ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠰᠢᠨ᠎ᠡ ᠬᠦᠳᠡᠭᠡ
ᠣᠯᠠᠨ ᠣᠯᠣᠰ ᠨᠡᠬᠦᠬᠦ ᠶᠢᠨ ᠬᠤᠶᠠᠳᠣᠭᠠᠷ ᠪᠦᠯᠦᠭ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2019/11/5
ᠲᠡᠨᠳᠡ ᠠᠴᠠ ᠬᠤᠶᠠᠷ ᠬᠦᠪᠡᠬᠦᠨ ᠬᠡᠷ ᠲᠡᠭᠡᠨ ᠣᠷᠣᠪᠠᠰᠣ ᠭᠠᠯ ᠤᠨ ᠲᠡᠭᠡᠷ᠎ᠡ ᠲᠣᠭᠤᠭᠠᠨ ᠤ ᠲᠣᠳᠣᠷ᠎ᠠ ᠶᠠᠭᠤᠮ᠎ᠠ ᠪᠣᠴᠠᠯᠵᠦ ᠪᠠᠶᠢᠰᠣᠩᠭᠤᠷ ᠭᠡᠷ ᠲᠡᠭᠡᠨ ᠭᠠᠯ ᠢᠶᠠᠨ ᠲᠣᠭᠤᠷᠢᠨ ᠰᠠᠭᠤᠵᠦ ᠪᠣᠢ᠃ ᠪᠠᠶᠢᠰᠣᠩᠭᠤᠷ ᠬᠡᠮᠡᠭᠴᠢ ᠨᠢᠳᠣᠨ  ᠳᠡᠭᠡᠨ ᠭᠠᠯ ᠲᠠᠢ᠂ ᠨᠢᠭᠤᠷ ᠲᠡᠭᠡᠨ ᠴᠤᠭ ᠲᠠᠢ ᠢᠳᠡᠷ ᠲᠣᠮᠳᠠ ᠨᠠᠰᠣᠨ ᠤ ᠬᠦᠮᠦᠨ ᠬᠤᠶᠢᠮᠣᠷ ᠰᠠᠭᠤᠵᠦ᠂ ᠬᠤᠶᠠᠷ ᠬᠦᠪᠡᠬᠦᠨ ᠢ ᠣᠷᠣᠵᠦ ᠢᠷᠡᠬᠦᠢ ᠳᠤᠷ ᠲᠣᠯᠣᠭᠠᠢ ᠪᠠᠨ ᠪᠠᠭ᠎ᠠ ᠦᠯᠡᠶᠢᠵᠦ ᠬᠠᠷᠠᠭᠠᠳ ᠬᠦᠪᠡᠬᠦᠨ ᠳᠡᠭᠡᠨ ︽ᠶᠠᠭᠤᠨ  ᠳᠤ ᠡᠶᠢᠮᠦ ᠣᠷᠣᠢ ᠢᠷᠡᠪᠠ︾ ᠬᠡᠮᠡᠬᠦᠢ ᠳᠤᠷ ᠠᠯᠠᠭ ᠬᠦᠪᠡᠬᠦᠨ ᠡᠴᠢᠬᠡ ᠶᠢᠨ ᠡᠮᠦᠨ᠎ᠠ ᠠᠴᠠ ᠦᠬᠡ ᠲᠠᠭᠤᠨ ᠭᠠᠷᠣᠯ ᠦᠬᠡᠢ᠂ ᠵᠠᠨ᠎ᠠ ᠯᠤᠭ᠎ᠠ ᠪᠣᠰᠣᠳ ᠭᠠᠯ ᠲᠣᠭᠤᠷᠢᠭᠴᠢᠳ ᠯᠤᠭ᠎ᠠ ᠵᠡᠷᠭᠡᠴᠡᠨ ᠰᠠᠭᠤᠪᠠᠢ᠃ ᠪᠠᠶᠢᠰᠣᠩᠭᠤᠷ ᠰᠠᠶ᠋ᠢ ᠵᠠᠯᠠᠭᠤ ᠵᠣᠴᠢᠨ ᠢᠷᠡᠭᠰᠡᠨ ᠢ ᠦᠵᠡᠭᠡᠳ᠄ ︽ᠡ ᠰᠠᠶᠢᠨ ᠪᠠᠶᠢᠨᠠᠣ᠂ ᠶᠡᠭᠡ ᠪᠦᠬᠡ ᠬᠦᠭᠴᠦ ᠶᠢᠨ ᠱᠠᠪᠢ ᠨᠠᠰᠢ ᠢᠷᠡᠵᠦ ᠠᠳᠡ ᠰᠠᠭᠤ︾ ᠬᠡᠮᠡᠨ ᠪᠠᠷᠠᠭᠤᠨ ᠭᠠᠷ ᠤᠨ ᠲᠡᠷᠭᠡᠳᠡ ᠰᠠᠭᠤᠯᠭᠠᠵᠦ ᠦᠬᠦᠯᠡᠷᠦᠨ᠄ ︽ᠮᠢᠨᠣ ᠭᠡᠷ ᠲᠤᠷ ᠴᠢ ᠣᠷᠣᠵᠦ ᠢᠷᠡᠭᠰᠡᠨ ᠢᠨᠣ ᠶᠡᠬᠡᠯ᠎ᠡ ᠵᠣᠯ ᠵᠠᠶᠠᠭ᠎ᠠ ᠲᠣᠬᠢᠶᠠᠵᠣᠬᠤᠢ᠃ ᠶᠡᠭᠡ ᠪᠠᠭᠰᠢ ᠶᠢᠨ ᠢᠷᠦᠭᠡᠯ ᠢᠨᠣ ᠦᠨᠡᠨ ᠱᠠᠪᠢ ᠴᠢᠨᠣ ᠬᠤᠶᠢᠨ᠎ᠠ ᠠᠴᠠ ᠰᠠᠯᠣᠯ ᠦᠬᠡᠢ ᠮᠠᠭᠠᠳ ᠢᠷᠡᠳᠡᠭ ᠪᠣᠯᠠᠢ︾ ᠬᠡᠮᠡᠭᠡᠳ᠂ ᠵᠠᠨ᠎ᠠ ᠬᠦᠪᠡᠬᠦᠨ ᠤ ᠰᠢᠨ᠎ᠠ ᠵᠡᠪᠰᠡᠭ ᠢ ᠦᠵᠡᠨ ᠪᠠᠶᠠᠷᠯᠠᠭᠰᠠᠨ ᠴᠢᠷᠠᠢ ᠶᠢ ᠠᠨᠣ ᠲᠠᠨᠢᠭᠠᠳ᠄ ︽ᠡᠨᠡ ᠰᠠᠶᠢᠬᠠᠨ ᠵᠡᠷ ᠵᠡᠪᠰᠡᠭ ᠢ ᠪᠠᠭᠰᠢ ᠴᠢᠨᠣ ᠮᠠᠭᠠᠳ ᠦᠭᠬᠦᠭᠰᠡᠨ ᠪᠣᠢ ᠢ ᠎ᠡ᠂ ᠪᠠᠰᠨ ᠭᠠᠳᠠᠭ᠎ᠠ ᠰᠠᠶᠢᠬᠠᠨ ᠪᠣᠭᠤᠷᠣᠯ ᠤᠨ ᠢᠨᠴᠠᠭᠠᠬᠤ ᠠᠨᠣ ᠰᠣᠨᠣᠰᠳᠠᠮᠣᠢ᠃ ᠡᠬᠦᠨ ᠢ ᠪᠠᠰᠨ ᠬᠦᠭᠴᠦ ᠪᠦᠬᠡ ᠦᠭᠬᠦᠭᠰᠡᠨ ᠪᠣᠢ ᠢ ᠎ᠡ᠂ ᠬᠦᠭᠴᠦ ᠪᠦᠬᠡ ᠲᠣᠶᠢᠯ ᠤᠨ ᠰᠠᠶᠢᠨ ᠬᠦᠮᠦᠨ ᠪᠣᠯᠠᠢ︾ ᠬᠡᠮᠡᠨ ᠲᠣᠪ ᠲᠣᠭᠤᠢ ᠨᠡᠯᠢᠶᠡᠳ ᠰᠠᠭᠤᠭᠰᠠᠨ ᠤ ᠬᠤᠶᠢᠨ᠎ᠠ ᠪᠠᠰᠨ ᠲᠠᠬᠢᠨ ᠦᠬᠦᠯᠡᠷᠦᠨ᠄ ︽ᠮᠠᠨ ᠤ ᠶᠡᠭᠡ ᠪᠦᠬᠡ ᠪᠠᠭ᠎ᠠ ᠬᠦᠪᠡᠬᠦᠳ ᠢ ᠶᠣᠰᠣᠳᠠᠢ ᠴᠡᠷᠢᠭ ᠯᠦᠭᠡ ᠠᠳᠠᠯᠢ ᠵᠡᠪᠰᠡᠭᠯᠡᠬᠦᠯᠬᠦ ᠶᠢ ᠦᠵᠡᠪᠡᠰᠦ ᠣᠳᠣ ᠶᠡᠭᠡ ᠴᠠᠭ ᠢᠷᠡᠵᠦᠬᠦᠢ ︾ ᠬᠡᠮᠡᠮᠡᠭᠴᠡ ᠭᠠᠳᠠᠨ᠎ᠠ ᠠᠴᠠ ︽ᠶᠡᠭᠡ ᠴᠠᠭ ᠢᠷᠡᠪᠠᠢ︾ ᠬᠡᠮᠡᠭᠰᠡᠭᠡᠷ ᠨᠢᠭᠡᠨ ᠬᠦᠮᠦᠨ ᠡᠬᠦᠳᠡ ᠡᠷᠭᠦᠵᠦ ᠪᠣᠱᠤᠭ᠎ᠠ ᠶᠢ ᠠᠯᠬᠤᠭᠠᠳ ᠣᠷᠣᠵᠦ ᠢᠷᠡᠬᠦ ᠶᠢ ᠦᠵᠡᠪᠡᠰᠦ ᠴᠡᠭᠡᠵᠢ ᠦᠷᠭᠡᠨ ᠪᠡᠶ᠎ᠡ ᠦᠨᠳᠦᠷ᠂ ᠠᠷᠰᠯᠠᠨ ᠤ ᠲᠡᠯ ᠮᠡᠳᠣ ᠦᠳᠬᠡᠨ ᠬᠠᠷ᠎ᠠ ᠦᠰᠦ ᠲᠠᠢ᠂ ᠨᠢᠭᠤᠷ ᠢᠨᠣ ᠰᠢᠷ᠎ᠠ᠂ ᠰᠢᠳᠣᠨ ᠢᠨᠣ ᠲᠣᠩ ᠴᠠᠭᠠᠨ᠂ ᠦᠨᠳᠦᠷ ᠮᠠᠯᠠᠭᠠᠢ ᠶᠢᠨ ᠣᠷᠣᠢ ᠳᠤᠷ ᠭᠤᠷᠭᠤᠣᠯ ᠰᠢᠪᠠᠭᠤᠨ ᠤ ᠦᠳᠦ ᠬᠠᠳᠬᠤᠭᠰᠠᠨ ᠨᠢᠭᠡᠨ ᠬᠦᠮᠦᠨ ᠢ ᠪᠠᠶᠢᠰᠣᠩᠭᠤᠷ ᠦᠵᠡᠭᠡᠳ ᠣᠭᠳᠣᠵᠦ ᠶᠡᠬᠡᠯ᠎ᠡ ᠪᠠᠶᠠᠰᠣᠭᠰᠠᠨ ᠪᠠᠶᠢᠳᠠᠯ ᠢᠶᠠᠷ᠄ ︽ᠵᠣᠷᠢᠭᠳᠣ ᠪᠣᠭᠤᠷᠵᠢ ᠴᠢ ᠮᠢᠨᠢ ᠰᠠᠶᠢᠨ ᠤᠤ︖︾ ᠬᠡᠮᠡᠪᠡᠰᠦ᠂ ᠪᠣᠭᠤᠷᠵᠢ ᠴᠢᠩᠭ᠎ᠠ ᠪᠦᠲᠦᠭᠦᠨ ᠲᠠᠭᠤ ᠪᠠᠷ ᠦᠭᠦᠯᠡᠷᠦᠨ᠄ ︽ᠨᠦᠬᠦᠷ ᠴᠢ ᠪᠠ ᠴᠢᠨᠣ ᠡᠬᠡᠨᠡᠷ ᠬᠡᠣᠬᠡᠳ ᠵᠠᠷᠣᠴᠨ ᠪᠣᠭᠤᠯ ᠨᠠᠷ᠂ ᠪᠠᠰᠨ ᠲᠠᠨᠢᠭᠳᠠᠭᠠᠳᠣᠢ ᠵᠠᠯᠠᠭᠤ ᠬᠦᠪᠡᠬᠦᠨ ᠲᠨ ᠪᠦᠬᠦᠳᠡᠭᠡᠷ ᠰᠠᠶᠢᠨ ᠤᠤ︖︾ ᠬᠡᠮᠡᠨ ᠮᠡᠨᠳᠣ ᠶᠢ ᠠᠰᠠᠭᠤᠯᠴᠠᠨ ᠰᠠᠭᠤᠵᠣᠬᠤᠢ᠃ ᠪᠠᠶᠢᠰᠣᠩᠭᠤᠷ ᠦᠬᠦᠯᠡᠷᠦᠨ᠄ ︽ᠶᠡᠭᠡ ᠬᠦᠭᠴᠦ ᠶᠢᠨ ᠲᠡᠵᠢᠭᠡᠭᠰᠡᠨ ᠬᠦᠪᠡᠬᠦᠨ ᠵᠠᠨ᠎ᠠ ᠬᠡᠮᠡᠭᠴᠢ ᠡᠨᠡ ᠪᠦᠯᠦᠭᠡ︾ ᠬᠡᠮᠡᠪᠡᠰᠦ ᠪᠣᠭᠤᠷᠵᠢ ᠲᠣᠯᠣᠭᠠᠢ ᠪᠠᠨ ᠲᠣᠬᠢᠵᠦ᠄ ︽ᠶᠡᠭᠡ ᠠᠷᠰᠢ ᠳᠤᠷ ᠵᠠᠯᠪᠠᠷᠢᠮᠣᠢ︾ ᠬᠡᠮᠡᠨ ᠦᠬᠦᠯᠡᠭᠡᠳ᠂ ᠭᠠᠯ ᠤᠨ ᠵᠠᠬ᠎ᠠ ᠳᠤ ᠰᠠᠭᠤᠪᠠᠢ᠃ ᠪᠠᠶᠢᠰᠣᠩᠭᠤᠷ ᠤᠨ ᠡᠬᠡᠨᠡᠷ ᠢᠨᠣ ᠠᠶᠢᠷᠠᠭ ᠪᠠ ᠬᠤᠨᠢᠨ ᠤ ᠮᠢᠬ᠎ᠠ ᠠᠪᠴᠢᠷᠠᠵᠦ ᠲᠠᠯᠪᠢᠭᠰᠠᠨ ᠢ ᠪᠦᠬᠦᠳᠡᠭᠡᠷ ᠲᠣᠰ ᠲᠣᠰ ᠲᠠᠭᠠᠨ ᠢᠳᠡᠵᠦ ᠪᠠᠶᠢᠳᠠᠯ᠎ᠠ᠂ ᠪᠣᠭᠤᠷᠵᠢ ᠦᠬᠦᠯᠡᠷᠦᠨ᠄ ︽ᠲᠠ ᠨᠠᠷ ᠠᠳᠡ ᠠᠮᠣᠭᠤᠯᠠᠩ ᠰᠠᠭᠤᠮᠣᠢ᠂ ᠭᠠᠳᠠᠨ᠎ᠠ ᠬᠠᠷᠠᠩᠭᠤᠢ ᠰᠦᠨᠢ ᠪᠣᠯᠵᠦ᠂ ᠵᠦᠭ ᠪᠦᠷᠢ ᠠᠴᠠ ᠮᠠᠨ ᠤ ᠣᠯᠣᠰ ᠤᠨ ᠬᠦᠮᠦᠨ ᠠᠮᠢᠳᠠᠨ ᠴᠣᠭᠯᠠᠷᠠᠨ ᠢᠷᠡᠵᠦ ᠭᠤᠣᠯ ᠲᠦᠭᠦᠷᠡᠩ ᠪᠣᠢ᠂ ᠣᠨᠣᠨ ᠮᠦᠷᠡᠨ ᠤ ᠬᠦᠪᠡᠬᠦᠨ ᠳᠤᠷ ᠵᠡᠷ ᠵᠡᠪᠰᠡᠭ ᠲᠠᠬᠢᠨ ᠬᠠᠩᠬᠢᠨᠠᠬᠤ ᠴᠢᠮᠡᠭᠡ ᠰᠣᠨᠣᠰᠳᠠᠮᠣᠢ᠃ ᠮᠠᠷᠭᠠᠰᠢ ᠦᠷᠯᠦᠭᠡ ᠲᠡᠮᠦᠵᠢᠨ ᠡᠵᠡᠨ ᠤ ᠲᠡᠷᠬᠡᠳᠡ ᠭᠠᠪᠢᠶᠠᠳᠣ ᠪᠠᠭᠠᠳᠣᠷ ᠤᠳ ᠪᠠ ᠭᠤᠪᠢ ᠶᠢᠨ ᠡᠷᠡᠴᠣᠳ ᠴᠣᠭᠯᠠᠷᠠᠭᠰᠠᠨ ᠣᠯᠠᠨ ᠢ ᠭᠠᠶᠢᠬᠠᠬᠤ ᠬᠢᠭᠡᠳ ᠶᠡᠭᠡ ᠬᠡᠷᠡᠭ ᠢ ᠡᠬᠦᠳᠬᠦ ᠴᠠᠭ ᠪᠣᠯᠣᠭᠰᠠᠨ ᠠᠨᠣ ᠲᠨ ᠪᠦᠬᠦᠳᠡᠭᠡᠷ ᠲᠤᠷ ᠰᠣᠨᠣᠰᠳᠠᠮᠣᠢ ᠢ ᠎ᠡ︾ ᠬᠡᠮᠡᠬᠦ ᠯᠦᠭᠡ ᠬᠡᠨᠡᠳᠳᠡ ᠨᠣᠬᠠᠢ ᠶᠡᠬᠡᠯ᠎ᠡ ᠬᠤᠴᠠᠵᠦ ᠭᠡᠷ ᠲᠣᠭᠤᠷᠢᠨ ᠬᠦᠶᠦᠯᠳᠦᠭᠡᠳ ᠠᠳᠣᠭᠤ ᠢᠨᠴᠠᠭᠠᠯᠳᠣᠨ᠂ ᠦᠬᠡᠷ ᠮᠦᠬᠡᠷᠡᠯᠳᠦᠨ᠂ ᠬᠤᠨᠢ ᠢᠮᠠᠭ᠎ᠠ ᠮᠠᠶᠢᠯᠠᠯᠳᠣᠵᠦ᠂ ᠲᠡᠮᠡᠭᠡᠳ ᠲᠡᠪᠡᠷᠡᠬᠤ ᠰᠣᠨᠣᠰᠳᠠᠮᠣᠢ᠃ ᠡᠳᠡᠭᠡᠷ ᠣᠯᠠᠨ ᠠᠮᠢᠳᠠᠳ ᠰᠠᠨᠳᠣᠷᠬᠤ ᠶᠢ ᠰᠣᠨᠣᠰᠣᠭᠠᠳ ᠣᠴᠢᠷ ᠢ ᠣᠯᠵᠣ ᠦᠯᠦ ᠮᠡᠳᠡᠬᠦ ᠲᠣᠯᠨ᠂ ᠪᠦᠬᠦᠳᠡ ᠰᠣᠴᠢᠨ ᠭᠠᠶᠢᠬᠠᠯᠳᠣᠨ ᠰᠠᠭᠤᠳᠠᠯ ᠡᠴᠡᠭᠡᠨ ᠪᠣᠰᠴᠠᠭᠠᠵᠦ ᠵᠣᠭᠰᠣᠨ ᠪᠠᠶᠢᠳᠠᠯ᠎ᠠ ᠪᠠᠶᠢᠰᠣᠩᠭᠤᠷ ᠰᠠᠶ᠋ᠢ ᠣᠬᠠᠭᠠᠨ ᠣᠯᠵᠦ ᠬᠦᠪᠡᠬᠦᠨ ᠳᠡᠭᠡᠨ᠄ ︽ᠴᠢ ᠶᠠᠭᠠᠬᠢᠵᠦ ᠠᠳᠡ ᠰᠠᠭᠤᠮᠣᠢ᠂ ᠬᠤᠷᠳᠣᠨ ᠭᠠᠷᠴᠦ ᠮᠠᠯ ᠢᠶᠠᠨ ᠦᠵᠡ︕︾ ᠬᠡᠮᠡᠨ ᠵᠠᠩᠳᠣᠷᠣᠨ ᠬᠡᠯᠡᠬᠦᠢ ᠳᠤᠷ᠂ ᠬᠤᠶᠠᠷ ᠬᠦᠪᠡᠬᠦᠨ ᠬᠦᠶᠦᠯᠳᠦᠨ ᠭᠠᠷᠪᠠᠰᠣ ᠣᠨᠣᠨ ᠭᠤᠣᠯ ᠲᠦᠭᠦᠷᠡᠩ ᠮᠠᠨᠠᠨ ᠲᠠᠳᠠᠭᠰᠠᠨ ᠪᠣᠯᠪᠠᠴᠣ ᠰᠠᠷᠠᠨ ᠤ ᠬᠡᠷᠡᠯ ᠮᠠᠨᠠᠨ ᠢ ᠨᠡᠪᠳᠡᠯᠦᠨ ᠬᠡᠶᠢᠬᠦᠯᠦᠭᠡᠳ ᠶᠠᠭᠤᠮ᠎ᠠ ᠪᠦᠬᠦᠳᠡ ᠮᠠᠰᠢ ᠲᠣᠮᠣ ᠪᠣᠯᠣᠨ ᠦᠵᠡᠭᠳᠡᠮᠦᠢ᠃ ᠡᠬᠦᠨ ᠳᠤᠷ ᠠᠯᠠᠭ ᠬᠦᠪᠡᠬᠦᠨ ᠠᠳᠣᠭᠤᠨ ᠤ ᠵᠦᠭ ᠣᠳᠪᠠᠢ᠃ ᠲᠡᠨᠳᠡ ᠠᠴᠠ ᠵᠠᠨ᠎ᠠ ᠬᠦᠪᠡᠬᠦᠨ ᠮᠠᠯ ᠤᠨ ᠬᠤᠷᠣᠭᠠᠨ ᠤ ᠡᠬᠦᠳᠡᠨ ᠳᠤᠷ ᠲᠠᠯᠪᠢᠭᠰᠠᠨ ᠰᠢᠯᠪᠢᠭᠦᠷ ᠢ ᠠᠪᠴᠣ ᠬᠡᠳᠦᠨ ᠣᠳᠠᠭ᠎ᠠ ᠴᠣᠬᠢᠵᠦ ᠲᠣᠣᠭᠠᠷᠭᠠᠬᠤᠢ ᠯᠤᠭ᠎ᠠ ᠲᠠᠭᠠᠵᠦ ᠶᠠᠪᠣᠭᠰᠠᠨ ᠬᠤᠳᠠᠴᠢ ᠨᠣᠬᠠᠢ ᠨᠤᠭᠤᠳ ᠴᠢᠩᠭ᠎ᠠ ᠬᠤᠴᠠᠯᠳᠣᠨ ᠬᠦᠶᠦᠯᠴᠡᠵᠦ ᠮᠠᠯ ᠤᠳ ᠢᠶᠠᠨ ᠡᠷᠬᠢᠨ ᠲᠣᠭᠤᠷᠢᠨ ᠬᠤᠷᠢᠵᠦ᠂ ᠰᠦᠷᠦᠭ ᠤᠳ ᠨᠠᠮ ᠬᠦᠮ ᠴᠢᠮᠡᠭᠡ ᠦᠬᠡᠢ ᠪᠣᠯᠣᠭᠰᠠᠨ ᠳᠤᠷ ᠵᠠᠨ᠎ᠠ ᠬᠦᠪᠡᠬᠦᠨ ᠨᠦᠬᠦᠷ ᠤᠨ ᠢᠶᠠᠨ ᠬᠤᠶᠢᠨ᠎ᠠ ᠠᠴᠠ ᠡᠴᠢᠪᠡᠰᠦ ᠠᠳᠣᠭᠤᠨ ᠤ ᠲᠣᠮᠳᠠ ᠲᠠᠭᠤ ᠭᠠᠷᠣᠮᠣᠢ᠃ ᠠᠳᠣᠭᠤ ᠪᠠᠨ ᠲᠣᠭᠳᠠᠭᠠᠭᠰᠠᠨ ᠤ ᠬᠤᠶᠢᠨ᠎ᠠ ᠬᠤᠶᠠᠷ ᠬᠦᠪᠡᠬᠦᠨ ᠮᠣᠷᠢᠨ ᠳᠠᠭᠠᠨ ᠮᠣᠷᠳᠠᠵᠦ ᠬᠡᠷ ᠲᠡᠭᠡᠨ ᠬᠠᠷᠢᠶ᠎ᠠ ᠬᠡᠮᠡᠨ ᠮᠣᠷᠢᠨ ᠤ ᠠᠮᠠᠨ ᠢ ᠵᠠᠯᠠᠬᠤ ᠬᠡᠮᠡᠳᠡᠯ᠎ᠡ ᠠᠯᠠᠭ ᠬᠦᠪᠡᠬᠦᠨ ᠵᠠᠨ᠎ᠠ ᠶᠢᠨ ᠭᠠᠷ ᠠᠴᠠ ᠪᠠᠷᠢᠭᠠᠳ ᠬᠡᠳᠡᠷᠭᠦ ᠡᠷᠬᠢᠵᠦ ᠦᠬᠦᠯᠡᠷᠦᠨ᠂ ︽ᠨᠦᠬᠦᠷ ᠡ ᠬᠠᠷᠠᠵᠦ ᠦᠵᠡ᠂ ᠲᠡᠯᠢᠭᠦᠨ ᠪᠣᠯᠳᠤᠭ ᠲᠣᠪᠣᠶᠢᠵᠦ ᠪᠠᠶᠢᠮᠣᠢ︾ ᠬᠡᠮᠡᠭᠰᠡᠨ  ᠳᠤᠷ ᠵᠠᠨ᠎ᠠ ᠬᠦᠪᠡᠬᠦᠨ ᠵᠢᠭᠠᠭᠰᠠᠨ ᠵᠦᠭ ᠬᠠᠷᠠᠭᠠᠳ ᠮᠠᠰᠢᠳᠠ ᠭᠠᠶᠢᠬᠠᠨ ᠪᠠᠰᠨ ᠠᠶᠣᠨ ᠰᠠᠶᠢᠨ ᠪᠣᠭᠤᠷᠣᠯ ᠤᠨ ᠲᠣᠯᠣᠭᠠᠢ ᠳᠤᠷ ᠰᠢᠷᠭᠤᠨ ᠲᠣᠩᠭᠤᠶᠢᠵᠣᠬᠤᠢ᠃ ᠡᠨᠡ ᠶᠠᠭᠤᠨ ᠪᠣᠯᠪᠠ ᠬᠡᠮᠡᠪᠡᠰᠦ ᠲᠡᠯᠢᠭᠦᠨ ᠪᠣᠯᠳᠤᠭ ᠤᠨ ᠣᠷᠣᠢ  ᠳᠤᠷ ᠮᠠᠨᠠᠨ ᠤ ᠲᠣᠮᠳᠠ ᠠᠴᠠ ᠨᠢᠭᠡᠨ ᠲᠦᠬᠦᠷᠢᠭ ᠬᠢᠯᠭᠠᠷ ᠬᠡᠷᠡᠯ ᠭᠠᠷᠣᠭᠠᠳ ᠣᠯᠠᠮ ᠶᠡᠬᠡᠳᠦᠭᠰᠡᠭᠡᠷ ᠴᠢᠰᠦᠨ ᠣᠯᠠᠭᠠᠨ ᠦᠩᠭᠡᠲᠠᠢ ᠪᠣᠯᠵᠦ ᠭᠠᠳᠠᠭᠰᠢ ᠪᠠᠨ ᠮᠠᠰᠢ ᠬᠤᠷᠴᠨ ᠲᠠᠪᠣᠨ ᠦᠩᠭᠡ ᠶᠢᠨ ᠬᠡᠷᠡᠯ ᠰᠠᠴᠣᠷᠠᠭᠤᠯᠣᠮᠦᠢ᠃ ᠲᠡᠯᠢᠬᠦᠨ ᠪᠣᠯᠳᠤᠭ ᠤᠨ ᠣᠷᠣᠢ ᠶᠢ ᠪᠦᠷᠬᠦᠭᠰᠡᠨ ᠡᠬᠦᠯᠨ ᠪᠣᠳᠠᠩ ᠢ ᠬᠠᠭ᠎ᠠ ᠲᠣᠰᠣᠭᠰᠠᠨ ᠴᠣᠭᠤᠷᠣᠬᠠᠢ ᠲᠣᠳᠣᠷ᠎ᠠ ᠨᠢᠭᠡᠨ ᠮᠣᠷᠢ ᠣᠨᠣᠭᠰᠠᠨ ᠮᠡᠳᠣ ᠶᠡᠭᠡ ᠪᠡᠶᠡᠲᠠᠢ ᠬᠦᠮᠦᠨ ᠬᠦᠳᠡᠯᠦᠯ ᠦᠬᠡᠢ ᠵᠣᠭᠰᠣᠵᠦ᠂ ᠲᠡᠬᠦᠨ ᠤ ᠪᠡᠶ᠎ᠡ ᠳᠤᠷ ᠰᠠᠶᠢᠬᠢ ᠭᠠᠶᠢᠬᠠᠮᠰᠢᠭᠳᠠᠢ ᠲᠣᠶᠠᠭ᠎ᠠ ᠲᠣᠰᠣᠵᠣᠬᠤᠢ᠃ ᠮᠠᠨ ᠤ ᠬᠤᠶᠠᠷ ᠬᠦᠪᠡᠬᠦᠨ ᠶᠡᠬᠡᠯ᠎ᠡ ᠠᠶᠣᠨ ᠡᠮᠢᠶᠡᠪᠡᠴᠦ ᠨᠢᠳᠣᠨ ᠢᠶᠠᠨ ᠰᠠᠯᠭᠠᠯ ᠦᠬᠡᠢ ᠰᠣᠷᠢᠨᠵᠢᠨ ᠬᠦᠷᠦ ᠳᠤᠷ ᠲᠠᠳᠠᠭᠳᠠᠭᠰᠠᠨ ᠮᠡᠳᠣ ᠬᠠᠷᠠᠵᠦ ᠭᠠᠶᠢᠬᠠᠨ ᠪᠠᠶᠢᠳᠠᠯ᠎ᠠ ᠬᠡᠳᠦᠨ ᠬᠤᠪᠢ ᠦᠩᠭᠡᠷᠡᠭᠡᠳ᠂ ᠣᠷᠢᠳ ᠪᠦᠲᠦᠭᠦᠨ ᠬᠦᠮᠦᠨ ᠦᠬᠡᠢ ᠪᠣᠯᠣᠨ᠂ ᠲᠠᠷᠠᠭ᠎ᠠ ᠪᠠᠷ ᠲᠣᠶᠠᠭ᠎ᠠ ᠨᠠᠮᠬᠠᠷᠠᠭᠰᠠᠭᠠᠷ ᠮᠠᠨᠠᠨ ᠪᠣᠳᠠᠩ ᠲᠣᠳᠣᠷ᠎ᠠ ᠰᠢᠩᠬᠡᠬᠦᠢ ᠯᠦᠭᠡ ᠬᠠᠷ᠎ᠠ ᠡᠬᠦᠯᠡᠨ ᠤ ᠴᠢᠨᠠᠳᠣ ᠠᠴᠠ ᠰᠠᠷᠠᠨ ᠮᠠᠨᠳᠣᠵᠦ᠂ ᠴᠢᠰᠦᠨ ᠣᠯᠠᠭᠠᠨ ᠦᠩᠭᠡᠲᠣ ᠲᠦᠭᠦᠷᠢᠭ ᠬᠡᠷᠡᠯ ᠣᠭᠳᠣ ᠦᠵᠡᠭᠳᠡᠬᠦ ᠦᠬᠡᠢ ᠪᠣᠯᠣᠭᠠᠳ ᠣᠷᠴᠢᠨ ᠲᠣᠭᠤᠷᠢᠨ ᠬᠠᠭᠤᠴᠢᠨ ᠬᠡᠪ ᠢᠶᠠᠷ ᠪᠦᠷᠦᠭ ᠰᠦᠨᠢ ᠪᠣᠯᠵᠣᠬᠤᠢ᠃ ᠵᠠᠯᠠᠭᠤ ᠬᠦᠪᠡᠬᠦᠳ ᠰᠠᠶ᠋ᠢ ᠮᠡᠳᠡᠭᠡ ᠣᠷᠣᠵᠦ ᠵᠠᠨ᠎ᠠ ᠦᠬᠦᠯᠡᠷᠦᠨ᠄ ︽ᠠᠢ ᠨᠦᠬᠦᠷ ᠮᠢᠨᠥ ᠰᠣᠨᠣᠰ᠂ ᠡᠨᠡ ᠪᠦᠬᠦᠳᠡ ᠭᠠᠶᠢᠬᠠᠮᠰᠢᠭ ᠤᠳ ᠢ ᠠᠵᠢᠭᠯᠠᠪᠠᠰᠣ ᠨᠢᠭᠡᠨ ᠶᠡᠭᠡ ᠴᠠᠭ ᠣᠶᠢᠷᠠᠳᠣᠵᠣᠬᠤᠢ᠂ ᠮᠠᠨ ᠤ ᠬᠦᠭᠴᠦ ᠪᠦᠬᠡ ᠶᠢᠨ ᠦᠬᠡ ᠪᠠᠷ ᠪᠣᠯᠪᠠᠰᠣ ︿ᠲᠡᠯᠢᠭᠦᠨ ᠪᠣᠯᠳᠤᠭ ᠲᠡᠭᠡᠷ᠎ᠡ ᠶᠡᠷᠦ ᠪᠣᠰᠣ ᠶᠢᠨ ᠦᠵᠡᠭᠳᠡᠯ ᠭᠠᠷᠬᠤᠢ  ᠯᠤᠭ᠎ᠠ ᠶᠡᠭᠡ ᠭᠠᠶᠢᠬᠠᠮᠰᠢᠭᠲᠠᠢ ᠡᠳᠦᠷ ᠤᠳ ᠢᠷᠡᠮᠦᠢ﹀ ᠬᠡᠮᠡᠨ ᠬᠡᠯᠡᠳᠡᠭ ᠪᠢᠯᠨ︾ ᠬᠡᠮᠡᠪᠡᠰᠦ ᠠᠯᠠᠭ ᠬᠦᠪᠡᠬᠦᠨ ᠨᠦᠬᠦᠷ ᠤᠨ ᠵᠦᠭ ᠵᠡᠪᠡᠭᠦᠷᠬᠡᠨ ᠬᠠᠷᠠᠵᠦ ᠶᠡᠭᠡ ᠠᠷᠰᠢ ᠶᠢᠨ ᠬᠠᠮᠤᠭ ᠨᠢᠭᠤᠴᠨ ᠶᠢ ᠵᠠᠨ᠎ᠠ ᠮᠡᠳᠡᠮᠦᠢ ᠢ ᠎ᠡ ᠬᠡᠮᠡᠨ ᠰᠠᠨᠠᠭᠠᠳ ᠪᠢᠰᠢᠷᠡᠭᠰᠡᠭᠡᠷ ᠬᠤᠶᠠᠷ ᠬᠦᠪᠡᠬᠦᠨ ᠲᠠᠭᠤᠨ ᠦᠬᠡᠢ ᠨᠢᠰᠬᠦ ᠮᠡᠳᠣ ᠭᠡᠷ ᠲᠡᠭᠡᠨ ᠬᠦᠷᠪᠡᠰᠦ ᠪᠣᠭᠤᠷᠵᠢ ᠰᠠᠶ᠋ᠢ ᠮᠡᠨᠳᠣ ᠪᠠᠨ ᠠᠰᠠᠭᠤᠯᠴᠠᠨ ᠮᠣᠷᠳᠠᠵᠦ ᠮᠣᠷᠢ ᠪᠠᠨ ᠲᠠᠰᠢᠭᠤᠷᠳᠠᠨ ᠮᠠᠨᠠᠨ ᠲᠣᠳᠣᠷ᠎ᠠ ᠲᠠᠯᠳᠠ ᠣᠷᠣᠪᠠ᠃ ᠬᠡᠷ ᠲᠡᠭᠡᠨ ᠣᠷᠣᠪᠠᠰᠣ ᠪᠠᠶᠢᠰᠣᠩᠭᠤᠷ ᠶᠡᠬᠡᠳᠡ ᠪᠣᠳᠣᠯᠭ᠎ᠠ ᠲᠠᠢ ᠪᠠᠷ ᠭᠡᠷ ᠲᠣᠳᠣᠷ᠎ᠠ ᠪᠠᠨ ᠣᠷᠣᠭᠰᠢ ᠬᠤᠶᠢᠰᠢ ᠠᠯᠬᠤᠯᠠᠮᠣᠢ᠃ ᠬᠦᠪᠡᠬᠦᠳ ᠤᠨ ᠣᠷᠣᠵᠦ ᠢᠷᠡᠬᠦ ᠶᠢ ᠦᠵᠡᠪᠡᠰᠦ ᠦᠪᠡᠷ ᠤᠨ ᠬᠦᠪᠡᠬᠦᠨ ᠠᠯᠠᠭ ᠤᠨ ᠴᠢᠷᠠᠢ ᠠᠨᠣ ᠴᠠᠪ ᠴᠠᠭᠠᠨ ᠪᠣᠯᠣᠭᠰᠠᠨ ᠢ ᠦᠵᠡᠭᠡᠳ ᠬᠦᠪᠡᠬᠦᠨ ᠢᠶᠠᠨ ᠲᠡᠪᠡᠷᠢᠵᠦ᠄ ︽ᠶᠠᠭᠤᠨ ᠠᠴᠠ ᠠᠶᠣᠪᠠ︾ ᠬᠡᠮᠡᠨ ᠠᠰᠠᠭᠤᠪᠠᠰᠣ ᠡᠨᠡ ᠬᠤᠶᠠᠷ ᠬᠦᠪᠡᠬᠦᠨ ᠦᠵᠡᠭᠰᠡᠨ ᠪᠦᠬᠦᠳᠡ ᠶᠢ ᠨᠢᠭᠡ ᠨᠢᠭᠡᠨ ᠢᠶᠠᠷ ᠲᠣᠭᠠᠴᠢᠨ ᠬᠡᠯᠡᠬᠦᠢ ᠯᠦᠭᠡ ᠮᠣᠩᠭᠤᠯ ᠤᠨ ᠵᠠᠩᠵᠣᠨ ᠰᠡᠳᠬᠢᠯ ᠬᠦᠳᠡᠯᠦᠭᠰᠡᠨ ᠪᠣᠯᠪᠠᠴᠣ ᠢᠯᠨ ᠭᠠᠷᠭᠠᠯ ᠦᠬᠡᠢ ᠰᠠᠨᠠᠭᠠᠨ ᠠᠯᠳᠠᠵᠦ ᠦᠬᠦᠯᠡᠷᠦᠨ᠄ ︽ᠬᠡᠣᠬᠡᠳ ᠮᠢᠨᠥ ᠬᠡᠪᠳᠡᠵᠦ ᠣᠨᠳᠠᠭᠳᠣᠨ᠂ ᠦᠵᠡᠭᠳᠡᠯ ᠦᠬᠡᠢ ᠣᠴᠢᠷ ᠠᠨᠣ ᠬᠤᠵᠢᠮ ᠮᠡᠳᠡᠭᠳᠡᠮᠦᠢ ᠢ ᠎ᠡ᠂ ᠵᠠᠨ᠎ᠠ ᠬᠦᠪᠡᠬᠦᠨ ᠴᠢ ᠮᠠᠨ ᠤ ᠭᠡᠷ ᠲᠤᠷ ᠣᠨᠳᠠᠳᠣᠭᠠᠢ᠂ ᠬᠠᠷᠠᠩᠭᠤᠢ ᠰᠦᠨᠢ ᠲᠡᠶᠢᠮᠦ ᠲᠦᠪᠡᠭᠲᠠᠢ ᠠᠭᠤᠯᠠᠨ ᠳᠤᠷ ᠭᠠᠷᠴᠣ ᠪᠣᠯᠬᠤ ᠦᠬᠡᠢ᠂ ᠶᠠᠭᠤᠨ ᠴᠣ᠋ ᠪᠣᠯᠪᠠ᠂ ᠮᠠᠨ ᠤ ᠢᠯᠡᠳᠳᠡ ᠶᠢᠨ ᠲᠠᠶᠢᠰᠣᠨ ᠳᠤᠷ ᠬᠦᠴᠦᠲᠦ ᠲᠡᠮᠦᠵᠢᠨ ᠪᠠᠶᠢᠯᠳᠣᠮᠣᠢ᠂ ᠲᠠᠯᠳᠠ ᠶᠢᠨ ᠲᠠᠶᠢᠰᠦᠨ ᠳᠤᠷ ᠬᠦᠭᠴᠦ ᠪᠦᠬᠡ ᠲᠣᠰᠠᠯᠠᠯᠴᠠᠮᠣᠢ ᠠᠮᠣᠷ ᠣᠨᠳᠠᠭᠳᠣᠨ︾ ᠬᠡᠮᠡᠬᠦᠢ ᠳᠤᠷ ᠬᠤᠶᠠᠷ ᠬᠦᠪᠡᠬᠦᠨ ᠢᠰᠡᠭᠡᠢ ᠲᠡᠪᠢᠰᠴᠦ ᠵᠡᠷᠭᠡᠴᠡᠨ ᠣᠨᠳᠠᠪᠠᠢ᠃ ᠪᠠᠶᠢᠰᠣᠩᠭᠤᠷ ᠵᠡᠷ ᠵᠡᠪᠰᠡᠭ ᠢᠶᠠᠨ ᠨᠢᠭᠡᠨ ᠣᠳᠠᠭ᠎ᠠ ᠦᠵᠡᠭᠡᠳ ᠦᠪᠡᠷ ᠤᠨ ᠲᠣᠯᠣᠭᠠᠢ ᠶᠢᠨ ᠲᠡᠷᠭᠡᠳᠡ ᠲᠠᠯᠪᠢᠨ ᠣᠨᠳᠠᠭᠰᠠᠨ᠎ᠠ᠂ ᠣᠳᠠᠯ ᠦᠬᠡᠢ ᠬᠡᠷ ᠲᠣᠳᠣᠷᠠᠬᠢ ᠬᠦᠮᠦᠰ ᠴᠦᠮ ᠣᠨᠳᠠᠵᠠᠭᠠᠪᠠᠢ᠃ ᠭᠠᠭᠴᠨ ᠵᠠᠨ᠎ᠠ ᠬᠦᠪᠡᠬᠦᠨ ᠤ ᠰᠡᠳᠬᠢᠯ ᠬᠦᠳᠡᠯᠦᠨ ᠨᠣᠶᠢᠷ ᠰᠡᠷᠭᠦᠵᠦ ᠬᠡᠪᠳᠡᠰᠢᠨ ᠳᠡᠭᠡᠨ ᠲᠡᠮᠡᠶᠢᠯᠨ ᠬᠦᠷᠪᠡᠭᠰᠡᠭᠡᠷ ᠦᠷ ᠴᠠᠶᠢᠯᠭᠠᠵᠦ ᠰᠡᠮᠡᠭᠡᠷ ᠭᠠᠷᠣᠭᠠᠳ ᠦᠷᠦᠭᠡᠯᠳᠦᠵᠦ ᠪᠠᠶᠢᠭᠰᠠᠨ ᠰᠠᠶᠢᠨ ᠪᠣᠭᠤᠷᠣᠯ ᠮᠣᠷᠢ ᠪᠠᠨ ᠲᠠᠶᠢᠯᠵᠦ ᠠᠪᠣᠨ ᠬᠦᠵᠦᠬᠦᠣ ᠶᠢ ᠴᠣᠬᠢᠵᠦ ᠡᠷᠬᠢᠭᠦᠯᠦᠨ ᠣᠨᠣᠭᠠᠳ ᠬᠡᠷ ᠤᠨ ᠵᠦᠭ ᠶᠠᠪᠣᠪᠠᠢ᠃ ᠵᠠᠨ᠎ᠠ ᠬᠦᠪᠡᠬᠦᠨ ᠮᠣᠷᠢ ᠪᠠᠨ ᠠᠯᠬᠤᠯᠠᠭᠤᠯᠣᠨ ᠶᠠᠪᠣᠬᠤ ᠶᠢᠨ ᠵᠠᠪᠰᠠᠷ᠎ᠠ ᠡᠶᠢᠨ ᠰᠡᠳᠬᠢᠷᠦᠨ᠂ ᠡᠨᠡ ᠡᠳᠦᠷ ᠶᠡᠭᠡ ᠬᠤᠷᠠᠯᠳᠣᠭᠠᠨ ᠪᠣᠯᠵᠦ ᠣᠨᠣᠨ ᠮᠦᠷᠡᠨ ᠤ ᠬᠦᠪᠡᠬᠡᠨ ᠲᠡᠭᠡᠷ᠎ᠡ ᠣᠯᠠᠨ ᠮᠢᠩᠭᠠᠨ ᠮᠣᠩᠭᠤᠯ ᠤᠨ ᠴᠡᠷᠢᠭ ᠴᠣᠭᠯᠠᠷᠠᠬᠤ ᠠᠨᠣ ᠲᠡᠳᠡ ᠪᠦᠬᠦᠳᠡᠭᠡᠷ ᠪᠦᠬᠡ ᠶᠢᠨ ᠮᠦᠷᠭᠦᠯ ᠲᠠᠢ᠂ ᠭᠠᠭᠴᠨ ᠪᠢ ᠯᠠᠯᠣ ᠶᠢᠨ ᠮᠦᠷᠭᠦᠯ ᠲᠠᠢ᠂ ᠡᠳᠡ ᠪᠦᠬᠦᠳᠡ ᠵᠢᠷᠦᠬᠡ ᠲᠠᠢ ᠪᠦᠬᠡᠳ ᠰᠣᠷᠣᠮᠠᠭᠠᠢ ᠴᠡᠷᠢᠭ ᠤᠳ ᠮᠠᠭᠠᠳ ᠮᠦᠨ᠂ ᠪᠢ ᠭᠠᠭᠴᠠᠭᠠᠷ ᠨᠠᠰᠣᠨ ᠪᠠᠭ᠎ᠠ᠂ ᠵᠡᠪᠰᠡᠭ ᠢᠶᠠᠨ ᠬᠡᠷᠡᠭᠯᠡᠵᠦ ᠴᠢᠳᠠᠬᠤ ᠦᠬᠡᠢ ᠮᠡᠳᠣ ᠪᠠᠶᠢᠨᠠᠮ᠂ ᠣᠳᠣ ᠶᠠᠭᠠᠬᠢᠶ᠎ᠠ ᠬᠡᠮᠡᠨ ᠭᠤᠨᠢᠭᠯᠠᠵᠦ ᠰᠡᠳᠬᠡᠬᠦᠢ ᠯᠦᠭᠡ ᠰᠠᠭᠠᠳᠠᠭ ᠲᠣᠳᠣᠷᠠᠬᠢ ᠰᠣᠮᠣ  ᠨᠤᠭᠤᠳ ᠰᠡᠮᠡᠬᠡᠨ ᠢᠶᠠᠷ ᠴᠢᠩᠭᠢᠨᠡᠨ ᠨᠠᠮᠠᠢᠢ ᠠᠪᠴᠣ ᠦᠵᠡᠨ᠎ᠡ ᠤᠤ ᠬᠡᠮᠡᠬᠦ ᠮᠡᠳᠣ ᠴᠢᠮᠡᠭᠡ ᠭᠠᠷᠬᠤ ᠶᠢ ᠰᠣᠨᠣᠰᠣᠭᠠᠳ ᠰᠠᠶᠢᠬᠠᠨ ᠵᠡᠷ ᠵᠡᠪᠰᠡᠭ ᠢᠶᠠᠨ ᠦᠵᠡᠰᠦᠬᠡᠢ ᠬᠡᠮᠡᠬᠦ ᠰᠡᠳᠬᠢᠯ ᠶᠡᠬᠡᠳᠡ ᠲᠦᠷᠦᠵᠦᠬᠦᠢ᠃ ᠡᠨᠡᠬᠦ ᠶᠠᠪᠣᠵᠦ ᠪᠦᠬᠦᠢ ᠭᠠᠵᠠᠷ ᠠᠨᠣ ᠬᠤᠶᠠᠷ ᠬᠠᠵᠠᠭᠤ ᠪᠠᠷ ᠪᠣᠭᠤᠨᠢ ᠨᠠᠷᠠᠰᠣᠨ ᠮᠣᠳᠣ ᠪᠠᠷ ᠪᠦᠷᠬᠦᠭᠰᠡᠨ ᠪᠠᠭ᠎ᠠ ᠪᠠᠭ᠎ᠠ ᠠᠭᠤᠯᠨ ᠲᠠᠢ ᠭᠤᠣᠯ ᠪᠦᠬᠡᠳ ᠠᠳᠡ ᠲᠡᠨᠳᠡ ᠬᠤᠨᠢᠨ ᠤ ᠴᠢᠨᠡᠭᠡ ᠪᠣᠯᠣ ᠴᠢᠯᠠᠭᠤ ᠪᠠᠶᠢᠮᠣᠢ᠃ ᠵᠠᠨ᠎ᠠ ᠬᠦᠪᠡᠬᠦᠨ ᠮᠣᠷᠢᠨ ᠠᠴᠠ ᠪᠠᠭᠤᠵᠦ ᠨᠣᠭᠤᠭᠠᠨ ᠳᠤᠷ ᠲᠠᠯᠪᠢᠭᠠᠳ ᠦᠬᠡᠷ ᠴᠢᠯᠠᠭᠤᠨ ᠲᠡᠭᠡᠷ᠎ᠡ ᠰᠠᠭᠤᠵᠦ ᠰᠠᠶ᠋ᠢ ᠰᠠᠭᠠᠳᠠᠭ ᠬᠤᠷᠣᠮᠰᠠᠭ᠎ᠠ ᠪᠠᠨ ᠨᠡᠭᠡᠭᠡᠵᠦ ᠦᠵᠡᠪᠡᠰᠦ ᠰᠠᠭᠠᠳᠠᠭ ᠲᠣᠳᠣᠷ᠎ᠠ ᠬᠤᠷᠢᠨ ᠬᠡᠳᠦᠨ ᠰᠣᠮᠣ ᠪᠣᠢ᠂ ᠵᠠᠷᠢᠮ ᠠᠨᠣ ᠶᠡᠭᠡ ᠵᠡᠪᠡ ᠲᠠᠢ ᠠᠯᠠᠯᠳᠣᠭᠠᠨ ᠳᠤ ᠪᠠᠷᠢᠬᠤ ᠬᠦᠨᠳᠣ᠂ ᠵᠠᠷᠢᠮ ᠠᠨᠣ ᠠᠪᠠ ᠳᠤ ᠪᠠᠷᠢᠬᠤ ᠬᠦᠩᠬᠡᠨ᠂ ᠣᠨᠢ ᠠᠨᠣ ᠪᠦᠬᠦᠳᠡ ᠰᠠᠶᠢᠬᠠᠨ ᠶᠠᠩᠵᠦ ᠪᠠᠷ ᠬᠢᠭᠰᠡᠨ᠂ ᠪᠠᠰᠨ ᠵᠠᠷᠢᠮ ᠰᠣᠮᠣ ᠶᠢᠨ ᠮᠦᠰᠦᠨ ᠲᠡᠭᠡᠷ᠎ᠡ ᠡᠯᠳᠡᠪ ᠢᠶᠠᠷ ᠬᠠᠭᠠᠷᠢᠵᠦ ᠬᠡᠬᠡᠯᠡᠭᠰᠡᠨ ᠵᠢᠷᠤᠭ ᠲᠠᠢ ᠠᠵᠣᠭᠤ᠃ ᠮᠠᠨᠠᠨ ᠲᠠᠷᠬᠠᠵᠦ ᠵᠡᠬᠦᠨ ᠵᠦᠭ ᠠᠴᠠ ᠨᠠᠷᠠᠨ ᠮᠠᠨᠳᠣᠵᠦ ᠠᠭᠤᠯᠨ ᠶᠢᠨ ᠣᠷᠣᠢ ᠪᠠᠷ ᠨᠠᠷᠠᠨ ᠤ ᠬᠡᠷᠡᠯ ᠲᠣᠰᠴᠣ ᠬᠡᠶᠢᠬᠦᠯᠦᠨ ᠢᠷᠡᠪᠡᠰᠦ ᠵᠠᠨ᠎ᠠ ᠬᠦᠪᠡᠬᠦᠨ ᠰᠣᠮᠣᠳ ᠤᠨ ᠰᠠᠶᠢᠬᠠᠨ ᠢ ᠰᠠᠶ᠋ᠢ ᠨᠠᠷᠢᠪᠴᠢᠯᠠᠨ ᠦᠵᠡᠭᠡᠳ ᠶᠡᠬᠡᠯ᠎ᠡ ᠪᠠᠶᠠᠷᠯᠠᠨ ᠨᠣᠮᠣ ᠪᠠᠨ ᠠᠪᠴᠣ ᠣᠨᠢᠯᠠᠨ ᠲᠠᠳᠠᠶ᠎ᠠ ᠬᠡᠮᠡᠪᠡᠰᠦ ᠶᠡᠭᠡ ᠴᠡᠷᠢᠭ ᠤᠨ ᠪᠠᠷᠢᠬᠤ ᠨᠣᠮᠣ ᠲᠣᠯᠨ ᠵᠠᠨ᠎ᠠ ᠬᠦᠪᠡᠬᠦᠨ ᠠᠷᠠᠶᠢᠬᠠᠨ ᠲᠠᠳᠠᠵᠦ ᠬᠦᠪᠴᠢ ᠶᠢ ᠨᠢ ᠬᠠᠭᠠᠰ ᠲᠤᠷ ᠬᠦᠷᠬᠡᠭᠡᠳ ᠠᠯᠳᠠᠵᠣᠬᠤᠢ᠃ ᠬᠦᠪᠴᠢ ᠢᠨᠣ ᠲᠡᠪᠬᠡᠨ ᠤ ᠲᠡᠭᠡᠷ᠎ᠡ ᠪᠠᠨ ᠬᠠᠩᠬᠢᠨᠠᠨ ᠪᠠᠭᠤᠬᠤᠢ ᠳᠤᠷ ᠵᠠᠨ᠎ᠠ ᠬᠦᠪᠡᠬᠦᠨ ᠬᠤᠶᠠᠷ ᠭᠤᠷᠪᠠᠨ ᠣᠳᠠᠭ᠎ᠠ ᠲᠠᠳᠠᠵᠦ ᠣᠷᠣᠯᠳᠣᠪᠠᠴᠣ ᠶᠡᠷᠦ ᠬᠦᠴᠦᠨ ᠬᠦᠷᠦᠭᠰᠡᠨ ᠦᠬᠡᠢ ᠲᠣᠯᠨ᠂ ᠬᠦᠨᠡᠰᠦ ᠬᠤᠭᠤᠯᠨ ᠶᠢᠨ ᠬᠡᠳᠡᠪᠴᠢᠨ ᠤ ᠲᠣᠳᠣᠷ᠎ᠠ ᠠᠴᠠ ᠨᠢᠭᠡᠨ ᠪᠦᠬᠡᠮ ᠲᠣᠰᠣ ᠠᠪᠣᠭᠠᠳ ᠨᠣᠮᠣ ᠪᠠᠨ ᠵᠦᠬᠡᠯᠡᠨ ᠪᠣᠯᠬᠤ ᠪᠣᠯᠪᠠᠣ ᠬᠡᠮᠡᠨ ᠲᠣᠰᠣᠯᠠᠵᠦ ᠲᠠᠬᠢᠨ ᠲᠣᠷᠰᠢᠪᠠᠰᠣ ᠰᠣᠮᠣᠨ ᠤ ᠪᠣᠯᠴᠣᠣ ᠳᠤᠷ ᠠᠷᠠᠶᠢᠬᠠᠨ ᠣᠶᠢᠷᠠᠳᠣᠭᠤᠯᠣᠭᠠᠳ ᠪᠠᠰᠠᠯ᠎ᠠ ᠠᠯᠳᠠᠪᠠᠢ᠂ ᠨᠣᠮᠣᠨ ᠤ ᠬᠦᠪᠴᠢ ᠪᠠᠰᠠᠯ᠎ᠠ ᠬᠠᠩᠭᠢᠨᠠᠨ ᠪᠠᠭᠤᠵᠣᠬᠤᠢ᠃ ᠲᠡᠨᠳᠡ ᠠᠴᠠ ᠵᠠᠨ᠎ᠠ ᠬᠦᠪᠡᠬᠦᠨ ᠣᠷᠮ᠎ᠠ ᠬᠤᠭᠤᠷᠠᠨ ᠭᠤᠨᠢᠷᠬᠠᠵᠦ ᠴᠡᠷᠢᠭ ᠪᠣᠯᠣᠶ᠎ᠠ ᠬᠡᠮᠡᠬᠦ ᠰᠠᠨᠠᠯ ᠪᠠᠶᠢᠪᠠᠴᠣ ᠵᠡᠪᠰᠡᠭ ᠬᠡᠷᠡᠭᠯᠡᠵᠦ ᠦᠯᠦ ᠴᠢᠳᠠᠮᠣᠢ᠂ ᠰᠠᠶᠢᠬᠠᠨ ᠨᠣᠮᠣ ᠡᠷᠬᠢᠮ ᠰᠣᠮᠣ ᠴᠦᠮ ᠪᠠᠶᠢᠪᠠᠴᠣ ᠨᠣᠮᠣᠨ ᠤ ᠬᠦᠪᠴᠢ ᠶᠢ ᠲᠠᠳᠠᠵᠦ ᠦᠯᠦ ᠴᠢᠳᠠᠮᠦᠢ ᠬᠡᠮᠡᠨ ᠴᠢᠯᠠᠭᠤᠨ ᠲᠡᠭᠡᠷ᠎ᠡ ᠰᠠᠭᠤᠵᠦ ᠨᠢᠭᠤᠷ ᠢᠶᠠᠨ ᠬᠤᠶᠠᠷ ᠭᠠᠷ ᠢᠶᠠᠷ ᠲᠠᠷᠣᠭᠠᠳ ᠴᠣᠷᠬᠢᠷᠠᠳᠠᠯ᠎ᠠ ᠣᠬᠢᠯᠠᠨ ᠭᠠᠰᠠᠯᠪᠠᠢ᠂ ᠣᠬᠢᠯᠠᠬᠤᠢ ᠶᠢᠨ ᠶᠡᠭᠡ ᠳᠤᠷ ᠦᠪᠡᠷ ᠤᠨ ᠲᠡᠷᠭᠡᠳᠡ ᠮᠠᠰᠢ ᠦᠵᠡᠰᠭᠦᠯᠡᠩᠳᠣ ᠰᠠᠶᠢᠬᠠᠨ ᠮᠣᠷᠢ ᠣᠨᠣᠭᠰᠠᠨ ᠨᠢᠭᠡᠨ ᠬᠦᠮᠦᠨ ᠢᠷᠡᠭᠰᠡᠨ ᠢ ᠮᠡᠳᠡᠭᠰᠡᠨ ᠦᠬᠡᠢ ᠠᠵᠡᠢ᠃ ᠡᠨᠡ ᠬᠦᠮᠦᠨ ᠪᠣᠭᠤᠨᠢᠬᠠᠨ ᠢᠯᠬᠢᠨ ᠲᠡᠪᠡᠯ  ᠲᠠᠢ᠂ ᠬᠠᠷ᠎ᠠ ᠦᠨᠡᠬᠡᠨ ᠮᠠᠯᠠᠭᠠᠢ ᠲᠠᠢ᠂ ᠠᠯᠳᠠᠨ ᠣᠳᠣᠨ ᠰᠢᠬᠢᠳᠭᠡᠭᠰᠡᠨ ᠭᠤᠷᠬᠢᠨ ᠪᠦᠰᠡ ᠲᠠᠢ᠂ ᠪᠣᠭᠤᠨᠢ ᠰᠡᠯᠮ᠎ᠡ ᠵᠡᠬᠦᠭᠰᠡᠨ᠂ ᠠᠷᠣ ᠳᠠᠭᠠᠨ ᠰᠠᠭᠠᠳᠠᠭ ᠨᠣᠮᠣ ᠠᠭᠰᠠᠭᠰᠠᠨ ᠬᠦᠮᠦᠨ ᠵᠠᠨ᠎ᠠ ᠶᠢᠨ ᠲᠡᠷᠭᠡᠳᠡ ᠢᠷᠡᠵᠦ ᠮᠣᠷᠢ ᠪᠠᠨ ᠲᠠᠳᠠᠭᠠᠳ ᠮᠣᠷᠢᠨ ᠤ ᠬᠦᠵᠦᠬᠦᠦ ᠶᠢ ᠲᠦᠰᠢᠭᠰᠡᠨ᠎ᠠ᠂ ᠲᠡᠷᠨ ᠮᠣᠷᠢ ᠢᠨᠴᠠᠭᠠᠬᠤᠢ ᠳᠤᠷ ᠵᠠᠨ᠎ᠠ ᠬᠦᠪᠡᠬᠦᠨ ᠲᠣᠯᠣᠭᠠᠢ  ᠪᠠᠨ ᠦᠨᠳᠡᠶᠢᠵᠦ ᠬᠠᠷᠠᠪᠠᠰᠣ ᠨᠢᠭᠡᠨ ᠶᠡᠭᠡ ᠪᠡᠶᠡᠲᠠᠢ ᠬᠦᠮᠦᠨ ᠮᠣᠷᠢᠨ ᠲᠡᠭᠡᠷ᠎ᠡ ᠪᠠᠨ ᠵᠣᠭᠰᠣᠵᠦ ᠪᠣᠢ᠂ ᠪᠠᠶᠢᠳᠠᠯ ᠲᠦᠯᠦᠪ ᠢ ᠠᠵᠢᠭᠯᠠᠪᠠᠰᠣ ᠰᠠᠶᠢᠬᠢ ᠰᠦᠨᠢ ᠶᠢᠨ ᠦᠵᠡᠳᠡᠭ ᠢᠨᠣ ᠰᠠᠨᠠᠭᠠᠨ ᠳᠤᠷ ᠣᠷᠣᠮᠣᠢ᠃ ᠡᠨᠡ ᠬᠦᠮᠦᠨ ᠤ ᠨᠢᠭᠤᠷ ᠢ ᠨᠢᠭᠡᠨᠳᠡ ᠬᠠᠷᠠᠭᠰᠠᠨ ᠬᠦᠮᠦᠨ ᠨᠠᠰᠣᠨ ᠳᠠᠭᠠᠨ ᠮᠠᠷᠳᠠᠮᠠᠷ ᠪᠣᠰᠣ᠂ ᠡᠷᠬᠡ ᠦᠬᠡᠢ ᠪᠢᠰᠢᠷᠡᠨ ᠠᠶᠣᠮᠠᠷ ᠰᠢᠨᠵᠢᠲᠠᠢ ᠲᠣᠯᠨ ᠵᠠᠨ᠎ᠠ ᠬᠦᠪᠡᠬᠦᠨ ᠬᠠᠷᠠᠭᠠᠳ ᠨᠢᠳᠣᠨ ᠢᠶᠠᠨ ᠰᠠᠯᠭᠠᠵᠦ ᠴᠢᠳᠠᠭᠰᠠᠨ ᠦᠬᠡᠢ᠂ ᠡᠨᠡ ᠬᠦᠮᠦᠨ ᠦᠷᠭᠡᠨ ᠠᠭᠤᠣ ᠮᠠᠩᠨᠠᠢ ᠶᠢᠨ ᠲᠣᠣᠷ᠎ᠠ ᠠᠴᠠ ᠠᠶᠣᠮᠰᠢᠭᠳᠠᠢ ᠬᠤᠷᠴᠨ ᠨᠢᠳᠣ ᠪᠠᠷ ᠰᠢᠷᠲᠡᠨ ᠬᠠᠷᠠᠬᠤ ᠠᠨᠣ ᠪᠦᠷᠭᠦᠳ ᠪᠣᠶᠣ ᠠᠷᠰᠯᠠᠨ ᠤ ᠨᠢᠳᠣ ᠯᠦᠭᠡ ᠠᠳᠠᠯᠢ ᠪᠦᠬᠡᠳ ᠬᠦᠮᠦᠨ ᠤ ᠵᠢᠷᠦᠬᠡᠨ ᠤ ᠣᠭ ᠲᠤᠷ ᠬᠦᠷᠦᠨ ᠬᠠᠮᠤᠭ ᠰᠠᠨᠠᠭᠰᠠᠨ ᠰᠠᠨᠠᠭ᠎ᠠ ᠶᠢ ᠨᠡᠪᠳᠡ ᠰᠢᠪᠳᠣ ᠬᠠᠷᠠᠬᠤ ᠮᠡᠳᠣ᠂ ᠬᠠᠪᠠᠷ ᠠᠨᠣ ᠪᠦᠷᠬᠦᠳ ᠤᠨ ᠬᠤᠰᠢᠭᠤ ᠮᠡᠳᠣ ᠦᠨᠳᠦᠷ᠂ ᠦᠳᠬᠡᠨ ᠬᠠᠷ᠎ᠠ ᠰᠠᠬᠠᠯ ᠠᠨᠣ ᠠᠮᠠᠨ ᠤ ᠵᠡᠪᠡᠵᠢ ᠳᠤᠷ ᠬᠦᠷᠦᠭᠰᠡᠨ ᠦᠬᠡᠢ ᠲᠣᠯᠨ ᠦᠯᠡᠮᠵᠢ ᠵᠣᠷᠢᠭ ᠰᠢᠲᠦᠯᠭᠡ ᠶᠡᠬᠡᠲᠠᠢ ᠬᠦᠮᠣᠨ ᠤ ᠰᠢᠨᠵᠢᠲᠠᠢ᠂ ᠬᠦᠳᠡᠯᠬᠦ ᠪᠠᠷᠢᠬᠤ ᠶᠢᠨ ᠲᠦᠯᠦᠪ ᠢ ᠦᠵᠡᠪᠡᠰᠦ ᠣᠳᠠᠭᠠᠨ ᠪᠦᠬᠡᠳ ᠲᠠᠯᠪᠢᠭᠤ᠂ ᠬᠦᠴᠦᠨ ᠲᠡᠬᠦᠯᠳᠡᠷ ᠣᠭᠳᠠᠷᠭᠤᠢ ᠳᠤᠷ ᠬᠠᠯᠢᠵᠦ ᠪᠠᠶᠢᠭᠰᠠᠨ ᠪᠦᠷᠭᠦᠳ ᠰᠢᠪᠠᠭᠤ ᠯᠤᠭ᠎ᠠ ᠠᠳᠠᠯᠢ ᠪᠣᠯᠠᠢ᠃ ᠵᠠᠨ᠎ᠠ ᠬᠦᠪᠡᠬᠦᠨ ᠣᠶᠢᠭᠤᠷ ᠣᠯᠣᠰ ᠤᠨ ᠶᠣᠰᠣ ᠪᠠᠷ ᠬᠤᠶᠠᠷ ᠭᠠᠷ ᠢ ᠰᠣᠯᠪᠢᠴᠠᠨ ᠴᠡᠭᠡᠵᠢᠨ ᠳᠡᠭᠡᠨ ᠪᠠᠷᠢᠵᠦ ᠪᠦᠬᠦᠶᠢᠪᠡᠰᠣ ᠲᠡᠷᠨ ᠬᠦᠮᠦᠨ ᠠᠰᠠᠭᠤᠷᠠᠨ᠄ ︽ᠬᠦᠪᠡᠬᠦᠨ ᠮᠢᠨᠣ ᠶᠠᠮᠪᠠᠷ ᠣᠴᠢᠷ ᠢᠶᠠᠷ ᠣᠬᠢᠯᠠᠪᠠ︖︾ ᠬᠡᠮᠡᠬᠦᠢ ᠳᠤᠷ ︽ᠡᠴᠢᠭᠡ ᠮᠢᠨᠣ ᠡ᠂ ᠪᠢ ᠡᠨᠡ ᠨᠣᠮᠣ ᠶᠢ ᠲᠠᠳᠠᠵᠦ ᠦᠯᠦ ᠲᠡᠶᠢᠯᠬᠦ ᠲᠣᠯᠨ᠂ ᠡᠶᠢᠨ ᠬᠦ ᠣᠬᠢᠯᠠᠪᠠᠢ︾ ᠬᠡᠮᠡᠪᠡᠰᠦ ᠦᠨᠦᠬᠢ ᠬᠦᠮᠦᠨ ᠦᠬᠦᠯᠡᠷᠦᠨ᠄ ︽ᠴᠢᠳᠠᠯ ᠬᠡᠮᠡᠳᠡᠭ ᠢᠨᠣ ᠵᠢᠷᠦᠬᠡᠨ ᠠᠴᠠ ᠭᠠᠷᠣᠭᠠᠳ ᠭᠠᠷ ᠲᠤᠷ ᠣᠷᠣᠮᠣᠢ᠃ ᠨᠣᠮᠣ ᠪᠠᠨ ᠠᠪᠴᠣ ᠰᠣᠮᠣ ᠪᠠᠨ ᠣᠨᠢᠯᠨ︾ ᠬᠡᠮᠡᠭᠰᠡᠨ ᠳᠤᠷ ᠵᠠᠨ᠎ᠠ ᠬᠦᠪᠡᠬᠦᠨ ᠲᠡᠷᠨ ᠬᠦᠮᠦᠨ ᠤ ᠦᠬᠡ ᠶᠢ ᠲᠠᠭᠠᠵᠦ ᠨᠣᠮᠣ ᠰᠣᠮᠣ ᠪᠠᠨ ᠠᠪᠬᠤ ᠯᠤᠭ᠎ᠠ᠂ ᠲᠡᠷᠨ ᠲᠠᠨᠢᠬᠤ ᠦᠬᠡᠢ ᠬᠦᠮᠦᠨ ᠬᠤᠯᠨ ᠠᠭᠠᠷ ᠲᠤᠷ ᠡᠯᠢᠵᠦ ᠬᠠᠯᠢᠵᠦ ᠶᠠᠪᠣᠭᠰᠠᠨ ᠪᠦᠷᠭᠦᠳ ᠰᠢᠪᠠᠭᠤᠨ ᠤ ᠵᠦᠭ ᠵᠢᠭᠠᠵᠦ ᠦᠬᠦᠯᠡᠷᠦᠨ᠄ ︽ᠡᠨᠡ ᠰᠢᠪᠠᠭᠤ ᠶᠢ ᠰᠢᠭᠠᠵᠦ ᠬᠠᠷᠪᠤ᠂ ᠡᠷᠭᠡ ᠦᠬᠡᠢ ᠣᠨᠠᠮᠣᠢ︾ ᠬᠡᠮᠡᠭᠰᠡᠨ ᠳᠤᠷ ︽ᠮᠢᠨᠣ ᠬᠦᠴᠦᠨ ᠪᠠᠭ᠎ᠠ ᠲᠣᠯᠨ ᠨᠣᠮᠣᠨ ᠤ ᠬᠦᠪᠴᠢ ᠶᠢ ᠲᠠᠯᠡᠵᠦ ᠦᠯᠦ ᠴᠢᠳᠠᠮᠦᠢ︾ ᠬᠡᠮᠡᠪᠡᠰᠦ ᠲᠡᠷᠨ ᠵᠠᠨ᠎ᠠ ᠶᠢ ᠠᠶᠣᠮᠰᠢᠭᠳᠠᠢ ᠪᠠᠷ ᠰᠢᠷᠲᠡᠨ ᠬᠠᠷᠠᠬᠤᠢ ᠳᠤᠷ ᠵᠠᠨ᠎ᠠ ᠰᠣᠴᠢᠨ ᠠᠷᠵᠢᠰᠬᠢᠵᠦ ᠮᠦᠨ ᠲᠡᠬᠦᠨ ᠤ ᠲᠠᠯᠢᠮ ᠳᠤᠷ ᠴᠡᠭᠡᠵᠢ ᠢᠨᠣ ᠬᠦᠯᠬᠦᠶᠢᠵᠦ ᠬᠤᠶᠠᠷ ᠭᠠᠷ ᠲᠤᠷ ᠨᠢᠭᠡᠨ ᠵᠢᠭᠲᠡᠶᠢᠬᠡᠨ ᠬᠦᠴᠦᠨ ᠣᠷᠣᠰᠣᠨ ᠢᠷᠡᠬᠦ ᠮᠡᠳᠣ ᠪᠣᠯᠵᠡᠢ᠃ ᠰᠠᠶᠢᠬᠢ ᠬᠦᠮᠦᠨ ︽ᠨᠣᠮᠣ ᠪᠠᠨ ᠲᠠᠳᠠ︾ ᠬᠡᠮᠡᠪᠡᠰᠦ ᠮᠠᠨ ᠤ ᠵᠠᠯᠠᠭᠤ ᠬᠦᠮᠦᠨ ᠡᠨᠡ ᠦᠬᠡ ᠶᠢ ᠰᠣᠨᠣᠰᠣᠮᠣᠭᠴᠨ ᠬᠡᠨᠡᠳᠳᠡ ᠭᠠᠷ ᠤᠨ ᠪᠣᠯᠴᠢᠩ ᠤᠳ ᠲᠦᠬᠦᠷᠴᠦ ᠨᠣᠮᠣᠨ ᠤ ᠬᠦᠪᠴᠢ ᠶᠢ ᠠᠵᠢᠭ ᠦᠬᠡᠢ ᠲᠠᠳᠠᠨ ᠪᠣᠯᠴᠣᠣ ᠳᠤᠷ ᠲᠣᠯᠭᠠᠭᠠᠳ ᠲᠠᠯᠪᠢᠵᠣᠬᠤᠢ᠃ ᠲᠡᠷᠨ ᠰᠣᠮᠣᠨ ᠠᠨᠣ ᠢᠰᠬᠡᠷᠦᠨ ᠣᠳᠬᠤ ᠯᠤᠭ᠎ᠠ ᠰᠢᠪᠠᠭᠤᠳ ᠤᠨ ᠴᠠᠭᠠᠨ ᠣᠮᠣᠭᠳᠣ ᠪᠦᠷᠭᠦᠳ ᠬᠤᠶᠠᠷ ᠲᠠᠯᠠᠪᠴᠢᠨ ᠢᠶᠠᠨ ᠲᠡᠯᠭᠡᠵᠦ᠂ ᠵᠠᠨ᠎ᠠ᠂ ᠲᠡᠷᠨ ᠬᠦᠮᠦᠨ ᠬᠤᠶᠠᠷ ᠤᠨ ᠲᠡᠷᠭᠡᠳᠡ ᠬᠤᠷᠢᠨ ᠠᠯᠬᠤᠮ ᠤᠨ ᠭᠠᠵᠠᠷ ᠣᠨᠠᠨ ᠢᠷᠡᠵᠣᠬᠦᠢ᠃ ᠰᠠᠶᠢᠬᠢ ᠬᠦᠮᠦᠨ ᠨᠢᠭᠡᠴᠦ ᠦᠬᠡ ᠬᠡᠯᠡᠭᠰᠡᠨ ᠦᠬᠡᠢ ᠬᠦᠯ ᠢᠶᠠᠨ ᠦᠴᠦᠬᠡᠨ ᠬᠦᠳᠡᠯᠭᠡᠮᠡᠭᠴᠡ ᠢᠵᠠᠭᠤᠷ ᠰᠠᠶᠢᠲᠠᠢ ᠮᠣᠷᠢ ᠬᠠᠷᠪᠣᠭᠰᠠᠨ ᠰᠣᠮᠣ ᠮᠡᠳᠣ ᠲᠠᠪᠬᠢᠨ ᠦᠵᠡᠭᠳᠡᠬᠦ ᠦᠬᠡᠢ ᠪᠣᠯᠪᠠᠢ᠃ ᠵᠠᠨ᠎ᠠ ᠬᠦᠪᠡᠬᠦᠨ ᠦᠪᠡᠷ ᠢᠶᠠᠨ ᠨᠣᠮᠣ ᠶᠢ ᠬᠡᠳᠦᠨ ᠣᠳᠠᠭ᠎ᠠ ᠣᠷᠣᠯᠳᠣᠵᠦ ᠣᠭᠳᠣ ᠴᠢᠳᠠᠭᠰᠠᠨ ᠦᠬᠡᠢ ᠪᠠᠶᠢᠳᠠᠯ᠎ᠠ ᠲᠡᠷᠨ ᠬᠦᠮᠦᠨ ᠤ ᠰᠢᠷᠲᠡᠨ ᠬᠠᠷᠠᠬᠤᠢ ᠯᠤᠭ᠎ᠠ ᠬᠦᠴᠣᠨ ᠬᠦᠷᠴᠦ ᠲᠠᠳᠠᠭᠰᠠᠨ ᠢ ᠶᠡᠬᠡᠯ᠎ᠡ ᠭᠠᠶᠢᠬᠵᠣ ᠡᠨᠡ ᠴᠢᠳᠠᠯ ᠨᠠᠳᠣᠷ ᠦᠷᠭᠦᠯᠵᠢ ᠪᠠᠶᠢᠬᠤ ᠪᠣᠯᠪᠠᠣ᠂ ᠪᠠᠰᠠᠬᠦ ᠪᠢ ᠵᠡᠬᠦᠳᠦᠯᠡᠵᠦ ᠪᠠᠶᠢᠭ᠎ᠠ ᠪᠣᠶᠣ ᠦᠬᠡᠢ ᠤᠤ ᠬᠡᠮᠡᠬᠦ ᠵᠡᠷᠭᠡ ᠶᠢ ᠪᠣᠳᠣᠭᠠᠳ ᠲᠠᠬᠢᠨ ᠨᠣᠮᠣ ᠪᠠᠨ ᠲᠠᠳᠠᠵᠦ ᠴᠢᠳᠠᠭᠰᠠᠨ ᠳᠤᠷ ᠴᠠᠭᠯᠠᠰᠢ ᠦᠬᠡᠢ ᠪᠠᠶᠠᠷᠯᠠᠵᠦ ᠰᠠᠶᠢᠬᠢ ᠬᠦᠮᠦᠨ ᠳᠤᠷ ᠰᠡᠳᠬᠢᠯ ᠤᠨ ᠪᠠᠶᠠᠷ ᠬᠦᠷᠭᠡᠵᠦ᠂ ᠪᠠᠰᠨ ᠡᠨᠡ ᠭᠠᠶᠢᠬᠠᠮᠰᠢᠭᠲᠠᠢ ᠣᠴᠢᠷ ᠢ ᠲᠣᠷᠠᠳᠬᠠᠯ ᠪᠣᠯᠭᠠᠨ ᠪᠦᠷᠬᠦᠳ ᠤᠨ ᠬᠤᠶᠠᠷ ᠦᠳᠦ ᠶᠢ ᠠᠪᠴᠣ ᠮᠠᠯᠠᠭᠠᠨ ᠳᠠᠭᠠᠨ ᠬᠠᠳᠬᠤᠭᠠᠳ ᠰᠠᠶᠢᠨ ᠪᠣᠭᠤᠷᠣᠯ ᠮᠣᠷᠢᠨ ᠢᠶᠠᠨ ᠢᠰᠭᠡᠷᠪᠡᠰᠦ ᠪᠠᠶᠠᠷᠯᠠᠨ ᠢᠨᠴᠠᠭᠠᠭᠰᠠᠭᠠᠷ ᠡᠵᠡᠨ ᠳᠡᠭᠡᠨ ᠢᠷᠡᠬᠦᠢ ᠳᠤᠷ ᠵᠠᠨ᠎ᠠ ᠬᠦᠪᠡᠬᠦᠨ ᠮᠣᠷᠢᠨ ᠳᠠᠭᠠᠨ ᠦᠰᠦᠷᠦᠨ ᠮᠣᠷᠳᠠᠵᠦ ᠪᠠᠶᠢᠰᠣᠩᠭᠤᠷ ᠤᠨ ᠬᠡᠷ ᠤᠨ ᠵᠦᠭ ᠶᠠᠪᠣᠪᠠᠢ᠃ ᠲᠡᠶᠢᠨ ᠬᠦ ᠶᠠᠪᠣᠬᠤ ᠶᠢᠨ ᠵᠠᠮ ᠳᠤᠷ ᠪᠠᠭ᠎ᠠ ᠨᠠᠰᠣᠨ ᠳᠠᠭᠠᠨ ᠰᠣᠨᠣᠰᠣᠭᠰᠠᠨ ᠲᠦᠷᠭᠡ ᠠᠶᠢᠮᠠᠭ ᠤᠳ ᠤᠨ ᠨᠢᠭᠡᠨ ᠲᠡᠣᠬᠡ ᠢᠨᠣ ︽ᠲᠣᠷᠣᠨ᠎ᠠ ᠵᠦᠭ ᠠᠴᠠ ᠨᠢᠭᠡᠨ ᠪᠠᠭᠠᠳᠣᠷ ᠡᠷ᠎ᠡ ᠭᠠᠷᠴᠣ ᠨᠡᠬᠦᠳᠡᠯ ᠠᠶᠢᠮᠠᠭ ᠤᠳ ᠢ ᠲᠤᠭ ᠤᠨ ᠲᠣᠣᠷ᠎ᠠ ᠴᠣᠭᠯᠠᠭᠤᠯᠣᠨ ᠲᠡᠯᠡᠬᠡᠢ ᠳ᠋ᠠᠬᠢᠨ ᠢ ᠴᠦᠮ ᠡᠵᠡᠷᠬᠡᠮᠦᠢ︾ ᠬᠡᠮᠡᠭᠰᠡᠨ ᠵᠣᠶᠢᠯ ᠢ ᠰᠠᠨᠠᠵᠦ᠂ ᠲᠡᠣᠬᠡ ᠲᠣᠳᠣᠷᠠᠬᠢ ᠪᠠᠭᠠᠳᠣᠷ ᠡᠷ᠎ᠡ ᠬᠡᠮᠡᠭᠴᠢ ᠡᠨᠡ ᠬᠦᠮᠦᠨ ᠮᠦᠨ ᠪᠣᠯᠪᠠᠣ ᠬᠡᠮᠡᠨ ᠪᠣᠳᠣᠵᠣᠬᠤᠢ᠃ ᠲᠡᠨᠳᠡ ᠠᠴᠠ ᠰᠡᠳᠬᠢᠯ ᠵᠢᠷᠦᠬᠡ ᠠᠨᠣ ᠶᠡᠭᠡ ᠪᠠᠭᠠᠳᠣᠷ ᠵᠣᠷᠢᠭ ᠣᠷᠣᠵᠦ ᠣᠨᠣᠨ ᠮᠦᠷᠡᠨ ᠤ ᠬᠦᠪᠡᠬᠦᠨ ᠳᠤᠷ ᠴᠣᠭᠯᠠᠷᠠᠭᠰᠠᠨ ᠪᠠᠭᠠᠳᠣᠷ ᠭᠠᠪᠢᠶᠠᠳᠠᠨ ᠤ ᠲᠣᠮᠳᠠ ᠣᠷᠣᠪᠠᠰᠣ ᠠᠶᠣᠮᠠᠷ ᠪᠣᠰᠣ ᠮᠡᠳᠣ ᠰᠠᠨᠠᠭᠳᠠᠮᠣᠢ᠃ ᠡᠨᠡ ᠴᠠᠭ ᠠᠴᠠ ᠡᠬᠢᠯᠡᠨ ᠮᠠᠨ ᠤ ᠵᠠᠨ᠎ᠠ ᠬᠦᠪᠡᠬᠦᠨ ᠪᠠᠶᠢᠰᠢᠩ ᠪᠠᠯᠭᠠᠰᠣ ᠦᠬᠡᠢ ᠭᠤᠪᠢ ᠲᠠᠯ᠎ᠠ ᠤᠨ ᠬᠡᠣᠬᠡᠳ ᠪᠠᠯᠭᠠᠳ ᠤᠨ ᠵᠢᠷᠭᠠᠯ ᠳᠠᠭᠠᠨ ᠲᠠᠰᠢᠭᠤᠷᠠᠭᠰᠠᠨ ᠣᠯᠣᠰ ᠯᠤᠭ᠎ᠠ ᠪᠠᠶᠢᠯᠳᠣᠬᠤᠢ ᠳᠤᠷ ᠶᠡᠪᠣᠯᠴᠠᠬᠤ ᠴᠡᠷᠢᠭ ᠤᠨ ᠬᠦᠮᠦᠨ ᠪᠣᠯᠵᠣᠬᠤᠢ᠃ ᠡᠶᠢᠨ ᠬᠦ ᠶᠠᠪᠣᠵᠦ ᠡᠳᠦᠷ ᠪᠣᠯᠣᠭᠰᠠᠨ ᠳᠤᠷ ᠬᠦᠬᠡ ᠮᠠᠩᠨᠤᠭ ᠲᠡᠭᠷᠢ ᠬᠦᠷᠦᠰᠦᠲᠣ ᠠᠯᠳᠠᠨ ᠲᠡᠯᠡᠬᠡᠢ ᠶᠢ ᠪᠦᠷᠬᠦᠬᠦᠯ ᠤᠨ ᠠᠳᠠᠯᠢ ᠬᠠᠯᠬᠠᠯᠠᠵᠦ ᠬᠤᠯᠨ ᠣᠶᠢᠷ᠎ᠠ ᠣᠷᠴᠢᠨ ᠲᠣᠭᠤᠷᠢᠨ ᠶᠡᠭᠡ ᠴᠢᠮᠡᠭᠡ ᠰᠣᠨᠣᠰᠳᠠᠮᠣᠢ᠃ ᠵᠠᠨ᠎ᠠ ᠬᠦᠪᠡᠬᠦᠨ ᠮᠣᠷᠢᠨ ᠤ ᠠᠮᠨ ᠶᠢ ᠲᠠᠯᠪᠢᠨ ᠶᠠᠪᠣᠭᠤᠯᠵᠦ ᠶᠡᠭᠡ ᠣᠳᠠᠯ ᠦᠬᠡᠢ ᠨᠢᠭᠡᠨ ᠲᠠᠯᠠᠩ ᠲᠡᠭᠡᠷ᠎ᠡ ᠭᠠᠷᠴᠣ ᠢᠷᠡᠪᠡᠰᠦ ᠨᠢᠳᠣᠨ ᠠᠯᠳᠠᠮᠠᠷ ᠣᠯᠠᠨ ᠶᠠᠭᠤᠮ᠎ᠠ ᠦᠵᠡᠭᠳᠡᠵᠦᠬᠦᠢ᠃ ᠭᠤᠣᠯ ᠢᠶᠠᠷ ᠲᠦᠬᠦᠷᠡᠩ ᠵᠡᠷ ᠵᠡᠪᠰᠡᠭ ᠢᠶᠠᠨ ᠠᠭᠰᠠᠭᠰᠠᠨ ᠲᠤᠭ ᠬᠢᠬᠢᠷᠢ ᠨᠤᠭᠤᠳ ᠶᠢ ᠬᠡᠶᠢᠰᠭᠡᠭᠰᠡᠨ ᠮᠣᠷᠢᠲᠠᠢ ᠬᠦᠮᠦᠰ ᠶᠡᠭᠡ ᠣᠯᠠᠨ ᠮᠠᠯ ᠰᠦᠷᠦᠭ ᠰᠦᠷᠦᠭ ᠢᠶᠠᠷ᠂ ᠪᠠᠰᠨ ᠦᠬᠡᠷ ᠬᠦᠯᠦᠭᠰᠡᠨ ᠬᠠᠰᠠᠭ ᠪᠠ ᠮᠣᠬᠤᠯᠠᠭ ᠲᠡᠷᠭᠡ ᠨᠤᠭᠤᠳ ᠪᠠᠭᠰᠢᠷᠠᠨ ᠶᠠᠪᠣᠵᠦ ᠠᠳᠡ ᠲᠡᠨᠳᠡ ᠣᠨᠠᠭ᠎ᠠ ᠨᠤᠭᠤᠳ ᠤᠨ ᠬᠦᠵᠦᠬᠦᠨ ᠳᠠᠬᠢ ᠬᠤᠩᠬᠤ ᠬᠠᠩᠬᠢᠨᠠᠨ᠂ ᠦᠨᠢᠶᠡᠳ ᠮᠦᠭᠡᠷᠡᠯᠳᠦᠨ᠂ ᠬᠤᠨᠢ ᠮᠠᠶᠢᠯᠠᠯᠳᠣᠨ᠂ ᠢᠮᠠᠭ᠎ᠠ ᠮᠠᠶᠢᠯᠠᠵᠦ᠂ ᠬᠤᠳᠠᠴᠢ ᠨᠣᠬᠠᠢ ᠨᠤᠭᠤᠳ ᠰᠦᠷᠦᠭ ᠤᠳ ᠢᠶᠠᠨ ᠲᠣᠭᠤᠷᠢᠨ ᠬᠤᠴᠠᠯᠳᠣᠨ ᠬᠦᠶᠦᠯᠴᠡᠮᠦᠢ᠃ ᠪᠠᠰᠨ ᠡᠬᠡᠨᠡᠷ ᠤᠳ ᠴᠢᠩᠭ᠎ᠠ ᠴᠢᠩᠭ᠎ᠠ ᠵᠠᠩᠳᠣᠷᠣᠯᠳᠣᠨ ᠨᠢᠯᠬ᠎ᠠ ᠬᠡᠣᠬᠡᠳ ᠣᠬᠢᠯᠠᠯᠳᠣᠵᠦ᠂ ᠮᠠᠯ ᠠᠳᠣᠭᠤᠯᠣᠭᠴᠢᠳ ᠤᠨ ᠰᠢᠯᠪᠢᠬᠦᠷ ᠠᠳᠡ ᠲᠡᠨᠳᠡ ᠲᠠᠰ ᠨᠢᠰ ᠴᠣᠬᠢᠯᠳᠣᠨ ᠮᠠᠯ ᠤᠳ ᠢᠶᠠᠨ ᠬᠤᠷᠢᠶᠠᠮᠦᠢ᠃ ᠪᠠᠰᠨ ᠡᠳᠡᠭᠡᠷ ᠤᠨ ᠲᠣᠮᠳᠠ ᠢᠰᠡᠬᠡᠢ ᠬᠡᠷ ᠠᠴᠢᠭᠰᠠᠨ ᠲᠡᠮᠡᠭᠡᠳ ᠦᠵᠡᠭᠳᠡᠮᠦᠢ᠃ ᠵᠠᠷᠢᠮ ᠲᠡᠮᠡᠭᠡᠳ ᠳᠤᠷ ᠠᠳᠣᠭᠤᠨ ᠤ ᠬᠢᠯᠭᠠᠰᠣᠨ ᠬᠦᠷᠦᠮᠡᠯ ᠣᠭᠤᠳᠠ ᠠᠴᠢᠵᠦ᠂ ᠲᠣᠳᠣᠷ᠎ᠠ ᠠᠴᠠ ᠠᠨᠣ ᠪᠠᠭ᠎ᠠ ᠬᠡᠣᠬᠡᠳ ᠤᠨ ᠲᠣᠯᠣᠭᠠᠢ ᠴᠣᠬᠤᠶᠢᠮᠣᠢ᠃ ᠡᠬᠡᠨᠡᠷ ᠤᠳ ᠤᠨ ᠵᠠᠷᠢᠮ ᠠᠨᠣ ᠡᠮᠡᠭᠡᠯ ᠲᠠᠢ ᠬᠡᠬᠦᠦ ᠪᠠᠷ ᠶᠠᠪᠣᠨ᠂ ᠵᠠᠷᠢᠮ ᠠᠨᠣ ᠬᠡᠣᠬᠡᠳ ᠢᠶᠠᠨ ᠲᠡᠪᠡᠷᠢᠵᠦ ᠡᠮᠡᠭᠡᠯ ᠲᠡᠭᠡᠷ᠎ᠡ ᠰᠠᠭᠤᠭᠰᠠᠨ ᠪᠠ ᠵᠠᠷᠢᠮ ᠠᠨᠣ ᠬᠡᠣᠬᠡᠳ ᠢᠶᠠᠨ ᠡᠬᠦᠷᠴᠦ ᠶᠠᠪᠠᠭᠠᠨ ᠶᠠᠪᠣᠮᠣᠢ᠃ ᠪᠠᠭᠠᠬᠠᠨ ᠦᠰᠦᠭᠰᠡᠨ ᠦᠬᠢᠳ ᠢᠨᠣ ᠰᠠᠭᠠᠮᠠᠭᠠᠢ ᠬᠡᠬᠦᠦ ᠲᠠᠭ᠎ᠠ ᠣᠨᠣᠵᠦ ᠲᠠᠪᠬᠢᠯᠳᠣᠨ᠂ ᠢᠳᠡᠷ ᠵᠠᠯᠠᠭᠤ ᠦᠬᠢᠳ ᠢᠨᠣ ᠠᠭᠰᠣᠮ ᠠᠭᠰᠣᠮ ᠮᠣᠷᠢ ᠣᠨᠣᠵᠦ ᠠᠷᠣ ᠳᠠᠭᠠᠨ ᠨᠣᠮᠣ ᠰᠣᠮᠣ ᠠᠭᠰᠠᠵᠦ ᠭᠠᠷ ᠲᠠᠭᠠᠨ ᠲᠠᠰᠢᠭᠤᠷ ᠪᠠᠷᠢᠨ ᠶᠠᠪᠣᠮᠣᠢ᠃ ᠵᠠᠷᠢᠮ ᠦᠬᠢᠳ ᠲᠡᠮᠡᠭᠡᠨ ᠲᠡᠭᠡᠷ᠎ᠡ ᠵᠠᠰᠠᠯ ᠴᠢᠮᠡᠭ ᠢᠶᠠᠨ ᠴᠡᠪᠡᠷᠯᠡᠨ ᠠᠷᠴᠢᠵᠦ ᠣᠶᠠᠩᠭᠠᠯᠠᠨ ᠲᠠᠭᠤᠯᠠᠨ ᠠᠶᠢᠮᠠᠭ ᠢᠵᠠᠭᠤᠷ ᠪᠠ ᠦᠪᠡᠷ ᠤᠨ ᠪᠠᠭᠠᠳᠣᠷ ᠴᠡᠷᠢᠭ ᠤᠳ ᠢ ᠮᠠᠭᠳᠠᠮᠣᠢ᠂ ᠵᠠᠷᠢᠮ ᠤᠳ ᠠᠨᠣ ᠬᠤᠭᠤᠷ ᠲᠠᠳᠠᠵᠦ ᠶᠠᠳᠤᠭ᠎ᠠ ᠴᠣᠬᠢᠬᠤ ᠪᠠ ᠵᠠᠷᠢᠮ ᠴᠡᠷᠢᠭ ᠤᠳ ᠢᠨᠣ ᠪᠦᠷᠢᠶ᠎ᠠ ᠬᠡᠩᠬᠡᠷᠡᠭᠡ ᠶᠢᠨ ᠬᠦᠭᠵᠢᠮ ᠲᠠᠭᠠᠭᠤᠯᠣᠨ ᠣᠷᠣᠭᠰᠢ ᠨᠢᠭᠡᠨ ᠵᠢᠭᠳᠡ ᠶᠠᠪᠣᠮᠣᠢ᠃ ᠴᠡᠷᠢᠭ ᠤᠳ ᠤᠨ ᠬᠤᠶᠢᠨ᠎ᠠ ᠠᠴᠠ ᠰᠠᠶᠢᠬᠢ ᠣᠯᠠᠨ ᠬᠦᠷᠦᠩᠭᠡ ᠬᠤᠭᠰᠢᠯ ᠬᠡᠷ ᠪᠦᠯᠢ ᠢᠨᠣ ᠦᠳᠦ ᠰᠢᠷᠭᠤᠯᠵᠢᠨ ᠤ ᠠᠳᠠᠯᠢ ᠠᠷᠵᠠᠭᠠᠨᠠᠨ ᠲᠠᠭᠠᠮᠣᠢ᠃ ᠡᠨᠡ ᠪᠦᠬᠦᠳᠡ ᠶᠢ ᠦᠵᠡᠪᠡᠰᠦ ᠴᠣᠬᠤᠮ ᠬᠦ ᠣᠯᠠᠨ ᠣᠯᠣᠰ ᠨᠡᠬᠦᠵᠦ ᠠᠬᠤ ᠠᠨᠣ ᠪᠣᠯᠠᠢ᠃ ᠵᠠᠨ᠎ᠠ ᠬᠦᠪᠡᠬᠦᠨ ᠤ ᠵᠢᠷᠦᠬᠡᠨ ᠶᠡᠬᠡᠯ᠎ᠡ ᠲᠣᠭᠳᠣᠯᠵᠦ ᠲᠠᠪᠬᠢᠨ ᠲᠡᠷᠭᠡᠳᠡ ᠬᠦᠷᠴᠦ ᠦᠵᠡᠪᠡᠰᠦ ᠵᠣᠷᠢᠭᠳᠣ ᠪᠣᠭᠤᠷᠵᠢ ᠠᠯᠠᠭ ᠤᠨ ᠠᠪᠤ ᠪᠠᠶᠢᠰᠣᠩᠭᠤᠷ ᠬᠤᠶᠠᠷ ᠢ ᠲᠠᠨᠢᠪᠠᠢ᠃ ᠡᠮᠦᠨ᠎ᠠ ᠠᠴᠠ ᠠᠯᠠᠭ ᠲᠠᠪᠬᠢᠵᠣ ᠬᠤᠯᠨ ᠠᠴᠠ ᠲᠠᠭᠤᠳᠠᠨ ᠦᠬᠦᠯᠡᠷᠦᠨ᠄ ︽ᠴᠢ ᠮᠠᠨ ᠤ ᠭᠡᠷ ᠠᠴᠠ ᠶᠠᠭᠤᠨ ᠡᠷᠳᠡ ᠶᠠᠪᠣᠪᠠᠢ︾ ᠬᠡᠮᠡᠬᠦᠢ ᠳᠤᠷ ︽ᠮᠢᠨᠣ ᠰᠡᠳᠬᠢᠯ ᠬᠦᠳᠡᠯᠦᠭᠰᠡᠨ ᠲᠣᠯᠨ ᠨᠣᠶᠢᠷ ᠡᠰᠡ ᠬᠦᠷᠪᠠᠢ᠂ ᠪᠠᠰᠨ ᠰᠠᠶᠢᠬᠠᠨ ᠦᠷᠯᠦᠭᠡᠨ ᠤ ᠬᠤᠩᠭᠤᠷ ᠵᠢᠪᠠᠷ ᠲᠤᠷ ᠵᠣᠭᠠᠬᠢᠶ᠎ᠠ ᠬᠡᠮᠡᠭᠰᠡᠨ ᠪᠢᠯᠨ᠂ ᠬᠠᠷᠢᠨ ᠰᠠᠨᠠᠮᠰᠠᠷ ᠦᠬᠡᠢ ᠨᠢᠭᠡᠨ ᠭᠠᠶᠢᠬᠠᠮᠰᠢᠭᠳᠣ ᠬᠦᠮᠦᠨ ᠯᠦᠭᠡ ᠣᠴᠠᠷᠠᠭᠰᠠᠨ ᠢ ᠨᠠᠰᠣ ᠲᠠᠭᠤᠰᠳᠠᠯ᠎ᠠ ᠮᠠᠷᠳᠠᠰᠢ ᠦᠬᠡᠢ︾ ᠬᠡᠮᠡᠭᠡᠳ ᠴᠢᠨᠠᠭᠰᠢ ᠦᠬᠦᠯᠡᠯᠳᠦᠰᠦᠬᠡᠢ ᠬᠡᠮᠡᠳᠡᠯ᠎ᠡ ᠨᠢᠭᠡᠨ ᠦᠯᠦ ᠲᠠᠨᠢᠬᠤ ᠮᠣᠷᠢᠳᠣ ᠴᠡᠷᠢᠭ ᠤᠨ ᠠᠩᠬᠢ ᠴᠣᠪᠣᠷᠠᠨ ᠭᠠᠷᠴᠣ ᠢᠷᠡᠬᠦᠢ ᠳᠤᠷ ᠠᠯᠠᠭ ᠦᠬᠦᠯᠡᠷᠦᠨ᠄ ︽ᠡᠳᠡ ᠪᠦᠬᠦᠳᠡ ᠨᠡᠬᠦᠳᠡᠯ ᠠᠶᠢᠮᠠᠭ ᠤᠳ ᠤᠨ ᠪᠠᠭᠠᠳᠣᠷ ᠤᠳ ᠪᠣᠯᠠᠢ᠂ ᠴᠢ ᠡᠨᠡ ᠨᠢᠭᠡᠨ ᠬᠡᠰᠡᠭ ᠴᠡᠷᠢᠭ ᠤᠨ ᠣᠳᠣᠷᠢᠳᠣᠭᠴᠢ ᠶᠢ ᠦᠵᠡᠪᠠᠣ᠂ ᠪᠣᠷᠣ ᠮᠣᠷᠢ ᠣᠨᠣᠵᠦ ᠵᠡᠬᠦᠨ ᠭᠠᠷ ᠲᠠᠭᠠᠨ ᠲᠤᠭ ᠢᠶᠠᠨ ᠪᠠᠷᠢᠭᠰᠠᠨ ᠡᠨᠡ ᠬᠡᠨ ᠬᠡᠮᠡᠪᠡᠰᠦ ᠲᠡᠮᠦᠵᠢᠨ ᠤ ᠬᠠᠨᠢ ᠪᠠᠷᠰ ᠤᠳ ᠢ ᠲᠠᠷᠣᠭᠴᠢ ᠢᠯᠠᠣ ᠪᠠᠭᠠᠳᠣᠷ ᠮᠦᠨ︾ ᠬᠡᠮᠡᠪᠠ᠃ ᠢᠯᠠᠣ ᠪᠠᠭᠠᠳᠣᠷ ᠦᠪᠡᠷ ᠤᠨ ᠴᠡᠷᠢᠭ ᠤᠳ ᠯᠦᠭᠡ ᠬᠠᠮᠳᠣ ᠦᠩᠭᠡᠷᠡᠭᠰᠡᠨ ᠤ ᠲᠠᠷᠠᠭ᠎ᠠ᠂ ᠪᠠᠰᠨ ᠨᠢᠭᠡᠨ ᠰᠠᠶᠢᠬᠠᠨ ᠣᠯᠠᠭᠠᠨ ᠮᠣᠷᠢ ᠣᠨᠣᠭᠰᠠᠨ ᠦᠷᠭᠡᠨ ᠴᠡᠭᠡᠵᠢᠲᠠᠢ ᠪᠠᠷᠣᠭᠠᠷ ᠬᠠᠷ᠎ᠠ ᠴᠢᠷᠠᠶᠢᠳᠠᠢ ᠪᠠᠭᠠᠳᠣᠷ ᠣᠯᠠᠭᠠᠨ ᠲᠤᠭ ᠪᠠᠷᠢᠵᠦ ᠶᠠᠪᠣᠬᠤᠢ ᠳᠤᠷ ᠠᠯᠠᠭ ᠦᠬᠦᠯᠡᠷᠦᠨ᠄ ︽ᠡᠨᠡ ᠬᠦᠮᠦᠨ ᠪᠣᠯᠪᠠᠰᠣ ᠬᠢᠳᠠᠳ ᠤᠨ ᠭᠤᠷᠪᠠᠨ ᠸᠠᠩ ᠤᠳ ᠢ ᠲᠡᠶᠢᠯᠦᠭᠰᠡᠨ ᠴᠢᠩᠰᠠᠩ ᠲᠠᠶᠢᠵᠢ ᠬᠡᠮᠡᠬᠦ ᠪᠠᠭᠠᠳᠣᠷ᠂ ᠡᠬᠦᠨ ᠤ ᠰᠠᠭᠤᠬᠤ ᠣᠷᠣᠨ ᠠᠨᠣ ᠬᠦᠮᠦᠨ ᠶᠠᠪᠣᠵᠦ ᠦᠯᠦ ᠪᠣᠯᠬᠤ ᠵᠣᠵᠠᠭᠠᠨ ᠣᠢ ᠲᠠᠶᠢᠭ᠎ᠠ ᠲᠣᠳᠣᠷ᠎ᠠ ᠬᠠᠷ᠎ᠠ ᠦᠳᠦᠭᠡ ᠯᠦᠭᠡ ᠣᠯᠠᠭᠠᠨ ᠨᠢᠳᠣᠷᠭ᠎ᠠ ᠪᠠᠷ ᠲᠣᠯᠣᠯᠳᠣᠨ ᠠᠯᠠᠵᠦ ᠰᠠᠭᠤᠮᠣᠢ᠃ ᠡᠬᠦᠨ ᠤ ᠲᠠᠷᠠᠭ᠎ᠠ ᠶᠠᠪᠣᠭᠴᠢ ᠠᠨᠣ ᠵᠣᠷᠢᠭᠳᠣ ᠪᠠᠭᠠᠳᠣᠷ ᠪᠣᠭᠤᠷᠵᠢ ᠶᠢᠨ ᠨᠦᠬᠦᠷ ᠠᠨᠳᠠ ᠮᠣᠬᠤᠯᠠᠢ ᠰᠡᠴᠡᠨ ᠬᠡᠮᠡᠮᠦᠢ᠃ ᠲᠡᠷᠢᠬᠦᠳ ᠤᠨ ᠬᠤᠷᠠᠯᠳᠣᠭᠠᠨ ᠤ ᠲᠣᠳᠣᠷ᠎ᠠ ᠡᠨᠡ ᠮᠣᠬᠤᠯᠠᠢ ᠰᠡᠴᠡᠨ ᠤ ᠡᠷᠭᠡ ᠶᠡᠬᠡᠯ᠎ᠡ ᠬᠦᠨᠳᠣ ᠪᠦᠬᠦᠳᠡᠭᠡᠷ ᠣᠶᠢᠰᠢᠶᠠᠮᠣᠢ︾ ᠬᠡᠮᠡᠨ ᠦᠬᠦᠯᠡᠳᠡᠯ᠎ᠡ ᠨᠢᠭᠡᠨ ᠮᠠᠰᠢ ᠦᠵᠡᠰᠬᠦᠯᠡᠩᠳᠣ ᠰᠠᠶᠢᠬᠠᠨ ᠮᠣᠷᠢ ᠣᠨᠣᠭᠰᠠᠨ ᠨᠠᠢᠮᠠᠨ ᠬᠦᠮᠦᠨ ᠲᠠᠭᠠᠭᠤᠯᠣᠭᠰᠠᠨ ᠵᠠᠯᠠᠭᠤ ᠪᠠᠭᠠᠳᠣᠷ ᠣᠶᠢᠷᠠᠳᠣᠨ ᠢᠷᠡᠵᠦᠬᠦᠢ᠃ ᠡᠬᠦᠨ ᠤ ᠪᠡᠶ᠎ᠡ ᠳᠡᠭᠡᠨ ᠡᠮᠦᠰᠦᠭᠰᠡᠨ ᠢᠨᠣ ᠦᠨᠳᠦᠷ ᠠᠷᠠᠰᠣᠨ ᠲᠡᠪᠡᠯ᠂ ᠲᠣᠯᠣᠭᠠᠢ  ᠳᠠᠭᠠᠨ ᠴᠢᠨᠣ ᠎ᠡ ᠶᠢᠨ ᠠᠷᠠᠰᠣᠨ ᠮᠠᠯᠠᠭᠠᠢ ᠲᠠᠯᠪᠢᠵᠦᠬᠤᠢ᠃ ᠵᠡᠪᠰᠡᠭ ᠢᠨᠣ ᠨᠣᠮᠣ ᠰᠣᠮᠣ ᠠᠭᠰᠠᠵᠦ᠂ ᠰᠡᠯᠡᠮ᠎ᠡ ᠵᠡᠬᠦᠵᠦ᠂ ᠪᠠᠷᠠᠭᠤᠨ ᠭᠠᠷ ᠲᠠᠭᠠᠨ ᠣᠷᠳᠣ ᠵᠢᠳᠠ ᠶᠢᠨ ᠦᠵᠦᠬᠦᠷ ᠲᠤᠷ ᠬᠦᠬᠡ ᠲᠤᠭ ᠡᠯᠬᠦᠵᠦᠬᠦᠢ᠃ ᠡᠨᠡ ᠬᠦᠮᠦᠨ ᠤ ᠪᠠᠶᠢᠳᠠᠯ ᠲᠦᠯᠦᠪ ᠢ ᠠᠵᠢᠭᠯᠠᠪᠠᠰᠣ ᠬᠡᠮᠵᠢᠶ᠎ᠠ ᠦᠬᠡᠢ ᠵᠣᠷᠢᠭᠳᠣ ᠪᠠᠭᠠᠳᠣᠷ ᠠᠵᠣᠭᠤ᠃ ᠵᠠᠨ᠎ᠠ ᠬᠦᠪᠡᠬᠦᠨ ᠠᠯᠠᠭ ᠤᠨ ᠵᠦᠭ ᠬᠠᠨᠳᠣᠨ ᠨᠢᠳᠣᠨ ᠤ ᠦᠨᠴᠦᠭ ᠢᠶᠠᠷ ᠠᠰᠠᠭᠤᠪᠠᠰᠣ ᠠᠯᠠᠭ ᠲᠠᠷᠣᠢ ᠮᠠᠭᠳᠠᠵᠦ ᠦᠬᠦᠯᠡᠷᠦᠨ᠄ ︽ᠡᠨᠡ ᠪᠠᠭᠠᠳᠣᠷ ᠢ ᠪᠢ ᠲᠠᠨᠢᠬᠤ ᠦᠬᠡᠢ᠂ ᠪᠠᠶᠢᠵᠨ᠂ ᠬᠡᠨ ᠪᠣᠯᠣᠯᠲᠠᠢ ᠪᠢᠯᠨ︾ ᠬᠡᠮᠡᠨ ᠰᠠᠨᠠᠵᠦ ᠶᠠᠳᠠᠨ ᠪᠠᠶᠢᠳᠠᠯ᠎ᠠ ᠠᠯᠠᠭ ᠤᠨ ᠲᠡᠷᠭᠡᠳᠡᠬᠢ ᠲᠠᠭᠠᠯᠳᠠ ᠡᠪᠦᠬᠡᠨ ᠦᠬᠦᠯᠡᠷᠦᠨ᠄ ︽ᠡᠨᠡ ᠬᠦᠯᠦᠭ ᠰᠠᠶᠢᠬᠠᠨ ᠮᠣᠷᠢᠳ ᠤᠨ ᠪᠡᠯᠴᠢᠳᠡᠭ ᠬᠦᠬᠡ ᠨᠠᠭᠤᠷ ᠤᠨ ᠬᠦᠪᠡᠬᠡᠨ ᠲᠡᠭᠡᠷ᠎ᠡ ᠠᠴᠠ ᠢᠷᠡᠭᠰᠡᠨ ᠪᠠᠰᠣᠳ ᠠᠶᠢᠮᠠᠭ ᠤᠨ ᠵᠡᠪᠡ ᠴᠢᠨ᠋ᠸ᠎ᠡ ᠬᠡᠮᠡᠳᠡᠭ᠂ ᠡᠬᠦᠨ ᠤ ᠨᠠᠰᠣᠨ ᠬᠡᠳᠦᠢ ᠵᠠᠯᠠᠭᠤ ᠪᠣᠯᠪᠠᠴᠣ ᠨᠦᠬᠦᠳ ᠢᠨᠣ ᠲᠣᠭᠤᠮᠵᠢᠯᠠᠳᠠᠭ᠂ ᠲᠠᠶᠢᠰᠣᠨ ᠠᠨᠣ ᠠᠶᠣᠳᠠᠭ ᠪᠣᠯᠠᠢ᠃ ᠡᠬᠦᠨ ᠤ ᠠᠶᠢᠮᠠᠭ ᠣᠯᠠᠨ ᠪᠣᠰᠣ ᠲᠣᠯᠨ᠂ ᠮᠠᠨ ᠤ ᠡᠨᠡ ᠭᠠᠵᠠᠷ ᠴᠦᠭᠡᠨ ᠬᠦᠮᠦᠨ ᠲᠠᠭᠠᠭᠤᠯᠵᠦ ᠢᠷᠡᠭᠰᠡᠨ ᠪᠣᠯᠣᠯᠳᠠᠢ︾ ᠬᠡᠮᠡᠮᠦᠢ᠃ ᠡᠨᠡ ᠮᠡᠳᠦᠴᠢᠯᠡᠨ ᠬᠤᠶᠠᠷ ᠬᠦᠪᠡᠬᠦᠳ ᠤᠨ ᠡᠮᠦᠨᠡᠬᠦᠷ ᠬᠡᠳᠦ ᠬᠡᠳᠦᠨ ᠠᠩᠬᠢ ᠶᠢᠨ ᠴᠡᠷᠢᠭ ᠶᠠᠪᠣᠨ ᠦᠩᠭᠡᠷᠡᠵᠦ᠂ ᠲᠠᠷᠠᠭ᠎ᠠ ᠪᠠᠷ ᠠᠨᠣ ᠬᠠᠰᠠᠭ ᠪᠠ ᠮᠣᠬᠤᠯᠠᠭ ᠲᠡᠷᠭᠡ᠂ ᠰᠦᠷᠦᠭ ᠮᠠᠯ ᠲᠠᠢ ᠲᠠᠰᠣᠷᠠᠰᠢ ᠦᠬᠡᠢ ᠶᠠᠪᠣᠬᠤᠢ ᠶᠢ ᠦᠵᠡᠬᠦᠯ᠎ᠡ ᠠᠳᠡ ᠪᠦᠬᠦᠳᠡᠭᠡᠷ ᠭᠠᠭᠴᠨ ᠨᠢᠭᠡᠨ ᠠᠶᠢᠮᠠᠭ ᠴᠣ᠋ ᠪᠣᠰᠣ᠂ ᠨᠢᠭᠡᠨ ᠪᠦᠬᠦᠯᠢ ᠠᠤᠭ᠎ᠠ ᠬᠦᠴᠦᠨ ᠲᠡᠭᠦᠯᠳᠡᠷ ᠣᠯᠣᠰ᠂ ᠡᠨᠡ ᠠᠭᠤᠯᠨ ᠶᠢᠨ ᠨᠢᠷᠦᠭᠤᠨ ᠤ ᠬᠤᠷᠮᠣᠢ ᠳᠤᠷ ᠣᠳᠣᠷᠢᠳᠣᠭᠴᠢ ᠡᠵᠡᠨ ᠢᠶᠠᠨ ᠬᠦᠯᠢᠶᠡᠨ ᠠᠵᠣᠭᠤ᠃ ᠡᠨᠡ ᠲᠣᠭᠠᠯᠠᠰᠢ ᠦᠬᠡᠢ ᠠᠷᠪᠢᠨ ᠴᠡᠷᠢᠭ ᠢ ᠬᠠᠷᠠᠭᠠᠳ ᠠᠯᠠᠭ ᠤᠨ ᠲᠣᠳᠣᠷ᠎ᠠ᠂ ᠪᠢ ᠴᠣ᠋ ᠮᠦᠨ ᠡᠨᠡ ᠣᠯᠠᠨ ᠣᠯᠣᠰ ᠤᠨ ᠨᠢᠭᠡᠨ ᠦᠨᠳᠦᠰᠦ ᠭᠡᠰᠢᠬᠦᠨ ᠢᠨᠣ ᠮᠦᠨ ᠬᠡᠮᠡᠬᠦ ᠣᠮᠤᠭ ᠰᠡᠳᠬᠢᠯ ᠲᠦᠷᠦᠵᠦᠬᠦᠢ᠃ ᠵᠠᠨ᠎ᠠ ᠬᠦᠪᠡᠬᠦᠨ ᠡᠳᠡᠭᠡᠷ ᠣᠯᠠᠨ ᠪᠠᠭᠠᠳᠣᠷ ᠴᠡᠷᠢᠭ ᠤᠳ ᠢ ᠬᠠᠷᠠᠵᠦ ᠨᠢᠳᠣᠨ ᠢᠶᠠᠨ ᠰᠠᠯᠭᠠᠵᠦ ᠶᠠᠳᠠᠨ ᠪᠢ ᠴᠣ᠋ ᠮᠦᠨ ᠨᠡᠬᠦᠳᠡᠯ ᠤᠨ ᠠᠶᠢᠮᠠᠭ ᠤᠨ ᠬᠦᠮᠦᠨ ᠲᠣᠯᠨ ᠡᠳᠡᠭᠡᠷ ᠪᠠᠭᠠᠳᠣᠷ ᠤᠳ ᠯᠤᠭ᠎ᠠ ᠨᠡᠶᠢᠯᠡᠪᠡᠰᠦ ᠪᠣᠯᠣᠮᠣᠢ ᠬᠡᠮᠡᠨ ᠪᠠᠰᠠᠯ᠎ᠠ ᠣᠮᠤᠭ ᠲᠦᠷᠦᠵᠦ ᠨᠢᠳᠦᠨ ᠢᠶᠠᠨ ᠬᠢᠯᠪᠠᠯᠵᠠᠭᠤᠯᠣᠨ ᠦᠨᠳᠦᠷ ᠲᠠᠭᠤᠨ ᠢᠶᠠᠷ ᠦᠬᠦᠯᠡᠷᠦᠨ᠄ ︽ᠲᠡᠭᠡᠳᠣ ᠲᠡᠭᠷᠢ ᠶᠡᠭᠡ ᠪᠣᠯᠠᠢ᠂ ᠶᠢᠷᠲᠢᠨᠴᠣ ᠶᠢ ᠶᠡᠷᠦᠩᠬᠡᠶᠢᠯᠡᠬᠦ ᠪᠦᠬᠦᠳᠡ ᠶᠢ ᠮᠡᠳᠡᠭᠴᠢ ᠠᠤᠭ᠎ᠠ ᠬᠦᠴᠦᠲᠣ ᠲᠡᠭᠷᠢ ᠴᠢᠮᠠᠢᠢ ᠶᠤᠭᠠᠨ ᠮᠠᠭᠳᠠᠮᠣᠢ ︾ ᠬᠡᠮᠡᠳᠡᠯ᠎ᠡ᠂ ᠪᠠᠶᠢᠰᠣᠩᠭᠤᠷ ᠲᠡᠷᠭᠡᠳᠡ ᠬᠦᠷᠦᠨ ᠢᠷᠡᠵᠦ ︽ᠴᠢ ᠰᠠᠶ᠋ᠢ ᠶᠠᠭᠤ ᠦᠬᠦᠯᠡᠪᠠᠢ︾ ᠬᠡᠮᠡᠨ ᠠᠰᠠᠭᠤᠪᠠᠰᠣ ᠵᠠᠨ᠎ᠠ ᠦᠬᠦᠯᠡᠷᠦᠨ᠄ ︽ᠮᠠᠨ ᠤ ᠡᠵᠡᠨ ᠤ ᠠᠯᠳᠠᠷ ᠢ ᠲᠣᠷᠠᠳᠣᠨ ᠢᠯᠭᠤᠭᠳᠠᠰᠢ ᠦᠬᠡᠢ ᠲᠡᠮᠦᠵᠢᠨ ᠤ ᠰᠦᠷ ᠬᠦᠴᠦᠨ ᠢ ᠮᠠᠭᠳᠠᠪᠠᠢ᠃ ᠮᠠᠨ ᠤ ᠣᠯᠣᠰ ᠤᠨ ᠶᠡᠭᠡ ᠬᠦᠴᠦᠲᠠᠢ ᠪᠣᠯᠣᠭᠰᠠᠨ ᠠᠨᠣ᠂ ᠭᠠᠭᠴᠠᠬᠦ ᠡᠨᠡ ᠲᠡᠮᠦᠵᠢᠨ ᠡᠵᠡᠨ ᠤ ᠬᠠᠷᠢᠶ᠎ᠠ ᠪᠣᠯᠠᠢ︾ ᠬᠡᠮᠡᠪᠡᠰᠦ ᠪᠠᠶᠢᠰᠣᠩᠭᠤᠷ ᠭᠠᠷ ᠢᠶᠠᠨ ᠵᠠᠨ᠎ᠠ ᠶᠢᠨ ᠮᠦᠷᠦᠨ ᠲᠡᠭᠡᠷ᠎ᠡ ᠲᠠᠯᠪᠢᠵᠦ ᠦᠬᠦᠯᠡᠷᠦᠨ᠄ ︽ᠬᠦᠪᠡᠬᠦᠨ ᠮᠢᠨᠣ ᠰᠠᠶᠢᠨ ᠰᠠᠶᠢᠨ᠂ ᠠᠤᠭ᠎ᠠ ᠬᠦᠴᠦᠲᠣ ᠲᠡᠭᠷᠢ ᠠᠮᠢ ᠶᠢ ᠴᠢᠨᠢ ᠰᠠᠬᠢᠬᠤ ᠪᠣᠯᠳᠣᠭᠠᠢ᠃ ᠠᠶᠣᠮᠰᠢᠭᠳᠣ ᠲᠠᠶᠢᠰᠦᠨ ᠳᠤᠷ ᠦᠯᠦ ᠢᠯᠭᠠᠭᠳᠠᠬᠤ ᠡᠷ᠎ᠡ ᠶᠢᠨ ᠬᠦᠴᠦᠨ ᠦᠭᠬᠦ ᠪᠣᠯᠳᠣᠭᠠᠢ︕︾ ᠬᠡᠮᠡᠭᠡᠳ᠂ ᠦᠪᠡᠷ ᠤᠨ ᠬᠦᠪᠡᠬᠦᠨ ᠠᠯᠠᠭ ᠤᠨ ᠮᠣᠷᠢ ᠶᠢ ᠭᠠᠷ ᠢᠶᠠᠨ ᠴᠣᠬᠢᠵᠦ ᠡᠷᠭᠢᠬᠦᠯᠦᠨ ︽ᠮᠢᠨᠣ ᠬᠤᠶᠢᠨ᠎ᠠ ᠠᠴᠠ ᠶᠠᠪᠣᠭᠳᠣᠨ ︾ ᠬᠡᠮᠡᠨ ᠬᠤᠶᠠᠭᠤᠯᠨ ᠶᠢ ᠲᠠᠭᠠᠭᠤᠯᠵᠣ ᠣᠶᠢᠮᠡᠯᠳᠦᠭᠰᠡᠨ ᠣᠯᠠᠨ ᠠᠷᠠᠳ ᠤᠨ ᠲᠣᠮᠳᠠᠭᠤᠷ ᠬᠠᠭ᠎ᠠ ᠵᠦᠰᠦᠨ ᠶᠠᠪᠣᠵᠦ ᠨᠢᠭᠡᠨ ᠪᠣᠯᠳᠤᠭ ᠲᠣᠯᠣᠭᠠᠢ ᠶᠢᠨ ᠬᠠᠵᠠᠭᠤ ᠳᠤᠷ ᠣᠯᠠᠨ ᠪᠠᠭᠠᠳᠣᠷ ᠴᠣᠭᠯᠠᠷᠠᠭᠰᠠᠨ ᠤ ᠲᠡᠷᠭᠡᠳᠡ ᠬᠦᠷᠴᠦ ᠡᠴᠢᠪᠡᠰᠦ ᠰᠠᠶᠢᠬᠢ ᠵᠠᠨ᠎ᠠ ᠬᠦᠪᠡᠬᠦᠨ ᠤ ᠦᠷᠯᠦᠭᠡ ᠡᠷᠳᠡ ᠦᠵᠡᠭᠰᠡᠨ ᠭᠠᠶᠢᠬᠠᠮᠰᠢᠭᠳᠣ ᠬᠦᠮᠦᠨ ᠰᠠᠶᠢᠬᠠᠨ ᠮᠣᠷᠢ ᠣᠨᠣᠵᠦ ᠨᠢᠳᠣᠨ ᠢᠶᠠᠨ ᠴᠠᠬᠢᠯᠭᠠᠨ ᠮᠡᠳᠣ ᠬᠢᠯᠪᠠᠯᠵᠠᠭᠤᠯᠣᠨ ᠲᠡᠷ᠎ᠡ ᠪᠣᠯᠳᠤᠭ ᠲᠣᠯᠣᠭᠠᠢ ᠲᠡᠭᠡᠷ᠎ᠡ ᠵᠣᠭᠰᠣᠨ ᠪᠦᠬᠦᠢ ᠶᠢ ᠵᠠᠨ᠎ᠠ ᠬᠦᠪᠡᠬᠦᠨ ᠶᠡᠬᠡᠯ᠎ᠡ ᠭᠠᠶᠢᠬᠠᠵᠦ ᠨᠦᠬᠦᠷ ᠤᠨ ᠵᠦᠭ ᠬᠠᠨᠳᠣᠨ ᠦᠬᠡ ᠬᠡᠯᠡᠶ᠎ᠠ ᠬᠡᠮᠡᠳᠡᠯ᠎ᠡ᠂ ᠠᠯᠠᠭ ᠬᠠᠰᠬᠢᠷᠦᠨ ᠦᠬᠦᠯᠡᠷᠦᠨ᠄ ︽ᠲᠡᠮᠦᠵᠢᠨ ᠬᠠᠭᠠᠨ ᠤ ᠠᠯᠳᠠᠷ ᠮᠠᠨᠳᠣᠳᠣᠭᠠᠢ︕︾ ᠬᠡᠮᠡᠨ ᠪᠠᠷᠬᠢᠷᠠᠪᠠᠰᠣ᠄ ︽ᠲᠡᠮᠦᠵᠢᠨ ᠤ ᠠᠯᠳᠠᠷ ᠂ ᠲᠡᠮᠦᠵᠢᠨ ᠤ ᠠᠯᠳᠠᠷ︕︾ ᠬᠡᠮᠡᠯᠳᠦᠨ ᠵᠦᠭ ᠪᠦᠷᠢ ᠠᠴᠠ ᠨᠢᠭᠡᠨ ᠵᠢᠭᠳᠡ ᠲᠦᠮᠡᠨ ᠲᠦᠮᠡᠨ ᠬᠦᠮᠦᠨ ᠬᠠᠰᠭᠢᠷᠦᠯᠳᠦᠨ ᠲᠡᠭᠷᠢ ᠲᠦᠩᠬᠢᠨᠡᠬᠦ ᠮᠡᠳᠣ ᠠᠭᠤᠯᠨ ᠬᠠᠳᠠ ᠬᠤᠩᠬᠢᠨᠠᠨ ᠴᠣᠣᠷᠢᠶᠠᠳᠣᠮᠦᠢ᠃ ᠵᠠᠨ᠎ᠠ ᠬᠦᠪᠡᠬᠦᠨ ᠰᠠᠶ᠋ᠢ ᠲᠡᠮᠦᠵᠢᠨ ᠬᠡᠮᠡᠳᠡᠭ ᠡᠶᠢᠮᠦ ᠰᠦᠷᠲᠠᠢ ᠠᠵᠣᠭᠤ ᠬᠡᠮᠡᠨ ᠵᠢᠷᠦᠬᠡᠨ ᠳᠡᠭᠡᠨ ᠬᠦᠷᠲᠡᠯ᠎ᠡ ᠮᠡᠳᠡᠪᠠᠢ᠃ ᠲᠡᠮᠦᠵᠢᠨ ᠮᠣᠷᠢᠨ ᠤ ᠲᠡᠭᠡᠷ᠎ᠡ ᠬᠦᠳᠡᠯᠦᠯ ᠦᠬᠡᠢ ᠵᠣᠭᠰᠣᠵᠦ ᠴᠣᠭᠯᠠᠷᠠᠭᠰᠠᠨ ᠣᠯᠠᠨ ᠴᠡᠷᠢᠭ ᠤᠳ ᠢᠶᠠᠨ ᠬᠠᠷᠠᠵᠦ ᠨᠡᠯᠢᠶᠡᠳ ᠣᠳᠠᠭᠰᠠᠨ ᠤ ᠬᠤᠶᠢᠨ᠎ᠠ ᠪᠠᠷᠠᠭᠤᠨ ᠭᠠᠷ ᠢᠶᠠᠨ ᠡᠷᠬᠦᠵᠦ ᠵᠠᠩᠭᠠᠬᠤᠢ ᠯᠤᠭ᠎ᠠ ᠨᠢᠭᠡᠮᠦᠰᠦᠨ ᠴᠢᠮᠡᠭᠡ ᠦᠬᠡᠢ ᠪᠣᠯᠵᠦ ᠲᠡᠭᠷᠢ ᠶᠢᠨ ᠲᠠᠭᠤᠨ ᠮᠡᠳᠣ ᠦᠨᠳᠦᠷ ᠲᠠᠭᠤᠨ ᠢᠶᠠᠷ ᠲᠡᠮᠦᠵᠢᠨ ᠦᠬᠦᠯᠡᠷᠦᠨ᠄ ︽ᠭᠤᠪᠢ ᠶᠢᠨ ᠣᠯᠠᠨ ᠪᠠᠭᠠᠳᠣᠷ ᠤᠳ ᠠᠮᠣᠷ ᠰᠠᠶᠢᠨ ᠤᠤ︖ ᠡᠨᠡ ᠪᠠᠶᠠᠰᠬᠤᠯᠠᠩᠳᠣ ᠰᠠᠶᠢᠨ ᠡᠳᠦᠷ ᠣᠨᠣᠨ ᠮᠦᠷᠡᠨ ᠤ ᠬᠦᠪᠡᠬᠡᠨ ᠲᠡᠭᠡᠷ᠎ᠡ ᠲᠠ ᠨᠠᠷ ᠤᠨ ᠪᠦᠬᠦᠳᠡ ᠶᠢᠨ ᠠᠮᠣᠷ ᠢ ᠡᠷᠢᠮᠦ᠃ ᠬᠤᠵᠢᠮ ᠬᠤᠵᠢᠮ ᠤᠨ ᠠᠴᠢ ᠦᠷ᠎ᠡ ᠨᠦᠭᠦᠳ ᠡᠨᠡ ᠰᠠᠶᠢᠬᠠᠨ ᠮᠠᠨ ᠤ ᠣᠯᠣᠰ ᠤᠨ ᠮᠠᠨᠳᠣᠭᠰᠠᠨ ᠰᠠᠶᠢᠨ ᠡᠳᠦᠷ ᠢ ᠦᠯᠦ ᠮᠠᠷᠳᠠᠮᠣᠢ ‍ᠶ᠎ᠡ᠃ ᠡᠨᠡ ᠡᠳᠦᠷ ᠠᠴᠠ ᠡᠬᠢᠯᠡᠵᠦ ᠮᠠᠨ ᠤ ᠣᠯᠣᠰ ᠤᠨ ᠨᠡᠷ᠎ᠡ ᠮᠣᠬᠤᠰᠢ ᠦᠬᠡᠢ ᠵᠣᠷᠢᠭᠳᠣ ᠮᠣᠩᠭᠤᠯ ᠬᠡᠮᠡᠨ ᠠᠯᠳᠠᠷᠰᠢᠵᠦ ᠪᠦᠬᠦᠳᠡ ᠶᠢᠷᠲᠢᠨᠴᠦ ᠶᠢ ᠡᠪᠦᠳᠦᠭ ᠲᠣᠶᠢᠭ ᠤᠨ ᠲᠣᠣᠷ᠎ᠠ ᠪᠠᠨ ᠣᠷᠣᠭᠤᠯᠣᠮᠣᠢ᠃ ᠲᠠ ᠪᠦᠬᠦᠳᠡ ᠰᠠᠶᠢᠳᠣᠷ ᠰᠣᠨᠣᠰ᠂ ᠡᠨᠡ ᠡᠳᠦᠷ ᠠᠴᠠ ᠡᠬᠢᠯᠡᠨ ᠡᠬᠦᠷᠢᠳᠡ ᠲᠠᠭᠠᠵᠦ ᠶᠠᠪᠣᠬᠤ ᠴᠠᠭᠠᠵᠨ᠂ ᠠᠶᠣᠬᠤ ᠮᠡᠳᠣ ᠣᠳᠣᠷᠢᠳᠣᠭᠴᠢ ᠨᠣᠶᠠᠳ ᠤᠨ ᠦᠬᠡ ᠶᠢ ᠣᠭᠳᠣ ᠵᠦᠷᠢᠴᠡᠯ ᠦᠬᠡᠢ ᠰᠢᠭᠤᠳ ᠲᠠᠭᠠᠭᠳᠣᠨ᠂ ᠣᠷᠪᠠᠭᠰᠠᠳ ᠢ ᠦᠰᠢᠶᠡᠯᠡᠨ ᠲᠠᠯᠳᠢᠷᠠᠭᠰᠠᠳ ᠢ ᠠᠯᠨ᠂ ᠪᠡᠶ᠎ᠡ ᠪᠡᠶ᠎ᠡ ᠪᠠᠨ ᠬᠠᠰ ᠬᠠᠳᠠ ᠮᠡᠳᠣ ᠶᠠᠪᠣᠵᠦ ᠦᠮᠦᠭᠯᠨ᠂ ᠡᠬᠡᠨᠡᠷ ᠬᠦᠮᠦᠨ ᠢ ᠪᠣᠣ ᠬᠦᠩᠬᠡᠯᠨ᠂ ᠵᠡᠷ ᠵᠡᠪᠰᠡᠭ ᠤᠨ ᠰᠣᠷᠭᠠᠭᠤᠯᠢ ᠶᠢ ᠲᠠᠰᠣᠷᠠᠯᠳᠠ ᠦᠬᠡᠢ ᠬᠢᠭᠲᠦᠨ᠂ ᠪᠡᠶ᠎ᠡ ᠪᠠᠨ ᠪᠠᠭ᠎ᠠ ᠨᠠᠰᠣᠨ ᠠᠴᠠ ᠠᠯᠢᠪᠠ ᠵᠦᠬᠡᠯᠡᠨ ᠰᠢᠷᠦᠬᠦᠨ ᠶᠠᠪᠣᠳᠠᠯ ᠢᠶᠠᠷ ᠬᠠᠳᠠᠭᠤᠵᠢᠨ ᠰᠣᠷᠭ᠎ᠠ᠂ ᠲᠡᠭᠡᠳᠣ ᠲᠡᠭᠷᠢ ᠳᠤ ᠪᠢᠰᠢᠷᠨ᠂ ᠪᠣᠰᠣᠳ ᠤᠨ ᠶᠣᠰᠣ ᠶᠢ ᠠᠳᠠᠯᠢ ᠬᠦᠨᠳᠦᠯᠨ᠂ ᠮᠣᠬᠤᠰᠢ ᠦᠬᠡᠢ ᠵᠣᠷᠢᠭᠳᠣ ᠮᠣᠩᠭᠤᠯ ᠤᠳ ᠮᠢᠨᠣ ᠡᠨᠡ ᠵᠠᠰᠠᠭ ᠢ ᠵᠢᠷᠦᠮᠯᠠᠨ ᠲᠠᠭᠠᠪᠠᠰᠣ ᠪᠦᠬᠦᠢ ᠶᠢᠷᠲᠢᠨᠴᠦ ᠲᠠᠨ ᠤ ᠲᠣᠣᠷ᠎ᠠ ᠣᠨᠠᠵᠦ ᠦᠭᠬᠦᠮᠦᠢ︕︾ ᠬᠡᠮᠡᠬᠦᠢ  ᠯᠦᠭᠡ ᠲᠦᠮᠡᠨ ᠲᠦᠮᠡᠨ ᠠᠮᠨ ᠨᠢᠭᠡᠨ ᠵᠡᠷᠭᠡ ᠪᠠᠷ ᠠᠩᠭᠠᠶᠢᠵᠦ ᠲᠡᠭᠷᠢ ᠶᠢᠨ ᠲᠠᠭᠤᠨ ᠠᠳᠠᠯᠢ᠄ ︽ᠲᠡᠮᠦᠵᠢᠨ ᠤ ᠠᠯᠳᠠᠷ᠂ ᠲᠡᠮᠦᠵᠢᠨ ᠤ ᠠᠯᠳᠠᠷ᠂ ᠮᠣᠩᠭᠤᠯ ᠣᠯᠣᠰ ᠮᠠᠨᠳᠣᠳᠣᠭᠠᠢ᠂ ᠮᠠᠨᠳᠣᠳᠣᠭᠠᠢ︕︾ ᠬᠡᠮᠡᠨ ᠪᠠᠬᠢᠷᠠᠯᠳᠣᠨ ᠴᠡᠷᠢᠭ ᠤᠨ ᠬᠡᠩᠬᠡᠷᠭᠡ ᠲᠡᠯᠡᠳᠴᠦ᠂ ᠴᠠᠩ ᠴᠣᠬᠢᠵᠦ᠂ ᠶᠡᠭᠡ ᠪᠠᠭ᠎ᠠ ᠪᠦᠷᠢᠶ᠎ᠠ ᠪᠠᠨ ᠲᠠᠳᠠᠨ᠂ ᠵᠡᠷ ᠵᠡᠪᠰᠡᠭ ᠶᠦᠭᠡᠨ ᠬᠠᠩᠭᠢᠨᠠᠭᠤᠯᠵᠦ᠂ ᠶᠡᠭᠡ ᠲᠠᠯᠠᠢ ᠢᠷᠦᠭᠠᠷ ᠠᠴᠠ ᠬᠦᠳᠡᠯᠦᠭᠰᠡᠨ ᠮᠡᠳᠣ᠄ ︽ᠣᠯᠠᠨ ᠴᠡᠷᠢᠭ ᠤᠳ ᠲᠤᠷ ᠲᠣᠩᠬᠠᠭᠯᠠᠰᠣᠭᠠᠢ᠂ ᠮᠠᠨ ᠤ ᠡᠮᠦᠨ᠎ᠠ ᠠᠴᠠ ᠡᠰᠡᠷᠭᠦᠴᠡᠭᠰᠡᠨ ᠣᠯᠣᠰ ᠢ ᠬᠦᠢᠰᠦ ᠲᠡᠮᠳᠡᠷᠢᠨ ᠠᠯᠠᠭᠳᠣᠨ᠂ ᠮᠠᠨ ᠢ ᠲᠠᠭᠠᠭᠰᠠᠨ ᠣᠯᠣᠰ ᠢ ᠦᠷᠦᠰᠢᠶᠡᠭᠳᠦᠨ︕︾ ᠬᠡᠮᠡᠨ ᠡᠵᠡᠨ ᠬᠠᠭᠠᠨ ᠶᠠᠷᠢᠯᠴᠠᠨ ᠪᠠᠶᠢᠳᠠᠯ᠎ᠠ ᠬᠡᠨᠡᠳᠳᠡ ᠲᠣᠪ ᠲᠣᠭᠤᠢ ᠪᠣᠯᠵᠣᠬᠤᠢ᠃ ᠣᠴᠢᠷ ᠶᠠᠭᠤᠨ ᠬᠡᠮᠡᠪᠡᠰᠦ ᠲᠣᠯᠣᠭᠠᠢ ᠲᠡᠭᠡᠷ᠎ᠡ ᠲᠡᠮᠦᠵᠢᠨ ᠤ ᠬᠠᠵᠠᠭᠤ ᠳᠤᠷ ᠭᠠᠵᠠᠷ ᠲᠣᠣᠷ᠎ᠠ ᠭᠠᠷᠣᠭᠰᠠᠨ ᠮᠡᠳᠣ ᠲᠠᠪ ᠲᠡᠭᠷᠢ ᠬᠦᠭᠴᠦ ᠪᠦᠬᠡ᠂ ᠴᠠᠭᠠᠨ ᠴᠠᠮᠴᠨ ᠡᠮᠦᠰᠴᠦ᠂ ᠬᠦᠯ ᠨᠢᠴᠦᠬᠦᠨ᠂ ᠦᠰᠦ ᠪᠠᠨ ᠵᠠᠳᠠᠷᠠᠭᠤᠯᠣᠨ ᠣᠨᠵᠢᠭᠤᠯᠣᠭᠰᠠᠨ ᠢᠶᠠᠷ ᠭᠠᠷᠴᠦ ᠢᠷᠡᠨ ᠵᠣᠭᠰᠣᠬᠤᠢ ᠳᠤᠷ ᠪᠦᠬᠦᠳᠡ ᠬᠦᠮᠦᠨ ᠶᠡᠭᠡ ᠪᠠᠭᠰᠢ ᠶᠤᠭᠠᠨ ᠲᠠᠨᠢᠭᠠᠳ ᠴᠦᠮ ᠬᠦᠰᠡᠷ᠎ᠡ ᠰᠦᠭᠦᠳᠴᠦ ᠲᠡᠮᠦᠵᠢᠨ ᠭᠠᠭᠴᠠᠭᠠᠷ ᠮᠣᠷᠢᠨ ᠲᠡᠭᠡᠷ᠎ᠡ ᠪᠠᠨ ᠬᠦᠳᠡᠯᠦᠯ ᠦᠬᠡᠢ ᠵᠣᠭᠰᠣᠵᠦ ᠶᠡᠭᠡ ᠪᠦᠬᠡ ᠭᠠᠭᠴᠠᠭᠠᠷ ᠭᠠᠵᠠᠷ ᠬᠦᠩᠬᠢᠨᠡᠬᠦ ᠮᠡᠳᠣ ᠲᠠᠭᠤᠨ ᠢᠶᠠᠷ ᠦᠬᠦᠯᠡᠭᠰᠡᠨ ᠢᠨᠣ ᠢᠪ ᠢᠯᠡᠷᠬᠡᠢ ᠬᠤᠯᠨ ᠣᠶᠢᠷ᠎ᠠ ᠪᠦᠬᠦᠳᠡ ᠳᠤᠷ ᠨᠢᠭᠡᠯ᠎ᠡ ᠠᠳᠠᠯᠢ ᠰᠣᠨᠣᠰᠳᠠᠮᠣᠢ᠄ ︽ᠡᠨᠡ ᠬᠦᠮᠦᠨ ᠯᠦᠭᠡ ᠶᠠᠪᠣᠪᠠᠰᠣ᠂ ᠲᠡᠯᠡᠬᠡᠢ ᠶᠢᠷᠲᠢᠨᠴᠦ ᠲᠠᠨ ᠤ ᠪᠣᠯᠣᠮᠣᠢ᠂ ᠬᠠᠷᠢ ᠶᠢᠨ ᠣᠯᠣᠰ ᠤᠳ ᠡᠬᠦᠨ ᠢ ᠲᠡᠭᠷᠢ ᠶᠢᠨ ᠲᠠᠰᠢᠭᠤᠷ ᠬᠡᠮᠡᠨ ᠨᠡᠷᠡᠶᠢᠳᠦᠮᠦᠢ᠃ ᠡᠬᠦᠨ ᠤ ᠮᠣᠩᠭᠤᠯ ᠠᠶᠢᠮᠠᠭ ᠤᠳ ᠠᠨᠣ ᠣᠷᠣᠨ ᠭᠠᠵᠠᠷ ᠡᠯ᠎ᠡ ᠪᠦᠬᠦᠳᠡ ᠶᠢ ᠬᠢᠵᠠᠭᠠᠷ ᠬᠦᠷᠲᠡᠯ᠎ᠡ ᠶᠠᠪᠣᠮᠣᠢ᠃ ᠴᠢ ᠶᠡᠭᠡ ᠴᠢᠩᠭᠢᠰ ᠬᠠᠭᠠᠨ ᠬᠡᠮᠡᠬᠦ ᠴᠣᠯᠨ ᠲᠠᠢ ᠪᠣᠯᠵᠦ ᠬᠡᠨ ᠳᠤᠷ ᠴᠣ᠋ ᠦᠯᠦ ᠢᠯᠠᠭᠤᠭᠳᠠᠬᠤ ᠪᠣᠯᠠᠢ᠂ ᠲᠡᠭᠡᠳᠣ ᠲᠡᠭᠷᠢ ᠶᠢᠨ ᠵᠠᠷᠯᠢᠭ ᠢᠶᠠᠷ ᠴᠢᠩᠭᠢᠰ ᠬᠠᠭᠠᠨ ᠴᠣᠯᠨ ᠶᠢ ᠡᠭᠦᠷᠢᠳᠡ ᠠᠯᠳᠠᠷᠰᠢᠭᠤᠯᠬᠤ ᠶᠢᠨ ᠲᠣᠯᠨ ᠪᠢ ᠴᠢᠮᠠᠳᠠᠭᠠᠨ ᠦᠭᠰᠦᠬᠡᠢ᠂ ᠰᠦᠯᠳᠡ ᠲᠤᠭ ᠶᠤᠭᠠᠨ ᠲᠡᠭᠡᠭᠰᠢ ᠡᠷᠭᠦᠵᠦ᠂ ᠶᠡᠭᠡ ᠴᠡᠷᠢᠭ ᠢᠶᠠᠨ ᠣᠳᠣᠷᠢᠳᠣᠨ ᠲᠠᠭᠠᠭᠤᠯᠵᠦ᠂ ᠲᠡᠯᠡᠬᠡᠢ ᠶᠢᠷᠲᠢᠨᠴᠣ ᠶᠢ ᠪᠠᠶᠢᠯᠳᠣᠷ᠎ᠠ ᠶᠠᠪᠤ᠂ ᠡᠨᠡ ᠲᠡᠯᠡᠬᠡᠢ ᠶᠢᠷᠲᠢᠨᠴᠦ ᠪᠣᠯᠪᠠᠰᠣ ᠴᠦᠮ ᠴᠢᠨᠣ ᠪᠣᠯᠠᠢ︕︾ ᠬᠡᠮᠡᠨ ᠦᠬᠦᠯᠡᠪᠡᠰᠦ ᠲᠡᠮᠦᠵᠢᠨ ᠬᠠᠳᠠᠭᠤ ᠲᠠᠭᠤᠨ ᠢᠶᠠᠷ ᠦᠬᠦᠯᠡᠷᠦᠨ᠄ ︽ᠲᠡᠯᠡᠬᠡᠢ ᠴᠣᠬᠤᠮ ᠬᠦ ᠮᠢᠨᠣ ᠪᠣᠯᠣᠮᠣᠢ︕︾ ᠬᠡᠮᠡᠪᠡᠰᠦ ᠲᠡᠭᠷᠢ ᠬᠠᠭᠠᠷᠠᠭᠰᠠᠨ ᠠᠳᠠᠯᠢ᠄ ︽ᠴᠢᠩᠭᠢᠰ ᠬᠠᠭᠠᠨ ᠤ ᠠᠯᠳᠠᠷ ᠢᠯᠭᠤᠭᠳᠠᠰᠢ ᠦᠬᠡᠢ᠂ ᠲᠡᠮᠦᠵᠢᠨ ᠤ ᠠᠯᠳᠠᠷ︕︾ ᠬᠡᠮᠡᠯᠳᠦᠬᠦ ᠶᠡᠭᠡ ᠲᠠᠭᠤᠨ ᠵᠦᠭ ᠪᠦᠷᠢ ᠠᠴᠠ ᠨᠢᠷᠬᠢᠷᠡᠨ ᠰᠣᠨᠣᠰᠳᠠᠮᠣᠢ᠂ ᠮᠦᠨ ᠲᠡᠷᠨ ᠲᠠᠷᠣᠢ ᠲᠡᠪ ᠲᠡᠭᠷᠢ ᠬᠡᠮᠡᠬᠦ ᠬᠦᠭᠴᠦ ᠪᠦᠬᠡ ᠬᠡᠨᠡᠳᠳᠡ ᠭᠠᠷᠴᠦ ᠢᠷᠡᠭᠰᠡᠨ ᠯᠦᠭᠡ ᠠᠳᠠᠯᠢ ᠬᠡᠨᠡᠳᠳᠡ ᠦᠵᠡᠭᠳᠡᠬᠦ ᠦᠬᠡᠢ ᠪᠣᠯᠪᠠᠢ᠃ ᠣᠳᠠᠯ ᠦᠬᠡᠢ ᠴᠠᠩ ᠬᠡᠩᠭᠡᠷᠭᠡ ᠲᠡᠯᠡᠳᠴᠦ ᠪᠦᠬᠦᠳᠡᠭᠡᠷ ᠲᠡᠷᠨ ᠭᠠᠯ ᠲᠡᠭᠡᠷ᠎ᠡ ᠪᠠᠨ ᠪᠠᠭᠤᠵᠦ᠂ ᠡᠬᠡᠨᠡᠷ ᠬᠡᠣᠬᠡᠳ  ᠨᠦᠭᠦᠳ ᠢᠨᠣ ᠪᠦᠳᠦᠬᠦᠯᠢᠭ ᠬᠤᠭᠤᠯᠨ ᠪᠠᠨ ᠬᠢᠪᠠᠢ᠃ ᠲᠡᠮᠦᠵᠢᠨ ᠡᠵᠡᠨ ᠣᠳᠴᠦ ᠬᠠᠷᠠᠭᠳᠠᠬᠤ ᠦᠬᠡᠢ ᠪᠣᠯᠪᠠᠢ᠃ ᠡᠬᠦᠨ ᠠᠴᠠ ᠬᠤᠶᠢᠰᠢ ᠶᠠᠭᠤ ᠪᠣᠯᠬᠤ ᠶᠢ ᠬᠤᠶᠢᠳᠣ ᠪᠦᠯᠦᠭ ᠲᠤᠷ ᠦᠵᠡᠳᠦᠬᠡᠢ᠃
 
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠠᠯᠠᠱᠠ ᠦᠷᠡᠰ ᠨᠠᠶᠢᠷ ᠤᠨ ᠡᠭᠦᠰᠦᠯᠲᠡ ᠲᠡᠤᠬᠡ
ᠠᠯᠠᠱᠠ ᠣᠷᠴᠢᠭᠤᠯᠭ᠎ᠠ ᠶᠢᠨ ᠰᠤᠷᠭᠠᠭᠤᠯᠢ ᠶᠢᠨ ᠠᠩᠭᠢ ᠪᠠᠶᠢᠭᠤᠯᠪᠠ
ᠠᠯᠠᠱᠠ ᠦᠬᠢᠳ ᠤᠨ ᠰᠤᠷᠭᠠᠭᠤᠯᠢ  ᠶᠢ ᠪᠠᠶᠢᠭᠤᠯᠪᠠ
ᠠᠯᠠᠱᠠ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠪᠠᠶᠢᠭᠤᠯᠪᠠ
ᠪᠠᠭ᠎ᠠ ᠬᠡᠤᠬᠡᠳ ᠢ ᠯᠠᠮᠠ ᠪᠣᠯᠭᠠᠬᠤ ᠶᠢ ᠬᠤᠷᠢᠭᠯᠠᠭᠰᠠᠨ ᠨᠢ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号