| | ᠴᠠᠬᠢᠯᠵᠠᠬᠤ ᠲᠦᠢᠯ ᠤᠨ ᠲᠤᠶᠠᠭᠠᠨ ᠳᠤ ᠪᠠᠮᠪᠤᠷᠰᠢ ᠨᠢ ᠵᠡᠭᠦᠳᠦᠯᠡᠨ ᠲᠡᠨᠤᠳᠡᠭ | ᠴᠢᠬᠠᠷᠠᠬᠤ ᠴᠠᠰᠤᠨ ᠤ ᠥᠩᠭᠡᠨ ᠳᠤ ᠦᠨᠡᠭᠡ ᠴᠠᠶᠢᠪᠠᠯᠵᠠᠨ ᠰᠢᠩᠭᠡᠳᠡᠭ | ᠮᠥᠰᠦᠨ ᠳᠡᠭᠡᠷᠡ ᠲᠤᠭᠳᠠᠭᠰᠠᠨ ᠳᠡᠯᠡᠬᠡᠢ ᠶᠢᠨ ᠰᠤᠷᠯᠠᠬᠤ ᠭᠠᠯ ᠤᠨ ᠭᠡᠭᠡᠨ ᠳᠤ | ᠮᠥᠨᠥᠬᠢ ᠯᠡ ᠲᠥᠷᠦᠭᠰᠡᠨ ᠪᠠᠭᠤᠴᠠ ᠮᠢᠨᠢ ᠲᠡᠷᠯᠢᠭ ᠤᠨ ᠡ᠊ᠩᠭᠡᠷ ᠲᠤ ᠳᠤᠷᠠᠰᠤᠭᠳᠠᠨᠠ | ᠭᠠᠭᠴᠠᠬᠠᠨ ᠮᠢᠨᠤ ᠴᠡᠩᠬᠡᠷ ᠮᠥᠷᠦᠭᠡᠳᠦᠯ ᠢ ᠥᠳᠦᠨ ᠰᠢᠷᠭᠠᠯ ᠲᠡᠭᠷᠢ ᠭᠡᠨᠡ | ᠭᠠᠳᠠᠭᠰᠢ ᠪᠠᠨ ᠳᠠᠪᠬᠢᠭᠰᠠᠭᠠᠷ ᠦᠨᠢ ᠶᠢᠨ ᠴᠡᠩᠬᠡᠷ ᠤᠳᠬᠠ ᠳᠤ ᠰᠢᠩᠭᠡᠬᠦ ᠵᠥᠭ ᠢ ᠳᠤᠷᠤᠨᠠ ᠭᠡᠨᠡ | ᠬᠠᠯᠢᠮᠤ ᠪᠢᠳᠠ ᠬᠤᠶᠠᠷ ᠤᠨ ᠲᠡᠭᠷᠢ ᠡᠯᠡᠰᠦᠨ ᠲᠠᠩ ᠳᠡᠭᠡᠷᠡ ᠠᠮᠠᠷᠠᠳᠠᠭ | ᠬᠠᠶᠠᠬᠠᠨ ᠰᠡᠪᠡᠯᠵᠡᠬᠦ ᠵᠢᠪᠠᠷ ᠨᠢ ᠠᠮᠠᠷᠠᠭ ᠤᠨ ᠮᠢᠨᠢ ᠤᠷᠤᠭᠤᠯ ᠰᠢᠭ᠋ ᠲᠥᠭᠡᠨᠡᠳᠡᠭ | ᠳᠥᠯᠦᠨ ᠳᠡᠭᠡᠨ ᠴᠡᠩᠬᠡᠷᠳᠡᠬᠦ ᠬᠠᠯᠠᠭᠤᠨ ᠪᠥᠰᠡᠨ ᠤ ᠳᠠᠯᠠᠢ ᠶᠢᠨ ᠠᠷᠠᠯ ᠳᠡᠭᠡᠷᠡ ᠠᠴᠠ | ᠵᠢᠷᠦᠬᠡᠨ ᠳᠡᠭᠡᠷᠡ ᠥᠨᠳᠡᠯᠵᠡᠬᠦ ᠠᠯᠲᠠᠢ ᠶᠢᠨ ᠠᠭᠤᠯᠠᠰ ᠮᠢᠨᠢ ᠰᠡᠳᠬᠢᠯ ᠢ ᠠᠷᠭᠠ ᠦᠬᠡᠢ ᠲᠠᠲᠠᠨᠠ | ᠴᠠᠭᠯᠠᠰᠢ ᠦᠭᠡᠢ ᠮᠢᠨᠤ ᠮᠥᠷᠦᠭᠡᠳᠦᠯ ᠢ ᠴᠠᠭ ᠤᠨ ᠬᠦᠭᠡᠷᠦᠬᠦᠨ ᠰᠢᠪᠠᠭᠤ ᠭᠡᠨᠡ | ᠴᠠᠰᠢ ᠪᠠᠨ ᠳᠠᠪᠬᠢᠭᠰᠠᠭᠠᠷ ᠦᠨᠢ ᠶᠢᠨ ᠴᠡᠩᠬᠡᠷ ᠤᠳᠬᠠ ᠳᠤ ᠰᠢᠩᠭᠡᠬᠦ ᠵᠥᠭ ᠢ ᠳᠤᠷᠤᠨᠠ ᠭᠡᠨᠡ | ᠪᠥᠮᠪᠦᠷᠴᠡᠭ ᠤᠨ ᠴᠠᠭᠠᠨᠠᠬᠢ ᠵᠦᠭᠡᠯᠡᠨ ᠰᠢᠷᠤᠢ ᠶᠢ ᠬᠥᠬᠡ ᠲᠤᠯᠪᠤ ᠪᠠᠷ ᠲᠠᠮᠠᠭᠠᠯᠠᠭᠰᠠᠨ | ᠪᠥᠮᠪᠦᠷ ᠲᠡᠯᠡᠳᠦᠭᠴᠢ ᠢᠨᠳᠢᠶᠡᠨ ᠬᠦᠮᠦᠨ ᠲᠠᠢ ᠮᠤᠷᠢᠨ ᠳᠡᠯᠤᠨ ᠳᠡᠭᠡᠷᠡ ᠵᠤᠯᠭᠤᠭᠰᠠᠨ | ᠳᠤᠮᠤᠭ ᠤᠨ ᠲᠠᠯᠠ ᠳᠠᠬᠢ ᠠᠮᠧᠷᠢᠺᠠ ᠬᠠᠭᠤᠷᠠᠢ ᠶᠢᠨ ᠡᠵᠡᠭᠦᠢ ᠱᠤᠩᠬᠤᠷ ᠤᠨ ᠳᠠᠭᠤᠨ ᠳᠤ | ᠲᠤᠷᠤᠮ ᠤᠨ ᠳᠠᠭᠠᠬᠢ ᠰᠢᠭ᠋ ᠬᠥᠷᠡᠩ ᠡᠭᠦᠯᠡ ᠲᠠᠢ ᠴᠡᠩᠬᠡᠷ ᠭᠤᠪᠢ ᠪᠠᠨ ᠳᠤᠷᠠᠰᠤᠨᠠᠮ | ᠲᠡᠪᠴᠢᠰᠢ ᠦᠭᠡᠢ ᠲᠡᠮᠡᠤᠯᠥᠭᠴᠢ ᠮᠢᠨᠤ ᠬᠠᠶᠢᠷᠠ ᠶᠢ ᠠᠮᠠᠴᠤᠨᠠᠰ ᠤᠨ ᠮᠥᠩᠭᠦᠨ ᠡᠷᠪᠡᠬᠡᠢ ᠭᠡᠨᠡ | ᠳᠡᠭᠡᠭᠰᠢ ᠪᠠᠨ ᠬᠦᠬᠡᠷᠦᠭᠰᠡᠭᠡᠷ ᠦᠨᠢ ᠶᠢᠨ ᠴᠡᠩᠬᠡᠷ ᠤᠳᠬᠠ ᠳᠤ ᠰᠢᠩᠭᠡᠬᠦ ᠵᠥᠭ ᠢ ᠳᠤᠷᠤᠨᠠ ᠭᠡᠨᠡ | ᠴᠠᠯ ᠨᠤᠭᠤᠭᠠᠨ ᠤᠰᠤᠨ ᠳᠡᠭᠡᠷᠡ ᠵᠠᠪᠢ ᠶᠢᠨ ᠠᠶᠠ ᠪᠠᠷ ᠭᠠᠯᠬᠢᠵᠤ | ᠴᠠᠯᠭᠢᠶᠠᠲᠤ ᠫᠡᠷᠢᠰ ᠤᠨ ᠵᠥᠯᠭᠡᠨ ᠳᠡᠭᠡᠷᠡ ᠶᠢᠷᠲᠢᠨᠴᠤ ᠶᠢ ᠮᠠᠷᠲᠠᠨ ᠦᠨᠦᠰᠦᠯᠳᠦᠭᠰᠡᠨ | ᠤᠷᠴᠢᠯᠠᠩ ᠤᠨ ᠲᠠᠩᠰᠤᠭ ᠤᠯᠠᠭᠠᠨ ᠳᠠᠷᠠᠰᠤᠨ ᠢ ᠤᠷᠤᠭᠤᠯ ᠰᠢᠭ᠋ ᠰᠢᠮᠡᠬᠦ ᠭᠱᠠᠨ | ᠤᠭᠲᠤ ᠠᠴᠠ ᠰᠠᠯᠤᠭᠠ ᠦᠭᠡᠢ ᠳᠡᠪᠡᠯ ᠢᠶᠠᠨ ᠵᠠᠰᠠᠬᠤ ᠳᠤ ᠬᠠᠯᠠᠭᠤᠨ ᠨᠢᠯᠪᠤᠰᠤ ᠬᠡᠯᠬᠢᠶᠡᠷᠡᠨᠡ | ᠦᠨᠢᠲᠡ ᠵᠢᠷᠤᠬᠡᠨ ᠠᠴᠠ ᠰᠠᠯᠬᠤ ᠦᠭᠡᠢ ᠲᠡᠷᠡ ᠯᠡ ᠰᠢᠷᠤᠢ ᠶᠢ ᠮᠤᠩᠭᠤᠯ ᠭᠡᠨᠡ | ᠥᠭᠡᠳᠡ ᠪᠠᠨ ᠬᠥᠬᠡᠷᠦᠭᠰᠡᠭᠡᠷ ᠦᠨᠢ ᠶᠢᠨ ᠴᠡᠩᠬᠡᠷ ᠤᠳᠬᠠ ᠳᠤ ᠰᠢᠩᠭᠡᠬᠦ ᠵᠥᠭ ᠢ ᠳᠤᠷᠤᠨᠠ ᠭᠡᠨᠡ | | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |