| ᠲᠦᠷᠪᠡᠳᠦᠭᠡᠷ ᠪᠦᠯᠦᠭ | ᠮᠠᠸᠧᠢᠷᠠᠨᠨᠠᠷ① ᠨᠣᠳᠤᠭ ᠲᠤ ᠲᠡᠭᠡᠷᠡ ᠬᠡᠯᠡᠭᠰᠡᠨ ᠬᠡᠷᠡᠭ ᠣᠴᠢᠷ ᠡᠭᠦᠰᠦᠭᠰᠡᠨ ᠠᠴᠠ ᠪᠣᠯᠵᠣ᠂ ᠡᠨᠡᠬᠦ ᠨᠣᠳᠤᠭ | ᠵᠠᠳᠠᠷᠠᠨ ᠪᠣᠳᠠᠷᠠᠵᠣ ᠰᠠᠮᠠᠭᠤᠷᠠᠯ ᠲᠦᠷᠪᠡᠭᠡᠨ ᠤ ᠭᠦᠨ ᠬᠦᠪ ᠲᠤ ᠵᠢᠪᠪᠦᠵᠡᠢ᠃ ᠴᠠᠭᠠᠳᠠᠢ ᠶᠢᠨ ᠣᠯᠣᠰ ᠲᠤ ᠡᠵᠡᠨ | ᠬᠠᠭᠠᠨ ᠪᠣᠯᠣᠭᠰᠠᠨ ᠲᠣᠬᠤᠯᠭᠠ ᠲᠡᠮᠦᠷ ᠬᠠᠭᠠᠨ ᠪᠣᠯ ︵ᠳ᠋ᠦᠸᠠ ᠬᠠᠭᠠᠨ ᠤ ᠬᠦᠪᠡᠭᠦᠨ②᠂ ᠴᠠᠭᠠᠳᠠᠢ ᠬᠠᠭᠠᠨ ᠤ | ᠬᠤᠶᠢᠴᠢᠰ ᠤᠨ ᠸᠠᠩ ᠪᠣᠯᠬᠤ ᠶᠣᠮ︶ ᠬᠠᠭᠠᠨ ᠡᠷᠬᠡ ᠶᠢᠨ ᠵᠠᠯᠭᠠᠮᠵᠢᠯᠠᠬᠤ ᠣᠯᠠᠮᠵᠢᠯᠠᠯ ᠢᠶᠠᠷ ᠲᠡᠷᠡ ᠡᠨᠡᠬᠦ ᠨᠣᠳᠤᠭ ᠢ | ᠡᠵᠡᠯᠡᠬᠦ ᠨᠢ ᠵᠦᠢ ᠶᠣᠰᠣᠨ ᠤ ᠬᠡᠷᠡᠭ ᠪᠢᠯᠡ᠃ ᠲᠡᠭᠡᠭᠡᠳ ᠲᠡᠷᠡ ᠣᠯᠠᠨ ᠪᠢᠴᠢᠭ ᠴᠡᠷᠢᠭ ᠤᠨ ᠰᠠᠶᠢᠳ ᠳᠦᠰᠢᠮᠡᠳ | ᠢᠶᠠᠨ ᠴᠣᠭᠯᠠᠭᠤᠯᠣᠨ ᠵᠦᠪᠯᠡᠵᠦ᠂ ᠨᠢᠭᠡᠨ ᠰᠠᠯᠠᠭᠠ ᠴᠡᠷᠢᠭ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠣ ᠠᠭᠤᠣ ᠶᠡᠭᠡ ᠲᠠᠶᠢᠯᠠᠨ | ᠲᠠᠭᠠᠭᠤᠯᠣᠭᠴᠢ ᠶᠢᠨ ᠣᠪᠣᠷ ᠢᠶᠠᠷ ᠮᠠᠸᠧᠢᠷᠠᠨᠨᠠᠷ ᠢ ᠴᠢᠭᠯᠡᠨ ᠮᠣᠷᠳᠠᠵᠠᠢ᠃ ᠡᠨᠡ ᠪᠣᠢ ᠾᠢᠵᠢᠷ ᠲᠣᠭᠠᠯᠠᠯ ᠤᠨ761 | ᠣᠨ ᠤ ᠷᠠᠪᠢᠶᠠ ᠠᠯ ᠠᠸᠠᠶᠢᠯ ᠰᠠᠷᠠ ︵ᠨᠡᠶᠢᠳᠡ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ1360 ᠣᠨ ᠤ ᠭᠤᠷᠪᠠᠳᠣᠭᠠᠷ ᠰᠠᠷᠠ︶ | ᠂ ᠶᠠᠭ ᠰᠠᠶᠢᠬᠠᠨ ᠲᠠᠲ᠋ᠠᠷ ᠲᠣᠭᠠᠯᠠᠯ ᠤᠨ ᠬᠤᠯᠣᠭᠠᠨᠠ ᠵᠢᠯ ᠡᠭᠦᠰᠦᠭᠰᠡᠨ ᠬᠡᠷᠡᠭ ᠣᠴᠢᠷ ᠪᠣᠯᠬᠤ ᠶᠣᠮ᠃ | ᠲᠠᠷᠮᠠᠰᠢᠷᠢ③ ᠨᠠᠰᠣ ᠪᠠᠷᠠᠭᠰᠠᠨ ᠠᠴᠠ ᠢᠠᠨᠠᠭᠰᠢ ᠡᠨᠡ ᠬᠡᠷᠡᠭ ᠡᠭᠦᠰᠦᠳᠡᠯᠡ ᠬᠤᠭᠤᠷᠣᠨᠳᠣ ᠨᠢ ᠶᠠᠭ ᠰᠠᠶᠢᠬᠠᠨ | ᠭᠤᠴᠢᠨ ᠣᠨ ᠠᠯᠣᠰᠯᠠᠵᠠᠢ᠃ ᠡᠨᠡ ᠬᠤᠭᠤᠷᠣᠨᠳᠣ ᠴᠠᠭᠠᠳᠠᠢ ᠶᠢᠨ ᠣᠳᠣᠮ ᠬᠢᠨ ᠨᠡᠶᠢᠳᠡ ᠨᠠᠢᠮᠠᠨ ᠬᠠᠭᠠᠳ ᠬᠠᠭᠠᠨ | ᠰᠢᠷᠡᠭᠡ ᠶᠢ ᠵᠠᠯᠭᠠᠮᠵᠢᠯᠠᠵᠣ ᠦᠩᠭᠡᠷᠡᠪᠡ᠃ ᠲᠣᠬᠤᠯᠭᠠ ᠲᠡᠮᠦᠷ ᠬᠠᠭᠠᠨ ᠬᠤᠵᠠᠨᠲ ᠭᠤᠣᠯ ︵ᠲᠠᠷᠣᠢ ᠰᠢᠷᠢᠲᠠᠷᠢᠶᠠ | ᠮᠦᠷᠡᠨ︶ ᠤᠨ ᠣᠷᠴᠢᠨ ᠤ ᠲᠠᠱᠺᠠᠨᠳ᠋ ᠶᠢᠨ ᠲᠠᠯᠠ ᠨᠣᠳᠤᠭ ᠤᠨ ᠴᠠᠨᠠᠭ ᠪᠣᠯᠠᠭ ᠲᠤ ᠪᠠᠶᠢᠭᠠ ᠦᠶᠡ ᠳᠡᠭᠡᠨ ᠣᠯᠠᠨ | ᠸᠠᠩ ᠭᠦᠩ ᠪᠡ ᠵᠠᠩᠵᠣᠨ ᠨᠡᠷ ᠲᠠᠢ ᠪᠠᠨ ᠵᠦᠪᠯᠡᠯᠳᠦᠨ ᠭᠠᠷᠭᠠᠭᠰᠠᠨ ᠰᠢᠢᠳᠪᠦᠷᠢ ᠳᠤ ᠬᠠᠮᠤᠭ ᠮᠡᠷᠭᠡᠨ ᠬᠢᠳᠡᠯ ᠪᠣᠯ | ᠣᠷᠢᠳᠠᠪᠠᠷ ᠬᠡᠷᠡᠶᠢᠳ ᠠᠶᠢᠮᠠᠭ ᠤᠨ ᠦᠯᠦᠭ · ᠲᠣᠭᠲᠡᠮᠦᠷ᠂ ᠣᠯᠭᠤᠨᠣᠳ ᠠᠶᠢᠮᠠᠭ ᠤᠨ ᠬᠠᠵᠢ · ᠪᠠᠬᠢ ᠪᠣᠯᠣᠨ | ᠬᠠᠩᠯᠢᠨ ᠠᠶᠢᠮᠠᠭ ᠤᠨ ᠪᠧᠾᠵᠢᠺ ᠵᠡᠷᠭᠡ ᠶᠢ ᠲᠣᠷᠰᠢᠭᠤᠯ ᠢᠶᠠᠷ ᠢᠯᠡᠭᠡᠶᠡ ᠭᠡᠵᠡᠢ᠃ ᠡᠨᠡ ᠭᠤᠷᠪᠠᠨ ᠸᠠᠩ ᠭᠦᠩ ᠨᠡᠷ | ᠲᠡᠷᠡ ᠲᠣᠣᠷᠠ ᠪᠠᠨ ᠡᠨᠡᠬᠦ ᠡᠭᠦᠷᠭᠡ ᠶᠢ ᠪᠡᠶᠡᠯᠡᠬᠦᠯᠬᠦ ᠪᠠᠷ ᠮᠣᠷᠳᠠᠪᠠ᠃ ᠲᠡᠳᠡᠨᠡᠷ ᠬᠤᠵᠠᠨᠲ ᠭᠤᠣᠯ ᠢ ᠭᠠᠳᠣᠯᠬᠤ | ᠪᠠᠷ ᠪᠠᠶᠢᠳᠠᠯᠠ ᠡᠮᠢᠷ ᠪᠠᠶᠠᠵᠢᠳ · ᠵᠠᠯᠠᠶᠢᠷ ᠴᠦ ᠠᠶᠢᠮᠠᠭ ᠣᠯᠠᠨ ᠢᠶᠠᠨ ᠲᠠᠭᠠᠭᠤᠯᠣᠨ ᠢᠷᠡᠵᠦ ᠨᠡᠶᠢᠯᠡᠪᠡ᠃ ᠲᠡᠭᠡᠭᠡᠳ | ᠪᠦᠬᠦ ᠬᠦᠮᠦᠰ ᠺᠧᠱ ᠵᠦᠭ ᠲᠤ ᠮᠣᠷᠳᠠᠵᠠᠢ᠃ | ᠡᠮᠢᠷ ᠬᠠᠵᠢ · ᠪᠠᠷᠣᠯᠠᠰ ᠺᠧᠱ᠂ ᠬᠠᠷᠰᠢ ︵ᠨᠠᠾᠱᠠᠪ︶ ᠵᠢᠴᠢ ᠣᠶᠢᠷᠠ ᠣᠷᠴᠢᠨ ᠠᠴᠠ ᠪᠠᠨ ᠴᠡᠷᠢᠭ ᠲᠠᠲᠠᠨ | ᠴᠣᠭᠯᠠᠭᠤᠯᠵᠣ ᠲᠠᠶᠢᠰᠣᠨ ᠢᠶᠠᠨ ᠣᠭᠳᠣᠬᠤ ᠪᠠᠷ ᠮᠣᠷᠳᠠᠨ ᠭᠠᠷᠪᠠ᠃ ᠭᠡᠪᠡᠴᠦ ᠲᠠᠬᠢᠨ ᠲᠠᠪᠳᠠᠨ ᠪᠣᠳᠣᠯᠬᠢᠯᠠᠭᠰᠠᠨ ᠤ | ᠲᠠᠷᠠᠭᠠ ᠡᠶᠢᠮᠦᠷᠬᠦ ᠴᠡᠷᠢᠭ ᠲᠠᠶᠢᠨ ᠤ ᠪᠠᠶᠢᠷᠢᠰᠢᠭᠤᠯᠣᠯᠳᠠ ᠮᠡᠷᠭᠡᠨ ᠪᠢᠰᠢ ᠬᠡᠮᠡᠨ ᠦᠵᠡᠵᠦ᠂ ᠬᠤᠶᠠᠷ ᠲᠠᠯᠠ ᠶᠢᠨ | ᠴᠡᠷᠢᠭ ᠠᠭᠤᠯᠵᠠᠬᠤ ᠠᠴᠠ ᠡᠮᠦᠨᠡ ᠦᠪᠡᠷ ᠤᠨ ᠴᠡᠷᠢᠭ ᠢᠶᠠᠨ ᠲᠠᠭᠠᠭᠤᠯᠣᠨ ᠬᠤᠷᠣᠽᠠᠨ ᠵᠦᠭ ᠣᠬᠤᠷᠢᠨ ᠶᠠᠪᠣᠪᠠ᠃ | | ᠲᠣᠰ ᠪᠦᠯᠦᠭ ᠤᠨ ᠲᠠᠶᠢᠯᠪᠣᠷᠢ ① ᠮᠠᠸᠧᠢᠷᠠᠨᠨᠠᠷ ᠭᠡᠳᠡᠭ ᠭᠠᠵᠠᠷ ᠤᠨ ᠨᠡᠷᠡ ᠪᠣᠯ ᠬᠤᠶᠠᠷ ᠭᠤᠣᠯ ᠤᠨ | ᠬᠤᠭᠤᠷᠣᠨᠳᠣᠬᠢ ᠣᠷᠣᠨ ᠭᠡᠳᠡᠭ ᠣᠳᠬᠠ ᠲᠠᠢ ᠦᠭᠡ ᠪᠣᠯᠣᠨᠠ᠃ ᠲᠠᠷᠣᠢ ᠠᠮᠣᠲᠠᠷᠢᠶᠠ ᠮᠦᠷᠡᠨ ᠪᠠ ᠰᠢᠷᠢᠲᠠᠷᠢᠶᠠ | ᠮᠦᠷᠡᠨ ᠤ ᠬᠤᠭᠤᠷᠣᠨᠳᠣ ᠪᠠᠶᠢᠭᠠ ᠪᠦᠬᠦ ᠨᠣᠳᠤᠭ ᠤᠨ ᠨᠡᠷᠡ ᠪᠣᠯᠣᠨᠠ᠃ ᠭᠡᠪᠡᠴᠦ ᠲᠣᠮᠳᠠᠳᠣ ᠠᠽᠢ ᠶᠢᠨ ᠭᠠᠵᠠᠷ | ᠣᠰᠣ᠂ ᠴᠢᠨᠠᠭᠰᠢᠯᠠᠪᠠᠯ ᠬᠦᠮᠦᠨ ᠤ ᠨᠡᠷᠡ ᠳᠤ ᠬᠦᠷᠳᠡᠯᠡ ᠲᠡᠭᠦᠨ ᠢ ᠠᠪᠢᠶᠠᠯᠠᠬᠤ ᠲᠠᠭᠠᠨ ᠣᠨᠴᠠᠭᠠᠢ ᠪᠠᠶᠢᠳᠠᠯ | ᠵᠦᠩᠳᠡᠭᠡᠨ ᠲᠣᠬᠢᠶᠠᠯᠳᠣᠨᠠ᠃ ᠣᠴᠢᠷ ᠨᠢ ᠲᠣᠮᠳᠠᠳᠣ ᠠᠽᠢ ᠪᠣᠯ ᠡᠬᠢᠯᠡᠭᠡᠳ ᠡᠨᠡᠳᠬᠡᠭ ᠰᠣᠶᠣᠯ ᠤᠨ ᠨᠦᠯᠦᠭᠡ | ᠬᠦᠷᠳᠡᠵᠦ᠂ ᠲᠠᠬᠢᠨ ᠭᠷᠢᠭ ᠰᠣᠶᠣᠯ ᠤᠨ ᠨᠦᠯᠦᠭᠡᠨ ᠳᠤ ᠣᠷᠣᠵᠣ᠂ ᠪᠠᠰᠠ ᠲᠠᠬᠢᠨ ᠫᠧᠷᠰ ᠠᠷᠠᠪ ᠰᠣᠶᠣᠯ ᠳᠤ | ᠨᠦᠯᠦᠭᠡᠯᠡᠭᠳᠡᠵᠡᠢ᠃ ᠪᠠᠰᠠ ᠲᠠᠬᠢᠨ ᠲᠦᠷᠺ ᠰᠣᠶᠣᠯ᠂ ᠨᠡᠩ ᠬᠤᠵᠢᠭᠤ ᠰᠢᠭ ᠦᠶᠡ ᠳᠤ ᠮᠣᠩᠭᠤᠯ ᠰᠣᠶᠣᠯ ᠤᠨ | ᠨᠦᠯᠦᠭᠡᠨ ᠳᠤ ᠪᠦᠷ ᠪᠠᠶᠢᠵᠣ ᠦᠩᠭᠡᠷᠡᠭᠰᠡᠨ ᠪᠣᠯᠬᠤᠷ ᠭᠠᠵᠠᠷ ᠣᠰᠣᠨ ᠤ ᠨᠡᠷᠡ ᠶᠢ ᠠᠯᠢ ᠰᠣᠶᠣᠯ ᠪᠠᠷ ᠨᠡᠷᠡᠶᠢᠳᠦᠭᠦ | ᠪᠣᠢ ᠭᠡᠳᠡᠭ ᠠᠰᠠᠭᠤᠳᠠᠯ ᠭᠠᠷᠴᠣ ᠢᠷᠡᠨᠡ᠃ ᠵᠠᠷᠢᠮ ᠢᠭᠡ ᠨᠡᠷᠡ ᠦᠭᠡ ᠳᠤ ᠭᠤᠷᠪᠠ ᠲᠦᠷᠪᠡᠨ ᠨᠡᠷᠡ ᠲᠠᠢ ᠪᠠᠶᠢᠭᠠ | ᠨᠢ ᠡᠩ ᠤᠨ ᠦᠵᠡᠭᠳᠡᠯ ᠶᠣᠮ᠃ ᠣᠳᠣ ᠪᠠᠷ ᠮᠠᠨ ᠤ ᠶᠠᠷᠢᠵᠣ ᠪᠠᠶᠢᠭᠠ ᠡᠨᠡᠬᠦ ᠮᠠᠸᠧᠢᠷᠠᠨᠨᠠᠷ ︵ | Mavara-un-Nahr︶ ᠭᠡᠳᠡᠭ ᠨᠣᠳᠤᠭ ᠤᠨ ᠠᠩᠬᠠᠨ ᠤ ᠨᠡᠷᠡ ᠨᠢ ᠲᠷᠠᠨᠰᠣᠺᠰᠢᠶᠠᠨ ︵ | Transgxiana︶ ᠭᠡᠵᠦ᠂ ᠪᠠᠰᠠ ᠬᠤᠶᠠᠷ ᠭᠤᠣᠯ ᠤᠨ ᠲᠣᠮᠳᠠᠬᠢ ᠣᠷᠣᠨ ᠭᠡᠬᠦ ᠪᠣᠶᠣ ᠡᠰᠡᠬᠦᠯᠡ ᠰᠢᠭᠤᠳ | ᠪᠠᠰᠠ ᠬᠢᠳᠠᠳ ᠲᠡᠣᠬᠡᠨ ᠨᠣᠮ ᠳᠤ ᠪᠠᠶᠢᠭᠠ ᠾᠧ ᠵᠦᠩ ᠭᠡᠳᠡᠭ ᠨᠡᠷᠡ ᠶᠢ ᠬᠡᠷᠡᠭᠯᠡᠭᠴᠢᠳ ᠪᠦᠷ ᠪᠠᠶᠢᠭᠠ ᠶᠣᠮ᠃ | ᠡᠭᠦᠨ ᠠᠴᠠ ᠭᠠᠳᠠᠨᠠ ᠲᠦᠷᠺ ᠮᠣᠩᠭᠤᠯ ᠬᠡᠯᠡᠨ ᠤ ᠬᠤᠭᠤᠷᠣᠨᠳᠣ ᠵᠠᠷᠢᠮ ᠳᠠᠭᠠᠨ ᠵ᠊ ᠪᠣᠯᠣᠨ ᠶ᠊ ᠶᠢ ᠰᠡᠯᠭᠦᠴᠡᠨ | ᠬᠡᠷᠡᠭᠯᠡᠬᠦ ᠦᠵᠡᠭᠳᠡᠯ ᠴᠦ ᠲᠣᠩ ᠲᠦᠭᠡᠮᠡᠯ ᠬᠠᠷᠠᠭᠳᠠᠵᠣ᠂ ᠬᠠᠶᠠ ᠳᠠᠭᠠᠨ ᠪᠦᠷ ᠬᠤᠳᠬᠤᠯᠳᠣᠭᠤᠯᠣᠨ ᠬᠡᠷᠡᠭᠯᠡᠳᠡᠭ | ᠪᠠᠶᠢᠳᠠᠯ ᠴᠦ ᠦᠯᠡᠮᠵᠢ ᠲᠣᠬᠢᠶᠠᠯᠳᠣᠨᠠ᠃ ᠡᠶᠢᠮᠦ ᠠᠴᠠ ᠮᠣᠩᠭᠤᠯᠴᠢᠯᠠᠭᠴᠢ ᠠᠴᠠ ᠡᠨᠡ ᠪᠦᠬᠦᠨ ᠢ ᠨᠢᠭᠡᠳᠭᠡᠶᠡ | ᠭᠡᠵᠦ ᠰᠠᠨᠠᠵᠣ ᠪᠠᠶᠢᠭᠰᠠᠨ ᠪᠣᠯᠪᠠᠴᠣ ᠴᠠᠭ ᠬᠤᠭᠤᠴᠠᠭᠠ ᠪᠠ ᠠᠵᠢᠯ ᠤᠨ ᠶᠡᠭᠡ ᠠᠴᠠ ᠪᠣᠯᠵᠣ ᠨᠢᠭᠡᠳᠭᠡᠵᠦ | ᠴᠢᠳᠠᠭᠰᠠᠨ ᠦᠭᠡᠢ ᠲᠠᠯᠪᠢᠪᠠ᠃ ᠡᠳᠡᠭᠡᠷ ᠭᠠᠵᠠᠷ ᠣᠰᠣᠨ ᠤ ᠨᠡᠷᠡ ᠪᠣᠯ ᠲᠡᠣᠬᠡᠨ ᠭᠠᠵᠠᠷ ᠵᠦᠢ ᠳᠤ ᠬᠠᠮᠣᠷᠠᠭᠳᠠᠬᠤ | ᠠᠭᠤᠯᠭᠠ ᠪᠣᠯᠬᠤᠷ ᠲᠡᠭᠦᠨ ᠢ ᠲᠣᠣᠱᠳᠠᠢ ᠨᠢᠭᠡᠳᠭᠡᠶᠡ ᠭᠡᠪᠡᠯ ᠲᠣᠩ ᠣᠯᠠᠨ ᠮᠡᠳᠡᠯᠭᠡ ᠲᠠᠶᠢᠯᠪᠣᠷᠢ ᠬᠡᠷᠡᠭᠴᠡᠭᠡ ᠲᠠᠢ | ᠪᠣᠯᠣᠨᠠ᠃ ② ᠲᠣᠬᠤᠯᠭᠠ ᠲᠡᠮᠦᠷ ᠬᠠᠭᠠᠨ ᠪᠣᠯ ᠡᠰᠡᠨ ᠪᠣᠬᠠ ᠬᠠᠭᠠᠨ ᠤ ᠬᠦᠪᠡᠭᠦᠨ᠂ ᠳ᠋ᠦᠸᠠ ᠬᠠᠭᠠᠨ ᠤ | ᠣᠮᠪᠣᠯ ᠪᠣᠯᠬᠤ ᠶᠣᠮ᠃ ᠠᠳᠡ ᠲᠡᠭᠦᠨ ᠢ ᠳ᠋ᠦᠸᠠ ᠬᠠᠭᠠᠨ ᠤ ᠬᠦᠪᠡᠭᠦᠨ ᠬᠡᠰᠡᠨ ᠨᠢ ᠳ᠋ᠦᠸᠠ ᠬᠠᠭᠠᠨ ᠤ ᠬᠤᠶᠢᠴᠢᠰ | ᠭᠡᠳᠡᠭ ᠣᠳᠬᠠ ᠪᠠᠷ ᠬᠡᠷᠡᠭᠯᠡᠭᠰᠡᠨ ᠠᠵᠠᠢ᠃ ③ ᠴᠠᠭᠠᠳᠠᠢ ᠬᠠᠭᠠᠨᠳᠣ ᠣᠯᠣᠰ ᠤᠨ ᠲᠠᠷᠮᠠᠰᠢᠷᠢ ᠬᠠᠭᠠᠨ ᠨᠠᠰᠣ | ᠪᠠᠷᠠᠭᠰᠠᠨ ᠠᠴᠠ ᠡᠨᠡᠬᠦ ᠬᠡᠷᠡᠭ ᠡᠭᠦᠰᠦᠳᠡᠯᠡ ᠦᠨᠡᠨᠳᠡᠭᠡᠨ ᠰᠠᠶ᠋ᠢ ᠬᠤᠷᠢᠨ ᠭᠤᠷᠪᠠᠨ ᠵᠢᠯ ᠪᠣᠯᠵᠣ ᠪᠠᠶᠢᠨᠠ᠃ ᠭᠡᠪᠡᠴᠦ | ᠠᠩᠭ᠍ᠯᠢ ᠣᠯᠣᠰ ᠤᠨ ᠮᠦᠽᠸᠢ ᠳᠤ ᠬᠠᠳᠠᠭᠠᠯᠠᠵᠣ ᠪᠠᠶᠢᠭᠠ ︽ᠲᠡᠮᠦᠷ ᠤᠨ ᠲᠠᠶᠢᠨ ᠤ ᠭᠠᠪᠢᠶᠠ ᠶᠢᠨ ᠲᠡᠮᠳᠡᠭᠯᠡᠯ︾ | ᠨᠣᠮ ᠤᠨ ᠡᠯᠡ ᠵᠦᠢᠯ ᠤᠨ ᠭᠠᠷ ᠪᠢᠴᠢᠮᠡᠯ ᠳᠤ ᠪᠦᠷ ᠭᠤᠴᠢᠨ ᠭᠤᠷᠪᠠᠨ ᠣᠨ ᠭᠡᠵᠦ ᠲᠡᠮᠳᠡᠭᠯᠡᠵᠦ ᠪᠠᠶᠢᠨᠠ ᠭᠡᠵᠦ | ᠠᠩᠭ᠍ᠯᠢᠴᠢᠯᠠᠭᠴᠢ ᠠᠴᠠ ᠲᠠᠶᠢᠯᠪᠣᠷᠢᠯᠠᠵᠠᠢ᠃ ᠭᠡᠳᠡᠯᠡ ᠲᠠᠷᠮᠠᠰᠢᠷᠢ ᠬᠠᠭᠠᠨ ᠪᠣᠯ ᠨᠡᠶᠢᠳᠡ ᠶᠢᠨ ᠣᠨ ᠲᠣᠭᠠᠯᠠᠯ | ᠤᠨ1334 ᠣᠨ ᠳᠤ ᠨᠠᠰᠣ ᠪᠠᠷᠠᠭᠰᠠᠨ ᠨᠢ ᠪᠠᠷᠤᠭ ᠢᠳᠡᠭᠡᠮᠵᠢᠳᠡᠢ ᠬᠡᠷᠡᠭ ᠪᠣᠯᠣᠨᠠ᠃ ᠢᠩᠬᠢᠵᠦ ᠪᠣᠳᠣᠪᠠᠯ | ᠲᠣᠬᠤᠯᠭᠠ ᠲᠡᠮᠦᠷ ᠬᠠᠭᠠᠨ ᠤ ᠮᠠᠸᠧᠢᠷᠠᠨᠨᠠᠷ ᠵᠦᠭ ᠲᠤ ᠴᠡᠷᠢᠭ ᠬᠦᠳᠡᠯᠭᠡᠭᠰᠡᠨ1360 ᠣᠨ ᠤ ᠬᠤᠭᠤᠷᠣᠨᠳᠣ | ᠬᠤᠷᠢᠨ ᠵᠢᠷᠭᠤᠭᠠᠨ ᠵᠢᠯ ᠠᠯᠣᠰᠯᠠᠭᠰᠠᠨ ᠪᠠᠶᠢᠪᠠᠯ ᠲᠠᠭᠠᠷᠠᠨᠠ᠃ ᠲᠠᠷᠠᠭᠠ ᠨᠢ ᠡᠨᠡ ᠬᠤᠭᠤᠷᠣᠨᠳᠣ ᠨᠡᠶᠢᠳᠡ ᠨᠠᠢᠮᠠᠨ | ᠬᠠᠭᠠᠨ ᠬᠠᠭᠠᠨ ᠰᠠᠭᠤᠷᠢᠨ ᠢ ᠵᠠᠯᠭᠠᠮᠵᠢᠯᠠᠵᠣ ᠦᠩᠭᠡᠷᠡᠪᠡ ᠭᠡᠵᠦ ᠬᠡᠯᠡᠵᠡᠢ᠃ ᠭᠡᠪᠡᠴᠦ ᠡᠨᠡ ᠲᠤᠭᠠ ᠴᠦ ᠪᠣᠰᠣᠳ | ᠲᠡᠣᠬᠡᠨ ᠨᠣᠮ ᠲᠠᠢ ᠵᠢᠭᠠᠬᠠᠨ ᠵᠦᠷᠢᠶᠡ ᠲᠠᠢ ᠪᠠᠶᠢᠨᠠ — ᠮᠣᠩᠭᠤᠯᠴᠢᠯᠠᠭᠴᠢ ᠠᠴᠠ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |