| | ᠲᠣᠰ ᠳ᠋ᠤᠭᠠᠷ ᠲᠠᠭᠠᠨ ᠡᠯᠡᠰᠦᠨ ᠳᠤ ᠬᠠᠭᠤᠷᠤᠭᠰᠠᠨ ᠬᠤᠷᠣᠬᠠᠢ ᠪᠣᠣᠪᠤ ᠬᠢᠬᠦ ᠠᠷᠭᠠ ᠶᠢ ᠲᠠᠨᠢᠯᠴᠠᠭᠤᠯᠵᠤ | ᠪᠠᠶᠢᠨᠠ᠃ ᠪᠠᠶᠢᠭᠠᠯᠢ ᠣᠷᠴᠢᠨ ᠲᠠᠢ ᠪᠠᠨ ᠵᠣᠬᠢᠴᠠᠭᠰᠠᠨ᠂ ᠨᠡᠭᠦᠳᠡᠯ ᠠᠮᠢᠳᠤᠷᠠᠯ ᠳᠤ ᠲᠣᠬᠢᠷᠠᠭᠰᠠᠨ ᠡᠨᠡᠬᠦ | ᠡᠯᠡᠰᠦᠨ ᠳᠤ ᠪᠣᠣᠪᠤ ᠬᠠᠭᠤᠷᠬᠤ ᠠᠷᠭᠠ ᠶᠢ ᠨᠤᠲᠤᠭ ᠤᠨ ᠬᠥᠮᠥᠰ ᠣᠯᠠᠩᠬᠢ ᠳᠠᠭᠠᠨ ᠠᠶᠠᠨ ᠳᠤ ᠶᠠᠪᠤᠬᠤ᠂ | ᠣᠲᠣᠷᠯᠠᠵᠤ ᠨᠡᠭᠦᠳᠡᠯᠯᠡᠬᠦ᠂ ᠡᠷᠢᠯ ᠳᠤ ᠭᠠᠷᠬᠤ ᠦᠶᠡᠰ ᠲᠤ ᠬᠡᠷᠡᠭᠯᠡᠵᠦ᠂ ᠬᠤᠯᠠ ᠶᠢᠨ ᠠᠶᠠᠨ ᠵᠠᠮ ᠳᠤ ᠤᠮᠳᠠ ᠪᠤᠶᠤ | ᠴᠠᠢ ᠶᠢᠨ ᠠᠮᠲᠠ ᠬᠢᠵᠦ ᠶᠠᠪᠤᠳᠠᠭ ᠪᠠᠶᠢᠵᠠᠢ᠃ ᠴᠠᠭ ᠡᠷᠡᠨ ᠤ ᠬᠥᠭᠵᠢᠯᠲᠡ ᠶᠢ ᠳᠠᠭᠠᠯᠳᠤᠨ ᠣᠲᠣ ᠡᠯᠡᠰᠦᠨ ᠳᠤ | ᠪᠣᠣᠪᠤ ᠬᠠᠭᠤᠷᠬᠤ ᠶᠠᠪᠤᠳᠠᠯ ᠴᠤ ᠴᠥᠭᠡᠨ ᠬᠠᠷᠠᠭᠳᠠᠬᠤ ᠪᠣᠯᠵᠠᠢ᠃ | ᠡᠯᠡᠰᠦᠨ ᠳᠤ ᠪᠣᠣᠪᠤ ᠬᠠᠭᠤᠷᠬᠤ ᠠᠷᠭᠠ | ①ᠭᠤᠯᠢᠷ᠂ ᠰᠦ᠂ ᠰᠢᠬᠢᠷ᠂ ᠬᠤᠵᠢᠷ᠂ ᠤᠰᠤ᠂ ᠶᠣᠬᠲᠤ᠂ ᠰᠢᠭᠰᠢᠭᠦᠷ᠂ ᠳᠡᠪᠢᠭᠦᠷ᠂ ᠪᠥᠰ ᠤᠭᠤᠲᠠ | ᠵᠡᠷᠭᠡ ᠶᠢ ᠪᠡᠯᠡᠳᠬᠡᠨᠡ᠃ | ②ᠭᠤᠯᠢᠷ ᠲᠠᠭᠠᠨ ᠵᠣᠬᠢᠬᠤ ᠬᠡᠮᠵᠢᠶᠡᠨ ᠤ ᠬᠤᠵᠢᠷ ᠬᠢᠵᠦ᠂ ᠳᠠᠷᠠᠭᠠ ᠨᠢ ᠪᠤᠴᠠᠯᠭᠠᠵᠤ ᠬᠥᠷᠥᠭᠡᠭᠰᠡᠨ | ᠤᠰᠤᠨ ᠳᠠᠭᠠᠨ ᠰᠦ ᠪᠤᠶᠤ ᠰᠢᠬᠢᠷ ᠬᠢᠭᠡᠳ ᠭᠤᠯᠢᠷ ᠢᠶᠠᠨ ᠨᠤᠬᠤᠨᠠ᠃ ᠭᠤᠯᠢᠷ ᠢᠶᠠᠨ ᠬᠠᠲᠠᠭᠤ ᠨᠤᠬᠤᠬᠤ ᠨᠢ ᠮᠠᠰᠢ | ᠴᠢᠬᠤᠯᠠ ᠶᠤᠮ᠃ | ③ᠨᠤᠬᠤᠭᠰᠠᠨ ᠭᠤᠯᠢᠷ ᠢᠶᠠᠨ ᠬᠠᠭᠠᠰ ᠴᠠᠭ ᠣᠷᠴᠢᠮ ᠬᠤᠴᠢᠵᠤ ᠲᠠᠯᠪᠢᠨᠠ᠃ ᠰᠦ᠂ ᠰᠢᠬᠢᠷ ᠵᠡᠷᠭᠡ | ᠬᠤᠯᠢᠭᠰᠠᠨ ᠶᠠᠭᠤᠮᠠ ᠨᠢ ᠭᠤᠯᠢᠷ ᠲᠤ ᠪᠦᠷᠢᠮᠦᠰᠦᠨ ᠰᠢᠩᠭᠡᠵᠦ ᠨᠠᠶᠢᠷᠠᠬᠤ ᠶᠢ ᠬᠦᠯᠢᠶᠡᠨᠡ᠃ | ④ᠡᠯᠡᠰᠦ ᠪᠠᠨ ᠲᠣᠭᠤᠭᠠᠨ ᠳᠤ ᠬᠢᠵᠦ ᠭᠠᠯ ᠢᠶᠠᠨ ᠬᠥᠭᠵᠢᠭᠡᠨᠡ᠃ ᠡᠭᠦᠨ ᠳᠤ ᠡᠯᠡᠰᠦᠨ ᠤ ᠮᠥᠬᠦᠯᠢᠭ ᠨᠢ | ᠪᠦᠳᠦᠭᠦᠨ ᠮᠥᠷᠲᠡᠭᠡᠨ ᠴᠡᠪᠡᠷ ᠪᠠᠶᠢᠬᠤ ᠶᠢ ᠱᠠᠭᠠᠷᠳᠠᠨᠠ᠃ | ⑤ ᠭᠤᠯᠢᠷ ᠢᠶᠠᠨ ᠨᠢᠮᠭᠡᠨ ᠳᠡᠯᠭᠡᠵᠦ᠂ ᠵᠢᠵᠢᠭ ᠬᠡᠷᠴᠢᠨᠡ᠃ | ⑥ᠡᠯᠡᠰᠦ ᠪᠠᠨ ᠰᠠᠶᠢᠨ ᠬᠠᠯᠠᠭᠠᠵᠤ ᠪᠠᠶᠢᠭᠠᠳ ᠬᠡᠷᠴᠢᠭᠰᠡᠨ ᠪᠣᠣᠪᠤ ᠪᠠᠨ ᠬᠢᠵᠦ᠂ ᠶᠣᠬᠲᠤ ᠪᠠᠷ ᠬᠠᠭᠤᠷᠤᠨᠠ᠃ | | ⑦ᠬᠠᠭᠤᠷᠴᠤ ᠪᠣᠯᠭᠤᠭᠠᠭᠰᠠᠨ ᠪᠣᠣᠪᠤ ᠪᠠᠨ ᠰᠢᠭᠰᠢᠭᠦᠷ ᠲᠤ ᠬᠢᠵᠦ ᠰᠢᠭᠰᠢᠭᠡᠳ ᠡᠯᠡᠰᠦ ᠶᠢ ᠨᠢ ᠠᠷᠢᠯᠭᠠᠨᠠ᠃ | | ⑧ᠰᠢᠭᠰᠢᠭᠰᠡᠨ ᠪᠣᠣᠪᠤ ᠪᠠᠨ ᠪᠥᠰ ᠤᠭᠤᠲᠠᠨ ᠳᠤ ᠬᠢᠵᠦ ᠠᠯᠠᠭᠠᠳᠠᠭᠠᠳ ᠨᠠᠭᠠᠯᠳᠤᠭᠰᠠᠨ ᠡᠯᠡᠰᠦ ᠶᠢ ᠨᠢ | ᠪᠦᠷᠢᠮᠦᠰᠦᠨ ᠠᠷᠢᠯᠭᠠᠨᠠ᠃ | ᠡᠯᠡᠰᠦᠨ ᠳᠤ ᠬᠤᠷᠣᠬᠠᠢ ᠪᠣᠣᠪᠤ ᠬᠠᠭᠤᠷᠬᠤ ᠠᠷᠭᠠ ᠶᠢ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠠᠷᠠᠯᠵᠢᠶᠠ | ᠬᠤᠳᠠᠯᠳᠤᠭᠠᠨ ᠤ ᠲᠣᠪᠴᠢᠶᠠ ᠠᠴᠠ ᠠᠵᠢᠯ ᠤᠨ ᠠᠮᠠᠷᠠᠯᠲᠠ ᠪᠠᠨ ᠠᠪᠤᠭᠰᠠᠨ ᠺᠠᠳ᠋ᠷ ᠨᠠᠷᠠᠨᠴᠡᠴᠡᠭ ᠪᠣᠯᠣᠨ ᠠᠯᠠᠱᠠ | ᠵᠡᠭᠦᠨ ᠬᠤᠰᠢᠭᠤᠨ ᠤ ᠵᠢᠷᠠᠲᠠᠢ ᠪᠠᠯᠭᠠᠰᠤᠨ ᠤ ᠵᠤᠭᠤᠰᠳᠤᠯᠤᠭᠠᠢ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠵᠢᠨᠬᠤᠸᠠᠷ | ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠶᠤᠮ᠃ | | | ᠳᠠᠪᠰᠢᠯᠲᠤ ᠬᠤᠶᠢᠳ ᠰᠡᠴᠡᠨ ᠨᠡᠷᠡᠨᠡ |