| | ᠡᠷᠡᠭᠳᠠᠶᠢᠴᠤᠳ ᠡᠪᠦᠯ ᠵᠤᠨ ᠬᠠᠪᠤᠷ ᠨᠠᠮᠦᠷ ᠤ ᠤᠯᠠᠷᠢᠯ ᠳᠤ ᠲᠣᠬᠢᠷᠠᠭᠰᠠᠨ ᠡᠯᠡ ᠵᠦᠢᠯ ᠤᠨ ᠦᠪᠡᠷᠮᠢᠴᠡ | ᠣᠨᠴᠠᠯᠢᠭ ᠲᠠᠢ ᠮᠠᠯᠠᠭᠠᠢ ᠡᠮᠦᠰᠬᠦ ᠠᠴᠠ ᠭᠠᠳᠠᠨᠠ ᠬᠠᠪᠤᠷ ᠨᠠᠮᠦᠷ ᠪᠣᠶᠤ ᠬᠠᠯᠠᠭᠤᠨ ᠵᠤᠨ ᠤ ᠤᠯᠠᠷᠢᠯ ᠳᠤ ᠠᠯᠴᠢᠭᠤᠷ | ᠤᠷᠢᠶᠠᠳᠠᠭ ᠵᠠᠩᠰᠢᠯ ᠲᠠᠢ᠃ ᠲᠡᠤᠬᠡ ᠲᠡᠮᠳᠡᠭᠯᠡᠯ ᠢ ᠦᠨᠳᠦᠰᠦᠯᠡᠪᠡᠯ ᠡᠷᠡᠭᠳᠠᠶᠢᠴᠤᠳ ᠳᠡᠭᠡᠷᠡ ᠦᠶᠡ ᠳᠤ ᠡᠪᠦᠯ ᠤᠨ | ᠤᠯᠠᠷᠢᠯ ᠳᠤ ᠦᠨᠡᠭᠡ᠂ ᠪᠣᠯᠠᠭᠠ᠂ ᠴᠢᠨᠳᠠᠭᠠ ᠶᠢᠨ ᠠᠷᠠᠰᠦ ᠪᠠᠷ ᠬᠢᠭᠰᠡᠨ ᠲᠣᠯᠤᠭᠠᠢ ᠶᠢᠨ ᠤᠷᠢᠶᠠᠯᠳᠠ ᠤᠷᠢᠶᠠᠵᠦ | ᠪᠠᠶᠢᠭᠰᠠᠨ ᠭᠡᠳᠡᠭ᠃ ᠡᠷᠡᠭᠳᠠᠶᠢᠴᠤᠳ ᠤᠨ ᠲᠣᠯᠤᠭᠠᠢ ᠶᠢᠨ ᠠᠯᠴᠢᠭᠤᠷ ᠤᠨ ᠲᠦᠷᠦᠯ ᠵᠦᠢᠯ ᠮᠠᠰᠢ ᠤᠯᠠᠨ ᠪᠠᠶᠢᠳᠠᠭ | ᠪᠦᠭᠡᠳ ᠤᠷᠢᠶᠠᠬᠤ ᠠᠷᠭᠠ ᠬᠡᠯᠪᠡᠷᠢ ᠨᠢ ᠴᠦ ᠡᠮᠡᠭᠳᠠᠶᠢᠴᠤᠳ ᠤᠨ ᠬᠢ ᠠᠴᠠ ᠠᠩᠭᠢᠳᠠ ᠢᠯᠭᠠᠭᠳᠠᠬᠤ ᠣᠨᠴᠠᠯᠢᠭ | ᠲᠠᠢ ᠪᠠᠶᠢᠳᠠᠭ᠃ ᠪᠠᠭᠠᠴᠤᠳ ᠵᠠᠯᠠᠭᠤᠴᠤᠳ ᠪᠣᠯ ᠠᠯᠴᠢᠭᠤᠷ ᠢ ᠳᠤᠭᠤᠶᠢᠯᠠᠨ ᠣᠷᠢᠶᠠᠵᠦ ᠠᠷᠤ ᠳᠠᠭᠠᠨ ᠴᠠᠴᠤᠭ | ᠭᠠᠷᠭᠠᠳᠠᠭ᠃ ᠬᠡᠤᠬᠡᠳ ᠪᠣᠯ ᠪᠢᠳᠡᠭᠦᠯᠡᠨ ᠤᠷᠢᠶᠠᠵᠦ ᠬᠤᠶᠠᠷ ᠰᠠᠨᠴᠢᠭ ᠲᠠᠭᠠᠨ ᠨᠢᠵᠡᠭᠡᠳ ᠴᠠᠴᠤᠭ ᠤᠨᠵᠢᠭᠤᠯᠳᠠᠭ᠃ | ᠠᠬᠢᠮᠠᠭ ᠨᠠᠰᠦᠨ ᠤ ᠡᠷᠡᠭᠳᠠᠶᠢᠴᠤᠳ ᠪᠣᠯ ᠠᠯᠴᠢᠭᠤᠷ ᠢᠶᠠᠨ ᠵᠦᠪ ᠳᠤᠭᠤᠶᠢᠯᠠᠨ ᠴᠠᠴᠤᠭᠯᠠᠬᠤ ᠦᠭᠡᠢ ᠣᠷᠢᠶᠠᠬᠤ | ᠪᠣᠶᠤ ᠬᠤᠶᠢᠰᠢ ᠤᠷᠤᠭᠰᠢ ᠳᠠᠷᠤᠵᠦ ᠬᠤᠰᠢᠭᠤᠯᠵᠢᠯᠠᠨ ᠡᠪᠬᠡᠵᠦ ᠣᠷᠢᠶᠠᠳᠠᠭ᠃ ᠪᠠᠭᠠᠴᠤᠳ ᠵᠠᠯᠠᠭᠤᠴᠤᠳ ᠪᠣᠯ | ᠲᠣᠷᠭᠠ ᠳᠤᠷᠳᠤᠩ ᠠᠯᠴᠢᠭᠤᠷ ᠢᠶᠠᠷ ᠲᠣᠯᠤᠭᠠᠢ ᠪᠠᠨ ᠤᠷᠢᠶᠠᠵᠦ᠂ ᠠᠬᠢᠮᠠᠭ ᠨᠠᠰᠦᠨ ᠤ ᠬᠦᠮᠦᠨ ᠪᠣᠯ ᠪᠦᠰ᠂ | ᠴᠢᠰᠴᠠᠤ ᠪᠠᠷ ᠲᠣᠯᠤᠭᠠᠢ ᠪᠠᠨ ᠣᠷᠢᠶᠠᠳᠠᠭ᠃ ᠬᠡᠷᠪᠡ ᠬᠦᠳᠡᠭᠡ ᠬᠡᠭᠡᠷᠡ ᠮᠣᠷᠢ ᠪᠠᠷ ᠶᠠᠪᠤᠪᠠᠯ ᠠᠯᠴᠢᠭᠤᠷ ᠢᠶᠠᠷ | ᠲᠣᠯᠤᠭᠠᠢ ᠪᠠᠨ ᠰᠠᠶᠢᠳᠤᠷ ᠪᠠᠬᠢᠯᠡᠵᠦ ᠤᠷᠢᠶᠠᠳᠠᠭ᠃ ᠵᠠᠷᠢᠮ ᠬᠤᠰᠢᠭᠤ ᠨᠤᠳᠤᠭ ᠲᠤ ᠵᠠᠯᠠᠭᠤ ᠬᠦᠮᠦᠨ ᠪᠣᠯ ᠴᠢᠬᠢᠨ ᠤ | ᠣᠮᠤᠭ ᠢᠶᠠᠨ ᠳᠠᠷᠤᠵᠦ ᠤᠷᠶᠠᠳᠠᠭ᠂ ᠨᠠᠰᠤᠳᠠᠶᠢᠴᠤᠳ ᠪᠤᠯ ᠴᠢᠬᠢᠨ ᠤ ᠤᠮᠤᠭ ᠢᠶᠠᠨ ᠳᠠᠷᠤᠬᠤ ᠦᠭᠡᠢ ᠪᠠᠷ ᠪᠠᠭᠠ | ᠳᠡᠭᠡᠭᠦᠷ ᠤᠷᠢᠶᠠᠳᠠᠭ᠃ ᠡᠷᠡᠭᠳᠠᠶᠢᠴᠤᠳ ᠤᠨ ᠲᠣᠯᠤᠭᠠᠢ ᠶᠢᠨ ᠠᠯᠴᠢᠭᠤᠷ ᠤᠨ ᠬᠦᠨᠳᠦᠳᠭᠡᠯ ᠶᠣᠰᠤ ᠬᠢᠭᠡᠳ ᠴᠡᠭᠡᠷ | ᠬᠤᠷᠢᠭᠠ ᠨᠢ ᠮᠠᠯᠠᠭᠠᠢ ᠲᠠᠢ ᠦᠨᠳᠦᠰᠦᠨ ᠳᠡᠭᠡᠨ ᠠᠳᠠᠯᠢ ᠪᠠᠶᠢᠳᠠᠭ᠃ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ | |