| | ᠮᠣᠩᠭᠤᠯ ᠠᠷᠠᠳ ᠤᠨ ᠬᠦᠭᠵᠢᠮ ᠤᠨ ᠦᠭᠦᠯᠡᠬᠦ ᠶᠢᠨ ᠡᠷᠬᠡᠳᠡᠨ ᠪ᠊ ᠣᠷᠠᠯᠢᠭ ᠪᠦᠭᠡᠳ ᠡᠨᠡ ᠲᠦᠷᠦᠯ ᠳᠤ ᠠᠶᠠᠯᠣᠨ | ᠢᠰᠬᠡᠷᠬᠦ᠂ ᠠᠮᠠ ᠪᠠᠷ ᠲᠠᠰᠢᠨ ᠳᠡᠯᠡᠳᠬᠦ᠂ ᠬᠦᠭᠡᠮᠡᠶᠢᠯᠡᠬᠦ᠂ ᠴᠣᠭᠤᠷᠳᠠᠬᠤ᠂ ᠠᠮᠠᠨ ᠬᠤᠭᠤᠷᠳᠠᠬᠤ ᠭᠡᠰᠡᠨ ᠡᠳᠡᠭᠡᠷ | ᠲᠠᠪᠣᠨ ᠣᠷᠠᠯᠢᠭ ᠢ ᠬᠤᠮᠤᠷᠠᠭᠤᠯᠤᠨᠠ᠃ ᠢᠰᠬᠡᠷᠦᠭᠡ ᠶᠢ ᠰᠢᠳᠦᠨ ᠤ᠂ ᠣᠷᠤᠭᠤᠯ ᠤᠨ᠂ ᠲᠠᠩᠨᠠᠢ ᠶᠢᠨ ᠭᠡᠵᠦ | ᠭᠤᠷᠪᠠ ᠠᠩᠭᠢᠯᠠᠨ᠋ ᠠ᠋᠃ ᠢᠰᠬᠡᠷᠦᠭᠡ ᠪᠤᠶᠤ ︽ᠬᠢᠰᠭᠡᠷᠦᠭᠡ︾ ᠨᠢ ︽ᠬᠡᠢ︾ ︵ᠰᠠᠯᠬᠢ︶ ᠭᠡᠰᠡᠨ ᠦᠭᠡ ᠲᠠᠢ | ᠢᠵᠠᠭᠤᠷ ᠨᠢᠭᠡ ᠪᠦᠭᠡᠳ ᠮᠣᠩᠭᠤᠯᠴᠣᠳ ᠢᠰᠬᠡᠷᠦᠭᠡ ᠶᠢ ︽ᠰᠠᠯᠬᠢᠨ ᠤ ᠣᠷᠢᠶᠠ︾ ᠭᠡᠵᠦ ᠢᠲᠡᠭᠡᠳᠡᠭ᠃ ᠲᠡᠶᠢᠮᠦ | ᠣᠴᠢᠷ ᠠᠴᠠ ᠰᠠᠯᠬᠢ ᠬᠡᠷᠡᠭ ᠲᠠᠢ ᠦᠶᠡ ᠳᠤ ᠰᠠᠯᠬᠢᠨ ᠤ ᠡᠵᠡᠨ ᠢ ᠣᠷᠢᠨ ᠳᠠᠭᠤᠳᠠᠭᠰᠠᠨ ᠣᠳᠬᠠ ᠰᠠᠨᠠᠭ᠋ ᠠ᠋ ᠪᠠᠷ | ᠢᠰᠭᠡᠷᠳᠡᠭ ᠪᠠᠶᠢᠨᠠ᠃ ᠢᠰᠬᠡᠷᠬᠦ ᠭᠡᠳᠡᠭ ᠨᠢ ᠶᠠᠮᠠᠷ ᠨᠢᠭᠡᠨ ᠠᠶᠠ ᠶᠢ ᠰᠢᠳᠦᠨ ᠤ ᠵᠠᠪᠰᠠᠷ ᠢᠶᠠᠷ ᠦᠯᠢᠶᠡᠨ ᠬᠤᠶᠠᠷ | ᠣᠷᠤᠭᠤᠯ ᠢᠶᠠᠷ ᠢᠶᠠᠨ ᠬᠠᠭᠠᠭᠠᠵᠤ᠂ ᠨᠡᠭᠡᠭᠡᠨ᠂ ᠱᠣᠪᠰᠢᠷᠠᠨ ᠡᠭᠡᠰᠢᠭᠯᠡᠬᠦ᠂ ᠡᠰᠡᠪᠡᠯ ᠣᠷᠤᠭᠤᠯ ᠤᠨ ᠵᠠᠪᠰᠠᠷ ᠢᠶᠠᠷ | ᠦᠯᠢᠶᠡᠨ ᠡᠭᠡᠰᠢᠭᠯᠡᠬᠦ ᠶᠢᠨ ᠨᠡᠷᠡ ᠪᠤᠯᠤᠨᠠ᠃ | ᠮᠣᠩᠭᠤᠯᠴᠣᠳ ᠡᠪᠦᠯ᠂ ᠬᠠᠪᠤᠷ᠂ ᠰᠦᠨᠢ ᠶᠢᠨ ᠴᠠᠭ ᠲᠤ ᠢᠰᠬᠡᠷᠳᠡᠭ ᠦᠭᠡᠢ᠂ ᠪᠦᠷᠬᠦᠭ ᠰᠡᠷᠢᠭᠦᠨ ᠡᠳᠦᠷ | ᠢᠰᠬᠡᠷᠳᠡᠭ ᠦᠭᠡᠢ᠂ ᠶᠠᠮᠠᠷ ᠨᠢᠭᠡᠨ ᠰᠠᠯᠬᠢ ᠲᠠᠢ ᠳᠤ ᠢᠰᠬᠡᠷᠳᠡᠭ ᠦᠭᠡᠢ᠃ ᠭᠠᠭᠴᠠ ᠬᠦ ᠵᠣᠨ ᠨᠠᠮᠤᠷ ᠤᠨ ᠴᠡᠯᠮᠡᠭ | ᠨᠠᠷᠠ ᠲᠠᠢ ᠡᠳᠦᠷ᠂ ᠪᠦᠭᠴᠢᠮ ᠬᠠᠯᠠᠭᠤᠨ ᠴᠠᠭ ᠲᠤ ᠢᠰᠭᠡᠷᠳᠡᠭ᠃ ᠭᠡᠷ ᠣᠷᠤᠨ ᠳᠠᠭᠠᠨ᠂ ᠢᠰᠡᠭᠡᠢ ᠵᠤᠯᠠᠵᠤ | ᠪᠠᠶᠢᠬᠤ ᠳᠠᠭᠠᠨ᠂ ᠨᠣᠣᠰᠦ ᠰᠠᠪᠠᠵᠤ ᠪᠠᠶᠢᠬᠤ ᠳᠠᠭᠠᠨ ᠢᠰᠬᠡᠷᠬᠦ ᠶᠢ ᠴᠡᠭᠡᠷᠯᠡᠳᠡᠭ᠃ ᠮᠣᠩᠭᠤᠯ ᠬᠦᠮᠦᠨ ᠮᠠᠯ ᠢᠶᠠᠨ | ᠣᠰᠣᠯᠠᠬᠤ ᠳᠠᠭᠠᠨ ᠵᠠᠪᠠᠯ ᠢᠰᠭᠡᠷᠳᠡᠭ ᠨᠢ ᠮᠣᠷᠢ ᠮᠠᠯ ᠢ ᠣᠰᠤ ᠣᠣᠭᠤᠬᠤ ᠳᠤ ᠠᠶᠠᠲᠠᠢ ᠲᠠᠭᠠᠲᠠᠢ ᠪᠣᠯᠭᠠᠨ᠂ ᠠᠩ | ᠢᠶᠠᠨ ᠴᠠᠩᠭᠠᠭᠠ ᠶᠢ ᠨᠢ ᠲᠠᠶᠢᠯᠤᠨ᠂ ᠲᠠᠪᠠᠲᠠᠢ ᠣᠮᠳᠠᠭᠠᠯᠠᠬᠤ ᠳᠤ ᠨᠢ ᠲᠤᠰᠠ ᠪᠤᠯᠤᠭ ᠭᠡᠰᠡᠨ ᠰᠠᠨᠠᠭ᠋ ᠠ᠋ ᠲᠠᠢ | ᠶᠤᠮᠰᠠᠨᠵᠠᠢ᠃ ᠮᠦᠨ ᠠᠶᠠᠨ ᠵᠠᠮ ᠳᠤ ᠡᠯᠢᠬᠡᠳᠡᠨ ᠶᠠᠪᠣᠭᠠ ᠬᠠᠯᠠᠭᠤᠨ ᠬᠦᠯᠦᠰᠦ ᠲᠠᠢ ᠮᠣᠷᠢ᠂ ᠰᠢᠷᠦᠭᠦᠨ | ᠲᠠᠭᠤᠰᠤᠭᠰᠠᠨ ᠠᠳᠣᠭᠤ ᠮᠠᠯ ᠰᠢᠭᠤᠳ ᠣᠰᠤ ᠣᠣᠭᠤᠳᠠᠭ ᠦᠭᠡᠢ᠂ ᠬᠤᠷᠤᠮ ᠤᠨ ᠲᠡᠳᠦᠢ ᠴᠦ ᠪᠣᠯᠪᠡ | ᠰᠡᠷᠢᠭᠦᠴᠡᠨ ᠰᠡᠭᠡᠭᠡ ᠠᠪᠴᠣ ᠪᠠᠶᠢᠵᠤ ᠣᠰᠤ ᠣᠮᠳᠠ ᠠᠮᠲᠠᠯᠠᠨ ᠣᠣᠭᠤᠳᠠᠭ ᠢ ᠮᠠᠯᠴᠢᠨ ᠮᠣᠩᠭᠤᠯᠴᠣᠳ ᠠᠵᠢᠯ | ᠦᠢᠯᠡᠰ ᠤᠨ ᠢᠶᠠᠨ ᠶᠠᠪᠤᠴᠠ ᠳᠤ ᠠᠵᠢᠵᠤ ᠮᠡᠳᠡᠭᠰᠡᠨ ᠣᠴᠢᠷ ᠲᠡᠷᠡ ᠶᠤᠮ᠃ ᠨᠣᠣᠰᠦ ᠰᠠᠪᠠᠭ᠋ᠣ᠂ ᠢᠰᠡᠭᠡᠢ ᠬᠢᠬᠦ ᠳᠤ | ᠬᠡᠳᠦᠢ ᠪᠦᠭᠴᠢᠮᠳᠠᠨ ᠬᠠᠯᠠᠭᠤᠴᠠᠪᠠᠴᠣ᠂ ᠰᠠᠯᠬᠢ ᠣᠷᠢᠬᠤ ᠬᠡᠷᠡᠭ ᠦᠭᠡᠢ᠂ ᠬᠠᠷᠢᠨ ᠴᠦ ᠡᠭᠦᠳᠡᠨ ᠲᠡᠭᠷᠢ ᠠᠴᠠ | ᠠᠪᠬᠠᠭᠤᠯᠤᠭᠠᠳ ᠭᠠᠯ ᠤᠨ ᠡᠵᠡᠨ᠂ ᠡᠷᠡ ᠶᠢᠨ ᠰᠦᠯᠳᠠ ᠲᠡᠭᠷᠢ ᠭᠡᠬᠦ ᠮᠡᠳᠦ ᠰᠢᠳᠦᠭᠡᠨ ᠲᠠᠢ ᠬᠠᠷᠭᠤᠯᠳᠤᠨ | ᠬᠠᠷᠰᠢᠯᠠᠵᠤ ᠪᠣᠯᠵᠣᠰᠢ ᠦᠭᠡᠢ ᠭᠡᠵᠦ ᠦᠵᠡᠳᠡᠭ ᠪᠠᠶᠢᠭᠰᠠᠨ ᠠᠴᠠ ᠲᠡᠶᠢᠨᠬᠦ ᠴᠡᠭᠡᠷᠯᠡᠳᠡᠭ ᠪᠠᠶᠢᠪᠠ︔ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | |