| ᠠᠷᠪᠠᠨ ᠲᠠᠪᠣᠳᠣᠭᠠᠷ ᠪᠦᠯᠦᠭ | ᠶᠠᠭ ᠡᠨᠡ ᠦᠶᠡ ᠪᠠᠷ ᠴᠠᠭᠠᠳᠠᠢ ᠶᠢᠨ ᠴᠡᠷᠢᠭ ᠰᠠᠮᠠᠷᠺᠠᠨᠳ᠋ ᠢ ᠲᠠᠶᠢᠯᠠᠷᠠ ᠬᠦᠷᠪᠡ᠃ ᠲᠣᠬᠠᠢ ᠶᠢᠨ ᠦᠶᠡ ᠳᠤ | ᠰᠠᠮᠠᠷᠺᠠᠨᠳ᠋ ᠬᠤᠳᠠᠨ ᠳᠤ ᠬᠤᠳᠠ ᠬᠠᠮᠠᠭᠠᠯᠠᠬᠤ ᠴᠠᠶᠢᠵᠠ ᠪᠠᠬᠢᠯᠡᠯᠳᠡ ᠭᠡᠵᠦ ᠪᠠᠶᠢᠭᠤᠯᠣᠭᠰᠠᠨ ᠦᠭᠡᠢ ᠪᠠᠶᠢᠵᠠᠢ᠃ | ᠭᠡᠪᠡᠴᠦ ᠬᠤᠳᠠ ᠶᠢᠨ ᠢᠷᠭᠡᠳ ᠶᠡᠭᠡ ᠮᠠᠣᠯᠠ · ᠽᠠᠳᠠ · ᠰᠠᠮᠠᠷᠺᠠᠨᠳᠢ ᠪᠣᠯᠣᠨ ᠶᠡᠭᠡ ᠮᠠᠣᠯᠠ · ᠬᠠᠷᠳᠠᠺ · ᠪᠦᠬᠠᠷᠢ | ᠵᠢᠴᠢ ᠠᠪᠣᠯ · ᠨᠠᠰᠢᠷ · ᠬᠤᠷᠢ · ᠨᠠᠳᠠᠺ ᠶᠢᠨ ᠣᠳᠣᠷᠢᠳᠣᠯᠭᠠ ᠪᠠ ᠬᠦᠬᠢᠬᠦᠯᠡᠯ ᠲᠣᠣᠷᠠ ︵ᠬᠦᠮᠦᠨ ᠤ ᠨᠡᠷᠡ ᠶᠢᠨ | ᠲᠣᠣᠷᠠ ᠬᠡᠷᠪᠡ ᠭᠠᠵᠠᠷ ᠤᠨ ᠨᠡᠷᠡ ᠶᠢ ᠲᠠᠭᠠᠭᠤᠯᠣᠨ ᠶᠠᠮᠠᠷ ᠶᠠᠮᠠᠷ ︽ ᠢ︾ ᠶᠢ ᠵᠠᠯᠭᠠᠨ ᠪᠢᠴᠢᠪᠡᠯ ᠲᠠᠷᠣᠢ ᠡᠨᠡ | ᠭᠠᠵᠠᠷ ᠤᠨ ᠬᠦᠮᠦᠨ ᠭᠡᠳᠡᠭ ᠣᠳᠬᠠ ᠲᠠᠢ ᠬᠦᠮᠦᠨ ᠤ ᠨᠡᠷᠡ ᠦᠭᠡ ᠡᠭᠦᠰᠦᠨᠡ᠃ ᠡᠶᠢᠮᠦ ᠠᠴᠠ ᠰᠠᠮᠠᠷᠺᠠᠨᠳᠢ ᠭᠡᠪᠡᠯ | ᠰᠠᠮᠠᠺᠠᠨᠳ᠋ ᠶᠢᠨ ᠬᠦᠮᠦᠨ᠂ ᠪᠦᠬᠠᠷᠢ ᠭᠡᠪᠡᠯ ᠪᠦᠬᠠᠷᠠ ᠶᠢᠨ ᠬᠦᠮᠦᠨ ᠭᠡᠳᠡᠭ ᠣᠳᠬᠠ ᠲᠠᠢ ᠲᠣᠲᠣᠳᠬᠠᠯ ᠨᠡᠷᠡ | ᠪᠣᠯᠣᠨᠠ — ᠮᠣᠩᠭᠤᠯᠴᠢᠯᠠᠭᠴᠢ ᠠᠴᠠ︶᠂ ᠬᠦᠮᠦᠨ ᠢ ᠰᠣᠴᠢᠭᠠᠮᠠ ᠡᠷᠡᠯᠬᠡᠭ ᠪᠠᠭᠠᠳᠣᠷᠯᠢᠭ ᠢᠶᠠᠷ ᠬᠤᠳᠠ ᠪᠠᠨ | ᠬᠠᠮᠠᠭᠠᠯᠠᠨ ᠲᠠᠶᠢᠰᠣᠨ ᠢ ᠡᠰᠡᠷᠭᠦᠴᠡᠨ ᠪᠠᠶᠢᠯᠳᠣᠵᠠᠢ᠃ ᠲᠡᠳᠡ ᠬᠡᠳᠦᠶᠢᠪᠡᠷ ᠡᠵᠡᠨ ᠬᠠᠭᠠᠨ ᠦᠭᠡᠢ ᠪᠣᠯᠪᠠᠴᠣ᠂ | ᠬᠤᠳᠠ ᠪᠦᠰᠡᠯᠡᠵᠦ ᠪᠠᠶᠢᠭᠠ ᠲᠠᠶᠢᠰᠣᠨ ᠢ ᠬᠤᠳᠠᠨ ᠲᠠᠭᠠᠨ ᠣᠶᠢᠷᠠᠳᠣᠭᠤᠯᠬᠤ ᠦᠭᠡᠢ ᠲᠡᠮᠡᠴᠡᠨ ᠪᠠᠶᠢᠯᠳᠣᠪᠠ᠃ | ᠲᠡᠳᠡ ᠬᠤᠳᠠ ᠪᠠᠨ ᠬᠠᠮᠠᠭᠠᠯᠠᠨ ᠴᠠᠭᠠᠳᠠᠢ ᠬᠦᠮᠦᠰ ᠤᠨ ᠲᠡᠭᠡᠷᠡᠮᠳᠡᠯᠭᠡ ᠶᠢ ᠬᠤᠷᠢᠭᠯᠠᠬᠤ ᠶᠢᠨ ᠲᠦᠯᠦᠭᠡ ᠡᠳᠦᠷ | ᠰᠦᠨᠢ ᠢᠯᠭᠠᠯ ᠦᠭᠡᠢ ᠪᠠᠶᠢᠯᠳᠣᠭᠰᠠᠭᠠᠷ ᠪᠠᠶᠢᠵᠣ ᠡᠴᠦᠰ ᠲᠡᠭᠡᠨ ᠴᠢᠳᠠᠯ ᠬᠦᠴᠦᠨ ᠮᠡᠭᠦᠰᠳᠡᠵᠦ᠂ ᠦᠵᠡᠳᠡᠯᠡ | ᠬᠤᠳᠠ ᠠᠪᠳᠠᠬᠤ ᠪᠣᠯᠵᠣ ᠪᠠᠶᠢᠳᠠᠯᠠ ᠠᠯᠯᠠᠾ ᠲᠡᠭᠷᠢ ᠲᠡᠳᠡᠨᠡᠷ ᠲᠤ ᠲᠣᠰᠠᠯᠠᠨ᠂ ᠴᠠᠭᠠᠳᠠᠢ ᠴᠡᠷᠢᠭ ᠤᠨ ᠮᠣᠷᠢᠳ ᠲᠤ | ᠶᠡᠭᠡ ᠬᠢᠵᠢᠭ ᠲᠡᠯᠭᠡᠷᠡᠨ᠂ ᠴᠡᠷᠢᠭ ᠤᠨ ᠠᠭᠳᠠ ᠶᠢᠨ ᠲᠦᠷᠪᠡᠨ ᠤ ᠭᠤᠷᠪᠠ ᠨᠢ ᠦᠬᠦᠵᠦ ᠬᠤᠷᠣᠭᠳᠠᠪᠠ᠃ ᠡᠶᠢᠮᠦ | ᠠᠴᠠ ᠲᠠᠶᠢᠰᠣᠨ ᠬᠤᠳᠠ ᠶᠢᠨ ᠪᠦᠰᠡᠯᠡᠯᠳᠡ ᠪᠠᠨ ᠲᠠᠶᠢᠯᠠᠵᠣ ᠣᠬᠤᠷᠢᠨ ᠶᠠᠪᠣᠬᠤ ᠯᠠ ᠬᠡᠷᠡᠭᠳᠡᠢ ᠪᠣᠯᠵᠠᠢ᠃ ᠲᠡᠳᠡᠨ ᠤ | ᠣᠯᠠᠩᠬᠢ ᠨᠢ ᠠᠭᠳᠠ ᠦᠭᠡᠢ ᠪᠣᠯᠬᠤᠷ ᠠᠷᠭᠠ ᠦᠭᠡᠢ ᠪᠦᠷ ᠶᠠᠪᠠᠭᠠᠨ ᠢᠶᠠᠷ ᠣᠯᠣᠰ ᠲᠠᠭᠠᠨ ᠪᠣᠴᠠᠬᠤ ᠵᠠᠮ ᠳᠠᠭᠠᠨ | ᠣᠷᠣᠪᠠ᠃ ᠰᠠᠮᠠᠷᠺᠠᠨᠳ᠋ ᠬᠦᠮᠦᠨ ᠡᠶᠢᠮᠦᠷᠬᠦ ᠡᠷᠡᠯᠬᠡᠭ ᠪᠠᠭᠠᠳᠣᠷᠯᠢᠭ ᠢᠶᠠᠷ ᠲᠠᠶᠢᠰᠣᠨ ᠲᠠᠢ ᠲᠣᠯᠣᠯᠴᠠᠭᠰᠠᠨ ᠤ ᠦᠷᠡ | ᠳ᠋ᠦᠩ ᠳᠤ ᠵᠠᠷᠢᠮ ᠬᠤᠳᠠ ᠶᠢᠨ ᠡᠷᠬᠡ ᠬᠦᠴᠦᠳᠡᠨ ᠨᠦᠭᠦᠳ ᠰᠠᠭᠰᠠᠭᠤᠷᠠᠨ ᠡᠬᠢᠯᠡᠵᠦ᠂ ᠬᠤᠳᠠ ᠳᠣᠳᠣᠷᠠ | ᠣᠷᠪᠠᠯᠭᠠᠨ ᠬᠤᠪᠢᠰᠣᠯ ᠡᠭᠦᠰᠭᠡᠨ᠂ ᠦᠪᠡᠷ ᠤᠨ ᠪᠡᠶᠡ ᠪᠠᠨ ᠡᠵᠡᠨ ᠬᠠᠭᠠᠨ ᠪᠣᠯᠭᠠᠬᠤ ᠪᠠᠷ ᠣᠷᠣᠯᠳᠣᠪᠠ᠃ | ᠴᠠᠭᠠᠳᠠᠢ ᠶᠢᠨ ᠴᠡᠷᠢᠭ ᠣᠬᠤᠷᠢᠬᠤ ᠦᠶᠡ ᠳᠤ᠂ ᠡᠮᠢᠷ ᠲᠡᠮᠦᠷ ᠤᠨ ᠠᠯᠢ ᠡᠷᠳᠡ ᠺᠦᠷᠤᠬᠠ ︵ᠲᠠᠮᠦᠷ ᠬᠠᠭᠠᠯᠭᠠ︶ | ᠳᠤ ᠲᠣᠮᠢᠯᠠᠨ ᠣᠴᠢᠭᠤᠯᠣᠨ᠂ ᠴᠠᠭᠠᠳᠠᠢ ᠶᠢᠨ ᠴᠡᠷᠢᠭ ᠤᠨ ᠮᠡᠳᠡᠭᠡ ᠶᠢ ᠲᠠᠩᠨᠠᠵᠣ ᠪᠠᠶᠢᠭᠰᠠᠨ ᠠᠭᠠᠰ · ᠪᠠᠭᠠᠳᠣᠷ | ᠲᠡᠭᠡᠷᠡ ᠦᠬᠦᠯᠡᠭᠰᠡᠨ ᠬᠡᠷᠡᠭ — ᠴᠠᠭᠠᠳᠠᠢ ᠶᠢᠨ ᠴᠡᠷᠢᠭ ᠤᠨ ᠰᠢᠪᠰᠢᠭᠳᠡᠢ ᠪᠠᠷ ᠣᠬᠤᠷᠢᠨ ᠪᠣᠷᠣᠭᠤᠯᠠᠭᠰᠠᠨ ᠴᠢᠮᠡᠭᠡ | ᠶᠢ ᠣᠯᠣᠭᠠᠳ ᠬᠦᠮᠦᠨ ᠲᠣᠮᠢᠯᠠᠨ ᠡᠮᠢᠷ ᠬᠤᠰᠢᠨ ᠳᠤ ᠦᠨᠡᠨ ᠪᠠᠶᠢᠳᠠᠯ ᠢ ᠮᠡᠳᠡᠭᠳᠡᠨ᠂ ᠲᠡᠭᠦᠨ ᠢ ᠲᠦᠷᠭᠡᠨ | ᠬᠦᠳᠡᠯᠵᠦ ᠴᠠᠭᠠᠳᠠᠢ ᠶᠢᠨ ᠣᠯᠣᠰ ᠵᠦᠭ ᠲᠤ ᠲᠠᠭᠠᠷᠢᠳᠣᠭᠠᠢ ᠬᠡᠮᠡᠨ ᠢᠳᠬᠠᠪᠠ᠃ ᠡᠮᠢᠷ ᠬᠤᠰᠢᠨ ᠡᠨᠡᠬᠦ ᠮᠡᠳᠡᠭᠡ ᠶᠢ | ᠣᠯᠣᠭᠠᠳ ᠲᠣᠩ ᠪᠠᠶᠠᠷᠯᠠᠵᠣ᠂ ᠲᠡᠷᠡ ᠲᠣᠣᠷᠠ ᠪᠠᠨ ᠬᠦᠳᠡᠯᠵᠦ ᠰᠢᠪᠠᠷᠲᠣ ᠠᠴᠠ ᠭᠠᠷᠴᠣ ᠰᠠᠷᠢ · ᠰᠠᠷᠠᠢ ᠳᠤ | ᠪᠣᠴᠠᠨ ᠢᠷᠡᠪᠡ᠃ ᠡᠮᠢᠷ ᠲᠡᠮᠦᠷ ᠨᠢᠭᠡᠨᠳᠡ ᠭᠤᠣᠯ ᠭᠠᠳᠣᠯᠣᠨ ᠭᠠᠷᠣᠭᠠᠳ ᠪᠠᠶᠢᠭᠰᠠᠨ ᠭᠡᠷ ᠬᠤᠳᠠᠯᠠᠭᠠᠷ ᠢᠶᠠᠨ | ᠨᠣᠳᠤᠭ ᠲᠠᠭᠠᠨ ᠪᠣᠴᠠᠭᠠᠨ᠂ ᠲᠡᠷᠡ ᠴᠦ ᠪᠠᠭᠯᠠᠨ ᠲᠠᠯᠠ ᠳᠤ ᠢᠷᠡᠵᠦ᠂ ᠡᠮᠢᠷ ᠬᠤᠰᠢᠨ ᠲᠠᠢ ᠬᠠᠷᠢᠯᠴᠠᠨ ᠵᠣᠯᠭᠠᠪᠠ᠃ | ᠲᠡᠳᠡ ᠬᠤᠶᠠᠭᠤᠯᠠ ᠬᠠᠮᠤᠭ ᠶᠡᠭᠡ ᠬᠦᠨᠳᠦᠳᠭᠡᠯ ᠲᠠᠢ ᠪᠠᠷ ᠲᠡᠪᠡᠷᠢᠯᠳᠣᠨ ᠠᠭᠤᠯᠵᠠᠵᠠᠢ᠃ ᠦᠩᠭᠡᠷᠡᠭᠰᠡᠨ | ᠢᠷᠡᠭᠡᠳᠦᠢ ᠪᠠᠨ ᠲᠡᠯᠭᠡᠨ ᠶᠠᠷᠢᠯᠴᠠᠵᠣ᠂ ᠬᠤᠵᠢᠮ ᠤᠨ ᠲᠦᠯᠦᠪᠯᠡᠭᠡ ᠪᠠᠨ ᠲᠣᠭᠳᠠᠭᠠᠨ ᠬᠠᠮᠤᠭ ᠡᠴᠦᠰ ᠤᠨ | ᠰᠢᠢᠳᠪᠦᠷᠢ ᠪᠠᠨ ᠭᠠᠷᠭᠠᠵᠠᠢ᠃ ᠢᠷᠡᠬᠦ ᠵᠢᠯ ᠤᠨ ᠬᠠᠪᠣᠷ ᠪᠣᠯᠣᠭᠰᠠᠭᠠᠷ ᠲᠡᠳᠡ ᠬᠤᠶᠠᠭᠤᠯᠠ ᠬᠠᠮᠳᠣ ᠪᠠᠷ ᠰᠠᠮᠠᠷᠺᠠᠨᠳ᠋ | ᠬᠦᠷᠬᠦ ᠪᠠᠷ ᠪᠣᠯᠪᠠ᠃ ᠢᠩᠬᠢᠭᠡᠳ ᠡᠮᠢᠷ ᠲᠡᠮᠦᠷ ᠪᠣᠴᠠᠨ ᠢᠷᠡᠵᠦ᠂ ᠵᠧᠬᠤᠨ ᠭᠤᠣᠯ ᠢ ᠭᠠᠳᠣᠯᠣᠨ᠂ ᠬᠠᠷᠰᠢ | ᠬᠤᠳᠠᠨ ︵ᠬᠠᠷᠰᠢ ᠬᠤᠳᠠ ᠪᠣᠯ ᠲᠣᠮᠳᠠᠳᠣ ᠠᠽᠢ ᠳᠤ ᠣᠷᠣᠭᠰᠠᠨ ᠴᠠᠭᠠᠳᠠᠢ ᠶᠢᠨ ᠬᠤᠶᠢᠴᠢᠰ ᠤᠨ ᠬᠠᠭᠠᠳ — | ᠬᠡᠪᠡᠭ ᠬᠠᠭᠠᠨ ᠤ ᠪᠠᠶᠢᠭᠤᠯᠣᠭᠰᠠᠨ ᠴᠣᠷ ᠤᠨ ᠭᠠᠭᠴᠠ ᠮᠣᠩᠭᠤᠯ ᠨᠡᠷᠡ ᠲᠠᠢ ᠮᠣᠩᠭᠤᠯ ᠬᠤᠳᠠ ᠪᠣᠯᠬᠤ ᠶᠣᠮ — | ᠮᠣᠩᠭᠤᠯᠴᠢᠯᠠᠭᠴᠢ ᠠᠴᠠ︶ ᠳᠤ ᠴᠡᠷᠢᠭ ᠤᠨ ᠬᠦᠷᠢᠶᠡ ᠪᠠᠭᠤᠪᠠ᠃ ᠡᠨᠡ ᠬᠤᠳᠠ ᠶᠢ ᠬᠠᠷᠰᠢ ᠬᠤᠳᠠ ᠭᠡᠳᠡᠭ ᠨᠢ | ᠬᠡᠪᠡᠭ ᠬᠠᠭᠠᠨ ᠠᠳᠡ ᠦᠪᠡᠷ ᠤᠨ ᠬᠠᠭᠠᠨ ᠣᠷᠳᠣ ᠪᠠᠨ ᠪᠠᠶᠢᠭᠤᠯᠣᠭᠰᠠᠨ ᠠᠴᠠ ᠪᠣᠯᠵᠠᠢ᠃ ᠮᠣᠩᠭᠤᠯ ᠬᠡᠯᠡᠨ ᠳᠤ | ᠬᠠᠷᠰᠢ ᠪᠣᠯ ᠣᠷᠳᠣᠨ ᠭᠡᠳᠡᠭ ᠣᠳᠬᠠ ᠲᠠᠢ ᠦᠭᠡ ᠠᠵᠠᠢ᠃ | ᠡᠮᠢᠷ ᠲᠡᠮᠦᠷ ᠠᠳᠡ ᠡᠪᠦᠯᠵᠢᠨ᠂ ᠲᠡᠷᠡ ᠵᠠᠷᠯᠢᠭ ᠪᠠᠭᠤᠯᠭᠠᠨ ᠲᠡᠨᠳᠡ ᠨᠢᠭᠡᠨ ᠴᠠᠶᠢᠵᠠ ︵ᠾᠢᠽᠠᠷ︶ ᠪᠠᠶᠢᠭᠤᠯᠵᠠᠢ᠃ | ᠲᠣᠰ ᠴᠠᠶᠢᠵᠠ ᠶᠢ ᠡᠨᠡ ᠡᠪᠦᠯ ᠳᠡᠭᠡᠨ ᠪᠠᠶᠢᠭᠤᠯᠣᠨ ᠲᠡᠭᠦᠰᠪᠡ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |