| | ᠲᠡᠮᠦᠵᠢᠨ ᠶᠠᠪᠤᠭᠠᠳ ᠰᠢᠪᠡᠬᠡᠯᠡᠵᠤ ᠬᠤᠷᠭᠤᠯᠠᠬᠰᠠᠨ ᠭᠠᠵᠠᠷ ᠲᠠᠭᠠᠨ ᠬᠦᠷᠴᠦ᠂ ᠤᠨᠤᠨ ᠮᠦᠷᠡᠨ ᠦᠬᠡᠳᠡ | ᠮᠦᠰᠬᠢᠵᠤ᠂ ᠤᠨᠤᠨ ᠮᠦᠷᠡᠨ ᠳᠤ ᠦᠷᠦᠨᠡ ᠠᠴᠠ ᠴᠢᠳᠬᠤᠬᠤ ᠬᠢᠮᠤᠷᠭᠠ ᠭᠤᠷᠤᠬᠠᠨ ᠦᠬᠡᠳᠡ ᠮᠦᠰᠬᠢᠬᠡᠳ᠂ | ᠬᠢᠮᠦᠷᠭᠠ ᠭᠤᠷᠤᠬᠠᠨ ᠤ ᠪᠠᠳᠠᠷ ᠬᠤᠰᠢᠭᠤᠨ ᠤ ᠬᠤᠷᠴᠤᠬᠤᠢ ᠪᠤᠯᠳᠠᠬ ᠲᠤ ᠪᠠᠶᠢᠬᠤ ᠡᠭᠡ᠂ ᠲᠡᠬᠦᠦ ᠨᠡᠷ ᠲᠠᠢ ᠪᠠᠨ | ᠵᠤᠯᠭᠠᠯᠳᠤᠪᠠ᠃ ᠨᠢᠬᠡᠨ ᠡᠳᠦᠷ᠂ ᠲᠡᠭᠡᠷᠡᠮ ᠢᠷᠡᠵᠤ ᠬᠡᠷ ᠤᠨ ᠲᠠᠷᠭᠡᠳᠡ ᠪᠠᠶᠢᠬᠰᠠᠨ ᠰᠢᠷᠭᠠ ᠠᠬᠳᠠ ᠵᠡᠷᠭᠡ ᠨᠡᠢᠮᠡᠨ | ᠮᠤᠷᠢ ᠶᠢ ᠦᠵᠡᠵᠤ ᠪᠠᠶᠢᠳᠠᠯᠠ ᠲᠡᠬᠡᠷᠡᠮᠳᠡᠵᠤ ᠠᠪᠠᠴᠢᠪᠠ᠃ ᠶᠠᠪᠠᠭᠠᠨ ᠬᠦᠮᠦᠰ ᠠᠷᠭᠠ ᠦᠬᠡᠢ ᠬᠠᠷᠠᠵᠤ ᠬᠤᠴᠤᠷᠪᠠ᠃ | ᠪᠠᠯᠬᠦᠳᠡᠢ ᠤᠭᠤᠳᠤᠷ ᠲᠡᠷᠭᠢ ᠬᠤᠨᠭ᠍ᠭᠤᠷ ᠢ ᠤᠨᠤᠵᠤ ᠲᠠᠷᠪᠠᠭᠠ ᠠᠩᠨᠠᠬᠤ ᠪᠠᠷ ᠶᠠᠪᠤᠬᠰᠠᠨ ᠪᠢᠯᠡ᠃ ᠦᠳᠡᠰᠢ ᠨᠡᠷᠡ | ᠰᠢᠩᠭᠡᠭᠰᠡᠨ ᠤ ᠬᠤᠶᠢᠨᠠ ᠪᠡᠯᠬᠦᠳᠡᠢ ᠤᠭᠤᠳᠤᠷ ᠲᠡᠷᠭᠢ ᠳᠤ ᠪᠠᠨ ᠲᠠᠷᠪᠠᠭᠠ ᠠᠴᠢᠵᠤ ᠨᠢᠬᠰᠠᠭᠠᠯᠵᠠᠳᠠᠯᠠ ᠬᠦᠳᠦᠯᠵᠤ | ᠶᠠᠪᠠᠭᠠᠨ ᠢᠷᠡᠪᠡ᠃ ︽ᠰᠢᠷᠭᠠ ᠠᠬᠳᠠ ᠵᠡᠷᠭᠡ ᠮᠤᠷᠢᠳ ᠢ ᠲᠡᠬᠡᠷᠡᠮ ᠠᠪᠴᠦ ᠤᠳᠪᠠ︾ ᠭᠡᠪᠡᠯ᠂ ᠪᠠᠯᠬᠦᠳᠡᠢ᠄ ︽ | ᠪᠢ ᠨᠡᠬᠡᠶᠡ︾ ᠬᠡᠪᠡ᠃ ᠬᠠᠰᠠᠷ᠄ ︽ᠴᠢ ᠴᠢᠳᠠᠬᠤ ᠦᠬᠡᠢ᠂ ᠪᠢ ᠨᠡᠬᠡᠶᠡ︾ ᠬᠡᠪᠡ᠃ ᠲᠡᠮᠤᠵᠢᠨ᠄ ︽ᠲᠡ ᠨᠡᠷ | ᠴᠢᠳᠠᠬᠤ ᠦᠬᠡᠢ᠂ ᠪᠢ ᠨᠡᠬᠡᠶᠡ︾ ᠬᠡᠵᠤ ᠲᠡᠷᠭᠢ ᠬᠤᠨᠭ᠍ᠭᠤᠷ ᠢ ᠤᠨᠤᠵᠤ᠂ ᠰᠢᠷᠭᠠ ᠠᠬᠳᠠ ᠵᠡᠷᠭᠡ ᠮᠤᠷᠢᠳ ᠢ | ᠡᠪᠡᠰᠦᠨ ᠤ ᠨᠠᠯᠤᠷᠬᠠᠢ ᠪᠠᠷ ᠮᠦᠰᠬᠢᠵᠤ ᠭᠤᠷᠪᠠᠨ ᠬᠤᠨᠤᠬ ᠶᠠᠪᠤᠪᠠ᠃ | ᠦᠷᠯᠦᠬᠡ ᠡᠷᠳᠡ ᠵᠠᠮ ᠲᠡᠭᠡᠷᠡ ᠨᠢ ᠤᠯᠠᠨ ᠠᠳᠤᠭᠤᠨ ᠤ ᠲᠤᠮᠳᠡ ᠨᠢᠬᠡᠨ ᠵᠢᠪᠬᠤᠭᠠᠯᠢᠬ ᠬᠦᠦ ᠬᠡᠬᠦᠦ ᠰᠠᠭᠠᠵᠤ | ᠪᠠᠶᠢᠬᠤ ᠲᠠᠢ ᠵᠤᠯᠭᠠᠵᠤ᠂ ᠰᠢᠷᠭᠠ ᠠᠬᠳᠠ ᠵᠡᠷᠭᠡ ᠮᠤᠷᠢᠳ ᠢᠶᠠᠨ ᠰᠤᠷᠠᠬᠯᠠᠪᠠᠯ᠂ ᠲᠡᠷᠡ ᠬᠦᠦ ᠬᠡᠯᠡᠪᠡ᠄ ︽ᠡᠨᠡ | ᠦᠷᠯᠦᠬᠡ ᠨᠡᠷᠡ ᠤᠷᠭᠤᠬᠤ ᠶᠢᠨ ᠤᠷᠢᠳ᠂ ᠰᠢᠷᠭᠠ ᠠᠬᠳᠠ ᠲᠠᠢ ᠨᠡᠢᠮᠡᠨ ᠮᠤᠷᠢ ᠶᠢ ᠡᠬᠦᠪᠡᠷ ᠬᠦᠬᠡᠬᠡᠵᠤ ᠶᠡᠪᠤᠪᠡ᠂ | ᠮᠦᠷ ᠢ ᠨᠢ ᠪᠢ ᠵᠢᠭᠠᠵᠤ ᠦᠭᠭᠦᠶᠡ︾ ᠬᠡᠳ ᠤᠭᠤᠳᠤᠷ ᠬᠤᠨᠭ᠍ᠭᠤᠷ ᠢ ᠲᠡᠯᠪᠢᠭᠤᠯᠵᠤ᠂ ᠲᠠᠮᠤᠵᠢᠨ ᠳᠤ ᠤᠷᠤᠬ | ᠰᠢᠩᠬᠤᠯᠡ ᠶᠢ ᠤᠨᠤᠭᠤᠯᠪᠠ᠂ ᠦᠪᠡᠰᠦᠪᠡᠨ ᠬᠤᠷᠳᠤᠨ ᠬᠤᠪᠢ ᠶᠢ ᠤᠨᠤᠪᠡ᠃ ᠭᠡᠷ ᠲᠡᠭᠡᠨ ᠴᠦ ᠤᠴᠢᠬᠰᠠᠨ ᠦᠬᠡᠢ | ᠂ ᠨᠠᠮᠪᠤᠭᠠ ᠰᠠᠭᠤᠯᠠᠭᠠ ᠪᠠᠨ ᠬᠡᠬᠡᠷᠡ ᠪᠤᠭᠤᠵᠤ ᠲᠡᠯᠪᠢᠪᠡ᠃ ᠲᠡᠷᠡ ᠬᠦᠦ᠄ ︽ᠨᠦᠬᠦᠷ ᠴᠢ ᠮᠠᠰᠢ ᠮᠤᠩᠭᠠᠨᠢᠵᠤ | ᠶᠡᠪᠤᠭᠠ ᠠᠵᠢ᠃ ᠡᠷᠡ ᠶᠢᠨ ᠮᠤᠩ ᠨᠢᠬᠡ ᠪᠢᠵᠡ᠃ ᠪᠢ ᠴᠢᠮᠡᠳᠡᠢ ᠨᠦᠬᠦᠷᠯᠡᠶᠡ᠃ ᠡᠴᠢᠬᠡ ᠮᠢᠨᠢ ᠨᠠᠬᠤ ᠪᠠᠶᠠᠨ | ᠬᠡᠳᠡᠭ᠃ ᠪᠢ ᠭᠠᠭᠴᠡ ᠬᠦᠦ ᠨᠢ ᠪᠤᠭᠤᠷᠴᠦ ᠨᠡᠷᠡ ᠲᠠᠢ︾ ᠬᠡᠵᠤ ᠬᠡᠯᠡᠭᠡᠳ ᠲᠡᠮᠦᠵᠢᠨ ᠲᠠᠢ ᠬᠠᠮᠳᠦ᠂ ᠰᠢᠷᠭᠠ | ᠠᠬᠳᠠ ᠵᠡᠷᠭᠡ ᠮᠤᠷᠢᠳ ᠤᠨ ᠮᠦᠷ ᠢᠶᠠᠷ ᠮᠦᠰᠬᠢᠵᠤ ᠭᠤᠷᠪᠠᠨ ᠬᠤᠨᠤᠬ ᠶᠠᠪᠤᠵᠤ᠂ ᠦᠳᠡᠰᠢ ᠶᠢᠨ ᠨᠡᠷᠡ ᠭᠤᠪᠤᠷᠢ | ᠲᠡᠭᠡᠷᠡ ᠲᠠᠰᠢᠵᠤ ᠪᠠᠶᠢᠬᠤ ᠳᠤ ᠨᠢᠬᠡ ᠬᠦᠷᠢᠶᠡ ᠢᠷᠭᠡᠨ ᠳᠤ ᠬᠦᠷᠪᠡ᠃ ᠰᠢᠷᠭᠠ ᠠᠬᠳᠠ ᠵᠡᠷᠭᠡ ᠨᠡᠢᠮᠡᠨ ᠮᠤᠷᠢᠳ | ᠲᠡᠷᠡ ᠶᠡᠭᠡ ᠬᠦᠷᠢᠶᠡᠨ ᠤ ᠬᠠᠵᠠᠭᠤ ᠳᠤ ᠡᠪᠡᠰᠦ ᠢᠳᠡᠵᠤ ᠪᠠᠶᠢᠬᠤ ᠶᠢ ᠤᠯᠵᠤ ᠦᠵᠡᠪᠡ᠃ ᠲᠡᠮᠤᠵᠢᠨ᠄ ︽ᠨᠦᠬᠦᠷ | ᠴᠢ ᠠᠳᠡ ᠪᠠᠨ ᠪᠠᠶᠢᠵᠤ ᠪᠠᠢ᠂ ᠮᠢᠨᠦ ᠮᠤᠷᠢᠳ ᠲᠡᠨᠳᠡ ᠪᠤᠢ᠂ ᠪᠢ ᠬᠦᠬᠡᠬᠡᠵᠤ ᠭᠠᠷᠤᠶᠠ︾ ᠬᠡᠪᠡ᠃ ᠪᠤᠭᠤᠷᠴᠦ᠄ ︽ | ᠨᠦᠬᠦᠷᠯᠡᠶᠡ ᠬᠡᠵᠤ ᠢᠷᠡᠭᠰᠡᠨ ᠪᠢᠯᠡ ᠪᠢ᠂ ᠠᠳᠡ ᠪᠠᠶᠢᠵᠤ ᠶᠠᠭᠠᠬᠢᠬᠤ ᠪᠤᠢ︾ ᠬᠡᠳ ᠬᠠᠮᠳᠦ ᠲᠤᠪᠳᠤᠯᠵᠤ ᠤᠷᠤᠭᠠᠳ | ᠰᠢᠷᠭᠠ ᠠᠬᠳᠠ ᠵᠡᠷᠭᠡ ᠮᠤᠷᠢᠳ ᠢ ᠬᠦᠬᠡᠬᠡᠵᠤ ᠭᠠᠷᠪᠠ᠃ | ᠬᠤᠶᠢᠨᠠ ᠠᠴᠠ ᠬᠦᠮᠦᠰ ᠤᠪᠤᠨ ᠴᠤᠪᠤᠨ ᠨᠡᠬᠡᠵᠤ ᠠᠶᠢᠰᠦᠢ᠃ ᠨᠢᠬᠡᠨ ᠴᠠᠭᠠᠨ ᠮᠤᠷᠢ ᠲᠠᠢ ᠬᠦᠮᠦᠨ ᠤᠷᠭᠠ | ᠪᠠᠷᠢᠵᠤ ᠭᠠᠭᠴᠠᠭᠠᠷ ᠬᠦᠢᠴᠠᠵᠤ ᠠᠶᠢᠰᠦᠢ᠃ ᠪᠤᠭᠤᠷᠴᠦ᠄ ︽ᠨᠦᠬᠦᠷ ᠨᠤᠮᠤ ᠰᠤᠮᠤ ᠪᠠᠨ ᠨᠠᠳᠡ ᠠᠯᠢ᠂ ᠪᠢ | ᠬᠠᠷᠪᠤᠯᠳᠤᠶᠠ︾ ᠬᠡᠪᠡ᠃ ᠲᠡᠮᠤᠵᠢᠨ᠄ ︽ᠮᠢᠨᠦ ᠲᠦᠯᠦᠬᠡ ᠴᠢ ᠡᠷᠦᠰᠳᠡᠭᠦᠵᠡᠢ᠂ ᠪᠢ ᠬᠠᠷᠪᠤᠯᠳᠤᠶᠠ︾ ᠬᠡᠵᠤ᠂ | ᠨᠡᠬᠡᠭᠰᠡᠳ ᠤᠨ ᠡᠰᠡᠷᠭᠦ ᠡᠷᠬᠢᠵᠤ ᠬᠠᠷᠪᠤᠯᠳᠤᠪᠠ᠃ ᠲᠡᠷᠡ ᠴᠠᠭᠠᠨ ᠮᠤᠷᠢ ᠲᠠᠢ ᠬᠦᠮᠦᠨ ᠤᠷᠭᠠ ᠪᠠᠷ ᠢᠶᠠᠨ ᠲᠤᠬᠢᠵᠤ | ᠪᠠᠶᠢᠪᠠ᠃ ᠬᠤᠶᠢᠨᠡᠬᠢ ᠨᠦᠬᠦᠳ ᠨᠢ ᠬᠦᠢᠴᠡᠵᠤ ᠢᠷᠡᠭᠡᠳ ᠲᠡᠭᠦᠨ ᠲᠠᠢ ᠨᠡᠶᠢᠯᠡᠪᠡ᠃ ᠨᠡᠷᠡ ᠰᠢᠩᠬᠡᠵᠤ ᠤᠳᠪᠡ᠃ | ᠲᠦᠬᠦᠰᠢᠨ ᠪᠤᠯᠤᠭᠠᠳ ᠢᠷᠡᠪᠡ᠃ ᠤᠳᠠᠯ ᠦᠬᠡᠢ ᠬᠠᠷᠡᠩᠭᠤᠢ ᠪᠤᠯᠤᠬᠰᠠᠨ ᠲᠤᠯᠡ ᠬᠤᠶᠢᠨᠡᠬᠢ ᠬᠦᠮᠦᠰ ᠨᠡᠬᠡᠬᠦ ᠪᠠᠨ | ᠪᠠᠶᠢᠵᠤ ᠬᠤᠴᠤᠷᠪᠠ᠃ | ᠲᠡᠷᠡ ᠰᠦᠨᠢᠵᠢᠨ ᠶᠡᠪᠤᠵᠤ᠂ ᠭᠤᠷᠪᠠᠨ ᠡᠳᠦᠷ ᠭᠤᠷᠪᠠᠨ ᠰᠦᠨᠢ ᠶᠠᠪᠤᠭᠠᠳ ᠪᠤᠭᠤᠷᠴᠦ ᠶᠢᠨ ᠳᠤ ᠬᠦᠷᠪᠡ᠃ | ᠲᠡᠮᠤᠵᠢᠨ᠄ ︽ᠨᠦᠬᠦᠷ᠂ ᠪᠢ ᠴᠢᠮᠡ ᠲᠠᠢ ᠬᠠᠮᠳᠦ ᠶᠠᠪᠤᠭᠠ ᠦᠬᠡᠢ ᠪᠤᠯ ᠡᠳᠡᠬᠡᠷ ᠮᠤᠷᠢᠳ ᠢᠶᠠᠨ ᠠᠪᠴᠦ ᠴᠢᠳᠠᠬᠤ | ᠦᠬᠡᠢ ᠪᠢᠯᠡ᠂ ᠮᠤᠷᠢᠳ ᠢᠶᠠᠨ ᠬᠤᠪᠢᠶᠠᠯᠳᠤᠶᠠ᠂ ᠭᠡᠳᠦ ᠶᠢ ᠨᠢ ᠲᠡ ᠠᠪᠬᠤ ᠪᠤᠢ︾ ᠬᠡᠪᠡ᠃ ᠪᠤᠭᠤᠷᠴᠦ᠄ ︽ᠪᠢ | ᠰᠠᠶᠢᠨ ᠨᠦᠬᠦᠷ ᠴᠢᠮᠡᠢᠢ ᠮᠤᠩᠭᠠᠨᠢᠵᠤ ᠠᠶᠢᠰᠦᠢ ᠬᠡᠵᠤ᠂ ᠰᠠᠶᠢᠨ ᠨᠦᠬᠦᠷ ᠲᠤ ᠲᠤᠰᠠ ᠪᠤᠯᠤᠶᠡ ᠬᠡᠵᠤ ᠨᠦᠬᠦᠷᠯᠡᠵᠤ | ᠶᠡᠪᠤᠪᠡ ᠪᠢ᠃ ᠤᠯᠵᠠ ᠤᠯᠤᠶᠠ ᠬᠡᠵᠤ ᠠᠪᠬᠤ ᠶᠤᠰᠦ ᠪᠤᠢ ᠤᠤ︖ ᠡᠴᠢᠬᠡ ᠮᠢᠨᠢ ᠨᠠᠬᠤ ᠪᠠᠶᠠᠨ ᠨᠡᠷᠡ ᠲᠠᠢ᠂ | ᠨᠠᠬᠤ ᠪᠠᠶᠠᠨ ᠤ ᠭᠠᠭᠴᠡ ᠬᠦᠦ ᠨᠢ ᠪᠢ᠃ ᠡᠴᠢᠬᠡ ᠶᠢᠨ ᠮᠢᠨᠢ ᠬᠤᠷᠢᠶᠠᠬᠰᠠᠨ ᠵᠦᠬᠡᠬᠡᠭᠰᠡᠨ ᠨᠡᠳᠡ ᠳᠤ ᠡᠯᠪᠡᠭ | ᠬᠦᠷᠦᠨᠡ᠃ ᠪᠢ ᠠᠪᠬᠤ ᠦᠬᠡᠢ᠃ ᠲᠤᠰᠠ ᠪᠤᠯᠤᠬᠰᠠᠨ ᠬᠡᠮᠡᠷ ᠶᠠᠮᠠᠷ ᠯᠡ ᠲᠤᠰᠠ ᠪᠤᠯᠤᠬᠰᠠᠨ ᠪᠤᠢ︖ ᠠᠪᠬᠤ | ᠦᠬᠡᠢ︾ ᠬᠡᠪᠡ᠃ ᠨᠠᠬᠤ ᠪᠠᠶᠠᠨ ᠤ ᠭᠡᠷ ᠲᠤ ᠬᠦᠷᠪᠡ᠃ ᠬᠦᠦ ᠨᠢ ᠰᠤᠷᠠᠬ ᠦᠬᠡᠢ ᠪᠤᠯᠵᠤ ᠨᠠᠬᠤ ᠪᠠᠶᠠᠨ ᠨᠢᠰᠦ | ᠨᠢᠯᠪᠤᠰᠤᠨ ᠳᠠᠭᠠᠨ ᠲᠠᠪᠳᠤᠨ ᠰᠠᠭᠤᠵᠤ ᠪᠠᠶᠢᠪᠠ᠃ ᠬᠦᠦ ᠨᠢ ᠬᠡᠨᠡᠳᠳᠡ ᠬᠦᠷᠦᠬᠡᠳ ᠤᠴᠢᠬᠤ ᠳᠤ ᠬᠦᠦ ᠪᠠᠨ | ᠦᠵᠡᠬᠡᠳ ᠤᠬᠢᠯᠠᠬᠤ ᠶᠢᠨ ᠵᠡᠷᠭᠡ ᠵᠢᠮᠡᠯᠡᠵᠤ ᠲᠤᠩᠭᠤᠳᠤᠨᠠ᠃ ᠬᠦᠦ ᠨᠢ ᠪᠤᠭᠤᠷᠴᠦ᠄ ︽ᠶᠠᠭᠤ ᠯᠡ ᠪᠤᠯᠪᠡ ᠬᠡᠵᠢ᠃ | ᠰᠠᠶᠢᠨ ᠨᠦᠬᠦᠷ ᠮᠤᠩᠭᠠᠨᠢᠵᠤ ᠠᠶᠢᠰᠤᠢ ᠬᠡᠵᠤ ᠨᠦᠬᠦᠷᠯᠡᠵᠤ ᠶᠠᠪᠤᠬᠰᠠᠨ ᠪᠢᠯᠡ ᠪᠢ᠃ ᠤᠳᠤ ᠢᠷᠡᠴᠢᠬᠡᠭᠰᠡᠨ ᠪᠢᠰᠢ | ᠤᠤ︖︾ ᠬᠡᠳ᠂ ᠲᠠᠪᠬᠢᠭᠤᠯᠵᠤ ᠤᠴᠢᠭᠠᠳ᠂ ᠭᠡᠭᠡᠷᠡ ᠪᠤᠭᠤᠵᠤ ᠲᠠᠯᠪᠢᠬᠰᠠᠨ ᠨᠠᠮᠪᠤᠭᠠ ᠰᠠᠭᠤᠯᠠᠭᠠ ᠪᠠᠨ | ᠠᠪᠴᠢᠷᠡᠪᠡ᠃ ᠲᠡᠮᠤᠵᠢᠨ ᠳᠤ ᠲᠡᠯᠡᠭᠡ ᠬᠤᠷᠠᠭᠠ ᠠᠯᠠᠵᠤ ᠬᠦᠨᠠᠰᠦ ᠪᠤᠯᠭᠠᠨ᠂ ᠨᠠᠮᠪᠤᠭᠠ ᠲᠡᠭᠦᠷᠭᠡ ᠵᠠᠰᠠᠵᠤ | ᠪᠡᠯᠡᠳᠭᠡᠵᠤ ᠦᠭᠪᠡ᠃ ᠨᠠᠬᠤ ᠪᠠᠶᠠᠨ᠄ ︽ᠬᠤᠶᠠᠷ ᠵᠠᠯᠠᠭᠤᠰ ᠪᠤᠢ᠂ ᠲᠡ ᠪᠡᠶᠡ ᠪᠡᠶᠡ ᠪᠠᠨ ᠬᠠᠷᠠᠭᠠᠯᠵᠠᠵᠤ | ᠶᠠᠪᠤᠬᠳᠤᠨ᠂ ᠬᠤᠵᠢᠮ ᠬᠤᠶᠢᠨᠠ ᠪᠡᠶᠡ ᠪᠡᠶᠡ ᠪᠠᠨ ᠪᠤᠦ ᠲᠡᠪᠴᠢᠭᠳᠦᠨ︾ ᠬᠡᠪᠡ᠃ ᠲᠡᠮᠦᠵᠢᠨ ᠭᠤᠷᠪᠠᠨ ᠰᠦᠨᠢ | ᠭᠤᠷᠪᠠᠨ ᠡᠳᠦᠷ ᠶᠠᠪᠤᠵᠤ ᠰᠡᠩᠭᠦᠷ ᠭᠤᠷᠤᠬᠠᠨ ᠳᠤ ᠪᠤᠢ ᠬᠡᠷ ᠲᠡᠭᠡᠨ ᠬᠦᠷᠪᠡ᠃ ᠦᠬᠡᠯᠦᠨ ᠡᠭᠡ᠂ ᠬᠠᠰᠡᠷ ᠬᠢᠬᠡᠳ | ᠲᠡᠬᠦᠦ ᠨᠡᠷ ᠨᠢ ᠴᠦᠮ ᠰᠡᠳᠬᠢᠯ ᠵᠤᠪᠠᠵᠤ ᠪᠠᠶᠢᠬᠰᠠᠨ ᠲᠤᠯᠠ ᠦᠵᠡᠭᠡᠳ ᠪᠠᠶᠠᠰᠪᠠ᠃ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |