| | ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠤᠶᠤᠨ ᠤᠬᠠᠭᠠᠨ ᠤᠯᠠᠮ ᠬᠦᠭᠵᠢᠵᠤ ᠪᠤᠳᠤᠨ ᠲᠦᠰᠦᠭᠡᠯᠡᠬᠦ᠂ ᠰᠡᠳᠬᠢᠨ ᠵᠤᠬᠢᠶᠠᠬᠤ᠂ | ᠤᠷᠠᠯᠠᠨ ᠪᠦᠳᠦᠭᠡᠬᠦ ᠬᠡᠮᠵᠢᠶᠡᠨ ᠳᠤ ᠬᠦᠷᠦᠭᠰᠡᠨ ᠭᠤᠸᠠ ᠰᠠᠶᠢᠬᠠᠨ ᠤ ᠬᠦᠬᠡᠬᠡᠴᠡᠯᠳᠦᠯ ᠪᠤᠯ ᠬᠦᠮᠦᠨ ᠤ ᠤᠶᠤᠨ | ᠰᠠᠨᠠᠭᠠᠨ ᠤ ᠶᠡᠭᠡ ᠦᠰᠦᠷᠦᠯᠳᠡ ᠮᠥᠨ᠃ ᠠᠯᠠᠱᠠᠴᠤᠳ ᠲᠡᠤᠬᠡᠨ ᠠᠴᠠ ᠠᠪᠤᠭᠠᠳ ᠢᠰᠡᠭᠡᠢ ᠴᠠᠭᠠᠨ ᠭᠡᠷ ᠲᠡᠭᠡᠨ | ᠰᠠᠭᠤᠵᠤ᠂ ᠡᠩ ᠦᠭᠡᠢ ᠠᠭᠤᠳᠠᠮ ᠨᠤᠳᠤᠭ ᠲᠠᠭᠠᠨ ᠡᠷᠬᠡ ᠲᠤᠷᠠ ᠪᠠᠷ ᠢᠶᠠᠨ ᠨᠡᠬᠦᠳᠡᠯᠯᠡᠵᠤ᠂ ᠠᠭᠳᠠ ᠶᠢᠨ | ᠨᠢᠷᠤᠭᠤᠨ ᠳᠤ ᠲᠤᠷᠨᠢᠵᠤ ᠠᠳᠤᠭᠤ ᠮᠠᠯ ᠢᠶᠠᠨ ᠦᠰᠭᠡᠵᠤ᠂ ᠠᠶᠢᠷᠠᠭ ᠲᠠᠷᠠᠭ ᠢᠶᠠᠨ ᠤᠤᠭᠤᠨ ᠠᠵᠤ ᠲᠦᠷᠦᠵᠤ | ᠶᠠᠪᠤᠬᠤ ᠳᠠᠭᠠᠨ ︽ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ︾ ᠡᠬᠦᠰᠭᠡᠵᠤ᠂ ᠤᠪᠤᠭᠠ ᠨᠤᠳᠤᠭ ᠢᠶᠠᠨ ᠲᠠᠬᠢᠵᠤ᠂ ᠦᠯᠵᠡᠶᠢᠳᠤ | ᠨᠠᠶᠢᠷ ᠢᠶᠠᠨ ᠬᠢᠵᠤ᠂ ᠡᠷᠡ ᠴᠢᠳᠠᠯ ᠢᠶᠠᠨ ᠰᠢᠯᠭᠠᠵᠤ᠂ ᠡᠷᠳᠡᠮ ᠤᠬᠠᠭᠠᠨ ᠢᠶᠠᠨ ᠪᠠᠳᠠᠷᠠᠭᠤᠯᠵᠤ᠂ ᠤᠷᠠᠯᠢᠭ ᠰᠤᠶᠤᠯ ᠢ | ᠡᠬᠦᠳᠦᠨ ᠠᠪᠢᠶᠠᠰ ᠪᠢᠯᠢᠭ ᠢᠶᠠᠨ ᠠᠯᠳᠠᠨ ᠲᠡᠯᠡᠭᠡᠢ ᠳᠤ ᠲᠠᠭᠤᠷᠢᠰᠤᠭᠤᠯᠵᠤ᠂ ᠪᠠᠶᠠᠯᠢᠭ ᠠᠮᠢᠳᠤᠷᠠᠯ᠂ ᠪᠠᠭ᠋ᠠᠳᠤᠮᠠ | ᠰᠡᠳᠬᠢᠯᠭᠡ ᠲᠠᠢ᠂ ᠠᠭᠤᠯᠭᠠ ᠦᠷᠭᠡᠨ᠂ ᠤᠶᠤᠨ ᠰᠠᠨᠠᠭᠠ ᠲᠡᠬᠦᠰ ᠤᠯᠠᠨ ᠰᠠᠶᠢᠬᠠᠨ ᠲᠠᠭᠤᠤ ᠬᠦᠭᠵᠢᠮ᠂ | ᠪᠦᠵᠢᠭ ᠤᠨ ᠤᠷᠠᠯᠢᠭ ᠢ ᠡᠬᠦᠳᠦᠨ ᠪᠦᠳᠦᠭᠡᠵᠡᠢ᠃ | ᠨᠢᠭᠡᠳᠦᠭᠡᠷ ᠲᠤ᠂ ᠠᠯᠠᠱᠠ ᠠᠷᠠᠳ ᠤᠨ ᠤᠷᠳᠤ ᠶᠢᠨ ᠲᠠᠭᠤᠤ ᠶᠢᠨ ᠤᠨᠴᠠᠯᠢᠭ | ᠠᠷᠠᠳ ᠤᠨ ᠵᠦᠢᠷ ᠰᠡᠴᠡᠨ ᠦᠭᠡᠰ ᠲᠤ ︽ᠶᠠᠮᠠᠷ ᠭᠠᠵᠠᠷ ᠬᠦᠷᠪᠡᠯ ᠶᠠᠮᠠᠷ ᠭᠠᠵᠠᠷ ᠤᠨ ᠲᠠᠭᠤᠤ ᠶᠢ | ᠲᠠᠭᠤᠯᠠᠨᠠ︾ ᠭᠡᠵᠤ ᠪᠠᠶᠢᠳᠠᠭ᠃ ᠡᠶᠢᠮᠦ ᠠᠴᠠ ᠬᠦᠮᠦᠰ ᠶᠠᠮᠠᠷ ᠭᠠᠵᠠᠷ ᠬᠦᠷᠪᠡᠯ ᠲᠡᠷᠡ ᠭᠠᠵᠠᠷ ᠤᠨ ᠲᠠᠭᠤᠤ ᠶᠢ | ᠲᠠᠭᠤᠯᠠᠵᠤ᠂ ᠲᠡᠷᠡ ᠭᠠᠵᠠᠷ ᠤᠨ ᠶᠤᠰᠤ ᠶᠢ ᠲᠠᠭᠠᠬᠤ ᠠᠴᠠ ᠴᠢᠨᠠᠭᠰᠢ ᠨᠡᠩ ᠴᠢᠬᠤᠯᠠ ᠨᠢ ᠪᠠᠶᠢᠭᠠᠯᠢ ᠶᠢᠨ ᠤᠷᠴᠢᠨ | ᠲᠤᠭᠤᠷᠢᠨ᠂ ᠨᠤᠳᠤᠭ ᠤᠷᠤᠨ ᠤ ᠦᠩᠭᠡ ᠦᠵᠡᠮᠵᠢ᠂ ᠠᠷᠠᠳ ᠲᠦᠮᠡᠨ ᠤ ᠠᠵᠤ ᠠᠮᠢᠳᠤᠷᠠᠯ᠂ ᠤᠷᠤᠨ ᠰᠠᠭᠤᠴᠠ᠂ | ᠢᠳᠡᠭᠡᠨ ᠤᠮᠳᠠᠭᠠᠨ᠂ ᠵᠠᠩ ᠠᠷᠠᠨᠰᠢᠨ᠂ ᠬᠡᠪ ᠨᠠᠮᠪᠠ᠂ ᠨᠤᠳᠤᠭ ᠤᠨ ᠠᠶᠠᠯᠭᠤ ᠵᠡᠷᠭᠡ ᠲᠠᠯᠠ ᠶᠢ ᠠᠩᠬᠠᠷᠴᠤ | ᠦᠵᠡᠳᠡᠭ᠃ ᠠᠯᠠᠱᠠ ᠠᠷᠠᠳ ᠤᠨ ᠤᠷᠳᠤ ᠶᠢᠨ ᠲᠠᠭᠤᠤ ᠨᠢ ᠴᠦ ᠡᠳᠡᠭᠡᠷ ᠤᠨᠴᠠᠯᠢᠭ ᠢᠶᠠᠷ ᠲᠤᠪᠤᠶᠢᠮᠠ ᠪᠠᠶᠢᠳᠠᠭ᠃ | 1. ᠠᠯᠠᠱᠠ ᠠᠷᠠᠳ ᠤᠨ ᠤᠷᠳᠦ ᠶᠢᠨ ᠲᠠᠭᠤᠤ ᠶᠢᠨ ᠦᠭᠡ ᠦᠬᠦᠯᠡᠪᠦᠷᠢ ᠨᠢ ᠡᠪᠯᠡᠬᠦᠨ ᠡᠪᠳᠡᠢ᠂ ᠨᠢᠭᠡ | ᠮᠦᠷ ᠨᠢ ᠭᠤᠷᠪᠠᠨ ᠦᠰᠦᠭ ᠲᠠᠢ ᠲᠠᠭᠤᠤ ᠠᠷᠪᠢᠨ ᠪᠠᠶᠢᠳᠠᠭ ᠮᠦᠷᠳᠡᠭᠡᠨ ᠤᠳᠬᠠᠴᠢᠯᠠᠨ ᠲᠠᠪᠳᠠᠬᠤ ᠨᠢ ᠠᠷᠪᠢᠨ | ᠪᠠᠶᠢᠳᠠᠭ ᠤᠨᠴᠠᠯᠢᠭ ᠲᠠᠢ ᠪᠤᠯᠬᠤᠷ ᠴᠡᠭᠡᠵᠢᠯᠡᠬᠦ ᠳᠤ ᠠᠮᠠᠷᠬᠠᠨ᠃ ᠰᠤᠶᠤᠯ ᠦᠭᠡᠢ ᠬᠦᠮᠦᠨ ᠪᠤᠰᠤᠳ ᠤᠨ | ᠲᠠᠭᠤᠯᠠᠬᠤ ᠶᠢ ᠡᠬᠢᠨ ᠠᠴᠠ ᠨᠢ ᠲᠠᠭᠤᠰᠳᠠᠯᠠ ᠨᠢᠭᠡ ᠯᠡ ᠤᠳᠠᠭᠠ ᠰᠤᠨᠤᠰᠪᠠᠯ ᠴᠡᠭᠡᠵᠢᠯᠡᠭᠡᠳ ᠠᠪᠴᠢᠬᠠᠳᠠᠭ᠃ | ᠡᠶᠢᠮᠦ ᠠᠴᠠ ᠡᠳᠡᠭᠡᠷ ᠲᠠᠭᠤᠤ ᠨᠢ ᠰᠤᠷᠤᠭᠰᠠᠨ ᠬᠦᠮᠦᠨ ᠤᠯᠠᠨ᠂ ᠲᠠᠭᠤᠯᠠᠭᠰᠠᠨ ᠬᠦᠮᠦᠨ ᠤᠯᠠᠨ᠂ ᠲᠡᠯᠭᠡᠷᠡᠨ | ᠲᠦᠬᠡᠮᠡᠯᠵᠢᠬᠦ ᠪᠠᠷ ᠦᠷᠭᠡᠨ ᠤᠨᠴᠠᠯᠢᠭ ᠲᠠᠢ ᠪᠠᠶᠢᠳᠠᠭ᠃ ᠠᠯᠠᠱᠠ ᠠᠷᠠᠳ ᠤᠨ ᠤᠷᠳᠤ ᠶᠢᠨ ᠲᠠᠭᠤᠤ ᠶᠢᠨ ᠨᠢᠭᠡᠨ | ᠦᠨᠳᠦᠰᠦᠨ ᠤᠨᠴᠠᠯᠢᠭ ᠪᠤᠯ᠄ ᠲᠠᠭᠤᠯᠠᠬᠤ ᠳᠤ ᠠᠮᠠᠷᠬᠠᠨ᠂ ᠰᠤᠷᠬᠤ ᠳᠤ ᠠᠮᠠᠷᠬᠠᠨ᠂ ᠴᠡᠭᠡᠵᠢᠯᠡᠬᠦ ᠳᠤ ᠠᠮᠠᠷᠬᠠᠨ᠃ | ᠠᠯᠠᠱᠠ ᠳᠤ ᠢᠷᠡᠵᠤ ᠨᠤᠳᠤᠭᠯᠠᠬᠤ ᠠᠴᠠ ᠡᠮᠦᠨᠡ ᠬᠡᠴᠢᠨᠡᠬᠡᠨ ᠦᠶᠡ ᠪᠠᠷ ᠢᠶᠠᠨ ᠬᠡᠴᠢᠨᠡᠬᠡᠨ ᠲᠠᠭᠤᠤ ᠪᠠᠨ ᠬᠡᠬᠡᠵᠤ | ᠠᠯᠳᠠᠵᠤ ᠲᠠᠭᠤᠯᠠᠨ ᠰᠡᠷᠭᠦᠭᠡᠵᠤ ᠬᠠᠳᠠᠭᠠᠯᠠᠵᠤ ᠢᠷᠡᠭᠰᠡᠨ ᠢ ᠪᠤᠤ ᠮᠡᠳᠡ ᠡ᠃ ᠠᠯᠠᠱᠠ ᠳᠤ ᠢᠷᠡᠵᠤ | ᠨᠤᠳᠤᠭᠯᠠᠭᠰᠠᠨ ᠠᠴᠠ ᠦᠨᠦ ᠪᠤᠯᠳᠠᠯᠠ ︽ᠦᠩ ᠦᠷᠭᠡᠨ ᠠᠯᠠᠱᠠ︾ ᠪᠠᠷ ᠲᠦᠯᠦᠭᠡᠯᠡᠬᠦᠯᠦᠭᠰᠡᠨ ᠱᠠᠰᠳᠢᠷ ᠲᠠᠭᠤᠤ᠂ | ᠲᠦᠷᠦ ᠱᠠᠰᠢᠨ ᠤ ᠲᠠᠭᠤᠤ ᠵᠢᠴᠢ ᠠᠯᠠᠱᠠ ᠨᠤᠳᠤᠭ ᠤᠨ ᠭᠠᠵᠠᠷ ᠤᠰᠤᠨ ᠤ ᠨᠡᠷᠡ ᠲᠠᠢ ᠲᠠᠭᠤᠤ ᠨᠤᠭᠤᠳ ᠪᠤᠯ | ᠲᠡᠭᠡᠷᠡ ᠲᠤᠷᠠᠳᠤᠭᠰᠠᠨ ᠬᠠᠭᠤᠴᠢᠨ ᠲᠠᠭᠤᠤ ᠶᠢᠨ ᠦᠨᠳᠦᠰᠦᠨ ᠰᠠᠭᠤᠷᠢᠨ ᠲᠡᠭᠡᠷᠡ ᠵᠤᠬᠢᠶᠠᠭᠳᠠᠭᠰᠠᠨ | ᠲᠠᠭᠤᠤ ᠨᠤᠭᠤᠳ ᠪᠤᠯᠤᠨᠠ᠃ | 2. ᠠᠯᠠᠱᠠ ᠠᠷᠠᠳ ᠤᠨ ᠤᠷᠳᠦ ᠶᠢᠨ ᠲᠠᠭᠤᠤ ᠶᠢᠨ ᠦᠨᠳᠦᠰᠦᠨ ᠠᠶᠠᠯᠭᠤ ᠨᠢ ᠤᠷᠤᠨ ᠨᠤᠳᠤᠭ ᠤᠨ | ᠤᠨᠴᠠᠯᠢᠭ ᠢ ᠪᠦᠷᠢᠨ ᠪᠦᠳᠦᠨ ᠢᠶᠠᠷ ᠨᠢ᠂ ᠮᠥᠨ ᠴᠢᠨᠠᠷ ᠢ ᠨᠢ ᠢᠯᠡ ᠲᠤᠳᠤ᠂ ᠰᠡᠳᠬᠢᠯ ᠰᠠᠨᠠᠭᠠ ᠶᠢ ᠨᠢ ᠪᠦᠷᠢᠨ | ᠬᠦᠢᠴᠡᠳ ᠢᠯᠡᠳᠭᠡᠵᠤ ᠴᠢᠳᠠᠳᠠᠭ᠃ ᠬᠦᠮᠦᠰ ᠲᠠᠭᠤᠤ ᠪᠠᠨ ᠲᠠᠭᠤᠯᠠᠭᠠᠳ ᠰᠠᠨᠠᠭᠠ ᠰᠡᠳᠬᠢᠯ ᠲᠤᠭᠳᠤᠯᠬᠤ ᠪᠠᠷ | ᠤᠬᠢᠯᠠᠬᠤ ᠦᠵᠡᠭᠳᠡᠯ ᠦᠷᠬᠦᠯᠵᠢ ᠬᠠᠷᠠᠭᠳᠠᠳᠠᠭ᠃ ᠠᠯᠠᠱᠠ ᠠᠷᠠᠳ ᠤᠨ ᠤᠷᠳᠤ ᠶᠢᠨ ᠲᠠᠭᠤᠤ ᠶᠢᠨ ᠠᠶᠠᠯᠭᠤ ᠨᠢ | ᠦᠬᠡ ᠪᠠᠨ ᠨᠢᠳᠦᠨ ᠳᠤ ᠦᠵᠡᠭᠳᠡᠮᠡ ᠭᠠᠷ ᠲᠤ ᠪᠠᠷᠢᠭᠳᠠᠮᠠ ᠠᠮᠢᠯᠠᠭᠤᠯᠵᠤ ᠴᠢᠳᠠᠳᠠᠭ᠃ ᠨᠤᠭᠤᠯᠤᠭᠠ᠂ | ᠴᠠᠶᠢᠷᠠᠭᠤᠯᠭᠠ᠂ ᠦᠨᠳᠦᠷ ᠪᠤᠭᠤᠨᠢ ᠠᠮᠢᠰᠬᠤᠭᠠ ᠬᠡᠷᠡᠭᠯᠡᠵᠤ ᠴᠤᠤᠷᠢᠶᠠᠳᠤᠭᠤᠯᠬᠤ ᠠᠷᠭᠠ ᠮᠡᠷᠭᠡᠵᠢᠯ ᠪᠤᠯ ᠠᠯᠠᠱᠠ | ᠠᠷᠠᠳ ᠤᠨ ᠤᠷᠳᠤ ᠶᠢᠨ ᠲᠠᠭᠤᠤ ᠶᠢᠨ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠪᠠᠶᠢᠳᠠᠭ ᠤᠴᠢᠷ ᠠᠴᠠ ᠬᠦᠮᠦᠰ ᠲᠠᠭᠤᠤ ᠪᠠᠨ | ᠶᠡᠭᠡ ᠪᠠᠷ ᠬᠢᠮᠠᠭᠠᠳᠠᠵᠤ᠂ ᠬᠦᠨᠳᠦᠳᠭᠡᠵᠤ᠂ ᠲᠡᠭᠡᠳᠦᠯᠡᠵᠤ᠂ ᠲᠠᠭᠤᠯᠠᠵᠤ ᠢᠷᠡᠭᠰᠡᠨ ᠨᠢ ᠡᠨᠡ ᠪᠢᠯᠡ᠃ | 3. ᠠᠯᠠᠱᠠ ᠠᠷᠠᠳ ᠤᠨ ᠤᠷᠳᠤ ᠶᠢᠨ ᠲᠠᠭᠤᠤ ᠳᠤ ᠤᠶᠤᠨ ᠰᠠᠨᠠᠭᠠᠨ ᠤ ᠷᠢᠳᠢ ᠰᠢᠳᠢ ᠠᠭᠤᠯᠤᠭᠳᠠᠵᠤ | ᠪᠠᠶᠢᠳᠠᠭ᠃ ᠤᠷᠳᠦ ᠶᠢᠨ ᠲᠠᠭᠤᠤ ᠪᠠᠨ ᠲᠠᠭᠤᠯᠠᠪᠠᠯ ᠴᠤᠭ ᠵᠢᠪᠬᠤᠭᠠ ᠪᠠᠳᠠᠷᠠᠵᠤ ᠤᠷᠳᠦ ᠶᠢᠨ ᠲᠠᠭᠤᠤ ᠪᠠᠨ | ᠲᠠᠭᠤᠯᠠᠪᠠᠯ ᠬᠤᠯᠠ ᠤᠶᠢᠷᠠ ᠶᠢᠨ ᠵᠤᠴᠢᠨ ᠴᠤᠭᠯᠠᠷᠠᠨ ᠢᠷᠡᠵᠤ᠂ ᠬᠡᠳᠦᠭᠡᠨ ᠲᠠᠭᠤᠤ ᠲᠠᠭᠤᠯᠠᠭᠠᠳ ᠦᠤᠷ | ᠴᠠᠶᠢᠯᠭᠠᠴᠢᠬᠠᠳᠠᠭ᠃ ᠤᠷᠳᠦ ᠶᠢᠨ ᠲᠠᠭᠤᠤ ᠪᠠᠨ ᠲᠠᠭᠤᠯᠠᠪᠠᠯ ᠡᠩᠬᠡ ᠠᠮᠤᠭᠤᠯᠠᠩ᠂ ᠲᠠᠶᠢᠪᠤᠩ ᠲᠠᠶᠢᠪᠤᠭᠤ | ᠴᠢᠯᠦᠭᠡᠳᠡᠢ ᠤᠷᠴᠢᠨ ᠲᠤᠭᠤᠷᠢᠨ ᠢ ᠪᠤᠢ ᠪᠤᠯᠭᠠᠵᠤ ᠤᠶᠠᠭᠠᠨ ᠲᠡᠭᠡᠷᠡ ᠤᠨᠤᠭᠠᠨ ᠤ ᠲᠡᠮᠡᠭᠡ ᠡᠪᠰᠢᠶᠡᠵᠤ᠂ | ᠬᠤᠳᠠᠨ ᠳᠤ ᠬᠤᠨᠢᠳ ᠢᠷᠠᠭᠯᠠᠨ᠂ ᠨᠤᠬᠠᠶᠢᠳ ᠨᠦᠢᠷ ᠲᠠᠭᠠᠨ ᠤᠨᠳᠠᠨᠠ᠃ ᠤᠷᠳᠤ ᠶᠢᠨ ᠲᠠᠭᠤᠤ ᠦᠯᠡᠮᠵᠢ ᠪᠤᠶᠠᠨ᠂ | ᠦᠯᠵᠡᠢ ᠬᠡᠶᠢᠮᠤᠷᠢ᠂ ᠬᠤᠳᠤᠭ ᠬᠡᠰᠢᠭ᠂ ᠤᠯᠵᠠ ᠤᠮᠤᠭ ᠢ ᠰᠡᠷᠭᠦᠭᠡᠳᠡᠭ ᠷᠢᠳᠢ ᠰᠢᠳᠢ ᠲᠠᠢ ᠪᠢᠯᠡ᠃ | ᠬᠤᠶᠠᠳᠤᠭᠠᠷ ᠲᠤ᠂ ᠠᠯᠠᠱᠠ ᠠᠷᠠᠳ ᠤᠨ ᠲᠠᠭᠤᠤ ᠶᠢᠨ ᠬᠡᠪ | 1. ᠬᠦᠮᠦᠨ ᠤ ᠮᠥᠨ ᠴᠢᠨᠠᠷ ᠢ ᠢᠯᠡ ᠲᠤᠳᠤ ᠪᠤᠯᠭᠠᠨ ᠢᠯᠡᠳᠭᠡᠵᠤ ᠴᠢᠳᠠᠳᠠᠭ᠃ ᠠᠯᠠᠱᠠ | ᠮᠤᠩᠭᠤᠯᠴᠤᠳ ᠤᠨ ᠠᠵᠢᠯᠴᠢ ᠪᠤᠷᠤᠭᠵᠢᠭᠤᠨ ᠵᠠᠩ ᠰᠤᠷᠳᠠᠯ᠂ ᠤᠮᠤᠭ ᠲᠡᠬᠦᠯᠳᠡᠷ ᠰᠠᠨᠠᠭᠠ ᠰᠡᠳᠬᠢᠯᠭᠡ ᠶᠢ | ᠲᠤᠰᠬᠠᠨ ᠠᠪᠤ ᠡᠵᠢ ᠠᠬᠠᠰ ᠵᠠᠬᠠᠰ ᠢᠶᠠᠨ ᠬᠦᠨᠳᠦᠯᠡᠳᠡᠭ᠂ ᠵᠤᠴᠢᠨᠰᠠᠭ ᠴᠠᠶᠢᠯᠭᠠᠨ ᠶᠤᠰᠤ ᠮᠤᠷᠠᠯ᠂ ᠡᠯᠪᠡᠭ ᠬᠡᠬᠡᠨᠴᠢᠷ | ᠪᠡᠶᠡ ᠴᠤᠭᠴᠠᠰ᠂ ᠭᠠᠩᠭᠠᠩ ᠭᠤᠸᠠ ᠵᠢᠰᠦ ᠴᠢᠷᠠᠢ ᠶᠢ ᠪᠦᠷᠢᠨ ᠬᠦᠢᠴᠡᠳ ᠢᠯᠡᠳᠭᠡᠵᠤ᠂ ᠨᠠᠶᠢᠷ ᠡᠬᠢᠯᠡᠬᠦ ᠲᠠᠭᠤᠤ᠂ | ᠰᠢᠬᠦᠰᠦ ᠲᠠᠯᠪᠢᠬᠤ ᠲᠠᠭᠤᠤ᠂ ᠰᠡᠷᠬᠤᠳ ᠰᠡᠷᠬᠦᠭᠡᠬᠦ ᠲᠠᠭᠤᠤ᠂ ᠨᠠᠶᠢᠷ ᠰᠡᠷᠬᠦᠭᠡᠬᠦ ᠲᠠᠭᠤᠤ᠂ ᠬᠡᠶᠢᠴᠢᠨ | ᠮᠤᠷᠳᠠᠭᠤᠯᠬᠤ ᠲᠠᠭᠤᠤ᠂ ᠬᠤᠷᠢᠮ ᠤᠨ ᠲᠠᠭᠤᠤ᠂ ᠰᠠᠯᠭᠠᠭᠤᠳ ᠤᠨ ᠲᠠᠭᠤᠤ᠂ ᠬᠡᠤᠬᠡᠨ ᠮᠤᠷᠳᠠᠭᠤᠯᠬᠤ ᠲᠠᠭᠤᠤ᠂ | ᠨᠠᠶᠢᠷ ᠵᠠᠯᠭᠠᠬᠤ ᠲᠠᠭᠤᠤ ︵ᠲᠦᠷᠡᠯᠭᠡ︶ ᠨᠢ ᠲᠤᠰ ᠲᠤᠰ ᠤᠨ ᠬᠡᠪ ᠨᠠᠮᠪᠠ ᠪᠠᠷ ᠶᠤᠰᠤ ᠲᠠᠢ ᠵᠢᠷᠤᠮ ᠲᠠᠢ ᠪᠠᠶᠢᠵᠤ᠂ | ᠬᠦᠢᠴᠡᠳᠭᠡᠬᠦ ᠶᠤᠰᠤᠳᠠᠢ ᠵᠦᠢᠯ ᠢᠶᠠᠨ ᠲᠠᠭᠤᠤ ᠪᠠᠷ ᠢᠶᠠᠨ ᠬᠦᠢᠴᠡᠳᠭᠡᠵᠤ ᠴᠢᠳᠠᠳᠠᠭ᠃ | 2. ᠤᠷᠴᠢᠨ ᠠᠬᠤᠢ ᠬᠦᠮᠦᠨ ᠪᠠᠶᠢᠭᠠᠯᠢ ᠡᠶᠡᠳᠡᠨ ᠵᠤᠬᠢᠴᠠᠯᠳᠤᠵᠤ ᠪᠠᠶᠢᠳᠠᠭ᠃ ᠠᠯᠠᠱᠠ ᠮᠤᠩᠭᠤᠯᠴᠤᠳ ᠢ | ᠬᠦᠮᠦᠰ ᠲᠡᠭᠡᠳᠦ ᠮᠤᠩᠭᠤᠯ᠂ ᠴᠠᠰᠤᠳᠤ ᠮᠤᠩᠭᠤᠯ᠂ ᠤᠶᠢᠷᠠᠳ ᠮᠤᠩᠭᠤᠯ ᠭᠡᠵᠤ ᠶᠠᠷᠢᠳᠠᠭ᠃ ᠲᠠᠯᠠᠢ ᠶᠢᠨ | ᠲᠦᠪᠰᠢᠨ ᠠᠴᠠ ᠮᠢᠩᠭᠠ ᠨᠠᠢᠮᠠᠨ ᠵᠠᠭᠤ ᠠᠴᠠ ᠭᠤᠷᠪᠠᠨ ᠮᠢᠩᠭᠠᠨ ᠮᠧᠳ᠋ᠷ ᠡᠷᠬᠦᠭᠳᠡᠵᠤ ᠪᠠᠶᠢᠭᠠ ᠠᠯᠠᠱᠠ ᠶᠢᠨ | ᠦᠨᠳᠦᠷᠯᠢᠭ ᠲᠤ ᠲᠠᠭᠤᠯᠠᠭᠳᠠᠵᠤ ᠪᠠᠶᠢᠭᠠ ᠤᠷᠳᠦ ᠶᠢᠨ ᠲᠠᠭᠤᠤ ᠨᠢ ᠦᠨᠳᠦᠷ ᠬᠦᠭᠡ ᠲᠡᠭᠷᠢ ᠶᠢᠨ ᠬᠠᠶᠠᠭᠠ ᠳᠤ | ᠦᠳᠭᠡᠨ ᠴᠠᠭᠠᠨ ᠡᠬᠦᠯᠡᠨ ᠲᠡᠭᠡᠷᠡ ᠵᠤᠭᠰᠤᠵᠤ ᠬᠤᠯᠠ ᠶᠢᠨ ᠬᠤᠷᠸᠠ ᠳᠤ ᠲᠠᠭᠤᠤ ᠪᠠᠨ ᠬᠦᠷᠭᠡᠬᠦ ᠶᠢᠨ ᠲᠤᠳᠤᠭᠠᠳᠤ | ᠰᠡᠳᠬᠢᠯ ᠤᠨ ᠴᠡᠩᠭᠡᠷ ᠲᠤᠯᠬᠢᠶᠠᠨ ᠢ ᠡᠬᠦᠰᠭᠡᠵᠤ ᠪᠠᠶᠢᠳᠠᠭ ᠪᠢᠯᠡ᠂ ᠮᠤᠩᠭᠤᠯ ᠭᠡᠷ ᠤᠨ ᠲᠤᠭᠤᠨᠤ ᠪᠠᠷ ᠤᠷᠳᠦ ᠶᠢᠨ | ᠲᠠᠭᠤᠤ ᠠᠶᠢᠷᠠᠭ ᠰᠦ ᠶᠢᠨ ᠲᠡᠭᠡᠵᠢ ᠲᠠᠢ ᠤᠭᠳᠠᠷᠭᠤᠢ ᠳᠤ ᠰᠤᠭᠤᠨᠠᠭᠯᠠᠬᠤ ᠮᠡᠳᠦ ᠤᠷᠳᠦ ᠶᠢᠨ ᠤᠳᠬᠠ ᠰᠠᠨᠠᠭᠠ ᠶᠢ | ᠢᠯᠡᠳᠭᠡᠳᠡᠭ ᠪᠢᠯᠡ᠃ | 3. ᠠᠯᠠᠱᠠ ᠠᠷᠠᠳ ᠤᠨ ᠤᠷᠳᠦ ᠶᠢᠨ ᠲᠠᠭᠤᠤ᠂ ᠨᠤᠳᠤᠭ ᠤᠷᠤᠨ ᠤ ᠬᠡᠪ ᠨᠠᠮᠪᠠ ᠪᠠᠷ ᠤᠨᠴᠠᠭᠠᠢ ᠲᠤᠪᠤᠶᠢᠮᠠ | ᠪᠠᠶᠢᠳᠠᠭ᠃ ᠠᠯᠠᠱᠠ ᠤᠷᠳᠦ ᠶᠢᠨ ᠲᠠᠭᠤᠤ ᠶᠢᠨ ᠠᠶᠠᠯᠭᠤ ᠨᠢ ᠦᠩ ᠦᠷᠭᠡᠨ᠂ ᠲᠡᠨᠢᠭᠡᠷ ᠠᠭᠤᠳᠠᠮ ᠪᠠᠶᠢᠵᠤ᠂ | ᠡᠯᠡᠰᠦᠨ ᠴᠦᠯ᠂ ᠭᠤᠪᠢ ᠨᠤᠳᠤᠭ ᠤᠨ ᠤᠨᠴᠠᠯᠢᠭ ᠢ ᠬᠠᠳᠠᠭᠠᠯᠠᠵᠤ᠂ ᠮᠤᠩᠭᠤᠯ ᠬᠦᠮᠦᠨ ᠤ ᠰᠠᠨᠠᠭᠠ ᠰᠡᠳᠬᠢᠯ ᠢ | ᠢᠯᠡᠳᠭᠡᠨ᠂ ᠮᠤᠩᠭᠤᠯ ᠭᠡᠷ ᠤᠨ ᠲᠤᠳᠤᠷᠠᠬᠢ ᠠᠭᠤᠷ ᠠᠮᠢᠰᠬᠤᠯ ᠦᠨᠢᠷ ᠠᠩᠬᠢᠯᠦᠮᠡ ᠪᠠᠶᠢᠳᠠᠭ᠃ ᠠᠯᠠᠱᠠ ᠮᠤᠩᠭᠤᠯ | ᠬᠤᠪᠴᠠᠰᠤ ᠵᠠᠰᠠᠯ ᠲᠡᠷᠡ ᠴᠢᠭ ᠢᠶᠠᠷ ᠢᠶᠠᠨ ᠲᠤᠬᠢᠷᠠᠵᠤ᠂ ᠠᠯᠠᠱᠠ ᠱᠠᠯᠪᠤᠷ ᠪᠦᠭᠡ ᠶᠢᠨ ᠬᠦᠳᠡᠯᠦᠯ ᠪᠠᠷᠢᠯᠳᠤᠯᠭᠠ ᠨᠢ | ᠴᠦ ᠬᠦᠷᠳᠡᠯᠡ ᠤᠷᠳᠤ ᠶᠢᠨ ᠲᠠᠭᠤᠤ ᠶᠢᠨ ᠪᠤᠳᠠᠳᠤ ᠪᠡᠶᠡᠯᠡᠯ ᠪᠤᠯᠵᠤ ᠪᠠᠶᠢᠳᠠᠭ᠃ ᠲᠡᠮᠡᠭᠡᠨ ᠠᠯᠬᠤᠭᠠ᠂ ᠲᠡᠮᠡᠭᠡᠨ | ᠬᠦᠶᠤᠳᠡᠯ᠂ ᠠᠶᠠᠨ ᠤ ᠴᠦᠷᠭᠡᠯᠡᠭᠡ᠂ ᠠᠶᠠᠨ ᠤ ᠬᠤᠩᠬᠠ᠂ ᠢᠩᠭᠡᠨ ᠪᠤᠶᠢᠯᠠᠭᠠ᠂ ᠪᠤᠳᠤᠭᠤᠨ ᠪᠤᠶᠢᠯᠠᠭᠠ ᠵᠡᠷᠭᠡ | ᠦᠩᠭᠡ ᠪᠦᠷᠢ ᠶᠢᠨ ᠬᠦᠭ ᠠᠶᠢᠵᠠᠮ ᠠᠶᠠᠯᠭᠤ ᠪᠠᠷ ᠨᠢ ᠠᠯᠠᠱᠠ ᠠᠷᠠᠳ ᠤᠨ ᠤᠷᠳᠤ ᠶᠢᠨ ᠲᠠᠭᠤᠤ ᠠᠴᠠ ᠢᠯᠡ | ᠲᠤᠳᠤ ᠦᠵᠡᠭᠳᠡᠬᠦ ᠮᠦᠷᠳᠡᠭᠡᠨ ᠰᠤᠨᠤᠰᠳᠠᠳᠠᠭ ᠪᠢᠯᠡ᠃ ᠬᠦᠮᠦᠨ ᠤ ᠠᠮᠢᠳᠤᠷᠠᠯ ᠤᠨ ᠲᠦᠷᠦᠯᠬᠢ ᠵᠠᠩ ᠴᠢᠨᠠᠷ᠂ | ᠰᠡᠳᠬᠢᠯ ᠰᠠᠨᠠᠭᠠ ᠶᠢ ᠬᠦᠢᠴᠡᠳ ᠢᠯᠡᠳᠭᠡᠵᠤ᠂ ᠡᠵᠢ ᠠᠪᠤ ᠠᠴᠠ ᠪᠠᠨ ᠰᠠᠯᠵᠤ ᠠᠯᠤᠰ ᠬᠤᠯᠠ ᠶᠢᠨ ᠠᠶᠠᠨ | ᠲᠠᠶᠢᠨ ᠳᠤ ᠮᠤᠷᠳᠠᠭᠰᠠᠨ᠂ ᠬᠠᠷᠢ ᠳᠤ ᠮᠤᠷᠳᠠᠭᠰᠠᠨ᠂ ᠠᠨᠳᠠ ᠬᠤᠩᠭᠤᠷ ᠲᠦᠷᠦᠯ ᠰᠠᠳᠤᠨ᠂ ᠨᠤᠳᠤᠭ ᠤᠰᠤ ᠪᠠᠨ | ᠡᠷᠬᠢᠨ ᠲᠤᠷᠠᠰᠴᠤ᠂ ᠮᠦᠷᠦᠭᠡᠳᠦᠭᠰᠡᠨ ᠲᠠᠭᠤᠤ ᠨᠤᠭᠤᠳ ᠭᠤᠤᠯ ᠪᠠᠶᠢᠷᠢ ᠶᠢ ᠡᠵᠡᠯᠡᠵᠤ ᠪᠠᠶᠢᠳᠠᠭ ᠪᠠ ᠪᠤᠭᠳᠠ ᠡᠵᠡᠨ | ᠪᠤᠷᠬᠠᠨ ᠰᠠᠬᠢᠭᠤᠰᠤ᠂ ᠡᠵᠡᠨ ᠨᠤᠶᠠᠨ᠂ ᠡᠬᠡ ᠪᠠᠶᠢᠭᠠᠯᠢ᠂ ᠡᠷᠬᠡᠳᠦ ᠲᠡᠭᠷᠢ᠂ ᠭᠠᠵᠠᠷ ᠤᠰᠤᠨ ᠢ ᠵᠤᠬᠢᠴᠠᠩᠭᠤᠢ | ᠰᠠᠶᠢᠬᠠᠨ ᠲᠤᠪᠤᠶᠢᠯᠭᠠᠵᠤ ᠪᠠᠶᠢᠳᠠᠭ᠃ | ᠭᠤᠷᠪᠠᠳᠤᠭᠠᠷ ᠲᠤ᠂ ᠠᠯᠠᠱᠠ ᠠᠷᠠᠳ ᠤᠨ ᠤᠷᠳᠤ ᠶᠢᠨ ᠲᠠᠭᠤᠤ ᠶᠢᠨ ᠲᠦᠷᠦᠯ ᠵᠦᠢᠯ ᠤᠨ ᠲᠤᠬᠠᠢ | ᠠᠯᠠᠱᠠ ᠠᠷᠠᠳ ᠤᠨ ᠤᠷᠳᠦ ᠶᠢᠨ ᠲᠠᠭᠤᠤ ᠨᠢ ᠬᠠᠰᠢ ᠯᠠ ᠠᠯᠠᠱᠠ ᠬᠤᠱᠤᠳ ᠲᠠᠭᠤᠤ ᠪᠠᠷ ᠭᠤᠤᠯᠯᠠᠵᠤ | ᠰᠢᠨᠵᠢᠶᠠᠩ᠂ ᠬᠦᠬᠡᠨᠠᠭᠤᠷ᠂ ᠠᠯᠠᠱᠠ᠂ ᠬᠠᠯᠬᠠ᠂ ᠲᠤᠷᠭᠤᠳ᠂ ᠤᠷᠠᠳ᠂ ᠤᠷᠳᠦᠰ ᠵᠡᠷᠭᠡ ᠭᠤᠪᠢ ᠶᠢᠨ | ᠪᠠᠷᠠᠭᠤᠨᠳᠠᠬᠢ ᠭᠠᠵᠠᠷ ᠤᠨ ᠠᠷᠠᠳ ᠤᠨ ᠲᠠᠭᠤᠤ ᠨᠤᠭᠤᠳ ᠠᠭᠤᠰᠤᠯᠳᠤᠨ ᠰᠢᠩᠭᠡᠭᠰᠡᠨ ᠪᠠᠶᠢᠳᠠᠭ᠃ ᠤᠴᠢᠷ ᠨᠢ | ᠰᠢᠨᠵᠢᠶᠠᠩ ᠠᠴᠠ ᠢᠷᠡᠯᠳᠡ ᠲᠠᠢ ᠬᠤᠱᠤᠳ ᠠᠶᠢᠮᠠᠭ ᠤᠨ ᠲᠠᠭᠤᠤ ᠠᠯᠠᠱᠠ ᠳᠤ ᠲᠠᠭᠤᠯᠠᠭᠳᠠᠭᠰᠠᠭᠠᠷ ᠢᠷᠡᠭᠰᠡᠨ ᠶᠤᠮ᠃ | ᠬᠦᠬᠡᠨᠠᠭᠤᠷ ᠠᠴᠠ ᠢᠷᠡᠯᠳᠡ ᠲᠠᠢ ᠲᠡᠭᠡᠳᠦ ᠮᠤᠩᠭᠤᠯ ᠲᠠᠭᠤᠤ ᠠᠯᠠᠱᠠ ᠳᠤ ᠲᠠᠭᠤᠯᠠᠭᠳᠠᠭᠰᠠᠭᠠᠷ ᠢᠷᠡᠪᠡ᠃ ᠡᠬᠦᠨ ᠤ | ᠬᠠᠮᠳᠤ ᠲᠤᠷᠭᠤᠳ ᠠᠷᠠᠳ ᠤᠨ ᠤᠷᠳᠦ ᠶᠢᠨ ᠲᠠᠭᠤᠤ᠂ ᠬᠠᠯᠬᠠ ᠠᠷᠠᠳ ᠤᠨ ᠤᠷᠳᠦ ᠶᠢᠨ ᠲᠠᠭᠤᠤ ᠨᠢ ᠪᠦᠬᠦ᠋ᠢᠯᠡ | ᠠᠯᠠᠱᠠ ᠠᠷᠠᠳ ᠤᠨ ᠤᠷᠳᠤ ᠶᠢᠨ ᠲᠠᠭᠤᠤ ᠶᠢᠨ ᠭᠤᠤᠯ ᠴᠤᠭᠴᠠ ᠪᠦᠷᠢᠯᠳᠦᠬᠦᠨ ᠬᠡᠰᠡᠭ ᠪᠤᠯᠤᠨᠠ᠃ ᠡᠬᠦᠨ ᠠᠴᠠ | ᠭᠠᠳᠠᠨᠠ ᠬᠦᠷᠰᠢ ᠵᠡᠷᠭᠡᠯᠡᠳᠡᠭᠡ ᠬᠤᠰᠢᠭᠤ ᠠᠶᠢᠮᠠᠭ ᠯᠤᠭᠠ ᠶᠢᠨ ᠠᠷᠠᠳ ᠤᠨ ᠤᠷᠳᠤ ᠶᠢᠨ ᠲᠠᠭᠤᠤ ᠬᠠᠷᠢᠯᠴᠠᠨ | ᠨᠦᠯᠦᠭᠡᠯᠡᠵᠤ ᠨᠡᠯᠢᠶᠡᠳ ᠬᠡᠮᠵᠢᠶᠡᠨ ᠤ ᠤᠷᠠᠳ᠂ ᠤᠷᠳᠤᠰ ᠠᠷᠠᠳ ᠤᠨ ᠤᠷᠳᠦ ᠶᠢᠨ ᠲᠠᠭᠤᠤ ᠠᠯᠠᠱᠠ ᠳᠤ ᠬᠡᠳᠦᠨ | ᠦᠶᠡ ᠤᠨ ᠤᠳᠠᠭᠠᠨ ᠲᠠᠭᠤᠯᠠᠭᠳᠠᠭᠰᠠᠭᠠᠷ ᠢᠷᠡᠪᠡ᠃ ᠲᠡᠭᠡᠷᠡ ᠲᠤᠷᠠᠳᠤᠭᠰᠠᠨ ᠠᠯᠠᠱᠠ ᠤᠷᠳᠦ ᠶᠢᠨ | ᠲᠠᠭᠤᠤ ᠨᠤᠭᠤᠳ ᠢ ᠮᠠᠨ ᠤ ᠡᠪᠦᠭᠡ ᠲᠡᠭᠡᠳᠦᠰ ᠠᠴᠠ ᠦᠨᠦᠳᠦᠷ ᠪᠤᠯᠳᠠᠯᠠ ᠬᠡᠳᠦᠨ ᠵᠠᠭᠤᠨ ᠵᠢᠯ ᠬᠠᠮᠠᠭᠠᠯᠠᠵᠤ | ᠬᠦᠭᠵᠢᠬᠦᠯᠦᠭᠰᠡᠭᠡᠷ ᠦᠨᠦᠳᠦᠷ ᠪᠤᠯᠵᠡᠢ᠃ ᠠᠯᠠᠱᠠ ᠬᠤᠱᠤᠳ ᠠᠶᠢᠮᠠᠭ ᠰᠢᠨᠵᠢᠶᠠᠩ ᠬᠦᠬᠡᠨᠠᠭᠤᠷ ᠠᠴᠠ ᠲᠠᠭᠤᠯᠠᠵᠤ | ᠢᠷᠡᠭᠰᠡᠨ ᠲᠠᠭᠤᠤ ᠴᠦ ᠪᠤᠯᠤᠭ᠂ ᠠᠯᠠᠱᠠ ᠳᠤ ᠢᠷᠡᠵᠤ ᠰᠢᠨᠡ ᠪᠠᠷ ᠵᠤᠬᠢᠶᠠᠭᠳᠠᠭᠰᠠᠨ ᠲᠠᠭᠤᠤ ᠴᠦ ᠪᠤᠯᠤᠭ᠂ | ᠬᠦᠷᠰᠢ ᠵᠡᠷᠭᠡᠯᠡᠳᠡᠭᠡ ᠬᠤᠰᠢᠭᠤ ᠠᠶᠢᠮᠠᠭ ᠤᠨ ᠲᠠᠭᠤᠤ ᠴᠦ ᠪᠤᠯᠤᠭ ᠪᠦᠷ ᠮᠠᠨ ᠤ ᠭᠡᠷᠡᠯ ᠰᠠᠴᠤᠷᠠᠩᠭᠤᠢ ᠤᠳᠬᠠ | ᠰᠤᠶᠤᠯ ᠤᠨ ᠦᠪ ᠬᠦᠷᠦᠩᠭᠡ ᠮᠥᠨ᠃ ᠠᠯᠠᠱᠠᠴᠤᠳ ᠤᠷᠳᠦ ᠶᠢᠨ ᠲᠠᠭᠤᠤ ᠪᠠᠷ ᠢᠶᠠᠨ ᠨᠡᠷᠡ ᠠᠯᠳᠠᠷ ᠢᠶᠠᠨ | ᠮᠠᠨᠳᠤᠭᠤᠯᠵᠤ ᠪᠠᠶᠢᠭᠠ ᠶᠢᠨ ᠭᠤᠤᠯ ᠰᠢᠯᠳᠠᠭᠠᠨ ᠪᠤᠯ᠄ ᠨᠢᠭᠡ ᠳᠤ᠂ ᠠᠷᠠᠳ ᠤᠨ ᠲᠠᠭᠤᠤ ᠶᠢᠨ ᠦᠨᠳᠦᠰᠦᠨ ᠰᠠᠭᠤᠷᠢ | ᠬᠦᠨ ᠵᠤᠵᠠᠭᠠᠨ ᠪᠠᠶᠢᠳᠠᠭ ᠲᠤ ᠤᠷᠤᠰᠢᠨᠠ᠃ ᠲᠡᠭᠡᠷᠡ ᠵᠠᠭᠤᠨ ᠤ ᠲᠠᠪᠢᠭᠠᠳ ᠤᠨ ᠤ ᠰᠡᠬᠦᠯᠴᠢ ᠪᠤᠯᠳᠠᠯᠠ | ᠤᠷᠳᠦ ᠶᠢᠨ ᠲᠠᠭᠤᠤ ᠪᠦᠷᠢᠨ ᠪᠦᠳᠦᠨ ᠡᠷᠡᠬᠦᠯ ᠰᠠᠷᠠᠭᠤᠯ ᠢᠶᠠᠷ ᠲᠠᠭᠤᠯᠠᠭᠳᠠᠵᠤ ᠪᠠᠶᠢᠵᠡᠢ᠃ ᠬᠤᠶᠠᠷ ᠵᠠᠭᠤ ᠭᠠᠷᠤᠢ | ᠤᠷᠳᠦ ᠶᠢᠨ ᠲᠠᠭᠤᠤ ᠲᠠᠢ᠂ ᠲᠡᠭᠡᠷᠡ ᠨᠢ ᠦᠬᠡᠷᠡ ᠪᠤᠰᠤᠳ ᠰᠢᠨᠡ ᠲᠠᠭᠤᠤ᠂ ᠬᠤᠪᠢᠰᠬᠠᠯᠳᠤ ᠲᠠᠭᠤᠤ ᠶᠢ ᠨᠡᠮᠡᠭᠡᠳ | ᠭᠤᠷᠪᠠᠨ ᠵᠠᠭᠤᠨ ᠲᠠᠭᠤᠤ ᠲᠠᠢ ᠲᠠᠭᠤᠴᠢᠨ ᠠᠯᠠᠱᠠ ᠶᠢᠨ ᠭᠤᠴᠢᠨ ᠵᠢᠷᠭᠤᠭᠠᠨ ᠪᠠᠭ ᠲᠤ ᠯᠠᠮᠠ ᠬᠠᠷᠠ ᠨᠢᠭᠡ | ᠮᠢᠩᠭᠠ ᠶᠢ ᠲᠠᠪᠠᠵᠤ ᠪᠠᠶᠢᠵᠡᠢ᠃ ᠲᠡᠷᠡ ᠦᠶᠡ ᠳᠤ ᠵᠠᠯᠠᠭᠤ ᠨᠢᠭᠡ ᠦᠶᠡ ᠶᠢᠨ ᠬᠢᠨ ᠨᠢᠭᠡ ᠵᠠᠭᠤᠨ ᠲᠠᠭᠤᠤ ᠲᠠᠢ | ᠪᠤᠯᠪᠠᠯ ᠲᠠᠭᠤᠴᠢᠨ ᠳᠤ ᠲᠤᠭᠠᠴᠠᠭᠳᠠᠨᠠ ᠭᠡᠵᠤ ᠵᠠᠭᠤᠨ ᠲᠠᠭᠤᠤ ᠲᠠᠭᠤᠯᠠᠵᠤ ᠰᠤᠷᠬᠤ ᠪᠠᠷ ᠦᠢᠯᠡ ᠴᠢᠳᠠᠯ ᠢᠶᠠᠨ | ᠪᠠᠷᠠᠳᠠᠭ ᠪᠠᠶᠢᠵᠡᠢ᠃ ᠠᠯᠠᠱᠠ ᠨᠤᠳᠤᠭ ᠤᠷᠳᠦ ᠶᠢᠨ ᠲᠠᠭᠤᠤ ᠪᠠᠷ ᠠᠷᠪᠢᠨ᠂ ᠲᠠᠭᠤᠴᠢᠨ ᠠᠷᠪᠢᠨ᠂ ᠬᠦᠮᠦᠨ ᠪᠦᠬᠦᠨ | ᠵᠠᠭᠤ ᠠᠴᠠ ᠲᠡᠭᠡᠭᠰᠢ ᠲᠠᠭᠤᠤ ᠰᠤᠷᠴᠤ ᠲᠠᠭᠤᠴᠢᠨ ᠴᠤᠯᠠ ᠲᠠᠢ ᠪᠤᠯᠬᠤ ᠬᠦᠰᠡᠯᠡᠩ ᠲᠠᠢ ᠪᠤᠯᠬᠤᠷ ᠠᠯᠠᠱᠠ | ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠤᠷᠳᠤ ᠶᠢᠨ ᠲᠠᠭᠤᠤ ᠶᠢᠨ ᠨᠡᠶᠢᠬᠡᠮ ᠤᠨ ᠰᠠᠭᠤᠷᠢ ᠬᠦᠨ ᠵᠤᠵᠠᠭᠠᠨ ᠪᠠᠶᠢᠳᠠᠭ᠃ | ᠡᠶᠢᠮᠦ ᠠᠴᠠ ᠲᠡᠷᠡ ᠦᠶᠡ ᠶᠢᠨ ᠦᠯᠡᠳᠡᠭᠳᠡᠯ ᠨᠦᠯᠦᠭᠡ ᠤᠳᠤᠮᠰᠢᠯᠳᠦ ᠰᠤᠷᠳᠠᠯ ᠤᠳᠤ ᠪᠤᠯᠳᠠᠯᠠ | ᠬᠠᠳᠠᠭᠠᠯᠠᠭᠳᠠᠭᠰᠠᠭᠠᠷ ᠪᠤᠢ᠃ ᠬᠤᠶᠠᠷ ᠲᠤ᠂ ᠠᠯᠠᠱᠠ ᠮᠤᠩᠭᠤᠯᠴᠤᠳ ᠤᠷᠳᠦ ᠶᠢᠨ ᠲᠠᠭᠤᠤ ᠪᠠᠨ ᠬᠡᠶᠢᠮᠤᠷᠢ ᠰᠦᠯᠳᠡ | ᠂ ᠬᠡᠰᠢᠭ ᠪᠤᠶᠠᠨ᠂ ᠦᠯᠵᠡᠢ ᠬᠤᠳᠤᠭ᠂ ᠦᠯᠡᠮᠵᠢ ᠪᠤᠶᠠᠨ ᠤ ᠪᠡᠯᠭᠡ ᠲᠡᠮᠪᠡᠷᠢᠯ ᠢᠶᠠᠷ ᠦᠵᠡᠨ ᠨᠠᠨᠳᠢᠩᠨᠠᠵᠤ᠂ | ᠶᠠᠭᠤᠨ ᠤ ᠤᠷᠢᠳ ᠦᠯᠵᠡᠢ ᠪᠡᠯᠭᠡᠳᠦ ᠲᠠᠭᠤᠤ ᠪᠠᠨ ᠲᠠᠭᠤᠯᠠᠵᠤ ᠡᠬᠢᠯᠡᠭᠡᠳ ᠬᠡᠷᠡᠭ ᠶᠠᠪᠤᠳᠠᠯ ᠢᠶᠠᠨ ᠬᠦᠢᠴᠡᠳᠭᠡᠭᠡᠳ | ᠲᠠᠯᠠᠯᠭᠠ ᠬᠤᠷᠦ᠋ᠢᠯᠠᠭᠠ ᠪᠠᠨ ᠬᠤᠷᠦ᠋ᠢᠯᠠᠪᠠᠯ ᠬᠡᠷᠡᠭ ᠶᠠᠪᠤᠳᠠᠯ ᠰᠠᠨᠠᠭᠰᠠᠨ ᠶᠤᠰᠤ ᠪᠠᠷ ᠪᠡᠶᠡᠯᠡᠭᠳᠡᠬᠦ ᠨᠢ ᠲᠡᠷᠡ ᠡ᠃ | ᠡᠪᠦᠭᠡ ᠡᠮᠡᠭᠡ ᠪᠤᠯᠤᠭᠰᠠᠳ ᠦᠷᠡ ᠠᠴᠢ ᠨᠠᠷ ᠲᠠᠭᠠᠨ ᠲᠠᠭᠤᠤ ᠵᠢᠭᠠᠳᠠᠭ᠃ ᠤᠴᠢᠷ ᠨᠢ ᠡᠪᠦᠭᠡ ᠡᠮᠡᠭᠡ ᠶᠢᠨ | ᠲᠡᠷᠭᠡᠳᠡ ᠠᠴᠢ ᠵᠢᠭᠡ ᠤᠮᠪᠤᠯᠤ ᠨᠢ ᠦᠷᠬᠦᠯᠵᠢ ᠬᠠᠮᠳᠤ ᠪᠠᠶᠢᠳᠠᠭ ᠪᠤᠯᠬᠤᠷ ᠲᠠᠭᠤᠤ ᠰᠤᠷᠬᠤ ᠨᠦᠬᠦᠴᠡᠯ ᠲᠠᠢ ᠪᠢᠯᠡ᠃ | ᠡᠶᠢᠮᠦ ᠠᠴᠠ ᠤᠳᠤ ᠠᠷᠪᠢᠨ ᠲᠠᠭᠤᠴᠢᠳ ᠲᠡᠳᠡᠭᠡᠷ ᠲᠠᠭᠤᠤ ᠶᠢ ᠪᠢ ᠡᠪᠦᠭᠡ ᠠᠴᠠ ᠪᠠᠨ ᠰᠤᠷᠤᠭᠰᠠᠨ᠂ ᠡᠮᠡᠭᠡ | ᠵᠢᠭᠠᠵᠤ ᠦᠭᠬᠦᠭᠰᠡᠨ ᠭᠡᠳᠡᠭ ᠪᠢᠯᠡ᠃ ᠡᠪᠦᠭᠡ ᠡᠮᠡᠭᠡ ᠪᠤᠯᠤᠭᠰᠠᠳ ᠮᠡᠳᠡᠵᠤ ᠪᠠᠶᠢᠭᠠ ᠲᠠᠭᠤᠤ ᠪᠠᠨ ᠦᠯᠡᠳᠡᠭᠡᠯ | ᠦᠭᠡᠢ ᠦᠷᠡ ᠬᠤᠶᠢᠴᠢᠰ ᠲᠠᠭᠠᠨ ᠪᠦᠬᠦᠨ ᠢ ᠵᠢᠭᠠᠵᠤ ᠦᠭᠬᠦ ᠶᠢ ᠬᠦᠰᠡᠳᠡᠭ ᠪᠦᠭᠡᠳ ᠠᠴᠢ ᠵᠢᠴᠢ ᠨᠢ ᠰᠠᠶᠢᠬᠠᠨ | ᠰᠤᠷᠴᠤ ᠰᠠᠶᠢᠬᠠᠨ ᠲᠠᠭᠤᠯᠠᠪᠠᠯ ᠬᠡᠴᠢᠨᠡᠬᠡᠨ ᠶᠡᠭᠡ ᠪᠠᠶᠠᠷᠯᠠᠵᠤ ᠪᠠᠶᠢᠭᠠ ᠶᠢ ᠪᠤᠤ ᠮᠡᠳᠡ᠂ ᠪᠤᠰᠴᠤ ᠰᠠᠭᠤᠭᠠᠳ | ᠬᠡᠤᠬᠡᠳ ᠤᠳ ᠲᠠᠢ ᠪᠠᠨ ᠬᠠᠮᠳᠤ ᠰᠦᠨᠢ ᠲᠤᠵᠢ ᠨᠠᠶᠢᠷᠯᠠᠴᠢᠬᠠᠳᠠᠭ ᠴᠦ ᠪᠠᠶᠢᠭᠰᠠᠨ᠃ ᠭᠤᠷᠪᠠ ᠳᠤ᠂ ᠠᠷᠠᠳ ᠤᠨ | ᠲᠠᠭᠤᠤ ᠪᠠᠨ ᠬᠦᠭᠵᠢᠬᠦᠯᠦᠨ ᠲᠡᠯᠭᠡᠷᠡᠬᠦᠯᠬᠦ ᠶᠢᠨ ᠲᠦᠯᠦᠭᠡ ᠨᠡᠶᠢᠬᠡᠮ ᠤᠨ ᠡᠯᠡ ᠵᠦᠢᠯ ᠤᠨ ᠬᠡᠷᠡᠭᠴᠡᠭᠡ ᠳᠤ | ᠲᠤᠬᠢᠷᠠᠭᠤᠯᠤᠨ ᠦᠢᠯᠡᠴᠢᠯᠡᠬᠦᠯᠵᠤ ᠴᠢᠳᠠᠭᠰᠠᠨ ᠠᠴᠠ ᠤᠷᠳᠤ ᠶᠢᠨ ᠲᠠᠭᠤᠤ ᠵᠤᠬᠢᠬᠤ ᠪᠠᠶᠢᠷᠢ ᠰᠠᠭᠤᠷᠢ ᠲᠠᠢ ᠪᠤᠯᠵᠡᠢ᠃ | ᠠᠯᠠᠱᠠ ᠮᠤᠩᠭᠤᠯᠴᠤᠳ ᠬᠡᠳᠦᠨ ᠵᠠᠭᠤᠨ ᠵᠢᠯ ᠤᠨ ᠡᠮᠦᠨᠡ ᠠᠴᠠ ᠤᠷᠳᠦ ᠶᠢᠨ ᠲᠠᠭᠤᠤ ᠶᠢᠨ ᠠᠶᠠᠯᠭᠤ ᠳᠤ | ᠮᠠᠨᠢ ᠶᠢᠨ ᠵᠢᠷᠭᠤᠭᠠᠨ ᠦᠰᠦᠭ ᠢ ᠨᠠᠶᠢᠷᠠᠭᠤᠯᠤᠨ ᠵᠤᠬᠢᠶᠠᠵᠤ᠂ ᠵᠢᠯ ᠪᠦᠷᠢ ᠶᠢᠨ ᠵᠢᠷᠭᠤᠭᠠᠨ ᠰᠠᠷᠠ ᠳᠤ ᠡᠯᠡ ᠶᠡᠭᠡ | ᠪᠠᠭᠠ ᠰᠦᠮᠡ ᠶᠢᠨ ᠬᠤᠷᠠᠯ ᠡᠬᠢᠯᠡᠬᠦ ᠳᠤ ᠮᠠᠨᠢ ᠶᠢᠨ ᠵᠢᠷᠭᠤᠭᠠᠨ ᠦᠰᠦᠭ ᠢᠶᠠᠨ ᠤᠷᠳᠦ ᠶᠢᠨ ᠲᠠᠭᠤᠤ ᠶᠢᠨ ᠠᠶᠠ ᠪᠠᠷ | ᠲᠠᠭᠤᠯᠠᠵᠤ ᠮᠠᠨᠢ ᠶᠢᠨ ᠬᠤᠷᠠᠯ ᠢᠶᠠᠨ ᠡᠬᠢᠯᠡᠳᠡᠭ᠃ ᠪᠠᠰᠠ ᠠᠯᠠᠱᠠ ᠠᠷᠠᠳ ᠤᠨ ᠤᠷᠳᠦ ᠶᠢᠨ ᠲᠠᠭᠤᠤ ᠶᠢᠨ | ᠠᠶᠠᠯᠭᠤ ᠳᠤ ᠮᠠᠨᠢ ᠶᠢᠨ ᠮᠠᠭᠳᠠᠭᠠᠯ᠂ ᠽᠤᠩᠺᠠᠪᠠ ᠶᠢᠨ ᠮᠠᠭᠳᠠᠭᠠᠯ ᠪᠤᠶᠤ ᠠᠯᠠᠱᠠ ᠰᠠᠩ ᠵᠡᠷᠭᠡ ᠳᠤ ᠠᠶᠠ | ᠲᠠᠭᠠᠷᠠᠭᠤᠯᠤᠨ ᠵᠤᠬᠢᠶᠠᠵᠤ ᠲᠠᠭᠤᠯᠠᠵᠡᠢ᠃ ᠡᠬᠦᠨ ᠠᠴᠠ ᠭᠠᠳᠠᠨᠠ ᠤᠪᠤᠭᠠ ᠲᠠᠬᠢᠵᠤ ᠬᠤᠷᠠ ᠪᠤᠷᠤᠭᠠᠨ ᠤ ᠬᠡᠰᠢᠭ | ᠬᠤᠷᠦ᠋ᠢᠯᠠᠬᠤ ᠳᠤ ︽ᠦᠩ ᠦᠷᠭᠡᠨ ᠠᠯᠠᠱᠠ︾ ᠪᠠᠨ ᠲᠠᠭᠤᠯᠠᠵᠤ ᠬᠤᠷᠦ᠋ᠢᠯᠠᠳᠠᠭ ᠶᠤᠰᠤ ᠴᠦ ᠪᠤᠢ᠃ ᠠᠯᠠᠱᠠ | ᠮᠤᠩᠭᠤᠯᠴᠤᠳ ᠬᠠᠷᠢ ᠬᠤᠯᠠ ᠬᠦᠮᠦᠨ ᠤ ᠭᠠᠵᠠᠷ ᠤᠴᠢᠪᠠᠯ ᠨᠤᠳᠤᠭ ᠤᠨ ᠢᠶᠠᠨ ᠲᠠᠭᠤᠤ ᠶᠢ ᠲᠠᠭᠤᠯᠠᠵᠤ ᠨᠡᠷᠡ | ᠠᠯᠳᠠᠷ ᠢᠶᠠᠨ ᠮᠠᠨᠳᠤᠭᠤᠯᠵᠤ ᠶᠠᠪᠤᠳᠠᠭ᠃ ᠦᠩᠭᠡᠷᠡᠭᠰᠡᠨ ᠤ ᠠᠯᠠᠱᠠ ᠬᠤᠰᠢᠭᠤᠨ ᠳᠤ ᠠᠯᠠᠱᠠ ᠠᠷᠠᠳ ᠤᠨ | ᠤᠷᠳᠦ ᠶᠢᠨ ᠲᠠᠭᠤᠤ ᠪᠠᠨ ᠶᠡᠭᠡ ᠲᠡᠭᠡᠳᠦ ᠬᠡᠮᠵᠢᠶᠡᠨ ᠳᠤ ᠬᠦᠷᠳᠡᠯᠡ ᠬᠦᠨᠳᠦᠳᠭᠡᠨ ᠴᠢᠬᠤᠯᠠᠴᠢᠯᠠᠵᠤ ᠪᠠᠶᠢᠭᠰᠠᠨ | ᠪᠠᠶᠢᠨᠠ᠃ ᠠᠯᠠᠱᠠ ᠶᠢᠨ ᠬᠦᠳᠡᠭᠡ ᠨᠤᠳᠤᠭ ᠢᠶᠠᠷ ᠨᠤᠶᠠᠨ ᠤ ᠲᠠᠭᠤᠴᠢᠨ᠂ ᠬᠤᠰᠢᠭᠤ ᠲᠠᠭᠤᠴᠢᠨ ᠵᠡᠷᠭᠡ ᠨᠡᠷᠡ | ᠲᠦᠷᠦ ᠲᠠᠢ ᠲᠠᠭᠤᠴᠢᠳ ᠠᠷᠪᠢᠨ ᠴᠤᠯᠭᠤᠷᠠᠵᠤ ᠭᠠᠷᠴᠡᠢ᠃ ᠵᠢᠯ ᠪᠦᠷᠢ ᠶᠢᠨ ᠬᠤᠰᠢᠭᠤ ᠨᠠᠶᠢᠷ ᠲᠤ ᠪᠦᠬᠦ | ᠬᠤᠰᠢᠭᠤ ᠶᠢᠨ ᠡᠯᠡ ᠪᠠᠭ ᠠᠴᠠ ᠲᠠᠭᠤᠴᠢᠨ ᠲᠤᠮᠢᠯᠠᠵᠤ ᠬᠤᠰᠢᠭᠤ ᠨᠠᠶᠢᠷ ᠤᠨ ᠸᠠᠩ ᠤᠨ ᠤᠷᠳᠤᠨ ᠤ ᠪᠠᠶᠠᠷ | ᠴᠡᠩᠭᠡᠯ ᠢ ᠬᠦᠭᠵᠢᠭᠡᠳᠡᠭ ᠪᠠᠶᠢᠪᠠ᠃ ᠦᠩᠭᠡᠷᠡᠭᠰᠡᠨ ᠳᠤ ᠠᠯᠠᠱᠠ ᠬᠤᠰᠢᠭᠤᠨ ᠤ ᠬᠤᠰᠢᠭᠤ ᠨᠤᠶᠠᠨ ᠠᠴᠠ ᠬᠠᠷᠠ | ᠰᠢᠷᠠ ᠠᠷᠠᠳ ᠬᠦᠷᠳᠡᠯᠡ ᠤᠷᠳᠦ ᠶᠢᠨ ᠲᠠᠭᠤᠤ ᠳᠠᠭᠠᠨ ᠶᠡᠭᠡ ᠲᠤᠷᠠ ᠪᠠᠬᠠ ᠲᠠᠢ᠂ ᠬᠦᠷᠦᠭᠰᠡᠨ ᠰᠠᠭᠤᠭᠰᠠᠨ ᠭᠠᠵᠠᠷ | ᠪᠤᠯᠭᠠᠨ ᠳᠠᠭᠠᠨ ᠠᠶᠠᠯᠭᠤᠯᠠᠨ ᠲᠠᠭᠤᠯᠠᠳᠠᠭ ᠠᠵᠢ᠃ | ᠲᠦᠷᠪᠡᠳᠦᠭᠡᠷ ᠲᠤ᠂ ᠠᠯᠠᠱᠠ ᠠᠷᠠᠳ ᠤᠨ ᠤᠷᠳᠦ ᠶᠢᠨ ᠲᠠᠭᠤᠤ ᠶᠢ ᠲᠠᠭᠤᠯᠠᠬᠤ ᠦᠨᠳᠦᠰᠦᠨ ᠪᠠᠷᠢᠮᠵᠢᠶᠡ | ᠪᠤᠯᠤᠨ ᠲᠠᠭᠤᠯᠠᠬᠤ ᠠᠷᠭᠠ ᠱᠠᠭᠠᠷᠳᠠᠯᠭᠠ | 1. ᠠᠯᠠᠱᠠ ᠠᠷᠠᠳ ᠤᠨ ᠤᠷᠳᠦ ᠶᠢᠨ ᠲᠠᠭᠤᠤ ᠶᠢᠨ ᠦᠨᠳᠦᠰᠦᠨ ᠪᠠᠷᠢᠮᠵᠢᠶᠠ ᠠᠷᠭᠠ ᠨᠢ ᠪᠤᠯ ᠲᠠᠭᠤᠤ ᠶᠢᠨ | ᠠᠶᠠ ᠨᠢ ᠬᠤᠶᠠᠷ ᠮᠦᠷ ᠲᠠᠭᠤᠤ ᠶᠢᠨ ᠦᠬᠡ ᠪᠠᠷ ᠬᠢᠵᠠᠭᠠᠷᠯᠠᠭᠳᠠᠵᠤ ᠪᠠᠶᠢᠳᠠᠭ᠃ ᠡᠬᠢᠯᠡᠯᠳᠡ ᠶᠢᠨ ᠤᠳᠤᠷᠢᠳᠬᠠᠯ ᠤᠨ | ᠨᠠᠢᠮᠠᠨ ᠠᠶᠠ ᠪᠠᠷ ᠪᠦᠬᠦ ᠲᠠᠭᠤᠤ ᠪᠠᠨ ᠲᠠᠭᠤᠯᠠᠳᠠᠭ ᠶᠤᠮ᠃ ᠲᠠᠭᠤᠤ ᠶᠢᠨ ᠡᠬᠢᠨ᠂ ᠲᠤᠮᠳᠠ᠂ ᠠᠳᠠᠭ ᠲᠤ ᠠᠶᠠ | ᠬᠤᠪᠢᠷᠠᠬᠤ ᠶᠤᠰᠤ ᠦᠭᠡᠢ᠂ ᠦᠨᠳᠦᠷ ᠪᠤᠭᠤᠨᠢ ᠱᠠᠳᠤ ᠬᠤᠪᠢᠷᠠᠬᠤ ᠶᠤᠰᠤ ᠦᠭᠡᠢ᠃ ᠲᠠᠭᠤᠤ ᠪᠠᠨ ᠬᠢᠴᠢᠶᠡᠩᠬᠦᠢ | ᠲᠦᠪᠯᠡᠬᠦᠨ ᠪᠦᠭᠡᠳ ᠶᠡᠬᠡᠮᠰᠦᠭ᠂ ᠴᠢᠯᠦᠭᠡᠳᠡᠢ ᠶᠤᠰᠤᠷᠬᠠᠭ ᠨᠢᠮᠪᠠᠢ ᠲᠠᠭᠤᠯᠠᠳᠠᠭ ᠶᠤᠰᠤᠳᠠᠢ᠃ ᠠᠯᠠᠱᠠ ᠠᠷᠠᠳ ᠤᠨ | ᠤᠷᠳᠤ ᠶᠢᠨ ᠲᠠᠭᠤᠤ ᠶᠢ ᠲᠠᠭᠤᠯᠠᠬᠤ ᠬᠠᠮᠤᠭ ᠬᠠᠳᠠᠭᠤ ᠱᠠᠭᠠᠷᠳᠠᠯᠭᠠ ᠪᠤᠯ ᠶᠠᠭᠤᠨ ᠤ ᠤᠷᠢᠳ ᠠᠶᠠᠰ ᠢ ᠵᠦᠪ | ᠡᠬᠢᠯᠡᠵᠤ᠂ ᠠᠶᠠᠰ ᠢ ᠨᠢ ᠲᠤᠳᠤ ᠪᠦᠭᠡᠳ ᠦᠭᠡ ᠶᠢ ᠬᠦᠢᠴᠡᠳ ᠲᠠᠭᠤᠯᠠᠬᠤ᠂ ᠠᠮᠢᠰᠬᠤᠯ ᠬᠦᠢᠴᠡᠬᠦ ᠦᠭᠡᠢ ᠦᠶᠡ | ᠬᠠᠵᠠᠭᠤ ᠶᠢᠨ ᠬᠦᠮᠦᠨ ᠠᠴᠠ ᠵᠠᠯᠭᠠᠵᠤ ᠲᠠᠭᠤᠯᠠᠳᠠᠭ ᠠᠴᠠ ᠪᠢᠰᠢ ᠲᠠᠭᠤᠤ ᠪᠠᠨ ᠲᠠᠰᠤᠯᠳᠠᠭ ᠦᠭᠡᠢ ᠪᠢᠯᠡ᠃ | 2. ᠠᠯᠠᠱᠠ ᠠᠷᠠᠳ ᠤᠨ ᠤᠷᠳᠦ ᠶᠢᠨ ᠲᠠᠭᠤᠤ ᠶᠢ ᠲᠠᠭᠤᠯᠠᠬᠤ ᠦᠨᠳᠦᠰᠦᠨ ᠱᠠᠭᠠᠷᠳᠠᠯᠭᠠ᠄ ᠠᠯᠠᠱᠠ ᠨᠤᠳᠤᠭ ᠲᠤ | ᠬᠤᠷᠢᠮ ᠤᠨ ᠲᠠᠭᠤᠴᠢᠨ᠂ ᠬᠤᠷᠢᠮ ᠤᠨ ᠪᠡᠷᠭᠡᠨ ᠭᠡᠵᠤ ᠲᠤᠰᠬᠠᠢ ᠲᠠᠭᠤᠴᠢᠨ ᠵᠠᠯᠠᠳᠠᠭ᠃ ᠵᠠᠯᠠᠭᠳᠠᠭᠰᠠᠨ | ᠲᠠᠭᠤᠴᠢᠨ ᠳᠤ ᠠᠪᠴᠤ ᠬᠡᠯᠡᠪᠡᠯ ᠡᠨᠡ ᠡᠬᠦᠷᠭᠡ ᠶᠢ ᠪᠡᠶᠡᠯᠡᠬᠦᠯᠬᠦ ᠨᠢ ᠴᠤᠬᠤᠮ ᠴᠦ ᠬᠠᠳᠠᠭᠤ ᠠᠯᠪᠠ ᠪᠠᠶᠢᠳᠠᠭ᠃ | ᠬᠠᠷᠢ ᠶᠢᠨ ᠬᠦᠮᠦᠨ ᠤ ᠡᠮᠦᠨᠡ ᠶᠠᠭᠤᠨ ᠤ ᠤᠷᠢᠳ ᠲᠠᠭᠤᠤ ᠪᠠᠷ ᠢᠶᠠᠨ ᠨᠡᠷᠡ ᠪᠠᠨ ᠬᠠᠳᠠᠭᠠᠯᠠᠵᠤ ᠭᠠᠷᠤᠨᠠ᠃ | ᠬᠠᠷᠢ ᠶᠢᠨ ᠭᠠᠵᠠᠷ ᠤᠴᠢᠪᠠᠯ ᠮᠥᠨ ᠲᠠᠭᠤᠤ ᠪᠠᠷ ᠢᠶᠠᠨ ᠨᠡᠷᠡ ᠪᠠᠨ ᠠᠪᠴᠤ ᠭᠠᠷᠤᠨᠠ᠃ ᠬᠤᠷᠢᠮ ᠤᠨ ᠲᠠᠭᠤᠴᠢᠨ ᠤ | ᠱᠠᠭᠠᠷᠳᠠᠯᠭᠠ ᠬᠠᠮᠤᠭ ᠠᠴᠠ ᠦᠨᠳᠦᠷ ᠪᠠᠶᠢᠳᠠᠭ᠃ ᠰᠠᠶᠢᠬᠠᠨ ᠲᠠᠭᠤᠯᠠᠬᠤ᠂ ᠵᠦᠪ ᠲᠠᠭᠤᠯᠠᠬᠤ ᠨᠠᠭᠠᠳᠤ ᠵᠠᠬᠠ ᠶᠢᠨ | ᠬᠡᠷᠡᠭ᠂ ᠠᠶᠢᠯ ᠳᠤ ᠢᠷᠡᠭᠰᠡᠨ ᠠᠴᠠ ᠬᠤᠶᠢᠰᠢ ᠶᠤᠰᠤ ᠠᠯᠳᠠᠬᠤ ᠦᠭᠡᠢ ᠶᠢᠨ ᠲᠦᠯᠦᠭᠡ ᠶᠠᠪᠤᠨ ᠶᠠᠪᠤᠳᠠᠯᠠ | ᠲᠠᠭᠤᠯᠠᠭᠰᠠᠨ ᠲᠠᠭᠤᠤ ᠪᠠᠨ ᠲᠠᠪᠳᠠᠵᠤ ᠲᠠᠭᠤᠯᠠᠬᠤ ᠦᠭᠡᠢ ᠶᠢ ᠤᠨᠴᠠ ᠠᠩᠬᠠᠷᠳᠠᠭ᠃ ᠡᠨᠡ ᠮᠡᠳᠦ ᠶᠢᠨ ᠲᠠᠭᠤᠴᠢᠨ | ᠠᠯᠠᠱᠠ ᠶᠢᠨ ᠡᠯᠡ ᠭᠠᠵᠠᠷ ᠨᠤᠳᠤᠭ ᠲᠤ ᠪᠠᠶᠢᠬᠤ ᠯᠡ ᠪᠤᠶᠠᠨ᠃ ᠨᠢᠭᠡ ᠤᠷᠤᠢ ᠲᠦᠴᠢᠨ ᠲᠠᠭᠤᠤ ᠲᠠᠭᠤᠯᠠᠪᠠᠯ ᠨᠢᠭᠡ | ᠮᠡᠳᠡᠬᠦ ᠳᠤ ᠦᠷᠯᠦᠭᠡ ᠪᠤᠯᠴᠢᠬᠠᠳᠠᠭ᠃ ᠠᠷᠦ ᠬᠡᠷ ᠲᠡᠭᠡᠨ ᠰᠠᠭᠤᠭᠠ ᠦᠳᠡᠯᠦᠭᠡ ᠨᠠᠰᠤᠳᠠᠳ ᠨᠠᠶᠢᠷ ᠬᠤᠷᠢᠮ ᠤᠨ | ᠰᠠᠶᠢᠨ ᠰᠠᠶᠢᠬᠠᠨ ᠢ ᠰᠤᠷᠠᠭᠯᠠᠬᠤ ᠳᠠᠭᠠᠨ ᠬᠡᠨ ᠬᠡᠨ ᠬᠡᠳᠡᠭ ᠲᠠᠭᠤᠴᠢᠨ᠂ ᠶᠠᠮᠠᠷ ᠶᠠᠮᠠᠷ ᠲᠠᠭᠤᠤ ᠶᠢ ᠶᠠᠭᠠᠬᠢᠵᠤ | ᠲᠠᠭᠤᠯᠠᠵᠤ ᠪᠠᠶᠢᠬᠤ᠂ ᠶᠠᠮᠠᠷ ᠭᠠᠵᠠᠷ ᠨᠢ ᠶᠠᠭᠠᠬᠢᠵᠤ ᠲᠠᠭᠤᠯᠠᠵᠤ ᠪᠠᠶᠢᠬᠤ ᠶᠢ ᠤᠨᠴᠠ ᠶᠢᠨ ᠵᠠᠩᠬᠢ ᠪᠤᠯᠭᠠᠨ ᠯᠠᠪᠯᠠᠳᠠᠭ | ᠪᠢᠯᠡ᠃ | 3. ᠲᠠᠭᠤᠴᠢᠨ ᠪᠤᠯᠬᠤ ᠪᠤᠯᠪᠠᠰᠤᠷᠠᠯ᠄ ᠠᠯᠠᠱᠠ ᠠᠷᠠᠳ ᠤᠨ ᠤᠷᠳᠦ ᠶᠢᠨ ᠲᠠᠭᠤᠤ ᠶᠢ ᠦᠨᠡᠭᠡᠷ ᠦᠨᠳᠦᠷ | ᠲᠦᠪᠰᠢᠨ ᠢᠶᠠᠷ ᠲᠠᠭᠤᠯᠠᠬᠤ ᠠᠷᠭᠠ ᠪᠤᠯᠪᠠᠰᠤᠷᠠᠯ ᠢ ᠬᠦᠷᠳᠡᠮᠡᠨᠵᠢᠨ ᠰᠠᠶᠢ ᠵᠦᠪ ᠰᠠᠶᠢᠬᠠᠨ ᠲᠠᠭᠤᠯᠠᠵᠤ ᠴᠢᠳᠠᠳᠠᠭ᠃ | ᠶᠡᠷᠦ ᠶᠢᠨ ᠲᠦᠷᠦᠯᠬᠢ ᠰᠠᠶᠢᠬᠠᠨ ᠬᠤᠭᠤᠯᠠᠢ ᠲᠠᠢ ᠬᠡᠤᠬᠡᠳ ᠵᠠᠯᠠᠭᠤᠴᠤᠳ ᠭᠡᠳ ᠵᠠᠪᠠᠯ ᠨᠡᠯᠢᠶᠡᠳ ᠨᠡᠷᠡ ᠲᠠᠢ | ᠬᠠᠭᠤᠴᠢᠨ ᠲᠠᠭᠤᠴᠢᠨ ᠠᠴᠠ ᠬᠡᠳᠦᠨ ᠵᠢᠯ ᠨᠢᠮᠪᠠᠢ ᠬᠢᠴᠢᠶᠡᠩᠬᠦᠢ ᠪᠠᠷ ᠵᠢᠭᠠᠯᠭᠠᠵᠤ ᠰᠤᠷᠤᠭᠠᠳ ᠰᠠᠶ᠋ᠢ ᠭᠠᠶᠢᠭᠤᠢ | ᠰᠠᠶᠢᠬᠠᠨ ᠲᠠᠭᠤᠯᠠᠵᠤ ᠴᠢᠳᠠᠳᠠᠭ᠃ ᠰᠤᠷᠭᠠᠭᠤᠯᠢ ᠲᠠᠮᠵᠢᠭᠰᠠᠨ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠤᠨ ᠲᠠᠭᠤᠴᠢᠨ ᠭᠡᠳ ᠴᠦ | ᠨᠤᠳᠤᠭ ᠤᠷᠤᠨ ᠤ ᠠᠬᠠᠮᠠᠳ ᠠᠷᠠᠳ ᠤᠨ ᠲᠠᠭᠤᠴᠢᠨ ᠢᠶᠠᠷ ᠪᠠᠭᠰᠢ ᠪᠠᠷᠢᠵᠤ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠲᠠᠭᠤᠯᠠᠬᠤ ᠠᠷᠭᠠ | ᠲᠤᠷᠰᠢᠯᠭᠠ ᠶᠢ ᠰᠤᠷᠴᠤ ᠲᠡᠭᠡᠭᠰᠢᠯᠡᠬᠦᠯᠬᠦ ᠬᠡᠷᠡᠭᠳᠡᠢ ᠪᠠᠶᠢᠳᠠᠭ᠃ ᠤᠷᠳᠤ ᠶᠢᠨ ᠲᠠᠭᠤᠤ ᠶᠢ ᠲᠠᠭᠤᠯᠠᠬᠤ ᠳᠤ | ᠪᠤᠰᠤᠳ ᠠᠴᠠ ᠤᠨᠴᠠᠭᠠᠢ ᠱᠠᠭᠠᠷᠳᠠᠯᠭᠠ ᠭᠡᠪᠡᠯ ᠲᠠᠭᠤᠤ ᠪᠤᠯᠭᠠᠨ ᠤ ᠦᠩᠭᠡ ᠶᠢ ᠲᠠᠭᠤᠯᠠᠵᠤ ᠴᠢᠳᠠᠬᠤ ᠬᠡᠷᠡᠭᠳᠡᠢ᠃ | ᠲᠡᠭᠤᠤ ᠨᠢᠭᠡᠪᠦᠷᠢ ᠶᠢᠨ ᠦᠩᠬᠡ᠂ ᠠᠮᠳᠠ᠂ ᠰᠡᠳᠬᠢᠯᠭᠡ ᠨᠢ ᠲᠤᠰ ᠲᠤᠰ ᠤᠨᠴᠠᠯᠢᠭ ᠲᠠᠢ ᠪᠠᠶᠢᠳᠠᠭ᠃ ᠲᠠᠭᠤᠤ ᠪᠠᠨ | ᠲᠠᠭᠤᠯᠠᠬᠤ ᠳᠠᠭᠠᠨ ᠪᠠᠳᠠᠭ ᠪᠦᠬᠦᠨ ᠤ ᠨᠤᠭᠤᠯᠤᠭᠠ ᠴᠠᠶᠢᠷᠠᠭᠤᠯᠭᠠ ᠶᠢ ᠤᠶᠠᠩᠭᠠᠯᠬᠤ ᠳᠤ ᠬᠦᠴᠢᠷᠳᠡᠬᠦ ᠦᠭᠡᠢ | ᠪᠠᠶᠢᠬᠤ ᠬᠡᠷᠡᠭᠳᠡᠢ᠃ ᠨᠤᠭᠤᠯᠤᠭᠠ ᠴᠠᠶᠢᠷᠠᠭᠤᠯᠭᠠ ᠪᠤᠯ ᠬᠠᠮᠤᠭ ᠤᠨ ᠭᠤᠸᠠ ᠰᠠᠶᠢᠬᠠᠨ ᠰᠡᠳᠬᠢᠯᠭᠡ ᠶᠢ ᠲᠠᠭᠤᠯᠠᠵᠤ | ᠪᠠᠶᠢᠳᠠᠭ ᠪᠤᠯᠬᠤᠷ ᠲᠠᠭᠤᠤ ᠨᠢᠭᠡᠪᠤᠷᠢ ᠶᠢᠨ ᠭᠤᠤᠯ ᠤᠨᠴᠠᠯᠢᠭ᠂ ᠭᠤᠤᠯ ᠤᠷᠬᠢᠯ ᠨᠢ ᠪᠤᠯᠵᠤ ᠪᠠᠶᠢᠳᠠᠭ᠃ | ᠤᠷᠳᠤ ᠶᠢᠨ ᠲᠠᠭᠤᠤ ᠶᠢ ᠲᠠᠭᠤᠯᠠᠬᠤ ᠳᠤ ᠠᠮᠢᠰᠬᠤᠭᠠ ᠬᠡᠷᠡᠭᠯᠡᠬᠦ ᠶᠢ ᠤᠨᠴᠠ ᠪᠤᠯᠪᠠᠰᠤᠷᠠᠬᠤ ᠬᠡᠷᠡᠭᠳᠡᠢ ᠪᠠᠶᠢᠳᠠᠭ᠃ | ᠠᠮᠢᠰᠬᠤᠭᠠ ᠪᠤᠯ ᠲᠠᠭᠤᠤ ᠶᠢᠨ ᠠᠮᠢᠨ ᠰᠦᠨᠡᠰᠦ ᠮᠥᠨ᠃ | 4. ᠠᠯᠠᠱᠠ ᠠᠷᠠᠳ ᠤᠨ ᠤᠷᠳᠤ ᠶᠢᠨ ᠲᠠᠭᠤᠤ ᠶᠢᠨ ᠦᠭᠡ ᠦᠬᠦᠯᠡᠪᠦᠷᠢ ᠨᠢ ᠠᠷᠠᠳ ᠤᠨ ᠶᠠᠷᠢᠶᠠᠨ ᠤ ᠬᠡᠯᠡᠯᠭᠡ ᠪᠠᠷ | ᠰᠠᠭᠤᠷᠢ ᠪᠤᠯᠭᠠᠵᠤ ᠵᠤᠬᠢᠶᠠᠨ ᠪᠦᠳᠦᠭᠡᠭᠳᠡᠭᠰᠡᠨ ᠪᠠᠶᠢᠳᠠᠭ᠃ ᠤᠯᠠᠩᠬᠢ ᠳᠠᠭᠠᠨ ᠪᠠᠶᠢᠭᠠᠯᠢ ᠪᠤᠯᠤᠨ ᠬᠦᠮᠦᠨ ᠤ | ᠰᠡᠳᠬᠢᠯᠭᠡ᠂ ᠠᠮᠢᠳᠠᠨ ᠤᠷᠭᠤᠮᠠᠯ᠂ ᠠᠭᠤᠯᠠ ᠤᠰᠤ ᠪᠤᠯᠤᠨ ᠬᠦᠮᠦᠨ ᠤ ᠰᠡᠳᠬᠢᠯᠭᠡ ᠶᠢ ᠤᠳᠬᠠᠴᠢᠯᠠᠨ ᠬᠤᠯᠪᠤᠵᠤ᠂ | ᠲᠠᠪᠳᠠᠨ ᠨᠤᠷᠱᠤᠵᠤ ᠪᠠᠶᠢᠳᠠᠭ ᠪᠤᠯᠬᠤᠷ ᠲᠠᠭᠤᠯᠠᠬᠤ ᠳᠤ ᠲᠠᠭᠤᠤ ᠶᠢᠨ ᠦᠬᠡᠨ ᠳᠡᠭᠡᠨ ᠬᠦᠴᠢᠷᠳᠡᠳᠡᠭ ᠦᠭᠡᠢ | ᠮᠦᠷᠳᠡᠭᠡᠨ ᠲᠠᠭᠤᠤ ᠶᠢᠨ ᠢᠶᠠᠨ ᠤᠳᠬᠠ ᠰᠠᠨᠠᠭᠠ ᠶᠢ ᠬᠦᠢᠴᠡᠳ ᠲᠤᠪᠤᠶᠢᠯᠭᠠᠨ ᠢᠯᠡᠳᠭᠡᠵᠤ ᠴᠢᠳᠠᠳᠠᠭ᠃ | ᠲᠠᠭᠤᠤ ᠶᠢᠨ ᠦᠬᠡ ᠪᠠᠨ ᠲᠠᠭᠤᠯᠠᠬᠤ ᠪᠠᠷ ᠲᠠᠮᠵᠢᠨ ᠠᠮᠢᠯᠠᠭᠤᠯᠤᠨ ᠪᠤᠰᠬᠠᠵᠤ ᠤᠷᠠᠯᠢᠭ ᠤᠨ ᠦᠨᠳᠦᠷ ᠲᠦᠪᠰᠢᠨ ᠳᠤ | ᠬᠦᠷᠭᠡᠬᠦ ᠶᠢ ᠱᠠᠭᠠᠷᠳᠠᠳᠠᠭ᠃ ᠠᠯᠠᠱᠠ ᠠᠷᠠᠳ ᠤᠨ ᠤᠷᠳᠦ ᠶᠢᠨ ᠲᠠᠭᠤᠤ ᠶᠢ ᠲᠠᠭᠤᠯᠠᠬᠤ ᠳᠤ ᠠᠭᠠᠵᠢᠭᠤ ᠲᠠᠶᠢᠪᠤᠭᠤ᠂ | ᠴᠢᠯᠦᠭᠡᠳᠡᠢ ᠲᠠᠭᠤᠯᠠᠬᠤ ᠶᠢ ᠡᠷᠬᠢᠮᠯᠡᠳᠡᠭ᠃ ᠶᠠᠭᠠᠷᠠᠤ ᠰᠠᠨᠳᠤᠷᠠᠤ ᠤᠭᠵᠤᠮ ᠵᠤᠭᠰᠤᠬᠤ᠂ ᠪᠤᠰᠤᠳ ᠠᠴᠠ | ᠲᠡᠷᠢᠬᠦᠯᠡᠨ ᠲᠠᠭᠠᠷᠢᠬᠤ᠂ ᠲᠠᠭᠤᠤ ᠶᠢᠨ ᠦᠭᠡ ᠶᠢ ᠲᠤᠳᠠᠭᠤ ᠲᠠᠭᠤᠯᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠤᠷᠳᠦ ᠶᠢᠨ ᠲᠠᠭᠤᠤ ᠶᠢ | ᠭᠠᠭᠴᠠ ᠬᠦᠮᠦᠨ ᠤ ᠲᠠᠭᠤᠯᠠᠬᠤ ᠳᠤ ᠲᠦᠰᠢᠭᠯᠡᠵᠤ ᠪᠤᠯᠳᠠᠭ ᠦᠭᠡᠢ᠂ ᠤᠯᠠᠨ ᠢᠶᠠᠷ ᠢᠶᠠᠨ ᠡᠯᠬᠦᠵᠤ᠂ ᠡᠷᠬᠦᠵᠤ | ᠲᠠᠭᠤᠯᠠᠳᠠᠭ ᠶᠤᠰᠤ ᠲᠠᠢ᠃ ᠤᠷᠳᠦ ᠶᠢᠨ ᠲᠠᠭᠤᠤ ᠶᠢ ᠲᠠᠭᠤᠯᠠᠵᠤ ᠨᠠᠶᠢᠷᠯᠠᠬᠤ ᠳᠤ ᠵᠠᠪᠠᠯ ᠨᠢᠭᠡ ᠲᠠᠭᠤᠤ ᠪᠠᠨ | ᠲᠠᠭᠤᠯᠠᠵᠤ ᠪᠠᠶᠢᠭᠠᠳ ᠪᠦᠬᠦᠳᠡᠭᠡᠷ ᠢᠶᠠᠨ ︽ᠨᠠᠶᠢᠷᠯᠠᠨ ᠵᠠᠬᠢᠶᠠ︾ ᠶᠢ ᠲᠠᠭᠤᠯᠠᠳᠠᠭ ᠶᠤᠰᠤᠳᠠᠢ᠃ ᠡᠨᠡ ᠨᠢ ᠨᠠᠶᠢᠷ | ᠵᠠᠯᠭᠠᠬᠤ ᠲᠠᠭᠤᠤ ᠪᠤᠯᠤᠨᠠ᠃ ᠪᠠᠰᠠ ︽ᠲᠦᠷᠢᠯᠭᠡ︾ ᠭᠡᠳᠡᠭ᠃ ᠶᠠᠭᠤᠨ ᠳᠤ ᠨᠠᠶᠢᠷ ᠵᠠᠯᠭᠠᠬᠤ᠂ ᠨᠠᠶᠢᠷ ᠰᠡᠷᠬᠦᠭᠡᠬᠦ | ᠲᠠᠭᠤᠤ ᠭᠡᠵᠤ ᠶᠠᠷᠢᠳᠠᠭ ᠶᠤᠮ ᠭᠡᠪᠡᠯ᠂ ᠡᠮᠦᠨᠡ ᠲᠠᠭᠤᠤ ᠪᠠᠨ ᠲᠡᠬᠦᠰᠭᠡᠵᠤ᠂ ᠤᠯᠠᠨ ᠢᠶᠠᠷ ᠢᠶᠠᠨ ᠰᠡᠳᠬᠢᠯ | ᠰᠠᠨᠠᠭᠠ ᠪᠠᠨ ᠰᠤᠯᠠ ᠲᠠᠯᠪᠢᠨ ᠠᠮᠠᠷᠠᠨ ᠵᠠᠪᠰᠠᠷᠯᠠᠵᠤ ᠪᠠᠶᠢᠬᠤ ᠵᠠᠪ ᠵᠠᠭᠤᠷᠠ ᠲᠠᠷᠠᠭᠠ ᠲᠠᠭᠤᠤ ᠪᠠᠨ ᠡᠬᠢᠯᠡᠵᠤ | ᠲᠠᠭᠤᠯᠠᠳᠠᠭ ᠬᠦᠮᠦᠨ ᠳᠤ ᠪᠡᠯᠡᠳᠭᠡᠯ ᠤᠨ ᠴᠠᠭ ᠬᠠᠩᠭᠠᠵᠤ ᠪᠠᠶᠢᠭᠠ ᠶᠠᠪᠤᠳᠠᠯ ᠪᠤᠯᠤᠨᠠ᠃ ᠤᠷᠳᠤ ᠶᠢᠨ ᠲᠠᠭᠤᠤ ᠶᠢ | ᠲᠠᠭᠤᠯᠠᠬᠤ ᠳᠤ ︽ᠨᠠᠶᠢᠷᠯᠠᠨ ᠵᠠᠬᠢᠶᠠ︾ ᠲᠠᠭᠤᠯᠠᠬᠤ ᠦᠭᠡᠢ ᠪᠠᠶᠢᠵᠤ ᠪᠤᠯᠬᠤ ᠦᠭᠡᠢ᠂ ᠭᠡᠪᠡᠴᠤ ᠡᠨᠡ ᠨᠢ ᠶᠡᠭᠡ | ᠪᠠᠭᠠ ᠨᠠᠶᠢᠷ ᠤᠨ ᠲᠦᠯᠦᠭᠡ ᠦᠢᠯᠡᠴᠢᠯᠡᠳᠡᠭ ᠲᠠᠭᠤᠤ ᠪᠤᠯᠤᠨᠠ᠃ ᠠᠯᠠᠱᠠ ᠠᠷᠠᠳ ᠤᠨ ᠤᠷᠳᠤ ᠶᠢᠨ ᠲᠠᠭᠤᠤ ᠶᠢ | ᠶᠤᠰᠤ ᠲᠠᠢ ᠵᠢᠷᠤᠮ ᠲᠠᠢ ᠰᠠᠶᠢᠬᠠᠨ ᠲᠠᠭᠤᠯᠠᠵᠤ᠂ ᠰᠦᠰᠦᠭᠯᠡᠨ ᠰᠢᠳᠦᠵᠤ ᠪᠠᠶᠢᠳᠠᠭ ᠤᠴᠢᠷ ᠠᠴᠠ ᠵᠦᠪᠬᠡᠨ | ᠤᠷᠳᠦ ᠶᠢᠨ ᠲᠠᠭᠤᠤ ᠪᠤᠯᠭᠠᠨ ᠤ ᠶᠤᠰᠤ ᠪᠠᠷ ᠲᠠᠭᠤᠷᠢᠶᠠᠨ ᠲᠠᠭᠤᠯᠠᠵᠤ ᠪᠤᠯᠳᠠᠭ ᠦᠭᠡᠢ᠃ ᠨᠠᠭᠠᠳᠤ ᠵᠠᠬᠠ ᠳᠠᠭᠠᠨ | ᠦᠬᠡ ᠠᠶᠠᠯᠭᠤ ᠶᠢ ᠨᠢ ᠴᠦ ᠨᠡᠶᠢᠯᠡᠬᠦᠯᠵᠤ ᠴᠢᠳᠠᠬᠤ ᠦᠭᠡᠢ ᠲᠠᠭᠤᠷᠢᠶᠠᠨ ᠲᠠᠭᠤᠯᠠᠬᠤ᠂ ᠡᠯᠡᠭᠯᠡᠨ ᠲᠠᠭᠤᠯᠠᠬᠤ᠂ | ᠬᠡᠯᠡᠬᠡᠢ ᠬᠠᠵᠠᠭᠠᠢ ᠲᠠᠭᠤᠯᠠᠬᠤ ᠶᠢ ᠶᠡᠭᠡ ᠪᠠᠷ ᠴᠡᠭᠡᠷᠯᠡᠳᠡᠭ ᠪᠢᠯᠡ᠃ | ᠡᠷᠳᠡᠨᠢᠳᠠᠯᠠᠢ |