| ᠲᠣᠯᠣᠳᠣᠭᠠᠷ ᠪᠦᠯᠦᠭ | ᠨᠠᠮᠣᠷ ᠣᠷᠣᠮᠠᠭᠴᠠ ᠲᠣᠬᠤᠯᠭᠠ ᠲᠡᠮᠦᠷ ᠬᠠᠭᠠᠨ ᠤ ᠶᠡᠭᠡ ᠴᠡᠷᠢᠭ ᠬᠦᠳᠡᠯᠵᠦ᠂ ᠰᠠᠮᠠᠷᠺᠠᠨᠳ᠋ ᠴᠢᠭᠯᠡᠨ ᠶᠠᠪᠣᠪᠠ᠃ ᠵᠠᠮ | ᠭᠤᠳᠣᠰ ᠲᠠᠭᠠᠨ ᠲᠡᠷᠡ ᠵᠠᠷᠯᠢᠭ ᠪᠠᠭᠤᠯᠭᠠᠨ ᠡᠮᠢᠷ ᠪᠠᠶᠠᠨ · ᠰᠦᠯᠳᠦᠰ ᠢ ᠠᠯᠠᠨ ᠰᠢᠢᠳᠭᠡᠪᠡ①᠃ ᠰᠠᠮᠠᠷᠺᠠᠨᠳ᠋ | ᠬᠦᠷᠦᠭᠰᠡᠨ ᠤ ᠰᠡᠬᠦᠯᠡᠷ ᠲᠡᠷᠡ ᠪᠦᠬᠦᠶᠢᠯᠡ ᠮᠠᠸᠧᠢᠷᠠᠨᠨᠠᠷ ᠢ ᠲᠠᠬᠢᠨ ᠦᠪᠡᠷ ᠤᠨ ᠡᠵᠡᠮᠰᠢᠯ ᠳᠡᠭᠡᠨ ᠪᠠᠭᠳᠠᠭᠠᠨ ᠠᠪᠴᠠᠢ | ᠃ ᠲᠡᠨᠳᠡᠬᠢ ᠸᠠᠩ ᠭᠦᠩ ᠢᠵᠠᠭᠤᠷᠳᠠᠳ ᠲᠠᠬᠢᠨᠳᠠ ᠲᠡᠭᠦᠨ ᠳᠤ ᠰᠢᠳᠣᠷᠭᠤ ᠪᠠᠨ ᠢᠯᠡᠳᠭᠡᠬᠦ ᠦᠭᠡᠢ ᠪᠣᠯ ᠪᠣᠯᠬᠤ | ᠦᠭᠡᠢ ᠪᠣᠯᠪᠠ᠃ ᠭᠡᠪᠡᠴᠦ ᠲᠡᠷᠡ ᠵᠠᠷᠢᠮ ᠬᠦᠮᠦᠨ ᠢ ᠣᠷᠪᠠᠭ᠋ᠣ ᠰᠠᠨᠠᠭᠠ ᠲᠠᠢ ᠬᠡᠮᠡᠨ ᠰᠡᠵᠢᠭᠯᠡᠵᠦ᠂ ᠡᠮᠦᠨᠡ ᠡᠮᠢᠷ | ᠪᠠᠶᠠᠨ · ᠰᠦᠯᠳᠦᠰ ᠢ ᠰᠢᠢᠳᠭᠡᠭᠰᠡᠨ ᠮᠡᠳᠦ ᠬᠡᠯᠪᠡᠷᠢ ᠪᠠᠷ ᠰᠢᠢᠳᠪᠦᠷᠢᠯᠡᠵᠡᠢ᠃ ᠲᠡᠭᠦᠨ ᠳᠤ ᠢᠳᠡᠭᠡᠮᠵᠢ ᠲᠠᠢ | ᠰᠠᠨᠠᠭᠳᠠᠭᠰᠠᠨ ᠬᠦᠮᠦᠰ ᠦᠩᠭᠡ ᠬᠡᠷᠡᠯ ᠬᠦᠷᠳᠡᠵᠦ᠂ ᠡᠨᠡᠷᠢᠯ ᠬᠠᠶᠢᠷᠠ ᠲᠤᠨᠢ ᠪᠠᠭᠳᠠᠯᠴᠠᠵᠠᠢ᠃ ᠲᠡᠷᠡ ᠡᠨᠡᠬᠦ ᠲᠠᠶᠢᠯᠠᠨ | ᠲᠠᠭᠠᠭᠤᠯᠣᠭᠳᠠᠭᠰᠠᠨ ᠣᠷᠣᠨ ᠢᠶᠠᠨ ᠬᠦᠪᠡᠭᠦᠨ ᠢᠯᠢᠶᠠᠰ · ᠬᠤᠵᠠ · ᠣᠭᠤᠯ ᠳᠠᠭᠠᠨ ᠳᠣᠰᠢᠶᠠᠨ ᠦᠭᠴᠦ᠂ | ᠴᠠᠭᠠᠳᠠᠢ ᠴᠡᠷᠢᠭ ᠤᠨ ᠲᠣᠮᠳᠠ ᠠᠴᠠ ᠨᠢᠭᠡ ᠪᠦᠯᠦᠭ ᠴᠡᠷᠢᠭ ᠪᠠ ᠡᠮᠢᠷ ᠰᠣᠩᠭᠤᠨ ᠭᠠᠷᠭᠠᠵᠣ ᠲᠡᠭᠦᠨ ᠳᠤ | ᠵᠠᠬᠢᠷᠠᠭᠤᠯᠣᠨ᠂ ᠪᠠᠰᠠ ᠦᠪᠡᠷ ᠤᠨ ᠪᠡᠶᠡ ᠪᠠᠷ ᠲᠡᠭᠦᠨ ᠳᠤ ᠪᠠᠬᠢᠵᠢᠺ ᠢ ᠶᠡᠷᠦᠩᠬᠡᠢ ᠵᠠᠩᠵᠣᠨ ᠢᠶᠠᠷ ᠲᠣᠮᠢᠯᠠᠨ | ᠦᠭᠭᠦᠭᠡᠳ ᠰᠠᠨᠠᠭᠠ ᠠᠮᠣᠷᠴᠠᠢ᠃ ᠲᠠᠷᠠᠭᠠ ᠨᠢ ᠮᠠᠸᠧᠢᠷᠠᠨᠨᠠᠷ ᠨᠣᠳᠤᠭ ᠤᠨ ᠵᠠᠰᠠᠭ ᠤᠨ ᠬᠦᠨᠳᠦ ᠡᠭᠦᠷᠭᠡ ᠶᠢ ᠡᠮᠢᠷ | ᠲᠡᠮᠦᠷ ᠲᠤ ᠲᠠᠭᠠᠭᠠᠯᠭᠠᠨ ᠦᠭᠴᠦ᠂ ᠲᠡᠭᠦᠨ ᠢ ᠨᠢᠯᠬᠠ ᠡᠵᠡᠨ ᠤ ᠪᠠᠨ ᠦᠭᠡ ᠶᠢ ᠵᠢᠷᠣᠮᠯᠠᠨ ᠶᠠᠪᠣᠳᠣᠭᠠᠢ ᠬᠡᠮᠡᠨ | ᠲᠣᠰᠢᠶᠠᠪᠠ᠃ ᠬᠤᠵᠢᠮ ᠲᠣᠬᠤᠯᠭᠠ ᠲᠡᠮᠦᠷ ᠬᠠᠭᠠᠨ ᠡᠮᠢᠷ ᠲᠡᠮᠦᠷ ᠤᠨ ᠮᠡᠳᠡᠯᠭᠡ ᠴᠢᠳᠠᠪᠣᠷᠢ ᠶᠢ ᠭᠦᠢᠴᠡᠳ | ᠣᠶᠢᠯᠭᠠᠵᠣ ᠮᠡᠳᠡᠭᠡᠳ ᠡᠨᠡ ᠨᠣᠳᠤᠭ ᠤᠨ ᠪᠦᠬᠦ ᠡᠷᠬᠡ ᠶᠢ ᠪᠦᠷ ᠲᠡᠭᠦᠨ ᠳᠤ ᠲᠣᠰᠢᠶᠠᠭᠠᠳ᠂ ᠦᠪᠡᠷ ᠢᠶᠠᠨ ᠴᠡᠷᠢᠭ | ᠪᠣᠴᠠᠨ ᠨᠡᠶᠢᠰᠯᠡᠯ ᠳᠡᠭᠡᠨ ᠬᠠᠷᠢᠪᠠ᠃ ᠶᠠᠮᠠᠷ ᠪᠣᠯᠣᠭᠰᠠᠨ ᠴᠦ ᠲᠣᠬᠤᠯᠭᠠ ᠲᠡᠮᠦᠷ ᠬᠠᠭᠠᠨ ᠲᠠᠬᠢᠨᠳᠠ ᠮᠠᠸᠧᠢᠷᠠᠨᠨᠠᠷ | ᠠᠴᠠ ᠰᠠᠯᠵᠣ ᠶᠠᠪᠣᠵᠠᠢ᠃ ᠲᠡᠷᠡ ᠡᠨᠡ ᠨᠣᠳᠤᠭ ᠤᠨ ᠸᠠᠩ ᠭᠦᠩ ᠢᠵᠠᠭᠤᠷᠳᠠᠨ ᠢ ᠵᠠᠰᠠᠬᠤ ᠶᠡᠭᠡ ᠡᠷᠬᠡ ᠶᠢ | ᠪᠠᠬᠢᠵᠢᠺ ᠲᠤ ᠲᠣᠰᠢᠶᠠᠨ ᠦᠭᠭᠦᠪᠡ᠃ ᠬᠠᠷᠢᠨ ᠮᠠᠸᠧᠢᠷᠠᠨᠨᠠᠷ ᠤᠨ ᠳᠦᠰᠢᠮᠡᠳ ᠢᠷᠭᠡᠳ ᠤᠨ ᠠᠵᠣ ᠠᠮᠢᠳᠣᠷᠠᠯ ᠪᠠ | ᠠᠰᠠᠷᠠᠮᠵᠢ ᠶᠢᠨ ᠦᠢᠯᠡ ᠶᠢ ᠡᠮᠢᠷ ᠲᠡᠮᠦᠷ ᠲᠤ ᠲᠣᠰᠢᠶᠠᠵᠠᠢ᠃ ᠭᠡᠳᠡᠯᠡ ᠡᠮᠢᠷ ᠪᠠᠬᠢᠵᠢᠺ ᠬᠠᠷᠬᠢᠰ ᠪᠣᠷᠣᠩᠬᠤᠢ | ᠶᠠᠪᠣᠵᠣ᠂ ᠬᠠᠭᠠᠨ ᠵᠠᠷᠯᠢᠭ ᠢ ᠦᠯᠦ ᠣᠶᠢᠰᠢᠶᠠᠨ᠂ ᠴᠢᠨᠠᠭᠰᠢᠯᠠᠪᠠᠯ ᠢᠯᠡ ᠪᠠᠷ ᠬᠠᠭᠠᠨ ᠠᠴᠠ ᠣᠷᠪᠠᠭ᠋ᠣ ᠪᠠᠷ | ᠪᠠᠵᠠᠭᠠᠵᠣ ᠪᠠᠶᠢᠪᠠ᠃ ᠡᠮᠢᠷ ᠲᠡᠮᠦᠷ ᠦᠵᠡᠳᠡᠯᠡ ᠬᠠᠭᠠᠨ ᠵᠠᠷᠯᠢᠭ ᠬᠡᠷᠡᠭᠵᠢᠭᠦᠯᠦᠭᠳᠡᠬᠦ ᠦᠭᠡᠢ ᠪᠣᠯᠵᠣ᠂ ᠣᠯᠣᠰ | ᠣᠷᠣᠨ ᠣᠷᠪᠠᠯᠭᠠᠨ ᠰᠠᠮᠠᠭᠤᠷᠠᠯ ᠳᠤ ᠣᠷᠣᠬᠤ ᠭᠡᠵᠦ ᠪᠠᠶᠢᠭᠠ ᠦᠶᠡ ᠳᠤ᠂ ᠲᠡᠷᠡ ᠠᠳᠡ ᠬᠦᠯ ᠲᠣᠭᠳᠠᠵᠣ ᠴᠢᠳᠠᠬᠤ | ᠦᠭᠡᠢ ᠪᠣᠯᠣᠭᠰᠠᠨ ᠢᠶᠠᠨ ᠰᠡᠷᠡᠨ ᠮᠡᠳᠡᠷᠡᠵᠦ᠂ ᠠᠳᠡ ᠠᠴᠠ ᠰᠠᠯᠵᠣ ᠬᠤᠰᠢᠨ ᠢ ᠡᠷᠢᠬᠦ ᠪᠠᠷ ᠶᠠᠪᠣᠪᠠ᠃ ᠭᠡᠪᠡᠴᠦ | ᠬᠤᠰᠢᠨ ᠤ ᠮᠡᠳᠡᠭᠡ ᠣᠯᠳᠠᠬᠤ ᠦᠭᠡᠢ ᠪᠣᠯᠬᠤᠷ ᠠᠷᠭᠠ ᠪᠣᠰᠣ ᠡᠯᠡᠰᠦ ᠮᠠᠩᠬᠠᠨ ᠳᠤ ᠣᠷᠣᠪᠠ②᠃ | ᠶᠡᠷᠦᠩᠬᠡᠶᠢᠯᠡᠭᠡᠳ ᠬᠡᠯᠡᠪᠡᠯ ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠮᠣᠩᠭᠤᠯᠴᠣᠳ ᠤᠨ ᠠᠮᠠᠨ ᠣᠯᠠᠮᠵᠢᠯᠠᠯ ᠠᠴᠠ ᠦᠵᠡᠪᠡᠯ᠂ | ᠲᠡᠳᠡᠨᠡᠷ ᠤᠨ ᠨᠣᠳᠤᠭ ᠲᠡᠪᠢᠰᠭᠡᠷ ᠰᠠᠮᠠᠷᠺᠠᠨᠳ᠋ ᠢ ᠪᠠᠭᠳᠠᠭᠠᠵᠣ ᠪᠠᠶᠢᠭᠰᠠᠨ ᠪᠦᠭᠡᠳ ᠨᠡᠩ ᠴᠢᠨᠠᠭᠰᠢ ᠮᠠᠰᠢ ᠬᠤᠯᠠ | ᠭᠠᠵᠠᠷ ᠲᠤ ᠬᠦᠷᠴᠦ ᠪᠠᠶᠢᠪᠠ᠃ ᠭᠡᠪᠡᠴᠦ ᠲᠣᠲᠣᠷᠬᠠᠢ ᠪᠣᠳᠠᠳᠣ ᠭᠡᠷᠡᠴᠢ ᠨᠢ ᠣᠯᠠᠮᠵᠢᠯᠠᠭᠳᠠᠵᠣ ᠢᠷᠡᠨ ᠡᠳᠦᠬᠡ ᠲᠠᠢ | ᠵᠣᠯᠭᠠᠵᠣ ᠴᠢᠳᠠᠭᠰᠠᠨ ᠦᠭᠡᠢ᠃ ᠡᠮᠢᠷ · ᠪᠣᠷᠣᠯᠵᠢ ︵ᠡᠮᠦᠨᠡ ᠨᠢᠭᠡᠨᠳᠡ ᠶᠠᠷᠢᠵᠣ ᠦᠩᠭᠡᠷᠡᠪᠡ︶ ᠲᠣᠬᠤᠯᠭᠠ ᠲᠡᠮᠦᠷ | ᠬᠠᠭᠠᠨ ᠢ ᠬᠦᠷᠢᠶᠡᠯᠡᠨ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠭᠠᠷᠭᠠᠵᠣ᠂ ᠲᠡᠷᠡ ᠬᠠᠭᠠᠨ ᠤ ᠭᠠᠷ ᠠᠴᠠ ᠡᠷᠳᠡ ᠦᠶᠡ ᠴᠢᠩᠬᠢᠰ | ᠬᠠᠭᠠᠨ ᠤ ᠦᠶᠡ ᠳᠤ ᠲᠡᠭᠦᠨ ᠤ ᠲᠡᠭᠡᠳᠦᠰ ᠲᠤ ᠬᠦᠷᠳᠡᠭᠡᠭᠰᠡᠨ ᠶᠢᠰᠦᠨ ᠵᠦᠢᠯ ᠤᠨ ᠣᠨᠴᠠᠭᠠᠢ ᠡᠷᠬᠡ ᠶᠢ ᠬᠦᠯᠢᠶᠡᠨ | ᠠᠪᠴᠠᠢ᠃ ᠲᠡᠭᠦᠨ ᠤ ᠡᠨᠡᠬᠦ ᠣᠨᠴᠠᠭᠠᠢ ᠡᠷᠬᠡ ᠶᠢ ᠵᠣᠬᠢᠶᠠᠭᠴᠢ ᠮᠠᠨ ᠤ ᠭᠡᠷ ᠪᠦᠯᠢ ᠬᠢᠨ ᠦᠷᠬᠦᠯᠵᠢᠯᠡᠨ | ᠵᠠᠯᠭᠠᠮᠵᠢᠯᠠᠨ ᠠᠪᠣᠪᠠ᠃ ᠮᠢᠨᠦ ᠬᠤᠪᠢ ᠬᠦᠮᠦᠨ ᠡᠨᠡᠬᠦ ᠣᠨᠴᠠᠭᠠᠢ ᠡᠷᠬᠡ ᠶᠢᠨ ᠡᠯᠡ ᠵᠣᠷᠪᠣᠰ ᠢ ᠣᠯᠵᠣ ᠦᠵᠡᠭᠰᠡᠨ | ᠶᠣᠮ᠃ ᠡᠨᠡᠬᠦ ᠣᠨᠴᠠᠭᠠᠢ ᠡᠷᠬᠡ ᠶᠢ ᠺᠦᠨᠳᠦᠱ ᠲᠤ ᠮᠣᠩᠭᠤᠯ ᠬᠡᠯᠡ ᠪᠠᠷ ᠪᠢᠴᠢᠭᠰᠡᠨ ᠪᠠᠶᠢᠵᠠᠢ᠃ ᠪᠢ ᠡᠨᠡᠬᠦ ᠪᠣᠳᠠᠳᠣ | ᠬᠡᠷᠡᠭ ᠢ ᠬᠡᠯᠡᠵᠦ ᠪᠠᠶᠢᠭᠠ ᠨᠢ ᠡᠨᠡ ᠬᠠᠭᠠᠨ ᠤ ᠨᠣᠶᠠᠷᠬᠠᠬᠤ ᠡᠷᠬᠡ ᠲᠣᠬᠠᠢ ᠶᠢᠨ ᠦᠶᠡ ᠳᠤ ᠺᠦᠨᠳᠦᠰ ᠲᠤ ᠬᠦᠷᠴᠦ | ᠪᠠᠶᠢᠪᠠ ᠭᠡᠳᠡᠭ ᠢ ᠭᠡᠷᠡᠴᠢᠯᠡᠬᠦ ᠶᠢᠨ ᠲᠦᠯᠦᠭᠡ ᠶᠣᠮ᠃ ︽ᠲᠡᠮᠦᠷ ᠤᠨ ᠲᠠᠶᠢᠨ ᠤ ᠭᠠᠪᠢᠶᠠ ᠶᠢᠨ ᠲᠡᠮᠳᠡᠭᠯᠡᠯ︾ ᠨᠣᠮ | ᠳᠤ ᠬᠡᠯᠡᠬᠦ ᠪᠠᠷ ᠪᠣᠯ ᠲᠣᠬᠤᠯᠭᠠ ᠲᠡᠮᠦᠷ ᠬᠠᠭᠠᠨ ᠾᠢᠵᠢᠷ ᠲᠣᠭᠠᠯᠠᠯ ᠤᠨ764 ᠣᠨ ᠳᠤ ᠨᠠᠰᠣ ᠪᠠᠷᠠᠪᠠ ᠭᠡᠵᠡᠢ᠃ | ᠮᠣᠩᠭᠤᠯᠴᠣᠳ ᠤᠨ ᠣᠯᠠᠮᠵᠢᠯᠠᠯ ᠶᠠᠷᠢᠶᠠ ᠪᠠᠷ ᠲᠣᠬᠤᠯᠭᠠ ᠲᠡᠮᠦᠷ ᠬᠠᠭᠠᠨ ᠠᠷᠪᠠᠨ ᠵᠢᠷᠭᠤᠭᠠᠨ ᠨᠠᠰᠣᠳᠠᠢ ᠪᠠᠶᠢᠬᠤ | ᠳᠤ ᠡᠮᠢᠷ ᠪᠣᠷᠣᠯᠵᠢ ᠲᠡᠭᠦᠨ ᠢ ᠬᠠᠯᠢᠮᠠᠭ ᠣᠯᠣᠰ ᠠᠴᠠ ᠡᠷᠢᠨ ᠠᠪᠴᠢᠷᠠᠵᠣ ᠬᠠᠭᠠᠨ ᠰᠠᠭᠤᠯᠭᠠᠭᠰᠠᠨ ᠬᠡᠷᠡᠭ ᠢ | ᠨᠢᠭᠡᠨᠳᠡ ᠶᠠᠷᠢᠵᠣ ᠦᠩᠭᠡᠷᠡᠪᠡ᠃ ᠲᠣᠬᠤᠯᠭᠠ ᠲᠡᠮᠦᠷ ᠬᠠᠭᠠᠨ ᠠᠷᠪᠠᠨ ᠵᠢᠷᠭᠤᠭᠠᠨ ᠨᠠᠰᠣᠳᠠᠢ ᠬᠠᠭᠠᠨ ᠰᠠᠭᠤᠵᠣ᠂ | ᠬᠤᠷᠢᠨ ᠲᠦᠷᠪᠡᠳᠡᠢ ᠢᠰᠯᠠᠮ ᠱᠠᠰᠢᠨ ᠰᠢᠳᠦᠨ᠂ ᠭᠤᠴᠢᠨ ᠲᠦᠷᠪᠡᠨ ᠨᠠᠰᠣᠳᠠᠢ ᠨᠠᠰᠣ ᠪᠠᠷᠠᠵᠠᠢ᠃ ᠲᠡᠷᠡ ᠾᠢᠵᠢᠷ | ᠲᠣᠭᠠᠯᠠᠯ ᠤᠨ730 ᠣᠨ ᠳᠤ ᠮᠡᠨᠳᠦᠯᠡᠪᠠ᠃ | ᠲᠣᠰ ᠪᠦᠯᠦᠭ ᠤᠨ ᠲᠠᠶᠢᠯᠪᠣᠷᠢ | ① ᠡᠨᠡᠬᠦ ᠪᠠᠳᠠᠭ ᠦᠭᠡ ᠨᠢ ᠣᠣᠯ ᠨᠣᠮ ᠳᠤ ᠪᠣᠯ ᠵᠠᠰᠠᠭ ᠶᠣᠰᠣᠭᠠᠷ ᠲᠡᠭᠦᠨ ᠢ ᠰᠢᠭᠦᠨ ᠰᠢᠢᠳᠭᠡᠪᠡ ᠭᠡᠳᠡᠭ ᠦᠭᠡ | ᠪᠠᠶᠢᠵᠠᠢ᠃ ᠵᠠᠰᠠᠭ ᠭᠡᠳᠡᠭ ᠨᠢ ᠬᠡᠯᠡᠯᠭᠡᠨ ᠦᠭᠡᠢ ᠴᠢᠩᠬᠢᠰ ᠬᠠᠭᠠᠨ ᠤ ᠦᠶᠡ ᠠᠴᠠ ᠣᠯᠠᠮᠵᠢᠯᠠᠨ ᠢᠷᠡᠭᠰᠡᠨ ᠶᠡᠭᠡ | ᠵᠠᠰᠠᠭ — ᠴᠠᠭᠠᠵᠠ ᠬᠠᠣᠯᠢ ᠶᠢ ᠵᠢᠭᠠᠵᠣ ᠪᠠᠶᠢᠨᠠ᠃ ᠵᠠᠰᠠᠭ ᠶᠣᠰᠣᠭᠠᠷ ᠰᠢᠢᠳᠭᠡᠪᠡ ᠭᠡᠳᠡᠭ ᠨᠢ ᠡᠨᠡᠬᠦ ᠴᠠᠭᠠᠵᠠ | ᠬᠠᠣᠯᠢ ᠶᠢᠨ ᠵᠣᠷᠪᠣᠰ ᠶᠣᠰᠣᠭᠠᠷ ᠲᠡᠭᠦᠨ ᠢ ᠰᠢᠭᠦᠨ ᠰᠢᠢᠳᠭᠡᠭᠰᠡᠨ ᠠᠵᠠᠢ᠃ ᠵᠠᠰᠠᠭ ᠭᠡᠳᠡᠭ ᠦᠭᠡ ᠨᠢ ᠲᠦᠷᠺ | ᠬᠡᠯᠡᠨ ᠳᠤ ᠣᠷᠣᠵᠣ ᠪᠠᠰᠠ ᠶᠠᠰᠠᠭ ᠭᠡᠳᠡᠭ ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ ᠬᠤᠵᠢᠮ ᠪᠠᠰᠠ ᠲᠣᠷᠠ ᠭᠡᠳᠡᠭ ᠪᠣᠯᠵᠠᠢ᠃ | ᠲᠣᠷᠠ ᠭᠡᠳᠡᠭ ᠦᠭᠡ ︽ᠪᠠᠪᠣᠷ ᠤᠨ ᠲᠣᠷᠠᠰᠣᠮᠵᠢ︾ ᠭᠡᠳᠡᠭ ᠨᠣᠮ ᠳᠤ ᠦᠷᠬᠦᠯᠵᠢ ᠲᠣᠬᠢᠶᠠᠯᠳᠣᠬᠤ ᠶᠣᠮ᠃ | ᠧᠰᠺᠢᠨ ᠲᠡᠭᠦᠨ ᠢ ᠴᠢᠩᠬᠢᠰ ᠬᠠᠭᠠᠨ ᠤ ᠬᠠᠣᠯᠢ ᠭᠡᠵᠦ ᠣᠷᠴᠢᠭᠤᠯᠵᠠᠢ᠃ ᠭᠡᠪᠡᠴᠦ ᠲᠠᠶᠢᠯᠪᠣᠷᠢᠯᠠᠬᠤ ᠲᠠᠭᠠᠨ | ᠬᠡᠯᠡᠭᠰᠡᠨ ᠨᠢ ᠬᠡᠳᠦᠶᠢᠪᠡᠷ ᠮᠣᠩᠭᠤᠯᠴᠣᠳ ᠤᠨ ᠲᠣᠮᠳᠠ ᠵᠠᠰᠠᠭ ᠭᠡᠵᠦ ᠬᠠᠳᠠᠭᠤ ᠴᠢᠩᠭᠠ ᠪᠠᠷ ᠵᠢᠷᠣᠮᠯᠠᠨ ᠰᠠᠬᠢᠵᠣ | ᠪᠠᠶᠢᠭᠰᠠᠨ ᠪᠣᠯᠪᠠᠴᠣ ᠲᠡᠷᠡ ᠨᠢ ᠨᠣᠮ ᠪᠣᠯᠵᠣ ᠨᠡᠶᠢᠳᠡᠯᠡᠨ ᠲᠠᠷᠬᠠᠭᠠᠭᠳᠠᠭᠰᠠᠨ ᠦᠭᠡᠢ ᠪᠠᠶᠢᠵᠠᠢ ᠭᠡᠪᠡ᠃ ᠪᠠᠪᠣᠷ ᠤᠨ | ᠦᠶᠡ ᠬᠦᠷᠳᠡᠯᠡ ᠲᠡᠭᠦᠨ ᠢ ᠮᠠᠰᠢ ᠴᠢᠩᠭᠠ ᠵᠢᠷᠣᠮᠯᠠᠨ ᠰᠠᠬᠢᠵᠣ ᠪᠠᠶᠢᠭᠰᠠᠨ ᠪᠣᠯᠪᠠᠴᠣ ᠨᠢᠭᠡᠨᠳᠡ ︽ᠺᠣᠷᠠᠨ ᠰᠣᠳᠣᠷ︾ | ᠤᠨ ᠠᠭᠤᠯᠭᠠ ᠲᠠᠢ ᠭᠡᠳᠦ ᠰᠦᠷᠡᠬᠡᠢ ᠵᠦᠷᠢᠴᠡᠯ ᠲᠠᠢ ᠪᠣᠯᠵᠣ᠂ ᠢᠳᠡᠭ ᠢᠳᠡᠭ ᠢᠶᠠᠷ ᠵᠢᠷᠣᠮᠯᠠᠭᠳᠠᠬᠤ ᠦᠭᠡᠢ | ᠪᠣᠯᠵᠣ ᠪᠠᠶᠢᠪᠠ ᠭᠡᠵᠡᠢ᠃ ᠲᠣᠷᠠ ᠨᠢ ᠠᠷᠠᠪ ᠬᠡᠯᠡᠨ ᠳᠤ ᠮᠦᠨ ᠵᠠᠰᠠᠭ ᠭᠡᠳᠡᠭ ᠲᠠᠢ ᠲᠡᠩᠴᠡᠭᠦ ᠣᠳᠬᠠ ᠲᠠᠢ ᠦᠭᠡ | ᠪᠣᠯᠣᠨᠠ᠃ | ② ᠮᠢᠷᠽᠠ · ᠬᠠᠶᠢᠳᠠᠷ ᠠᠳᠡ ᠲᠡᠮᠦᠷ ᠪᠠ ᠬᠤᠰᠢᠨ ᠤ ᠬᠦᠮᠦᠰ ᠤᠨ ᠰᠡᠳᠬᠢᠯ ᠢ ᠲᠠᠲᠠᠮᠠ ᠭᠡᠨᠡᠨ ᠠᠵᠢᠯᠯᠠᠭᠠ ᠶᠢ | ᠪᠦᠷ ᠬᠠᠰᠣᠨ ᠬᠠᠶᠠᠵᠠᠢ᠃ ︽ᠲᠡᠮᠦᠷ ᠤᠨ ᠲᠠᠶᠢᠨ ᠤ ᠭᠠᠪᠢᠶᠠ ᠶᠢᠨ ᠲᠡᠮᠳᠡᠭᠯᠡᠯ︾ ᠨᠣᠮ ᠳᠤ ᠲᠡᠮᠳᠡᠭᠯᠡᠭᠰᠡᠨ ᠢᠶᠠᠷ | ᠪᠣᠯ ᠲᠡᠮᠦᠷ ᠶᠠᠭᠠᠬᠢᠵᠣ ᠬᠢᠸᠠ ︵ᠦᠨᠡᠨᠳᠡᠭᠡᠨ ᠾᠢᠸᠠ ᠭᠡᠵᠦ ᠪᠢᠢᠴᠢᠪᠡᠯ ᠲᠠᠭᠠᠷᠠᠨᠠ᠂ ᠲᠡᠭᠦᠨ ᠤ ᠯᠠᠲ᠋ᠢᠨ ᠭᠠᠯᠢᠭ | ᠨᠢKhiva ᠪᠣᠯᠣᠨᠠ — ᠮᠣᠩᠭᠤᠯᠴᠢᠯᠠᠭᠴᠢ ᠠᠴᠠ︶ ᠶᠢᠨ ᠡᠯᠡᠰᠦ ᠮᠠᠩᠬᠠᠨ ᠳᠤ ᠲᠡᠨᠦᠭᠦᠴᠢᠯᠡᠵᠦ᠂ ᠮᠠᠰᠢ | ᠣᠳᠠᠭᠠᠨ ᠡᠳᠦᠷ ᠪᠣᠯᠣᠭᠰᠠᠨ ᠤ ᠲᠠᠷᠠᠭᠠ ᠰᠠᠶ᠋ᠢ ᠶᠠᠭᠠᠬᠢᠵᠣ ᠰᠠᠬᠢᠵ ᠪᠣᠯᠠᠭ ᠤᠨ ᠲᠡᠨᠳᠡ ᠬᠤᠰᠢᠨ ᠲᠠᠢ | ᠠᠭᠤᠯᠵᠠᠭᠰᠠᠨ᠂ ᠲᠡᠳᠡ ᠬᠤᠶᠠᠭᠤᠯᠠ ᠶᠠᠭᠠᠬᠢᠵᠣ ᠬᠢᠸᠠ ᠳᠤ ᠣᠷᠣᠭᠰᠠᠨ᠂ ᠬᠢᠸᠠ ᠶᠢᠨ ᠵᠠᠬᠢᠷᠣᠭᠴᠢ ᠵᠠᠾᠢᠷ | ᠶᠠᠭᠠᠬᠢᠵᠣ ᠠᠷᠭᠠ ᠭᠠᠷᠭᠠᠨ ᠲᠡᠳᠡ ᠬᠤᠶᠠᠭᠤᠯᠠ ᠶᠢ ᠪᠠᠷᠢᠪᠴᠢᠯᠠᠬᠤ ᠪᠠᠷ ᠣᠷᠣᠯᠳᠣᠭᠰᠠᠨ᠂ ᠲᠡᠳᠡ ᠬᠤᠶᠠᠭᠤᠯᠠ | ᠶᠠᠭᠠᠬᠢᠵᠣ ᠲᠡᠭᠦᠨ ᠤ ᠣᠷᠣᠯᠳᠣᠯᠭᠠ ᠶᠢ ᠨᠢᠴᠣᠭᠠᠭᠰᠠᠨ᠂ ᠲᠡᠳᠡ ᠬᠤᠶᠠᠭᠤᠯᠠ ᠲᠠᠬᠢᠨ ᠶᠠᠭᠠᠬᠢᠵᠣ ᠬᠢᠸᠠ ᠶᠢᠨ | ᠡᠯᠡᠰᠦ ᠮᠠᠩᠬᠠᠨ ᠳᠤ ᠵᠠᠶᠢᠯᠠᠨ ᠣᠷᠣᠭᠰᠠᠨ᠂ ᠡᠨᠡᠬᠦ ᠡᠯᠡᠰᠦ ᠮᠠᠩᠬᠠᠨ ᠳᠤ ᠲᠡᠳᠡ ᠬᠤᠶᠠᠭᠤᠯᠠ ᠶᠢᠨ ᠲᠣᠭᠤᠯᠣᠭᠰᠠᠨ | ᠬᠦᠴᠢᠷ ᠪᠡᠷᠭᠡᠰᠢᠶᠡᠯ᠂ ᠬᠤᠵᠢᠮ ᠶᠠᠭᠠᠬᠢᠵᠣ ᠲᠡᠳᠡ ᠬᠤᠶᠠᠭᠤᠯᠠ ᠶᠢ ᠲᠠᠭᠠᠬᠤ ᠲᠣᠷᠠᠳᠠᠢ ᠴᠦᠬᠡᠨ ᠬᠦᠮᠦᠨ ᠲᠠᠢ | ᠴᠡᠷᠢᠭ ᠠᠩᠬᠢ ᠪᠣᠢ ᠪᠣᠯᠣᠭᠰᠠᠨ ᠵᠡᠷᠭᠡ ᠲᠡᠮᠦᠷ ᠤᠨ ᠭᠡᠨᠡᠨ ᠦᠩᠭᠡᠷᠡᠯᠳᠡ ᠪᠠᠶᠢᠳᠠᠭ ᠶᠣᠮ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |