| ᠽᠠᠶᠠ ᠪᠠᠨᠳᠢᠳᠠ ᠪᠤᠯ ᠤᠶᠢᠷᠠᠳ ᠤᠨ ᠬᠤᠱᠤᠳ ᠠᠶᠢᠮᠠᠭ ᠤᠨ ᠬᠦᠮᠤᠨ ᠪᠤᠯᠤᠨᠠ᠃ ᠳᠡᠭᠦᠨ ᠤ ᠡᠪᠦᠭᠡ ᠡᠴᠢᠭᠡ ᠨᠢ | ᠳᠦᠷᠪᠡᠨ ᠤᠶᠢᠷᠠᠳ ᠲᠤ ᠰᠡᠴᠡᠨ ᠭᠡᠮᠡᠨ ᠠᠯᠳᠠᠷᠰᠢᠭᠰᠠᠨ ᠬᠦᠡᠭᠭᠦᠢ ᠵᠠᠶᠠᠭᠠᠴᠢ ᠮᠦᠨ᠃ ᠬᠦᠡᠭᠭᠦᠢ ᠵᠠᠶᠠᠭᠠᠴᠢ ᠳᠤ | ᠤᠯᠠᠨ ᠬᠦᠪᠡᠭᠦᠨ ᠪᠠᠶᠢᠳᠠᠭ ᠪᠦᠭᠡᠳ ᠶᠡᠭᠡ ᠬᠦᠪᠡᠭᠦᠨ ᠨᠢ ᠪᠠᠪᠠᠭ᠋ᠠᠨ ᠭᠡᠳᠡᠭ ᠶᠤᠮ᠃ ᠪᠠᠪᠠᠭ᠋ᠠᠨ ᠤ ᠳᠠᠪᠤᠳᠤᠭᠠᠷ | ᠬᠦᠪᠡᠭᠦᠨ ᠨᠢ ᠽᠠᠶᠠ ᠪᠠᠨᠳᠢᠳᠠ ᠪᠤᠯᠤᠨᠠ᠃ ᠽᠠᠶᠠ ᠪᠠᠨᠳᠢᠳᠠ 1599 ᠤᠨ ᠳᠤ ᠲᠦᠷᠤᠪᠡ᠃ ᠳᠡᠭᠦᠨ ᠤ | ᠪᠠᠭᠠ ᠶᠢᠨ ᠨᠡᠷᠡ ᠨᠢ ᠰᠢᠷᠠᠬᠠᠪᠤᠭ ᠭᠡᠳᠡᠭ ᠪᠢᠯᠡ᠃ | 1615 ᠤᠨ ᠳᠤ᠂ ᠮᠠᠨᠵᠦ᠋ᠰᠢᠷᠢ ᠬᠤᠳᠤᠭᠳᠤ ᠨᠢ ᠳᠠᠯᠠᠢ ᠯᠠᠮᠠ ᠶᠢ ᠲᠦᠯᠦᠭᠡᠯᠡᠵᠦ ᠤᠶᠢᠷᠠᠳ ᠲᠤ ᠬᠦᠷᠴᠤ | ᠢᠷᠡᠭᠡᠳ᠂ ᠴᠢᠭᠤᠯᠭᠠᠨ ᠳᠠᠷᠤᠭᠠ ᠪᠠᠶᠢᠪᠠᠭᠠᠰ ᠲᠠᠢ ᠠᠭᠤᠯᠵᠠᠵᠤ᠂ ᠰᠢᠷᠠ ᠶᠢᠨ ᠱᠠᠰᠢᠨ ᠢ ᠳᠡᠯᠭᠡᠷᠡᠭᠦᠯᠬᠦ ᠦᠶᠡ ᠳᠤ᠂ | ᠴᠤᠷᠤᠰ ᠤᠨ ᠬᠠᠷᠠ ᠬᠤᠯᠠᠨ ᠪᠤᠯᠤᠨ ᠴᠦᠭᠦᠷ ᠤᠪᠠᠰᠢ᠂ ᠳᠦᠷᠪᠡᠳ ᠤᠨ ᠳᠠᠯᠠᠢ ᠳᠠᠶᠢᠵᠢ᠂ ᠳᠤᠷᠭᠤᠳ ᠤᠨ ᠬᠤᠤ | ᠦᠷᠯᠦᠭ᠂ ᠬᠤᠱᠤᠳ ᠤᠨ ᠬᠦᠨᠳᠡᠯᠡᠨ ᠤᠪᠠᠰᠢ ᠵᠡᠷᠭᠡ ᠨᠤᠶᠠᠳ ᠲᠤᠰ ᠪᠦᠷᠢ ᠨᠢᠭᠡ ᠬᠦᠪᠡᠭᠦᠨ ᠢᠶᠠᠨ ᠯᠠᠮᠠ ᠪᠤᠯᠭᠠᠬᠤ | ᠪᠠᠷ ᠪᠤᠯᠪᠠ᠃ ᠭᠡᠳᠡᠯᠡ ᠳᠦᠷᠪᠡᠨ ᠤᠢᠢᠷᠠᠳ ᠤᠨ ᠳᠦᠷᠤᠭᠦᠦ ᠪᠠᠶᠢᠪᠠᠭᠠᠰ ᠦᠪᠡᠷ ᠢᠶᠠᠨ ᠯᠠᠮᠠ ᠪᠤᠯᠭᠠᠬᠤ ᠬᠦᠪᠡᠭᠦᠨ | ᠦᠭᠡᠢ ᠪᠠᠶᠢᠭᠰᠠᠨ ᠲᠤᠯᠠ ᠬᠤᠱᠤᠳ ᠠᠶᠢᠮᠠᠭ ᠤᠨ ᠪᠠᠪᠠᠭ᠋ᠠᠨ ᠤ ᠬᠦᠪᠡᠭᠦᠨ ᠰᠢᠷᠬᠠᠨᠪᠤᠭ ᠢ ᠡᠷᠭᠦᠨ ᠠᠪᠴᠤ ᠯᠠᠮᠠ | ᠪᠤᠯᠭᠠᠪᠠ᠃ | 1615 ᠤᠨ ᠳᠤ᠂ ᠰᠢᠷᠬᠠᠨᠪᠤᠭ ᠠᠷᠪᠠᠨ ᠲᠤᠯᠤᠭᠠᠨ ᠨᠠᠰᠤᠳᠠᠢ ᠳᠠᠭᠠᠨ ᠮᠠᠨᠵᠦ᠋ᠰᠢᠷᠢ ᠬᠤᠳᠤᠭᠳᠤ ᠶᠢ ᠪᠠᠭᠰᠢ | ᠪᠠᠷᠢᠵᠤ ᠱᠠᠪᠢ ᠪᠤᠯᠪᠠ᠃ ᠳᠡᠭᠡᠭᠡᠳ ᠲᠡᠷᠡ ᠨᠠᠮᠠᠬᠠᠶᠢᠵᠠᠮᠰᠤ ᠭᠡᠮᠡᠨ ᠨᠡᠷᠡᠶᠢᠳᠦᠭᠳᠡᠵᠦ᠂ 1616 ᠤᠨ ᠳᠤ | ᠬᠦᠬᠡᠨᠠᠭᠤᠷ ᠢᠶᠠᠷ ᠳᠠᠮᠵᠢᠵᠤ ᠲᠦᠪᠡᠳ ᠲᠤ ᠨᠤᠮ ᠰᠤᠷᠬᠤ ᠪᠠᠷ ᠶᠠᠪᠤᠭᠰᠠᠨ ᠪᠠᠶᠢᠨᠠ᠃ | 1617 ᠤᠨ ᠳᠤ᠂ ᠨᠠᠮᠬᠠᠶᠢᠵᠠᠮᠰᠤ ᠲᠦᠪᠡᠳ ᠲᠤ ᠬᠦᠷᠤᠭᠡᠳ᠂ ᠳᠠᠯᠠᠢ ᠯᠠᠮᠠ ᠪᠤᠯᠤᠨ ᠪᠠᠨᠴᠢᠨ ᠡᠷᠳᠡᠨᠢ ᠶᠢᠨ | ᠳᠤᠤᠷᠠᠬᠢ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠨᠤᠶᠠᠨ ᠳ᠋ᠢᠸᠠ ᠯᠤᠭᠠ ᠳᠠᠨᠢᠯᠴᠠᠵᠤ᠂ ᠰᠦᠮᠡ ᠳᠤ ᠰᠠᠭᠤᠭᠠᠳ ᠨᠤᠮ ᠰᠤᠷᠴᠤ | ᠡᠬᠢᠯᠡᠪᠡ᠃ ᠲᠡᠷᠡ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠰᠡᠴᠡᠨ ᠰᠡᠷᠭᠦᠯᠡᠩ ᠪᠤᠯᠬᠤᠷ᠂ ᠨᠤᠮ ᠰᠤᠳᠤᠷ ᠰᠠᠶᠢᠨ ᠰᠤᠷᠴᠤ᠂ | ᠽᠠᠨᠨᠢᠳ ᠷᠠᠪᠵᠠᠮᠪᠠ ᠴᠤᠯᠠ ᠬᠦᠷᠳᠡᠭᠡᠳ᠂ ᠰᠤᠷᠭᠠᠭᠤᠯᠢ ᠪᠠᠨ ᠳᠡᠭᠦᠰᠭᠡᠭᠰᠡᠨ ᠤ ᠳᠠᠷᠠᠭᠠ ᠲᠦᠪᠡᠳ ᠲᠤ ᠦᠯᠡᠳᠡᠵᠦ᠂ | ᠳᠠᠯᠠᠢ ᠯᠠᠮᠠ ᠶᠢᠨ ᠳᠡᠷᠭᠡᠳᠡ ᠶᠠᠪᠤᠬᠤ ᠯᠠᠮᠠ ᠪᠤᠯᠪᠠ᠃ | 1634 ᠤᠨ ᠳᠤ᠂ ᠨᠠᠮᠬᠠᠶᠢᠵᠠᠮᠰᠤ ᠯᠢᠳᠠᠩ ᠤᠨ ᠰᠦᠮᠡ ᠳᠤ ᠰᠠᠭᠤᠬᠤ ᠠᠷᠪᠠᠨ ᠭᠡᠯᠤᠩ ᠤᠨ ᠨᠢᠭᠡ ᠨᠢ ᠪᠤᠯᠵᠤ | ᠳᠠᠪᠰᠢᠭᠰᠠᠨ ᠪᠦᠭᠡᠳ ᠲᠦᠪᠡᠳ ᠲᠤ ᠨᠡᠶᠢᠳᠡ ᠬᠤᠷᠢᠨ ᠬᠤᠶᠠᠷ ᠵᠢᠯ ᠰᠠᠭᠤᠵᠤ᠂ 1638 ᠤᠨ ᠳᠤ᠂ ᠲᠦᠴᠢᠨ | ᠨᠠᠰᠤᠳᠠᠢ ᠳᠠᠭᠠᠨ ᠲᠦᠪᠡᠳ ᠠᠴᠠ ᠰᠠᠯᠤᠭᠠᠳ᠂ ᠳᠠᠷᠠᠭᠠ ᠵᠢᠯ ᠤᠨ ᠬᠢᠨᠢ ᠨᠠᠮᠤᠷ ᠳᠠᠷᠪᠠᠭᠠᠳᠠᠢ ᠳᠤ ᠪᠤᠴᠠᠵᠤ ᠢᠷᠡᠪᠡ᠃ | | 1639 ᠤᠨ ᠳᠤ᠂ ᠨᠠᠮᠬᠠᠶᠢᠵᠠᠮᠰᠤ ᠳᠠᠷᠪᠠᠭᠠᠳᠠᠢ ᠳᠤ ᠢᠷᠡᠭᠡᠳ ᠵᠠᠩᠬᠢᠶᠠ ᠬᠤᠳᠤᠭᠳᠤ ᠯᠤᠭᠠ ᠠᠭᠤᠯᠵᠠᠪᠠ᠃ | ᠲᠡᠷᠡ ᠦᠶᠡ ᠳᠤ᠂ ᠵᠠᠩᠬᠢᠶᠠ ᠬᠤᠳᠤᠭᠳᠤ ᠬᠤᠱᠤᠳ ᠠᠶᠢᠮᠠᠭ ᠤᠨ ᠨᠤᠶᠠᠨ ᠠᠪᠤᠯᠠᠢ ᠶᠢᠨ ᠡᠬᠡ ᠬᠠᠳᠤᠨ ᠤ ᠭᠡᠭᠦᠷ ᠢ | ᠤᠷᠤᠰᠢᠭᠤᠯᠬᠤ ᠪᠠᠷ ᠢᠷᠡᠭᠡᠳ ᠪᠠᠶᠢᠭᠰᠠᠨ ᠪᠠᠶᠢᠵᠠᠢ᠃ ᠨᠠᠮᠬᠠᠶᠢᠵᠠᠮᠰᠤ ᠶᠢ ᠤᠷᠢᠵᠤ ᠠᠭᠤᠯᠵᠠᠭᠠᠳ ᠵᠠᠩᠬᠢᠶᠠ | ᠬᠤᠳᠤᠭᠳᠤ᠄ ︽ᠨᠡᠷᠡ ᠢᠨᠤ ᠪᠢ ᠶᠡᠭᠡ ᠪᠤᠯᠪᠠᠴᠤ ᠡᠷᠳᠡᠮ ᠢᠨᠤ ᠴᠢ ᠶᠡᠭᠡ ᠶᠤᠮ︾ ᠭᠡᠵᠦ ᠭᠡᠯᠡᠭᠡᠳ ︽ᠷᠠᠪᠵᠠᠮᠪᠠ | ᠬᠤᠳᠤᠭᠳᠤ︾ ᠴᠤᠯᠠ ᠬᠠᠶᠢᠷᠠᠯᠠᠪᠠ᠃ ᠳᠡᠭᠦᠨ ᠠᠴᠠ ᠬᠤᠶᠢᠰᠢ ᠨᠠᠮᠬᠠᠶᠢᠵᠠᠮᠰᠤ ᠤᠶᠢᠷᠠᠳ ᠤᠨ ᠰᠢᠷᠠ ᠶᠢᠨ | ᠱᠠᠰᠢᠨ ᠤ ᠲᠦᠷᠤᠭᠦᠦ ᠬᠤᠳᠤᠭᠳᠤ ᠬᠤᠪᠢᠯᠭᠠᠨ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | 1641 ᠤᠨ ᠳᠤ᠂ ᠨᠠᠮᠬᠠᠶᠢᠵᠠᠮᠰᠤ ᠬᠠᠯᠬᠠ ᠮᠤᠩᠭᠤᠯ ᠤᠨ ᠵᠠᠰᠠᠭᠳᠤ ᠬᠠᠨ᠂ ᠲᠦᠰᠢᠶᠡᠳᠤ ᠬᠠᠨ᠂ ᠴᠡᠴᠡᠨ ᠬᠠᠨ | ᠠᠶᠢᠮᠠᠭ ᠲᠤ ᠤᠴᠢᠵᠤ ᠰᠢᠷᠠ ᠶᠢᠨ ᠱᠠᠰᠢᠨ ᠢ ᠳᠡᠯᠭᠡᠷᠡᠭᠦᠯᠤᠭᠡᠳ᠂ ᠭᠤᠷᠪᠠᠨ ᠠᠶᠢᠮᠠᠭ ᠲᠤᠯᠤᠭᠠᠨ ᠬᠤᠰᠢᠭᠤ ᠶᠢᠨ | ᠯᠠᠮᠠ ᠪᠤᠯᠪᠠ᠃ ᠭᠡᠳᠡᠯᠡ ᠳᠠᠯᠠᠢ ᠯᠠᠮᠠ ᠬᠠᠯᠬᠠ ᠳᠤ ᠦᠭᠡᠷᠡ ᠬᠤᠪᠢᠯᠭᠠᠨ ᠬᠤᠳᠤᠭᠳᠤ ᠶᠢ ᠢᠯᠡᠭᠡᠵᠦ᠂ ᠰᠢᠷᠠ ᠶᠢᠨ | ᠱᠠᠰᠢᠨ ᠢ ᠡᠷᠬᠢᠯᠡᠭᠦᠯᠬᠦ ᠭᠡᠵᠦ ᠪᠠᠶᠢᠭᠰᠠᠨ ᠤᠴᠢᠷ ᠠᠴᠠ ᠨᠠᠮᠬᠠᠶᠢᠵᠠᠮᠰᠤ ᠨᠤᠳᠤᠭ ᠲᠠᠭᠠᠨ ᠪᠤᠴᠠᠬᠤ ᠪᠠᠷ ᠰᠢᠢᠳᠴᠤ᠂ | ᠵᠠᠰᠠᠭᠳᠤ ᠬᠠᠨ ᠯᠤᠭᠠ ᠠᠭᠤᠯᠵᠠᠭᠠᠳ᠄ ︽ᠪᠤᠷᠬᠠᠨ ᠱᠠᠰᠢᠨ ᠢ ᠰᠢᠳᠤᠵᠤ᠂ ᠽᠦᠡᠭᠺᠠᠸᠠ ᠶᠢᠨ ᠱᠠᠰᠢᠨ | ᠮᠠᠨᠳᠤᠭᠤᠯᠳᠤᠭᠠᠢ︕︾ ᠭᠡᠵᠦ ᠰᠠᠨᠠᠭᠤᠯᠪᠠ᠃ ᠡᠭᠦᠨ ᠳᠤ ᠵᠠᠰᠠᠭᠳᠤ ᠬᠠᠨ ᠶᠡᠭᠡᠳᠡ ᠪᠠᠶᠠᠷᠯᠠᠭᠠᠳ ᠨᠠᠮᠬᠠᠶᠢᠵᠠᠮᠰᠤ ᠳᠤ | ︽ᠷᠠᠪᠵᠠᠮᠪᠠ ᠽᠠᠶᠠ ᠪᠠᠨᠳᠢᠳᠠ︾ ᠭᠡᠮᠡᠬᠦ ᠴᠤᠯᠠ ᠡᠷᠭᠦᠪᠡ᠃ ᠳᠡᠭᠦᠨ ᠠᠴᠠ ᠬᠤᠶᠢᠰᠢ ᠨᠠᠮᠬᠠᠶᠢᠵᠠᠮᠰᠤ ᠨᠢ ᠽᠠᠶᠠ | ᠪᠠᠨᠳᠢᠳᠠ ᠭᠡᠮᠡᠨ ᠤᠯᠠᠨ ᠳᠤ ᠠᠯᠳᠠᠷᠰᠢᠭᠰᠠᠨ ᠶᠤᠮ᠃ | 1643 ᠤᠨ ᠳᠤ᠂ ᠬᠦᠨᠳᠡᠯᠡᠨ ᠤᠪᠠᠰᠢ ᠶᠢᠨ ᠤᠷᠢᠯᠭᠠ ᠪᠠᠷ ᠽᠠᠶᠠ ᠪᠠᠨᠳᠢᠳᠠ ᠬᠤᠱᠤᠳ ᠠᠶᠢᠮᠠᠭ ᠲᠤ ᠤᠴᠢᠵᠤ᠂ | ᠳᠠᠶᠢᠴᠢᠨ ᠬᠤᠰᠢᠭᠤᠴᠢ ᠶᠢ ᠤᠷᠤᠰᠢᠭᠤᠯᠬᠤ ᠶᠤᠰᠤᠯᠠᠯ ᠳᠤ ᠤᠷᠤᠯᠴᠠᠭᠰᠠᠨ ᠪᠦᠭᠡᠳ ᠰᠤᠪᠤᠷᠭᠠ ᠪᠤᠰᠬᠠᠵᠤ ᠦᠭᠬᠦ | ᠶᠠᠪᠤᠳᠠᠯ ᠢ ᠡᠷᠬᠢᠯᠡᠭᠰᠡᠨ ᠪᠠᠶᠢᠨᠠ᠃ | 1644 ᠤᠨ ᠳᠤ᠂ ᠽᠠᠶᠠ ᠪᠠᠨᠳᠢᠳᠠ ᠲᠦᠪᠡᠳ ᠤᠨ ᠠᠯᠳᠠᠷᠳᠤ ᠵᠤᠬᠢᠶᠠᠯ ᠪᠤᠯᠬᠤ ︽ᠮᠠᠨᠢ ᠭᠠᠪᠠᠯ︾᠂ ︽ᠪᠤᠮ | ᠡᠷᠳᠡᠨᠢ ᠶᠢᠨ ᠮᠠᠭᠳᠠᠭᠠᠯ︾ ᠵᠡᠷᠭᠡ ᠨᠤᠮ ᠢ ᠤᠷᠴᠢᠭᠤᠯᠪᠠ᠃ 1645 ᠤᠨ ᠳᠤ᠂ ᠽᠠᠶᠠ ᠪᠠᠨᠳᠢᠳᠠ ᠳᠤᠷᠭᠤᠳ ᠤᠨ | ᠨᠤᠶᠠᠨ ᠱᠦᠭᠦᠷ ᠳᠠᠶᠢᠴᠢᠩ ᠤᠨ ᠬᠦᠪᠡᠭᠦᠨ ᠢ ᠤᠷᠤᠰᠢᠭᠤᠯᠬᠤ ᠶᠤᠰᠤᠯᠠᠯ ᠳᠤ ᠤᠷᠤᠯᠴᠠᠭᠠᠳ᠂ ᠲᠤᠰ ᠠᠶᠢᠮᠠᠭ ᠤᠨ | ᠤᠯᠠᠨ ᠳᠤ ︽ᠨᠤᠮ ᠳᠠᠯᠪᠢᠵᠤ︾᠂ ᠬᠤᠶᠠᠷ ᠲᠦᠮᠡ ᠭᠠᠷᠤᠢ ᠠᠳᠤᠭᠤ ᠶᠢᠨ ᠡᠷᠭᠦᠴᠡ ᠪᠠᠷᠢᠴᠠ ᠤᠯᠵᠠᠢ᠃ | 1646 ᠤᠨ ᠳᠤ᠂ ᠬᠦᠨᠳᠡᠯᠡᠨ ᠤᠪᠠᠰᠢ ᠶᠡᠭᠡ ᠴᠡᠷᠢᠭ ᠠᠪᠴᠤ ᠮᠤᠷᠳᠠᠭᠠᠳ᠂ ᠪᠠᠭᠠᠳᠤᠷ ᠬᠤᠨᠭ᠌ ᠳᠠᠶᠢᠵᠢ ᠪᠤᠯᠤᠨ | ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠯᠤᠭᠠ ᠭᠤᠷᠪᠠᠨ ᠤᠪᠤᠭᠠ ᠭᠡᠮᠡᠬᠦ ᠭᠠᠵᠠᠷ ᠶᠡᠬᠡᠪᠡᠷ ᠪᠠᠶᠢᠯᠳᠤᠪᠠ᠃ ᠡᠨᠡ ᠤᠳᠠᠭᠠ ᠶᠢᠨ | ᠪᠠᠶᠢᠯᠳᠤᠭᠠᠨ ᠳᠤ᠂ ᠬᠦᠨᠳᠡᠯᠡᠨ ᠤᠪᠠᠰᠢ ᠳᠡᠶᠢᠯᠦᠭᠳᠡᠭᠡᠳ᠂ ᠬᠦᠮᠤᠨ ᠮᠠᠯ ᠢᠶᠠᠨ ᠶᠡᠬᠡᠪᠡᠷ ᠬᠤᠬᠢᠷᠠᠭᠤᠯᠤᠭᠰᠠᠨ ᠪᠠᠶᠢᠨᠠ | ᠃ ᠴᠢᠪ ᠭᠡᠮᠡᠨ ᠡᠨᠡ ᠦᠶᠡ ᠳᠤ ᠽᠠᠶᠠ ᠪᠠᠨᠳᠢᠳᠠ ᠬᠦᠷᠴᠤ ᠢᠷᠡᠭᠡᠳ᠂ ᠬᠤᠶᠠᠷ ᠡᠳᠡᠭᠡᠳ ᠢ ᠡᠪᠰᠡᠭᠦᠯᠵᠦ᠂ ᠪᠠᠭᠠᠳᠤᠷ | ᠬᠤᠨᠭ᠌ ᠳᠠᠶᠢᠵᠢ ᠶᠢᠨ ᠴᠢᠭᠤᠯᠭᠠᠨ ᠳᠠᠷᠤᠭᠠ ᠶᠢᠨ ᠪᠠᠶᠢᠷᠢ ᠰᠠᠭᠤᠷᠢ ᠶᠢ ᠬᠠᠮᠠᠭᠠᠯᠠᠪᠠ᠃ | 1648 ᠤᠨ ᠳᠤ᠂ ᠽᠠᠶᠠ ᠪᠠᠨᠳᠢᠳᠠ ᠤᠶᠢᠭᠤᠷᠵᠢᠨ ᠮᠤᠩᠭᠤᠯ ᠦᠰᠦᠭ ᠤᠨ ᠰᠠᠭᠤᠷᠢᠨ ᠳᠡᠭᠡᠷᠡ ᠳᠤᠳᠤ | ᠦᠰᠦᠭ ᠢ ᠵᠤᠬᠢᠶᠠᠨ ᠪᠦᠳᠤᠭᠡᠵᠡᠢ᠃ ᠡᠭᠦᠨ ᠢ ᠪᠠᠰᠠ ᠤᠶᠢᠷᠠᠳ ᠦᠰᠦᠭ ᠭᠡᠳᠡᠭ ᠶᠤᠮ᠃ ᠽᠠᠶᠠ ᠪᠠᠨᠳᠢᠳᠠ ᠳᠤᠳᠤ | ᠦᠰᠦᠭ ᠢ ᠵᠤᠬᠢᠶᠠᠬᠤ ᠳᠠᠭᠠᠨ ᠤᠶᠢᠷᠠᠳ ᠤᠨ ᠦᠭᠡ ᠶᠢ ᠰᠢᠩᠭᠡᠭᠡᠵᠦ᠂ ᠪᠢᠴᠢᠭ ᠤᠨ ᠭᠡᠯᠡ ᠪᠤᠯᠤᠨ ᠠᠮᠠᠨ ᠶᠠᠷᠢᠶᠠ ᠶᠢ | ᠤᠶᠢᠷᠠᠳᠤᠭᠤᠯᠪᠠ᠃ ᠳᠤᠳᠤ ᠦᠰᠦᠭ ᠢ ᠤᠶᠢᠭᠤᠷᠵᠢᠨ ᠮᠤᠩᠭᠤᠯ ᠦᠰᠦᠭ ᠲᠠᠢ ᠬᠠᠷᠢᠴᠠᠭᠤᠯᠪᠠᠯ᠂ ᠡᠭᠡᠰᠢᠭ ᠦᠰᠦᠭ | ᠨᠢ ᠨᠡᠮᠡᠭᠳᠡᠵᠦ᠂ ᠭᠡᠶᠢᠭᠦᠯᠦᠭᠴᠢ ᠦᠰᠦᠭ ᠨᠢ ᠪᠠᠰᠠ ᠤᠢᠢᠷᠠᠳ ᠤᠨ ᠨᠤᠳᠤᠭ ᠤᠨ ᠠᠪᠢᠶᠠ ᠶᠢ ᠦᠨᠳᠤᠰᠤᠯᠡᠨ ᠪᠠᠭ᠋ᠠᠨ | ᠨᠡᠮᠡᠭᠳᠡᠭᠰᠡᠨ ᠲᠤᠯᠠ᠂ ᠡᠨᠡᠬᠦ ᠳᠤᠳᠤ ᠦᠰᠦᠭ ᠨᠢ ᠤᠶᠢᠷᠠᠳ ᠤᠨ ᠠᠶᠠᠯᠭᠤ ᠶᠢ ᠨᠡᠯᠢᠶᠡᠳ ᠳᠤᠳᠤᠷᠬᠠᠢ ᠢᠯᠡᠳᠭᠡᠵᠦ | ᠴᠢᠳᠠᠳᠠᠭ ᠪᠢᠯᠡ᠃ ᠡᠶᠢᠮᠤ ᠠᠴᠠ ᠮᠠᠨ ᠤ ᠤᠯᠤᠰ ᠤᠨ ᠰᠢᠨᠵᠢᠶᠠᠩ ᠤᠨ ᠮᠤᠩᠭᠤᠯᠴᠤᠳ ᠤᠳᠤ ᠪᠤᠯᠳᠠᠯᠠ ᠳᠤᠳᠤ | ᠦᠰᠦᠭ ᠢᠶᠠᠨ ᠬᠡᠷᠡᠭᠯᠡᠭᠰᠡᠭᠡᠷ ᠪᠠᠶᠢᠭᠠ ᠶᠤᠮ᠃ | 1650 — 1662 ᠤᠨ ᠬᠦᠷᠳᠡᠯᠡᠭᠢ ᠠᠷᠪᠠᠨ ᠬᠤᠶᠠᠷ ᠵᠢᠯ ᠤᠨ ᠳᠤᠳᠤᠷᠠ ᠽᠠᠶᠠ ᠪᠠᠨᠳᠢᠳᠠ ︽ᠠᠯᠳᠠᠨ | ᠭᠠᠨᠵᠤᠤᠷ︾᠂ ︽ᠠᠯᠳᠠᠨ ᠭᠡᠷᠡᠯ︾ ᠁ ᠵᠡᠷᠭᠡ 178 ᠨᠤᠮ ᠢ ᠲᠦᠪᠡᠳ ᠭᠡᠯᠡᠨ ᠠᠴᠠ ᠳᠤᠳᠤ ᠦᠰᠦᠭ ᠢᠶᠠᠷ | ᠤᠷᠴᠢᠭᠤᠯᠪᠠ᠃ ᠡᠳᠡᠭᠡᠷ ᠨᠤᠮ ᠤᠨ ᠤᠯᠠᠩᠬᠢ ᠨᠢ ᠴᠦᠮ ᠪᠤᠷᠬᠠᠨ ᠱᠠᠰᠢᠨ ᠤ ᠨᠤᠮ ᠪᠤᠶᠤ ᠳᠡᠤᠭᠡ᠂ ᠤᠳᠬᠠ | ᠵᠤᠬᠢᠶᠠᠯ᠂ ᠡᠮᠨᠡᠯᠭᠡ ᠶᠢᠨ ᠤᠬᠠᠭᠠᠨ ᠤ ᠨᠤᠮ ᠪᠤᠯᠬᠤ ᠶᠤᠮ᠃ ᠡᠨᠡ ᠬᠤᠭᠤᠴᠠᠭᠠᠨ ᠳᠤ ᠲᠡᠷᠡ ᠪᠠᠰᠠ ᠤᠶᠢᠷᠠᠳ ᠤᠨ | ᠠᠯᠳᠠᠷᠳᠤ ᠪᠠᠭᠠᠳᠤᠷᠯᠢᠭ ᠳᠤᠤᠯᠢᠰ ︽ᠵᠠᠩᠭᠠᠷ︾ ᠢ ᠳᠤᠳᠤ ᠦᠰᠦᠭ ᠢᠶᠠᠷ ᠳᠡᠮᠳᠡᠭᠯᠡᠨ ᠬᠤᠴᠤᠷᠭᠠᠵᠠᠢ᠃ | 1651 ᠤᠨ ᠳᠤ᠂ ᠽᠠᠶᠠ ᠪᠠᠨᠳᠢᠳᠠ ᠯᠾᠠᠰᠠ ᠳᠤ ᠬᠦᠷᠴᠤ᠂ ᠳᠠᠪᠤᠳᠤᠭᠠᠷ ᠲᠦᠷᠢ ᠶᠢᠨ ᠳᠠᠯᠠᠢ ᠯᠠᠮᠠ ᠳᠤ ᠳᠠᠪᠤᠨ | ᠲᠦᠮᠡᠨ ᠯᠠᠩ ᠮᠦᠡᠭᠭᠦ ᠶᠢᠨ ᠡᠷᠭᠦᠴᠡ ᠡᠷᠭᠦᠪᠡ᠃ 1652 ᠤᠨ ᠳᠤ᠂ ᠷᠠᠰᠢᠯᠾᠦ᠋ᠡᠭᠪᠤ ᠭᠡᠶᠢᠳ ᠲᠤ ᠬᠤᠶᠠᠷ ᠲᠦᠮᠡ | ᠳᠠᠪᠤᠨ ᠮᠢᠩᠭᠠᠨ ᠯᠠᠩ ᠮᠦᠡᠭᠭᠦ ᠶᠢᠨ ᠪᠠᠷᠢᠴᠠ ᠪᠠᠷᠢᠪᠠ᠃ ᠳᠡᠶᠢᠨ ᠬᠦ ᠲᠦᠪᠡᠳ ᠤᠨ ᠡᠯᠡ ᠰᠦᠮᠡ ᠭᠡᠶᠢᠳ ᠤᠨ | ᠯᠠᠮᠠ ᠬᠤᠸᠠᠷᠠᠭ ᠨᠠᠷ ᠽᠠᠶᠠ ᠪᠠᠨᠳᠢᠳᠠ ᠶᠢᠨ ᠡᠷᠭᠦᠴᠡ ᠪᠠᠷᠢᠴᠠ ᠡᠷᠭᠦᠭᠰᠡᠨ ᠢ ᠶᠡᠬᠡᠳᠡ ᠮᠠᠭᠳᠠᠨ ᠰᠠᠶᠢᠰᠢᠶᠠᠵᠤ᠄ ︽ | ᠦᠭᠯᠢᠭᠡ ᠶᠢᠨ ᠡᠵᠡᠨ︾ ᠭᠡᠮᠡᠨ ᠳᠠᠭᠤᠳᠠᠬᠤ ᠪᠤᠯᠪᠠ᠃ | 1653 ᠤᠨ ᠳᠤ᠂ ᠽᠠᠶᠠ ᠪᠠᠨᠳᠢᠳᠠ ᠵᠡᠭᠦᠨᠭᠠᠷ ᠠᠶᠢᠮᠠᠭ ᠤᠨ ᠨᠤᠶᠠᠨ ᠪᠠᠭᠠᠳᠤᠷ ᠬᠤᠨᠭ᠌ ᠳᠠᠶᠢᠵᠢ ᠶᠢ | ᠤᠷᠤᠰᠢᠭᠤᠯᠬᠤ ᠶᠤᠰᠤᠯᠠᠯ ᠳᠤ ᠤᠷᠤᠯᠴᠠᠵᠤ᠂ ᠰᠦᠨᠡᠰᠤ ᠶᠢ ᠨᠢ ᠵᠠᠯᠠᠨ᠂ ᠭᠡᠭᠦᠷ ᠢ ᠨᠢ ᠪᠤᠮᠪᠠᠯᠠᠵᠤ᠂ ᠲᠦᠴᠢ ᠶᠢᠰᠤᠨ | ᠬᠤᠨᠤᠭ ᠨᠤᠮ ᠬᠦᠷᠢᠮ ᠬᠢᠵᠤ ᠦᠭᠪᠡ᠃ ᠡᠭᠦᠨ ᠤ ᠵᠡᠷᠭᠡᠴᠡᠭᠡᠪᠡᠷ ᠲᠡᠷᠡ ᠪᠠᠰᠠ ᠪᠠᠭᠠᠳᠤᠷ ᠬᠤᠨᠭ᠌ ᠳᠠᠶᠢᠵᠢ ᠶᠢᠨ | ᠪᠡᠯᠪᠡᠰᠤᠨ ᠬᠡᠷᠭᠡᠢ ᠳᠤ ᠤᠬᠢᠶᠠᠯ ᠬᠢᠵᠤ ᠦᠭᠭᠦᠭᠰᠡᠨ ᠪᠠᠶᠢᠪᠠ᠃ | 1657 ᠤᠨ ᠳᠤ᠂ ᠵᠡᠭᠦᠨᠭᠠᠷ ᠤᠨ ᠨᠤᠶᠠᠳ ᠬᠤᠭᠤᠷᠤᠨᠳᠤ ᠪᠠᠨ ᠵᠦᠷᠢᠴᠡᠯ ᠡᠭᠦᠰᠤᠭᠡᠳ ᠬᠤᠶᠠᠷ ᠪᠦᠯᠦᠭ ᠪᠤᠯᠵᠤ | ᠬᠤᠪᠢᠶᠠᠭᠳᠠᠪᠠ᠃ ᠳᠡᠭᠦᠨ ᠤ ᠨᠢᠭᠡ ᠪᠦᠯᠦᠭ ᠤᠨ ᠲᠦᠷᠤᠭᠦᠦ ᠨᠢ ᠪᠠᠭᠠᠳᠤᠷ ᠬᠤᠨᠭ᠌ ᠳᠠᠶᠢᠵᠢ ᠶᠢᠨ ᠠᠬᠠᠮᠠᠳ | ᠬᠦᠪᠡᠭᠦᠨ ᠰᠡᠩᠭᠡ ᠪᠤᠯᠬᠤ ᠪᠦᠭᠡᠳ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠤ ᠳᠡᠮᠵᠢᠯᠭᠡ ᠶᠢ ᠤᠯᠵᠤ ᠪᠠᠶᠢᠪᠠ᠃ ᠨᠦᠭᠦᠭᠡ | ᠪᠦᠯᠦᠭ ᠤᠨ ᠲᠦᠷᠤᠭᠦᠦ ᠨᠢ ᠰᠡᠴᠡᠨ ᠳᠠᠶᠢᠵᠢ ᠪᠤᠯᠤᠨ ᠵᠤᠳᠪᠠ ᠪᠠᠭᠠᠳᠤᠷ ᠬᠤᠶᠠᠷ ᠪᠤᠯᠬᠤ ᠪᠦᠭᠡᠳ ᠠᠪᠤᠯᠠᠢ | ᠳᠠᠶᠢᠵᠢ ᠶᠢᠨ ᠳᠡᠮᠵᠢᠯᠭᠡ ᠶᠢ ᠤᠯᠵᠤ ᠪᠠᠶᠢᠪᠠ᠃ ᠬᠤᠶᠠᠷ ᠡᠳᠡᠭᠡᠳ ᠤᠨ ᠵᠦᠷᠢᠴᠡᠯ ᠡᠳᠤᠷ ᠢᠷᠡᠬᠦ ᠳᠤᠳᠤᠮ | ᠰᠢᠷᠤᠭᠦᠰᠴᠤ ᠡᠬᠢᠯᠡᠭᠰᠡᠨ ᠳᠤ᠂ ᠽᠠᠶᠠ ᠪᠠᠨᠳᠢᠳᠠ ᠡᠯᠴᠢ ᠳᠤᠮᠢᠯᠠᠵᠤ ᠠᠪᠤᠯᠠᠢ ᠳᠠᠶᠢᠵᠢ ᠶᠢ ᠭᠡᠯᠡᠨ ᠢᠳᠬᠠᠪᠠ᠃ | ᠭᠡᠳᠡᠯᠡ ᠲᠤᠰᠠ ᠭᠠᠷᠤᠭᠰᠠᠨ ᠦᠭᠡᠢ ᠪᠤᠯᠬᠤᠷ 1657 ᠤᠨ ᠤ ᠵᠤᠨ᠂ ᠡᠷᠴᠢᠰ ᠭᠤᠤᠯ ᠤᠨ ᠬᠦᠪᠡᠭᠡ ᠳᠤ ᠬᠤᠶᠠᠷ | ᠡᠳᠡᠭᠡᠳ ᠢᠶᠠᠷ ᠢᠶᠠᠨ ᠡᠰᠡᠷᠭᠦᠴᠡᠯᠳᠦᠭᠰᠡᠨ ᠪᠠᠶᠢᠨᠠ᠃ ᠭᠡᠳᠡᠯᠡ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠤ ᠬᠦᠪᠡᠭᠦᠨ ᠭᠠᠯᠳᠠᠮᠪᠠ | ᠪᠤᠯᠤᠨ ᠠᠪᠤᠯᠠᠢ ᠶᠢᠨ ᠬᠦᠪᠡᠭᠦᠨ ᠴᠠᠭᠠᠨ ᠬᠤᠶᠠᠭᠤᠯᠠ ᠬᠤᠭᠤᠷᠤᠨᠳᠤ ᠨᠢ ᠡᠪᠰᠡᠭᠦᠯᠬᠦ ᠠᠵᠢᠯ ᠬᠢᠭᠰᠡᠨ ᠠᠴᠠ | ᠳᠡᠳᠡᠨᠠᠷ ᠤᠨ ᠵᠦᠷᠢᠴᠡᠯ ᠨᠢ ᠳᠦᠷ ᠴᠠᠭ ᠨᠠᠮᠵᠢᠭᠰᠠᠨ ᠪᠠᠶᠢᠪᠠ᠃ ᠭᠡᠳᠦ᠋ᠢᠪᠡᠷ ᠳᠡᠶᠢᠮᠤ ᠪᠤᠯᠪᠠᠴᠤ 1659 ᠤᠨ ᠳᠤ᠂ | ᠰᠡᠩᠭᠡ ᠨᠢ ᠠᠪᠠᠭᠠ ᠴᠦᠭᠦᠷ ᠤᠪᠠᠰᠢ ᠪᠤᠯᠤᠨ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠤ ᠳᠡᠮᠵᠢᠯᠭᠡ ᠳᠤᠤᠷᠠ᠂ ᠰᠡᠴᠡᠨ ᠳᠠᠶᠢᠵᠢ | ᠪᠤᠯᠤᠨ ᠵᠤᠳᠪᠠ ᠪᠠᠭᠠᠳᠤᠷ ᠤᠨ ᠴᠡᠷᠢᠭ ᠢ ᠪᠤᠳᠠ ᠨᠢᠷᠭᠡᠵᠡᠢ᠃ 1660 ᠤᠨ ᠳᠤ᠂ ᠽᠠᠶᠠ ᠪᠠᠨᠳᠢᠳᠠ ᠳᠠᠷᠬᠠᠢ ᠬᠠᠷᠠ | ᠬᠤᠵᠢᠷ ᠭᠡᠳᠡᠭ ᠭᠠᠵᠠᠷ ᠲᠤ ᠤᠶᠢᠷᠠᠳ ᠤᠨ ᠤᠯᠠᠨ ᠶᠡᠭᠡᠰ ᠨᠤᠶᠠᠳ ᠢ ᠬᠤᠷᠠᠯᠳᠤᠭᠤᠯᠵᠤ᠂ ᠰᠡᠩᠭᠡ ᠪᠤᠯᠤᠨ ᠸᠴᠢᠷᠳᠤ | ᠰᠡᠴᠡᠨ ᠬᠠᠨ ᠬᠤᠶᠠᠷ ᠤᠨ ᠡᠷᠭᠡ ᠠᠰᠢᠭ ᠢ ᠬᠠᠮᠠᠭᠠᠯᠠᠬᠤ ᠤᠷᠢᠳᠠᠯ ᠳᠤᠤᠷᠠ᠂ ᠬᠤᠶᠠᠷ ᠡᠳᠡᠭᠡᠳ ᠤᠨ ᠵᠦᠷᠢᠴᠡᠯ ᠢ | ᠡᠪᠰᠡᠭᠦᠯᠬᠦ ᠭᠡᠪᠡ᠃ ᠭᠡᠳᠡᠯᠡ ᠰᠡᠩᠭᠡ ᠶᠢᠨ ᠴᠡᠷᠢᠭ ᠤᠨ ᠶᠠᠪᠤᠳᠠᠯ ᠤᠨ ᠳᠠᠯᠠ ᠪᠠᠷ ᠬᠢ ᠢᠯᠠᠯᠳᠠ ᠨᠢ ᠠᠪᠤᠯᠠᠢ | ᠳᠠᠶᠢᠵᠢ ᠶᠢ ᠠᠭᠤᠷᠯᠠᠭᠤᠯᠤᠭᠰᠠᠨ ᠪᠤᠯᠬᠤᠷ ᠬᠤᠶᠠᠷ ᠡᠳᠡᠭᠡᠳ ᠤᠨ ᠵᠦᠷᠢᠴᠡᠯ ᠳᠠᠬᠢᠨ ᠬᠤᠷᠴᠠᠳᠪᠠ᠃ ᠠᠪᠤᠯᠠᠢ | ᠪᠤᠯᠤᠨ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠤ ᠬᠤᠭᠤᠷᠤᠨᠳᠤ ᠽᠠᠶᠠ ᠪᠠᠨᠳᠢᠳᠠ ᠭᠡᠳᠦ᠋ᠢᠪᠡᠷ ᠡᠪᠰᠡᠭᠦᠯᠬᠦ ᠠᠵᠢᠯ ᠢ ᠢᠳᠡᠪᠬᠢᠳᠠᠢ | ᠬᠢᠭᠰᠡᠨ ᠪᠤᠯᠪᠠᠴᠤ᠂ ᠠᠪᠤᠯᠠᠢ ᠡᠷᠡᠰ ᠡᠰᠡᠷᠭᠦᠴᠡᠭᠰᠡᠨ ᠪᠤᠯᠬᠤᠷ ᠦᠴᠤᠭᠡᠨ ᠴᠤ ᠦᠷᠡ ᠳ᠋ᠦᠡᠭ ᠭᠠᠷᠤᠭᠰᠠᠨ ᠦᠭᠡᠢ | ᠪᠠᠶᠢᠪᠠ᠃ ᠳᠡᠶᠢᠨ ᠬᠦ 1661 ᠤᠨ ᠳᠤ᠂ ᠬᠤᠶᠠᠷ ᠡᠳᠡᠭᠡᠳ ᠤᠨ ᠬᠤᠭᠤᠷᠤᠨᠳᠤ ᠳᠠᠬᠢᠨ ᠳᠠᠶᠢᠨ ᠡᠭᠦᠰᠤᠭᠡᠳ᠂ | ᠰᠡᠩᠭᠡ ᠪᠤᠯᠤᠨ ᠬᠤᠱᠤᠳ ᠠᠶᠢᠮᠠᠭ ᠤᠨ ᠰᠦᠷᠳᠤ ᠳᠠᠶᠢᠵᠢ ᠶᠢᠨ ᠳᠡᠮᠵᠢᠯᠭᠡ ᠳᠤᠤᠷᠠ᠂ ᠠᠪᠤᠯᠠᠢ ᠶᠢ ᠸᠴᠢᠷᠳᠤ ᠰᠡᠴᠡᠨ | ᠬᠠᠨ ᠶᠡᠬᠡᠳᠡ ᠳᠡᠶᠢᠯᠦᠭᠰᠡᠨ ᠪᠠᠶᠢᠨᠠ᠃ ᠳᠡᠭᠡᠭᠡᠳ ᠠᠪᠤᠯᠠᠢ ᠶᠢ ᠶᠠᠭᠠᠬᠢᠵᠤ ᠰᠢᠢᠳᠪᠤᠷᠢᠯᠡᠬᠦ ᠲᠤᠬᠠᠢ ᠵᠦᠪᠳᠡᠭᠰᠡᠨ ᠳᠤ᠂ | ᠤᠯᠠᠨ ᠳᠠᠶᠢᠵᠢ ᠨᠠᠷ ᠤᠨ ᠰᠠᠨᠠᠯ ᠠᠳᠠᠯᠢ ᠦᠭᠡᠢ ᠪᠤᠯᠤᠭᠰᠠᠨ ᠲᠤᠯᠠ᠂ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠡᠯᠴᠢ ᠳᠤᠮᠢᠯᠠᠨ | ᠢᠯᠡᠭᠡᠵᠦ ᠠᠰᠠᠭᠤᠯᠭᠠᠪᠠ᠃ ᠡᠭᠦᠨ ᠳᠤ ᠽᠠᠶᠠ ᠪᠠᠨᠳᠢᠳᠠ᠄ ︽ᠪᠤᠯᠬᠤ ᠳᠤ ᠬᠦᠷᠪᠡᠯ ᠠᠪᠤᠯᠠᠢ ᠶᠢᠨ ᠠᠯᠪᠠᠳᠤ ᠪᠠ ᠡᠳ᠋ | ᠮᠠᠯ ᠢ ᠴᠦᠮ ᠪᠤᠴᠠᠭᠠᠵᠤ ᠦᠭ︕ ᠪᠤᠯᠬᠤ ᠦᠭᠡᠢ ᠴᠤ ᠭᠡᠰᠡᠨ ᠳᠡᠭᠦᠨ ᠢ ᠪᠢᠳᠡᠭᠡᠢ ᠵᠤᠪᠠᠭᠠ ᠁︾ ᠭᠡᠵᠦ | ᠰᠠᠨᠠᠭᠤᠯᠤᠭᠰᠠᠨ ᠳᠤ ᠤᠯᠠᠨ ᠨᠤᠶᠠᠳ ᠪᠦᠭᠦᠳᠡᠭᠡᠷ ᠵᠦᠪᠰᠢᠶᠡᠷᠡᠭᠰᠡᠨ ᠪᠠᠶᠢᠨᠠ᠃ ᠡᠭᠦᠨ ᠤ ᠤᠯᠠᠮ ᠠᠴᠠ ᠭᠡᠳᠤᠨ ᠵᠢᠯ | ᠦᠷᠭᠦᠯᠵᠢᠯᠡᠭᠰᠡᠨ ᠤᠶᠢᠷᠠᠳ ᠤᠨ ᠳᠤᠳᠤᠭᠠᠳᠤᠬᠢ ᠳᠠᠶᠢᠨ ᠪᠠᠶᠢᠯᠳᠤᠭᠠᠨ ᠡᠴᠤᠰᠯᠡᠭᠡᠳ ᠤᠶᠢᠮᠡᠭᠡᠨ ᠰᠠᠮᠠᠭᠤᠨ | ᠳᠠᠷᠤᠭᠳᠠᠪᠠ᠃ | 1662 ᠤᠨ ᠤ ᠳᠡᠷᠢᠭᠦᠨ ᠰᠠᠷᠠ ᠳᠤ᠂ ᠽᠠᠶᠠ ᠪᠠᠨᠳᠢᠳᠠ ᠪᠠᠷᠠᠭᠤᠨ ᠲᠦᠪᠡᠳ ᠲᠤ ᠤᠴᠢᠬᠤ ᠭᠡᠵᠦ ᠸᠴᠢᠷᠳᠤ | ᠰᠡᠴᠡᠨ ᠬᠠᠨ ᠳᠤ ᠠᠶᠢᠯᠠᠳᠬᠠᠪᠠ᠃ ᠸᠴᠢᠷᠳᠤ ᠰᠡᠴᠡᠨ ᠬᠠᠨ ᠬᠤᠷᠢᠭᠯᠠᠭᠰᠠᠨ ᠳᠤ ᠽᠠᠶᠠ ᠪᠠᠨᠳᠢᠳᠠ᠄ ︽ᠨᠢᠭᠡ ᠳᠤ | ᠨᠠᠰᠤ ᠮᠢᠨᠢ ᠠᠬᠢᠪᠠ᠂ ᠬᠤᠶᠠᠷ ᠲᠤ ᠪᠡᠶᠡ ᠮᠢᠨᠢ ᠡᠪᠡᠳᠴᠢᠯᠡᠪᠡ᠂ ᠭᠤᠷᠪᠠ ᠳᠤ ᠦᠭᠦᠭᠦ ᠮᠢᠨᠢ ᠤᠶᠢᠷᠠᠳᠤᠪᠠ᠃ | ᠡᠶᠢᠮᠤ ᠠᠴᠠ ᠪᠠᠷᠠᠭᠤᠨ ᠵᠤᠤ ᠳᠤ ᠤᠴᠢᠵᠤ ᠪᠢᠰᠢᠯᠭᠠᠨ ᠬᠢᠶᠡ︕ ᠡᠪᠤᠭᠡᠨ ᠬᠦᠮᠤᠨ ᠢ ᠪᠢᠳᠡᠭᠡᠢ ᠵᠤᠪᠠᠭᠠ︕︾ | ᠭᠡᠪᠡ᠃ ᠳᠡᠭᠡᠭᠡᠳ ᠪᠠᠷᠠᠭᠤᠨᠰᠢ ᠬᠦᠳᠡᠯᠤᠨ ᠭᠠᠷᠤᠭᠠᠳ ᠨᠠᠮᠤᠷ ᠤᠨ ᠳᠤᠮᠳᠠ ᠰᠠᠷᠠ ᠶᠢᠨ 22 ᠤᠨ ᠡᠳᠤᠷ᠂ | ᠬᠠᠴᠢᠷᠳᠤ ᠱᠠᠩᠳᠠ ᠭᠡᠮᠡᠬᠦ ᠭᠠᠵᠠᠷ ᠬᠦᠷᠴᠤ ᠡᠪᠡᠳᠴᠢᠨ ᠢᠶᠠᠷ ᠨᠠᠰᠤ ᠨᠦᠭᠴᠢᠵᠠᠢ᠃ ᠵᠢᠷᠠᠨ ᠭᠤᠷᠪᠠᠨ ᠨᠠᠰᠤᠳᠠᠢ | ᠪᠦᠯᠦᠭᠡ᠂ ᠲᠤᠰ ᠵᠢᠯ ᠤᠨ ᠡᠪᠤᠯ ᠤᠨ ᠳᠡᠷᠢᠭᠦᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ 1 ᠤ ᠡᠳᠤᠷ ᠭᠡᠭᠦᠷ ᠢ ᠨᠢ ᠪᠠᠷᠠᠭᠤᠨ | ᠵᠤᠤ ᠳᠤ ᠵᠠᠯᠠᠵᠤ ᠠᠪᠠᠴᠢᠭᠰᠠᠨ ᠪᠦᠭᠡᠳ ᠲᠦᠴᠢ ᠶᠢᠰᠤᠨ ᠬᠤᠨᠤᠭ ᠤᠨ ᠳᠠᠷᠠᠭᠠ᠂ ᠷᠠᠰᠢᠯᠾᠦ᠋ᠡᠭᠪᠤ ᠭᠡᠶᠢᠳ ᠲᠤ | ᠠᠪᠠᠴᠢᠵᠤ ᠤᠷᠤᠰᠢᠭᠤᠯᠤᠭᠰᠠᠨ ᠪᠠᠶᠢᠵᠠᠢ᠃ | ᠽᠠᠶᠠ ᠪᠠᠨᠳᠢᠳᠠ ᠪᠤᠯ ᠮᠤᠩᠭᠤᠯ ᠭᠠᠵᠠᠷ ᠲᠤ ᠰᠢᠷᠠ ᠶᠢᠨ ᠱᠠᠰᠢᠨ ᠢ ᠳᠡᠯᠭᠡᠷᠡᠭᠦᠯᠬᠦ ᠶᠢᠨ ᠲᠦᠯᠦᠭᠡ ᠨᠠᠰᠤᠨ | ᠳᠤᠷᠰᠢᠳᠠ ᠴᠢᠷᠮᠠᠶᠢᠨ ᠵᠢᠳᠭᠦᠭᠰᠡᠨ ᠨᠡᠷᠡᠳᠤ ᠳᠦᠢᠨ ᠪᠤᠯᠬᠤ ᠪᠦᠭᠡᠳ ᠮᠤᠩᠭᠤᠯ ᠦᠨᠳᠤᠰᠤᠳᠡᠨ ᠤ ᠰᠤᠶᠤᠯ ᠤᠨ | ᠬᠦᠭᠵᠢᠯ ᠳᠤ ᠴᠤ ᠶᠡᠭᠡᠭᠡᠨ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠦᠭᠰᠡᠨ ᠡᠷᠳᠡᠮᠳᠡᠨ ᠬᠦᠮᠤᠨ ᠪᠤᠯᠤᠨᠠ᠃ ᠳᠡᠭᠦᠨᠴᠢᠯᠡᠨ ᠠᠷᠪᠠᠨ | ᠲᠤᠯᠤᠳᠤᠭᠠᠷ ᠵᠠᠭᠤᠨ ᠤ ᠳᠤᠮᠳᠠᠴᠢ ᠪᠠᠷ ᠤᠶᠢᠷᠠᠳ ᠤᠨ ᠳᠡᠤᠭᠡᠨ ᠬᠦᠭᠵᠢᠯᠳᠡ ᠳᠤ ᠶᠡᠭᠡᠭᠡᠨ ᠦᠢᠯᠡᠳᠤᠯ | ᠦᠵᠡᠭᠦᠯᠦᠭᠰᠡᠨ ᠤᠯᠤᠰ ᠲᠦᠷᠤᠴᠢᠨ ᠪᠤᠯᠬᠤ ᠶᠤᠮ᠃ | | |