ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠰᠢᠨ᠎ᠡ ᠬᠦᠳᠡᠭᠡ
ᠮᠣᠩᠭᠤᠯ ᠬᠠᠭᠠᠳ ︵ᠳᠥᠷᠪᠡ︶
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018/12/3
ᠡᠯᠪᠡᠭ ᠬᠠᠭᠠᠨ ︵1361 — 1399︶ 1393 ᠤᠨ ᠳᠤ ᠬᠠᠭᠠᠨ ᠣᠷᠣ ᠵᠠᠯᠭᠠᠮᠵᠢᠯᠠᠵᠤ᠂ ᠬᠠᠭᠠᠨ ᠴᠣᠯᠠ ᠪᠠᠨ ᠨᠢᠭᠦᠯᠡᠰᠦᠭᠴᠢ ᠬᠡᠮᠡᠨ ᠮᠤᠩᠭᠤᠯ ᠤᠨ ᠠᠷᠪᠠ ᠶᠢᠰᠦᠳᠦᠭᠡᠷ ᠬᠠᠭᠠᠨ ᠪᠤᠯᠵᠠᠢ᠃ ᠡᠯᠪᠡᠭ ᠨᠢᠭᠦᠯᠡᠰᠦᠭᠴᠢ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠪᠠᠶᠢᠬᠤ ᠳᠤ ᠪᠠᠨ ᠣᠯᠠᠨ ᠶᠤᠰᠣ ᠪᠤᠰᠣ ᠠᠵᠢᠯᠯᠠᠭ᠎ᠠ ᠬᠢᠭᠰᠡᠨ ᠠᠴᠠ ᠪᠤᠯᠵᠤ ᠣᠶᠢᠷᠠᠳ ᠮᠤᠩᠭᠤᠯ ᠬᠠᠭᠠᠴᠠᠵᠤ ᠵᠠᠳᠠᠷᠠᠯ ᠤᠨ ᠪᠠᠶᠢᠳᠠᠯ ᠳᠤ ᠣᠷᠣᠵᠠᠢ᠃ ᠲᠡᠨᠳᠡᠴᠡ ᠡᠬᠢᠯᠡᠨ ᠮᠤᠩᠭᠤᠯ ᠤᠨ ᠬᠠᠭᠠᠳ ᠨᠤᠶᠠᠳ ᠤᠨ ᠳᠣᠲᠣᠭᠠᠳᠣ ᠶᠢᠨ ᠲᠠᠶᠢᠨ ᠣᠷᠲᠣ ᠬᠤᠭᠤᠴᠠᠭ᠎ᠠ ᠦᠷᠭᠦᠯᠵᠢᠯᠡᠨ ᠶᠠᠪᠤᠭᠳᠠᠪᠠ᠃ ᠬᠦᠨᠲᠡᠮᠦᠷ ᠬᠠᠭᠠᠨ ︵1377 — 0402︶ ᠬᠦᠨᠲᠡᠮᠦᠷ ᠬᠠᠭᠠᠨ ᠪᠣᠯ ᠡᠯᠪᠡᠭ ᠨᠢᠭᠦᠯᠡᠰᠦᠭᠴᠢ ᠬᠠᠭᠠᠨ ᠤ ᠠᠬᠠᠮᠠᠳ ᠬᠦᠪᠡᠭᠦᠨ ᠪᠤᠯᠤᠨ᠎ᠠ᠃ ᠲᠡᠷᠡ 1400 ᠤᠨ  ᠤ ᠬᠤᠶᠠᠳᠣᠭᠠᠷ ᠰᠠᠷ᠎ᠠ ᠳᠤ ᠬᠠᠭᠠᠨ ᠤᠷᠤ ᠵᠠᠯᠭᠠᠮᠵᠢᠯᠠᠨ ᠮᠤᠩᠭᠤᠯ ᠤᠨ ᠬᠤᠷᠢᠳᠣᠭᠠᠷ ᠬᠠᠭᠠᠨ ᠪᠤᠯᠵᠠᠢ᠃ ᠬᠦᠨᠲᠡᠮᠦᠷ ᠬᠠᠭᠠᠨ ᠣᠶᠢᠷᠠᠳ ︵ᠪᠠᠷᠠᠭᠤᠨ ᠮᠤᠩᠭᠤᠯ︶᠂ ᠲᠠᠲ᠋ᠠᠷ ︵ᠵᠡᠭᠦᠨ ᠮᠤᠩᠭᠤᠯ︶ ᠬᠠᠷᠢᠴᠠᠭ᠎ᠠ ᠲᠤᠩ ᠰᠢᠷᠦᠭᠦᠨ ᠪᠠᠶᠢᠭᠰᠠᠨ ᠨᠠᠷᠢᠨ ᠪᠤᠲᠤᠯᠢᠶᠠᠨᠲᠠᠢ ᠪᠠᠶᠢᠳᠠᠯ ᠤᠨ ᠳᠣᠣᠷ᠎ᠠ ᠬᠠᠭᠠᠨ ᠣᠷᠣ ᠶᠢ ᠵᠠᠯᠭᠠᠮᠵᠢᠯᠠᠭᠰᠠᠨ ᠠᠴᠠ ᠬᠠᠭᠠᠨ ᠤ ᠪᠤᠳᠠᠳᠣ ᠡᠷᠬᠡ ᠪᠠᠨ ᠬᠡᠷᠡᠭᠯᠡᠵᠦ ᠴᠢᠳᠠᠭᠰᠠᠨ ᠦᠭᠡᠢ ᠮᠠᠨᠤᠤᠯ ᠳᠡᠳᠦᠢ ᠯᠠ ᠪᠠᠶᠢᠪᠠ᠃ ᠪᠤᠶᠠᠨᠰᠢᠷᠢ ᠬᠠᠭᠠᠨ ︵1379 — 1411︶ 1408 ᠣᠨ ᠳᠤ ᠬᠠᠭᠠᠨ ᠣᠷᠣ ᠵᠠᠯᠭᠠᠮᠵᠢᠯᠠᠵᠤ᠂ ᠬᠠᠭᠠᠨ ᠴᠣᠯᠠ ᠪᠠᠨ ᠦᠯᠵᠡᠶᠢᠲᠡᠮᠦᠷ ᠬᠡᠮᠡᠭᠡᠳ ᠬᠠᠷᠠᠬᠤᠷᠣᠮ  ᠳᠤ ᠨᠡᠶᠢᠰᠯᠡᠵᠡᠢ᠃ ᠮᠤᠩᠭᠤᠯ ᠤᠨ ᠬᠤᠷᠢᠨ ᠨᠢᠭᠡᠳᠦᠭᠡᠷ ᠬᠠᠭᠠᠨ ᠮᠥᠨ᠃ ᠲᠡᠭᠦᠨ ᠢ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠪᠠᠶᠢᠥᠬᠤ ᠬᠤᠭᠤᠴᠠᠭᠠᠨ ᠳᠤ ᠮᠢᠩ ᠣᠯᠣᠰ ᠯᠤᠭ᠎ᠠ ᠶᠢᠨ ᠬᠤᠭᠤᠷᠤᠨᠳᠣᠬᠢ ᠵᠦᠷᠢᠴᠡᠯ ᠬᠤᠷᠴᠠ ᠰᠢᠷᠦᠭᠦᠨ ᠪᠠᠶᠢᠵᠤ᠂ 1411 ᠣᠨ ᠳᠤ ᠣᠶᠢᠷᠠᠳ ᠤᠨ ᠠᠬᠠᠮᠠᠳ ᠨᠠᠷ ᠲᠤ ᠠᠯᠠᠭᠳᠠᠭᠠᠳ ᠬᠠᠷᠠᠬᠤᠷᠣᠮ ᠬᠤᠲᠠ ᠪᠠᠨ ᠴᠦ ᠡᠵᠡᠯᠡᠭᠳᠡᠵᠡᠢ᠃ ᠳᠡᠯᠪᠡᠭ ᠬᠠᠭᠠᠨ ︵1395 — 1415︶ ᠦᠯᠵᠡᠶᠢᠲᠡᠮᠦᠷ ᠬᠠᠭᠠᠨ ᠤ ᠬᠦᠪᠡᠭᠦᠨ᠂ 1411 ᠣᠨ ᠳᠤ ᠬᠠᠭᠠᠨ ᠤᠷᠤ ᠵᠠᠯᠭᠠᠮᠵᠢᠯᠠᠵᠤ᠂ ᠮᠤᠩᠭᠤᠯ ᠤᠨ ᠬᠤᠷᠢᠨ ᠬᠤᠶᠠᠳᠣᠭᠠᠷ ᠬᠠᠭᠠᠨ ᠪᠤᠯᠵᠠᠢ᠃ ᠪᠠᠲᠣᠯᠠ ᠴᠧᠩᠰᠢᠶᠠᠩ ᠣᠶᠢᠷᠠᠳ ︵ᠪᠠᠷᠠᠭᠤᠨ ᠮᠤᠩᠭᠤᠯ︶᠂ ᠲᠠᠲ᠋ᠠᠷ ︵ᠵᠡᠭᠦᠨ ᠮᠤᠩᠭᠤᠯ︶ ᠢ ᠵᠠᠬᠢᠷᠬᠤ ᠣᠯᠣᠰ ᠲᠦᠷᠦ ᠶᠢᠨ ᠵᠤᠷᠢᠯᠭ᠎ᠠ ᠠᠴᠠ ᠳᠡᠯᠪᠡᠭ ᠢ ᠬᠠᠭᠠᠨ ᠡᠷᠭᠦᠮᠵᠢᠯᠡᠵᠦ ᠦᠪᠡᠷ  ᠤᠨ ᠮᠨᠤᠤᠯ ᠢᠶᠠᠨ ᠪᠤᠯᠭᠠᠵᠠᠢ᠃ 1414 ᠣᠨ ᠳᠤ ᠳᠡᠯᠪᠡᠭ ᠬᠠᠭᠠᠨ ᠪᠠᠲᠣᠯᠠ ᠴᠧᠩᠰᠢᠶᠠᠩ ᠨᠠᠷ ᠲᠣᠣᠯᠠ ᠭᠤᠣᠯ  ᠤᠨ ᠳᠡᠭᠡᠳᠦ ᠣᠷᠣᠰᠬᠠᠯ ᠳᠤ ᠮᠢᠩ ᠣᠯᠣᠰ ᠤᠨ ᠴᠧᠩᠽᠦ ᠬᠠᠭᠠᠨ ᠲᠠᠢ ᠰᠢᠷᠦᠭᠦᠨ ᠪᠠᠶᠢᠯᠳᠣᠵᠣ ᠢᠯᠠᠭᠳᠠᠭᠠᠳ 1415 ᠣᠨ ᠳᠤ ᠨᠠᠶᠢᠷᠠᠮᠳᠠᠪᠠ᠃ ᠲᠣᠰ ᠵᠢᠯ ᠨᠢ ᠳᠡᠯᠪᠡᠭ ᠬᠠᠭᠠᠨ ᠬᠤᠷᠢᠨ ᠨᠢᠭᠡᠲᠠᠢ ᠨᠠᠰᠣ ᠪᠠᠷᠠᠵᠠᠢ᠃ ᠠᠳᠠᠢ ᠬᠠᠭᠠᠨ ︵1400 — 1438︶ ᠴᠢᠩᠬᠢᠰ ᠬᠠᠭᠠᠨ ᠤ ᠳᠡᠭᠦᠦ ᠬᠠᠰᠠᠷ ᠤᠨ ᠬᠤᠶᠢᠴᠢᠰ᠂ 1426 ᠣᠨ ᠳᠤ ᠬᠠᠭᠠᠨ ᠣᠷᠣ ᠳᠤ ᠰᠠᠭᠤᠵᠣ ᠮᠤᠩᠭᠤᠯ  ᠤᠨ ᠬᠤᠷᠢᠨ ᠭᠤᠷᠪᠠᠳᠣᠭᠠᠷ ᠬᠠᠭᠠᠨ ᠪᠤᠯᠵᠠᠢ᠃ ᠠᠳᠠᠢ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠭᠠᠷᠣᠭᠰᠠᠨ ᠤ ᠳᠠᠷᠠᠭ᠎ᠠ ᠴᠡᠷᠢᠭ ᠳᠠᠶᠢᠴᠢᠯᠠᠨ ᠣᠶᠢᠷᠠᠳ ᠢ ᠳᠠᠶᠢᠯᠠᠨ᠂ ᠮᠤᠩᠭᠤᠯ ᠤᠨ ᠳᠣᠲᠣᠭᠠᠳᠣ ᠶᠢᠨ ᠵᠦᠷᠢᠴᠡᠯ ᠬᠤᠷᠴᠠᠳᠴᠠᠢ᠃ 1438 ᠣᠨ  ᠳᠤ ᠠᠳᠠᠢ ᠬᠠᠭᠠᠨ ᠪᠠ ᠳᠣᠷᠵᠢᠪᠠᠢ ᠨᠠᠷ ᠮᠢᠩ ᠤᠯᠤᠰ ᠤᠨ ᠴᠡᠷᠢᠭ ᠪᠠ ᠣᠶᠢᠷᠠᠳ ᠲᠠᠢ ᠰᠢᠷᠦᠭᠦᠨ ᠪᠠᠶᠢᠯᠳᠣᠵᠣ ᠶᠡᠬᠡᠯ᠎ᠡ ᠲᠡᠶᠢᠯᠦᠭᠳᠡᠭᠡᠳ ᠠᠳᠠᠢ ᠬᠠᠭᠠᠨ ᠪᠠᠲᠤᠯᠠ ᠶᠢᠨ ᠬᠦᠪᠡᠭᠦᠨ ᠲᠤᠭᠤᠨ ᠳᠤ ᠠᠯᠠᠭᠳᠠᠪᠠ᠃ ᠲᠠᠶᠢᠰᠣᠩ ᠬᠠᠭᠠᠨ ︵1422 — 1452︶ ᠠᠵᠠᠢ ᠲᠠᠶᠢᠵᠢ ᠶᠢᠨ ᠠᠬᠠᠮᠠᠳ ᠬᠦᠪᠡᠭᠦᠨ ᠲᠣᠳᠠᠪᠣᠬ᠎ᠠ 1439 ᠣᠨ ᠳᠤ ᠬᠠᠭᠠᠨ ᠣᠷᠣ ᠵᠠᠯᠭᠠᠮᠵᠢᠯᠠᠵᠤ ᠬᠠᠭᠠᠨ  ᠤ ᠴᠣᠯᠠ ᠪᠠᠨ ᠲᠠᠶᠢᠰᠣᠩ ᠬᠡᠮᠡᠨ ᠮᠤᠩᠭᠤᠯ ᠤᠨ ᠬᠤᠷᠢᠨ ᠳᠦᠷᠪᠡᠳᠦᠭᠡᠷ ᠬᠠᠭᠠᠨ ᠪᠤᠯᠵᠠᠢ᠃ 1438 — 1448 ᠣᠨ ᠬᠦᠷᠲᠡᠯ᠎ᠡ ᠡᠰᠡᠨ ᠲᠠᠶᠢᠱᠢ ᠪᠤᠯᠤᠨ ᠲᠤᠳᠠᠪᠤᠬ᠎ᠠ ᠬᠠᠭᠠᠨ ᠵᠡᠭᠦᠨᠰᠢ ᠲᠡᠶᠢᠯᠡᠵᠦ ᠪᠠᠷᠠᠭᠤᠨᠰᠢ ᠪᠠᠶᠢᠯᠳᠣᠵᠣ ᠪᠦᠬᠦ ᠮᠤᠩᠭᠤᠯ ᠢ ᠲᠦᠷ ᠨᠢᠭᠡᠳᠬᠡᠪᠡ᠃ 1452 ᠣᠨ ᠳᠤ᠂ ᠡᠰᠡᠨ ᠲᠠᠶᠢᠱᠢ ᠲᠤᠳᠠᠪᠤᠬ᠎ᠠ ᠶᠢᠨ ᠳᠡᠭᠦᠦ ᠠᠭᠪᠠᠷᠵᠢᠨ ᠵᠢᠨᠤᠩ ᠲᠠᠢ ᠴᠡᠷᠢᠭ ᠬᠤᠯᠪᠤᠭᠠᠯᠠᠨ ᠳᠠᠶᠢᠰᠣᠩ ᠬᠠᠭᠠᠨ ᠤ ᠨᠡᠶᠢᠰᠯᠡᠯ ᠬᠠᠷᠠᠬᠤᠷᠤᠮ ᠬᠤᠲᠠ ᠶᠢ ᠪᠦᠰᠡᠯᠡᠨ ᠴᠣᠬᠢᠪᠠ᠃ ᠲᠤᠳᠠᠪᠤᠬ᠎ᠠ ᠳᠣᠲᠠᠭᠠᠨ ᠶᠠᠪᠤᠭᠰᠠᠭᠠᠷ ᠪᠠᠭ᠎ᠠ ᠬᠠᠲᠣᠨ ᠠᠯᠲᠠᠭᠠᠨ᠎ᠠ ᠶᠢᠨ ᠡᠴᠢᠭᠡ ᠳᠤ ᠬᠤᠤᠷᠯᠠᠭᠳᠠᠪᠠ᠃ ᠠᠭᠪᠠᠷᠵᠢᠨ ᠬᠠᠭᠠᠨ ︵1423 — 1453︶ ᠠᠵᠠᠢ ᠲᠠᠶᠢᠵᠢ ᠶᠢᠨ ᠬᠤᠶᠠᠳᠣᠭᠠᠷ ᠬᠦᠪᠡᠭᠦᠨ ᠮᠥᠨ᠃ ᠠᠭᠪᠠᠷᠵᠢᠨ 1452 ᠣᠨ ᠳᠤ ᠬᠠᠭᠠᠨ ᠰᠠᠭᠤᠵᠤ ᠮᠤᠩᠭᠤᠯ ᠤᠨ ᠬᠤᠷᠢᠨ ᠲᠠᠪᠤᠳᠣᠭᠠᠷ ᠬᠠᠭᠠᠨ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃ 1453 ᠣᠨ ᠳᠤ ᠠᠭᠪᠠᠷᠵᠢᠨ ᠬᠠᠭᠠᠨ ᠵᠡᠭᠦᠨ ᠮᠤᠩᠭᠤᠯ ᠤᠨ ᠭᠤᠴᠢᠨ ᠭᠤᠷᠪᠠᠨ ᠦᠷᠪᠡᠯᠭᠡᠲᠡᠨ᠂ ᠳᠦᠴᠢᠨ ᠳᠦᠷᠪᠡᠨ ᠣᠲᠣᠭᠠᠲᠠᠨ᠂ ᠵᠢᠷᠠᠨ ᠨᠢᠬᠡᠨ ᠭᠡᠭᠡᠷᠲᠡᠨ ᠲᠠᠢ ᠪᠠᠨ ᠨᠠᠶᠢᠷ ᠲᠤ ᠰᠠᠭᠤᠬᠤ ᠪᠠᠷ ᠣᠴᠢᠭᠠᠳ᠂ ᠡᠰᠡᠨ ᠲᠠᠶᠢᠱᠢ ᠳᠤ ᠬᠤᠤᠷᠯᠠᠭᠳᠠᠨ ᠠᠯᠠᠭᠳᠠᠪᠠ᠃ ᠢᠩᠬᠢᠭᠡᠳ ᠨᠢᠭᠡᠯᠬᠡᠨ ᠵᠢᠯ ᠬᠠᠭᠠᠨ ᠰᠠᠭᠤᠪᠠ᠃                   ᠠᠯᠲᠠᠨᠪᠠᠭᠠᠨ᠎ᠠ ᠮᠠᠲ᠋ᠧᠷᠢᠶᠠᠯ ᠬᠠᠩᠭᠠᠪᠠ᠃
  
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠠᠯᠠᠱᠠ ᠦᠷᠡᠰ ᠨᠠᠶᠢᠷ ᠤᠨ ᠡᠭᠦᠰᠦᠯᠲᠡ ᠲᠡᠤᠬᠡ
ᠠᠯᠠᠱᠠ ᠣᠷᠴᠢᠭᠤᠯᠭ᠎ᠠ ᠶᠢᠨ ᠰᠤᠷᠭᠠᠭᠤᠯᠢ ᠶᠢᠨ ᠠᠩᠭᠢ ᠪᠠᠶᠢᠭᠤᠯᠪᠠ
ᠠᠯᠠᠱᠠ ᠦᠬᠢᠳ ᠤᠨ ᠰᠤᠷᠭᠠᠭᠤᠯᠢ  ᠶᠢ ᠪᠠᠶᠢᠭᠤᠯᠪᠠ
ᠠᠯᠠᠱᠠ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠪᠠᠶᠢᠭᠤᠯᠪᠠ
ᠪᠠᠭ᠎ᠠ ᠬᠡᠤᠬᠡᠳ ᠢ ᠯᠠᠮᠠ ᠪᠣᠯᠭᠠᠬᠤ ᠶᠢ ᠬᠤᠷᠢᠭᠯᠠᠭᠰᠠᠨ ᠨᠢ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号