| ᠡᠷᠲᠠ ᠲᠡᠭᠡᠷᠡ ᠦᠶᠡ ᠠᠴᠠ ᠮᠣᠩᠭᠤᠯᠴᠣᠳ ︽ᠲᠤᠭᠤᠷᠢᠨ ᠪᠦᠵᠢᠬᠦ︾ ᠣᠬᠠᠭᠠᠨ ᠪᠤᠶᠤ ︽ᠴᠠᠮ︾ ᠬᠡᠮᠡᠬᠦ | ᠨᠢᠭᠤᠴᠠ ᠪᠢᠰᠢᠯᠭᠠᠯ ᠤᠨ ᠵᠠᠩ ᠣᠶᠢᠯᠠ ᠶᠢ ᠣᠯᠠᠮᠵᠢᠯᠠᠨ ᠢᠷᠡᠭᠰᠡᠨ ᠪᠢᠯᠡ᠃ ᠡᠨᠡᠬᠦ ᠣᠯᠠᠮᠵᠢᠯᠠᠭᠳᠠᠨ ᠢᠷᠡᠭᠰᠡᠨ | ᠱᠠᠰᠢᠨ ᠤ ᠵᠠᠩ ᠦᠢᠯᠡ ᠶᠢᠨ ᠶᠣᠰᠣ ᠶᠢ ᠠᠯᠠᠱᠠ ᠶᠢᠨ ᠰᠦᠮᠡ ᠬᠡᠶᠢᠳ ᠤᠳ ᠱᠠᠰᠢᠨ ᠤ ᠨᠣᠮ ᠤᠨ ᠶᠣᠰᠣ ᠪᠠᠷ | ᠨᠠᠷᠢᠨ ᠲᠢᠭ ᠵᠠᠶ᠋ᠢᠭ ᠤᠨ ᠲᠠᠭᠠᠤ ᠬᠢᠭᠰᠡᠭᠡᠷ ᠢᠷᠡᠭᠰᠡᠨ ᠶᠤᠮ᠃ ᠴᠠᠮ ᠪᠦᠵᠢᠭ ᠨᠢ ᠴᠠᠰᠤᠲᠤ ᠲᠦᠪᠡᠳ ᠤᠨ ᠣᠷᠤᠨᠠ | ᠪᠣᠷᠬᠠᠨ ᠱᠠᠰᠢᠨ ᠢ ᠲᠡᠯᠭᠡᠷᠡᠭᠦᠯᠬᠦ ᠪᠠᠷ ᠠᠩᠬᠠᠨ ᠤ ᠰᠦᠮ ᠠ᠋ ᠳᠣᠭᠠᠩ ᠢᠶᠠᠨ ᠪᠠᠷᠢᠬᠤ ᠲᠡᠷᠡ ᠦᠶᠡ ᠳᠤ ᠬᠠᠷᠠ ᠵᠦᠭ | ᠤᠨ ᠯᠤᠣᠰ ᠰᠠᠪᠳᠠᠭ ᠤᠳ ᠬᠠᠷᠰᠢᠯᠠᠭᠰᠠᠨ ᠳᠤ ᠡᠨᠡᠳᠭᠡᠭ ᠤᠨ ᠶᠡᠭᠡ ᠪᠠᠭᠰᠢ᠂ ᠯᠤᠪᠣᠨ ᠪᠠᠳᠮᠠᠵᠣᠩᠨᠠᠢ ᠨᠢᠭᠤᠴᠠ | ᠲᠠᠷᠨᠢ ᠶᠢᠨ ᠶᠤᠰᠤᠨ ᠳᠤ ᠲᠤᠯᠭᠠᠭᠤᠷᠢᠯᠠᠨ ᠴᠠᠮ ᠪᠦᠵᠢᠭ ᠢ ᠲᠢᠭᠯᠡᠨ ᠭᠠᠷᠭᠠᠵᠤ ᠣᠯᠠᠮ ᠢᠶᠠᠷ ᠴᠠᠮ ᠪᠦᠵᠢᠬᠦ ᠵᠠᠩ | ᠦᠢᠯᠡ ᠪᠠᠷ ᠬᠠᠷᠠ ᠵᠦᠭ ᠤᠨ ᠯᠤᠣᠰ ᠰᠠᠪᠳᠠᠭ ᠤᠳ ᠢ ᠨᠤᠮᠤᠬᠠᠷᠠᠭᠤᠯᠤᠨ ᠲᠠᠷᠤᠵᠤ᠂ ᠲᠦᠪᠡᠳ ᠤᠨ ᠠᠩᠬᠠᠨ ᠤ | ᠬᠡᠶᠢᠳ ᠪᠤᠯᠬᠤ ᠴᠣᠭᠲᠣ ᠲᠡᠭᠦᠯᠳᠡᠷ ᠰᠠᠮᠢᠶᠠ ᠬᠡᠶᠢᠳ ᠢ ᠪᠠᠶᠢᠭᠤᠯᠵᠤ ᠪᠠᠶᠢᠭᠰᠠᠨ ᠡᠷᠲᠡᠨ ᠤ ᠲᠡᠦᠬᠡ ᠲᠠᠢ ᠠᠵᠠᠢ᠃ | ᠮᠣᠩᠭᠤᠯ ᠣᠷᠣᠨ ᠳᠤ ᠰᠢᠷᠠ ᠶᠢᠨ ᠱᠠᠰᠢᠨ ᠲᠠᠢ ᠬᠠᠮᠳᠤ ᠳᠡᠯᠭᠡᠷᠡᠭᠰᠡᠨ ᠴᠠᠮ ᠢ ︽ᠵᠠᠬᠠᠷ ᠴᠠᠮ︾ ᠪᠤᠶᠤ ︽ᠬᠦᠷᠢᠶᠡ | ᠴᠠᠮ︾ ᠭᠡᠮᠡᠨ ᠨᠡᠷᠡᠶᠢᠳᠭᠰᠡᠭᠡᠷ ᠢᠷᠡᠭᠰᠡᠨ ᠪᠠᠶᠢᠳᠠᠭ᠃ ᠬᠦᠷᠢᠶᠡ ᠴᠠᠮ ᠨᠢ ᠬᠡᠳᠦᠶᠢᠪᠡᠷ ᠲᠦᠪᠡᠳ ᠠᠴᠠ | ᠣᠯᠠᠮᠵᠢᠯᠠᠭᠳᠠᠭᠰᠠᠨ ᠪᠤᠯᠪᠠᠴᠤ ᠮᠣᠩᠭᠤᠯ ᠲᠦᠷᠬᠦ ᠪᠠᠶᠢᠳᠠᠯ᠂ ᠮᠣᠩᠭᠤᠯ ᠵᠠᠩ ᠣᠶᠢᠯᠠ ᠶᠢ ᠨᠢᠭᠡᠨᠲᠡ ᠰᠢᠩᠭᠡᠭᠡᠭᠰᠡᠨ | ᠱᠠᠰᠢᠨ ᠤ ᠰᠤᠶᠤᠯ ᠤᠨ ᠨᠢᠭᠡᠨ ᠴᠢᠬᠤᠯᠠ ᠦᠪ ᠪᠤᠯᠳᠠᠯᠠ ᠪᠠᠨ ᠬᠦᠭᠵᠢᠨ ᠳᠡᠯᠭᠡᠷᠡᠵᠣ ᠴᠢᠳᠠᠭᠰᠠᠨ ᠪᠠᠶᠢᠬᠤ ᠶᠤᠮ᠃ | ᠴᠠᠮ ᠪᠦᠵᠢᠭ ᠨᠢ ᠨᠢᠭᠡ ᠲᠠᠯᠠ ᠠᠴᠠ ᠪᠠᠨ ᠰᠣᠶᠣᠯ ᠣᠷᠠᠯᠢᠭ ᠤᠨ ᠨᠠᠨᠳᠢᠨ ᠦᠪ᠂ ᠨᠦᠭᠦᠭᠡ ᠲᠠᠯ ᠠ᠋ ᠠᠴᠠ ᠠᠯᠢᠪᠠ | ᠵᠤᠪᠠᠯᠠᠩ ᠵᠦᠳᠡᠭᠦᠷᠢ᠂ ᠮᠠᠭᠤ ᠪᠦᠬᠦᠨ ᠤ ᠦᠨᠳᠦᠰᠦ ᠶᠢ ᠳᠠᠰᠤᠯᠤᠨ ᠠᠮᠤᠷᠯᠢᠭᠤᠯᠬᠤ ᠵᠤᠷᠢᠯᠭᠠ ᠲᠠᠢ ᠱᠠᠰᠢᠨ ᠤ | ᠵᠠᠩ ᠦᠢᠯᠡ ᠭᠡᠮᠡᠨ ᠱᠠᠰᠢᠨ ᠨᠣᠮ ᠳᠤ ᠦᠵᠡᠵᠦ᠂ ᠨᠢᠳᠤ ᠪᠠᠷ ᠦᠵᠡᠵᠦ ᠪᠠᠶᠠᠰᠬᠤ ᠠᠴᠠ ᠭᠠᠳᠠᠨᠠ ᠰᠦᠵᠢᠭᠯᠡᠨ | ᠳᠠᠭᠠᠳᠬᠠᠵᠤ ᠪᠢᠰᠢᠷᠡᠪᠡᠯ ᠡᠷᠳᠡᠮ ᠭᠠᠷᠳᠠᠭ ᠭᠡᠮᠡᠨ ᠦᠵᠡᠵᠦ᠂ ᠣᠷᠢᠳᠤ ᠣᠷᠢᠳᠤ ᠶᠢᠨ ᠮᠡᠷᠭᠡᠳ ᠤᠳ ︽ᠴᠠᠮ | ᠦᠵᠡᠭᠰᠡᠨ ᠬᠦᠮᠦᠨ ᠤ ᠰᠡᠳᠭᠢᠯ ᠠᠷᠢᠭᠤᠰᠴᠦ᠂ ᠢᠷᠡᠭᠡᠳᠦᠢ ᠬᠤᠶᠢᠴᠢ ᠳᠠᠭᠠᠨ ᠭᠡᠭᠡᠷᠡᠯ ᠳᠤ ᠬᠦᠷᠦᠨ ᠪᠣᠷᠬᠠᠨ | ᠪᠤᠳᠢᠰᠠᠳ᠋ᠸᠠ ᠨᠠᠷ ᠤᠨ ᠭᠡᠭᠡᠨ ᠳᠦᠷᠢ ᠲᠠᠢ ᠣᠴᠠᠷᠠᠬᠤ ᠶᠢᠨ ᠢᠷᠦᠭᠡᠯ ᠤᠨ ᠲᠡᠭᠡᠳᠦ ᠪᠤᠯᠳᠠᠭ︾ ᠭᠡᠨᠡ᠃ | ᠴᠠᠮ ᠬᠠᠷᠠᠶᠢᠬᠤ ᠳᠤ 108 ᠲᠦᠷᠦᠯ ᠤᠨ ᠪᠣᠷᠬᠠᠳ ᠤᠨ ᠪᠠᠭ ᠢ ᠡᠮᠦᠰᠴᠦ ᠬᠠᠷᠠᠶᠢᠳᠠᠭ᠃ ᠴᠠᠮ ᠤᠨ ᠪᠠᠭ ᠨᠢ | ᠲᠣᠮᠣ ᠵᠢᠵᠢᠭ ᠠᠴᠠ ᠰᠢᠯᠳᠠᠭᠠᠯᠠᠭᠳᠠᠭᠠᠳ ᠬᠦᠨᠳᠦ ᠨᠢ 5-7 ᠺᠢᠯᠥᠭᠷᠠᠮ ᠪᠠᠶᠢᠳᠠᠭ ᠪᠣᠯ ᠬᠤᠪᠴᠠᠰᠦ ᠨᠢ 30 | ᠺᠢᠯᠥᠭᠷᠠᠮ ᠬᠦᠷᠲᠡᠯᠡ ᠪᠠᠶᠢᠳᠠᠭ᠃ ᠬᠤᠪᠴᠠᠰᠦᠨ ᠤ ᠴᠢᠮᠡᠭᠯᠡᠯ ᠢ ᠵᠠᠭᠠᠨ ᠤ ᠶᠠᠰᠦ᠂ ᠲᠡᠮᠡᠭᠡᠨ ᠤ ᠶᠠᠰᠦ᠂ ᠡᠷᠳᠡᠨᠢ ᠶᠢᠨ | ᠴᠢᠯᠠᠭᠤ ᠵᠡᠷᠭᠡ ᠪᠠᠷ ᠬᠢᠳᠡᠭ᠃ ᠴᠠᠮ ᠪᠦᠵᠢᠭ ᠤᠨ ᠪᠠᠭ᠂ ᠬᠤᠪᠴᠠᠰᠦ ᠶᠢ ᠪᠦᠳᠦᠭᠡᠬᠦ ᠳᠤ ᠣᠷᠠᠨ ᠵᠢᠷᠤᠭ᠂ | ᠬᠠᠳᠬᠤᠮᠠᠯ᠂ ᠰᠡᠶᠢᠯᠪᠣᠷᠢ᠂ ᠣᠶᠣᠳᠠᠯ᠂ ᠪᠠᠷᠢᠮᠠᠯ᠂ ᠨᠠᠭᠠᠮᠠᠯ᠂ ᠵᠦᠢᠯᠡᠮᠠᠯ᠂ ᠬᠦᠭᠡᠮᠠᠯ ᠵᠡᠷᠭᠡ ᠣᠯᠠᠨ ᠲᠦᠷᠦᠯ ᠤᠨ | ᠣᠷᠠᠯᠠᠯ ᠤᠨ ᠠᠷᠭᠠ ᠤᠳ ᠣᠷᠣᠳᠠᠭ ᠣᠨᠴᠠᠯᠢᠭ ᠲᠠᠢ ᠶᠤᠮ᠃ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |