| | ᠠᠪᠤᠭᠠᠶᠢᠯᠠᠬᠤ ᠭᠡᠳᠡᠭ ᠨᠢ ᠨᠢᠭᠡ ᠵᠦᠢᠯ ᠤᠨ ᠬᠦᠨᠳᠦᠳᠭᠡᠯ ᠲᠠᠭᠤᠳᠠᠯᠭᠠ ᠪᠤᠯᠤᠨᠡ᠃ ᠢᠯᠠᠩᠭᠤᠶᠠ | ᠠᠬᠢᠮᠠᠭ ᠨᠠᠰᠤᠨ ᠤ ᠬᠦᠮᠤᠰ ᠢ ᠵᠠᠯᠠᠭᠤ ᠪᠠᠭᠠ ᠦᠶᠡ ᠶᠢᠨ ᠬᠢᠨ ᠠᠴᠠ ᠤᠭ ᠨᠡᠷᠡ ᠪᠠᠷ ᠨᠢ ᠰᠢᠭᠤᠳ ᠲᠠᠭᠤᠳᠠᠬᠤ ᠶᠢ | ᠪᠤᠯᠭᠤᠮᠵᠢᠯᠠᠨ ᠴᠡᠭᠡᠷᠯᠡᠵᠤ᠂ ᠵᠤᠬᠢᠬᠤ ᠨᠢᠭᠡᠨ ᠬᠦᠨᠳᠤᠳᠭᠡᠯ ᠲᠠᠭᠤᠳᠠᠯᠭᠠ ᠪᠠᠷ ᠤᠷᠤᠯᠠᠭᠤᠯᠵᠤ ᠲᠠᠭᠤᠳᠠᠬᠤ ᠨᠢ ᠮᠠᠰᠢ | ᠰᠠᠶᠢᠬᠠᠨ ᠪᠤᠯᠪᠠᠰᠤᠨ ᠮᠤᠷᠠᠯ ᠤᠨ ᠢᠯᠡᠷᠡᠯ ᠪᠤᠯᠵᠤ ᠪᠠᠶᠢᠳᠠᠭ᠃ | ᠠᠯᠠᠱᠠ ᠨᠤᠳᠤᠭ ᠤᠨ ᠮᠤᠩᠭᠤᠯᠴᠤᠳ ᠶᠡᠷᠤ ᠨᠢ ᠢᠳᠡᠷ ᠨᠠᠰᠤᠨ ᠳᠤ ᠬᠦᠷᠦᠭᠰᠡᠨ ᠬᠦᠮᠤᠰ ᠲᠤ ᠠᠪᠤᠭᠠᠶᠢᠯᠠᠭᠠ ᠶᠢᠨ | ᠲᠤᠰᠬᠠᠢ ᠨᠡᠷᠡ ᠤᠨᠤᠭᠳᠠᠭᠤᠯᠵᠤ ᠬᠦᠨᠳᠦᠳᠭᠡᠨ ᠲᠠᠭᠤᠳᠠᠳᠠᠭ ᠵᠠᠩᠰᠢᠯ ᠲᠠᠢ᠂ ᠡᠨᠡ ᠨᠢ ᠠᠯᠠᠱᠠ ᠨᠤᠳᠤᠭ ᠤᠨ | ᠮᠤᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯᠳᠤ ᠵᠠᠩ ᠦᠢᠯᠨ ᠶᠢᠨ ᠲᠤᠳᠤᠷᠠᠬᠢ ᠴᠢᠬᠤᠯᠨ ᠨᠢᠭᠡᠨ ᠦᠪᠡᠷᠮᠢᠴᠨ ᠤᠨᠴᠠᠯᠢᠭ | ᠪᠤᠯᠤᠨ ᠲᠤᠪᠤᠶᠢᠵᠤ᠂ ᠤᠷᠤᠨ ᠨᠤᠳᠤᠭ ᠤᠨ ᠴᠢᠨᠠᠷ ᠲᠠᠢ ᠪᠤᠯᠪᠠᠰᠤᠨ ᠵᠤᠷᠰᠢᠯ ᠪᠤᠯᠤᠭᠰᠠᠭᠠᠷ ᠢᠷᠡᠵᠠᠢ᠃ | ᠲᠡᠭᠡᠬᠦ ᠳᠡᠭᠡᠨ ᠬᠦᠮᠤᠰ ᠤᠨ ᠠᠪᠤᠭᠠᠶᠢᠯᠠᠭᠠ ᠶᠢ ᠲᠤᠰᠬᠠᠢ ᠬᠦᠮᠤᠨ ᠲᠤᠭᠳᠠᠭᠠᠵᠤ ᠦᠭᠳᠡᠭ ᠪᠢᠰᠢ᠂ ᠬᠠᠷᠢᠨ ᠠᠷᠠᠳ | ᠤᠯᠠᠨ ᠤ ᠲᠤᠮᠳᠠ ᠠᠴᠠ ᠲᠤᠰ ᠬᠦᠮᠤᠨ ᠤ ᠬᠢᠨᠢ ᠢᠷᠡᠯ ᠭᠠᠷᠤᠯ᠂ ᠡᠷᠡᠭᠳᠠᠢ ᠡᠮᠡᠭᠳᠠᠢ᠂ ᠯᠠᠮᠨ ᠬᠠᠷᠠ᠂ ᠡᠷᠳᠡᠮ | ᠮᠡᠷᠭᠡᠵᠢᠯ᠂ ᠴᠢᠨᠠᠭᠰᠢᠯᠠᠪᠠᠯ ᠪᠡᠶᠡ ᠶᠢᠨ ᠲᠦᠷᠬᠦ ᠪᠠᠶᠢᠳᠠᠯ ᠵᠡᠷᠭᠡ ᠶᠠᠮᠠᠷ ᠨᠢᠭᠡᠨ ᠤᠨᠴᠠᠯᠢᠭ ᠢ ᠨᠢ ᠠᠵᠢᠵᠤ | ᠤᠨᠤᠭᠳᠠᠭᠤᠯᠤᠭᠠᠳ ᠠᠶᠠᠨᠳᠠᠭᠠᠨ ᠲᠠᠭᠤᠳᠠᠵᠤ ᠵᠠᠩᠰᠢᠬᠰᠡᠨ ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠂ ᠡᠷᠡᠭᠳᠠᠢ᠂ ᠬᠠᠷᠠ ᠬᠦᠮᠤᠨ | ︵ᠯᠠᠮᠨ ᠪᠤᠰᠤ︶ ᠢ ᠪᠠ — ᠭᠠ᠂ ᠪᠠᠭ᠋ᠠᠨᠠᠢ᠂ ᠳ᠋ᠠ — ᠳ᠋ᠠᠢ ᠁ ᠯᠠᠮᠨ ᠬᠤᠸᠠᠷᠠᠭ ᠬᠦᠮᠤᠨ ᠢ ᠯᠠᠮᠠᠭᠠ᠂ | ᠯᠠᠮᠠᠬᠠ᠂ ᠯᠠᠮᠠᠪᠠᠭᠠᠢ ᠁ ᠬᠡᠵᠦ᠂ ᠡᠮᠡᠭᠳᠠᠢ ᠬᠦᠮᠤᠨ ᠢ ᠵᠢᠡᠵᠢᠭᠡ᠂ ᠮᠢᠡᠵᠢᠭᠡ᠂ ᠵᠦᠣᠨᠠᠢ ᠁︔ ᠨᠤᠮ | ᠮᠡᠷᠭᠡᠵᠢᠯ ᠤᠨ ᠴᠤᠯᠨ ᠲᠠᠢ ᠬᠦᠮᠤᠨ ᠢ ᠮᠠᠷᠠᠮᠪᠠ᠂ ᠽᠢᠷᠠᠮᠪᠠ ︵ᠵᠢᠷᠤᠬᠠᠶᠢᠴᠢ︶᠂ ᠭᠠᠪᠵᠤ ᠁︔ ᠤᠷᠠᠨ | ᠲᠠᠷᠬᠠᠨ ᠬᠦᠮᠤᠨ ᠢ ᠤᠷᠠᠨ ᠠᠬᠠ ᠭᠡᠬᠦ ᠮᠡᠳᠤ ᠪᠠᠷ ᠠᠪᠤᠭᠠᠶᠢᠯᠠᠵᠤ ᠲᠠᠭᠤᠳᠠᠳᠠᠭ᠃ ᠪᠠᠰᠠ ᠪᠡᠶᠡ ᠶᠢᠨ ᠲᠦᠷᠬᠦ | ᠪᠠᠶᠢᠳᠠᠯ᠂ ᠵᠠᠩ ᠠᠭᠠᠯᠢ ᠶᠢ ᠨᠢ ᠠᠵᠢᠵᠤ ᠤᠨᠤᠭᠳᠠᠭᠤᠯᠤᠭᠰᠡᠨ ᠠᠪᠤᠭᠠᠶᠢᠯᠠᠭᠠ ᠨᠡᠯᠢᠶᠡᠳ ᠠᠷᠪᠢᠨ ᠪᠠᠶᠢᠳᠠᠭ᠃ | ᠵᠢᠱᠢᠶᠡᠯᠡᠪᠡᠯ᠂ ᠦᠨᠳᠤᠷ ᠠᠬᠠ᠂ ᠪᠢᠴᠢᠬᠠᠨ ᠠᠬᠠ᠂ ᠰᠠᠶᠢᠨ ᠠᠬᠠ᠂ ᠨᠤᠮᠤᠬᠠᠨ ᠡᠭᠡᠴᠢ ᠭᠡᠬᠦ ᠮᠡᠳᠤ᠃ ᠠᠬᠠ᠂ | ᠡᠭᠡᠴᠢ ᠲᠡᠬᠦᠤ ᠬᠦᠮᠤᠰ ᠤᠨ ᠶᠡᠭᠡ ᠪᠠᠭᠠ ᠶᠢᠨ ᠲᠠᠷᠠᠭᠠᠯᠠᠯ ᠢ ᠠᠵᠢᠵᠤ᠂ ᠬᠠᠮᠤᠭ ᠤᠨ ᠠᠬᠠᠮᠠᠳ ᠢ ᠨᠢ ᠣᠣᠭᠠᠨᠠᠢ᠂ | ᠬᠠᠮᠤᠭ ᠪᠠᠭᠠ ᠶᠢ ᠨᠢ ᠤᠳᠬᠤᠨ ᠠᠬᠠ ᠭᠡᠬᠦ ᠮᠡᠳᠦᠴᠢᠯᠡᠨ ᠤᠨᠤᠭᠳᠠᠭᠤᠯᠤᠭᠰᠡᠨ ᠪᠠᠶᠢᠳᠠᠭ᠃ ᠪᠠᠰᠠ ᠵᠠᠷᠢᠮ | ᠠᠶᠢᠯ ᠤᠨ ᠬᠡᠤᠭᠡᠳ ᠪᠠᠭᠠᠴᠤᠤᠯ ᠠᠴᠠ ᠦᠪᠡᠷ ᠤᠨ ᠠᠪᠠᠭᠠ᠂ ᠨᠠᠭᠠᠴᠤ ᠲᠡᠭᠡᠳᠦᠬᠦᠯ ᠢᠶᠠᠨ ᠠᠵᠢᠶᠠ᠂ ᠵᠢᠤ ᠵᠢᠤ ᠭᠡᠬᠦ | ᠮᠡᠳᠤ ᠪᠠᠷ ᠲᠠᠭᠤᠳᠠᠵᠤ ᠪᠠᠶᠢᠬᠰᠡᠨ ᠢ ᠦᠭᠡᠷᠡ ᠪᠤᠰᠤᠳ ᠬᠦᠮᠤᠰ ᠮᠦᠨ ᠲᠡᠷᠡᠬᠦ ᠬᠡᠤᠭᠡᠳ ᠤᠨ ᠲᠠᠭᠤᠳᠠᠯᠭᠠ ᠪᠠᠷ ᠨᠢ | ᠠᠵᠢᠶᠠ ᠪᠤᠶᠤ ᠵᠢᠤ ᠵᠢᠤ ᠭᠡᠬᠦ ᠮᠡᠳᠤ ᠪᠠᠷ ᠠᠪᠤᠭᠠᠶᠢᠯᠠᠵᠤ ᠵᠠᠩᠰᠢᠬᠰᠡᠨ ᠨᠢ ᠴᠦ ᠪᠢᠰᠢᠬᠦᠢ ᠬᠠᠷᠠᠭᠳᠠᠳᠠᠭ᠃ ᠡᠳᠡᠭᠡᠷ | ᠠᠪᠤᠭᠠᠶᠢᠯᠠᠭᠠ ᠲᠠᠭᠤᠳᠠᠯᠭᠠ ᠨᠢ ᠪᠠᠰᠠ ᠠᠪᠤᠭᠠᠶᠢᠯᠠᠭᠳᠠᠭᠰᠡᠨ ᠬᠦᠮᠤᠨ ᠤ ᠤᠭ ᠵᠢᠩᠬᠢᠨᠢ ᠨᠡᠷᠡ ᠲᠠᠢ ᠨᠢ ᠮᠠᠰᠢ | ᠰᠠᠶᠢᠬᠠᠨ ᠵᠤᠬᠢᠴᠠᠩᠭᠤᠢ ᠲᠤᠬᠢᠷᠠᠮᠵᠢᠳᠠᠢ᠂ ᠲᠠᠭᠤᠳᠠᠵᠤ ᠪᠠᠷᠢᠬᠤ ᠳᠤ ᠤᠷᠤᠰᠤᠮᠠ ᠰᠢᠯᠤᠭᠤᠨ ᠪᠠᠶᠢᠳᠠᠭ᠃ | ᠵᠢᠱᠢᠶᠡᠯᠡᠪᠡᠯ᠂ ᠪᠠᠭᠠᠳᠤᠷ ᠪᠠ — ᠭᠠ᠂ ᠵᠠᠮᠪᠠᠯ ᠤᠤᠭᠠᠨᠠᠢ᠂ ᠤᠶᠤᠨ ᠲᠤᠮᠳᠠᠢ᠂ ᠬᠡᠷᠡᠯ ᠨᠢᠩᠭᠠ᠂ ᠨᠠᠷᠠᠨ | ᠭᠠᠵᠢᠶᠠ᠂ ᠰᠧᠷᠵᠢ ᠵᠢᠡᠵᠢᠭᠡ ᠭᠡᠬᠦ ᠮᠡᠳᠤᠴᠢᠯᠡᠨ ᠠᠪᠢᠶᠠ ᠬᠤᠷᠰᠢᠭᠤᠯᠵᠤ ᠠᠶᠠᠳᠠᠢ ᠰᠠᠶᠢᠬᠠᠨ ᠤᠨᠤᠭᠳᠠᠭᠤᠯᠤᠭᠰᠡᠨ | ᠪᠠᠶᠢᠳᠠᠭ ᠪᠢᠯᠨ᠃ | ᠠᠯᠠᠱᠠᠴᠤᠳ ᠤᠨ ᠡᠶᠢᠮᠤᠷᠬᠦᠤ ᠬᠦᠨᠳᠦᠳᠭᠡᠯ ᠠᠪᠤᠭᠠᠶᠢᠯᠠᠭᠠ ᠶᠢᠨ ᠵᠠᠩᠰᠢᠯ ᠨᠢ ᠬᠦᠮᠤᠰ ᠤᠨ ᠬᠠᠷᠢᠯᠴᠡᠨ | ᠬᠦᠨᠳᠦᠳᠭᠡᠵᠤ᠂ ᠡᠶᠡ ᠨᠠᠶᠢᠷᠰᠠᠭ ᠵᠠᠩ ᠮᠤᠷᠠᠯ ᠤᠨ ᠢᠯᠡᠷᠡᠯ ᠪᠤᠯᠵᠤ᠂ ᠲᠠᠭᠤᠳᠠᠬᠤ ᠪᠠ ᠰᠤᠨᠤᠰᠬᠤ ᠳᠤ ᠴᠦ | ᠡᠶᠡᠪᠡᠷᠬᠦᠤ ᠲᠤᠳᠤᠨᠤᠰᠤᠭ ᠲᠦᠷᠦᠭᠳᠡᠯ ᠤᠯᠭᠤᠳᠠᠭ ᠪᠠᠶᠢᠨᠡ᠃ ᠲᠡᠭᠡᠪᠡᠯ᠂ ᠦᠪᠡᠷ ᠤᠨ ᠦᠷᠡ ᠬᠡᠤᠭᠡᠳ ᠠᠴᠠ | ᠦᠭᠡᠷᠡ ᠪᠤᠰᠤᠳ ᠶᠠᠮᠠᠷᠪᠠ ᠬᠦᠮᠤᠨ᠂ ᠢᠯᠠᠩᠭᠤᠶᠠ ᠢᠳᠡᠷ ᠨᠠᠰᠤᠨᠠ ᠰᠢᠯᠵᠢᠭᠰᠡᠨ ᠬᠦᠮᠤᠨ ᠢ ᠶᠡᠷᠤ ᠨᠢ ︽ᠲᠠ︾ | ᠭᠡᠵᠤ ᠲᠠᠭᠤᠳᠠᠳᠠᠭ᠂ ︽ᠴᠢ︾ ᠭᠡᠵᠤ ᠲᠠᠭᠤᠳᠠᠳᠠᠭ ᠦᠭᠡᠢ᠃ ᠡᠨᠡ ᠨᠢ ᠪᠠᠰᠠ ᠴᠤ ᠠᠯᠠᠱᠠ ᠮᠤᠩᠭᠤᠯᠴᠤᠳ ᠤᠨ | ᠦᠪᠡᠷᠮᠢᠴᠨ ᠴᠢᠨᠠᠷ ᠲᠠᠢ ᠲᠠᠷᠤᠤ ᠵᠠᠩ᠂ ᠡᠶᠡᠪᠡᠷᠬᠦᠤ ᠲᠠᠳᠬᠠᠯ ᠪᠤᠯᠤᠭᠰᠠᠭᠠᠷ ᠢᠷᠡᠭᠰᠡᠨ ᠪᠠᠶᠢᠨᠡ᠃ ︵ᠴᠤᠷᠤᠰ | ᠪᠠᠳᠤᠸ᠋ᠴᠢᠷ | | |