| | ᠭᠠᠯᠳᠠᠮᠪᠠ ᠪᠤᠯ ᠤᠶᠢᠷᠠᠳ ᠠᠶᠢᠮᠠᠭ ᠤᠨ ᠬᠤᠱᠤᠳ ᠤᠪᠤᠭᠳᠠᠨ᠂ 1635 ᠤᠨ ᠳᠤ᠂ ᠲᠡᠷᠡ ᠳᠦᠷᠪᠡᠨ | ᠤᠶᠢᠷᠠᠳ ᠤᠨ ᠳᠡᠭᠡᠳᠤ ᠡᠷᠭᠡ ᠶᠢ ᠪᠠᠷᠢᠵᠤ ᠪᠠᠶᠢᠭᠰᠠᠨ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠤ ᠰᠤᠯᠮᠤᠨ ᠬᠠᠳᠤᠨ ᠠᠴᠠ | ᠲᠦᠷᠦᠵᠠᠢ᠃ ᠵᠠᠷᠢᠮ ᠳᠡᠤᠭᠡᠨ ᠰᠤᠷᠪᠤᠯᠵᠢ ᠪᠢᠴᠢᠭ ᠲᠤ ᠳᠡᠭᠦᠨ ᠢ ᠪᠠᠰᠠ ︽ᠭᠠᠯᠳᠠᠮᠠᠢ︾ ᠭᠡᠮᠡᠨ ᠳᠡᠮᠳᠡᠭᠯᠡᠳᠡᠭ ᠶᠤᠮ | ᠃ | ᠭᠠᠯᠳᠠᠮᠪᠠ ᠠᠷᠪᠠᠨ ᠬᠤᠶᠠᠷ ᠭᠤᠷᠪᠠᠨ ᠨᠠᠰᠤᠳᠠᠢ ᠪᠠᠶᠢᠬᠤ ᠳᠠᠭᠠᠨ ᠤᠶᠢᠷᠠᠳ ᠮᠤᠩᠭᠤᠯᠴᠤᠳ ᠤᠨ ᠡᠷᠳᠡᠨ ᠤ | ᠵᠠᠩᠰᠢᠯ ᠢᠶᠠᠷ ᠪᠠᠭᠠ ᠨᠠᠰᠤᠨ ᠳᠠᠭᠠᠨ ᠳᠤᠷᠭᠤᠳ ᠤᠨ ᠨᠤᠶᠠᠨ ᠱᠦᠭᠦᠷ ᠳᠠᠶᠢᠴᠢᠩ ᠤᠨ ᠭᠡᠦᠭᠡᠨ ᠲᠠᠢ ᠬᠤᠷᠢᠮᠯᠠᠨ | ᠰᠠᠭᠤᠵᠠᠢ᠃ ᠡᠭᠦᠨ ᠤ ᠤᠯᠠᠮ ᠠᠴᠠ ᠳᠦᠷᠪᠡᠨ ᠤᠶᠢᠷᠠᠳ ᠤᠨ ᠳᠤᠳᠤᠷᠠ ᠳᠡᠭᠦᠨ ᠤ ᠨᠦᠯᠦᠭᠡ ᠨᠡᠩ ᠶᠡᠭᠡ ᠪᠤᠯᠵᠤ | ᠡᠬᠢᠯᠡᠭᠰᠡᠨ ᠶᠤᠮ᠃ | ᠲᠦᠪ ᠠᠽᠢᠶᠠ ᠳᠤ ᠨᠤᠳᠤᠭ ᠲᠠᠢ᠂ ᠢᠰᠯᠠᠮ ᠤᠨ ᠱᠠᠰᠢᠨ ᠢ ᠰᠢᠳᠤᠳᠡᠭ᠂ ᠲᠦᠷᠺ ᠭᠡᠯᠡ ᠲᠠᠢ᠂ ᠨᠡᠭᠦᠳᠡᠯᠯᠡᠨ | ᠮᠠᠯᠵᠢᠳᠠᠭ ᠬᠠᠰᠠᠭ᠂ ᠬᠢᠷᠬᠢᠰᠴᠤᠳ ︵ᠬᠢᠷᠭᠠᠽᠢᠴᠤᠳ︶ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠲᠤᠰ ᠭᠠᠵᠠᠷ ᠤᠷᠤᠨ ᠤ ᠪᠠᠨ | ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠ ᠶᠢᠨ ᠲᠦᠪ ᠪᠤᠯᠤᠭᠴᠢ ᠬᠤᠳᠠ ᠪᠠᠯᠭᠠᠰᠤ ᠨᠤᠭᠤᠳ ᠢ ᠡᠵᠡᠯᠡᠨ ᠰᠠᠭᠤᠭᠠᠳ᠂ ᠳᠦᠷᠪᠡᠨ | ᠤᠶᠢᠷᠠᠳ ᠤᠨ ᠮᠠᠶᠢᠮᠠᠶ ᠶᠢᠨ ᠵᠠᠮ ᠢ ᠬᠠᠭᠠᠵᠤ ᠪᠠᠶᠢᠭᠰᠠᠨ ᠪᠦᠭᠡᠳ ᠨᠤᠳᠤᠭ ᠤᠰᠤ ᠶᠢ ᠨᠢ ᠴᠤ ᠦᠷᠭᠦᠯᠵᠢ ᠳᠠᠭᠠᠷᠢᠨ | ᠳᠤᠪᠳᠤᠯᠵᠤ ᠪᠠᠶᠢᠪᠠ᠃ ᠡᠶᠢᠮᠤ ᠠᠴᠠ ᠤᠶᠢᠷᠠᠳᠴᠤᠤᠨ 1652 ᠤᠨ ᠳᠤ᠂ ᠬᠠᠰᠠᠭ ᠤᠨ ᠶᠠᠩᠵᠠᠷ ᠰᠤᠯᠳᠠᠨ ᠯᠤᠭᠠ | ᠪᠠᠶᠢᠯᠳᠤᠬᠤ ᠦᠶᠡ ᠳᠤ᠂ ᠠᠷᠪᠠᠨ ᠲᠤᠯᠤᠭᠠᠨ ᠨᠠᠰᠤᠳᠠᠢ ᠪᠠᠶᠢᠭᠰᠠᠨ ᠭᠠᠯᠳᠠᠮᠪᠠ ᠪᠠᠰᠠ ᠪᠡᠶᠡ ᠪᠠᠷ ᠢᠶᠠᠨ ᠳᠠᠭᠠᠵᠤ | ᠮᠤᠷᠳᠠᠭᠰᠠᠨ ᠪᠠᠶᠢᠨᠠ᠃ ᠳᠡᠭᠡᠭᠡᠳ ᠪᠦᠬᠦ ᠴᠡᠷᠢᠭ ᠤᠨ ᠡᠮᠤᠨᠡ ᠡᠷᠡᠯᠭᠡᠭᠯᠡᠨ ᠪᠠᠶᠢᠯᠳᠤᠵᠤ᠂ ᠶᠠᠩᠵᠠᠷ ᠰᠤᠯᠳᠠᠨ ᠢ | ᠶᠡᠭᠡᠳᠡ ᠳᠠᠶᠢᠯᠠᠵᠤ᠂ ᠨᠤᠳᠤᠭ ᠤᠰᠤ ᠶᠢᠨ ᠢᠶᠠᠨ ᠡᠩᠭᠡ ᠠᠮᠤᠭᠤᠯᠠᠩ᠂ ᠠᠷᠠᠳ ᠢᠷᠭᠡᠳ ᠤᠨ ᠢᠶᠠᠨ ᠠᠮᠤᠷ | ᠲᠦᠪᠰᠢᠨ ᠢ ᠬᠠᠮᠠᠭᠠᠯᠠᠭᠰᠠᠨ ᠲᠤᠯᠠ᠂ ᠦᠷᠭᠡᠨ ᠤᠯᠠᠨ ᠤᠶᠢᠷᠠᠳᠴᠤᠳ ᠴᠦᠮ ᠭᠠᠯᠳᠠᠮᠪᠠ ᠶᠢ ᠪᠠᠭ᠋ᠠᠷᠤᠨ ᠮᠠᠭᠳᠠᠵᠤ᠂ | ᠬᠦᠷᠢᠶᠡᠯᠡᠨ ᠬᠠᠶᠢᠷᠠᠯᠠᠳᠠᠭ ᠪᠤᠯᠤᠭᠰᠠᠨ ᠶᠤᠮ᠃ | 1653 ᠤᠨ ᠳᠤ᠂ ᠵᠡᠭᠦᠨᠭᠠᠷ ᠤᠨ ᠪᠠᠭᠠᠳᠤᠷ ᠬᠤᠨᠭ᠌ ᠳᠠᠶᠢᠵᠢ ᠨᠠᠰᠤ ᠨᠦᠭᠴᠢᠭᠰᠡᠨ ᠪᠦᠭᠡᠳ ᠳᠡᠭᠦᠨ ᠤ | ᠳᠠᠪᠤᠳᠤᠭᠠᠷ ᠭᠦᠪᠡᠭᠦᠨ ᠰᠡᠩᠭᠡ ᠵᠡᠷᠭᠡ ᠭᠡᠷᠭᠡᠮ ᠢ ᠨᠢ ᠵᠠᠯᠭᠠᠮᠵᠢᠯᠠᠪᠠ᠃ ᠳᠡᠭᠦᠨᠴᠢᠯᠡᠨ ᠰᠡᠩᠭᠡ ᠵᠡᠭᠦᠨᠭᠠᠷ ᠢ ᠵᠠᠬᠢᠷᠬᠤ | ᠡᠷᠭᠡ ᠶᠢ ᠠᠳᠬᠤᠭᠰᠠᠨ ᠢᠶᠠᠷ ᠪᠠᠷᠬᠠᠤ ᠦᠭᠡᠢ᠂ ᠡᠴᠢᠭᠡ ᠪᠠᠭᠠᠳᠤᠷ ᠬᠤᠨᠭ᠌ ᠳᠠᠶᠢᠵᠢ ᠶᠢᠨ ᠢᠶᠠᠨ ᠦᠮᠴᠢ | ᠬᠦᠷᠤᠩᠭᠡ ᠶᠢᠨ ᠶᠡᠭᠡᠨᠭᠬᠢ ᠭᠡᠰᠡᠭ ᠢ ᠴᠤ ᠬᠤᠪᠢᠶᠠᠨ ᠤᠯᠵᠠᠢ᠃ ᠡᠭᠦᠨ ᠤ ᠤᠯᠠᠮ ᠠᠴᠠ ᠠᠬᠠ ᠰᠡᠴᠡᠨ ᠬᠢᠭᠡᠳ | ᠵᠤᠳᠪᠠ ᠪᠠᠭᠠᠳᠤᠷ ᠳᠤᠷᠠ ᠦᠭᠡᠶᠢᠴᠡᠵᠦ᠂ ᠦᠷᠭᠦᠯᠵᠢ ᠭᠡᠷᠡᠭ ᠡᠭᠦᠰᠭᠡᠨ ᠰᠡᠩᠭᠡ ᠶᠢ ᠳᠠᠭᠠᠷᠢᠨ ᠳᠤᠪᠳᠤᠯᠵᠤ ᠪᠠᠶᠢᠪᠠ᠃ | ᠡᠨᠡ ᠦᠶᠡ ᠳᠤ᠂ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠬᠦᠪᠡᠭᠦᠨ ᠭᠠᠯᠳᠠᠮᠪᠠ ᠲᠠᠢ ᠪᠠᠨ ᠪᠠᠭᠠᠳᠤᠷ ᠬᠤᠨᠭ᠌ ᠳᠠᠶᠢᠵᠢ ᠶᠢᠨ ᠬᠠᠤᠯᠢ | ᠶᠤᠰᠤᠨ ᠤ ᠵᠠᠯᠭᠠᠮᠵᠢᠯᠠᠭᠴᠢ ᠪᠤᠯᠬᠤ ᠰᠡᠩᠭᠡ ᠶᠢ ᠡᠷᠡᠰ ᠳᠡᠮᠵᠢᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠸᠴᠢᠷᠳᠤ ᠰᠡᠴᠡᠨ ᠬᠠᠨ | ᠰᠡᠩᠭᠡ ᠶᠢᠨ ᠳᠠᠯᠠ ᠳᠤ ᠵᠤᠭᠰᠤᠵᠤ᠂ ᠰᠡᠴᠡᠨ ᠬᠢᠭᠡᠳ ᠵᠤᠳᠪᠠ ᠪᠠᠭᠠᠳᠤᠷ ᠢ ᠡᠰᠡᠷᠭᠦᠴᠡᠵᠦ ᠪᠤᠢ ᠭᠡᠮᠡᠨ | ᠰᠤᠨᠤᠰᠤᠭᠠᠳ ᠠᠪᠤᠯᠠᠢ ᠶᠡᠭᠡᠳᠡ ᠬᠢᠯᠢᠩᠨᠡᠵᠦ᠂ ᠰᠡᠴᠡᠨ ᠵᠡᠷᠭᠡ ᠬᠦᠮᠦᠰ ᠲᠠᠢ ᠬᠤᠯᠪᠤᠭᠠᠯᠠᠨ ᠸᠴᠢᠷᠳᠤ ᠰᠡᠴᠡᠨ ᠬᠠᠨ | ᠪᠤᠯᠤᠨ ᠰᠡᠩᠭᠡ ᠨᠠᠷ ᠢ ᠡᠰᠡᠷᠭᠦᠴᠡᠵᠦ ᠡᠬᠢᠯᠡᠪᠡ᠃ ᠡᠨᠡ ᠬᠦ ᠳᠡᠮᠡᠴᠡᠯ ᠨᠢ ᠵᠡᠭᠦᠨᠭᠠᠷ ᠤᠨ ᠳᠠᠶᠢᠵᠢ ᠨᠠᠷ ᠤᠨ ᠳᠡᠮᠡᠴᠡᠯ | ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠠᠯᠭᠤᠷ ᠠᠭᠠᠵᠢᠮ ᠢᠶᠠᠷ ︽ᠤᠶᠢᠷᠠᠳ ᠤᠨ ᠴᠢᠭᠤᠯᠭᠠᠨ︾ ᠤ ᠪᠦᠬᠦ ᠳᠠᠯᠠ ᠶᠢᠨ | ᠳᠤᠳᠤᠭᠠᠳᠤ ᠶᠢᠨ ᠳᠠᠶᠢᠨ ᠪᠤᠯᠵᠤ ᠬᠤᠪᠢᠷᠠᠵᠠᠢ᠃ 1657 ᠤᠨ ᠳᠤ᠂ ᠬᠤᠶᠠᠷ ᠡᠳᠡᠭᠡᠳ ᠤᠨ ᠴᠡᠷᠢᠭ ᠡᠮᠡᠭᠡᠯ | ᠭᠤᠤᠯ ᠤᠨ ᠬᠦᠪᠡᠭᠡ ᠳᠤ ᠳᠠᠬᠢᠨ ᠴᠤᠭᠯᠠᠷᠠᠵᠤ ᠡᠬᠢᠯᠡᠵᠡᠢ᠃ ᠭᠡᠳᠡᠯᠡ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠤ ᠬᠦᠪᠡᠭᠦᠨ | ᠭᠠᠯᠳᠠᠮᠪᠠ ᠠᠪᠤᠯᠠᠢ ᠶᠢᠨ ᠬᠦᠪᠡᠭᠦᠨ ᠴᠠᠭᠠᠨ ᠯᠤᠭᠠ ᠤᠷᠢᠳᠠ ᠠᠴᠠ ᠨᠠᠶᠢᠷ ᠲᠠᠢ ᠪᠠᠶᠢᠭᠰᠠᠨ ᠲᠤᠯᠠ ᠬᠤᠶᠠᠭᠤᠯᠠ | ᠪᠠᠶᠢᠯᠳᠤᠭᠠᠨ ᠤ ᠳᠠᠯᠠᠪᠤᠷ ᠤᠨ ᠳᠤᠮᠳᠠ ᠰᠠᠭᠤᠵᠤ ᠰᠢᠳᠠᠷᠠ ᠳᠠᠯᠪᠢᠭᠰᠠᠨ ᠳᠤ ᠬᠤᠶᠠᠷ ᠡᠳᠡᠭᠡᠳ ᠢᠶᠠᠷ ᠢᠶᠠᠨ ᠰᠠᠶ᠋ᠢ | ᠪᠠᠶᠢᠯᠳᠤᠭᠰᠠᠨ ᠦᠭᠡᠢ ᠪᠠᠷ ᠡᠪᠰᠡᠪᠡ᠃ | 1658 ᠤᠨ ᠤ ᠴᠠᠭᠠᠨ ᠰᠠᠷᠠ ᠳᠤ᠂ ᠪᠤᠬᠠᠷ ᠤᠨ ᠴᠡᠷᠢᠭ ᠤᠨ ᠨᠤᠶᠠᠨ ᠠᠪᠤᠳᠤᠱᠦ᠋ᠭᠦᠷ ᠤᠶᠢᠷᠠᠳᠴᠤᠳ ᠤᠨ | ᠴᠠᠭᠠᠯᠠᠵᠤ ᠨᠠᠶᠢᠷᠯᠠᠵᠤ ᠪᠠᠶᠢᠭᠰᠠᠨ ᠵᠠᠪᠰᠢᠶᠠᠨ ᠢ ᠳᠠᠯᠢᠮᠳᠠᠭᠤᠯᠤᠨ ᠭᠤᠷᠪᠠᠨ ᠲᠦᠮᠡ ᠨᠠᠢᠮᠠᠨ ᠮᠢᠩᠭᠠᠨ ᠴᠡᠷᠢᠭ | ᠳᠠᠭᠠᠭᠤᠯᠵᠤ ᠢᠷᠡᠭᠡᠳ ᠳᠠᠯᠠᠰ ᠭᠤᠤᠯ ᠤᠨ ᠠᠳᠠᠭ ᠤᠨ ᠰᠠᠪᠠ ᠭᠠᠵᠠᠷ ᠢ ᠳᠦᠷᠢᠮᠡᠭᠡᠶᠢᠯᠡᠨ ᠳᠤᠪᠳᠤᠯᠪᠠ᠃ ᠲᠡᠷᠡ | ᠦᠶᠡ ᠳᠤ ᠲᠤᠰ ᠭᠠᠵᠠᠷ ᠤᠷᠤᠨ ᠢ ᠰᠠᠬᠢᠨ ᠬᠠᠮᠠᠭᠠᠯᠠᠵᠤ ᠪᠠᠶᠢᠭᠰᠠᠨ ᠭᠠᠯᠳᠠᠮᠪᠠ ᠤᠶᠢᠷᠠ ᠤᠷᠴᠢᠮ ᠤᠨ | ᠨᠤᠳᠤᠭ ᠠᠴᠠ ᠦᠭᠡᠯᠡᠳ᠂ ᠬᠤᠱᠤᠳ᠂ ᠳᠦᠷᠪᠡᠳ ᠵᠠᠯᠠᠭᠤᠴᠤᠳ ᠢ ᠭᠤᠷᠪᠠᠨ ᠮᠢᠩᠭᠠ ᠢᠯᠡᠭᠦᠦ ᠬᠤᠷᠠᠮᠳᠤᠭᠤᠯᠤᠨ | ᠴᠤᠭᠯᠠᠭᠤᠯᠤᠭᠠᠳ ᠦᠪᠡᠷ ᠤᠨ ᠪᠡᠶᠡ ᠪᠠᠷ ᠢᠶᠠᠨ ᠵᠠᠬᠢᠷᠤᠨ ᠵᠢᠯᠤᠭᠤᠳᠴᠤ ᠳᠠᠯᠠᠰ ᠭᠤᠤᠯ ᠤᠨ ᠠᠳᠠᠭ ᠲᠠᠬᠢ ᠬᠤᠯᠠᠩ | ᠢᠯᠠᠩ ᠭᠡᠮᠡᠬᠦ ᠭᠠᠵᠠᠷ ᠲᠤ ᠪᠠᠶᠢᠭᠰᠠᠨ ᠳᠠᠶᠢᠰᠤᠨ ᠢ ᠦᠷ ᠴᠠᠶᠢᠳᠠᠯᠠ ᠬᠠᠷᠢᠭᠤ ᠳᠠᠭᠠᠷᠢᠭᠠᠳ ᠬᠦᠦ ᠶᠢᠨ ᠠᠮᠠ ᠭᠡᠬᠦ | ᠭᠠᠵᠠᠷ ᠲᠤ ᠬᠦᠷᠳᠡᠯᠡ ᠬᠦᠭᠡᠭᠡᠵᠦ᠂ ᠠᠪᠤᠳᠤᠱᠦ᠋ᠭᠦᠷ ᠢ ᠴᠤ ᠠᠮᠢᠳᠤ ᠪᠠᠷ ᠪᠠᠷᠢᠪᠴᠢᠯᠠᠨ ᠠᠯᠠᠭᠰᠠᠨ ᠪᠠᠶᠢᠨᠠ᠃ | ᠳᠡᠭᠦᠨᠴᠢᠯᠡᠨ ᠳᠠᠶᠢᠰᠤᠨ ᠤ ᠴᠡᠷᠢᠭ ᠤᠨ ᠳᠤᠳᠤᠷᠠ ᠠᠴᠠ ᠰᠠᠭᠠ ᠬᠤᠵᠢᠶᠠ ᠪᠠᠷ ᠠᠬᠠᠯᠠᠭᠤᠯᠤᠭᠰᠠᠨ ᠭᠤᠷᠪᠠᠨ ᠵᠠᠭᠤᠨ | ᠬᠦᠮᠤᠨ ᠭᠡᠭᠡᠷᠡ ᠪᠠᠭᠤᠵᠤ ᠡᠩᠨᠡᠭᠡ ᠠᠴᠠ ᠪᠠᠨ ᠬᠤᠴᠤᠷᠤᠭᠠᠳ ᠰᠠᠶᠢᠨ ᠳᠤᠷᠠ ᠠᠴᠠ ᠪᠠᠨ ᠤᠶᠢᠷᠠᠳᠴᠤᠳ ᠲᠤ | ᠤᠷᠤᠵᠤ ᠦᠭᠭᠦᠭᠰᠡᠨ ᠳᠤ᠂ ᠭᠠᠯᠳᠠᠮᠪᠠ ᠳᠡᠳᠡᠨ ᠢ ᠤᠷᠤᠭᠤᠯᠵᠤ ᠠᠪᠤᠭᠠᠳ ᠦᠽᠪᠧᠺ ᠤᠨ ᠵᠠᠬᠠ ᠳᠠᠬᠢ ᠨᠢᠭᠡᠨ | ᠪᠠᠯᠭᠠᠰᠤᠨ ᠳᠤ ᠬᠦᠷᠭᠡᠵᠦ ᠰᠤᠯᠠᠯᠠᠨ ᠳᠠᠯᠪᠢᠵᠠᠢ᠃ | 1667 ᠤᠨ ᠳᠤ᠂ ᠠᠪᠤᠯᠠᠢ ᠰᠢᠷᠠ ᠬᠤᠯᠤᠰᠤᠨ ᠳᠤ ᠪᠠᠶᠢᠭᠰᠠᠨ ᠭᠠᠯᠳᠠᠮᠪᠠ ᠶᠢᠨ ᠡᠴᠢᠭᠡ ᠸᠴᠢᠷᠳᠤ ᠰᠡᠴᠡᠨ | ᠬᠠᠨ ᠤ ᠠᠯᠪᠠᠳᠤ ᠨᠠᠷ ᠢ ᠤᠷᠤᠭᠤᠯᠤᠨ ᠠᠪᠴᠤ᠂ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠤ ᠳᠠᠯᠠ ᠶᠢᠨ ᠳ᠋ᠠᠨᠵᠢᠨ ᠬᠤᠨᠭ᠌ ᠳᠠᠶᠢᠵᠢ | ᠪᠤᠯᠤᠨ ᠡᠷᠭᠡ ᠳᠠᠶᠢᠴᠢᠩ ᠤᠭᠵᠤᠳᠪᠠ ᠨᠢ ᠠᠪᠤᠯᠠᠢ ᠶᠢᠨ ᠳᠠᠯᠠ ᠳᠤ ᠪᠠᠶᠢᠭᠰᠠᠨ ᠬᠦᠨᠳᠡᠯᠡᠨ ᠤᠪᠠᠰᠢ ᠶᠢᠨ | ᠲᠤᠯᠤᠳᠤᠭᠠᠷ ᠬᠦᠪᠡᠭᠦᠨ ᠮᠦᠡᠭᠭᠡ ᠶᠢ ᠤᠯᠵᠠᠯᠠᠵᠤ᠂ ᠬᠤᠱᠤᠳ ᠨᠤᠶᠠᠨ ᠪᠤᠶᠠᠨ ᠤᠳᠬᠤᠨ ᠤ ᠬᠦᠪᠡᠭᠦᠨ | ᠬᠦᠮᠦᠰᠭᠡ ᠶᠢ ᠠᠯᠠᠵᠤ᠂ ᠠᠯᠪᠠᠳᠤ ᠪᠠᠨ ᠪᠤᠴᠠᠭᠠᠵᠤ ᠠᠪᠤᠭᠰᠠᠨ ᠠᠴᠠ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠤ ᠳᠠᠯᠠ ᠳᠡᠶᠢᠯᠵᠡᠢ᠃ | ᠠᠪᠤᠯᠠᠢ ᠳᠠᠶᠢᠵᠢ ᠰᠡᠩᠭᠡ ᠯᠦᠭᠡ ᠦᠵᠡᠯᠴᠡᠬᠦ ᠪᠠᠷ ᠳᠠᠬᠢᠨ ᠢᠷᠡᠭᠰᠡᠨ ᠳᠤ᠂ ᠰᠡᠩᠭᠡ ᠴᠡᠷᠢᠭ ᠲᠠᠢ ᠪᠠᠨ ᠤᠶᠢᠰᠢᠶᠠᠯ | ᠦᠭᠡᠢ ᠪᠠᠷ ᠮᠤᠷᠢᠨ ᠠᠴᠠ ᠪᠠᠨ ᠪᠠᠭᠤᠵᠤ ᠡᠰᠡ ᠬᠦᠳᠡᠯᠪᠡ᠃ ᠡᠭᠦᠨ ᠳᠤ ᠠᠪᠤᠯᠠᠢ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠤ ᠠᠷᠤ | ᠳᠠᠯᠠ ᠪᠠᠷ ᠳᠠᠭᠠᠷᠢᠭᠠᠳ ᠭᠡᠳᠡᠷᠬᠦ ᠪᠠᠨ ᠪᠦᠰᠡᠯᠡᠭᠳᠡᠵᠦ ᠭᠡᠰᠡᠭ ᠨᠤᠶᠠᠳ ᠢᠶᠠᠨ ᠬᠤᠷᠤᠭᠳᠠᠭᠤᠯᠵᠠᠢ᠃ ᠸᠴᠢᠷᠳᠤ ᠰᠡᠴᠡᠨ | ᠬᠠᠨ ᠳ᠋ᠠᠨᠵᠢᠨ ᠬᠤᠨᠭ᠌ ᠳᠠᠶᠢᠵᠢ ᠪᠠᠷ ᠠᠬᠠᠯᠠᠭᠤᠯᠤᠭᠰᠠᠨ ᠲᠦᠮᠡᠨ ᠤᠤᠯᠠᠭᠠᠴᠢᠨ ᠢ ᠴᠦᠤᠯᠢ ᠶᠢᠨ ᠳᠠᠪᠠᠭᠠᠨ ᠢᠶᠠᠷ | ᠠᠪᠤᠯᠠᠢ ᠶᠢᠨ ᠨᠤᠳᠤᠭ ᠲᠤ ᠳᠤᠮᠢᠯᠠᠵᠤ᠂ ᠠᠯᠪᠠᠳᠤ ᠢᠷᠭᠡᠳ ᠤᠨ ᠶᠡᠭᠡᠨᠭᠬᠢ ᠬᠠᠭᠠᠰ ᠢ ᠨᠢ ᠤᠷᠤᠭᠤᠯᠤᠨ ᠠᠪᠤᠭᠰᠠᠨ | ᠪᠠᠶᠢᠨᠠ᠃ ᠠᠪᠤᠯᠠᠢ ᠠᠷᠭᠠ ᠮᠤᠬᠤᠷᠳᠠᠨ ᠡᠷᠴᠢᠰ ᠭᠤᠤᠯ ᠢ ᠦᠭᠰᠤᠵᠤ ᠪᠢᠱᠢᠭᠡ ᠭᠤᠤᠯ ᠳᠤ ᠪᠠᠶᠢᠭᠰᠠᠨ | ᠰᠦᠮᠡ ᠳᠡᠭᠡᠨ ᠬᠦᠷᠴᠤ ᠰᠢᠪᠡᠭᠡ ᠳᠡᠭᠡᠨ ᠤᠷᠤᠵᠠᠢ᠃ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠬᠢᠭᠡᠳ ᠭᠠᠯᠳᠠᠮᠪᠠ ᠶᠢᠨ ᠴᠡᠷᠢᠭ | ᠳᠡᠭᠦᠨ ᠤ ᠰᠢᠪᠡᠭᠡ ᠶᠢ ᠰᠠᠷᠠ ᠢᠯᠡᠭᠦᠦ ᠪᠦᠰᠡᠯᠡᠭᠰᠡᠨ ᠳᠤ᠂ ᠠᠪᠤᠯᠠᠢ ᠶᠢᠨ ᠠᠯᠪᠠᠳᠤ ᠨᠠᠷ ᠤᠨ ᠮᠠᠯ ᠰᠦᠷᠦᠭ ᠶᠡᠭᠡᠳᠡ | ᠦᠭᠦᠵᠤ ᠬᠤᠷᠤᠭᠳᠠᠭᠠᠳ ᠭᠠᠢ ᠭᠠᠮᠰᠢᠭ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠡᠶᠢᠮᠤ ᠠᠴᠠ ᠠᠪᠤᠯᠠᠢ ᠠᠷᠭᠠ ᠪᠤᠰᠤ ᠬᠤᠶᠢᠳᠤ | ᠡᠬᠡ ᠰᠠᠶᠢᠬᠠᠨᠵᠤᠯᠠ ᠪᠠᠨ ᠸᠴᠢᠷᠳᠤ ᠬᠠᠨ ᠤ ᠳᠡᠷᠭᠡᠳᠡ ᠢᠯᠡᠭᠡᠵᠦ ᠤᠷᠤᠵᠤ ᠦᠭᠬᠦ ᠶᠢ ᠵᠦᠪᠯᠡᠯᠳᠡᠬᠦ ᠪᠠᠷ ᠪᠤᠯᠪᠠ᠃ | ᠰᠠᠶᠢᠬᠠᠨᠵᠤᠯᠠ ᠬᠠᠳᠤᠨ ᠰᠦᠮᠡ ᠠᠴᠠ ᠭᠠᠷᠴᠤ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠤ ᠳᠡᠷᠭᠡᠳᠡ ᠬᠦᠷᠤᠭᠡᠳ ᠤᠴᠢᠷ ᠶᠠᠪᠤᠳᠠᠯ ᠢ | ᠳᠡᠯᠭᠡᠨ ᠦᠭᠦᠯᠡᠭᠰᠡᠨ ᠪᠦᠭᠡᠳ ︽ᠳᠠ ᠠᠬᠠ ᠳᠡᠭᠦᠦ ᠬᠤᠶᠠᠭᠤᠯᠠ ᠡᠪᠰᠡᠬᠦ ᠪᠤᠯᠪᠠᠤ︕︾ ᠭᠡᠮᠡᠨ ᠢᠳᠬᠠᠨ ᠭᠡᠯᠡᠪᠡ | ᠃ ᠪᠠᠭᠠ ᠡᠬᠡ ᠰᠠᠶᠢᠬᠠᠨᠵᠤᠯᠠ ᠶᠢᠨ ᠦᠭᠡ ᠶᠢ ᠰᠤᠨᠤᠰᠤᠭᠠᠳ᠂ ᠸᠴᠢᠷᠳᠤ ᠰᠡᠴᠡᠡ ᠬᠠᠨ ᠤᠯᠠᠨ ᠨᠤᠶᠠᠳ ᠢᠶᠠᠨ | ᠴᠤᠭᠯᠠᠭᠤᠯᠵᠤ ᠵᠦᠪᠳᠡᠪᠡ᠃ ᠡᠨᠡ ᠦᠶᠡ ᠳᠤ ᠭᠠᠯᠳᠠᠮᠪᠠ ᠪᠠᠰᠠ ᠡᠴᠢᠭᠡ ᠳᠡᠭᠡᠨ ᠳᠠᠬᠢᠨ ᠳᠠᠪᠳᠠᠨ ᠭᠡᠯᠡᠵᠦ | ᠢᠳᠬᠠᠭᠰᠠᠨ ᠤ ᠠᠴᠢ ᠪᠠᠷ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠬᠦᠪᠡᠭᠦᠨ ᠤ ᠪᠠᠨ ᠦᠭᠡ ᠶᠢ ᠰᠤᠨᠤᠰᠤᠭᠠᠳ ᠠᠪᠤᠯᠠᠢ ᠯᠤᠭᠠ | ᠡᠪᠰᠡᠬᠦ ᠪᠠᠷ ᠪᠤᠯᠪᠠ᠃ ᠡᠨᠡ ᠤᠳᠠᠭᠠ ᠴᠢᠰᠤ ᠠᠰᠬᠠᠷᠠᠭᠤᠯᠤᠯ ᠦᠭᠡᠢ ᠪᠠᠷ ᠬᠤᠶᠠᠷ ᠡᠳᠡᠭᠡᠳ ᠡᠪᠰᠡᠭᠰᠡᠨ ᠨᠢ ᠮᠦᠨ | ᠭᠠᠯᠳᠠᠮᠪᠠ ᠶᠢᠨ ᠭᠤᠤᠯ ᠭᠠᠪᠢᠶᠠ ᠪᠤᠯᠬᠤ ᠶᠤᠮ᠃ | 1667 ᠤᠨ ᠤ ᠨᠠᠮᠤᠷ᠂ ᠭᠠᠯᠳᠠᠮᠪᠠ ᠪᠢᠵᠢ ᠶᠢᠨ ᠭᠤᠤᠯ ᠳᠤ ᠡᠪᠡᠳᠴᠢᠨ ᠢᠶᠠᠷ ᠨᠠᠰᠤ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ᠂ | ᠳᠡᠭᠦᠨ ᠤ ᠪᠤᠶᠠᠨ ᠨᠤᠮ ᠢ ᠳᠡᠯᠭᠡᠷᠡᠩᠭᠦᠢ ᠶᠡᠭᠡ ᠪᠠᠷ ᠬᠢᠵᠤ᠂ ᠭᠡᠭᠦᠷ ᠢ ᠨᠢ ᠳᠡᠭᠳᠡᠭᠡᠵᠦ ᠴᠢᠨᠳᠠᠷᠯᠠᠭᠠᠳ᠂ ᠲᠤᠰᠬᠠᠢ | ᠬᠦᠮᠤᠰ ᠢᠶᠠᠷ ᠲᠦᠪᠡᠳ ᠲᠤ ᠬᠦᠷᠭᠡᠭᠦᠯᠵᠦ᠂ ᠳᠠᠯᠠᠢ ᠯᠠᠮᠠ ᠪᠠᠷ ᠰᠦᠨᠡᠰᠤ ᠮᠦᠷ ᠢ ᠨᠢ ᠳᠠᠭᠠᠳᠬᠠᠯᠭᠠᠪᠠ᠃ ᠳᠠᠯᠠᠢ | ᠯᠠᠮᠠ ᠳᠡᠭᠦᠨ ᠳᠤ ᠪᠤᠶᠠᠨ ᠬᠢᠵᠤ ᠦᠭᠭᠦᠭᠡᠳ ᠴᠢᠨᠳᠠᠷ ᠶᠠᠰᠤ ᠶᠢ ᠨᠢ ᠬᠠᠳᠠᠭ ᠲᠤ ᠴᠤᠭᠯᠠᠵᠤ᠂ ᠮᠤᠳᠤᠷ ᠳᠡᠭᠡᠷᠡ ᠪᠠᠨ | ᠳᠠᠯᠪᠢᠨ ᠦᠯᠢᠶᠡᠭᠡᠳ᠂ ᠡᠰᠡ ᠰᠢᠳᠠᠭᠰᠠᠨ ᠵᠢᠷᠤᠭᠡ ᠶᠢ ᠦᠵᠡᠵᠦ ︽ᠰᠠᠶᠢᠨ ᠡᠷᠡ ᠳᠡᠮᠤᠷ ᠵᠢᠷᠤᠭᠡ ᠲᠠᠢ︾ ᠭᠡᠳᠡᠭ | ᠦᠨᠡᠨ ᠪᠠᠶᠢᠨᠠ ᠭᠡᠵᠦ ᠵᠠᠷᠯᠢᠭ ᠪᠤᠯᠪᠠ᠃ | ᠭᠠᠯᠳᠠᠮᠪᠠ ᠪᠤᠯ ᠸᠴᠢᠷᠳᠤ ᠰᠡᠴᠡᠡ ᠬᠠᠨ ᠤ ᠬᠦᠪᠡᠭᠦᠨ᠂ ᠱᠦᠭᠦᠷ ᠳᠠᠶᠢᠴᠢᠩ ᠬᠢᠭᠡᠳ ᠰᠡᠩᠭᠡ ᠬᠤᠨᠭ᠌ ᠳᠠᠶᠢᠵᠢ ᠶᠢᠨ | ᠬᠦᠷᠭᠡᠨ᠂ ᠭᠠᠯᠳᠠᠨ ᠪᠤᠱᠤᠭᠳᠤ ᠶᠢᠨ ᠬᠠᠳᠠᠮ ᠡᠴᠢᠭᠡ ᠪᠤᠯᠬᠤ ᠨᠦᠯᠦᠭᠡ ᠶᠠᠭᠡᠳᠠᠢ ᠬᠦᠮᠤᠨ ᠮᠦᠷᠳᠡᠭᠡᠨ ᠡᠪ | ᠨᠠᠶᠢᠷᠠᠮᠳᠠᠯ ᠳᠤ ᠳᠤᠷᠠ ᠲᠠᠢ᠂ ᠡᠶᠡ ᠡᠪ ᠢ ᠡᠷᠬᠢᠮᠯᠡᠳᠡᠭ ᠬᠦᠮᠤᠨ ᠪᠤᠯᠬᠤᠷ ᠤᠯᠠᠨ ᠭᠠᠵᠠᠷ ᠤᠨ ᠮᠤᠩᠭᠤᠯᠴᠤᠳ ᠤᠳᠤ | ᠴᠤ ᠭᠡᠰᠡᠨ ᠳᠡᠭᠦᠨ ᠢ ᠮᠠᠭᠳᠠᠨ ᠳᠠᠭᠤᠯᠠᠭᠰᠠᠭᠠᠷ ᠪᠠᠶᠢᠨᠠ᠃ ᠵᠢᠱᠢᠶᠡᠯᠡᠪᠡᠯ᠄ | ᠢᠯᠡᠭᠡᠨ ᠭᠠᠵᠠᠷ ᠤᠨ ᠴᠠᠬᠢᠯᠭᠠᠨ ᠭᠠᠯᠳᠠᠮᠪᠠ | ᠢᠳᠡᠯᠢᠬᠦ ᠰᠢᠪᠠᠭᠤᠨ ᠤ ᠰᠢᠭᠦᠷᠯᠡᠭᠡᠨ ᠭᠠᠯᠳᠠᠮᠪᠠ | ᠡᠷᠬᠢᠨ ᠲᠦᠷᠦᠭᠰᠡᠨ ᠭᠠᠯᠳᠠᠮᠪᠠ ᠮᠢᠨᠢ | ᠪᠢᠳᠡᠭᠦᠭᠡᠨ ᠭᠠᠵᠠᠷ ᠤᠨ ᠴᠠᠬᠢᠯᠭᠠᠨ ᠭᠠᠯᠳᠠᠮᠪᠠ | ᠪᠦᠷᠭᠦᠳ ᠰᠢᠪᠠᠭᠤᠨ ᠤ ᠰᠢᠭᠦᠷᠯᠡᠭᠡᠨ ᠭᠠᠯᠳᠠᠮᠪᠠ | ᠡᠷᠬᠢᠨ ᠲᠦᠷᠦᠭᠰᠡᠨ ᠭᠠᠯᠳᠠᠮᠪᠠ ᠮᠢᠨᠢ | ᠬᠠᠳᠠ ᠲᠠᠢ ᠭᠠᠵᠠᠷ ᠤᠨ ᠴᠠᠬᠢᠯᠭᠠᠨ ᠭᠠᠯᠳᠠᠮᠪᠠ | ᠬᠠᠷᠴᠠᠭᠠᠢ ᠰᠢᠪᠠᠭᠤᠨ ᠤ ᠰᠢᠭᠦᠷᠯᠡᠭᠡᠨ ᠭᠠᠯᠳᠠᠮᠪᠠ | ᠡᠷᠬᠢᠨ ᠲᠦᠷᠦᠭᠰᠡᠨ ᠭᠠᠯᠳᠠᠮᠪᠠ ᠮᠢᠨᠢ | ᠴᠠᠭᠠᠬᠠᠨ ᠭᠠᠵᠠᠷ ᠤᠨ ᠴᠠᠬᠢᠯᠭᠠᠨ ᠭᠠᠯᠳᠠᠮᠪᠠ | ᠴᠠᠭᠴᠠᠬᠠᠢ ᠰᠢᠪᠠᠭᠤᠨ ᠤ ᠰᠢᠭᠦᠷᠯᠡᠭᠡᠨ ᠭᠠᠯᠳᠠᠮᠪᠠ | ᠡᠷᠬᠢᠨ ᠲᠦᠷᠦᠭᠰᠡᠨ ᠭᠠᠯᠳᠠᠮᠪᠠ ᠮᠢᠨᠢ | ᠭᠡᠮᠡᠨ ᠮᠠᠭᠳᠠᠨ ᠳᠠᠭᠤᠯᠠᠳᠠᠭ ᠶᠤᠮ᠃ | | |