| | ᠡᠳᠦᠬᠡ ᠲᠡᠯᠡᠬᠡᠢ ᠶᠢᠨ 2000 ᠭᠠᠷᠤᠢ ᠦᠨᠳᠦᠰᠦᠳᠠᠨ ᠤ ᠲᠤᠳᠤᠷᠠ ᠮᠤᠩᠭᠤᠯ ᠦᠨᠳᠦᠰᠦᠳᠠᠨ ᠤ ᠠᠮᠠ ᠪᠠᠷ | ᠤᠯᠠᠮᠵᠢᠯᠠᠭᠳᠠᠵᠦ ᠢᠷᠡᠭᠰᠡᠨ ᠠᠷᠠᠳ ᠤᠨ ᠲᠠᠭᠤᠤ ᠪᠤᠯ ᠲᠦᠯᠦᠬᠡᠯᠡᠬᠦ ᠴᠢᠨᠡᠷ᠂ ᠠᠷᠠᠳᠴᠢ ᠴᠢᠨᠡᠷ ᠢᠶᠠᠷ ᠮᠠᠰᠢ ᠴᠢᠩᠭᠠ | ᠪᠠᠶᠢᠳᠠᠭ᠃ ᠠᠯᠠᠱᠠ ᠠᠷᠠᠳ ᠤᠨ ᠲᠠᠭᠤᠤ ᠮᠤᠩᠭᠤᠯ ᠠᠷᠠᠳ ᠤᠨ ᠲᠠᠭᠤᠤ ᠶᠢᠨ ᠨᠢᠬᠡ ᠤᠷᠤᠰᠬᠠᠯ ᠪᠤᠯᠵᠦ᠂ | ᠠᠯᠠᠱᠠ ᠶᠢᠨ ᠠᠷᠠᠳ ᠲᠦᠮᠡᠨ ᠤᠷᠳᠤ ᠬᠤᠭᠤᠴᠠᠭᠠᠨ ᠤ ᠦᠢᠯᠡᠳᠪᠦᠷᠢᠯᠡᠯ ᠬᠦᠳᠡᠯᠮᠦᠷᠢ ᠶᠢᠨ ᠲᠤᠮᠳᠠ ᠡᠬᠦᠳᠦᠨ | ᠪᠦᠲᠦᠬᠡᠭᠰᠡᠨ ᠪᠠᠶᠢᠨᠠ᠃ ᠬᠡᠳᠦᠨ ᠵᠠᠭᠤᠨ ᠤ ᠲᠤᠷᠰᠢ ᠠᠯᠠᠱᠠ ᠮᠤᠩᠭᠤᠯᠴᠤᠳ ᠤᠨ ᠤᠷᠳᠤ ᠶᠢᠨ ᠲᠠᠭᠤᠤ ᠨᠢ | ᠦᠷᠬᠡᠨ ᠠᠭᠤᠳᠠᠮ ᠠᠯᠠᠱᠠ ᠶᠢᠨ ᠲᠠᠯᠠ ᠨᠤᠳᠤᠭ ᠲᠤ ᠤᠯᠠᠮᠵᠢᠯᠠᠭᠳᠠᠨ ᠲᠠᠭᠤᠯᠠᠭᠳᠠᠵᠦ ᠡᠳᠦᠬᠡ ᠪᠤᠯᠤᠭᠰᠠᠨ ᠠᠵᠢ᠃ | | ᠠᠯᠠᠱᠠ ᠶᠢᠨ ᠠᠷᠠᠳ ᠤᠨ ᠲᠠᠭᠤᠤ ᠶᠢᠨ ᠪᠦᠷᠢᠯᠳᠦᠯ | ᠠᠯᠠᠱᠠ ᠪᠤᠯ ︽ᠠᠯᠳᠠᠨ ᠲᠡᠷᠢᠶᠠᠨ ᠤ ᠠᠷᠢᠬᠢᠨ ᠲᠡᠬᠡᠵᠢ ᠨᠤᠳᠤᠭ ᠲᠠᠢ᠂ ᠠᠷᠠᠳ ᠤᠨ ᠲᠠᠭᠤᠤ ᠶᠢᠨ ᠲᠠᠯᠠᠢ ᠪᠠᠶᠠᠨ | ᠰᠠᠩ ᠲᠠᠢ︾ ᠤᠷᠤᠨ ᠡ︕ ᠠᠯᠠᠱᠠ ᠠᠷᠠᠳ ᠤᠨ ᠲᠠᠭᠤᠤ ᠨᠢᠬᠡᠨ ᠶᠡᠷᠦᠩᠬᠡᠶᠢᠯᠡᠭᠰᠡᠨ ᠨᠠᠷᠡᠶᠢᠳᠤᠯ ᠲᠠᠢ᠂ | ᠲᠡᠬᠦᠨ ᠳᠤ ᠠᠯᠠᠱᠠ ᠪᠠ ᠡᠵᠡᠨᠠ ᠠᠷᠠᠳ ᠤᠨ ᠲᠠᠭᠤᠤ ᠶᠢ ᠪᠠᠭᠳᠠᠭᠠᠳᠠᠭ᠃ ᠠᠯᠠᠱᠠ ᠬᠤᠱᠤᠳ ᠠᠶᠢᠮᠠᠭ ᠨᠢ | ᠰᠢᠨᠵᠢᠶᠠᠩ ᠠᠴᠠ ᠨᠡᠬᠦᠳᠡᠯᠯᠡᠨ ᠢᠷᠡᠬᠦ ᠳᠡᠭᠡᠨ ᠵᠦᠡᠭᠭᠠᠷ ᠲᠠᠲ᠋ᠡᠷ ᠤᠨ ᠰᠤᠶᠤᠯ ᠢ ᠤᠯᠠᠮᠵᠢᠯᠠᠵᠦ᠂ ᠬᠦᠬᠡᠨᠠᠭᠤᠷ ᠠᠴᠠ | ᠨᠡᠬᠦᠳᠡᠯᠯᠡᠵᠦ ᠢᠷᠡᠭᠰᠡᠳ ᠨᠢ ᠲᠡᠨᠳᠡᠬᠢ ᠶᠢᠨ ᠤᠷᠠᠨ ᠵᠤᠬᠢᠶᠠᠯ᠂ ᠬᠦᠭᠵᠢᠮ ᠤᠨ ᠤᠷᠠᠯᠢᠭ ᠢ ᠠᠪᠴᠢᠷᠠᠪᠠ᠃ | ᠰᠡᠬᠦᠯᠡᠷ ᠨᠢ ᠬᠦᠷᠰᠢ ᠵᠡᠷᠬᠡᠯᠡᠳᠡᠭᠡ ᠠᠶᠢᠮᠠᠭ ᠬᠤᠰᠢᠭᠤ ᠪᠤᠯᠤᠨ ᠮᠤᠩᠭᠤᠯ ᠤᠷᠤᠨ ᠤ ᠠᠷᠠᠳ ᠤᠨ ᠲᠠᠭᠤᠤ ᠶᠢ ᠴᠦ | ᠰᠢᠩᠬᠡᠬᠡᠨ ᠤᠯᠠᠮᠵᠢᠯᠠᠵᠦ ᠢᠷᠡᠭᠰᠡᠨ ᠪᠠᠶᠢᠨᠠ᠃ ᠡᠨᠡ ᠨᠢ ᠲᠠᠷᠤᠢ ᠠᠯᠠᠱᠠ ᠬᠤᠱᠤᠳ ᠤᠨ ᠠᠷᠠᠳ ᠤᠨ ᠲᠠᠭᠤᠤ ᠶᠢᠨ | ᠦᠨᠳᠦᠰᠦᠨ ᠢᠷᠡᠯᠳᠠ ᠪᠤᠯᠤᠨᠠ᠃ ᠡᠵᠡᠨᠠ ᠲᠤᠷᠭᠤᠳ ᠤᠨ ᠠᠷᠠᠳ ᠤᠨ ᠲᠠᠭᠤᠤ ᠶᠢ ᠡᠵᠡᠨᠠ ᠭᠤᠤᠯ ᠲᠠᠭᠠᠤ | ᠤᠷᠤᠨ ᠳᠠᠬᠢ ᠮᠠᠯᠴᠢᠳ ᠡᠬᠦᠰᠬᠡᠨ ᠪᠦᠲᠦᠬᠡᠵᠦ᠂ ᠬᠦᠷᠰᠢ ᠵᠡᠷᠬᠡᠯᠡᠳᠡᠭᠡ ᠮᠤᠵᠢ ᠤᠷᠤᠨ᠂ ᠪᠤᠰᠤᠳ | ᠦᠨᠳᠦᠰᠦᠳᠠᠨ ᠲᠠᠢ ᠬᠠᠮᠲᠦᠪᠡᠷ ᠵᠤᠬᠢᠶᠠᠨ ᠤᠯᠠᠮᠵᠢᠯᠠᠵᠦ ᠢᠷᠡᠭᠰᠡᠨ ᠪᠠᠶᠢᠨᠠ᠃ ᠰᠡᠬᠦᠯᠡᠷ ᠨᠢ ᠭᠠᠳᠠᠭᠠᠲᠦ | ᠮᠤᠩᠭᠤᠯ ᠤᠨ ᠬᠠᠯᠬᠠᠴᠤᠳ ᠶᠡᠭᠡ ᠬᠤᠪᠢᠰᠬᠠᠯ ᠤᠨ ᠦᠶᠠ ᠳᠤ ᠡᠵᠡᠨᠠ ᠳᠤ ᠤᠷᠤᠵᠦ ᠢᠷᠡᠬᠡᠳ ᠠᠭᠠᠵᠢᠮ ᠢᠶᠠᠷ | ᠡᠬᠦᠰᠦᠨ ᠪᠦᠷᠢᠯᠳᠦᠭᠰᠡᠨ ᠶᠤᠮ᠃ ᠡᠨᠡ ᠬᠤᠶᠡᠷ ᠤᠪᠤᠭ ᠶᠠᠰᠦᠳᠠᠨ ᠠᠯᠠᠱᠠ ᠶᠢᠨ ᠡᠨᠡᠬᠦ ᠬᠠᠯᠠᠭᠤᠨ ᠰᠢᠷᠤᠢ ᠳᠤ | ᠠᠵᠦ ᠲᠦᠷᠦᠵᠦ᠂ ᠦᠪᠡᠷᠮᠢᠴᠠ ᠤᠨᠴᠠᠯᠢᠭ ᠪᠦᠬᠦᠢ ᠤᠷᠴᠢᠨ ᠲᠤᠭᠤᠷᠢᠨ ᠪᠠ ᠴᠠᠭ ᠦᠶᠠ ᠳᠡᠭᠡᠨ ᠲᠤᠬᠢᠷᠠᠭᠰᠠᠨ | ᠤᠷᠤᠨ ᠨᠤᠳᠤᠭ ᠤᠨ ᠬᠡᠪ ᠨᠠᠮᠪᠠ ᠰᠢᠨᠵᠢ ᠲᠠᠢ ᠠᠷᠠᠳ ᠤᠨ ᠲᠠᠭᠤᠤ ᠶᠢ ᠡᠬᠦᠰᠦᠨ ᠪᠦᠲᠦᠬᠡᠭᠰᠡᠨ ᠨᠢ ᠮᠤᠩᠭᠤᠯ | ᠦᠨᠳᠦᠰᠦᠳᠠᠨ ᠤ ᠪᠢᠯᠢᠭ ᠤᠬᠠᠭᠠᠨ ᠠᠪᠢᠶᠡᠰ ᠢ ᠲᠤᠪᠤᠶᠢᠮᠠ ᠬᠠᠷᠠᠭᠤᠯᠵᠦ ᠪᠠᠶᠢᠳᠠᠭ᠃ | ᠠᠯᠠᠱᠠ ᠠᠷᠠᠳ ᠤᠨ ᠲᠠᠭᠤᠤ ᠨᠢ ᠮᠤᠩᠭᠤᠯ ᠤᠨ ᠤᠷᠳᠤ ᠤᠳᠠᠭᠠᠨ ᠨᠡᠬᠦᠳᠡᠯ ᠤᠨ ᠠᠮᠢᠳᠤᠷᠠᠯ ᠲᠤᠮᠳᠠ ᠡᠬᠦᠰᠴᠦ | ᠪᠦᠷᠢᠯᠳᠦᠭᠰᠡᠨ ᠦᠨᠳᠦᠰᠦᠳᠠᠨ ᠤ ᠤᠨᠴᠠᠯᠢᠭ ᠢᠶᠠᠷ ᠮᠠᠰᠢ ᠢᠯᠡᠷᠬᠡᠢ ᠪᠠᠶᠢᠳᠠᠭ᠃ ᠤᠷᠳᠤ ᠶᠢᠨ ᠲᠠᠭᠤᠤ ᠨᠢ ᠦᠬᠡ | ᠴᠦᠬᠡᠨ ᠠᠶᠠᠯᠭᠤ ᠤᠷᠳᠤ᠂ ᠨᠠᠮ ᠡᠬᠡᠰᠢᠭ ᠬᠦᠭ ᠤᠨ ᠨᠤᠭᠤᠯᠤᠭᠠ ᠶᠡᠭᠡ ᠪᠠᠶᠢᠳᠠᠭ ᠪᠦᠬᠡᠳ ᠴᠢᠯᠦᠬᠡᠲᠦ | ᠠᠶᠢᠵᠠᠮ ᠲᠠᠢ᠂ ᠦᠬᠡ ᠠᠶ᠋ᠯᠠᠭᠤ ᠨᠢ ᠠᠭᠤᠳᠠᠮ ᠲᠡᠨᠢᠬᠦᠨ᠂ ᠵᠦᠬᠡᠯᠡᠨ ᠤᠳᠠᠭᠠᠪᠳᠤᠷ ᠬᠡᠮᠨᠡᠭᠡ ᠲᠠᠢ᠂ ᠲᠠᠯᠪᠢᠭᠤᠨ | ᠰᠡᠳᠬᠢᠯᠬᠡ ᠪᠠᠷ ᠲᠠᠭᠤᠯᠠᠳᠠᠭ᠃ ᠠᠯᠠᠱᠠ ᠠᠷᠠᠳ ᠤᠨ ᠤᠷᠳᠤ ᠶᠢᠨ ᠲᠠᠭᠤᠤ ᠨᠢ ᠵᠡᠬᠦᠨ ᠤᠷᠤᠨ ᠤ ᠠᠷᠠᠳ ᠤᠨ | ᠲᠠᠭᠤᠤ ᠶᠢᠨ ᠠᠶᠠᠯᠭᠤ ᠡᠬᠡᠰᠢᠭ ᠤᠨ ᠲᠡᠭᠵᠢᠨ ᠶᠦᠮᠦᠷᠯᠢᠭ ᠪᠠ ᠤᠷᠳᠤᠰ ᠠᠷᠠᠳ ᠤᠨ ᠲᠠᠭᠤᠤ ᠶᠢᠨ ᠬᠦᠭ | ᠠᠶᠠᠯᠭᠤ ᠶᠢᠨ ᠤᠭᠵᠤᠮ᠂ ᠨᠤᠭᠤᠯᠤᠭᠠ ᠴᠦᠬᠡᠳᠡᠢ᠂ ᠱᠤᠭ ᠶᠦᠮᠦᠷ ᠤᠨᠴᠠᠯᠢᠭ ᠠᠴᠠ ᠶᠡᠬᠡᠬᠡᠨ ᠢᠯᠭᠠᠭᠳᠠᠵᠦ᠂ | ᠲᠦᠪ ᠴᠢᠩᠭᠠ᠂ ᠲᠦᠪᠯᠡᠬᠦᠨ ᠶᠡᠬᠡᠮᠰᠦᠭ᠂ ᠠᠭᠠᠵᠢᠮ ᠪᠠᠶᠠᠰᠤᠩᠭᠤᠢ ᠬᠡᠪ ᠨᠠᠮᠪᠠ ᠶᠢ ᠪᠠᠷᠢᠮᠳᠠᠯᠠᠵᠦ᠂ ᠭᠤᠸᠠ | ᠲᠠᠭᠠᠰᠢᠶᠠᠯ ᠤᠨ ᠬᠦᠭᠵᠢᠯᠳᠠ ᠶᠢ ᠲᠠᠭᠠᠯᠳᠤᠨ ᠠᠭᠠᠵᠢᠮ ᠢᠶᠠᠷ ᠪᠡᠶᠠ ᠪᠠᠨ ᠲᠠᠭᠠᠭᠠᠵᠦ ᠭᠠᠷᠤᠭᠰᠠᠨ ᠪᠦᠬᠡᠳ | ᠦᠪᠡᠷ ᠤᠨ ᠢᠶᠠᠨ ᠬᠡᠪ ᠨᠠᠮᠪᠠ ᠶᠢ ᠬᠠᠳᠠᠭᠠᠯᠠᠭᠰᠠᠨ ᠪᠠᠶᠢᠨᠠ᠃ | ᠠᠯᠠᠱᠠ ᠠᠷᠡᠳ ᠤᠨ ᠤᠷᠳᠤ ᠶᠢᠨ ᠲᠠᠭᠤᠤ ᠠᠭᠤᠯᠭᠠ ᠶᠢᠨ ᠬᠤᠪᠢ ᠳᠤ ᠵᠤᠴᠢᠨ ᠤᠭᠳᠤᠬᠤ᠂ ᠲᠡᠬᠡᠵᠢ ᠵᠠᠰᠠᠬᠤ᠂ | ᠪᠡᠶᠡᠷ ᠶᠤᠰᠤᠯᠠᠯ᠂ ᠬᠤᠷᠢᠮ ᠲᠠᠶᠢᠯᠠᠯᠭᠠ᠂ ᠵᠤᠴᠢᠨ ᠦᠳᠡᠬᠦ᠂ ᠪᠡᠷᠢ ᠪᠠᠭᠤᠯᠭᠠᠬᠤ᠂ ᠬᠡᠤᠬᠡᠨ ᠮᠤᠷᠳᠠᠭᠤᠯᠬᠤ᠂ ᠰᠠᠨᠠᠨ | ᠲᠤᠷᠠᠰᠬᠤ᠂ ᠢᠷᠦᠬᠡᠯ ᠮᠠᠭᠳᠠᠭᠠᠯ᠂ ᠮᠠᠭᠳᠠᠨ ᠰᠠᠶᠢᠰᠢᠶᠠᠬᠤ᠂ ᠰᠤᠷᠭᠠᠨ ᠬᠠᠶᠢᠷᠠᠯᠠᠬᠤ ᠵᠡᠷᠬᠡ ᠲᠦᠷᠦᠯ ᠪᠠᠶᠢᠳᠠᠭ᠃ | ᠲᠠᠭᠤᠤ ᠶᠢᠨ ᠦᠬᠡ ᠶᠢᠨ ᠤᠳᠬᠠ ᠰᠠᠨᠠᠭᠠᠨ ᠤ ᠬᠤᠪᠢ ᠳᠤ ᠬᠦᠨ ᠤᠬᠠᠭᠠᠯᠢᠭ ᠤᠴᠢᠷ ᠶᠤᠰᠤ ᠶᠢ ᠪᠠᠭᠳᠠᠭᠠᠵᠤ᠂ | ᠶᠤᠰᠤᠯᠠᠯ᠂ ᠮᠤᠷᠠᠯ ᠰᠤᠷᠳᠠᠬᠤᠨ᠂ ᠡᠪ ᠨᠠᠶᠢᠷᠳᠡᠢ᠂ ᠬᠠᠶᠢᠷᠠ ᠨᠦᠬᠦᠷᠰᠡᠭ᠂ ᠨᠢᠠᠠᠳᠠᠷᠠᠯ ᠪᠦᠯᠬᠦᠮᠳᠡᠯ᠂ ᠤᠷᠤᠯᠳᠤᠯᠭᠠ | ᠴᠢᠷᠮᠠᠶᠢᠯᠭᠠ ᠵᠡᠷᠬᠡ ᠶᠢ ᠰᠤᠷᠳᠠᠯᠴᠢᠯᠠᠭᠰᠠᠨ ᠪᠠᠶᠢᠳᠠᠭ᠃ ᠲᠠᠭᠤᠤ ᠶᠢᠨ ᠠᠶᠠᠯᠭᠤ ᠶᠢᠨ ᠲᠠᠯᠠ ᠪᠠᠷ ᠮᠤᠩᠭᠤᠯ | ᠠᠷᠠᠳ ᠤᠨ ᠲᠠᠭᠤᠤ ᠶᠢᠨ ᠲᠠᠪᠤᠨ ᠡᠬᠡᠰᠢᠭ ᠠᠶᠢᠵᠠᠮ᠂ ᠬᠡᠪ ᠨᠠᠮᠪᠠ ᠶᠢ ᠬᠠᠳᠠᠭᠠᠯᠠᠵᠦ᠂ ᠴᠦᠬᠡᠪᠳᠦᠷ ᠲᠠᠭᠤᠤ ᠳᠤᠨᠢ | ᠵᠢᠷᠭᠤᠭᠠᠨ ᠡᠬᠡᠰᠢᠭ ᠠᠶᠢᠵᠠᠮ ᠪᠠ ᠲᠤᠯᠤᠭᠠᠨ ᠡᠬᠡᠰᠢᠭ ᠠᠶᠢᠵᠠᠮ ᠤᠨ ᠬᠡᠪ ᠨᠠᠮᠪᠠ ᠶᠢ ᠬᠠᠳᠠᠭᠠᠯᠠᠵᠦ ᠪᠠᠶᠢᠳᠠᠭ᠃ | ᠠᠯᠠᠱᠠ ᠬᠢᠬᠡᠳ ᠡᠵᠡᠨᠠ ᠠᠷᠠᠳ ᠤᠨ ᠲᠠᠭᠤᠤ ᠶᠢ ᠲᠠᠭᠤᠯᠠᠬᠤ ᠳᠤ ᠬᠡᠷᠡᠭᠴᠡᠭᠡ ᠪᠠᠨ ᠦᠨᠳᠦᠰᠦᠯᠠᠵᠦ ᠠᠶᠠᠰ | ᠬᠦᠭ ᠤᠨ ᠦᠨᠳᠦᠷ ᠨᠠᠮ᠂ ᠤᠷᠳᠤ ᠤᠬᠤᠷ ᠢ ᠴᠢᠯᠦᠬᠡᠳᠡᠢ ᠲᠤᠬᠢᠷᠠᠭᠤᠯᠵᠦ ᠪᠤᠯᠳᠠᠭ᠃ ᠤᠯᠠᠩᠬᠢ ᠲᠠᠭᠤᠤ ᠨᠢ | ᠬᠤᠶᠡᠷ ᠮᠦᠷᠲᠦ ᠦᠬᠡ ᠪᠤᠶᠤ ᠬᠤᠶᠡᠷ ᠪᠠᠳᠠᠭ ᠲᠠᠢ ᠰᠢᠯᠦᠭ ᠢᠶᠠᠷ ᠪᠦᠷᠢᠯᠳᠦᠳᠡᠭ᠃ ᠲᠠᠭᠤᠤ ᠶᠢᠨ ᠰᠢᠯᠦᠭ ᠨᠢ | ᠰᠡᠳᠬᠢᠯᠬᠡ ᠪᠢᠯᠬᠠᠮᠠ᠂ ᠲᠠᠪᠳᠠᠯᠳᠠ ᠤᠯᠠᠨᠳᠡᠢ ᠪᠠᠶᠢᠳᠠᠭ᠃ ᠨᠢᠬᠡ ᠲᠠᠭᠤᠤ ᠶᠢ ᠲᠠᠭᠤᠯᠠᠵᠦ ᠪᠠᠷᠠᠪᠠᠯ ︽ᠨᠠᠶᠢᠷᠯᠠᠨ | ᠵᠤᠬᠢᠶᠠᠶᠠ︾ ᠬᠡᠬᠦ ᠲᠤᠭᠳᠠᠮᠠᠯ ᠲᠦᠷᠢᠯᠬᠡ ᠶᠢ ᠵᠠᠪᠠᠯ ᠲᠠᠭᠤᠯᠠᠳᠠᠭ ᠨᠢ ᠠᠯᠠᠱᠠ ᠠᠷᠠᠳ ᠤᠨ ᠲᠠᠭᠤᠤ ᠶᠢᠨ ᠪᠠᠰᠠ | ᠨᠢᠬᠡ ᠤᠨᠴᠠᠯᠢᠭ ᠨᠢ ᠪᠤᠯᠤᠨᠠ᠃ | | ᠢᠷᠡᠯᠲᠡ᠄ ᠠᠯᠠᠱᠠ ᠶᠢᠨ ᠮᠣᠩᠭᠤᠯ ᠰᠦᠯᠵᠢᠶᠡ |