| | ᠴᠢᠩᠭᠢᠰ ᠬᠠᠭᠠᠨ ︵1186 — 1241︶ 1206 ᠣᠨ ᠳᠤ ᠮᠤᠩᠭᠤᠯ ᠶᠡᠭᠡ ᠬᠠᠭᠠᠨᠲᠤ ᠤᠯᠤᠰ ᠢ | ᠪᠠᠶᠢᠭᠤᠯᠤᠭᠰᠠᠨ ᠠᠴᠠ ᠨᠠᠰᠢ ᠭᠤᠴᠢᠨ ᠬᠡᠳᠦᠨ ᠮᠤᠩᠭᠤᠯ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠰᠠᠭᠤᠵᠣ ᠲᠦᠷᠦ ᠵᠠᠰᠠᠭ | ᠶᠠᠪᠤᠭᠤᠯᠵᠤ ᠦᠩᠭᠡᠷᠡᠵᠡᠢ᠃ | ᠦᠭᠡᠳᠠᠢ ᠬᠠᠭᠠᠨ ︵1186 — 1241︶ | ᠴᠢᠩᠭᠢᠰ ᠬᠠᠭᠠᠨ ᠤ ᠬᠦᠪᠡᠭᠦᠳ ᠤᠨ ᠳᠣᠲᠣᠷᠠᠬᠢ ᠭᠤᠷᠪᠠᠳᠣᠭᠠᠷ ᠬᠦᠪᠡᠭᠦᠨ ᠨᠢ ᠮᠥᠨ᠃ 1229 ᠣᠨ ᠳᠤ | ᠴᠢᠩᠬᠢᠰ ᠬᠠᠭᠠᠨ ᠤ ᠶᠡᠭᠡ ᠣᠷᠣ ᠶᠢ ᠵᠠᠯᠭᠠᠮᠵᠢᠯᠠᠨ᠂ ᠬᠠᠭᠠᠨᠲᠤ ᠮᠤᠩᠭᠤᠯ ᠣᠯᠣᠰ ᠤᠨ ᠬᠤᠶᠠᠳᠣᠭᠠᠷ ᠬᠠᠭᠠᠨ | ᠪᠤᠯᠵᠠᠢ᠃ ᠦᠭᠡᠳᠠᠢ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠬᠠᠭᠠᠨ ᠡᠴᠢᠭᠡ ᠪᠠᠨ ᠳᠠᠭᠠᠵᠤ᠂ ᠳᠣᠲᠣᠭᠠᠳᠣ ᠭᠠᠳᠠᠭᠠᠳᠣ ᠶᠢᠨ | ᠪᠠᠶᠢᠯᠳᠣᠭᠠᠨ ᠳᠤ ᠡᠷᠡᠯᠬᠡᠭ ᠪᠠᠭᠠᠳᠣᠷᠯᠢᠭ ᠪᠠᠶᠢᠯᠳᠣᠵᠣ ᠶᠠᠪᠤᠨ᠂ ᠬᠠᠭᠠᠨ ᠰᠠᠭᠤᠷᠢᠨ ᠵᠠᠯᠭᠠᠮᠵᠢᠯᠠᠭᠰᠠᠨ ᠤ ᠳᠠᠷᠠᠭᠠ | ᠠᠯᠲᠠᠨ ᠣᠯᠣᠰ ᠪᠠ ᠰᠦᠩ ᠣᠯᠣᠰ ᠢ ᠳᠠᠶᠢᠯᠠᠨ ᠨᠢᠭᠡᠳᠬᠡᠵᠡᠢ᠃ 1241 ᠣᠨ ᠳᠤ ᠠᠶᠠᠨ ᠤ ᠤᠷᠳᠣᠨ ᠳᠤ ᠪᠠᠨ | ᠬᠠᠯᠢᠵᠦ᠂ ᠭᠤᠷᠪᠠᠨ ᠵᠢᠯ ᠶᠡᠭᠡ ᠬᠠᠭᠠᠨ ᠰᠠᠭᠤᠵᠠᠢ᠃ | ᠬᠦᠶᠦᠭ ᠬᠠᠭᠠᠨ ︵1206 — 1248︶ | 1246 ᠣᠨ ᠤ ᠬᠠᠪᠤᠷ ᠲᠠᠯᠠ ᠶᠢᠨ ᠳᠠᠪᠠᠭᠠ ᠳᠤ ᠬᠠᠭᠠᠨ ᠰᠠᠭᠤᠷᠢᠨ ᠵᠠᠯᠭᠠᠮᠵᠢᠯᠠᠵᠤ ᠬᠠᠭᠠᠨᠳᠣ ᠮᠤᠩᠭᠤᠯ ᠣᠯᠣᠰ | ᠤᠨ ᠭᠤᠷᠪᠠᠳᠣᠭᠠᠷ ᠬᠠᠭᠠᠨ ᠪᠤᠯᠵᠠᠢ᠃ ᠬᠦᠶᠦᠭ ᠬᠠᠭᠠᠨ ᠬᠠᠷᠠᠬᠠᠨ ᠵᠠᠯᠠᠭᠤ ᠨᠠᠰᠣᠨ ᠠᠴᠠ ᠪᠠᠨ ᠶᠡᠭᠡ ᠴᠡᠷᠢᠭ | ᠳᠠᠶᠢᠴᠢᠯᠠᠨ ᠳᠠᠶᠢᠨ ᠪᠠᠶᠢᠯᠳᠣᠭᠠᠨ ᠢ ᠵᠢᠯᠤᠭᠤᠳᠴᠦ ᠡᠬᠢᠯᠡᠭᠰᠡᠨ ᠪᠦᠭᠡᠳ ᠬᠠᠭᠠᠨ ᠤᠷᠤ ᠵᠠᠯᠭᠠᠮᠵᠢᠯᠠᠭᠰᠠᠨ ᠤ ᠳᠠᠷᠠᠭᠠ | ᠂ ᠲᠦᠷᠦ ᠪᠠᠨ ᠲᠦᠪᠰᠢᠷᠡᠭᠦᠯᠦᠨ ᠴᠢᠩᠬᠢᠰ ᠬᠠᠭᠠᠨ ᠬᠢᠭᠡᠳ ᠦᠭᠡᠳᠠᠢ ᠬᠠᠭᠠᠨ ᠤ ᠵᠠᠰᠠᠭ ᠢ ᠳᠠᠬᠢᠨ ᠰᠡᠷᠭᠦᠭᠡᠵᠡᠢ᠃ | 1248 ᠤᠨ ᠤ ᠳᠦᠷᠪᠡᠳᠦᠭᠡᠷ ᠰᠠᠷᠠ ᠳᠤ ᠬᠤᠮᠰᠢᠭᠡᠷ ︵ᠰᠢᠨᠵᠢᠶᠠᠩ ᠤᠨ ᠪᠤᠯᠭᠠᠨ ᠭᠤᠤᠯ ᠤᠨ ᠡᠬᠢᠨ ᠳᠤ ᠪᠤᠢ︶ | ᠲᠤ ᠲᠡᠭᠷᠢ ᠲᠤ ᠬᠠᠯᠢᠭᠰᠠᠨ ᠠᠴᠠ ᠭᠤᠷᠪᠠᠨ ᠵᠢᠯ ᠬᠠᠭᠠᠨ ᠰᠠᠭᠤᠪᠠ᠃ | ᠮᠦᠩᠬᠡ ᠬᠠᠭᠠᠨ ︵1208 — 1259︶ | 1251 ᠣᠨ ᠤ ᠲᠣᠯᠣᠭᠠᠳᠣᠭᠠᠷ ᠰᠠᠷᠠ ᠶᠢᠨ ᠨᠢᠭᠡᠨ ᠤ ᠡᠳᠦᠷ ᠬᠡᠷᠦᠯᠦᠨ ᠮᠦᠷᠡᠨ ᠤ ᠬᠦᠳᠡᠭᠡ ᠠᠷᠠᠯ ᠳᠤ ᠶᠡᠭᠡ | ᠬᠠᠭᠠᠨ ᠤ ᠤᠷᠤ ᠶᠢ ᠵᠠᠯᠭᠠᠮᠵᠢᠯᠠᠪᠠ᠃ ᠮᠦᠩᠬᠡ ᠪᠣᠯ ᠬᠠᠭᠠᠨᠲᠣ ᠮᠤᠩᠭᠤᠯ ᠣᠯᠣᠰ ᠤᠨ ᠳᠦᠷᠪᠡᠳᠦᠭᠡᠷ ᠬᠠᠭᠠᠨ | ᠮᠥᠨ᠃ ᠬᠠᠭᠠᠨ ᠰᠠᠭᠤᠷᠢᠨ ᠢᠶᠠᠨ ᠪᠠᠬᠢᠵᠢᠭᠦᠯᠦᠭᠰᠡᠨ ᠤ ᠳᠠᠷᠠᠭᠠ ᠦᠷᠦᠨᠡᠳᠦ ᠠᠽᠢᠶᠠ ᠪᠠ ᠡᠮᠦᠨᠡᠲᠦ ᠰᠦᠩ ᠣᠯᠣᠰ | ᠢ ᠪᠠᠶᠢᠯᠳᠣᠨ ᠳᠠᠭᠠᠭᠤᠯᠬᠤ ᠵᠡᠷᠭᠡ ᠴᠡᠷᠢᠭ ᠳᠠᠶᠢᠨ ᠤ ᠠᠵᠢᠯᠯᠠᠭᠠ ᠶᠢ ᠦᠷᠭᠦᠯᠵᠢᠯᠡᠨ ᠶᠠᠪᠤᠭᠳᠠᠭᠤᠯᠣᠭᠰᠠᠨ ᠪᠠᠶᠢᠨᠠ᠃ | 1259 ᠣᠨ ᠤ ᠨᠠᠢᠮᠠᠳᠣᠭᠠᠷ ᠰᠠᠷᠠ ᠳᠤ ᠮᠦᠩᠬᠡ ᠬᠠᠭᠠᠨ ᠡᠪᠡᠳᠴᠢᠨ ᠬᠦᠨᠲᠦᠷᠡᠭᠰᠡᠨ ᠠᠴᠠ ᠾᠧᠵᠧᠦ ᠠᠴᠠ | ᠵᠡᠭᠦᠨᠰᠢ ᠣᠶᠢᠷᠠᠯᠴᠠᠭᠠ ᠪᠠᠶᠢᠬᠤ ᠲᠢᠶᠤᠤ ᠢᠦᠢ ᠱᠠᠨ ᠭᠡᠳᠡᠭ ᠠᠭᠤᠯᠠᠨ ᠳᠤ ᠲᠡᠭᠷᠢ ᠲᠤ ᠬᠠᠯᠢᠵᠦ ᠶᠡᠭᠡ ᠰᠠᠭᠤᠷᠢᠨ | ᠳᠤ ᠶᠢᠰᠦᠨ ᠵᠢᠯ ᠰᠠᠭᠤᠪᠠ᠃ | ᠬᠤᠪᠢᠯᠠᠢ ᠬᠠᠭᠠᠨ ︵1215 — 1294︶ | ᠲᠡᠷᠡ ᠪᠣᠯ ᠲᠤᠯᠤᠢ ᠶᠢᠨ ᠳᠦᠷᠪᠡᠳᠦᠭᠡᠷ ᠬᠦᠪᠡᠭᠦᠨ ᠮᠥᠨ᠃ ᠬᠤᠪᠢᠯᠠᠢ 1260 ᠣᠨ ᠳᠤ ᠶᠡᠭᠡ ᠬᠠᠭᠠᠨ ᠢᠶᠠᠷ | ᠡᠷᠭᠦᠮᠵᠢᠯᠡᠭᠳᠡᠭᠡᠳ᠂ ᠬᠠᠭᠠᠨᠲᠤ ᠮᠤᠩᠭᠤᠯ ᠣᠯᠣᠰ ᠤᠨ ᠲᠠᠪᠤᠳᠣᠭᠠᠷ ᠬᠠᠭᠠᠨ ᠪᠤᠯᠵᠠᠢ᠃ 1271 ᠣᠨ ᠳᠤ ᠶᠡᠭᠡ | ᠮᠤᠩᠭᠤᠯ ᠤᠯᠤᠰ ᠤᠨ ᠴᠣᠯᠠ ᠶᠢ ᠦᠭᠡᠷᠡᠴᠢᠯᠡᠨ ᠶᠤᠸᠠᠨ ᠣᠯᠣᠰ ᠬᠡᠮᠡᠨ ᠨᠡᠷᠡᠶᠢᠳᠴᠦ 1272 ᠣᠨ ᠳᠤ ᠳᠣᠮᠳᠠᠳᠣ | ᠨᠡᠶᠢᠰᠯᠡᠯ ᠺᠠᠶᠢᠫᠢᠩ ᠬᠤᠲᠠ ᠶᠢ ᠲᠠᠶᠢᠳᠦ ᠭᠡᠵᠦ ᠦᠭᠡᠷᠡᠴᠢᠯᠡᠪᠡ᠃ ᠬᠤᠪᠢᠯᠠᠢ ᠬᠠᠭᠠᠨ ᠤ ᠨᠤᠶᠠᠷᠬᠠᠯ ᠤᠨ | ᠬᠤᠭᠤᠴᠠᠭᠠᠨ ᠳᠤ ᠶᠤᠸᠠᠨ ᠣᠯᠣᠰ ᠬᠠᠮᠤᠭ ᠠᠴᠠ ᠴᠡᠴᠡᠭᠯᠡᠨ ᠮᠠᠨᠳᠣᠵᠣ ᠳᠣᠮᠳᠠᠳᠣ ᠣᠯᠣᠰ ᠲᠡᠦᠬᠡᠨ ᠳᠤ ᠭᠠᠷᠤᠭᠠ | ᠦᠭᠡᠢ ᠶᠡᠭᠡ ᠬᠡᠪᠴᠢᠶᠡᠨ ᠤ ᠨᠢᠭᠡᠳᠦᠮᠡᠯ ᠪᠠᠶᠢᠳᠠᠯ ᠳᠤ ᠣᠷᠣᠵᠠᠢ᠃ | ᠦᠯᠵᠡᠶᠢᠲᠦ ᠬᠠᠭᠠᠨ ︵1265 — 1307︶ | 1294 ᠣᠨ ᠳᠤ ᠬᠠᠭᠠᠨ ᠣᠷᠣᠨ ᠳᠤ ᠰᠠᠭᠤᠵᠣ᠂ ᠴᠣᠯᠠ ᠪᠠᠨ ᠮᠤᠩᠭᠤᠯ ᠢᠶᠠᠷ ᠦᠯᠵᠡᠶᠢᠲᠦ ᠬᠠᠭᠠᠨ ᠭᠡᠵᠦ | ᠬᠢᠲᠠᠳ ᠢᠶᠠᠷ ᠴᠧᠩᠽᠦ᠋ᠩ ᠭᠡᠪᠡ᠃ ᠦᠯᠵᠡᠶᠢᠲᠦ ᠬᠠᠭᠠᠨ ᠪᠣᠯ ᠮᠤᠩᠭᠤᠯ ᠬᠠᠭᠠᠳ ᠤᠨ ᠵᠢᠷᠭᠤᠳᠣᠭᠠᠷ ᠬᠠᠭᠠᠨ | ᠪᠤᠯᠤᠨᠠ᠃ ᠦᠯᠵᠡᠶᠢᠲᠦ ᠬᠠᠭᠠᠨ ᠤ ᠦᠶᠡ ᠳᠤ ᠭᠠᠳᠠᠭᠰᠢ ᠲᠤᠪᠲᠤᠯᠬᠤ ᠲᠠᠶᠢᠨ ᠨᠢ ᠨᠢᠭᠡᠨᠲᠡ ᠵᠤᠭᠰᠣᠵᠣ᠂ | ᠲᠤᠲᠤᠭᠠᠳᠣ ᠳᠤ ᠪᠠᠨ ᠬᠠᠶᠢᠲᠦ ᠶᠢᠨ ᠡᠰᠡᠷᠭᠦᠴᠡᠯ ᠢ ᠲᠦᠪᠰᠢᠳᠬᠡᠨ᠂ ᠣᠯᠣᠰ ᠲᠦᠷᠦ ᠶᠢ ᠲᠤᠭᠲᠠᠪᠤᠷᠢᠵᠢᠭᠤᠯᠬᠤ | ᠲᠠᠷᠢᠶᠠᠯᠠᠩ ᠢ ᠲᠡᠳᠬᠦᠬᠦ᠂ ᠭᠠᠶᠢᠯᠢ ᠶᠢ ᠬᠦᠩᠭᠡᠷᠡᠭᠦᠯᠬᠦ ᠵᠡᠷᠭᠡ ᠲᠦᠷᠦ ᠶᠢᠨ ᠪᠤᠲᠤᠯᠭᠠ ᠠᠪᠴᠣ ᠣᠯᠣᠰ ᠲᠠᠶᠠᠭᠠᠷ ᠨᠢ | ᠬᠦᠭᠵᠢᠭᠦᠨ ᠪᠠᠶᠢᠳᠠᠯ ᠳᠤ ᠣᠷᠣᠭᠰᠠᠨ ᠪᠠᠶᠢᠨᠠ᠃ | ᠬᠦᠯᠦᠭ ᠬᠠᠭᠠᠨ ︵1271 — 1311︶ | ᠬᠦᠯᠦᠭ ᠬᠠᠭᠠᠨ ᠬᠠᠶᠢᠰᠠᠩ ᠴᠠᠭᠠᠭᠴᠢᠨ ᠮᠤᠭᠠᠢ ᠵᠢᠯ ᠲᠠᠢ᠃ 1307 ᠣᠨ ᠳᠤ ᠬᠠᠶᠢᠰᠠᠩ ᠬᠠᠭᠠᠨ ᠣᠷᠣ | ᠵᠠᠯᠭᠠᠮᠵᠢᠯᠠᠨ᠂ ᠬᠠᠭᠠᠨ ᠴᠣᠯᠠ ᠪᠠᠨ ᠬᠦᠯᠦᠭ ᠭᠡᠵᠦ ᠬᠢᠲᠠᠳ ᠴᠣᠯᠠ ᠪᠠᠨ ᠦᠽᠦ᠋ᠩ ᠭᠡᠪᠡ᠃ ᠬᠦᠯᠦᠭ ᠬᠠᠭᠠᠨ | ᠪᠣᠯ ᠮᠤᠩᠭᠤᠯ ᠬᠠᠭᠠᠳ ᠤᠨ ᠲᠤᠯᠤᠳᠣᠭᠠᠷ ᠬᠠᠭᠠᠨ ᠪᠤᠯᠤᠨᠠ᠃ ᠬᠠᠶᠢᠰᠠᠩ ᠬᠠᠶᠢᠲᠦ ᠶᠢ ᠪᠤᠲᠠ ᠴᠣᠬᠢᠵᠦ ᠶᠤᠸᠠᠨ | ᠣᠯᠣᠰ ᠤᠨ ᠣᠮᠠᠷᠠᠲᠣ ᠣᠷᠣᠨ ᠤ ᠲᠣᠳᠣᠭᠠᠳᠣ ᠶᠢᠨ ᠵᠦᠷᠢᠴᠡᠯ ᠢ ᠣᠰᠠᠳᠬᠠᠨ ᠲᠦᠷᠦ ᠭᠦᠷᠦᠨ ᠢᠶᠠᠨ ᠲᠣᠭᠲᠠᠭᠤᠨ | ᠬᠦᠭᠵᠢᠭᠦᠨ ᠪᠤᠯᠭᠠᠵᠠᠢ᠃ | ᠠᠯᠲᠠᠨᠪᠠᠭᠠᠨᠠ ᠮᠠᠲ᠋ᠧᠷᠢᠶᠠᠯ ᠬᠠᠩᠭᠠᠪᠠ᠃ | |