| ᠤᠨᠤᠭᠠ ᠮᠤᠷᠢ᠂ ᠤᠷᠤᠯᠳᠤᠭᠠᠨ ᠤ ᠮᠤᠷᠢ ᠶᠢ ᠰᠤᠶᠢᠵᠤ ᠤᠶᠠᠬᠤ ᠤᠶᠠᠭᠠ᠃ ᠮᠤᠷᠢᠨ ᠤ ᠤᠶᠠᠭᠠ᠂ ᠮᠤᠷᠢᠨ | ᠤ ᠵᠠᠯᠡ᠂ ᠱᠤᠭᠰᠢᠭ ᠭᠡᠵᠤ ᠴᠤ ᠨᠠᠷᠡᠯᠡᠳᠡᠭ᠃ ᠮᠤᠩᠭᠤᠯᠴᠤᠳ ᠠᠳᠤᠭᠤ ᠶᠢ ᠰᠤᠷᠭᠠᠵᠤ ᠡᠳ᠋ᠯᠡᠵᠤ ᠤᠨᠤᠭᠠᠷᠠᠢ | ᠪᠤᠯᠭᠠᠭᠰᠠᠨ ᠴᠠᠭ ᠠᠴᠠ ᠡᠬᠢᠯᠡᠵᠤ ᠤᠨᠤᠭᠠ ᠮᠤᠷᠢ ᠪᠠᠨ ᠤᠶᠠᠬᠤ ᠤᠶᠠᠭᠠ ᠲᠠᠢ ᠪᠠᠶᠢᠭᠰᠠᠨ ᠨᠢ ᠮᠡᠳᠡᠭᠡᠵᠢ ᠶᠢᠨ | ᠭᠡᠷᠡᠭ ᠪᠢᠯᠡ᠃ ᠶᠠᠭ ᠡᠶᠢᠮᠤ ᠠᠴᠠ ᠨᠡᠶᠢᠳᠡ ᠮᠤᠩᠭᠤᠯ ᠤᠷᠤᠨ ᠤ ᠠᠯᠢ ᠨᠢᠭᠡᠨ ᠭᠠᠵᠠᠷ ᠤᠨ ᠠᠶᠢᠯ ᠴᠤ ᠭᠡᠰᠡᠨ | ᠦᠭᠡᠢ ᠪᠦᠷ ᠭᠠᠳᠠᠨᠠ ᠪᠠᠨ ᠮᠤᠷᠢᠨ ᠤ ᠵᠡᠯᠡ ᠤᠶᠠᠭᠠ ᠲᠠᠢ ᠪᠠᠶᠢᠳᠠᠭ᠃ | ᠮᠤᠷᠢᠨ ᠤ ᠵᠡᠯᠡ ᠨᠢ ᠤᠶᠠᠭᠠ ᠮᠤᠳᠤ᠂ ᠵᠠᠯᠠ ᠶᠢᠨ ᠰᠤᠷ ᠡᠷᠬᠢᠭᠦᠯᠭᠡ ᠵᠡᠷᠭᠡ ᠪᠠᠷ ᠪᠦᠷᠢᠯᠳᠤᠨᠡ᠃ ᠤᠶᠠᠭᠠ | ᠮᠤᠳᠤ ᠨᠢ ᠠᠴᠠ ᠰᠠᠯᠠᠭᠠ ᠲᠠᠢ ᠪᠦᠳᠤᠭᠦᠨ ᠬᠠᠶᠢᠯᠠᠰᠤᠨ ᠮᠤᠳᠤ᠂ ᠤᠷᠳᠤ ᠳᠤ ᠪᠠᠨ ᠬᠤᠶᠠᠷ ᠠᠯᠳᠠ ᠲᠠᠯᠢᠮ | ᠭᠤᠷᠪᠠᠨ ᠮᠤᠳᠤ ᠪᠤᠶᠤ ᠬᠤᠶᠠᠷ ᠮᠤᠳᠤ ᠤᠷᠤᠬᠤ ᠪᠦᠭᠡᠳ ᠵᠠᠯᠠ ᠶᠢᠨ ᠰᠤᠷ ᠨᠢ 9 — 15 ᠠᠯᠳᠠ ᠤᠷᠳᠤ᠂ | ᠭᠤᠷᠮᠤᠰᠤᠨ ᠲᠠᠮᠤᠵᠤ ᠬᠢᠭᠰᠡᠨ ᠰᠤᠷ ︵ᠤᠯᠤᠰᠤ ᠪᠠᠷ ᠬᠢᠭᠦ ᠶᠢ ᠴᠡᠭᠡᠷᠯᠡᠵᠤ᠂ ᠲᠡᠮᠡᠭᠡᠨ ᠤ ᠰᠢᠷᠢ ᠪᠠᠷ ᠬᠢᠭᠦ ᠨᠢ | ᠲᠦᠭᠡᠮᠡᠯ ᠪᠠᠶᠢᠵᠠᠢ︶ ᠢᠶᠠᠷ ᠬᠢᠨᠡ᠂ ᠵᠠᠷᠢᠮ ᠭᠠᠵᠠᠷ ᠰᠦᠯᠵᠢᠵᠤ ᠬᠢᠨᠡ᠃12 ᠡᠷᠬᠢᠭᠦᠯᠭᠡ ᠲᠠᠢ᠃ ᠡᠨᠡ ᠨᠢ ᠠᠷᠪᠠᠨ | ᠬᠤᠶᠠᠷ ᠵᠢᠯ ᠤᠨ ᠲᠤᠭᠠ ᠪᠠᠷ ᠪᠡᠯᠭᠡᠳᠡᠯ ᠪᠤᠯᠭᠠᠭᠰᠠᠨ ᠭᠡᠷᠡᠭ ᠶᠤᠮ᠃ ᠮᠤᠷᠢᠨ ᠤ ᠵᠡᠯᠠ ᠶᠢ ᠭᠡᠷ ᠤᠨ ᠢᠶᠠᠨ | ᠪᠠᠷᠠᠭᠤᠨ ᠬᠤᠶᠢᠨᠠ᠂ ᠬᠤᠶᠢᠳᠤ ᠵᠦᠭ ᠪᠤᠶᠤ ᠵᠡᠭᠦᠨ ᠬᠤᠶᠢᠨᠠ ᠪᠠᠨ ᠪᠤᠰᠬᠠᠳᠠᠭ ᠪᠦᠭᠡᠳ ᠵᠠᠷᠢᠮ ᠭᠠᠵᠠᠷ ᠨᠢ | ᠡᠭᠦᠳᠡᠨ ᠡᠮᠤᠨᠡ ᠪᠠᠨ ᠪᠤᠰᠬᠠᠬᠤ ᠶᠢ ᠡᠷᠬᠢᠮᠯᠡᠳᠡᠭ ᠴᠤ ᠪᠤᠢ᠃ ᠮᠤᠷᠢᠨ ᠤ ᠤᠶᠠᠭᠠ ᠪᠤᠰᠬᠠᠬᠤ ᠳᠤ ᠪᠠᠨ ᠢᠵᠢᠯ | ᠨᠢᠭᠡᠨ ᠵᠠᠢ ᠳᠤ ᠭᠤᠷᠪᠠᠨ ᠤᠶᠠᠭᠠ ᠮᠤᠳᠤ ᠪᠠᠨ ᠬᠤᠶᠠᠷ ᠭᠤᠷᠪᠠᠨ ᠲᠤᠬᠤᠢ ᠨᠦᠭᠡᠨ ᠳᠤ ᠰᠠᠶᠢᠳᠤᠷ ᠪᠤᠯᠠᠵᠤ | ᠰᠠᠭᠤᠯᠭᠠᠭᠠᠳ ᠠᠴᠠᠨ ᠳᠤ ᠨᠢ ᠵᠠᠯᠠ ᠰᠤᠷ ᠢᠶᠠᠨ ᠴᠢᠩᠭᠠ ᠲᠠᠳᠠᠵᠤ ᠤᠶᠠᠭᠠᠳ ᠤᠶᠠᠭᠠ ᠪᠠᠨ ᠪᠤᠰᠬᠠᠨᠠ᠃ ᠭᠡᠭᠦ | ᠳᠤ ᠪᠠᠨ ᠬᠤᠶᠠᠷ ᠮᠤᠳᠤ ᠲᠠᠢ ᠵᠠᠯᠠ ᠶᠢ ᠪᠤᠯ ᠵᠠᠯᠠ ᠲᠡᠭᠡᠰᠤᠨ ᠤ ᠤᠷᠳᠤ ᠶᠢᠨ ᠪᠠᠷᠢᠮᠵᠢᠶᠡ ᠪᠠᠷ ᠮᠤᠳᠤ ᠶᠢ ᠨᠢ | ᠲᠦᠭᠵᠢᠵᠤ ᠵᠠᠯᠠ ᠪᠠᠨ ᠲᠠᠳᠠᠨᠠ᠃ ᠬᠤᠶᠠᠷ ᠮᠤᠳᠤ ᠲᠠᠢ ᠵᠠᠯᠠ ᠨᠠᠯᠢᠶᠠᠳ ᠲᠦᠭᠡᠮᠡᠯ ᠭᠡᠷᠡᠭᠯᠡᠭᠳᠡᠨᠡ᠃ ᠭᠠᠭᠴᠠ | ᠤᠶᠠᠭᠠ ᠮᠤᠳᠤ ᠶᠢ ᠱᠤᠩ ᠭᠡᠵᠤ ᠭᠡᠯᠡᠳᠡᠭ ᠪᠦᠭᠡᠳ ᠠᠴᠠ ᠲᠠᠢ ᠭᠠᠭᠴᠠ ᠮᠤᠳᠤ ᠶᠢ ᠪᠤᠰᠬᠠᠵᠤ ᠤᠶᠠᠭᠠ ᠪᠤᠯᠭᠠᠨ | ᠮᠤᠷᠢ ᠤᠶᠠᠳᠠᠭ ᠴᠤ ᠪᠤᠢ᠃ ᠮᠤᠷᠢᠨ ᠤ ᠵᠠᠯᠠ ᠶᠢ ᠪᠤᠰᠬᠠᠬᠤ ᠳᠤ ᠪᠠᠨ ᠴᠠᠭ ᠤᠯᠠᠷᠢᠯ᠂ ᠨᠤᠳᠤᠭᠯᠠᠵᠤ ᠰᠠᠭᠤᠭᠠ | ᠭᠠᠵᠠᠷ ᠤᠨ ᠪᠠᠶᠢᠴᠠ ᠵᠡᠷᠭᠡ ᠠᠴᠠ ᠰᠢᠯᠳᠠᠭᠠᠯᠠᠵᠤ ᠠᠯᠢ ᠨᠢᠭᠡᠨ ᠲᠤᠬᠢᠷᠠᠮᠵᠢᠳᠠᠢ ᠭᠠᠵᠠᠷ᠂ ᠵᠦᠭ ᠲᠤ ᠪᠠᠨ ᠵᠠᠯᠠ | ᠤᠶᠠᠭᠠ ᠪᠠᠨ ᠪᠤᠰᠠᠬᠵᠤ ᠪᠤᠯᠳᠠᠭ ᠃ | ᠮᠤᠷᠢ ᠤᠨᠤᠭᠠ ᠲᠠᠢ ᠬᠦᠮᠤᠨ ᠠᠶᠢᠯ ᠤᠨ ᠤᠶᠠᠭᠠᠨ ᠲᠡᠭᠡᠷᠡ ᠪᠠᠭᠤᠬᠤ᠂ ᠮᠤᠷᠳᠠᠬᠤ ᠳᠤ ᠶᠤᠰᠤ ᠵᠢᠷᠤᠮ ᠪᠤᠢ ᠃ | ᠡᠷᠡᠭᠳᠡᠢ ᠬᠦᠮᠤᠨ ᠤᠶᠠᠭᠠᠨ ᠤ ᠪᠠᠷᠠᠭᠤᠨ ᠲᠠᠯᠠ ᠳᠤ ᠨᠢ ᠪᠠᠭᠤᠵᠤ᠂ ᠡᠮᠡᠭᠳᠡᠢ ᠬᠦᠮᠤᠨ ᠤᠶᠠᠭᠠᠨ ᠤ ᠵᠡᠭᠦᠨ ᠲᠠᠯᠠ | ᠳᠤ ᠨᠢ ᠪᠠᠭᠤᠵᠤ᠂ ᠶᠡᠭᠡᠰ ᠬᠦᠮᠤᠨ ᠤᠶᠠᠭᠠᠨ ᠤ ᠭᠤᠤᠯ ᠳᠤ ᠮᠤᠷᠢ ᠪᠠᠨ ᠤᠶᠠᠬᠤ ᠲᠠᠳᠬᠠᠯ ᠲᠠᠢ᠃ ᠵᠠᠯᠠ ᠳᠤ | ᠮᠤᠷᠢ ᠤᠶᠠᠬᠤ ᠳᠤ ᠪᠠᠨ ᠴᠤᠯᠪᠤᠭᠤᠷ ᠢᠶᠠᠨ ᠤᠶᠠᠭᠠᠨ ᠤ ᠡᠷᠬᠢᠭᠦᠯᠭᠡ ᠳᠤ ᠬᠦᠪᠤᠷᠡᠭᠡᠢ ᠤᠶᠠᠨᠠ᠃ ᠮᠤᠷᠢ ᠲᠠᠢ | ᠬᠦᠮᠤᠨ ᠶᠠᠮᠠᠷ ᠨᠢᠭᠡᠨ ᠠᠶᠢᠯ ᠤᠨ ᠭᠠᠳᠠᠨᠠ ᠵᠠᠯᠠ ᠤᠶᠠᠭᠠᠨ ᠲᠡᠭᠡᠷᠡ ᠪᠠᠭᠤᠬᠤ ᠳᠤ ᠪᠠᠨ ᠨᠠᠷᠠ ᠵᠦᠪ ᠡᠷᠬᠢᠭᠦ | ᠭᠤᠷᠢᠮ ᠢᠶᠠᠷ ᠵᠠᠯᠠ ᠤᠶᠠᠭᠠ ᠶᠢ ᠵᠦᠪ ᠡᠷᠬᠢᠵᠤ ᠪᠠᠭᠤᠬᠤ ᠪᠦᠭᠡᠳ ᠮᠤᠷᠳᠠᠵᠤ ᠶᠠᠪᠤᠬᠤ ᠳᠤ ᠪᠠᠨ ᠮᠦᠨ ᠤᠶᠠᠭᠠ ᠶᠢ | ᠵᠦᠪ ᠲᠤᠭᠤᠷᠢᠵᠤ ᠭᠠᠷᠤᠭᠠᠳ ᠶᠠᠪᠤᠳᠠᠭ ᠤᠯᠠᠮᠵᠢᠯᠠᠯ ᠲᠠᠢ᠃ | ᠤᠶᠠᠭᠠ ᠵᠠᠯᠠ ᠶᠢ ᠶᠡᠭᠡᠳᠡ ᠡᠷᠬᠢᠮᠯᠡᠨ ᠬᠦᠨᠳᠤᠯᠡᠭᠦ ᠶᠤᠰᠤ ᠶᠡᠭᠡ ᠲᠡᠭᠡᠷᠡ ᠦᠶᠡ ᠠᠴᠠ ᠤᠯᠠᠮᠵᠢᠯᠠᠭᠳᠠᠵᠤ | ᠢᠷᠡᠵᠠᠢ᠃ ᠤᠶᠠᠭᠠᠨ ᠤ ᠮᠤᠳᠤ ᠶᠢ ᠲᠦᠰᠢᠭᠦ᠂ ᠵᠡᠯᠠ ᠶᠢᠨ ᠰᠤᠷ ᠠᠴᠠ ᠠᠳᠬᠤᠬᠤ᠂ ᠲᠡᠭᠦᠵᠢᠯᠡᠭᠦ᠂ ᠶᠠᠪᠠᠭᠠᠨ ᠪᠤᠶᠤ | ᠤᠨᠤᠭᠠ ᠮᠤᠷᠢ ᠲᠠᠢ ᠵᠠᠯᠠ ᠲᠤᠮᠳᠠᠭᠤᠷ ᠭᠠᠷᠬᠤ᠂ ᠭᠠᠵᠠᠷ ᠤᠨᠠᠭᠰᠠᠨ ᠤᠶᠠᠭᠠᠨ ᠤ ᠮᠤᠳᠤ᠂ ᠵᠠᠯᠠ ᠶᠢᠨ ᠰᠤᠷ | ᠲᠡᠭᠡᠰᠤᠨ ᠲᠡᠭᠡᠭᠦᠷ ᠠᠯᠬᠤᠵᠤ ᠭᠠᠷᠬᠤ᠂ ᠤᠶᠠᠭᠠ ᠵᠠᠯᠠ ᠶᠢ ᠪᠤᠷᠤᠭᠤ ᠡᠷᠬᠢᠭᠦ ᠵᠡᠷᠭᠡ ᠶᠢ ᠮᠠᠰᠢ ᠴᠡᠭᠡᠷᠯᠡᠨᠡ᠃ ᠵᠠᠯᠠ | ᠤᠶᠠᠭᠠ ᠪᠤᠰᠬᠠᠬᠤ ᠳᠤ ᠪᠠᠨ ᠤᠶᠠᠭᠠ ᠮᠤᠳᠤᠨ ᠤ ᠠᠴᠠ ᠶᠢ ᠨᠢ ᠬᠤᠯᠠ ᠶᠢᠨ ᠬᠦᠳᠤᠯ᠂ ᠵᠠᠮ ᠤᠷᠤᠭᠤ | ᠬᠠᠷᠠᠭᠤᠯᠬᠤ ᠶᠢ ᠮᠠᠰᠢ ᠴᠡᠭᠡᠷᠯᠡᠳᠡᠭ᠃ | ᠮᠤᠷᠢᠨ ᠤ ᠤᠶᠠᠭᠠ ᠵᠠᠯᠠ ᠶᠢᠨ ᠤᠷᠴᠢᠨ ᠲᠤᠭᠤᠷᠢᠨ ᠢ ᠰᠠᠶᠢᠨ ᠴᠡᠪᠡᠷᠯᠡᠵᠤ᠂ ᠦᠷᠭᠦᠯᠵᠢ ᠬᠢᠮᠠᠭᠠᠳᠠᠵᠤ ᠶᠠᠪᠤᠬᠤ | ᠶᠤᠰᠤᠳᠠᠢ᠃ ᠨᠢᠭᠡ ᠤᠶᠠᠭᠠᠨ ᠳᠤ ᠤᠨᠤᠭᠠ ᠮᠤᠷᠢ ᠪᠠ ᠤᠷᠤᠯᠳᠤᠭᠠᠨ ᠳᠤ ᠰᠤᠶᠢᠵᠤ ᠪᠠᠶᠢᠭᠠ ᠮᠤᠷᠢ ᠶᠢ ᠬᠠᠮᠳᠤ | ᠤᠶᠠᠳᠠᠭ ᠦᠭᠡᠢ᠃ ᠨᠡᠭᠦᠳᠡᠯ ᠬᠢᠭᠦ ᠳᠤ ᠪᠠᠨ ᠭᠡᠷ ᠢᠶᠠᠨ ᠪᠠᠭᠤᠯᠭᠠᠬᠤ ᠠᠴᠠ ᠡᠮᠤᠨᠡ ᠮᠤᠷᠢᠨ ᠤ ᠤᠶᠠᠭᠠ ᠪᠠᠨ | ᠪᠠᠷᠠᠭᠤᠨ ᠲᠠᠯᠠ ᠠᠴᠠ ᠨᠢ ᠡᠬᠢᠯᠡᠵᠤ ᠪᠠᠭᠤᠯᠭᠠᠬᠤ ᠶᠤᠰᠤᠳᠠᠢ ᠪᠦᠭᠡᠳ ᠰᠢᠨᠠ ᠨᠤᠳᠤᠭ ᠲᠤ ᠬᠦᠷᠴᠤ ᠠᠴᠢᠶᠡ | ᠪᠠᠭᠤᠭᠰᠠᠨ ᠤ ᠬᠤᠶᠢᠨᠠ ᠭᠡᠷ ᠢᠶᠠᠨ ᠪᠠᠷᠢᠬᠤ ᠠᠴᠠ ᠡᠮᠤᠨᠡ ᠤᠶᠠᠭᠠ ᠪᠤᠰᠬᠠᠬᠤ ᠭᠠᠵᠠᠷ ᠢᠶᠠᠨ ᠰᠤᠩᠭᠤᠵᠤ᠂ | ᠤᠶᠠᠭᠠ ᠮᠤᠳᠤ ᠪᠠᠨ ᠪᠤᠰᠬᠠᠬᠤ ᠪᠤᠶᠤ ᠰᠤᠩᠭᠤᠭᠰᠠᠨ ᠭᠠᠵᠠᠷ ᠢᠶᠠᠨ ᠤᠶᠠᠭᠠ ᠮᠤᠳᠤ ᠪᠠᠨ ᠠᠪᠠᠴᠢᠵᠤ ᠲᠠᠯᠪᠢᠳᠠᠭ᠃ | ᠭᠡᠷ ᠢᠶᠠᠨ ᠪᠠᠷᠢᠭᠰᠠᠨ ᠤ ᠰᠡᠭᠦᠯᠡᠷ ᠤᠶᠠᠭᠠ ᠪᠠᠨ ᠪᠤᠰᠬᠠᠬᠤ ᠭᠠᠵᠠᠷ ᠴᠤ ᠪᠤᠢ᠃ | ︽ᠮᠤᠩᠭᠤᠯᠴᠤᠳ ᠤᠨ ᠲᠡᠭᠡᠰᠤ ᠲᠠᠮᠤᠬᠤ ᠰᠤᠶᠤᠯ︾ ᠠᠴᠠ ᠪᠠᠭᠤᠯᠭᠠᠪᠠ | ᠳ᠋᠊᠂ ᠴᠠᠭᠠᠨ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |