| ᠭᠡᠷ ᠤᠨ ᠡᠳ᠋ᠯᠡᠯ ᠤᠨ ᠵᠦᠢᠯ — | ᠱᠤᠷᠤ᠂ ᠰᠠᠪᠤᠩ᠄ ᠱᠤᠷᠤ ᠭᠡᠳᠡᠭ ᠨᠢ ᠨᠠᠷᠢᠨ ᠮᠣᠳᠣ ᠶᠢ ᠦᠭᠡᠷᠡ ᠨᠢᠭᠡᠨ ᠶᠠᠭᠤᠮᠠᠨ ᠳᠤ ᠰᠢᠭᠠᠵᠤ | ᠣᠷᠤᠭᠤᠯᠬᠤ ᠶᠢᠨ ᠲᠦᠯᠦᠭᠡ ᠦᠵᠦᠭᠦᠷ ᠢ ᠨᠢ ᠱᠣᠷᠤᠯᠠᠵᠤ ᠬᠡᠷᠡᠭᠯᠡᠬᠦ ᠬᠡᠷᠡᠭᠰᠡᠯ ᠢ ᠬᠡᠯᠡᠳᠡᠭ᠃ ᠱᠤᠷᠤ ᠳᠤ ᠤᠷᠲᠤ | ᠱᠣᠷᠤ᠂ ᠠᠬᠤᠷ ᠱᠣᠷᠤ᠂ ᠲᠡᠮᠦᠷ ᠱᠣᠷᠤ ᠭᠡᠵᠦ ᠪᠠᠶᠢᠳᠠᠭ ᠪᠦᠭᠡᠳ ᠤᠷᠲᠤ ᠱᠣᠷᠤ ᠶᠢ ᠲᠤᠰᠤᠨ ᠳᠤ ᠪᠤᠭᠤᠷᠴᠤᠭ | ᠪᠣᠯᠭᠤᠬᠤ᠂ ᠮᠢᠬᠠ ᠰᠢᠷᠠᠬᠤ ᠮᠡᠲᠦ ᠦᠢᠯᠡ ᠳᠤ ᠬᠡᠷᠡᠭᠯᠡᠳᠡᠭ᠃ ᠠᠬᠤᠷ ᠱᠣᠷᠤ ᠶᠢ ᠪᠠᠭᠠ ᠰᠠᠭᠠ ᠶᠠᠭᠤᠮᠠ | ᠱᠤᠷᠤᠯᠠᠵᠤ ᠬᠤᠳᠬᠤᠬᠤ ᠳᠤ ᠬᠡᠷᠡᠭᠯᠡᠳᠡᠭ᠃ ᠲᠤᠬᠠᠶᠢᠯᠠᠪᠠᠯ᠂ ᠮᠠᠯ ᠤᠨ ᠬᠤᠳᠤᠭᠤᠳᠤ ᠳᠤ ᠴᠢᠰᠤ ᠴᠢᠳᠬᠤᠵᠤ | ᠪᠣᠯᠭᠤᠬᠤ ᠶᠢᠨ ᠲᠦᠯᠦᠭᠡ ᠬᠤᠳᠤᠭᠤᠲᠤ ᠶᠢᠨ ᠠᠮᠠ ᠶᠢ ᠰᠦᠭᠦᠮ ᠬᠢᠷᠢ ᠲᠠᠢ ᠨᠠᠷᠢᠨ ᠠᠬᠤᠷ ᠮᠣᠳᠤ ᠪᠠᠷ ᠬᠦᠪᠦᠷᠳᠡᠨ | ᠱᠣᠷᠤᠯᠠᠵᠤ ᠳᠡᠭᠡᠷᠡ ᠠᠴᠠ ᠨᠢ ᠭᠡᠳᠡᠰᠦ ᠪᠠᠷ ᠣᠷᠢᠶᠠᠵᠤ ᠴᠢᠨᠠᠳᠠᠭ᠃ ᠡᠭᠦᠨ ᠠᠴᠠ ᠭᠠᠵᠠᠭᠠ ᠪᠠᠰᠠ ᠤᠯᠠᠶᠢᠯᠭᠠᠵᠤ | ᠪᠠᠶᠢᠭᠠᠳ ᠮᠣᠳᠤ᠂ ᠶᠠᠰᠤ ᠮᠡᠲᠦ ᠵᠦᠢᠯᠡᠰ ᠢ ᠴᠣᠯᠭᠢᠬᠤ ︵ᠴᠣᠷᠭᠢᠬᠤ︶ ᠳᠤ ᠬᠡᠷᠡᠭᠯᠡᠬᠦ ᠲᠡᠮᠦᠷ ᠱᠤᠷᠤ ᠪᠠᠶᠢᠳᠠᠭ ᠪᠠ | ᠲᠤᠯᠤᠭᠠᠢ ᠰᠢᠭᠢᠷᠠ ᠬᠤᠶᠢᠬᠠᠯᠠᠬᠤ ᠳᠤ ᠬᠡᠷᠡᠭᠯᠡᠬᠦ ᠤᠷᠲᠤ ᠰᠢᠭ᠋ ᠪᠦᠳᠦᠭᠦᠨ ᠲᠡᠮᠦᠷ ᠱᠣᠷᠤ ᠪᠠᠶᠢᠳᠠᠭ᠃ | ᠣᠶᠢᠷᠠᠳ ᠬᠦᠮᠦᠰ ᠤᠨ ᠳᠤᠮᠳᠠ ︽ᠮᠢᠬᠠᠨ ᠤ ᠲᠦᠯᠦᠭᠡ ᠱᠣᠷᠤ ᠰᠢᠲᠠᠨᠠ︾ ᠭᠡᠳᠡᠭ ᠳᠠᠷᠤᠰᠢᠯᠭᠠᠲᠤ ᠦᠭᠡ | ᠪᠠᠶᠢᠳᠠᠭ᠃ ᠡᠨᠡ ᠨᠢ ᠨᠢᠭᠡ ᠬᠦᠮᠦᠨ ᠤ ᠲᠦᠯᠦᠭᠡ ᠦᠭᠡᠷᠡ ᠨᠢᠭᠡ ᠬᠦᠮᠦᠨ ᠢᠴᠢᠵᠤ ᠭᠤᠲᠤᠬᠤ ᠪᠤᠶᠤ ᠦᠭᠡᠷᠡ | ᠨᠢᠭᠡᠨ ᠤ ᠲᠦᠯᠦᠭᠡ ᠡᠨᠡ ᠨᠢᠭᠡ ᠨᠢ ᠵᠣᠪᠠᠵᠤ ᠵᠦᠳᠡᠬᠦ ᠭᠡᠰᠡᠨ ᠰᠠᠨᠠᠭᠠ ᠶᠢ ᠵᠢᠭᠠᠳᠠᠭ᠃ ᠮᠦᠨ ᠬᠡᠯᠡ ᠠᠮᠠᠨ ᠳᠠᠭᠠᠨ | ᠰᠠᠶᠢᠨ ᠪᠠᠭᠠ ᠬᠦᠪᠡᠭᠦᠳ ᠢ ︽ᠱᠣᠷᠤ ᠬᠤᠩᠰᠢᠶᠠᠷ ᠲᠠᠢ︾ ᠭᠡᠵᠦ ᠬᠡᠯᠡᠳᠡᠭ ᠪᠠ ᠦᠭᠭᠦᠭᠰᠡᠨ ᠶᠠᠭᠤᠮᠠ ᠶᠢ ᠪᠠᠭᠠ | ᠭᠡᠬᠦ ᠪᠤᠶᠤ ᠮᠠᠭᠤ ᠭᠡᠵᠦ ᠴᠠᠭᠠᠷᠤ ᠵᠣᠯᠠᠬᠤ ᠶᠢ ︽ᠱᠤᠷᠤᠳᠠᠭᠠᠵᠤ ᠪᠠᠶᠢᠨᠠ︾ ᠭᠡᠵᠦ ᠬᠡᠯᠡᠳᠡᠭ᠃ ᠶᠡᠷᠦ ᠶᠢᠨ | ᠦᠶᠡ ᠳᠤ ᠱᠣᠷᠤ ᠪᠠᠷ ᠭᠠᠵᠠᠷ ᠬᠠᠳᠬᠤᠬᠤ᠂ ᠬᠦᠮᠦᠨ ᠤᠷᠤᠭᠤ ᠬᠠᠳᠬᠤᠬᠤ᠂ ᠬᠦᠮᠦᠨ ᠴᠣᠬᠢᠬᠤ᠂ ᠭᠠᠯ | ᠭᠤᠯᠤᠮᠲᠠ ᠤᠷᠤᠭᠤ ᠰᠢᠭᠠᠬᠤ᠂ ᠮᠠᠯ ᠬᠠᠷᠠ ᠴᠢᠴᠢᠬᠦ ᠪᠤᠶᠤ ᠪᠤᠵᠠᠷ ᠠᠵᠠᠷ ᠭᠠᠵᠠᠷ ᠲᠤ ᠬᠠᠶᠠᠬᠤ ᠵᠡᠷᠭᠡ ᠦᠢᠯᠡ | ᠠᠵᠢᠯᠯᠠᠭᠠ ᠶᠢ ᠲᠠᠰᠤ ᠴᠡᠭᠡᠷᠯᠡᠳᠡᠭ ᠵᠠᠩᠰᠢᠯ ᠲᠠᠢ ᠪᠠᠶᠢᠳᠠᠭ᠃ | ᠰᠠᠪᠤᠩ ᠪᠣᠯᠪᠠᠯ ᠬᠦᠨᠵᠢᠯᠡ ᠳᠡᠪᠢᠰᠭᠡᠷ᠂ ᠬᠤᠪᠴᠠᠰᠤ ᠬᠤᠨᠠᠷ᠂ ᠨᠣᠣᠰᠤ ᠦᠰᠦ᠂ ᠡᠳ᠋ ᠬᠡᠷᠡᠭᠰᠡᠯ ᠪᠤᠶᠤ ᠪᠡᠶᠡ | ᠤᠭᠢᠶᠠᠵᠤ ᠭᠬᠢᠷ ᠨᠤᠭᠤᠳ ︵ᠪᠤᠷᠲᠠᠭ︶ ᠢ ᠨᠢ ᠭᠠᠷᠭᠠᠬᠤ ᠳᠤ ᠬᠡᠷᠡᠭᠯᠡᠳᠡᠭ ᠵᠦᠢᠯ ᠪᠣᠯᠬᠤ ᠶᠤᠮ᠃ ᠦᠩᠭᠡᠷᠡᠭᠰᠡᠨ ᠳᠤ | ᠰᠠᠪᠤᠩ ᠢ ᠬᠠᠭᠤᠴᠢᠨ ᠤᠳᠤᠮᠰᠢᠯ ᠤᠨ ᠠᠷᠭᠠ ᠪᠠᠷ ᠦᠪᠡᠷ ᠢᠶᠠᠨ ᠬᠢᠳᠡᠭ ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ ᠡᠭᠦᠨ ᠢ ᠬᠢᠬᠦ ᠳᠤ | ᠬᠠᠭᠰᠠᠬᠤ ᠬᠠᠮᠬᠤᠤᠯ ᠢ ᠰᠢᠲᠠᠭᠠᠭᠠᠳ ᠦᠨᠡᠰᠦ ᠶᠢ ᠨᠢ ᠠᠪᠴᠦ ᠤᠰᠤᠨ ᠳᠤ ᠬᠢᠵᠦ ᠪᠤᠴᠠᠯᠭᠠᠳᠠᠭ ᠪᠠ ᠱᠠᠭ ᠪᠤᠭ ᠢ | ᠨᠢ ᠰᠢᠭᠦᠵᠦ ᠠᠪᠤᠭᠠᠳ ᠳᠠᠬᠢᠨ ᠪᠤᠴᠠᠯᠭᠠᠵᠤ ᠤᠰᠤ ᠶᠢ ᠨᠢ ᠰᠢᠷᠭᠢᠭᠡᠳ᠂ ᠲᠡᠭᠦᠨ ᠤ ᠳᠡᠭᠡᠷᠡ ᠬᠤᠨᠢᠨ ᠤ ᠬᠤᠷᠭᠤ ︵ | ᠲᠤᠰᠤ︶ ᠬᠢᠵᠦ ᠬᠦᠰᠢᠲᠡᠯᠡ ᠨᠢ ᠪᠤᠴᠠᠯᠭᠠᠵᠤ ᠭᠠᠷᠭᠠᠭᠠᠳ ᠪᠠᠷᠢᠮ ᠬᠢᠷᠢ ᠲᠠᠢ ᠪᠠᠷ ᠮᠤᠭᠤᠯᠴᠠᠭᠯᠠᠨ ᠬᠠᠲᠠᠭᠠᠵᠤ | ᠣᠷᠬᠢᠪᠡᠯ ᠬᠤᠵᠢᠷᠯᠢᠭ ᠰᠢᠷᠠ ᠦᠩᠭᠡ ᠲᠠᠢ ᠵᠦᠢᠯ ᠪᠣᠯᠳᠠᠭ ᠪᠠᠶᠢᠨᠠ᠃ ᠡᠶᠢᠭᠡᠵᠦ ᠬᠢᠭᠰᠡᠨ ᠰᠠᠪᠤᠩ ᠢᠶᠠᠷ ᠢᠶᠠᠨ | ᠶᠠᠭᠤᠮᠠ ᠬᠡᠤᠮᠠ ᠤᠭᠢᠶᠠᠬᠤ ᠦᠶᠡ ᠳᠤ ᠳᠡᠭᠡᠷᠡ ᠨᠢ ᠲᠦᠷᠬᠢᠵᠦ ᠤᠭᠢᠶᠠᠳᠠᠭ ᠪᠠᠶᠢᠨᠠ᠃ | ᠣᠳᠤ ᠪᠣᠯᠪᠠᠯ ᠠᠷᠠᠯᠵᠢᠶᠠ ᠮᠠᠶᠢᠮᠠᠢ ᠣᠯᠠᠰᠢᠷᠠᠵᠤ᠂ ᠳᠡᠯᠭᠡᠭᠦᠷ ᠪᠦᠬᠦᠨ ᠳᠤ ᠢᠽᠢ ᠰᠠᠪᠤᠩ᠂ ᠦᠢᠷᠡᠮᠡᠭ ᠰᠠᠪᠤᠩ᠂ | ᠰᠢᠷᠠ ᠰᠠᠪᠤᠩ᠂ ᠪᠡᠶᠡ ᠤᠬᠢᠶᠠᠬᠤ ᠰᠠᠪᠤᠩ᠂ ᠲᠣᠯᠤᠭᠠᠢ ᠤᠭᠢᠶᠠᠬᠤ ᠰᠠᠪᠤᠩ ᠮᠡᠲᠦ ᠪᠠᠽᠠᠷ ᠰᠠᠪᠤᠩ ᠡᠯᠪᠡᠭ | ᠪᠣᠯᠤᠭᠰᠠᠨ ᠪᠦᠭᠡᠳ ᠤᠭᠢᠶᠠᠬᠤ ᠶᠠᠭᠤᠮᠠᠨ ᠳᠤ ᠵᠣᠷᠢᠭᠤᠯᠵᠤ ᠦᠢᠯᠡᠳᠪᠦᠷᠢᠯᠡᠭᠰᠡᠨ ᠣᠯᠠᠨ ᠲᠦᠷᠦᠯ ᠤᠨ ᠰᠠᠪᠤᠩ | ᠡᠯᠪᠡᠭ ᠪᠣᠯᠤᠭᠰᠠᠨ ᠲᠤᠯᠠ ᠭᠠᠷ ᠢᠶᠠᠷ ᠬᠢᠭᠰᠡᠨ ᠰᠠᠪᠤᠩ ᠬᠡᠷᠡᠭᠯᠡᠬᠦ ᠬᠦᠮᠦᠨ ᠴᠦᠬᠡᠨ ᠪᠤᠯᠤᠭᠰᠠᠨ ᠪᠠᠶᠢᠳᠠᠭ᠃ | | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠡᠷᠳᠡᠨᠢᠬᠦᠦ | ᠨᠠᠶᠢᠷᠠᠭᠤᠯᠤᠭᠰᠠᠨ ᠨᠢ᠄ ᠨᠠᠮᠤᠷ | ᠬᠢᠨᠠᠭᠰᠠᠨ ᠨᠢ᠄ ᠤᠷᠢᠬᠠᠨ |