| | ᠬᠤᠰᠢᠭᠤᠨ ᠤ ᠸᠠᠩ ᠪᠣᠯ ᠦᠶᠡ ᠤᠯᠠᠷᠢᠨ ᠵᠠᠯᠭᠠᠮᠵᠢᠯᠠᠳᠠᠭ ᠲᠤᠯᠠ ᠯᠦᠸᠧ ᠣᠪᠣᠭᠲᠤ ᠨᠣᠶᠠᠨ ᠢᠵᠠᠭᠤᠷᠲᠠᠨ ᠮᠦᠨ | ᠃ ᠲᠡᠭᠦᠨ ᠤ ᠰᠢᠲᠠᠷ ᠰᠠᠶᠢᠳ ᠲᠤ ᠬᠤᠰᠢᠭᠤ ᠲᠤᠰᠠᠯᠠᠭᠴᠢ ᠨᠢᠭᠡ ᠨᠡᠷᠡ ᠪᠠᠶᠢᠳᠠᠭ ᠢ ᠶᠡᠭᠡ ᠲᠤᠰᠠᠯᠠᠭᠴᠢ ᠭᠡᠵᠦ | ᠳᠠᠭᠤᠳᠠᠳᠠᠭ᠃ ᠲᠤᠰᠠᠯᠠᠭᠴᠢ ᠶᠢᠨ ᠨᠠᠷᠡ ᠶᠢ ᠤᠷᠢᠳ ᠠᠴᠠ ᠲᠡᠮᠳᠡᠭᠯᠡᠭᠰᠡᠨ ᠲᠤᠰᠠᠯᠠᠭᠴᠢ ᠨᠢᠭᠡ ᠨᠡᠷᠡ ᠪᠠᠶᠢᠳᠠᠭ ᠢ | ᠪᠠᠭᠠ ᠲᠤᠰᠠᠯᠠᠭᠴᠢ ᠭᠡᠳᠡᠭ᠃ ᠶᠡᠭᠡ ᠲᠤᠰᠠᠯᠠᠭᠴᠢ ᠦᠭᠡᠢ ᠬᠤᠭᠤᠴᠠᠭᠠᠨ ᠳᠤ ᠪᠠᠭᠠ ᠲᠤᠰᠠᠯᠠᠭᠴᠢ ᠨᠢ ᠲᠤᠰᠢᠶᠠᠯ ᠢ | ᠣᠷᠣᠯᠠᠨ ᠵᠠᠰᠠᠭ ᠢ ᠵᠠᠬᠢᠷᠳᠠᠭ᠃ ᠲᠤᠰᠠᠯᠠᠭᠴᠢ ᠶᠢᠨ ᠲᠤᠰᠢᠶᠠᠯ ᠳᠤ ᠲᠣᠮᠢᠯᠠᠬᠤ ᠬᠥᠮᠥᠨ ᠢ ᠢᠵᠠᠭᠤᠷᠲᠠᠨ ᠤ | ᠳᠣᠲᠣᠷᠠ ᠠᠴᠠ ᠨᠡᠷᠡ ᠵᠢᠱᠢᠨ ᠳᠡᠭᠡᠭᠰᠢ ᠡᠷᠭᠦᠨ ᠮᠡᠳᠡᠭᠦᠯᠵᠦ᠂ ᠭᠠᠳᠠᠭᠠᠳᠤ ᠮᠣᠩᠭᠤᠯ ᠤᠨ ᠲᠦᠷᠤ ᠶᠢ ᠵᠠᠰᠠᠬᠤ | ᠶᠠᠪᠤᠳᠠᠯ ᠤᠨ ᠶᠠᠮᠤᠨ ᠠᠴᠠ ᠬᠢᠨᠠᠨ ᠲᠣᠮᠢᠯᠠᠳᠠᠭ᠃ ᠲᠤᠰᠠᠯᠠᠭᠴᠢ ᠶᠢᠨ ᠵᠡᠷᠭᠡ ᠳᠠᠭᠤᠳᠠᠯᠭᠠ ᠶᠢᠨ ᠨᠡᠷᠡᠶᠢᠳᠦᠯ ᠳᠤ | ᠤᠯᠤᠰ ᠤᠨ ᠲᠥᠰᠢᠶᠡ ᠭᠦᠩ ᠡᠷᠬᠡ ᠵᠢᠨᠦᠩ ᠲᠤᠰᠠᠯᠠᠭᠴᠢ ×××᠂ ᠤᠯᠤᠰ ᠲᠤᠷ ᠲᠤᠰᠠᠯᠠᠬᠤ ᠭᠦᠩ ᠤᠨ | ᠵᠡᠷᠭᠡ ᠴᠧᠩᠰᠢᠶᠠᠩ ᠲᠤᠰᠠᠯᠠᠭᠴᠢ ×××᠂ ᠡᠷᠬᠡ ᠰᠡᠴᠡᠨ ᠲᠤᠰᠠᠯᠠᠭᠴᠢ ᠲᠡᠷᠢᠭᠦᠨ ᠵᠡᠷᠭᠡ ᠲᠠᠶᠢᠵᠢ ×××᠂ | ᠡᠷᠬᠡ ᠲᠦᠰᠢᠶᠡᠲᠤ ᠲᠤᠰᠠᠯᠠᠭᠴᠢ ᠲᠡᠷᠢᠭᠦᠨ ᠵᠡᠷᠭᠡ ᠲᠠᠶᠢᠵᠢ ×××᠂ ᠬᠢᠴᠢᠶᠡᠩᠭᠦᠢ ᠵᠢᠳᠬᠦᠯᠲᠦ ᠲᠤᠰᠠᠯᠠᠭᠴᠢ | ᠲᠡᠷᠢᠭᠦᠨ ᠵᠡᠷᠭᠡ ᠲᠠᠶᠢᠵᠢ ××× ᠭᠡᠬᠦ ᠮᠡᠲᠤ ᠪᠣᠢ᠃ ᠲᠤᠰᠠᠯᠠᠭᠴᠢ ᠶᠢ ᠭᠠᠷᠭᠠᠪᠠᠯ ᠲᠠᠮᠠᠭᠠ ᠶᠢᠨ ᠶᠠᠮᠤᠨ ᠤ ᠶᠡᠭᠡ | ᠪᠠᠭᠠ ᠵᠢᠩᠬᠢᠨᠢ ᠲᠣᠰᠢᠶᠠᠯᠲᠠᠨ 27 ᠨᠡᠷᠡ ᠪᠠᠶᠢᠳᠠᠭ ᠪᠥᠭᠡᠳ ᠬᠤᠰᠢᠭᠤ ᠶᠢ ᠵᠠᠬᠢᠷᠤᠭᠴᠢ ᠵᠠᠩᠭᠢ᠂ ᠠᠷᠠᠭᠰᠢᠨ | ᠵᠠᠬᠢᠷᠤᠭᠴᠢ ᠵᠠᠩᠭᠢ ᠲᠣᠰ ᠪᠦᠷᠢ ᠨᠢᠭᠡ ᠨᠡᠷᠡ ᠪᠠᠶᠢᠵᠤ᠂ ᠲᠡᠳᠡ ᠴᠥᠮ ᠬᠠᠷᠠᠴᠤ ᠬᠥᠮᠥᠨ ᠪᠠᠶᠢᠬᠤ ᠶᠣᠰᠣᠲᠠᠢ᠃ | ᠲᠡᠳᠡᠨᠦᠰ ᠸᠠᠩ ᠪᠣᠯᠣᠨ ᠲᠤᠰᠠᠯᠠᠭᠴᠢ ᠶᠢᠨ ᠵᠠᠬᠢᠷᠤᠯ ᠳᠣᠣᠷᠠ᠂ ᠵᠠᠰᠠᠭ ᠵᠠᠰᠠᠯᠲᠠ᠂ ᠬᠠᠤᠯᠢ ᠴᠠᠭᠠᠵᠠ᠂ ᠴᠡᠷᠢᠭ ᠤᠨ | ᠶᠠᠪᠤᠳᠠᠯ᠂ ᠡᠳ᠋ ᠤᠨ ᠵᠠᠰᠠᠭ ᠵᠡᠷᠭᠡ ᠶᠢ ᠬᠠᠮᠢᠶᠠᠷᠴᠤ᠂ ᠬᠤᠰᠢᠭᠤ ᠶᠢ ᠵᠠᠬᠢᠷᠤᠭᠴᠢ ᠵᠠᠩᠭᠢ ᠶᠢᠨ ᠡᠭᠡᠯᠵᠢᠨ ᠤ ᠠᠮᠠᠷᠠᠯᠲᠠ | ᠬᠢᠬᠦ ᠬᠤᠭᠤᠴᠠᠭᠠᠨ ᠳᠤ ᠠᠷᠠᠭᠰᠢᠨ ᠵᠠᠬᠢᠷᠤᠭᠴᠢ ᠵᠠᠩᠭᠢ ᠲᠤᠰᠢᠶᠠᠯ ᠣᠷᠣᠯᠠᠨ ᠭᠦᠢᠴᠡᠳᠬᠡᠨᠡ᠃ ᠬᠤᠰᠢᠭᠤ | ᠮᠠᠶᠢᠷᠠᠨ ᠤ ᠵᠠᠩᠭᠢ᠂ ᠠᠷᠠᠭᠰᠢᠨ ᠮᠠᠶᠢᠷᠠᠨ ᠤ ᠵᠠᠩᠭᠢ ᠲᠣᠰ ᠪᠦᠷᠢ ᠨᠢᠭᠡ ᠨᠡᠷᠡ ᠨᠢ ᠵᠠᠬᠢᠷᠤᠭᠴᠢ ᠵᠠᠩᠭᠢ ᠶᠢ | ᠬᠠᠪᠰᠤᠷᠤᠨ ᠬᠤᠰᠢᠭᠤᠨ ᠤ ᠬᠡᠷᠡᠭ ᠢ ᠵᠠᠬᠢᠷᠤᠨᠠ᠃ ᠵᠠᠯᠠᠨ ᠤ ᠠᠩᠭᠢ᠂ ᠠᠷᠠᠭᠰᠢᠨ ᠵᠠᠯᠠᠨ ᠤ ᠵᠠᠩᠭᠢ ᠲᠣᠰ ᠪᠦᠷᠢ | ᠬᠤᠶᠠᠷ ᠨᠡᠷᠡ ᠨᠢ ᠵᠠᠬᠢᠷᠤᠭᠴᠢ ᠵᠠᠩᠭᠢ ᠪᠣᠯᠣᠨ ᠮᠠᠶᠢᠷᠠᠨ ᠵᠠᠩᠭᠢ ᠶᠢᠨ ᠵᠠᠬᠢᠷᠤᠯ ᠳᠣᠣᠷᠠ ᠨᠠᠢᠮᠠᠨ ᠰᠤᠮᠤᠨ ᠤ ᠵᠠᠩᠭᠢ | ᠬᠡᠷᠡᠭ ᠶᠠᠪᠤᠳᠠᠯ ᠢ ᠬᠠᠮᠢᠶᠠᠷᠴᠤ᠂ ᠰᠤᠮᠤ ᠶᠢ ᠵᠡᠭᠦᠨ ᠪᠠᠷᠠᠭᠤᠨ ᠲᠣᠰ ᠪᠦᠷᠢ ᠳᠥᠷᠪᠡ ᠪᠠᠷ ᠬᠤᠪᠢᠶᠠᠨ ᠵᠠᠬᠢᠷᠴᠤ᠂ | ᠲᠣᠰ ᠲᠣᠰ ᠲᠤᠨᠢ ᠵᠠᠯᠠᠨ ᠤ ᠵᠠᠩᠭᠢ ᠨᠢᠭᠡ ᠨᠡᠷᠡ ᠪᠠᠷ ᠲᠤᠰᠢᠶᠠᠯ ᠬᠠᠷᠢᠭᠤᠴᠠᠭᠤᠯᠤᠨᠠ᠃ ᠫᠠᠢ ᠳ᠋ᠠ ᠨᠢ ᠳ᠋ᠠ ᠨᠢᠭᠡ | ᠨᠡᠷᠡ ︵ᠵᠢᠭᠰᠠᠭᠠᠯ ᠤᠨ ᠳᠠᠷᠤᠭᠠ︶᠂ ᠳᠦᠳᠦᠭᠡᠷ ᠵᠡᠷᠭᠡ ᠶᠢᠨ ᠫᠠᠢ ᠳ᠋ᠠ ᠨᠢ ᠳ᠋ᠠ ᠨᠢᠭᠡ ᠨᠡᠷᠡ ︵ᠵᠢᠭᠰᠠᠭᠠᠯ ᠤᠨ | ᠲᠦᠰᠢᠮᠡᠯ︶᠂ ᠲᠠᠪᠤᠳᠤᠭᠠᠷ ᠵᠡᠷᠭᠡ ᠶᠢᠨ ᠫᠠᠢ ᠳ᠋ᠠ ᠨᠢ ᠳ᠋ᠠ ᠨᠢᠭᠡ ᠨᠡᠷᠡ᠂ ᠬᠦᠨᠳᠦ ᠪᠣᠱᠣᠭᠤ ᠨᠠᠢᠮᠠᠨ ᠨᠠᠷᠡ ︵ᠨᠠᠢᠮᠠᠨ | ᠲᠡᠮᠡᠭᠡᠲᠦ ᠭᠡᠵᠦ ᠴᠤ ᠬᠡᠯᠡᠳᠡᠭ︶ ᠪᠠᠶᠢᠳᠠᠭ᠃ ᠳᠠᠰᠬᠠᠯ ᠤᠨ ᠪᠢᠴᠢᠭᠡᠴᠢ ᠪᠠ ᠰᠤᠯᠠ ᠲᠤᠰᠢᠶᠠᠯ ᠤᠨ ᠬᠥᠮᠥᠨ | ᠪᠠᠶᠢᠳᠠᠭ᠃ 1949 ᠣᠨ ᠤ ᠪᠦᠷᠢᠳᠬᠡᠯ ᠳᠤ᠂ ᠠᠷᠠᠭᠰᠢᠨ ᠲᠠᠶᠢᠵᠢ 5᠂ ᠠᠷᠠᠭᠰᠢᠨ ᠮᠠᠶᠢᠷᠠᠨ 19᠂ ᠠᠷᠠᠭᠰᠢᠨ | ᠵᠠᠯᠠᠨ 11᠂ ᠠᠷᠠᠭᠰᠢᠨ ᠵᠠᠩᠭᠢ 23᠂ ᠠᠷᠠᠭᠰᠢᠨ ᠬᠦᠨᠳᠦ ᠪᠣᠱᠣᠭᠤ 25᠂ ᠪᠢᠴᠢᠭᠡᠴᠢ 33᠂ ᠲᠠᠮᠠᠭᠠ ᠶᠢᠨ | ᠪᠣᠱᠣᠭᠤ 4᠂ ᠳᠠᠰᠬᠠᠯ ᠤᠨ ᠪᠢᠴᠢᠭᠡᠴᠢ 35 ᠪᠠᠶᠢᠭᠰᠠᠨ ᠪᠠ ᠰᠤᠮᠤᠨ ᠳᠤ ᠰᠤᠮᠤᠨ ᠤ ᠵᠠᠩᠭᠢ ᠵᠢᠩᠬᠢᠨᠢ ᠪᠠ ᠳᠡᠳ᠋ | ᠲᠣᠰ ᠪᠦᠷᠢ 4 ᠬᠥᠮᠥᠨ᠂ ᠬᠦᠨᠳᠦ ᠪᠣᠱᠣᠭᠤ ᠵᠢᠩᠬᠢᠨᠢ ᠪᠠ ᠳᠡᠳ᠋ ᠲᠣᠰ ᠪᠦᠷᠢ 4 ᠬᠥᠮᠥᠨ᠂ ᠳᠠᠩᠰᠠ ᠶᠢᠨ | ᠪᠣᠱᠣᠭᠤ 49 ᠪᠠᠶᠢᠵᠦ᠂ ᠲᠡᠳᠡ ᠨᠠᠷ ᠪᠣᠱᠣᠭᠤ ᠪᠦᠷᠢ ᠳᠤ 20～30 ᠡᠷᠦᠬᠡ ᠶᠢ ᠵᠠᠬᠢᠷᠴᠤ᠂ ᠡᠷᠦᠬᠡ ᠠᠮᠠ | ᠬᠠᠮᠢᠶᠠᠷᠬᠤ᠂ ᠴᠡᠷᠢᠭ ᠬᠤᠷᠢᠶᠠᠬᠤ᠂ ᠭᠠᠶᠢᠯᠢ ᠲᠦᠷᠢᠯᠭᠡ ᠲᠠᠲᠠᠪᠤᠷᠢᠯᠠᠬᠤ᠂ ᠤᠯᠠᠭᠠ ᠪᠠᠷᠢᠬᠤ ᠪᠠ ᠠᠷᠠᠳ ᠤᠨ ᠬᠡᠷᠡᠭ | ᠵᠠᠭᠤᠷᠠᠭᠠᠨ ᠢ ᠲᠠᠰᠤᠯᠤᠨ ᠰᠢᠢᠳᠬᠡᠳᠡᠭ ᠪᠠᠶᠢᠨᠠ᠃ | ᠸᠠᠩ ᠤᠨ ᠣᠷᠳᠣᠨ ᠳᠤ ᠶᠡᠷᠦᠩᠬᠡᠢ ᠵᠠᠬᠢᠷᠤᠭᠴᠢ ᠪᠠᠶᠢᠰᠠ ᠶᠢᠨ ᠳ᠋ᠠ ᠨᠢᠭᠡ ᠬᠥᠮᠥᠨ᠂ ᠳᠦᠳᠦᠭᠡᠷ ᠵᠡᠷᠭᠡ ᠶᠢᠨ | ᠪᠠᠶᠢᠰᠠ ᠶᠢᠨ ᠳ᠋ᠠ ᠨᠢᠭᠡ ᠬᠥᠮᠥᠨ᠂ ᠲᠠᠪᠤᠳᠤᠭᠠᠷ ᠵᠡᠷᠭᠡ ᠶᠢᠨ ᠪᠠᠶᠢᠰᠠ ᠶᠢᠨ ᠳ᠋ᠠ ᠨᠢᠭᠡ ᠬᠥᠮᠥᠨ ᠪᠠᠶᠢᠵᠤ᠂ ᠸᠠᠩ ᠶᠢᠨ | ᠣᠷᠳᠣᠨ ᠤ ᠬᠡᠷᠡᠭ ᠢ ᠲᠤᠰᠬᠠᠶᠢᠯᠠᠨ ᠬᠠᠮᠢᠶᠠᠷᠬᠤ ᠠᠴᠠ ᠪᠤᠰᠤ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠬᠡᠷᠡᠭ ᠲᠤ ᠭᠠᠷ ᠳᠦᠷᠦᠬᠦ ᠦᠭᠡᠢ | ᠃ | ᠳᠡᠭᠡᠷᠡᠬᠢ ᠡᠯᠡ ᠲᠤᠰᠢᠶᠠᠯᠲᠠᠳ ᠤᠨ ᠵᠢᠰᠢᠶᠠᠯᠠᠨ ᠡᠭᠡᠯᠵᠢᠯᠡᠬᠦ ᠬᠤᠭᠤᠴᠠᠭᠠᠨ ᠳᠤ ᠴᠠᠯᠢᠩ ᠬᠥᠯᠥᠰᠦ ᠣᠯᠭᠤᠬᠤ | ᠦᠭᠡᠢ ᠪᠥᠭᠡᠳ ᠬᠠᠮᠢᠶᠠᠷᠤᠯᠲᠠ ᠪᠠᠨ ᠴᠢᠩᠭᠠᠳᠬᠠᠬᠤ ᠶᠢᠨ ᠲᠥᠯᠥᠭᠡ ᠰᠠᠶᠢᠰᠢᠶᠠᠯᠲᠤ ᠢᠷᠦᠭᠡᠯᠲᠦ ᠶᠢᠨ ᠠᠷᠪᠠᠨ | ᠳᠥᠷᠪᠡᠳᠦᠭᠡᠷ ᠣᠨ ︵1809 ᠣᠨ︶ ᠳᠤ ᠸᠠᠩ ᠤᠨ ᠵᠠᠷᠯᠢᠭ ᠶᠣᠰᠣᠭᠠᠷ ᠲᠡᠷᠢᠭᠦᠨ ᠳᠡᠳ᠋ ᠭᠡᠮᠡᠨ ᠬᠤᠶᠠᠷ | ᠵᠢᠰᠢᠶᠡ ᠪᠠᠷ ᠡᠭᠡᠯᠵᠢᠯᠡᠭᠦᠯᠦᠨ ᠰᠠᠭᠤᠯᠭᠠᠵᠤ ᠠᠯᠪᠠ ᠬᠠᠭᠠᠬᠤ ᠪᠣᠯᠭᠠᠭᠰᠠᠨ ᠪᠥᠭᠡᠳ ᠬᠤᠶᠢᠰᠢᠳᠠ ᠵᠣᠷᠰᠢᠯ ᠪᠣᠯᠵᠤ | ᠦᠪᠡᠷ ᠤᠨ ᠵᠢᠰᠢᠶᠡ ᠲᠣᠬᠢᠶᠠᠯᠳᠤᠭᠰᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠠᠴᠠ ᠡᠬᠢᠯᠡᠨ ᠵᠢᠰᠢᠶᠠᠯᠠᠳᠠᠭ ᠪᠥᠭᠡᠳ ᠡᠳᠦᠷ | ᠣᠰᠣᠯᠳᠠᠭᠤᠯᠵᠤ ᠦᠯᠦ ᠪᠣᠯᠣᠨᠠ᠃ ᠲᠤᠰᠠᠯᠠᠭᠴᠢ ᠰᠠᠶᠢᠳ ᠨᠠᠷ ᠤᠨ ᠳᠣᠲᠣᠷᠠ ᠠᠴᠠ ᠠᠯᠢ ᠨᠢᠭᠡ ᠨᠢ ᠨᠢᠭᠡ ᠡᠳᠦᠷ | ᠣᠰᠣᠯᠳᠠᠪᠠᠯ ᠵᠢᠰᠢᠶᠠᠨ ᠤ ᠰᠡᠭᠦᠯ ᠳᠤ ᠲᠠᠪᠤᠨ ᠡᠳᠦᠷ ᠨᠦᠬᠦᠵᠦ᠂ ᠬᠤᠶᠠᠷ ᠡᠳᠦᠷ ᠣᠰᠣᠯᠳᠠᠪᠠᠯ 10 ᠡᠳᠦᠷ᠂ | ᠭᠤᠷᠪᠠᠨ ᠡᠳᠦᠷ ᠣᠰᠣᠯᠳᠠᠪᠠᠯ 15 ᠡᠳᠦᠷ ᠲᠣᠰ ᠪᠦᠷᠢ ᠨᠦᠬᠦᠵᠦ᠂ ᠳᠥᠷᠪᠡᠨ ᠡᠳᠦᠷ ᠠᠴᠠ ᠦᠩᠭᠡᠷᠡᠭᠰᠡᠨ ᠢ | ᠪᠠᠶᠢᠳᠠᠯ ᠢ ᠨᠢ ᠦᠵᠡᠵᠦ ᠶᠠᠯᠠ ᠲᠣᠭᠲᠠᠭᠠᠨ ᠵᠠᠯᠬᠠᠭᠠᠨ ᠰᠢᠢᠳᠬᠡᠳᠡᠭ ᠪᠣᠯᠬᠤᠷ ᠳᠡᠮᠡᠢ ᠣᠰᠣᠯᠳᠠᠳᠠᠭ ᠦᠭᠡᠢ ᠪᠠᠶᠢᠵᠡᠢ | ᠃ |