᠵᠤ ᠰᠡᠷᠬᠡᠢᠯᠡᠭᠰᠡᠨ ᠲᠠᠢᠴᠢᠳ ᠮᠢᠨᠢ | ᠲᠦᠷᠦᠭᠰᠡᠨ ᠰᠠᠢᠬᠠᠨ ᠨᠤᠳᠤᠭ ᠢᠶᠠᠨ | ᠴᠠᠭᠳᠠᠵᠤ ᠰᠠᠬᠢᠭᠠ ᠴᠡᠷᠢᠭ ᠮᠢᠨᠢ | ᠲᠦᠭ ᠲᠦᠮᠡᠨ ᠠᠷᠠᠳ ᠤᠨ ᠢᠶᠠᠨ | ᠡᠩᠬᠡ ᠶᠢ ᠬᠠᠮᠠᠭᠠᠯᠠᠭᠠ ᠪᠠᠭᠠᠳᠤᠳ ᠮᠢᠨᠢ | ᠤᠳᠤᠭᠠ ᠦᠬᠡᠢ ᠡᠨᠡ ᠲᠠᠢᠨ ᠳᠤ | ᠤᠷᠤᠭᠰᠢᠯᠠᠵᠤ ᠲᠡᠮᠡᠴᠡᠭᠰᠡᠨ ᠲᠠᠨᠠᠷ ᠲᠠᠭᠠᠨ | ᠠᠶᠤᠯ ᠲᠠᠷᠢᠭᠰᠠᠨ ᠬᠢᠵᠢᠭ ᠲᠠᠢ | ᠡᠷᠡᠯᠬᠡᠭᠯᠡᠵᠦ ᠲᠤᠯᠤᠯᠳᠠᠭᠰᠠᠨ ᠲᠠᠨᠠᠷ ᠲᠠᠭᠠᠨ | ᠬᠠᠮᠤᠭ ᠤᠨ ᠲᠤᠳᠤᠨᠤ ᠮᠡᠨᠳᠦᠴᠢᠯᠡᠯ ᠢᠶᠠᠨ | ᠬᠠᠳᠠᠭ ᠢᠶᠠᠨ ᠪᠠᠷᠢᠨ ᠡᠷᠭᠦᠵᠦ ᠪᠠᠢᠨᠠᠮ | ᠬᠠᠢᠷᠠ ᠬᠦᠨᠳᠦᠳᠭᠡᠯ ᠤᠨ ᠰᠡᠳᠭᠢᠯ ᠢᠶᠠᠨ | ᠬᠠᠳᠠᠭ ᠲᠠᠭᠠᠨ ᠰᠢᠩᠬᠡᠭᠡᠳ ᠲᠡᠪᠰᠢᠭᠦᠯᠵᠦ ᠪᠠᠢᠨᠠᠮ | ᠴᠠᠭᠠᠨ ᠰᠠᠷᠠ ᠶᠢᠨ ᠵᠦᠩᠨᠡᠯ ᠢᠶᠠᠨ | ᠴᠠᠭᠠᠰᠤᠨ ᠳᠤ ᠪᠢᠴᠢᠭᠡᠳ ᠢᠯᠡᠭᠡᠵᠦ ᠪᠠᠢᠨᠠᠮ | ᠴᠠᠢᠵᠠ ᠶᠢᠨ ᠬᠠᠷᠠᠭᠤᠯ ᠲᠠᠨᠠᠷ ᠲᠠᠭᠠᠨ | ᠴᠢᠩ ᠰᠡᠳᠭᠢᠯ ᠠᠴᠠ ᠪᠠᠨ ᠶᠤᠰᠤᠯᠠᠵᠦ ᠪᠠᠢᠨᠠᠮ | ᠬᠤᠯᠤᠭᠠᠨᠠ ᠵᠢᠯ ᠤᠨ ᠵᠤᠯᠭᠠᠯᠳᠠ ᠪᠠᠨ | ᠬᠠᠭᠤᠳᠠᠰᠤ ᠵᠠᠬᠢᠳᠠᠯ ᠢᠶᠠᠷ ᠢᠯᠡᠳᠭᠡᠵᠦ ᠪᠠᠢᠨᠠᠮ | ᠬᠤᠴᠢᠭᠤᠴᠢ ᠬᠠᠷᠠᠭᠤᠯ ᠲᠠᠨᠠᠷ ᠲᠠᠭᠠᠨ | ᠬᠤᠪᠳᠤᠯ ᠵᠢᠷᠦᠭᠡᠨ ᠠᠴᠠ ᠲᠠᠯᠠᠷᠬᠠᠵᠤ ᠪᠠᠢᠨᠠᠮ | ᠨᠠᠭᠤᠷ ᠨᠢ ᠠᠮᠤᠭᠤᠯᠠᠩ ᠪᠢᠰᠢ ᠶᠤᠮ ᠪᠤᠯ | ᠨᠤᠭᠤᠰᠤ ᠨᠢ ᠶᠠᠭᠠᠬᠢᠵᠤ ᠠᠮᠤᠭᠤᠯᠠᠩ ᠪᠤᠢ ᠳ᠋ᠠ | ᠨᠤᠳᠤᠭ ᠨᠢ ᠠᠮᠤᠭᠤᠯᠠᠩ ᠪᠢᠰᠢ ᠶᠤᠮ ᠪᠤᠯ | ᠡᠵᠡᠨ ᠨᠢ ᠶᠠᠭᠠᠬᠢᠵᠤ ᠠᠮᠤᠭᠤᠯᠠᠩ ᠪᠤᠢ ᠳ᠋ᠠ | ᠭᠡᠷ ᠨᠢ ᠠᠮᠤᠭᠤᠯᠠᠩ ᠪᠢᠰᠢ ᠶᠤᠮ ᠪᠤᠯ | ᠦᠷᠠ ᠨᠢ ᠶᠠᠭᠠᠬᠢᠵᠤ ᠠᠮᠤᠭᠤᠯᠠᠩ ᠪᠤᠢ ᠳ᠋ᠠ | ᠦᠷᠠ ᠨᠢ ᠠᠮᠤᠭᠤᠯᠠᠩ ᠪᠢᠰᠢ ᠶᠤᠮ ᠪᠤᠯ | ᠢᠷᠡᠭᠡᠳᠦᠢ ᠶᠢᠨ ᠶᠠᠭᠠᠬᠢᠵᠤ ᠠᠮᠤᠭᠤᠯᠠᠩ ᠪᠤᠢ ᠳ᠋ᠠ | ᠠᠮᠤᠭᠤᠯᠠᠩ ᠪᠦᠬᠦᠨ ᠤ ᠡᠬᠢ ᠶᠢ ᠨᠢ | ᠬᠠᠮᠠᠭᠠᠯᠠᠵᠤ ᠵᠤᠭᠰᠤᠭᠠ ᠲᠠᠨᠠᠷ ᠲᠠᠭᠠᠨ | ᠠᠷᠢᠭᠤᠨ ᠮᠤᠩᠭᠤᠯ ᠤᠨ ᠵᠠᠩᠰᠢᠯ ᠢᠶᠠᠷ ᠢᠶᠠᠨ | ᠠᠯᠢᠪᠠ ᠰᠠᠢᠬᠠᠨ ᠢ ᠴᠢᠨᠢ ᠵᠦᠩᠨᠡᠵᠦ ᠪᠠᠢᠨᠠᠮ | ᠠᠶᠤᠯᠳᠦ ᠬᠠᠯᠳᠠᠪᠤᠷᠢ ᠶᠢᠨ ᠵᠠᠮ ᠢ ᠨᠢ | ᠬᠠᠰᠢᠵᠤ ᠵᠤᠭᠰᠤᠭᠠ ᠲᠠᠨᠠᠷ ᠲᠠᠭᠠᠨ | ᠠᠮᠠᠨ ᠤ ᠴᠠᠭᠠᠨ ᠪᠡᠯᠭᠡ ᠪᠠᠷ ᠢᠶᠠᠨ | ᠠᠰᠢᠳᠠ ᠶᠢᠨ ᠰᠠᠢᠬᠠᠨ ᠢ ᠬᠦᠰᠡᠵᠦ ᠪᠠᠢᠨᠠᠮ | ᠦᠬᠠᠨ ᠬᠤᠳᠠ ᠶᠢᠨ ᠬᠢᠵᠢᠭ ᠨᠢ | ᠦᠳᠳᠡᠷ ᠲᠦᠷᠭᠡᠨ ᠠᠷᠢᠯᠤᠭ ᠳ᠋ᠠ | ᠦᠷᠭᠡᠨ ᠲᠦᠮᠡᠨ ᠪᠦᠭᠦᠳᠡᠭᠡᠷ ᠢᠶᠠᠨ | ᠦᠯᠵᠡᠢ ᠠᠮᠤᠭᠤᠯᠠᠩ ᠵᠢᠷᠭᠠᠭ ᠳ᠋ᠠ | ᠬᠤᠪᠧᠢ ᠮᠤᠵᠢ ᠶᠢᠨ ᠬᠢᠵᠢᠭ ᠨᠢ | ᠬᠤᠭ ᠦᠭᠡᠢ ᠲᠤᠨᠢᠯᠤᠭᠠᠳ ᠲᠡᠭᠳᠡᠭ ᠳ᠋ᠠ | ᠬᠤᠳᠠᠯᠠ ᠲᠠᠶᠠᠭᠠᠷ ᠲᠦᠮᠡᠨ ᠮᠢᠨᠢ | ᠡᠩ ᠠᠮᠤᠭᠤᠯᠠᠩ ᠵᠢᠷᠭᠠᠭ ᠳ᠋ᠠ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | |