| ᠡᠷᠡᠨ ᠦᠶᠡ ᠶᠢᠨ ᠰᠤᠳᠤᠨ ᠲᠦᠷᠬᠦ — ᠬᠤᠳᠠ ᠶᠢᠨ ᠳ᠋ᠧᠩ | ᠡᠰᠡᠷᠸᠠ ᠲᠡᠭᠷᠢ ᠶᠢᠨ ᠤᠳᠤᠳ ᠲᠠᠢ ᠮᠦᠴᠢᠭᠡᠷᠬᠡᠨ ᠬᠢᠯᠠᠯᠵᠠᠨᠠ᠃ | ᠠᠳᠡ ᠲᠡᠨᠳᠡ ᠬᠠᠶᠠ ᠲᠡᠷᠭᠡᠨ ᠤ ᠭᠡᠷᠡᠯ ᠠᠨᠢᠪᠴᠢᠵᠦ | ᠡᠩᠬᠡ ᠶᠢᠨ ᠮᠠᠨᠠᠭᠠᠴᠢᠳ ᠮᠢᠨᠢ ᠰᠦᠨᠢ ᠲᠠᠢ ᠪᠠᠨ ᠬᠠᠮᠳᠦ ᠵᠢᠵᠢᠭᠦᠷᠯᠡᠨᠡ᠃ | ᠶᠠᠰᠦ ᠵᠢᠩᠭᠢᠨᠡᠮᠡ ᠬᠦᠢᠳᠡᠨ ᠤ ᠡᠷᠴᠢᠨ ᠳᠤ᠂ ᠲᠡᠳᠡ | ᠶᠠᠭ ᠯᠡ ᠮᠦᠩᠭᠡ ᠨᠤᠭᠤᠭᠠᠨ ᠨᠠᠷᠠᠰᠤ ᠰᠢᠭ᠋ ᠰᠦᠨᠳᠦᠷᠯᠡᠵᠠᠢ᠃ | ᠶᠠᠩᠳᠠᠵᠦ ᠪᠠᠷᠠᠰᠢᠭᠦᠢ ᠶᠡᠭᠡ ᠬᠠᠶᠢᠷᠠ ᠶᠢᠨ ᠢᠯᠴᠢ ᠪᠠᠷ ᠢᠶᠠᠨ | ᠶᠠᠭᠠᠬᠢᠬᠤ ᠳᠠᠭᠠᠨ ᠬᠦᠭᠡᠷᠦᠬᠦᠢ︕ ᠡᠨᠡ ᠬᠤᠳᠠ ᠪᠠᠨ ᠪᠦᠪᠠᠶᠢᠯᠠᠨᠠ ᠪᠤᠢ᠃ | ᠬᠤᠭᠤᠰᠤᠨ ᠬᠤᠳᠠ ᠶᠢᠨ ᠵᠡᠭᠡᠯᠢ ᠬᠠᠩᠭᠠᠶᠢᠷᠠᠨ | ᠬᠤᠨᠤᠭ ᠤᠨ ᠵᠠᠢ ᠳᠤ ᠡᠵᠡᠳ ᠢᠶᠠᠨ ᠦᠭᠡᠶᠢᠯᠡᠪᠴᠤ | ᠭᠡᠷᠡᠯᠳᠦ ᠨᠠᠷᠠ ᠰᠢᠭ᠋ ᠠᠷᠠᠳ ᠤᠨ ᠮᠢᠨᠢ ᠬᠦᠰᠡᠯ | ᠭᠡᠷ ᠭᠡᠷ ᠲᠡᠭᠡᠨ ᠤᠷᠭᠤᠵᠦ ᠪᠠᠶᠢᠨᠠ᠃ ᠬᠦᠭᠡᠷᠦᠬᠦᠢ︕ | ᠠᠶᠤᠯᠳᠦ ᠬᠢᠵᠢᠭ ᠪᠤᠯ ᠵᠠᠷᠯᠢᠭ︕ ᠭᠡᠵᠦ ᠤᠯᠠᠭᠠᠨ ᠳ᠋ᠧᠩ ᠠᠰᠠᠵᠦ ᠪᠠᠶᠢᠨᠠ᠂ | ᠠᠬᠢᠭᠠᠳ ᠪᠤᠤ ᠤᠷᠤᠭᠰᠢ ᠶᠠᠪᠤ︕ ᠠᠶᠤᠯ ᠲᠠᠢ ᠭᠡᠵᠦ ᠵᠠᠷᠯᠢᠭᠳᠠᠵᠦ ᠪᠠᠶᠢᠨᠠ᠃ | ᠡᠩᠬᠡ ᠶᠢ ᠲᠦᠭᠡᠭᠡᠭᠰᠡᠨ ᠲᠡᠷᠡ ᠭᠡᠷᠡᠯ ᠢ ᠬᠡᠨ ᠴᠦ ᠪᠤᠤ ᠰᠦᠷᠦ︕ | ᠡᠷᠡᠭᠦᠯ ᠴᠢᠰᠦ ᠪᠠᠷ ᠵᠢᠷᠤᠭᠰᠠᠨ ᠬᠤᠷᠢᠭᠠ ᠶᠤᠮ ᠰᠢᠤ︕ | ᠵᠦᠭ ᠵᠦᠭ ᠢᠶᠠᠨ ᠬᠠᠶᠠᠭᠠ ᠲᠡᠯᠢᠨ ᠵᠠᠳᠠᠭᠠᠶᠢᠷᠠᠵᠦ | ᠵᠢᠷᠦᠭᠡᠨ ᠴᠤᠬᠢᠯᠭᠠ ᠰᠢᠭ᠋ ᠡᠷᠴᠢᠮ ᠬᠦᠴᠦᠨ ᠢᠶᠠᠷ ᠠᠮᠢᠰᠬᠤᠭᠠᠭᠰᠠᠨ | ᠵᠦᠢᠳᠡᠯᠳᠦ ᠲᠡᠭᠷᠢ ᠪᠠᠨ ᠨᠦᠮᠦᠷᠡᠨ ᠪᠠᠯᠭᠠᠷ ᠤᠨ ᠦᠳᠡᠰᠢ ᠨᠠᠮᠤᠭᠤᠬᠠᠨ ᠪᠠᠶᠢᠨᠠ᠃ | ᠵᠢᠷᠤᠭ ᠰᠢᠯᠦᠭ ᠢᠶᠠᠨ ᠭᠡᠯᠭᠢᠨ ᠬᠦᠳᠡᠯᠮᠦᠷᠢᠯᠡᠵᠦ ᠯᠡ ᠪᠠᠶᠢᠨᠠ ᠡ᠃ | ᠠᠭᠠᠷ ᠤᠨ ᠤᠳᠤᠳ ᠢᠶᠠᠨ ᠵᠡᠭᠦᠳᠦᠨ ᠳᠡᠭᠡᠨ ᠲᠤᠭᠠᠯᠠᠵᠦ | ᠠᠶᠢᠯ ᠤᠳ ᠤᠨ ᠳ᠋ᠧᠩ ᠦᠳᠡᠰᠢ ᠶᠢᠨ ᠬᠦᠰᠢᠭᠡᠨ ᠳᠤ ᠰᠢᠩᠭᠡᠵᠠᠢ᠃ | ᠠᠶᠤᠯᠳᠦ ᠨᠢᠶᠠᠨ ᠢ ᠬᠠᠮᠳᠤᠪᠠᠷ ᠢᠯᠠᠬᠤ | ᠠᠮᠢᠳᠤᠷᠠᠯ ᠤᠨ ᠬᠦᠰᠡᠯᠡᠩ ᠢᠷᠭᠤᠢ ᠰᠢᠭ᠋ ᠨᠢᠳᠦᠯᠡᠵᠠᠢ᠃ | ᠤᠷᠳᠦ ᠰᠦᠨᠢ ᠬᠦᠢᠳᠡᠨ ᠪᠠᠶᠢᠯᠠ᠂ | ᠤᠰᠤ ᠭᠤᠤᠯ ᠠᠴᠠ ᠪᠠᠨ ᠬᠠᠭᠠ ᠲᠠᠰᠢᠵᠦ ᠪᠠᠶᠢᠯᠠ᠃ | ᠤᠷᠤᠰᠬᠤ ᠴᠠᠭ ᠤᠨ ᠵᠡᠭᠦᠦ ᠰᠢᠭᠤᠷᠭᠠᠨ ᠳᠤ ᠵᠢᠩᠭᠢᠨᠡᠵᠦ ᠪᠠᠶᠢᠪᠠᠴᠤ | ᠤᠶᠠᠬᠠᠨ ᠪᠠᠯᠭᠠᠷᠭᠤᠤᠯ ᠮᠢᠨᠢ︕ ᠬᠤᠭᠤᠰᠤᠨ ᠬᠤᠳᠠ ᠪᠢᠰᠢ ᠰᠢᠤ︕ | ᠪᠤᠭᠤᠷᠤᠯ ᠱᠠᠰᠳᠠᠷ ᠲᠤ ᠰᠢᠷᠠᠯᠠᠭᠰᠠᠨ ᠲᠡᠤᠬᠡ ᠶᠢᠨ ᠤᠷᠠᠨ ᠪᠠᠶᠢᠯᠳᠤᠭᠠᠨ ᠢ | ᠪᠤᠳᠠᠳᠦ ᠠᠬᠤᠢ ᠳᠠᠭᠠᠨ ᠠᠰᠢᠭᠯᠠᠭᠰᠠᠨ ᠮᠡᠷᠭᠡᠨ ᠪᠤᠳᠤᠯᠭᠠᠳᠦ ᠬᠤᠳᠠ ᠪᠢᠯᠡ᠃ | ᠪᠦᠯᠬᠦᠮᠳᠡᠯ ᠬᠡᠳᠡᠭ ᠠᠭᠤᠤ ᠲᠤᠭ ᠤᠨ ᠨᠠᠮᠢᠷᠠᠭᠠᠨ ᠲᠤᠤᠷᠠ | ᠪᠦᠬᠦ ᠠᠷᠠᠳ ᠨᠢ ᠭᠠᠨᠳᠢᠭ ᠰᠢᠭ᠋ ᠨᠢᠭᠳᠠᠷᠠᠭᠰᠠᠨ ᠬᠤᠳᠠ ᠪᠢᠯᠡ᠃ | ᠬᠠᠭᠠᠨ ᠤ ᠲᠢᠳᠢᠮ ᠬᠡᠯᠪᠡᠷᠢᠳᠦ ᠺᠤᠷᠤᠨᠠ ᠸᠢᠷᠦ᠋ᠰ ᠢ | ᠬᠠᠷᠠᠴᠤ ᠶᠢᠨ ᠢᠯᠳᠡ ᠪᠠᠷ ᠲᠠᠯᠠᠶᠢᠵᠦ ᠬᠤᠭᠤᠰᠤᠨ ᠪᠠᠶᠢᠯᠠ᠃ | ᠬᠠᠳᠠᠵᠦ ᠬᠦᠢᠴᠡᠭᠰᠡᠨ ᠭᠠᠩ ᠰᠢᠭ᠋ ᠡᠮᠲᠡᠷᠡᠰᠢᠭᠦᠢ | ᠬᠤᠪᠢᠯᠭᠠᠨ ᠴᠡᠷᠢᠭ ᠤᠳ ᠨᠢ ᠪᠠᠬᠢᠯᠡᠯᠳᠡ ᠪᠠᠨ ᠰᠠᠬᠢᠭᠠᠳ | ᠬᠤᠭᠤᠰᠤᠨ ᠰᠢᠭ᠋ ᠪᠠᠶᠢᠯᠠ ᠁ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |