| ᠴᠢᠩᠭᠢᠰ ᠶᠡᠭᠡ ᠤᠷᠤ ᠰᠠᠭᠤᠭᠰᠠᠨ ᠤ ᠲᠠᠷᠠᠭᠠ ᠠᠯᠳᠠᠨ ᠤᠯᠤᠰ ᠲᠤ ᠠᠯᠪᠠ ᠲᠤᠰᠢᠶᠠᠵᠤ ᠪᠠᠶᠢᠭᠰᠠᠨ ᠶᠠᠪᠤᠳᠠᠯ ᠪᠤᠢ᠃ | ᠨᠢᠭᠡ ᠤᠳᠠᠭᠠ ᠪᠡᠶᠡ ᠪᠠᠷ ᠵᠢᠩᠵᠧᠤ ︵ᠤᠳᠤ ᠶᠢᠨ ᠦᠪᠤᠷ ᠮᠤᠩᠭᠤᠯ ᠤᠨ ᠲᠦᠷᠪᠡᠳ ᠬᠤᠰᠢᠭᠤᠨ ᠤ ᠴᠧᠩ ᠪᠦ᠋ | ᠽᠢ︶ ᠤᠷᠤᠵᠤ ᠤᠨ ᠤ ᠡᠷᠭᠦᠴᠡ ᠪᠠᠷᠢᠵᠤ᠂ ᠸᠧᠢ ᠱᠠᠤ ᠤᠩ ᠲᠠᠢ ᠲᠠᠨᠢᠯᠴᠠᠵᠤᠬᠤᠢ᠃ ᠬᠤᠶᠢᠳᠤᠭᠢ ᠨᠢ ᠠᠯᠳᠠᠨ | ᠤᠯᠤᠰ ᠤᠨ ᠬᠠᠭᠠᠨ ᠪᠤᠯᠤᠭᠰᠠᠨ ᠳᠤ ᠴᠢᠩᠭᠢᠰ᠄ ︽ᠪᠢ ᠰᠠᠨᠠᠪᠠᠰᠤ ᠭᠢᠳᠠᠳ ᠤᠷᠤᠨ ᠤ ᠬᠠᠭᠠᠨ ᠭᠡᠮᠡᠭᠴᠢ ᠲᠡᠭᠷᠢ | ᠶᠢᠨ ᠭᠦᠮᠦᠨ ᠭᠡᠮᠡᠭᠳᠡᠯᠦᠭᠡ᠂ ᠡᠳᠤᠭᠡ ᠡᠨᠡ ᠮᠡᠳᠤᠰ ᠪᠡᠷᠳᠡᠭᠴᠢᠨ ᠪᠤᠯᠪᠠ ᠤᠤ︖︾ ᠭᠡᠮᠡᠭᠡᠳ᠂ ᠠᠯᠳᠠᠨ ᠤᠯᠤᠰ | ᠯᠤᠭᠠ ᠬᠠᠷᠢᠯᠴᠠᠬᠤ ᠶᠢ ᠲᠠᠰᠤᠯᠪᠠᠢ᠃ 1211 ᠤᠨ ᠳᠤ ᠴᠢᠩᠭᠢᠰ ᠬᠠᠭᠠᠨ ᠡᠮᠦᠨᠡᠰᠢ ᠤᠷᠤᠵᠤ ᠶᠡᠭᠡ ᠴᠡᠷᠢᠭ ᠢᠶᠠᠷ | ᠠᠯᠳᠠᠨ ᠤᠯᠤᠰ ᠢ ᠲᠠᠭᠠᠷᠢᠵᠤᠬᠤᠢ᠃ ᠲᠡᠷᠡ ᠴᠠᠭ ᠲᠤᠷ ᠠᠯᠳᠠᠨ ᠤᠯᠤᠰ ᠤᠨ ᠨᠡᠶᠢᠭᠡᠮ ᠲᠠᠶᠠᠭᠠᠷ ᠲᠦᠭᠰᠢᠭᠦᠷᠢ ᠶᠢᠨ | ᠲᠤᠮᠳᠠ ᠪᠠᠶᠢᠵᠤ᠂ ᠤᠯᠤᠰ ᠲᠦᠷᠦ ᠢᠯᠵᠡᠷᠡᠵᠤ᠂ ᠠᠵᠤ ᠠᠬᠤᠢ ᠲᠤᠷᠤᠶᠢᠳᠠᠨ᠂ ᠠᠩᠭᠢ ᠶᠢᠨ ᠪᠠ ᠤᠭᠰᠠᠭᠠᠳᠠᠨ ᠤ | ᠵᠦᠷᠢᠴᠡᠯ ᠰᠢᠷᠦᠭᠦᠰᠴᠤ ᠪᠠᠶᠢᠭᠰᠠᠨ ᠤ ᠤᠴᠢᠷᠠ ᠮᠤᠩᠭᠤᠯᠴᠤᠳ ᠤᠨ ᠴᠡᠷᠢᠭᠯᠡᠯ ᠳᠤ ᠬᠠᠷᠢᠭᠤᠴᠠᠬᠤ ᠠᠷᠭᠠ ᠦᠭᠡᠢ | ᠪᠠᠶᠢᠯᠠ᠃ ᠦᠨᠡᠭᠡᠨ ᠲᠠᠪᠠᠭᠠᠨ ᠳᠤᠷ ᠤᠷᠢᠶᠠᠯᠳᠤᠨ ᠠᠭᠰᠠᠨ ᠠᠯᠳᠠᠨ ᠤᠯᠤᠰ ᠤᠨ 40 ᠲᠦᠮᠡᠨ ᠴᠡᠷᠢᠭ ᠢᠨᠦ | ᠭᠠᠭᠴᠠ ᠲᠠᠭᠠᠷᠢᠯᠳᠠ ᠳᠤ ᠰᠠᠷᠨᠢᠪᠠᠢ᠃ ᠦᠨᠡᠭᠡᠨ ᠲᠠᠪᠠᠭᠠᠨ ᠳᠤ ᠰᠢᠢᠳᠪᠤᠷᠢᠳᠤ ᠲᠠᠶᠢᠨ ᠶᠠᠪᠤᠭᠳᠠᠵᠤ ᠴᠢᠩᠭᠢᠰ | ᠬᠠᠭᠠᠨ ᠠᠷᠭᠠ ᠪᠠᠷ ᠠᠯᠳᠠᠨ ᠤᠯᠤᠰ ᠤᠨ ᠭᠤᠤᠯ ᠭᠦᠴᠦᠨ ᠢ ᠰᠦᠨᠦᠭᠡᠵᠤ᠂ 1213 ᠤᠨ ᠤ ᠵᠢᠨᠱᠠᠨ ᠤ ᠲᠠᠶᠢᠨ | ᠳᠤᠷ ᠠᠯᠳᠠᠨ ᠤᠯᠤᠰ ᠭᠦᠴᠦ ᠪᠠᠨ ᠰᠢᠪᠬᠠᠨ ᠲᠠᠭᠤᠰᠬᠠᠪᠠᠢ᠃ ᠮᠤᠩᠭᠤᠯ ᠴᠡᠷᠢᠭ ᠭᠤᠷᠪᠠᠨ ᠵᠠᠮ ᠬᠤᠪᠢᠶᠠᠨ | ᠽᠢᠵᠢᠩᠭᠤᠸᠠᠨ ᠪᠤᠭᠤᠮᠳᠠ ᠪᠠᠷ ᠡᠮᠦᠨᠡᠰᠢ ᠪᠠᠭᠤᠵᠤ᠂ ᠭᠢᠳᠠᠳ ᠤᠨ ᠤᠮᠠᠷᠠᠳᠤ ᠶᠢ ᠱᠦᠭᠦᠷᠳᠡᠵᠤ᠂ ᠡᠳ᠋ ᠡᠷᠳᠡᠨᠢᠰ ᠪᠠ | ᠤᠯᠠᠨ ᠲᠠᠷᠬᠠᠳ ᠢ ᠤᠯᠵᠠᠯᠠᠵᠤᠬᠤᠢ᠃ ᠠᠯᠳᠠᠨ ᠤᠯᠤᠰ ᠠᠷᠭᠠ ᠪᠤᠰᠤ 1214 ᠤᠨ ᠳᠤ ᠴᠢᠩᠭᠢᠰ ᠬᠠᠭᠠᠨ ᠳᠤ | ᠴᠢ ᠭᠦᠸᠧ ᠭᠦᠩᠵᠤ ᠶᠦᠭᠡᠨ ᠭᠦᠷᠭᠡᠭᠡᠳ᠂ ᠪᠠᠰᠠ ᠮᠤᠩᠭᠤᠯ ᠳᠤ ᠤᠯᠠᠨ ᠠᠯᠳᠠᠨ ᠮᠦᠩᠭᠦᠨ ᠤ ᠪᠠᠷᠢᠴᠠᠭᠠ | ᠡᠷᠭᠦᠪᠡᠢ᠃ ᠴᠢᠩᠭᠢᠰ ᠬᠠᠭᠠᠨ ᠴᠠᠪᠴᠢᠶᠠᠯ ᠪᠤᠭᠤᠮᠳᠠ ᠪᠠᠷ ᠤᠮᠠᠷᠠᠰᠢ ᠪᠤᠴᠠᠪᠠᠢ᠃ ᠠᠯᠳᠠᠨ ᠤᠯᠤᠰ ᠤᠨ | ᠰᠢᠤᠸᠠᠨᠽᠦ᠋ᠩ ᠬᠠᠭᠠᠨ ᠵᠦᠩᠳᠤ ︵ᠤᠳᠤ ᠶᠢᠨ ᠪᠡᠭᠡᠵᠢᠩ︶ ᠠᠴᠠ ᠲᠤᠳᠠᠭᠠᠵᠤ᠂ ᠡᠮᠦᠨᠡᠳᠤ ᠨᠡᠶᠢᠰᠯᠡᠯ ︵ᠤᠳᠤ ᠶᠢᠨ | ᠡᠾᠧᠨᠠᠨ ᠤ ᠺᠠᠶᠢᠹᠧᠩ︶ ᠳᠤ ᠪᠠᠨ ᠤᠴᠢᠵᠤᠬᠤᠢ᠃ 1215 ᠤᠨ ᠳᠤ ᠮᠤᠩᠭᠤᠯ ᠴᠡᠷᠢᠭ ᠵᠦᠩᠳᠤ ᠶᠢ ᠡᠵᠡᠯᠡᠵᠤ᠂ | ᠯᠢᠶᠤᠤᠰᠢ ᠤᠷᠤᠨ ᠳᠤᠷ ᠠᠯᠳᠠᠨ ᠤᠯᠤᠰ ᠤᠨ ᠴᠡᠷᠢᠭ ᠢ ᠢᠯᠠᠭᠰᠠᠨ ᠪᠦᠭᠡᠳ ᠤᠮᠠᠷᠠᠳᠤ ᠨᠡᠶᠢᠰᠯᠡᠯ ᠢ ᠢᠨᠦ ᠴᠦ | ᠡᠵᠡᠯᠡᠨ ᠠᠪᠴᠤᠬᠤᠢ᠃ ᠤᠮᠠᠷᠠᠳᠤ ᠤᠷᠤᠨ᠂ ᠵᠡᠭᠦᠨ ᠬᠤᠶᠢᠳᠤ ᠤᠷᠤᠨ ᠤ ᠭᠠᠵᠠᠷ ᠤᠨ ᠡᠵᠡᠳ ᠵᠠᠯᠭᠠᠭᠠ ᠪᠠᠷ | ᠮᠤᠩᠭᠤᠯ ᠳᠤ ᠲᠠᠭᠠᠵᠤ᠂ ᠭᠡᠳᠡᠷᠭᠦ ᠪᠠᠨ ᠠᠯᠳᠠᠨ ᠤᠯᠤᠰ ᠲᠠᠢ ᠲᠠᠶᠢᠳᠤᠭᠰᠠᠨ ᠪᠠᠶᠢᠨᠠ᠃ 1217 ᠤᠨ ᠳᠤ | ᠴᠢᠩᠭᠢᠰ ᠬᠠᠭᠠᠨ ᠮᠤᠬᠤᠯᠠᠢ ᠶᠢ ᠲᠠᠶᠢᠰᠢ ᠭᠦ᠋ᠢ ᠤᠩ ᠡᠷᠭᠦᠮᠵᠢᠯᠡᠵᠤ᠂ ᠠᠯᠳᠠᠨ ᠤᠯᠤᠰ ᠤᠨ ᠲᠠᠶᠢᠨ ᠤ ᠶᠠᠪᠤᠳᠠᠯ ᠢ | ᠲᠤᠰᠢᠶᠠᠭᠠᠳ᠂ ᠦᠪᠡᠷ ᠲᠤ ᠪᠠᠨ ᠪᠠᠷᠠᠭᠤᠨᠰᠢ ᠴᠡᠷᠢᠭᠯᠡᠭᠦ ᠪᠠᠷ ᠪᠤᠯᠪᠠᠢ᠃ 1218 ᠤᠨ ᠳᠤ ᠶᠡᠭᠡ ᠵᠠᠩᠵᠤᠨ ᠵᠠᠪᠠ | ᠶᠢ ᠲᠤᠮᠢᠯᠠᠵᠤ᠂ ᠨᠠᠢᠮᠠᠨ ᠤ ᠬᠠᠭᠠᠨ ᠭᠦᠪᠡᠭᠦᠨ ᠭᠦᠴᠦᠯᠦᠭ ᠲᠤ ᠤᠩ ᠤᠷᠤ ᠪᠠᠨ ᠪᠤᠯᠢᠶᠠᠭᠳᠠᠭᠰᠠᠨ ᠬᠠᠷᠠ ᠭᠢᠳᠡᠨ | ᠢ ᠮᠦᠭᠦᠭᠡᠭᠰᠡᠨ ᠪᠢᠯᠡ᠃ ᠲᠡᠭᠦᠨᠴᠡ ᠰᠢᠨᠡ ᠪᠠᠷ ᠮᠠᠨᠳᠤᠭᠰᠠᠨ ᠰᠠᠡᠳᠠᠭᠤᠯ ︵ᠬᠤᠷᠧᠽᠮ︶ ᠤᠩᠳᠤ ᠲᠦᠷᠦ ᠶᠢᠨ | ᠨᠤᠶᠠᠷᠬᠠᠯ ᠲᠤᠤᠷᠠᠭᠢ ᠲᠤᠮᠳᠠᠳᠤ ᠠᠽᠢᠶᠠ ᠶᠢᠨ ᠤᠷᠤᠨ ᠨᠢ ᠭᠠᠳᠠᠭᠰᠢ ᠲᠦᠷᠢᠵᠤ ᠪᠠᠶᠢᠭᠰᠠᠨ ᠮᠤᠩᠭᠤᠯ ᠲᠠᠢ | ᠰᠢᠭᠤᠳ ᠵᠠᠭᠠᠭᠯᠠᠭᠰᠠᠨ ᠪᠠᠶᠢᠨᠠ᠃ | |