| | ᠴᠢᠩᠬᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠤᠷᠳᠤ ᠶᠢ ᠪᠠᠰᠠ ᠴᠢᠩᠬᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠬᠡᠷ ᠬᠡᠳᠡᠭ᠂ | ᠲᠡᠷᠡ ᠨᠢ ᠴᠢᠩᠬᠢᠰ ᠬᠠᠭᠠᠨ ᠵᠢᠴᠢ ᠲᠡᠬᠦᠨ ᠤ ᠬᠠᠳᠤᠳ ᠬᠢᠬᠡᠳ ᠪᠤᠰᠤᠳ ᠰᠢᠳᠦᠬᠡᠨ ᠵᠦᠢᠯᠡᠰ ᠢ ᠲᠠᠶᠢᠵᠦ ᠲᠠᠬᠢᠳᠠᠭ | ᠨᠠᠢᠮᠠᠨ ᠴᠠᠭᠠᠨ ᠤᠷᠳᠤ ᠪᠠᠷ ᠪᠦᠷᠢᠯᠳᠦᠭᠰᠡᠨ ᠪᠠᠶᠢᠳᠠᠭ᠃ ᠴᠢᠩᠬᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠤᠷᠳᠤ ᠨᠢ ᠲᠠᠶᠢᠯᠭᠠ | ᠲᠠᠬᠢᠯᠭᠠ ᠶᠢᠨ ᠤᠷᠳᠤ ᠬᠢᠬᠡᠳ ᠰᠢᠳᠦᠬᠡᠨ ᠤ ᠶᠠᠷᠦᠩᠬᠡᠢ ᠨᠠᠷᠡᠶᠢᠳᠦᠯ ᠪᠤᠯᠤᠨᠠ᠃ | ᠮᠤᠩᠭᠤᠯ ᠦᠨᠳᠦᠰᠳᠡᠨ ᠤ ᠲᠡᠤᠬᠡᠨ ᠲᠡᠬᠡᠷᠠ ᠡᠵᠡᠳ ᠬᠠᠭᠠᠳ᠂ ᠸᠠᠩ ᠬᠦᠡᠭ ᠨᠠᠷ ᠤᠨ ᠰᠠᠭᠤᠷᠢᠰᠢᠯ ᠢ ᠤᠷᠳᠤ | ᠬᠡᠳᠡᠭ᠃ ᠴᠢᠩᠬᠢᠰ ᠬᠠᠭᠠᠨ ᠤ ᠰᠢᠳᠦᠬᠡᠨ ᠤᠷᠳᠤ ︵ᠴᠤᠮᠴᠤᠭ ᠤᠷᠳᠤ︶ ᠨᠢ ᠮᠤᠩᠭᠤᠯ ᠬᠡᠷ ᠲᠠᠢ ᠲᠦᠰᠦᠬᠡᠳᠡᠢ | ᠤᠴᠢᠷ ᠠᠴᠠ ᠴᠠᠭᠠᠨ ᠤᠷᠳᠤ ᠪᠤᠶᠤ ᠴᠠᠭᠠᠨ ᠬᠡᠷ ᠬᠡᠳᠡᠭ᠃ ᠴᠢᠩᠬᠢᠰ ᠬᠠᠭᠠᠨ ᠤ ᠦᠶᠠ ᠶᠢᠨ ᠮᠤᠩᠭᠤᠯᠴᠤᠳ ᠨᠢ | ᠤᠤᠭᠠᠯᠢᠭ ᠪᠦᠬᠡ ᠮᠦᠷᠬᠦᠯ ᠢ ᠢᠳᠡᠬᠡᠨ ᠰᠢᠳᠦᠳᠡᠭ ᠪᠠᠶᠢᠵᠡᠢ᠂ ᠲᠡᠳᠠ ᠪᠠᠶᠢᠭᠠᠯᠢ ᠲᠡᠯᠡᠬᠡᠢ ᠶᠢᠨ ᠲᠦᠮᠡᠨ ᠪᠤᠳᠠᠰ ᠪᠦᠷ | ᠰᠠᠬᠢᠭᠤᠰᠤ ᠲᠠᠢ ᠪᠠᠶᠢᠵᠦ᠂ ᠬᠦᠮᠥᠨ ᠨᠠᠰᠤ ᠪᠠᠷᠠᠬᠰᠠᠨ ᠤ ᠬᠤᠶᠢᠨᠠ ᠰᠦᠨᠡᠰᠤ ᠨᠢ ᠮᠦᠡᠭᠬᠡᠷᠡᠳᠡᠭ ᠬᠡᠵᠦ ᠢᠳᠡᠬᠡᠳᠡᠭ᠃ | ᠲᠡᠳᠡ ᠲᠡᠭᠷᠢ ᠭᠠᠵᠠᠷ᠂ ᠶᠡᠬᠡᠰ ᠲᠡᠭᠡᠳᠦᠰ ᠢᠶᠠᠨ ᠰᠢᠳᠦᠨ ᠬᠦᠨᠳᠦᠳᠬᠡᠵᠦ᠂ ᠲᠠᠶᠢᠯᠭᠠ ᠲᠠᠬᠢᠯᠭᠠ ᠡᠷᠬᠦᠳᠡᠭ᠃ | ᠴᠢᠩᠬᠢᠰ ᠬᠠᠭᠠᠨ ᠲᠡᠭᠷᠢ ᠳᠤ ᠬᠠᠯᠢᠬᠰᠠᠨ ᠤ ᠲᠠᠷᠠᠭᠠ᠂ ᠡᠨᠡ ᠬᠦ ᠠᠭᠤᠤ ᠶᠡᠭᠡ ᠲᠡᠤᠬᠡᠨ ᠬᠦᠮᠦᠨ ᠢ ᠲᠤᠷᠠᠰᠬᠠᠨ | ᠴᠠᠭᠠᠨ ᠦᠡᠭᠬᠡᠳᠤ ᠰᠢᠳᠦᠬᠡᠨ ᠤᠷᠳᠤ ᠶᠢ ᠪᠠᠶᠢᠭᠤᠯᠵᠦ᠂ ᠡᠵᠡᠨ ᠪᠤᠬᠳᠠ ᠴᠢᠩᠬᠢᠰ ᠬᠠᠭᠠᠨ ᠤ ᠬᠡᠬᠡᠨ ᠰᠦᠨᠡᠰᠤᠨ ᠤ | ᠪᠡᠯᠬᠡᠳᠡᠯ ᠪᠤᠯᠤᠬᠰᠠᠨ ᠴᠢᠨᠳᠠᠷ ᠤᠨ ᠬᠠᠭᠤᠷᠴᠠᠭ᠂ ᠬᠦᠷᠦᠭ ᠵᠢᠷᠤᠭ ᠪᠤᠯᠤᠨ ᠬᠡᠷᠢᠶᠡᠰᠦᠨ ᠡᠳ᠋ ᠢ ᠤᠷᠳᠤᠨ ᠳᠤ ᠵᠠᠯᠠᠵᠦ | ᠲᠠᠶᠢᠯᠭᠠ ᠲᠡᠬᠢᠯᠭᠠ ᠡᠷᠬᠦᠳᠡᠭ ᠪᠤᠯᠵᠡᠢ᠃ | ᠴᠢᠩᠬᠢᠰ ᠬᠠᠭᠠᠨ ᠢ ᠲᠠᠬᠢᠵᠦ ᠪᠠᠶᠢᠭᠠ ᠴᠠᠭᠠᠨ ᠤᠷᠳᠤ ᠴᠤᠮᠴᠤᠭ ᠤᠷᠳᠤ ᠶᠢ ᠬᠠᠮᠤᠭ ᠤᠨ ᠠᠩᠬᠠ ︽ᠬᠠᠮᠤᠭ | ᠤᠯᠤᠰ ᠤᠨ ᠰᠢᠳᠦᠬᠡᠨ︾ ᠪᠤᠶᠤ ᠬᠠᠮᠤᠭ ᠮᠤᠩᠭᠤᠯ ᠤᠨ ︽ᠶᠡᠷᠦᠩᠬᠡᠢ ᠶᠢᠨ ᠰᠢᠳᠦᠬᠡᠨ︾ ᠬᠡᠵᠦ ᠨᠡᠷᠡᠯᠡᠪᠡ᠃ | ᠴᠢᠩᠬᠢᠰ ᠬᠠᠭᠠᠨ ᠤ ᠬᠠᠳᠤᠳ ᠤᠨ ᠨᠠᠰᠤ ᠪᠠᠷᠠᠬᠤ ᠶᠢ ᠲᠠᠭᠠᠯᠳᠤᠨ᠂ ᠲᠠᠬᠢᠯᠭᠠ ᠶᠢᠨ ᠠᠭᠤᠯᠭᠠ ᠤᠯᠠᠮ ᠢᠶᠠᠷ | ᠨᠡᠮᠡᠭᠳᠡᠵᠦ᠂ ᠴᠠᠭᠠᠨ ᠴᠤᠮᠴᠤᠭ ᠤᠷᠳᠤ ᠴᠤ ᠨᠡᠮᠡᠭᠳᠡᠪᠡ᠃ | ᠠᠷᠪᠠᠨ ᠲᠠᠪᠤᠳᠤᠭᠠᠷ ᠵᠠᠭᠤᠨ ᠤ ᠦᠶᠠ ᠳᠤ᠂ ᠤᠷᠳᠤᠰ ᠠᠶᠢᠮᠠᠭ ᠡᠮᠦᠨᠡᠰᠢ ᠨᠡᠬᠦᠬᠦ ᠶᠢ ᠲᠠᠭᠠᠯᠳᠤᠨ ᠭᠤᠪᠢ ᠶᠢᠨ | ᠠᠷᠤ ᠳᠤ ᠪᠠᠶᠢᠬᠰᠠᠨ ᠴᠢᠩᠬᠢᠰ ᠬᠠᠭᠠᠨ ᠤ ᠲᠦᠷᠪᠡᠨ ᠶᠡᠭᠡ ᠤᠷᠳᠤ ᠴᠤ ᠤᠷᠳᠤᠰ ᠲᠤ ᠨᠡᠬᠦᠨ ᠢᠷᠡᠵᠦ᠂ | ᠤᠤᠯ ᠠᠴᠠ ᠪᠠᠨ ᠡ᠊ᠨᠳᠡ ᠪᠠᠶᠢᠬᠰᠠᠨ ᠴᠢᠩᠬᠢᠰ ᠬᠠᠭᠠᠨ ᠤ ᠴᠤᠮᠴᠤᠭ ᠤᠷᠳᠤ ᠲᠠᠢ ᠨᠠᠶᠢᠯᠡᠵᠦ᠂ ᠤᠯᠠᠨ ᠴᠠᠭᠠᠨ | ᠴᠤᠮᠴᠤᠭ ᠤᠷᠳᠤ ᠪᠤᠯᠵᠦ ᠪᠦᠷᠢᠯᠳᠦᠵᠡᠢ᠃ | ᠤᠮᠠᠷᠠᠳᠤ ᠶᠤᠸᠡᠨ ᠤᠯᠤᠰ ᠤᠨ ᠦᠶᠠ ᠳᠤ᠂ ᠬᠠᠮᠤᠭ ᠮᠤᠩᠭᠤᠯ ᠤᠨ ︽ᠶᠡᠷᠦᠩᠬᠡᠢ ᠶᠢᠨ ᠰᠢᠳᠦᠬᠡᠨ︾ ᠢ ᠨᠠᠢᠮᠠᠨ | ᠴᠠᠭᠠᠨ ᠤᠷᠳᠤ ᠪᠤᠶᠤ ᠨᠠᠢᠮᠠᠨ ᠴᠠᠭᠠᠨ ᠬᠡᠷ ᠬᠡᠮᠡᠨ ᠨᠡᠷᠡᠯᠡᠬᠦ ᠪᠤᠯᠵᠡᠢ᠃ | | |