ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠰᠢᠨ᠎ᠡ ᠬᠦᠳᠡᠭᠡ
︽ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ︾ ᠳᠠᠬᠢ ︽ᠬᠡᠶᠢᠪᠤᠷ ᠰᠤᠮᠤ︾ ᠶᠢᠨ ᠰᠣᠶᠣᠯ ᠤᠨ ᠲᠠᠶᠢᠯᠤᠯᠭ᠎ᠠ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018/12/3
【 ᠠᠭᠤᠯᠭ᠎ᠠ ᠶᠢᠨ ᠲᠣᠪᠴᠢ 】 ᠲᠤᠰ ᠦᠭᠦᠯᠡᠯ ᠳᠤ ︽ᠬᠡᠶᠢᠪᠤᠷ ᠰᠤᠮᠤ︾ ᠶᠢᠨ ᠲᠣᠬᠠᠢ ᠭᠠᠳᠠᠭᠠᠲᠤ ᠳᠣᠲᠣᠭᠠᠲᠤ ᠶᠢᠨ ᠡᠷᠳᠡᠮᠲᠡᠳ ᠤᠨ ᠦᠵᠡᠯᠲᠡ ᠲᠠᠶᠢᠯᠪᠤᠷᠢ ᠶᠢ ᠬᠠᠷᠢᠴᠠᠭᠤᠯᠵᠦ᠂ ︽ᠬᠡᠶᠢᠪᠤᠷ ᠰᠤᠮᠤ︾ ᠶᠢᠨ ᠣᠣᠷ ᠤᠳᠬ᠎ᠠ ᠶᠢᠨ ᠲᠣᠬᠠᠢ ᠳᠤ ᠬᠡᠯᠡ ᠵᠥᠢ᠂ ᠪᠡᠯᠭᠡᠳᠡᠯ ᠵᠦᠢ᠂ ᠵᠠᠩ ᠦᠢᠯᠡ ᠵᠡᠷᠭᠡ ᠰᠣᠶᠣᠯ ᠵᠦᠢ ᠶᠢᠨ ᠲᠠᠯ᠎ᠠ ᠠᠴᠠ ᠣᠨᠣᠰᠢᠯᠠᠯᠲᠠ ᠬᠢᠵᠦ ᠥᠪᠡᠷ ᠤᠨ ᠬᠡᠮᠡᠬᠦ ᠦᠵᠡᠯᠲᠡ ᠪᠠᠨ ᠦᠴᠢᠪᠠ᠃ 【 ᠵᠠᠩᠬᠢᠯᠠᠭ᠎ᠠ ᠶᠢᠨ ᠦᠭᠡ 】 ᠬᠡᠶᠢᠪᠤᠷ ᠰᠤᠮᠤ᠂ ᠰᠤᠶᠤᠯ᠂ ᠳᠠᠶᠢᠯᠤᠯᠭ᠎ᠠ ︽ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ︾ （ ᠳᠣᠷᠣᠭᠰᠢ ︽ᠲᠤᠪᠴᠢᠶᠠᠨ︾ ᠭᠡᠵᠤ ᠳᠥᠬᠦᠮᠴᠢᠯᠠᠨ᠎ᠠ ） ᠳᠤ ᠴᠢᠩᠭᠢᠰ ᠬᠠᠭᠠᠨ ᠬᠤᠯᠤᠭᠠᠨ᠎ᠠ ᠵᠢᠯ （1204） ᠤᠨ ᠵᠤᠨ ᠤ ᠲᠡᠷᠢᠭᠦᠨ ᠰᠠᠷ᠎ᠠ ᠶᠢᠨ 16 ᠤ ᠤᠯᠠᠭᠠᠨ ᠲᠡᠷᠭᠡᠯ ᠡᠳᠦᠷ ᠲᠤᠭ ᠢᠶᠠᠨ ᠲᠠᠬᠢᠵᠤ ᠮᠣᠷᠳᠠᠭᠠᠳ ᠨᠠᠢᠮᠠᠨ ᠲᠠᠢ ᠪᠠᠶᠢᠯᠳᠤᠷ᠎ᠠ ᠨᠠᠬᠤ ᠬᠤᠨ ᠤ ᠥᠪᠥᠷ ᠲᠤ ᠪᠠᠶᠢᠭ᠎ᠠ ᠭᠤᠤᠯ ᠬᠦᠴᠦᠨ ᠳᠤᠨᠢ ᠬᠦᠷᠴᠤ ᠣᠴᠢᠪᠠᠰᠤ ᠲᠠᠶᠠᠨ ᠬᠠᠭᠠᠨ ᠦᠵᠡᠵᠤ᠂ ᠨᠠᠢᠮᠠᠨ ᠤ ᠬᠠᠮᠳᠤ ᠪᠠᠶᠢᠯᠳᠤᠷ᠎ᠠ ᠢᠷᠡᠭᠰᠡᠨ ᠵᠠᠮᠤᠬ᠎ᠠ  ᠠᠴᠠ ᠴᠢᠩᠭᠢᠰ ᠤᠨ ᠰᠢᠳᠠᠷ ᠴᠡᠷᠢᠭ ᠤᠳ ᠢ ᠤᠳᠠᠭ᠎ᠠ ᠳᠠᠷᠠᠭᠠᠯᠠᠨ ᠠᠰᠠᠭᠤᠳᠠᠭ᠃ ᠡᠬᠦᠨ ᠳᠤ ᠵᠠᠮᠤᠬ᠎ᠠ ᠵᠣᠴᠢ ᠬᠠᠰᠠᠷ ᠢ ᠲᠠᠨᠢᠯᠴᠠᠭᠤᠯᠬᠤ ᠳᠠᠭᠠᠨ ᠰᠢᠯᠦᠭᠯᠡᠨ ᠬᠡᠯᠡᠭᠰᠡᠨ ᠨᠢᠭᠡ ᠬᠡᠰᠡᠭ ᠦᠭᠡ ᠪᠤᠢ᠃ ᠲᠣᠰ ᠬᠡᠰᠡᠭ ᠰᠢᠯᠦᠭᠯᠡᠯ ᠳᠣᠲᠣᠷ᠎ᠠ ︽︿ᠬᠡᠶᠢᠪᠤᠷ ᠰᠤᠮᠤ ᠪᠠᠨ ᠲᠡᠯᠢᠵᠤ ᠲᠠᠯᠪᠢᠪᠠᠰᠤ ／ ᠬᠡᠯᠬᠢᠲᠠᠯ᠎ᠠ ᠦᠯᠬᠢᠲᠠᠯ᠎ᠠ ᠬᠠᠷᠪᠤᠶᠤ …﹀︾ ︵§195︶ ﹇1﹈ ᠬᠡᠮᠡᠵᠡᠭᠦᠢ᠃ ᠲᠤᠰ ︽ᠬᠡᠶᠢᠪᠦᠷ ᠰᠤᠮᠤ︾ ᠭᠡᠬᠦ ᠨᠡᠷ᠎ᠡ ᠶᠢ ︽客亦不兒速木︾ ᠬᠡᠵᠤ ᠭᠠᠯᠢᠭᠯᠠᠨ ᠬᠠᠵᠠᠭᠤ  ᠶᠢᠨ ᠣᠷᠴᠢᠭᠤᠯᠭ᠎ᠠ ᠳᠤ ︽箭名︾ ᠬᠡᠵᠤ ᠲᠠᠶᠢᠯᠪᠤᠷᠢᠯᠠᠵᠠᠢ᠃ ᠬᠡᠬᠦ ᠳᠠᠭᠠᠨ ᠡᠨᠡᠬᠦ ︽箭名 ︵ᠰᠤᠮᠤᠨ  ᠤ ᠨᠡᠷ᠎ᠠ︶︾ ᠨᠢ ᠴᠣᠬᠤᠮ ᠶᠠᠮᠠᠷ ᠮᠠᠶ᠋ᠢᠭ ᠤᠨ ᠰᠤᠮᠤ ᠪᠤᠯᠬᠤ ᠶᠢ ᠨᠠᠷᠢᠨ ᠲᠣᠳᠣᠷᠬᠠᠢ ᠲᠠᠶᠢᠯᠪᠤᠷᠢᠯᠠᠭᠰᠠᠨ ᠦᠬᠡᠢ ᠨᠢ ᠣᠯᠠᠨ ᠵᠣᠨ ᠳᠤ ᠤᠨᠢᠰᠤᠭ᠎ᠠ ᠪᠣᠯᠤᠨ ᠬᠤᠴᠣᠷᠠᠭᠰᠠᠨ ᠠᠵᠤᠭᠤ᠃ ᠳᠣᠣᠷ᠎ᠠ ︽ᠬᠡᠶᠢᠪᠤᠷ ᠰᠤᠮᠤ︾ ᠬᠡᠬᠦ ᠦᠭᠡ ᠶᠢᠨ ᠲᠣᠬᠠᠢ ᠡᠷᠳᠡᠮᠲᠡᠳ ᠤᠨ ᠦᠵᠡᠯᠲᠠ ᠲᠠᠶᠢᠯᠪᠣᠷᠢ ᠶᠢ ᠰᠢᠭᠦᠵᠦ ᠦᠵᠡᠶ᠎ᠡ᠃ 1. ᠠᠺᠠᠳᠧᠮᠢᠴᠢ ᠴ᠊ · ᠳᠠᠮᠳᠢᠨᠰᠦ᠋ᠷᠥᠩ᠄ ︽ᠬᠡᠶᠢᠰᠪᠦᠷᠢ ᠰᠤᠮᠤ︾ ﹇2﹈ ᠬᠡᠮᠡᠪᠠ᠃ 2. ᠠᠺᠠᠳᠧᠮᠢᠴᠢ ᠳ᠋᠊ · ᠴᠡᠷᠡᠨᠰᠤᠳᠨᠠᠮ᠄ ︽ᠬᠠᠶᠢᠮᠤᠭᠤᠷ — ᠬᠠᠶᠢᠮᠤᠷ ︵ᠲᠡᠮᠦᠷ ᠢᠶᠠᠷ ᠬᠢᠭᠰᠡᠨ ᠬᠤᠯᠠ ᠬᠠᠷᠪᠤᠬᠤ ᠨᠠᠷᠢᠨ ᠰᠤᠮᠣ︶ ᠭᠡᠵᠦ᠂ ᠮᠣᠩᠭᠤᠯ ᠬᠡᠯᠡᠨ ᠳᠤ ︽ᠪ᠊︾᠂ ︽ᠮ᠊︾ ᠠᠪᠢᠶ᠎ᠠ ᠰᠡᠯᠭᠦᠬᠦ ᠤᠴᠢᠷ ︿ᠬᠡᠶᠢᠪᠤᠷ﹀ ᠬᠡᠬᠦ ᠦᠭᠡ ︿ᠬᠠᠶᠢᠮᠤᠷ﹀ ᠬᠡᠬᠦ ᠳᠠᠭᠤᠳᠠᠯᠭ᠎ᠠ ᠲᠠᠢ ᠪᠤᠯᠵᠤ ᠥᠭᠡᠷᠡᠴᠢᠯᠡᠭᠳᠡᠭᠰᠡᠨ︾ ﹇3﹈ ᠭᠡᠮᠡᠪᠠ᠃ 3. ᠵᠥᠪᠯᠡᠯᠲᠤ ᠬᠤᠯᠪᠣᠭᠠᠲᠣ ᠤᠯᠤᠰ ᠤᠨ ᠰ᠊ · ᠠ᠊ · ᠺᠣᠽᠢᠨ᠄ ︽ke~mo, kei, kii-风，风在吹︾ ﹇4﹈ ᠬᠡᠮᠡᠪᠠ᠃ 4. ᠴᠠᠩᠲᠤ ᠭᠦᠩ᠄ ︽ᠭᠡᠷ ᠬᠢᠪᠤᠷ ᠰᠤᠮᠤ︾ ﹇5﹈ ᠬᠡᠮᠡᠨ ᠪᠠᠭᠤᠯᠭᠠᠪᠠ᠃ 5. ᠵᠢᠭᠠᠴᠢᠳ ᠰᠡᠴᠡᠨ᠄ ︽︿ᠬᠡᠶᠢᠪᠤᠷ﹀ ᠬᠡᠭᠴᠢ ᠴᠣᠬᠤᠮ ᠳᠠᠭᠠᠨ ︿ᠬᠡᠶᠢᠰᠪᠤᠷᠢ﹀ ᠭᠡᠭᠦ ᠦᠭᠡ᠂ ︿ᠨᠢᠰᠭᠦ﹀ ᠪᠤᠶᠤ ︿ᠬᠡᠶᠢᠰᠬᠦ﹀ ᠤᠳᠬ᠎ᠠ ᠲᠠᠢ︾ ﹇6﹈ ᠭᠡᠮᠡᠪᠠ᠃ 6. ᠬᠡᠰᠢᠭᠪᠡᠳᠥ᠄ ︽ᠬᠡᠶᠢᠪᠤᠷ ᠰᠤᠮᠤ ᠭᠡᠰᠡᠨ ᠦᠭᠡ ᠪᠣᠯ ᠬᠡᠪᠡᠷᠡᠭ ᠰᠤᠮᠤ ᠭᠡᠰᠡᠨ ᠣᠳᠬ᠎ᠠ ᠲᠠᠢ ᠦᠭᠡ ᠪᠣᠯᠣᠨ᠎ᠠ︾ ﹇7﹈ ᠭᠡᠮᠡᠪᠠ᠃ 7. ᠡᠯᠳᠡᠩᠲᠠᠢ᠂ ᠣᠶᠣᠨᠳᠠᠯᠠᠢ᠂ ᠠᠰᠠᠷᠠᠯᠲᠤ ᠨᠠᠷ ︽keyibür ᠬᠡᠶᠢᠪᠤᠷ ① 客亦不儿，克不里，鈚子 ︵︽至元︾ ︵车器门︶ 。②keibür投枪，镖 ︵︽木卡︾ 404᠂ B︶︾ ﹇8﹈ ᠬᠡᠮᠡᠪᠠ᠃ 8. ᠡᠯᠳᠡᠩᠲᠠᠢ᠂ ᠠᠷᠲᠠᠵᠠᠪ ᠤᠨ ᠰᠠᠶᠢᠷᠠᠭᠦᠯᠦᠯ ᠲᠠᠶᠢᠯᠪᠤᠷᠢ ᠳᠤ ︽ᠬᠡᠶᠢᠪᠤᠷ ᠰᠤᠮᠤ — keyibür sumu  ᠶᠢ ︿ᡁᠢ ᠶᠣᠸᠠᠨ﹀ ᠤ ᠲᠡᠷᠭᠡᠨ ᠬᠡᠷᠡᠭᠰᠡᠯ ᠤᠨ ᠵᠦᠢᠯ ᠳᠤᠷ 克不里～客亦不儿 ᠬᠡᠮᠡᠬᠦ ᠠᠨᠤ 鈚子 ︵ᠵᠡᠪᠡ︶ ᠬᠡᠪᠠ᠃ ︿ᠮᠤᠺᠠᠳ᠋ᠳᠢᠮᠠᠲ﹀ ᠨᠢᠭᠤᠷ 404᠂ B ᠳᠤᠷ keibür ᠬᠡᠮᠡᠭᠦ ᠶᠢ ᠬᠠᠨᠠᠭᠤᠷ ᠵᠢᠳᠠ ᠭᠡᠪᠡ᠃ ᠲᠥᠪᠡᠳ ᠲᠠᠩᠭᠤᠳ ᠬᠦᠮᠦᠰ ᠤᠨ ᠴᠢᠯᠠᠭᠤ ᠰᠢᠳᠡᠬᠦ ᠵᠡᠪᠰᠡᠭ ︵ᠥᠷᠲᠥᠥ︶ ︿ᠬᠥᠢᠪᠦᠷ﹀ ᠭᠡᠵᠦ ᠲᠠᠶᠢᠯᠪᠦᠷᠢᠯᠠᠪᠠ᠃ ︿ᠨᠢᠮ᠎ᠠ﹀︾ ﹇9﹈ ᠬᠡᠮᠡᠪᠠ᠃ 9. ᠳᠣᠷᠣᠨᠠᠲᠢᠪ᠄ ︽ᠬᠡᠶᠢᠪᠦᠷ ᠰᠤᠮᠤ ᠨᠢ ᠠᠯᠤᠰ ᠲᠤᠰᠤᠯᠲᠤ ᠰᠤᠮᠤ︾ ﹇10﹈ ᠬᠡᠮᠡᠪᠠ᠃ 10. ᠮᠠᠨᠰᠠᠩ᠄ ︽ᠬᠡᠶᠢᠪᠦᠷ ᠰᠤᠮᠤ ᠨᠢ ᠴᠣᠬᠤᠮ ᠶᠠᠮᠠᠷ ᠮᠠᠶ᠋ᠢᠭ ᠤᠨ ᠰᠤᠮᠤ ᠪᠣᠯᠬᠤ ᠨᠢ ᠲᠣᠲᠤ ᠦᠭᠡᠢ ᠪᠠᠶᠢᠨ᠎ᠠ ᠬᠡᠪᠠ᠂ ᠮᠥᠨ ᠵᠢᠭᠠᠴᠢᠳ ᠰᠡᠴᠡᠨ ᠪᠠ ᠡᠯᠳᠡᠩᠲᠡᠢ᠂ ᠣᠶᠣᠨᠳᠠᠯᠠᠢ᠂ ᠠᠰᠠᠷᠠᠯᠲᠤ ᠨᠠᠷ ᠤᠨ ᠦᠵᠡᠯᠲᠡ ᠶᠢ ᠳᠠᠭᠠᠪᠠ᠃ ︾ ﹇11﹈ ᠭᠡᠮᠡᠪᠠ᠃ 11. ᠰᠡᠴᠡᠨᠴᠣᠭᠲᠤ᠄ ︽ᠬᠡᠶᠢᠪᠤᠷ （xәibur） ᠬᠡᠬᠦ ᠦᠭᠡ ᠶᠢᠨ ᠬᠠᠭᠤᠴᠢᠷᠠᠭᠰᠠᠨ ᠤᠳᠬ᠎ᠠ ᠨᠢ ᠨᠢᠭᠡ ᠵᠦᠢᠯ ᠤᠨ ᠰᠤᠮᠤᠨ ᠤ ᠨᠡᠷ᠎ᠡ᠂ ᠲᠡᠮᠤᠷ ᠢᠶᠠᠷ ᠬᠢᠭᠰᠡᠨ ᠥᠷᠭᠡᠨ ᠵᠡᠪᠡ ᠲᠠᠢ᠂ ᠥᠳᠥᠯᠳᠡᠭ ᠪᠥᠭᠡᠳ ᠡᠰᠢ ᠶᠢ ᠨᠢ ᠪᠤᠷᠭᠠᠰᠤ ᠪᠤᠶᠤ ᠬᠤᠰᠤ ᠪᠠᠷ ᠭᠢᠳᠡᠭ᠃ ᠰᠢᠯᠵᠢᠭᠰᠡᠨ ᠤᠳᠬ᠎ᠠ ᠨᠢ ᠳᠠᠷᠤᠢ ᠨᠢᠭᠡ ᠵᠦᠢᠯ ᠤᠨ ᠵᠢᠳᠡᠨ ᠤ ᠨᠡᠷ᠎ᠡ᠂ ᠬᠡᠯᠪᠡᠷᠢ ᠲᠥᠷᠰᠦ ᠨᠢ ᠬᠡᠶᠢᠪᠦᠷ ᠰᠤᠮᠤ ᠲᠠᠢ ᠠᠳᠠᠯᠢ ᠪᠥᠭᠡᠳ ᠵᠢᠳᠠᠨ ᠤ ᠦᠵᠦᠭᠦᠷ ᠲᠠᠢ ᠠᠳᠠᠯᠢ᠂ ᠰᠢᠳᠠᠵᠤ ᠶᠠᠪᠤᠭᠤᠯᠤᠭᠠᠳ ᠬᠠᠳᠬᠤᠨ ᠠᠯᠠᠳᠠᠭ᠃︾ ﹇12﹈ ᠭᠡᠮᠡᠪᠠ᠃ 12. ᠪᠠ᠊ · ᠸᠠᠩᠵᠢᠯ᠄ ︽ᠬᠡᠶᠢᠪᠤᠷ ᠬᠡᠮᠡᠭᠴᠢ ᠬᠠᠴᠠᠷ ᠲᠠᠰ ᠤᠨ ᠥᠲᠥ ᠪᠠᠷ ᠥᠲᠥᠯᠡᠭᠰᠡᠨ ᠰᠤᠮᠤ ︵ᠰᠤᠮᠤ ᠶᠢᠨ ᠡᠰᠢ ᠶᠢ ᠥᠲᠥ ᠪᠠᠷ ᠥᠲᠥᠯᠠᠵᠤ ᠣᠨᠣᠪᠴᠢᠲᠠᠢ ᠪᠣᠯᠭᠠᠳᠠᠭ︶᠃︾ ﹇13﹈ ᠭᠡᠮᠡᠪᠠ᠃ ᠳᠡᠭᠡᠷᠡᠭᠢ ᠡᠷᠳᠡᠮᠳᠡᠳ ᠤᠨ ᠦᠵᠡᠯᠲᠡ ᠲᠠᠶᠢᠯᠪᠤᠷᠢ ᠨᠢ ᠤᠭ ︽ᠬᠡᠶᠢᠪᠤᠷ ᠰᠤᠮᠤ︾ ᠭᠡᠭᠦ ᠨᠠᠷ᠎ᠠ ᠳᠤ ᠲᠣᠬᠢᠷᠠᠮᠵᠢᠲᠠᠢ ᠤᠳᠬ᠎ᠠ ᠭᠠᠷᠭᠠᠵᠤ ᠲᠠᠶᠢᠯᠥᠭᠰᠡᠨ ᠦᠭᠡᠢ᠃ ︽ᠬᠡᠶᠢᠰᠪᠤᠷᠢ ᠰᠤᠮᠤ᠂ ᠬᠡᠶᠢᠰᠬᠦ ᠪᠤᠶᠤ ᠨᠢᠰᠬᠦ︾ ᠬᠡᠬᠦ ᠳᠠᠩ ᠴᠤᠯᠭᠤᠢ ᠦᠵᠡᠭᠳᠡᠯ ᠤᠨ ᠳᠡᠭᠡᠷᠡᠬᠢ ᠬᠠᠷᠠᠭᠠᠨ ᠰᠡᠷᠡᠯ ᠤᠨ ᠲᠠᠶᠢᠯᠪᠤᠷᠢ᠂ ︽ᠬᠡᠪᠡᠷᠡᠭ ᠰᠤᠮᠤ︾᠂ ︽ᠠᠯᠤᠰ ᠲᠤᠰᠤᠯᠲᠤ ᠰᠤᠮᠤ ︾ ᠵᠡᠷᠭᠡ ᠣᠷᠣᠨ ᠵᠠᠢ ᠶᠢᠨ ᠭᠠᠳᠠᠷᠯᠢᠭ ᠬᠡᠮᠵᠢᠶ᠎ᠠ ᠶᠢᠨ ᠴᠤᠯᠭᠤᠢ ᠬᠡᠯᠡᠴᠡ᠂ ᠴᠢᠨᠠᠭᠰᠢᠯᠠᠪᠠᠯ ︽ᠬᠡᠶᠢᠪᠦᠷ︾ ᠬᠡᠬᠦ ᠦᠭᠡ ᠨᠢ ᠥᠭᠡᠷᠡᠴᠢᠯᠡᠭᠳᠡᠭᠡᠳ ︽ᠬᠠᠶᠢᠮᠤᠷ ︵ᠳᠡᠮᠤᠷ ᠢᠶᠠᠷ ᠬᠢᠭᠰᠡᠨ ᠬᠤᠯᠠ ᠬᠠᠷᠪᠤᠬᠤ ᠨᠠᠷᠢᠨ ᠰᠤᠮᠤ︶︾ ᠪᠣᠯᠣᠭᠰᠠᠨ ᠭᠡᠮᠡᠬᠦ ᠳᠠᠩ ᠨᠢᠭᠡᠨ ᠠᠪᠢᠶ᠎ᠠ ᠵᠥᠢ ᠶᠢᠨ ᠲᠠᠭᠠᠬᠠᠪᠤᠷᠢ ᠪᠠ ᠰᠣᠮᠣᠨ ᠤ ᠬᠡᠴᠠ ᠪᠦᠲᠤᠴᠠ᠂ ᠬᠡᠯᠪᠡᠷᠢ ᠶᠠᠩᠵᠤ ᠶᠢᠨ ᠡᠬᠦᠳᠡᠨ ᠠᠴᠠ ᠲᠠᠶᠢᠯᠪᠤᠷᠢᠯᠠᠭᠰᠠᠨ ︽ᠲᠡᠮᠤᠷ ᠢᠶᠠᠷ ᠬᠢᠭᠰᠡᠨ ᠥᠷᠭᠡᠨ ᠵᠡᠪᠡ ᠲᠠᠢ᠂ ᠥᠲᠥᠯᠳᠡᠭ ᠪᠥᠭᠡᠳ ᠡᠰᠢ ᠶᠢ ᠨᠢ ᠪᠤᠷᠭᠠᠰᠤ ᠪᠤᠶᠤ ᠬᠤᠰᠤ ᠪᠠᠷ ᠬᠢᠳᠡᠭ︾᠂ ︽ᠬᠠᠨᠠᠭᠤᠷ ᠵᠢᠳᠠ︾᠂ ︽ᠰᠢᠳᠡᠭᠦ ᠵᠢᠳᠠ︾᠂ ︽ᠬᠠᠴᠠᠷ ᠲᠠᠰ ᠤᠨ ᠥᠲᠥ ᠪᠠᠷ ᠥᠲᠥᠯᠳᠡᠭ ᠰᠤᠮᠤ︾ ᠭᠡᠬᠦ ᠮᠡᠲᠤ ᠶᠢᠨ ᠪᠥᠳᠡᠬᠢ ᠳᠦᠷᠰᠦᠯᠡᠯ ᠨᠢ ᠤᠭ ︽ᠬᠡᠶᠢᠪᠦᠷ ᠰᠤᠮᠤ︾ ᠭᠡᠭᠦ ᠨᠡᠷ᠎ᠠ ᠶᠢᠨ ᠤᠯᠠᠮᠵᠢᠯᠠᠯ ᠬᠥᠭᠵᠢᠯ ᠤᠨ ᠠᠮᠢᠲᠤ ᠪᠦᠲᠦᠴᠡ ᠠᠴᠠ ᠭᠠᠷᠳᠠᠨ ᠲᠠᠶᠢᠯᠪᠤᠷᠢᠯᠠᠭᠰᠠᠨ ᠪᠤᠯᠪᠠᠴᠤ ᠲᠡᠭᠦᠨ ᠤ ᠣᠨᠴᠠᠯᠢᠭ ᠰᠢᠨᠵᠢ ᠵᠢᠴᠢ ᠣᠣᠷ ᠤᠳᠬ᠎ᠠ ᠰᠠᠨᠠᠭ᠎ᠠ᠂ ᠡᠭᠦᠰᠦᠯ ᠬᠤᠪᠢᠰᠦᠯ ᠪᠠ ᠦᠢᠯᠠᠲᠤᠯ ᠭᠡᠷᠡᠭᠴᠡᠭᠡ ᠵᠡᠷᠭᠡ ᠣᠯᠠᠨ ᠲᠠᠯ᠎ᠠ ᠶᠢ ᠬᠠᠮᠤᠷᠤᠭᠰᠠᠨ ᠪᠣᠰᠣᠭᠠᠯᠢᠭ ᠴᠣᠭᠴᠠᠲᠤ ᠪᠦᠷᠢᠨ ᠰᠠᠨᠠᠭ᠎ᠠ ᠶᠢ ᠣᠨᠣᠭᠠᠵᠤ ᠡᠰᠡ ᠴᠢᠳᠠᠪᠠ᠃ ᠭᠠᠭᠴᠠ ᠰ᠊ · ᠠ᠊ · ᠺᠣᠽᠢᠨ ᠤ ︽ke , mo～kei , kii — 风，风在吹︾ ᠭᠡᠮᠡᠬᠦ ᠲᠠᠶᠢᠯᠪᠦᠷᠢ ᠨᠢ ᠨᠢᠭᠡ ᠬᠡᠮᠵᠢᠶᠠᠨ ᠤ ᠪᠠᠷᠢᠮᠳᠠᠳᠠᠢ ᠪᠠᠶᠢᠨ᠎ᠠ ᠬᠡᠵᠦ ᠪᠢ ᠦᠵᠡᠨ᠎ᠡ᠃ ︽ᠬᠡᠶᠢᠪᠦᠷ ︵keyibur︶ ᠰᠤᠮᠤ︾ ᠬᠡᠬᠦ ᠨᠡᠷ᠎ᠡ ᠦᠭᠡ ᠨᠢ ᠠᠪᠢᠶᠠᠨ ᠤ ᠬᠥᠭᠵᠢᠯ ᠤᠨ ᠵᠢᠮ᠎ᠠ ᠶᠣᠰᠣ᠂ ᠬᠡᠯᠡᠨ  ᠤ ᠣᠨᠳᠣᠣᠰᠢᠯ ᠤᠨ ᠵᠠᠶ᠋ᠢᠭ ᠳᠦᠷᠢᠮ ᠢ ᠳᠠᠭᠠᠯᠲᠤᠨ ᠤᠯᠠᠷᠢᠵᠤ ᠣᠷᠣᠰᠢᠭᠰᠠᠭᠠᠷ ᠬᠡᠯᠡᠨ ᠤ ᠤᠵᠠᠭᠤᠷ ᠰᠢᠨᠵᠢ ᠶᠢ ᠥᠯᠡᠮᠵᠢ ᠬᠠᠳᠠᠭᠠᠯᠠᠵᠤ ᠪᠠᠶᠢᠭ᠎ᠠ ᠣᠶᠢᠷᠡᠳ ᠠᠶᠠᠯᠭᠤᠨ ᠳᠤ ᠢᠳᠡᠪᠬᠢ ᠬᠡᠷᠡᠭᠯᠡᠭᠳᠡᠵᠥ ᠪᠥᠬᠦᠢ ᠨᠣᠮᠣ ᠰᠣᠮᠣ ᠶᠢ ᠵᠢᠭᠠᠳᠠᠭ ︽ᠬᠢᠢᠪᠠᠷ ︵ki:ber︶︾ ᠬᠡᠬᠦ ᠦᠭᠡ ᠶᠢᠨ ᠤᠳᠬ᠎ᠠ ᠯᠤᠭ᠎ᠠ ᠲᠤᠬᠢᠷᠠᠵᠤ ᠪᠣᠢ᠃ ᠳᠣᠣᠷ᠎ᠠ ᠪᠢ ᠣᠭ ︽ᠬᠡᠶᠢᠪᠦᠷ ᠰᠤᠮᠤ︾ ᠬᠡᠬᠦ ᠦᠭᠡ ᠶᠢᠨ ᠡᠭᠦᠰᠦᠯ ᠭᠠᠷᠤᠯ᠂ ᠤᠯᠠᠷᠢᠯ ᠬᠤᠪᠢᠷᠠᠯ ᠵᠢᠴᠢ ᠲᠡᠭᠦᠨ ᠤ ᠬᠠᠷᠢᠮᠬᠠᠢ ᠤᠳᠬ᠎ᠠ ᠶᠢᠨ ᠲᠣᠬᠠᠢ ᠲᠤᠭᠠᠴᠢᠨ ᠦᠭᠦᠯᠡᠵᠤ ᠲᠣᠳᠣᠯᠠᠨ ᠰᠢᠨᠵᠢᠯᠠᠰᠤ᠃ ︵ᠨᠢᠭᠡ︶ ︽ᠬᠡᠶᠢᠪᠦᠷ ᠰᠤᠮᠤ︾ ᠭᠡᠭᠦ ᠨᠡᠷ᠎ᠡ ᠶᠢᠨ ᠡᠭᠦᠰᠤᠯ ᠭᠠᠷᠤᠯ ᠤᠨ ᠲᠤᠬᠠᠢ ᠡᠷᠳᠡᠨ ᠤ ᠮᠣᠩᠭᠤᠯ ᠬᠡᠯᠡᠨ ᠤ ︽ ︵keyibür︶︾ ᠭᠡᠭᠦ ᠦᠭᠡ ᠨᠢ ︽ ︵key︶ +  ︵bür︶︾ ᠭᠡᠮᠡᠬᠦ ᠦᠭᠡ ᠪᠦᠲᠦᠭᠡᠭᠦ ᠳᠠᠭᠠᠪᠦᠷᠢ ᠪᠠᠷ ᠪᠦᠲᠦᠭᠰᠡᠨ ᠪᠦᠭᠡᠳ ᠤᠤᠯ ᠦᠭᠡ ᠶᠢᠨ ᠬᠤᠶᠠᠷ ᠪᠦᠲᠦᠭᠡᠪᠦᠷᠢ ᠶᠢᠨ ᠲᠤᠬᠠᠢ ᠨᠠᠷᠢᠨ ᠰᠢᠨᠵᠢᠯᠠᠨ ᠦᠵᠡᠪᠠᠰᠤ ᠤᠤᠯ ᠦᠭᠡ ᠶᠢᠨ ᠢᠵᠠᠭᠤᠷ ︽ ︵kei︶︾ ᠠᠨᠤ ︽ᠲᠤᠪᠴᠢᠶᠠᠨ︾ ᠳᠤ ᠭᠤᠷᠪᠠᠨ ᠤᠳᠠᠭ᠎ᠠ ᠳᠣᠬᠢᠶᠠᠯᠳᠤᠬᠤ ᠠᠵᠢ᠃ ︵1︶ — ︽    ︾ ︵ᠥᠷᠥᠨ᠎ᠠ ᠣᠮᠠᠷ᠎ᠠ ᠠᠴᠠ ᠬᠡᠢ ᠪᠣᠯᠪᠠᠰᠤ︶ ﹇14﹈᠃ ︵2︶ — ︽  ᠂     ︾ ︵ᠠᠬ᠎ᠠ ᠮᠢᠨᠦ ᠴᠢᠯᠠᠲᠤ᠂ ᠬᠡᠢ ᠥᠭᠡᠳᠡ ᠭᠦᠭᠦᠯ ᠢᠶᠠᠨ ᠬᠡᠶᠢᠰᠤᠮᠤᠰᠡᠷ︶ ﹇15﹈᠃ ︵3︶ — ︽ ᠂    ︾ ︵ᠰᠢᠭᠦᠳᠡᠷᠢ ᠢᠳᠡᠵᠤ᠂ ᠬᠡᠢ ᠤᠨᠤᠵᠤ ᠶᠠᠪᠤᠨ ᠲᠡᠳᠡ︶ ﹇16﹈᠃ ᠳᠡᠭᠡᠷᠡᠬᠢ ᠦᠭᠡᠰ ᠤᠨ ᠬᠦᠷᠢᠶ᠎ᠠ ᠬᠡᠪᠴᠢᠶ᠎ᠠ ᠪᠠ ︽ᠬᠡᠢ ︵key︶︾ ᠭᠡᠭᠦ ᠦᠭᠡ ᠶᠢᠨ ᠬᠠᠵᠠᠭᠤ ᠶᠢᠨ ᠬᠠᠳᠠᠮᠠᠯ ᠣᠷᠴᠢᠭᠤᠯᠭ᠎ᠠ ᠳᠤ ︽風︾ ᠭᠡᠵᠤ ᠨᠠᠯᠢᠶᠠᠳ ᠪᠦᠷᠢᠨ ᠰᠢᠰᠲ᠋ᠧᠮ ᠲᠠᠢ ᠲᠣᠪᠴᠢ ᠲᠠᠶᠢᠯᠪᠤᠷᠢ ᠬᠢᠭᠰᠡᠨ ᠠᠴᠠ ᠦᠵᠡᠪᠠᠯ ᠡᠷᠳᠡᠨ ᠳᠤ ︽ᠬᠡᠢ︾ ᠭᠡᠪᠡᠯ ︽ᠰᠠᠯᠬᠢ᠂ ᠵᠢᠪᠠᠷ︾ ᠢ ᠵᠢᠭᠠᠵᠤ ᠪᠠᠶᠢᠭᠰᠠᠨ ᠨᠢ ᠢᠯᠡᠷᠬᠡᠢ᠃ ᠣᠷᠴᠢᠨ ᠦᠶ᠎ᠡ ᠪᠤᠯᠤᠭᠠᠳ ︽ᠬᠡᠢ︾ ᠭᠡᠭᠦ ᠦᠭᠡ ᠶᠢᠨ ︽ᠰᠠᠯᠬᠢ᠂ ᠵᠢᠪᠠᠷ︾ ᠢ ᠵᠢᠭᠠᠵᠤ ᠪᠠᠶᠢᠭᠰᠠᠨ ᠣᠣᠷ ᠤᠳᠬ᠎ᠠ ᠨᠢ ᠪᠠᠯᠠᠷᠠᠰᠢᠨ ᠭᠡᠭᠡᠭᠳᠡᠵᠤ ᠥᠭᠡᠷ᠎ᠡ ᠣᠯᠠᠨ ᠰᠠᠯᠪᠦᠷᠢ ᠤᠳᠬ᠎ᠠ ᠪᠤᠶᠤ ᠰᠢᠯᠵᠢᠭᠰᠡᠨ ᠤᠳᠬ᠎ᠠ ᠶᠢ ᠢᠯᠡᠳᠭᠡᠳᠡᠭ ᠪᠣᠯᠵᠤ ᠬᠤᠪᠢᠷᠠᠭᠰᠠᠨ ᠪᠤᠯᠪᠠᠴᠤ ᠳᠠᠭᠤᠷ ᠭᠡᠯᠡᠨ ᠳᠤ ︽ᠬᠡᠢ xәi︾ ﹇17﹈᠂ ᠵᠡᠭᠦᠨ ᠶᠣᠭᠤᠷ ᠪᠠ ᠮᠣᠩᠭᠤᠷ ᠬᠡᠯᠡᠨ  ᠳᠤ ︽ᠬᠡᠢ ︵ki︶︾ ﹇18﹈ ᠵᠢᠴᠢ ᠣᠶᠢᠷᠡᠳ ᠠᠶᠠᠯᠭᠤᠨ ᠳᠤ ︽ᠬᠢᠢ ︵︶ ︵ki:︶︾ ﹇19﹈ ᠭᠡᠭᠦ ᠮᠡᠲᠤ ᠪᠠᠷ ᠠᠪᠢᠶᠠᠯᠠᠭᠳᠠᠵᠦ ᠪᠠᠶᠢᠭ᠎ᠠ ᠨᠢ ᠣᠣᠷ ᠤᠳᠬ᠎ᠠ ᠰᠠᠨᠠᠭ᠎ᠠ ᠪᠠᠨ ᠬᠠᠳᠠᠭᠠᠯᠠᠵᠤ ᠢᠷᠡᠭᠰᠡᠨ ᠤ ᠤᠯᠠᠮᠵᠢᠯᠠᠯ ᠤᠨ ᠤᠯᠠ ᠮᠥᠷ ᠪᠤᠶᠤ᠃ ︽ᠬᠡᠶᠢᠪᠦᠷ ︵keyibür︶︾ ᠭᠡᠭᠦ ᠦᠭᠡᠨ ᠤ ᠬᠤᠶᠠᠲᠤᠭᠠᠷ ᠪᠦᠲᠦᠭᠡᠪᠦᠷᠢ ︽ᠪᠤᠷ ︵—bür︶︾ ᠨᠢ ᠦᠭᠡ ᠪᠦᠲᠦᠭᠡᠭᠦ ᠳᠠᠭᠠᠪᠤᠷᠢ ᠶᠢᠨ ᠴᠢᠳᠡᠪᠬᠢ ᠲᠠᠢ ᠪᠠᠶᠢᠵᠤ ︽—bar᠂ — ber᠂ —bir᠂ —bCr᠂ —bur᠂ — bor᠂ —bür᠂ —wәr᠂ —wer…︾ ᠭᠡᠭᠦ ᠮᠡᠲᠤ ᠣᠯᠠᠨ ᠴᠢᠯᠣᠭᠡᠲᠤ ᠬᠤᠪᠢᠯᠪᠤᠷᠢ ᠶᠢᠨ ᠬᠡᠯᠪᠡᠷᠢ ᠪᠠᠷ ᠦᠭᠡ ᠶᠢᠨ ᠤᠳᠬ᠎ᠠ ᠶᠢᠨ ᠡᠭᠦᠷᠭᠡ ᠬᠦᠢᠴᠡᠳᠭᠡᠳᠡᠭ ᠪᠠᠶᠢᠨ᠎ᠠ᠃ ᠡᠨᠡᠬᠦ ᠴᠢᠯᠣᠭᠡᠲᠤ ᠬᠤᠪᠢᠯᠪᠤᠷᠢ ᠲᠠᠢ ᠲᠠᠭᠠᠪᠤᠷᠢ ᠨᠢ ᠡᠷᠲᠡᠨ ᠤ ᠲᠦᠷᠦᠭ ᠬᠡᠯᠡ ᠪᠤᠶᠤ ᠮᠣᠩᠭᠤᠯ ᠲᠥᠷᠥᠯ ᠭᠡᠯᠡ ᠨᠦᠭᠦᠳ ᠲᠤ ᠢᠳᠡᠪᠬᠢᠲᠠᠢ ᠭᠡᠷᠡᠭᠯᠡᠳᠡᠵᠤ ᠪᠠᠶᠢᠭᠰᠠᠨ ᠶᠤᠮ᠃ ︽ᠮᠦᠺᠠᠳ᠋ᠳᠢᠮᠠᠲ — ᠠᠯ ᠠᠳᠠᠪ︾ ᠲᠣᠯᠢ ᠳᠤ ︽︵keibür︶ — ᠬᠠᠨᠠᠭᠤᠷ ᠵᠢᠳᠡ᠂ ᠰᠢᠳᠡᠭᠦ ᠵᠢᠳᠡ︾ ﹇20﹈ ᠭᠡᠵᠤ᠂ ᠣᠷᠣᠰ  ᠤᠨ ᠬᠤᠯᠪᠣᠭᠠᠨ ᠤ ᠬᠠᠯᠢᠮᠠᠭ ᠤᠯᠤᠰ ᠤᠨ ᠭᠡᠯᠡᠨ ᠳᠤ ︽︵киивр︶ — ᠭᠡᠷᠡᠯᠲᠤᠮ᠎ᠠ᠂ ᠭᠢᠯᠳᠠᠭᠠᠨᠠᠮ︾ ﹇21﹈ ᠬᠡᠵᠤ᠂ ᠣᠶᠢᠷᠡᠳ ᠠᠶᠠᠯᠭᠤᠨ ᠳᠤ ︽︵ki:ber︶ — ᠳᠠᠭᠤᠲᠤ ᠰᠤᠮᠤ︾ ﹇22﹈ ᠭᠡᠵᠤ ︽bür᠂ ber︾ ᠨᠠᠷ᠎ᠠ ᠪᠦᠲᠦᠭᠡᠭᠦ ᠳᠠᠭᠠᠪᠦᠷᠢ ᠶᠢᠨ ᠴᠢᠯᠤᠭᠡᠲᠤ ᠬᠤᠪᠢᠯᠤᠪᠤᠷᠢ ᠶᠢᠨ ᠬᠡᠯᠪᠡᠷᠢ ᠪᠠᠷ ᠲᠣᠬᠠᠢ ᠶᠢᠨ ᠦᠭᠡ ᠶᠢᠨ ᠦᠢᠯᠡᠲᠤᠯ ᠡᠭᠦᠷᠭᠡ ᠶᠢ ᠪᠠᠶᠡᠯᠡᠭᠦᠯᠵᠤ ᠪᠠᠶᠢᠭᠰᠠᠨ ᠠᠵᠢ᠃ ᠡᠭᠦᠨ ᠯᠤᠭ᠎ᠠ ᠲᠣᠬᠢᠷᠯᠴᠠᠬᠤ ᠳᠠᠭᠠᠪᠤᠷᠢ ᠮᠣᠩᠭᠤᠷ᠂ ᠪᠣᠣ ᠠᠠ᠂ ᠵᠡᠭᠦᠨ ᠶᠤᠭᠤᠷ ᠵᠡᠷᠭᠡ ᠭᠡᠯᠡᠳ ᠲᠤ 《wәr 》 ﹇23﹈ ᠳᠠᠭᠠᠪᠤᠷᠢ ᠪᠠᠷ ᠢᠯᠡᠷᠡᠨ᠎ᠡ᠃ ᠳᠡᠭᠡᠷ᠎ᠠ ᠦᠭᠦᠯᠡᠭᠰᠡᠨ ᠢ ᠨᠢᠭᠡᠳᠭᠡᠨ ᠦᠵᠡᠪᠠᠯ ︽ᠰᠠᠯᠬᠢ ᠵᠢᠪᠡᠷ︾ ᠢ ᠵᠢᠭᠠᠭᠰᠠᠨ ︽ᠬᠡᠢ ︵key︶︾ ᠬᠡᠮᠡᠭᠦ ᠢᠵᠠᠭᠤᠷ ᠦᠭᠡᠨ ᠳᠤ ︽ᠪᠣᠷ ︵bür︶︾ ᠭᠡᠭᠦ ᠦᠭᠡ ᠪᠦᠲᠦᠭᠡᠭᠦ ᠳᠠᠭᠠᠪᠦᠷᠢ ᠶᠢ ᠵᠠᠯᠭᠠᠪᠠᠯ᠂ ᠣᠶᠢᠷᠡᠳ ᠤᠨ ᠨᠢᠭᠡ ᠵᠥᠢᠯ ᠤᠨ ᠰᠤᠮᠤᠨ ᠤ ᠨᠡᠷᠡᠶᠢᠳᠥᠯᠭᠡ ᠲᠠᠢ ᠣᠶᠢᠷᠡᠯᠴᠠᠭ᠎ᠠ ︽ᠰᠠᠯᠬᠢ ᠲᠠᠲᠠᠭᠤᠯᠳᠠᠭ ᠰᠤᠮᠤ ᠪᠤᠶᠤ ᠰᠠᠯᠬᠢᠨ ᠳᠤ ᠢᠰᠭᠡᠷᠳᠡᠭ ᠬᠤᠯᠠ ᠲᠤᠰᠳᠠᠭ ᠰᠤᠮᠤ︾ ᠭᠡᠬᠦ ᠢᠵᠠᠭᠤᠷ ᠤᠳᠬ᠎ᠠ ᠯᠤᠭ᠎ᠠ ᠡᠭᠦᠰᠦᠯ ᠭᠠᠷᠤᠯ ᠢᠵᠢᠯ ᠪᠤᠶᠤ᠃ ︵ᠬᠤᠶᠠᠷ︶ ︽ᠬᠡᠶᠢᠪᠤᠷ ᠰᠤᠮᠤ︾ ᠭᠡᠬᠦ ᠨᠡᠷ᠎ᠡ ᠶᠢᠨ ᠤᠯᠠᠷᠢᠯ ᠬᠤᠪᠢᠷᠠᠯ ︽ᠲᠣᠪᠴᠢᠶᠠᠨ︾ ᠤ §195 — ᠳ᠋ᠣᠭᠠᠷ ᠵᠥᠢᠯ ᠳᠤ ︽ᠬᠡᠶᠢᠪᠤᠷ ᠰᠤᠮᠤ︾ ᠶᠢᠨ ︽ᠬᠡᠶᠢᠪᠦᠷ︾ ᠭᠡᠭᠦ ᠦᠭᠡ  ᠶᠢ 客亦不兒 ︵keyibür︶ ᠬᠡᠵᠤ ᠭᠠᠯᠢᠭᠯᠠᠨ᠂ ︽ᠬᠡᠶᠢᠪᠦᠷ︾ ᠭᠡᠭᠦ ᠦᠭᠡ ᠶᠢᠨ ᠢᠵᠠᠭᠤᠷ ︽ᠬᠡᠢ︾ ᠶᠢ 克key ︵§31,§56︶ ᠭᠡᠵᠤ ᠭᠠᠯᠢᠭᠯᠠᠨ ᠲᠡᠮᠳᠡᠭᠯᠡᠵᠡᠢ᠃ ᠳᠠᠬᠢᠪᠠᠯ ︽ᠬᠡᠢ ︵key︶︾ ᠢᠵᠠᠭᠤᠷᠲᠤ ᠡᠭᠦᠰᠦᠮᠠᠯ ᠦᠭᠡᠰ ᠢ 客亦思周keIstFU ︵§31︶᠂ 克亦思恢keyisküy ︵§105︶᠂ 客亦思帖列keyistele ︵§112︶ ᠭᠡᠭᠦ ᠮᠡᠲᠣ ᠪᠠᠷ ᠲᠣᠬᠠᠢ ᠶᠢᠨ ᠦᠶ᠎ᠡ ᠶᠢᠨ ᠭᠠᠯᠢᠭᠯᠠᠭᠴᠢ ᠠᠨᠤ ᠮᠣᠩᠭᠤᠯ ᠦᠭᠡᠰ ᠢ ᠠᠪᠢᠶᠠᠨ ᠤ ᠬᠡᠯᠡᠨ ᠳᠤ ᠭᠠᠯᠢᠭᠯᠠᠬᠤ ᠳᠠᠭᠠᠨ ︽ᠵᠠᠷᠢᠮ ᠳᠠᠭᠠᠨ ᠦᠰᠦᠭᠴᠢᠯᠡᠨ ᠭᠠᠯᠢᠭᠯᠠᠵᠤ᠂ ᠵᠠᠷᠢᠮ ᠳᠠᠭᠠᠨ ᠦᠭᠡᠴᠢᠯᠡᠨ ᠭᠠᠯᠢᠭᠯᠠᠵᠤ᠂ ᠵᠠᠷᠢᠮ ᠳᠠᠭᠠᠨ ᠦᠭᠡ ᠴᠡᠭᠡᠵᠢᠯᠡᠭᠦᠯᠭᠦ ᠪᠠᠷ ᠵᠣᠷᠢᠯᠭ᠎ᠠ ᠪᠣᠯᠭᠠᠨ ᠦᠰᠦᠭ ᠤᠨ ᠲᠦᠷᠢᠮ ᠢ ᠡᠪᠳᠡᠵᠤ ᠭᠠᠯᠢᠭᠯᠠᠵᠤ ᠪᠠᠶᠢᠭᠰᠠᠨ︾ ﹇24﹈ ᠤᠴᠢᠷ ᠠᠴᠠ ᠢᠵᠠᠭᠤᠷ ︽ᠬᠡᠢ ︵key︶︾ ᠭᠡᠭᠦ ᠦᠭᠡ ᠶᠢ 客，克 ᠠᠯᠢ ᠪᠠᠷ ᠨᠢ ᠲᠡᠮᠳᠡᠭᠯᠡᠭᠰᠡᠨ ᠴᠤ ᠵᠥᠷᠢᠶᠠᠨ ᠦᠭᠡᠢ ᠭᠡᠷᠡᠭ ᠪᠣᠶᠣ᠃ ᠴᠢᠨᠠᠭᠰᠢᠯᠠᠪᠠᠯ ᠤᠭ ︽ᠬᠡᠶᠢᠪᠤᠷ︾ ᠭᠡᠭᠦ ᠦᠭᠡ ᠶᠢᠨ ᠠᠪᠢᠶᠠᠨ ᠤ ᠲᠣᠭᠲᠠᠯᠴᠠᠭᠠᠨ ᠤ ᠡᠭᠦᠳᠡᠨ ᠠᠴᠠ ᠭᠠᠷᠳᠠᠨ ᠲᠡᠭᠦᠨ ᠤ ᠲᠡᠣᠭᠡᠨ ᠪᠢᠴᠢᠯᠭᠡ ᠶᠢᠨ ᠵᠥᠢ ᠲᠣᠭᠲᠠᠭᠠᠯ ᠤᠨ ᠲᠣᠬᠠᠢ ᠰᠦᠪᠡᠭᠴᠢᠯᠡᠨ ᠰᠢᠨᠵᠢᠯᠡᠭᠦ ᠳᠤ ︽ᠬᠤᠣᠰ ᠡᠭᠡᠰᠢᠭ ᠤᠨ ᠲᠦᠷᠢᠮ︾ ᠤᠨ ᠡᠭᠦᠰᠦᠯ ᠬᠤᠪᠢᠰᠤᠯ ᠠᠨᠤ ᠲᠡᠭᠦᠨ ᠳᠤᠷ ᠰᠢᠢᠳᠪᠦᠷᠢᠯᠡᠭᠦ ᠦᠢᠯᠡᠳᠦᠯ ᠦᠵᠡᠭᠦᠯᠬᠦ ᠠᠵᠢ᠃ ︽ᠬᠤᠣᠰ ᠡᠭᠡᠰᠢᠭ︾ ᠨᠢ ᠡᠷᠲᠡᠨ ᠤ ᠮᠣᠩᠭᠤᠯ ᠬᠡᠯᠡᠨ ᠳᠤ ᠦᠭᠡ  ᠶᠢᠨ ᠡᠭᠢᠨ ᠪᠠ ᠲᠤᠮᠳᠠ ᠪᠣᠯ ︽ᠡᠭᠡᠰᠢᠭ +y+i︾ ᠪᠣᠯᠣᠨ ᠦᠭᠡ ᠶᠢᠨ ᠡᠴᠦᠰ ᠲᠤ ︽ᠡᠭᠡᠰᠢᠭ +y︾ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠠᠪᠢᠶᠠᠨ ᠤ ᠬᠤᠪᠢᠷᠠᠯ ᠤᠨ ᠲᠡᠣᠭᠡᠨ ᠵᠢᠮ᠎ᠠ ᠶᠣᠰᠤ ᠪᠠᠷ ᠤᠯᠠᠷᠢᠨ ᠬᠥᠭᠵᠢᠵᠤ ᠣᠷᠴᠢᠨ ᠦᠶ᠎ᠡ ᠪᠣᠯᠣᠭᠠᠳ ᠤᠷᠤᠭᠤᠳᠠᠬᠤ ᠬᠤᠣᠰ ᠡᠭᠡᠰᠢᠭ ︿ᠡᠭᠡᠰᠢᠭ + i﹀ ᠪᠣᠯᠵᠤ ᠬᠤᠪᠢᠷᠠᠭᠰᠠᠨ ᠪᠠᠶᠢᠨ᠎ᠠ᠃ ︽ᠲᠣᠪᠴᠢᠶᠠᠨ︾ ᠳᠤ ᠣᠭ ︽ᠬᠡᠶᠢᠪᠦᠷ︾ ᠭᠡᠭᠦ ᠦᠭᠡ ᠶᠢ 客亦不兒 ︵keyibur︶ ᠭᠡᠵᠤ ᠦᠭᠡᠴᠢᠯᠡᠨ ᠭᠠᠯᠢᠭᠯᠠᠵᠤ ᠬᠤᠶᠠᠷ ᠡᠭᠡᠰᠢᠭ ᠤᠨ ᠲᠤᠮᠳᠠ 亦 ︵y︶ ᠠᠪᠢᠶ᠎ᠠ ᠵᠢᠬᠢᠷᠢᠭᠯᠡᠨ ᠣᠷᠣᠵᠤ ᠦᠭᠡ ᠶᠢᠨ ᠤᠳᠬ᠎ᠠ ᠶᠢᠨ ᠡᠬᠦᠷᠭᠡ ᠶᠢ ᠪᠠᠶᠠᠯᠡᠭᠦᠯᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠡᠶᠢᠮᠤᠷᠭᠦ 亦 ︵y︶ ᠠᠪᠢᠶ᠎ᠠ ᠵᠢᠬᠢᠷᠢᠭᠯᠡᠨ ᠣᠷᠣᠭᠰᠠᠨ ᠦᠭᠡᠰ ︽ᠲᠣᠪᠴᠢᠶᠠᠨ︾ ᠳᠤ ᠥᠯᠡᠮᠵᠢ ᠲᠣᠬᠢᠶᠠᠯᠲᠤᠬᠤ ᠠᠵᠢ᠃ ᠲᠤᠮᠳᠠ ᠵᠠᠭᠤᠨ ᠤ ᠳᠥᠷᠪᠡᠯᠵᠢᠨ ᠦᠰᠦᠭ ᠲᠤ ︽ᠬᠤᠣᠰ ᠡᠭᠡᠰᠢᠭ︾ ᠢ ᠮᠥᠨ ︽ᠠᠢ ︵ai︶ ᠶᠢ ᠦᠭᠡ ᠶᠢᠨ ᠡᠬᠢᠨ ᠳᠤ ︿ ︵ayi︶﹀ ᠦᠭᠡ ᠶᠢᠨ ᠡᠴᠣᠰ ᠲᠤ ︿ ︵yi︶﹀ ᠪᠠᠷ ᠲᠡᠮᠳᠡᠭᠯᠡᠨ᠂ ︿ᠡᠶᠢ᠊ ︵ei︶ ᠶᠢ ᠦᠭᠡ ᠶᠢᠨ ᠡᠬᠢᠨ ᠳᠤ ︿ ︵eyi︶﹀᠂ ᠭᠡᠶᠢᠭᠦᠯᠦᠭᠴᠢ ᠪᠠᠷ ᠡᠬᠢᠯᠡᠭᠰᠡᠨ ᠨᠢᠭᠡᠳᠤᠭᠡᠷ ᠦᠶ᠎ᠡ ᠳᠤ ︿ ︵eyi︶﹀ ᠭᠡᠭᠦ ᠮᠡᠲᠤ ︿y﹀ ᠪᠣᠯᠣᠨ ︿i﹀ ᠪᠠᠷ ᠲᠡᠮᠳᠡᠭᠯᠡᠨ︾ ﹇25﹈ ᠢᠳᠡᠪᠬᠢᠲᠠᠢ ᠬᠡᠷᠡᠭᠯᠡᠵᠤ ᠪᠠᠶᠢᠭᠰᠠᠨ ᠠᠵᠤᠭᠤ᠃ ᠠᠪᠢᠶᠠᠨ ᠤ ᠬᠥᠭᠵᠢᠯᠳᠠ ᠶᠢᠨ ᠬᠤᠪᠢᠷᠠᠯᠲᠠ ᠶᠢ ᠳᠠᠭᠠᠯᠳᠤᠨ ︽ᠮᠣᠩᠭᠤᠯ ᠢ ᠢᠣᠢ ᠲᠣᠯᠢ ᠪᠢᠴᠢᠭ︾ ᠵᠣᠬᠢᠶᠠᠭᠳᠠᠬᠤ ᠴᠠᠭ ᠪᠣᠯᠣᠭᠠᠳ ᠲᠣᠮᠳᠠᠲᠤ ᠡᠷᠲᠡᠨ ᠤ ᠮᠣᠩᠭᠤᠯ ᠭᠡᠯᠡ ᠪᠤᠶᠤ ᠲᠥᠷᠪᠡᠯᠵᠢᠨ ᠦᠰᠦᠭ ᠲᠤ ᠬᠤᠶᠠᠷ ᠡᠭᠡᠰᠢᠭ ᠤᠨ ᠲᠤᠮᠳᠠ ᠵᠢᠬᠢᠷᠢᠭᠯᠡᠨ ᠣᠷᠣᠵᠤ ᠪᠠᠶᠢᠭᠰᠠᠨ 亦 ︵y︶ ᠡᠭᠡᠰᠢᠭ ᠠᠨᠤ ᠰᠤᠭᠤᠷᠠᠨ ᠬᠡᠬᠡᠭᠳᠡᠵᠤ ︽克不里 ︵keibuli︶ — keibür 鈚子︾ ﹇26﹈ ᠭᠡᠮᠡᠨ ᠤᠤᠯ ᠦᠭᠡ ᠶᠢᠨ ᠪᠢᠴᠢᠯᠭᠡ ᠶᠢᠨ ᠲᠦᠷᠢᠮ ᠨᠢ ᠥᠭᠡᠷᠡᠴᠢᠯᠡᠭᠳᠡᠨ ᠬᠤᠪᠢᠷᠠᠵᠤ᠂ ︽ᠬᠤᠣᠰ ᠡᠭᠡᠰᠢᠭ ᠤᠨ ᠬᠥᠪᠥᠷᠡᠯ ᠬᠥᠭᠵᠢᠯ︾ ᠨᠢ ᠲᠡᠷᠠ ᠴᠠᠭ ᠦᠶ᠎ᠡ ᠳᠤ ᠠᠩᠬ᠎ᠠ ᠠᠯᠬᠤᠮ ᠲᠣᠰᠬᠠᠯ ᠢᠶᠠᠨ ᠣᠯᠵᠤ ᠢᠳᠡᠪᠬᠢᠲᠡᠢ ᠬᠡᠷᠡᠭᠯᠡᠳᠡᠵᠤ ᠡᠬᠢᠯᠡᠭᠰᠡᠨ ᠴᠤ ᠪᠠᠶᠢᠵᠤ ᠮᠡᠳᠡᠨ᠎ᠠ᠃ ᠣᠷᠴᠢᠨ ᠦᠶ᠎ᠡ ᠵᠣᠯᠭᠠᠭᠠᠳ ᠣᠭ ︽keibür︾ ᠭᠡᠭᠦ ᠦᠭᠡ ᠨᠢ ᠣᠶᠢᠷᠡᠳ ᠠᠶᠠᠯᠭᠤᠨ ᠳᠤ ︽ki:ber︾ ᠭᠡᠭᠦ ᠬᠡᠯᠪᠡᠷᠢ ᠪᠠᠷ ᠤᠯᠠᠷᠢᠨ ᠬᠤᠪᠢᠷᠠᠵᠤ ᠤᠯᠠᠮᠵᠢᠯᠠᠭᠳᠠᠨ ᠦᠯᠡᠳᠡᠵᠤ ᠢᠷᠡᠭᠰᠡᠨ ᠪᠤᠶᠤ᠃ ᠡᠨᠡᠭᠦ ᠬᠤᠪᠢᠷᠠᠯ ᠤᠨ ᠶᠠᠪᠤᠴᠠ ᠶᠢ ᠰᠢᠨᠵᠢᠯᠠᠨ ᠦᠵᠡᠪᠠᠯ᠂ ᠣᠶᠢᠷᠡᠳ ᠠᠶᠠᠯᠭᠤᠨ ᠤ ᠴᠢᠬᠤᠯᠠ ᠨᠢᠭᠡ ᠪᠦᠷᠢᠯᠳᠤᠭᠦᠨ ᠭᠡᠰᠡᠭ ᠪᠣᠯᠬᠤ ︽ᠲᠣᠷᠭᠤᠳ ᠠᠮᠠ ᠠᠶᠠᠯᠭᠤᠨ  ᠳᠤ  ︵᠂ ᠂ ） ᠨᠢ ᠦᠭᠡ ᠶᠢᠨ ᠡᠬᠢᠨ ᠳᠤ 〔i:〕 ᠪᠣᠯᠵᠤ ᠬᠤᠪᠢᠷᠠᠨ᠂ ᠦᠭᠡ  ᠶᠢᠨ ᠡᠬᠢᠨ ᠳᠤ 〔i , i:〕 ᠪᠠᠶᠢᠪᠠᠯ ᠳᠠᠷᠠᠭᠠᠬᠢ ᠦᠶ᠎ᠡ ᠨᠦᠭᠦᠳ ᠲᠤ ᠶᠡᠷᠤ ᠠᠴᠠ ᠪᠠᠨ ᠴᠢᠩᠭ᠎ᠠ ᠡᠭᠡᠰᠢᠭ ᠲᠣᠭᠢᠶᠠᠯᠲᠣᠬᠤ ᠦᠭᠡᠢ᠂ ᠬᠠᠷᠢᠨ ︿ᠬᠥᠨᠳᠡᠢ ᠰᠢᠨᠵᠢ ᠲᠠᠢ ᠰᠠᠭᠠᠷᠮᠠᠭ ᠡᠭᠡᠰᠢᠭ﹀︾ ﹇27﹈ ᠪᠣᠯᠵᠤ ᠬᠤᠪᠢᠷᠠᠨ ᠤᠤᠯ ︽ᠬᠡᠶᠢᠪᠦᠷ ︵keibür︶︾ ᠭᠡᠭᠦ ᠦᠭᠡ ᠶᠢᠨ ᠤᠷᠤᠭᠤᠯ ᠤᠨ ᠡᠭᠡᠰᠢᠭ ︽ü︾ ᠨᠢ ᠤᠷᠤᠭᠤᠯ ᠤᠨ ᠪᠤᠰᠤ ᠡᠭᠡᠰᠢᠭ ︽e︾ ᠪᠣᠯᠵᠤ ᠤᠯᠠᠷᠢᠨ ︽ki:ber︾ ᠪᠣᠯᠵᠤ ᠬᠤᠪᠢᠷᠠᠭᠰᠠᠨ ᠪᠠᠶᠢᠨ᠎ᠠ᠃ ᠳᠡᠭᠡᠷᠠᠬᠢ ᠦᠵᠡᠯᠲᠠ ᠲᠠᠶᠢᠯᠪᠦᠷᠢ ᠶᠢ ᠨᠢᠭᠡᠳᠭᠡᠨ ᠣᠣᠯ ︽ᠬᠡᠶᠢᠪᠦᠷ︾ ᠭᠡᠭᠦ ᠦᠭᠡ ᠶᠢᠨ ᠤᠯᠠᠷᠢᠯ ᠬᠤᠪᠢᠰᠤᠯ ᠢ ᠵᠠᠭᠪᠤᠷᠴᠢᠯᠠᠨ ᠦᠵᠡᠭᠦᠯᠪᠠᠯ — ︽keyibür →keibür →ki:ber︾ ᠪᠣᠯᠠᠢ᠃ ︵ᠭᠤᠷᠪᠠ︶ ︽ᠬᠡᠶᠢᠪᠤᠷ ᠰᠤᠮᠤ︾ ᠭᠡᠬᠦ ᠨᠡᠷ᠎ᠡ ᠶᠢᠨ ᠬᠠᠷᠢᠮᠠᠬᠠᠢ ᠤᠳᠬ᠎ᠠ ︽ᠬᠠᠷᠢᠮᠠᠬᠠᠢ ᠤᠳᠬ᠎ᠠ︾ ᠭᠡᠳᠡᠭ ᠨᠢ ᠬᠡᠯᠡᠨ ᠤ ᠬᠠᠯᠢᠰᠤᠯᠢᠭ ᠮᠠᠲ᠋ᠧᠷᠢᠶᠠᠯ ᠤᠨ ᠠᠳᠠᠯᠢ ᠪᠤᠰᠤ ᠠᠴᠠ ᠪᠤᠯᠵᠤ ᠤᠤᠯ ᠦᠭᠡ ᠶᠢᠨ ᠤᠳᠬ᠎ᠠ ᠰᠠᠨᠠᠭ᠎ᠠ ᠨᠢ ᠰᠤᠨᠤᠵᠤ ᠠᠪᠴᠢᠬᠤ ᠤᠶᠠᠨ ᠬᠠᠳᠠᠨ ᠰᠢᠨᠵᠢ ᠲᠠᠢ ᠪᠠᠶᠢᠵᠤ᠂ ᠠᠩᠬᠠᠨ ᠤ ᠤᠬᠠᠭᠲᠠᠬᠤᠨ ᠠᠴᠠ ᠪᠠᠨ ᠤᠳᠬ᠎ᠠ ᠲᠡᠯᠡᠷᠡᠵᠤ ᠪᠠᠶᠢᠭ᠎ᠠ ᠦᠵᠡᠭᠳᠡᠯ ᠢ ᠵᠢᠭᠠᠳᠠᠭ᠃ ᠤᠤᠯ ︽ᠬᠡᠶᠢᠪᠦᠷ ᠰᠤᠮᠤ︾ ᠬᠡᠬᠦ ᠨᠡᠷ᠎ᠡ ᠨᠢ ᠬᠡᠯᠡᠨ ᠤ ᠬᠥᠭᠵᠢᠯ ᠤᠨ ᠲᠡᠤᠬᠡᠨ ᠵᠠᠮᠨᠠᠯ ᠲᠤᠮᠳᠠ ᠦᠭᠡ ᠶᠢᠨ ᠤᠳᠬ᠎ᠠ ᠨᠢ ᠥᠷᠬᠡᠵᠢᠨ ᠲᠡᠯᠡᠵᠤ ᠬᠤᠵᠢᠮ ᠤᠨ ᠤᠯᠠᠨ ᠲᠠᠩᠨᠠᠭᠠᠰᠤᠲᠤ ᠰᠠᠨᠠᠭ᠎ᠠ ᠶᠢ ᠢᠯᠡᠷᠡᠬᠦᠯᠦᠨ ᠤᠯᠠᠷᠢᠨ ᠬᠤᠪᠢᠷᠠᠵᠤ ᠢᠷᠡᠭᠰᠡᠨ ᠪᠤᠶᠤ᠃ ᠲᠤᠤᠷ᠎ᠠ ᠡᠨᠡᠬᠦ ︽ᠬᠡᠶᠢᠪᠦᠷ ᠰᠤᠮᠤ︾ ᠭᠡᠭᠦ ᠨᠡᠷ᠎ᠡ ᠶᠢᠨ ᠬᠠᠷᠢᠮᠠᠬᠠᠢ ᠤᠳᠬ᠎ᠠ ᠶᠢ ᠦᠢᠯᠡᠲᠦᠯ ᠴᠢᠳᠡᠪᠬᠢ ᠶᠢᠨ ᠤᠳᠬ᠎ᠠ ᠰᠢᠨᠵᠢ᠂ ᠬᠡᠯᠪᠡᠷᠢ ᠲᠥᠷᠬᠦ ᠶᠢᠨ ᠤᠳᠬ᠎ᠠ ᠰᠢᠨᠵᠢ᠂ ᠪᠡᠯᠭᠡᠳᠡᠯ ᠰᠠᠨᠠᠭᠠᠨ ᠤ ᠤᠳᠬ᠎ᠠ ᠰᠢᠨᠵᠢ ᠬᠡᠵᠤ ᠭᠤᠷᠪᠠᠨ ᠵᠢᠵᠢᠭ ᠬᠡᠰᠡᠭ  ᠲᠤ ᠬᠤᠪᠢᠶᠠᠨ ᠦᠬᠦᠯᠡᠰᠦᠬᠡᠢ᠃ ︵1︶ ︽ᠬᠡᠶᠢᠪᠤᠷ ᠰᠤᠮᠤ︾ ᠭᠡᠬᠦ ᠨᠠᠷ᠎ᠠ ᠶᠢᠨ ᠦᠢᠯᠡᠳᠦᠯ ᠴᠢᠳᠠᠪᠬᠢ ᠶᠢᠨ ᠤᠳᠬ᠎ᠠ ᠰᠢᠨᠵᠢ ︽ᠲᠣᠪᠴᠢᠶᠠᠨ︾ ᠤ §195 ᠳ᠋ᠤᠭᠠᠷ ᠵᠥᠢᠯ ᠳᠤ ᠢᠯᠡᠷᠡᠭᠰᠡᠨ ︽ᠬᠡᠶᠢᠪᠦᠷ ᠰᠤᠮᠤ︾ ᠭᠡᠭᠦ ᠨᠡᠷ᠎ᠡ ᠶᠢᠨ ᠦᠭᠡ  ᠶᠢᠨ ᠤᠳᠬ᠎ᠠ ᠶᠢᠨ ᠣᠶᠢᠷ᠎ᠠ ᠣᠷᠴᠢᠨ ᠳᠤ ᠰᠢᠨᠵᠢᠯᠠᠨ ᠰᠣᠳᠣᠯᠬᠤ ᠶᠢᠨ ᠳᠠᠭᠠᠤ ᠲᠡᠭᠦᠨ ᠤ ᠣᠣᠷ ᠤᠳᠬ᠎ᠠ ᠶᠢᠨ ᠬᠡᠲᠤᠨ ᠴᠤᠭᠴᠠᠯᠠᠪᠤᠷᠢ ᠰᠠᠨᠠᠭ᠎ᠠ ᠶᠢ ᠮᠣᠩᠭᠤᠯ ᠲᠡᠣᠬᠡᠨ ᠰᠤᠷᠪᠦᠯᠵᠢ ᠪᠢᠴᠢᠭ ᠪᠤᠯᠤᠨ ᠤᠶᠢᠷᠠᠳ ᠮᠤᠩᠭᠤᠯ ᠤᠨ ᠠᠮᠠᠨ ᠵᠤᠬᠢᠶᠠᠯ ᠳᠤ ᠲᠤᠰᠬᠠᠭᠳᠠᠭᠰᠠᠨ ᠢᠵᠠᠭᠤᠷ ᠰᠣᠶᠣᠯ ᠰᠡᠳᠬᠢᠬᠦᠢ ᠶᠢᠨ ᠠᠬᠤᠢ ᠠᠴᠠ ᠰᠦᠪᠡᠨ ᠠᠵᠢᠭᠯᠠᠪᠠᠰᠤ᠄ ︽ᠲᠣᠪᠴᠢᠶᠠᠨ︾ ᠤ §195 ᠳ᠋ᠦ᠋ᠭᠠᠷ ᠵᠥᠢᠯ ᠳᠤ ᠵᠥᠴᠢ ᠬᠠᠰᠠᠷ ᠥᠷᠭᠡᠨ ᠡᠩ ᠲᠠᠢ ᠰᠠᠭᠠᠳᠠᠭ ᠢᠶᠠᠨ ᠠᠪᠣᠭᠠᠳ ︽ᠭᠡᠷᠡᠯᠲᠦᠭᠰᠡᠨ ᠨᠦᠭᠦᠷ ᠢ ／ ᠭᠡᠭᠡᠷ᠎ᠠ ᠭᠡᠲᠦᠰ ᠪᠦᠬᠦᠨ ᠢ ／ ᠬᠡᠶᠢᠪᠦᠷ ᠰᠤᠮᠤ ᠪᠠᠨ ᠲᠡᠯᠢᠵᠤ ᠲᠠᠯᠪᠢᠪᠠᠰᠤ ／ ᠭᠡᠯᠬᠢᠲᠡᠯ᠎ᠡ ᠦᠯᠬᠢᠲᠡᠯ᠎ᠡ ᠬᠠᠷᠪᠦᠶᠦ ／ ᠶᠡᠭᠡᠳᠡ ᠲᠠᠯᠢᠵᠤ ᠲᠠᠯᠪᠢᠪᠠᠰᠤ ／ ᠶᠢᠰᠤᠨ ᠵᠠᠭᠤᠨ ᠠᠯᠳᠠ ᠭᠠᠵᠠᠷ᠎ᠠ ᠬᠠᠷᠪᠤᠶᠤ ／ ᠲᠠᠲᠠᠵᠤ ᠲᠡᠯᠢᠵᠤ ᠲᠠᠯᠪᠢᠪᠠᠰᠤ ／ ᠲᠠᠪᠤᠨ ᠵᠠᠭᠤᠨ ᠠᠯᠳᠠ ᠭᠠᠵᠠᠷ᠎ᠠ ᠬᠠᠷᠪᠤᠶᠤ ／ ᠬᠦᠮᠦᠨ ᠬᠦᠮᠦᠨ ᠠᠴᠠ ᠪᠤᠰᠦ ／ ᠬᠦᠷᠦᠯᠴᠡᠬᠦ ᠮᠠᠩᠭᠤᠰ ᠲᠦᠷᠦᠭᠰᠡᠨ ／ ᠵᠦᠴᠢ ᠬᠠᠰᠠᠷ ᠬᠡᠮᠡᠭᠳᠡᠶᠤ︾ ﹇28﹈ ᠭᠡᠵᠤ ᠢᠯᠡᠷᠡᠳᠡᠭ᠃ 13 — ᠳ᠋ᠤᠭᠠᠷ ᠵᠠᠭᠤᠨ ᠤ ᠦᠶ᠎ᠡ ᠳᠤ ᠮᠤᠩᠭᠤᠯᠴᠤᠳ ᠳᠤ ︽900 ᠠᠯᠳᠠ ᠬᠠᠷᠪᠤᠳᠠᠭ ᠶᠡᠭᠡ ᠨᠤᠮᠤ︾᠂ ︽500 ᠠᠯᠳᠠ ᠬᠠᠷᠪᠤᠳᠠᠭ ᠪᠠᠭ᠎ᠠ ᠨᠤᠮᠤ︾ ᠬᠡᠬᠦ ᠬᠤᠶᠠᠷ ᠶᠠᠩᠵᠤ ᠶᠢᠨ ᠨᠤᠮᠤ ᠪᠠᠶᠢᠭᠰᠠᠨ ᠬᠡᠵᠤ ᠤᠯᠠᠩᠬᠢ ᠡᠷᠳᠡᠮᠳᠡᠳ ᠦᠵᠡᠳᠡᠭ᠃ ᠪᠤᠷᠢᠶᠠᠳ ᠤᠨ ᠡᠷᠳᠡᠮᠳᠡᠨ ᠺᠯᠢᠤᠺᠢᠨ ︽ᠮᠤᠩᠭᠤᠯ ᠤᠨ ᠨᠢᠬᠡ ᠠᠯᠳᠠ ᠶᠢ 6 ᠹᠦᠲ᠂ 7 ᠹᠦᠲ = 1 ᠰᠠᠵᠢᠩ ᠬᠡᠮᠡᠨ ᠪᠠᠭᠴᠠᠭᠠᠯᠠᠨ ᠲᠤᠬᠠᠢ ᠶᠢᠨ ᠦᠶ᠎ᠡ ᠶᠢᠨ ᠤᠷᠲᠤ ᠶᠢᠨ ᠬᠡᠮᠵᠢᠬᠦᠷ ᠤᠨ ᠨᠢᠬᠡᠴᠢ ᠳᠤ ᠲᠠᠭᠠᠷᠢᠭᠤᠯᠠᠨ ᠪᠤᠳᠤᠭᠰᠠᠨ ᠢ ᠪᠠᠷᠢᠮᠳᠠᠯᠠᠪᠠᠯ 500×6᠄ 7 = 428 ᠰᠠᠵᠢᠩ᠂ 900×6᠄ 7 = 770 ᠰᠠᠵᠢᠩ ᠪᠤᠯᠤᠨ᠎ᠠ᠃ ᠺᠯᠢᠤᠺᠢᠨ ᠤ ᠠᠽᠢ ᠡᠸᠥ᠋ᠷᠦᠫᠠ ᠶᠢᠨ ᠮᠡᠷᠬᠡᠨ ᠬᠠᠷᠪᠤᠭᠠᠴᠢᠳ ᠤᠨ ᠲᠠᠯ᠎ᠠ ᠪᠠᠷ ᠴᠤᠭᠯᠠᠭᠤᠯᠤᠭᠰᠠᠨ ᠮᠠᠲ᠋ᠧᠷᠢᠶᠠᠯ ᠠᠴᠠ ᠬᠠᠮᠤᠭ ᠤᠨ ᠬᠤᠯᠠ ᠬᠠᠷᠪᠤᠳᠠᠭ ᠬᠦᠮᠦᠨ ᠨᠢ 241 ᠰᠠᠵᠢᠩ ᠠᠯᠤᠰ ᠬᠠᠶᠢᠮᠤᠰᠤᠯᠠᠭᠰᠠᠨ ᠪᠠᠶᠢᠵᠠᠢ︾ ﹇29﹈ ᠬᠡᠵᠡᠢ᠃ ᠮᠥᠨ ᠮᠤᠩᠭᠤᠯ ᠤᠨ ᠲᠡᠦᠬᠡᠨ ᠳᠤ ᠬᠠᠪᠤᠲᠤ ᠬᠠᠰᠠᠷ ᠤᠨ ᠬᠦᠤ ᠶᠢᠰᠤᠩᠭᠡ ᠴᠤ ︽335 ᠠᠯᠲᠠ ᠬᠤᠯᠠ ᠬᠠᠷᠪᠤᠬᠤ ᠳᠠᠭᠠᠨ ᠰᠠᠶ᠋ᠢᠬᠢ ᠬᠡᠶᠢᠪᠤᠷ ᠰᠤᠮᠤ ᠶᠢ ᠬᠡᠷᠡᠭᠯᠡᠭᠰᠡᠨ︾ ﹇30﹈ ᠪᠠᠶᠢᠳᠠᠭ᠃ ᠡᠨᠡ ᠪᠦᠬᠦᠢ ᠪᠠᠷᠢᠮᠲᠠ ᠠᠴᠠ ᠦᠵᠡᠬᠦ ᠳᠤ ᠬᠠᠰᠠᠷ ᠤᠨ ᠬᠠᠷᠪᠤᠭᠰᠠᠨ ᠨᠤᠮᠤ ︽ᠶᠢᠰᠤᠨ ᠵᠠᠭᠤᠨ ᠠᠯᠲᠠ ᠭᠠᠵᠠᠷ ᠲᠤᠰᠳᠠᠭ︾ ᠪᠠᠶᠢᠭᠰᠠᠨ ᠢ ᠪᠦᠷᠢᠮᠤᠰᠤᠨ ᠳᠠᠪᠠᠭᠤᠯᠤᠯ ᠤᠨ ᠠᠷᠭ᠎ᠠ ᠶᠢ ᠠᠰᠢᠭᠯᠠᠭᠰᠠᠨ ᠬᠡᠵᠤ ᠦᠵᠡᠵᠤ ᠪᠤᠯᠬᠤ ᠦᠬᠡᠢ᠃ ᠮᠤᠩᠭᠤᠯ ᠤᠨ ᠲᠡᠤᠬᠡᠨ ᠳᠤ ᠨᠤᠮᠤ ᠬᠠᠷᠪᠤᠭᠠᠨ ᠳᠠᠭᠠᠨ ᠣᠨᠴᠤᠭᠠᠢ ᠬᠦᠴᠦ ᠴᠢᠳᠠᠯ ᠲᠠᠢ ᠮᠡᠷᠬᠡᠨ ᠬᠦᠮᠦᠨ ᠪᠠᠶᠢᠭᠰᠠᠨ ᠬᠡᠳᠡᠭ ᠢ ᠬᠠᠰᠠᠷ᠂ ᠶᠢᠰᠤᠩᠭᠡ ᠶᠢᠨ ᠪᠤᠲᠡᠲᠤ ᠦᠢᠯᠠ ᠪᠠᠲᠤᠲᠠᠢ ᠬᠡᠷᠡᠴᠢᠯᠡᠨ᠎ᠡ᠃ ᠡᠨᠡᠬᠦ ︽ᠬᠡᠶᠢᠪᠤᠷ ᠰᠤᠮᠤ ︾ ᠨᠢ ᠶᠠᠭᠤᠨ ᠳᠤ ᠢᠩᠭᠢᠵᠤ ᠬᠤᠯᠠ ᠲᠤᠰᠳᠠᠭ ᠤᠨ ᠤᠴᠢᠷ ᠤᠬᠠᠭᠠᠨ ᠢ ᠰᠦᠪᠡᠭᠴᠢᠯᠠᠪᠠᠯ ᠵᠡᠪᠡ ᠬᠠᠷᠪᠤᠭ᠎ᠠ ᠬᠠᠮᠤᠭ  ᠤᠨ ᠳᠡᠯᠭᠡᠷᠡᠵᠤ ᠬᠦᠭᠵᠢᠭᠰᠡᠨ 13 — ᠳ᠋ᠤᠭᠠᠷ ᠵᠠᠭᠤᠨ ᠤ ᠦᠶ᠎ᠡ ᠳᠤ ᠨᠤᠮᠤ ᠰᠤᠮᠤ ᠬᠢᠳᠡᠭ ᠲᠠᠷᠬᠠᠳ ᠠᠴᠠ ︽ᠰᠤᠮᠤᠨ ᠤ ᠬᠠᠶᠢᠮᠤᠰᠤᠯᠲᠠ ᠶᠢ ᠬᠤᠯᠠ ᠪᠤᠯᠭᠠᠬᠤ ᠶᠢᠨ ᠲᠤᠯᠠᠳᠠ ᠮᠥᠰᠥ ᠶᠢ ᠲᠡᠮᠤᠷ ᠢᠶᠠᠷ ᠬᠢᠵᠤ ᠵᠢᠩ ᠢ ᠬᠦᠨᠳᠦᠷᠡᠬᠦᠯᠦᠭᠰᠡᠨ︾ ﹇31﹈ ᠬᠡᠳᠡᠭ ᠲᠤ ᠰᠢᠯᠲᠠᠭᠳᠠᠨ᠎ᠠ ᠬᠡᠵᠤ ᠪᠢ ᠦᠵᠡᠨ᠎ᠠ᠃ ᠡᠨᠡᠬᠦ ︽ᠬᠡᠶᠢᠪᠤᠷ ᠰᠤᠮᠤ︾  ᠲᠠᠢ ᠨᠤᠮᠤ ᠶᠢᠨ ᠦᠢᠯᠡᠲᠦᠯ ᠴᠢᠳᠠᠪᠬᠢ ᠶᠢᠨ ᠤᠳᠬ᠎ᠠ ᠨᠢ ᠣᠶᠢᠷᠡᠳ ᠤᠨ ᠪᠠᠭᠠᠲᠤᠷᠯᠢᠭ ᠲᠤᠤᠯᠢᠰ ᠳᠤ ᠭᠠᠷᠴᠤ ᠪᠤᠢ ︽ᠬᠡᠶᠢᠪᠤᠷ ᠰᠤᠮᠤ︾ ︵ᠬᠡᠶᠢᠪᠤᠷ ᠰᠠᠭᠠᠳᠠᠭ︶ ᠶᠢᠨ ᠤᠳᠬ᠎ᠠ ᠤᠳᠬ᠎ᠠ ᠲᠠᠢ ᠲᠥᠬᠡᠵᠤ ᠤᠴᠢᠳᠠᠭ ᠨᠢ ᠳᠡᠬᠡᠷᠡᠬᠢ ᠦᠵᠡᠯᠲᠠ ᠶᠢ ᠬᠠᠵᠠᠭᠤ ᠲᠠᠯ᠎ᠠ ᠠᠴᠠ ᠪᠠᠲᠤᠯᠠᠨ᠎ᠠ᠃ ᠲᠤᠬᠠᠶᠢᠯᠠᠪᠠᠯ᠄ ᠲᠤᠳᠤ ᠦᠰᠦᠭ ᠤᠨ ᠪᠢᠴᠢᠮᠠᠯ ︽ᠬᠠᠨ ᠬᠠᠷᠠᠩᠭᠤᠢ︾ ᠳᠤᠤᠯᠢᠰ ᠳᠤ ︽ᠬᠠᠨ ᠬᠠᠷᠠᠩᠭᠤᠢ ᠮᠢᠩᠭᠠᠨ ᠬᠦᠴᠦᠳᠤ ᠵᠠᠭᠠᠨ ᠴᠠᠭᠠᠨ ᠨᠤᠮᠤᠨ ᠳᠠᠭᠠᠨ ᠬᠦᠳᠦᠯ ᠤᠨᠢᠳᠤ ᠬᠦᠳᠡᠭᠡ ᠡᠩᠲᠤ ︿ᠬᠡᠶᠢᠪᠤᠷ﹀ ᠴᠠᠭᠠᠨ ᠰᠤᠮᠤ ᠪᠠᠷ ᠤᠨᠢᠯᠠᠭᠠᠳ᠃ ᠠᠷᠤ ᠳᠠᠭᠠᠨ ᠳᠠᠳᠠᠵᠤ ᠠᠯᠠ ᠳᠠᠭᠠᠨ ᠲᠦᠭᠦᠷᠭᠡᠭᠡᠳ᠂ ᠡᠮᠤᠨ᠎ᠠ ᠪᠠᠨ ᠲᠠᠲᠠᠵᠤ ᠲᠡᠯᠮᠡᠨ ᠳᠡᠭᠡᠨ ᠲᠦᠬᠦᠷᠬᠡᠬᠡᠳ᠃ ᠰᠤᠮᠤᠨ ᠤ ᠲᠡᠮᠤᠷ ᠠᠴᠠ ᠭᠠᠯ ᠪᠠᠳᠠᠷᠠᠭᠤᠯᠤᠭᠠᠳ᠃ ᠡᠮᠤᠨ᠎ᠡ ᠠᠴᠠ ᠨᠢ ᠤᠲᠤᠭ᠎ᠠ ᠪᠤᠷᠬᠢᠯᠤᠭᠠᠳ᠃ ᠬᠠᠲᠠᠨ ᠴᠡᠩᠭᠡᠯ ᠤᠨ ᠬᠠᠷ᠎ᠠ ᠵᠢᠷᠤᠬᠡᠨ ᠤ ᠴᠠᠭᠠᠨ ᠲᠤᠯᠲᠤ ᠪᠤᠯᠲᠤᠭᠠᠢ ᠬᠢᠬᠡᠳ ᠲᠠᠲᠠᠭᠠᠳ ᠲᠠᠯᠪᠢᠭᠠᠳ ᠤᠷᠬᠢᠪᠠ︾ ﹇32﹈ ᠬᠡᠵᠤ ᠪᠠᠶᠢᠬᠤ ᠳᠤ ︽ᠵᠠᠩᠭᠠᠷ︾ ᠤᠨ ᠲᠤᠤᠯᠢᠰ ᠤᠨ ︽ᠠᠯᠳᠠᠨ ᠴᠡᠭᠡᠵᠢ ᠪᠠᠪᠠ᠂ ᠠᠯᠳᠠᠷ ᠵᠠᠩᠭᠠᠷ ᠬᠤᠶᠠᠷ ᠤᠨ ᠪᠠᠶᠢᠷᠢ ᠪᠠᠷᠢᠯᠳᠤᠭᠰᠠᠨ ᠪᠦᠯᠦᠭ︾  ᠳᠤ ᠠᠯᠲᠠᠨ ᠴᠡᠬᠡᠵᠢ ᠪᠠᠪᠠ ︽ᠠᠷᠠᠭ ᠤᠯᠠᠭᠠᠨ ᠬᠦᠯᠦᠭ ᠠᠴᠠ ᠪᠠᠨ ᠪᠠᠭᠤᠭᠠᠳ ／ ᠲᠦᠤᠪᠦᠷ ᠮᠥᠩᠭᠦᠨ ᠬᠦᠪᠴᠢᠭ ᠳᠡᠬᠡᠷ᠎ᠡ ᠪᠠᠨ ／ ᠬᠥᠬᠡ ᠬᠢᠪᠡᠷ ᠰᠠᠭᠠᠳᠠᠭ ᠢ ᠲᠠᠯᠪᠢᠭᠠᠳ ／ ᠤᠨᠢ ᠠᠴᠠ ᠨᠢ ᠤᠲᠤᠭ᠎ᠠ ᠭᠠᠷᠭᠠᠨ ᠲᠠᠲᠠᠭᠠᠳ ／ ᠦᠵᠦᠬᠦᠷ ᠠᠴᠠ ᠨᠢ ᠭᠠᠯ ᠭᠠᠷᠭᠠᠨ ᠲᠠᠲᠠᠭᠠᠳ ／ ᠭᠤᠷᠪᠠᠨ ᠭᠤᠤᠯ ᠤᠨ ᠭᠠᠳᠴᠠ ᠠᠴᠠ ／ ᠡᠯᠢᠶᠠᠨ ᠰᠡᠬᠦᠯ ᠡᠭ᠍ᠴᠡ ᠵᠢᠯᠢᠩ ᠢᠶᠠᠷ ᠬᠠᠷᠪᠤᠪᠠ︾ ﹇33﹈ ᠬᠡᠵᠤ ᠢᠯᠡᠷᠡᠨ ︽ᠬᠠᠯᠢᠮᠠᠭ ᠵᠠᠩᠭᠠᠷ︾ ᠤᠨ ︽ᠳᠣᠭᠰᠢᠨ ᠵᠠᠮᠪᠠᠯ ᠬᠠᠭᠠᠨ ᠤ ᠭᠠᠯᠵᠠᠭᠤ ᠳᠤᠯᠤᠭᠠᠨ ᠪᠣᠲᠣᠩ ᠢ ᠠᠰᠤᠷᠤ ᠤᠯᠠᠭᠠᠨ ᠬᠤᠩᠭᠤᠷ ᠭᠦᠨᠲᠤ ᠭᠠᠷ ᠲᠠᠢ ᠰᠠᠪᠠᠷ ᠬᠤᠶᠠᠷ ᠲᠦᠷᠦᠶᠢᠴᠡᠭᠦᠯᠦᠭᠰᠡᠨ ᠪᠦᠯᠦᠭ︾ ᠲᠤ ︽᠁ ᠤᠷᠳᠤ ᠬᠠᠷ᠎ᠠ ᠠᠳᠠᠷᠠᠨ ︵ᠰᠠᠭᠠᠳᠠᠭ — ᠡᠰᠢᠯᠡᠭᠴᠢ︶ ᠳᠠᠭᠠᠨ ／ ᠠᠯᠳᠠᠨ ᠦᠨ᠎ᠡ ᠲᠠᠢ ᠬᠦᠬᠡ ᠬᠢᠢᠪᠡᠷ ᠵᠢᠯᠪᠢᠩ ︿ᠵᠢᠯᠢᠩ ︵ᠰᠤᠮᠤ︶ — ᠡᠰᠢᠯᠡᠭᠴᠢ﹀ ᠢ ／ ᠠᠮᠢᠨ ᠭᠤᠤᠯ ᠳᠤᠨᠢ ᠵᠦᠪᠯᠡᠭᠡᠳ ᠵᠤᠭᠰᠤᠪᠠ︾ ﹇34﹈ ᠬᠡᠵᠤ ᠢᠯᠡᠷᠡᠳᠡᠭ᠃ ᠮᠥᠨ ᠵᠤᠤᠨᠠᠢ ᠶᠢᠨ ᠭᠠᠷ ᠪᠢᠴᠢᠮᠠᠯ ︽ᠵᠠᠩᠭᠠᠷ︾ ᠤᠨ ︽ᠠᠷᠰᠠᠯᠠᠩ ᠠᠯᠲᠠᠢ ︿ᠰᠠᠶᠢᠬᠠᠨ﹀ ᠵᠤᠤ ᠶᠢᠨ ᠲᠣᠯᠣᠭᠠᠶᠢᠯᠠᠭᠴᠢ ᠬᠤᠰᠢᠭᠤᠨ ᠤᠯᠠᠭᠠᠨ ᠬᠠᠭᠠᠨ ᠤ ᠡᠬᠢᠨ ᠪᠥᠯᠥᠭ︾ ᠲᠤ ᠭᠠᠷᠳᠠᠭ ᠠᠯᠲᠠᠨ ᠴᠡᠭᠡᠵᠢ ᠪᠠᠪᠠ ᠶᠢᠨ ᠬᠥᠪᠡᠬᠦᠨ ᠠᠯᠢᠶ᠎ᠠ ᠱᠤᠩᠬᠤᠷ  ᠤᠨ ᠵᠡᠷ ᠵᠡᠪᠰᠡᠭ ᠨᠢ ︽ᠠᠲᠠᠭᠠᠲᠤ ᠠᠪᠤ ᠤᠨ ᠶᠣᠰᠤᠭᠠᠷ ᠠᠭᠰᠠᠭᠰᠠᠨ᠂ ᠦᠢᠯᠠᠲᠤ ᠶᠢᠨ ᠭᠤᠷᠪᠠᠨ ᠣᠨᠣᠪᠴᠢ ᠵᠢᠯᠢᠩ  ᠲᠠᠢ᠂ ᠡᠭᠦᠯᠡᠨ ᠥᠩᠭᠡᠲᠠᠢ ᠬᠥᠬᠡ ᠬᠢᠪᠢᠷ ᠨᠤᠮᠤ ᠰᠤᠮᠤ ᠲᠠᠢ ᠬᠡᠨ᠎ᠡ᠃︾ ﹇35﹈ ᠬᠡᠵᠤ ᠲᠤᠬᠢᠶᠠᠯᠲᠤᠲᠠᠭ᠃ ᠡᠨᠡᠬᠦ ᠦᠬᠦᠯᠡᠮᠵᠢ ᠠᠴᠠ ᠦᠵᠡᠪᠠᠰᠤ ︽ᠬᠡᠶᠢᠪᠤᠷ ᠰᠣᠮᠣᠨ︾ ᠤ ᠲᠡᠮᠤᠷ ᠠᠴᠠ ᠭᠠᠯ ᠤᠲᠤᠭ᠎ᠠ ᠪᠤᠷᠬᠢᠯᠤᠵᠤ ᠡᠰᠡᠷᠬᠦ ᠡᠲᠡᠬᠡᠳ ᠢᠶᠠᠨ ᠬᠠᠭ᠎ᠠ ᠬᠠᠷᠪᠤᠳᠠᠭ ᠬᠤᠯᠠ ᠲᠤᠰᠳᠠᠭ ᠢᠳᠢ ᠰᠢᠳᠢ ᠲᠠᠢ ᠬᠦᠴᠤᠲᠤ ᠰᠤᠮᠤ ᠪᠤᠯᠬᠤ ᠨᠢ ᠲᠤᠤᠯᠢᠰ  ᠤᠨ ᠤᠷᠤᠨ ᠵᠠᠢ ᠶᠢᠨ ᠤᠬᠠᠮᠰᠠᠷ ᠲᠤ ᠦᠨᠲᠦᠰᠦᠯᠡᠭᠰᠡᠨ ᠪᠠᠶᠢᠳᠠᠭ᠃ ᠴᠢᠨᠠᠭᠰᠢ ᠡᠳᠡᠭᠡᠷ ᠦᠬᠦᠯᠡᠮᠵᠢ ᠶᠢ ᠤᠳᠬ᠎ᠠ ᠵᠥᠢ ᠶᠢᠨ ᠡᠬᠦᠳᠡᠨ ᠠᠴᠠ ᠲᠤᠩᠭᠠᠨ ᠦᠵᠡᠪᠠᠯ ︽ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠳᠤ ︽ᠬᠡᠶᠢᠪᠤᠷ ᠰᠤᠮᠤ︾ ᠭᠡᠭᠦ ᠨᠡᠷ᠎ᠡ  ᠨᠢ ᠰᠤᠮᠤᠨ ᠤ ᠲᠤᠰᠬᠠᠢ ᠨᠡᠷᠡᠶᠢᠲᠤᠯᠭᠡ ᠶᠢ ᠵᠢᠭᠠᠵᠤ ᠪᠠᠶᠢᠭᠰᠠᠨ ᠪᠣᠯ ︽ᠵᠠᠩᠭᠠᠷ︾᠂ ︽ᠬᠠᠨ ᠬᠠᠷᠠᠩᠭᠤᠢ︾ ᠲᠤᠤᠯᠢᠰ ᠤᠨ ᠡᠬᠦᠰᠦᠨ ᠲᠥᠯᠥᠪᠵᠢᠭᠰᠡᠨ ᠴᠠᠭ ᠦᠶ᠎ᠠ ᠳᠤ ᠢᠷᠡᠭᠡᠳ ᠬᠠᠶᠠ ᠳᠠᠭᠠᠨ ᠰᠠᠭᠠᠳᠠᠭ ᠢᠶᠠᠨ ᠲᠤᠲᠤᠳᠬᠠᠵᠤ ︽ᠬᠥᠬᠡ ᠬᠢᠢᠪᠠᠷ ᠰᠠᠭᠠᠳᠠᠭ︾ ᠭᠡᠵᠤ ᠢᠯᠡᠷᠡᠳᠡᠭ ᠪᠣᠯ ᠬᠠᠶᠠ ᠳᠠᠭᠠᠨ ᠰᠤᠮᠤ ᠪᠠᠨ ᠲᠤᠲᠤᠳᠬᠠᠵᠤ ︽ᠬᠥᠬᠡ ᠬᠢᠢᠪᠠᠷ ᠵᠢᠯᠢᠩ ︵ᠰᠤᠮᠤ︶︾᠂ ︽ᠬᠡᠶᠢᠪᠤᠷ ᠴᠠᠭᠠᠨ ᠰᠤᠮᠤ︾ ᠬᠡᠵᠤ ᠢᠯᠡᠷᠡᠳᠡᠭ ᠪᠤᠯᠤᠭᠰᠠᠨ ᠨᠢ ᠲᠡᠤᠬᠡ  ᠶᠢᠨ ᠴᠠᠭ ᠤᠨ ᠤᠬᠠᠮᠰᠠᠷ ᠠᠴᠠ ᠲᠤᠤᠯᠢᠰ ᠤᠨ ᠴᠠᠭ ᠤᠨ ᠤᠬᠠᠮᠰᠠᠷ ᠤᠷᠤᠭᠤ ᠤᠯᠠᠷᠢᠵᠤ ᠰᠢᠯᠵᠢᠭᠰᠡᠨ ᠶᠠᠪᠤᠴᠠ ᠪᠠᠶᠢᠭ᠎ᠠ ᠪᠤᠲᠠᠲᠤ ᠲᠥᠷᠥᠭᠳᠡᠯ ᠢ ᠲᠦᠷᠦᠬᠦᠯᠦᠨ᠎ᠠ᠃ ᠬᠤᠵᠢᠭᠤ ᠡᠷᠲᠡᠨ ᠤ ᠲᠡᠤᠬᠡᠨ ᠰᠤᠷᠪᠤᠯᠵᠢ ᠪᠣᠯᠬᠤ ︽ᠡᠷᠳᠡᠨᠢ ᠶᠢᠨ ᠲᠣᠪᠴᠢ︾ ᠳᠤ ᠳᠥᠴᠢᠨ ᠳᠥᠷᠪᠡᠨ ᠬᠤᠶᠠᠷ  ᠤᠨ ᠶᠡᠭᠡᠰ᠂ ᠬᠠᠭᠠᠨ ᠲᠥᠷᠥ ᠶᠢᠨ ᠲᠤᠬᠠᠢ ᠮᠠᠷᠭᠤᠯᠳᠠᠵᠤ ᠦᠬᠦᠯᠡᠯᠳᠡᠷᠡᠬᠦ ᠳᠤ ᠲᠣᠬᠠᠨ ᠲᠠᠶᠢᠰᠢ ᠬᠠᠭᠠᠨ ᠴᠣᠯᠠ ᠠᠪᠰᠤᠭᠠᠢ ᠭᠡᠮᠡᠨ ᠡᠵᠡᠨ ᠳᠤ ᠲᠠᠪᠢᠭ ᠲᠠᠯᠪᠢᠭᠠᠳ ᠤᠷᠪᠠᠭ᠋ᠤᠯ᠎ᠠ ᠠᠨᠤ᠂ ᠦᠵᠡᠪᠠᠰᠤ ︽ᠡᠴᠡᠨ ᠤ ᠠᠯᠳᠠᠨ ᠬᠤᠤᠷ ᠲᠠᠰ ᠭᠡᠮᠡᠨ ᠲᠠᠬᠤᠨ ᠬᠠᠷᠠᠬᠤᠢ ᠲᠤᠷ᠃ ᠳᠡᠷᠭᠡᠳᠡᠬᠢᠨ ᠠᠠᠤ ᠬᠠᠷᠠᠴᠤ ᠦᠵᠡᠪᠠᠴᠤ᠃ ᠲᠤᠮᠲᠠᠲᠤ ᠢᠲᠣᠨ ᠲᠠᠬᠢ ᠢᠭᠡᠨ ᠬᠡᠶᠢᠪᠣᠷ ᠴᠢᠴᠠᠷᠠ ᠴᠤ ᠬᠥᠳᠡᠯᠣᠨ ᠠᠪᠠᠢ᠃ ᠮᠥᠨ ᠲᠠᠷᠣᠶ᠎ᠠ ᠲᠤᠬᠠᠨ ᠲᠠᠶᠢᠰᠢ ᠶᠢᠨ ᠬᠠᠪᠠᠷ ᠠᠮᠠᠨ ᠠᠠᠤ᠃ ᠴᠢᠰᠤᠨ ᠤᠷᠬᠢᠴᠤ ᠮᠠᠩᠳᠠ ᠠᠬᠤᠢ ᠲᠤᠷ᠃ ᠲᠡᠬᠢᠯ ᠢ ᠠᠠᠤ ᠲᠠᠶᠢᠯᠴᠤ ᠰᠡᠷᠬᠢᠷᠡᠬᠦᠯᠦᠨ ᠪᠦᠬᠦᠶ᠎ᠠ᠃ ᠬᠤᠶᠠᠷ ᠲᠠᠯᠤᠨ  ᠤ ᠬᠤᠬᠤᠷ ᠲᠤᠮᠳᠠ ᠢᠠᠤ᠃ ᠰᠤᠮᠤᠨ ᠤ ᠬᠡᠷᠪᠢᠭᠡᠰᠤᠨ ᠮᠡᠲᠤ ᠰᠣᠷᠪᠢ ᠬᠠᠷᠤᠭᠰᠠᠨ ᠢ ᠬᠤᠳᠠᠯᠬᠠᠷ ᠦᠴᠡᠪᠡᠢ᠃ ᠲᠡᠨᠳᠡᠴᠡ ᠡᠴᠡᠨ ᠤ ᠬᠤᠤᠷ ᠲᠤᠷ ᠣᠲᠠᠴᠤ ᠦᠴᠡᠪᠠᠰᠤ᠃ ᠲᠤᠮᠲᠠᠲᠤ ᠢᠳᠤᠨ ᠲᠠᠬᠢ ᠢᠭᠡᠨ ᠬᠡᠶᠢᠪᠤᠷ ᠤᠨ᠃ ᠲᠡᠮᠤᠷ ᠤᠠᠢᠨ ᠬᠤᠶᠠᠷ᠎ᠠ ᠠᠠᠤ᠃ ᠴᠢᠰᠤᠨ ᠪᠦᠬᠦᠢ ᠦᠴᠡᠴᠤ᠃ ᠳᠥᠴᠢᠨ ᠳᠥᠷᠪᠡᠨ ᠪᠦᠬᠦᠨ ᠢᠶᠠᠷ᠃ ᠡᠴᠡᠨ ᠡᠰᠡ ᠲᠠᠬᠠᠯᠠᠪᠠᠢ ᠭᠡᠮᠡᠯᠳᠤᠵᠤᠬᠦᠢ︾ ﹇36﹈ ᠭᠡᠵᠤ ᠢᠯᠡᠷᠡᠳᠡᠭ᠃ ︽ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠳᠤ ︽ᠬᠡᠶᠢᠪᠤᠷ ᠰᠤᠮᠤ︾ ᠭᠡᠵᠤ ᠲᠤᠬᠢᠶᠠᠯᠲᠤᠲᠠᠭ ᠪᠣᠯ ᠬᠠᠷᠢᠨ ᠰᠠᠭᠠᠩ ᠰᠡᠴᠡᠨ ᠤ ᠲᠤᠭᠤᠷᠪᠢᠭᠰᠠᠨ ︽ᠡᠷᠳᠡᠨᠢ ᠶᠢᠨ ᠲᠣᠪᠴᠢ︾ ︵ᠠᠯᠠᠭ ᠰᠦᠯᠳᠠ ᠶᠢᠨ ᠳᠡᠪᠳᠡᠷ︶ ᠳᠤ ︽ᠬᠡᠶᠢᠪᠤᠷ︾ ᠬᠡᠵᠤ ᠬᠤᠶᠠᠷ ᠤᠳᠠᠭ᠎ᠠ ᠢᠯᠡᠷᠡᠨ ᠤᠭ ︽ᠬᠡᠶᠢᠪᠤᠷ ᠰᠤᠮᠤ︾ ᠬᠡᠬᠦ ᠦᠭᠡ ᠶᠢᠨ ᠨᠡᠷ᠎ᠡ ᠶᠢ ᠨᠢ ᠤᠷᠬᠢᠵᠤ ᠭᠡᠭᠡᠭᠳᠡᠭᠦᠯᠥᠨ ᠲᠤᠲᠤᠳᠬᠠᠯ ᠢᠶᠠᠷ ᠨᠡᠷ᠎ᠡ ᠪᠠᠨ ᠤᠷᠤᠭᠤᠯᠤᠭᠰᠠᠨ ᠦᠭᠡ ᠪᠤᠯᠵᠤ ᠦᠯᠡᠳᠡᠵᠤ ᠢᠷᠡᠭᠰᠡᠨ ᠪᠠᠶᠢᠨ᠎ᠠ᠃ ᠡᠷᠳᠡᠨ ᠤ ᠲᠤᠯᠭᠤᠷ ᠪᠢᠴᠢᠭ ᠤᠳ ᠲᠤ ᠵᠠᠷᠢᠮ ︽ᠪᠢᠴᠢᠭᠡᠴᠢ ᠨᠠᠷ ᠤᠨ ᠬᠠᠶᠢᠬᠤᠷᠠᠮᠵᠢ ᠦᠭᠡᠢ ᠠᠴᠠ ᠪᠤᠯᠵᠤ ᠤᠴᠢᠷ ᠰᠢᠯᠲᠠᠭᠠᠨ ᠦᠭᠡᠢ ᠤᠷᠬᠢᠵᠤ ᠬᠡᠬᠡᠭᠰᠠᠨ ᠬᠡᠰᠡᠭ ᠪᠥᠯᠥᠭ ᠴᠥᠬᠡᠨ ᠦᠭᠡᠢ ᠲᠤᠬᠢᠶᠠᠯᠲᠤᠬᠤ ᠠᠵᠢ᠃ ᠲᠡᠳᠡᠭᠡᠷ ᠨᠢ ᠰᠠᠶᠢᠨ ᠠᠩᠬᠠᠷᠤᠯ ᠦᠭᠡᠢ᠂ ᠮᠥᠷ ᠠᠯᠭᠠᠰᠤᠨ ᠪᠢᠴᠢᠭᠡᠳ ᠶᠠᠪᠤᠴᠢᠬᠠᠭᠰᠠᠨ ᠪᠠᠶᠢᠳᠠᠯ ᠲᠠᠢ ᠪᠠᠶᠢᠬᠤ︾ ﹇37﹈ ᠦᠵᠡᠭᠳᠡᠯ ᠢᠯᠡᠷᠡᠭᠡᠳ ᠪᠠᠶᠢᠳᠠᠭ᠃ ᠡᠶᠢᠮᠤ ᠠᠴᠠ ᠲᠤᠯᠭᠤᠷ ᠪᠢᠴᠢᠭ ᠤᠳ ᠳᠤ ᠵᠠᠷᠢᠮ ᠨᠢᠭᠡ ᠲᠤᠲᠤᠳᠬᠠᠯ ᠨᠡᠷ᠎ᠡ ᠦᠭᠡᠰ ᠤᠨ ᠲᠤᠲᠤᠳᠬᠠᠯ ᠪᠤᠶᠤ ᠨᠡᠷ᠎ᠡ ᠶᠢ ᠨᠢ ᠭᠡᠭᠡᠵᠤ ᠤᠷᠬᠢᠬᠤ ᠪᠠᠶᠢᠳᠠᠯ ᠨᠢ ᠡᠩ ᠤᠨ ᠬᠡᠷᠡᠭ ᠪᠤᠶᠤ᠃ ᠡᠨᠡ ᠨᠢ ᠮᠠᠨ ᠤ ᠰᠤᠲᠤᠯᠬᠤ ᠵᠤᠷᠢᠯᠭ᠎ᠠ ᠪᠢᠰᠢ ᠪᠤᠯᠬᠤᠷ ᠠᠷᠪᠢᠨ ᠶᠠᠷᠢᠬᠤ ᠦᠭᠡᠢ᠃ ᠳᠤᠤᠷ᠎ᠠ ︽ᠡᠷᠳᠡᠨᠢ ᠶᠢᠨ ᠲᠣᠪᠴᠢ︾ ᠳᠠᠬᠢ ᠤᠤᠯ ᠦᠭᠡ ᠶᠢᠨ ᠬᠦᠷᠢᠶ᠎ᠠ ᠬᠡᠪᠴᠢᠶ᠎ᠠ ᠪᠠ ᠤᠷᠴᠢᠨ ᠠᠬᠤᠢ ᠠᠴᠠ ᠲᠡᠬᠦᠨ ᠤ ᠤᠳᠬ᠎ᠠ ᠰᠢᠨᠵᠢ ᠶᠢ ᠨᠠᠷᠢᠨ ᠨᠢᠭᠲᠠᠯᠠᠨ ᠰᠢᠨᠵᠢᠯᠡᠭᠡ ᠬᠢᠰᠤᠬᠡᠢ᠃ ᠤᠤᠯ ᠦᠬᠦᠯᠮᠵᠢ ᠳᠤ ︽ᠡᠴᠡᠨ ᠤ ᠠᠯᠳᠠᠨ ᠬᠤᠤᠷ ᠲᠠᠰ ᠭᠡᠮᠡᠨ ᠲᠠᠬᠤᠨ ᠬᠠᠷᠠᠬᠤᠢ ᠲᠤᠷ᠃ ᠳᠡᠷᠭᠡᠳᠡᠬᠢᠨ ᠠᠠᠤ ᠬᠠᠷᠠᠴᠤ ᠦᠵᠡᠪᠠᠴᠤ᠃ ᠲᠤᠮᠲᠠᠲᠤ ᠢᠲᠣᠨ ᠲᠠᠬᠢ ᠢᠭᠡᠨ ᠬᠡᠶᠢᠪᠣᠷ ᠴᠢᠴᠠᠷᠠ ᠴᠤ ᠬᠥᠳᠡᠯᠣᠨ ᠠᠪᠠᠢ︾ ᠬᠡᠮᠡᠵᠥᠬᠦᠢ᠃ ᠡᠨᠡ ᠦᠬᠦᠯᠡᠮᠵᠢ ᠳᠤ ᠤᠭ ᠦᠭᠡ ᠶᠢᠨ ᠰᠤᠮᠤ ᠶᠢᠨ ᠦᠢᠯᠡᠳᠦᠯ ᠴᠢᠳᠡᠪᠬᠢ ᠶᠢᠨ ᠤᠨᠴᠠᠯᠢᠭ ᠢ ᠢᠯᠡᠷᠡᠬᠦᠯᠵᠤ ︽ᠲᠠᠰ ᠭᠡᠮᠡᠨ ᠳ᠋ᠠᠬᠤᠨ ︵ᠲᠠᠭᠤᠨ︶ ᠭᠠᠷᠳᠠᠭ︾ ᠠᠵᠢ᠃ ᠲᠣᠣᠷ᠎ᠠ ᠡᠨᠡᠬᠦ ︽ᠲᠠᠰ ᠭᠡᠮᠠᠨ︾ ᠬᠡᠬᠦ ᠳᠠᠶᠢᠪᠤᠷᠢ ᠦᠭᠡ  ᠶᠢᠨ ᠲᠣᠬᠠᠢ ᠲᠠᠶᠢᠯᠣᠮᠵᠢ ᠬᠡᠵᠤ ᠰᠢᠨᠵᠢᠯᠡᠬᠦ ᠨᠢ ᠤᠭ ᠦᠭᠡ ᠶᠢᠨ ᠤᠳᠬ᠎ᠠ ᠶᠢ ᠲᠤᠳᠤᠷᠬᠠᠶᠢᠯᠠᠬᠤ ᠳᠤ ᠰᠦᠪᠡᠭᠴᠢ  ᠶᠢᠨ ᠦᠢᠯᠡᠲᠦᠯ ᠡᠬᠦᠷᠭᠡ ᠦᠵᠡᠬᠦᠯᠳᠡᠭ ᠪᠤᠶᠤ᠃ ︽ᠬᠤᠷᠢᠨ ᠨᠢᠭᠡᠲᠦ ᠲᠠᠶᠢᠯᠪᠣᠷᠢ ᠲᠤᠯᠢ︾ ᠳᠤ ︽ᠲᠠᠰ ᠭᠡᠵᠤ — ᠬᠠᠷᠪᠤᠭᠰᠠᠨ ᠵᠡᠪᠰᠡᠭ ᠦᠴᠤᠭᠡᠨ ᠳᠠᠭᠠᠷᠢᠭᠳᠠᠭᠰᠠᠨ ᠴᠢᠮᠡᠭᠡ᠃ ᠪᠠᠰᠠ ᠲᠠᠰ ᠲᠣᠰ ᠭᠡᠮᠡᠨ ᠬᠤᠯᠪᠤᠵᠤ ᠬᠡᠯᠡᠯᠴᠡᠮᠤᠢ᠃ ᠬᠥᠳᠡᠯᠬᠦ ᠠᠭᠠᠰᠢᠯᠠᠬᠤ ᠲᠦᠷᠭᠡᠨ ᠪᠠᠶᠢᠳᠠᠯ᠃︾ ﹇38﹈ ᠭᠡᠮᠡᠪᠠ᠃ ︽ᠬᠤᠷᠢᠨ ᠨᠠᠢᠮᠠᠲᠣ ᠲᠠᠶᠢᠯᠪᠤᠷᠢ ᠲᠤᠯᠢ︾ ᠳᠤ ︽ᠲᠠᠰ ᠭᠡᠵᠤ — ᠬᠠᠷᠪᠤᠭᠰᠠᠨ ᠰᠤᠮᠤ ᠮᠡᠲᠤ ᠶᠠᠭᠤᠮ᠎ᠠ᠂ ᠬᠠᠲᠠᠭᠤ ᠶᠠᠭᠤᠮᠠᠨ ᠳᠤ ᠤᠨᠤᠭᠳᠠᠬᠤ ᠴᠢᠮᠡᠭᠡ ᠶᠢ ᠲᠠᠰ ᠭᠡᠵᠤ ᠤᠨᠤᠪᠠ ᠬᠡᠮᠡᠮᠤᠢ᠃ ᠪᠠᠰᠠ ᠠᠯᠢᠪᠠ ᠬᠠᠲᠠᠭᠤ ᠶᠠᠭᠤᠮ᠎ᠠ ᠶᠢᠨ ᠬᠤᠭᠤᠷᠠᠬᠤ ᠪᠠ ᠴᠤᠬᠢᠭᠳᠠᠬᠤ ᠶᠢᠨ ᠲᠤᠤᠭᠠᠷᠠᠬᠤ ᠴᠢᠮᠡᠭᠡ ᠶᠢ ᠮᠥᠨ ᠲᠠᠰ ᠭᠡᠵᠤ ᠬᠤᠭᠤᠷᠠᠪᠠ ᠬᠡᠮᠡᠮᠤᠢ᠃︾ ﹇39﹈ ᠬᠡᠮᠡᠪᠠ᠃ ᠱᠠᠭᠵᠠ ᠶᠢᠨ ︽ᠮᠤᠩᠭᠤᠯ ᠬᠡᠯᠡᠨ ᠤ ᠲᠠᠶᠢᠯᠪᠤᠷᠢ ᠲᠤᠯᠢ︾ ᠳᠤ ︽ᠲᠠᠰ ᠭᠡᠵᠤ — ᠬᠠᠷᠪᠤᠭᠰᠠᠨ ᠵᠡᠪᠰᠡᠭ ᠦᠴᠤᠭᠡᠨ ᠳᠠᠭᠠᠷᠢᠭᠳᠠᠭᠰᠠᠨ ᠴᠢᠮᠡᠭᠡ᠃︾ ﹇40﹈ ᠬᠡᠮᠡᠪᠠ᠃ ᠡᠳᠡᠭᠡᠷ ᠲᠠᠶᠢᠯᠤᠮᠵᠢ ᠠᠴᠠ ᠮᠥᠷᠳᠡᠨ ᠰᠢᠨᠵᠢᠯᠠᠪᠠᠰᠤ ︽ᠬᠡᠶᠢᠪᠤᠷ︾ ᠠᠨᠤ ︽ᠲᠤᠤᠭᠠᠷᠠᠬᠤ ᠴᠢᠮᠡᠭᠡ ᠭᠠᠷᠳᠠᠭ ᠲᠠᠭᠤᠲᠤ ᠰᠤᠮᠤ︾ ᠪᠣᠯᠬᠤ ᠶᠢᠨ ᠤᠤᠷ ᠤᠳᠬ᠎ᠠ ᠠᠨᠤ ᠲᠡᠤᠬᠡᠨ ᠴᠠᠭ ᠤᠷᠤᠨ ᠵᠠᠢ ᠶᠢᠨ ᠤᠬᠠᠮᠰᠠᠷ ᠤᠨ ᠦᠢᠯᠡᠳᠦᠯᠬᠡ ᠶᠢᠨ ᠲᠤᠮᠳᠠ ᠦᠨᠳᠦᠰᠤᠯᠡᠭᠰᠡᠨ ᠪᠠᠶᠢᠳᠠᠭ᠃ ︵2︶ ︽ᠬᠡᠶᠢᠪᠤᠷ ᠰᠤᠮᠤ︾ ᠭᠡᠬᠦ ᠨᠡᠷ᠎ᠡ ᠶᠢᠨ ᠬᠡᠯᠪᠡᠷᠢ ᠲᠦᠷᠬᠦ ᠶᠢᠨ ᠤᠳᠬ᠎ᠠ ᠰᠢᠨᠵᠢ ︽ᠳᠤᠪᠴᠢᠶᠠᠨ︾ ᠤ §195 ᠳ᠋ᠤᠭᠠᠷ ᠵᠤᠶᠢᠯ ᠳᠤ᠄ ︽ᠵᠠᠮᠤᠬ᠎ᠠ ᠪᠢᠷᠡᠭᠤ ᠶᠢᠨ ᠬᠤᠶᠠᠷ ᠡᠪᠡᠷ ᠢ ᠨᠠᠭᠠᠵᠤ ᠨᠦᠬᠡᠯᠡᠵᠤ ᠬᠢᠭᠰᠡᠨ ᠳᠠᠭᠤᠳᠤ ᠰᠤᠮᠤ ᠪᠠᠨ ᠳᠡᠮᠤᠵᠢᠨ ᠳᠤ ᠦᠭᠴᠤ᠂ ᠳᠡᠮᠤᠵᠢᠨ ᠠᠷᠴᠠ ᠮᠤᠳᠤᠨ ᠭᠤᠳᠤᠯᠢ ︵ᠪᠤᠯᠴᠤᠤ︶ ᠪᠠᠨ ᠵᠠᠮᠤᠬ᠎ᠠ ᠳᠤ ᠦᠭᠴᠤ︾ ﹇41﹈ ᠬᠤᠶᠠᠳᠠᠬᠢ ᠤᠳᠠᠭ᠎ᠠ ᠠᠨᠳᠠ ᠪᠤᠯᠤᠯᠴᠠᠭᠰᠠᠨ ᠪᠦᠯᠦᠭᠡ᠃ ︽ᠬᠡᠶᠢᠪᠤᠷ ᠰᠤᠮᠤ︾ ᠭᠡᠬᠦ ᠦᠭᠡ ᠶᠢᠨ ᠤᠤᠯ ᠤᠳᠬ᠎ᠠ ᠨᠢ ︽ᠳᠠᠭᠤᠳᠤ ᠰᠤᠮᠤ︾ ᠪᠤᠯᠬᠤ ᠶᠢ ᠳᠡᠭᠡᠷ᠎ᠡ ᠨᠢᠭᠡᠨᠳᠡ ᠬᠡᠳᠤᠨ ᠵᠢᠱᠢᠶ᠎ᠡ ᠪᠠᠷᠢᠮᠳᠠ ᠲᠠᠢ ᠦᠭᠦᠯᠡᠵᠤ ᠦᠩᠭᠡᠷᠡᠭᠰᠡᠨ ᠪᠢᠯᠡ᠃ ᠳᠤᠰ ᠦᠬᠦᠯᠡᠮᠵᠢ ᠳᠤ ︽ᠬᠡᠶᠢᠪᠤᠷ ᠰᠤᠮᠤ︾ ᠶᠢ ︽ᠳᠠᠭᠤᠳᠤ ᠰᠤᠮᠤ︾ ᠪᠠᠷ ᠤᠷᠤᠭᠤᠯᠵᠤ ᠪᠢᠴᠢᠭᠰᠡᠨ ᠳᠠᠯᠳᠠ ᠰᠤᠪᠢᠩ ᠨᠢ ᠦᠬᠡ ᠶᠢᠨ ᠤᠳᠬ᠎ᠠ ᠶᠢᠨ ᠤᠷᠴᠢᠨ ᠠᠬᠤᠢ ᠠᠴᠠ ᠢᠯᠡ ᠮᠡᠳᠡᠭᠳᠡᠵᠤ ᠪᠤᠢ᠃ ︽ᠲᠣᠪᠴᠢᠶᠠᠨ︾ ᠳᠤ ᠡᠶᠢᠮᠤᠷᠬᠦ‍ ᠨᠢᠭᠡ ᠭᠡᠷᠡᠭ ᠪᠣᠳᠡᠰ ᠤᠨ ᠤᠤᠯ ᠨᠡᠷᠡᠲᠤᠶᠢᠯᠭᠡ ᠶᠢ ᠲᠡᠭᠦᠨ ᠤ ᠦᠢᠯᠡᠲᠤᠯ ᠴᠢᠳᠡᠪᠬᠢ ᠪᠠᠷ ᠨᠢ ᠣᠴᠢᠵᠤ ᠥᠭᠡᠷ᠎ᠡ ᠶᠠᠩᠵᠤ ᠪᠠᠷ ᠲᠡᠮᠳᠡᠭᠯᠡᠭᠰᠡᠨ ᠵᠥᠢᠯ ᠪᠠᠰᠠ ᠢᠯᠡᠷᠡᠳᠡᠭ᠃ ᠵᠢᠱᠢᠶᠠᠯᠠᠪᠠᠯ ︽ᠲᠣᠪᠴᠢᠶᠠᠨ︾ ᠳᠤ ︽ᠲᠡᠷᠡᠮ᠎ᠡ ︵tereme︶ ᠭᠡᠳᠡᠭ ᠦᠭᠡ 6 ᠤᠳᠠᠭ᠎ᠠ ᠲᠣᠬᠢᠶᠠᠯᠲᠤᠬᠤ ᠪᠥᠭᠡᠳ ᠠᠰᠠᠷ ᠮᠠᠶᠢᠬᠠᠨ᠂ ᠭᠡᠭᠡᠷ᠎ᠡ ᠶᠢᠨ ᠥᠷᠭᠦᠭᠡ ᠭᠡᠰᠡᠨ ᠤᠳᠬ᠎ᠠ ᠪᠠᠷ 3 ᠤᠳᠠᠭ᠎ᠠ ︵ᠮᠣᠩᠭᠤᠯ ᠭᠡᠷ ᠤᠨ ᠬᠠᠨ᠎ᠠ ᠶᠢ ᠪᠠᠰᠠ ᠭᠡᠯᠡᠳᠡᠭ︶ ᠭᠠᠷᠳᠠᠭ︾ ﹇42﹈ ᠨᠢ ᠡᠨᠡᠬᠦ ᠦᠵᠡᠭᠳᠡᠯ ᠤᠨ ᠲᠤᠬᠠᠢ ᠴᠢᠩᠭ᠎ᠠ ᠲᠤᠰᠬᠠᠯ ᠪᠤᠶᠤ᠃ ︽ᠬᠡᠶᠢᠪᠤᠷ ᠰᠤᠮᠤ ︵ᠳᠠᠭᠤᠳᠤ ᠰᠤᠮᠤ︶︾ ᠶᠢᠨ ᠬᠡᠴᠡ ᠪᠦᠳᠦᠴᠡ ᠨᠢ ︽ᠪᠢᠷᠠᠭᠤ ᠶᠢᠨ ᠬᠤᠶᠠᠷ ᠡᠪᠡᠷ ᠢ ᠨᠠᠭᠠᠵᠤ ᠨᠦᠬᠡᠯᠡᠵᠤ ᠬᠢᠭᠰᠡᠨ︾ ᠤᠴᠢᠷ ᠠᠴᠠ ᠬᠠᠷᠪᠤᠵᠤ ᠨᠠᠮᠨᠠᠬᠤ ᠳᠤ ᠨᠦᠬᠡᠨ ᠦᠵᠦᠬᠦᠷ ᠲᠤᠨᠢ ᠬᠡᠢ ᠰᠠᠯᠬᠢ ᠤᠷᠤᠭᠰᠠᠭᠠᠷ ᠳᠡᠶᠢᠨᠬᠦ ᠳᠠᠭᠤ ᠭᠠᠷᠳᠠᠭ ᠴᠢᠳᠡᠪᠬᠢ ᠲᠠᠢ ᠪᠠᠶᠢᠳᠠᠭ᠃ ︵ᠡᠨᠡ ᠳᠤᠬᠠᠢ ᠡᠷᠳᠡᠮᠲᠡᠳ ᠤᠨ ᠪᠦᠲᠦᠭᠡᠯ ᠡᠰᠢᠯᠡᠭᠰᠡᠨ ᠳᠣᠣᠷᠠᠬᠢ ᠵᠢᠷᠤᠭ ᠳᠦᠷᠰᠦ ᠶᠢ ᠦᠵᠡ᠃︶ ︽ᠲᠠᠭᠤᠳᠦ ᠰᠤᠮᠦ ᠨᠢ ᠲᠠᠯ᠎ᠠ ᠨᠤᠳᠤᠭ ᠲᠤ ᠬᠤᠯᠨ ᠭᠠᠵᠠᠷ ᠠᠴᠠ ᠴᠡᠷᠢᠭ ᠤᠨ ᠶᠠᠪᠤᠳᠠᠯ ᠬᠤᠯᠪᠤᠭ᠎ᠠ ᠠᠪᠬᠤ ᠦᠶᠡᠰ ᠬᠡᠷᠡᠭᠯᠡᠳᠡᠭ ᠨᠢᠭᠡ ᠵᠦᠢᠯ ᠤᠨ ᠪᠠᠭᠠᠵᠢ ᠮᠦᠨ᠃ ᠡᠨᠡᠬᠦ ᠰᠣᠮᠣ ᠨᠢ ᠲᠠᠭᠤ ᠭᠠᠷᠬᠤ ᠵᠡᠪᠡ ᠪᠠ ᠳᠡᠮᠤᠷ ᠤᠨ ᠲᠦᠷᠦᠯ ᠢᠶᠠᠷ ᠪᠦᠷᠢᠯᠳᠦᠨ᠎ᠡ᠃ ᠳᠠᠭᠤ ᠭᠠᠷᠬᠤ ᠵᠡᠪᠡ ᠶᠢᠨ ᠳᠡᠭᠡᠷ᠎ᠡ ᠨᠢ ᠨᠦᠬᠡ ᠪᠤᠢ᠃ ᠬᠦᠳᠡᠷ ᠳᠤᠮᠤ ᠨᠤᠮᠤᠨ ᠤ ᠬᠠᠷᠪᠤᠯᠳᠠ ᠶᠢᠨ ᠬᠦᠴᠦᠨ ᠤ ᠳᠤᠰᠠᠯᠠᠮᠵᠢ ᠪᠠᠷ ᠢᠰᠭᠡᠷᠴᠤ ᠭᠠᠷᠬᠤ ᠳᠠᠭᠤ ᠨᠢ ᠳᠠᠶᠢᠨ ᠪᠠᠶᠢᠯᠳᠤᠭᠠᠨ ᠳᠤ ᠮᠡᠳᠡᠭᠡᠯᠡᠯᠳᠡ ᠶᠢᠨ ᠳᠤᠬᠢᠶ᠎ᠠ ᠶᠠᠪᠤᠭᠤᠯᠬᠤ᠂ ᠵᠠᠷᠯᠢᠭ ᠰᠠᠨᠠᠯ ᠢᠶᠠᠨ ᠳᠠᠮᠵᠢᠭᠤᠯᠬᠤ ᠪᠤᠶᠤ ᠳᠠᠶᠢᠨ ᠪᠠᠶᠢᠯᠳᠤᠭᠠᠨ ᠳᠤᠮᠳᠠ ᠤᠷᠤᠭᠰᠢᠯᠠᠬᠤ ᠪᠤᠶᠤ ᠤᠬᠤᠷᠢᠬᠤ ᠵᠡᠷᠭᠡ ᠬᠤᠯᠠ ᠵᠠᠶᠢᠳᠤ ᠨᠢᠭᠡᠳᠤᠯᠳᠤ ᠦᠢᠯᠡ ᠠᠵᠢᠯᠯᠠᠭ᠎ᠠ ᠶᠢ ᠪᠦᠷ ᠵᠠᠬᠢᠷᠴᠤ ᠴᠢᠳᠠᠬᠤ ᠴᠢᠳᠠᠪᠬᠢ ᠲᠠᠢ ᠪᠠᠶᠢᠳᠠᠭ︾ ﹇44﹈᠃ ᠠᠳᠡ ᠸᠯᠢᠶᠠᠮ ᠷᠦᠪᠷᠦ᠋ᠭ ᠤᠨ ᠵᠠᠮ ᠤᠨ ᠲᠡᠮᠳᠡᠭᠯᠡᠯ ᠳᠤ ᠨᠢᠬᠡᠨ ᠰᠤᠨᠢᠨ ᠪᠠᠷᠢᠮᠲᠠ ᠪᠠᠶᠢᠭ᠎ᠠ ᠶᠢ ᠲᠤᠷᠠᠳᠪᠠᠯ ︽ᠮᠥᠩᠭᠡ ᠬᠠᠭᠠᠨ ᠠᠺᠷᠠᠭ ᠠᠴᠠ ᠢᠷᠡᠭᠰᠡᠨ ᠹᠸᠤᠳᠠᠯ ᠨᠠᠷᠡᠲᠤ ᠡᠯᠴᠢ  ᠶᠢ ᠨᠤᠲᠤᠭ ᠪᠤᠴᠠᠭᠠᠬᠤ ᠳᠤ ᠨᠢ ᠬᠠᠮᠲᠤ ᠹᠷᠠᠨᠺ ᠤᠯᠤᠰ ᠤᠨ ᠵᠦᠭ ᠢᠯᠡᠬᠡᠭᠰᠡᠨ ᠡᠯᠴᠢ ᠳᠤ ᠬᠤᠶᠠᠷ ᠬᠦᠮᠦᠨ ᠲᠡᠯᠡᠵᠤ ᠲᠠᠲᠠᠬᠤ ᠲᠤᠮᠤ ᠬᠠᠷ᠎ᠠ ᠨᠤᠮᠤ ᠢᠰᠬᠡᠷᠤᠳᠡᠭ ᠰᠤᠮᠤ᠂ ᠮᠥᠩᠭᠦᠨ ᠪᠤᠯᠴᠤᠲᠤ ᠰᠤᠮᠤ ᠲᠤᠰ ᠪᠦᠷᠢ ᠨᠢᠵᠡᠬᠡᠳ  ᠤᠨ ᠬᠠᠮᠲᠤ ᠥᠭᠴᠤ ︿ᠴᠢ ᠡᠨᠡ ᠬᠦᠮᠦᠨ ᠢᠶᠠᠷ ᠭᠠᠵᠠᠷᠴᠢᠭᠤᠯᠤᠨ ᠹᠷᠠᠨᠺ ᠤᠨ ᠸᠠᠩ ᠳᠤ ᠤᠴᠢᠵᠤ᠂ ᠡᠬᠦᠨ ᠢ ᠪᠡᠯᠡᠭᠯᠡᠭᠲᠤᠨ᠃ ᠬᠡᠷᠪᠡ ᠲᠠᠲᠠ ᠪᠢᠳᠠᠨ ᠲᠠᠢ ᠨᠠᠶᠢᠷᠠᠮᠲᠠᠬᠤ ᠶᠢ ᠁ ᠡᠰᠡ ᠬᠦᠰᠡᠪᠠᠰᠣ ᠡᠬᠡᠬᠦᠯᠤᠨ ᠠᠪᠴᠤ᠂ ᠪᠢᠳᠡᠨ ᠡᠶᠢᠮᠤ ᠨᠤᠮᠤ ᠰᠤᠮᠤ ᠪᠠᠷ ᠠᠯᠤᠰ ᠬᠤᠯᠠ ᠰᠠᠶᠢᠨ ᠤᠨᠤᠭᠠᠳᠠᠭ ᠬᠡᠮᠡᠨ ᠬᠡᠯᠡᠭᠲᠤᠨ﹀︾ ﹇45﹈ ᠬᠡᠰᠡᠨ ᠬᠡᠵᠡᠢ᠃ ᠴᠤᠬᠤᠮ ᠡᠶᠢᠮᠤ ᠬᠤᠶᠠᠷ ᠬᠦᠮᠦᠨ ᠲᠡᠯᠡᠵᠤ ᠲᠠᠲᠠᠳᠠᠭ ᠬᠠᠷ᠎ᠠ ᠨᠤᠮᠤ ᠢᠰᠬᠡᠷᠤᠳᠡᠭ ᠰᠤᠮᠤ᠂ ᠮᠥᠩᠭᠦᠨ ᠪᠤᠯᠴᠤᠲᠤ ᠰᠤᠮᠤ ᠶᠢ ᠬᠠᠰᠠᠷ ᠶᠢᠰᠣᠩᠭᠡ ᠮᠡᠲᠤ ᠶᠢᠨ ᠴᠤᠤᠲᠤ ᠬᠠᠷᠪᠤᠭᠠᠴᠢᠳ ᠬᠠᠷᠪᠤᠳᠠᠭ ᠪᠠᠶᠢᠭᠰᠠᠨ ᠪᠢᠵᠡ᠃ ᠡᠨᠡᠬᠦ ᠰᠣᠮᠣ ᠶᠢᠨ ᠦᠢᠯᠡᠳᠦᠯ ᠨᠢ ᠤᠤᠯ ︽ᠬᠡᠶᠢᠪᠤᠷ ᠰᠤᠮᠤ ︵ᠳᠠᠭᠤᠳᠤ ᠰᠤᠮᠤ︶︾ ᠶᠢᠨ ᠦᠢᠯᠡᠳᠦᠯ ᠬᠡᠯᠪᠡᠷᠢ  ᠲᠠᠢ ᠯᠤᠬᠢᠭ ᠳᠡᠭᠡᠷ᠎ᠡ ᠪᠠᠨ ᠤᠷᠭᠠᠨᠢᠭ ᠢᠶᠠᠷ ᠠᠪᠤᠴᠠᠯᠲᠤᠵᠤ ᠪᠤᠢ᠃ ᠴᠢᠩᠬᠢᠰ ᠬᠠᠭᠠᠨ ᠨᠠᠢᠮᠠᠨ ᠲᠠᠢ ᠪᠠᠶᠢᠯᠳᠤᠬᠤ ᠦᠶᠡᠰ ᠬᠠᠰᠠᠷ ᠢᠶᠠᠷ ᠭᠤᠤᠯ ᠴᠡᠷᠢᠭ ᠢᠶᠠᠨ ᠵᠠᠬᠢᠷᠠᠭᠤᠯᠵᠤ ᠪᠠᠶᠢᠬᠤ ᠳᠤ ᠬᠠᠰᠠᠷ ᠨᠢ ᠥᠷᠭᠡᠨ ᠡᠩ ᠲᠠᠢ ᠰᠠᠭᠠᠳᠠᠭ  ᠢᠶᠠᠷ ᠢᠶᠠᠨ ᠳᠠᠶᠢᠰᠤᠨ ᠢ ᠰᠦᠷᠳᠡᠬᠦᠯᠬᠦ ᠪᠤᠶᠤ ᠵᠢᠯᠤᠭᠤᠳᠬᠤ ᠳᠠᠭᠠᠨ ︽ᠬᠡᠶᠢᠪᠤᠷ ᠰᠤᠮᠤ ᠪᠠᠨ ᠳᠡᠯᠢᠵᠤ ᠳᠠᠯᠪᠢᠵᠤ︾ ᠬᠠᠷᠪᠤᠨ ︽ᠶᠡᠭᠡᠳᠡ ᠲᠠᠯᠢᠵᠤ ᠲᠠᠯᠪᠢᠪᠠᠰᠤ ／ ᠶᠢᠰᠤᠨ ᠵᠠᠭᠤᠨ ᠠᠯᠳᠠ ᠭᠠᠵᠠᠷ᠎ᠠ ᠬᠠᠷᠪᠤᠵᠤ ／ ᠲᠠᠲᠠᠵᠤ ᠲᠡᠯᠢᠵᠤ ᠲᠠᠯᠪᠢᠪᠠᠰᠤ ／ ᠲᠠᠪᠤᠨ ᠵᠠᠭᠤᠨ ᠠᠯᠳᠠ ᠭᠠᠵᠠᠷ᠎ᠠ ᠬᠠᠷᠪᠤᠵᠤ︾ ᠳᠠᠷᠬᠠᠨ ᠴᠤᠯᠠ ᠪᠠᠨ ᠲᠠᠭᠤᠲᠠᠯᠠᠵᠤ ᠪᠠᠶᠢᠭᠰᠠᠨ ᠪᠤᠶᠤ᠃ ᠮᠦᠨ ︽ᠵᠠᠩᠭᠠᠷ︾ ᠤᠨ ᠳᠤᠤᠯᠢ ᠳᠤ ︽ᠠᠯᠳᠠᠨ ᠴᠡᠭᠡᠵᠢ ᠪᠠᠪᠠ᠂ ᠠᠯᠳᠠᠷ ᠵᠠᠩᠭᠠᠷ ᠬᠤᠶᠠᠷ ᠤᠨ ᠪᠠᠶᠢᠷᠢ ᠪᠠᠷᠢᠯᠳᠤᠭᠰᠠᠨ ᠪᠦᠯᠦᠭ︾ ᠳᠤ ︽ᠪᠦᠬᠡ ᠮᠦᠩᠬᠦᠨ ᠰᠢᠭᠰᠢᠷᠭᠡ ᠦᠶ᠎ᠡ ᠶᠢᠨ ᠦᠨᠦᠴᠢᠨ ᠵᠠᠩᠭᠠᠷ ᠢ ᠭᠠᠷ ᠲᠠᠭᠠᠨ ᠤᠷᠤᠭᠤᠯᠵᠤ ᠳᠡᠶᠢᠯᠬᠦ ᠦᠭᠡᠢ ᠪᠤᠯᠤᠭᠠᠳ ᠪᠠᠶᠠᠨ ᠬᠥᠩᠭᠡ ᠶᠢᠨ ᠠᠯᠳᠠᠨ ᠴᠡᠭᠡᠵᠢ ᠶᠢᠨ ᠡᠭᠦᠳᠡᠨ ᠡᠩ ᠲᠠᠢ ᠬᠦᠬᠡ ᠬᠢᠢᠪᠡᠷ ᠰᠠᠭᠠᠳᠠᠭ ᠢᠶᠠᠷ ᠳᠡᠭᠦᠨ ᠢ ᠨᠢᠭᠡ ᠳᠠᠷᠤᠵᠤ ᠰᠦᠷᠳᠡᠬᠦᠯᠬᠦ ᠬᠡᠵᠤ ᠠᠯᠳᠠᠨ ᠴᠡᠭᠡᠵᠢ ᠶᠢᠨ ᠨᠠᠢᠮᠠᠨ ᠲᠦᠮᠡᠨ ᠮᠠᠩᠬᠠᠨ ᠬᠥᠬᠡ ᠬᠠᠯᠵᠠᠨ ᠠᠳᠤᠭᠤ ᠶᠢ ᠬᠥᠬᠡᠬᠡᠯᠬᠡᠬᠦ ᠪᠠᠷ ᠶᠠᠪᠤᠭᠤᠯᠳᠠᠭ᠃︾ ﹇46﹈ ᠡᠬᠦᠨ ᠠᠴᠠ ᠮᠥᠷᠳᠡᠨ ᠦᠵᠡᠪᠠᠰᠣ ᠡᠨᠡᠬᠦ ᠵᠡᠷ ᠵᠡᠪᠰᠡᠭ ᠤᠨ ᠦᠢᠯᠡᠲᠦᠯ ᠭᠡᠷᠡᠭᠴᠡᠭᠡ ᠨᠢ ᠳᠠᠶᠢᠨ ᠲᠤᠯᠤᠯᠲᠤᠭᠠᠨ ᠲᠤᠮᠳᠡ ᠡᠰᠡᠷᠬᠦ ᠡᠲᠡᠭᠡᠳ  ᠢᠶᠠᠨ ᠰᠦᠷᠳᠡᠬᠦᠯᠦᠨ ᠠᠶᠤᠯᠭᠠᠳᠠᠭ ︽ᠰᠦᠷ ᠭᠦᠴᠦᠲᠤ ᠰᠤᠮᠤ︾ ᠪᠤᠯᠬᠤ ᠶᠢᠨ ᠣᠳᠬ᠎ᠠ ᠲᠦᠷᠢ ᠨᠢ ᠣᠣᠭᠠᠯ ᠰᠤᠶᠤᠯ ᠰᠡᠳᠬᠢᠭᠦᠢ ᠶᠢᠨ ᠵᠠᠭᠪᠣᠷ ᠲᠤ ᠦᠨᠳᠦᠰᠦᠯᠡᠭᠰᠡᠨ ᠪᠠᠶᠢᠳᠠᠭ᠃ ︵3︶ ︽ᠬᠡᠶᠢᠪᠤᠷ ᠰᠤᠮᠤ︾ ᠭᠡᠬᠦ ᠦᠭᠡ ᠶᠢᠨ ᠪᠡᠯᠭᠡᠳᠡᠯ ᠰᠠᠨᠠᠭᠠᠨ ᠤ ᠤᠳᠬ᠎ᠠ ᠰᠢᠨᠵᠢ ︽ᠬᠡᠶᠢᠪᠤᠷ ᠰᠤᠮᠤ︾ ᠭᠡᠬᠦ ᠨᠡᠷ᠎ᠡ ᠦᠭᠡ ᠶᠢᠨ ᠪᠡᠯᠭᠡᠳᠡᠯ ᠤᠨ ᠰᠢᠨᠵᠢ ᠶᠢ ᠪᠠᠭᠠᠳᠤᠷᠯᠢᠭ ᠳᠤᠤᠯᠢᠰ ᠲᠤ ᠳᠤᠰᠬᠠᠭᠳᠠᠭᠰᠠᠨ ᠦᠭᠡ ᠶᠢᠨ ᠤᠳᠬ᠎ᠠ ᠶᠢᠨ ᠤᠷᠴᠢᠨ ᠠᠴᠠ ᠡᠷᠢᠪᠡᠯ᠂ ︽ᠬᠠᠯᠢᠮᠠᠭ ᠵᠠᠩᠭᠠᠷ︾ ᠤᠨ ︽ᠲᠠᠭᠤᠳᠠᠬᠤᠯᠢ ᠶᠢᠨ ᠠᠴᠢ ᠲᠠᠭᠤᠲᠠᠢ ᠶᠢᠨ ᠬᠥᠪᠡᠭᠦᠨ ᠠᠯᠢᠶ᠎ᠠ ᠮᠤᠩᠭᠤᠯᠠᠢ ᠵᠠᠩᠭᠠᠷ ᠤᠨ ᠲᠦᠮᠡᠨ ᠨᠠᠶᠢᠮᠠᠨ ᠮᠢᠩᠭᠠᠨ ᠤᠯᠠᠭᠠᠨ ᠵᠡᠭᠡᠷᠳᠡ ᠶᠢ ᠭᠥᠭᠡᠭᠡᠭᠰᠡᠨ ᠪᠥᠯᠥᠭ︾ ᠲᠤ ᠬᠦᠨᠳᠤ ᠭᠠᠷ ᠲᠠᠢ ᠰᠠᠪᠠᠷ ᠵᠠᠩᠭᠠᠷ ᠤᠨ ᠲᠦᠮᠡᠨ ᠨᠠᠶᠢᠮᠠᠨ ᠮᠢᠩᠭᠠᠨ ᠤᠯᠠᠭᠠᠨ ᠵᠡᠭᠡᠷᠳᠡ ᠶᠢ ᠭᠦᠭᠡᠭᠡᠵᠤ ᠶᠠᠪᠤᠭᠰᠠᠨ ᠠᠯᠢᠶ᠎ᠠ ᠮᠤᠩᠭᠤᠯᠠᠢ ᠶᠢ ᠬᠦᠢᠴᠡᠵᠤ ᠢᠷᠡᠭᠡᠳ ᠲᠡᠮᠡᠴᠡᠯᠲᠦᠬᠦ ᠦᠶᠡᠰ ᠲᠤ ᠠᠯᠢᠶ᠎ᠠ ᠮᠤᠩᠭᠤᠯᠠᠢ ᠨᠢ ︽ᠠᠯᠳᠠᠨ ᠴᠤᠭᠢᠭᠠᠳ ᠶᠠᠪᠤᠵᠤ ᠥᠩᠭᠡᠷᠡᠭᠰᠡᠨ ᠪᠡᠶ᠎ᠡ ᠶᠢ ᠨᠢ ᠬᠠᠷ᠎ᠠ ᠬᠢᠪᠡᠷ ᠰᠠᠭᠠᠳᠠᠭ ᠢᠶᠠᠷ ᠢᠶᠠᠨ ᠬᠠᠷᠪᠤᠭᠠᠳ᠂ ᠳᠠᠯᠤ ᠶᠢᠨ ᠳᠠᠯᠠᠨ ᠬᠤᠶᠠᠷ ᠲᠥᠳᠡᠭᠡ ᠶᠢ ᠲᠠᠰᠤ ᠴᠤᠭᠢᠭᠠᠳ ᠵᠣ ᠮᠢᠬ᠎ᠠ ᠶᠢ ᠢᠪᠲᠡᠭᠡᠳ᠂ ᠵᠢᠷᠤᠭᠡᠨ ᠤ ᠡᠬᠢᠨ ᠳᠤ ᠰᠢᠭᠢᠲᠦᠭᠡᠳ ᠤᠲᠤᠪᠠ︾᠃ ﹇47﹈ ᠭᠡᠵᠤ ᠭᠠᠷᠳᠠᠭ᠃ ᠳᠤᠰ ᠦᠬᠦᠯᠡᠮᠵᠢ  ᠳᠤ ᠢᠯᠡᠷᠡᠵᠤ ᠪᠠᠶᠢᠭ᠎ᠠ ︽ᠬᠠᠷ᠎ᠠ ᠬᠢᠢᠪᠡᠷ ᠰᠠᠭᠠᠳᠠᠭ︾ ᠭᠡᠬᠦ ᠦᠭᠡ ᠵᠢᠴᠢ ᠳᠡᠭᠡᠷ᠎ᠡ ᠦᠬᠦᠯᠡᠭᠰᠡᠨ ︽ᠬᠥᠬᠡ ᠬᠢᠢᠪᠠᠷ ᠵᠢᠯᠢᠩ ︵ᠰᠤᠮᠤ︶︾᠂ ︽ᠬᠡᠶᠢᠪᠤᠷ ᠴᠠᠭᠠᠨ ᠰᠤᠮᠤ︾ ᠭᠡᠬᠦ ᠦᠭᠡ ᠨᠢ ᠰᠠᠭᠠᠳᠠᠭ ᠰᠤᠮᠤᠨ ᠤ ᠪᠠᠨ ᠤᠷᠳᠤ ᠰᠦᠷᠯᠢᠭ ᠭᠡᠬᠦ ᠤᠨᠴᠠᠯᠢᠭ ᠢ ︽ᠬᠠᠷ᠎ᠠ᠂ ᠬᠦᠬᠡ᠂ ᠴᠠᠭᠠᠨ︾ ᠭᠡᠬᠦ ᠦᠩᠭᠡ ᠶᠢᠨ ᠴᠢᠳᠠᠪᠬᠢ ᠪᠠᠷ ᠳᠤᠳᠤᠳᠬᠠᠵᠤ ᠪᠠᠶᠢᠭ᠎ᠠ ᠨᠢ ᠪᠡᠯᠭᠡᠳᠡᠯ ᠤᠨ ᠳᠠᠯᠳᠠ ᠰᠢᠨᠵᠢ ᠪᠦᠬᠦᠢ ᠢᠯᠡᠳᠬᠡᠯ ᠤᠷᠠᠯᠢᠭ ᠪᠤᠶᠤ᠃ ᠡᠷᠳᠡᠨ ᠤ ᠮᠤᠩᠭᠤᠯᠴᠤᠳ ᠤᠨ ᠤᠤᠷ ᠰᠤᠶᠤᠯ ᠰᠡᠳᠬᠢᠬᠦᠢ ᠳᠤ ︽ᠨᠤᠮᠤ ᠰᠤᠮᠤ︾ ᠨᠢ ᠳᠡᠭᠷᠢ ᠶᠢᠨ ᠦᠢᠯᠡ ᠶᠢ ᠪᠦᠷ ᠵᠠᠬᠢᠷᠴᠤ ᠴᠢᠳᠠᠨ᠎ᠠ ᠭᠡᠵᠤ ᠤᠶᠢᠯᠠᠭᠠᠵᠤ ᠪᠠᠶᠢᠭᠰᠠᠨ ᠢᠶᠠᠨ ︽ᠨᠤᠮᠤ ᠰᠤᠮᠤ︾ ᠪᠠᠨ ︽ᠬᠠᠷ᠎ᠠ᠂ ᠬᠦᠬᠡ᠂ ᠴᠠᠭᠠᠨ᠂ ᠰᠢᠷ᠎ᠠ︾ ᠭᠡᠬᠦ ᠮᠡᠳᠤ ᠦᠩᠭᠡ ᠪᠠᠷ ᠴᠢᠮᠡᠭᠯᠡᠨ ᠵᠠᠰᠠᠳᠠᠭ ᠨᠢ ᠡᠷᠲᠡᠨ ᠤ ᠮᠣᠩᠭᠤᠯᠴᠤᠳ ᠤᠨ ᠰᠢᠲᠤᠯᠭᠡ ᠪᠢᠰᠢᠷᠡᠯ ᠤᠨ ᠦᠵᠡᠯ ᠥᠢᠯᠭᠠᠯᠲᠠ  ᠲᠠᠢ ᠬᠦᠨ ᠬᠤᠯᠪᠤᠭᠳᠠᠯ ᠲᠠᠢ ᠪᠠᠶᠢᠳᠠᠭ᠃ ︽ᠬᠠᠷ᠎ᠠ ᠥᠩᠭᠡ ᠶᠢᠨ ᠡᠳᠡᠯᠡᠯ ᠬᠡᠷᠡᠭᠯᠡᠯ ᠨᠢ ᠤᠪᠤᠷ ᠵᠢᠩ ᠶᠡᠭᠡᠲᠡᠢ᠂ ᠰᠥᠷ ᠲᠠᠢ ᠪᠠᠷ᠎ᠠ ᠲᠠᠢ ᠭᠡᠳᠡᠭ ᠢ ᠢᠯᠡᠳᠬᠡᠳᠡᠭ︾ ﹇48﹈ ᠪᠡᠯᠭᠡᠳᠡᠯ ᠤᠳᠬ᠎ᠠ ᠲᠠᠢ ᠪᠦᠭᠡᠳ ︽ᠬᠦᠬᠡ ᠦᠩᠭᠡ  ᠨᠢ ᠳᠡᠭᠷᠢ ᠶᠢᠨ ᠦᠨᠢ ᠮᠦᠩᠬᠡ᠂ ᠰᠦᠯᠳᠡ ᠰᠦᠨᠡᠰᠤ᠂ ᠰᠦᠷ ᠵᠢᠪᠬᠤᠯᠠᠩ᠂ ᠡᠷᠬᠢᠮ ᠳᠡᠭᠡᠳᠤ︾ ﹇49﹈ ᠬᠡᠰᠡᠨ ᠪᠡᠯᠭᠡᠳᠡᠯ ᠤᠨ ᠤᠳᠬ᠎ᠠ ᠲᠠᠢ᠃                   ᠠᠯᠲᠠᠨᠪᠠᠭᠠᠨ᠎ᠠ ᠮᠠᠲ᠋ᠧᠷᠢᠶᠠᠯ ᠬᠠᠩᠭᠠᠪᠠ᠃
  
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠠᠯᠠᠱᠠ ᠦᠷᠡᠰ ᠨᠠᠶᠢᠷ ᠤᠨ ᠡᠭᠦᠰᠦᠯᠲᠡ ᠲᠡᠤᠬᠡ
ᠠᠯᠠᠱᠠ ᠣᠷᠴᠢᠭᠤᠯᠭ᠎ᠠ ᠶᠢᠨ ᠰᠤᠷᠭᠠᠭᠤᠯᠢ ᠶᠢᠨ ᠠᠩᠭᠢ ᠪᠠᠶᠢᠭᠤᠯᠪᠠ
ᠠᠯᠠᠱᠠ ᠦᠬᠢᠳ ᠤᠨ ᠰᠤᠷᠭᠠᠭᠤᠯᠢ  ᠶᠢ ᠪᠠᠶᠢᠭᠤᠯᠪᠠ
ᠠᠯᠠᠱᠠ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠪᠠᠶᠢᠭᠤᠯᠪᠠ
ᠪᠠᠭ᠎ᠠ ᠬᠡᠤᠬᠡᠳ ᠢ ᠯᠠᠮᠠ ᠪᠣᠯᠭᠠᠬᠤ ᠶᠢ ᠬᠤᠷᠢᠭᠯᠠᠭᠰᠠᠨ ᠨᠢ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号