| | ︿︿ᠣᠶᠢᠷᠡᠳ︶︶ ᠭᠡᠮᠡᠬᠦ ᠨᠡᠷᠡᠶᠢᠳᠤᠯ ᠤᠨ ᠤᠳᠬᠠ ᠠᠭᠤᠯᠭᠠ ᠶᠢᠨ ᠲᠤᠬᠠᠢ ᠮᠤᠩᠭᠤᠯ ᠤᠨ ᠲᠡᠤᠬᠡ ᠶᠢᠨ | ᠡᠷᠳᠡᠮᠲᠡᠨ ᠲᠠᠶᠢᠯᠪᠤᠷᠢᠯᠠᠯ ᠬᠢᠬᠦ ᠨᠢ ᠠᠳᠠᠯᠢ ᠪᠤᠰᠣ ᠪᠤᠯᠠᠢ᠃ ᠨᠢᠭᠡ ᠳᠤ᠄ ᠣᠶᠢᠷᠠᠳ ᠶᠢᠨ ᠠᠳᠠᠯᠢ ᠪᠤᠰᠤ ᠨᠡᠷᠡᠶᠢᠳᠤᠯ | ᠨᠢ ᠠᠳᠠᠯᠢ ᠪᠤᠰᠤ ᠦᠰᠦᠭ ᠤᠨ ᠲᠡᠮᠳᠡᠭᠯᠡᠯ ᠠᠴᠠ ᠡᠭᠦᠰᠴᠡᠢ᠃ ᠮᠣᠩᠭᠤᠯ ᠰᠣᠷᠪᠤᠯᠵᠢ ᠪᠢᠴᠢᠭ ᠲᠤ ︿︿ᠣᠶᠢᠷᠠᠳ︶ | ︶ ᠭᠡᠵᠤ᠂ ᠣᠷᠤᠰ ᠨᠣᠮ ᠢᠶᠠᠷ ᠦᠨᠳᠦᠰᠤ ᠪᠣᠯᠭᠠᠳᠠᠭ ᠢᠰᠯᠠᠮ ᠤᠨ ᠱᠠᠰᠢᠨ ᠤ ᠲᠡᠤᠬᠡ ᠶᠢᠨ ᠮᠠᠲ᠋ᠧᠷᠢᠶᠠᠯ ᠳᠤ ︿︿ | ᠬᠠᠯᠢᠮᠠᠭ︶︶ ᠭᠡᠵᠤ᠂ ᠬᠢᠳᠠᠳ ᠰᠣᠷᠪᠤᠯᠵᠢ ᠪᠢᠴᠢᠭ ᠲᠤ ︿︿ᠦᠭᠡᠯᠡᠳ︶︶ ᠭᠡᠳᠡᠭ ᠪᠢᠯᠡ᠃ ᠬᠤᠶᠠᠷ ᠲᠤ᠄ | ᠣᠶᠢᠷᠡᠳ ᠭᠡᠮᠡᠬᠦ ᠦᠭᠡ ᠶᠢᠨ ᠢᠵᠠᠭᠤᠷ ᠨᠢ ᠣᠶᠢᠷᠠ᠂ ᠡᠶᠢᠮᠤ ᠪᠣᠯᠬᠤᠷ ᠣᠶᠢᠷᠠᠳ ᠢ ︿︿ᠣᠶᠢᠷᠠ ᠲᠦᠷᠦᠯ ᠬᠦᠮᠦᠰ | ︶︶ ᠪᠤᠶᠤ ︿︿ᠣᠶᠢᠷᠠ ᠵᠡᠷᠭᠡᠯᠡᠳᠡᠭᠡ ᠬᠤᠯᠪᠤᠭᠠᠳᠠᠨ︶︶ ᠭᠡᠮᠡᠨ ᠣᠶᠢᠯᠠᠭᠠᠵᠤ ᠪᠣᠯᠤᠨᠠ᠃ ᠲᠡᠭᠦᠨ ᠢ ᠲᠦᠷᠪᠡᠨ | ᠭᠡᠮᠡᠬᠦ ᠲᠣᠭᠠᠨ ᠤ ᠨᠡᠷᠡ ᠳᠤ ᠬᠤᠯᠪᠤᠪᠠᠯ ︿︿ᠲᠦᠷᠪᠡᠨ ᠣᠶᠢᠷᠠᠳ︶︶᠂ ᠮᠣᠩᠭᠤᠯ ᠢᠶᠠᠷ ᠬᠡᠯᠡᠪᠡᠯ ︿︿ᠲᠦᠷᠪᠡᠨ | ᠣᠶᠢᠷᠠᠳ ᠤᠨ ᠬᠤᠯᠪᠤᠭᠠ ᠪᠣᠯᠤᠨᠠ︶︶ ᠭᠡᠵᠡᠢ᠃ ᠭᠤᠷᠪᠠ ᠳᠤ᠄ ᠣᠶᠢᠷᠠᠳ ᠭᠡᠮᠡᠬᠦ ᠦᠭᠡ ᠪᠣᠯ ︿︿ᠣᠢ ᠶᠢᠨ | ᠢᠷᠭᠡᠨ︶︶ ᠭᠡᠳᠡᠭ ᠦᠭᠡ ᠪᠠᠷ ᠪᠦᠷᠢᠯᠳᠦᠭᠰᠡᠨ ᠶᠤᠮ ᠭᠡᠵᠤ᠂ ︿︿ᠣᠢ ᠶᠢᠨ ᠠᠷᠠᠳ︶︶ ᠨᠢ ᠷᠠᠰᠢᠳ᠋ — ᠠᠳ᠋ | — ᠳ᠋ᠢᠨ ᠤ ᠬᠡᠯᠡᠳᠡᠭ ︿︿ᠣᠢ ᠶᠢᠨ ᠠᠷᠠᠳ ︵ᠢᠷᠭᠡᠳ﹀︶︶ ᠠᠴᠠ ᠡᠭᠦᠰᠴᠡᠢ᠃ | ᠣᠶᠢᠷᠠᠳ ᠭᠡᠳᠡᠭ ᠨᠡᠷᠡ ᠪᠣᠯ ᠬᠠᠮᠤᠭ ᠤᠨ ᠡᠷᠳᠡ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ ᠦᠶᠡ ᠶᠢᠨ ︿︿ᠮᠣᠩᠭᠤᠯ | ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ︶︶ ᠳᠤ ᠢᠯᠡᠷᠡᠵᠡᠢ᠃ ᠲᠡᠭᠦᠨ ᠠᠴᠠ ᠬᠤᠶᠢᠰᠢ᠂ ᠡᠨᠡᠬᠦ ᠦᠭᠡ ᠶᠢᠨ ᠬᠢᠳᠠᠳ ᠪᠢᠴᠢᠯᠭᠡ | ᠨᠢ ᠲᠡᠤᠬᠡ ᠶᠢᠨ ᠬᠤᠪᠢᠷᠠᠯᠳᠠ ᠲᠠᠢ ᠪᠠᠶᠢᠳᠠᠭ᠃ ᠶᠡᠷᠦᠩᠬᠡᠶᠢᠯᠡᠭᠡᠳ ᠬᠡᠯᠡᠪᠡᠯ᠂ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ | ᠡᠬᠢᠨ ᠤ ᠦᠶᠡ ᠠᠴᠠ ᠠᠷᠪᠠᠨ ᠲᠦᠷᠪᠡᠳᠦᠭᠡᠷ ᠵᠠᠭᠤᠨ ᠤ ᠲᠤᠮᠳᠠᠴᠢ ᠦᠶᠡ ᠳᠤ᠂ ᠣᠯᠠᠩᠬᠢ ᠰᠤᠳᠣᠷ ᠨᠣᠮ ᠳᠤ ︿︿ | ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ︶︶ ᠢ ᠦᠨᠳᠦᠰᠦᠯᠡᠵᠤ᠂ ᠣᠶᠢᠷᠠᠳ ᠭᠡᠵᠤ ᠪᠢᠴᠢᠳᠡᠭ᠃ ᠬᠡᠯᠡᠯᠭᠡᠨ ᠦᠭᠡᠢ | ᠵᠠᠷᠢᠮ ᠳᠠᠭᠠᠨ ︿︿ᠸᠧᠶ᠋ᠢᠯᠠ︶︶᠂ ︿︿ᠸᠧᠯᠠ︶︶᠃ ︿︿ᠸᠠᠶᠢᠯᠠ︶︶ ᠭᠡᠬᠦ ᠮᠡᠳᠤ ᠲᠡᠮᠳᠡᠭᠯᠡᠯ ᠪᠠᠰᠠ ᠪᠤᠢ᠃ | ᠠᠷᠪᠠᠨ ᠲᠦᠷᠪᠡᠳᠦᠭᠡᠷ ᠵᠠᠭᠤᠨ ᠤ ᠲᠣᠮᠳᠠᠴᠢ ᠦᠶᠡ ᠠᠴᠠ ᠠᠷᠪᠠᠨ ᠲᠣᠯᠤᠳᠤᠭᠠᠷ ᠵᠠᠭᠤᠨ ᠤ ᠲᠣᠮᠳᠠᠴᠢ ᠦᠶᠡ | ᠬᠦᠷᠬᠦ ᠳᠤ ᠨᠣᠮ ᠪᠦᠷ ︿︿ᠸᠠᠯᠠ︶︶ ᠭᠡᠵᠤ ᠪᠢᠴᠢᠳᠡᠭ᠃ ᠠᠷᠪᠠᠨ ᠨᠠᠶᠢᠮᠠᠳᠤᠭᠠᠷ ᠵᠠᠭᠤᠨ ᠤ ᠲᠣᠮᠳᠠᠴᠢ ᠦᠶᠡ | ᠵᠢᠴᠢ ᠡᠭᠦᠨ ᠠᠴᠠ ᠬᠤᠶᠢᠰᠢ ᠲᠡᠤᠬᠡ ᠰᠤᠳᠤᠷ ᠲᠤ ︿︿ᠦᠭᠡᠯᠡᠳ︶︶ ᠭᠡᠵᠤ ᠲᠡᠮᠳᠡᠭᠯᠡᠭᠳᠡᠵᠤ ᠢᠷᠡᠵᠡᠢ᠃ ᠴᠢᠩ | ᠤᠯᠤᠰ ᠤᠨ ᠰᠡᠭᠦᠯᠴᠢ ᠶᠢᠨ ᠦᠶᠡ ᠠᠴᠠ ᠮᠣᠩᠭᠤᠯᠴᠤᠳ ᠡᠨᠡᠬᠦ ᠦᠭᠡ ᠶᠢ ᠠᠳᠠᠯᠢ ᠪᠣᠰᠤ ᠲᠠᠭᠤᠳᠠᠬᠤ ᠪᠣᠯᠵᠡᠢ᠃ | ᠲᠡᠭᠷᠢ ᠠᠭᠤᠯᠠ ᠶᠢᠨ ᠬᠤᠶᠢᠳᠤ ᠬᠠᠪᠢ ᠪᠠᠷ ᠰᠠᠭᠤᠭᠠ ᠮᠣᠩᠭᠤᠯᠴᠤᠳ ᠢ ᠣᠶᠢᠷᠠᠳ ᠭᠡᠮᠡᠨ᠂ ᠬᠠᠷᠢᠨ ᠡᠨᠡ ᠠᠶᠢᠮᠠᠭ | ᠲᠤ ᠡᠩ ᠤᠨ ᠮᠣᠩᠭᠤᠯᠴᠤᠳ ᠢ ᠦᠭᠡᠯᠡᠳ ᠭᠡᠮᠡᠨ ᠨᠡᠷᠡᠶᠢᠳᠪᠡ᠃ ︿︿ᠣᠶᠢᠷᠠᠳ︶︶ ᠪᠣᠯᠤᠨ ︿︿ᠦᠭᠡᠯᠡᠳ︶︶ | ᠨᠢᠭᠡ ᠠᠶᠠᠯᠭᠤᠨ ᠤ ᠬᠤᠪᠢᠷᠠᠯ ᠪᠣᠯᠠᠢ᠃ ᠰᠡᠭᠦᠯᠡᠷ ᠨᠢ ᠣᠶᠢᠷᠠᠳ ᠭᠡᠳᠡᠭ ᠦᠭᠡ ᠶᠢ ᠦᠭᠡᠯᠡᠳ ᠢᠶᠠᠷ ᠣᠷᠤᠯᠠᠭᠤᠯᠵᠡᠢ | ᠃ ᠡᠨᠡ ᠨᠢ ᠴᠢᠩ ᠤᠯᠤᠰ ᠤᠨ ᠦᠶᠡ ᠶᠢᠨ ᠮᠠᠨᠵᠤ᠂ ᠮᠣᠩᠭᠤᠯ᠂ ᠬᠢᠳᠠᠳ ᠤᠨ ᠰᠣᠷᠪᠤᠯᠵᠢ ᠪᠢᠴᠢᠭ ᠲᠤ ᠲᠡᠮᠳᠡᠭᠯᠡᠯ | ᠲᠠᠢ ᠪᠢᠯᠡ᠃ ᠦᠭᠡᠯᠡᠳ ᠭᠡᠳᠡᠭ ᠨᠢ᠂ ᠮᠣᠩᠭᠤᠯ ᠬᠡᠯᠡᠨ ᠳᠤ ᠠᠪᠣᠷᠭᠤ ᠰᠦᠷᠯᠢᠭ ᠰᠠᠶᠢᠬᠠᠨ ᠭᠡᠰᠡᠨ ᠤᠳᠬᠠ ᠲᠠᠢ᠃ | ᠬᠢᠳᠠᠳ ᠬᠡᠯᠡᠨ ᠳᠤ᠂ ᠦᠭᠡᠯᠡᠳ ᠮᠣᠩᠭᠤᠯ ᠪᠣᠯ ᠠᠪᠤᠷᠭᠤ ᠦᠨᠳᠦᠷ᠂ ᠰᠦᠷᠯᠢᠭ ᠰᠠᠶᠢᠬᠠᠨ ᠮᠣᠩᠭᠤᠯᠴᠤᠳ ᠭᠡᠰᠡᠨ | ᠲᠠᠶᠢᠯᠪᠤᠷᠢ ᠲᠠᠢ᠃ ᠦᠭᠡᠯᠡᠳ ᠭᠡᠮᠡᠬᠦ ᠦᠭᠡ ᠶᠢᠨ ᠢᠵᠠᠭᠤᠷ ᠨᠢ ᠦᠭᠡᠷᠡ ᠪᠠᠷ ᠬᠡᠯᠡᠪᠡᠯ᠂ ᠲᠦᠷᠪᠡᠨ ᠣᠶᠢᠷᠠᠳ ᠤᠨ | ᠲᠦᠷᠪᠡᠨ ᠶᠡᠭᠡ ᠠᠶᠢᠮᠠᠭ ᠭᠡᠰᠡᠨ ᠣᠳᠬᠠ ᠲᠠᠢ ᠶᠤᠮ᠃ | |