| | ᠶᠡᠷᠤᠨᠢ ᠠᠷᠢᠶᠠᠳᠡᠨ ᠮᠢᠬᠠᠴᠢᠨ ᠠᠮᠢᠳᠡᠨ ᠢ ᠠᠩᠨᠠᠬᠤ ᠶᠢ ᠠᠪᠠᠯᠠᠬᠤ ᠭᠡᠵᠤ ᠭᠡᠯᠡᠳᠡᠭ᠃ ᠭᠦᠷᠣᠭᠡᠰᠤᠨ | ᠲᠡᠬᠡᠷᠠ ᠠᠪᠠᠯᠠᠬᠤ ᠭᠡᠵᠤ ᠭᠡᠯᠡᠳᠡᠭ ᠦᠭᠡᠢ ᠶᠣᠮ᠃ ᠣᠴᠢᠷ ᠨᠢ ᠠᠪᠠᠯᠠᠬᠤ ᠭᠡᠳᠡᠭ ᠨᠢ ᠴᠦᠮ ᠢ ᠨᠢ ᠠᠪᠠᠯᠠᠵᠦ | ᠬᠠᠰᠢᠭᠠᠳ᠂ ᠡ᠊ᠠᠳᠡ ᠲᠡᠨᠳᠡ ᠠᠴᠠ ᠨᠢ ᠬᠠᠷᠪᠣᠵᠦ ᠰᠦᠨᠣᠭᠡᠵᠦ ᠴᠢᠯᠠᠭᠡᠨᠠ ︵ᠪᠠᠷᠠᠭᠳᠠᠭᠤᠯᠬᠤ︶ ᠭᠡᠰᠡᠨ | ᠣᠳᠬᠠ ᠲᠠᠢ᠃ ᠡᠶᠢᠮᠣ ᠠᠴᠠ ᠠᠷᠢᠶᠠᠳᠡᠨ ᠴᠢᠨ᠋ᠸᠠ᠂ ᠦᠨᠡᠭᠡ᠂ ᠠᠶᠣᠣ᠂ ᠢᠷᠪᠢᠰ ᠵᠡᠷᠭᠡ ᠮᠢᠬᠠᠴᠢᠨ ᠠᠮᠢᠳᠡᠨ ᠢ | ᠠᠩᠨᠠᠬᠤ ᠳᠤ ᠠᠪᠠᠯᠠᠵᠦ ᠬᠠᠷᠪᠣᠳᠠᠭ᠃ ᠣᠳᠣ ᠳᠠᠭᠠᠨ ᠪᠠᠰᠠ ᠭᠦᠷᠣᠭᠡᠰᠦ ᠠᠪᠠᠯᠠᠨᠠ ᠭᠡᠵᠤ ᠭᠡᠯᠡᠭᠳᠡᠬᠦ ᠪᠤᠯᠤᠬᠰᠠᠨ | ᠪᠠᠶᠢᠪᠠ᠃ ᠭᠡᠳᠡᠯᠠ ᠡᠷᠳᠡ ᠳᠡᠭᠡᠨ ᠭᠦᠷᠣᠭᠡᠰᠦ ᠶᠢ ᠲᠩᠷᠢ ᠪᠣᠷᠬᠠᠨ᠂ ᠦᠭᠦᠯᠴᠡ ︵ᠦᠭᠭᠦᠴᠡ︶ ᠶᠢᠨ ᠡᠵᠠᠨ | ᠦᠭᠴᠣ ᠪᠠᠶᠢᠨᠠ ᠭᠡᠳᠡᠭ ᠦᠵᠡᠯᠳᠡ ᠠᠴᠠ ᠭᠡᠳᠦᠢ ᠦᠭᠪᠠᠯ ᠲᠠᠳᠦᠢ ᠶᠢ ᠠᠪᠴᠣ᠂ ᠬᠠᠨᠳᠠᠭ ᠦᠭᠡᠢ ᠬᠤᠮᠠᠬᠠᠢ | ᠰᠠᠨᠠᠭᠠ ᠶᠢ ᠡᠪᠣᠷᠯᠡᠳᠡᠭ ᠦᠭᠡᠢ ᠠᠷᠢᠭᠤᠨ ᠰᠠᠶᠢᠬᠠᠨ ᠶᠤᠰᠤ ᠰᠤᠷᠳᠠᠯ ᠪᠤᠯ ᠦᠶᠠ ᠣᠯᠠᠷᠢᠨ ᠢᠷᠡᠭᠰᠡᠨ ᠠᠡᠭ ᠤᠨ | ᠨᠠᠨᠳᠢᠨ ᠰᠣᠶᠣᠯ ᠶᠣᠮ᠃ | ᠴᠢᠨ᠋ᠸᠠ ᠭᠡᠳᠡᠭ ᠪᠠᠰᠠ ᠰᠣᠨᠢᠨ ᠠᠮᠢᠳᠡᠨ ᠶᠣᠮ᠃ ᠡᠨᠡ ᠨᠢ ᠲᠩᠷᠢ ᠶᠢᠨ ᠵᠠᠶᠠᠭᠠᠳᠡᠢ ᠪᠠᠶᠢᠭᠠᠯᠢ ᠠᠮᠢᠳᠡᠨ ᠢ | ᠲᠡᠭᠰᠢᠳᠭᠡᠵᠦ ᠴᠢᠳᠠᠳᠠᠭ ᠠᠮᠢᠳᠡᠨ ᠭᠡᠵᠤ ᠭᠡᠯᠡᠳᠡᠭ᠃ ᠪᠠᠰᠠ ᠲᠣᠮᠤᠭ ᠶᠠᠷᠢᠶᠠᠨ ᠤ ᠲᠣᠳᠣᠷᠡ ᠴᠢᠨ᠋ᠸᠠ | ᠣᠶᠢᠷᠡᠳᠣᠭᠰᠡᠨ ᠦᠭᠡᠢ ᠰᠦᠷᠦᠭ᠂ ᠡᠪᠠᠳᠴᠢᠨ ᠬᠢᠵᠢᠭ ᠲᠤ ᠨᠡᠷᠪᠡᠭᠳᠡᠨᠠ ᠭᠡᠳᠡᠭ ᠭᠡᠯᠡᠯᠭᠡ ᠲᠠᠢ ᠪᠠᠶᠢᠳᠠᠭ᠃ ᠡᠨᠡ | ᠭᠡᠯᠡᠯᠭᠡ ᠨᠢ ᠴᠤ ᠦᠨᠠᠨ ᠪᠠᠶᠢᠵᠦ ᠮᠡᠳᠡᠨᠠ᠂ ᠴᠢᠨ᠋ᠸᠠ ᠴᠦᠭᠡᠷᠡᠭᠰᠡᠨ ᠠᠴᠠ ᠮᠠᠯ ᠰᠦᠷᠦᠭ᠂ ᠭᠦᠷᠣᠭᠡᠰᠦᠨ ᠤ | ᠰᠦᠷᠦᠭ ᠲᠤ ᠡᠪᠠᠳᠴᠢᠨ ᠬᠢᠵᠢᠭ ᠴᠤ ᠲᠠᠰᠣᠷᠡᠳᠠᠭ ᠦᠭᠡᠢ ᠶᠣᠮ᠃ ᠡᠨᠡ ᠨᠢ ᠮᠠᠯᠴᠢᠬᠤ ᠣᠷᠣᠨ ᠳᠤ | ᠮᠡᠳᠡᠭᠳᠡᠭᠦ᠋ᠢᠴᠡ ᠣᠷᠣᠰᠢᠵᠦ ᠪᠠᠶᠢᠳᠠᠭ ᠭᠡᠷᠡᠭ᠃ ᠴᠢᠨ᠋ᠸᠠ ᠶᠢ ᠬᠠᠷᠪᠣᠬᠤ ᠳᠤ ᠪᠣᠣ ︵ᠫᠣᠣ︶ ᠰᠣᠮᠣ ᠭᠠᠯ ᠠᠪᠳᠠᠭ | ᠦᠭᠡᠢ ᠪᠠᠶᠢᠳᠡᠯ ᠴᠤ ᠦᠷᠭᠦᠯᠵᠢ ᠣᠷᠣᠰᠢᠳᠠᠭ᠃ ᠪᠣᠣ ᠲᠠᠢ ᠭᠦᠮᠣᠨ ᠪᠦᠭᠦᠨ ᠴᠤ ᠴᠢᠨ᠋ᠸᠠ ᠶᠢ ᠬᠠᠷᠪᠣᠵᠦ ᠠᠯᠠᠵᠦ | ᠴᠢᠳᠠᠳᠠᠭ ᠦᠭᠡᠢ᠂ ᠮᠦᠨ ᠨᠢᠭᠡ ᠠᠩᠴᠢᠨ ᠳᠤ ᠭᠡᠳᠦᠨ ᠴᠢᠨ᠋ᠸᠠ ᠬᠤᠶᠢᠨᠠ ᠬᠤᠶᠢᠨᠠ ᠠᠴᠠ ᠪᠠᠨ ᠢᠷᠠᠵᠦ ᠦᠭᠦᠳᠡᠭ | ᠭᠡᠷᠡᠭ ᠴᠤ ᠪᠠᠶᠢᠳᠠᠭ ᠶᠣᠮ᠃ ᠡᠨᠡ ᠳᠤᠭᠢᠶᠠᠯᠳᠤᠯ ᠢ ᠶᠠᠷᠣᠩᠭᠡᠶᠢᠯᠠᠨ ᠪᠣᠳᠣᠵᠦ ᠦᠵᠠᠪᠠᠯ ᠰᠣᠨᠢᠨ ᠭᠡᠷᠡᠭ᠂ | ᠡᠶᠢᠮᠣ ᠠᠴᠠ ᠴᠢᠨ᠋ᠸᠠ ᠠᠪᠠᠯᠠᠳᠠᠭ ᠮᠡᠷᠭᠡᠨ ᠭᠦᠮᠣᠨ ᠭᠡᠵᠤ ᠪᠠᠰᠠ ᠲᠣᠰᠬᠠᠢ ᠨᠡᠷᠡᠳᠡᠢ ᠬᠦᠨᠳᠦᠳᠡᠢ ᠬᠦᠮᠦᠨ ᠪᠤᠢ᠃ ᠡᠨᠡ | ᠲᠣᠬᠠᠢ ᠡᠶᠢᠮᠤ ᠨᠢᠬᠡᠨ ᠲᠣᠮᠤᠭ ᠪᠠᠶᠢᠳᠠᠭ᠃ | ᠨᠢᠭᠡ ᠠᠶᠢᠯ ᠤᠨ ᠬᠤᠨᠢᠨ ᠤ ᠰᠦᠷᠦᠭ ᠤᠨ ᠲᠣᠳᠣᠷᠡ ᠨᠢᠭᠡ ᠪᠦᠳᠣᠭᠦᠨ ᠪᠣᠷᠣ ᠢᠷᠭᠡ ᠪᠠᠶᠢᠭᠰᠠᠨ ᠭᠡᠨᠠ᠂ ᠨᠢᠭᠡᠨ | ᠬᠠᠪᠣᠷ ᠤᠨ ᠰᠦᠨᠢ ᠬᠤᠳᠠᠨ ᠳᠤᠨᠢ ᠴᠢᠨ᠋ᠸᠠ ᠳᠤ ᠣᠷᠣᠵᠦ ᠡᠨᠡ ᠢᠷᠭᠡ ᠶᠢᠨ ᠰᠠᠭᠦᠯ ᠤᠨ ᠭᠡᠰᠡᠭ ᠢ ᠨᠢ ᠲᠠᠰᠣᠯᠵᠦ | ᠶᠠᠪᠣᠭᠰᠠᠨ ᠭᠡᠨᠠ᠃ ᠡᠵᠠᠨ ᠨᠢ ᠦᠪᠠᠷ ᠲᠡᠭᠡᠨ ᠢᠳᠡᠭᠰᠡᠨ ᠦᠭᠡᠢ ᠳᠡᠭᠡᠨ ᠡᠯᠢᠭᠡ ᠡᠪᠠᠳᠴᠣ᠂ ᠴᠢᠨ᠋ᠸᠠ ᠶᠢ ᠦᠰᠢᠷᠡᠨ | ︵ᠦᠰᠢᠶᠠᠷᠬᠡᠨ︶ ᠬᠠᠷᠢᠶᠠᠵᠦ᠂ ᠨᠢᠭᠡᠠ ᠮᠡᠷᠭᠡᠨ ᠭᠦᠮᠣᠨ ᠢ ᠡᠷᠢᠵᠦ ᠭᠦᠷᠣᠭᠡᠳ ᠲᠡᠷᠡ ᠴᠢᠨ᠋ᠸᠠ ᠶᠢ ᠨᠠᠳᠡᠳᠤ ᠠᠯᠠᠭᠠᠳ | ᠦᠭ ᠭᠡᠵᠤ ᠡᠷᠡᠮᠰᠢᠭᠰᠡᠨ ᠭᠡᠨᠠ᠃ ᠮᠡᠷᠭᠡᠨ ᠭᠦᠮᠣᠨ ᠨᠢ ᠲᠡᠷᠡ ᠴᠢᠨ᠋ᠸᠠ ᠶᠢ ᠠᠯᠠᠬᠤ ᠲᠣᠷᠡ ᠦᠭᠡᠢ᠂ ᠬᠠᠷᠢᠨ ᠲᠡᠷᠡ | ᠭᠦᠭᠡ ᠰᠠᠭᠢᠭᠤᠯ ᠦᠴᠣᠭᠡᠳᠣᠷ ᠰᠦᠨᠢ ᠡᠨᠡᠭᠦᠷ ᠡᠷᠭᠢᠭᠰᠡᠨ ᠪᠠᠶᠢᠵᠦ ᠮᠡᠳᠠᠨᠠ᠃ ᠲᠠᠭᠦᠨ ᠢ ᠠᠯᠠᠭᠠᠳ ᠶᠠᠭᠤ ᠭᠢᠨᠠ᠂ | ᠨᠢᠭᠡ ᠢᠷᠭᠡ ᠶᠢᠨ ᠰᠠᠭᠦᠯ ᠤᠨ ᠭᠡᠷᠡᠭ ᠶᠤᠮ ᠴᠢᠨᠢ᠃ ᠬᠡᠷᠪᠡ ᠡᠨᠡ ᠴᠢᠨ᠋ᠸᠠ ᠶᠢ ᠠᠯᠠᠪᠠᠯ᠂ ᠮᠠᠨ ᠤ ᠨᠣᠳᠤᠭ ᠤᠨ ᠮᠠᠯ | ᠰᠦᠷᠦᠭ ᠡᠪᠠᠳᠴᠢᠨ ᠬᠢᠵᠢᠭ ᠲᠤ ᠨᠡᠷᠪᠡᠭᠳᠡᠵᠦ ᠮᠠᠳᠡᠨᠠ ᠭᠡᠵᠤ ᠭᠡᠯᠡᠭᠰᠡᠨ ᠭᠡᠨᠠ᠃ ᠡᠨᠡ ᠦᠭᠡ ᠶᠢ ᠨᠢ ᠢᠷᠭᠡ ᠶᠢᠨ | ᠡᠵᠠᠨ ᠰᠣᠨᠣᠰᠣᠭᠠᠳ᠂ ᠲᠡᠷᠡ ᠴᠢᠨ᠋ᠸᠠ ᠳᠤ ᠰᠡᠳᠭᠢᠯ ᠡᠪᠳᠣᠭᠡᠳ ᠶᠠᠭᠤ ᠭᠢᠨᠠ ᠴᠢ᠂ ᠴᠢᠨ᠋ᠸᠠ ᠲᠠᠢ ᠠᠳᠠᠯᠢ | ᠰᠠᠨᠠᠭᠠ ᠲᠠᠢ ᠪᠠᠶᠢᠨᠠ ᠴᠢ︕ ᠭᠡᠵᠤ ᠭᠡᠰᠡᠭ ᠣᠯᠠᠨ ᠶᠠᠭᠤᠮᠠ ᠪᠠᠨ ᠭᠡᠯᠠᠵᠦ ᠬᠠᠷᠢᠶᠠᠭᠠᠳ ᠮᠡᠷᠭᠡᠨ ᠭᠦᠮᠣᠨ ᠢ | ᠠᠭᠤᠷᠯᠠᠭᠤᠯᠵᠦ ᠦᠳᠦᠬᠡᠭᠰᠡᠨ ᠭᠡᠨᠠ᠃ ᠮᠡᠷᠭᠡᠨ ᠭᠦᠮᠣᠨ ᠶᠡᠷᠤᠨᠢ ᠴᠢᠨ᠋ᠸᠠ ᠶᠢ ᠲᠣᠩ ᠲᠣᠳᠣᠷᠬᠠᠢ ᠣᠶᠢᠯᠡᠭᠠᠵᠦ | ᠮᠡᠳᠡᠳᠡᠭ᠂ ᠶᠠᠮᠠᠷ ᠴᠠᠭ ᠲᠤ᠂ ᠶᠠᠮᠠᠷ ᠭᠠᠵᠠᠷ ᠢᠶᠠᠷ ᠡᠷᠭᠢᠳᠡᠭ ᠢ ᠨᠢ ᠮᠡᠳᠡᠭᠦ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠦᠨᠣᠳᠣᠷ ᠤᠨ | ᠴᠠᠭ ᠭᠡᠳᠦᠢ ᠪᠠᠷ ᠶᠠᠮᠠᠷ ᠭᠠᠵᠠᠷ ᠲᠤ ᠭᠡᠪᠳᠡᠵᠦ ᠠᠮᠠᠷᠡᠳᠠᠭ ᠢ ᠨᠢ ᠴᠤ ᠲᠣᠳᠣᠷᠬᠠᠢ ᠮᠡᠳᠡᠳᠡᠭ᠂ ᠣᠷᠣᠢ ᠮᠠᠷᠭᠠᠰᠢ ᠶᠢᠨ | ᠬᠤᠶᠠᠷ ᠡᠳᠣᠷ ᠤᠨ ᠲᠣᠳᠣᠷᠡ ᠶᠠᠮᠠᠷ ᠭᠡᠳᠦᠨ ᠭᠠᠵᠠᠷ ᠢᠶᠠᠷ ᠰᠢᠩᠰᠢᠨ ᠭᠦᠶᠦᠳᠡᠭ ᠢ ᠴᠤ ᠲᠣᠩ ᠰᠠᠶᠢᠨ ᠣᠶᠢᠯᠠᠭᠠᠳᠠᠭ | ᠠᠵᠢ᠃ ᠲᠡᠭᠡᠭᠡᠳ ᠴᠢᠨ᠋ᠸᠠ ᠶᠢ ᠨᠢ ᠠᠯᠠᠵᠦ ᠦᠭᠭᠦᠶᠠ ᠭᠡᠵᠤ ᠰᠢᠢᠳᠦᠬᠡᠳ ᠲᠡᠷᠡ ᠭᠦᠮᠣᠨ ᠢ ᠴᠤ ᠲᠠᠭᠠᠭᠤᠯᠵᠦ | ᠮᠣᠷᠳᠡᠵᠦ᠂ ᠨᠢᠬᠡᠨ ᠭᠠᠵᠠᠷ ᠬᠦᠷᠦᠬᠡᠳ ᠲᠠ ᠡ᠊ᠨᠳᠡ ᠰᠠᠭᠤᠭᠠᠳ ᠭᠦᠯᠢᠶᠠᠵᠦ ᠪᠠᠶᠢᠬᠳᠦᠨ︕ ᠪᠢ ᠲᠡᠷᠡ ᠴᠢᠨ᠋ᠸᠠ ᠶᠢ | ᠠᠯᠠᠭᠠᠳ ᠢᠷᠡᠶᠠ ᠭᠡᠵᠤ ᠰᠠᠯᠵᠦ ᠶᠠᠪᠣᠭᠠᠳ ᠣᠳᠠᠭᠰᠠᠨ ᠦᠭᠡᠢ ᠪᠠᠷ ᠪᠣᠣ ᠶᠢᠨ ᠲᠠᠭᠤ ᠭᠠᠷᠴᠠᠢ᠃ ᠨᠢᠭᠡ | ᠪᠦᠳᠣᠭᠦᠨ ᠭᠦᠭᠡ ᠴᠢᠨ᠋ᠸᠠ ᠶᠢ ᠠᠯᠠᠭᠠᠳ ᠢᠷᠡᠭᠰᠡᠨ ᠭᠡᠨᠠ᠃ ᠢᠩᠭᠢᠭᠡᠳ ᠡᠨᠡ ᠭᠦᠮᠣᠨ ᠤ ᠬᠠᠵᠠᠭᠤ ᠳᠤ ᠢᠷᠡᠵᠦ᠂ | ᠴᠢᠨ᠋ᠸᠠ ᠶᠢᠨ ᠬᠤᠳᠣᠭᠤᠳᠦ ᠲᠣᠳᠣᠷᠡ ᠠᠴᠠ ᠪᠣᠷᠣ ᠢᠷᠭᠡ ᠶᠢᠨ ᠢᠶᠠᠨ ᠰᠠᠭᠦᠯ ᠢ ᠭᠠᠷᠭᠠᠵᠦ ᠠᠪᠣᠭᠳᠣᠨ ᠭᠡᠵᠤ | ᠡᠮᠣᠨᠠ ᠨᠢ ᠬᠠᠶᠠᠵᠠᠢ᠃ ᠴᠠᠭᠠᠳᠤᠬᠢ ᠨᠢ ᠠᠯᠠᠩ ᠪᠣᠯᠣᠭᠠᠳ᠂ ᠮᠢᠨᠣ ᠢᠷᠭᠡ ᠶᠢᠨ ᠰᠡᠭᠦᠯ ᠡᠨᠡ ᠴᠢᠨ᠋ᠸᠠ ᠶᠢᠨ | ᠬᠤᠳᠣᠭᠤᠳᠦ ᠲᠣᠳᠣᠷᠡ ᠪᠠᠶᠢᠳᠠᠭ ᠢ ᠶᠠᠭᠠᠬᠢᠭᠠᠳ ᠮᠡᠳᠡᠳᠡᠭ ᠪᠢᠯᠡ ᠭᠡᠵᠤ᠂ ᠡᠨᠡ ᠴᠢᠨ᠋ᠸᠠ ᠶᠢᠨ ᠬᠤᠳᠣᠭᠤᠳᠦ ᠶᠢ | ᠬᠠᠭᠠᠯᠤᠭᠰᠠᠨ ᠳᠤ ᠶᠠᠭ ᠪᠣᠷᠣ ᠢᠷᠭᠡ ᠶᠢᠨ ᠬᠢᠨᠢ ᠰᠡᠭᠦᠯ ᠪᠣᠷᠣ ᠠᠷᠡᠰᠦᠳᠡᠢ ᠪᠠᠨ ᠭᠤᠷᠪᠠᠨ ᠲᠦᠷᠪᠠᠨ ᠭᠡᠰᠡᠭ | ᠪᠣᠯᠣᠭᠠᠳ ᠭᠠᠷᠴᠦ ᠢᠷᠡᠭᠰᠡᠨ ᠭᠡᠨᠠ᠃ ᠢᠩᠭᠢᠭᠡᠳ ᠴᠢᠨ᠋ᠸᠠ ᠦᠭᠦᠭᠰᠡᠨ ᠠᠴᠠ ᠬᠤᠶᠢᠰᠢ ᠲᠡᠮᠡᠢ ᠤᠳᠠᠬᠰᠠᠨ ᠦᠬᠡᠢ | ᠡᠨᠡ ᠠᠶᠢᠯ ᠤᠨ ᠰᠦᠷᠦᠭ ᠳᠤ ᠬᠢᠵᠢᠭ ᠡᠪᠠᠳᠴᠢᠨ ᠲᠡᠯᠬᠡᠷᠡᠵᠦ ᠬᠤᠳᠠ ᠨᠢ ᠬᠠᠷᠠᠯᠠᠬᠰᠠᠨ ᠭᠡᠵᠤ ᠬᠠᠭᠤᠴᠢᠯᠠᠳᠠᠭ | ᠪᠠᠶᠢᠭᠰᠠᠨ ᠶᠣᠮ᠃ ᠲᠣᠷᠭᠤᠳᠴᠣᠳ ᠡᠷᠳᠡ ᠠᠴᠠ ᠴᠢᠨ᠋ᠸᠠ ᠶᠢ ᠠᠯᠠᠪᠠᠯ᠂ ᠬᠤᠳᠣᠭᠤᠳᠦ ᠶᠢ ᠨᠢ | ᠬᠠᠭᠠᠯᠳᠠᠭ ᠦᠭᠡᠢ ᠭᠡᠳᠡᠭ ᠭᠡᠭᠡᠷᠡ ᠶᠢᠨ ᠶᠣᠰᠦᠨ ᠪᠠᠶᠢᠳᠠᠭ᠃ ᠣᠴᠢᠷ ᠨᠢ ᠴᠢᠨ᠋ᠸᠠ ᠮᠢᠬᠠᠴᠢᠨ ᠠᠮᠢᠳᠡᠨ ᠪᠣᠯᠬᠤᠷ | ᠡᠯᠳᠡᠪ ᠵᠦᠢᠯ ᠤᠨ ᠠᠮᠢᠳᠡᠨ ᠤ ᠶᠠᠰᠦ ᠮᠢᠬᠠᠨ ᠤ ᠲᠠᠰᠣᠷᠬᠠᠢ᠂ ᠴᠢᠨ᠋ᠸᠠ ᠶᠢᠨ ᠬᠤᠳᠣᠭᠤᠳᠦ ᠶᠢᠨ ᠲᠣᠳᠣᠷᠡ ᠪᠠᠶᠢᠳᠠᠭ᠃ | ᠪᠠᠰᠠ ᠡᠷᠡᠭᠦᠯ ᠪᠣᠰᠦ ᠬᠠᠯᠳᠠᠪᠣᠷᠢᠳᠡᠢ ᠡᠪᠠᠳᠴᠢᠨ ᠤ ᠵᠦᠢᠯ ᠴᠤ ᠪᠠᠶᠢᠳᠠᠭ ᠣᠴᠢᠷ ᠠᠴᠠ ᠴᠢᠨ᠋ᠸᠠ ᠶᠢᠨ | ᠬᠤᠳᠣᠭᠤᠳᠦ ᠶᠢ ᠬᠠᠭᠠᠯᠳᠠᠭ ᠦᠭᠡᠢ᠂ ᠡᠭᠦᠨ ᠠᠴᠠ ᠦᠵᠠᠪᠠᠯ ᠴᠢᠨ᠋ᠸᠠ ᠳᠤ ᠡᠪᠠᠳᠴᠢᠨ ᠰᠡᠷᠭᠡᠶᠢᠯᠠᠵᠦ᠂ ᠡᠪᠠᠳᠴᠢᠨ | ᠬᠠᠯᠳᠠᠪᠣᠷᠢᠯᠠᠳᠠᠭ ᠦᠭᠡᠢ ᠨᠢᠭᠡ ᠵᠦᠢᠯ ᠤᠨ ᠲᠦᠷᠣᠯᠭᠢ ᠴᠢᠳᠠᠪᠣᠷᠢ ᠲᠠᠢ ᠪᠠᠶᠢᠵᠦ ᠮᠡᠳᠠᠨᠠ᠃ ᠴᠢᠨ᠋ᠸᠠ ᠳᠤ | ᠬᠠᠯᠳᠠᠪᠣᠷᠢᠳᠡᠢ ᠡᠪᠠᠳᠴᠢᠨ ᠢᠷᠡᠳᠡᠭ ᠦᠭᠡᠢ ᠭᠡᠳᠡᠭ ᠨᠢ ᠴᠤ ᠣᠷᠣ ᠲᠠᠢ ᠦᠭᠡ ᠪᠣᠯᠬᠤ ᠶᠣᠮ᠃ ᠣᠷᠴᠢᠮ ᠳᠤ | ᠪᠣᠰᠣᠳ ᠦᠨᠳᠣᠰᠣᠳᠡᠨ ᠤ ᠭᠦᠮᠣᠰ ᠲᠣᠰᠬᠠᠢ ᠴᠢᠨ᠋ᠸᠠ ᠶᠢᠨ ᠮᠢᠬᠠ ᠢᠳᠡᠵᠦ᠂ ᠴᠢᠨ᠋ᠸᠠ ᠶᠢᠨ ᠮᠢᠬᠠ ᠪᠠᠷ ᠪᠡᠯᠡᠭ | ᠪᠠᠷᠢᠳᠠᠭ ᠭᠡᠷᠡᠭ ᠴᠤ ᠭᠠᠷᠣᠭᠰᠠᠨ ᠶᠣᠮ᠃ ᠡᠩ ᠤᠨ ᠪᠠᠶᠢᠳᠡᠯ ᠤᠨ ᠲᠣᠣᠷᠡ ᠮᠠᠯᠴᠢᠳ ᠭᠦᠳᠡᠭᠡ ᠪᠠᠷ ᠦᠷᠭᠦᠯᠵᠢ ᠳᠤ | ᠡ᠊ᠨᠳᠡ ᠴᠢᠨ᠋ᠸᠠ᠂ ᠲᠡᠨᠳᠡ ᠴᠢᠨ᠋ᠸᠠ ᠭᠡᠵᠤ ᠶᠡᠭᠡ ᠶᠠᠷᠢᠯᠴᠠᠳᠠᠭ᠃ ᠭᠡᠳᠡᠯᠠ ᠴᠢᠨ᠋ᠸᠠ ᠠᠪᠠᠯᠠᠬᠤ ᠭᠡᠵᠤ ᠣᠯᠠᠨ ᠢᠶᠠᠷ ᠢᠶᠠᠨ | ᠡᠳᠣᠷ ᠬᠤᠨᠤᠭ ᠢ ᠲᠣᠭᠳᠠᠭᠠᠵᠦ᠂ ᠲᠡᠷᠡ ᠡᠳᠣᠷ ᠲᠡᠭᠡᠨ ᠮᠣᠷᠳᠡᠵᠦ᠂ ᠴᠢᠨ᠋ᠸᠠ ᠶᠢᠨ ᠠᠪᠠᠯᠠᠭᠠᠨ ᠳᠤ ᠭᠠᠷᠪᠠᠯ ᠬᠠᠷᠢᠨ | ᠨᠢᠭᠡ ᠴᠢᠨ᠋ᠸᠠ ᠴᠤ ᠦᠵᠡᠭᠳᠡᠭᠦ ᠦᠭᠡᠢ ᠰᠣᠨᠢᠨ ᠭᠡᠷᠡᠭ ᠦᠷᠭᠦᠯᠵᠢ ᠳᠤ ᠲᠣᠭᠢᠶᠠᠯᠳᠣᠳᠠᠭ᠃ ᠡᠭᠦᠨ ᠠᠴᠠ ᠦᠵᠠᠪᠠᠯ | ᠴᠢᠨ᠋ᠸᠠ ᠦᠨᠠᠨᠳᠡᠭᠡᠨ ᠰᠣᠨᠢᠨ ᠵᠢᠭᠳᠡᠢ ᠠᠮᠢᠳᠡᠨ ᠪᠠᠶᠢᠳᠠᠭ ᠶᠣᠮ᠃ ᠲᠣᠷᠭᠤᠳᠴᠣᠳ ︽ᠴᠢᠨ᠋ᠸᠠ ᠲᠠᠢ ᠭᠠᠵᠠᠷ | ᠮᠠᠯ ᠢᠶᠠᠨ ᠬᠠᠷᠢᠭᠤᠯ᠂ ᠴᠢᠯᠠᠭᠤ ᠲᠠᠢ ᠪᠠᠭᠤᠷᠢ ᠳᠤ ᠭᠡᠷ ᠢᠶᠠᠨ ᠪᠠᠷᠢ︾ ᠭᠡᠵᠤ ᠭᠡᠯᠡᠳᠡᠭ ᠨᠢ ᠪᠠᠰᠠ ᠦᠨᠠᠨ ᠪᠣᠳᠡᠳᠦ | ᠶᠣᠰᠦ ᠣᠴᠢᠷ ᠲᠠᠢ ᠪᠠᠶᠢᠵᠦ ᠮᠡᠳᠡᠨᠠ᠃ | | | |