ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠰᠢᠨ᠎ᠡ ᠬᠦᠳᠡᠭᠡ
︽ᠮᠤᠩᠭᠤᠯ︾᠎ ᠢ ᠲᠡᠮᠳᠡᠭᠯᠡᠭᠰᠡᠨ ᠠᠩᠬᠠᠳᠤᠭᠠᠷ ᠴᠢᠯᠠᠭᠤᠨ ᠬᠦᠰᠢᠶ᠎ᠠ ︵ᠬᠤᠶᠠᠷ︶
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/3/6
  ᠰᠢᠶᠤᠤ ᠰᠢᠩ ᠶᠠᠨ ᠪᠤᠯ ᠮᠤᠩᠭᠤᠯ ᠲᠠᠢ ᠤᠷᠳᠦ ᠬᠤᠭᠤᠴᠠᠭ᠎ᠠ ᠲᠠᠶᠢᠨ ᠬᠢᠭᠰᠡᠨ ᠵᠠᠩᠵᠤᠨ ᠪᠤᠯᠤᠨ᠎ᠠ᠃ ᠲᠡᠬᠦᠨ ᠎ ᠤ ᠤᠡᠭᠭᠤᠨ ᠤ ᠬᠦᠰᠢᠶ᠎ᠠ ᠳᠤ᠄ ︽ᠮᠤᠩᠭᠤᠯ ᠢ ᠪᠠᠶᠢᠯᠳᠤᠨ ᠢᠯᠡᠬᠤ ᠦᠬᠡᠢ ᠪᠤᠯᠬᠤᠶ᠎ᠠ ᠬᠦᠡᠭ ᠪᠠᠷ ᠶᠢᠰᠤᠨᠲᠠ ᠲᠠᠶᠢᠯᠠᠷ᠎ᠠ ᠮᠤᠷᠳᠠᠵᠦ᠂ ᠲᠠᠪᠤ ᠤᠳᠠᠭ᠎ᠠ ᠨᠢ ᠪᠡᠶ᠎ᠠ ᠪᠠᠷ ᠴᠡᠷᠢᠭ ᠲᠠᠶᠢᠴᠢᠯᠠᠭᠰᠡᠨ ᠪᠦᠯᠦᠬᠡ᠃ ᠵᠢᠳᠠ ᠶᠢᠨ ᠵᠢᠭᠠᠭᠰᠡᠨ ᠵᠦᠭ ᠲᠤ ᠦᠯᠦ ᠲᠠᠭᠠᠭᠰᠡᠳ ᠦᠬᠡᠢ ᠪᠦᠯᠦᠬᠡ᠃ ᠡᠶᠢᠨᠬᠦ ᠬᠢᠯᠢ ᠶᠢ ᠲᠤᠳᠤᠨ᠎ᠠ ᠭᠠᠳᠠᠨ᠎ᠠ ᠪᠠᠭᠠᠳᠦᠷ ᠨᠡᠷ᠎ᠡ ᠨᠢ ᠠᠯᠳᠠᠷᠰᠢᠵᠤᠬᠤᠢ᠃ ᠲᠡᠬᠦᠨ ᠤ ᠴᠢᠮᠡᠭᠡ ᠶᠢ ᠰᠤᠨᠤᠰᠣᠮᠠᠭᠴᠠ ᠨᠢᠯᠬᠠᠰ ᠬᠦᠷᠲᠠᠯ᠎ᠠ ᠠᠮᠢᠰᠬᠤᠯ ᠢᠶᠠᠨ ᠲᠤᠤᠷ᠎ᠠ ᠪᠤᠯᠭᠠᠵᠦ᠂ ᠲᠡᠯᠳᠡᠷᠬᠢᠯᠡᠨ ᠠᠯᠬᠤᠵᠦ ᠤᠬᠢᠯᠠᠬᠤ ᠪᠠᠨ ᠵᠤᠭᠰᠤᠬᠤ ᠪᠤᠯᠵᠤᠬᠤᠢ᠃ ᠲᠤᠮᠤ ᠲᠦᠷᠦᠬᠦᠦ ᠶᠡᠭᠡ ᠦᠰᠢᠶᠡᠲᠡᠨ ᠬᠡᠷᠬᠢᠨ ᠬᠠᠯᠳᠠᠵᠦ ᠴᠢᠳᠠᠮᠤᠢ︕︾ ᠬᠡᠵᠦ ᠲᠡᠮᠳᠡᠭᠯᠡᠵᠦ ᠪᠤᠢ᠃   ᠲᠠᠩ ᠤᠯᠤᠰ ᠤᠨ ᠬᠢᠨ ᠮᠤᠩᠭᠤᠯ ᠢ ᠲᠠᠲ᠋ᠠᠷ ᠬᠡᠳᠡᠭ᠃ ᠡᠶᠢᠮᠦ ᠠᠴᠠ ᠲᠠᠩ ᠤᠯᠤᠰ ᠤᠨ ᠦᠶ᠎ᠠ ᠳᠤ ᠭᠤᠪᠢ ᠎ ᠶᠢᠨ ᠠᠷᠦ ᠳᠤ ᠪᠤᠰᠬᠠᠭᠰᠡᠨ ︽ᠲᠦᠷᠺ ᠦᠰᠦᠭ ᠤᠨ ᠬᠦᠰᠢᠶ᠎ᠠ︾᠎ ᠳᠤ ᠮᠤᠩᠭᠤᠯ ᠢ ︽ᠲᠠᠲ᠋ᠠᠷ︾ ᠬᠡᠮᠡᠨ ᠲᠡᠮᠳᠡᠭᠯᠡᠵᠦ ᠬᠠᠷᠢᠨ ︽ᠮᠤᠩᠭᠤᠯ︾ ᠬᠡᠮᠡᠨ ᠲᠡᠮᠳᠡᠭᠯᠡᠭᠰᠡᠨ ᠦᠬᠡᠢ ᠪᠢᠯᠡ᠃ ᠯᠢᠶᠤᠤ ᠤᠯᠤᠰ ᠪᠤᠯᠤᠨ ᠠᠯᠲᠠᠨ ᠤᠯᠤᠰ ᠤᠨ ᠬᠢᠨ ᠮᠤᠩᠭᠤᠯ ᠢ ︽ᠽᠦᠪᠦ︾ ᠬᠡᠳᠡᠭ᠃ ᠡᠶᠢᠮᠤ ᠠᠴᠠ ᠯᠢᠶᠤᠤ ᠤᠯᠤᠰ ᠤᠨ ᠬᠦᠰᠢᠶ᠎ᠠ ᠶᠢᠨ ᠤᠯᠠᠩᠬᠢ ᠬᠦᠰᠢᠶ᠎ᠠ ᠳᠤ ᠮᠤᠩᠭᠤᠯ ᠢ ︽ᠽᠦᠪᠦ︾ ᠬᠡᠮᠡᠨ᠂ ᠵᠠᠷᠢᠮ ᠬᠦᠰᠢᠶ᠎ᠠ ᠳᠤ ︽ᠲᠠᠲ᠋ᠠᠷ︾ ᠬᠡᠮᠡᠨ ᠲᠡᠮᠳᠡᠭᠯᠡᠵᠦ ᠪᠠᠶᠢᠳᠠᠭ᠃ ᠬᠠᠷᠢᠨ ᠰᠢᠶᠤᠤ ᠰᠢᠩ ᠶᠠᠨ ᠤ ᠤᠡᠭᠭᠤᠨ ᠤ ᠬᠦᠰᠢᠶ᠎ᠠ ᠳᠤ ︽ᠮᠤᠩᠭᠤᠯ︾᠎ ᠢ ᠲᠡᠮᠳᠡᠭᠯᠡᠵᠦ ᠪᠠᠶᠢᠳᠠᠭ ᠲᠤᠯᠠ ︽ᠮᠤᠩᠭᠤᠯ︾᠎ ᠢ ᠲᠡᠮᠳᠡᠭᠯᠡᠭᠰᠡᠨ ᠠᠩᠬᠠᠳᠤᠭᠠᠷ ᠴᠢᠯᠠᠭᠤᠨ ᠬᠦᠰᠢᠶ᠎ᠠ ᠪᠠᠶᠢᠵᠦ᠂ ᠮᠤᠩᠭᠤᠯ ᠤᠨ ᠰᠤᠳᠤᠯᠭᠠᠨ ᠤ ᠦᠨ᠎ᠡ ᠦᠷᠲᠡᠭ ᠢᠶᠠᠷ ᠮᠠᠰᠢ ᠦᠨᠳᠦᠷ ᠬᠦᠰᠢᠶ᠎ᠠ ᠪᠤᠯᠤᠭᠰᠡᠨ ᠪᠠᠶᠢᠨ᠎ᠠ᠃   ︽ᠯᠢᠶᠤᠤ ᠤᠯᠤᠰ ᠤᠨ ᠲᠡᠤᠬᠡ︾᠎ ᠳᠤ᠄ ︽ᠳ᠋ᠠ ᠺᠠᠨᠭ᠌ ᠤᠨ ᠠᠷᠪᠠᠳᠤᠭᠠᠷ ᠤᠨ ︵1084 ᠤᠨ︶᠎ ᠤ ᠬᠤᠶᠠᠷ ᠰᠠᠷ᠎ᠠ ᠶᠢᠨ ᠰᠢᠨ᠎ᠡ ᠶᠢᠨ ᠨᠢᠬᠡᠨ ᠤ ᠴᠠᠭᠠᠨ ᠮᠤᠷᠢᠨ ᠡᠳᠦᠷ ᠮᠤᠩᠭᠤᠯ ᠤᠯᠤᠰ ᠤᠨ ᠡᠯᠴᠢᠨ ᠮᠠᠨ ᠤ ᠲᠦᠷᠦ ᠳᠤᠷ ᠢᠷᠡᠯᠤᠬᠡ︾ ᠬᠡᠵᠠᠢ᠃ ᠡᠨᠡ ᠪᠤᠯ ᠰᠢᠶᠤᠤ ᠰᠢᠩ ᠶᠠᠨ ᠤ ᠨᠠᠰᠦ ᠪᠠᠷᠠᠬᠤ ᠠᠴᠠ ᠭᠤᠷᠪᠠᠨ ᠵᠢᠯ ᠤᠨ ᠡᠮᠤᠨᠡᠬᠢ ᠤᠴᠢᠷ ᠪᠤᠯᠤᠨ᠎ᠠ᠃ ᠰᠢᠶᠤᠤ ᠰᠢᠩ ᠶᠠᠨ ᠤ ᠤᠡᠭᠭᠤᠨ ᠤ ᠬᠦᠰᠢᠶ᠎ᠠ ᠳᠤ ᠮᠤᠩᠭᠤᠯ ᠪᠤᠯᠤᠨ ᠯᠢᠶᠤᠤ ᠬᠤᠶᠠᠷ ᠤᠯᠤᠰ ᠤᠨ ᠨᠦᠬᠦᠷᠰᠡᠭ ᠬᠠᠷᠢᠴᠠᠭ᠎ᠠ ᠪᠠᠶᠢᠭᠤᠯᠤᠭᠰᠡᠨ ᠢ ᠰᠢᠶᠤᠤ ᠰᠢᠩ ᠶᠠᠨ ᠭᠤᠴᠢᠨ ᠲᠦᠮᠡᠨ ᠶᠡᠭᠡ ᠴᠡᠷᠢᠭ ᠲᠠᠭᠠᠭᠤᠯᠵᠦ ᠮᠤᠩᠭᠤᠯ ᠲᠠᠢ ᠶᠠᠰᠦ ᠤᠳᠠᠭ᠎ᠠ ᠲᠠᠶᠢᠨ ᠬᠢᠭᠰᠡᠨ ᠤ ᠦᠷ᠎ᠡ ᠳ᠋ᠦᠡᠭ ᠪᠤᠯᠭᠠᠨ ᠲᠡᠮᠳᠡᠭᠯᠡᠵᠠᠢ᠃ ᠲᠡᠬᠡᠬᠦ ᠳᠡᠭᠡᠨ ︽ᠲᠤᠮᠦ ᠲᠦᠷᠦᠬᠦᠦ ᠶᠡᠭᠡ ᠦᠰᠢᠶᠡᠲᠡᠨ ᠬᠡᠷᠬᠢᠨ ᠬᠠᠯᠳᠠᠵᠦ ᠴᠢᠳᠠᠬᠤ ᠠᠵᠠᠢ︾ ᠬᠡᠰᠡᠨ ᠨᠢᠬᠡ ᠦᠬᠦᠯᠡᠪᠦᠷᠢ ᠪᠠᠷ ᠢᠯᠡᠳᠬᠡᠵᠠᠢ᠃ ᠰᠢᠶᠤᠤ ᠰᠢᠩ ᠶᠠᠨ ᠤ ᠮᠤᠩᠭᠤᠯ ᠲᠠᠢ ᠬᠠᠮᠤᠭ ᠲᠦᠷᠦᠬᠦᠦ ᠲᠠᠶᠢᠨ ᠬᠢᠬᠦ ᠦᠶ᠎ᠠ ᠶᠢᠨ ᠲᠤᠰᠢᠶᠠᠯ ᠨᠢ ︽ᠭᠤᠴᠢᠨ ᠲᠦᠮᠡᠨ ᠴᠡᠷᠢᠭ ᠤᠨ ᠪᠦᠬᠦᠳᠡ ᠶᠢ ᠵᠠᠬᠢᠷᠤᠭᠴᠢ︾ ᠪᠤᠯᠤᠨ᠎ᠠ᠃ ᠡᠬᠦᠨ ᠢ ᠦᠨᠳᠦᠰᠦᠯᠡᠨ ᠲᠡᠬᠦᠨ ᠢ ᠭᠤᠴᠢᠨ ᠲᠦᠮᠡᠨ ᠴᠡᠷᠢᠭ ᠲᠠᠭᠠᠭᠤᠯᠤᠯ᠎ᠠ ᠬᠡᠮᠡᠨ ᠬᠡᠯᠡᠭᠰᠡᠨ ᠪᠠᠶᠢᠨ᠎ᠠ᠃   ︽ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ︾᠎ ᠳᠤ ᠴᠢᠩᠬᠢᠰ ᠬᠠᠭᠠᠨ ᠤ ᠠᠪᠤ ᠶᠢᠰᠤᠬᠡᠢ᠂ ᠡᠪᠦᠭᠡ ᠠᠪᠤ ᠪᠠᠷᠲᠠᠨᠪᠠᠭᠠᠳᠤᠷ᠂ ᠡᠯᠤᠨᠴᠡ ᠠᠪᠤ ᠬᠠᠪᠤᠯ ᠬᠠᠭᠠᠨ ᠤ ᠨᠡᠷ᠎ᠡ ᠶᠢ ᠲᠡᠮᠳᠡᠭᠯᠡᠵᠦ᠂ ︽ᠬᠠᠮᠤᠭ ᠮᠤᠩᠭᠤᠯ ᠢ ᠬᠠᠪᠤᠯ ᠬᠠᠭᠠᠨ ᠵᠠᠬᠢᠷᠴᠦ ᠪᠠᠶᠢᠯ᠎ᠠ︾ ᠬᠡᠵᠠᠢ᠃ ᠲᠡᠤᠬᠡ ᠰᠤᠷᠪᠤᠯᠵᠢᠰ ᠲᠤ ᠬᠠᠪᠤᠯ ᠬᠠᠭᠠᠨ ᠤ ᠨᠠᠰᠦ ᠵᠢᠯ ᠢ ᠲᠡᠮᠳᠡᠭᠯᠡᠭᠰᠡᠨ ᠦᠬᠡᠢ᠂ ᠶᠡᠭᠡ ᠲᠦᠯᠦᠪ ᠰᠢᠶᠤᠤ ᠰᠢᠩ ᠶᠠᠨ ᠤ ᠦᠶ᠎ᠡ ᠶᠢᠨ ᠬᠦᠮᠦᠨ ᠪᠤᠯᠤᠨ᠎ᠠ᠃ ᠰᠢᠶᠤᠤ ᠰᠢᠩ ᠶᠠᠨ ᠤ ᠤᠡᠭᠭᠤᠨ ᠎ ᠤ ᠬᠦᠰᠢᠶ᠎ᠠ ᠠᠴᠠ ᠬᠠᠪᠤᠯ ᠬᠠᠭᠠᠨ ᠤ ᠦᠶ᠎ᠡ ᠶᠢᠨ ᠮᠤᠩᠭᠤᠯ ᠤᠯᠤᠰ ᠨᠡᠯᠢᠶᠡᠳ ᠬᠦᠴᠦᠷᠬᠡᠭ ᠪᠠᠶᠢᠭᠰᠡᠨ ᠢ ᠤᠯᠵᠦ ᠮᠡᠳᠡᠨ᠎ᠡ᠃ ᠬᠦᠰᠢᠶ᠎ᠠ ᠳᠠᠬᠢ ︽ᠲᠤᠮᠤ ᠲᠦᠷᠦᠬᠦᠦ ᠶᠡᠭᠡ ᠦᠰᠢᠶᠡᠲᠡᠨ︾ ᠪᠤᠯ ᠲᠠᠷᠤᠢ ᠬᠠᠪᠤᠯ ᠬᠠᠭᠠᠨ ᠮᠦᠨ᠃ ᠡᠷᠲᠡᠨ ᠤ ᠦᠶ᠎ᠠ ᠳᠤ ᠮᠤᠩᠭᠤᠯᠴᠤᠳ ᠬᠢᠳᠠᠨ ᠬᠦᠮᠦᠨ ᠢ ︽ᠬᠢᠲᠠᠳ︾ ᠬᠡᠵᠦ ᠬᠡᠯᠡᠳᠡᠭ᠃ ᠲᠠᠷᠠᠭ᠎ᠠ ᠲᠤᠷᠠᠳᠬᠤ ︽ᠬᠢᠲᠠᠳ ᠤᠨ ᠬᠠᠭᠠᠨ︾ ᠪᠤᠯ ᠯᠢᠶᠤᠤ ᠤᠯᠤᠰ ᠤᠨ ᠬᠠᠭᠠᠨ ᠢ ᠵᠢᠭᠠᠵᠦ ᠪᠠᠶᠢᠨ᠎ᠠ᠃   ︽ᠬᠠᠪᠤᠯ ᠬᠠᠭᠠᠨ ᠤ ᠨᠠᠮᠳᠠᠷ︾᠎ ᠢ ᠶᠤᠸᠠᠨ ᠤᠯᠤᠰ ᠤᠨ ᠦᠶ᠎ᠡ ᠳᠤ ᠪᠢᠴᠢᠵᠠᠢ᠃ ᠲᠤᠰ ᠨᠠᠮᠲᠠᠷ ᠲᠤ᠂ ︽ᠬᠢᠲᠠᠳ ᠤᠨ ᠬᠠᠭᠠᠨ︾ ᠮᠤᠩᠭᠤᠯ ᠲᠠᠢ ᠨᠦᠬᠦᠷᠰᠡᠭ ᠬᠠᠷᠢᠴᠠᠭ᠎ᠠ ᠪᠠᠶᠢᠭᠤᠯᠤᠶ᠎ᠠ ᠬᠡᠮᠡᠨ ᠡᠯᠴᠢ ᠲᠤᠮᠢᠯᠠᠨ ᠤᠴᠢᠭᠤᠯᠵᠦ᠂ ᠬᠠᠪᠤᠯ ᠬᠠᠭᠠᠨ ᠢ ᠤᠯᠤᠰ ᠲᠠᠭᠠᠨ ᠵᠠᠯᠠᠵᠠᠢ᠃ ᠬᠠᠪᠤᠯ ᠬᠠᠭᠠᠨ ᠤᠷᠢᠯᠭ᠎ᠠ ᠶᠢ ᠬᠦᠯᠢᠶᠠᠨ ᠠᠪᠤᠭᠠᠳ ᠤᠯᠤᠰ ᠲᠤᠨᠢ ᠤᠴᠢᠵᠦ ᠲᠦᠷᠦ ᠶᠢᠨ ᠲᠠᠶᠢᠯᠠᠯᠭ᠎ᠠ ᠳᠤ ᠤᠷᠤᠯᠴᠠᠭᠠᠳ ᠠᠷᠢᠬᠢᠨ ᠳᠤ ᠶᠡᠭᠡ ᠰᠤᠭᠳᠤᠵᠦ᠂ ︽ᠬᠢᠲᠠᠳ ᠤᠨ ᠬᠠᠭᠠᠨ︾᠎ ᠢ ᠬᠤᠶᠠᠭᠤᠯᠠ ᠪᠠᠨ ᠪᠦᠵᠢᠭᠯᠡᠶ᠎ᠠ ᠬᠡᠮᠡᠨ ᠰᠠᠬᠠᠯ ᠠᠴᠠ ᠨᠢ ᠠᠳᠬᠤᠨ ᠴᠢᠷᠴᠠᠢ᠃ ︽ᠬᠢᠲᠡᠳ ᠤᠨ ᠬᠠᠭᠠᠨ︾ ᠰᠢᠲᠡᠷ ᠴᠡᠷᠢᠭ ᠨᠢ ᠬᠠᠭᠠᠨ ᠢ ᠨᠢ ᠲᠤᠷᠤᠮᠵᠢᠯᠠᠯ᠎ᠠ ᠬᠡᠳ ᠬᠠᠪᠤᠯ ᠬᠠᠭᠠᠨ ᠢ ᠠᠯᠠᠬᠤ ᠬᠡᠰᠡᠨ ᠎ ᠳᠤ ︽ᠬᠢᠲᠡᠳ ᠤᠨ ᠬᠠᠭᠠᠨ︾ ᠬᠡᠯᠡᠭᠰᠡᠨ ᠨᠢ᠂ ᠬᠠᠪᠤᠯ ᠬᠠᠭᠠᠨ ᠢ ᠠᠯᠠᠪᠠᠯ ᠲᠡᠬᠦᠨ ᠤ ᠠᠶᠢᠮᠠᠭ ᠤᠭᠰᠠᠭ᠎ᠠ ᠨᠢ ᠮᠠᠨ ᠎ ᠠᠴᠠ ᠦᠰᠢᠶ᠎ᠠ ᠠᠪᠬᠤ ᠲᠠᠶᠢᠨ ᠲᠡᠭᠳᠡᠬᠡᠬᠦ ᠪᠤᠯᠤᠨ᠎ᠠ᠂ ᠬᠠᠪᠤᠯ ᠬᠠᠭᠠᠨ ᠢ ᠠᠯᠠᠵᠦ ᠪᠤᠯᠬᠤ ᠦᠬᠡᠢ ᠬᠡᠵᠠᠢ᠃ ᠢᠡᠭᠬᠢᠬᠡᠳ ᠬᠠᠪᠤᠯ ᠬᠠᠭᠠᠨ ᠠᠮᠦᠷ ᠮᠠᠨᠳᠦ ᠪᠠᠷ ᠤᠯᠤᠰ ᠲᠠᠭᠠᠨ ᠪᠤᠴᠠᠵᠦ᠂ ᠡᠪᠡᠳᠴᠢᠨ ᠢᠶᠠᠷ ᠨᠠᠰᠦ ᠪᠠᠷᠠᠭᠰᠡᠨ ᠪᠠᠶᠢᠨ᠎ᠠ ᠬᠡᠵᠦ ᠲᠡᠮᠳᠡᠭᠯᠡᠵᠠᠢ᠃   ᠰᠢᠶᠤᠤ ᠰᠢᠩ ᠶᠠᠨ ᠤ ᠤᠡᠭᠭᠤᠨ ᠬᠦᠰᠢᠶᠠᠨ ᠪᠢᠴᠢᠭ ᠠᠴᠠ ︽ᠬᠠᠪᠤᠯ ᠬᠠᠭᠠᠨ ᠤ ᠨᠠᠮᠲᠠᠷ︾᠎ ᠤᠨ ᠦᠨᠡᠨ ᠲᠡᠤᠬᠡ ᠮᠦᠨ ᠪᠤᠯᠬᠤ ᠶᠢ ᠤᠯᠵᠦ ᠮᠡᠳᠡᠨ᠎ᠡ᠃ ᠬᠠᠪᠤᠯ ᠬᠠᠭᠠᠨ ᠤ ᠲᠠᠷᠠᠭᠠᠬᠢ ᠠᠮᠪᠠᠭᠠᠢ ᠬᠠᠭᠠᠨ ᠪᠤᠯᠤᠨ ᠬᠤᠲᠠᠯᠠ ᠬᠠᠭᠠᠨ ᠢ ᠮᠤᠩᠭᠤᠯ ᠤᠨ ᠭᠤᠷᠪᠠᠨ ᠬᠠᠭᠠᠨ ᠬᠡᠳᠡᠭ᠃ ᠠᠮᠪᠠᠭᠠᠢ ᠬᠠᠭᠠᠨ ᠪᠤᠯᠤᠨ ᠬᠤᠲᠠᠯᠠ ᠬᠠᠭᠠᠨ ᠪᠤᠯ ᠠᠯᠲᠠᠨ ᠤᠯᠤᠰ ᠤᠨ ᠦᠶ᠎ᠠ ᠶᠢᠨ ᠮᠤᠩᠭᠤᠯ ᠬᠠᠭᠠᠨ ᠮᠦᠨ ᠪᠠᠶᠢᠵᠦ ᠲᠠᠭᠠᠷᠠᠨ᠎ᠠ᠃ ᠤᠴᠢᠷ ᠨᠢ ᠠᠮᠪᠠᠭᠠᠢ ᠬᠠᠭᠠᠨ ᠢ ᠲᠠᠲ᠋ᠠᠷ ᠠᠶᠢᠮᠠᠭ ᠬᠦᠮᠦᠨ ᠪᠠᠷᠢᠪᠴᠢᠯᠠᠭᠠᠳ ᠠᠯᠲᠠᠨ ᠤᠯᠤᠰ ᠲᠤ ᠬᠦᠷᠬᠡᠵᠦ ᠠᠯᠠᠭᠤᠯᠤᠭᠰᠡᠨ ᠶᠤᠮ᠃ ᠲᠡᠬᠡᠪᠡᠯ᠂ ᠬᠠᠪᠤᠯ ᠬᠠᠭᠠᠨ ᠤ ᠦᠶ᠎ᠡ ᠶᠢᠨ ᠮᠤᠩᠭᠤᠯ ᠤᠯᠤᠰ ᠲᠤ ᠠᠯᠢ ᠠᠯᠢ ᠠᠶᠢᠮᠠᠭ ᠪᠠᠭᠲᠠᠬᠤ ᠪᠤᠢ︖ ᠵᠤᠬᠢᠶᠠᠭᠴᠢ ᠡᠨᠡ ᠲᠤᠬᠠᠢ ᠰᠤᠳᠤᠯᠭᠠᠨ ᠤ ᠦᠬᠦᠯᠡᠯ ᠢ ᠤᠯᠵᠦ ᠣᠡᠭᠰᠢᠠᠠᠰᠡᠨ ᠦᠬᠡᠢ᠃ ᠵᠦᠪᠬᠡᠨ ᠬᠤᠪᠢ ᠬᠦᠮᠦᠨ ᠤ ᠦᠵᠡᠯᠲᠠ ᠪᠠᠨ ᠲᠤᠷᠠᠳᠬᠤ ᠪᠤᠯᠤᠨ᠎ᠠ᠃   ︽ᠲᠡᠤᠬᠡᠰ ᠤᠨ ᠴᠢᠭᠤᠯᠭᠠᠨ︾ ᠪᠤᠯ ᠶᠤᠸᠠᠨ ᠤᠯᠤᠰ ᠤᠨ ᠦᠶ᠎ᠡ ᠳᠤ ᠪᠢᠴᠢᠭᠰᠡᠨ ᠮᠤᠩᠭᠤᠯ ᠤᠨ ᠲᠡᠤᠬᠡ ᠪᠤᠯᠤᠨ᠎ᠠ᠃   ᠲᠤᠰ ᠪᠢᠴᠢᠭ ᠲᠤ ᠴᠢᠩᠬᠢᠰ ᠬᠠᠭᠠᠨ ᠠᠴᠠ ᠡᠮᠤᠨᠡᠬᠢ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠢ ᠲᠦᠷᠪᠡᠨ ᠠᠶᠢᠮᠠᠭ ᠤᠨ ᠪᠦᠯᠦᠭᠯᠡᠯ ᠬᠤᠪᠢᠶᠠᠵᠦ᠂ ᠲᠤᠰ ᠲᠤᠰ ᠨᠠᠮᠲᠠᠷ ᠪᠢᠴᠢᠨ ᠦᠭᠴᠠᠢ᠃ ᠲᠦᠷᠪᠡᠨ ᠠᠶᠢᠮᠠᠭ ᠤᠨ ᠪᠦᠯᠦᠭᠯᠡᠯ ᠲᠤᠳᠤᠷᠠᠬᠢ ᠨᠢᠬᠡ ᠶᠢ ︽ᠡᠷᠲᠠ ᠢᠵᠠᠭᠤᠷ ᠠᠴᠠ ᠠᠪᠤᠭᠠᠨᠳ ᠮᠤᠩᠭᠤᠯ ᠬᠡᠮᠡᠬᠦ ᠠᠶᠢᠮᠠᠭ ᠤᠨ ᠪᠦᠯᠦᠭᠯᠡᠯ︾ ᠬᠡᠮᠡᠨ ᠨᠡᠷᠡᠶᠢᠳᠦᠭᠰᠡᠨ ᠪᠠᠶᠢᠨ᠎ᠠ᠃ ᠲᠤᠰ ᠪᠦᠯᠦᠭᠯᠡᠯ ᠳᠤ ᠬᠤᠷᠢᠨ ᠲᠦᠷᠪᠡᠨ ᠠᠶᠢᠮᠠᠭ ᠪᠠᠭᠲᠠᠵᠦ᠂ ᠵᠠᠷᠢᠮ ᠠᠶᠢᠮᠠᠭ ᠨᠢ ᠬᠡᠳᠦᠨ ᠪᠠᠭ᠎ᠠ ᠠᠶᠢᠮᠠᠭ ᠢ ᠪᠠᠭᠲᠠᠭᠠᠨ᠎ᠠ᠃ ᠲᠦᠷᠪᠡᠳ ᠠᠶᠢᠮᠠᠭ ᠪᠤᠯ ᠪᠠᠭᠠᠷᠢᠨ ᠠᠶᠢᠮᠠᠭ ᠤᠨ ᠰᠠᠯᠪᠦᠷᠢ᠂ ᠭᠤᠷᠯᠤᠰ ᠠᠶᠢᠮᠠᠭ ᠪᠤᠯ ᠬᠤᠨᠭ᠍ᠬᠢᠷᠠᠳ ᠠᠶᠢᠮᠠᠭ ᠤᠨ ᠰᠠᠯᠪᠦᠷᠢ ᠪᠤᠯᠤᠨ᠎ᠠ᠃ ᠡᠯ᠎ᠠ ᠠᠶᠢᠮᠠᠭ ᠲᠤ ᠲᠤᠰ ᠲᠤᠰ ᠶᠢᠨ ᠬᠤᠨᠪᠢᠶᠠᠨ ᠤᠯᠤᠭᠰᠡᠨ ᠨᠤᠳᠤᠭ ᠪᠡᠯᠴᠢᠬᠡᠷ ᠲᠠᠢ᠃ ᠪᠠᠭᠠᠷᠢᠨ ᠠᠶᠢᠮᠠᠭ ᠪᠤᠯ ᠪᠤᠳᠤᠨᠴᠢᠷ ᠮᠤᠩᠬᠠᠭ ᠤᠨ ᠬᠦᠪᠡᠬᠦᠨ ᠪᠠᠭᠠᠷᠢᠲᠠᠢ ᠶᠢᠨ ᠬᠠᠷᠢᠶᠠᠳᠦ ᠠᠶᠢᠮᠠᠭ ᠮᠦᠨ᠂ ᠲᠦᠷᠪᠡᠳ ᠠᠶᠢᠮᠠᠭ ᠪᠤᠯ ᠪᠤᠳᠤᠨᠴᠢᠷ ᠮᠤᠩᠬᠠᠭ ᠤᠨ ᠦᠶᠡᠯᠢᠳ ᠠᠬ᠎ᠠ ᠲᠡᠬᠦᠦ ᠲᠦᠷᠪᠡᠨ ᠬᠦᠮᠦᠨ ᠤ ᠬᠠᠷᠢᠶᠠᠳᠦ ᠠᠶᠢᠮᠠᠭ ᠪᠤᠯᠤᠨ᠎ᠠ᠃ ᠪᠠᠭᠠᠷᠢᠨ ᠪᠤᠯᠤᠨ ᠲᠦᠷᠪᠡᠳ ᠬᠤᠶᠠᠷ ᠠᠶᠢᠮᠠᠭ ᠵᠡᠷᠬᠡᠴᠡᠨ ᠮᠠᠯᠵᠢᠵᠦ᠂ ᠨᠤᠳᠤᠭ ᠪᠡᠯᠴᠢᠬᠡᠷ ᠨᠢ ᠠᠯᠲᠠᠨ ᠤᠯᠤᠰ ᠤᠨ ᠬᠢᠯᠢ ᠶᠢᠨ ᠬᠡᠷᠡᠮ ᠠᠴᠠ ᠬᠤᠲᠠᠯᠠ ᠬᠠᠭᠠᠨ ᠤ ᠤᠷᠳᠦᠨ ᠬᠦᠷᠬᠦ ᠵᠠᠮ ᠤᠨ ᠲᠤᠮᠳᠠ ᠪᠠᠶᠢᠳᠠᠭ᠃ ᠡᠨᠡᠬᠦ ᠨᠤᠳᠤᠭ ᠪᠡᠯᠴᠢᠬᠡᠷ ᠪᠤᠯ ᠪᠠᠭᠠᠷᠢᠨ ᠠᠶᠢᠮᠠᠭ ᠤᠨ ᠠᠩᠬᠠᠳᠤᠭᠠᠷ ᠸᠠᠩ ᠪᠠᠭᠠᠷᠢᠲᠠᠢ ᠶᠢᠨ ᠦᠶ᠎ᠠ ᠳᠤ ᠬᠤᠪᠢᠶᠠᠨ ᠤᠯᠤᠭᠰᠡᠨ ᠨᠤᠳᠤᠭ ᠮᠦᠨ᠂ ᠤᠨᠤᠨ ᠭᠤᠤᠯ ᠠᠴᠠ ᠡᠮᠤᠨᠡᠬᠦᠷ ᠪᠠᠶᠢᠪᠠᠯ ᠲᠠᠭᠠᠷᠠᠨ᠎ᠠ᠃ ᠬᠤᠨᠭ᠍ᠬᠢᠷᠠᠳ ᠠᠶᠢᠮᠠᠭ ᠤᠨ ᠡᠯ᠎ᠠ ᠰᠠᠯᠪᠦᠷᠢ ᠨᠢ ᠠᠯᠲᠠᠨ ᠤᠯᠤᠰ ᠤᠨ ᠬᠢᠯᠢ ᠶᠢᠨ ᠬᠡᠷᠡᠮ ᠤᠨ ᠭᠠᠳᠠᠨ᠎ᠠ ᠮᠠᠯᠵᠢᠳᠠᠭ᠃ ᠴᠢᠩ ᠤᠯᠤᠰ ᠤᠨ ᠦᠶ᠎ᠠ ᠳᠤ ᠬᠤᠷᠢᠨ ᠲᠦᠷᠪᠡᠨ ᠠᠶᠢᠮᠠᠭ ᠤᠨ ᠲᠤᠳᠤᠷᠠᠬᠢ ᠪᠠᠭᠠᠷᠢᠨ᠂ ᠲᠦᠷᠪᠡᠳ᠂ ᠭᠤᠷᠯᠤᠰ᠂ ᠤᠷᠢᠶᠠᠩᠬᠠᠢ ᠵᠡᠷᠬᠡ ᠲᠦᠷᠪᠡᠨ ᠠᠶᠢᠮᠠᠭ ᠢᠶᠠᠷ ᠵᠠᠰᠠᠭ ᠬᠤᠰᠢᠭᠤ ᠪᠠᠶᠢᠭᠤᠯᠵᠠᠢ᠃ ᠬᠤᠷᠢᠨ ᠲᠦᠷᠪᠡᠨ ᠠᠶᠢᠮᠠᠭ ᠤᠨ ᠤᠯᠠᠩᠬᠢ ᠨᠢ ᠡᠯ᠎ᠠ ᠭᠠᠵᠠᠷ ᠲᠤ ᠲᠠᠷᠬᠠᠨ ᠮᠠᠯᠵᠢᠵᠦ᠂ ᠠᠶᠢᠮᠠᠭ ᠤᠨ ᠨᠡᠷ᠎ᠡ ᠨᠢ ᠮᠤᠩᠭᠤᠯ ᠤᠪᠤᠭ ᠪᠤᠯᠤᠨ ᠬᠤᠴᠤᠷᠴᠠᠢ᠃   ᠬᠤᠨᠭ᠍ᠬᠢᠷᠠᠳ ᠠᠶᠢᠮᠠᠭ ᠪᠤᠯ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠲᠡᠤᠬᠡᠨ ᠳᠠᠬᠢ ᠴᠢᠬᠤᠯᠠ ᠨᠢᠬᠡ ᠠᠶᠢᠮᠠᠭ ᠪᠤᠯᠤᠨ᠎ᠠ᠃ ᠶᠤᠸᠠᠨ ᠤᠯᠤᠰ ᠤᠨ ᠦᠶ᠎ᠠ ᠳᠤ ᠤᠳᠦ ᠶᠢᠨ ᠤᠯᠠᠭᠠᠨᠬᠠᠳᠠ ᠬᠤᠲᠠ ᠤᠷᠤᠨ ᠤ ᠰᠠᠭᠤᠭᠠᠯᠢ ᠠᠷᠠᠳ ᠭᠤᠤᠯᠳᠠᠭᠤ ᠬᠤᠨᠭ᠍ᠬᠢᠷᠠᠳ ᠠᠶᠢᠮᠠᠭ ᠤᠨ ᠬᠦᠮᠦᠨ ᠮᠦᠨ᠃ ᠡᠶᠢᠮᠦ ᠠᠴᠠ ᠬᠤᠨᠭ᠍ᠬᠢᠷᠠᠳ ᠠᠶᠢᠮᠠᠭ ᠤᠨ ᠲᠡᠤᠬᠡ ᠪᠤᠯ ᠤᠯᠠᠭᠠᠨᠬᠠᠳᠠ ᠬᠤᠲᠠ ᠤᠷᠤᠨ ᠮᠤᠩᠭᠤᠯ ᠶᠤᠸᠠᠨ ᠤ ᠰᠤᠶᠤᠯ ᠤᠨ ᠴᠢᠬᠤᠯᠠ ᠠᠭᠤᠯᠭ᠎ᠠ ᠮᠦᠨ᠃ ᠬᠤᠨᠭ᠍ᠬᠢᠷᠠᠳ ᠯᠢᠭᠳᠡᠨ ᠬᠤᠳᠤᠭᠳᠦ ᠬᠠᠭᠠᠨ ᠢ ᠲᠡᠮᠵᠢᠨ ᠴᠢᠩ ᠤᠯᠤᠰ ᠢ ᠡᠰᠡᠷᠬᠦᠴᠡᠭᠰᠡᠨ ᠬᠦᠴᠦᠨ ᠮᠦᠨ᠃ ᠡᠬᠦᠨ ᠳᠤ ᠬᠤᠨᠭ᠍ᠬᠢᠷᠠᠳ ᠲᠠᠶᠢᠵᠢ ᠵᠠᠶᠢᠰᠢ ᠨᠤᠶᠠᠨ ᠪᠤᠯ ᠲᠦᠯᠦᠬᠡᠯᠡᠬᠦ ᠴᠢᠨᠠᠷᠲᠠᠢ ᠬᠦᠮᠦᠨ ᠪᠤᠯᠤᠨ᠎ᠠ᠃ ᠴᠢᠩ ᠤᠯᠤᠰ ᠤᠨ ᠦᠶ᠎ᠠ ᠳᠤ ᠬᠤᠨᠭ᠍ᠬᠢᠷᠠᠳ ᠠᠶᠢᠮᠠᠭ ᠢ ᠡᠯ᠎ᠠ ᠭᠠᠵᠠᠷ ᠲᠤ ᠲᠠᠷᠬᠠᠭᠠᠨ ᠰᠠᠭᠤᠯᠭᠠᠵᠦ ᠬᠦᠴᠦᠨ ᠢ ᠨᠢ ᠵᠠᠳᠠᠷᠠᠭᠤᠯᠵᠠᠢ᠃ ᠵᠠᠶᠢᠰᠢ ᠤᠶᠠᠨ ᠤ ᠦᠶᠡᠯᠢᠳ ᠠᠬ᠎ᠠ ᠲᠡᠬᠦᠦ ᠯᠠᠪᠠᠲᠠᠢ ᠬᠤᠨᠭ᠌ ᠲᠠᠶᠢᠵᠢ ᠪᠤᠯ ᠠᠬ᠎ᠠ ᠲᠡᠬᠦᠦ ᠵᠢᠷᠭᠤᠭ᠎ᠠ᠂ ᠦᠪᠡᠷ ᠤᠨ ᠪᠡᠶ᠎ᠠ ᠎ ᠨᠢ ᠲᠠᠪᠤᠳᠤᠭᠠᠷ ᠨᠢ ᠪᠤᠯᠤᠨ᠎ᠠ᠃ ᠴᠢᠩ ᠤᠯᠤᠰ ᠤᠨ ᠲᠠᠩᠰᠠ ᠡᠪᠬᠡᠮᠡᠯ ᠳᠤ ᠯᠠᠪᠠᠲᠠᠢ ᠬᠤᠨᠭ᠌ ᠲᠠᠶᠢᠵᠢ ᠳᠤ ᠬᠤᠶᠠᠷ ᠰᠤᠮᠦ ᠵᠠᠭᠤᠨ ᠡᠷᠤᠬᠡ ᠲᠠᠢ᠂ ᠲᠦᠷᠪᠡᠳᠦᠬᠡᠷ ᠠᠬ᠎ᠠ ᠪᠠᠶᠢᠬᠤᠨᠲᠠᠢ ᠴᠦᠬᠦᠷ ᠲᠤ ᠪᠠᠰᠠ ᠬᠤᠶᠠᠷ ᠬᠤᠶᠠᠷ ᠰᠤᠮᠦ ᠵᠠᠭᠤᠨ ᠡᠷᠤᠬᠡ ᠲᠠᠢ ᠬᠡᠮᠡᠨ ᠲᠡᠮᠳᠡᠭᠯᠡᠵᠦ᠂ ᠪᠤᠰᠤᠳ ᠲᠠᠶᠢᠵᠢ ᠶᠢᠨ ᠡᠷᠤᠬᠡ ᠶᠢᠨ ᠲᠤᠭ᠎ᠠ ᠶᠢ ᠲᠡᠮᠳᠡᠭᠯᠡᠭᠰᠡᠨ ᠦᠬᠡᠢ᠃ ᠬᠤᠨᠭ᠍ᠬᠢᠷᠠᠳ ᠠᠶᠢᠮᠠᠭ ᠤᠨ ᠲᠠᠶᠢᠵᠢ ᠨᠠᠷ ᠠᠳᠠᠯᠢ ᠪᠤᠰᠤ ᠭᠠᠵᠠᠷ ᠠᠴᠠ ᠴᠢᠩ ᠤᠯᠤᠰ ᠢ ᠲᠠᠭᠠᠷ᠎ᠠ ᠤᠴᠢᠵᠦ᠂ ᠠᠩᠬᠠᠨ ᠳᠠᠭᠠᠨ ᠵᠠᠷᠤᠳ ᠪᠠᠷᠠᠭᠤᠨ ᠬᠤᠰᠢᠭᠤ ᠶᠢ ᠲᠠᠭᠠᠯᠳᠤᠨ ᠮᠠᠯᠵᠢᠵᠦ ᠪᠠᠶᠢᠵᠠᠢ᠃ ᠡᠶᠠᠪᠠᠷ ᠵᠠᠰᠠᠭᠴᠢ ᠶᠢᠨ ᠲᠠᠪᠤᠳᠤᠭᠠᠷ ᠤᠨ ︵1648 ᠤᠨ︶᠎ ᠳᠤ ᠪᠠᠭᠠᠷᠢᠨ ᠸᠠᠩ ᠰᠠᠪᠠᠳᠠᠨ ᠪᠤᠯᠤᠨ ᠰᠠᠴᠠᠨ ᠲᠡᠬᠡᠳᠦ ᠬᠦᠷᠦᠨ ᠬᠦᠡᠭᠵᠦ ᠬᠤᠶᠠᠭᠤᠯᠠ ᠤᠷᠤᠭᠯᠠᠭᠰᠡᠨ ᠳᠤ ᠡᠶᠠᠪᠠᠷ ᠵᠠᠰᠠᠭᠴᠢ ᠬᠠᠭᠠᠨ ᠵᠠᠷᠯᠢᠭ ᠪᠤᠯᠵᠦ᠂ ᠬᠤᠨᠭ᠍ᠬᠢᠷᠠᠳ ᠠᠶᠢᠮᠠᠭ ᠤᠨ ᠠᠷᠪᠠᠨ ᠰᠤᠮᠦ ᠠᠷᠠᠳ ᠢ ᠵᠠᠷᠤᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠠᠴᠠ ᠨᠡᠬᠦᠯᠬᠡᠨ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠬᠤᠰᠢᠭᠤᠨ ᠤ ᠵᠡᠬᠦᠨ ᠡᠮᠦᠨᠡᠬᠦᠷ ᠨᠡᠬᠦᠯᠬᠡᠨ ᠰᠠᠭᠤᠯᠭᠠᠵᠠᠢ᠃ ᠠᠷᠪᠠᠨ ᠰᠤᠮᠦ ᠠᠷᠠᠳ ᠤᠨ ᠲᠤᠳᠤᠷᠠᠬᠢ ᠨᠠᠢᠮᠠᠨ ᠰᠤᠮᠦ ᠨᠢ ᠠᠷᠦ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠪᠠᠯᠴᠢᠷᠤᠳ ᠰᠦᠮ᠎ᠡ ᠶᠢᠨ ᠪᠠᠷᠠᠭᠤᠨᠳᠡᠬᠢ ᠬᠡᠷᠢᠶ᠎ᠠ ᠬᠠᠳᠠ ᠶᠢᠨ ᠪᠠᠷᠠᠭᠤᠨᠲᠠᠢ ᠨᠤᠳᠤᠭᠰᠢᠨ ᠰᠠᠭᠤᠵᠦ᠂ ᠪᠠᠶᠢᠬᠤᠨᠲᠠᠢ ᠴᠦᠬᠦᠷ ᠤᠨ ᠬᠤᠶᠠᠷ ᠰᠤᠮᠦ ᠨᠢ ᠪᠠᠯᠴᠢᠷᠤᠳ ᠰᠤᠮᠦ ᠶᠢᠨ ᠲᠠᠮᠠᠭ᠎ᠠ ᠶᠢᠨ ᠮᠠᠩᠬ᠎ᠠ ᠶᠢᠨ ᠵᠡᠬᠦᠨᠲᠠᠢ ᠨᠤᠳᠤᠭᠰᠢᠵᠠᠢ᠃ ᠬᠡᠷᠢᠶ᠎ᠠ ᠬᠠᠳᠠ ᠪᠤᠯᠤᠨ ᠲᠠᠮᠠᠭ᠎ᠠ ᠶᠢᠨ ᠮᠠᠩᠬ᠎ᠠ ᠪᠤᠯ ᠴᠢᠩ ᠤᠯᠤᠰ ᠤᠨ ᠦᠶ᠎ᠠ ᠶᠢᠨ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤ ᠪᠤᠯᠤᠨ ᠠᠷᠦ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠬᠢᠯᠢ ᠶᠢᠨ ᠵᠠᠭᠠᠭ ᠪᠤᠯᠤᠨ᠎ᠠ᠃ ᠡᠶᠢᠮᠦ ᠠᠴᠠ ᠨᠠᠢᠮᠠᠨ ᠰᠤᠮᠦ ᠬᠤᠨᠭ᠍ᠬᠢᠷᠠᠳ ᠠᠶᠢᠮᠠᠭ ᠤᠨ ᠠᠷᠠᠳ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠳᠤ ᠬᠠᠷᠢᠶᠠᠯᠠᠭᠳᠠᠵᠦ᠂ ᠪᠠᠶᠢᠬᠤᠨᠲᠠᠢ ᠴᠦᠬᠦᠷ ᠤᠨ ᠬᠤᠶᠠᠷ ᠰᠤᠮᠦ ᠨᠢ ᠠᠷᠦ ᠬᠤᠷᠴᠢᠨ ᠬᠤᠰᠢᠭᠤᠨ ᠳᠤ ᠬᠠᠷᠢᠶᠠᠯᠠᠭᠳᠠᠭᠰᠡᠨ ᠪᠠᠶᠢᠨ᠎ᠠ᠃ ᠬᠦᠮᠦᠨ ᠠᠮᠠ ᠶᠢᠨ ᠲᠦᠪᠯᠡᠷᠡᠨ ᠰᠠᠭᠤᠭᠰᠡᠨ ᠲᠠᠯ᠎ᠠ ᠠᠴᠠ ᠠᠪᠴᠦ ᠬᠡᠯᠡᠪᠠᠯ᠂ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤ ᠪᠤᠯ ᠡᠷᠳᠡᠨ ᠤ ᠬᠤᠨᠭ᠍ᠬᠢᠷᠠᠳ ᠠᠶᠢᠮᠠᠭ ᠤᠨ ᠲᠤᠯᠭ᠎ᠠ ᠶᠢᠨ ᠭᠠᠯ ᠲᠦᠷᠡᠯᠵᠡᠨ ᠨᠤᠴᠤᠭᠰᠡᠨ ᠨᠤᠳᠤᠭ ᠪᠤᠯᠤᠨ᠎ᠠ᠃   ᠠᠳᠠ ᠲᠤᠷᠠᠳᠴᠦ ᠪᠦᠬᠦᠢ ᠬᠤᠷᠢᠨ ᠲᠦᠷᠪᠡᠨ ᠠᠶᠢᠮᠠᠭ ᠤᠨ ᠲᠤᠳᠤᠷ᠎ᠠ᠂ ᠴᠢᠩᠬᠢᠰ ᠬᠠᠭᠠᠨ ᠤ ᠠᠪᠤ ᠶᠢᠰᠦᠬᠡᠢ ᠪᠠᠭᠠᠳᠦᠷ ᠤᠨ ᠬᠠᠷᠢᠶᠠᠳᠦ ᠠᠶᠢᠮᠠᠭ ᠪᠠᠭᠲᠠᠬᠤ ᠦᠬᠡᠢ᠃ ᠤᠴᠢᠷ ᠨᠢ᠂ ᠪᠠᠭᠠᠷᠢᠨ ᠵᠡᠷᠬᠡ ᠬᠤᠷᠢᠨ ᠲᠦᠷᠪᠡᠨ ᠠᠶᠢᠮᠠᠭ ᠪᠤᠯ ᠶᠢᠰᠦᠬᠡᠢ ᠪᠠᠭᠠᠳᠦᠷ ᠢ ᠮᠡᠨᠳᠦᠯᠡᠬᠦ ᠠᠴᠠ ᠡᠮᠤᠨ᠎ᠡ ᠨᠢᠬᠡᠨᠲᠠ ᠪᠦᠷᠢᠯᠳᠤᠨ ᠲᠤᠭᠲᠠᠭᠰᠡᠨ ᠪᠠᠶᠢᠨ᠎ᠠ᠃ ᠶᠢᠰᠤᠬᠡᠢ ᠪᠠᠭᠠᠳᠦᠷ ᠤᠨ ᠬᠠᠷᠢᠶᠠᠳᠦ ᠠᠶᠢᠮᠠᠭ ᠢ ᠪᠤᠷᠵᠢᠬᠢᠨ ᠠᠶᠢᠮᠠᠭ ᠬᠡᠳᠡᠭ᠃ ︽ᠪᠤᠷᠵᠢᠬᠢᠨ︾ ᠬᠡᠳᠡᠭ ᠨᠢ ︽ᠬᠦᠬᠡ ᠨᠢᠳᠦᠳᠦ︾ ᠬᠡᠰᠡᠨ ᠤᠳᠬ᠎ᠠ ᠲᠠᠢ᠃ ᠪᠠᠭᠠᠷᠢᠲᠠᠢ ᠶᠢᠨ ᠠᠪᠤ ᠪᠤᠳᠤᠨᠴᠢᠷ ᠮᠤᠩᠬᠠᠭ ᠬᠦᠬᠡ ᠨᠢᠳᠦ ᠲᠠᠢ᠂ ᠪᠤᠳᠤᠨᠴᠢᠷ ᠮᠤᠩᠬᠠᠭ ᠤᠨ ᠬᠤᠶᠢᠴᠢᠰ ᠶᠢᠰᠤᠬᠡᠢ ᠪᠠᠭᠠᠳᠦᠷ ᠪᠠᠰᠠ ᠬᠦᠬᠡ ᠨᠢᠳᠦ ᠲᠠᠢ ᠪᠤᠯᠤᠨ᠎ᠠ᠃ ᠬᠤᠳᠠᠯᠠ ᠬᠠᠭᠠᠨ ᠦᠪᠡᠷ ᠤᠨ ᠠᠴᠢ ᠬᠦᠪᠡᠬᠦᠨ ᠶᠢᠰᠤᠬᠡᠢ ᠪᠠᠭᠠᠳᠦᠷ ᠲᠠᠭᠠᠨ ᠬᠠᠷᠢᠶᠠᠳᠦ ᠠᠷᠠᠳ ᠬᠤᠪᠢᠶᠠᠨ ᠦᠭᠴᠦ᠂ ᠶᠢᠰᠤᠬᠡᠢ ᠪᠠᠭᠠᠳᠦᠷ ᠬᠦᠬᠡ ᠨᠢᠳᠦ ᠲᠠᠢ ᠪᠤᠯᠬᠤᠷ ᠬᠠᠷᠢᠶᠠᠳᠦ ᠠᠶᠢᠮᠠᠭ ᠢ ᠨᠢ ︽ᠪᠤᠷᠵᠢᠬᠢᠨ ᠠᠶᠢᠮᠠᠭ︾ ᠬᠡᠮᠡᠨ ᠨᠡᠷᠡᠶᠢᠳᠴᠠᠢ᠃ ᠪᠤᠷᠵᠢᠬᠢᠨ ᠠᠶᠢᠮᠠᠭ ᠶᠠᠷᠢᠶᠠᠨ ᠦᠬᠡᠢ ︽ᠡᠷᠳᠡ ᠢᠵᠠᠭᠤᠷ ᠠᠴᠠ ᠠᠪᠤᠭᠠᠳ ᠮᠤᠩᠭᠤᠯ ᠬᠡᠮᠡᠬᠦ ᠠᠶᠢᠮᠠᠭ ᠤᠨ ᠪᠦᠯᠦᠭᠯᠡᠯ︾᠎ ᠳᠤ ᠪᠠᠭᠳᠠᠨ᠎ᠠ᠃ ᠤᠳᠦ ᠪᠤᠷᠵᠢᠬᠢᠨ ᠠᠶᠢᠮᠠᠭ ᠪᠠᠶᠢᠬᠤ ᠦᠬᠡᠢ᠂ ᠠᠶᠢᠮᠠᠭ ᠤᠨ ᠨᠡᠷ᠎ᠡ ︽ᠪᠤᠷᠵᠢᠬᠢᠨ︾᠎ ᠨᠢ ᠶᠢᠰᠦᠬᠡᠢ ᠪᠠᠭᠠᠳᠦᠷ ᠤᠨ ᠲᠠᠪᠤᠨ ᠬᠦᠪᠡᠬᠦᠨ ᠤ ᠬᠤᠶᠢᠴᠢᠰ ᠤᠨ ᠤᠪᠤᠭ ᠪᠤᠯᠤᠭᠰᠡᠨ ᠪᠠᠶᠢᠨ᠎ᠠ᠃   ᠵᠤᠬᠢᠶᠠᠭᠴᠢ ᠶᠢᠨ ᠦᠵᠡᠬᠦ ᠪᠠᠷ᠂ ︽ᠡᠷᠳᠡ ᠢᠵᠠᠭᠤᠷ ᠠᠴᠠ ᠠᠪᠤᠭᠠᠳ ᠮᠤᠩᠭᠤᠯ ᠬᠡᠮᠡᠬᠦ ᠠᠶᠢᠮᠠᠭ ᠤᠨ ᠪᠦᠯᠦᠭᠯᠡᠯ︾᠎ ᠳᠤ ᠪᠠᠭᠲᠠᠬᠤ ᠬᠤᠷᠢᠨ ᠲᠦᠷᠪᠡᠨ ᠠᠶᠢᠮᠠᠭ ᠪᠤᠯ ᠬᠠᠪᠤᠯ ᠬᠠᠭᠠᠨ ᠤ ᠮᠤᠩᠭᠤᠯ ᠤᠯᠤᠰ ᠤᠨ ᠠᠷᠠᠳ ᠢᠷᠬᠡᠳ ᠮᠦᠨ᠃ ᠪᠤᠰᠤᠳ ᠭᠤᠷᠪᠠᠨ ᠠᠶᠢᠮᠠᠭ ᠤᠨ ᠪᠦᠯᠦᠭᠯᠡᠯ ᠤᠨ ᠲᠤᠳᠤᠷᠠᠬᠢ ᠵᠠᠷᠢᠮ ᠠᠶᠢᠮᠠᠭ ᠨᠢ ᠬᠠᠪᠤᠯ ᠬᠠᠭᠠᠨ ᠎ ᠳᠤ ᠬᠠᠷᠢᠶᠠᠯᠠᠭᠳᠠᠵᠦ ᠪᠠᠶᠢᠭᠰᠡᠨ ᠪᠠᠶᠢᠵᠦ ᠮᠡᠳᠡᠨ᠎ᠡ᠃ ᠤᠴᠢᠷ ᠨᠢ᠂ ᠵᠠᠯᠠᠶᠢᠳ ᠠᠶᠢᠮᠠᠭ ᠪᠤᠯ ᠬᠠᠪᠤᠯ ᠬᠠᠭᠠᠨ ᠤ ᠡᠯᠤᠨᠴᠡ ᠠᠪᠤ ᠬᠠᠶᠢᠳᠦ ᠶᠢᠨ ᠤᠨᠠᠭᠠᠨ ᠪᠤᠭᠤᠯ ᠮᠦᠨ᠂ ᠤᠨᠠᠭᠠᠨ ᠪᠤᠭᠤᠯ ᠶᠠᠷᠢᠶᠠᠨ ᠦᠬᠡᠢ ᠬᠠᠷᠢᠶᠠᠳᠦ ᠠᠷᠠᠳ ᠪᠤᠯᠤᠨ᠎ᠠ᠃ ᠬᠡᠪᠡᠴᠦ ᠤᠯᠠᠩᠬᠢ ᠠᠶᠢᠮᠠᠭ ᠨᠢ ᠬᠠᠪᠤᠯ ᠬᠠᠭᠠᠨ ᠤ ᠬᠠᠷᠢᠶᠠᠳᠦ ᠪᠢᠰᠢ᠂ ᠬᠠᠷᠢᠨ ᠬᠠᠨᠭ᠍ᠭᠠᠢ ᠠᠭᠤᠯᠠ ᠶᠢᠨ ᠬᠡᠷᠡᠶᠢᠳ᠂ ᠠᠯᠲᠠᠢ ᠠᠭᠤᠯᠠ ᠶᠢᠨ ᠨᠠᠢᠮᠠᠨ᠂ ᠲᠠᠯᠠᠨ ᠬᠠᠷ᠎ᠠ ᠠᠭᠤᠯᠠ ᠶᠢᠨ ᠤᠡᠭᠭᠤᠳ ᠬᠡᠬᠦ ᠮᠠᠳᠦ ᠮᠤᠩᠭᠤᠯ ᠲᠠᠢ ᠵᠡᠷᠬᠡᠴᠡᠨ ᠲᠤᠭᠲᠠᠨᠢᠭᠰᠡᠨ ᠤᠯᠤᠰ ᠲᠤ ᠬᠠᠷᠢᠶᠠᠯᠠᠭᠳᠠᠨ᠎ᠠ᠃ ᠪᠠᠳᠠ ᠵᠠᠯᠠᠶᠢᠳ᠂ ᠰᠦᠨᠢᠳ᠂ ᠲᠦᠮᠡᠳ ᠵᠡᠷᠬᠡ ᠲᠡᠤᠬᠡᠨ ᠲᠡᠬᠡᠷ᠎ᠡ ᠲᠦᠷᠦ ᠪᠠᠶᠢᠭᠤᠯᠵᠦ ᠦᠡᠭᠬᠡᠷᠡᠭᠰᠡᠨ ᠦᠬᠡᠢ ᠠᠷᠪᠠᠨ ᠲᠦᠷᠪᠡᠨ ᠠᠶᠢᠮᠠᠭ ᠪᠤᠯᠤᠨ᠎ᠠ᠃ ᠲᠡᠬᠦᠨ ᠤ ᠲᠤᠳᠤᠷᠠᠬᠢ ᠵᠠᠯᠠᠶᠢᠳ ᠠᠶᠢᠮᠠᠭ ᠠᠴᠠ ᠪᠤᠰᠤᠳ ᠠᠷᠪᠠᠨ ᠭᠤᠷᠪᠠᠨ ᠠᠶᠢᠮᠠᠭ ᠨᠢ ᠮᠤᠩᠭᠤᠯ᠂ ᠬᠡᠷᠡᠶᠢᠳ᠂ ᠨᠠᠢᠮᠠᠨ᠂ ᠤᠡᠭᠨᠢᠭᠤᠳ ᠵᠡᠷᠬᠡ ᠤᠯᠤᠰ ᠤᠨ ᠠᠯᠢ ᠤᠯᠤᠰ ᠲᠤ ᠬᠠᠷᠢᠶᠠᠯᠠᠭᠳᠠᠵᠦ ᠪᠠᠶᠢᠭᠰᠡᠨ ᠢ ᠮᠡᠳᠡᠬᠦ ᠦᠬᠡᠢ᠃ ᠴᠢᠩᠬᠢᠰ ᠬᠠᠭᠠᠨ ᠤ ᠦᠶ᠎ᠡ ᠳᠤ ᠲᠦᠷᠪᠡᠨ ᠠᠶᠢᠮᠠᠭ ᠤᠨ ᠪᠦᠯᠦᠭᠯᠡᠯ ᠢ ᠪᠦᠬᠦᠨ ᠢ ᠨᠢᠬᠡᠳᠬᠡᠵᠦ᠂ ᠶᠡᠭᠡ ᠮᠤᠩᠭᠤᠯ ᠤᠯᠤᠰ ᠪᠠᠶᠢᠭᠤᠯᠤᠭᠳᠠᠭᠰᠡᠨ ᠪᠠᠶᠢᠨ᠎ᠠ᠃ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ
 
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠠᠯᠠᠱᠠ ᠦᠷᠡᠰ ᠨᠠᠶᠢᠷ ᠤᠨ ᠡᠭᠦᠰᠦᠯᠲᠡ ᠲᠡᠤᠬᠡ
ᠠᠯᠠᠱᠠ ᠣᠷᠴᠢᠭᠤᠯᠭ᠎ᠠ ᠶᠢᠨ ᠰᠤᠷᠭᠠᠭᠤᠯᠢ ᠶᠢᠨ ᠠᠩᠭᠢ ᠪᠠᠶᠢᠭᠤᠯᠪᠠ
ᠠᠯᠠᠱᠠ ᠦᠬᠢᠳ ᠤᠨ ᠰᠤᠷᠭᠠᠭᠤᠯᠢ ᠎ ᠶᠢ ᠪᠠᠶᠢᠭᠤᠯᠪᠠ
ᠠᠯᠠᠱᠠ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠪᠠᠶᠢᠭᠤᠯᠪᠠ
ᠪᠠᠭ᠎ᠠ ᠬᠡᠤᠬᠡᠳ ᠢ ᠯᠠᠮᠠ ᠪᠣᠯᠭᠠᠬᠤ ᠶᠢ ᠬᠤᠷᠢᠭᠯᠠᠭᠰᠠᠨ ᠨᠢ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号