| — ︽ᠽᠠᠶᠠ ᠪᠠᠨᠳᠢᠲᠠ ᠶᠢᠨ ᠱᠠᠪᠢᠨᠠᠷ︾ ᠨᠣᠮ ᠤᠨ ᠣᠷᠣᠰᠢᠯ | | ᠢᠯᠢ ᠲᠡᠭᠡᠰ ᠤᠨ ᠠᠭᠤᠯᠠ ᠲᠠᠯᠠ᠂ ᠣᠰᠦ ᠮᠦᠷᠡᠨ ᠢ ᠭᠡᠳᠦᠯᠵᠦ ᠶᠠᠨᠲᠠᠰᠢ ᠦᠭᠡᠢ ᠪᠠᠶᠠᠨ ᠮᠣᠩᠭᠤᠯ ᠰᠣᠶᠣᠯ ᠤᠨ | ᠦᠪ ᠬᠦᠷᠦᠭᠭᠡ ᠶᠢ ᠬᠠᠳᠠᠭᠠᠯᠠᠵᠦ ᠪᠠᠶᠢᠭᠠ ᠢᠯᠢ ᠶᠢᠨ ᠭᠤᠣᠯ ᠤᠨ ᠲᠡᠭᠡᠲᠣ ᠣᠷᠣᠰᠬᠠᠯ ᠳᠠᠭᠠᠤ ᠣᠷᠣᠨ ᠳᠤ | ᠣᠷᠣᠰᠢᠨ ᠠᠮᠢᠳᠣᠷᠠᠵᠦ ᠪᠠᠶᠢᠭᠠ ᠦᠭᠡᠯᠡᠳ ᠮᠣᠩᠭᠤᠯᠴᠣᠳ ᠤᠨ ᠳᠣᠮᠲᠠ ᠬᠡᠭᠡᠷᠡ ᠶᠢᠨ ᠰᠢᠨᠵᠢᠯᠡᠭᠡ ᠬᠢᠵᠦ ᠠᠶᠠᠯᠠᠨ | ᠶᠠᠪᠣᠬᠤ ᠪᠦᠷᠢ ᠪᠢ ᠣᠷᠳᠣ ᠦᠷᠭᠡᠨ ᠢᠶᠠᠷ ᠢᠶᠠᠨ ᠨᠢᠭᠡᠨ ᠮᠧᠲᠷ ᠢᠯᠡᠭᠦᠣ ᠣᠯᠠᠭᠠᠨ ᠲᠣᠷᠭᠠ ᠶᠢ ᠪᠡᠶᠡ ᠠᠴᠠ ᠪᠠᠨ | ᠰᠠᠯᠭᠠᠯ ᠦᠭᠡᠢ ᠠᠪᠴᠦ ᠶᠠᠪᠣᠲᠠᠭ ᠪᠢᠯᠡ᠃ ᠬᠦᠪᠡᠭᠡ ᠨᠢ ᠨᠢᠭᠡᠨᠲᠡ ᠡᠯᠡᠭᠲᠡᠨ ᠰᠡᠮᠡᠷᠡᠭᠰᠡᠨ ᠲᠡᠷᠡᠬᠦ ᠣᠯᠠᠭᠠᠨ ᠲᠣᠷᠭᠠᠨ | ᠲᠡᠭᠡᠷᠡ ᠲᠣᠳᠣ ᠦᠰᠦᠭ ᠤᠨ ᠬᠡᠳᠦᠨ ᠠᠷᠪᠠᠨ ᠲᠦᠮᠡᠨ ᠬᠠᠭᠤᠳᠠᠰᠣ ᠰᠣᠳᠣᠷ ᠨᠣᠮ ᠢ ᠪᠢ ᠵᠢᠷᠤᠭ ᠲᠤ | ᠪᠠᠭᠤᠯᠭᠠᠭᠰᠠᠨ ᠰᠠᠨ᠃ ᠲᠡᠷᠡ ᠲᠣᠷᠭᠠ ᠶᠢ ᠢᠯᠢ ᠶᠢᠨ ᠨᠣᠲᠤᠭ ᠲᠤ ᠠᠩᠬᠠ ᠢᠷᠡᠬᠦ ᠳᠤ ᠵᠠᠸ᠋ᠨ ᠶᠢᠨ ᠳ᠋ᠣᠰᠠᠨ᠂ | ᠴᠡᠷᠡᠨᠵᠠᠪ ᠤᠨ ᠦᠨᠢᠷ ᠨᠠᠲᠠ ᠳᠤ ᠪᠡᠯᠡᠭᠯᠡᠭᠰᠡᠨ ᠶᠣᠮ᠃ | — ᠰᠣᠳᠣᠷ ᠨᠣᠮ ᠢ ᠲᠡᠭᠡᠵᠢᠯᠡᠨ ᠬᠦᠨᠳᠦᠯᠡᠲᠡᠭ ᠨᠣᠲᠤᠭ ᠤᠨ ᠴᠢᠬᠤᠯᠠ ᠶᠣᠰᠣᠨ ᠪᠠᠶᠢᠲᠠᠭ᠃ ᠡᠨᠡᠬᠦ ᠲᠣᠷᠭᠠ | ᠲᠠᠨ ᠳᠤ ᠲᠣᠰᠠ ᠪᠣᠯᠵᠦ ᠶᠠᠭᠤᠨ ᠮᠠᠭᠠᠳ᠃ | ᠮᠣᠩᠭᠤᠯᠴᠣᠳ ᠤᠨ ᠬᠤᠪᠢ ᠳᠤ᠂ ᠨᠣᠲᠤᠭ ᠤᠨ ᠶᠣᠰᠣᠨ ᠶᠠᠪᠣᠲᠠᠯ ᠬᠠᠮᠤᠭ ᠤᠨ ᠬᠦᠨᠲᠣ ᠪᠠᠶᠢᠲᠠᠭ᠃ ᠬᠡᠭᠡᠷᠡ ᠶᠢᠨ | ᠰᠢᠨᠵᠢᠯᠡᠭᠡᠨ ᠤ ᠶᠠᠪᠣᠴᠠ ᠳᠤ ᠨᠣᠲᠤᠭ ᠤᠨ ᠶᠣᠰᠣ ᠵᠠᠩᠰᠢᠯ ᠢ ᠠᠯᠲᠠᠬᠤ ᠶᠣᠮ ᠪᠣᠯ ᠠᠵᠢᠯ ᠬᠢᠬᠦ ᠳᠤ ᠠᠰᠢᠭ ᠦᠭᠡᠢ | ᠪᠦᠭᠡᠳ ᠴᠢᠨᠠᠭᠰᠢᠲᠠ ᠪᠦᠬᠦ ᠠᠵᠢᠯ ᠢ ᠴᠤ ᠨᠦᠯᠦᠭᠡᠯᠡᠵᠦ ᠪᠣᠯᠵᠣᠰᠢ ᠦᠭᠡᠢ᠃ ᠢᠯᠠᠩᠭᠤᠶᠠ ᠢᠯᠢ ᠶᠢᠨ ᠭᠤᠣᠯ ᠤᠨ | ᠲᠡᠭᠡᠲᠣ ᠣᠷᠣᠰᠬᠠᠯ ᠳᠠᠭᠠᠤ ᠣᠷᠣᠨ ᠳᠤ ᠪᠠᠶᠢᠭᠠ ᠦᠭᠡᠯᠡᠳ ᠮᠣᠩᠭᠤᠯᠴᠣᠳ ᠤᠨ ᠶᠣᠰᠣᠨ ᠶᠠᠪᠣᠲᠠᠯ ᠬᠠᠭᠤᠴᠢᠨ | ᠣᠯᠠᠮᠵᠢᠯᠠᠯ ᠢᠶᠠᠨ ᠬᠠᠳᠠᠭᠠᠯᠠᠵᠦ ᠪᠠᠶᠢᠬᠤ ᠲᠡᠳᠦᠢ ᠦᠭᠡᠢ ᠪᠣᠰᠣᠳ ᠮᠣᠩᠭᠤᠯ ᠭᠠᠵᠠᠷ ᠣᠷᠣᠨ ᠢ ᠪᠣᠳᠣᠪᠠᠯ ᠨᠡᠩ ᠴᠤ | ᠡᠷᠲᠡᠨ ᠤ ᠬᠡᠪ ᠢᠶᠠᠷ ᠢᠶᠠᠨ ᠡᠪᠲᠡᠭᠲᠡᠭᠡ ᠦᠭᠡᠢ ᠪᠠᠶᠢᠭᠠ ᠨᠢ ᠭᠠᠶᠢᠬᠠᠯᠲᠠᠢ ᠪᠠᠶᠢᠲᠠᠭ ᠰᠠᠨ᠃ ᠬᠤᠭᠤᠯᠠ ᠣᠮᠲᠠ ᠠᠴᠠ | ᠶᠠᠪᠣᠵᠦ ᠰᠠᠭᠤᠬᠤ ᠬᠦᠷᠲᠡᠯᠡ ᠡᠳᠦᠷ ᠲᠣᠳᠣᠮ ᠤᠨ ᠠᠮᠢᠳᠣᠷᠠᠯ ᠳᠣᠮᠲᠠ ᠲᠡᠳᠡᠭᠡᠷ ᠶᠣᠰᠣ ᠵᠠᠩᠰᠢᠯ ᠰᠡᠭᠦᠲᠡᠷ ᠮᠡᠲᠣ | ᠰᠠᠯᠣᠰᠢ ᠦᠭᠡᠢ ᠳᠠᠭᠠᠯᠳᠣᠵᠦ ᠪᠠᠶᠢᠲᠠᠭ᠃ ᠲᠡᠳᠡᠭᠡᠷ ᠨᠢ ᠵᠦᠭᠡᠷ ᠨᠢᠭᠡ ᠬᠠᠭᠤᠴᠢᠨ ᠤ ᠪᠠᠯᠠᠷᠯᠢᠭ᠂ ᠲᠡᠷᠡ ᠮᠦᠷᠲᠡᠯᠡ | ᠪᠠᠨ ᠡᠷᠡᠨ ᠴᠠᠭ ᠤᠨ ᠬᠦᠭᠵᠢᠯᠲᠡ ᠯᠦᠭᠡ ᠣᠭᠲᠣ ᠬᠤᠯᠪᠣᠭᠲᠠᠯ ᠦᠭᠡᠢ ᠬᠤᠴᠣᠷᠣᠭᠲᠠᠭᠰᠠᠨ ᠵᠦᠢᠯᠡᠰ ᠭᠡᠵᠦ | ᠪᠣᠲᠣᠪᠠᠯ ᠠᠶᠠᠨᠲᠠᠭᠠᠨ ᠪᠤᠷᠤᠭᠤᠳᠠᠨᠠ᠃ ᠲᠡᠭᠦᠨ ᠤ ᠴᠠᠭᠠᠨᠠ ᠦᠭᠡᠯᠡᠳᠴᠣᠳ ᠤᠨ ᠣᠷᠲᠣ ᠣᠲᠠᠭᠠᠨ ᠵᠢᠯ | ᠥᠩᠭᠡᠷᠡᠭᠦᠯᠦᠭᠰᠡᠨ ᠠᠵᠣ ᠠᠬᠤᠢ᠂ ᠠᠮᠢᠳᠣᠷᠠᠯ ᠲᠡᠮᠡᠴᠡᠯ᠂ ᠲᠦᠷᠦ ᠱᠠᠰᠢᠨ ᠁ ᠵᠡᠷᠭᠡ ᠠᠯᠢᠪᠠ ᠰᠣᠶᠣᠯ ᠲᠡᠣᠬᠡ | ᠯᠦᠭᠡ ᠨᠢ ᠰᠠᠯᠣᠰᠢ ᠦᠭᠡᠢ ᠨᠢᠭᠲᠠ ᠬᠤᠯᠪᠣᠭᠠ ᠬᠠᠷᠢᠴᠠᠭᠠ ᠲᠠᠢ ᠪᠦᠬᠦ ᠶᠠᠭᠤᠮᠡ ᠨᠢ ᠨᠢᠭᠤᠭᠲᠠᠵᠦ ᠪᠠᠶᠢᠲᠠᠭ᠃ | ᠵᠠᠷᠢᠮ ᠶᠣᠰᠣ ᠵᠠᠩᠰᠢᠯ ᠨᠢ ᠨᠢᠭᠡᠨᠲᠡ ᠬᠠᠣᠯᠢ ᠠᠴᠠ ᠴᠤ ᠬᠦᠴᠦᠲᠡᠢ᠂ ᠬᠠᠣᠯᠢ ᠠᠴᠠ ᠴᠤ ᠶᠡᠭᠡ ᠦᠢᠯᠡᠳᠦᠯ ᠲᠠᠢ | ᠲᠣᠬᠢᠶᠠᠯᠳᠣᠯ ᠲᠠᠢ ᠴᠤ ᠦᠷᠭᠦᠯᠵᠢ ᠲᠠᠭᠠᠷᠠᠯᠲᠣᠲᠠᠭ ᠪᠢᠯᠡ᠃ | ᠲᠡᠣᠬᠡ ᠰᠣᠶᠣᠯ ᠢᠶᠠᠨ ᠰᠠᠶᠢᠨ ᠮᠡᠲᠡᠲᠡᠭ ᠪᠠᠷ ᠦᠯᠦ ᠪᠠᠷᠠᠮ ᠴᠢᠨᠠᠭᠰᠢᠲᠠ ᠰᠢᠨᠵᠢᠯᠡᠨ ᠰᠣᠳᠣᠯᠵᠦ ᠶᠠᠪᠣᠲᠠᠭ | ᠲᠡᠲᠡᠨ ᠤ ᠴᠠᠭᠠᠨ ᠰᠠᠨᠠᠭᠠᠨ ᠠᠴᠠ ᠪᠠᠨ ᠨᠠᠲᠠ ᠳᠤ ᠬᠡᠯᠡᠭᠰᠡᠨ᠂ ᠵᠠᠬᠢᠭᠰᠠᠨ ᠦᠭᠡ ᠶᠢ ᠣᠯᠠᠨ ᠵᠢᠯ ᠤᠨ ᠬᠤᠶᠢᠨᠠ | ᠪᠣᠯᠣᠭᠰᠠᠨ ᠦᠨᠦᠳᠦᠷ ᠴᠣ᠋ ᠪᠢ ᠲᠣᠪ ᠲᠣᠳᠣ ᠴᠡᠭᠡᠵᠢᠯᠡᠭᠰᠡᠭᠡᠷ᠃ ᠲᠡᠲᠡᠨ ᠤ ᠨᠣᠲᠤᠭ ᠤᠨ ᠢᠶᠠᠨ ᠲᠡᠣᠬᠡ | ᠰᠣᠶᠣᠯ ᠢᠶᠠᠨ ᠴᠠᠭᠠᠨᠠ ᠠᠴᠠ ᠪᠠᠨ ᠬᠠᠶᠢᠷᠠᠯᠠᠨ ᠠᠮᠢ ᠭᠤᠣᠯ ᠲᠠᠢ ᠪᠠᠨ ᠬᠤᠯᠪᠣᠨ ᠰᠣᠳᠣᠯᠵᠦ ᠶᠠᠪᠣᠭᠠ | ᠬᠠᠷᠢᠭᠤᠴᠠᠯᠭᠠᠲᠣ ᠣᠪᠣᠷ ᠨᠢ ᠨᠠᠲᠠ ᠬᠡᠵᠢᠶᠡᠲᠡ ᠰᠣᠷᠣᠭᠠᠳ ᠪᠠᠷᠠᠰᠢ ᠦᠭᠡᠢ ᠮᠡᠲᠣ ᠰᠠᠨᠠᠭᠲᠠᠲᠠᠭ ᠰᠠᠨ᠃ ᠬᠠᠷᠢᠨ | ᠣᠳᠣ ᠪᠢ ᠲᠡᠲᠡᠨ ᠤ ᠬᠠᠮᠳᠣᠷᠠᠨ ᠲᠣᠭᠤᠷᠪᠢᠭᠰᠠᠨ ᠣᠶᠢᠷᠠᠳ ᠰᠣᠳᠣᠯᠣᠯ ᠤᠨ ᠴᠢᠬᠤᠯᠠ ᠠᠰᠠᠭᠤᠲᠠᠯ ᠤᠨ ᠨᠢᠭᠡ | ᠮᠦᠷᠲᠡᠭᠡᠨ ᠣᠮᠳᠣᠭᠠᠶᠢᠯᠠᠭᠳᠠᠭᠰᠠᠭᠠᠷ ᠢᠷᠡᠭᠰᠡᠨ ︽ᠽᠠᠶᠠ ᠪᠠᠨᠳᠢᠲᠠ ᠶᠢᠨ ᠱᠠᠪᠢᠨᠠᠷ︾ ᠬᠡᠮᠡᠬᠦ ᠲᠣᠮᠣᠬᠠᠨ | ᠪᠦᠲᠦᠭᠡᠯ ᠳᠤ ᠣᠷᠣᠰᠢᠯ ᠪᠢᠴᠢᠵᠦ ᠰᠠᠭᠤᠨᠠ᠃ ᠡᠨᠡ ᠲᠡᠯᠡᠬᠡᠢ ᠳᠤ ᠢᠷᠡᠬᠦ ᠳᠤ ᠡᠴᠢᠬᠡ ᠡᠬᠡ ᠮᠢᠨᠢ ᠦᠭᠡᠷᠡ᠂ | ᠦᠯᠡᠮᠡᠢ ᠭᠢᠰᠭᠡᠭᠰᠡᠨ ᠭᠠᠵᠠᠷ ᠬᠦᠷᠲᠡᠯᠡ ᠲᠦᠮᠡᠨ ᠭᠠᠵᠠᠷ ᠤᠨ ᠠᠯᠣᠰ ᠠᠭᠠᠳ ᠣᠶᠢᠷᠠᠳ ᠰᠣᠳᠣᠯᠣᠯ ᠪᠢᠲᠡᠨ ᠢ | ᠡᠪ ᠤᠨ ᠦᠯᠵᠡᠢ ᠵᠠᠩᠬᠢᠶᠠ ᠰᠢᠭ ᠨᠢᠭᠡ ᠣᠲᠠᠰᠣᠨ ᠳᠤ ᠬᠤᠯᠪᠣᠵᠦ ᠬᠤᠯᠠ ᠶᠢᠨ ᠬᠤᠯᠠ ᠶᠢᠨ ᠠᠭᠯᠠᠭ ᠬᠢᠯᠢ ᠤᠨ | ᠲᠡᠷᠲᠡᠭᠡ ᠠᠭᠤᠯᠵᠠᠭᠤᠯᠣᠭᠰᠠᠨ ᠪᠠᠶᠢᠵᠦ ᠤᠤ︕ ᠱᠠᠪᠢᠨᠠᠷ ᠤᠨ ᠲᠡᠣᠬᠡ ᠰᠣᠶᠣᠯ ᠳᠤ ᠬᠤᠯᠪᠣᠭᠲᠠᠭᠰᠠᠨ ᠬᠤᠷᠠᠯ | ᠴᠣᠭᠯᠠᠭᠠ ᠬᠢᠬᠦ᠂ ᠨᠣᠮ ᠲᠡᠪᠲᠡᠷ ᠬᠡᠪᠯᠡᠭᠦᠯᠬᠦ᠂ ᠨᠣᠲᠤᠭ ᠲᠤ ᠠᠶᠢᠯᠠᠴᠢᠯᠠᠭᠰᠠᠨ ᠡᠷᠳᠡᠮᠲᠡᠳ ᠢ ᠬᠦᠯᠢᠶᠡᠨ ᠵᠣᠴᠢᠯᠠᠬᠤ ᠁ | ᠲᠡᠭᠡᠰ ᠤᠨ ᠱᠠᠪᠢᠨᠠᠷ ᠤᠨ ᠲᠡᠣᠬᠡ ᠰᠣᠶᠣᠯ ᠤᠨ ᠠᠯᠢ ᠠᠯᠢᠨ ᠳᠤ ᠬᠤᠯᠪᠣᠭᠲᠠᠬᠤ ᠪᠠᠷ ᠵᠠᠸ᠋ᠨ ᠶᠢᠨ ᠳ᠋ᠣᠰᠠᠨ᠂ ᠴ᠊ · | ᠦᠨᠢᠷ ᠨᠢᠭᠡ ᠲᠡᠷᠭᠡᠨ ᠤ ᠬᠤᠶᠠᠷ ᠬᠦᠷᠲᠣ ᠮᠡᠲᠣ ᠲᠣᠲᠠᠭᠲᠠᠵᠦ ᠦᠯᠦ ᠪᠣᠯᠣᠨᠠ᠃ ᠣᠶᠢᠷᠠ ᠶᠢᠨ ᠬᠤᠶᠠᠷ ᠵᠢᠯ ᠳᠤ | ᠨᠦᠭᠦᠭᠡ ᠵᠠᠸ᠋ᠨ ᠶᠢᠨ ᠳ᠋ᠣᠰᠠᠨ ᠭᠤᠸᠠᠢ ᠶᠢᠨ ᠰᠠᠨᠴᠢᠭ ᠲᠤ ᠬᠠᠶᠠ ᠭᠢᠯᠠᠰᠣᠨ ᠬᠠᠷᠠᠭᠲᠠᠬᠤ ᠪᠣᠯᠣᠭᠰᠠᠨ ᠮᠦᠩᠭᠦᠨ | ᠬᠢᠷᠠᠭᠤ ᠮᠡᠲᠣ ᠴᠠᠭᠠᠨ ᠦᠰᠦ ᠨᠢ ᠴᠤ ᠱᠠᠪᠢᠨᠠᠷ ᠤᠨ ᠲᠡᠣᠬᠡ ᠰᠣᠶᠣᠯ ᠳᠤ ᠵᠢᠳᠭᠦᠵᠦ ᠶᠠᠪᠣᠭᠰᠠᠨ ᠤ ᠬᠢᠨᠢ ᠭᠡᠷᠡᠴᠢ | ᠮᠡᠲᠣ ᠨᠠᠲᠠ ᠳᠤ ᠪᠣᠲᠣᠭᠲᠠᠲᠠᠭ᠃ ᠠᠤᠭᠠ ᠶᠡᠭᠡ ᠣᠶᠢᠷᠠᠳ ᠰᠣᠳᠣᠯᠣᠯ ᠢ ᠣᠶᠢᠭᠠ ᠦᠭᠡᠢ ᠬᠢᠬᠦ ᠶᠢᠨ ᠵᠢᠷᠭᠠᠯ | ᠵᠣᠪᠠᠯᠠᠩ ᠪᠦᠬᠦᠨ ᠢ ᠪᠢ ᠲᠡᠭᠦᠨ ᠠᠴᠠ ᠭᠦᠨ ᠮᠡᠳᠡᠷᠡᠲᠡᠭ ᠰᠠᠨ᠃ ᠲᠡᠶᠢᠨᠬᠦ ᠣᠶᠢᠷᠠᠳ ᠰᠣᠳᠣᠯᠣᠯ ᠤᠨ ᠵᠠᠮ ᠢ | ᠰᠣᠩᠭᠤᠭᠰᠠᠨ ᠲᠡᠳᠦᠢ ᠦᠭᠡᠢ ᠥᠪᠡᠷ ᠤᠨ ᠡᠨᠡᠬᠡᠨ ᠨᠠᠰᠣ ᠪᠠᠨ ᠣᠶᠢᠷᠠᠳ ᠰᠣᠳᠣᠯᠣᠯ ᠳᠤ ᠵᠣᠷᠢᠭᠤᠯᠬᠤ | ᠪᠣᠯᠣᠭᠰᠠᠨ ᠢᠶᠠᠨ ᠦᠪᠡᠷ ᠤᠨ ᠮᠢᠨᠢ ᠬᠠᠮᠤᠭ ᠤᠨ ᠶᠡᠭᠡ ᠠᠵᠠ ᠭᠡᠵᠦ ᠣᠯᠵᠠᠷᠬᠠᠨ ᠶᠠᠪᠣᠲᠠᠭ ᠮᠢᠨᠢ ᠮᠢᠨᠦ ᠡᠨᠡ | ᠲᠡᠯᠡᠬᠡᠢ ᠳᠤ ᠬᠦᠮᠦᠨ ᠪᠣᠯᠣᠭᠰᠠᠨ ᠤ ᠳᠡᠭᠡᠲᠣ ᠵᠢᠷᠭᠠᠯ ᠪᠠᠶᠢᠯᠠ᠃ | ᠣᠶᠢᠷᠠᠳ ᠰᠣᠳᠣᠯᠣᠯ ᠪᠣᠯ ᠮᠣᠩᠭᠤᠯ ᠰᠣᠳᠣᠯᠣᠯ ᠤᠨ ᠴᠢᠬᠤᠯᠠ ᠪᠦᠷᠢᠯᠳᠡᠭᠦᠨ ᠬᠡᠰᠡᠭ ᠲᠡᠳᠦᠢ ᠦᠭᠡᠢ ᠦᠪᠡᠷ ᠤᠨ | ᠪᠡᠶᠡ ᠪᠠᠨ ᠳᠠᠭᠠᠭᠠᠭᠰᠠᠨ ᠦᠪᠡᠷᠮᠢᠴᠡ ᠣᠨᠴᠠᠯᠢᠭ ᠲᠠᠢ ᠶᠣᠮ᠃ ᠮᠣᠩᠭᠤᠯ ᠤᠨ ᠡᠯᠡ ᠣᠪᠣᠭ ᠠᠶᠢᠮᠠᠭ ᠤᠳ ᠤᠨ | ᠲᠣᠳᠣᠷᠠ ᠣᠶᠢᠷᠠᠳ ᠪᠠ ᠪᠦᠷᠢᠶᠡᠳ ᠤᠨ ᠲᠡᠣᠬᠡ ᠰᠣᠶᠣᠯ ᠣᠨᠴᠠᠭᠠᠢ ᠪᠠᠶᠢᠲᠠᠭ᠃ ᠭᠠᠵᠠᠷ ᠵᠦᠢ ᠶᠢᠨ | ᠪᠠᠶᠢᠷᠢᠰᠢᠯ ᠤᠨ ᠬᠤᠪᠢ ᠳᠤ᠂ ᠲᠡᠳᠡ ᠲᠦᠪ ᠮᠣᠩᠭᠤᠯ ᠠᠴᠠ ᠲᠠᠰᠣᠷᠠᠨ ᠬᠤᠯᠠᠲᠠᠭᠰᠠᠨ ᠲᠡᠳᠦᠢ ᠦᠭᠡᠢ ᠰᠣᠶᠣᠯ | ᠲᠡᠣᠬᠡ ᠶᠢᠨ ᠬᠤᠪᠢ ᠳᠤ ᠴᠤ ᠦᠪᠡᠷ ᠤᠨ ᠢᠶᠠᠨ ᠭᠡᠰᠡᠨ ᠣᠨᠴᠠᠯᠢᠭ ᠲᠠᠢ᠃ ᠢᠯᠠᠩᠭᠤᠶᠠ ᠣᠶᠢᠷᠠᠳ ᠨᠢ | ᠦᠪᠡᠷ ᠤᠨ ᠢᠶᠠᠨ ᠭᠡᠰᠡᠨ ᠣᠯᠣᠰ ᠲᠦᠷᠦ ᠱᠠᠵᠢᠨ ᠪᠠ ᠲᠦᠷᠦ ᠶᠢᠨ ᠪᠠᠶᠢᠭᠤᠯᠣᠮᠵᠢ ᠲᠠᠢ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠥᠩᠭᠡ | ᠢᠯᠭᠠᠷᠠᠭᠰᠠᠨ ᠣᠨᠳᠣᠣ ᠨᠢᠭᠡ ᠶᠢᠷᠲᠢᠨᠴᠦ ᠪᠠᠶᠢᠭᠰᠠᠨ ᠰᠠᠨᠵᠢ᠃ | ᠶᠣᠸ᠋ᠨᠨ ᠣᠯᠣᠰ ᠤᠨ ᠦᠶᠡ ᠳᠤ ᠵᠡᠭᠦᠨ ᠮᠣᠩᠭᠤᠯ ᠢ ᠳᠦᠴᠢᠨ ᠲᠦᠮᠡᠨ ᠮᠣᠩᠭᠤᠯ ᠭᠡᠲᠡᠭ ᠪᠠᠶᠢᠭᠰᠠᠨ ᠪᠦᠭᠡᠳ | ᠣᠶᠢᠷᠠᠳᠴᠣᠳ ᠢ ᠳᠦᠷᠪᠡᠨ ᠲᠦᠮᠡᠨ ᠣᠶᠢᠷᠠᠳ ᠭᠡᠵᠦ ᠶᠡᠷᠦᠩᠬᠡᠶᠢᠯᠡᠨ ᠲᠠᠭᠤᠲᠠᠲᠠᠭ ᠪᠠᠶᠢᠪᠠ᠃ ᠲᠣᠬᠠᠢ ᠶᠢᠨ | ᠦᠶᠡ ᠳᠤ ᠳᠦᠴᠢᠨ ᠲᠦᠮᠡᠨ ᠮᠣᠩᠭᠤᠯ᠂ ᠳᠦᠷᠪᠡᠨ ᠲᠦᠮᠡᠨ ᠣᠶᠢᠷᠠᠳ ᠭᠡᠵᠦ ᠣᠶᠢᠷᠠᠳᠴᠣᠳ ᠲᠣᠳᠣᠷᠬᠠᠢ ᠵᠡᠭᠦᠨ | ᠮᠣᠩᠭᠤᠯ ᠯᠤᠭᠠ ᠮᠦᠷᠦ ᠵᠡᠷᠭᠡᠴᠡᠨ ᠭᠠᠷᠲᠠᠭ ᠨᠢ ᠶᠣᠸᠠᠨ ᠣᠯᠣᠰ ᠤᠨ ᠲᠣᠳᠣᠷᠬᠠᠢ ᠨᠢᠭᠡᠨ ᠴᠠᠭ ᠦᠶᠡ ᠳᠤ | ᠲᠡᠲᠡᠨ ᠤ ᠪᠠᠶᠢᠷᠢ ᠰᠠᠭᠤᠷᠢ ᠲᠦᠪ ᠮᠣᠩᠭᠤᠯ ᠯᠤᠭᠠ ᠰᠠᠴᠠᠭᠤ ᠪᠠᠶᠢᠭᠰᠠᠨ ᠢ ᠬᠠᠷᠠᠭᠤᠯᠵᠦ ᠪᠣᠢ᠃ ᠳᠦᠴᠢᠨ ᠲᠦᠮᠡᠨ | ᠮᠣᠩᠭᠤᠯ 1368 ᠣᠨ ᠤ ᠲᠣᠭᠤᠨᠲᠡᠮᠦᠷ ᠬᠠᠭᠠᠨ ᠮᠣᠯᠳᠣᠰᠢ ᠶᠢᠨ ᠰᠦᠪᠡ ᠪᠠᠷ ᠣᠮᠠᠷᠠᠰᠢ ᠲᠣᠲᠠᠭᠠᠵᠦ ᠶᠡᠭᠡ | ᠶᠣᠸᠠᠨ ᠣᠯᠣᠰ ᠮᠦᠬᠦᠭᠰᠡᠨ ᠢᠶᠠᠷ ᠵᠡᠭᠦᠨ ᠮᠣᠩᠭᠤᠯ ᠳᠤ ᠬᠡᠷᠡᠭᠯᠡᠭᠳᠡᠬᠦ ᠪᠠᠨ ᠪᠣᠯᠢᠪᠠ᠃ ᠣᠮᠠᠷᠠᠲᠣ ᠶᠣᠸᠠᠨ | ᠣᠯᠣᠰ ᠤᠨ ᠦᠶᠡ ᠳᠤ ᠲᠠᠶᠠᠨ ᠬᠠᠭᠠᠨ ᠬᠠᠭᠠᠴᠠᠯ ᠪᠣᠲᠠᠷᠠᠯ ᠪᠣᠯᠣᠭᠰᠠᠨ ᠮᠣᠩᠭᠤᠯ ᠢ ᠲᠠᠬᠢᠨᠲᠠ ᠬᠤᠷᠢᠶᠠᠨ | ᠨᠢᠭᠡᠳᠭᠡᠵᠦ ᠨᠡᠶᠢᠭᠡᠮ ᠤᠨ ᠪᠠᠶᠢᠭᠤᠯᠣᠮᠵᠢ ᠶᠢᠨ ᠬᠤᠪᠢ ᠳᠤ ᠵᠡᠭᠦᠨ ᠮᠣᠩᠭᠤᠯ ᠢ ᠵᠢᠷᠭᠤᠭᠠᠨ ᠲᠦᠮᠡᠨ ᠳᠤ ᠬᠤᠪᠢᠶᠠᠨ | ᠵᠠᠭᠢᠷᠪᠠ᠃ ᠵᠢᠷᠭᠤᠭᠠᠨ ᠲᠦᠮᠡᠨ ᠨᠢ ᠵᠡᠭᠦᠨ ᠭᠤᠷᠪᠠᠨ ᠲᠦᠮᠡᠨ ᠪᠠ ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ ᠭᠡᠵᠦ ᠬᠤᠶᠠᠷ | ᠶᠡᠭᠡ ᠲᠦᠮᠡᠨ ᠳᠤ ᠬᠤᠪᠢᠶᠠᠭᠲᠠᠲᠠᠭ᠃ ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ ᠳᠤ ᠣᠷᠳᠣᠰ ᠲᠦᠮᠡᠨ᠂ ᠲᠦᠮᠡᠳ ᠲᠦᠮᠡᠨ᠂ | ᠶᠣᠩᠰᠢᠶᠠᠪᠤ ᠲᠦᠮᠡᠨ᠂ ᠵᠡᠭᠦᠨ ᠭᠤᠷᠪᠠᠨ ᠲᠦᠮᠡᠨ ᠳᠤ ᠴᠠᠬᠠᠷ ᠲᠦᠮᠡᠨ᠂ ᠬᠠᠯᠬᠠ ᠲᠦᠮᠡᠨ᠂ ᠣᠷᠢᠶᠠᠩᠬᠠᠢ ᠲᠦᠮᠡᠨ | ᠵᠡᠷᠭᠡ ᠪᠠᠭᠲᠠᠲᠠᠭ ᠪᠠᠶᠢᠵᠡᠢ᠃ ᠲᠡᠶᠢᠨᠬᠦ ᠲᠡᠣᠬᠡ ᠪᠢᠴᠢᠭ ᠲᠤ ᠣᠮᠠᠷᠠᠲᠣ ᠶᠣᠸᠠᠨ ᠣᠯᠣᠰ ᠤᠨ ᠦᠶᠡ ᠳᠤ ᠵᠢᠷᠭᠤᠭᠠᠨ | ᠲᠦᠮᠡᠨ ᠮᠣᠩᠭᠤᠯ᠂ ᠳᠦᠷᠪᠡᠨ ᠲᠦᠮᠡᠨ ᠣᠶᠢᠷᠠᠳ ᠭᠡᠵᠦ ᠨᠡᠶᠢᠲᠡ ᠮᠣᠩᠭᠤᠯ ᠢ ᠪᠠᠭᠲᠠᠭᠠᠨ ᠬᠡᠯᠡᠲᠡᠭ᠃ ᠲᠡᠶᠢᠨᠬᠦ | ᠣᠮᠠᠷᠠᠲᠣ ᠶᠣᠸᠠᠨ ᠣᠯᠣᠰ ᠤᠨ ᠦᠶᠡ ᠳᠤ ᠴᠤ ᠣᠶᠢᠷᠠᠳᠴᠣᠳ ᠵᠡᠭᠦᠨ ᠮᠣᠩᠭᠤᠯ ᠯᠤᠭᠠ ᠮᠦᠷᠦ ᠵᠡᠷᠭᠡᠴᠡᠨ | ᠲᠣᠰᠭᠠᠷ ᠣᠯᠣᠰ ᠲᠦᠷᠦ ᠶᠢᠨ ᠬᠦᠴᠦᠨ ᠤ ᠬᠤᠪᠢ ᠪᠠᠷ ᠣᠷᠣᠰᠢᠭᠰᠠᠭᠠᠷ ᠪᠠᠶᠢᠪᠠ᠃ ᠰᠣᠨᠢᠷᠬᠠᠯᠲᠠᠢ ᠨᠢ ᠵᠡᠭᠦᠨ | ᠮᠣᠩᠭᠤᠯ ᠨᠢᠭᠡᠨᠲᠡ ᠳᠦᠴᠢᠨ ᠲᠦᠮᠡᠨ ᠮᠣᠩᠭᠤᠯ ᠠᠴᠠ ᠵᠢᠷᠭᠤᠭᠠᠨ ᠲᠦᠮᠡᠨ ᠮᠣᠩᠭᠤᠯ ᠪᠣᠯᠵᠦ ᠬᠤᠪᠢᠷᠠᠭᠰᠠᠨ | ᠠᠲᠠᠯᠠ ᠣᠶᠢᠷᠠᠳᠴᠣᠳ ᠣᠮᠠᠷᠠᠲᠣ ᠶᠣᠸᠠᠨ ᠣᠯᠣᠰ ᠤᠨ ᠦᠶᠡ ᠳᠤ ᠵᠡᠭᠦᠨ ᠮᠣᠩᠭᠤᠯ ᠢ ᠳᠦᠴᠢᠨ ᠲᠦᠮᠡᠨ ᠭᠡᠵᠦ | ᠣᠶᠢᠯᠠᠭᠠᠭᠰᠠᠭᠠᠷ ᠪᠠᠶᠢᠯᠠ᠃ ᠲᠡᠷᠡ ᠨᠢ 1640 ᠣᠨ ᠳᠤ ᠬᠠᠯᠬᠠ ᠣᠶᠢᠷᠠᠳ ᠤᠨ ᠲᠣᠭᠲᠠᠭᠠᠭᠰᠠᠨ ︽ᠶᠡᠭᠡ | ᠴᠠᠭᠠᠵᠠ︾ ᠶᠢᠨ ᠡᠬᠢᠨ ᠳᠤ ︽ᠳᠦᠴᠢᠨ ᠳᠦᠷᠪᠡᠨ ᠬᠤᠶᠠᠷ ᠶᠢᠨ ᠨᠣᠶᠠᠳ ᠶᠡᠭᠡ ᠴᠠᠭᠠᠵᠠ ᠡᠬᠢᠯᠡᠨ ᠪᠢᠴᠢᠪᠠᠢ︾ | ᠭᠡᠲᠡᠭ ᠲᠡᠮᠲᠡᠭᠯᠡᠯ ᠠᠴᠠ ᠲᠣᠳᠣᠷᠬᠠᠢ ᠬᠠᠷᠠᠭᠲᠠᠨᠠ᠃ ᠦᠨᠡᠨ ᠳᠡᠭᠡᠨ ᠲᠣᠬᠠᠢ ᠶᠢᠨ ᠦᠶᠡ ᠳᠤ ᠮᠠᠨᠵᠦ ᠴᠢᠩ | ᠭᠤᠪᠢ ᠶᠢᠨ ᠡᠮᠦᠨᠡᠬᠢ ᠮᠣᠩᠭᠤᠯ ᠢ ᠨᠢᠭᠡᠨᠲᠡ ᠲᠠᠶᠢᠯᠠᠨ ᠳᠠᠭᠠᠭᠤᠯᠵᠦ ︽ᠶᠡᠭᠡ ᠴᠠᠭᠠᠵᠠ︾ ᠶᠢ ᠲᠣᠭᠲᠠᠭᠠᠬᠤ ᠳᠤ | ᠵᠦᠪᠬᠡᠨ ᠬᠠᠯᠬᠠ ᠲᠦᠮᠡᠨ ᠯᠠ ᠦᠯᠡᠳᠡᠭᠡᠳ ᠪᠠᠶᠢᠭᠰᠠᠨ ᠶᠣᠮ᠃ ᠵᠡᠭᠦᠨ ᠮᠣᠩᠭᠤᠯ ᠳᠤ ᠬᠡᠷᠡᠭᠯᠡᠭᠲᠡᠬᠦ ᠪᠠᠨ ᠪᠣᠯᠢᠭᠠᠳ | ᠭᠤᠷᠪᠠᠨ ᠵᠠᠭᠤ ᠰᠢᠬᠠᠮ ᠵᠢᠯ ᠪᠣᠯᠴᠢᠬᠠᠭᠰᠠᠨ ︽ᠳᠦᠴᠢᠨ ᠲᠦᠮᠡᠨ︾ ᠬᠡᠮᠡᠬᠦ ᠨᠡᠷᠡᠶᠢᠳᠦᠯ ᠢ ᠣᠶᠢᠷᠠᠳᠴᠣᠳ ᠠᠯᠪᠠᠨ | ᠶᠣᠰᠣᠭᠠᠷ ᠬᠡᠷᠡᠭᠯᠡᠭᠰᠡᠭᠡᠷ ᠪᠠᠶᠢᠯᠠ᠃ ᠲᠡᠶᠢᠮᠦ ᠮᠦᠷᠲᠡᠭᠡᠨ ᠳᠦᠴᠢᠨ ᠲᠦᠮᠡᠨ ᠬᠢᠭᠡᠳ ᠵᠢᠷᠭᠤᠭᠠᠨ ᠲᠦᠮᠡᠨ ᠠᠴᠠ | ᠭᠠᠭᠴᠠᠭᠠᠷ ᠲᠠᠰᠣᠷᠠᠨ ᠦᠯᠡᠲᠡᠭᠰᠡᠨ ᠬᠠᠯᠬᠠ ᠲᠦᠮᠡᠨ ᠢ ᠲᠡᠭᠡᠵᠦ ᠳᠠᠭᠤᠲᠠᠵᠦ ᠪᠠᠶᠢᠭᠠ ᠠᠴᠠ ᠦᠵᠡᠬᠦ ᠳᠤ᠂ | ᠮᠠᠨᠵᠦ ᠶᠢᠨ ᠡᠷᠬᠡᠰᠢᠶᠡᠯ ᠳᠤ ᠬᠡᠳᠦᠶᠢᠨ ᠣᠷᠣᠭᠰᠠᠨ ᠬᠡᠰᠡᠭ ᠮᠣᠩᠭᠤᠯᠴᠣᠳ ᠢᠶᠠᠨ ᠪᠣᠲᠣᠬᠤ ᠦᠭᠡᠢ ᠴᠤ ᠵᠡᠭᠦᠨ | ᠮᠣᠩᠭᠤᠯ ᠤᠨ ᠲᠣᠰᠠᠭᠠᠷ ᠲᠦᠷᠦ ᠲᠡᠷᠡ ᠬᠡᠪ ᠢᠶᠠᠷ ᠪᠠᠶᠢᠭᠰᠠᠭᠠᠷ ᠭᠡᠵᠦ ᠣᠶᠢᠷᠠᠳᠴᠣᠳ ᠪᠤᠳᠤᠳᠠᠭ ᠪᠠᠶᠢᠵᠡᠢ᠃ ᠲᠡᠷᠡ | ᠨᠢ ᠨᠢᠭᠡ ᠲᠠᠯᠠ ᠪᠠᠷ ᠬᠡᠰᠡᠭᠯᠡᠭᠲᠡᠨ ᠲᠠᠰᠣᠷᠠᠭᠰᠠᠨ ᠵᠡᠭᠦᠨ ᠮᠣᠩᠭᠤᠯ ᠤᠨ ᠲᠦᠷᠦ ᠶᠢ ᠱᠣᠣᠯᠠᠭᠰᠠᠨ ᠮᠡᠲᠣ ᠬᠠᠷᠠᠭᠲᠠᠬᠤ | ᠠᠪᠠᠴᠦ ᠦᠨᠡᠨ ᠳᠡᠭᠡᠨ ᠡᠯᠢᠭᠡ ᠨᠢᠭᠡᠲᠡᠢ ᠮᠣᠩᠭᠤᠯᠴᠣᠳ ᠡᠵᠡᠷᠬᠡᠭ ᠭᠦᠷᠦᠨ ᠤ ᠪᠣᠭᠤᠯ ᠪᠣᠯᠬᠤ ᠪᠢᠰᠢ᠂ ᠡᠰᠡᠨ | ᠲᠤᠰᠠᠭᠠᠷ ᠪᠦᠲᠦᠨ ᠣᠯᠣᠰ ᠪᠠᠶᠢᠭᠰᠠᠨ ᠮᠡᠲᠣ ᠪᠠᠷ ᠪᠡᠯᠭᠡᠲᠡᠨ ᠪᠣᠲᠣᠭᠰᠠᠨ ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ | ᠣᠶᠢᠷᠠᠳᠴᠣᠳ ᠤᠨ ᠵᠡᠭᠦᠨ ᠮᠣᠩᠭᠤᠯ ᠳᠤ ᠬᠠᠨᠳᠣᠭᠰᠠᠨ ᠣᠯᠣᠰ ᠲᠦᠷᠦ ᠶᠢᠨ ᠳᠠᠭᠤᠲᠠᠯᠭᠠ ᠪᠠᠶᠢᠭᠰᠠᠨ ᠪᠢᠵᠡ᠃ | ᠳᠦᠴᠢᠨ ᠲᠦᠮᠡᠨ ᠮᠣᠩᠭᠤᠯ ᠤᠨ ᠦᠶᠡ ᠴᠤ ᠪᠣᠯᠤᠭ᠂ ᠵᠢᠷᠭᠤᠭᠠᠨ ᠲᠦᠮᠡᠨ ᠮᠣᠩᠭᠤᠯ ᠤᠨ ᠦᠶᠡ ᠴᠤ ᠪᠣᠯᠤᠭ᠂ | ᠣᠶᠢᠷᠠᠳᠴᠣᠳ ᠨᠡᠯᠢᠶᠡᠳ ᠣᠷᠲᠣ ᠲᠡᠣᠬᠡ ᠶᠢᠨ ᠴᠠᠭ ᠬᠤᠭᠤᠴᠠᠭᠠ ᠳᠤ ᠵᠡᠭᠦᠨ ᠮᠣᠩᠭᠤᠯ ᠯᠤᠭᠠ ᠵᠣᠣᠵᠢ ᠬᠤᠯᠪᠣᠨ | ᠦᠪᠡᠷ ᠢᠶᠠᠨ ᠲᠣᠰᠠᠭᠠᠷ ᠣᠯᠣᠰ ᠲᠦᠷᠦ ᠶᠢᠨ ᠬᠦᠴᠦᠨ ᠤ ᠬᠤᠪᠢ ᠪᠠᠷ ᠣᠷᠣᠰᠢᠭᠰᠠᠭᠠᠷ ᠪᠠᠶᠢᠭᠰᠠᠨ ᠨᠢ ᠲᠡᠣᠬᠡ ᠶᠢᠨ | ᠦᠨᠡᠨ ᠪᠢᠯᠡ᠃ ᠨᠡᠩᠲᠡ 17-18 ᠵᠠᠭᠤᠨ ᠤ ᠦᠶᠡ ᠳᠤ ᠣᠶᠢᠷᠠᠳᠴᠣᠳ ᠠᠯᠣᠰ ᠬᠤᠯᠠ ᠶᠢᠨ ᠢᠵᠢᠯ ᠵᠠᠢ ᠪᠠ | ᠬᠦᠬᠡᠨᠠᠭᠤᠷ ᠲᠦᠪᠡᠳ ᠤᠨ ᠦᠨᠳᠦᠷᠯᠢᠭ ᠵᠢᠴᠢ ᠵᠡᠭᠦᠨᠭᠠᠷ ᠢ ᠪᠠᠭᠲᠠᠭᠠᠭᠰᠠᠨ ᠠᠽᠢᠶᠠ ᠡᠸᠦ᠋ᠷᠦᠫᠡ ᠶᠢ ᠰᠣᠨᠳᠠᠯᠠᠭᠰᠠᠨ | ᠬᠠᠷᠴᠠᠭᠠᠢ ᠰᠢᠪᠠᠭᠤᠳ ᠤᠨ ᠵᠣᠷᠢᠭ ᠮᠣᠬᠤᠮᠠ᠂ ᠬᠠᠨ ᠭᠠᠷᠤᠳᠢ ᠶᠢᠨ ᠵᠢᠭᠦᠷ ᠴᠤᠴᠠᠮᠠ ᠠᠭᠤᠲᠠᠮ ᠶᠡᠭᠡ ᠨᠣᠲᠤᠭ ᠢ | ᠡᠵᠡᠯᠡᠨ ᠲᠦᠪ ᠠᠽᠢᠶᠠ ᠶᠢᠨ ᠵᠢᠩᠬᠢᠨᠢ ᠡᠵᠡᠨ ᠪᠣᠯᠣᠭᠰᠠᠨ ᠪᠠᠶᠢᠪᠠ᠃ ᠲᠡᠶᠢᠨᠬᠦ ᠣᠶᠢᠷᠠᠳᠴᠣᠳ ᠤᠨ ᠲᠡᠣᠬᠡ ᠨᠢ | ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠮᠣᠩᠭᠤᠯ ᠤᠨ ᠲᠡᠣᠬᠡ ᠲᠡᠳᠦᠢ ᠪᠢᠰᠢ ᠲᠦᠪ ᠠᠽᠢᠶᠠ ᠶᠢᠨ ᠪᠣᠰᠣᠳ ᠣᠯᠣᠰ | ᠦᠨᠳᠦᠰᠦᠲᠡᠨ ᠤ ᠲᠡᠣᠬᠡ ᠴᠢᠨᠠᠭᠰᠢᠯᠠᠨ ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠲᠡᠯᠡᠬᠡᠢ ᠶᠢᠨ ᠲᠡᠣᠬᠡ ᠶᠢᠨ ᠰᠣᠳᠣᠯᠣᠯ ᠳᠤ ᠴᠤ | ᠣᠶᠢᠷᠠᠳᠴᠣᠳ ᠤᠨ ᠣᠷᠣᠭᠤᠯᠣᠭᠰᠠᠨ ᠬᠤᠪᠢ ᠨᠡᠮᠡᠷᠢ ᠶᠠᠨᠳᠠᠰᠢ ᠦᠭᠡᠢ ᠶᠡᠭᠡ ᠶᠣᠮ᠃ ᠣᠶᠢᠷᠠᠳ ᠲᠡᠣᠬᠡ | ᠰᠣᠶᠣᠯ ᠤᠨ ᠰᠣᠳᠣᠯᠣᠯ ᠨᠢᠭᠡ ᠬᠡᠮᠵᠢᠶᠡᠨᠡ ᠬᠦᠮᠦᠰ ᠤᠨ ᠪᠠᠭ᠋ᠠᠷᠬᠠᠯ ᠢ ᠲᠠᠲᠠᠮᠠ ᠠᠮᠵᠢᠯᠲᠠ ᠣᠯᠣᠭᠰᠠᠨ ᠭᠡᠲᠡᠭ | ᠪᠣᠯᠪᠠᠴᠦ ᠨᠦᠭᠦᠭᠡ ᠲᠠᠯᠠ ᠪᠠᠷ ᠮᠠᠨᠵᠦ᠂ ᠲᠦᠪᠡᠳ᠂ ᠣᠷᠣᠰ ᠁ ᠵᠡᠷᠭᠡ ᠣᠶᠢᠷᠠᠳ ᠤᠨ ᠲᠡᠣᠬᠡ ᠰᠣᠶᠣᠯ ᠳᠤ | ᠬᠤᠯᠪᠣᠭᠲᠠᠬᠤ ᠠᠰᠣᠷᠣ ᠣᠯᠠᠨ ᠲᠡᠣᠬᠡ ᠠᠷᠬᠢᠪ ᠤᠨ ᠲᠠᠩᠰᠠ ᠪᠢᠴᠢᠭ ᠤᠳ ᠠᠰᠢᠭᠯᠠᠯᠲᠠ ᠳᠤ ᠣᠷᠤᠭᠠ ᠦᠭᠡᠢ ᠪᠠ | ᠵᠠᠷᠢᠮ ᠬᠢᠯᠢ ᠬᠢᠵᠠᠭᠠᠷ ᠲᠠᠰᠣᠷᠠᠨ ᠰᠠᠭᠤᠭᠰᠠᠨ ᠣᠶᠢᠷᠠᠳᠴᠣᠳ ᠤᠨ ᠲᠡᠣᠬᠡ ᠰᠣᠶᠣᠯ ᠣᠮᠳᠣᠭᠠᠶᠢᠯᠠᠭᠳᠠᠨ | ᠬᠠᠶᠠᠭᠲᠠᠭᠰᠠᠨ ᠬᠡᠪ ᠢᠶᠠᠷ ᠪᠠᠶᠢᠭᠰᠠᠭᠠᠷ᠃ ᠲᠠᠩᠰᠠ ᠠᠷᠬᠢᠪ ᠤᠨ ᠮᠠᠲ᠋ᠧᠷᠢᠶᠠᠯ ᠤᠳ ᠣᠳᠣ ᠡᠬᠢᠯᠡᠨ ᠬᠡᠪᠯᠡᠭᠲᠡᠵᠦ ᠪᠣᠢ | ᠪᠦᠭᠡᠳ ᠣᠯᠠᠨ ᠣᠯᠣᠰ ᠤᠨ ᠬᠤᠭᠤᠷᠣᠨᠲᠠᠬᠢ ᠬᠠᠷᠢᠯᠴᠠᠭᠠ ᠴᠤ ᠢᠯᠭᠤᠮ ᠪᠣᠯᠣᠭᠰᠠᠨ ᠪᠣᠯᠬᠤᠷ ᠣᠶᠢᠷᠠᠳ | ᠰᠣᠳᠣᠯᠣᠯ ᠣᠳᠣ ᠨᠢᠭᠡ ᠰᠢᠨᠡ ᠡᠬᠢᠯᠡᠯᠲᠡ ᠶᠢᠨ ᠴᠢᠭ ᠲᠤ ᠬᠦᠷᠦᠭᠡᠳ ᠪᠣᠢ ᠭᠡᠵᠦ ᠣᠶᠢᠯᠠᠭᠠᠵᠦ ᠪᠣᠯᠣᠨᠠ᠃ | ᠣᠶᠢᠷᠠᠳ ᠤᠨ ᠶᠡᠭᠡ ᠬᠦᠷᠢᠶᠡ ᠢᠯᠠᠩᠭᠤᠶᠠ ᠢᠵᠢᠯ ᠵᠠᠢ ᠳᠤ ᠣᠴᠢᠭᠠᠳ ᠪᠣᠴᠠᠵᠦ ᠢᠷᠡᠭᠰᠡᠨ ᠣᠶᠢᠷᠠᠳ ᠤᠨ ᠶᠡᠭᠡ | ᠬᠦᠷᠢᠶᠡ ᠶᠢᠨ ᠲᠡᠣᠬᠡ ᠶᠢᠨ ᠰᠣᠳᠣᠯᠣᠯ ᠵᠢᠪᠡᠷᠡᠬᠦ ᠰᠢᠬᠠᠭᠰᠠᠭᠠᠷ ᠣᠳᠣ ᠳᠤ ᠬᠦᠷᠴᠡᠢ᠃ ᠣᠶᠢᠷᠠᠳ ᠤᠨ ᠶᠡᠭᠡ | ᠬᠦᠷᠢᠶᠡ ᠨᠢ ᠠᠷᠪᠠᠨ ᠲᠣᠯᠣᠳᠣᠭᠠᠷ ᠵᠠᠭᠤᠨ ᠤ ᠡᠮᠦᠨᠡ ᠬᠠᠭᠠᠰ ᠲᠤ ᠣᠶᠢᠷᠠᠳᠴᠣᠳ ᠤᠨ ᠢᠲᠡ ᠴᠡᠴᠡᠭᠯᠡᠨ | ᠬᠦᠭᠵᠢᠭᠰᠡᠨ ᠦᠶᠡ ᠳᠤ ᠪᠠᠶᠢᠭᠤᠯᠣᠭᠲᠠᠭᠰᠠᠨ ᠪᠦᠭᠡᠳ ᠵᠡᠭᠦᠨᠭᠠᠷ ᠤᠨ ᠮᠠᠨᠳᠣᠯ ᠪᠠᠭᠤᠷᠠᠯ ᠯᠤᠭᠠ ᠬᠤᠪᠢ ᠵᠠᠶᠠᠭᠠ | ᠪᠠᠨ ᠬᠤᠯᠪᠣᠭᠰᠠᠨ ᠪᠠᠶᠢᠵᠦ ᠪᠢᠯᠡ᠃ 1676 ᠣᠨ ᠳᠤ ᠸᠴᠢᠷᠲᠣ ᠲᠠᠶᠢᠵᠢ ᠪᠠ ᠭᠠᠯᠲᠠᠨ ᠪᠣᠱᠣᠭᠲᠣ ᠶᠢᠨ | ᠬᠤᠭᠤᠷᠣᠨᠲᠣ ᠪᠣᠯᠣᠭᠰᠠᠨ ᠰᠢᠢᠳᠪᠣᠷᠢᠲᠤ ᠲᠠᠶᠢᠨ ᠳᠤ ᠬᠤᠱᠣᠳ ᠲᠠᠶᠢᠵᠢ ᠸᠴᠢᠷᠲᠣ ᠲᠣᠶᠢᠯᠪᠦᠷᠢᠲᠠᠢ ᠢᠯᠠᠭᠲᠠᠪᠠ᠃ | ᠶᠡᠭᠡ ᠬᠦᠷᠢᠶᠡ ᠶᠢᠨ ᠬᠠᠮᠤᠭ ᠤᠨ ᠴᠢᠬᠤᠯᠠ ᠳᠦᠰᠢᠭ ᠡᠶᠢᠨᠬᠦ ᠨᠣᠷᠠᠭᠰᠠᠨ ᠪᠦᠭᠡᠳ ᠲᠡᠭᠦᠨ ᠤ ᠬᠤᠪᠢ ᠵᠠᠶᠠᠭᠠᠨ ᠳᠤᠨᠢ | ᠡᠷᠬᠢᠯᠲᠡ ᠠᠪᠴᠢᠷᠠᠪᠠ᠃ ᠲᠡᠭᠦᠨᠴᠡ ᠠᠴᠢᠲᠣ ᠴᠣᠷᠵᠢ ᠲᠡᠷᠢᠭᠦᠯᠡᠭᠰᠡᠨ ᠽᠠᠶᠠ ᠪᠠᠨᠳᠢᠲᠠ ᠶᠢᠨ ᠶᠡᠭᠡ ᠬᠦᠷᠢᠶᠡ ᠶᠢᠨ | ᠬᠡᠰᠡᠭ ᠱᠠᠪᠢᠨᠠᠷ ᠠᠯᠣᠰ ᠬᠤᠯᠠ ᠶᠢᠨ ᠢᠵᠢᠯ ᠵᠠᠢ ᠶᠢ ᠵᠣᠷᠢᠭᠰᠠᠨ ᠪᠦᠭᠡᠳ ᠲᠡᠨᠲᠡ ᠲᠣᠷᠭᠤᠳ ᠬᠠᠨ ᠤ ᠳᠡᠮᠵᠢᠯᠭᠡ ᠶᠢ | ᠣᠯᠵᠦ ᠬᠦᠷᠢᠶᠡ ᠪᠠᠶᠢᠭᠤᠯᠣᠨ ᠰᠠᠭᠤᠷᠢᠰᠢᠪᠠ᠃ ᠵᠡᠭᠦᠨᠭᠠᠷ ᠲᠤ ᠬᠤᠴᠣᠷᠣᠭᠰᠠᠨ ᠶᠡᠭᠡ ᠬᠦᠷᠢᠶᠡ ᠲᠠᠶᠢᠨ ᠤ ᠭᠦᠯ ᠳᠤ | ᠪᠣᠲᠠᠷᠠᠨ ᠰᠠᠷᠨᠢᠵᠦ᠂ 17 ᠳ᠋ᠣᠭᠠᠷ ᠵᠠᠭᠤᠨ ᠤ ᠰᠡᠭᠦᠯᠴᠢ ᠪᠣᠯᠬᠤ ᠳᠤ ᠲᠡᠣᠬᠡ ᠳᠡᠮᠳᠡᠭᠯᠡᠯ ᠳᠤ ᠣᠷᠣ ᠦᠭᠡᠢ ᠠᠯᠠᠭᠠ | ᠪᠣᠯᠵᠡᠢ᠃ ᠬᠠᠷᠢᠨ ᠲᠣᠷᠭᠤᠳ ᠢ ᠵᠣᠷᠢᠵᠦ ᠣᠴᠢᠭᠰᠠᠨ ᠶᠡᠭᠡ ᠬᠦᠷᠢᠶᠡ ᠶᠢᠨ ᠱᠠᠪᠢᠨᠠᠷ᠂ 1771 ᠣᠨ ᠳᠤ ᠣᠪᠠᠰᠢ | ᠬᠠᠨ ᠤ ᠳᠠᠭᠠᠭᠤᠯᠭᠠ ᠪᠠᠷ ᠲᠣᠷᠣᠨᠠᠰᠢ ᠵᠡᠭᠦᠨᠭᠠᠷ ᠤᠨ ᠨᠣᠲᠤᠭ ᠢᠶᠠᠨ ᠴᠢᠭᠯᠡᠨ ᠨᠡᠭᠦᠭᠰᠡᠨ ᠨᠢ ᠣᠳᠣ ᠶᠢᠨ ᠲᠡᠭᠡᠰ ᠪᠠ | ᠲᠡᠭᠦᠰᠳᠠᠷᠢᠶᠠ ᠳᠤ ᠪᠣᠢ ᠳᠦᠷᠪᠡᠨ ᠰᠣᠮᠣᠨ ᠱᠠᠪᠢᠨᠠᠷ ᠠᠵᠡᠢ᠃ ᠵᠠᠭᠤᠨ ᠵᠢᠯ ᠤᠨ ᠳᠣᠷᠰᠢᠲᠠ ᠲᠡᠳᠡᠨᠠᠷ ᠰᠢᠭ ᠲᠦᠮᠡᠨ | ᠭᠠᠵᠠᠷ ᠤᠨ ᠦᠷᠦᠨᠡ ᠲᠣᠷᠣᠨᠠ ᠶᠢᠨ ᠵᠠᠢ ᠳᠤ ᠬᠡᠨ ᠬᠤᠶᠠᠷᠲᠠ ᠨᠡᠭᠦᠪᠡ︖ ᠲᠡᠶᠢᠨᠬᠦ ᠲᠡᠳᠡ ᠦᠪᠡᠷ ᠤᠨ ᠭᠡᠰᠡᠨ | ᠪᠠᠭᠠᠲᠣᠷᠯᠢᠭ ᠲᠡᠣᠬᠡ ᠶᠢ ᠪᠢᠴᠢᠭᠯᠡᠭᠰᠡᠨ ᠣᠶᠢᠷᠠᠳ ᠤᠨ ᠲᠡᠣᠬᠡᠨ ᠳᠠᠬᠢ ᠴᠢᠬᠤᠯᠠ ᠬᠦᠮᠦᠰ ᠤᠳ ᠪᠠᠶᠢᠭᠰᠠᠨ ᠶᠣᠮ᠃ | ᠣᠶᠢᠷᠠᠳ ᠤᠨ ᠲᠦᠷᠦ ᠱᠠᠰᠢᠨ ᠬᠢᠭᠡᠳ ᠰᠣᠶᠣᠯ ᠤᠨ ᠲᠡᠣᠬᠡᠨ ᠳᠤ ᠶᠡᠭᠡ ᠬᠦᠷᠢᠶᠡ ᠬᠢᠭᠡᠳ ᠱᠠᠪᠢᠨᠠᠷ ᠤᠨ | ᠦᠵᠡᠭᠦᠯᠦᠭᠰᠡᠨ ᠬᠤᠪᠢ ᠨᠡᠮᠡᠷᠢ ᠠᠰᠣᠷᠣ ᠶᠡᠭᠡ ᠪᠠᠶᠢᠭᠰᠠᠨ ᠪᠢᠯᠡ᠃ ᠣᠶᠢᠷᠠᠳ ᠤᠨ ᠶᠡᠭᠡ ᠬᠦᠷᠢᠶᠡ ᠶᠢ | ᠪᠠᠶᠢᠭᠤᠯᠣᠭᠰᠠᠨ ᠽᠠᠶᠠ ᠪᠠᠨᠳᠢᠲᠠ ᠨᠠᠮᠬᠠᠶᠢᠵᠠᠮᠰᠦ ᠪᠣᠯ ᠣᠶᠢᠷᠠᠳ ᠲᠡᠳᠦᠢ ᠦᠭᠡᠢ ᠮᠣᠩᠭᠤᠯ ᠤᠨ ᠲᠡᠣᠬᠡᠨ ᠳᠤ | ᠬᠤᠪᠣᠷᠬᠠᠨ ᠲᠣᠬᠢᠶᠠᠯᠳᠣᠬᠤ ᠱᠠᠰᠢᠨ ᠲᠦᠷᠦ ᠶᠢᠨ ᠵᠢᠳᠭᠦᠯᠲᠡᠨ᠂ ᠬᠡᠯᠡᠨ ᠤ ᠡᠷᠳᠡᠮᠲᠡᠨ᠂ ᠣᠷᠠᠨ ᠵᠣᠬᠢᠶᠠᠯᠴᠢ | ᠪᠦᠭᠡᠳ ᠠᠯᠲᠠᠷᠲᠣ ᠣᠷᠴᠢᠭᠤᠯᠣᠭᠴᠢ ᠪᠠᠶᠢᠭᠰᠠᠨ ᠢ ᠪᠢᠲᠡ ᠰᠠᠶᠢᠨ ᠮᠡᠲᠡᠨᠡ᠃ ᠲᠣᠳᠣ ᠦᠰᠦᠭ ᠵᠣᠬᠢᠶᠠᠬᠤ᠂ ᠨᠣᠮ | ᠪᠢᠴᠢᠭ ᠣᠷᠴᠢᠭᠤᠯᠬᠤ ᠵᠡᠷᠭᠡ ᠳᠦᠷᠪᠡᠨ ᠣᠶᠢᠷᠠᠳ ᠤᠨ ᠲᠡᠣᠬᠡ ᠰᠣᠶᠣᠯ ᠳᠤ ᠬᠤᠯᠪᠣᠭᠲᠠᠬᠤ ᠲᠣᠮᠣ ᠲᠣᠮᠣ ᠦᠢᠯᠡᠰ | ᠨᠢ ᠴᠦᠮ ᠶᠡᠭᠡ ᠬᠦᠷᠢᠶᠡ ᠪᠠᠷ ᠲᠦᠪ ᠪᠣᠯᠭᠠᠨ ᠶᠠᠪᠣᠭᠲᠠᠭᠰᠠᠨ ᠶᠣᠮ᠃ ᠦᠨᠦᠳᠦᠷ ᠣᠶᠢᠷᠠᠳ ᠤᠨ ᠶᠡᠭᠡ ᠬᠦᠷᠢᠶᠡ | ᠪᠠ ᠱᠠᠪᠢᠨᠠᠷ ᠤᠨ ᠲᠡᠣᠬᠡ ᠶᠢ ᠭᠦᠢᠴᠡᠳ ᠦᠨᠡᠯᠡᠬᠦ ᠴᠠᠭ ᠢᠷᠡᠭᠰᠡᠨ ᠪᠦᠭᠡᠳ ᠲᠡᠭᠡᠵᠦ ᠦᠨᠡᠯᠡᠬᠦ ᠴᠤ ᠣᠴᠢᠷᠲᠠᠢ᠃ | ᠮᠣᠩᠭᠤᠯ ᠤᠨ ᠲᠡᠣᠬᠡ ᠨᠢ ᠭᠠᠩᠲᠠᠨ ᠪᠠᠭᠤᠷᠠᠰᠢ ᠦᠭᠡᠢ ᠡᠷᠴᠢᠲᠣ ᠮᠦᠷᠡᠨ ᠪᠠᠶᠢᠭᠰᠠᠨ ᠪᠣᠯ ᠣᠷᠣᠨ ᠨᠣᠲᠤᠭ ᠤᠨ | ᠲᠡᠣᠬᠡ ᠨᠢ ᠲᠡᠭᠦᠨ ᠳᠤ ᠲᠡᠮᠡᠤᠯᠡᠨ ᠴᠢᠳᠬᠤᠲᠠᠭ ᠲᠠᠰᠣᠷᠠᠰᠢ ᠦᠭᠡᠢ ᠣᠯᠠᠨ ᠴᠢᠳᠬᠤᠯᠠᠩ ᠤᠳ ᠤᠨ ᠨᠢᠭᠡ ᠪᠣᠯᠲᠠᠭ | ᠣᠴᠢᠷᠲᠠᠢ᠃ | ᠲᠣᠰ ᠨᠣᠮ ᠨᠢ ᠣᠶᠢᠷᠠᠳ ᠤᠨ ᠶᠡᠭᠡ ᠬᠦᠷᠢᠶᠡ ᠶᠢᠨ ᠲᠣᠬᠠᠢ ᠦᠩᠭᠡᠷᠡᠭᠰᠡᠨ ᠰᠣᠳᠣᠯᠣᠯ ᠤᠨ ᠰᠠᠭᠤᠷᠢᠨ ᠳᠡᠭᠡᠷᠡ | ᠠᠩᠬᠠ ᠣᠲᠠᠭᠠ ᠣᠶᠢᠷᠠᠳ ᠤᠨ ᠶᠡᠭᠡ ᠬᠦᠷᠢᠶᠡ ᠶᠢᠨ ᠲᠡᠣᠬᠡ ᠶᠢ ᠰᠢᠰᠲ᠋ᠧᠮ ᠲᠠᠢ ᠬᠤᠷᠢᠶᠠᠩᠭᠤᠶᠢᠯᠠᠭᠰᠠᠨ ᠪᠦᠭᠡᠳ | ᠢᠯᠠᠩᠭᠤᠶᠠ ᠢᠵᠢᠯ ᠵᠠᠢ ᠠᠴᠠ ᠪᠣᠴᠠᠨ ᠢᠷᠡᠵᠦ ᠲᠡᠭᠡᠰ ᠲᠤ ᠰᠠᠭᠤᠷᠢᠰᠢᠭᠰᠠᠨ ᠳᠦᠷᠪᠡᠨ ᠰᠣᠮᠣᠨ ᠱᠠᠪᠢᠨᠠᠷ ᠤᠨ | ᠲᠡᠣᠬᠡ ᠶᠢ ᠲᠣᠳᠣᠷᠬᠠᠢ᠂ ᠰᠢᠰᠲ᠋ᠧᠮ ᠲᠠᠢ᠂ ᠪᠦᠬᠦ ᠲᠠᠯᠠ ᠪᠠᠷ ᠬᠤᠷᠢᠶᠠᠨ ᠦᠵᠡᠭᠦᠯᠦᠭᠰᠡᠨ ᠢᠶᠠᠷ ᠢᠶᠠᠨ ᠮᠠᠰᠢ ᠦᠨᠳᠦᠷ | ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠦᠨᠡ ᠴᠡᠨᠡ ᠲᠠᠢ ᠪᠣᠯᠵᠡᠢ᠃ ᠮᠦᠨᠴᠦ ᠵᠣᠬᠢᠶᠠᠭᠴᠢ ᠦᠪᠡᠷ ᠢᠶᠠᠨ ᠽᠠᠶᠠ ᠪᠠᠨᠳᠢᠲᠠ ᠶᠢᠨ | ᠱᠠᠪᠢᠨᠠᠷ ᠤᠨ ᠬᠤᠶᠢᠴᠢᠰ ᠪᠦᠭᠡᠳ ᠣᠯᠠᠨ ᠵᠢᠯ ᠤᠨ ᠲᠣᠷᠰᠢᠲᠠ ᠳᠦᠷᠪᠡᠨ ᠰᠣᠮᠣᠨ ᠱᠠᠪᠢᠨᠠᠷ ᠪᠠ ᠪᠣᠰᠣᠳ ᠱᠠᠪᠢᠨᠠᠷ | ᠯᠤᠭᠠ ᠬᠤᠯᠪᠣᠭᠲᠠᠬᠤ ᠨᠣᠲᠤᠭ ᠢᠶᠠᠷ ᠶᠠᠪᠣᠵᠦ ᠨᠣᠲᠤᠭ ᠤᠨ ᠲᠡᠣᠬᠡ ᠰᠣᠶᠣᠯ ᠯᠤᠭᠠ ᠬᠤᠯᠪᠣᠭᠲᠠᠬᠤ ᠠᠷᠠᠳ ᠤᠨ | ᠳᠣᠮᠲᠠ ᠬᠠᠳᠠᠭᠠᠯᠠᠭᠲᠠᠵᠦ ᠪᠠᠶᠢᠭᠰᠠᠨ ᠭᠠᠰᠢᠭ ᠵᠡᠷᠭᠡ ᠲᠡᠣᠬᠡ ᠰᠣᠶᠣᠯ ᠤᠨ ᠰᠣᠷᠪᠣᠯᠵᠢ ᠶᠢ ᠴᠣᠭᠯᠠᠭᠤᠯᠣᠨ ᠣᠯᠵᠦ | ᠨᠣᠮ ᠳᠠᠭᠠᠨ ᠣᠷᠣᠭᠤᠯᠣᠭᠰᠠᠨ ᠨᠢ ᠣᠭ ᠨᠣᠮ ᠤᠨ ᠦᠨᠡ ᠴᠡᠨᠡ ᠶᠢ ᠣᠯᠠᠮ ᠨᠡᠮᠡᠭᠲᠡᠭᠦᠯᠦᠭᠰᠡᠨ ᠪᠠᠶᠢᠵᠡᠢ᠃ | 2008 ᠣᠨ ᠪᠣᠯ ᠲᠣᠳᠣ ᠦᠰᠦᠭ ᠵᠣᠬᠢᠶᠠᠭᠲᠠᠭᠰᠠᠨ 360 ᠵᠢᠯ ᠤᠨ ᠣᠢ ᠪᠣᠯᠣᠨᠠ᠃ 2009 ᠣᠨ ᠪᠣᠯ | ᠽᠠᠶᠠ ᠪᠠᠨᠳᠢᠲᠠ ᠶᠢᠨ ᠮᠡᠨᠳᠦᠯᠡᠭᠰᠡᠨ 410 ᠵᠢᠯ ᠤᠨ ᠣᠢ ᠪᠢᠯᠡ᠃ ᠳᠣᠮᠲᠠᠲᠣ ᠣᠯᠣᠰ ᠪᠠ ᠮᠣᠩᠭᠤᠯ ᠣᠯᠣᠰ ᠲᠤ | ᠡᠳᠡᠭᠡᠷ ᠲᠡᠣᠬᠡᠨ ᠬᠡᠷᠡᠭ ᠣᠴᠢᠷ ᠶᠢ ᠲᠣᠷᠠᠰᠬᠠᠬᠤ ᠪᠠᠭᠠ ᠬᠤᠷᠠᠯ ᠪᠣᠶᠣ ᠣᠯᠠᠨ ᠣᠯᠣᠰ ᠤᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ | ᠬᠤᠷᠠᠯ ᠬᠡᠲᠣ ᠣᠲᠠᠭᠠ ᠪᠣᠯᠵᠦ ᠦᠩᠭᠡᠷᠡᠪᠡ᠃ | 2011 ᠣᠨ ᠤ ᠳᠡᠯᠭᠡᠷ ᠵᠣᠨ ᠤ ᠣᠯᠠᠷᠢᠯ ᠳᠤ᠂ ᠥᠪᠦᠷ ᠮᠣᠩᠭᠤᠯ ᠤᠨ ᠣᠳᠣᠨ ᠲᠧᠯᠸᠢᠰ ᠤᠨ ᠬᠢᠨ ᠤ ᠬᠠᠮᠲᠣ | ᠪᠢ ᠲᠠᠬᠢᠨᠲᠠ ᠲᠡᠭᠡᠰ ᠤᠨ ᠱᠠᠪᠢᠨᠠᠷ ᠤᠨ ᠨᠣᠲᠤᠭ ᠲᠤ ᠬᠦᠷᠦᠭᠰᠡᠨ ᠪᠢᠯᠡ᠃ ᠳᠦᠷᠪᠡᠨ ᠰᠣᠮᠣᠨ ᠱᠠᠪᠢᠨᠠᠷ | ᠬᠤᠲᠣᠭᠲᠣ ᠶᠢᠨ ᠰᠦᠮᠡ ᠳᠡᠭᠡᠨ ᠽᠠᠶᠠ ᠪᠠᠨᠳᠢᠲᠠ ᠶᠢᠨ ᠬᠦᠷᠦᠭ ᠢ ᠪᠦᠳᠦᠭᠡᠵᠦ ᠰᠢᠲᠦᠭᠡᠨ ᠪᠣᠯᠭᠠᠨ ᠵᠠᠯᠠᠭᠰᠠᠨ | ᠪᠣᠶᠠᠨᠲᠣ ᠪᠠᠶᠢᠲᠠᠯ ᠢ ᠪᠢ ᠨᠢᠲᠣ ᠪᠠᠷ ᠦᠵᠡᠯᠡ᠃ ᠲᠡᠭᠡᠰ ᠰᠢᠶᠠᠨ ᠤ ᠨᠠᠢᠮᠠᠨ ᠬᠦᠯᠢᠯ ᠪᠠᠯᠭᠠᠰᠣᠨ ᠤ ᠠᠷᠣ ᠶᠢᠨ | ᠬᠦᠳᠦᠯ ᠲᠡᠭᠡᠷᠡ ᠱᠠᠪᠢᠨᠠᠷ ᠤᠨ 1985 ᠣᠨ ᠳᠤ ᠪᠠᠶᠢᠭᠤᠯᠣᠭᠰᠠᠨ ᠽᠠᠶᠠ ᠪᠠᠨᠳᠢᠲᠠ ᠶᠢᠨ ᠲᠣᠷᠠᠰᠬᠠᠯ ᠤᠨ | ᠰᠣᠪᠣᠷᠭᠠ ᠲᠣᠭᠤᠶᠢᠬᠠᠨ ᠰᠦᠨᠳᠡᠷᠯᠠᠨᠠ᠃ ᠠᠯᠣᠰ ᠬᠤᠯᠠ ᠠᠴᠠ ᠱᠠᠪᠢᠨᠠᠷ ᠤᠨ ᠨᠣᠲᠤᠭ ᠢ ᠵᠣᠷᠢᠨ ᠢᠷᠡᠭᠰᠡᠨ | ᠪᠢᠲᠡᠨ ᠢ ᠦᠵᠡᠭᠡᠳ ᠶᠡᠭᠡ ᠪᠣᠭᠲᠠ ᠽᠠᠶᠠ ᠪᠠᠨᠳᠢᠲᠠ ᠶᠢᠨ ᠭᠡᠭᠡᠨ ᠰᠦᠨᠡᠰᠦᠨ ᠴᠤ ᠣᠶᠠᠷᠠᠴᠢᠬᠠᠭᠰᠠᠨ ᠪᠣᠯᠣᠯᠲᠠᠢ᠂ | ᠲᠡᠭᠷᠢ ᠶᠢᠨ ᠬᠢᠵᠠᠭᠠᠷ ᠲᠤ ᠪᠡᠯᠭᠡᠲᠣ ᠰᠣᠯᠣᠩᠭᠠ ᠲᠠᠲᠠᠭᠤᠯᠣᠨ ᠨᠠᠮᠢᠷᠠᠭᠠ ᠬᠤᠷᠠ ᠱᠠᠬᠢᠭᠤᠯᠣᠨ ᠪᠢᠲᠡᠨ ᠢ | ᠣᠭᠲᠣᠭᠰᠠᠨ ᠨᠢ ᠰᠡᠳᠬᠢᠯ ᠳᠤ ᠲᠠᠭᠠᠲᠠᠢ᠃ ᠲᠠᠶᠢᠨ ᠲᠠᠵᠢᠨ᠂ ᠪᠠᠶᠢᠭᠠᠯᠢ ᠶᠢᠨ ᠭᠠᠮᠰᠢᠭ ᠵᠡᠷᠭᠡ ᠲᠣᠭᠠᠯᠠᠰᠢ ᠦᠭᠡᠢ | ᠵᠣᠪᠠᠯᠠᠩ ᠢ ᠲᠣᠭᠤᠯᠣᠭᠰᠠᠨ ᠠᠳᠠᠯᠠ ᠣᠶᠢᠷᠠᠳ ᠤᠨ ᠶᠡᠭᠡ ᠬᠦᠷᠢᠶᠡ ᠶᠢᠨ ᠱᠠᠪᠢᠨᠠᠷ ᠲᠡᠭᠷᠢ ᠠᠭᠤᠯᠠ ᠶᠢᠨ ᠪᠠᠷᠠᠭᠤᠨ | ᠬᠤᠷᠮᠣᠢ ᠪᠠᠷᠠᠭᠠᠲᠠᠨ ᠲᠡᠭᠡᠰ ᠤᠨ ᠣᠰᠣᠨ ᠤ ᠪᠠᠨ ᠣᠶᠠᠬᠠᠨ ᠲᠠᠭᠤ ᠶᠢ ᠴᠢᠩᠨᠠᠵᠦ᠂ ᠬᠤᠲᠣᠭᠲᠣ ᠽᠠᠶᠠ | ᠪᠠᠨᠳᠢᠲᠠ ᠶᠢᠨ ᠢᠶᠠᠨ ᠬᠠᠲᠠᠭᠰᠠᠨ ᠪᠡᠭᠡ ᠶᠢ ᠨᠢ ᠲᠠᠬᠢᠨᠲᠠ ᠵᠢᠭᠤᠷᠠᠵᠦ᠂ ᠬᠦᠰᠢᠭᠰᠡᠨ ᠦᠵᠦᠭ ᠢ ᠨᠢ ᠳᠦᠰᠢᠨ | ᠵᠣᠭᠰᠣᠭᠰᠠᠭᠠᠷ ᠪᠠᠶᠢᠭᠠ ᠨᠢ ᠦᠨᠡᠬᠡᠷ ᠦᠷᠬᠦᠯᠵᠢᠯᠡᠨᠡ ᠭᠡᠲᠡᠭ ᠲᠡᠣᠬᠡ ᠪᠣᠯᠲᠠᠭ ᠰᠠᠨᠵᠡᠢ᠃ | ᠬᠦᠮᠦᠨ ᠤ ᠲᠠᠷᠢᠬᠢ ᠲᠣᠯᠣᠭᠠᠢ ᠪᠠᠶᠢᠲᠣᠭᠠᠢ ᠦᠰᠦᠭ ᠪᠢᠴᠢᠭ ᠢᠶᠠᠷ ᠲᠡᠮᠳᠡᠭᠯᠡᠭᠰᠡᠨ ᠵᠦᠢᠯᠡᠰ ᠴᠣ᠋ ᠮᠠᠷᠲᠠᠭᠲᠠᠬᠤ | ᠪᠣᠶᠣ ᠬᠤᠪᠢᠷᠠᠨ ᠦᠭᠡᠷᠲᠡᠲᠡᠭ᠃ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠤ ᠮᠠᠷᠲᠠᠬᠤ ᠦᠭᠡᠢ ᠶᠢᠨ ᠲᠦᠯᠦᠬᠡᠨ ᠤ ᠲᠡᠮᠡᠴᠡᠯ | ᠦᠷᠭᠦᠯᠵᠢᠯᠡᠭᠰᠡᠭᠡᠷ᠃ ᠠᠮᠠ ᠪᠠᠷ ᠣᠯᠠᠮᠵᠢᠯᠠᠬᠤ᠂ ᠪᠢᠴᠢᠭ ᠢᠶᠠᠷ ᠣᠯᠠᠮᠵᠢᠯᠠᠬᠤ ᠁ ᠣᠯᠠᠮᠵᠢᠯᠠᠬᠤ ᠶᠢᠨ ᠲᠣᠬᠠᠢ | ᠠᠷᠭᠠ ᠪᠠᠷᠢᠯ ᠮᠠᠨ ᠤ ᠡᠨᠡ ᠴᠠᠭ ᠦᠶᠡ ᠳᠤ ᠨᠡᠩᠲᠡ ᠣᠯᠠᠨ ᠪᠣᠯᠣᠭᠰᠠᠨ᠃ ᠭᠡᠲᠡᠯᠡ ᠪᠢᠲᠡᠨ ᠤ ᠰᠣᠶᠣᠯ ᠲᠡᠣᠬᠡ | ᠬᠦᠮᠦᠨ ᠢ ᠰᠣᠴᠢᠭᠠᠮᠠ ᠬᠤᠷᠲᠣᠴᠠ ᠪᠠᠷ ᠮᠠᠷᠳᠠᠭᠳᠠᠭᠰᠠᠭᠠᠷ ᠪᠠᠶᠢᠭᠠ ᠨᠢ ᠦᠨᠡᠨᠲᠡᠢ᠃ ᠰᠢᠨᠡ ᠵᠠᠭᠤᠨ ᠳᠤ ᠠᠯᠬᠤᠨ | ᠣᠷᠣᠭᠰᠠᠨ ᠰᠣᠭᠳᠣᠭᠤᠷᠠᠯ ᠳᠣᠮᠲᠠ ᠮᠠᠩᠰᠢᠭᠤᠷᠠᠭᠰᠠᠭᠠᠷ ᠠᠲᠠᠯᠠ ᠪᠢᠲᠡᠨ ᠤ ᠰᠣᠶᠣᠯ ᠲᠡᠣᠬᠡ ᠶᠢᠨ ᠬᠡᠴᠢᠨᠡᠨ ᠵᠦᠢᠯ | ᠮᠠᠷᠲᠠᠭᠲᠠᠨ ᠬᠤᠯᠠᠳᠠᠭᠠ ᠶᠢ ᠵᠦᠢᠷᠯᠡᠨ ᠮᠡᠲᠡᠬᠦ ᠶᠢᠨ ᠠᠷᠭᠠ ᠦᠭᠡᠢ ᠪᠦᠭᠡᠳ ᠵᠢᠷᠦᠬᠡ ᠰᠢᠮᠰᠢᠷᠡᠮᠡ ᠪᠠᠶᠢᠲᠠᠭ ᠰᠠᠨ᠃ | ᠵᠠᠭᠤᠨ ᠮᠢᠩᠭᠠᠨ ᠢᠶᠠᠷ ᠣᠯᠠᠮᠵᠢᠯᠠᠭᠰᠭᠠᠷ ᠢᠷᠡᠭᠰᠡᠨ ᠡᠪᠦᠭᠡ ᠳᠡᠭᠡᠳᠦᠰ ᠠᠴᠠ ᠮᠢᠨᠢ ᠦᠪᠯᠡᠭᠰᠡᠨ ᠰᠣᠶᠣᠯ ᠲᠡᠣᠬᠡ ᠪᠠᠨ | ᠪᠦᠷᠢᠨ ᠪᠦᠳᠦᠨ ᠢᠶᠠᠷ ᠵᠠᠯᠭᠠᠮᠵᠢᠯᠠᠨ ᠬᠤᠴᠣᠷᠭᠠᠬᠤ ᠨᠢ ᠡᠨᠡ ᠴᠠᠭ ᠦᠶᠡ ᠶᠢᠨ ᠰᠡᠭᠡᠭᠡᠲᠡᠨ ᠪᠢᠲᠡᠨ ᠤ ᠵᠠᠶᠢᠯᠠᠵᠦ | ᠦᠯᠦ ᠪᠣᠯᠬᠤ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠪᠢᠯᠡ᠃ | — ᠦᠬᠡᠷ ᠲᠡᠷᠭᠡ ᠦᠭᠡᠢ ᠪᠣᠯᠬᠤ ᠳᠤ ᠳᠦᠷᠪᠡᠨ ᠵᠠᠭᠤ ᠭᠠᠷᠣᠢ ᠨᠡᠷᠡ ᠦᠭᠡ ᠮᠣᠩᠭᠤᠯ ᠦᠬᠡᠰ ᠤᠨ ᠰᠠᠩ ᠠᠴᠠ | ᠬᠠᠰᠣᠭᠲᠠᠨ ᠮᠠᠷᠲᠠᠭᠲᠠᠨᠠ᠃ | ᠲᠦᠷᠦᠭᠦᠬᠡᠨ ᠮᠢᠨᠦ ᠨᠢᠬᠡ ᠨᠠᠶᠢᠵᠠ ᠶᠢᠨ ᠬᠡᠯᠡᠭᠰᠡᠨ ᠦᠭᠡ ᠨᠠᠲᠠ ᠪᠠᠶᠢᠨ ᠲᠠᠬᠢᠨ ᠪᠣᠳᠣᠭᠲᠠᠲᠠᠭ᠃ ᠰᠢᠨᠡ | ᠵᠠᠭᠤᠨ ᠳᠤ ᠪᠢᠲᠡ ᠶᠡᠭᠡ ᠶᠢ ᠣᠯᠣᠯᠠ᠃ ᠭᠡᠲᠡᠯᠡ ᠠᠯᠲᠠᠭᠰᠠᠨ ᠮᠠᠨᠢ᠂ ᠮᠠᠷᠲᠠᠭᠰᠠᠨ ᠮᠠᠨᠢ ᠶᠡᠭᠡ ᠪᠠᠶᠢᠪᠠᠯ ᠶᠠᠭᠠᠬᠢᠨᠠ | ᠭᠡᠵᠦ ᠪᠣᠳᠣᠳᠠᠭ ᠮᠣᠩᠭᠤᠯᠴᠣᠳ ᠪᠠᠶᠢᠲᠠᠭ ᠤᠤ︖ ᠲᠡᠣᠬᠡ ᠦᠭᠡᠢ ᠦᠨᠳᠦᠰᠦᠲᠡᠨ ᠭᠡᠵᠦ ᠪᠠᠶᠢᠲᠠᠭ ᠦᠭᠡᠢ᠃ | ᠭᠡᠲᠡᠯᠡ ᠲᠡᠣᠬᠡ ᠪᠠᠨ ᠮᠡᠲᠡᠲᠡᠭ ᠦᠭᠡᠢ᠂ ᠮᠠᠷᠲᠠᠲᠠᠭ ᠪᠣᠶᠣ ᠮᠠᠷᠲᠠᠭᠰᠠᠭᠠᠷ ᠪᠠᠶᠢᠭᠠ ᠦᠨᠳᠦᠰᠦᠲᠡᠨ ᠭᠡᠵᠦ ᠪᠠᠶᠢᠲᠠᠭ᠃ | ᠲᠡᠶᠢᠨᠬᠦ ᠵᠠᠸ᠋ᠨ ᠶᠢᠨ ᠳ᠋ᠣᠰᠠᠨ᠂ ᠴ᠊ · ᠦᠨᠢᠷ ᠨᠠᠷ ᠤᠨ ᠦᠪᠡᠷ ᠤᠨ ᠣᠷᠣᠨ ᠨᠣᠲᠤᠭ ᠤᠨ ᠢᠶᠠᠨ ᠲᠡᠣᠬᠡ ᠰᠣᠶᠣᠯ ᠢ | ᠡᠮᠬᠢᠳᠭᠡᠨ ᠬᠡᠪᠯᠡᠭᠦᠯᠵᠦ ᠪᠠᠶᠢᠭᠠ ᠶᠢᠨ ᠴᠠᠭᠠᠨᠠᠬᠢ ᠦᠨᠡ ᠴᠡᠨᠡ ᠶᠢ ᠬᠡᠯᠡᠬᠦ ᠦᠭᠡᠢ ᠪᠠᠷ ᠮᠡᠲᠡᠵᠦ ᠪᠣᠯᠣᠨᠠ᠃ | ᠨᠣᠮ ᠤᠨ ᠴᠠᠭᠠᠨ ᠪᠣᠶᠠᠨ ᠳᠡᠯᠭᠡᠷᠡᠬᠦ ᠪᠣᠯᠳᠣᠭᠠᠢ︕ |