| | ᠠᠪᠤᠯᠠᠢ ᠪᠤᠯ ᠤᠶᠢᠷᠠᠳ ᠤᠨ ᠬᠤᠱᠤᠳ ᠠᠶᠢᠮᠠᠭ ᠤᠨ ᠬᠦᠮᠤᠨ ᠪᠤᠯᠤᠨᠠ᠃ ᠳᠡᠭᠦᠨ ᠤ ᠡᠴᠢᠭᠡ ᠨᠢ ᠪᠠᠶᠢᠪᠠᠭᠠᠰ | ᠪᠠᠭᠠᠳᠤᠷ ᠨᠤᠶᠠᠨ ᠪᠤᠯᠬᠤ ᠪᠦᠭᠡᠳ ᠡᠬᠡ ᠨᠢ ᠳᠠᠶᠢᠰᠦ᠋ᠡᠭ ᠠᠬᠠ ︵ᠬᠠᠳᠤᠨ︶ ᠭᠡᠳᠡᠭ ᠶᠤᠮ᠃ ᠲᠡᠷᠡ ᠪᠤᠯ ᠸᠴᠢᠷᠳᠤ | ᠰᠡᠴᠡᠨ ᠬᠠᠨ ᠤ ᠡᠴᠢᠭᠡ ᠨᠢᠭᠡ᠂ ᠡᠬᠡ ᠦᠭᠡᠷᠡ ᠳᠡᠭᠦᠦ ᠪᠤᠯᠤᠨᠠ᠂ ᠦᠭᠡᠷᠡ ᠪᠠᠷ ᠭᠡᠯᠡᠪᠡᠯ ᠪᠠᠶᠢᠪᠠᠭᠠᠰ ᠪᠠᠭᠠᠳᠤᠷ | ᠨᠤᠶᠠᠨ ᠤ ᠬᠤᠶᠠᠳᠤᠭᠠᠷ ᠬᠦᠪᠡᠭᠦᠨ ᠪᠤᠯᠬᠤ ᠶᠤᠮ᠃ | ᠪᠠᠶᠢᠪᠠᠭᠠᠰ ᠢ ᠨᠠᠰᠤ ᠨᠦᠭᠴᠢᠭᠰᠡᠨ ᠤ ᠳᠠᠷᠠᠭᠠ᠂ ᠸᠴᠢᠷᠳᠤ ᠠᠬᠠᠮᠠᠳ ᠬᠦᠪᠡᠭᠦᠨ ᠤ ᠬᠤᠪᠢ ᠪᠠᠷ ᠡᠴᠢᠭᠡ ᠶᠢᠨ ᠢᠶᠠᠨ | ᠵᠡᠷᠭᠡ ᠭᠡᠷᠭᠡᠮ ᠢ ᠵᠠᠯᠭᠠᠮᠵᠢᠯᠠᠵᠤ ᠬᠤᠱᠤᠳ ᠠᠶᠢᠮᠠᠭ ᠤᠨ ᠬᠠᠨ ᠪᠤᠯᠤᠭᠰᠠᠨ ᠪᠦᠭᠡᠳ ᠳᠦᠷᠪᠡᠨ ᠤᠶᠢᠷᠠᠳ ᠤᠨ ᠴᠤ | ᠴᠢᠬᠤᠯᠠ ᠨᠢᠭᠡᠨ ᠤᠳᠤᠷᠢᠳᠤᠭᠴᠢ ᠪᠤᠯᠪᠠ᠃ ᠳᠡᠶᠢᠨ ᠬᠦ 1643 ᠤᠨ ᠳᠤ᠂ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠪᠤᠯᠤᠨ | ᠪᠠᠭᠠᠳᠤᠷ ᠬᠤᠨᠭ᠌ ᠳᠠᠶᠢᠵᠢ ᠳᠦᠷᠪᠡᠨ ᠤᠶᠢᠷᠠᠳ ᠤᠨ ᠬᠤᠯᠪᠤᠭᠠᠳᠤ ᠴᠡᠷᠢᠭ ᠢ ᠠᠪᠴᠤ᠂ ᠬᠠᠰᠠᠭ ᠤᠨ ᠶᠠᠩᠵᠠᠷ | ᠰᠤᠯᠳᠠᠨ ᠢ ᠳᠠᠶᠢᠯᠠᠬᠤ ᠦᠶᠡ ᠳᠤ᠂ ᠠᠪᠤᠯᠠᠢ ᠴᠤ ᠤᠷᠤᠯᠴᠠᠭᠰᠠᠨ ᠪᠠᠶᠢᠨᠠ᠃ ᠳᠡᠭᠡᠭᠡᠳ ᠠᠪᠤᠯᠠᠢ ᠨᠠᠷ ᠶᠠᠩᠵᠠᠷ ᠤᠨ | ᠪᠦᠭᠭᠦᠭᠰᠡᠨ ᠴᠡᠷᠢᠭ ᠲᠤ ᠤᠴᠠᠷᠠᠭᠰᠠᠨ ᠪᠤᠯᠬᠤᠷ ᠰᠠᠨᠠᠮᠰᠠᠷ ᠦᠭᠡᠢ ᠪᠠᠷ ᠶᠡᠭᠡᠳᠡ ᠳᠡᠶᠢᠯᠦᠭᠳᠡᠭᠰᠡᠨ ᠪᠤᠴᠠᠵᠠᠢ᠃ | 1652 ᠤᠨ ᠳᠤ᠂ ᠸᠴᠢᠷᠳᠤ ᠰᠡᠴᠡᠡ ᠬᠠᠨ ᠬᠠᠰᠠᠭᠴᠤᠳ ᠠᠴᠠ ᠬᠠᠭᠤᠴᠢᠨ ᠦᠰᠢᠶᠡ ᠪᠠᠨ ᠠᠪᠬᠤ ᠶᠢᠨ | ᠲᠦᠯᠦᠭᠡ᠂ ᠳᠡᠭᠦᠦ ᠠᠪᠤᠯᠠᠢ ᠳᠠᠭᠠᠨ ᠨᠢᠭᠡᠨ ᠰᠠᠯᠠᠭᠠᠨ ᠤ ᠴᠡᠷᠢᠭ ᠦᠭᠴᠤ᠂ ᠬᠠᠰᠠᠭ ᠤᠨ ᠶᠠᠩᠵᠠᠷ ᠰᠤᠯᠳᠠᠨ ᠲᠠᠢ | ᠳᠠᠬᠢᠨ ᠪᠠᠶᠢᠯᠳᠤᠭᠤᠯᠬᠤ ᠪᠠᠷ ᠮᠤᠷᠳᠠᠭᠤᠯᠤᠭᠰᠠᠨ ᠳᠤ ᠠᠪᠤᠯᠠᠢ ᠶᠡᠭᠡᠪᠡᠷ ᠳᠠᠶᠢᠯᠵᠤ ᠪᠤᠴᠠᠭᠰᠠᠨ ᠪᠠᠶᠢᠪᠠ᠃ | 1653 ᠤᠨ ᠳᠤ᠂ ᠪᠠᠭᠠᠳᠤᠷ ᠬᠤᠨᠭ᠌ ᠳᠠᠶᠢᠵᠢ ᠨᠠᠰᠤ ᠨᠦᠭᠴᠢᠭᠰᠡᠨ ᠪᠦᠭᠡᠳ ᠳᠡᠭᠦᠨ ᠤ ᠳᠠᠪᠤᠳᠤᠭᠠᠷ ᠬᠦᠪᠡᠭᠦᠨ | ᠰᠡᠩᠭᠡ ᠵᠡᠷᠭᠡ ᠭᠡᠷᠭᠡᠮ ᠢ ᠨᠢ ᠵᠠᠯᠭᠠᠮᠵᠢᠯᠠᠵᠤ᠂ ᠴᠤᠷᠤᠰ ᠠᠶᠢᠮᠠᠭ ᠤᠨ ᠬᠠᠨ ᠡᠷᠭᠦᠮᠵᠢᠯᠡᠭᠳᠡᠪᠡ᠃ ᠳᠡᠭᠦᠨᠴᠢᠯᠡᠨ ᠰᠡᠩᠭᠡ | ᠴᠤᠷᠤᠰ ᠠᠶᠢᠮᠠᠭ ᠢ ᠵᠠᠬᠢᠷᠬᠤ ᠶᠡᠭᠡ ᠡᠷᠭᠡ ᠶᠢ ᠠᠳᠬᠤᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠡᠴᠢᠭᠡ ᠪᠠᠭᠠᠳᠤᠷ ᠬᠤᠨᠭ᠌ | ᠳᠠᠶᠢᠵᠢ ᠶᠢᠨ ᠢᠶᠠᠨ ᠵᠠᠬᠢᠷᠴᠤ ᠪᠠᠶᠢᠭᠰᠠᠨ ᠴᠡᠷᠢᠭ ᠠᠷᠠᠳ ᠪᠤᠯᠤᠨ ᠦᠮᠴᠢ ᠬᠦᠷᠤᠩᠭᠡ ᠶᠢᠨ ᠶᠡᠭᠡᠨᠭᠬᠢ ᠭᠡᠰᠡᠭ ᠢ ᠨᠢ | ᠬᠤᠪᠢᠶᠠᠨ ᠤᠯᠵᠠᠢ᠃ ᠡᠭᠦᠨ ᠳᠤ ᠠᠬᠠ ᠰᠡᠴᠡᠨ ᠪᠤᠯᠤᠨ ᠵᠤᠳᠪᠠ ᠪᠠᠭᠠᠳᠤᠷ ᠳᠤᠷᠠ ᠦᠭᠡᠶᠢᠴᠡᠵᠦ᠂ ᠦᠷᠭᠦᠯᠵᠢ | ᠭᠡᠷᠡᠭ ᠡᠭᠦᠰᠭᠡᠨ ᠰᠡᠩᠭᠡ ᠶᠢ ᠳᠠᠭᠠᠷᠢᠨ ᠳᠤᠪᠳᠤᠯᠬᠤ ᠪᠤᠯᠪᠠ᠃ ᠡᠨᠡ ᠦᠶᠡ ᠳᠤ᠂ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠪᠠᠭᠠᠳᠤᠷ | ᠬᠤᠨᠭ᠌ ᠳᠠᠶᠢᠵᠢ ᠶᠢᠨ ᠬᠠᠤᠯᠢ ᠶᠤᠰᠤᠨ ᠤ ᠵᠠᠯᠭᠠᠮᠵᠢᠯᠠᠭᠴᠢ ᠪᠤᠯᠬᠤ ᠰᠡᠩᠭᠡ ᠶᠢ ᠡᠷᠡᠰ ᠳᠡᠮᠵᠢᠵᠤ ᠪᠠᠶᠢᠭᠰᠠᠨ ᠶᠤᠮ᠃ | ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠰᠡᠩᠭᠡ ᠶᠢᠨ ᠳᠠᠯᠠ ᠳᠤ ᠵᠤᠭᠰᠤᠵᠤ᠂ ᠰᠡᠴᠡᠨ ᠬᠢᠭᠡᠳ ᠵᠤᠳᠪᠠ ᠪᠠᠭᠠᠳᠤᠷ ᠢ ᠡᠰᠡᠷᠭᠦᠴᠡᠵᠤ | ᠪᠤᠢ ᠭᠡᠬᠦ ᠶᠢ ᠰᠤᠨᠤᠰᠤᠭᠠᠳ᠂ ᠠᠪᠤᠯᠠᠢ ᠨᠢ ᠰᠡᠴᠡᠨ ᠪᠤᠯᠤᠨ ᠵᠤᠳᠪᠠ ᠪᠠᠭᠠᠳᠤᠷ ᠲᠠᠢ ᠬᠤᠯᠪᠤᠭᠠᠯᠠᠵᠤ ᠸᠴᠢᠷᠳᠤ | ᠰᠡᠴᠡᠨ ᠬᠠᠨ᠂ ᠰᠡᠩᠭᠡ ᠨᠠᠷ ᠢ ᠡᠰᠡᠷᠭᠦᠴᠡᠵᠦ ᠡᠬᠢᠯᠡᠪᠡ᠃ ᠡᠨᠡᠬᠦ ᠲᠡᠮᠡᠴᠡᠯ ᠨᠢ ᠵᠡᠭᠦᠨᠭᠠᠷ ᠤᠨ ᠳᠠᠶᠢᠵᠢ ᠨᠠᠷ ᠤᠨ | ᠬᠤᠭᠤᠷᠤᠨᠳᠤᠬᠢ ᠳᠡᠮᠡᠴᠡᠯ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠠᠯᠭᠤᠷ ᠠᠭᠠᠵᠢᠮ ᠢᠶᠠᠷ ︽ᠤᠶᠢᠷᠠᠳ ᠤᠨ ᠴᠢᠭᠤᠯᠭᠠᠨ︾ ᠤ ᠪᠦᠬᠦ | ᠳᠠᠯᠠ ᠶᠢ ᠬᠠᠮᠤᠷᠤᠭᠰᠠᠨ ᠳᠠᠶᠢᠨ ᠪᠤᠯᠵᠤ ᠬᠤᠪᠢᠷᠠᠵᠠᠢ᠃ ᠲᠦᠷᠤᠭᠦᠨ ᠤᠳᠠᠭᠠ ᠳᠤ᠂ ᠠᠪᠤᠯᠠᠢ ᠤᠯᠠᠨ ᠬᠦᠮᠤᠨ᠂ | ᠢᠯᠠᠩᠭᠤᠶᠠ ᠽᠠᠶᠠ ᠪᠠᠨᠳᠢᠳᠠ ᠪᠠᠷ ᠠᠬᠠᠯᠠᠭᠤᠯᠤᠭᠰᠠᠨ ᠳᠡᠭᠡᠳᠤ ᠯᠠᠮᠠ ᠨᠠᠷ ᠤᠨ ᠢᠳᠬᠠᠯ ᠬᠤᠷᠢᠭᠯᠠᠯ ᠢ ᠳᠠᠭᠠᠬᠤ | ᠦᠭᠡᠢ ᠪᠠᠷ ᠬᠤᠶᠠᠷ ᠡᠳᠡᠭᠡᠳ ᠢᠶᠠᠷ ᠢᠶᠠᠨ ᠡᠮᠡᠭᠡᠯ ᠭᠤᠤᠯ ᠤᠨ ᠬᠦᠪᠡᠭᠡ ᠳᠤ ᠴᠡᠷᠢᠭ ᠮᠤᠷᠢ ᠪᠠᠨ ᠴᠤᠭᠯᠠᠭᠤᠯᠵᠤ᠂ | ᠪᠠᠶᠢᠯᠳᠤᠨ ᠳᠡᠮᠡᠴᠡᠯᠳᠤᠬᠦ ᠪᠠᠷ ᠪᠤᠯᠵᠤ ᠪᠠᠶᠢᠳᠠᠯᠠ᠂ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠤ ᠬᠤᠶᠠᠳᠤᠭᠠᠷ ᠬᠦᠪᠡᠭᠦᠨ ᠭᠠᠯᠳᠠᠮᠪᠠ | ᠪᠤᠯᠤᠨ ᠠᠪᠤᠯᠠᠢ ᠶᠢᠨ ᠬᠦᠪᠡᠭᠦᠨ ᠴᠠᠭᠠᠨ ᠬᠤᠶᠠᠭᠤᠯᠠ ᠪᠠᠶᠢᠯᠳᠤᠭᠠᠨ ᠤ ᠳᠠᠯᠠᠪᠤᠷ ᠤᠨ ᠳᠤᠮᠳᠠ ᠰᠠᠭᠤᠵᠤ ᠰᠢᠳᠠᠷᠠ | ᠳᠠᠯᠪᠢᠭᠰᠠᠨ ᠳᠤ ᠬᠤᠶᠠᠷ ᠡᠳᠡᠭᠡᠳ ᠢᠶᠠᠷ ᠢᠶᠠᠨ ᠰᠠᠶ᠋ᠢ ᠪᠠᠶᠢᠯᠳᠤᠭᠰᠠᠨ ᠦᠭᠡᠢ ᠪᠠᠷ ᠡᠪᠰᠡᠪᠡ᠃ ᠭᠡᠳᠡᠯᠡ ᠳᠡᠮᠡᠢ | ᠤᠳᠠᠭᠰᠠᠨ ᠦᠭᠡᠢ ᠬᠤᠶᠠᠷ ᠡᠳᠡᠭᠡᠳ ᠲᠡᠭᠢᠨ ᠡᠪᠳᠡᠷᠡᠯᠴᠡᠵᠦ᠂ ᠳᠠᠶᠢᠨ ᠪᠠᠶᠢᠯᠳᠤᠭᠠᠨ ᠬᠢᠵᠤ ᠡᠬᠢᠯᠡᠭᠰᠡᠨ ᠪᠠᠶᠢᠵᠠᠢ᠃ | 1661 ᠤᠨ ᠤ ᠵᠤᠨ ᠤ ᠳᠡᠷᠢᠭᠦᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ 3 ᠤ ᠡᠳᠤᠷ᠂ ᠠᠪᠤᠯᠠᠢ ᠭᠤᠷᠪᠠᠨ ᠲᠦᠮᠡᠨ ᠴᠡᠷᠢᠭ | ᠠᠪᠴᠤ ᠡᠮᠡᠭᠡᠯ ᠤᠨ ᠰᠢᠪᠡᠭᠡᠳᠤ ᠭᠤᠤᠯ ᠳᠤ ᠢᠷᠡᠵᠦ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠤ ᠭᠤᠷᠪᠠᠨ ᠲᠦᠮᠡᠨ ᠴᠡᠷᠢᠭ ᠲᠠᠢ | ᠪᠠᠶᠢᠯᠳᠤᠬᠤ ᠪᠠᠷ ᠬᠤᠶᠠᠷ ᠪᠠᠶᠢᠷᠢ ᠪᠤᠯᠵᠤ ᠨᠢᠭᠤᠷᠠᠯᠳᠤᠪᠠ᠃ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠢ ᠳᠡᠮᠵᠢᠬᠦ ᠪᠠᠷ ᠵᠡᠭᠦᠨᠭᠠᠷ ᠤᠨ | ᠰᠡᠩᠭᠡ ᠬᠤᠨᠭ᠌ ᠳᠠᠶᠢᠵᠢ ᠪᠤᠯᠤᠨ ᠠᠯᠤᠰ ᠬᠤᠯᠠ ᠶᠢᠨ ᠵᠤᠯᠳᠤᠰ᠂ ᠭᠤᠷᠪᠠᠨ ᠳᠠᠱᠬᠠᠢ ᠠᠴᠠ ᠬᠤᠶᠢᠳ ᠰᠤᠯᠳᠠᠨ | ᠳᠠᠶᠢᠱᠢ ᠪᠠᠰᠠ ᠡᠮᠡᠭᠡᠯ ᠤᠨ ᠰᠢᠪᠡᠭᠡᠳᠤ ᠳᠤ ᠬᠦᠷᠤᠯᠴᠡᠨ ᠢᠷᠡᠵᠡᠢ᠃ ᠬᠦᠨᠳᠡᠯᠡᠨ ᠤᠪᠠᠰᠢ᠂ ᠰᠡᠴᠡᠨ᠂ ᠵᠤᠳᠪᠠ | ᠪᠠᠭᠠᠳᠤᠷ ᠨᠠᠷ ᠮᠦᠨ ᠠᠪᠤᠯᠠᠢ ᠶᠢ ᠳᠡᠮᠵᠢᠬᠦ ᠪᠠᠷ ᠢᠷᠡᠪᠡ᠃ ᠬᠤᠶᠠᠷ ᠡᠳᠡᠭᠡᠳ ᠤᠨ ᠴᠡᠷᠢᠭ ᠠᠩᠬᠠ ᠪᠠᠶᠢᠯᠳᠤᠵᠤ | ᠡᠬᠢᠯᠡᠬᠦ ᠳᠤ᠂ ᠭᠡᠳᠤᠨ ᠨᠤᠶᠠᠳ ᠦᠷᠡᠭᠳᠡᠭᠰᠡᠨ ᠠᠴᠠ ᠭᠠᠳᠠᠨᠠ ᠳᠡᠮᠡᠢ ᠴᠡᠷᠢᠭ ᠬᠤᠬᠢᠷᠠᠭᠰᠠᠨ ᠦᠭᠡᠢ᠃ ᠭᠡᠳᠤᠨ | ᠬᠤᠨᠤᠭ ᠤᠨ ᠳᠠᠷᠠᠭᠠ ᠠᠪᠤᠯᠠᠢ ᠶᠢᠨ ᠳᠠᠯᠠ ᠶᠢᠨ ᠬᠢᠨ ᠳᠠᠷᠤᠭᠳᠠᠭᠰᠠᠨ ᠳᠤ᠂ ᠲᠡᠷᠡ ᠡᠮᠡᠭᠡᠯ ᠭᠤᠤᠯ ᠳᠤ ᠨᠡᠭᠦᠵᠦ | ᠤᠴᠢᠭᠠᠳ᠂ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠤ ᠠᠯᠪᠠᠳᠤ ᠳᠤ ᠤᠤᠯᠠᠭᠠᠴᠢᠨ ᠢᠯᠡᠭᠡᠵᠦ ᠶᠡᠬᠡᠪᠡᠷ ᠳᠡᠭᠡᠷᠡᠮᠳᠡᠭᠦᠯᠪᠡ᠃ | ᠰᠡᠭᠦᠯᠡᠷ ᠨᠢ ᠬᠤᠶᠠᠷ ᠡᠳᠡᠭᠡᠳ ᠬᠠᠷᠢᠯᠴᠠᠨ ᠳᠡᠮᠡᠢ ᠬᠠᠯᠳᠠᠯᠴᠠᠬᠤ ᠦᠭᠡᠢ ᠪᠠᠶᠢᠭᠰᠠᠨ ᠪᠤᠯᠪᠠᠴᠤ ᠠᠪᠤᠯᠠᠢ ᠰᠢᠷᠠ | ᠬᠤᠯᠤᠰᠤᠨ ᠳᠤ ᠪᠠᠶᠢᠭᠰᠠᠨ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠤ ᠠᠯᠪᠠᠳᠤ ᠨᠠᠷ ᠢ ᠤᠷᠤᠭᠤᠯᠤᠨ ᠠᠪᠴᠤ᠂ ᠸᠴᠢᠷᠳᠤ ᠰᠡᠴᠡᠨ | ᠬᠠᠨ ᠤ ᠳᠠᠯᠠ ᠶᠢᠨ ᠳᠡᠨᠵᠢᠨ ᠬᠤᠨᠭ᠌ ᠳᠠᠶᠢᠵᠢ ᠪᠤᠯᠤᠨ ᠡᠷᠭᠡ ᠳᠠᠶᠢᠴᠢᠩ ᠤᠭᠵᠤᠳᠪᠠ᠂ ᠠᠪᠤᠯᠠᠢ ᠶᠢᠨ ᠳᠠᠯᠠ ᠳᠤ | ᠪᠠᠶᠢᠭᠰᠠᠨ ᠬᠦᠨᠳᠡᠯᠡᠨ ᠤᠪᠠᠰᠢ ᠶᠢᠨ ᠲᠤᠯᠤᠳᠤᠭᠠᠷ ᠬᠦᠪᠡᠭᠦᠨ ᠮᠦᠡᠭᠭᠡ ᠶᠢ ᠤᠯᠵᠠᠯᠠᠵᠤ᠂ ᠬᠤᠱᠤᠳ ᠨᠤᠶᠠᠨ ᠪᠤᠶᠠᠨ | ᠤᠳᠬᠤᠨ ᠤ ᠬᠦᠪᠡᠭᠦᠨ ᠬᠦᠮᠦᠰᠭᠡ ᠶᠢ ᠠᠯᠠᠵᠤ᠂ ᠠᠯᠪᠠᠳᠤ ᠪᠠᠨ ᠪᠤᠴᠠᠭᠠᠵᠤ ᠠᠪᠤᠭᠰᠠᠠ ᠠᠴᠠ ᠸᠴᠢᠷᠳᠤ ᠰᠡᠴᠡᠨ | ᠬᠠᠨ ᠤ ᠳᠠᠯᠠ ᠳᠡᠶᠢᠯᠵᠡᠢ᠃ ᠠᠪᠤᠯᠠᠢ ᠳᠠᠶᠢᠵᠢ ᠰᠡᠩᠭᠡ ᠯᠦᠭᠡ ᠦᠵᠡᠯᠴᠡᠬᠦ ᠪᠠᠷ ᠳᠠᠬᠢᠨ ᠢᠷᠡᠭᠰᠡᠨ ᠳᠤ᠂ ᠰᠡᠩᠭᠡ | ᠴᠡᠷᠢᠭ ᠲᠠᠢ ᠪᠠᠨ ᠤᠶᠢᠰᠢᠶᠠᠯ ᠦᠭᠡᠢ ᠪᠠᠷ ᠮᠤᠷᠢᠨ ᠠᠴᠠ ᠪᠠᠨ ᠪᠠᠭᠤᠵᠤ ᠡᠰᠡ ᠬᠦᠳᠡᠯᠪᠡ᠃ ᠡᠭᠦᠨ ᠳᠤ ᠠᠪᠤᠯᠠᠢ | ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠤ ᠠᠷᠤ ᠳᠠᠯᠠ ᠪᠠᠷ ᠳᠠᠭᠠᠷᠢᠭᠠᠳ ᠭᠡᠳᠡᠷᠬᠦ ᠪᠠᠨ ᠪᠦᠰᠡᠯᠡᠭᠳᠡᠵᠦ᠂ ᠭᠡᠰᠡᠭ ᠨᠤᠶᠠᠳ ᠢᠶᠠᠨ | ᠬᠤᠷᠤᠭᠳᠠᠭᠤᠯᠵᠠᠢ᠃ ᠲᠡᠷᠡ ᠰᠦᠨᠢ ᠬᠤᠶᠠᠷ ᠡᠳᠡᠭᠡᠳ ᠪᠠᠬᠢᠯᠡᠨ ᠬᠤᠨᠤᠵᠤ᠂ ᠦᠷ ᠴᠠᠶᠢᠬᠤ ᠶᠢᠨ ᠦᠶᠡ ᠪᠠᠷ ᠰᠨᠩᠭᠡ | ᠴᠡᠷᠢᠭ ᠲᠠᠢ ᠪᠠᠨ ᠠᠪᠤᠯᠠᠢ ᠶᠢᠨ ᠴᠡᠷᠢᠭ ᠤᠨ ᠠᠷᠤ ᠪᠠᠷ ᠫᠤᠤ ᠬᠠᠷᠪᠤᠨ ᠰᠠᠨᠳᠤᠷᠭᠠᠵᠤ᠂ ᠸᠴᠢᠷᠳᠤ ᠰᠡᠴᠡᠨ ᠬᠠᠨ | ᠪᠠᠶᠢᠷᠢ ᠶᠢᠨ ᠡᠮᠤᠨᠡ ᠡᠩᠨᠡᠭᠡ ᠠᠴᠠ ᠵᠠᠶᠢᠯᠠᠵᠤ ᠲᠦᠰᠤᠷ ᠪᠠᠭᠤᠵᠤ ᠠᠪᠤᠯᠠᠢ ᠶᠢ ᠰᠦᠷᠳᠡᠭᠦᠯᠵᠡᠢ᠃ ᠡᠭᠦᠨ ᠳᠤ | ᠠᠪᠤᠯᠠᠢ ᠶᠢᠨ ᠴᠡᠷᠢᠭ ᠪᠦᠷ ᠳᠡᠶᠢᠯᠦᠭᠳᠡᠵᠦ ᠳᠠᠬᠢᠨ ᠡᠮᠡᠭᠡᠯ ᠭᠤᠤᠯ ᠵᠦᠭ ᠵᠤᠯᠤᠨ ᠶᠠᠪᠤᠭᠰᠠᠨ ᠪᠠᠶᠢᠨᠠ᠃ ᠸᠴᠢᠷᠳᠤ | ᠰᠡᠴᠡᠨ ᠬᠠᠨ ᠤ ᠴᠡᠷᠢᠭ ᠬᠤᠶᠢᠨᠠ ᠠᠴᠠ ᠨᠢ ᠨᠡᠭᠡᠨ ᠶᠠᠪᠤᠵᠤ ᠪᠠᠶᠢᠳᠠᠯᠠ᠂ ᠭᠠᠯᠳᠠᠮᠪᠠ ᠠᠪᠤᠯᠠᠢ ᠶᠢᠨ ᠴᠡᠷᠢᠭ ᠤᠨ | ᠠᠷᠤ ᠠᠴᠠ ᠰᠢᠷᠭᠤᠨ ᠳᠤᠪᠳᠤᠯᠤᠭᠠᠳ ᠭᠡᠳᠡᠷᠬᠦ ᠪᠠᠨ ᠠᠪᠤᠯᠠᠢ ᠳᠤ ᠪᠦᠰᠡᠯᠡᠭᠳᠡᠵᠦ ᠭᠡᠰᠡᠭ ᠨᠤᠶᠠᠳ ᠢᠶᠠᠨ | ᠦᠷᠡᠭᠳᠡᠭᠦᠯᠪᠡ᠃ ᠠᠪᠤᠯᠠᠢ ᠳᠠᠶᠢᠵᠢ ᠴᠡᠷᠢᠭ ᠲᠠᠢ ᠪᠠᠨ ᠦᠷᠭᠦᠯᠵᠢᠯᠡᠨ ᠡᠮᠡᠭᠡᠯ ᠭᠤᠤᠯ ᠤᠨ ᠤᠷᠴᠢᠮ ᠤᠨ ᠬᠠᠮᠠᠷ | ᠳᠠᠪᠠᠭᠠᠨ ᠢᠶᠠᠷ ᠳᠠᠪᠠᠵᠤ ᠪᠠᠶᠢᠳᠠᠯᠠ ᠶᠡᠭᠡ ᠰᠢᠭᠤᠷᠭᠠᠨ ᠳᠤ ᠤᠴᠠᠷᠠᠵᠤ᠂ ᠴᠡᠷᠢᠭ ᠤᠨ ᠠᠭᠳᠠ ᠨᠢ ᠮᠠᠰᠢ ᠤᠯᠠᠨ | ᠬᠤᠬᠢᠷᠠᠵᠠᠢ᠃ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠳᠠᠨᠵᠢᠨ ᠬᠤᠨᠭ᠌ ᠳᠠᠶᠢᠵᠢ ᠪᠠᠷ ᠠᠬᠠᠯᠠᠭᠤᠯᠤᠭᠰᠠᠨ ᠲᠦᠮᠡᠨ ᠤᠤᠯᠠᠭᠠᠴᠢᠨ ᠢ | ᠴᠦᠤᠯᠢ ᠶᠢᠨ ᠳᠠᠪᠠᠭᠠᠨ ᠢᠶᠠᠷ ᠠᠪᠤᠯᠠᠢ ᠶᠢᠨ ᠨᠤᠳᠤᠭ ᠲᠤ ᠳᠤᠮᠢᠯᠠᠵᠤ᠂ ᠠᠯᠪᠠᠳᠤ ᠢᠷᠭᠡᠳ ᠤᠨ ᠶᠡᠭᠡᠨᠭᠬᠢ ᠬᠠᠭᠠᠰ ᠢ | ᠨᠢ ᠤᠷᠤᠭᠤᠯᠤᠨ ᠠᠪᠤᠭᠰᠠᠨ ᠪᠠᠶᠢᠨᠠ᠃ ᠠᠪᠤᠯᠠᠢ ᠠᠷᠭᠠ ᠮᠤᠬᠤᠷᠳᠠᠨ ᠡᠷᠴᠢᠰ ᠭᠤᠤᠯ ᠢ ᠦᠭᠰᠤᠵᠤ ᠪᠢᠱᠢᠭᠡ | ᠭᠤᠤᠯ ᠳᠤ ᠪᠠᠶᠢᠭᠰᠠᠨ ᠰᠦᠮᠡ ᠳᠡᠭᠡᠨ ᠬᠦᠷᠴᠤ ᠰᠢᠪᠡᠭᠡ ᠳᠡᠭᠡᠨ ᠤᠷᠤᠵᠠᠢ᠃ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠤ ᠴᠡᠷᠢᠭ | ᠳᠡᠭᠦᠨ ᠤ ᠰᠢᠪᠡᠭᠡ ᠶᠢ ᠰᠠᠷᠠ ᠢᠯᠡᠭᠦᠦ ᠪᠦᠰᠡᠯᠡᠭᠰᠡᠨ ᠳᠤ᠂ ᠠᠪᠤᠯᠠᠢ ᠶᠢᠨ ᠠᠯᠪᠠᠳᠤ ᠨᠠᠷ ᠤᠨ ᠮᠠᠯ ᠰᠦᠷᠦᠭ ᠶᠡᠭᠡᠳᠡ | ᠦᠭᠦᠵᠤ ᠬᠤᠷᠤᠭᠳᠠᠭᠠᠳ ᠭᠠᠢ ᠭᠠᠮᠰᠢᠭ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠡᠶᠢᠮᠤ ᠠᠴᠠ ᠠᠪᠤᠯᠠᠢ ᠠᠷᠭᠠ ᠪᠤᠰᠤ ᠬᠤᠶᠢᠳᠤ | ᠡᠬᠡ ᠰᠠᠶᠢᠬᠠᠨᠵᠤᠯᠠ ᠪᠠᠨ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠤ ᠳᠡᠷᠭᠡᠳᠡ ᠢᠯᠡᠭᠡᠵᠦ ᠤᠷᠤᠵᠤ ᠦᠭᠬᠦ ᠪᠠᠷ ᠪᠤᠯᠪᠠ᠃ | ᠰᠠᠶᠢᠬᠠᠨᠵᠤᠯᠠ ᠬᠠᠳᠤᠨ ᠰᠦᠮᠡ ᠠᠴᠠ ᠭᠠᠷᠴᠤ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠤ ᠳᠡᠷᠭᠡᠳᠡ ᠬᠦᠷᠤᠭᠡᠳ ᠤᠴᠢᠷ ᠶᠠᠪᠤᠳᠠᠯ ᠢ | ᠳᠡᠯᠭᠡᠨ ᠦᠭᠦᠯᠡᠭᠰᠡᠨ ᠪᠦᠭᠡᠳ ᠠᠬᠠ ᠳᠡᠭᠦᠦ ᠬᠤᠶᠠᠭᠤᠯᠠ ᠶᠢᠨ ᠡᠪᠰᠡᠬᠦ ᠶᠢ ᠬᠦᠰᠡᠪᠡ᠃ ᠪᠠᠭᠠ ᠡᠬᠡ | ᠰᠠᠶᠢᠬᠠᠨᠵᠤᠯᠠ ᠶᠢᠨ ᠦᠭᠡ ᠶᠢ ᠰᠤᠨᠤᠰᠤᠭᠠᠳ ᠸᠴᠢᠷᠳᠤ ᠰᠡᠴᠡᠨ ᠬᠠᠨ᠄ ︽ᠠᠪᠤᠯᠠᠢ ᠨᠠᠳᠠᠳᠤ ᠪᠤᠷᠤᠭᠤ ᠲᠠᠢ ᠠᠴᠠ | ᠪᠢᠰᠢ᠂ ᠪᠢ ᠠᠪᠤᠯᠠᠢ ᠳᠤ ᠪᠤᠷᠤᠭᠤ ᠦᠭᠡᠢ ᠪᠢᠯᠡ᠃ ᠭᠡᠳᠡᠯᠡ ᠡᠬᠡ ᠮᠢᠨᠢ ᠭᠡᠯᠡᠵᠤ ᠪᠠᠶᠢᠭᠠ ᠲᠤᠯᠠ ᠦᠭᠡᠨ ᠳᠤ ᠴᠢᠨᠢ | ᠤᠷᠤᠵᠤ᠂ ᠠᠪᠤᠯᠠᠢ ᠪᠢᠳᠡ ᠬᠤᠶᠠᠭᠤᠯᠠ ᠡᠪᠰᠡᠶᠡ︕︾ ᠭᠡᠪᠡ᠃ ᠳᠡᠭᠡᠭᠡᠳ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠤᠯᠠᠨ | ᠨᠤᠶᠠᠳ ᠢᠶᠠᠨ ᠴᠤᠭᠯᠠᠭᠤᠯᠵᠤ᠂᠄ ︽ᠠᠪᠤᠯᠠᠢ ᠶᠢᠨ ᠤᠯᠤᠰ ᠢ ᠪᠤᠴᠠᠭᠠᠵᠤ ᠦᠭᠬᠦ ᠤᠤ︖ ᠦᠭᠡᠢ ᠤᠤ︖ | ᠦᠭᠬᠦ ᠳᠤ ᠬᠦᠷᠪᠡᠯ ᠶᠠᠭᠠᠬᠢᠵᠤ ᠦᠭᠬᠦ ᠪᠤᠢ︖︾ ᠭᠡᠮᠡᠨ ᠵᠦᠪᠳᠡᠪᠡ᠃ ᠡᠭᠦᠨ ᠳᠤ ᠵᠠᠷᠢᠮ ᠨᠢ ︽ᠠᠪᠤᠯᠠᠢ ᠳᠤ | ᠤᠯᠤᠰ ᠢ ᠨᠢ ᠦᠭᠪᠡᠴᠤ ᠬᠠᠭᠠᠰ ᠢ ᠨᠢ ᠦᠭᠭᠦᠶᠡ︾ ᠭᠡᠰᠡᠨ ᠪᠦᠭᠡᠳ ᠵᠠᠷᠢᠮ ᠨᠢ ︽ᠦᠭᠡᠷᠡ ᠤᠷᠤᠨ ᠳᠤ | ᠬᠦᠭᠡᠭᠡᠵᠦ ᠶᠠᠪᠤᠭᠤᠯᠤᠶᠠ︾ ᠭᠡᠪᠡ᠃ ᠡᠨᠡ ᠦᠶᠡ ᠳᠤ᠂ ᠮᠠᠯᠠᠢ ᠬᠠᠰᠬᠠ᠄ ︽ᠨᠢᠭᠡ ᠪᠤᠯ ᠠᠪᠤᠯᠠᠢ ᠶᠢ ᠠᠯᠠᠬᠤ | ᠶᠤᠰᠤᠳᠠᠢ᠂ ᠡᠰᠡᠪᠡᠯ ᠠᠯᠪᠠᠳᠤ ᠪᠠ ᠡᠳ᠋ ᠮᠠᠯ ᠢ ᠨᠢ ᠴᠦᠮ ᠪᠤᠴᠠᠭᠠᠵᠤ ᠦᠭᠬᠦ ᠶᠤᠰᠤᠳᠠᠢ︕︾ ᠭᠡᠪᠡ᠃ ᠡᠨᠡᠬᠦ | ᠰᠠᠨᠠᠯ ᠢ ᠰᠡᠩᠭᠡ᠂ ᠭᠠᠯᠳᠠᠮᠪᠠ᠂ ᠳᠠᠨᠵᠢᠨ ᠵᠡᠷᠭᠡ ᠶᠡᠭᠡᠰ ᠨᠤᠶᠠᠳ ᠴᠦᠮ ᠵᠦᠪᠰᠢᠶᠡᠷᠡᠭᠰᠡᠨ ᠪᠤᠯᠪᠠᠴᠤ᠂ ᠴᠤᠬᠤᠮ | ᠠᠯᠢ ᠪᠠᠷ ᠨᠢ ᠰᠢᠢᠳᠪᠤᠷᠢᠯᠡᠬᠦ ᠶᠢ ᠳᠤᠭᠳᠠᠭᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠡᠯᠴᠢ | ᠳᠤᠮᠢᠯᠠᠵᠤ ᠽᠠᠶᠠ ᠪᠠᠨᠳᠢᠳᠠ ᠶᠢᠨ ᠰᠠᠨᠠᠯ ᠢ ᠠᠰᠠᠭᠤᠯᠭᠠᠪᠠ᠃ ᠽᠠᠶᠠ ᠪᠠᠨᠳᠢᠳᠠ᠄ ︽ᠪᠤᠯᠬᠤ ᠳᠤ ᠬᠦᠷᠪᠡᠯ | ᠠᠪᠤᠯᠠᠢ ᠶᠢᠨ ᠠᠯᠪᠠᠳᠤ ᠪᠠ ᠡᠳ᠋ ᠮᠠᠯ ᠢ ᠴᠦᠮ ᠢ ᠪᠤᠴᠠᠭᠠᠵᠤ ᠦᠭ︕ ᠪᠤᠯᠬᠤ ᠦᠭᠡᠢ ᠴᠤ ᠭᠡᠰᠡᠨ ᠳᠡᠭᠦᠨ ᠢ | ᠪᠢᠳᠡᠭᠡᠢ ᠵᠤᠪᠠᠭᠠ︕︾ ᠭᠡᠮᠡᠨ ᠭᠡᠯᠡᠵᠦ ᠢᠯᠡᠭᠡᠭᠰᠡᠨ ᠲᠤᠯᠠ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠠᠪᠤᠯᠠᠢ ᠯᠤᠭᠠ ᠡᠪᠰᠡᠭᠡᠳ | ᠤᠭ ᠨᠤᠳᠤᠭ ᠲᠠᠭᠠᠨ ᠪᠤᠴᠠᠵᠠᠢ᠃ | 1669 ᠤᠨ ᠳᠤ᠂ ᠠᠪᠤᠯᠠᠢ ᠬᠤᠱᠤᠳ᠂ ᠵᠡᠭᠦᠨᠭᠠᠷ᠂ ᠳᠦᠷᠪᠡᠳ᠂ ᠬᠤᠶᠢᠳ ᠵᠡᠷᠭᠡ ᠠᠶᠢᠮᠠᠭ ᠤᠨ ᠳᠦᠷᠪᠡᠨ | ᠲᠦᠮᠡᠨ ᠴᠡᠷᠢᠭ ᠢ ᠳᠠᠭᠠᠭᠤᠯᠤᠨ᠂ ᠳᠤᠷᠭᠤᠳᠴᠤᠳ ᠢ ᠵᠡᠭᠦᠨᠭᠠᠷ ᠲᠤ ᠨᠡᠭᠦᠯᠭᠡᠵᠦ ᠠᠪᠴᠢᠷᠠᠬᠤ ᠪᠠᠷ ᠢᠵᠢᠯ | ᠮᠦᠷᠡᠨ ᠤ ᠳᠡᠷᠭᠡᠳᠡ ᠬᠦᠷᠤᠭᠡᠳ᠂ ᠱᠦᠭᠦᠷ ᠳᠠᠶᠢᠴᠢᠩ ︵ᠢᠵᠢᠯ — ᠵᠠᠢ ᠶᠢᠨ ᠳᠤᠷᠭᠤᠳᠴᠤᠳ ᠤᠨ ᠲᠦᠷᠤᠭᠦᠦ | ᠪᠠᠶᠢᠵᠢ︶ ᠢ ᠠᠮᠢᠳᠤ ᠪᠠᠷ ᠪᠠᠷᠢᠪᠴᠢᠯᠠᠵᠤ᠂ ᠠᠬᠠ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠳᠠᠭᠠᠨ ᠬᠦᠷᠭᠡᠭᠰᠡᠨ ᠪᠦᠭᠡᠳ ᠱᠦᠭᠦᠷ | ᠳᠠᠶᠢᠴᠢᠩ ᠤᠨ ᠬᠦᠪᠡᠭᠦᠨ ᠫᠤᠩᠰᠤᠭ ᠢ ᠠᠯᠠᠵᠤ᠂ ᠳᠤᠷᠭᠤᠳ ᠤᠨ ᠨᠢᠭᠡ ᠭᠡᠰᠡᠭ ᠢ ᠡᠵᠡᠯᠡᠭᠡᠳ᠂ ᠢᠵᠢᠯ ᠮᠦᠷᠡᠨ ᠤ | ᠬᠠᠯᠢᠮᠠᠭᠴᠤᠳ ᠤᠨ ᠡᠵᠡᠨ ᠪᠤᠯᠬᠤ ᠰᠠᠨᠠᠭᠠ ᠲᠠᠢ ᠪᠠᠶᠢᠵᠠᠢ᠃ | 1671 ᠤᠨ ᠳᠤ᠂ ᠠᠪᠤᠯᠠᠢ ᠵᠠᠢ ︵ᠤᠷᠠᠯ︶ ᠭᠤᠤᠯ ᠳᠤ ᠳᠤᠷᠭᠤᠳ ᠤᠨ ᠨᠤᠳᠤᠭ ᠲᠤ ᠡᠪᠤᠯᠵᠢᠵᠤ | ᠪᠠᠶᠢᠬᠤ ᠳᠠᠭᠠᠨ ᠬᠦᠨᠳᠡᠯᠡᠨ ᠤᠪᠠᠰᠢ ᠶᠢᠨ ᠬᠦᠪᠡᠭᠦᠨ ᠪᠠ ᠳᠦᠷᠪᠡᠳ ᠨᠤᠶᠠᠳ ᠲᠠᠢ ᠤᠯᠵᠠ ᠠᠰᠢᠭ ᠪᠤᠯᠢᠶᠠᠯᠳᠤᠨ | ᠡᠪᠳᠡᠷᠡᠯᠴᠡᠵᠦ ᠬᠠᠷᠢᠯᠴᠠᠨ ᠵᠠᠶᠢᠳᠠᠭᠰᠠᠨ ᠢ ᠠᠬᠠ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠮᠡᠳᠡᠭᠡᠳ ᠴᠡᠷᠢᠭ ᠳᠤᠮᠢᠯᠠᠨ ᠳᠠᠶᠢᠴᠢᠩ ︵ | ᠬᠦᠨᠳᠡᠯᠡᠨ ᠤᠪᠠᠰᠢ ᠶᠢᠨ ᠳᠦᠷᠪᠡᠳᠤᠭᠡᠷ ᠬᠦᠪᠡᠭᠦᠨ ᠡᠷᠭᠡ ᠳᠠᠶᠢᠴᠢᠩ ᠤᠭᠵᠤᠳᠪᠠ︶᠂ ᠲᠦᠭᠦᠷᠭᠡᠭᠴᠢ ︵ᠬᠦᠨᠳᠡᠯᠡᠨ | ᠤᠪᠠᠰᠢ ᠶᠢᠨ ᠠᠴᠢ ᠤᠪᠠᠰᠢ ᠬᠤᠨᠭ᠌ ᠳᠠᠶᠢᠵᠢ ᠶᠢᠨ ᠶᠡᠭᠡ ᠬᠦᠪᠡᠭᠦᠨ︶᠂ ᠳᠤᠷᠵᠢ ᠳᠠᠶᠢᠵᠢ ︵ᠬᠦᠨᠳᠡᠯᠡᠨ | ᠤᠪᠠᠰᠢ ᠶᠢᠨ ᠭᠤᠷᠪᠠᠳᠤᠭᠠᠷ ᠬᠦᠪᠡᠭᠦᠨ︶ ᠶᠢ ᠤᠷᠤᠭᠤᠯᠵᠤ ᠠᠪᠤᠭᠠᠳ᠂ ᠳᠠᠶᠢᠴᠢᠩ ᠪᠤᠯᠤᠨ ᠲᠦᠭᠦᠷᠭᠡᠭᠴᠢ | ᠬᠤᠶᠠᠷ ᠢ ᠪᠠᠷᠠᠭᠤᠨ ᠵᠤᠤ ᠳᠤ ᠢᠯᠡᠭᠡᠪᠡ᠃ 1671 ᠤᠨ ᠳᠤ᠂ ᠠᠪᠤᠯᠠᠢ ᠶᠢ ᠵᠠᠢ ᠭᠤᠤᠯ ᠳᠤ ᠡᠪᠤᠯᠵᠢᠵᠤ ᠪᠠᠶᠢᠳᠠᠯᠠ | ᠴᠠᠭᠠᠨ ᠰᠠᠷᠠ ᠶᠢᠨ ᠦᠶᠡ ᠪᠠᠷ ᠳᠤᠷᠭᠤᠳ ᠠᠶᠤᠬᠢ ᠬᠠᠨ ᠳᠤᠷᠭᠤᠳ᠂ ᠳᠦᠷᠪᠡᠳ᠂ ᠬᠤᠱᠤᠳ ᠵᠡᠷᠭᠡ | ᠠᠶᠢᠮᠠᠭ ᠤᠨ ᠳᠠᠪᠤᠨ ᠲᠦᠮᠡᠨ ᠴᠡᠷᠢᠭ ᠢ ᠠᠪᠴᠤ ᠢᠵᠢᠯ ᠠᠴᠠ ᠵᠠᠢ ᠳᠤ ᠬᠦᠷᠴᠤ ᠢᠷᠡᠭᠡᠳ᠂ ᠠᠪᠤᠯᠠᠢ ᠶᠢ ᠠᠮᠢᠳᠤ | ᠪᠠᠷ ᠪᠠᠷᠢᠪᠴᠢᠯᠠᠨ ᠠᠪᠴᠤ ᠬᠤᠷᠤᠭᠠᠭᠰᠠᠨ ᠪᠠᠶᠢᠵᠠᠢ᠃ ᠠᠪᠤᠯᠠᠢ ᠶᠢᠨ ᠨᠤᠳᠤᠭ ᠪᠠ ᠰᠦᠮᠡ ᠨᠢ ᠳᠦᠷᠪᠡᠨ | ᠤᠶᠢᠷᠠᠳ ᠤᠨ ᠬᠠᠮᠤᠭ ᠤᠨ ᠬᠤᠶᠢᠳᠤ ᠵᠠᠬᠠ ᠳᠤ ᠪᠠᠶᠢᠭᠰᠠᠨ ᠤᠴᠢᠷ ᠠᠴᠠ ᠤᠷᠤᠰ ᠲᠠᠢ ᠶᠡᠭᠡ ᠳᠤᠳᠤᠨᠤ ᠬᠠᠷᠢᠴᠠᠭᠠ | ᠲᠠᠢ ᠪᠠᠶᠢᠪᠠ᠃ ᠤᠷᠤᠰ ᠤᠨ ᠴᠠᠭᠠᠨ ᠬᠠᠭᠠᠨ ᠠᠴᠠ ᠴᠢᠩ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠲᠤ ᠶᠠᠪᠤᠭᠤᠯᠤᠭᠰᠠᠨ | ᠬᠠᠮᠤᠭ ᠤᠨ ᠠᠩᠬᠠᠨ ᠤ ᠡᠯᠴᠢ ᠶᠢ ᠠᠪᠤᠯᠠᠢ ᠪᠡᠭᠡᠵᠢᠩ ᠬᠤᠳᠠ ᠳᠤ ᠬᠦᠷᠭᠡᠵᠦ ᠦᠭᠭᠦᠭᠰᠡᠨ ᠶᠤᠮ᠃ | | |