| 【 ᠠᠭᠤᠯᠭᠠ ᠶᠢᠨ ᠲᠤᠪᠴᠢ 】 ᠲᠤᠰ ᠦᠬᠦᠯᠡᠯ ᠳᠤ ᠽᠠᠶᠠ ᠪᠠᠨᠳᠢᠳᠠ ᠶᠢᠨ ᠭᠠᠷᠤᠯ ᠤᠭᠰᠠᠭᠠ᠂ ᠰᠠᠬᠢᠯ | ᠠᠪᠴᠦ ᠲᠤᠶᠢᠨ ᠪᠤᠯᠤᠭᠰᠠᠨ᠂ ᠲᠦᠪᠡᠳ ᠲᠤ ᠰᠤᠷᠤᠯᠴᠠᠵᠦ ᠠᠵᠶᠯᠯᠠᠭᠰᠠᠨ ᠪᠠᠶᠢᠳᠠᠯ᠂ ᠤᠶᠢᠷᠠᠳ ᠨᠤᠳᠤᠭ ᠲᠤ ᠪᠠᠨ | ᠪᠤᠴᠠᠭᠰᠠᠨ ᠰᠢᠯᠳᠠᠭᠠᠨ ᠵᠢᠴᠢ ᠤᠶᠢᠷᠠᠳ ᠲᠤ ᠪᠠᠨ ᠪᠤᠴᠠᠭᠰᠠᠨ ᠤ ᠲᠠᠷᠠᠭᠠᠬᠢ ᠠᠵᠢᠯᠯᠠᠭᠠ᠂ ᠲᠡᠬᠦᠨ ᠤ ᠭᠠᠪᠢᠶᠠ | ᠵᠢᠳᠭᠦᠯ ᠵᠡᠷᠭᠡ ᠵᠢᠷᠭᠤᠭᠠᠨ ᠲᠠᠯᠠ ᠪᠠᠷ ᠨᠠᠮᠲᠠᠷ ᠲᠡᠥᠬᠡ ᠶᠢ ᠨᠢ ᠬᠤᠷᠢᠶᠠᠩᠭᠤᠶᠢᠯᠠᠨ ᠳ᠋ᠦᠩᠨᠡᠬᠦ ᠶᠢ ᠵᠤᠷᠢᠵᠠᠢ᠃ | 【 ᠵᠠᠩᠭᠢᠯᠠᠭᠠ ᠶᠢᠨ ᠦᠭᠡ 】 ᠷᠠᠪᠵᠠᠮᠪᠠ ᠽᠠᠶᠠ ᠪᠠᠨᠳᠢᠳᠠ ᠨᠠᠮᠬᠠᠶᠢᠵᠠᠮᠰᠦ ᠭᠠᠷᠤᠯ ᠤᠭᠰᠠᠭᠠ ᠠᠮᠢᠳᠤᠷᠠᠯ | ᠦᠢᠯᠡᠰ ᠭᠠᠪᠢᠶᠠ ᠵᠢᠳᠬᠦᠯ | 17 ᠳ᠋ᠤᠭᠠᠷ ᠵᠠᠭᠤᠨ ᠤ ᠦᠶᠡ ᠪᠠᠷ ᠠᠮᠢᠳᠤᠷᠠᠵᠦ ᠪᠠᠶᠢᠭᠰᠠᠨ ᠷᠠᠪᠵᠠᠮᠪᠠ ᠽᠠᠶᠠ ᠪᠠᠨᠳᠢᠳᠠ ᠨᠠᠮᠬᠠᠶᠢᠵᠠᠮᠰᠦ ᠪᠣᠯ | ᠤᠶᠢᠷᠠᠳ ᠮᠤᠩᠭᠤᠯ ᠤᠨ ᠲᠦᠷᠦ ᠱᠠᠰᠢᠨ ᠤ ᠶᠡᠭᠡ ᠪᠠᠭᠰᠢ᠂ ᠬᠤᠯᠪᠤᠵᠦ ᠨᠠᠶᠢᠷᠠᠭᠤᠯᠬᠤ ᠳᠤ ᠪᠠᠨ ᠠᠪᠢᠶᠠᠰ ᠲᠠᠢ | ᠢᠷᠠᠭᠤ ᠨᠠᠶᠢᠷᠠᠭᠴᠢ᠂ ᠠᠯᠳᠠᠷᠲᠦ ᠤᠷᠴᠢᠭᠤᠯᠤᠭᠴᠢ ᠪᠦᠭᠡᠳ ᠮᠤᠩᠭᠤᠯᠴᠤᠳ ᠤᠨ ᠰᠤᠶᠤᠨ ᠬᠡᠶᠢᠬᠦᠯᠦᠭᠴᠢ᠂ | ᠪᠤᠷᠬᠠᠨ ᠤ ᠱᠠᠰᠢᠨ ᠪᠠ ᠲᠦᠪᠡᠳ᠂ ᠮᠤᠩᠭᠤᠯ ᠤᠨ ᠬᠠᠷᠢᠯᠴᠠᠭᠠᠨ ᠤ ᠭᠠᠪᠢᠶᠠᠲᠠᠨ᠂ ᠤᠶᠢᠷᠠᠳ ᠮᠤᠩᠭᠤᠯᠴᠤᠳ ᠲᠤ | ᠲᠤᠲᠦ ᠦᠰᠦᠭ ᠢ ᠵᠤᠬᠢᠶᠠᠨ ᠦᠯᠡᠳᠡᠭᠡᠭᠰᠡᠨ ᠬᠡᠯᠡᠨ ᠤ ᠡᠷᠳᠡᠮᠳᠡᠨ᠂ ᠤᠶᠢᠷᠠᠳ ᠮᠤᠩᠭᠤᠯ ᠤᠨ ᠲᠤᠳᠤᠭᠠᠲᠦ ᠶᠢᠨ | ᠬᠢᠮᠤᠷᠠᠯ ᠢ ᠡᠪᠰᠡᠬᠦᠯᠵᠦ ᠶᠠᠪᠤᠭᠰᠠᠨ ᠤᠯᠤᠰ ᠲᠦᠷᠦ ᠶᠢᠨ ᠭᠦᠨ ᠪᠤᠳᠤᠯᠭᠠᠲᠠᠨ᠂ ᠮᠤᠩᠭᠤᠯ ᠤᠨ ᠠᠯᠳᠠᠷᠲᠦ ᠰᠤᠶᠤᠯ | ᠤᠨ ᠵᠢᠳᠬᠦᠯᠲᠡᠨ ᠪᠤᠯᠬᠤ ᠶᠤᠮ᠃ | ᠡᠭᠦᠨ ᠳᠤ᠄ ᠷᠠᠪᠵᠠᠮᠪᠠ ᠭᠡᠳᠡᠭ ᠪᠣᠯ᠂ ᠰᠣᠲᠤᠷ ᠤᠨ ᠶᠤᠰᠤᠨ ᠤ ᠲᠠᠪᠤᠨ ᠪᠤᠲᠢ ᠨᠤᠮ ᠳᠤ ᠨᠡᠪᠲᠡᠷᠡᠭᠰᠡᠳ ᠲᠤ | ᠤᠯᠭᠤᠳᠠᠭ ᠮᠢᠨᠳᠠᠭ ᠴᠤᠯᠠ᠃ ᠮᠠᠰᠢ ᠬᠡᠲᠦᠷᠭᠡᠢ ᠭᠡᠰᠡᠨ ᠤᠳᠬᠠ ᠲᠠᠢ ᠲᠦᠪᠡᠳ ᠦᠭᠡ 【1】᠃ ᠽᠠᠶᠠ ᠬᠡᠳᠡᠭ | ᠪᠣᠯ᠂ ᠢᠯᠭᠤᠭᠰᠠᠨ ᠪᠤᠶᠤ ᠭᠤᠴᠤ ᠬᠡᠳᠦᠷᠬᠡᠢ᠂ ᠢᠯᠭᠠᠷᠠᠭᠰᠠᠨ᠂ ᠴᠤᠯᠭᠤᠷᠠᠭᠰᠠᠨ ᠭᠡᠰᠡᠨ ᠦᠭᠡ 【2】᠃ | ᠪᠠᠨᠳᠢᠳᠠ ᠬᠡᠳᠡᠭ ᠪᠣᠯ᠂ ᠠᠩᠬᠠ ᠡᠨᠡᠳᠬᠡᠭ ᠤᠨ ᠤᠷᠤᠨ ᠳᠤ ᠬᠠᠮᠠᠭᠠᠯᠠᠵᠦ ᠪᠠᠶᠢᠭᠰᠠᠨ ᠮᠢᠨᠳᠠᠭ ᠴᠤᠯᠠ᠃ ᠪᠤᠷᠬᠠᠨ ᠤ | ᠱᠠᠰᠢᠨ ᠤ ᠲᠠᠪᠤᠨ ᠶᠡᠭᠡ ᠤᠬᠠᠭᠠᠨ᠄ ᠲᠠᠭᠤᠨ ᠤᠬᠠᠭᠠᠨ ᠪᠤᠶᠤ ᠬᠡᠯᠡ ᠰᠢᠨᠵᠢᠯᠡᠯ᠂ ᠤᠴᠢᠷ ᠰᠢᠯᠲᠠᠭᠠᠨ ᠤ ᠤᠬᠠᠭᠠᠨ | ᠪᠤᠶᠤ ᠰᠢᠯᠭᠠᠳᠠᠭ ᠤᠨ ᠤᠬᠠᠭᠠᠨ᠂ ᠤᠷᠠᠯᠠᠬᠤᠢ ᠤᠬᠠᠭᠠᠨ ᠪᠤᠶᠤ ᠤᠷᠠᠯᠠᠨ ᠦᠢᠯᠡᠳᠬᠦ ᠤᠬᠠᠭᠠᠨ᠂ ᠲᠡᠵᠢᠭᠡᠬᠦᠢ | ᠤᠬᠠᠭᠠᠨ ᠪᠤᠶᠤ ᠠᠨᠠᠭᠠᠬᠤ ᠤᠬᠠᠭᠠᠨ᠂ ᠲᠤᠲᠤᠭᠠᠲᠦ ᠤᠬᠠᠭᠠᠨ ᠪᠤᠶᠤ ᠱᠠᠰᠢᠨ ᠤ ᠬᠦᠨ ᠤᠬᠠᠭᠠᠨ ᠳᠤ | ᠨᠡᠪᠲᠡᠷᠡᠭᠰᠡᠤᠨ ᠲᠤ ᠤᠯᠭᠤᠳᠠᠭ 【3】᠃ ᠨᠠᠮᠬᠠᠶᠢᠵᠠᠮᠰᠦ ᠬᠡᠳᠡᠭ ᠪᠣᠯ ᠬᠤᠭᠤᠰᠤᠨ ᠲᠠᠯᠠᠢ 【4】 ᠪᠤᠶᠤ | ᠤᠭᠳᠠᠷᠭᠤᠢ ᠶᠢᠨ ᠲᠠᠯᠠᠢ ᠬᠡᠬᠦ ᠤᠳᠬᠠ ᠲᠠᠢ ᠦᠭᠡ᠃ | ᠨᠢᠭᠡ᠂ ᠽᠠᠶᠠ ᠪᠠᠨᠳᠢᠳᠠ ᠶᠢᠨ ᠭᠠᠷᠤᠯ ᠤᠭᠰᠠᠭᠠ | ᠽᠠᠶᠠ ᠪᠠᠨᠳᠢᠳᠠ ᠶᠢᠨ ᠮᠡᠨᠳᠦᠯᠡᠭᠰᠡᠨ ᠤᠨ ᠤ ᠲᠤᠬᠠᠢ ︽ᠷᠠᠪᠵᠠᠮᠪᠠ ᠽᠠᠶᠠ ᠪᠠᠨᠳᠢᠳᠠ ᠶᠢᠨ ᠲᠤᠭᠤᠵᠢ ᠰᠠᠷᠠᠨ ᠤ | ᠭᠡᠷᠡᠯ ᠤᠷᠤᠰᠢᠪᠠᠢ︾ ᠳᠤ ︽ᠭᠡᠭᠡᠨ ᠨᠠᠰᠤᠨ ᠤ ᠬᠤᠪᠢᠯᠤᠭᠰᠠᠨ ᠵᠢᠯ ᠠᠨᠤ ᠰᠢᠷᠤᠢ ᠭᠠᠭ᠋ᠠᠢ ︵1599︶ ᠲᠠᠢ | ᠠᠮᠤᠢ 【5】︾ ᠬᠡᠵᠦ᠂ ︽ᠠᠯᠲᠠᠨ ᠡᠷᠢᠬᠡᠨ︾ ᠳᠤ᠄ ︽ᠡᠭᠦᠨ ᠤ ᠬᠤᠶᠢᠳᠤᠨ ᠵᠢᠯ ᠢᠯᠭᠤᠭᠰᠠᠨ ᠡᠷᠳᠡᠮ ᠤᠨ | ᠳᠠᠯᠠᠢ ᠮᠦᠩᠭᠡ ᠵᠤᠤ ᠳᠤ ᠵᠠᠯᠠᠷᠠᠪᠠᠢ᠃ ᠡᠭᠦᠨ ᠤ ᠬᠤᠶᠢᠲᠦ ᠭᠦᠬᠡ ᠯᠤᠤ ᠵᠢᠯ ᠢᠯᠭᠤᠭᠰᠠᠨ ᠡᠷᠳᠡᠮ ᠲᠠᠯᠠᠢ ᠪᠯᠠᠮᠠ | ᠪᠠᠷ ᠯᠾᠨᠰᠠ ᠶᠢᠨ ᠶᠡᠭᠡ ᠢᠷᠦᠭᠡᠯ ᠤᠨ ᠬᠤᠷᠠᠯ ᠲᠡᠷᠢᠭᠦᠯᠪᠠᠢ᠃ ᠡᠨᠡ ᠵᠢᠯ ᠤᠶᠢᠷᠠᠳ ᠬᠤᠳᠤᠭᠲᠦ ᠬᠤᠳᠤᠭ ᠲᠤᠶᠢᠨ | ᠭᠡᠭᠡᠨ ᠵᠢᠷᠭᠤᠭᠠᠨ ᠰᠡᠭᠦᠳᠡᠷ ᠵᠤᠭᠤᠭᠯᠠᠪᠠᠢ ᠬᠡᠮᠡᠭᠰᠡᠨ︾᠃ | ᠡᠬᠦᠨ ᠳᠤ ︽ᠰᠠᠷᠠᠨ ᠤ ᠭᠡᠷᠡᠯ︾ ᠳᠤ ᠳᠤᠷᠠᠳᠤᠭᠰᠠᠨ ︽ᠰᠢᠷᠤᠢ ᠭᠠᠭ᠋ᠠᠢ ᠵᠢᠯ︾ ᠨᠢ 1599 ᠤᠨ ᠪᠠᠶᠢᠵᠦ ︽ | ᠠᠯᠲᠠᠨ ᠡᠷᠢᠬᠡᠨ︾ ᠳᠤ ᠳᠤᠷᠠᠳᠤᠭᠰᠠᠨ ︽ᠬᠦᠭᠡ ᠯᠤᠤ ᠵᠢᠯ︾ ᠨᠢ 1604 ᠤᠨ ᠲᠤᠯᠠ ᠽᠠᠶᠠ ᠪᠠᠨᠳᠢᠳᠠ | 1599 ᠤᠨ ᠳᠤ ᠲᠦᠷᠦᠵᠠᠢ᠃ ᠡᠭᠦᠨ ᠳᠤ ︽ᠠᠯᠲᠠᠨ ᠡᠷᠢᠬᠡᠨ︾ ᠤ ᠵᠤᠬᠢᠶᠠᠭᠴᠢ ᠽᠠᠶᠠ ᠪᠠᠨᠳᠢᠳᠠ ᠶᠢ ᠬᠡᠢ ᠨᠠᠰᠤ | ᠪᠠᠷ ᠪᠤᠳᠤᠭᠰᠠᠨ ᠲᠤᠯᠠ 1604 ᠤᠨ ᠳᠤ ︽ᠵᠢᠷᠭᠤᠭᠠᠨ ᠰᠡᠭᠦᠳᠡᠷ ᠵᠤᠭᠤᠭᠯᠠᠪᠠᠢ︾ ᠭᠡᠰᠡᠨ ᠪᠠᠶᠢᠨᠠ᠃ ︽ᠰᠠᠷᠠᠨ | ᠤ ᠭᠡᠷᠡᠯ︾ ᠳᠤ ᠳᠤᠷᠠᠳᠤᠭᠰᠠᠨ ︽ᠭᠡᠭᠡᠨ ᠨᠠᠰᠤᠨ ᠤ ᠬᠤᠪᠢᠯᠤᠭᠰᠠᠨ︾ ᠬᠡᠵᠦ ᠰᠢᠷᠠ ᠶᠢᠨ ᠱᠠᠰᠢᠨ ᠳᠤ | ᠬᠤᠳᠤᠭᠲᠦ ᠬᠤᠪᠢᠯᠭᠠᠳ ᠤᠷᠢᠲᠦ ᠲᠦᠷᠦᠯ ᠳᠡᠭᠡᠨ ᠪᠠᠰᠠ ᠭᠡᠭᠡᠨ᠂ ᠶᠡᠭᠡ ᠯᠠᠮᠠ᠂ ᠪᠠᠨᠳᠢᠳᠠ ᠪᠤᠭᠳᠠ ᠪᠤᠯᠵᠦ | ᠪᠠᠶᠢᠭᠠᠳ ᠨᠠᠰᠤ ᠪᠠᠷᠠᠭᠰᠠᠨ ᠤ ᠬᠤᠶᠢᠨᠠ ᠲᠡᠭᠦᠨ ᠤ ᠬᠤᠪᠢᠯᠭᠠᠳ ᠳᠠᠬᠢᠨ ᠬᠦᠮᠦᠨ ᠪᠤᠯᠵᠦ ᠲᠦᠷᠦᠳᠡᠭ ᠬᠡᠵᠦ | ᠢᠳᠡᠭᠡᠳᠡᠭ ᠲᠤᠯᠠ ᠬᠡᠭᠡᠨ ᠬᠤᠳᠤᠭᠲᠦ ᠨᠠᠷ ᠤᠨ ᠲᠦᠷᠦᠬᠦ ᠶᠢ ︽ᠨᠠᠰᠤᠨ ᠤ ᠬᠤᠪᠢᠯᠠᠬᠤ︾ ᠪᠤᠶᠤ ︽ᠬᠤᠪᠢᠯᠤᠨ | ᠦᠭᠡᠳᠡ ᠪᠤᠯᠪᠠ︾ ᠬᠡᠳᠡᠭ᠃ ᠽᠠᠶᠠ ᠪᠠᠨᠳᠢᠳᠠ ᠰᠢᠷᠦᠢ ᠭᠠᠭ᠋ᠠᠢ ᠵᠢᠯ ︵1599 ᠤᠨ︶ ᠮᠡᠨᠳᠦᠯᠡᠭᠰᠡᠠ ᠲᠤᠯᠠ | ᠭᠠᠭ᠋ᠠᠢ ᠵᠢᠯ ᠲᠠᠢ ᠪᠤᠯᠵᠠᠢ᠃ ᠽᠠᠶᠠ ᠪᠠᠨᠳᠢᠳᠠ ᠤᠷᠢᠲᠦ ᠲᠦᠷᠦᠯ ᠳᠡᠭᠡᠨ ᠪᠠᠰᠠ ᠪᠠᠨᠳᠢᠳᠠ᠂ ᠬᠡᠬᠡᠨ᠂ ᠯᠠᠮᠠ ᠪᠤᠯᠵᠦ | ᠪᠠᠶᠢᠭᠠᠳ ᠳᠠᠬᠢᠨ ᠤᠶᠢᠷᠠᠳ ᠲᠤ ᠲᠦᠷᠦᠭᠰᠡᠨ ᠤᠴᠢᠷ ︽ᠬᠡᠬᠡᠨ ᠨᠠᠰᠤᠨ ᠤ ᠬᠤᠪᠢᠯᠤᠭᠰᠠᠨ︾ ᠬᠡᠳᠡᠭ᠃ ᠡᠨᠡ ᠨᠢ | ᠰᠢᠷᠦᠢ ᠭᠠᠭ᠋ᠠᠢ ᠵᠢᠯ ᠳᠠᠬᠢᠵᠦ ᠬᠤᠪᠢᠯᠤᠨ ᠲᠦᠷᠦᠪᠡ ᠭᠡᠰᠡᠨ ᠤᠳᠬᠠ ᠲᠠᠢ᠃ | ︽ᠰᠠᠷᠠᠨ ᠤ ᠭᠡᠷᠡᠯ︾ ᠳᠤ᠄ ᠶᠠᠰᠤᠨ ᠠᠨᠤ ᠬᠤᠱᠤᠳ᠂ ᠤᠳᠤᠭ ᠠᠨᠤ ᠬᠦᠷᠦᠭᠡᠴᠢᠨ᠂ ᠬᠦᠷᠦᠭᠡᠴᠢᠨ ︵ ᠤ︶ | ᠳᠤᠳᠤᠷᠠ ᠪᠠᠨ ᠱᠠᠩᠭᠠᠰ ᠠᠮᠤᠢ᠂ ᠡᠪᠦᠭᠡ ᠢᠨᠤ ᠲᠦᠷᠪᠡᠨ ᠤᠶᠢᠷᠠᠳ ᠲᠤ ᠶᠡᠭᠡ ᠰᠡᠴᠡᠨ ᠳᠤ ᠠᠯᠳᠠᠷᠰᠢᠭᠰᠠᠨ | ᠬᠦᠩᠭᠦᠢ ᠵᠠᠶᠠᠭᠠᠴᠢ ᠬᠡᠮᠡᠬᠦ ᠪᠤᠢ᠃ ᠬᠦᠩᠭᠦᠢ ᠶᠢᠨ ᠤᠯᠨᠨ ᠬᠦᠪᠡᠭᠦᠨ ᠪᠤᠢ ᠠᠴᠠ ᠶᠡᠭᠡ ᠬᠦᠪᠡᠭᠦᠨ ᠢᠨᠤ ᠪᠠᠪᠠᠭ᠋ᠠᠨ ︵ | ᠮᠤᠩᠭᠤᠯ ᠤᠯᠤᠰ ᠤᠨ ᠬᠤᠪᠢᠲᠦ ᠠᠶᠢᠮᠠᠭ ᠤᠨ ᠮᠠᠩᠬᠠᠨ ᠰᠤᠮᠤᠨ ᠤ ︽ᠷᠠᠪᠵᠠᠮᠪᠠ ᠽᠠᠶᠠ ᠪᠠᠨᠳᠢᠳᠠ ᠶᠢᠨ ᠲᠤᠭᠤᠵᠢ | ᠰᠠᠷᠠᠨ ᠤ ᠬᠡᠷᠡᠯ ᠬᠡᠮᠡᠬᠦ ᠤᠷᠤᠰᠢᠪᠠᠢ︾ ᠭᠡᠬᠦ ᠲᠤᠳᠤ ᠭᠠᠷ ᠪᠢᠴᠢᠮᠡᠯ ᠤᠨ ᠭᠡᠷᠡᠯ ᠵᠢᠷᠤᠭ ᠤᠨ ᠬᠠᠭᠤᠯᠪᠤᠷᠢ ᠳᠤ | ᠪᠠᠪᠠᠭ᠋ᠠᠨ ᠬᠡᠵᠦ ᠲᠡᠮᠳᠡᠭᠯᠡᠵᠦ ᠪᠤᠢ᠃ ᠬᠠᠯᠬᠠ ᠽᠠᠶᠠ ᠪᠠᠨᠳᠢᠳᠠ ᠯᠤᠪᠰᠠᠩᠫᠧᠷᠡᠩᠯᠠᠢ ᠶᠢᠨ ᠨᠤᠮ ᠤᠨ ᠰᠠᠩ ᠤᠨ ︽ | ᠷᠠᠪᠵᠨᠮᠪᠠ ᠽᠠᠶᠠ ᠪᠠᠨᠳᠢᠳᠠ ᠶᠢᠨ ᠲᠤᠭᠤᠵᠢ᠂ ᠰᠠᠷᠠᠨ ᠤ ᠭᠡᠷᠡᠯ ᠬᠡᠮᠡᠭᠳᠡᠬᠦ ᠡᠨᠡ ᠮᠡᠲᠦ ᠪᠤᠯᠠᠢ︾ ᠬᠡᠬᠦ ᠬᠤᠳᠤᠮ ᠡᠭᠡ | ᠪᠢᠴᠢᠭ ᠤᠨ ᠭᠡᠷᠡᠯ ᠵᠢᠷᠤᠭ ᠤᠨ ᠬᠠᠭᠤᠯᠪᠤᠷᠢ ᠳᠤ ᠪᠠᠭᠪᠠᠭᠠᠰ ᠬᠡᠵᠦ ᠲᠡᠮᠳᠡᠭᠯᠡᠵᠦ ᠪᠤᠢ᠃ ᠰᠢᠠᠵᠢᠶᠠᠩ ᠤᠨ ︽ᠬᠠᠨ | ᠲᠡᠭᠷᠢ︾ ᠰᠡᠳᠬᠦᠯ ᠤᠨ 1983 ᠤᠨ ᠤ 4 ᠳ᠋ᠤᠭᠡᠷ ᠬᠤᠭᠤᠴᠠᠭᠠᠨ ᠳᠤ ᠬᠡᠪᠯᠡᠭᠳᠡᠭᠰᠡᠨ ︽ᠷᠠᠪᠵᠠᠮᠪᠠ ᠽᠠᠶᠠ | ᠪᠠᠨᠳᠢᠳᠠ ᠶᠢᠨ ᠲᠤᠭᠤᠵᠢ᠂ ᠰᠠᠷᠠᠨ ᠤ ᠬᠡᠷᠡᠯ ᠬᠡᠮᠡᠬᠦ ᠤᠷᠤᠰᠢᠪᠠ︾ ᠬᠡᠬᠦ ᠲᠤᠳᠤ ᠬᠡᠪᠯᠡᠯ ᠳᠤ ᠪᠠᠶᠢᠪᠠᠭᠠᠰ ᠬᠡᠵᠦ | ᠲᠡᠮᠳᠡᠭᠯᠡᠵᠦ ᠪᠤᠢ᠃︶ ᠬᠡᠮᠡᠬᠦ ᠪᠤᠢ᠂ ᠪᠠᠪᠠᠭ᠋ᠠᠨ ᠳᠤ ᠨᠠ᠊ ᠵᠮᠠᠨ ᠬᠦᠪᠡᠬᠦᠨ ᠪᠤᠢ ᠠᠴᠠ ᠲᠠᠪᠤᠳᠤᠭᠠᠷ ᠬᠦᠪᠡᠭᠦᠨ ᠢᠨᠤ | ᠪᠤᠭᠳᠠ ᠽᠠᠶᠠ ᠪᠠᠨᠳᠢᠳᠠ ᠪᠤᠢ 【6】 ᠬᠡᠵᠠᠢ᠃ | ᠽᠠᠶᠠ ᠪᠠᠨᠳᠢᠳᠠ ᠪᠣᠯ ᠤᠶᠢᠷᠠᠳ ᠮᠤᠩᠭᠤᠯ ᠤᠨ ᠲᠦᠷᠪᠡᠨ ᠠᠶᠢᠮᠠᠭ ᠤᠨ ᠨᠢᠭᠡ ᠪᠤᠯᠬᠤ ᠬᠤᠱᠤᠳ ᠤᠨ ᠬᠦᠷᠦᠭᠡᠴᠢᠨ | ︵ᠤᠳᠤ ᠰᠢᠨᠵᠢᠶᠠᠩ ᠪᠠ ᠬᠦᠬᠡᠨᠠᠭᠤᠷ ᠤᠨ ᠬᠤᠱᠤᠳ ᠳᠤᠳᠤᠷᠠ ᠬᠦᠷᠦᠭᠡᠴᠢᠨ ᠬᠡᠬᠦ ᠨᠡᠷᠡ ᠲᠠᠢ ᠬᠤᠰᠢᠭᠤ ᠰᠤᠮᠤ | ᠪᠤᠢ᠃︶ ᠬᠡᠬᠦ ᠤᠳᠤᠭ ︵ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠨᠢᠭᠡᠴᠡ︶᠂ ︵ᠰᠠᠷᠠᠩᠭᠡᠷᠡᠯ ᠦᠭᠦᠯᠡᠯ | ᠳᠤ ᠪᠠᠨ ᠬᠦᠷᠦᠭᠡᠴᠢᠨ ᠤᠪᠤᠭ ᠤᠨ ᠬᠦᠮᠦᠨ ᠬᠡᠵᠦ ᠲᠠᠰᠢᠶᠠᠷᠠᠭᠤᠯᠵᠠᠢ 【7】︶ ᠤᠨ ᠱᠠᠩᠭᠠᠰ ᠤᠪᠤᠭ ᠤᠨ | ᠬᠦᠮᠦᠨ᠃ ᠪᠠᠭᠠ ᠶᠢᠨ ᠨᠡᠷᠡ ᠨᠢ ᠰᠢᠷᠠᠬᠠᠪᠤᠭ᠃ ᠬᠤᠱᠤᠳ ᠠᠶᠢᠮᠠᠭ ᠤᠨ ᠲᠤᠬᠠᠢ ᠰᠢ᠊᠂ ᠨᠤᠷᠪᠤ ᠠᠴᠠ᠄ ︽ | ᠬᠤᠱᠤᠳ ᠢᠵᠠᠭᠤᠷᠳᠠᠨ ᠪᠠ ᠲᠡᠬᠦᠨ ᠤ ᠨᠢᠭᠡ ᠬᠡᠰᠡᠭ ᠠᠯᠪᠠᠲᠦ ᠨᠠᠷ ᠨᠢ ᠦᠪᠦᠷ ᠮᠤᠩᠭᠤᠯ ᠤᠨ ᠵᠡᠭᠦᠨ ᠪᠠᠶᠡ ᠳᠤ | ᠪᠠᠶᠢᠬᠰᠠᠨ ᠤᠷᠢᠶᠠᠩᠬᠠᠢ ᠲᠦᠮᠡᠨ ᠤ ᠳᠤᠲᠤᠷᠠ ᠪᠠᠭᠳᠠᠵᠦ᠂ ᠬᠤᠷᠴᠢᠨ᠂ ᠠᠷᠤ ᠬᠤᠷᠴᠢᠨ᠂ ᠲᠦᠷᠪᠡᠳ᠂ ᠵᠠᠯᠠᠶᠢᠳ᠂ | ᠤᠷᠠᠠᠳ᠂ ᠮᠤᠤᠮᠢᠩᠭᠠᠨ ᠬᠡᠬᠦ ᠠᠶᠢᠮᠠᠭ ᠤᠳ ᠲᠠᠢ ᠬᠠᠮᠲᠦ ᠬᠢᠩᠭᠠᠨ ᠠᠭᠤᠯᠠ ᠶᠢᠨ ᠤᠷᠴᠢᠮ ᠭᠠᠵᠠᠷ ᠤᠳ ᠢᠶᠠᠷ | ᠨᠤᠳᠤᠭᠯᠠᠵᠦ ᠪᠠᠶᠢᠵᠠᠢ᠃ ᠡᠳᠡᠭᠡᠷ ᠠᠶᠢᠮᠠᠭ ᠤᠨ ᠢᠵᠠᠭᠤᠷᠳᠠᠨ ᠴᠦᠮ ᠬᠠᠪᠤᠲᠦ ᠬᠠᠰᠠᠷ ᠤᠨ ᠬᠤᠶᠢᠴᠢᠰ ᠪᠤᠯᠬᠤ | ᠲᠤᠯᠠ ᠪᠤᠷᠵᠢᠬᠢᠤᠨ ᠤᠪᠤᠭ ᠲᠠᠢ ᠶᠤᠮ᠃ ᠬᠠᠪᠤᠲᠦ ᠬᠠᠰᠠᠷ ᠤᠨ ᠨᠠᠶᠮᠠᠳᠤᠭᠠᠷ ᠦᠶᠡ ᠶᠢᠨ ᠠᠷᠤᠭ ᠲᠡᠮᠦᠷ᠂ ᠦᠷᠦᠭ | ᠲᠡᠮᠦᠷ ᠬᠡᠬᠦ ᠠᠬᠠ ᠲᠡᠭᠦᠤ ᠬᠤᠶᠠᠷ ᠦᠪᠡᠷ ᠤᠨ ᠡᠴᠢᠭᠡ ᠠᠭᠰᠠᠬᠠᠯᠳᠠᠢ ᠨᠤᠶᠠᠨ ᠠᠴᠠ ᠦᠯᠡᠳᠡᠭᠰᠡᠨ ᠦᠮᠴᠢ | ᠠᠯᠪᠠᠲᠦ ᠶᠢ ᠪᠤᠯᠢᠶᠠᠯᠳᠤᠨ ᠡᠪᠳᠡᠷᠡᠯ ᠭᠠᠷᠴᠠᠢ᠃ ᠦᠷᠦᠭ ᠲᠡᠮᠦᠷ ᠲᠤ ᠬᠤᠰᠢᠭᠤᠨ ᠪᠤᠯᠭᠠᠨ ᠤ ᠠᠳᠠᠭ ᠮᠠᠭᠤ | ᠠᠯᠪᠠᠲᠦ ᠶᠢ ᠬᠤᠪᠢᠶᠠᠵᠦ ᠦᠭᠭᠦᠭᠰᠡᠨ ᠳᠤ᠂ ᠲᠡᠷᠡ ᠮᠠᠰᠢ ᠭᠤᠮᠤᠳᠠᠨ ᠠᠯᠪᠠᠲᠦ ᠨᠠᠷ ᠢᠶᠠᠨ ᠳᠠᠭᠠᠭᠤᠯᠤᠨ ᠠᠷᠪᠠᠨ | ᠲᠠᠪᠤᠳᠤᠭᠠᠷ ᠵᠠᠭᠤᠨ ᠤ ᠭᠤᠴᠢᠭᠠᠳ ᠤᠨ ᠤ ᠦᠶᠡ ᠪᠠᠷ ᠬᠠᠮᠤᠭ ᠮᠤᠩᠭᠤᠯ ᠢ ᠨᠢᠭᠡᠳᠬᠡᠨ ᠨᠤᠶᠠᠷᠬᠠᠵᠦ ᠪᠠᠶᠢᠭᠰᠠᠨ | ᠦᠢᠷᠠᠳ ᠤᠨ ᠲᠤᠭᠤᠭᠠᠨ ᠲᠠᠶᠢᠱᠢ ᠶᠢ ᠲᠦᠰᠢᠬᠦ ᠪᠠᠷ ᠤᠴᠢᠵᠠᠢ᠃ ᠲᠤᠭᠤᠭᠠᠨ ᠲᠠᠶᠢᠱᠢ ᠲᠤᠩ ᠪᠠᠶᠠᠷᠯᠠᠵᠦ ᠦᠪᠡᠷ | ᠤᠨ ᠦᠬᠢᠨ ᠢᠶᠠᠨ ᠦᠷᠦᠭ ᠲᠡᠮᠦᠷ ᠲᠤ ᠦᠭᠴᠦ᠂ ᠤᠶᠢᠷᠠᠳ ᠠᠴᠠ ᠪᠠᠰᠠ ᠨᠢᠭᠡ ᠪᠦᠯᠦᠭ ᠠᠯᠪᠠᠲᠦ ᠶᠢ ᠲᠡᠬᠦᠨ ᠳᠤ | ᠰᠠᠯᠭᠠᠵᠦ ᠦᠭᠴᠠᠢ᠃ ᠲᠡᠷᠡ ᠨᠢ ᠬᠤᠰᠢᠭᠤᠨ ᠬᠤᠰᠢᠭᠤᠨ ᠠᠴᠠ ᠴᠤᠭᠯᠠᠷᠠᠭᠰᠠᠨ ᠤᠴᠢᠷ ᠠᠴᠠ ︽ᠬᠤᠱᠤᠳ︾ | ᠬᠡᠮᠡᠬᠦ ᠨᠡᠷᠡ ᠦᠭᠴᠠᠢ᠃ ︵︽ᠴᠢᠩᠭᠢᠰ ᠤᠨ ᠲᠦᠷᠦ ᠶᠢ ᠪᠠᠷᠢᠭᠠᠳ ᠬᠠᠭᠠᠨ ᠦᠷᠭᠦᠭᠡ ᠳᠡᠳᠭᠦᠭᠰᠡᠨ ᠲᠡᠤᠭᠡ ᠲᠤᠳᠤ | ᠭᠠᠷ ᠪᠢᠴᠢᠮᠡᠯ︾︶ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠲᠦᠷᠪᠡᠨ ᠤᠶᠢᠷᠠᠳ ᠠᠴᠠ ᠤᠯᠠᠨ ᠬᠦᠮᠦᠨ ᠬᠤᠱᠤᠳ ᠲᠤ ᠰᠢᠩᠭᠡᠵᠠᠢ | 【8】᠃︾ ᠬᠡᠵᠦ ᠲᠠᠯᠪᠤᠷᠢᠯᠠᠵᠦ ᠦᠭᠴᠠᠢ᠃ ᠽᠠᠶᠠ ᠪᠠᠨᠳᠢᠳᠠ ᠶᠢᠨ ᠡᠪᠦᠭᠡ ᠨᠢ ᠲᠦᠷᠪᠡᠨ ᠤᠶᠢᠷᠠᠳ ᠲᠤ ᠶᠡᠭᠡ | ᠰᠡᠴᠡᠨ ᠬᠡᠵᠦ ᠠᠯᠳᠠᠷᠰᠢᠭᠰᠠᠨ ᠬᠦᠩᠭᠦᠢ ᠵᠠᠶᠠᠭᠠᠴᠢ ᠬᠡᠬᠦ ᠬᠦᠮᠦᠨ᠃ ︽ᠬᠦᠩᠭᠦᠢ ᠵᠠᠶᠠᠭᠠᠴᠢ ᠬᠡᠵᠦ ᠲᠡᠭᠦᠨ ᠤ ᠨᠡᠷᠡ | ᠪᠢᠰᠢ᠂ ᠬᠠᠷᠢᠨ ᠴᠤᠯᠠ ᠨᠢ ᠪᠤᠯᠬᠤ ᠪᠠᠶᠢᠬᠠ᠂᠂᠂᠂ ᠡᠨᠡ ᠬᠦᠩᠭᠦᠢ ᠵᠠᠶᠠᠭᠠᠴᠢ ᠶᠢᠨ ᠲᠤᠬᠠᠢ ᠲᠤᠮᠤᠭ ᠤᠳᠤ | ᠰᠢᠨᠵᠢᠶᠠᠩ ᠤᠨ ᠬᠤᠱᠤᠳ ᠢᠶᠠᠷ ᠤᠯᠠᠨ ᠪᠤᠢ 【9】᠃︾ ᠬᠡᠳᠡᠭ᠃ | ︽ᠰᠠᠷᠠᠨ ᠤ ᠬᠡᠷᠡᠯ︾ ᠳᠤ ︽ᠬᠦᠩᠬᠦᠢ ᠶᠢᠨ ᠤᠯᠠᠨ ᠬᠦᠪᠡᠬᠦᠨ ᠪᠤᠢ ᠠᠴᠠ ᠶᠡᠭᠡ ᠬᠦᠪᠡᠬᠦᠨ ᠢᠨᠤ ᠪᠠᠪᠠᠭ᠋ᠠᠨ ᠬᠡᠮᠡᠬᠦ | ᠪᠤᠢ 【10】︾ ᠬᠡᠵᠦ ᠲᠡᠮᠳᠡᠭᠯᠡᠵᠦ ᠪᠠᠶᠢᠳᠠᠯᠠ ᠰᠢ᠊᠂ ᠨᠤᠷᠪᠤ ᠶᠢᠨ ︽ᠪᠠᠪᠠᠭ᠋ᠠᠨ᠄ ᠡᠨᠡ ᠪᠣᠯ ᠲᠦᠷᠪᠡᠨ ᠤᠶᠢᠷᠠᠳ | ᠲᠤ ᠰᠡᠴᠡᠨ ᠬᠡᠵᠦ ᠠᠯᠳᠠᠷᠰᠢᠭᠰᠠᠨ ᠬᠦᠩᠭᠦᠢ ᠵᠠᠶᠠᠭᠠᠴᠢ ᠶᠢᠨ ᠲᠠᠪᠤᠳᠤᠭᠠᠷ ᠬᠦᠪᠡᠭᠦᠨ ᠮᠥᠨ ᠪᠦᠭᠡᠳ ᠽᠠᠶᠠ | ᠪᠠᠨᠳᠢᠳᠠ ᠶᠢᠨ ᠲᠦᠷᠦᠭᠰᠡᠨ ᠡᠴᠢᠭᠡ ᠪᠤᠯᠤᠨᠠ 【11】᠃︾ ᠬᠡᠬᠦ ᠲᠠᠶᠢᠯᠪᠤᠷᠢ ᠲᠠᠰᠢᠶᠠᠷᠠᠵᠠᠢ᠃ ᠪᠠᠪᠠᠭ᠋ᠠᠨ | 【12】 ᠳᠤ ᠨᠠᠶᠮᠠᠨ ᠬᠦᠤ ᠪᠠᠶᠢᠵᠦ ᠲᠠᠪᠤᠳᠤᠭᠠᠷ ᠬᠦᠤ ᠨᠢ ᠲᠠᠷᠤᠢ ᠽᠠᠶᠠ ᠪᠠᠨᠳᠢᠳᠠ ᠮᠥᠨ᠃ | ᠬᠤᠶᠠᠷ᠂ ᠽᠠᠶᠠ ᠪᠠᠨᠳᠢᠳᠠ ᠰᠠᠬᠢᠯ ᠠᠪᠴᠦ ᠲᠤᠶᠢᠨ ᠪᠤᠯᠤᠭᠰᠠᠨ | ᠽᠠᠶᠠ ᠪᠠᠨᠳᠢᠳᠠ ᠰᠠᠬᠢᠯ ᠠᠪᠴᠦ ᠲᠤᠶᠢᠨ ᠪᠤᠯᠤᠭᠰᠠᠨ ᠨᠢ ᠲᠦᠷᠪᠡᠨ ᠤᠶᠢᠷᠠᠳ ᠤᠨ ᠰᠢᠷᠠ ᠶᠢᠨ ᠱᠠᠰᠢᠨ ᠳᠤ | ᠤᠷᠤᠭᠰᠠᠨ ᠲᠤᠮᠤ ᠦᠢᠯᠡ ᠭᠡᠷᠡᠭ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠠ ᠲᠠᠢ᠃ ᠲᠦᠷᠪᠡᠨ ᠤᠶᠢᠷᠠᠳ ᠰᠢᠷᠠ ᠶᠢᠨ ᠱᠠᠰᠢᠨ ᠢ | ᠬᠡᠵᠢᠶᠡ ᠠᠴᠠ ᠡᠬᠢᠯᠡᠵᠦ ᠰᠢᠲᠦᠬᠦ ᠪᠤᠯᠤᠭᠰᠠᠨ ᠪᠤᠢ ᠬᠡᠬᠦ ᠠᠰᠠᠭᠤᠳᠠᠯ ᠮᠠᠳᠠᠭ ᠲᠠᠢ ᠪᠠᠶᠢᠨᠠ᠃ ᠡᠨᠡ ᠲᠤᠬᠠᠢ ᠬᠤᠶᠠᠷ | ᠵᠤᠶᠢᠯ ᠤᠨ ᠦᠵᠡᠯᠲᠡ ᠪᠠᠶᠢᠨᠠ᠃ ᠨᠢᠭᠡ ᠨᠢ᠂ 1616 ᠤᠨ ᠳᠤ ᠤᠶᠢᠷᠠᠳ ᠤᠨ ᠹᠸᠥᠳᠠᠯ ᠤᠨ ᠨᠤᠶᠠᠳ ᠬᠦᠮᠦᠨ | ᠪᠦᠷᠢ ᠨᠢᠵᠡᠭᠡᠳ ᠬᠦᠪᠡᠭᠦᠨ ᠢᠶᠠᠨ ᠭᠡᠷ ᠠᠴᠠ ᠭᠠᠷᠭᠠᠵᠦ ᠯᠠᠮᠠ ᠪᠤᠯᠭᠠᠭᠰᠠᠨ ᠠᠴᠠ ᠡᠭᠢᠯᠡᠵᠠᠢ ᠬᠡᠬᠦ ᠦᠵᠡᠯᠲᠡ᠂ | ᠨᠦᠭᠦᠭᠡ ᠨᠢᠭᠡ ᠨᠢ᠂ 1616 ᠤᠨ ᠠᠴᠠ ᠡᠮᠦᠨᠡ ᠤᠶᠢᠷᠠᠳ ᠲᠤ ᠰᠢᠷᠠ ᠶᠢᠨ ᠱᠠᠰᠢᠨ ᠲᠡᠯᠭᠡᠷᠡᠵᠠᠢ 【13】 | ᠬᠡᠬᠦ ᠦᠵᠡᠯᠲᠡ ᠪᠤᠯᠤᠨᠠ᠃ ᠰᠤᠷᠪᠤᠯᠵᠢ ᠪᠢᠴᠢᠭ ᠢ ᠦᠨᠳᠦᠰᠦᠯᠡᠪᠡᠯ᠂ ᠤᠶᠢᠷᠠᠳ ᠤᠨ ᠹᠸᠥᠳᠠᠯ ᠤᠨ ᠨᠤᠶᠠᠳ | ᠲᠤᠳᠤᠷᠠ ᠠᠴᠠ ᠰᠢᠷᠠ ᠶᠢᠨ ᠱᠠᠰᠢᠨ ᠢ ᠲᠡᠯᠭᠡᠷᠡᠭᠦᠯᠦᠭᠴᠢ ᠲᠠᠢ ᠬᠠᠮᠤᠭ ᠠᠩᠬᠠ ᠬᠠᠷᠢᠴᠠᠭᠠ ᠪᠠᠶᠢᠭᠤᠯᠵᠦ ᠱᠠᠰᠢᠨ | ᠲᠡᠯᠭᠡᠷᠡᠭᠦᠯᠦᠭᠴᠢ ᠶᠢᠨ ᠡᠷᠭᠦᠮᠵᠢᠯᠡᠯ ᠢ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠬᠦᠮᠦᠨ ᠪᠣᠯ ᠬᠤᠱᠤᠳ ᠤᠨ ᠨᠤᠶᠠᠨ ᠲᠦᠷᠦᠪᠠᠶᠢᠬᠤ | ᠪᠤᠯᠤᠨᠠ᠃ 1607 ᠤᠨ ᠳᠤ᠂ ᠬᠠᠯᠬᠠ ᠪᠠ ᠤᠶᠢᠷᠠᠳ ᠤᠨ ᠬᠤᠭᠤᠷᠤᠨᠲᠦ ᠨᠢᠭᠡ ᠤᠳᠠᠭᠠᠨ ᠤ ᠲᠠᠶᠢᠨ ᠪᠤᠯᠤᠭᠰᠨ | ᠪᠠ ᠡᠨᠡ ᠤᠳᠠᠭᠠᠨ ᠤ ᠲᠠᠶᠢᠨ ᠨᠢ ᠬᠤᠶᠠᠷ ᠠᠶᠢᠮᠠᠭ ᠤᠨ ᠠᠷᠠᠳ ᠲᠦᠮᠡᠨ ᠳᠤ ᠲᠤᠶᠢᠯ ᠤᠨ ᠶᠡᠭᠡ ᠠᠶᠤᠯ ᠵᠤᠪᠠᠯᠠᠩ | ᠠᠪᠴᠢᠷᠠᠭᠰᠠᠨ ᠪᠠᠶᠢᠨᠠ᠃ ᠡᠨᠡᠬᠦ ᠵᠠᠩᠭᠢᠯᠭᠠ ᠶᠢᠨ ᠦᠶᠡ ᠳᠤ᠂ ᠲᠦᠷᠦᠪᠠᠶᠢᠬᠤ ᠠᠴᠠ ᠠᠯᠢᠪᠠ ᠠᠶᠤᠯ ᠢ | ᠬᠠᠶᠢᠬᠤᠷᠤᠯ ᠦᠭᠡᠢ ᠬᠠᠯᠬᠠ ᠳᠤ ᠢᠷᠡᠵᠦ᠂ ᠡᠨᠡ ᠤᠳᠠᠭᠠᠨ ᠤ ᠲᠠᠶᠢᠨ ᠢ ᠡᠪᠰᠡᠭᠦᠯᠵᠦ᠂ ᠨᠠᠶᠢᠷᠠᠮᠳᠠᠯ ᠢ ᠠᠪᠴᠢᠷᠠᠵᠠᠢ | ᠃ ᠡᠶᠢᠮᠦ ᠠᠴᠠ ᠬᠯᠠᠬᠠ ᠶᠢᠨ ᠬᠠᠳ ᠨᠤᠶᠠᠳ ᠬᠢᠬᠡᠳ ᠰᠢᠷᠠ ᠶᠢᠨ ᠱᠠᠰᠢᠨ ᠢ ᠲᠡᠯᠭᠡᠷᠡᠭᠦᠯᠦᠭᠴᠢ ᠲᠦᠩᠭᠦᠷ ᠨᠤᠮ | ᠤᠨ ᠬᠠᠭᠠᠨ ᠠᠴᠠ ᠲᠡᠭᠦᠨ ᠳᠤ ︽ᠬᠦᠥᠰᠢ ᠨᠤᠮ ᠤᠨ ᠬᠠᠭᠠᠨ︾ ᠬᠡᠬᠦ ᠴᠤᠯᠠ ᠤᠯᠭᠤᠵᠠᠢ᠃ ᠡᠬᠦᠨ ᠠᠴᠠ ᠦᠵᠡᠭᠦ | ᠳᠤ᠂ 1607 ᠤᠨ ᠳᠤ᠂ ᠲᠦᠩᠭᠦᠷ ᠮᠠᠠᠽᠤᠰᠢᠷᠢ ᠬᠤᠲᠤᠭᠲᠦ ᠠᠴᠠ ᠤᠶᠢᠷᠠᠳ ᠲᠤ ᠱᠠᠰᠢᠨ ᠲᠡᠯᠭᠡᠷᠡᠭᠦᠯᠬᠦ ᠠᠵᠢᠯ | ᠢᠶᠠᠨ ᠡᠬᠢᠯᠡᠨ ᠬᠢᠭᠰᠡᠨ ᠪᠠᠶᠢᠨᠠ᠃ 1607 ᠤᠨ ᠤ ᠤᠷᠴᠢᠮ ᠢᠶᠠᠷ ᠤᠶᠢᠷᠠᠳ ᠲᠤ ᠡᠭᠦᠰᠦᠭᠰᠡᠨ ᠪᠠᠰᠠ ᠨᠢᠭᠡᠨ | ᠴᠢᠬᠤᠯᠠ ᠶᠠᠪᠤᠳᠠᠯ ᠭᠡᠪᠡᠯ᠂ ᠲᠤᠷᠭᠤᠳ ᠤᠨ ᠮᠡᠷᠭᠡᠨ ᠲᠡᠮᠡᠨᠡ ᠬᠦᠪᠡᠭᠦᠨ ᠢᠶᠠᠨ ᠲᠤᠶᠢᠨ ᠪᠤᠯᠭᠠᠭᠰᠠᠨ ᠶᠠᠪᠤᠳᠠᠯ | ᠪᠤᠯᠤᠨᠠ᠃ ᠵᠠᠷᠢᠮ ᠡᠷᠲᠡᠮᠲᠡᠨ ︽ᠲᠤᠷᠭᠤᠳ ᠠᠶᠢᠮᠠᠭ ᠤᠨ ᠮᠡᠷᠭᠡᠨ ᠲᠡᠮᠡᠨᠡ ᠪᠣᠯ ᠬᠠᠮᠤᠭ ᠠᠩᠬᠠ ᠪᠤᠷᠬᠠᠨᠨ ᠱᠠᠰᠢᠨ | ᠰᠢᠲᠦᠬᠦ ᠶᠠᠪᠤᠳᠠᠯ ᠢ ᠲᠤᠷᠠᠳᠴᠦ ᠭᠠᠷᠭᠠᠭᠰᠠᠨ ᠬᠦᠮᠦᠨ ᠮᠥᠨ 【14】︾ ᠬᠡᠵᠠᠢ᠃ ᠲᠡᠭᠦᠨ ᠤ ᠡᠨᠡᠬᠦ ᠲᠤᠶᠢᠨ | ᠪᠤᠯᠭᠠᠭᠰᠠᠨ ᠭᠦᠪᠡᠭᠦᠨ ᠨᠢ ᠬᠤᠵᠢᠮ ᠨᠢ ᠵᠠᠭᠦᠨ ᠮᠤᠩᠭᠤᠯ ᠳᠤ ᠱᠠᠰᠢᠨ ᠲᠡᠯᠭᠡᠷᠡᠭᠦᠯᠬᠦ ᠳᠤ ᠴᠢᠬᠤᠯᠠ ᠦᠢᠯᠡᠲᠦᠯ | ᠦᠵᠡᠭᠦᠯᠦᠭᠰᠡᠨ ᠨᠡᠶᠢᠴᠢ ᠲᠤᠶᠢᠨ ᠪᠤᠯᠤᠨᠠ᠃ ᠮᠦᠨ ᠴᠦ 1607 ᠤᠨ ᠤ ᠤᠷᠴᠢᠮ ᠢᠶᠠᠷ ᠨᠢᠭᠡᠨ ᠤᠶᠢᠷᠠᠳ | ᠬᠦᠮᠦᠨ᠂ ᠲᠦᠪᠡᠳ ᠤᠨ ᠯᠾᠠᠰᠠ ᠳᠤ ᠲᠠᠯᠠᠢ ᠯᠠᠮᠠ ᠠᠴᠠ ᠪᠤᠷᠬᠠᠨ ᠤ ᠨᠤᠮ ᠠᠪᠬᠤ ᠪᠠᠷ ᠬᠦᠷᠦᠭᠰᠡᠨ ᠲᠤᠬᠠᠢ | ᠲᠡᠮᠳᠡᠭᠯᠡᠯ ᠪᠤᠢ 【15】᠃ ᠬᠡᠬᠦ ᠳᠡᠭᠡᠨ ︽ᠤᠶᠢᠷᠠᠳ ᠤᠨ ᠨᠤᠶᠠᠳ ᠴᠠᠭᠠᠨ ᠨᠤᠮ ᠤᠨ ᠬᠠᠭᠠᠨ ᠢ ᠵᠠᠯᠠᠵᠦ | ᠤᠶᠢᠷᠠᠳ ᠲᠤ ᠡᠬᠡ ᠦᠰᠦᠭ ᠵᠢᠭᠠᠯᠭᠠᠭᠰᠠᠨ ᠤ ᠬᠠᠮᠲᠦ ᠬᠦᠮᠦ ᠲᠤᠮᠢᠯᠠᠨ ᠭᠠᠰ᠂ ᠪᠠᠷᠬᠦ᠋ᠯ ᠢᠶᠠᠷ ᠲᠦᠪᠡᠳ ᠲᠤ | ᠤᠷᠤᠬᠤ ᠵᠠᠮ ᠨᠡᠭᠡᠭᠡᠯᠭᠡᠪᠡ 【16】︾ ᠬᠡᠵᠦ ᠲᠡᠮᠲᠡᠭᠯᠡᠵᠦ ᠪᠠᠶᠢᠨᠠ᠃ ᠡᠶᠢᠨᠬᠦ ᠴᠠᠭᠠᠨ ᠨᠤᠮ ᠤᠨ ᠬᠠᠭᠠᠨ ᠤ | ᠱᠠᠰᠢᠨ ᠲᠡᠯᠬᠡᠷᠡᠬᠦᠯᠬᠦ ᠠᠵᠢᠯᠯᠠᠭᠠ ᠮᠠᠰᠢ ᠤᠷᠤᠭᠰᠢᠲᠠᠢ ᠶᠠᠪᠤᠭᠲᠠᠨ ᠪᠠᠶᠢᠪᠠᠭᠠᠰ ᠬᠠᠨ ᠴᠠᠭᠠᠨ ᠨᠤᠮ ᠤᠨ ᠬᠠᠭᠠᠨ ᠤ | ᠪᠤᠷᠬᠠᠨ ᠤ ᠨᠤᠮ ᠤᠨ ᠲᠠᠶᠢᠯᠤᠮᠵᠢ ᠶᠢ ᠤᠯᠠᠨᠲᠠ ᠰᠤᠨᠤᠰᠪᠠ᠃ ᠲᠡᠭᠡᠭᠡᠳ ᠪᠠᠶᠢᠪᠠᠭᠠᠰ ᠶᠢᠷᠲᠢᠨᠴᠦ ᠲᠡᠯᠡᠬᠡᠢ ᠴᠦᠮ | ᠬᠡᠢ ᠬᠤᠭᠤᠰᠤᠨ᠂ ᠦᠪᠡᠷ ᠤᠨ ᠠᠮᠢ ᠨᠠᠰᠤᠨ ᠨᠢ ᠴᠦ ᠡᠭᠦᠷᠢᠲᠡ ᠶᠢᠨ ᠪᠤᠰᠤ ᠬᠡᠵᠦ ᠰᠠᠨᠠᠭᠳᠠᠭᠰᠠᠨ ᠤᠴᠢᠷ ᠲᠤᠶᠢᠨ | ᠪᠤᠯᠬᠤ ᠪᠠᠷ ᠵᠤᠷᠢᠭ ᠪᠠᠷᠢᠵᠠᠢ᠃ ᠲᠡᠷᠡ ᠡᠨᠡ ᠪᠤᠳᠤᠯ ᠢᠶᠠᠨ ᠤᠶᠢᠷᠠᠳ ᠤᠨ ᠨᠤᠶᠠᠳ ᠲᠤ ᠵᠠᠷᠯᠠᠭᠰᠠᠨ ᠳᠤ᠂ ᠬᠦᠮᠦᠰ | ᠴᠦᠮ ᠤᠶᠢᠷᠠᠳ ᠤᠨ ᠵᠢᠯᠤᠭᠤ ᠪᠠᠶᠢᠪᠠᠭᠠᠰ ᠤᠨ ᠭᠠᠷ ᠲᠤ ᠪᠠᠶᠢᠨᠠ ᠬᠡᠵᠠᠢ᠃ ᠡᠨᠡ ᠨᠢ ᠤᠶᠢᠷᠠᠳ ᠲᠤ ᠪᠠᠶᠢᠪᠠᠭᠠᠰ | ᠤᠨ ᠤᠲᠤᠷᠢᠳᠤᠯᠭᠠ ᠪᠠᠶᠢᠬᠤ ᠴᠢᠬᠤᠯᠲᠠᠢ ᠬᠡᠰᠡᠨ ᠦᠭᠡ ᠶᠤᠮ᠃ ᠴᠢᠩᠭᠢᠭᠡᠳ ᠤᠯᠠᠨ ᠢᠶᠠᠷ ᠢᠶᠠᠨ ᠴᠠᠭᠠᠨ ᠨᠤᠮ ᠤᠨ | ᠬᠠᠭᠠᠨ ᠠᠴᠠ᠄ ᠨᠢᠭᠡ ᠬᠦᠮᠦᠨ ᠲᠤᠶᠢᠨ ᠪᠤᠯᠪᠠᠯ ᠪᠤᠶᠠᠨ ᠶᠡᠭᠡ ᠤᠤ᠂ ᠡᠰᠡᠪᠡᠯ ᠪᠢᠲᠡ ᠲᠤᠰ ᠲᠤᠰ ᠨᠢᠭᠡ ᠬᠦᠪᠡᠬᠦᠨ | ᠢᠶᠠᠨ ᠭᠠᠷᠭᠠᠵᠦ ᠲᠤᠶᠢᠨ ᠪᠤᠯᠭᠠᠪᠠᠯ ᠪᠤᠶᠠᠨ ᠶᠡᠭᠡ ᠤᠤ ᠬᠡᠵᠦ ᠠᠰᠠᠭᠤᠭᠰᠠᠨ ᠳᠤ᠂ ᠴᠠᠭᠠᠨ ᠨᠤᠮ ᠤᠨ ᠬᠠᠭᠠᠨ ᠤᠯᠠᠨ | ᠬᠦᠮᠦᠨ ᠲᠤᠶᠢᠨ ᠪᠤᠯᠪᠠᠯ ᠪᠤᠶᠠᠨ ᠶᠡᠭᠡ ᠬᠡᠵᠦ ᠬᠠᠷᠢᠭᠤᠯᠵᠠᠢ᠃ ᠡᠭᠦᠨ ᠤ ᠳ᠋ᠦᠩ ᠳᠤ ᠲᠠᠯᠠᠢ ᠲᠠᠶᠢᠱᠢ᠂ ᠬᠠᠷᠠ | ᠬᠤᠯᠠᠨ᠂ ᠬᠤ᠂ ᠦᠷᠯᠦᠭ᠂ ᠯᠤᠪᠰᠠᠩ᠂ ᠬᠦᠨᠳᠡᠯᠡᠩ ᠤᠪᠠᠰᠢ᠂ ᠴᠦᠬᠦᠷ ᠵᠡᠷᠭᠡ ᠬᠦᠮᠦᠨ ᠲᠤᠰ ᠲᠤᠰ ᠨᠢᠭᠡ | ᠬᠦᠪᠡᠭᠦᠨ ᠢᠶᠠᠨ ᠭᠠᠷᠭᠠᠵᠦ ᠲᠤᠶᠢᠨ ᠪᠤᠯᠭᠠᠪᠠ᠃ ᠡᠶᠢᠨᠬᠦ 1616 ᠤᠨ ︵1615 ᠤᠨ 【17】︶ ᠳᠤ | ᠲᠦᠷᠪᠡᠨ ᠤᠶᠢᠷᠠᠳ ᠤᠨ ᠴᠢᠭᠤᠯᠭᠠᠨ ᠡᠵᠡᠨ ᠪᠠᠶᠢᠪᠠᠭᠠᠰ ᠬᠠᠨ ᠢᠶᠠᠷ ᠴᠠᠭᠠᠨ ᠨᠤᠮ ᠤᠨ ᠬᠠᠭᠠᠨ ᠢ ᠵᠠᠯᠠᠵᠦ ᠲᠦᠷᠪᠡᠨ | ᠤᠶᠢᠷᠠᠳ ᠤᠨ ᠬᠤᠯᠪᠤᠭᠠ ᠶᠢ ᠤᠳᠤᠷᠢᠳᠤᠨ ᠰᠢᠷᠠ ᠶᠢᠨ ᠱᠠᠰᠢᠨ ᠢ ᠵᠢᠩᠭᠢᠨᠢ ᠪᠠᠷ ᠬᠦᠯᠢᠶᠡᠨ ᠠᠪᠴᠠᠢ᠃ ᠲᠦᠷᠪᠡᠨ | ᠤᠶᠢᠷᠠᠳ ᠤᠨ ᠱᠠᠰᠢᠨ ᠲᠦᠷᠦ ᠶᠢᠨ ᠶᠡᠭᠡ ᠦᠢᠯᠡ ᠳᠤ ᠬᠤᠯᠪᠤᠭᠳᠠᠭᠰᠠᠨ ᠲᠡᠷᠡ ᠶᠡᠭᠡ ᠴᠢᠭᠤᠯᠭᠠᠨ ᠲᠡᠭᠡᠷᠡ ᠽᠠᠶᠠ | ᠪᠠᠨᠳᠢᠳᠠ ᠪᠠᠶᠢᠪᠠᠭᠠᠰ ᠬᠠᠨ ᠤ ᠦᠷᠡ ᠶᠢᠨ ᠡᠮᠦᠨᠡ ᠠᠴᠠ ᠲᠤᠶᠢᠨ ᠪᠤᠯᠵᠦ ᠮᠠᠠᠽᠤᠰᠢᠷᠢ ᠬᠤᠳᠤᠭᠲᠦ ᠠᠴᠠ ᠠᠷᠪᠠᠨ | ᠲᠤᠯᠤᠭᠠᠲᠠᠢ ᠳᠠᠭᠠᠨ ᠰᠠᠬᠢᠯ ᠠᠪᠤᠭᠰᠠᠨ ᠪᠠᠶᠢᠨᠠ᠃ ᠲᠡᠶᠢᠮᠦ ᠠᠴᠠ ᠽᠠᠶᠠ ᠪᠠᠨᠳᠢᠳᠠ ᠶᠢᠨ ᠭᠡᠷ ᠠᠴᠠ ᠭᠠᠷᠴᠦ | ᠲᠤᠶᠢᠨ ᠪᠤᠯᠤᠭᠰᠠᠨ ᠨᠢ ᠲᠦᠷᠪᠡᠨ ᠤᠶᠢᠷᠠᠳ ᠤᠨ ᠰᠢᠷᠠ ᠶᠢᠨ ᠱᠠᠰᠢᠨ ᠢ ᠨᠡᠶᠢᠲᠡ ᠪᠠᠷ ᠬᠦᠯᠢᠶᠡᠨ ᠠᠪᠤᠭᠰᠠᠨ | ᠠᠤᠭᠠ ᠶᠡᠭᠡ ᠦᠢᠯᠡᠰ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠠ ᠲᠠᠢ᠃ ᠲᠦᠷᠪᠡᠨ ᠤᠶᠢᠷᠠᠳ ᠤᠨ ᠨᠤᠶᠠᠳ ᠦᠪᠡᠷ ᠤᠨ | ᠬᠦᠪᠡᠭᠦᠳ ᠢᠶᠠᠨ ᠪᠠᠨᠳᠢ ᠪᠤᠯᠭᠠᠵᠦ ᠪᠠᠶᠢᠭᠠ ᠨᠢ ᠭᠠᠭᠴᠠ ᠲᠦᠷᠪᠡᠨ ᠤᠶᠢᠷᠠᠳ ᠰᠢᠷᠠ ᠶᠢᠨ ᠱᠠᠰᠢᠨ ᠳᠤ ᠤᠷᠦᠬᠤ | ᠳᠤ ᠯᠠ ᠦᠢᠯᠡᠲᠦᠭᠰᠡᠨ ᠵᠦᠢᠯ ᠤᠭᠲᠦ ᠪᠢᠰᠢ᠂ ᠬᠠᠷᠢᠨ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠮᠤᠩᠭᠤᠯ ᠤᠨ ᠢᠵᠠᠭᠤᠷᠳᠠᠳ | ᠠᠴᠠ ᠮᠤᠩᠭᠤᠯ ᠪᠠ ᠰᠢᠷᠠ ᠶᠢᠨ ᠱᠠᠰᠢᠨ ᠤ ᠪᠠᠷᠢᠯᠲᠤᠯᠭᠠ ᠶᠢ ᠤᠯᠠᠮ ᠪᠠᠲᠤᠳᠬᠠᠬᠤ ᠶᠢᠨ ᠲᠦᠯᠦᠭᠡ ᠬᠢᠵᠦ | ᠪᠠᠶᠢᠭᠰᠠᠨ ᠴᠢᠬᠤᠯᠠ ᠨᠢᠬᠡᠨ ᠵᠢᠷᠤᠮ ᠪᠠᠶᠢᠭᠰᠠᠨ ᠬᠡᠵᠦ ᠦᠵᠡᠵᠦ ᠪᠤᠯᠤᠨᠠ᠃ ᠽᠠᠶᠠ ᠪᠠᠨᠳᠢᠳᠠ ᠪᠠᠨᠳᠢ ᠪᠤᠯᠤᠭᠰᠠᠨ ᠨᠢ | ᠲᠦᠷᠪᠡᠨ ᠤᠶᠢᠷᠠᠳ ᠤᠨ ᠨᠤᠶᠠᠳ ᠰᠢᠷᠠ ᠶᠢᠨ ᠱᠠᠰᠢᠨ ᠢ ᠬᠦᠯᠢᠶᠠᠨ ᠠᠪᠤᠭᠰᠠᠨ ᠦᠢᠯᠡᠰ ᠲᠠᠢ ᠬᠤᠯᠪᠤᠭᠲᠠᠬᠤ ᠠᠴᠠ | ᠪᠢᠰᠢ ᠪᠠᠶᠢᠪᠠᠭᠠᠰ ᠬᠠᠨ ᠤ ᠲᠤᠶᠢᠨ ᠪᠤᠯᠬᠤ ᠭᠡᠰᠡᠨ ᠠᠴᠠ ᠪᠤᠯᠤᠭᠰᠠᠨ ᠪᠢᠰᠢ ᠶᠤᠮ᠃ | ᠭᠤᠷᠪᠠ᠂ ᠽᠠᠶᠠ ᠪᠠᠨᠳᠢᠳᠠ ᠲᠦᠪᠡᠳ ᠲᠤ ᠤᠴᠢᠭᠰᠠᠨ ᠵᠢᠴᠢ | ᠲᠦᠪᠡᠳ ᠲᠤ ᠰᠤᠷᠤᠯᠴᠠᠵᠦ ᠠᠵᠯᠯᠠᠭᠰᠠᠨ ᠪᠠᠶᠢᠳᠠᠯ | ᠽᠠᠶᠠ ᠪᠠᠨᠳᠢᠳᠠ ᠮᠠᠨᠽᠤᠰᠢᠷᠢ ᠬᠤᠲᠤᠭᠲᠦ ᠠᠴᠠ ᠰᠠᠬᠢᠯ ᠠᠪᠤᠭᠰᠠᠨ ᠤ ᠲᠠᠷᠠᠭᠠ᠂ ᠪᠤᠲᠠᠲᠠᠢ ᠪᠠᠷ ᠬᠡᠯᠡᠪᠡᠯ 1616 | ᠤᠨ ᠳᠤ ᠤᠶᠢᠷᠠᠳ ᠤᠨ ᠨᠤᠲᠤᠭ ᠠᠴᠠ ᠬᠦᠬᠡᠨᠠᠭᠤᠷ ᠲᠤ ᠬᠦᠷᠦᠭᠰᠡᠨ ᠪᠦᠭᠡᠳ 1617 ᠤᠨ ᠳᠤ ᠲᠦᠪᠡᠳ ᠲᠤ | ᠬᠦᠷᠴᠠᠢ᠃ ᠲᠦᠪᠡᠳ ᠲᠤ ᠬᠦᠷᠦᠭᠰᠡᠨ ᠤ ᠲᠠᠷᠠᠭᠠ ᠳ᠋ᠢᠪᠠ ᠶᠢᠨ ᠲᠡᠷᠭᠡᠲᠡ ᠲᠦᠷ ᠴᠠᠭ ᠪᠠᠷᠠ ᠪᠤᠯᠵᠦ ᠲᠠᠷᠠᠭᠠ ᠨᠢ | ᠴᠤᠭᠲᠦ ᠪᠡᠷᠡᠶᠢᠪᠤᠩ ᠬᠡᠶᠢᠳ ᠲᠤ ᠤᠷᠤᠵᠦ ᠨᠤᠮ ᠰᠤᠷᠴᠠᠢ᠃ ᠲᠡᠷᠡ ᠨᠤᠮ ᠰᠤᠷᠬᠤ ᠳᠠᠭᠠᠨ ᠮᠡᠷᠭᠡᠨ ᠪᠠᠶᠢᠵᠦ ᠤᠯᠠᠨ | ᠤ ᠠᠩᠬᠠᠷᠤᠯ ᠢ ᠲᠠᠲᠠᠵᠦ ᠪᠠᠶᠢᠭᠰᠠᠨ ᠪᠦᠭᠡᠳ ᠵᠤᠤ ᠶᠢᠨ ᠷᠠᠪᠵᠠᠮᠪᠠ ᠪᠤᠯᠬᠤ ᠳᠠᠭᠠᠨ ᠨᠢᠭᠡ ᠴᠦ ᠦᠭᠡ ᠠᠯᠳᠠᠭᠰᠠᠨ | ᠦᠭᠡᠢ ᠲᠤᠯᠠ ᠠᠯᠲᠠᠷ ᠨᠡᠷᠡ ᠲᠠᠭᠤᠷᠢᠰᠴᠠᠢ᠃ ︽ᠽᠠᠨᠢᠳ ᠲᠤ ᠠᠷᠪᠠᠨ ᠵᠢᠯ ᠪᠤᠯᠤᠭᠠᠳ︾ ᠬᠡᠵᠦ ᠪᠤᠢ ᠠᠴᠠ | ᠦᠵᠡᠭᠦ ᠳᠤ ᠲᠡᠭᠦᠨ ᠤ ᠷᠠᠪᠵᠠᠮᠪᠠ ᠴᠤᠯᠠ ᠠᠪᠤᠭᠰᠠᠨ ᠨᠢ ᠪᠠᠷᠤᠭ 1627 ᠤᠨ ᠤ ᠤᠷᠴᠢᠮ ᠪᠤᠯᠤᠯᠲᠠᠢ | 【18】᠃ ᠽᠠᠶᠠ ᠪᠠᠨᠳᠢᠳᠠ ᠷᠠᠪᠵᠠᠮᠪᠠ ᠪᠤᠯᠤᠭᠰᠠᠨ ᠤ ᠲᠠᠷᠠᠭᠠ ᠠᠭᠪᠠ ᠳ᠋ᠠᠴᠠᠩ ᠤᠨ ᠪᠯᠠᠮᠠ ᠪᠤᠯᠤᠭᠰᠠᠨ | ᠪᠦᠭᠡᠳ 1638 ᠤᠨ ᠤ 3 ᠰᠠᠷᠠ ᠶᠢᠨ 5 ᠳᠤ ᠤᠶᠢᠷᠠᠳ ᠲᠠᠭᠠᠨ ᠪᠤᠴᠠᠬᠤ ᠶᠢᠨ ᠢᠶᠠᠨ ᠡᠮᠦᠨᠡᠭᠡᠨ ᠲᠠᠪᠤᠳᠤᠭᠠᠷ | ᠲᠠᠯᠠᠢ ᠯᠠᠮᠠ ᠠᠷᠪᠠ ᠶᠢᠰᠦᠨ ᠨᠠᠰᠤᠲᠠᠢ ᠳᠠᠭᠠᠨ ᠲᠦᠷᠪᠡᠲᠦᠭᠡᠷ ᠪᠠᠨᠴᠢᠨ ᠡᠷᠳᠡᠨᠢ ᠠᠴᠠ ᠰᠠᠬᠢᠯ ᠠᠪᠬᠤ ᠦᠶᠡ ᠳᠤ | ᠦᠢᠯᠡ ᠶᠢᠨ ᠰᠠᠭᠤᠳᠠᠯ ᠤᠨ ᠨᠢᠭᠡ ᠭᠡᠯᠦᠩ ᠢᠶᠠᠷ ᠤᠷᠤᠯᠴᠠᠵᠠᠢ᠃ ᠡᠭᠦᠨ ᠳᠤ ︽ᠲᠠᠪᠤᠳᠤᠭᠠᠷ ᠲᠠᠯᠠᠢ ᠯᠠᠮᠠ ᠶᠢᠨ | ᠨᠠᠮᠲᠠᠷ︾ ᠲᠤ ᠪᠠᠰᠠ ︽ᠲᠠᠷᠨᠢᠴᠢ ᠰᠤᠷᠭᠠᠯ ︵ᠠᠭᠪᠠ︶ ᠤᠨ ᠪᠠᠭᠰᠢ ᠴᠡᠴᠡᠨ ᠨᠠᠮᠺᠠᠶᠢᠵᠠᠮᠰᠤ︾ ᠬᠡᠵᠦ ᠲᠡᠮᠲᠡᠭᠯᠡᠵᠦ | ᠪᠠᠶᠢᠬᠤ ᠠᠴᠠ ᠦᠵᠡᠬᠦ ᠳᠤ ᠽᠠᠶᠠ ᠪᠠᠨᠳᠢᠳᠠ 1638 ᠤᠨ ᠳᠤ ᠤᠶᠢᠷᠠᠳ ᠲᠠᠭᠠᠨ ᠪᠤᠴᠠᠬᠤ ᠪᠤᠯᠲᠠᠯᠠ ᠠᠭᠪᠠ | ᠳ᠋ᠠᠴᠠᠩ ᠳᠤ ᠲᠠᠷᠨᠢ ᠤᠪᠠᠳᠢᠰ ᠤᠨ ᠪᠠᠭᠰᠢ ᠪᠤᠯᠤᠨ ᠰᠠᠭᠤᠵᠦ ᠪᠠᠶᠢᠭᠰᠠᠨ ᠬᠡᠳᠡᠭ ᠨᠢ ᠲᠤᠳᠤᠷᠬᠠᠢ ᠪᠠᠶᠢᠨᠠ᠂ ᠲᠡᠷᠡ | ᠪᠠᠰᠠ ᠵᠢᠪᠽᠠᠩ ᠳ᠋ᠠᠴᠠᠩ ᠤᠨ ᠪᠯᠠᠮᠠ ᠪᠤᠯᠵᠦ ᠶᠠᠪᠤᠵᠠᠢ᠃ ᠠᠭᠪᠠ ᠳ᠋ᠠᠴᠠᠩ ᠪᠣᠯ ᠭᠤᠤᠯᠲᠠᠭᠤ ᠲᠠᠷᠨᠢᠳᠠᠬᠤ᠂ ᠵᠤᠳ | ᠪᠠᠷᠢᠬᠤ᠂ ᠰᠢᠭᠤᠷᠭᠠᠨ ᠵᠤᠭᠰᠤᠭᠠᠬᠤ᠂ ᠴᠤᠶᠢᠵᠠᠩ ᠪᠠᠭᠤᠯᠭᠠᠬᠤ ᠵᠡᠷᠭᠡ ᠲᠠᠷᠨᠢᠳᠠᠬᠤ ᠤᠪᠠᠳᠢᠰ ᠰᠤᠷᠭᠠᠳᠠᠭ ᠬᠡᠶᠢᠳ | ᠶᠤᠮ᠃ ᠲᠡᠶᠢᠮᠦ ᠠᠴᠠ ᠽᠠᠶᠠ ᠪᠠᠨᠳᠢᠳᠠ ᠪᠤᠷᠬᠠᠨ ᠱᠠᠰᠢᠨ ᠤ ᠲᠠᠷᠨᠢ ᠤᠪᠠᠳᠢᠰ ᠤᠨ ᠤᠬᠠᠭᠠᠨ ᠳᠤ ᠨᠡᠪᠲᠡᠷᠡᠭᠰᠡᠨ | ᠬᠦᠮᠦᠨ ᠪᠠᠶᠢᠭᠠ ᠶᠤᠮ᠃ | 1622 ᠤᠨ ᠤ ᠦᠶᠡ ᠳᠤ ᠽᠠᠶᠠ ᠪᠠᠨᠳᠢᠳᠠ ᠶᠢ ᠪᠠᠰᠠ ︽ᠴᠡᠴᠡᠨ ᠤᠮᠪᠤ︾ ᠬᠡᠳᠡᠭ ᠪᠠᠶᠢᠵᠠᠢ᠃ ︽ᠤᠮᠪᠤ︾ | ᠬᠡᠳᠡᠭ ᠦᠭᠡ ᠲᠦᠪᠡᠳ ᠬᠡᠯᠡᠨ ᠲᠡᠭᠡᠷᠡ ︽ᠪᠤᠮᠪᠤ︾ ᠬᠡᠳᠡᠭ ᠤᠳᠬᠠ ᠲᠠᠢ ᠪᠦᠭᠡᠳ ᠰᠢᠷᠠ ᠶᠢᠨ ᠱᠠᠰᠢᠨ ᠤ | ᠰᠦᠮᠡ ᠬᠡᠶᠢᠳ ᠤᠨ ᠰᠠᠯᠪᠤᠷᠢ ᠰᠠᠩ ᠤᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠢ ᠵᠢᠭᠠᠳᠠᠭ ᠲᠤᠰᠢᠶᠠᠯ ᠪᠤᠯᠤᠨᠠ᠃ ᠲᠡᠶᠢᠮᠦ ᠠᠴᠠ | ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠽᠠᠶᠠ ᠪᠠᠨᠳᠢᠳᠠ ᠪᠡᠷᠡᠶᠢᠪᠤᠩ ᠬᠡᠶᠢᠳ ᠤᠨ ᠰᠠᠩ ᠤᠨ ᠤᠮᠪᠤ ᠪᠠᠶᠢᠭᠰᠡᠨ ᠶᠤᠮ ᠪᠠᠶᠢᠨᠠ᠃ | ᠲᠦᠷᠪᠡ᠂ ᠽᠠᠶᠠ ᠪᠠᠨᠳᠢᠳᠠ ᠤᠶᠢᠷᠠᠳ ᠨᠤᠳᠤᠭ ᠲᠤ ᠪᠠᠨ ᠪᠤᠴᠠᠭᠰᠠᠨ ᠰᠢᠯᠳᠠᠭᠠᠨ | 1616 ᠤᠨ ᠳᠤ᠂ ᠲᠦᠷᠪᠡᠨ ᠤᠶᠢᠷᠠᠳ ᠤᠨ ᠠᠬᠠᠯᠠᠭᠴᠢ ᠪᠠᠶᠢᠭᠰᠠᠨ ᠪᠠᠶᠢᠪᠠᠭᠠᠰ ᠬᠠᠨ ᠳᠤ ᠦᠷᠡᠴᠢᠯᠡᠭᠳᠡᠵᠦ | ᠲᠤᠶᠢᠨ ᠪᠤᠯᠵᠦ ᠪᠠᠷᠠᠭᠤᠨ ᠵᠤᠤ ᠳᠤ ᠶᠠᠪᠤᠵᠠᠢ᠃ ᠡᠨᠡ ᠲᠤᠬᠠᠢ ︽ᠰᠠᠷᠠᠨ ᠤ ᠭᠡᠷᠡᠯ︾ ᠵᠡᠷᠭᠡ ᠰᠤᠷᠪᠤᠯᠵᠢ ᠪᠢᠴᠢᠭ | ᠲᠤ ︽ᠤᠯᠠᠭᠠᠨ ᠯᠤᠤ ᠵᠢᠯ︾ ︵1616 ᠣᠨ︶ ᠨᠤᠳᠤᠭ ᠠᠴᠠ ᠭᠠᠷᠤᠨ ᠬᠦᠬᠡᠨᠠᠭᠤᠷ ᠢ ᠳᠠᠮᠵᠢᠨ᠂ ᠪᠠᠷᠠᠭᠤᠨᠰᠢ | ᠠᠶᠠᠯᠠᠭᠠᠳ᠂ ᠮᠤᠭᠠᠢ ᠵᠢᠯ ᠲᠦᠪᠡᠳ ᠲᠤ ᠬᠦᠷᠦᠭᠰᠡᠨ ᠬᠡᠵᠦ ᠲᠤᠳᠤᠷᠬᠠᠢ ᠲᠡᠮᠳᠡᠭᠯᠡᠵᠦ ᠪᠠᠶᠢᠨᠠ 【19】᠃ | ᠽᠠᠶᠠ ᠪᠠᠨᠳᠢᠳᠠ ᠪᠠᠷᠠᠭᠤᠨ ᠲᠦᠪᠡᠳ ᠲᠤ ᠬᠤᠷᠢᠨ ᠬᠤᠶᠠᠷ ᠵᠢᠯ ᠠᠮᠢᠳᠤᠷᠠᠵᠦ ᠰᠤᠷᠤᠯᠴᠠᠨ᠂ 1638 ᠤᠨ ᠳᠤ | ᠤᠶᠢᠷᠠᠳ ᠨᠤᠳᠤᠭ ᠲᠤ ᠪᠠᠨ ᠪᠤᠴᠠᠵᠠᠢ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ᠂ ᠶᠠᠭ ᠰᠠᠶᠢᠬᠠᠨ ᠭᠦᠥᠰᠢ ᠬᠠᠨ ᠤᠶᠢᠷᠠᠳ ᠤᠨ | ᠬᠤᠯᠪᠤᠭᠠᠲᠦ ᠴᠡᠷᠢᠭ ᠢ ᠲᠠᠶᠢᠴᠢᠯᠠᠨ ᠬᠦᠭᠡᠨᠠᠭᠤᠷ ᠲᠦᠪᠡᠳ ᠤᠨ ᠦᠨᠲᠦᠷᠯᠢᠭ ᠲᠤ ᠢᠷᠡᠵᠦ᠂ ᠤᠯᠠᠭᠠᠨ ᠤ ᠱᠠᠰᠢᠨ | ᠤ ᠬᠤᠯᠪᠤᠭᠠᠲᠠᠤᠨ ᠢ ᠲᠠᠷᠦᠨ ᠲᠦᠪᠰᠢᠳᠬᠡᠵᠦ᠂ ᠰᠢᠷᠠ ᠶᠢᠨ ᠱᠠᠰᠢᠨ ᠢ ᠳᠡᠳᠬᠦᠨ ᠲᠡᠮᠵᠢᠵᠦ ᠪᠠᠶᠢᠭᠰᠠᠨ ᠦᠶᠡ | ᠶᠤᠮ᠃ ᠲᠡᠭᠡᠪᠡᠯ ᠽᠠᠶᠠ ᠪᠠᠨᠳᠢᠳᠠ ᠶᠠᠮᠠᠷ ᠰᠢᠯᠳᠠᠭᠠᠨ ᠠᠴᠠ ᠬᠤᠷᠢ ᠭᠠᠷᠤᠢ ᠵᠢᠯ ᠠᠮᠢᠳᠤᠷᠠᠵᠦ ᠰᠤᠷᠤᠯᠴᠠᠭᠰᠨ | ᠲᠦᠪᠡᠳ ᠤᠷᠤᠨ ᠠᠴᠠ ᠪᠠᠨ ᠤᠶᠢᠷᠠᠳ ᠨᠤᠳᠤᠭ ᠲᠤ ᠪᠠᠨ ᠪᠤᠴᠠᠵᠦ ᠢᠷᠡᠭᠰᠡᠨ ᠪᠤᠢ ᠭᠡᠪᠡᠯ᠄ | ︽ᠰᠠᠷᠠᠨ ᠤ ᠭᠡᠷᠡᠯ︾ ᠳᠤ ᠡᠨᠡ ᠲᠤᠬᠠᠢ ︽ᠭᠠᠯ ᠦᠭᠡᠷ ᠵᠢᠯ ᠳᠤ ᠤᠭᠲᠠᠷᠭᠤᠢ ᠭᠠᠵᠠᠷ ᠤᠨ ᠡᠷᠬᠡᠲᠦ ᠱᠠᠵᠢᠨ ᠢ | ᠪᠠᠷᠢᠭᠴᠢ ᠨᠤᠮ ᠤᠨ ᠬᠠᠭᠠᠨ᠂ ᠪᠢᠲᠡᠨ ᠤ ᠮᠤᠩᠭᠤᠯ ᠤᠷᠤᠨ ᠳᠤ ᠢᠷᠡᠲᠦᠭᠡᠢ ᠬᠡᠮᠡᠭᠰᠡᠨ ᠳᠤ ᠦᠳᠲᠡᠷ ᠵᠦᠪᠰᠢᠶᠡᠨ | ᠠᠮᠠ ᠠᠪᠤᠭᠰᠠᠨ ᠰᠢᠯᠲᠠᠭᠠᠨ ᠢᠶᠠᠷ ᠵᠠᠯᠭᠠᠮᠵᠢᠯᠠᠨ ᠬᠤᠶᠢᠨᠠ ᠰᠢᠷᠤᠢ ᠪᠠᠷᠰ ᠵᠢᠯ ᠳᠤ ᠰᠢᠮᠨᠤᠰ ᠨᠤᠮᠤᠳᠬᠠᠭᠴᠢ ᠪᠺᠺ | ᠱᠧᠰ ᠷᠠᠪ ᠷᠰ ᠮᠽᠤ᠋ ᠬᠢᠬᠡᠳ ᠵᠠᠢ ᠰᠠᠩ ᠬᠦᠥᠰᠢ ᠡᠬᠢᠯᠡᠨ ᠲᠠᠪᠤᠨ ᠰᠠᠶᠢᠳ ᠡᠯᠴᠢ ᠢᠯᠡᠭᠡᠭᠰᠡᠨ ᠳᠤ ᠲᠠᠷᠤᠶᠢᠲᠠᠨ | ᠤᠳᠴᠦ᠂ ᠦᠯᠦ ᠪᠤᠯᠬᠤᠢ ᠪᠠᠴᠢᠮ ᠪᠤᠯᠤᠭᠰᠠᠨ ᠳᠤ᠂ ᠮᠦᠨ ᠲᠤᠰ ᠦᠪᠡᠷ ᠤᠨ ᠪᠡᠶᠡ ᠶᠢᠨ ᠲᠦᠯᠦᠭᠡ ᠪᠤᠯᠭᠠᠨ | ᠢᠯᠡᠭᠡᠭᠰᠡᠨ ᠳᠤ ᠰᠠᠪᠠ ᠨᠤᠮ ᠤᠨ ᠬᠠᠭᠠᠨ ᠷᠠᠪᠵᠠᠮᠪᠠ ᠬᠤᠳᠤᠭᠲᠦ ᠬᠡᠮᠡᠨ ᠶᠡᠭᠡ ᠪᠯᠠᠮᠠ ᠪᠤᠯᠤᠨ ᠡᠷᠭᠦᠭᠳᠡᠵᠦ᠂ | ᠤᠶᠢᠷᠠᠳ ᠤᠨ ᠲᠦᠷᠦ ᠱᠠᠰᠢᠨ ᠳᠤ ᠶᠡᠭᠡ ᠲᠤᠰᠠ ᠦᠢᠯᠡᠲᠦᠭᠡᠳ ᠬᠤᠶᠢᠨᠠ ᠲᠡᠮᠦᠷ ᠲᠠᠥᠯᠠᠢ ᠵᠢᠯ ᠳᠤ ᠪᠠᠷᠠᠭᠤᠨ | ᠲᠠᠯᠠ ᠡ᠊ ᠵᠷᠡᠭᠰᠡᠨ ᠳᠡᠭᠡᠨ ᠪᠤᠶᠠᠨ ᠨᠤᠮ ᠢ ᠮᠠᠰᠢ ᠶᠡᠭᠡᠲᠡ ᠦᠢᠯᠡᠲᠦᠭᠰᠡᠨ ᠠᠴᠠ᠂ ᠬᠠᠷᠢᠨ ᠪᠠᠰᠠ ᠱᠠᠵᠢᠨ ᠳᠤ | ᠲᠤᠰᠠᠯᠠᠬᠤᠢ ᠶᠢᠨ ᠲᠤᠯᠠ ᠢᠯᠡᠭᠡᠭᠰᠡᠨ ᠪᠤᠢ 【20】᠃︾ ᠬᠡᠵᠦ ᠲᠠᠪᠤᠳᠤᠭᠠᠷ ᠳᠠᠯᠠᠢ ᠯᠠᠮᠠ ᠶᠢᠨ ᠵᠠᠬᠢᠳᠠᠯ ᠤᠨ | ᠬᠤᠪᠢ ᠪᠠᠷ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠨᠠ᠃ | ᠽᠠᠶᠠ ᠪᠠᠨᠳᠢᠳᠠ ᠶᠢᠨ ᠲᠤᠬᠠᠢ ᠬᠤᠶᠠᠷ ᠤᠴᠢᠷ ᠢ ᠲᠡᠮᠳᠡᠭᠯᠡᠭᠰᠡᠨ ᠨᠢ ᠲᠡᠭᠦᠨ ᠤ ᠨᠤᠳᠤᠭ ᠲᠤ ᠪᠠᠨ ᠪᠤᠴᠠᠭᠰᠠᠨ ᠲᠠᠢ | ᠬᠤᠯᠪᠤᠭᠳᠠᠨᠠ᠃ | ᠨᠢᠭᠡ ᠳᠤ᠂ ᠭᠠᠯ ᠦᠭᠡᠷ ᠵᠢᠯ ︵1638 ᠤᠨ︶ ᠪᠠ ᠰᠢᠷᠦᠢ ᠪᠠᠷᠰ ᠵᠢᠯ ︵1639 ᠤᠨ︶ ᠬᠤᠶᠠᠷ ᠤᠳᠠᠭᠠ | ︽ᠤᠬᠳᠠᠷᠭᠤᠢ ᠭᠠᠵᠠᠷ ᠤᠨ ᠡᠷᠬᠡᠲᠦ ᠱᠠᠵᠢᠨ ᠢ ᠪᠠᠷᠢᠭᠴᠢ ᠨᠤᠮ ᠤᠨ ᠬᠠᠭᠠᠨ︾ ︵ᠭᠡᠭᠡᠨ ᠬᠦᠥᠰᠢ ᠬᠠᠨ︶ ᠲᠠᠯᠠᠢ | ᠯᠠᠮᠠ ᠶᠢ ᠮᠤᠩᠭᠤᠯ ᠤᠷᠤᠨ ᠳᠤ ᠵᠠᠯᠠᠭᠰᠠᠨ᠃ ᠡᠬᠢᠨ ᠤ ᠤᠳᠠᠭᠠ ᠶᠢᠨ ᠵᠠᠯᠠᠯᠭᠠ ᠳᠤᠨᠢ ᠲᠠᠯᠠᠢ ᠯᠠᠮᠠ ︵ᠭᠠᠯ ᠦᠬᠡᠷ | ᠵᠢᠯ︶ ︽ᠦᠳᠲᠡᠷ ᠵᠦᠪᠰᠢᠶᠡᠷᠡᠨ ᠠᠮᠠ ᠠᠪᠤᠭᠰᠠᠨ︾ ᠪᠠᠶᠢᠵᠠᠢ᠃ ᠬᠡᠳᠡᠯᠠ ︽ᠦᠳᠲᠡᠷ ᠵᠦᠪᠰᠢᠶᠡᠷᠡᠭᠰᠡᠨ︾ | ᠬᠢᠷᠢ ᠨᠢ ᠤᠴᠢᠵᠦ ᠴᠢᠳᠠᠭᠠ ᠦᠭᠡᠢ ᠪᠠᠶᠢᠵᠦ ᠪᠠᠶᠢᠳᠠᠯᠠ᠂ ᠲᠡᠷᠡ ︽ᠰᠢᠯᠲᠠᠭᠠᠨ ᠢᠶᠠᠷ ᠵᠠᠯᠭᠠᠨ︾᠂ ᠲᠠᠷᠠᠭᠠ ᠵᠢᠯ | ᠨᠢ ᠰᠢᠷᠦᠢ ᠪᠠᠷᠰ ᠵᠢᠯ ᠲᠠᠬᠢᠨᠲᠠ ᠵᠠᠯᠠᠵᠠᠢ᠃ ᠠᠩᠬᠠ ᠤᠴᠢᠨᠠ ᠬᠡᠵᠦ ︽ᠠᠮᠠ ᠠᠪᠤᠭᠰᠠᠨ︾ ᠬᠢᠷᠢ ᠨᠢ ᠤᠴᠢᠭᠠ | ᠦᠭᠡᠢ ᠪᠠᠶᠢᠭᠠᠳ ᠡᠨᠡ ᠤᠳᠠᠭᠠ ᠲᠠᠬᠢᠨᠲᠠ ᠵᠠᠯᠠᠬᠤ ᠳᠤ ᠡᠰᠡ ᠤᠴᠢᠵᠦ ᠪᠤᠯᠬᠤ ᠦᠭᠡᠢ ᠪᠠᠶᠢᠭᠰᠠᠨ ᠪᠤᠯᠪᠠᠴᠦ ᠪᠠᠰᠠ | ︽ᠳᠠᠷᠤᠶᠢᠲᠠ ᠤᠳᠴᠦ ᠦᠯᠦ ᠪᠤᠯᠬᠤᠢ ᠪᠠᠴᠢᠮ ᠪᠤᠯᠤᠭᠰᠠᠨ︾ ᠲᠤᠯᠠ ᠠᠷᠭᠠ ᠪᠤᠰᠤ ︽ᠦᠪᠡᠷ ᠤᠨ ᠪᠡᠶᠠ ᠶᠢᠨ | ᠲᠦᠯᠦᠭᠡ︾ ᠽᠠᠶᠠ ᠪᠠᠨᠳᠢᠳᠠ ᠨᠠᠮᠬᠠᠶᠢᠵᠠᠮᠰᠦ ᠶᠢ ᠢᠯᠡᠭᠡᠭᠰᠡᠨ ᠪᠠᠶᠢᠵᠠᠢ᠃ | ᠬᠤᠶᠠᠷ ᠲᠤ᠂ ᠽᠠᠶᠠ ᠪᠠᠨᠳᠢᠳᠠ ᠨᠠᠮᠬᠠᠶᠢᠵᠠᠮᠰᠦ ᠲᠠᠯᠠᠢ ᠯᠠᠮᠠ ᠶᠢᠨ ᠲᠦᠯᠦᠭᠡᠨ ᠳᠤ ᠬᠦᠥᠰᠢ ᠬᠠᠨ ᠲᠠᠢ ᠵᠤᠯᠭᠠᠬᠤ | ᠪᠠᠷ ᠬᠦᠬᠡᠨᠠᠭᠤᠷ ᠤᠨ ᠦᠨᠲᠦᠷᠯᠢᠭ ᠲᠤ ᠬᠦᠷᠴᠦ᠂ ᠴᠢᠨᠠᠭᠰᠢ ᠭᠡᠭᠡᠨ ᠬᠦᠥᠰᠢ ᠶᠢᠨ ᠬᠠᠵᠠᠭᠤ ᠠᠴᠠ ᠤᠶᠢᠷᠠᠳ | ᠨᠤᠳᠤᠭ ᠲᠤ ᠪᠠᠨ ᠪᠤᠴᠠᠭᠠᠳ ︽ᠤᠶᠢᠷᠠᠳ ᠤᠨ ᠲᠦᠷᠦ ᠱᠠᠰᠢᠨ ᠳᠤ ᠶᠡᠭᠡ ᠲᠤᠰᠠ ᠦᠢᠯᠡᠳᠦᠭᠡᠳ︾ ᠬᠤᠶᠢᠨᠠ | ᠲᠡᠮᠦᠷ ᠲᠠᠥᠯᠠᠢ ᠵᠢᠯ ︵1652 ᠤᠨ︶ ᠪᠠᠷᠠᠭᠤᠨ ᠲᠠᠯᠠ ᠢᠷᠡᠭᠰᠡᠨ᠂᠂᠂᠂ ᠪᠠᠶᠢᠵᠠᠢ᠃ | ᠲᠡᠭᠡᠷᠡᠬᠢ ᠪᠠᠶᠢᠳᠠᠯ ᠠᠴᠠ ᠦᠵᠡᠬᠦ ᠳᠤ᠂ ᠽᠠᠶᠠ ᠪᠠᠨᠳᠢᠳᠠ ᠭᠠᠯ ᠦᠭᠡᠷ ᠵᠢᠯ ︵1638 ᠤᠨ︶ ᠳᠤ ᠠᠩᠬᠠ | ᠲᠦᠪᠡᠳ ᠠᠴᠠ ᠮᠤᠷᠳᠠᠬᠤ ᠳᠤ ᠪᠠᠨ ᠵᠦᠪᠬᠡᠨ ᠲᠠᠯᠠᠢ ᠯᠠᠮᠠ ᠶᠢ ᠲᠦᠯᠦᠭᠡᠯᠡᠨ᠂ ᠬᠦᠬᠡᠨᠠᠭᠤᠷ ᠲᠤ ᠴᠡᠷᠢᠭᠯᠡᠵᠦ | ᠢᠷᠡᠭᠰᠡᠨ ᠬᠡᠬᠡᠨ ᠬᠦᠥᠰᠢ ᠬᠠᠨ ᠳᠤ ᠵᠤᠯᠭᠠᠬᠤ ᠪᠠᠷ ᠢᠷᠡᠵᠠᠢ᠃ ᠽᠠᠶᠠ ᠪᠠᠨᠳᠢᠳᠠ ᠠᠷᠦ ᠲᠠᠯᠠ ᠶᠢᠨ ᠤᠶᠢᠷᠠᠳ | ᠨᠤᠳᠤᠭ ᠲᠤ ᠪᠠᠨ ᠪᠤᠴᠠᠵᠦ᠂ ᠱᠠᠰᠢᠨ ᠤ ᠦᠢᠯᠡ ᠠᠵᠢᠯᠯᠠᠭᠠ ᠪᠠᠨ ᠦᠷᠨᠢᠭᠦᠯᠬᠦ ᠪᠤᠯᠤᠭᠰᠠᠨ ᠨᠢ ᠲᠡᠷᠡ ᠬᠡᠬᠡᠨ | ᠬᠦᠥᠰᠢ ᠬᠠᠨ ᠲᠠᠢ ᠠᠭᠤᠯᠵᠠᠭᠰᠠᠨ ᠤ ᠲᠠᠷᠠᠭᠠ ᠰᠠᠶ᠋ᠢ ᠰᠢᠢᠲᠦᠭᠰᠡᠨ ᠤᠴᠢᠷ ᠶᠤᠮ ᠪᠠᠶᠢᠨᠠ᠃ ᠲᠠᠯᠠᠢ ᠯᠠᠮᠠ ᠪᠡᠶᠡ | ᠪᠠᠨ ᠲᠦᠯᠦᠭᠡᠯᠡᠭᠦᠯᠦᠨ ᠬᠦᠥᠰᠢ ᠬᠠᠨ ᠤ ᠵᠦᠭ ᠽᠠᠶᠠ ᠪᠠᠨᠳᠢᠳᠠ ᠶᠢ ᠶᠠᠪᠤᠭᠤᠯᠬᠤ ᠦᠶᠡ ᠳᠤ ᠮᠠᠰᠢ ︽ᠪᠠᠴᠢᠮ | ᠪᠤᠯᠤᠭᠰᠠᠨ︾ ᠪᠤᠯᠬᠤᠷ᠂ ᠮᠤᠩᠭᠤᠯ ᠤᠷᠤᠨ ᠳᠤ ᠵᠤᠷᠢᠯᠭᠠ ᠲᠠᠢ᠂ ᠠᠯᠬᠤᠮ ᠲᠠᠷᠠᠭᠠ ᠲᠠᠢ᠂ ᠲᠦᠯᠦᠪᠯᠡᠭᠡ ᠲᠠᠢ ᠪᠠᠷ | ᠱᠠᠰᠢᠨ ᠲᠡᠯᠭᠡᠷᠡᠭᠦᠯᠬᠦ ᠪᠠᠷ ᠶᠠᠪᠤᠭᠤᠯᠬᠤ ᠴᠠᠭ᠂ ᠨᠦᠬᠦᠴᠠᠯ ᠪᠤᠯᠤᠮᠵᠢ ᠦᠭᠡᠢ᠃ ᠡᠨᠡ ᠠᠰᠠᠭᠤᠳᠠᠯ ᠢ ᠪᠤᠳᠤᠯᠬᠢᠯᠠᠬᠤ | ᠴᠠᠭ ᠪᠤᠯᠤᠯᠴᠠᠭᠠ ᠪᠠᠶᠢᠭᠠ ᠦᠭᠡᠢ᠃ ᠲᠦᠷᠦ ᠲᠦᠪᠰᠢᠨ ᠡᠩᠭᠡ ᠲᠠᠶᠢᠪᠤᠩ ᠪᠠᠶᠢᠮᠠᠨᠵᠢᠨ ᠰᠠᠶ᠋ᠢ ᠱᠠᠰᠢᠨ ᠴᠢᠯᠦᠭᠡ | ᠲᠠᠢ ᠲᠡᠯᠭᠡᠷᠡᠵᠦ ᠴᠢᠳᠠᠳᠠᠭ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠲᠦᠪᠡᠳ ᠤᠨ ᠪᠠᠶᠢᠳᠠᠯ ᠮᠠᠰᠢ ᠪᠤᠳᠤᠯᠢᠶᠠᠨᠳᠠᠢ ᠪᠠᠶᠢᠵᠦ᠂ | ᠲᠠᠯᠠᠢ ᠯᠠᠮᠠ ᠶᠢᠨ ᠰᠢᠷᠠ ᠶᠢᠨ ᠱᠠᠰᠢᠨ ᠶᠠᠭ ᠬᠢᠳᠤᠭᠠᠨ ᠢᠷ ᠲᠡᠭᠡᠷᠡ ᠪᠠᠶᠢᠭᠰᠠᠨ ᠶᠤᠮ᠃ ᠶᠡᠭᠡ ᠤᠷᠴᠢᠨ ᠢ ᠠᠪᠴᠦ | ᠬᠡᠯᠡᠪᠡᠯ᠂ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠲᠦᠪᠡᠳ ᠤᠨ ᠲᠤᠳᠤᠭᠠᠲᠦ ᠳᠤ ᠡᠯᠠ ᠤᠷᠤᠨ ᠨᠤᠳᠤᠭ ᠤᠨ ᠹᠸᠥᠳᠠᠯ ᠤᠨ | ᠬᠦᠴᠦᠨ ᠲᠤᠰ ᠲᠤᠰ ᠦᠨᠳᠡᠶᠢᠵᠦ᠂ ᠦᠪᠡᠷ ᠦᠪᠡᠷ ᠤᠨ ᠲᠤᠭ ᠢᠶᠠᠨ ᠪᠤᠰᠬᠠᠵᠦ᠂ ᠬᠠᠷᠢᠯᠴᠠᠨ ᠵᠦᠷᠢᠯᠲᠦᠬᠦ ᠶᠢ | ᠲᠠᠭᠠᠯᠲᠦᠨ᠂ ᠪᠤᠷᠬᠠᠨ ᠤ ᠱᠠᠰᠢᠨ ᠤ ᠤᠯᠠᠨ ᠤᠷᠤᠰᠬᠠᠯ ᠪᠦᠯᠦᠭ ᠤᠳ ᠤᠨ ᠬᠤᠭᠤᠷᠤᠨᠳᠤ ᠴᠦ ᠵᠠᠳᠠᠷᠠᠯ ᠡᠭᠦᠰᠴᠦ᠂ | ᠱᠠᠰᠢᠨ ᠤ ᠲᠠᠶᠢᠨ ᠢᠯᠡ ᠳᠠᠯᠲᠠ ᠶᠠᠪᠤᠭᠳᠠᠵᠦ ᠡᠬᠢᠯᠡᠭᠰᠡᠨ ᠪᠠᠶᠢᠨᠠ᠃ ᠢᠯᠩᠭᠤᠶᠠ ᠽᠤᠩᠺᠠᠪᠠ ᠶᠢᠨ ᠰᠢᠷᠠ ᠶᠢᠨ | ᠱᠠᠰᠢᠨ ︵ᠭᠡᠯᠦ᠋ᠭᠪᠠ ᠶᠢᠨ ᠪᠦᠯᠦᠭ︶ ᠪᠠ ᠤᠯᠠᠭᠠᠨ ᠤ ᠱᠠᠰᠢᠨ ︵ᠭᠠᠷᠮᠠᠪᠠ ᠶᠢᠨ ᠪᠦᠯᠦᠭ︶ ᠤ ᠲᠡᠮᠡᠴᠡᠯ ᠤᠷᠢᠳ | ᠭᠠᠷᠤᠭᠠ ᠦᠭᠡᠢ ᠰᠢᠷᠦᠭᠦᠨ ᠪᠤᠯᠵᠦ᠂ ︽ᠭᠡᠯᠦ᠋ᠭᠪᠠ ᠶᠢᠨ ᠪᠦᠯᠦᠭ︾᠂ ︽ᠭᠡᠯᠦ᠋ᠭᠪᠠ ᠶᠢᠨ ᠬᠦᠴᠦᠨ ᠲᠦᠪᠡᠳ | ᠤᠨ ᠭᠠᠵᠠᠷ ᠬᠦᠯ ᠲᠤᠭᠳᠠᠨᠢᠬᠤᠶᠠ ᠪᠡᠷᠭᠡ ᠬᠡᠮᠵᠢᠶᠠᠨ ᠳᠤ ᠲᠤᠯᠪᠠ 【21】᠃︾ ᠡᠶᠢᠮᠦᠷᠬᠦ ᠪᠠᠴᠢᠮ ᠲᠤᠯᠭᠠᠮ | ᠴᠠᠭ ᠲᠤ ᠰᠢᠷᠠ ᠶᠢᠨ ᠱᠠᠰᠢᠨ ᠤ ᠲᠦᠷᠦᠭᠦᠤ ᠲᠠᠯᠠᠢ ᠯᠠᠮᠠ ᠶᠠᠭᠠᠬᠢᠵᠦ ᠠᠮᠢ ᠭᠠᠷᠬᠤ ᠶᠢ ᠪᠤᠳᠤᠯᠬᠢᠯᠠᠬᠤ ᠠᠴᠠ | ᠦᠭᠡᠷᠡ ᠠᠯᠤᠰ ᠤᠨ ᠲᠦᠯᠦᠪᠯᠡᠭᠡ ᠵᠤᠬᠢᠶᠠᠬᠤ ᠵᠠᠪ ᠴᠢᠯᠦᠭᠡ᠂ ᠰᠠᠨᠠᠭᠠ ᠰᠡᠳᠬᠢᠯ᠂ ᠪᠤᠯᠤᠮᠵᠢ ᠵᠠᠪᠰᠢᠶᠠᠨ ᠤᠭᠲᠦ | ᠪᠠᠶᠢᠬᠤ ᠦᠭᠡᠢ ᠪᠠᠶᠢᠭᠰᠠᠨ ᠶᠤᠮ᠃ ᠲᠠᠯᠠᠢ ᠯᠠᠮᠠ ᠡᠨᠡᠬᠦ ᠪᠠᠴᠢᠮ ᠲᠤᠯᠭᠠᠮ ᠠᠶᠤᠯ ᠠᠴᠠ ᠬᠡᠯᠲᠦᠷᠢᠬᠦ ᠠᠷᠭᠠ ᠵᠠᠮ | ᠡᠷᠢᠯᠬᠢᠯᠡᠵᠦ ᠤᠶᠢᠷᠠᠳ ᠤᠨ ᠲᠤᠰᠠᠯᠠᠮᠵᠢ ᠶᠢ ᠭᠤᠶᠤᠵᠠᠢ᠃ ᠤᠶᠢᠷᠠᠳ ᠤᠨ ᠬᠤᠯᠪᠤᠭᠠᠲᠦ ᠴᠡᠷᠢᠭ ᠬᠦᠥᠰᠢ ᠬᠠᠨ ᠤ | ᠲᠠᠭᠠᠭᠤᠯᠭᠠ ᠪᠠᠷ ᠬᠦᠭᠡᠨᠠᠭᠤᠷ ᠲᠤ ᠢᠷᠡᠵᠦ᠂ ᠰᠢᠷᠠ ᠶᠢᠨ ᠱᠠᠰᠢᠨ ᠤ ᠡᠰᠡᠷᠬᠦ ᠬᠤᠯᠪᠤᠭᠠᠨ ᠤ ᠨᠢᠭᠡ ᠲᠠᠯᠠᠪᠴᠢ | ᠪᠤᠯᠵᠦ ᠪᠠᠶᠢᠭᠰᠠᠨ ᠴᠤᠭᠲᠦ ᠲᠠᠶᠢᠵᠢ ᠶᠢ ᠲᠠᠷᠤᠵᠦ᠂ ᠲᠡᠨᠲᠡ ᠠᠴᠠ ᠪᠠᠨ ᠲᠦᠪᠡᠳ ᠲᠤ ᠤᠴᠢᠵᠦ᠂ ᠲᠠᠯᠠᠢ ᠯᠠᠮᠠ | ᠠᠴᠠ ︽ᠲᠠᠨᠵᠢᠨ ᠴᠤᠶᠢᠵᠢ ᠵᠠᠯᠪᠤ︾ ᠬᠡᠮᠡᠬᠦ ᠴᠤᠯᠠ ᠭᠦᠷᠳᠡᠵᠦ᠂ ᠲᠡᠨᠲᠡ ᠲᠠᠯᠠᠢ ᠯᠠᠮᠠ ᠶᠢ ᠬᠦᠬᠡᠨᠠᠭᠤᠷ ᠲᠤ ᠵᠠᠯᠠᠨ | ᠶᠠᠮᠠᠷ ᠨᠢᠭᠡᠨ ᠴᠢᠨᠠᠭᠰᠢᠲᠠ ᠶᠢᠨ ᠲᠦᠯᠦᠪᠯᠡᠭᠡ ᠪᠠᠨ ᠵᠦᠪᠳᠡᠬᠦ ᠭᠡᠰᠡᠨ ᠪᠤᠯᠤᠯᠲᠠᠢ᠃ ᠬᠡᠲᠡᠯᠡ ᠲᠡᠶᠢᠮᠦ ᠪᠠᠴᠢᠮ | ᠲᠤᠯᠭᠠᠮ ᠴᠠᠭ ᠮᠦᠴᠡ ᠳᠤ ᠲᠠᠯᠠᠢ ᠯᠠᠮᠠ ᠪᠡᠶᠡ ᠪᠠᠷ ᠢᠷᠡᠵᠦ ᠴᠢᠳᠠᠬᠤ ᠦᠭᠡᠢ᠂ ᠲᠤᠯᠭᠠᠮᠳᠠᠬᠤ ᠳᠤ ᠪᠠᠨ ᠽᠠᠶᠠ | ᠪᠠᠨᠳᠢᠳᠠ ᠶᠢ ᠲᠤᠮᠢᠯᠠᠭᠰᠠᠨ ᠪᠠᠶᠢᠨᠠ᠃ ᠲᠡᠭᠡᠪᠡᠯ ᠬᠦᠥᠰᠢ ᠬᠠᠨ ᠶᠠᠮᠠᠷ ᠤᠴᠢᠷ ᠠᠴᠠ ᠲᠠᠯᠠᠢ ᠯᠠᠮᠠ ᠶᠢ ᠬᠦᠬᠡᠨᠠᠭᠤᠷ | ᠲᠤ ᠵᠠᠯᠠᠭᠰᠠᠨ ᠪᠤᠢ ᠬᠡᠪᠡᠯ᠂ ᠡᠨᠡ ᠠᠰᠠᠭᠤᠳᠠᠯ ᠨᠢ ᠬᠦᠥᠰᠢ ᠬᠠᠨ ᠽᠠᠶᠠ ᠪᠠᠨᠳᠢᠳᠠ ᠶᠢ ᠤᠶᠢᠷᠠᠳ ᠨᠤᠳᠤᠭ ᠲᠤᠨᠢ | ᠪᠤᠰᠢᠭᠤᠬᠠᠨ ᠪᠤᠴᠠᠭᠠᠭᠰᠠᠨ ᠲᠠᠢ ᠬᠤᠯᠪᠤᠭᠠᠲᠠᠢ ᠶᠤᠮ᠃ ᠴᠢᠨᠠᠭᠰᠢᠯᠠᠪᠠᠯ᠂ ᠤᠶᠢᠷᠠᠳ ᠤᠨ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ | ᠲᠡᠥᠬᠡᠨ ᠪᠠᠶᠢᠳᠠᠯ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠠᠲᠠᠢ ᠶᠤᠮ᠃ | ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠲᠦᠷᠪᠡᠨ ᠤᠶᠢᠷᠠᠳ ᠤᠨ ᠲᠦᠷᠦ ᠱᠠᠰᠢᠨ ᠤ ᠪᠠᠶᠢᠳᠠᠯ ᠶᠠᠮᠠᠷ ᠪᠠᠶᠢᠭᠰᠠᠨ ᠪᠤᠢ ᠭᠡᠪᠡᠯ᠂ | ᠪᠠᠰᠠ ᠮᠠᠰᠢ ᠰᠢᠷᠦᠭᠦᠨ ᠲᠤᠯᠭᠠᠮ ᠪᠠᠶᠢᠳᠠᠯ ᠳᠤ ᠤᠷᠤᠭᠠᠳ ᠪᠠᠶᠢᠵᠠᠢ᠃ ᠤᠶᠢᠷᠠᠳᠴᠤᠳ ᠶᠠᠷᠦ ᠤᠶᠢᠷᠠᠬᠠᠨ ᠠᠴᠠ | ᠬᠡᠯᠡᠬᠦ ᠳᠤ ᠠᠷᠪᠠᠨ ᠲᠠᠪᠤᠳᠤᠭᠠᠷ ᠵᠠᠭᠤᠨ ᠤ ᠲᠤᠮᠳᠠᠴᠢ ᠡᠰᠡᠨ ᠬᠠᠭᠠᠨ ᠤ ᠦᠶᠡ ᠠᠴᠠ ᠡᠬᠢᠯᠡᠨ ᠠᠷᠪᠠᠨ | ᠵᠢᠷᠭᠤᠳᠤᠭᠠᠷ ᠵᠠᠭᠤᠨ ᠤ ᠰᠡᠭᠦᠯᠴᠢ ᠶᠢᠨ ᠪᠤᠪᠠᠢ ᠮᠢᠷᠽᠠ — — ᠬᠠᠨ ᠨᠤᠶᠠᠨ ᠬᠤᠩᠭᠤᠷ — — ᠪᠠᠶᠢᠪᠠᠭᠠᠰ — | — ᠬᠦᠥᠰᠢ ᠲᠦᠷᠦᠪᠠᠶᠢᠬᠤ ᠶᠢᠨ ᠦᠶᠡ ᠪᠤᠯᠲᠠᠯᠠ᠂ ᠤᠷᠤᠰ᠂ ᠬᠠᠰᠠᠭ᠂ ᠦᠽᠠᠪᠧᠺ ᠵᠡᠷᠭᠡ ᠬᠠᠷᠢ ᠤᠯᠤᠰ | ᠦᠨᠲᠦᠰᠦᠲᠡᠨ ᠲᠠᠢ ᠪᠠᠶᠢᠨ ᠲᠠᠬᠢᠨ ᠳᠠᠶᠢᠳᠤᠵᠦ ᠪᠠᠶᠢᠵᠠᠢ᠃ ᠤᠶᠢᠷᠠᠳ ᠲᠤᠳᠤᠭᠠᠲᠦ ᠳᠤ ᠪᠠᠨ ᠴᠦ᠂ ᠬᠤᠱᠤᠳ᠂ | ᠴᠤᠷᠤᠰ᠂ ᠲᠤᠷᠭᠤᠳ᠂ ᠲᠦᠷᠪᠡᠳ᠂ ᠬᠤᠶᠢᠳ ᠵᠡᠷᠭᠡ ᠤᠪᠤᠭ ᠶᠠᠰᠤᠲᠠᠨ᠂ ᠠᠶᠢᠮᠠᠭ ᠤᠭᠰᠠᠭᠠᠳᠠᠨ ᠤ | ᠬᠤᠭᠤᠷᠤᠨᠲᠦ ᠴᠦ ᠲᠡᠮᠡᠴᠡᠬᠡᠨ ᠦᠷᠭᠦᠯᠵᠢ ᠭᠠᠷᠴᠦ ᠪᠠᠶᠢᠵᠢ᠃ | ᠬᠦᠥᠰᠢ ᠬᠠᠨ ᠲᠦᠷᠪᠠᠨ ᠤᠶᠢᠷᠠᠳ ᠤᠨ ᠬᠤᠯᠪᠤᠭᠠᠨ ᠤ ᠲᠦᠷᠦᠭᠦᠤ ᠶᠢᠨ ᠬᠤᠪᠢ ᠪᠠᠷ ᠤᠯᠤᠰ ᠢᠶᠠᠨ ᠵᠠᠰᠠᠬᠤ ᠶᠢᠨ | ᠲᠦᠯᠦᠭᠡ᠂ ᠲᠠᠶᠢᠯᠠᠬᠤ᠂ ᠡᠪᠰᠡᠬᠦ᠂ ᠡᠪᠰᠡᠭᠦᠯᠬᠦ᠂ ᠱᠠᠰᠢᠨ ᠲᠡᠯᠭᠡᠷᠡᠭᠦᠯᠬᠦ ᠵᠡᠷᠭᠡ ᠶᠠᠩᠵᠦ ᠪᠦᠷᠢ ᠶᠢᠨ ᠠᠷᠭᠠ | ᠬᠡᠮᠵᠢᠶᠡ ᠠᠪᠴᠦ ᠪᠠᠶᠢᠵᠠᠢ᠃ ᠲᠡᠶᠢᠮᠦ ᠴᠦ ᠤᠴᠢᠷ ᠠᠴᠠ ᠲᠡᠷᠡ ᠲᠦᠪᠡᠳ ᠤᠨ ᠲᠠᠯᠠ ᠠᠴᠠ ᠰᠢᠷᠠ ᠶᠢᠨ ᠱᠠᠰᠢᠨ ᠤ | ᠲᠦᠷᠦᠭᠦᠤ ᠶᠢᠨ ᠭᠤᠶᠤᠯᠲᠠ ᠶᠢ ᠬᠦᠯᠢᠶᠠᠨ ᠠᠪᠴᠦ ᠴᠡᠷᠢᠭ ᠮᠤᠷᠳᠠᠭᠰᠠᠨ ᠨᠢ ᠪᠠᠰᠠ ᠴᠦ ᠤᠶᠢᠷᠠᠳ ᠤᠨ ᠲᠦᠷᠦ | ᠱᠠᠰᠢᠨ ᠤ ᠡᠩᠭᠡ ᠲᠦᠪᠰᠢᠨ ᠢ ᠪᠠᠳᠤᠳᠬᠠᠬᠤ ᠨᠢᠭᠡ ᠠᠷᠭᠠ ᠬᠡᠮᠵᠢᠶᠡ ᠪᠠᠶᠢᠭᠰᠠᠨ ᠪᠦᠭᠡᠳ ᠲᠡᠷᠡ ᠬᠦᠭᠡᠨᠠᠭᠤᠷ ᠲᠤ | ᠮᠤᠷᠳᠠᠵᠦ᠂ ᠠᠷᠤ ᠨᠤᠳᠤᠭ ᠪᠠᠨ ᠶᠠᠭᠠᠬᠢᠵᠦ ᠲᠦᠪᠰᠢᠨ ᠪᠠᠶᠢᠯᠭᠠᠬᠤ ᠠᠷᠭᠠ ᠵᠠᠮ ᠰᠡᠳᠬᠢᠵᠦ ᠪᠠᠶᠢᠭᠰᠠᠨ ᠶᠤᠮ | ᠪᠠᠶᠢᠨᠠ᠃ ᠡᠶᠢᠮᠦ ᠠᠴᠠ ᠽᠠᠶᠠ ᠪᠠᠨᠳᠢᠳᠠ ᠱᠠᠰᠢᠨ ᠤ ᠲᠠᠯᠠ ᠠᠴᠠ ᠬᠡᠯᠩᠰᠡᠨ ᠴᠦ᠂ ᠲᠦᠷᠦ ᠶᠢᠨ ᠲᠠᠯᠠ ᠠᠴᠠ | ᠬᠡᠯᠩᠰᠡᠨ ᠴᠦ᠂ ᠬᠦᠥᠰᠢ ᠬᠠᠨ ᠤ ᠠᠷᠦ ᠨᠤᠳᠤᠭ ᠤᠨ ᠱᠠᠰᠢᠨ ᠲᠦᠷᠦ ᠶᠢᠨ ᠡᠩᠭᠡ ᠲᠠᠶᠢᠪᠤᠩ ᠢ ᠪᠠᠳᠤᠯᠠᠬᠤ ᠳᠤ | ᠲᠤᠰᠠᠯᠠᠵᠦ ᠴᠢᠳᠠᠬᠤ ᠬᠠᠮᠤᠭ ᠤᠨ ᠲᠤᠬᠢᠷᠠᠮᠵᠢᠲᠠᠢ ᠬᠦᠮᠦᠨ ᠪᠠᠶᠢᠵᠠᠢ᠃ ᠡᠬᠦᠨ ᠢ ᠲᠠᠯᠠᠢ ᠯᠠᠮᠠ ᠴᠦ ᠲᠤᠲᠤᠷᠬᠠᠢ | ᠮᠡᠳᠡᠵᠦ ᠪᠠᠶᠢᠭᠰᠠᠨ ᠪᠠᠶᠢᠬᠠ᠃ ᠱᠠᠰᠢᠨ ᠤ ᠲᠠᠯᠠ ᠠᠴᠠ ᠠᠪᠴᠦ ᠬᠡᠯᠡᠪᠡᠯ᠂ ᠲᠠᠷᠡ ᠨᠡᠷᠡ ᠠᠯᠳᠠᠷ ᠢᠶᠠᠨ | ᠮᠠᠨᠳᠤᠭᠤᠯᠵᠦ᠂ ᠱᠠᠰᠢᠨ ᠤ ᠲᠠᠪᠤᠨ ᠤᠬᠠᠭᠠᠨ ᠳᠤ ᠨᠡᠪᠲᠡᠷᠡᠭᠰᠡᠨ ᠮᠡᠷᠭᠡᠨ ᠯᠠᠮᠠ ᠪᠤᠯᠵᠦ᠂ ᠤᠯᠠᠨ ᠤ ᠢᠳᠡᠭᠡᠯ | ᠬᠦᠨᠲᠦ ᠶᠢ ᠤᠯᠵᠦ ᠪᠠᠶᠢᠭᠰᠠᠨ᠂ ᠲᠦᠷᠦ ᠶᠢᠨ ᠲᠠᠯᠠ ᠠᠴᠠ ᠬᠡᠯᠡᠪᠠᠯ᠂ ᠲᠡᠷᠡ ᠲᠦᠷᠪᠡᠨ ᠤᠶᠢᠷᠠᠳ ᠤᠨ ᠲᠦᠷᠦᠭᠦᠤ | ᠪᠠᠶᠢᠭᠰᠠᠨ ᠪᠠᠶᠢᠪᠠᠭᠠᠰ ᠬᠠᠭᠠᠨ ᠤ ᠵᠢᠷᠤᠮ ᠤᠨ ᠬᠦᠤ — — ᠤᠶᠢᠷᠠᠳ ᠤᠨ ᠢᠵᠠᠭᠤᠷᠳᠠᠨ ᠤ ᠪᠠᠶᠢᠷᠢ ᠰᠠᠭᠤᠷᠢ ᠲᠠᠢ | ᠃ ᠤᠶᠢᠷᠠᠳ ᠤᠨ ᠹᠸᠥᠳᠠᠯ ᠨᠤᠶᠠᠳ ᠤᠨ ᠲᠤᠮᠳᠠ ᠴᠦ ᠢᠳᠡᠬᠡᠯ ᠬᠦᠨᠲᠦᠲᠠᠢ᠂ ᠵᠤᠬᠢᠬᠤ ᠪᠠᠶᠢᠷᠢ ᠰᠠᠭᠤᠷᠢ ᠲᠠᠢ | ᠬᠦᠮᠦᠨ ᠶᠤᠮ᠃ ᠢᠩᠭᠡᠭᠡᠳ ᠬᠦᠥᠰᠢ ᠬᠠᠨ ᠪᠠᠷᠰ ᠵᠢᠯ ( 1639 ᠤᠨ ) ᠳᠤ ᠽᠠᠶᠠ ᠪᠠᠨᠳᠢᠳᠠ ᠲᠠᠢ ᠤᠴᠠᠷᠠᠵᠦ᠂ | ᠲᠠᠭᠦᠨ ᠳᠤ ᠠᠷᠦ ᠲᠠᠯᠠ ᠶᠢᠨ ᠤᠶᠢᠷᠠᠳ ᠨᠤᠳᠤᠭ ᠲᠤ ᠱᠠᠰᠢᠨ ᠲᠡᠯᠭᠡᠷᠡᠭᠦᠯᠤᠨ᠂ ᠲᠤᠳᠤᠭᠠᠲᠦ ᠭᠠᠳᠠᠭᠠᠲᠦ ᠶᠢᠨ | ᠲᠠᠶᠢᠨ ᠳᠠᠵᠢᠨ ᠢ ᠡᠪᠰᠡᠭᠦᠯᠵᠦ᠂ ᠱᠠᠰᠢᠨ ᠲᠦᠷᠦ ᠶᠢᠨ ᠡᠩᠭᠡ ᠲᠠᠶᠢᠪᠤᠩ ᠢ ᠪᠠᠳᠤᠯᠠᠵᠦ ᠪᠠᠶᠢᠬᠤ ᠲᠤᠬᠠᠢ ᠵᠠᠬᠢᠨ | ᠲᠤᠰᠢᠶᠠᠵᠤ᠂ ᠠᠷᠦ ᠨᠤᠳᠤᠭ ᠲᠤᠨᠢ ᠪᠤᠴᠠᠭᠠᠭᠠᠳ᠂ ᠦᠪᠡᠷ ᠢᠶᠠᠨ ᠰᠠᠶ᠋ᠢ ᠰᠡᠳᠬᠢᠯ ᠠᠮᠤᠷ ᠺᠠᠮ ᠤᠨ ᠤᠷᠤᠨ ᠵᠦᠭ | ᠲᠠᠶᠢᠯᠠᠵᠦ᠂ ᠰᠢᠷᠠ ᠶᠢᠨ ᠱᠠᠰᠢᠨ ᠤ ᠡᠰᠡᠷᠭᠦ ᠤᠯᠠᠭᠠᠨ ᠤ ᠱᠠᠰᠢᠨ ᠤ ᠬᠤᠯᠪᠤᠭᠠᠲᠠᠳ ᠤᠨ ᠨᠢᠭᠡ ᠵᠢᠬᠦᠷ ᠪᠤᠯᠬᠤ ᠪᠠᠷᠢ | ᠶᠢᠨ ᠸᠠᠩ ᠲᠤᠩᠶᠤᠳᠲᠤᠷᠵᠢ ᠶᠢ ᠤᠰᠠᠳᠬᠠᠬᠤ ᠪᠠᠷ ᠮᠤᠷᠳᠠᠭᠰᠠᠨ ᠶᠤᠮ᠃ ᠡᠨᠡ ᠲᠠᠯᠠ ᠪᠠᠷ ᠵᠠᠯᠠᠭᠤ ᠡᠷᠳᠡᠮᠲᠡᠨ | ᠮᠢᠩᠭᠠᠳ᠂ ᠡᠷᠲᠡᠮᠲᠦ ᠦᠬᠦᠯᠡᠯ ᠳᠤ ᠪᠠᠨ ︽ᠽᠠᠶᠠ ᠪᠠᠨᠳᠢᠳᠠ ᠶᠢᠨ ᠲᠦᠪᠡᠳ ᠠᠴᠠ ᠤᠶᠢᠷᠠᠳ ᠲᠠᠭᠠᠨ ᠪᠤᠴᠠᠭᠰᠠᠨ | ᠤ ᠴᠤᠬᠤᠮ ᠰᠢᠯᠲᠠᠭᠠᠨ ᠨᠢ 1638 ᠤᠨ ᠳᠤ ᠬᠦᠥᠰᠢ ᠬᠠᠨ ᠤ ᠤᠷᠢᠯᠭᠠ ᠶᠢ ᠲᠠᠬᠢᠨᠲᠠ ᠤᠯᠤᠭᠰᠠᠨ ᠤ ᠲᠠᠷᠠᠭᠠ | ᠲᠠᠪᠤᠳᠤᠭᠠᠷ ᠲᠠᠯᠠᠢ ᠯᠠᠮᠠ ᠠᠴᠠ ᠦᠪᠡᠷ ᠤᠨ ᠲᠦᠯᠦᠭᠡ ᠽᠠᠶᠠ ᠪᠠᠨᠳᠢᠳᠠ ᠶᠢ ᠤᠶᠢᠷᠠᠳ ᠵᠦᠭ ᠶᠠᠪᠤᠭᠤᠯᠵᠠᠢ | 【22】᠃︾ ᠬᠡᠵᠦ ᠪᠢᠴᠢᠭᠰᠡᠨ ᠨᠢ ᠮᠠᠰᠢ ᠵᠦᠢᠲᠠᠢ᠃ | ᠽᠠᠶᠠ ᠪᠠᠨᠳᠢᠳᠠ ᠶᠢ ᠬᠦᠥᠰᠢ ᠬᠠᠨ ᠤᠶᠢᠷᠠᠳ ᠨᠤᠳᠤᠭ ᠲᠤᠨᠢ ᠲᠤᠮᠢᠯᠠᠭᠰᠠᠨ ᠬᠡᠷᠡᠭ ᠢ ᠬᠡᠷᠡᠴᠢᠯᠡᠵᠦ ᠪᠤᠯᠬᠤ | ᠦᠭᠡᠷᠡ ᠨᠢᠭᠡ ᠰᠦᠪᠡᠭᠴᠢ ᠪᠣᠯ ᠽᠠᠶᠠ ᠪᠠᠨᠳᠢᠳᠠ ᠤᠶᠢᠷᠠᠳ ᠲᠤ ᠪᠤᠴᠠᠭᠠᠳ ︽ᠤᠶᠢᠷᠠᠳ ᠤᠨ ᠲᠦᠷᠦ ᠱᠠᠰᠢᠨ ᠳᠤ | ᠶᠡᠭᠡ ᠲᠤᠰᠠ ᠦᠢᠯᠡᠲᠦᠭᠡᠳ᠂ ᠬᠤᠶᠢᠨᠠ ᠲᠡᠮᠦᠷ ᠲᠠᠥᠯᠠᠢ ᠵᠢᠯ ᠳᠤ ᠪᠠᠷᠠᠭᠤᠨ ᠲᠠᠯᠠ ᠳᠤ ᠢᠷᠡᠭᠰᠡᠨ ᠳᠡᠭᠡᠨ ᠪᠤᠶᠠᠨ | ᠨᠤᠮ ᠢ ᠮᠠᠰᠢ ᠶᠡᠭᠡᠲᠡ ᠦᠢᠯᠡᠲᠦᠭᠰᠡᠨ ᠠᠴᠠ᠂ ᠬᠠᠷᠢᠨ ᠪᠠᠰᠠ ᠱᠠᠵᠢᠨ ᠳᠤ ᠲᠤᠰᠠᠯᠠᠬᠤᠢ ᠶᠢᠨ ᠲᠤᠯᠠᠲᠠ ᠢᠯᠡᠭᠡᠭᠰᠡᠨ | ᠪᠤᠢ 【23】᠃︾ ᠬᠡᠵᠠᠢ᠃ ᠲᠤᠰ ᠲᠡᠮᠳᠡᠭᠯᠡᠯ ᠠᠴᠠ ᠪᠢᠳᠡ ᠬᠤᠶᠠᠷ ᠵᠤᠶᠢᠯ ᠢ ᠠᠩᠬᠠᠷᠴᠦ ᠪᠤᠯᠤᠨᠠ᠃ ᠨᠢᠭᠡ | ᠳᠤ᠂ ᠲᠠᠯᠠᠢ ᠯᠠᠮᠠ ᠽᠠᠶᠠ ᠪᠠᠨᠳᠢᠳᠠ ᠶᠢ ︽ᠪᠡᠶᠠ ᠶᠢᠨ ᠲᠦᠯᠦᠭᠡ ᠪᠤᠯᠭᠠᠨ ᠢᠯᠡᠭᠡᠭᠰᠡᠨ︾ ᠠᠴᠠ ᠬᠤᠶᠢᠰᠢ ︽ | ᠬᠤᠶᠢᠨᠠ ᠲᠡᠮᠦᠷ ᠲᠠᠥᠯᠠᠢ ᠵᠢᠯ ᠳᠤ︾ ᠲᠦᠪᠡᠳ ᠲᠤ ᠲᠠᠬᠢᠨ ᠡᠷᠬᠢᠵᠦ ᠢᠷᠡᠬᠦ ᠪᠤᠯᠳᠠᠯᠠᠬᠢ ᠲᠡᠬᠦᠨ ᠤ ᠦᠢᠯᠡ | ᠠᠵᠢᠯᠯᠠᠭᠠᠨ ᠤ ᠲᠤᠬᠠᠢ ᠮᠡᠳᠡᠬᠦ ᠦᠭᠡᠢ ᠪᠠᠶᠢᠭᠰᠠᠨ᠃ ᠤᠴᠢᠷ ᠨᠢ ᠲᠠᠯᠠᠢ ᠯᠠᠮᠠ ᠽᠠᠶᠠ ᠪᠠᠨᠳᠢᠳᠠ ᠶᠢ ᠵᠦᠪᠬᠡᠨ ᠪᠡᠶᠠ | ᠶᠢᠨ ᠲᠦᠯᠦᠭᠡ ᠬᠦᠥᠰᠢ ᠬᠠᠨ ᠲᠠᠢ ᠠᠭᠤᠯᠵᠠᠭᠤᠯᠬᠤ ᠪᠠᠷ ᠶᠠᠪᠤᠭᠤᠯᠤᠭᠰᠠᠨ ᠠᠴᠠ ᠪᠢᠰᠢ᠂ ᠤᠶᠢᠷᠠᠳ ᠲᠤ ᠱᠠᠰᠢᠨ | ᠲᠡᠯᠬᠡᠷᠡᠭᠦᠯᠬᠦ ᠪᠠᠷ ᠶᠠᠪᠤᠭᠤᠯᠤᠭᠰᠠᠨ ᠦᠭᠡᠢ᠃ ᠬᠤᠶᠠᠷ ᠲᠤ᠂ ᠽᠠᠶᠠ ᠪᠠᠨᠳᠢᠳᠠ ᠲᠡᠮᠦᠷ ᠲᠠᠥᠯᠠᠢ ᠵᠢᠯ ᠲᠦᠪᠡᠳ ᠲᠤ | ᠡᠷᠬᠢᠵᠦ ᠬᠦᠷᠦᠭᠡᠳ ︽ᠪᠤᠶᠠᠨ ᠨᠤᠮ ᠢ ᠮᠠᠰᠢ ᠶᠡᠭᠡ ᠦᠢᠯᠡᠲᠦᠭᠰᠡᠨ︾ ᠢᠶᠠᠨ ᠬᠡᠯᠡᠵᠦ᠂ ᠮᠡᠳᠡᠭᠦᠯᠦᠭᠰᠡᠨ ᠠᠴᠠ ᠰᠠᠶ᠋ᠢ | ᠲᠡᠬᠦᠨ ᠤ ᠤᠶᠢᠷᠠᠳ ᠨᠤᠳᠤᠭ ᠲᠤ ᠱᠠᠰᠢᠨ ᠶᠡᠭᠡ ᠪᠠᠷ ᠲᠡᠯᠭᠡᠷᠡᠭᠦᠯᠵᠦ᠂ ᠪᠤᠶᠠᠨ ᠶᠡᠭᠡ ᠬᠤᠷᠢᠶᠠᠭᠰᠠᠨ ᠢ ᠮᠡᠳᠡᠵᠦ ︽ | ᠬᠠᠷᠢᠨ ᠪᠠᠰᠠ ᠱᠠᠵᠢᠨ ᠳᠤ ᠲᠤᠰᠠᠯᠠᠬᠤᠢ ᠶᠢᠨ ᠲᠤᠯᠠ ᠢᠯᠡᠭᠡᠭᠰᠡᠨ︾ ᠪᠠᠶᠢᠨᠠ᠃ ᠠᠳᠡ ︽ᠪᠠᠰᠠ︾ ᠬᠡᠬᠦ ᠦᠭᠡ | ᠶᠢ ᠭᠡᠷᠡᠭᠯᠡᠵᠦ ᠲᠠᠬᠢᠨᠲᠠ ᠢᠯᠡᠬᠡᠵᠦ ᠪᠠᠶᠢᠭᠠ ᠰᠠᠨᠠᠭᠠ ᠪᠠᠨ ᠲᠤᠳᠤ ᠢᠯᠡᠳᠬᠡᠵᠠᠢ᠃ | ᠽᠠᠶᠠ ᠪᠠᠨᠳᠢᠳᠠ ᠶᠢ ᠬᠦᠥᠰᠢ ᠬᠠᠨ ᠲᠤᠮᠢᠯᠠᠭᠰᠠᠨ ᠤ ᠪᠠᠰᠠ ᠨᠢᠭᠡ ᠪᠠᠷᠢᠮᠲᠠ ᠪᠤᠯᠬᠤ ᠵᠤᠶᠢᠯ ᠭᠡᠪᠡᠯ᠂ ᠽᠠᠶᠠ | ᠪᠠᠨᠳᠢᠳᠠ ᠠᠴᠠ ᠡᠮᠦᠨᠡ ᠤᠶᠢᠷᠠᠳ ᠨᠤᠲᠤᠭ ᠲᠤ ᠡᠶᠢᠮᠦᠷᠬᠦ ᠱᠠᠰᠢᠨ ᠢ ᠶᠡᠭᠡ ᠪᠠᠷ ᠰᠢᠲᠦᠬᠦ᠂ ᠲᠡᠯᠭᠡᠷᠡᠭᠦᠯᠬᠦ᠂ ᠪᠠᠰᠠ | ᠤᠶᠢᠷᠠᠳ ᠤᠨ ᠪᠠ ᠮᠤᠩᠭᠤᠯᠴᠤᠳ ᠤᠨ ᠲᠤᠳᠤᠭᠠᠲᠦ ᠶᠢᠨ ᠵᠦᠷᠢᠴᠡᠯ ᠲᠡᠮᠡᠴᠡᠯ ᠢ ᠡᠪᠰᠡᠭᠦᠯᠵᠦ ᠪᠠᠶᠢᠭᠰᠠᠨ ᠬᠦᠮᠦᠨ | ᠪᠣᠯ ᠬᠡᠬᠡᠨ ᠬᠦᠥᠰᠢ ᠬᠠᠨ ᠶᠤᠮ᠃ ᠤᠯᠠᠭᠠᠨ ᠮᠤᠷᠢᠨ ᠵᠢᠯ ︵1606︶ ᠳᠤ ᠡᠭᠡ ᠨᠢ ᠨᠠᠰᠤ ᠪᠠᠷᠠᠭᠰᠠᠨ ᠳᠤ ᠲᠡᠷᠡ | ᠪᠦᠬᠦ ᠭᠦᠷᠦᠩᠭᠡ ᠪᠠᠷ ᠢᠶᠠᠨ ᠦᠭᠯᠢᠭᠡ ᠦᠭᠴᠦ ᠪᠤᠶᠠᠨ ᠦᠢᠯᠡᠲᠦᠨ 【24】 ᠲᠦᠮᠡᠨ ᠤᠯᠠᠨ ᠤ ᠰᠡᠳᠬᠢᠯ ᠢ | ᠤᠯᠵᠠᠢ᠃ ᠶᠠᠭ ᠦᠨᠡᠨ ᠳᠤ ᠪᠠᠨ ᠬᠦᠥᠰᠢ ᠬᠠᠨ ᠪᠣᠯ ︽ᠤᠶᠢᠷᠠᠳ ᠢ ᠰᠢᠷᠠ ᠶᠢᠨ ᠱᠠᠰᠢᠨ ᠳᠤ ᠲᠠᠭᠠᠭᠤᠯᠤᠨ | ᠤᠷᠤᠭᠤᠯᠤᠭᠰᠠᠨ ᠠᠴᠢᠲᠠᠢ ᠬᠠᠭᠠᠨ︾ ᠬᠡᠮᠡᠭᠳᠡᠳᠡᠭ ᠪᠠᠶᠢᠪᠠᠭᠠᠰ ᠬᠠᠭᠠᠨ ᠠᠴᠠ ᠴᠦ ᠡᠷᠲᠡ ᠰᠢᠷᠠ ᠶᠢᠨ ᠱᠠᠰᠢᠨ ᠤ | ᠨᠦᠯᠦᠭᠡ ᠶᠢ ᠬᠦᠷᠳᠡᠵᠦ᠂ ᠱᠠᠰᠢᠨ ᠢᠶᠠᠷ ᠲᠦᠷᠦ ᠵᠠᠰᠠᠬᠤ ᠶᠢ ᠤᠬᠠᠭᠠᠷᠠᠵᠦ ᠶᠠᠪᠤᠭᠰᠠᠨ ᠬᠦᠮᠦᠨ ᠶᠤᠮ᠃ ᠽᠠᠶᠠ | ᠪᠨᠳᠢᠳᠠ ᠤᠶᠢᠷᠠᠳ ᠨᠤᠳᠤᠭ ᠲᠤ ᠪᠠᠨ ᠪᠤᠴᠠᠭᠰᠠᠨ ᠤ ᠲᠠᠷᠠᠭᠠ ᠶᠠᠭ ᠬᠦᠥᠰᠢ ᠬᠠᠨ ᠤ ᠡᠬᠢᠯᠡᠵᠦ ᠬᠢᠵᠦ ᠪᠠᠶᠢᠭᠰᠠᠨ | ᠱᠠᠰᠢᠨ ᠲᠡᠯᠭᠡᠷᠡᠭᠦᠯᠬᠦ᠂ ᠮᠤᠩᠭᠤᠯᠴᠤᠳ ᠤᠨ ᠲᠤᠳᠤᠭᠠᠲᠦ ᠶᠢᠨ ᠵᠦᠷᠢᠴᠡᠯ᠂ ᠲᠠᠶᠢᠨ ᠲᠠᠵᠢᠨ ᠢ ᠡᠪᠰᠡᠭᠦᠯᠵᠦ | ᠵᠤᠭᠰᠤᠭᠠᠬᠤ ᠦᠢᠯᠡᠰ ᠢ ᠦᠷᠭᠦᠯᠵᠢᠯᠠᠬᠦᠯᠦᠭᠰᠡᠨ ᠪᠠᠶᠢᠨᠠ᠃ ᠵᠠᠯᠠᠭᠤ ᠡᠷᠳᠡᠮᠲᠡᠨ ᠮᠢᠩᠭᠠᠳ᠂ ᠡᠷᠲᠡᠮᠲᠦ ᠽᠠᠶᠠ | ᠪᠠᠨᠳᠢᠳᠠ ᠤᠶᠢᠷᠠᠳ ᠨᠤᠳᠤᠭ ᠲᠤ ᠪᠠᠨ ᠪᠤᠴᠠᠭᠰᠠᠨ ᠰᠢᠯᠲᠠᠭᠠᠨ ᠤ ᠲᠤᠬᠠᠢ ︽ᠦᠨᠡᠨ ᠳᠡᠭᠡᠨ ᠽᠠᠶᠠ ᠪᠠᠨᠳᠢᠳᠠ ᠶᠢᠨ | ᠤᠶᠢᠷᠠᠳ ᠨᠤᠳᠤᠭ ᠲᠠᠭᠠᠨ ᠪᠤᠴᠠᠭᠰᠠᠨ ᠨᠢ ᠴᠦ ᠬᠡᠳ ᠬᠦᠨ ᠬᠦᠨᠵᠡᠬᠡᠢ ᠤᠯᠤᠰ ᠲᠦᠷᠦ᠂ ᠲᠡᠥᠬᠡ ᠶᠢᠨ ᠰᠢᠯᠲᠠᠭᠠᠨ | ᠲᠠᠢ ᠪᠠᠶᠢᠭᠰᠠᠨ ᠶᠤᠮ 【25】᠃︾ ᠬᠡᠵᠦ ᠮᠠᠰᠢ ᠤᠨᠤᠪᠴᠢᠲᠠᠢ ᠦᠨᠡᠯᠡᠵᠠᠢ᠃ ᠠᠩᠬᠠ ᠲᠦᠪᠡᠳ ᠠᠴᠠ | ᠤᠶᠢᠷᠠᠳ ᠲᠤ ᠪᠠᠨ ᠪᠤᠴᠠᠬᠤ ᠪᠤᠯᠤᠭᠰᠠᠨ ᠨᠢ ᠵᠦᠪᠬᠡᠨ ᠱᠠᠰᠢᠨ ᠲᠡᠯᠭᠡᠷᠡᠬᠦᠯᠬᠦ ᠶᠢᠨ ᠲᠦᠯᠦᠭᠡ ᠪᠢᠰᠢ᠃ ᠡᠬᠦᠨ ᠤ | ᠪᠠᠰᠠ ᠨᠢᠭᠡᠨ ᠪᠠᠷᠢᠮᠲᠠ ᠭᠡᠪᠡᠯ᠄ ︽ᠰᠠᠷᠠᠨ ᠤ ᠭᠡᠷᠡᠯ︾ ᠳᠤ ︽ᠲᠠᠯᠠᠢ ᠯᠠᠮᠠ ᠴᠢ ᠮᠢᠨᠤ ᠲᠦᠯᠦᠭᠡ ᠮᠤᠩᠭᠤᠯ | ᠬᠡᠯᠡᠲᠡᠨ ᠳᠤ ᠭᠠᠷᠴᠦ᠂ ᠱᠠᠵᠢᠨ ᠬᠢᠬᠡᠳ ᠠᠮᠢᠲᠠᠨ ᠳᠤ ᠨᠤᠮ ᠤᠷᠴᠢᠭᠤᠯᠵᠦ ᠲᠤᠰᠠᠯᠠᠨ ᠦᠢᠯᠡᠳ ᠬᠡᠮᠡᠨ ᠵᠠᠷᠯᠢᠭ | ᠪᠤᠯᠪᠠᠢ 【26】᠃︾ ᠬᠡᠬᠦ ᠮᠡᠲᠦ ᠪᠠᠷ ᠲᠡᠮᠲᠡᠭᠯᠡᠵᠦ ᠪᠠᠶᠢᠭᠠ ᠨᠢ ᠬᠠᠷᠢᠨ ︽ᠲᠠᠪᠤᠲᠤᠭᠠᠷ ᠲᠠᠯᠠᠢ ᠯᠠᠮᠠ ᠶᠢᠨ | ᠨᠠᠮᠲᠠᠷ︾ ᠪᠠ ︽ᠲᠦᠪᠡᠳ ᠤᠨ ᠦᠶᠡ ᠵᠠᠯᠭᠠᠮᠵᠢ ᠶᠢᠨ ᠲᠡᠮᠳᠡᠭᠯᠡᠯ︾ ᠮᠡᠲᠦ ᠲᠦᠪᠡᠳ ᠰᠤᠷᠪᠤᠯᠵᠢ ᠳᠤ ᠬᠠᠷᠠᠭᠳᠠᠬᠤ | ᠦᠭᠡᠢ ᠪᠠᠶᠢᠨᠠ᠃ ᠡᠭᠦᠨ ᠳᠤ ᠬᠤᠶᠠᠷ ᠵᠤᠶᠢᠯ ᠤᠨ ᠪᠤᠯᠤᠯᠴᠠᠭᠠ ᠪᠠᠶᠢᠨᠠ᠃ ᠨᠢᠭᠡ ᠨᠢ᠄ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ | ᠤᠯᠤᠰ ᠲᠦᠷᠦ ᠶᠢᠨ ᠭᠡᠷᠡᠭᠴᠡᠭᠡ ᠪᠠᠷ ᠲᠦᠮᠡᠨ ᠢ ᠨᠤᠮᠤᠬᠠᠳᠬᠠᠵᠦ᠂ ᠰᠡᠳᠬᠢᠯ ᠨᠢᠭᠡᠲᠦᠭᠦᠯᠬᠦ᠂ ᠲᠠᠶᠢᠪᠤᠩ | ᠲᠤᠭᠳᠠᠭᠤᠨ ᠪᠠᠶᠢᠯᠭᠠᠬᠤ ᠶᠢᠨ ᠲᠦᠯᠦᠭᠡ ᠰᠢᠷᠠ ᠶᠢᠨ ᠱᠠᠰᠢᠨ ᠢ ᠲᠡᠯᠭᠡᠷᠡᠭᠦᠯᠬᠦ᠂ ᠵᠢᠴᠢ ᠲᠡᠬᠦᠨ ᠤ ᠢᠲᠡᠭᠡᠯ ᠬᠦᠨᠲᠦ | ᠪᠠ ᠨᠦᠯᠦᠭᠡ ᠶᠢ ᠬᠦᠨ ᠬᠦᠨᠵᠡᠬᠡᠢ ᠪᠤᠯᠭᠠᠬᠤ ᠶᠢᠨ ᠲᠦᠯᠦᠭᠡ ︽ᠬᠤᠶᠠᠷ ᠪᠤᠭᠳᠠ ᠶᠢ ᠲᠦᠯᠦᠭᠡᠯᠡᠵᠦ ᠢᠷᠡᠭᠰᠡᠨ︾ | ᠪᠤᠶᠤ ︽ᠬᠤᠶᠠᠷ ᠪᠤᠭᠲᠠ︾ ᠲᠤᠮᠢᠯᠠᠭᠰᠠᠨ ᠬᠡᠵᠦ᠂᠂᠂᠂ ᠨᠡᠷᠡ ᠠᠯᠳᠠᠷᠰᠢᠭᠤᠯᠵᠦ ᠪᠠᠶᠢᠭᠰᠠᠨ ᠪᠤᠯᠤᠯᠲᠠᠢ᠃ | ᠬᠤᠶᠠᠳᠠᠬᠢ ᠪᠤᠯᠤᠯᠴᠠᠭᠠ ᠨᠢ ᠬᠡᠪᠡᠯ᠄ ᠰᠡᠭᠦᠯ ᠳᠤᠨᠢ ᠽᠠᠶᠠ ᠪᠠᠨᠳᠢᠳᠠ ᠶᠢᠨ ᠱᠠᠪᠢ ᠨᠠᠷ ᠪᠠᠭᠰᠢ ᠶᠢᠨ ᠢᠶᠠᠨ ᠨᠦᠯᠦᠭᠡ | ᠪᠠ ᠨᠡᠷᠡ ᠬᠦᠨᠲᠦ ᠶᠢ ᠪᠤᠳᠤᠵᠦ᠂ ᠬᠤᠶᠠᠷ ᠪᠤᠭᠳᠠ ᠶᠢᠨ ᠲᠤᠮᠢᠯᠠᠯ ᠢᠶᠠᠷ ᠤᠶᠢᠷᠠᠳ ᠲᠤ ᠱᠠᠰᠢᠨ ᠳᠡᠯᠬᠡᠷᠡᠬᠦᠯᠦᠭᠰᠡᠨ | ᠬᠡᠵᠦ ᠮᠠᠭᠳᠠᠭᠰᠠᠨ ᠪᠠᠶᠢᠵᠦ ᠪᠤᠯᠬᠤ ᠶᠤᠮ᠃ ᠱᠠᠪᠢ ᠷᠠᠳᠨᠠᠪᠡᠾᠡᠳ᠋ᠷᠠ ᠨᠢ ︽ᠰᠠᠷᠠᠨ ᠤ ᠭᠡᠷᠡᠯ︾ ᠢ ᠪᠠᠷᠤᠭ ᠪᠠᠭᠰᠢ | ᠶᠢᠨ ᠢᠶᠠᠨ 1662 ᠤᠨ ᠳᠤ ᠲᠠᠭᠠᠯᠠᠯ ᠲᠡᠭᠦᠰᠦᠭᠰᠡᠨ ᠤ ᠭᠤᠴᠢᠭᠠᠳ ᠵᠢᠯ ᠤᠨ ᠲᠠᠷᠠᠭᠠ᠂ ᠪᠤᠲᠠᠲᠠᠢ ᠬᠡᠯᠡᠪᠡᠯ | 1691--1695 ᠤᠨ ᠤ ᠬᠤᠭᠤᠷᠤᠨᠲᠦ 【27】 ᠪᠢᠴᠢᠵᠠᠢ᠃ ᠲᠡᠶᠢᠮᠦ ᠠᠴᠠ ᠵᠠᠷᠢᠮ ᠨᠢᠭᠡᠨ ᠦᠭᠡ ᠶᠠᠷᠢᠶᠠᠨ | ᠤ ᠴᠠᠭ ᠬᠤᠭᠤᠴᠠᠭᠠ ᠶᠢ ᠮᠠᠰᠢ ᠤᠨᠤᠪᠴᠢᠲᠠᠢ ᠬᠡᠵᠦ ᠬᠡᠯᠡᠬᠦ ᠶᠢᠨ ᠠᠷᠭᠠ ᠦᠭᠡᠢ᠃ ᠽᠠᠶᠠ ᠪᠠᠨᠳᠢᠳᠠ ᠤᠶᠢᠷᠠᠳ | ᠨᠤᠳᠤᠭ ᠲᠤ ᠪᠠᠨ ᠪᠤᠴᠠᠵᠦ᠂ ᠱᠠᠰᠢᠨ ᠢ ᠦᠷᠭᠡᠨ ᠢᠶᠠᠷ ᠲᠡᠯᠭᠡᠷᠡᠭᠦᠯᠵᠦ᠂ ᠮᠤᠩᠭᠤᠯ ᠨᠤᠳᠤᠭ ᠲᠤ ᠶᠡᠭᠡ ᠦᠭᠯᠢᠭᠡ | ᠪᠠᠷᠢᠴᠠ ᠪᠠᠷᠢᠭᠰᠠᠨ ᠦᠶᠡ ᠳᠤ ᠲᠠᠯᠠᠢ ᠯᠠᠮᠠ ᠰᠠᠶ᠋ᠢ ︽ᠶᠡᠷᠦ ᠪᠤᠰᠤ ᠶᠢᠨ ᠱᠠᠪᠢ︾ ᠬᠡᠳᠡᠭ ᠢ ᠲᠠᠨᠢᠵᠦ᠂ ︽ᠮᠢᠨᠤ | ᠲᠦᠯᠦᠭᠡ ᠮᠤᠩᠭᠤᠯ ᠬᠡᠯᠡᠲᠡᠨ ᠳᠤ ᠱᠠᠵᠢᠨ ᠲᠡᠯᠭᠡᠷᠡᠬᠦᠯᠵᠦ︾ ᠴᠢᠳᠠᠨᠠ ᠬᠡᠳᠡᠭ ᠢ ᠢᠳᠡᠭᠡᠵᠦ᠂ ᠲᠠᠬᠢᠵᠦ ᠵᠠᠬᠢᠭᠰᠠᠨ | ᠪᠠᠶᠢᠵᠦ ᠪᠤᠯᠬᠤ ᠶᠤᠮ᠃ ᠽᠠᠶᠠ ᠪᠠᠨᠳᠢᠳᠠ ᠪᠠ ᠬᠦᠥᠰᠢ ᠬᠠᠨ ᠤ ᠱᠠᠰᠢᠨ ᠲᠦᠷᠦ ᠶᠢᠨ ᠲᠦᠯᠦᠭᠡᠨ ᠤ ᠬᠠᠷᠢᠴᠠᠭᠠ | ᠬᠤᠯᠪᠤᠭᠠ ᠶᠢ ᠢᠯᠡᠳᠭᠡᠵᠦ ᠴᠢᠳᠠᠬᠤ ᠪᠠᠰᠠ ᠨᠢᠭᠡᠨ ᠪᠠᠷᠢᠮᠲᠠ ᠬᠡᠪᠡᠯ᠄ ᠴᠢᠩ ᠤᠯᠤᠰ ᠲᠤ ᠠᠪᠴᠦ ᠪᠠᠶᠢᠭᠰᠠᠨ | ᠤᠪᠤᠷ ᠪᠠ ᠤᠷᠤᠯᠳᠤᠯᠭᠠ ᠪᠤᠯᠤᠨᠠ᠃ ᠬᠦᠥᠰᠢ ᠬᠠᠨ ᠪᠣᠯ ᠰᠢᠯᠭᠠᠷᠠᠭᠰᠠᠨ ᠤᠯᠤᠰ ᠲᠦᠷᠦᠴᠢ᠂ ᠠᠯᠤᠰ ᠬᠤᠯᠠ | ᠶᠢᠨ ᠪᠤᠳᠤᠯᠭᠠᠲᠠᠨ ᠪᠠᠶᠢᠭᠰᠠᠨ ᠪᠤᠯᠬᠤᠷ᠂ ᠬᠤᠶᠢᠲᠦ ᠲᠠᠯᠠ ᠶᠢᠨ ᠤᠷᠤᠰ ᠯᠤᠭᠠ ᠶᠢᠨ ᠡᠩᠭᠡ ᠲᠠᠶᠢᠪᠤᠩ ᠢ | ᠪᠠᠳᠤᠯᠠᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠤᠷᠶᠲᠦ ᠲᠠᠯᠠ ᠳᠤ ᠪᠠᠨ ᠴᠦ ᠪᠠᠶᠢᠳᠠᠯ ᠢ ᠠᠵᠢᠭᠯᠠᠵᠦ ᠪᠠᠶᠢᠵᠠᠢ᠃ ᠶᠠᠭ | ᠡᠷᠳᠡᠮᠲᠡᠨ ᠪᠤᠷᠵᠢᠬᠢᠲᠠᠢ ᠤᠶᠤᠨᠪᠢᠯᠢᠭ᠌ ᠤᠨ ᠰᠢᠨᠵᠢᠯᠡᠭᠡᠨ ᠰᠢᠭ ᠬᠦᠥᠰᠢ ᠬᠠᠨ ᠬᠦᠬᠡᠨᠠᠭᠤᠷ ᠲᠦᠪᠡᠳ ᠤᠨ | ᠦᠨᠲᠦᠷᠯᠢᠭ ᠳᠠᠬᠢ ᠲᠦᠷᠦ ᠱᠠᠰᠢᠨ ᠤ ᠡᠷᠭᠡ ᠪᠠᠶᠢᠷᠢ ᠪᠠᠨ ᠪᠠᠬᠢᠵᠢᠭᠦᠯᠦᠶᠡ ᠬᠡᠪᠡᠯ ᠵᠦᠪᠬᠡᠨ ︽ᠲᠦᠪᠡᠳ ᠤᠷᠤᠨ | ᠳᠠᠬᠢ ᠲᠦᠷᠦ ᠱᠠᠰᠢᠨ ᠤ ᠲᠠᠶᠢᠰᠤᠨ ᠨᠤᠭᠤᠳ ᠢᠶᠠᠨ ᠮᠦᠭᠦᠭᠡᠭᠡᠳ ᠯᠠ ᠪᠤᠯᠴᠢᠬᠠᠬᠤ ᠪᠢᠰᠢ᠂ ᠪᠠᠰᠠ ᠤᠷᠴᠢᠨ | ᠲᠤᠭᠤᠷᠢᠨ ᠤ ᠤᠯᠤᠰ ᠲᠦᠷᠦ ᠶᠢᠨ ᠬᠦᠴᠦᠨ ᠨᠦᠭᠦᠳ ᠲᠠᠢ ᠡᠪᠲᠠᠢ ᠤᠷᠤᠯᠲᠤᠬᠤ ᠬᠡᠷᠡᠭᠲᠡᠢ 【28】᠃︾ | ᠬᠡᠳᠡᠭ ᠢ ᠠᠯᠢ ᠡᠷᠲᠡ ᠤᠬᠠᠭᠠᠷᠠᠵᠦ᠂ 1636 ᠣᠨ ᠳᠤ ᠪᠤᠭᠤᠮᠲᠠ ᠶᠢᠨ ᠲᠤᠳᠤᠭᠠᠲᠦ ᠳᠤ ᠨᠡᠪᠲᠡᠷᠡᠨ ᠤᠷᠤᠵᠦ | ᠵᠠᠪᠳᠤᠭᠠ ᠦᠭᠡᠢ ᠪᠠᠶᠢᠭᠰᠠᠨ ᠲᠠᠶᠢᠴᠢᠩ ᠤᠯᠤᠰ ᠲᠤ ᠡᠯᠴᠢᠨ ᠲᠤᠮᠢᠯᠠᠵᠦ ᠪᠠᠶᠢᠵᠠᠢ᠃ ᠢᠩᠭᠢᠭᠡᠳ ᠲᠠᠶᠢᠴᠢᠩ | ᠤᠯᠤᠰ ᠢᠶᠠᠷ ᠲᠠᠯᠠᠢ ᠯᠠᠮᠠ ᠶᠢ ᠲᠤᠳᠤᠷᠠ ᠭᠠᠵᠠᠷ ᠵᠠᠯᠠᠬᠤ ᠶᠢ ᠰᠠᠨᠠᠭᠠᠴᠢᠯᠠᠵᠦ ᠪᠠᠶᠢᠵᠠᠢ᠃ ᠰᠡᠭᠦᠯ ᠳᠤᠨᠢ ᠽᠠᠶᠠ | ᠪᠠᠨᠳᠢᠳᠠ ᠴᠦ ᠶᠠᠭ ᠡᠶᠢᠮᠦ ᠤᠷᠤᠯᠲᠤᠯᠭᠠ ᠬᠢᠵᠦ ᠲᠠᠪᠤᠲᠤᠭᠠᠷ ᠲᠠᠯᠠᠢ ᠯᠠᠮᠠ ᠶᠢ ᠪᠡᠭᠡᠵᠢᠩ ᠳᠤ ᠵᠠᠯᠠᠭᠤᠯᠵᠤ ᠪᠠᠶᠢᠵᠠᠢ᠃ | ᠬᠡᠬᠡᠨ ᠬᠦᠥᠰᠢ ᠬᠠᠨ 1638 ᠤᠨ ᠳᠤ ᠬᠦᠭᠡᠨᠠᠭᠤᠷ ᠢ ᠡᠵᠡᠯᠡᠭᠡᠳ ᠤᠶᠢᠷᠠ ᠬᠤᠯᠠ ᠶᠢᠨ ᠲᠦᠰᠦᠪ ᠲᠦᠯᠦᠪᠯᠡᠯᠭᠡ | ᠪᠠᠨ ᠨᠠᠷᠢᠨ ᠰᠠᠶᠢᠨ ᠬᠢᠵᠦ ᠪᠠᠶᠢᠵᠠᠢ᠃ ᠵᠡᠭᠦᠨᠰᠢ ᠢᠯᠭᠤᠭᠰᠠᠨ ᠬᠤᠲᠤᠭᠲᠦ ᠲᠡᠷᠢᠭᠦᠲᠠᠢ ᠡᠯᠴᠢᠨ ᠤ ᠪᠦᠯᠭᠦᠮ ᠢ | ᠮᠦᠭᠳᠡᠨ ᠵᠦᠭ ᠢᠯᠡᠭᠡᠵᠦ᠂ ᠲᠠᠶᠢᠴᠢᠩ ᠬᠦᠷᠦᠨ ᠲᠠᠢ ᠨᠠᠶᠢᠷᠰᠠᠭ ᠬᠠᠷᠢᠴᠠᠬᠤ ᠶᠢ ᠵᠤᠷᠢᠵᠦ᠂ ᠪᠠᠷᠠᠭᠤᠨᠰᠢ ᠪᠠᠰᠠ | ᠬᠦᠮᠦᠨ ᠲᠤᠮᠢᠯᠠᠵᠦ ᠲᠠᠯᠠᠢ ᠯᠠᠮᠠ ᠶᠢ ᠵᠠᠯᠠᠵᠠᠢ᠃ ᠲᠠᠯᠠᠢ ᠯᠠᠮᠠ ᠬᠦᠥᠰᠢ ᠬᠠᠨ ᠤ ᠵᠠᠯᠠᠯᠭᠠ ᠳᠤ ︽ᠲᠠᠷᠤᠶᠢᠲᠠ | ᠤᠳᠴᠦ ᠦᠯᠦ ᠪᠤᠯᠬᠤᠢ ᠪᠠᠴᠢᠮ ᠪᠤᠯᠤᠭᠰᠠᠨ︾ ᠦᠶᠡ ᠳᠤ ᠽᠠᠶᠠ ᠪᠠᠨᠳᠢᠳᠠ ᠶᠢ ᠬᠦᠥᠰᠢ ᠬᠠᠨ ᠵᠦᠭ ᠢᠯᠡᠭᠡᠬᠦ ᠳᠤ | ᠪᠠᠨ ᠶᠠᠮᠠᠷ ᠴᠦ ᠵᠡᠷᠭᠡ ᠴᠤᠯᠠ ᠡᠷᠭᠦᠮᠵᠢᠯᠡᠭᠰᠡᠨ ᠦᠭᠡᠢ ᠰᠢᠭᠤᠳ ᠢᠯᠡᠭᠡᠭᠰᠡᠨ ᠢ ︽ᠪᠠᠴᠢᠮ ᠪᠤᠯᠤᠭᠰᠠᠨ︾ ᠬᠡᠳᠡᠭ | ᠢᠶᠠᠷ ᠢᠯᠡᠷᠭᠡᠶᠢᠯᠡᠵᠦ᠂ ᠬᠦᠥᠰᠢ ᠬᠠᠨ ᠬᠠᠷᠢᠨ ᠲᠡᠬᠦᠨ ᠢ ︽ᠬᠤᠳᠤᠭᠲᠦ ᠬᠡᠮᠡᠨ ᠶᠡᠭᠡ ᠯᠠᠮᠠ ᠪᠤᠯᠤᠨ︾ | ᠡᠷᠬᠦᠮᠵᠢᠯᠡᠵᠠᠢ᠃ ᠬᠦᠥᠰᠢ ᠬᠠᠨ ᠳᠤ ︽ᠬᠤᠳᠤᠭᠲᠦ ᠡᠷᠭᠦᠮᠵᠢᠯᠡᠭᠳᠡᠭᠰᠡᠨ︾ ᠤ ᠲᠠᠷᠠᠭᠠ ᠰᠠᠶ᠋ᠢ ᠤᠶᠢᠷᠠᠳ ᠨᠤᠳᠤᠭ | ᠲᠤ ᠪᠠᠨ ᠪᠤᠴᠠᠵᠦ᠂ ︽ᠤᠶᠢᠷᠠᠳ ᠤᠨ ᠲᠦᠷᠦ ᠱᠠᠰᠢᠨ ᠳᠤ ᠶᠡᠭᠡ ᠲᠤᠰᠠ ᠦᠢᠯᠡᠲᠦᠭᠡᠳ︾᠂ ᠬᠤᠶᠢᠨᠠ ᠨᠢ ︽ | ᠲᠡᠮᠦᠷ ᠲᠠᠥᠯᠠᠢ ᠵᠢᠯ ᠳᠤ ᠪᠠᠷᠠᠭᠤᠨ ᠲᠠᠯᠠ ᠢᠷᠡᠭᠰᠡᠨ ᠳᠤ ᠪᠠᠨ ᠪᠤᠶᠠᠨ ᠨᠤᠮ ᠢ ᠮᠠᠰᠢ ᠶᠡᠭᠡ ᠦᠢᠯᠡᠲᠦᠭᠰᠡᠨ ᠠᠴᠠ︾ | ᠲᠠᠯᠠᠢ ᠯᠠᠮᠠ ᠦᠪᠡᠷ ᠤᠨ ᠪᠡᠶᠡ ᠪᠠᠷ ᠵᠢᠩᠬᠢᠨᠢ ᠪᠠᠷ ᠽᠠᠶᠠ ᠪᠠᠨᠳᠢᠳᠠ ᠶᠢ ︽ᠱᠠᠵᠢᠨ ᠳᠤ ᠲᠤᠰᠠᠯᠠᠬᠤᠢ ᠶᠢᠨ ᠲᠤᠯᠠ | ᠢᠯᠡᠭᠡᠭᠰᠡᠨ︾ ᠪᠠᠶᠢᠨᠠ᠃ | ᠽᠠᠶᠠ ᠪᠠᠨᠳᠢᠳᠠ ᠶᠢ ᠬᠤᠶᠠᠷ ᠤᠳᠠᠭᠠ ᠤᠶᠢᠷᠠᠳ ᠨᠤᠳᠤᠭ ᠲᠤᠨᠢ ︽ᠢᠯᠡᠭᠡᠭᠰᠡᠨ︾ ᠤ ᠵᠤᠷᠢᠯᠲᠠ ᠬᠠᠷᠠᠯᠲᠠ ᠪᠠ ︽ | ᠢᠯᠡᠭᠡᠭᠰᠡᠨ︾ ᠬᠦᠮᠦᠨ ᠨᠢ ᠠᠳᠠᠯᠢ ᠦᠭᠡᠢ᠃ ᠬᠦᠥᠰᠢ ᠬᠠᠨ ᠪᠣᠯ ︽ᠲᠦᠷᠦ ᠱᠠᠰᠢᠨ︾ ᠳᠤ ᠲᠤᠰᠠ ᠬᠢᠬᠦ | ᠵᠤᠷᠢᠯᠭᠠ ᠪᠠᠷ᠂ ᠲᠠᠯᠠᠢ ᠯᠠᠮᠠ ᠪᠣᠯ ︽ᠱᠠᠵᠢᠨ ᠤ ᠲᠤᠰᠠᠯᠠᠬᠤᠢ︾ ᠵᠤᠷᠢᠯᠭᠠ ᠪᠠᠷ ᠢᠯᠡᠭᠡᠭᠰᠡᠨ ᠪᠠᠶᠢᠵᠠᠢ᠃ | ᠶᠡᠷᠤᠩᠭᠡᠶᠢᠯᠡᠭᠡᠳ ᠬᠡᠯᠡᠪᠡᠯ᠂ ᠽᠠᠶᠠ ᠪᠠᠨᠳᠢᠳᠠ ᠲᠦᠪᠡᠳ ᠲᠤ ᠬᠤᠷᠢᠨ ᠬᠤᠶᠠᠷ ᠵᠢᠯ ᠰᠠᠭᠤᠵᠦ ᠬᠡᠲᠦᠶᠢᠳᠡᠭᠰᠡᠨ ᠤᠢ | ᠪᠢᠯᠢᠭ ᠢᠶᠠᠷ ᠢᠶᠠᠨ ᠱᠠᠰᠢᠨ ᠤ ᠤᠬᠠᠭᠠᠨ ᠳᠤ ᠨᠡᠪᠲᠡᠷᠡᠵᠦ᠂ ᠤᠯᠠᠨ ᠤ ᠠᠩᠬᠠᠷᠤᠯ ᠢ ᠲᠠᠳᠠᠵᠦ ᠪᠠᠶᠢᠭᠰᠠᠨ ᠪᠦᠭᠡᠳ | ᠲᠠᠪᠤᠳᠤᠭᠠᠷ ᠲᠠᠯᠠᠢ ᠯᠠᠮᠠ ᠪᠠ ᠲᠦᠷᠪᠡᠲᠦᠭᠡᠷ ᠪᠠᠨᠴᠢᠨ ᠡᠷᠳᠡᠨᠢ ᠲᠠᠢ ᠤᠳᠠᠭᠠᠨ ᠵᠢᠯ ᠬᠠᠮᠲᠦ ᠪᠠᠶᠢᠵᠦ ᠲᠡᠳᠡᠨ ᠤ | ᠢᠳᠡᠭᠡᠯ ᠢ ᠬᠦᠨᠡ ᠤᠯᠤᠭᠰᠠᠨ ᠪᠠᠶᠢᠳᠠᠭ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠬᠤᠱᠤᠳ ᠠᠶᠢᠮᠠᠭ ᠤᠨ ᠬᠦᠥᠰᠢ ᠬᠠᠨ | ᠬᠦᠬᠡᠨᠠᠭᠤᠷ ᠲᠤ ᠢᠷᠡᠵᠦ᠂ ᠰᠢᠷᠠ ᠶᠢᠨ ᠱᠠᠰᠢᠨ ᠲᠠᠢ ᠲᠠᠶᠢᠰᠤᠩᠨᠠᠵᠦ ᠪᠠᠶᠢᠭᠰᠠᠨ ᠴᠤᠭᠲᠦ ᠲᠠᠶᠢᠵᠢ ᠨᠢᠭᠡᠨᠲᠡ | ᠤᠰᠠᠳᠬᠠᠭᠳᠠᠭᠰᠠᠨ ᠪᠠᠶᠢᠪᠠ᠃ ᠭᠡᠪᠡᠴᠦ ᠽᠠᠩᠪᠠ ᠬᠠᠨ ᠤᠯᠠᠭᠠᠨ ᠤ ᠱᠠᠰᠢᠨ ᠪᠤᠯᠤᠨ ᠪᠠᠷᠢ ᠲᠠᠶᠢᠵᠢ ᠨᠠᠷ ᠠᠴᠠ | ᠪᠤᠯᠤᠭᠰᠠᠨ ᠰᠦᠷᠳᠡᠭᠦᠯᠦᠯ ᠪᠠᠰᠠ ᠤᠷᠤᠰᠢᠭᠰᠠᠭᠠᠷ ᠪᠠᠶᠢᠪᠠ᠃ ᠰᠢᠷᠠ ᠶᠢᠨ ᠱᠠᠰᠢᠨ ᠤ ᠲᠡᠭᠡᠲᠦ ᠲᠠᠪᠬᠤᠷᠭᠠᠲᠠᠨ | ᠢᠯᠠᠩᠭᠤᠶᠠ ᠤᠶᠢᠷᠠᠳ ᠮᠤᠩᠭᠤᠯ ᠤᠨ ᠠᠯᠢᠪᠠ ᠠᠶᠢᠮᠠᠭ ᠤᠨ ᠤᠯᠠᠮ ᠨᠢᠭᠡ ᠠᠯᠬᠤᠮ ᠤᠨ ᠲᠡᠮᠵᠢᠯᠭᠡ ᠶᠢ ᠤᠯᠬᠤ ᠨᠢ | ᠲᠤᠩ ᠴᠢᠬᠤᠯᠠ ᠲᠠᠢ ᠪᠠᠶᠢᠪᠠ᠃ ᠡᠶᠢᠮᠦ ᠠᠴᠠ ᠲᠠᠯᠠᠢ ᠯᠠᠮᠠ ᠠᠴᠠ ᠦᠪᠡᠷ ᠤᠨ ᠢᠶᠠᠨ ᠲᠦᠯᠦᠭᠡ ᠮᠤᠩᠭᠤᠯ ᠭᠠᠵᠠᠷ | ᠶᠠᠪᠤᠭᠤᠯᠬᠤ ᠳᠤ ᠵᠠᠪᠠᠯ ᠵᠠᠷᠯᠢᠭ ᠵᠢᠭᠠᠪᠤᠷᠢ ᠶᠤᠰᠤᠭᠠᠷ ᠨᠢ ᠪᠡᠶᠡᠯᠡᠭᠦᠯᠳᠡᠭ ᠬᠦᠮᠦᠨ ᠢ ᠬᠠᠶᠢᠬᠤ ᠭᠡᠷᠡᠭᠲᠡᠢ᠃ ᠲᠦᠪᠡᠳ | ᠤᠨ ᠲᠠᠯᠠ ᠳᠤ ᠠᠪᠴᠦ ᠦᠵᠡᠪᠡᠯ ᠽᠠᠶᠠ ᠪᠠᠨᠳᠢᠳᠠ ᠪᠣᠯ ᠬᠠᠮᠤᠭ ᠤᠨ ᠲᠤᠬᠢᠷᠠᠮᠵᠢᠲᠠᠢ ᠬᠦᠮᠦᠨ ᠪᠠᠶᠢᠭᠰᠠᠨ ᠶᠤᠮ᠃ | ᠽᠠᠶᠠ ᠪᠠᠨᠳᠢᠳᠠ ᠲᠠᠪᠤᠳᠤᠭᠠᠷ ᠲᠠᠯᠠᠢ ᠯᠠᠮᠠ ᠪᠠ ᠲᠦᠷᠪᠡᠲᠦᠭᠡᠷ ᠪᠠᠨᠴᠢᠨ ᠡᠷᠳᠡᠨᠢ ᠶᠢᠨ ᠨᠡᠷᠡ ᠪᠠᠷ ᠤᠶᠢᠷᠠᠳ ᠲᠤ ᠪᠠᠨ | ᠪᠤᠴᠠᠭᠰᠠᠨ ᠪᠤᠯᠪᠠᠴᠦ ᠵᠢᠩᠭᠢᠨᠢ ᠲᠤᠮᠢᠯᠠᠭᠰᠠᠨ ᠬᠦᠮᠦᠨ ᠨᠢ ᠪᠣᠯ ᠬᠡᠬᠡᠨ ᠬᠦᠥᠰᠢ ᠬᠠᠨ ᠶᠤᠮ᠃ ᠪᠠᠰᠠ ᠨᠢᠭᠡ | ᠲᠤᠳᠤᠷᠬᠠᠶᠢᠯᠠᠬᠤ ᠴᠢᠬᠤᠯᠠ ᠲᠠᠢ ᠵᠦᠢᠯ ᠨᠢ᠂ ︽ᠬᠡᠬᠡᠨ ᠬᠦᠥᠰᠢ ᠬᠠᠨ ᠪᠠ ᠽᠠᠶᠠ ᠪᠠᠨᠳᠢᠳᠠ ᠡᠷᠭᠦᠮᠡᠯ ᠠᠪᠠᠭᠠ | ᠠᠴᠢ ᠶᠢᠨ ᠬᠠᠷᠢᠴᠠᠭᠠ ᠲᠠᠢ᠂ ᠬᠠᠷᠢᠯᠴᠠᠨ ᠨᠢᠭᠡ ᠨᠢᠭᠡ ᠪᠠᠨ ᠲᠡᠮᠵᠢᠬᠦ᠂ ᠲᠤᠰᠠᠯᠠᠬᠤ᠂ ᠪᠡᠶᠠ ᠪᠡᠶᠠ ᠶᠢᠨ ᠨᠡᠷᠡ | ᠨᠦᠯᠦᠭᠡ ᠪᠠᠨ ᠦᠷᠭᠡᠳᠬᠡᠬᠦ ᠪᠠᠷ ᠴᠢᠷᠮᠠᠶᠢᠬᠤ ᠨᠢ ᠵᠦᠢ ᠶᠤᠰᠤᠨ ᠤ ᠭᠡᠷᠡᠭ ᠶᠤᠮ 【29】᠃︾ | ᠲᠠᠪᠤ᠂ ᠽᠠᠶᠠ ᠪᠠᠨᠳᠢᠳᠠ ᠶᠢᠨ ᠤᠶᠢᠷᠠᠳ ᠲᠤ ᠪᠠᠨ ᠪᠤᠴᠠᠭᠰᠠᠨ ᠤ ᠲᠠᠷᠠᠭᠠᠬᠢ ᠠᠵᠢᠯᠯᠠᠭᠠ | ᠽᠠᠶᠠ ᠪᠠᠨᠳᠢᠳᠠ ᠤᠶᠢᠷᠠᠳ ᠲᠤ ᠪᠠᠨ ᠪᠤᠴᠠᠵᠦ ᠢᠷᠡᠭᠰᠡᠨ ᠤ ᠲᠠᠷᠠᠭᠠ 1638 ᠤᠨ ᠳᠤ᠂ ᠲᠠᠷᠪᠠᠭᠠᠲᠠᠢ ᠬᠡᠬᠦ | ᠭᠠᠵᠠᠷ ᠲᠤ ᠵᠠᠩᠬᠢᠶᠠ ᠬᠤᠳᠤᠭᠲᠦ ᠠᠭᠸᠠᠩᠴᠤᠶᠢᠲᠠᠨ ᠠᠴᠠ ᠲᠡᠭᠦᠨ ᠢ ᠤᠷᠢᠵᠦ ᠠᠭᠤᠯᠵᠠᠭᠠᠤᠨ ᠵᠠᠩᠭᠢᠶᠠ | ᠬᠤᠳᠤᠭᠲᠦ᠄ ︽ᠨᠡᠷᠡ ᠢᠨᠤ ᠪᠢ ᠶᠡᠭᠡ ᠪᠤᠯᠪᠠᠴᠦ᠂ ᠡᠷᠳᠡᠮ ᠢᠨᠤ ᠴᠢ ᠶᠡᠭᠡ ᠶᠤᠮ︾ ᠬᠡᠵᠦ ᠬᠡᠯᠡᠭᠡᠳ ︽ | ᠷᠠᠪᠵᠠᠮᠪᠠ ᠬᠤᠲᠤᠭᠲᠦ︾ ᠴᠤᠯᠠ ᠬᠠᠶᠢᠷᠠᠯᠠᠵᠠᠢ᠃ ᠲᠡᠬᠦᠨ ᠠᠴᠠ ᠬᠤᠶᠢᠰᠢ ᠽᠠᠶᠠ ᠪᠠᠨᠳᠢᠳᠠ ᠤᠶᠢᠷᠠᠳ ᠤᠨ ᠰᠢᠷᠠ | ᠶᠢᠨ ᠱᠠᠰᠢᠨ ᠤ ᠲᠦᠷᠦᠭᠦᠤ ᠬᠤᠲᠤᠭᠲᠦ ᠬᠤᠪᠢᠯᠭᠠᠨ ᠪᠤᠯᠵᠦ ᠪᠤᠷᠬᠠᠨ ᠤ ᠱᠠᠰᠢᠨ ᠢ ᠲᠡᠯᠭᠡᠷᠡᠭᠦᠯᠬᠦ ᠠᠵᠢᠯ ᠳᠤ | ᠬᠦᠴᠦᠨ ᠴᠢᠳᠠᠯ ᠢᠶᠠᠨ ᠡᠷᠬᠦᠵᠦ᠂ ᠬᠦᠷᠢᠶᠡ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠦ᠂ ᠱᠠᠪᠢᠨᠠᠷ ᠲᠤ ᠪᠠᠨ ᠨᠤᠮ ᠵᠢᠭᠠᠵᠦ᠂ ᠲᠤᠲᠦ | ᠦᠰᠦᠭ ᠵᠤᠬᠢᠶᠠᠨ᠂ ᠲᠦᠪᠡᠳ ᠬᠡᠯᠡ ᠠᠴᠠ ᠨᠤᠮ ᠤᠷᠴᠢᠭᠤᠯᠵᠦ ᠪᠠᠶᠢᠵᠠᠢ᠃ | 1640 ᠤᠨ ᠳᠤ᠂ ᠲᠠᠷᠪᠠᠭᠠᠲᠠᠢ ᠳᠤ ᠪᠤᠯᠤᠭᠰᠠᠨ ᠮᠤᠩᠭᠤᠯ ᠤᠶᠢᠷᠠᠳ ᠤᠨ ᠬᠤᠷᠠᠯᠲᠠᠢ ᠳᠤ ᠤᠷᠤᠯᠴᠠᠵᠦ | 【30】᠂ ︽ᠮᠤᠩᠭᠤᠯ ᠤᠶᠢᠷᠠᠳ ᠤᠨ ᠶᠡᠭᠡ ᠴᠠᠭᠠᠵᠠ︾ ᠶᠢ ᠲᠤᠭᠳᠠᠭᠠᠬᠤ ᠳᠤ ᠬᠠᠮᠵᠢᠭᠰᠠᠨ ᠪᠠᠶᠢᠨᠠ᠃ | ᠲᠡᠨᠲᠡ ᠠᠴᠠ ᠠᠷᠤ ᠬᠠᠯᠬᠠ ᠶᠢᠨ ᠵᠠᠰᠠᠭᠲᠦ ᠬᠠᠨ ᠤ ᠤᠷᠢᠯᠭᠠ ᠪᠠᠷ ᠠᠷᠦ ᠬᠠᠯᠬᠠ ᠳᠤ ᠬᠦᠷᠴᠦ᠂ ᠠᠷᠦ ᠬᠠᠯᠬᠠ | ᠶᠢᠨ ᠭᠤᠷᠪᠠᠨ ᠬᠠᠨ ᠲᠤᠯᠤᠭᠠᠨ ᠬᠤᠰᠢᠭᠤᠨ ᠤ ᠲᠠᠬᠢᠯ ᠤᠨ ᠯᠠᠮᠠ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠲᠡᠬᠦᠨ ᠢ ᠵᠠᠰᠠᠭᠲᠦ ᠬᠠᠨ | ᠬᠤᠶᠠᠷ ᠭᠤᠷᠪᠠᠨ ᠵᠢᠯ ᠰᠠᠭᠤᠳᠤᠭᠠᠢ ᠬᠡᠵᠦ ᠬᠦᠰᠡᠭᠰᠡᠨ ᠪᠤᠯᠪᠠᠴᠦ᠂ ᠲᠠᠯᠠᠢ ᠯᠠᠮᠠ ᠪᠤᠯᠤᠨ ᠪᠠᠨᠴᠢᠨ ᠡᠷᠳᠡᠨᠢ ᠠᠴᠠ | ᠸᠴᠢᠷ ᠳ᠋ᠠᠷᠠ ᠬᠤᠳᠤᠭᠲᠦ ᠶᠢ ᠠᠷᠦ ᠬᠠᠯᠬᠠ ᠳᠤ ᠯᠠᠮᠠ ᠪᠤᠯᠭᠠᠨ ᠲᠤᠮᠢᠯᠠᠨ ᠵᠠᠷᠯᠠᠭᠰᠠᠨ ᠲᠤᠯᠠ ᠤᠶᠢᠷᠠᠳ ᠲᠤ ᠪᠠᠨ | ᠪᠤᠴᠠᠬᠤ ᠶᠢ ᠨᠢ ᠵᠦᠪᠰᠢᠶᠠᠷᠡᠵᠦ᠂ ᠲᠡᠬᠦᠨ ᠳᠤ ︽ᠷᠠᠪᠵᠠᠮᠪᠠ ᠽᠠᠶᠠ ᠪᠠᠨᠳᠢᠳᠠ︾ ᠴᠤᠯᠠ ᠤᠯᠭᠤᠠ ᠡᠷᠭᠦᠮᠵᠢᠯᠡᠵᠠᠢ᠃ | ᠲᠡᠬᠦᠨ ᠠᠴᠠ ᠬᠤᠶᠢᠰᠢ ᠤᠶᠢᠷᠠᠳ ᠤᠨ ᠽᠠᠶᠠ ᠪᠠᠨᠳᠢᠳᠠ ᠬᠡᠵᠦ ᠠᠯᠳᠠᠷᠰᠢᠵᠠᠢ᠃ | 1641 ᠤᠨ ᠳᠤ ᠬᠠᠯᠬᠠ ᠶᠢᠨ ᠭᠤᠷᠪᠠᠨ ᠬᠠᠨ ᠤ ᠤᠷᠢᠯᠭᠠ ᠪᠠᠷ ᠬᠠᠯᠬᠠ ᠳᠤ ᠬᠦᠷᠴᠦ ᠪᠤᠷᠬᠠᠨ ᠤ ᠱᠠᠰᠢᠨ ᠤ | ᠨᠤᠮ ᠨᠤᠮᠯᠠᠬᠤ᠂ ᠤᠷᠴᠢᠭᠤᠯᠬᠤ᠂ ᠰᠠᠨᠸᠠᠷ ᠬᠦᠷᠳᠡᠭᠡᠬᠦ ᠵᠠᠷᠭᠡ ᠠᠵᠢᠯ ᠤᠳ ᠢ ᠬᠢᠵᠦ ᠪᠠᠶᠢᠵᠠᠢ᠃ | 1644 ᠤᠨ ᠳᠤ᠂ ᠡᠷᠴᠢᠰ ᠤᠨ ᠲᠠᠷᠬᠠᠨ ᠴᠤᠷᠵᠢ ᠶᠢᠨ ᠰᠦᠮᠡ ᠳᠤ ᠵᠠᠯᠠᠭᠲᠠᠨ ᠬᠦᠷᠴᠦ᠂ ︽ᠮᠠᠨᠢ ᠭᠠᠮᠪᠤᠮ︾ | ᠢ ᠤᠷᠴᠢᠭᠤᠯᠤᠨ᠂ ᠰᠦᠰᠦᠭᠲᠡᠨ ᠤᠯᠠᠨ ᠳᠤ ᠨᠤᠮ ᠬᠦᠷᠳᠡᠭᠡᠬᠦ ᠪᠠ ᠠᠪᠢᠰᠢᠭ᠌ ᠦᠭᠭᠦ ᠵᠡᠷᠭᠡ ᠪᠠᠷ ᠱᠠᠰᠢᠨ ᠠᠮᠢᠲᠠᠨ ᠤ | ᠲᠤᠰᠠ ᠶᠢ ᠦᠢᠯᠡᠳᠴᠠᠢ᠃ ᠲᠡᠨᠲᠡ ᠠᠴᠠ ᠢᠵᠢᠯ ᠵᠠᠢ ᠶᠢᠨ ᠲᠤᠷᠭᠤᠳ ᠤᠨ ᠱᠦᠭᠦᠷ ᠲᠠᠶᠢᠴᠢᠩ᠂ ᠭᠤᠮᠪᠤ ᠢᠯᠳᠠᠩ | ᠂ ᠯᠤᠪᠰᠠᠩ᠂ ᠰᠠᠩᠵᠠᠢ ᠨᠠᠷ ᠲᠤ ᠵᠠᠯᠠᠭᠳᠠᠨ ᠶᠡᠭᠡ ᠡᠷᠭᠦᠯ ᠬᠦᠨᠳᠦᠯᠡᠯ ᠢ ᠤᠯᠤᠭᠰᠠᠨ ᠪᠠᠶᠢᠨᠠ᠃ | 1646 ᠤᠨ ᠳᠤ᠂ ᠰᠡᠬᠦᠯ ᠤᠨ ᠲᠦᠷᠪᠡᠨ ᠤᠶᠢᠷᠠᠳ ᠤᠨ ᠬᠦᠨᠳᠡᠯᠡᠨ ᠤᠪᠠᠰᠢ ᠴᠡᠷᠢᠭ ᠢᠶᠠᠷ ᠪᠠᠭᠠᠲᠤᠷ ᠬᠤᠩ | ᠲᠠᠶᠢᠵᠢ ᠶᠢ ᠲᠤᠪᠳᠤᠯᠤᠨ ᠲᠠᠶᠢᠨ ᠲᠡᠭᠳᠡᠭᠡᠳ᠂ ᠭᠤᠷᠪᠠᠨ ᠤᠪᠤᠭᠠ ᠬᠡᠳᠡᠭ ᠭᠠᠵᠠᠷ ᠶᠡᠭᠡ ᠪᠠᠷ ᠲᠤᠯᠤᠯᠳᠤᠵᠠᠢ᠃ | ᠲᠡᠷᠡ ᠲᠤᠯᠤᠯᠳᠤᠭᠠᠨ ᠳᠤ ᠪᠠᠭᠠᠲᠤᠷ ᠬᠤᠩ ᠲᠠᠶᠢᠵᠢ ᠪᠤᠯᠤᠨ ᠸᠴᠢᠷᠲᠦ ᠬᠠᠨ ᠤ ᠲᠠᠯᠠ ᠢᠯᠠᠵᠦ᠂ ᠬᠦᠨᠳᠡᠯᠡᠨ | ᠤᠪᠠᠰᠢ ᠶᠢᠨ ᠬᠦᠮᠦᠨ ᠮᠠᠯ ᠨᠢ ᠶᠡᠭᠡ ᠪᠠᠷ ᠬᠤᠬᠢᠷᠠᠭᠰᠠᠨ ᠪᠠᠶᠢᠪᠠ᠃ ᠲᠡᠷᠡ ᠦᠶᠡ ᠳᠤ ᠨᠠᠮᠬᠠᠶᠢᠵᠠᠮᠰᠦ ᠲᠡᠳᠡ | ᠭᠤᠷᠪᠠ ᠶᠢ ᠡᠪᠰᠡᠭᠦᠯᠬᠦ ᠠᠵᠢᠯᠯᠠᠭᠠ ᠬᠢᠵᠦ᠂ ᠪᠠᠭᠠᠲᠤᠷ ᠬᠤᠩ ᠲᠠᠶᠢᠵᠢ ᠶᠢᠨ ᠴᠢᠭᠤᠯᠭᠠᠨ ᠲᠠᠷᠤᠭᠠ ᠶᠢᠨ ᠪᠠᠶᠢᠷᠢ | ᠰᠠᠭᠤᠷᠢ ᠶᠢ ᠨᠠᠶᠢᠷᠠᠮᠳᠠᠯ ᠢᠶᠠᠷ ᠬᠠᠮᠠᠭᠠᠯᠠᠵᠠᠢ᠃ | 1648 ᠤᠨ ᠳᠤ ᠽᠠᠶᠠ ᠪᠠᠨᠳᠢᠳᠠ ᠠᠪᠠᠯᠢ ᠲᠠᠶᠢᠵᠢ ᠪᠠ ᠡᠷᠳᠡᠨᠢ ᠪᠠᠭᠠᠲᠤᠷ ᠬᠤᠩ ᠲᠠᠶᠢᠵᠢ ᠪᠠᠷ ᠲᠡᠷᠢᠬᠦᠯᠡᠬᠦᠯᠦᠭᠰᠡᠨ | ᠤᠶᠢᠷᠠᠳ ᠨᠤᠶᠠᠳ ᠪᠠ ᠨᠡᠶᠢᠭᠡᠮ ᠨᠡᠶᠢᠲᠡ ᠶᠢᠨ ᠰᠠᠨᠠᠯ ᠢᠶᠠᠷ᠂ ᠲᠦᠷᠪᠡᠨ ᠤᠶᠢᠷᠠᠳ ᠢᠶᠠᠷ ᠭᠤᠤᠯ ᠪᠤᠯᠭᠠᠭᠰᠡᠨ ᠪᠦᠬᠦ | ᠮᠤᠩᠭᠤᠯ ᠤᠨ ᠲᠠᠬᠢᠨ ᠨᠡᠭᠡᠳᠬᠦ ᠳᠤ ᠵᠤᠷᠢᠭᠤᠯᠵᠦ᠂ ᠬᠠᠭᠤᠴᠢᠨ ᠬᠤᠳᠤᠮ ᠦᠰᠦᠭ ᠢ ᠦᠭᠡᠷᠡᠴᠢᠯᠡᠵᠦ ᠲᠤᠲᠦ | ᠦᠰᠦᠭ ᠵᠤᠬᠢᠶᠠᠵᠠᠢ᠃ ᠲᠤᠲᠦ ᠦᠰᠦᠭ ᠵᠤᠬᠢᠶᠠᠭᠰᠠᠨ ᠤ ᠲᠠᠷᠠᠭᠠ ᠲᠦᠪᠡᠳ ᠬᠡᠯᠡᠨ ᠠᠴᠠ ᠤᠶᠢᠷᠠᠳ ᠮᠤᠩᠭᠤᠯ | ᠬᠡᠯᠡᠨ ᠳᠤ ᠪᠤᠷᠬᠠᠨ ᠤ ᠱᠠᠰᠢᠨ ᠤ ᠶᠡᠭᠡ ᠬᠦᠯᠭᠡᠨ ᠤ ᠰᠤᠲᠤᠷ᠂ ᠦᠨᠲᠦᠰᠦᠨ ᠵᠠᠷᠯᠢᠭ᠂ ᠱᠠᠰᠲᠢᠷ ᠬᠡᠬᠦ ᠮᠡᠲᠦ ᠨᠢᠭᠡ | ᠵᠠᠭᠤ ᠲᠠᠯᠠᠨ ᠬᠡᠲᠦᠨ ᠨᠤᠮ ᠰᠤᠲᠤᠷ ᠤᠷᠴᠢᠭᠤᠯᠵᠠᠢ᠃ | ᠽᠠᠶᠠ ᠪᠠᠨᠳᠢᠳᠠ ᠤᠶᠢᠷᠠᠳ ᠲᠤ ᠶᠡᠭᠡ ᠭᠦᠷᠢᠶᠠ ᠶᠢ ᠪᠠᠶᠢᠭᠤᠯᠵᠦ᠂ ᠱᠠᠪᠢᠨᠠᠷ ᠴᠤᠭᠯᠠᠭᠤᠯᠵᠦ᠂ ᠨᠤᠮ ᠤᠷᠴᠢᠭᠤᠯᠬᠤ | ᠬᠤᠷᠠᠯ ᠬᠤᠷᠠᠬᠤ᠂ ᠦᠭᠦᠭᠰᠡᠳ ᠤᠨ ᠪᠤᠶᠠᠨ ᠢ ᠬᠢᠵᠦ ᠤᠷᠤᠰᠢᠭᠤᠯᠬᠤ᠂ ᠴᠢᠨᠳᠠᠷᠯᠠᠬᠤ᠂ ᠪᠦᠭᠡ ᠶᠢᠨ ᠱᠠᠰᠢᠨ ᠢ | ᠴᠠᠭᠠᠵᠠᠯᠠᠬᠤ᠂ ᠤᠩᠭᠤᠳ ᠢ ᠰᠢᠲᠠᠭᠠᠬᠤ᠂ ᠪᠦᠭᠡ ᠢᠳᠦᠭᠠᠨ ᠨᠠᠷ ᠤᠨ ᠢᠲᠤᠭᠠᠯᠠᠬᠤ ᠶᠢ ᠬᠤᠷᠢᠵᠦ᠂ ᠡᠶᠢᠮᠦ ᠦᠢᠯᠡ | ᠦᠢᠯᠡᠲᠦᠭᠴᠢᠳ ᠢ ᠮᠠᠯ ᠢᠶᠠᠷ ᠲᠤᠷᠭᠠᠬᠤ ᠠᠵᠢᠯ ᠤᠳ ᠢ ᠬᠢᠵᠦ ᠪᠠᠶᠢᠵᠠᠢ᠃ 1645 ᠤᠨ ᠪᠠ 1656 ᠤᠨ ᠳᠤ | ᠽᠠᠶᠠ ᠪᠠᠨᠳᠢᠳᠠ ᠢᠵᠢᠯ ᠤᠨ ᠲᠤᠷᠭᠤᠳ᠂ ᠲᠦᠷᠪᠡᠳ᠂ ᠬᠤᠱᠤᠳ ᠨᠠᠷ ᠲᠤ ᠬᠤᠶᠠᠷ ᠤᠳᠠᠭᠠ ᠬᠦᠷᠴᠦ᠂ ᠨᠤᠮ | ᠨᠤᠮᠯᠠᠬᠤ ᠮᠦᠷᠭᠦᠯ ᠬᠢᠬᠦ ᠮᠡᠲᠦ ᠶᠢᠨ ᠱᠠᠰᠢᠨ ᠲᠡᠯᠭᠡᠷᠡᠭᠦᠯᠬᠦ ᠠᠵᠢᠯ ᠬᠢᠵᠠᠢ᠃ | 1651 ᠤᠨ ᠳᠤ᠂ ᠲᠦᠪᠡᠳ ᠲᠤ ᠭᠦᠷᠴᠦ᠂ ᠲᠠᠯᠠᠢ ᠯᠠᠮᠠ ᠳᠤ ᠨᠢᠭᠡ ᠲᠦᠮᠡᠨ ᠯᠠᠩ ᠮᠦᠩᠬᠦ᠂ ᠷᠠᠰᠢᠯᠾᠦ᠋ᠨᠪᠦ | ᠬᠡᠶᠢᠳ ᠲᠤ ᠨᠢᠭᠡ ᠲᠦᠮᠡ ᠲᠠᠪᠤᠨ ᠮᠢᠩᠭᠠᠨ ᠯᠠᠩ ᠮᠦᠩᠭᠦ ᠡᠷᠭᠦᠭᠰᠡᠨ ᠪᠠᠶᠢᠨᠠ᠃ | 1657 ᠤᠨ ᠠᠴᠠ ᠵᠡᠭᠦᠡᠭᠠᠷ ᠤᠨ ᠨᠤᠶᠠᠳ ᠤᠨ ᠬᠤᠭᠤᠷᠤᠨᠲᠦ ᠵᠦᠷᠢᠴᠡᠯ ᠡᠭᠦᠰᠦᠭᠡᠳ᠂ ᠬᠡᠳᠦᠨ ᠵᠢᠯ ᠲᠠᠶᠢᠨ | ᠪᠠᠶᠢᠯᠳᠤᠭᠠᠨ ᠪᠤᠯᠤᠭᠰᠠᠨ ᠳᠤ ᠨᠠᠮᠬᠠᠶᠢᠵᠠᠮᠰᠦ ᠤᠳᠠᠭᠠ ᠲᠠᠷᠠᠭᠠ ᠪᠠᠷ ᠡᠪᠰᠡᠭᠦᠯᠬᠦ ᠠᠵᠢᠯᠯᠠᠭᠠ ᠬᠢᠭᠰᠡᠭᠡᠷ ᠪᠠᠶᠢᠵᠠᠢ᠃ | ᠽᠠᠶᠠ ᠪᠠᠨᠳᠢᠳᠠ ᠪᠣᠷᠬᠠᠨ ᠤ ᠱᠠᠰᠢᠨ ᠢ ᠲᠡᠯᠭᠡᠷᠡᠭᠦᠬᠦ ᠦᠢᠯᠡᠰ ᠲᠤ ᠵᠢᠳᠭᠦᠵᠦ ᠶᠠᠪᠣᠬᠤ ᠳᠠᠭᠠᠨ ᠲᠦᠪᠡᠳ ᠡᠨᠡᠳᠭᠡᠭ | ᠬᠢᠭᠡᠳ ᠮᠣᠩᠭᠤᠯ ᠤᠨ ᠰᠣᠶᠣᠯ ᠢ ᠬᠠᠷᠢᠴᠠᠭᠠ ᠶᠢ ᠮᠠᠰᠢᠳᠠ ᠠᠬᠢᠭᠤᠯᠣᠭᠰᠠᠨ ᠪᠠᠶᠢᠨᠠ᠃ ᠲᠡᠷᠡ ᠲᠦᠪᠡᠳ ᠣᠷᠣᠨ | ᠳᠤ ᠯᠠᠮᠠ ᠢᠯᠡᠭᠡᠵᠦ ᠨᠣᠮ ᠰᠣᠷᠣᠯᠴᠠᠭᠤᠯᠵᠦ᠂ ᠪᠣᠷᠬᠠᠨ ᠤ ᠬᠦᠷᠦᠭ᠂ ᠲᠡᠬᠢᠯ ᠤᠨ ᠵᠣᠶᠢᠯᠡᠰ᠂ ᠡᠮ ᠲᠣᠮ | ᠠᠪᠴᠢᠷᠠᠭᠤᠯᠵᠦ ᠪᠠᠶᠢᠵᠠᠢ᠃ ᠲᠦᠪᠡᠳ ᠢ ᠵᠣᠷᠢᠭᠰᠠᠨ ᠮᠦᠷᠭᠦᠯᠴᠢᠳ ᠲᠤ ᠲᠦᠭᠦᠮ ᠦᠵᠡᠭᠦᠯᠵᠦ ᠰᠠᠩ ᠪᠣᠯᠣᠨ | ᠰᠠᠭᠤᠷᠢᠨᠴᠢ ᠪᠠᠶᠢᠭᠤᠯᠣᠭᠰᠠᠨ ᠪᠠᠶᠢᠨᠠ᠃ ᠣᠶᠢᠷᠠᠳᠴᠣᠳ ᠤᠨ ᠰᠢᠳᠦᠭᠡᠨ ᠤ ᠣᠷᠣᠨ ᠪᠣᠯ ᠲᠦᠪᠡᠳ ᠣᠷᠣᠨ | ᠪᠦᠭᠡᠳ ᠲᠦᠪᠡᠳ ᠲᠤ ᠬᠦᠷᠴᠦ ᠮᠦᠷᠭᠦᠯ ᠲᠠᠭᠠᠳᠬᠠᠯ ᠬᠢᠬᠦ᠂ ︽ᠡᠷᠭᠦᠴᠨ ᠪᠠᠷᠢᠴᠠ︾ ᠪᠠᠷᠢᠬᠤ ᠨᠢ ᠲᠡᠭᠡᠳᠦ | ᠲᠠᠪᠬᠤᠷᠭᠠᠳᠠᠨ ᠤ ᠬᠦᠷᠢᠶᠡ ᠬᠡᠪᠴᠢᠶᠡᠨ ᠲᠣᠳᠣᠷᠠ ᠴᠢᠬᠤᠯᠠ ᠨᠢᠭᠡᠨ ᠱᠠᠰᠢᠨ ᠰᠣᠷᠳᠠᠬᠤᠨ᠂ ᠣᠯᠣᠰ ᠲᠦᠷᠦ ᠶᠢᠨ | ᠬᠦᠳᠡᠯᠭᠡᠭᠡᠨ ᠪᠣᠯᠵᠠᠢ᠃ ᠣᠶᠢᠷᠠᠳ ᠨᠣᠶᠠᠳ ᠭᠡᠳᠣᠨ ᠲᠦᠮᠨ ᠴᠢᠨᠠᠭᠰᠢᠯᠠᠪᠠᠯ ᠭᠡᠳᠣᠨ ᠠᠷᠪᠠᠨ ᠲᠦᠮᠡᠨ ᠪᠣᠭ ᠮᠠᠯ᠂ | ᠪᠣᠳᠠ ᠮᠠᠯ ᠢ ︽ᠡᠷᠭᠦᠴᠨ ᠪᠠᠷᠢᠴᠠ︾ ᠪᠣᠯᠭᠠᠨ ᠽᠠᠶᠠ ᠪᠠᠨᠳᠢᠳᠠ ᠪᠠᠷ ᠲᠠᠮᠵᠢᠭᠤᠯᠵᠦ ᠲᠦᠪᠡᠳ ᠤᠨ ᠱᠠᠰᠢᠨ ᠤ | ᠲᠡᠭᠡᠳᠦ ᠲᠠᠪᠬᠤᠷᠭᠠᠳᠠᠨ ᠨᠠᠷ ᠲᠤ ᠬᠦᠷᠭᠡᠵᠦ ᠪᠠᠶᠢᠵᠠᠢ᠃ | ᠽᠠᠶᠠ ᠪᠠᠨᠳᠢᠳᠠ ᠵᠡᠭᠦᠨᠭᠠᠷ ᠨᠣᠳᠤᠭ ᠪᠣᠯᠣᠨ ᠬᠠᠯᠬᠠ ᠮᠣᠩᠭᠤᠯ ᠤᠨ ᠬᠠᠭᠠᠳ ᠨᠣᠶᠠᠳ ᠤᠨ ᠵᠠᠯᠠᠯᠭᠠ ᠪᠠᠷ ᠬᠠᠯᠬᠠ | ᠮᠣᠩᠭᠤᠯ ᠤᠨ ᠦᠷᠭᠡᠨ ᠨᠣᠳᠤᠭ ᠮᠦᠨ ᠲᠡᠭᠦᠨᠴᠢᠯᠡᠨ ᠢᠵᠢᠯ ᠤᠨ ᠲᠣᠷᠭᠤᠳ ᠨᠣᠶᠠᠳ ᠤᠨ ᠵᠠᠯᠠᠯᠭᠠ ᠪᠠᠷ ᠢᠵᠢᠯ | ᠵᠠᠢ ᠳᠠᠬᠢ ᠣᠶᠢᠷᠠᠳ ᠨᠣᠳᠤᠭ ᠲᠤ ᠬᠦᠷᠳᠡᠯᠡ ᠠᠶᠠᠯᠠᠨ ᠶᠠᠪᠣᠵᠦ᠂ ᠲᠦᠷᠪᠡᠨ ᠦᠢᠷᠠᠳ ᠤᠨ ᠨᠣᠶᠠᠳ ᠤᠨ | ᠬᠤᠭᠤᠷᠣᠨᠳᠣᠬᠢ ᠡᠪᠳᠡᠷᠡᠯ ᠤᠳ ᠢ ᠨᠠᠶᠢᠷᠡᠮᠳᠠᠭᠤᠯᠵᠦ᠂ ᠲᠦᠷᠪᠡᠨ ᠣᠶᠢᠷᠠᠳ ᠤᠨ ᠲᠦᠷᠦ ᠶᠢ ᠣᠯᠠᠮ ᠲᠣᠭᠳᠠᠭᠤᠨ | ᠬᠦᠴᠦᠳᠡᠢ ᠪᠣᠯᠭᠠᠬᠤ ᠶᠢᠨ ᠲᠦᠯᠦᠭᠡ ᠴᠠᠭ ᠦᠷᠭᠦᠯᠵᠢ ᠴᠢᠷᠮᠠᠶᠢᠨ ᠵᠢᠳᠬᠦᠵᠦ ᠪᠠᠶᠢᠪᠠ᠃ ᠵᠢᠱᠢᠶᠡᠯᠡᠪᠡᠯ᠄ ︽1656 | ᠣᠨ ᠳᠤ᠂ ᠣᠶᠢᠷᠠᠳ ᠤᠨ ᠨᠣᠶᠠᠳ ᠯᠣᠪᠰᠠᠩ᠂ ᠣᠶᠢᠵᠢᠳᠠᠪᠠ᠂ ᠲᠣᠭᠤᠯ ᠮᠡᠷᠭᠡᠨ ᠲᠠᠶᠢᠵᠢ ᠨᠠᠷ ᠬᠤᠭᠤᠷᠣᠨᠳᠦ ᠪᠠᠨ | ᠮᠠᠭᠤᠳᠠᠯᠴᠠᠭᠰᠠᠨ ᠢ ᠽᠠᠶᠠ ᠪᠠᠨᠳᠢᠳᠠ ᠣᠴᠢᠵᠦ ᠡᠪᠰᠡᠭᠦᠯᠵᠡᠢ᠂ ᠪᠠᠰᠠ 1657 ᠣᠨ ᠤ ᠵᠣᠨ ᠵᠡᠭᠦᠨᠭᠠᠷ ᠤᠨ | ᠨᠣᠶᠠᠳ ᠬᠤᠶᠠᠷ ᠠᠩᠬᠢ ᠪᠣᠯᠵᠦ᠂ ᠪᠠᠷᠠᠭᠤᠨ ᠭᠡᠰᠡᠭ ᠢ ᠨᠢ ᠰᠡᠴᠡᠨ ᠬᠠᠭᠠᠨ᠂ ᠵᠡᠬᠦᠨ ᠬᠡᠰᠡᠭ ᠢ ᠨᠢ ᠠᠪᠠᠯᠢ ᠪᠠᠷ | ᠲᠣᠯᠣᠭᠠᠶᠢᠯᠠᠭᠠᠳ ᠲᠣᠯᠣᠯᠳᠣᠬᠤ ᠪᠣᠯᠵᠦ ᠪᠠᠶᠢᠳᠠᠯᠠ ᠽᠠᠶᠠ ᠪᠠᠨᠳᠢᠳᠠ ᠣᠴᠢᠵᠦ ᠬᠤᠭᠤᠷᠣᠨᠳᠦ ᠨᠢ ᠡᠪᠰᠡᠭᠦᠯᠦᠭᠡᠳ | ᠪᠦᠭᠦᠨᠡ ᠭᠤᠣᠯ ᠳᠤ ᠡᠪᠣᠯᠵᠢᠵᠡᠢ︾ ︵︽ᠪᠠᠶᠠᠨᠭᠤᠣᠯ ᠤᠨ ᠰᠣᠶᠣᠯ ᠲᠡᠣᠭᠡ ᠶᠢᠨ ᠲᠣᠬᠠᠢ ᠮᠠᠲ᠋ᠧᠷᠢᠶᠡᠯ︾᠂ | ᠪᠠᠶᠠᠨᠭᠤᠣᠯ ᠤᠨ ᠰᠣᠨᠢᠨ ᠤ ᠬᠤᠷᠢᠶᠠ᠂ 1987 ᠣᠨ︶ ᠭᠡᠬᠦ ᠮᠠᠲ᠋ᠧᠷᠢᠶᠠᠯ ᠪᠠᠶᠢᠳᠠᠭ᠃ ᠵᠠᠷᠢᠮ ᠡᠷᠳᠡᠮᠳᠡᠳ ᠬᠠᠯᠬᠠ | ᠣᠶᠢᠷᠠᠳ ᠤᠨ ᠶᠡᠭᠡ ᠴᠠᠭᠠᠵᠠ ᠶᠢ ᠲᠣᠭᠳᠠᠭᠠᠬᠤ ᠳᠤ᠂ ᠽᠠᠶᠠ ᠪᠠᠨᠳᠢᠳᠠ ᠣᠷᠣᠯᠴᠠᠵᠦ ᠪᠣᠷᠬᠠᠨ ᠤ ᠱᠠᠰᠢᠨ ᠢ ᠣᠯᠣᠰ | ᠤᠨ ᠱᠠᠰᠢᠨ ᠪᠣᠯᠭᠠᠨ ᠲᠣᠭᠳᠠᠭᠠᠭᠰᠠᠨ ᠶᠠᠪᠣᠳᠠᠯ ᠨᠢ ᠽᠠᠶᠠ ᠪᠠᠨᠳᠢᠳᠠ ᠶᠢᠨ ᠭᠠᠪᠢᠶᠠ ᠵᠢᠳᠭᠦᠯ ᠭᠡᠵᠦ ᠦᠵᠡᠵᠦ ᠪᠣᠢ᠃ | ᠭᠡᠪᠡᠴᠦ ᠡᠭᠦᠨ ᠤ ᠲᠣᠬᠠᠢ ᠣᠨᠣᠪᠴᠢᠳᠠᠢ ᠮᠠᠲ᠋ᠧᠷᠢᠶᠠᠯ ᠣᠯᠳᠠᠭᠠ ᠦᠬᠡᠢ ᠣᠴᠢᠷ ᠠᠴᠠ ᠠᠳᠡ ᠵᠦᠪᠭᠡᠨ ᠴᠣᠬᠤᠰ | ᠲᠣᠷᠠᠳᠣᠶᠠ᠃ | ᠽᠠᠶᠠ ᠪᠠᠨᠳᠢᠳᠠ ᠲᠠᠯᠠᠢ ᠯᠠᠮᠠ᠂ ᠪᠠᠨᠴᠢᠨ ᠡᠷᠳᠡᠨᠢ ᠶᠢᠨ ᠢᠳᠡᠭᠡᠯ ᠨᠠᠶᠢᠳᠠᠪᠤᠷᠢ ᠶᠢ ᠬᠦᠰᠡᠷᠳᠡᠭᠦᠯᠦᠭᠰᠡᠨ ᠦᠭᠡᠢ ᠪᠠᠷ | ᠰᠢᠷᠤᠢ ᠪᠠᠷᠰ ᠵᠢᠯ ︵1638 ᠤᠨ︶ ᠠᠴᠠ ᠤᠰᠤᠨ ᠪᠠᠷᠰ ᠵᠢᠯ ︵1662 ᠤᠨ︶ ᠬᠦᠷᠳᠡᠯᠡᠬᠢ ᠬᠤᠷᠢᠨ | ᠲᠦᠷᠪᠡᠨ ᠵᠢᠯ ᠤᠨ ᠬᠤᠭᠤᠴᠠᠭᠠᠨ ᠳᠤ᠂ ᠠᠶᠠᠨ ᠵᠠᠮ ᠤᠨ ᠠᠯᠵᠢᠶᠠᠯ ᠵᠦᠳᠡᠷᠡᠯ ᠢ ᠲᠡᠪᠴᠢᠨ᠂ ᠵᠡᠭᠦᠨᠰᠢ ᠬᠦᠬᠡᠨᠠᠭᠤᠷ | ᠠᠴᠠ ᠡᠬᠢᠯᠡᠨ᠂ ᠪᠠᠷᠠᠭᠤᠨᠰᠢ ᠦᠷᠡᠯ ᠭᠤᠤᠯ᠂ ᠡᠮᠦᠨᠡᠰᠢ ᠵᠤᠯᠲᠤᠰ᠂ ᠬᠤᠶᠢᠰᠢ ᠡᠷᠴᠢᠰ ᠬᠦᠷᠴᠦ᠂ ᠲᠦᠷᠪᠡᠨ | ᠤᠶᠢᠷᠠᠳ ᠤᠨ ᠭᠠᠵᠠᠷ ᠪᠤᠯᠭᠠᠨ ᠢᠶᠠᠷ ᠶᠠᠪᠤᠵᠦ᠂ ᠲᠡᠭᠦᠨᠴᠢᠯᠡᠨ ᠬᠠᠯᠬᠠ ᠳᠤ ᠪᠠᠰᠠ ᠬᠦᠷᠪᠡ 【31】᠃ | ᠽᠠᠶᠠ ᠪᠠᠨᠳᠢᠳᠠ 1662 ᠤᠨ ᠤ ᠨᠠᠮᠤᠷ᠂ ᠤᠶᠢᠷᠠᠳ ᠨᠤᠳᠤᠭ ᠠᠴᠠ ᠲᠦᠪᠡᠳ ᠲᠤ ᠤᠴᠢᠬᠤ ᠵᠠᠮ ᠤᠨ ᠵᠠᠭᠤᠷᠠ | ᠡᠪᠡᠳᠴᠦ ᠨᠠᠰᠤ ᠪᠠᠷᠠᠭᠰᠠᠨ ᠪᠠᠶᠢᠨᠠ 【32】᠃ | ᠵᠢᠷᠭᠤᠭᠠ᠂ ᠽᠠᠶᠠ ᠪᠠᠨᠳᠢᠳᠠ ᠶᠢᠨ ᠭᠠᠪᠢᠶᠠ ᠵᠢᠳᠭᠦᠯ | ᠽᠠᠶᠠ ᠪᠠᠨᠳᠢᠳᠠ ᠪᠣᠯ ᠤᠶᠢᠷᠠᠳ ᠮᠤᠩᠭᠤᠯ ᠤᠨ ᠲᠦᠷᠦ ᠱᠠᠰᠢᠨ ᠤ ᠶᠡᠭᠡ ᠪᠠᠭᠰᠢ᠂ ᠬᠤᠯᠪᠤᠵᠦ ᠨᠠᠶᠢᠷᠠᠭᠤᠯᠬᠤ ᠳᠤ | ᠪᠠᠨ ᠠᠪᠢᠶᠠᠰ ᠲᠠᠢ ᠢᠷᠠᠭᠤ ᠨᠠᠶᠢᠷᠠᠭᠴᠢ᠂ ᠠᠯᠳᠠᠷᠲᠦ ᠤᠷᠴᠢᠭᠤᠯᠤᠭᠴᠢ ᠪᠦᠭᠡᠳ ᠮᠤᠩᠭᠤᠯᠴᠤᠳ ᠤᠨ ᠰᠤᠶᠤᠨ | ᠬᠡᠶᠢᠬᠦᠯᠦᠭᠴᠢ᠂ ᠪᠤᠷᠬᠠᠨ ᠤ ᠱᠠᠰᠢᠨ ᠪᠠ ᠲᠦᠪᠡᠳ᠂ ᠮᠤᠩᠭᠤᠯ ᠤᠨ ᠬᠠᠷᠢᠯᠴᠠᠭᠠᠨ ᠤ ᠭᠠᠪᠢᠶᠠᠲᠠᠨ᠂ ᠤᠶᠢᠷᠠᠳ | ᠮᠤᠩᠭᠤᠯᠴᠤᠳ ᠲᠤ ᠲᠤᠲᠦ ᠦᠰᠦᠭ ᠢ ᠵᠤᠬᠢᠶᠠᠨ ᠦᠯᠡᠳᠡᠭᠡᠭᠰᠡᠨ ᠬᠡᠯᠡᠨ ᠤ ᠡᠷᠳᠡᠮᠳᠡᠨ᠂ ᠮᠤᠩᠭᠤᠯ ᠤᠨ ᠠᠯᠳᠠᠷᠲᠦ | ᠰᠤᠶᠤᠯ ᠤᠨ ᠵᠢᠳᠬᠦᠯᠲᠡᠨ᠂ ᠤᠶᠢᠷᠠᠳ ᠮᠤᠩᠭᠤᠯ ᠤᠨ ᠲᠤᠳᠤᠭᠠᠲᠦ ᠶᠢᠨ ᠬᠢᠮᠤᠷᠠᠯ ᠢ ᠡᠪᠰᠡᠬᠦᠯᠵᠦ ᠶᠠᠪᠤᠭᠰᠠᠨ | ᠤᠯᠤᠰ ᠲᠦᠷᠦ ᠶᠢᠨ ᠭᠦᠨ ᠪᠤᠳᠤᠯᠭᠠᠲᠠᠨ ᠪᠤᠯᠬᠤ ᠶᠤᠮ᠃ ᠲᠤᠤᠷᠠ ᠭᠤᠤᠯ ᠨᠢ ᠲᠡᠬᠦᠨ ᠤ ᠰᠤᠶᠤᠯ ᠪᠠ ᠤᠯᠤᠰ | ᠲᠦᠷᠦ ᠶᠢᠨ ᠲᠠᠯᠠ ᠪᠠᠷ ᠲᠦᠪᠡᠳ ᠮᠤᠩᠭᠤᠯ ᠤᠨ ᠬᠠᠷᠢᠴᠠᠭᠠᠨ ᠳᠤ ᠦᠵᠡᠭᠦᠯᠦᠭᠰᠡᠨ ᠭᠠᠪᠢᠶᠠ ᠵᠢᠳᠬᠦᠯ ᠢ ᠨᠢ | ᠲᠤᠭᠠᠴᠠᠨᠠ᠃ ᠽᠠᠶᠠ ᠪᠠᠨᠳᠢᠳᠠ 1650--1662 ᠤᠨ ᠤ ᠬᠤᠭᠤᠷᠤᠨᠲᠦ ᠰᠢᠷᠭᠠᠭᠠᠤ ᠠᠵᠢᠯᠯᠠᠵᠦ ᠲᠦᠪᠡᠳ | ᠬᠡᠯᠡᠨ ᠠᠴᠠ ᠵᠠᠭᠤ ᠲᠠᠯᠠ ᠭᠠᠷᠤᠢ ᠨᠤᠮ ᠤᠷᠴᠢᠭᠤᠯᠵᠠᠢ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ᠂ ᠲᠦᠪᠡᠳ ᠬᠡᠯᠡᠨ ᠠᠴᠠ | ᠬᠠᠮᠤᠭ ᠤᠨ ᠲᠡᠷᠢᠬᠦᠨ ᠳᠤ ︽ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠲᠦᠷᠪᠡᠨ ᠦᠨᠲᠦᠰᠦ︾ ᠶᠢ ᠮᠤᠩᠭᠤᠯ ᠬᠡᠯᠡᠨ ᠲᠡᠭᠡᠷᠡ | ᠲᠤᠳᠤ ᠦᠰᠦᠭ ᠢᠶᠠᠷ ᠤᠷᠴᠢᠭᠤᠯᠤᠭᠰᠠᠨ ᠪᠠᠶᠢᠨᠠ 【33】᠃ ᠲᠠᠷᠡ ᠪᠠᠰᠠ ᠲᠦᠪᠡᠳ ᠬᠡᠯᠡ ᠪᠠᠷ ᠡᠲᠦᠢ | ᠲᠡᠳᠤᠢ ᠵᠤᠬᠢᠶᠠᠯ ᠪᠦᠳᠦᠭᠡᠪᠡ ᠭᠡᠰᠡᠨ ᠰᠤᠷᠠᠭ ᠲᠠᠢ᠃ ᠡᠶᠢᠮᠦ ᠠᠴᠠ ᠽᠠᠶᠠ ᠪᠠᠨᠳᠢᠳᠠ ᠪᠣᠯ ᠲᠦᠪᠡᠳ ᠮᠤᠩᠭᠤᠯ ᠤᠨ | ᠰᠤᠶᠤᠯ ᠤᠨ ᠬᠠᠷᠢᠴᠠᠭᠠ ᠶᠢ ᠠᠬᠢᠭᠤᠯᠤᠭᠴᠢ ᠮᠥᠨ᠃ ᠽᠠᠶᠠ ᠪᠠᠨᠳᠢᠳᠠ ᠦᠪᠡᠷ ᠤᠨ ᠤᠯᠤᠰ ᠲᠦᠷᠦ᠂ ᠱᠠᠰᠢᠨ ᠤ | ᠪᠠᠶᠢᠷᠢ ᠰᠠᠭᠤᠷᠢ ᠪᠠᠨ ᠬᠦᠢᠴᠡᠳ ᠠᠰᠢᠭᠯᠠᠨ ᠤᠶᠢᠷᠠᠳ ᠤᠨ ᠨᠡᠶᠢᠭᠡᠮ ᠢ ᠨᠦᠯᠦᠭᠡᠯᠡᠵᠦ ᠪᠠᠶᠢᠵᠠᠢ᠃ ᠲᠡᠷᠡ | ᠬᠡᠳᠦᠶᠢᠪᠡᠷ ᠬᠠᠷᠠᠴᠦ ᠠᠷᠠᠳ ᠤᠨ ᠭᠡᠷ ᠲᠤ ᠲᠦᠷᠦᠭᠰᠡᠨ ᠪᠤᠯᠪᠠᠴᠦ ᠹᠸᠥᠳᠠᠯ ᠤᠨ ᠲᠤᠮᠤ ᠨᠤᠶᠠᠠ ᠳᠤ ᠦᠷᠡᠴᠢᠯᠡᠭᠳᠡᠨ | ᠂ ᠲᠦᠪᠡᠳ ᠤᠨ ᠲᠠᠯᠠᠢ ᠯᠠᠮᠠ᠂ ᠪᠠᠨᠴᠢᠨ ᠡᠷᠳᠡᠨᠢ ᠠᠴᠠ ᠴᠤᠯᠠ ᠡᠷᠭᠦᠮᠵᠢ ᠬᠦᠷᠳᠡᠵᠦ᠂ ᠱᠠᠰᠢᠨ ᠨᠤᠮ ᠳᠤ | ᠨᠡᠪᠲᠡᠷᠡᠭᠰᠡᠨ ᠲᠤᠯᠠ ᠤᠶᠢᠷᠠᠳ ᠤᠨ ᠬᠦᠨᠲᠦᠳᠭᠡᠯ ᠢ ᠤᠯᠵᠦ ᠪᠠᠶᠢᠭᠰᠠᠨ ᠠᠴᠠ ᠪᠦᠬᠦᠶᠢᠯᠡ ᠤᠶᠢᠷᠠᠳ ᠤᠨ ᠱᠠᠰᠢᠨ | ᠱᠤᠷᠳᠠᠬᠤᠨ᠂ ᠠᠵᠦ ᠠᠬᠤᠢ᠂ ᠤᠯᠤᠰ ᠲᠦᠷᠦ ᠶᠢᠨ ᠭᠡᠷᠡᠭ ᠲᠤ ᠢᠳᠡᠪᠬᠢᠲᠠᠢ ᠪᠠᠷ ᠤᠷᠤᠯᠴᠠᠵᠦ ᠪᠠᠶᠢᠵᠠᠢ᠃ ᠽᠠᠶᠠ | ᠪᠠᠨᠳᠢᠳᠠ ᠲᠦᠪᠡᠳ ᠮᠤᠩᠭᠤᠯ ᠤᠨ ᠬᠤᠭᠤᠷᠤᠨᠳᠤᠬᠢ ᠵᠦᠷᠢᠴᠡᠯ ᠮᠦᠷᠭᠦᠯᠲᠦᠭᠡᠨ ᠢ ᠡᠶᠡᠳᠡᠭᠦᠯᠬᠦ᠂ ᠮᠤᠩᠭᠤᠯ ᠤᠨ | ᠲᠤᠳᠤᠭᠠᠲᠦ ᠶᠢᠨ ᠡᠪᠳᠡᠷᠡᠯ ᠰᠠᠮᠠᠭᠤᠷᠠᠯ ᠢ ᠡᠪᠰᠡᠭᠦᠯᠬᠦ ᠠᠵᠢᠯ ᠢ ᠬᠢᠵᠦ᠂ ᠤᠶᠢᠷᠠᠳ ᠤᠨ ᠠᠷᠠᠳ ᠲᠦᠮᠡᠨ ᠢ ᠲᠠᠶᠢᠨ | ᠳᠠᠵᠢᠨ ᠤ ᠭᠠᠯ ᠤᠰᠤᠨ ᠤ ᠭᠠᠰᠢᠭᠤᠨ ᠵᠤᠪᠠᠯᠠᠩ ᠠᠴᠠ ᠠᠪᠤᠷᠠᠵᠦ ᠴᠢᠳᠠᠭᠰᠠᠨ ᠪᠠᠶᠢᠨᠠ᠃ ᠽᠠᠶᠠ ᠪᠠᠨᠳᠢᠳᠠ | ᠤᠶᠢᠷᠠᠳ ᠤᠨ ᠨᠢᠭᠡᠲᠦᠭᠰᠡᠨ ᠲᠦᠷᠦ ᠬᠦᠷᠦᠨ ᠢ ᠪᠠᠬᠢᠵᠢᠬᠦᠯᠬᠦ ᠳᠤ ᠵᠤᠬᠢᠬᠤ ᠵᠢᠳᠬᠦᠯ ᠢᠶᠠᠨ ᠦᠵᠡᠭᠦᠯᠦᠭᠰᠡᠨ ᠶᠤᠮ᠃ | ᠤᠯᠠᠨ ᠤ ᠮᠡᠳᠡᠬᠡᠵᠢ ᠪᠠᠷ 1648 ᠤᠨ ᠳᠤ ᠲᠡᠷᠡ ᠮᠤᠩᠭᠤᠯ ᠦᠰᠦᠭ ᠢ ᠵᠠᠰᠠᠪᠤᠷᠢᠯᠠᠨ ︽ᠲᠤᠲᠦ ᠦᠰᠦᠭ︾ ᠢ | ᠵᠤᠬᠢᠶᠠᠵᠠᠢ᠃ ᠡᠨᠡᠬᠦ ᠦᠰᠦᠭ ᠢ ᠵᠤᠬᠢᠶᠠᠭᠰᠠᠨ ᠨᠢ ᠤᠶᠢᠷᠠᠳ ᠤᠨ ᠨᠢᠭᠡᠲᠦᠭᠰᠡᠨ ᠲᠦᠷᠦ ᠳᠤ ᠦᠢᠯᠡᠴᠢᠯᠡᠬᠦᠯᠬᠦ ᠭᠡᠰᠡᠨ | ᠤᠯᠤᠰ ᠲᠦᠷᠦ ᠶᠢᠨ ᠵᠤᠷᠢᠯᠭᠠ ᠠᠴᠠ ᠪᠤᠯᠤᠭᠰᠡᠨ ᠪᠠᠶᠢᠬᠠ᠃ ᠬᠤᠷᠢᠶᠠᠩᠭᠤᠶᠢᠯᠠᠪᠠᠯ᠂ ᠽᠠᠶᠠ ᠪᠠᠨᠳᠢᠳᠠ ᠮᠣᠩᠭᠤᠯ | ᠪᠢᠴᠢᠭ ᠰᠣᠶᠣᠯ ᠤᠨ ᠬᠦᠭᠵᠢᠯᠳᠡ ᠳᠤ ᠣᠶᠣᠨ ᠬᠦᠴᠦᠨ ᠢᠶᠠᠨ ᠡᠷᠭᠦᠵᠦ᠂ ᠬᠡᠯᠡ ᠪᠢᠴᠢᠭ ︵ᠲᠠᠭᠤᠨ ᠣᠬᠠᠭᠠᠨ︶᠂ | ᠲᠦᠪᠡᠳ ᠰᠠᠨᠰᠺᠷᠢᠲ ᠬᠡᠯᠡ᠂ ᠬᠡᠯᠡ ᠵᠦᠢ᠂ ᠠᠪᠢᠶᠠᠨ ᠵᠦᠢ᠂ ᠬᠡᠯᠡ ᠰᠢᠨᠵᠢᠯᠡᠯ᠂ ᠱᠠᠰᠢᠨ ᠤ ᠰᠣᠳᠣᠷ᠂ ᠵᠠᠷᠯᠢᠭ᠂ | ᠱᠠᠰᠢᠨ ᠲᠡᠯᠭᠡᠷᠡᠭᠰᠡᠨ ᠲᠡᠣᠭᠡ᠂ ᠣᠷᠠᠨ ᠵᠣᠬᠢᠶᠠᠯ ᠤᠨ ᠣᠨᠣᠯ᠂ ᠲᠦᠪᠡᠳ ᠬᠡᠯᠡ ᠶᠢ ᠮᠣᠩᠭᠤᠯᠴᠢᠯᠠᠬᠤ ᠣᠨᠣᠯ | ᠪᠣᠯᠣᠨ ᠦᠢᠯᠡᠳᠣᠯᠬᠡ ᠶᠢ ᠰᠠᠶᠢᠳᠣᠷ ᠬᠢᠭᠰᠡᠨ ᠪᠠᠶᠢᠨᠠ᠃ ᠲᠡᠷᠡ ᠬᠤᠱᠤᠳ ᠤᠶᠢᠷᠠᠳ ᠤᠨ ᠲᠡᠥᠭᠡᠨ ᠲᠡᠭᠡᠷᠡᠬᠢ ᠨᠡᠷᠡ | ᠴᠤᠤᠲᠦ ᠬᠦᠮᠦᠨ ᠪᠤᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠴᠢᠨᠠᠭᠰᠢᠲᠠ ᠪᠠᠨ ᠮᠤᠩᠭᠤᠯ ᠦᠨᠲᠦᠰᠦᠲᠡᠨ ᠤ ᠰᠤᠶᠤᠯ ᠭᠡᠭᠡᠷᠡᠯ᠂ | ᠪᠠᠳᠠᠷᠠᠯ ᠬᠦᠭᠵᠢᠯ ᠳᠤ ᠴᠢᠬᠤᠯᠠ ᠭᠠᠪᠢᠶᠠ ᠵᠢᠳᠭᠦᠯ ᠦᠵᠡᠭᠦᠯᠦᠭᠰᠡᠨ ᠬᠦᠭᠡ ᠲᠦᠷᠦ ᠶᠢᠨ ᠭᠦᠲᠦᠴᠢ ᠪᠠᠶᠢᠭᠰᠠᠨ | ᠶᠤᠮ᠃ | ᠵᠡᠭᠦᠯᠲᠡ᠄ | 【1】【3】【12】 ︽ᠮᠤᠩᠭᠤᠯ ᠰᠤᠳᠤᠯᠤᠯ ᠤᠨ ᠨᠡᠪᠲᠡᠷᠭᠡᠢ ᠲᠤᠯᠢ︾ ᠱᠠᠰᠢᠨ ᠰᠤᠷᠲᠠᠬᠤᠨ᠂ ᠦᠪᠦᠷ | ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ᠂ 2007 ᠤᠨ 712᠂ 161᠂ 144 ᠳ᠋ᠤᠭᠠᠷ ᠨᠢᠭᠤᠷ | 【2】 张怡荪主编:《藏汉大辞典》· 民族出版社᠂ | 1985年·第2331页 | 【4】【14】【16】【17】【31】 ᠯᠤᠷᠠ᠂ ᠲᠠᠷᠢᠮᠠ᠂ ᠬᠡᠷᠡᠯᠮᠠ ᠬᠤᠳᠤᠮᠴᠢᠯᠠᠪᠠ᠂ ︽ | ᠤᠶᠢᠷᠠᠳ ᠮᠤᠩᠭᠤᠯ ᠤᠨ ᠲᠤᠪᠴᠢ ᠲᠡᠥᠭᠡ︾ ︵ᠲᠡᠭᠡᠲᠦ ᠳᠡᠪᠲᠡᠷ︶᠂ ᠰᠢᠨᠵᠢᠶᠠᠩ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ | ᠬᠤᠷᠢᠶᠠ᠂ 2000 ᠤᠨ᠂ 100᠂ 97᠂ 99 ᠳ᠋ᠤᠭᠡᠷ ᠨᠢᠭᠤᠷ ᠲᠤ | 【5】【6】 【8】【9】【10】【11】【19】【23】 ᠷᠠᠳᠨᠠᠪᠠᠾ ᠷᠠ ᠵᠣᠬᠢᠶᠠᠵᠦ᠂ | ᠰᠢ᠊ · ᠨᠣᠷᠪᠤ ᠲᠣᠯᠭᠠᠨ ᠬᠠᠷᠢᠴᠠᠭᠤᠯᠵᠦ ᠲᠠᠶᠢᠯᠪᠣᠷᠢᠯᠠᠭᠰᠠᠨ᠄ 《 ᠽᠠᠶᠠ ᠪᠠᠨᠳᠢᠳᠠ 》 ᠦᠪᠦᠷ ᠮᠣᠩᠭᠤᠯ ᠤᠨ | ᠠᠷᠠᠳ ᠤᠨ ᠭᠡᠪᠯᠡᠯ ᠤᠨ ᠬᠤᠷᠢᠶᠠ᠂ 1990 ᠣᠨ᠂ 17᠂ 2᠂ 14᠂ 15᠂ 2᠂ 16 ᠨᠢᠭᠤᠷ ᠲᠤ | 【7】 ︽ᠤᠶᠢᠷᠠᠳ ᠮᠤᠩᠭᠤᠯ ᠤᠨ ᠲᠡᠥᠬᠡ ᠰᠤᠶᠤᠯ ᠤᠨ ᠰᠤᠳᠤᠯᠤᠯ︾᠂ ᠦᠨᠲᠦᠰᠦᠲᠡᠨ ᠤ ᠬᠡᠪᠯᠡᠯ ᠤᠨ | ᠬᠤᠷᠢᠶᠠ᠂ 2007 ᠤᠨ᠂ 139 ᠳ᠋ᠤᠭᠡᠷ ᠨᠢᠭᠤᠷ ᠲᠤ | 【13】【15】 ︽ᠤᠶᠢᠷᠠᠳ ᠲᠤ ᠰᠢᠷᠠ ᠶᠢᠨ ᠱᠠᠰᠢᠨ ᠲᠡᠯᠭᠡᠷᠡᠭᠰᠡᠨ ᠲᠤᠬᠠᠢ︾᠂ ᠬᠡ᠊᠂ ᠯᠢᠵᠠᠢ᠂ ᠰ᠊᠂ | ᠱᠠᠩ ᠴᠢᠩ᠄ ︽ᠭᠡᠯᠡ ᠪᠠ ᠤᠷᠴᠢᠭᠤᠯᠭᠠ︾᠂ 1989 ᠤᠨ ᠤ 1 ᠳ᠋ᠤᠭᠡᠷ ᠬᠤᠭᠤᠴᠠᠭᠠ 49--50᠂ 51 | ᠨᠢᠭᠤᠷ ᠲᠤ | 【18】【22】【25】 ᠮᠢᠩᠭᠠᠳ᠂ ᠡᠷᠳᠡᠮᠲᠦ᠄ ︽ᠷᠠᠪᠵᠠᠮᠪᠠ ᠽᠠᠶᠠ ᠪᠠᠨᠳᠢᠳᠠ ᠨᠠᠮᠬᠠᠶᠢᠵᠠᠮᠰᠦ ᠶᠢᠨ | ᠰᠤᠳᠤᠯᠤᠯ︾ ᠲᠦᠪ ᠤᠨ ᠦᠨᠳᠦᠰᠦᠲᠡᠨ ᠤ ᠲᠡᠭᠡᠲᠦ ᠰᠤᠷᠭᠠᠭᠤᠯᠢ ᠶᠢᠨ ᠳ᠋ᠤᠺᠲ᠋ᠤᠷ ᠴᠤᠯᠠ ᠬᠠᠮᠠᠭᠠᠯᠠᠬᠤ ᠦᠬᠦᠯᠡᠯ | 2005 ᠤᠨ᠂ ᠪᠡᠭᠡᠵᠢᠩ ᠳᠤ᠂ 44᠂ 39 ᠳ᠋ᠤᠭᠡᠷ ᠨᠢᠭᠤᠷ | 【20】【26】【29】 ᠰᠠᠷᠠᠩᠭᠡᠷᠡᠯ᠄ ︽ᠽᠠᠶᠠ ᠪᠠᠨᠳᠢᠳᠠ ᠤᠶᠢᠷᠠᠳ ᠨᠤᠳᠤᠭ ᠲᠠᠭᠠᠨ ᠪᠤᠴᠠᠭᠰᠠᠨ | ᠰᠢᠯᠲᠠᠭᠠᠨ ᠪᠠ ᠬᠦᠥᠰᠢ ᠬᠠᠭᠠᠨ ᠯᠤᠭᠠ ᠶᠢᠨ ᠬᠠᠷᠢᠴᠠᠭᠠ︾᠂ ︽ᠤᠶᠢᠷᠠᠳ ᠮᠤᠩᠭᠤᠯ ᠤᠨ ᠲᠡᠥᠬᠡ ᠰᠤᠶᠤᠯ ᠤᠨ | ᠰᠤᠳᠤᠯᠤᠯ︾᠂ ᠦᠨᠲᠦᠰᠦᠲᠡᠨ ᠤ ᠬᠡᠪᠯᠡᠯ ᠤᠨ ᠬᠤᠷᠢᠶᠠ᠂ 2007 ᠤᠨ᠂ 145 ᠳ᠋ᠤᠭᠠᠷ ᠨᠢᠭᠤᠷ | 【21】【28】 ᠪᠤᠷᠵᠢᠬᠢᠳᠠᠢ ᠤᠶᠤᠨᠪᠢᠯᠢᠭ᠌᠄ ︽ᠬᠤᠱᠤᠳ ᠲᠤᠪᠴᠢᠶᠠᠨ︾᠂ ᠦᠪᠦᠷ ᠮᠤᠩᠭᠤᠯ ᠤᠨ | ᠰᠤᠶᠤᠯ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ᠂ 1991 ᠤᠨ᠂ ᠬᠠᠶᠢᠯᠠᠷ ᠲᠤ᠂ 99 ᠳ᠋ᠤᠭᠡᠷ ᠨᠢᠭᠤᠷ | 【24】 《西藏王臣记》,第五世达赖喇嘛著,郭和卿译 | ,民族出版社,1983年,北京,176页》 | 【27】 ᠴ᠊᠂ ᠬᠡᠰᠢᠭᠳᠦᠭ᠌ᠳᠠᠬᠤ᠄ ︽ᠮᠤᠩᠭᠤᠯ ᠤᠨ ᠡᠷᠲᠡᠨ ᠤ ᠤᠷᠠᠨ ᠵᠤᠬᠢᠶᠠᠯ ᠤᠨ ᠰᠢᠨᠡ ᠰᠤᠳᠤᠯᠤᠯ︾᠂ | ᠦᠪᠦᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ᠂ 1998 ᠤᠨ᠂ ᠬᠦᠬᠡᠬᠤᠲᠠ ᠳᠤ᠂ 239 ᠳ᠋ᠤᠭᠡᠷ | ᠨᠢᠭᠤᠷ | 【30】 ᠨᠠ᠊᠂ ᠠᠯᠲᠠᠨᠱᠠ ᠨᠠᠶᠢᠷᠠᠭᠤᠯᠤᠨ ᠵᠤᠬᠢᠶᠠᠵᠦ᠂ ᠬᠦ᠊᠂ ᠳ᠋ᠤᠷᠪᠠ ᠬᠢᠨᠠᠨ ᠲᠤᠭᠳᠠᠭᠠᠭᠰᠠᠨ᠄ ︽ᠤᠶᠢᠷᠠᠠᠳ | ᠤᠨ ᠲᠡᠥᠬᠡᠨ ᠳᠠᠬᠢ ᠨᠡᠷᠡᠲᠦ ᠬᠦᠮᠦᠰ︾᠂ ᠰᠢᠨᠵᠢᠶᠠᠩ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ᠂ 1995 ᠤᠨ | 138 ᠳ᠋ᠤᠭᠠᠷ ᠨᠢᠭᠤᠷ | 【32】 ᠴ᠊᠂ ᠳᠠᠮᠳᠢᠨᠰᠦᠷᠦ᠋ᠩ᠂ ᠳ᠋᠊᠂ ᠴᠠᠩᠲᠦ ᠶᠢᠨ ︽ᠮᠤᠩᠭᠤᠯ ᠤᠷᠠᠨ ᠵᠤᠬᠢᠶᠠᠯ ᠤᠨ ᠲᠤᠶᠢᠮᠦ︾ ᠲᠡᠭᠡᠲᠦ | ᠲᠡᠪᠲᠡᠷ᠂ ᠦᠪᠦᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠭᠡᠪᠯᠡᠯ ᠤᠨ ᠬᠤᠷᠢᠶᠠ᠂ 1982 ᠤᠨ 494 ᠳ᠋ᠤᠭᠡᠷ ᠨᠢᠭᠤᠷ ᠲᠤ | 【33】 ︽ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠲᠤᠪᠴᠢ ᠲᠡᠥᠬᠡ︾᠂ ᠦᠪᠦᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ | ᠤᠨ ᠬᠤᠷᠢᠶᠠ᠂ 1985 ᠤᠨ ᠤ ᠬᠢᠳᠠᠳ ᠬᠡᠪᠯᠡᠯ ᠤᠨ 194 ᠳ᠋ᠤᠭᠡᠷ ᠨᠢᠭᠤᠷ ᠲᠤ | ᠠᠰᠢᠭᠯᠠᠭᠰᠠᠨ ᠨᠤᠮ ᠮᠠᠲ᠋ᠧᠷᠢᠶᠠᠯ᠄ | 1· ᠴ᠊᠂ ᠳᠠᠮᠳᠢᠨᠰᠦᠷᠦ᠋ᠩ᠂ ᠳ᠋᠊᠂ ᠴᠡᠩᠲᠦ ︽ᠮᠤᠩᠭᠤᠯ ᠤᠷᠠᠨ ᠵᠤᠬᠢᠶᠠᠯ ᠤᠨ ᠲᠤᠶᠢᠮᠦ︾᠂ ᠦᠪᠦᠷ ᠮᠤᠩᠭᠤᠯ | ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ᠂ 1982 ᠤᠨ | 2· ᠪᠤ᠂ ᠮᠦᠩᠬᠡ ︽ᠤᠶᠢᠷᠠᠳ ᠮᠤᠩᠭᠤᠯ ᠤᠨ ᠤᠳᠬᠠ ᠵᠤᠬᠢᠶᠠᠯ ᠤᠨ ᠰᠤᠳᠤᠯᠤᠯ︾᠂ ᠦᠨᠳᠦᠰᠦᠲᠡᠨ ᠤ | ᠬᠡᠪᠯᠡᠯ ᠤᠨ ᠬᠤᠷᠢᠶᠠ 2007 ᠤᠨ | 3· ᠪ᠊᠂ ᠭᠡᠷᠡᠯᠲᠦ ︽ᠮᠤᠩᠭᠤᠯ ᠵᠤᠬᠢᠶᠠᠯ ᠤᠨ ᠤᠨᠤᠯ ᠦᠭᠦᠯᠡᠬᠦᠢ ᠶᠢᠨ ᠦᠪ ᠱᠦᠭᠦᠯᠲᠡ︾᠂ ᠦᠪᠦᠷ | ᠮᠤᠩᠭᠤᠯ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ | 4· 乌云毕力格、 白拉都格其编著 《 蒙古史纲要 》内 | 蒙古人民出版社 2007年 | 5· ᠪᠠᠳᠠᠢ᠂ ᠠᠯᠲᠠᠨ ᠤᠷᠬᠢᠯ᠂ ᠡᠷᠳᠡᠨᠢ ︽ᠤᠶᠢᠷᠠᠳ ᠲᠡᠥᠬᠡ ᠶᠢᠨ ᠰᠤᠷᠪᠤᠯᠵᠢ ᠪᠢᠴᠢᠭ︾᠂ ᠦᠪᠦᠷ ᠮᠤᠩᠭᠤᠯ | ᠤᠨ ᠰᠤᠶᠤᠯ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ | 6· ᠷᠠᠳᠨᠠᠪᠠᠾ ᠷᠠ ᠵᠣᠬᠢᠶᠠᠵᠦ᠂ ᠰᠢ᠊ · ᠨᠣᠷᠪᠤ ᠲᠣᠯᠭᠠᠨ ᠬᠠᠷᠢᠴᠠᠭᠤᠯᠵᠦ ᠲᠠᠶᠢᠯᠪᠣᠷᠢᠯᠠᠭᠰᠠᠨ᠄ 《 ᠽᠠᠶᠠ | ᠪᠠᠨᠳᠢᠳᠠ 》᠂ ᠦᠪᠦᠷ ᠮᠣᠩᠭᠤᠯ ᠤᠨ ᠠᠷᠠᠳ ᠤᠨ ᠭᠡᠪᠯᠡᠯ ᠤᠨ ᠬᠤᠷᠢᠶᠠ᠂ 1990 | 7· ᠲᠣ ᠪᠠᠳᠮᠠ᠄ ︽ᠲᠣᠮᠳᠠᠳᠣ ᠵᠠᠭᠤᠨ ᠤ ᠦᠶᠡ ᠶᠢᠨ ᠣᠶᠢᠷᠠᠳ ᠤᠨ ᠠᠯᠳᠠᠷᠳᠦ ᠡᠷᠳᠡᠮᠳᠡᠨ ᠽᠠᠶᠠ ᠪᠠᠨᠳᠢᠳᠠ | ᠨᠠᠮᠬᠠᠶᠢᠵᠠᠮᠰᠦ ᠶᠢᠨ ᠲᠣᠬᠠᠢ︾᠂ ︽ᠦᠷ ᠤᠨ ᠴᠣᠯᠮᠣᠨ︾᠂ 1988 ᠣᠨ ᠤ 12 ᠳ᠋ᠣᠭᠠᠷ ᠬᠤᠭᠤᠴᠠᠭᠠ | 8· ᠪᠡ᠊ · ᠭᠡᠷᠡᠯᠳᠦ᠄ ︽ᠮᠣᠩᠭᠤᠯ ᠵᠣᠬᠢᠶᠠᠯ ᠤᠨ ᠣᠨᠣᠯ ᠦᠬᠦᠯᠡᠭᠦᠢ ᠶᠢᠨ ᠦᠪ ᠱᠦᠭᠦᠯᠳᠡ︾᠂ ᠦᠪᠦᠷ | ᠮᠣᠩᠭᠤᠯ ᠤᠨ ᠶᠡᠭᠡ ᠰᠣᠷᠭᠠᠭᠤᠯᠢ ᠶᠢᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ᠂ 2003 ᠣᠨ | 9· ᠠᠯᠳ᠋ᠬᠠᠣᠷᠬᠢᠯ ᠳ᠋ᠠᠮᠪᠢᠫᠧᠯᠵᠢᠳ ᠰᠣᠩᠭᠤᠨ ᠨᠠᠶᠢᠷᠠᠭᠤᠯᠣᠭᠰᠠᠨ᠄ ︽ᠣᠶᠢᠷᠠᠳ ᠲᠡᠣᠭᠡ ᠶᠢᠨ ᠰᠣᠳᠣᠯᠣᠯ ᠤᠨ | ᠦᠬᠦᠯᠡᠯ ᠤᠨ ᠲᠡᠭᠦᠪᠣᠷᠢ︾᠂ ᠰᠢᠨᠵᠢᠶᠡᠩ ᠤᠨ ᠠᠷᠠᠳ ᠤᠨ ᠭᠡᠪᠯᠡᠯ ᠤᠨ ᠬᠤᠷᠢᠶᠠ᠂ 1997 ᠣᠨ | 10· ᠴ᠊ · ᠲᠠᠮᠳᠢᠨᠰᠦ᠋ᠷᠦᠩ᠄ ︽ᠮᠣᠩᠭᠤᠯ ᠤᠨ ᠣᠷᠠᠨ ᠵᠣᠬᠢᠶᠠᠯ ᠤᠨ ᠲᠣᠶᠢᠮᠦ︾ ︵ᠲᠡᠭᠡᠳᠦ︶᠂ ᠦᠪᠦᠷ | ᠮᠣᠩᠭᠤᠯ ᠤᠨ ᠠᠷᠠᠳ ᠤᠨ ᠭᠡᠪᠯᠡᠯ ᠤᠨ ᠬᠤᠷᠢᠶᠠ᠂ 1982 ᠣᠨ | 11· ᠦ᠊ · ᠨᠠᠷᠠᠨᠪᠠᠳᠦ ᠨᠠᠷ᠄ ︽ᠮᠣᠩᠭᠤᠯ ᠪᠦᠳ᠋ᠳ᠋ᠾᠠ ᠶᠢᠨ ᠰᠣᠶᠣᠯ︾᠂ ᠦᠪᠣᠷ ᠮᠣᠩᠭᠤᠯ ᠤᠨ | ᠰᠣᠶᠣᠯ ᠤᠨ ᠭᠡᠪᠯᠡᠯ ᠤᠨ ᠬᠤᠷᠢᠶᠠ᠂ 1997 ᠣᠨ | 12· ᠮ᠊ · ᠦᠨᠢᠠᠣᠯᠠᠭᠠᠨ ᠨᠠᠷ᠄ ︽ᠮᠣᠩᠭᠤᠯ ᠤᠨ ᠡᠷᠳᠡᠨ ᠤ ᠣᠷᠠᠨ ᠵᠣᠬᠢᠶᠠᠯ ᠤᠨ ᠰᠣᠳᠣᠯᠣᠯ︾᠂ ᠦᠪᠦᠷ | ᠮᠣᠩᠭᠤᠯ ᠤᠨ ᠠᠷᠠᠳ ᠤᠨ ᠭᠡᠪᠯᠡᠯ ᠤᠨ ᠬᠤᠷᠢᠶᠠ᠂ 2000 ᠣᠨ | 13· ᠬᠡ᠊᠂ ᠯᠢᠵᠠᠢ᠄ ︽ᠣᠶᠢᠷᠠᠳ ᠤᠨ ᠲᠡᠣᠭᠡ ᠱᠠᠰᠢᠨ ᠤ ᠰᠣᠳᠣᠯᠣᠯ︾᠂ ᠰᠢᠨᠵᠢᠶᠡᠩ ᠤᠨ ᠠᠷᠠᠳ ᠤᠨ | ᠭᠡᠪᠯᠡᠯ ᠤᠨ ᠬᠤᠷᠢᠶᠠ᠂ 2002 ᠣᠨ | 14· ᠪᠣᠯᠠᠭ᠄ ︽ᠱᠠᠰᠢᠨ ᠰᠣᠷᠳᠠᠬᠤᠨ︾ ︵ᠲᠣᠣᠷᠠᠳᠦ︶᠂ ᠦᠪᠣᠷ ᠮᠣᠩᠭᠤᠯ ᠤᠨ ᠰᠣᠷᠭᠠᠨ ᠬᠦᠮᠦᠵᠢᠯ ᠤᠨ | ᠭᠡᠪᠯᠡᠯ ᠤᠨ ᠬᠤᠷᠢᠶᠠ᠂ 2003 ᠣᠨ | 15· ︽ᠮᠤᠩᠭᠤᠯ ᠰᠤᠳᠤᠯᠤᠯ ᠤᠨ ᠨᠡᠪᠲᠡᠷᠭᠡᠢ ᠲᠤᠯᠢ︾ ᠱᠠᠰᠢᠨ ᠰᠤᠷᠲᠠᠬᠤᠨ᠂ ᠦᠪᠦᠷ ᠮᠤᠩᠭᠤᠯ ᠤᠨ ᠠᠷᠠᠳ | ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ᠂ 2007 ᠤᠨ | 16· ︽ᠤᠶᠢᠷᠠᠳ ᠮᠤᠩᠭᠤᠯ ᠤᠨ ᠲᠡᠥᠬᠡ ᠰᠤᠶᠤᠯ ᠤᠨ ᠰᠤᠳᠤᠯᠤᠯ︾᠂ ᠦᠨᠲᠦᠰᠦᠲᠡᠨ ᠤ ᠬᠡᠪᠯᠡᠯ ᠤᠨ | ᠬᠤᠷᠢᠶᠠ᠂ 2007 ᠤᠨ | 17· ︽ᠭᠡᠯᠡ ᠪᠠ ᠤᠷᠴᠢᠭᠤᠯᠭᠠ︾᠂ 1989 ᠤᠨ ᠤ 1 ᠳ᠋ᠤᠭᠡᠷ ᠬᠤᠭᠤᠴᠠᠭᠠ | 18· ᠯᠤᠷᠠ᠂ ᠲᠠᠷᠢᠮᠠ᠂ ᠬᠡᠷᠡᠯᠮᠠ ᠬᠤᠳᠤᠮᠴᠢᠯᠠᠪᠠ᠄ ︽ᠤᠶᠢᠷᠠᠳ ᠮᠤᠩᠭᠤᠯ ᠤᠨ ᠲᠤᠪᠴᠢ ᠲᠡᠥᠭᠡ︾ ︵ | ᠲᠡᠭᠡᠲᠦ ᠳᠡᠪᠲᠡᠷ︶᠂ ᠰᠢᠨᠵᠢᠶᠠᠩ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ᠂ 2000 ᠤᠨ | 19· ᠮᠢᠩᠭᠠᠳ᠂ ᠡᠷᠳᠡᠮᠲᠦ᠄ ︽ᠷᠠᠪᠵᠠᠮᠪᠠ ᠽᠠᠶᠠ ᠪᠠᠨᠳᠢᠳᠠ ᠨᠠᠮᠬᠠᠶᠢᠵᠠᠮᠰᠦ ᠶᠢᠨ ᠰᠤᠳᠤᠯᠤᠯ︾᠂ ᠲᠦᠪ ᠤᠨ | ᠦᠨᠳᠦᠰᠦᠲᠡᠨ ᠤ ᠲᠡᠭᠡᠲᠦ ᠰᠤᠷᠭᠠᠭᠤᠯᠢ ᠶᠢᠨ ᠳ᠋ᠤᠺᠲ᠋ᠤᠷ ᠴᠤᠯᠠ ᠬᠠᠮᠠᠭᠠᠯᠠᠬᠤ ᠦᠬᠦᠯᠡᠯ᠂ 2005 ᠤᠨ᠂ | ᠪᠡᠭᠡᠵᠢᠩ ᠳᠤ | 20· ᠪᠤᠷᠵᠢᠬᠢᠳᠠᠢ ᠤᠶᠤᠨᠪᠢᠯᠢᠭ᠌᠄ ︽ᠬᠤᠱᠤᠳ ᠲᠤᠪᠴᠢᠶᠠᠨ︾᠂ ᠦᠪᠦᠷ ᠮᠤᠩᠭᠤᠯ ᠤᠨ ᠰᠤᠶᠤᠯ ᠤᠨ ᠬᠡᠪᠯᠡᠯ | ᠤᠨ ᠬᠤᠷᠢᠶᠠ᠂ 1991 ᠤᠨ᠂ ᠬᠠᠶᠢᠯᠠᠷ ᠲᠤ | 21· 《西藏王臣记》,第五世达赖喇嘛著,郭和卿译, | 民族出版社,1983年,北京 | 22· ᠴ᠊᠂ ᠬᠡᠰᠢᠭᠳᠦᠭ᠌ᠳᠠᠬᠤ᠄ ︽ᠮᠤᠩᠭᠤᠯ ᠤᠨ ᠡᠷᠲᠡᠨ ᠤ ᠤᠷᠠᠨ ᠵᠤᠬᠢᠶᠠᠯ ᠤᠨ ᠰᠢᠨᠡ ᠰᠤᠳᠤᠯᠤᠯ︾᠂ | ᠦᠪᠦᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ᠂ 1998 ᠤᠨ᠂ ᠬᠦᠬᠡᠬᠤᠲᠠ ᠳᠤ᠂ | 23· ︽ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠲᠤᠪᠴᠢ ᠲᠡᠥᠬᠡ︾᠂ ᠦᠪᠦᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ | ᠬᠤᠷᠢᠶᠠ᠂ 1985 ᠤᠨ ᠤ ᠬᠢᠳᠠᠳ ᠬᠡᠪᠯᠡᠯ | 24· 敖举·嘉样成来:《蒙古地区三个"咱雅班第达"活 | 佛系统说之辩正》·《卫拉特研究》2004年第1期 | 25· 阿音娜᠂ 哈斯巴根 :《清代蒙古的三位咱雅班第 | 达及其相关问题》1《中国藏学》2008年第3期 | 26· ᠬᠡ᠊᠂ ᠯᠢᠵᠠᠢ᠄ 《 ᠽᠠᠶᠠ ᠪᠠᠨᠳᠢᠳᠠ ᠶᠢᠨ ᠤᠶᠢᠷᠠᠳ ᠲᠡᠥᠭᠡᠨ ᠳᠤ ᠦᠵᠡᠭᠦᠯᠦᠭᠰᠡᠨ ᠭᠠᠪᠢᠶᠠ ᠵᠢᠳᠬᠦᠯ | 》᠂ ︽ᠤᠶᠢᠷᠠᠳ ᠤᠨ ᠰᠤᠳᠤᠯᠤᠯ︾᠂ 1999 ᠤᠨ ᠤ 3 - 4 ᠬᠤᠭᠤᠴᠠᠭᠠ | 27· ᠨᠠ᠊᠂ ᠠᠯᠲᠠᠨᠱᠠ ᠨᠠᠶᠢᠷᠠᠭᠤᠯᠤᠨ ᠵᠤᠬᠢᠶᠠᠵᠦ᠂ ᠬᠦ᠊᠂ ᠳ᠋ᠤᠷᠪᠠ ᠬᠢᠨᠠᠨ ᠲᠤᠭᠳᠠᠭᠠᠭᠰᠠᠨ᠄ ︽ᠤᠶᠢᠷᠠᠠᠳ ᠤᠨ | ᠲᠡᠥᠬᠡᠨ ᠳᠠᠬᠢ ᠨᠡᠷᠡᠲᠦ ᠬᠦᠮᠦᠰ︾᠂ ᠰᠢᠨᠵᠢᠶᠠᠩ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ᠂ 1995 ᠤᠨ | 28· ᠸᠠᠩ ᠮᠠᠨᠳᠤᠭᠠ ᠭᠤᠤᠯᠯᠠᠨ ᠨᠠᠶᠢᠷᠠᠭᠤᠯᠤᠭᠰᠠᠨ᠄ ︽ᠮᠤᠩᠭᠤᠯ ᠤᠨ ᠲᠡᠥᠬᠡ ᠶᠢᠨ ᠲᠤᠯᠢ︾᠂ ᠦᠪᠦᠷ | ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ᠂ 1999 ᠤᠨ | 29· 谢启晃等:《中国少数民族历史人物志》4卷 | ·1989年 | 30· 达力扎布:《读"咱雅班第达传"札记》·《西部蒙古 | 论坛》2010年第1期 31· 札奇斯钦:《佛教在卫拉特诸部 | 弘通的概况》·《卫拉特文献与研究》·卫来特文献馆 | 出版1991年 | | |